Wednesday 3 February 2010

عشان تشوفوا بس مين اللي بيقف جنبنا في اوروبا والدول المتقدمة

حزب يساري فرنسي يرشح منقبة

7 comments:

soreal said...

كلمه السر يساري (:


بس ليش المقال عامل زي كأنو خبرين في بعض ؟

شمس العصارى said...

لالالالالالالالالالالا
و الف لا يا نوارة
عنوان البوست لا علاقة له بمضمون الخبر
الخبر يتحدث عن شأن فرنسى داخل المجتمع الفرنسى باقلياته بثقافتهم
لكن كيف لمثل هذا الحزب او لغيره من الغرب و اروبا ان يقف جنبنا
هل هو وقف مع منقبات مصر
هل هو اعلن انه ضد مبارك و نظامه سواء فى النقاب او غيره
اعتقد ان من يقرا العنوان ثم يقرأ الخبر سياتى فى مخيلته ان الفكر اليسارى معانا و يناصرنا
مثلا
و هل بوستك ده دعاية لليسار
بتمنى لو تعدلى البوست و تقولى ان ده شئ معنوى مهم لينا
نلتقى بعد وزير الهجرة الفرنسى

Unknown said...

هم مالهم ومال مبارك ومصر؟
هم الدادا بتاعتنا؟
شأن داخلي وهم واقفين جنب المضطهدين من المسلمين ودي حقيقة شئت ام ابيت اليسار بس هو اللي بيقف جنب المسلمين وللا انت ما تعرفش ان مسلمين دي بقت تهمة؟

شمس العصارى said...

اليسار بس هو الى بيقف جنب المسلمين
كلام مردود عليه
لا عارف ان مسلم دى تهمة
بس المناصرين للمضطهدين فى الدنمارك و هولندا و ايطاليا و انجلترا كل دول يسار و يسار فقط
وزير داخلية ايطاليا الى رفض اصدار قانون بمنع الحجاب فى ايطاليا يسارى و يسارى فقط
و بعدين انتى الى بتقولى واقفين جنبنا يبقى ازاى ترجعى و تقولى هما الدادة بتاعتنا
امال هما جنبنا ازاى يعنى

Unknown said...

بيقفوا جنب المسلمين الاوروبيين والامريكان مش هنا في مصر هم مالهم ومال مصر
هم فيهم نفس
واليسار اللي باقول لك عليه اسمه
far left
مش اليسار مجازا بتاع حزب العمال والحزب الديمقراطي
ولا طبعا مش كلهم يسار
فيه مثليين، فيه نسويين، فيه هومليس

هم دول اللي بيقفوا جنبنا
اللي عاجبه ع الكحل يتكحل اللي مش عاجبه يبطل بكا ونواح ويرحمنا بقى
ايه الالاطة دي

شمس العصارى said...

ما هو متحسسنيش انى غبى مثلا بعد ما اقرا البوست و اربط بين العنوان و الخبر
و بعدين انتى بتقولى جنبنا
طيب قولى جنب المسلمين فى اوروبا بس فى صدر البوست
" فيه مثليين، فيه نسويين، فيه هومليس" + اليسار = هما دول بس الى بيقوفوا جنب المسلمين هههههه
و هو انتى عاوزانا ناخد على قفانا و منقلش " اى " لا نبكى شوية و ننوح
و بعدين مش بحب الكل ده مش عاجبنى

Anonymous said...

يا شباب .. أنا بصراحه مش فاهم حكومتنا الموقره دي بتفكر ازاي

بعيد عن حكم الشرع في النقاب .. هو عاده ولا فضل ولا حتى فرض على رأي البعض

أنا شايف ان ده حريه شخصيه .. زي ما اللي بيمشو ببدي استوماك و ميني جيب في الشارع محدش بيعملهم حاجه .. اللي تلبس النقاب كمان من حقها .. هي حره في نفسها

و اللي يربي دقنه كمان من حقه .. هو حر في شعر وشه .. دي حاجه غريبه و الله .. ينفع يعني تيجي الحكومه تقول اللي مش هيحلق حواجبه هنوديه ورا الشمس ؟؟؟؟؟ طبعا لأ .. يبقا خلاص .. الدقن زي الحواجب ..

نيجي بقا لموضوع فرنسا .. لو الخبر صحيح يبقو هما عملو كده من باب الديمقراطيه و انهم بيحتمو علقهم و مش بيسمحو لزي الشخص انه يأثر على فكرتهم عنه .. المهم العقل و الأخلاق
ولا ايه؟؟؟؟؟؟

مشكوره على الخبر و معلش يا فندم اعذريني على اني رخمت و زورت المدونه من غير دعوه

و يا ريت ترخمي انتي كمان و تزوريني هنا

http://ra7alaat.blogspot.com/

شكرا ليكي :)