اللهم صلي ع النبي، اللهم صلي ع النبي، الله اكبر عليهم
الا هو مافيش حد بيفهم في البلد دي غير العمال.. احنا نولع في نفسنا ونسيب البلد للعمال يمكن يعرفوا يعملوا فيها حاجة
عايزة اعرف مين اللي بيعملهم الهتافات العميقة دي؟ في هتاف واحد بيلخصوا وبيحسموا كل الطنطنات بتاعة المثقفين والريبراريين والمطبعين وخلافه
"يا نظيف اصحى وفوق ح ترجع بينا لعصر فاروق"
لا نفع مع العمال غسيل مخ ولا مسلسلات فاشلة تأليف دكتورة ما فلحتش في الطب فقررت تتحفنا بانها تشرح دماغنا
9 comments:
برضه فاروق الأمس أرحم من فاروق اليوم
المرة الجاية يقولوا
يا نظيف اوعى تبوسني...وتعمل زي فاروق حسني
عصر فاروق مين ؟؟؟
دول قضوا على إنجازات عبد الناصر و إنجازات الأسرة العلوية و إنجازات المماليك
مصراوي- خاص- شهدت محافظة الجيزة يوم الاربعاء مشاجرتين بسبب أزمة أنابيب البوتاجاز أسفرت عن مصرع مواطن واصابة 9 آخرين.
ففي منطقة كرداسة أصيب 8 من الاهالى فى مشاجرة بالاسلحة النارية ، وتبين حدوث مشادة كلامية بين أحد العمال و صاحب المستودع بسبب أولوية الوقوف فى الطابور للحصول على أنابيب فتطورت الى مشاجرة بالاسلحة النارية إشترك فيها عدد من أقارب الطرفين .
وأسفرت المشاجرة عن إصابة 8 من الأهالى بجروح وسحجات و نقل المصابون الى
المستشفى فيما تولت النيابة التحقيق.
http://www.masrawy.com/News/Cases/General/2010/february/10/killed.aspx
ههههههه ثورة البوتجاز قادمة مع شعلة طنطا
وهم بقى عايزين عصر مين ان كان فاروق مش عاجبهم ولا السادات طبعا مع ان مافيش حد خربها قد عبد الناصر اللى عين على المصانع ضباط وامم كل حاجه لحد ما خربت وانتهى عصره بنكسه ووكسه غير الاعتقالات والاعدامات اللى بالجمله ومحاكم عسكريه بالجمله للمدنين من الاخوان بس ايه الخطب حماسيه بتلهلب وعلشان كده كانت وقعتنا شديدهواضح ان البلد دى محتاجه حكم من بره
و الله عصر فاروق كان احلى من عصر المسخر على الاقل كان فية تداول سلطة و انتخبات مجلس شعب ووفد و حرية صحافة
انا باقول البلد بلد العمال نسيبها لهم بدل ما احنا نازلين فتي
بيقولوا الثوره القادمه ثورة عمال
مسلسل فاروق كان حلو مش بطال يعني
و العمال في كل العصور مظلومين
يعنى خلاص البرجوازية الصغيرة حتتحالف مع العمال و الفلاحين لتكوين البرجوازية الكبيرة
تفتكرى كده و لا محتاجين خبراء سوفيت يشوفولنا الموضوع ده
ده كان الموجز للتريقة ليس الا
ايها السادة اليكم التفاصيل :
قال عمال قال
هما فين العمال دول
هو بقا فيه عمال اساسا
بعد ما الحزب القذر سيطر على النقابات و اهما نقابة العمال بقا فى صوت للعمال اساسا
بعد ما اخترقوا جبهة العمال و اشتروا كبراتها بالفلوس و المناصب بقا فى صوت للعمال
بعد ما ضربوا العمال فى بعض و الهوا الناس بالفلوس وبالاستثمار و برؤس الاموال و رجال الاعمال
بقا فى صوت للعمال
بعد ما بقا الى بحكم هو الى بيملك ورجال الاعمال بقوا يفصلوا قوانين ليهم بقا فى صوت للعمال
...نلتقى بعد الفاصل ....
ــــــــــــ
لازلت عند رايى الراديكالى
" الحل فى اليأسين "
كل واحد فى البلد دى يئس منها و قرر يموت او ينتحر ياخد واحد من اخوانا البعدة معاه
و يبقى كتر خيره لو اخد 2 او تلاته
نلتقى بعد اليسار
Post a Comment