Tuesday 16 February 2010

الجلسة اتأجلت لـ2 مارس

ماحدش سألني يعني عملت ايه في الجلسة النهاردة؟
عقدت الجلسة واتكلم المحامين، ومحامين الحكومة طلبوا التأجيل والقاضي كان ح يأجل لشهر خمسة، قام محامي، قالوا لي اسمه ونسيته، انهار على المحكمة وقال لهم ده اسعاف، ما يحدث الان على المعبر جريمة، ح نسيب الناس تموت جوعا لشهر خمسة؟
قام القاضي أجلها لـ2 مارس، وحاول محامي الحكومة انه يعترض فهاجت القاعة وماجت والراجل سكت
---------
كلمت مركز هشام مبارك عشان اسماء وان شاء الله جلستها في محكمة حلوان الخميس 18 فبراير الساعة تسعة الصبح، سألت ايمان بدوي فين محكمة حلوان بالظبط (عشان هي ساكنة في حلوان) قالت لي جنب المترو!!! انا ح اسأل حد تاني ساكن في حلوان يكون بيعرف يروّح
ح تبقى الساعة تسعة الصبح ان شاء الله
----------
كورس السيناريو (الى جانب المرور اللي ما بيتحركش) خلاني اتأمل الناس.. تصدقوا فعلا احنا شعب خيالي وهروبي؟
الصيف دخل.. الصيف دخل... والناس مصممة تلبس الشتوي كنوع من انواع انها بتشتغل نفسها
وفعلا الستات خيالهم اوسع من الرجالة وعايشين فيه بيضحكوا على نفسهم، لقيت حوالي 6 رجالة في السكة خلاص لبسوا صيفي لأن الصيف دخل، بس اغلب الرجالة لسه لابسين شتوي.. لاننا شعب عاطفي بطبعه
اما الستات كلهم، بلا استثناء، بتلبس على اساس النتيجة المتعلقة على الباب، مش على ان الحرارة تلاتين
وجايبين شتوي جديد وح يلبسوه يعني ح يلبسوه، وكأن الحر ده (اللي خلى تكييف العربية ما يبردش من كتر السخونة) مجرد نوع من انواع الاستظراف علينا
بقيت نفسي اطلع راسي من الشباك واقول للستات اللي لابسين شتوي:
- لما يقول لك انت تستاهلي حد احسن مني يبقى بيخلع منك مش بيحبك وظروفه مش سامحة
- لما صاحبتك كل شوية تتصل بجوزك يبقى عايزة تعلقه منك مش زي اخوها وبتستشيره
- لما الحرارة تبقى تلاتين والشمس اورت راسك يبقى احنا في الصيف حتى لو كان شهر فبراير


12 comments:

wahat_alshohada said...

يوم الخميس 18 الساعة 9
معلش ههههه جنب المترو 5 دقائق مشى هحاول اجيب وصفة عن طريق الاتوستراد
هو المفروض الاتوستراد على طول و تدخلى من دخلة حدائق حلوان خليكى وراء الميكروباصات و عند شريط قطار قديم ماتدخليش من ناحية جامعة حلوان - ولو انها هتوصل برضو بس ادخلى الناحية التانية
لو بس تسمعى كلامى و تيجى فى المترو
هتسيبى العربية و تشترى المترو
:)
انا على فكرة هكتب مذكرات و يوميات عن المترو

مش فاهمه said...

عزيزتى نوارة
انا من هؤلاء الستات عقبال املتك اوض النوم على القد و الدواليب بالتالى حجمها صغير و علشان تطلعى الصيفى و تنزلى الشتوى باخد لى يومين علشان ازنق الحاجات فى بعض و ماتاخدش مكان كبير تقوم الطبيعه اذ فجأتن تيجى على سهوه و تخلى الصيف فى فبراير طيب اعمل ايه اجيب الصيفى منين دلوقتى وهو مليان نفتالين و عايز يتغسل و يتكوى و بعد شويه تضحك عليا و يجى لى الشتا تانى و افضل انا متبهدله بقه اطلع صيفى و انزل صيف لأ يبقى اتحر و الشمس تقور دماغى ولا اقعد انزل و اعغسل و اكوى و بعد كده اطلع تانى ما هو الدولاب يا يستحمل صيفى يا يستحمل شتوى و ماعنديش الدادا دودى تشيل و تحط معايا افهموها بقى

Wild at Heart said...

معلش سؤال رخم بس من غير ضرب:
هو الواحد ممكن لسه يعمل توكيل ولا خلاص؟

Early bird said...

انا بقى معنديش مشكله لان هدومى الصيفى هى هدومى الشتوى الفرق بس انى بألبس تىشيرت تخت هدومى الصيفى فى الشتاءاللى هو اصلا ماعدش شتا

Anonymous said...

Hey! Will you be covering the return of El Baradi on Friday?
I live abroad and will be relying on you guys (bloggers) to report on what really happened since I do not expect any credible reporting from Western as well as Egyptian news agencies.

عبد الزهراء المصري (علي الحسيني) said...

وأنا كمان يانوارة عايز اسألك بالضبط نفس سؤال الأخت الكريمة
Wild at Heart
هو الواحد ممكن لسه يعمل توكيل ولا خلاص؟
لأين الفترة اللي فاتت إنشغلت بإمتحاناتي ومنها خرجت على مصيبة مرض والدي وكنت عامل زي زبادي الخلاط .
-----------------
ياريت يانوارة تكتب لنا في البوست الجاي نوع التوكيل المطلوب ، وكيفية إرساله من الصعيد وإلى من سيتم إرساله .
"ماحدش يضحك على الصعايدة... أنا بقول لكم أهه"
ههههههههههههههههههههههههههههه

تقبلي تحياتي

Unknown said...

Nawara checkout this. u&ll like it

They drove the guy crazy

http://www.youtube.com/watch?v=WsdtafcbqrE&feature=popt00us01

شمس العصارى said...

انتى مش قلتى الساعة 10
على العموم احنا كنا مستنيين اخبارك

Anonymous said...

أيوة لسة ممكن تعمل توكيل

Anonymous said...

ممكن توصلي رسالة للاستاذة الكريمة "إيمان بدوي" انها تعمل مدونة او موقع خاص بها؟
اجد صعوبة شديدة في تتبع اخبارها و نشاطاتها حتي ظننت انها قد توقفت عن دعم القضية الفلسطينية
و جزاك الله خيرا
فلسطيني من مصر

wahat_alshohada said...

السلام عليكم يا فلسطينى من مصر
بارك الله فيك
وسألت عليك العافية
انا لازلت ارسل للمجموعات البريدية بشكل بسيط جدا و غير منتظم
لكن تواجدى الفعلى و الدائم
فى مكانى مع اخوانى وفى احب مكان
ومع احسن ناس
http://www.qaweim.com/vb/
وقد دعوت كل الاخوة للتواجد معنا هناك
لاننا نحتاج دعمكم و افكاركم
كما انى يأست و رفعت يدى عن مشاركة الناس و تفاعلها لانهم لا يشاركون تقريبا فى شئ
وبنتكلم و ننبح صوتنا
فى الهواء
لذلك قررت ان يكون مقرى الاساسى هنا
http://www.qaweim.com/vb/
ايمان بدوى

Anonymous said...

الله يكرمك و يوفقك يا استاذة ايمان بدوي و يبارك لنا في صحتك و عمرك ووقتك
ناس زي حضرتك بتخلي الواحد مكسوف من سلبيته
جزاك الله كل خير و اكثر من امثالك
فلسطيني من مصر