Monday, 8 February 2010

مين عبد الله بدر ده بقى؟ ده طلع من السجن

تحديث:
وفيه اخ زعلان اني باقول معاتيه؟
امال دول ايه اللي يكتبوا عن سجنه وينوحوا ويألفوا قصص عبثية ولما الراجل يخرج من السجن ويقدم برنامج في قناة فضائية ما يجيبوش سيرة؟
عموما الف حمد الله على سلامته وكفارة
ناخد راحتنا بقى مدام طلع من السجن بالسلامة: طبيعي ان واحد دي دماغه ودي طريقة كلامه ودي افكاره وده اسلوبه يبقى تلامذته عمرهم العقلي اربع سنين وسبع شهور وما بيعرفوش يشتهجوا زاراعا
قال ازب عن ديني وعابث الوجه قال
--------
البوست بتاع عمرو خالد جاب جماهير كتير من ضمن الجماهير طارق على التويتر جاب لي فيديو لواحد بيشتم عمرو خالد قمت انا سألت على اسمه قام قالوا لي اسمه عبد الله بدر قام حد على التويتر قال لي ده محبوس قمت دورت محبوس ليه، لقيته مرمي في السجن بقاله اربع سنين ومش عارفة محبوس ليه، ومواقع السلفية عمالة تنزل خيالات واوهام وباينة قوي انها متفبركة
بس قالوا انه عشان خاطر رد على زكريا بطرس، وانا متخيلة ممكن يكون قال ايه؟ انا لسه ما سمعتش الفيديوهات دي لاني نازلة مستعجلة لما ارجع، بس متخيلة انه شتم لانه بيشتم كتير قوي، بس مافيش حد يتحبس اربع سنين عشان بيشتم... حرام
ومواقع السلفية بدل ما يكتبوا الكلام المعاتيهي ده 
المفروض كانوا يلفتوا النظر له عشان الناس تعمل له حملة بدل ما الراجل قدد في السجن، والمحامي بتاعه ممدوح اسماعيل بيدافع عنه متطوع، طب ممدوح اسماعيل ده لما اتقبض عليه راح جاب قناة الجزيرة، الراجل ده اربع سنين مرمي في السجن ولا نسمع عنه؟ ده اسمه كلام ده؟
انا عارفة ان الناس لما تسمعه ممكن شوية منهم يتضايقوا منه، لكن تضايق منه حاجة ويتحبس اربع سنين من غير ذنب ومن غير حكم قضائي دي حاجة تانية.. وبعدين الراجل واضح انه مش امن زي كتير من الشيوخ اللي مسميين نفسهم سلفية، مش بس عشان اتحبس، لان عادي ممكن الامن يقلب على واحد جنده ده وارد، بس عشان كمان هو في كذا فيديو بيقول انا صحيح اللي بيسمعوني قليلين بس..إلخ، يعني جمهوره مش كبير، وهو طريقته اقرب شوية لوجدي غنيم، يعني مش زي ثلاثي اضواء المسرح، ومش ح يعجبك كلامه من الاخر كده، بس مش مهم، ما يتحبسش برضه
ماحد يشوفه الراجل ده حرام، انا مش لاقية اي حاجة في منتديات السلفية بتقول انه خرج، اربع سنين كتير، كتير قوي، وطبعا بخلاف "انت تفعل دروس.... انا كنت لا مؤاخذة *** عن ديني... افعل لي قناة فضائية... فسكت الظابط وهو مبهم وعابث الوجه... " والهطل اللي مكتوب على المواقع والمنتديات دي، ما فعلوش نزلوا الاتهامات، ولا فعلوا قالوا لنا اذا كان فيه محاكمة وللا هم ناسيين الراجل كده وانا افعل قلبي مبهم وواجعني على الراجل لانه لم يفعل شال سلاح كل اللي فعله ان لسانه طويل، حد بيتحبس اربع سنين عشان لسانه طويل؟ حد من هشام مبارك وللا الشبكة العربية يفعل يروح يشوف التحقيقات وللا يشوف لنا الراجل ده ماله، ده مالوش صاحب ولا سند غير اللي بيفعلوا هبل في الجبل وحايسين ومبهمين ومش عارفين يفعلوا يتصرفوا وهم بسبب اللي اتفعل فيهم في التسعينات خوافين والظاهر خلعوا من الراجل، حد يفعل يصيح له وللا يعمل له حملة وللا اي نيلة الراجل نشف في السجن
وياريت ماحدش لما يسمع الراجل ويتضايق من كلامه يطنش ويقعد مبهم وعابث..
مهما كان كلامه مضايقني، بس دي حرية رأي، مصداقية البني ادم بقى تبان لما يفعل يدافع عن بني ادم هو مبهم من كلامه
هههههههههههه هم يضحك وهم يبكي، ربنا يفك يسجنه يارب
اه.. وماحدش يروح يجيب للراجل منتصر الزيات، منتصر ده متخصص اعدام لو رحت له في قضية كمبيالات ح يجب لك اعدام
------------
اسرائيل عدت بوارج من قناة السويس متجهة للبحر الاحمر
خلاص يا شباب.. معلش
كللللله يثثثثثثثثثثثثثبت بقى، احنا ح نشوف ايام صعبة جاية وربنا موجود
وهو يستر من عنده

17 comments:

السلام عليكم said...

يا نواره احب اسجل اعجابى بمدونتك وكتاباتك بصى اسمعى برامج عمرو خالد بالذات نلقىالاحبه برنامج يعرف الناس بالصحابه والصحابيات انا شخصيا وانا ابلغ من العمر ارزله لم اكن اسمع عنهم شيئا مع انى اعرف قصص حيات كل الممثلين والمغنين
وقصه حياه سيدنا موسى هتعجبك قوى من قصص الانبياء جت رمضان اللى فات

مش عارفه ان كان كلامى ده صح ولكنه بيطبق المقوله بتاعه انك علشان تتصدق على فقير لا تعطيه سمكه ولكن علمه الصيد

اما بالنسوبه للتمويل _على رايك _هو حد من اباطره الخليج اللى بيصرفوا علشان يتطاولوا فى البنيان اداله حاجه وقال لا

انا مش بعمم وبعدين اعتقد ان هذا الرجل لا يفرط فى ثوابته والا كان بقى مرحب بيه فى هذه البلد مش مطرود منها

السلام عليكم said...

انا عمرى ماسمعت عن عبد الله بدر ولكنى تقرفت بسماع زكريا بطرس حاجه كده لما تحبى ترجعى تسمعيه لما قرات البوست عنه فى الموقع اللى عندك اعتبرته مش كلام معاتيهى ولا حاجه ربنا يفك سجن الراجل ده

انا لا املك له الا الدعاء وربنا يوقف له ولاد الحلال اللى زيك

معلش مبعتش رساله واحده اصلى جديده فى الكار

نعيب زماننا said...

أنا كان الاسم ده عدى عليا بس مسمعتلوش
فدخلت على اليوتيوب بعد كلامك لأيت اتنين شبه بعض واحد على التلفزيون و كلامه منظم و محترم في حواره مع ناس مختلف معها و مفيهوش ريحة العيب الفيديوهات شكلها جديدة يعني تأريبا أفرجو عنه بس شعره شاب عندهم

http://www.youtube.com/watch?v=OIRBlY3EIvE
http://www.youtube.com/watch?v=aNhipKw6q4Q

و فيديوهات تانية أديمة مش ححطلها روابط عشان الذوق العام مش فاضل فيها غير أنه يشتم بالأم أو يسب الدين الفرق بين الطريقتين هو اللي خلاني أعلق الصراحة لأني لسه مذهول من فرق الأسلوب

و أعتقد هو ده الفيديو اللي سجنه, لأنه لو ماتسجنش عشانه يبأ لا يمكن يكون اتسجن اصلا
http://www.youtube.com/watch?v=5U7Duf5Zwt0&feature=related

ehabafndy said...

أيا كان الكلام ده صح و لا غلط فكلمه معاتيهى دى صعبه شويه فالحوار وارد إنه يكون حصل و وارد إنه يكون نخع منقدرش نجزم بحاجه و إلى خلاكى تصدقى إنه محبوس بقاله أربع سنين من غير محاكمه يخليكى تصدقى الحوار إلى مكتوب ده أه إيه المانع يعنى هوا إنتى يعنى كنتى شفتيه و هو محبوس و لا كله كلام على النت يعنى . كل حاجه وارده فى البلد دى إلى قادر على حاجه فيها بيعملها و ربنا يسترها علينا جميعا .

Anonymous said...

الدكتور عبدالله بدر خرج من السجن من
فترة طويلة وله برنامج على قناة الحافظ معرفش بيتذاع أمتى وعموما هو بطل يشتم بعد ما خرج من السجن يا نوارة

Anonymous said...

الدكتور عبدالله بدر خرج من السجن من
فترة طويلة وله برنامج على قناة الحافظ معرفش بيتذاع أمتى وعموما هو بطل يشتم بعد ما خرج من السجن يا نوارة

Anonymous said...

الدكتور عبدالله بدر خرج من السجن من فترة طويلة يا نوارة
وعلى فكرة هو له برنامج على قناة الحافظ بس معرفش بيتذاع أمتى

AhmAd Ragab said...

السلام عليكم

سؤال يا نواره بما إنك إنتي الصحفية اللي فينا و جايز تعرفي أكثر في موضوع المصادر الصحفية والكلام ده .... هل من الممكن إنه تكون مصادفة بريئه في نشر المصري اليوم ل"محضر التحقيقات" الخاص بقضية عمرها أكثر من ٣٥ سنه ... علما إن التحقيقات ده تمت بمعرفه نيابة أمن الدولة العليا ... و يتم النشر في نفس اليوم اللي يتم فيه القبض على مجموعة كبيره من أعضاء مكتب الإرشاد لجماعة الإخوان المسلمين؟؟

http://www.almasry-alyoum.com/article2.aspx?ArticleID=243291&IssueID=1675

و إلا مين صلاح عيسى ده؟؟

أحمد

السلام عليكم said...

هى بس قناه الناس مزعالكى فى ايه يا نواره

اسمعى الشيخ ده اسمه حازم صلاح ابو اسماعيل

كان مرشح نفسه فى انتخابات مجلس الشعب فى دائره الدقى ونجح لكن النتيجه اتزورت بعد ما اعلنت وفازت امال عثمان
http://www.youtube.com/watch?v=QvmzvstaSp0

حماده said...

المحترمة نوارة
كلمة معاتيه - إذا مش في محلها - هنحاسب هليها يوم القيامة!!!!!

كل كلامك عن إن السلفية تابعيين الأمن
محض افتراء
و ثبت عكسه بحبس الشيخ / عبدالله بدر
والشيخ وجدي غنيم ( مطلوب من الأمن ومشرد في بلاد العالم ) والشيخ حسن ابو الاشبال وكثير من مدرسة السلف بالإسكندرية مضيق عليهم أمنيا


يعني لازم يصتدموا مع النظام علشان يعجبوا حضرتك ؟؟؟؟؟؟؟؟؟؟؟؟؟

اسد الجيزة said...

الدكتور عبد الله بدر هو عالم من علماء الازهر الشريف ممكن غيرته علي الدين بتدفعة الي التجاوز الا انه عالم واتباعه ناس ناجحون في حياتهم المهنية والعلمية منهم الدكتور والمهندس وطالب الجامعة ومش معاتيه وبعدين احنا مبنتعصبشي لاشخاص الانسان يخطئ ويصيب وكل انسان ياخذ منه ويرد الا النبي صلي الله عليه وسلم احنا عارفين انكم بتهاجموا الناس ديه مش لشخصهم بتهجموهم لمنهجهم المنهج الي بيدعوا للتمسك بالكتاب والسنة ان كان التمسك بالكتاب والسنة تطرف فمرحي بهذا التطرف يقول النبي صلي الله عليه وسلم لاتزال طائفة من امتي قوامة علي امر الله لايضرهم من خالفهم ومن خذلهم حتي تقوم الساعة سنةالله الكونية ان يوجد في كل زمان اناس يدعون الي امر الله يهاجمون من شتي الاتجاهات دي ضريبة الهدي ودي الغربة الي قال عليها النبي صلي الله عليه وسلم بدأ الاسلام غريبا وسيعود غريبا فطوبي للغرباء وقدسئل النبي صلي الله عليه وسلم عن الغرباء قال هم النزاع من القبائل اي ان كل قبيلة تهاجم كل من يدعوا الي الهدي يحاربوا بدنيا بالتعسف والاعتقال وفكريا بجيش من الكتاب والصحفين وحديثا المدونين بس دي ضريبة الدعوة
.احسب الناس ان يتركوا سدي وهم لايفتنون نحن لا نخطئ في احد لانلتفت لاحد يخطء فينا نحن طلاب اخرة وسيتم النصر باذن الله للدعوة في الدنيا والدعاة سيجدوا مكافتهم في الاخرة وليس الدنيا في نقطة مساءلة ان الدعاة موالسين للحكومة زي ماحضرتك بتقولي فيه شيخ بيقول علي نفس الدعاة دول اسمه اسامة القوصي بيقول ان نفس الدعاة الي بتقولي عليهم موالسين بيقول انهم بيحرضوا الناس علي الثورة والتهييج ههه نقيضان تما ما في نقطة ياستاذة انا انسان كت متفوق في دراستي وناحج جدا في عملي وحياتي وناس كتيرة هما افضل مني ناجحين في حياتهم العملية ومش معاتيه ولا متخلفين ولا مخهم توقف عن النمو هما بس ربنا هداهم فضريبة الهدي انهم يتوصفوا كدة كله علي الله لا نرد الاساءة بالاساءة نردها بالحسني النبيصلي الله عليه وسلم وصي المؤمن ان يكون كالنخل اذا قذفوه بالحجارة يلقي لهم ثمار سلاما لكم ايها الموجهون لنا اقلامكم خناجر في ظهورنا اسف علي الازعاج

حماده said...

المحترمة نوارة
كلمة معاتيه - إذا مش في محلها - هنحاسب هليها يوم القيامة!!!!!

كل كلامك عن إن السلفية تابعيين الأمن
محض افتراء
و ثبت عكسه بحبس الشيخ / عبدالله بدر
والشيخ وجدي غنيم ( مطلوب من الأمن ومشرد في بلاد العالم ) والشيخ حسن ابو الاشبال وكثير من مدرسة السلف بالإسكندرية مضيق عليهم أمنيا


يعني لازم يصتدموا مع النظام علشان يعجبوا حضرتك ؟؟؟؟؟؟؟؟؟؟؟؟؟

مواطن مصري said...

عمرو أديب يجمع 50 مليون جنيه لمنكوبى السيول

يقدم برنامج "القاهرة اليوم" نموذجا للربط بين الإعلام والعمل الجماهيرى بهدف سد احتياجات المجتمع، وربما كانت كارثة السيول واحدة من المواقف التى كشفت عن الجهود غير الرسمية لتدارك أثار الأزمة،من خلال فتح حساب لتقديم التبرعات للمتضررين رقم34 - 20311550078 فى البنك الأهلى سوستيه جنرال فرع أسوان ، حيث تبنى الإعلامى عمرو أديب، حملة مكثفة على مدار عدة حلقات أسفرت عن جمع 50 مليون جنيه للمساهمة فى بناء مساكن ومنازل للمنكوبين.

ما فعله أديب، الذى نحسبه أيضاً فى "ميزان حسناته"، كما سيسجل فى "تاريخه المهنى"، سيجبرك على تشجيعه بل والتصفيق له، رغم اختلافك معه، إلا أن شجاعته المعهودة، وسباحته الجزئية عكس التيار دائماً ما تجنى ثمارها، وفى إطار دوره "الواعى" و"غير المنفضل" عن الجماهير، استطاع أديب أن يجبر الدكتور يوسف بطرس غالى وزير المالية الذى"لم يخرج جنيها من جيبه مسبقا" أن يضع أمام كل جنيه تبرع لبناء منازل لمتضررى السيول جنيها آخر من الميزانية، فيما تحول التبرع من تبرع بأموال نقدية ومواد غذائية إلى التبرع بمنزل، ووصل حجم تبرعات جمهور البرنامج لبناء منازل إلى 24 مليون جنيه ما يوازى حوالى 810 منازل، مما يعنى أن المالية ستدفع أيضا 24 مليون جنيه.

التبرعات انهمرت خلال حلقة مساء أمس من البرنامج كـ"السيل"، حيث أعلن نيازى سلام رئيس بنك الطعام، فى مداخلة هاتفية، ببناء 100 منزل من بنك الطعام و50 منزلا منه، كما تبرع الأمير طلال بن عبد العزيز بمليون جنيه ما يوازى بناء 33 منزلا، بالإضافة إلى 100 منزل من شركة "دلة" البركة لصاحبها الحاج صالح كامل، ومليون جنيه من المهندس حسين صبور، إلى جانب 100 منزل من منصور عامر صاحب مجموعة "عامر جروب"، و20 منزلا من موظفى فودافون ومثلهم من مجموعة السادات بالإضافة إلى 1000 أسطوانة غاز، ومليونى جنيه من شركة كريازى وريمون كريازى، فضلا عن 50 منزلا ومسجد من أحد المتبرعين الذى رفض الكشف عن اسمه، و50 منزلا آخر من مجموعة "درة"، و10 منازل من أبناء الفنانة شريهان وزوجها علاء الخواجة، و3 منازل أخرى من أبناء المطرب هشام عباس، و400 ألف جنيه من الفنان محمود عبد العزيز، ومنزلين من الفنان محمد صبحى، إلى أن تخطى عدد المنازل العدد المطلوب لإيواء متضررى السيول فى أسوان بفضل تبرعات جمهور البرنامج، حيث تعاون 3 مصريين على بناء منزل وتسارع أهل الخير من مصر والسعودية وقطر وسوريا على بناء المنازل حتى وصلت إلى 810 منازل.

كما تبرعت شركات أوليمبك ويونيفرسال وتوشيبا العربى وجولدى وكريازى بعدد من الأجهزة المنزلية تكفى لـ250 منزلا، كما تبرعت شركة نوفال بالآوانى المنزلية، وهايبر وان بالمعلبات.

مشيرا إلى أن تبرعات مدرسة أمريكان سيتى بلغت 150 ألف جنيه، فيما وصل البرنامج تبرع بـ200 طقم "أوكر" وطن أسمنت المنصورة، و600 نجفة من شركة "تيفى"، وتبرع بأثاث 100 منزل من شركة العالمية، و50 طن أسمنت من حمادة كار، بالإضافة إلى 30 متر سيراميك من شركتى الأمراء وروك، وتبرع بكافة الأسلاك من إحدى شركات الأسلاك التى رفضت الكشف عن اسمها، وألف مطبخ وثلاجة وغسالة من شركة إلكتروستار، وثلاثة آلاف جهاز من شركة "فريش"، واللوازم المعدنية لأكثر من 600 منزل من منير إبراهيم وأحمد فوزى، وكل الإكسسوارات اللازمة من المصنع الفنى للمعادن.

وعلى الجانب الآخر، استضاف البرنامج الاستشارى الهندسى المهندس ممدوح حمزة الذى أوضح أنه انتهى من دراسة مشروع بناء منازل لمتضررى السيول بأسوان، وعرض التصاميم الهندسية والشكل النهائى لهذه المنازل، موضحا أن المنازل التى تهدمت بفعل السيول كانت مبنية على مخرات رفيعة إلا أن هذا لم يكن السبب فى انهيارها، موضحا أن أسلوب البناء وهشاشة الحوائط والأسقف هى السبب الرئيسى فى كارثة أسوان، حيث استخدم المواطنون فى المنطقة المتضررة أحجار للبناء بدلا من استخدام الطوب، مما ترك تجويف بداخل الجدران وج
علها هشة وضعيفة

http://www.youm7.com/News.asp?NewsID=187165

lastcrazyboys said...

!!..شفتي دي بقى

شفتي دي



!!..ايه ده بقى

!!....هو احنا بقينــا "أشكّــاء " بجد ولا ايييييه
http://www.youtube.com/watch?v=3ZVO_LmsV3I

في الفيـــديو : بنــوتة بتســأل "أوبــامــا" : هو انت مش بتقــول انك مع "حموم " الانســان
أماااال ايه المســـاندة الدائمة للاعتداءات "المصــرية " ..والاسرائيلية على الفلسطينين ..العزل
ومن أموال دافعي الضرائب اللي زي حالاتشي

يادي الفضيــحة أم جلاجل ...يادي الجرسة "أم حناجل"
===
آه ..بالمناسبة طبعاً انا متضامن معاكي في قضية "عمر خالد" ضــد استخدام الدين
في تنفيــذ الاغراض الشخصيــة..و"تنفــيس" العقــد
!!!...المتراكمـة

"ولو إني مش من "دراويشــه

mido said...

أحمد رجب


فعلا انا اتفاجأت بالصحفى و الكاتب اصلاح عيسى بيفتح الموضوع القديم جدا ده فى الوقت اللى الاخوان فى ازمة و فى فتنة فى البلد


ربنا ياخده

ramy13 said...

نواره انا اللى قلتلك امبارح اسمه وقلتلك استشف انه دخل السجن طارق جاب الفيديو بتاع عمرو خالد بس

عبد الله said...

قال النبي صلي الله عليه و سلم
سيأتي على الناس سنوات خداعات ، يصدق فيها الكاذب ، و يكذب فيها الصادق ، و يؤتمن فيها الخائن ، و يخون الأمين ، و ينطق فيها الرويبضة . قيل : و ما الرويبضة ؟ قال : الرجل التافه يتكلم في أمر العامة
الراوي: أنس بن مالك و أبو هريرة المحدث: الألباني - المصدر: صحيح الجامع - الصفحة أو الرقم: 3650
خلاصة حكم المحدث: صحيح

ولا حول و لا قوة إلا بالله.

إتقوا الله ما استطعتم
و لا ترموا الناس بالباطل

و أعلمى انك مسئولة أمام الله عن كل كلمة و سُبة و كل لفظ صدر منك او من المعلقين عندك إلي اى إنسان.