Monday 1 February 2010

مجلس الشعب يوافق على قانون بيع الاثار المصرية

امي دي فيها شيء لله
فين زعيم الهجانة بقى؟ انا باتكلم بجد، فينه بقى؟ ح يسكت، انا بقى معاه في اي حاجة يعملها، وبجد المرة دي، ما بقاش الا كده بقى كمان
وعادي بقى قولوا عليا مجنونة، لكن انا متأكدة ان احمد عز وراه حاجة مش مظبوطة
انا متضايقة قوي، يعني انا ممكن أأجر اودة في الهرم الكبير ونروح انا والعيلة نتخنق فيها شوية؟
مش فاضل غير نبيع النيل

13 comments:

المهدى said...

المواطن ماينفعش يصاحب الحرامى دول عالمين مختلفين ما يختلطوش غير بجريمة
هى دى الكارثة حالة التوافق التى جعلت سى جمال وسى عيلاء فى معسكر واحد مع كل منكوبى هذا الوطن رغم أن الأصل أن ما يفرحهم يحزننا وما يحزنهم يفرحنا العالمين دول أختلطوا وشافهم بعبقرية داود عبد السيد أدى العالمين أختلطوا امبارح فى ماتش كورة وأدى الجريمة بتتنفذ النهاردة فى مجلس شعب ولنتحمل كل جرائم هذه الخلطة المحرمة
زمان كان فلان خان وفلان باع وفلان فرط وفلان تواطئ كل هذه الصفات لا تذكر الأن بل صار كل فلان من دول مختلف له وجهة نظر مختلفة حتى الخائن والحرامى يعيش المواطن والمخبر والحرامى ويسقط الوطن

Anonymous said...

بمناسبة بيع النيل بحيرة ناصر اتباعت فعلا، دولة ما مش فاكر اليابان وللا مين اشترت إنتاجها لسبع سنين قدام
يعني النيل بيتباع قطاعي مش جملة عشان ما نتخضش بس
مرحبا بك في مصر الجديدة :(
بس انا كل اللي خايف منه بجد: ما داهية لا نحس فجأة، اصل الواحد لما يتخيل نفسه من غير جلد ومرمي وسط مسامير لكن الإحساس متعطل عنده في المخ، وفجأة الاحساس المتعطل اشتغل وهو في الموقف المنيل ده، ح يحس بإيه..؟
ربنا يهون علينا

taima said...

ما في شك في كلام السيده الوالده طول اليوم بفكر بكلامها وكنت بسال يا ترى قالت يبيعوا ابو الهول ليه كانت حاسه بشو ازا عرف السبب بطل العجب انت في بلاد العرب .ربنا يحمي مصر من كل شر يا رب

سواحة said...

هو قرارات مجلس الشعب المصيرية مرتبطة بماتشات الكورة المهمة ؟؟
مش عندك برضه قرأت انهم مرور رفع الدعم اثناء مشكلتنا مع الجزائر فى تاهيل لكاس العالم؟
و دلوقتى قانون الاثار؟
هما بيعدوا الايدين المرفوعة للنواب و هما بيتفرجوا على الماتش على انها موافقة؟؟
حنخاف من الماتشات ده بعدين :-((((

mUsLiM said...

ازاى قانون يبيح بيع الآثار !!

الخبر بالنسبالى منقوص ومجهل وغير واضح

وهل القانون يبيح ذلك للأفراد أم للدولة ؟

وكيف يكون ذلك أصلا وهناك مواد عقابية منصوص عليها قانونا فى هذا الصدد

فهل تم إلغاء هذه المواد أم ماذا ؟


الحقيقة الخبر يحتاج إلى كثير تفصيل ويجب ألا يطلق الكلام عن مثل هذه المواضيع بهذا الشكل العام دون تفصيل

والله المستعان

السلام عليكم

Anonymous said...

طيب استنى كده يمكن مااقعش
لا انا اموت احسن
هو فى كده
هى الناس دى بيجرى فى عروقها ايه

lastcrazyboys said...

!!..بعـــت البــــيت يا حســـــني

بعـــت البيــــت اللي بنـــيته
...أنا وأبــــوك

بعــــت البيـــت اللي كـــل حجـــر منه ...خـــد راق من
!!..كتـــفي ..وكــتف أبــــوك

حسن مدني said...

ما تقلقيش على بيع النيل

لا أحد يستطيع بيع النيل، لأنه مرهون. احنا مستلفين بضمان مياه النيل.
ده غير إن النيل لم يعد مضمونا بعد السدود في إثيوبيا وغيرها من دول حوض النيل بمساعدات إسرائيلية.

تحياتي

Sosso said...

طب حطي الفيذيو بتاع الزعيم ده بجد زعلان جدا و رغم حكاية عهد الفراعنة بيقول حاجات مظبوطة جدا.

مواطن مصري said...

أدعو الي تغير أسم المجلس الأعلى ل الاثار الي اسم المجلس الاعلى لمقاولين الاثار

Shady Shrif an Egyptian Software engineer said...

هي مش اثيويبا بتعمل سدود دلوقتي؟
المفروض نلحق نبيع قبل ما يقفلوه علينا

أحمد عتمان - Ahmed Etman said...

ليه انتي ماسمعتيش المسملماني من اسبوعين لما قال انهم بيفكروا يبيعوا مية النيل فعلا و يدوها حقوق امتياز و تشغيل لشركات قطاع خاص، و ان مية الزراعة مش حتبقى ببلاش بعد كده و حيركبوا انابيب للاراضي بدل الترع و القنايات و يركبوا عداد عند كل حتة ارض، و قال ان الناس اذا اشتكت حيقولولهم دي مش فلوس مقابل المية، دي مقابل صيانة الانابيب و العدادات اللي عاملينها عشان ترشيد الاستهلاك
هههههههه
و كل سنة و انت طيبة

شمس العصارى said...

لالالالالالالالالالالالالا
فلوس الاثار دى مش حيدوا اللعيبة منها حاجة
الفلوس دى " إنّا اشفحناكم " كلها و لا حتى اللعيبة حياخدو منها شئ .... اطمنى
بس تصدقى دى مفاجاة بالنسبة ليا
انا كنت بقول مفيش حاجة تانية فى البلد فيها هبرة كبيرة غير التليفونات الارضية و شركات التامين
شوفتى ولاد الايه خالفوا ظنى و عملوا حاجة ولا على البال
بس لعلمك موضوع بيع و تهريب الاثار اساسا شبه رسمى
ازاى
محدش بيعرف يطلع الحاجات دى بره و يبيعها غير الكبار و البلوماسيين و اللواءات و قيادات الشرطة و الوزراء و رجال الاعمال الى عليهم كل شك
علشان كده كان المبدأ فى موضوع الاثار " امشى مع الكبار حتكسب " لا حتبنبك و تحب تعمل حاجة لوحدك شوف حتطلع بره مصر ازاى
عارفة زى الدهب كده لما يتسرق مش اكيد حيرجع تانى اهو دول كده الاثار تطلع عن طريقهم بس
فموضوع القانون ده علشان بس يوسع نطاق البحث و الناس كلها تجيب اثار ههههههه
نلقتى بعد عز
بجد انتى لسه دلوقتى الى شكتيتى و حسيتى ان وراه حاجة
اقول ايه بس طيبة متناهية