Thursday, 25 February 2010

اسماء ابراهيم براءة

والكلية حولت الدكتورة للتحقيق... وان شاء الله منه بقى على مستشفى الامراض العقلية، انا اول ما سمعت الموضوع بصراحة الحكاية على بعضها حسيت انها غريبة، ومالك مصطفى قال لي: يا نوارة مافيش حد في الدنيا غبي كده.. عشان الدكتورة تروح ترفع قضية لازم حصل حاجة، فقلت له انا مصدقة لحد ان الدكتورة كتبت اسم اسرائيل على فلسطين، ممكن تكون البنت شافت المنظر قامت بهدلتها لكن انا معاك ان الحكاية زي ما هي محكية غريبة قوي
ومن معجزات الزمن ان الحكاية الغريبة اللي احنا ما كناش مصدقينها طلعت مختصرة اختصار مخل، وطلعت الحكاية الاصلية اغرب واوسخ، الكتاب تأليف جوزها وهي كتبت على سيناء وفلسطين والاردن اسم اسرائيل وقالت عليها دولة عربية والاغرب ان البنت ما غلطتش فيها فعلا والاغرب والاغرب انها سقطت سبعين في المية من الدفعة والاغرب والاغرب والاغرب انها عملت محضر سب وقذف وهي عارفة ان الطلبة كلهم شهود على ان البنت ما عملتش حاجة 
يعني انا ومالك مصطفى احسنا الظن بيها جدا وطلعنا احنا اللي هبل.. او هي بقى فيه حاجة مش مظبوطة في مخها، يعني سيحت لروحها وفضحت نفسها ولو كانت اسماء هي اللي خدت القضية للاعلام وللا راحت عملت محضر كان ناس قالوا عليها عايزة تعمل بطلة، البنت ما عملتش حاجة، اعترضت وروحت بيتهم تتغدى عادي
معقولة الجنان اللي احنا عايشين فيه ده؟

12 comments:

ماجد العياطي said...

ومش معقوله ليه

كل ده مجرد تشهير لنفسها ان اللي هيعمل كده

جزاته كده

نعيب زماننا said...

ألف مبروك لأسماء و لكن الخبر فيه شق محزن
الموضوع كان بيد إدارة الجامعة أصلا, و قررت الجامعة حفظ التحقيق
ألابد لنا إذن من القتال و الكفاح و اللجوء للإعلام حتى نحصل على حقوقنا, و لا سبيل أخر لذلك
هل كان لابد أن تأخذ القضية بعدا شعبيا كي تعامل الدقطورة بما تستحق
لو كانت الجامعة عاملت هذه المرأة بما تستحق منذ البداية ما كانت هذه الطالبة تحولت لمتهمة في محكمة من الأصل, و لكن للأسف الوسائط و الظلم نخرت في أركان الجامعات المصرية و يكاد تنهد صروح العلم فوق رأس كل الطلاب المجدين المحترمين

شمس العصارى said...

مبروك لاسماء
و ياريت يتون فى جهة شعبية مستقلة تتصدى لمحاولة تزوير التاريخ
بس لعلمك الدكتورة دى و امثالها كتيير جدا فى الجامعات الى ميهمهمش غير الفلوس و الشهرة
بس للامانة المفروض السفارة الاسرائيلية تكرم الدكتورة و جوزها
نلتقى بعد التاريخ المزور

wahat_alshohada said...

عميدة كلية الاداب متواطئة مع ماجدة جمعة - ورفضت تسليم اوراق مطلوبة للمحامى بقرار محكمة- وبيحاولوا يغطوا على د ماجدة بس انا ابصم بالعشرة انهم فى ادارة الجامعة نفسهم يضربوها بالنار مش علشان ضدها و لا حاجة علشان مش عايزين وجع دماغ
النهاردة الامن كان واقف فى محطة المترو بكاثفة
اما امام المحكمة
كانوا قافلين الشارع و حاطين حواجز
وعشرات الضباط من ذوى الرتب الكبيرة
عدة لواءت و عمداء و ضباط كتير جدا و عساكر اكثر و مباحث اكتر واكتر
وحضر للتضامن مع اسماء كتير جدا من زملائها
شوية كدة و انزلكم الصور و الفيديو
اة و كان فيه مراسل اجنببى كمان

مدونة النسر المصرى said...

يــَـا مــنْ لـعـِـرْضـي هـَـتــَـكْ فـَـقــَـــــــدْتَ شرْعـِـيـَّـتــــــكـ
مـِــنْ رُبــْــع ِ قــــرْن ٍ كـَئِـيــــب ٍلـَعـَنـْـتـُهـــا طـَـلـْعـَـتــَـــكْ
أمــوَالـنـا لــكَ حل فاملأ بـِـهــَــــا جـُعـْـبـَـتــَــــــــــــــــكْ
خـَـلــْــفَ الـحـِـرَاســةِ دَوْمـــا ًمـُسـْتـَعـْـرضـــــــا ً قــُـوَّتــــكْ
تــُبـــدي مـَـظـَاهــِــرَ عــِــــــــز ٍتـُخـْـفــي بـِـهـــــا ذِلـَّـتــَـكْ
ســِــــلاحُ جـَـيـْـشــِــكَ دِرْع ٌتـَـحـْـمـِـي بــِـــهِ عـُصـْـبـَـتــــكْ

مدونة النسر المصرى said...

يــَـا مــنْ لـعـِـرْضـي هـَـتــَـكْ فـَـقــَـــــــدْتَ شرْعـِـيـَّـتــــــكـ
مـِــنْ رُبــْــع ِ قــــرْن ٍ كـَئِـيــــب ٍلـَعـَنـْـتـُهـــا طـَـلـْعـَـتــَـــكْ
أمــوَالـنـا لــكَ حل فاملأ بـِـهــَــــا جـُعـْـبـَـتــَــــــــــــــــكْ
خـَـلــْــفَ الـحـِـرَاســةِ دَوْمـــا ًمـُسـْتـَعـْـرضـــــــا ً قــُـوَّتــــكْ
تــُبـــدي مـَـظـَاهــِــرَ عــِــــــــز ٍتـُخـْـفــي بـِـهـــــا ذِلـَّـتــَـكْ
ســِــــلاحُ جـَـيـْـشــِــكَ دِرْع ٌتـَـحـْـمـِـي بــِـــهِ عـُصـْـبـَـتــــكْ

السلام عليكم said...

لا ده مش جنان هو ده اللى بقى الاصل الدكتوره شايفه ان كل حاجه فى البلد دى ماشيه على دماغها اما شافت بنت صغيره كده ماشيه على رجليها وتجرات ونطقت خافت ان الباقى يحاول يمشى على رجليه وقالت اخوفها حتى لا تتكرر المحاوله وهى متأكده ان مافيش حد هيغلطها لان كلهم ماشيين على دماغهم زيهاوهيخوفوه البنت معاها

كده بقى بقت فيه بارقه امل وان الناس ابتدت تفوق ويمكن يتعدلوا ويرجعوا تانى يمشوا على رجليهم زى خلقه ربنا

مهندس مصري said...

طيب كويس بالنسبة لأسماء
الحمد لله
أما نشوف الجامعة حتعاقب الدكتورة دي بإيه ؟
و العيال اللي سقطوا لازم يتعاد تصحيح ورقهم و يتلغي درجة السؤال بتاع اسرائيل دولة عربية ده

Anonymous said...

كل اناء بما فية ينضح". يبدو الضكطورة تعانى من امساك مزمن اثر على مخها, لو الجامعة ادتها شربة لمدة شهر ...يمكن حالتها تتحسن شوية حسن على

Dr.Online said...

الحمد لله و مبروك

اخيرا سمعنا خبر حلو

واحد معدي said...

هوانتي سألتي قبل كده نعمل معاها ايه؟ نعذبها ولا نعالجها؟ انا رأي نعذبها الاول وبعدين نشوف نعالجها ولا نعذبها تاني احسن.

حكاية مكررة..)* said...

عقبال ما تكون اسرائيل في صحراء نيفادا
صحراء نيفادا هو المكان المناسب لهم..وياريت في ذلك الوقت يخذوا معم ايتامهم من العرب .هم لو عملوا كذا محنا مستحملينهم اكثر من 60 سنه


.