Thursday, 25 February 2010

فصل مدونة تانية من عملها بسبب بوست نشرته

ما انا ستميت مرة قلت لها ما تشتغليش مع رأسماليين سيس... بس هي مديرة مبيعات، ح تشتغل في مصنع الغزل والنسيج يعني؟
فنون، كتب البوست ده، وحطته نوت على الفيس بوك، اتاري صاحب الشركة اللي بتشتغل فيها شافه على الفيس بوك، لان طبعا الاشكال اللي زي المدير ده مش بيدخلوا مدونات، لقاها كاتبة الكلام ده، او بالاحرى اكتشف اساسا انها مدونة وماشية في البطال راح فاصلها من الشغل كده بمنتهى البساطة، انا خايفة بس اكون ليا يد في الموضوع ده عشان اديتها الاختبار ده وطلعت يسار ديمقراطي (معظمنا طلع يسار ديمقراطي ما عدا مواطن مصري طلع رأسمالي سلطوي) وراحت برضه حاطاها على الفيس بوك وقعدت تمتحن صحابها
:)
هو اغلب الظن صاحب الشغل مافهمش ايه ده ولا مين فين؟ هو بس شافها في المربع الاخضر وفاتحة مدونة سودا وبتقول دستور قام قال لك دي اخوان مسلمين
طب ده بقى مش فصل تعسفي؟ هو عشان قطاع خاص من حقه يفصل الناس كده من غير ابداء اسباب؟ ومافيش حقوق عمل خالص بقى؟
ودي لطافة الرأسمالية وظرفها وابداعيتها؟ ان الناس تترفد من شغلها عشان صاحب العمل مش فاهم ايه اللي مكتوب على الاكاونت بتاع الموظف اللي عنده على الفيس بوك؟
بس لما تصحى من النوم اعرف منها اسم الشركة والمدير ونسيح له بقى مدام مافيش قانون يقتص منه
-------
ملحوظة: فنون كانت بتشتغل من غير عقد ولا حاجة، وكانوا مستعبدينها في الشغل، ومش بيدوها على قد مجهودها مع انها
highly qualified
مش عارفة اقولها ازاي، يعني مؤهلاتها احسن من الوظيفة كمان، وشغيلة زي التور في الساقية
كل ده من غير عقد وبفلوس اقل من حقها وكمان تترفد عشان عندها مدونة
ان شاء الله ح ييجي يوم ونطير رقاب الرأسماليين بالجيوتين

35 comments:

مواطن مصري said...

لا المدير سيس و ثانيا فنون بتقول انها مكنتش متثبتة بعقد بس عملة المدير طرد بسبب رائيها دة لمؤخذة ملهوش علاقة بالرأس مالية

لأن الرأس مالية ليها قوانين تنظم العمل

في نفس الوقت المدير دة جبان

soreal said...

why!?!?!?

unless he is in "the party" or one of 3wkl's BFFs, there is nothing to explain that.

demagh said...

هم كلهم اغبيا كدة
نفس اللي حصل معايا و انا في اتصالات لما اطلب مني كتير اني ابطل اكتب في السياسة و بعد كده اخترعولي مشكلة فاستقلت و سبتهم
و اخيرا في الجورنال واحد سألني سؤال هايل بيقولي : انت شيوعي ولا 6 ابريل
الله يلعن الجهل

TigerEye said...

ربنا هو الرازق
وحسبي الله ونعم الوكيل في كل ظالم

المهم انها تسعى وربنا يكرمها بشغل احسن منه

وبالنسبة للكلمة اللي محيراكي ممكن نقول
over-qualified

Amr said...

طب كويس
ممكن بأه الحكومه تعمل قسم فى وزارة الأتصالات واللى عايز يشتغل لازم يجيب فيش وتشبيه سياسى يثبت بيه أنه مش مدوناتى وماتحكمش عليه ب مدونه واحده قبل كده

Anonymous said...

Nawara, plz ask her if you can share the name of that former-stupid boss of hers 3ashan nesaia7loo and im sorry to say it bas sara7 fi nas keteer mabtetlamesh elea lama tedfede7 :D

She should be proud of herself and inshallah rabena yeb3atlaha sho3'l a7san

زقزوق said...

هههههه فى داهية هو وشركته

Anonymous said...

تعبير "نسيح لة" من اصل فصيح وهو "نصيح لة "اى نصيح احتجاجا على فعلتة المهببة حسن على

wahat_alshohada said...

نسيح له ونص وولا يهمك فنون ربنا بيحبك انك ارتاحتى من الاشكال دى
بس بعد كدة اياك حد يشتغل فى مكان من غير عقد بعد اشهر التدريب
ابداااا

من الجزائر said...

حبيت فقط نهنيك بالمولد النبوي الشريف و لو ان موضوع المدونة يحكي عن شيء اخر اذن صح عيدك و كل عام و انت و العائلة بخير و كل المصريين... و صلى الله على محمد صلى الله عليه وسلم

abotl7a said...

انا اعلنت تضامني مع فنون

اسد الجيزة said...

ماله هو مدونة ولا مش مدونة مش كفاية مش مأمن عليها ولا ماضية عقد اذا كت ديه مديرة مبيعات وبيتعمل فيها كدة فما بالك العمال الغلابة الي لا حو لهم ولا قوة في المصنع

Mohamed El zayatt said...

ya gama3a plz any help, how can we apply for the election IDs, the police station says the deadline was end of Jan, and I heard its end of February...had fahem yefahemnt plz

Mohamed El zayatt said...

Dear Nawara;
Sorry for bothering but i don't know anyone else to write/talk to, actually i've never done that before . I mean never before that i let myself expressing and interacting with the political playground, but thanks to El Baradei, now I feel alive and obliged to have a say.

mesh hazaha2ek...I need big time help, guidance, info, support we kol elhagat elly enty 3arfaha...

first of all i need to issue an election ID...any help? i heard deadline is end of Feb..bass elkesm bey2olo end of Jan!! eh elnizam? law byeshtaghalony habahdelhom bass i need to knwo.
my email is zayatt@yahoo.com OR zayatt@hotmail.com
wennaby etbaniny walla ay help..hateksaby sawab hehe

tab3an sorry if i was rude, bold, alil eladab

PS try not to publish this comment as i wrote it as a personal email to u, but its fine to post it tab3an..im sure shabab ketir zay halaty

BR
zayatt

dr.lecter said...

مالهاش دعوه براسمالبيين يانواره لها دعوه بشويه مديرين سيس بيخافوا علي كراسيهم

فنون كانت اصلا تعبانه في الشغل ده وفكرت كتير تسببهم وهم الخسرانين طبعا ودجه بيفضح اعقليه القطاع الخاص اللي للاسف احنا بنتجه له علشان كنا فاكرين انه افضل من القطاع العام وفي الاخر الاتنين انيل من بعض وكلهم كلاب في كلاب

فنون مظلومه واتقترح نعمل تضامن معاها علشان اللي حصل ده وياريت بجد كلنا نحاول نرجع لها حقها

Anonymous said...

متأسفة إني كتبتلك هنا لكن كنت عاوزة أوصلك الموضوع في أقرب فرصة .. العميد ميت بيقول إن في مدون شاب اسمه أحمد مصطفى من 6 أبريل دي مدوناته:
http://hazel2eyes.jeeran.com/
http://www.2sayno.blogspot.com/
كتب البوست دة:
http://hazel2eyes.jeeran.com/archive/2009/2/805460.html
اللي هو هو هنا:
http://www.twitlonger.com/show/403f63faef7f24c9c55129b0234c74d5
ودي تويتات العميد ميت:

أحمد مصطفي،من كفر الشيخ،6أبريل،كان كتب تدوينه عن طالب بالكليه الحربيه إترفد ظلما، المخابرات الحربية إستدعته وقالت له إمسح فمسح

إمبارح إتصلوا بيه تاني، وقالوا له عايزينك وتعال،قلهم ﻷ، جت عربيه الساعه10 خدته من قدام الكلية

فيه محامي إتصل بإهله وقالهم إبنكم متحول لمحكمة عسكرية وماتقولوش لحد وماتبلغوش حد أحسنلكم بقي

إتخطف النهارده الساعه 10 الصبح ، إحنا عارفين من ساعتها بس قلنا ممكن حوار في المخابرات إتفاجئنا بقرار حبسه 4أيام من النيابة العسكرية

ماهو إتقدم فعلا، وإتعمل له قضيه، والنيابة إديته 4أيام علي ذمه التحقيق

أحمد بلغنا بإتصال المخابرات به أمس، وزملاءه بلغونا إنه إتاخد قدام عينهم النهارده الصبح

أبو أمك said...

مش كانت اشتغلت في الحكومة أحسن
كان زمانها دلوقتي لابسة بالطو كتان ومعتصمة قدام المصنع

Anonymous said...

التفاصيل من عند العميد ميت أهي:
http://43arb.info/meit/?p=1671

أنا مش فاهمة حاجة وبيتهيألي إني باحلم

Ahmed Nasr said...

لا بس صحيح كدة الواحد فعلا ميديش مدونته ولا حساب الفيس بوك الشخصي لناس مخها محدود متقدرش تفهم إيه ده..

Anonymous said...

انا عملت الأختبار بس مافهمتش النتيجه يعنى ايه انا طلعت
Economic Left/Right: -7.50
Social Libertarian/Authoritarian: 0.10

Anonymous said...

ميت بيقول بلاش تكتبوا عن اللي حصل في الكلية الحربية

نعيب زماننا said...

جزء من التخلف اللي احنا فيه و الخوف من خيالنا رغم أن مفيش حاجة عندنا خلاص عشان نخاف عليها

إلا لما تكون النتيجة كدة
Your political compass
Economic Left/Right: -1.00
Social Libertarian/Authoritarian: 1.18
يساري سلطوي بس قريب من نقطة الأصل,,,, يبقى منفتح على باقي المذاهب و لا ماليش في السياسة خالص و لا ايه بالضبط
لو عارفة ابقي قولي لي

حكاية مكررة..)* said...

هذه صوره واحده من الجور و التسلط اللتي تقتل اخر ذرة من الحرية الشخصية و الفكرية


..

جبهة التهييس الشعبية said...

انوينمس

طلعت اشتراكي برضه

بس ما بين السلطوي والليبرالي

السلام عليكم said...

نعيب زماننا انت كده اشتراكى المذهب متحفظ اخلاقايمكن توجهك اسلامى

Anonymous said...

و طب و النتيجة ديه يعنى إيه

Economic Left/Right: -5.25
Social Libertarian/Authoritarian: 1.33

هالة

جبهة التهييس الشعبية said...

اشتراكي برضه

بس انت طلعتي في المربع الاخضر؟ وللا الاحمر


بصوا عشان اقدر اشوف كويس دوسوا على

show separate for print

واختصارا انا اقول لكوا


الناحية الشمال اللي فيها المربعين الاحمر والاخضر ده يبقى اشتراكي اقتصاديا

والمربعين الازرق والبنفسجي ده رأسمالي اقتصاديا


المربعين اللي تحت دول ليبرتاري اجتماعيا

والمربعين اللي فوق سلطوي اجتماعيا


يعني التقسيمة كده:

اللي الكورة الحمرا تطلع عنده في المربع الاحمر يبقى اشتراكي سلطوي، زي ماو تسي تونج، ولينين وستالين وجيفارا

اللي تطلع عنده في المربع الاخضر

يبقى اشتراكي ليبرتاري زي ناعوم تشومسكي وغاندي والدلاي لاما ونلسون مانديلا

اللي الكورة تطلع عنده في المربع الازرق يبقى رأسمالي سلطوي زي بوش وماكين وريجان والسادات

اللي تطلع عنده في المربع االبنفسجي يبقى رأسمالي ليبرتاري

مش عارفة زي مين منهم

زي اي حرامي بقى ههههههههههه

اصله كده لا عايز عدالة اجتماعية ولا عايز قانون يبقى ايه؟

حرامي اكيد

عموما

بشكل عام قليل جدا اللي من الدول العربية وبيطلع في الاختبار ده رأسمالي

بشكل عام العرب والمسلمين دايما يطلعوا في المربعين الاشتراكيين

جبهة التهييس الشعبية said...

لا نعيب زماننا ما بين الاشتراكية والرأسمالية

غريبة دي هههههههههههههه

انت غني وللا ايه؟

Anonymous said...

طلعت فى المربع الأحمر

يعنى زى ما قلتى يا نوارة
اشتراكي سلطوي، زي ماو تسي تونج، ولينين وستالين... وجيفارا


و لو إنى ال3 شخصيات ماو و لينين و ستالين مببلعهمش
جبارين و مفتريين و معندهمش قلب

لكن أهو جيفارا وزن العملية





هالة

شمس العصارى said...

فنون ربنا يكرمها بشغل احسن
و اكيد هى عارفة كويس ان دى طبيعة القطاع الخاص
ـــــــــــــــــــــــــــــــ
قال الناس بتفسر عقلية المدير
هى محتاجة تفسير
كل المناصب القيادية سواء قطاع خاص او حكومى يعتبروا من الطبقة المستفيدة من الوضوع الحالى
يبقا حيقاوموا اى فكر ضده
مش كفاية بيفصلولهم القوانيين على مقاسهم و هما بيدفعوا
ــــــــــــــــــــــ
المدير افتكرها من الاخوان
يعنى مجرد ظن
امال يا ترى الاخوان نفسهم بيتعمل فيهم ايه
ــــــــــــــــــ
ايمان بدوى
ماهو يا استاذة مفيش حد بيعمل عقود اساسا
و كلنا شغالين كده
حسب مذاج اصحاب الاعمال
و لو الواحد رفض يشتغل من غير عقد يبقى مش حيلاقى مكان يشتغل فيه من الاصل
يعنى بذمتك الحرامى الى بيمص دم الناس الى بيكون عضو فى الحزب المش وطنى حيعمل عقود و يدى الناس حقها
نلتقى بعد دولة القانون و عقود القطاع الخاص او الحكومى هههههههه

mido said...

نوارة هاتى كده الجراف اللى ظهرلك اشوفه تانى

:)

جبهة التهييس الشعبية said...

http://www.politicalcompass.org/printablegraph?ec=-10.00&soc=-4.46

mido said...

فى السلطوية الفرق بينى و بينك اكيد فى عمل المرأة :p

نعيب زماننا said...

الأخ السلام عليكم: أنا فعلا توجهي اسلامي و أؤمن أن الشريعة الاسلامية هي أفضل نظام للحكم, بس مش أخوان و لي بعض الاعتراضات عليهم و لكن أكره من يعترض عليهم لحساب عوكل. و مش سلفي قوي, مثال: أنا لا أؤمن أن النقاب فرض و لكن لا أوافق على الاعتراض عليه لأنه جزء من الدين, و في نفس الوقت مش بتاع الدين الحلو بتاع عمرو خالد. و ممكن أسمع علي جمعة و لكن عندي من القدرة على تنقيح أقواله و ترك ما لا أوافق عليه و التمسك و التعلم لما أراه صحيح من أقواله. و مفيش حاجة جابت لي صداع أكثر من المصريين الجدد, أعتبر نفسي مصري قديم معتق
نوارة هو أنا مش غني يعني مليونير و أوروبا و الريفييرا, بس مش فقير يعني بقول يا شهر عدي على خير. بس حاسس أني أتسابق مع الانهيار في العملة المصرية و قيمة الجنيه كي أظل في نفس المستوى
أنا على العموم سأجرب هذا الأختبار مع من أنا متأكد أنهم اسلاميون, و لو كانت نتائجهم قريبة من نقطة الأصل أيضا فممكن نستنتج أنك لو اسلامي فأنت وسط بين الرأسمالي و الاشتراكي, و وسط بين سلطوي أو تحرري و لكن بالطبع العكس غير صحيح
سأحاول و لو ربنا هداهم و عملوا الاختبار سأرسل لك النتائج أيا كانت
و good night to you all.
حتة رأس مالي انجليزي عشان الحبايب و مواطن مصري ميحسش أنه وحيد

Tamer said...

نعيب زماننا
سبحان الله كأنك بتتكلم عني
:)))))