Wednesday 3 February 2010

حد هنا غزاوي محايد يشرح لنا الموقف؟

فيه خبر من مصدر مش موثوق، اللي هو الصحف الاسرائيلية، مش دايما على طول بتكدب، بس ساعات بتكدب
الخبر ده عشان نتأكد منه محتاجين واحد غزاوي لا فتحاوي ولا حمساوي يقول لنا انه عرف بحاجة زي دي، طبعا حاجة زي دي لو حصلت في مصر عمري ما ح اعرف ااكدها او انفيها كمصرية لان مش كل اللي قاعد في مصر عارف كل اللي بيجرا فيها، بس اظن ان القطاع صغير والاخبار بتتناقل بسهولة، ويسهل التأكد منها
بس يبقى عندنا مصدر محايد، لان بصراحة يعني، هنية ح يجيب الفلوس دي منين؟ مش منطقي يبقى معاه فلوس كتير كده، ولو معاه فلوس مش مفروض يبقى معاه فلوس، اقصد، لو هو وارثهم مثلا، مش مفروض في الظرف ده وهو مسئول عن الناس والناس تتضور جوعا انه يفضل يخلي الفلوس دي معاه لانه المفروض انه مش زيه زي محمود عباس مثلا
على العموم احنا محتاجين مواطن عادي محايد يأكد لنا الموضوع

24 comments:

LiNa Sh said...

اتفرجي على بيت اسماعيل هنية
وانتي تعرفي الخبر دا صحيح ولا نص كم

http://www.google.com.eg/search?hl=ar&source=hp&q=%D8%A8%D9%8A%D8%AA+%D8%A7%D8%B3%D9%85%D8%A7%D8%B9%D9%8A%D9%84+%D9%87%D9%86%D9%8A%D8%A9&btnG=%D8%A8%D8%AD%D8%AB+Google%E2%80%8F&meta=&aq=f&oq=

شمس العصارى said...

هههههههههههههههههههههههه
هههههههههههههههههههههههه
مفيش رد على الخبر غير الضحك الهستيرى
هههههههههههههههههههههههههههههه
لا انا زعلان منك
مش علشان خاطر هنية ... لالالالالالا
لان عقل قبل هذا الخبر ... ليس اكثر
اقلك انا حاجة بدون الكلام عن هنية ولا الفلوس اساسا
سر قوة و صمود حماس فى القطاع و التفاف الناس حولها هو ان سكان القطاع نفسهم هما اهل حماس و اهل قيادات الحركة و اهل المجاهدين يعنى كل شئ فى حماس يعلمه القطاع و العكس صحيح و كلهم شئ واحد - حماس و الاهالى - صعب الفصل بينهم
و اثناء الحصار و الحروب و قلة المواد الغذائية سلطة حماس و شعب القطاع بيقسموا الاكل بينهم
اما لا اتكلمت على هنية ولا على الاراضى ولا على الفلوس
نلتقى بعد الصحافة الاسرائيلية
اه على فكرة هنية رفض اقامة خزان مياة مخصوص فوق بيته - بعد ما سلطة حماس ركبته هو امر بفكه تانى و قال " زيى زى اهل الحى كلهم " و كان فى تقرير مصور من داخل بيته يبين بساطة البيت

Unknown said...

ماهو اللي بيردوا مصريين برضه

انا عايزة غزاوي محايد هو اللي يرد

Nadim said...

صباحو فل يا نواره..

لو لقيتي حد غزاوي و محايد رد يا ريت تاخدي نسخه من جيناته و تستنسخيه في أقرب فرصه.. أصل باين ان المشروع القومي الجديد لحكومتنا الفشيخه

هو القضاءالكامل و استئصال شأفه الغزاويين في جميع انحاء المعموره ..صغارا و كبارا..داخليا و خارجيا


http://www.aljazeera.net/NR/exeres/B08CA791-42CB-47A3-BB33-

3B3359115D2F.htm


أحا بجد..

ودمتي بعافيه

mido said...

:))

فى حاجة اسمها غزاوى محايد؟

أعرف حاجة اسمها دليل او بينة من اى طرف عشان نصدق

مش مجرد كلام

و بعدين حماس فى اثرياء أكيد


مش فاهم ايه لازمة البوست ده أصلا

:S

مواطن مصري said...

كلة من سبوبة تجارة الانفاق

دة غير فلوس الي في سوريا

ayman said...

لما الخبر يكون من اليوم الساقع
نقلا عن هارتس
يبقى لازم نحكم عقلنا
اليوم الساقع من اسبوع أو سبوعين برضه كانت عامله حكاية ضد يوسف القرضاوى هى والسفهاء اللى فى حكومة فتح أبو مازن وشلته النصابة

طبعا هم لازم يشوشروا على العالم النظيفة
علشاان نقول ماهو الجديد زى القديم
مافيش فرق ويمكن اللى جاى العن من اللى موجود

حسبى الله ونعم الوكيل

ehabafndy said...

العقل بيقول إن ده مستحيل يعنى المنطقى إنه يشترى الأرض فى سوريا أو فى منطقه أكثر أمان بالنسبه له أو لإبنه سوريا مثلا لكن فى غزه المهدده بالضرب و الغزو فى كل لحظه مش ممكن ثم هو حتى لو الخبر ده صحيح مش هيشتريها من واحد غزاوى برضه يعنى الفلوس مش هتخرج بره غزه يعنى و لا هو إشتراها من اليهود. و بعدين متقلقيش بكره الدولارات دى هتبقى زى ورق الجرايد فى غزه مالهاش قيمه لإن بعد الفولاذى ما يكمل مش هيلاقوا حاجه يشتروها بيها .

soreal said...

heya gazza kolha feeha ard be arb3 mallaieen?

شمس العصارى said...

ماهو يا نوارة لو نقلنالك كلام الغزاوية حتقولى برضه الناقل مصرى
نبعت نجيب غزاوى منين يعنى
ازاى تعتمدى على كلام صحافة اسرائيلية فى حديثها عن اعدائها
منطقيا غير مقبول
قياسا : هو انتى بتصدقى كلام صحف مصر القومية عن ايران مثلا
و لو قيادات حماس بتبص للفلوس كده ايه الى يخليهم يجاهدوا
هل يجتمع فى قلب المرء حب الدنيا و حب الموت
لو هنية عنده واحد على عشرة من الفلوس دى و هو بيحب الفلوس ما يطلع بره غزة و بره فلسطين كلها و يعيش برنس فى اروبا
ولا هو يصرف فلوسه الكتير دى على شقق و اراضى و فيلات و مخابز و محلات و بكل سهولة الطيران الاسرائيلى يضربهوله
يبقى ده عقل سليم من ناحيته
يا نوارة الموضوع ليه اكتر من رد من اكتر من جهة
لكن الاكيد فى النهاية ان كل الردود من كل الاتجاهات و كل التفكير و كل الشهود كل ده حيثبت زيف كلام الصحف الاسرائيلية
شوفى كده اللينك الى جايباه لينا
ده الى انا كنت اقصد انه تقرير عن بيته شوفته من فترة
اخيرا يعنى هو معاه الفلوس دى كلها و يقدر يشترى ده كله و عايش فى بيت اقل من المتواضع و يروح مع الناس فى كل الانشطة و يصلى فى اى مسجد
نلتقى بعد الغزاوية المحايدين

Om Osama said...

أختي الكريمة نوارة ..

لا تصدقي ما حدا يتابعك من قطاعنا الحبيب ويتابع شو بتقولي في مدونتك ..

احنا كتير متابعينك وفخورين بيكي وبأمثالك وكتير تسعدنا التعليقات اللي نقراها هنا بمدونتك من أشقاءنا المصريين ..

ويمكن سعادتنا بيكم أكبر من احتياجنا للتعليق على ما نقرأه هنا ..

يكفينا فخراً إنكم مصريين ويكفينا رداً على النظام المصري وكل من يؤيد الصهاينة بأن لنا أخوة مصريين متلكم أنتم ..

أما بالنسبة لأبو العبد حفظه الله ورعاه نحن لا نصدق عليه أي غبار ونحن نعلم حق العلم لو أن أبو العبد امتلك مالاً أين سيكون مصير هذا المال..

هو لا ينسى أبناء شعبه وهو يطوف غزة من شمالها لجنوبها يدخل بيوتنا ويسأل عن كل مواطن ويأكل من أكلنا ولا يتكبر علينا خاصة من تمت إصابته في الحرب أو استشهد أحد أبناؤه ..

بيوم من الأيام حكوا إنه تزوج امرأة أخرى على زوجته إم العبد والجميع يعلم كم تحبه أم العبد وهي ابنة عمه وتملك الدين والخلق والجمال وهي حريصة كل الحرص عليه وكما أنتم تعلمون هو يسكن هذا المنزل هو وكل أفراد أسرته ولا يريد أي شيء من متاع الدنيا لا هو ولا أبناؤه ..

لا أعرف لماذا يطلقوا عليه الشائعات الغريبة هذه .. هو بريء من كل هذا وهو لا يعامل أبناء فتح إلا بكل خير وبذات مرة أرسل نقود لأبناء فتح الأسرى في المعتقلات الصهيونية حتى يتمكن الأسرى من الشراء من الكانتين في المعتقل ...

عموماً إحنا بنحبهم لأنهم منا واحنا منهم ولأنهم عايشين عيشة متل عيشتنا
ويوجد في غزة أشخاص يمتلكون أموال أكثر منهم بكثير وإن كان حدا من القيادة صاحب أملاك فهي بسبب الوراثة
أموال الحركة للحركة وأموال الحكومة للشعب .. هذه نقطة مهمة جداً في فرق بين الحركة والحكومة .. والخلاصة رح تكون من وين لأبو العبد ملايين الدولارات ..

ومع هيك يا أختنا الكريمة ليس معنى هذا إننا في غنى عن السلطة الفلسطينة فأغلب حياة غزة تعتمد اعتماد رئيسي على السلطة الفلسطينية ولهيك احنا بحاجة للوحدة وبحاجة إعادة اللحمة الوطنية حتى نعود شعب واحد ووطن واحد .. سئمنا الفرقة وسئمنا الانقسام وسئمنا الحصار ولكن ليس معنى ذلك أن نتنازل عن كل ما ضحينا من أجله وهذا سر تمسكنا بتلك الحكومة ..

مشكلتنا مشكلة صعب حلها يا أخت نوارة وربنا يطلع لنا من عنده ويحفظنا من شر الصهاينة وشر كل من والاهم ..

تحياتي الصادقة لك ولجميع من يمر على مدونتك الرائعة ..

Unknown said...

الافتاءات المصرية تتوقف

عندنا من غزة ناس نورونا

نسكت بقى

شمس العصارى said...

افتاءات
اى افتاءات

علا من غزة said...

مش عارفة اذا تعبير الغزاوي المحايد بينطبق عليا ..

لكني اعترض على معظم كلام الاخت اشتياق

Unknown said...

علا من غزة

انا كنت باسأل عشان اتحقق من خبر معين

لو عندك كلام تاني نحب نسمعه

Unknown said...

اه

انا اقصد محايد بمعنى انه مش مسيس حد مواطن عادي زينا كده

شمس العصارى said...

مقلتيش اى افتاءات
كلامنا ده كله مثلا افتاءات
ولا انتى تقصدى ايه

شمس العصارى said...

علا لو سمحتى
اشرحيلنا الوضع الحالى فى غزة ازاى
و قوليلنا رايك فى موضوع اسماعيل هنية
انتى عارضتى اشتياق
لكن مش قلتى اى كلام

LiNa Sh said...

على فكرة
الموضوع مش محتاج لا إفتاءات
ولا محتاج لشهادات من أهل غزة نفسهم

لأن أولاً الخبر منقول عن اليوم السابع
اللي انتي نفسك مقاطعاه وعارفة قد إيه هو مضروب
واليوم السابع نفسه جايبه من جريدة اسرائيلية


فواضح قوي يعني
واضح جداً إيه المقصود من الخبر

ثانياً الصور اللي انا حطيتها لبيته بتوضح الراجل دا وأمثاله عايشين ازاي
فإيه اللي يخليه يعيش في مكان زي دا ويبقى مهدد بالقتل طووووول الوقت في حين إنه ممكن يشهيص نفسه برا

ثالثاً غزة على بعضها شبر ونص
أي حد بيشتري فيها أي حاجة ولا حتى بيعطس .. الخبر بينتشر كانتشار النار في الهشيم
:D

علا من غزة said...

شوفي يا استاذة نوارة

ردي على الخبر هو من تلات نقط .. الشق الاول : هل من الممكن ان اسماعيل هنية يكون معاه فلوس كتير كدة؟ والشق التاني : هل خبر شراء الارض لابنه صحيح او لأ

النفطة التالتة .. بعلق على رد الاخت اشتياق .. صراحةً كنت احب لو كان الها مدونة عشان اشوف هي عموما كيف توجهاتها السياسية .. لكني بحصر انطباعي من وحي تعليقها هنا فقط .. وهادا اكيد مش كافي .. لكني بستشف من مجرد كلمة :ابو العبد هنية حفظه الله ورعاه" انها ذات توجه حمساوي او متعاطف مع حماس
انطباعي ممكن يكون غلط
لكن انا وحدة محايدة مش ممكن اقول على شخصية سياسية "حفظه الله ورعاه" ابدا لو مين ما كان

لكنه بالنهاية رأي مواطنة من غزة

بالنسبة لنقطة هل اسماعيل هنية معاه فلوس ؟ اكيد معاه .. وصلك تعليق بيقولك عن ربح تجارة الانفاق .. وهادي حقيقة محدش بينكرها .. ان قادة حماس اغتنت بشكل جنوني بسبب الانفاق .. عشان كدة هما عاملين هجمة ضد الجدار

بالتأكيد غزة مع انها صغيرة وعموما فقيرة .. لكن من ناحية وجود اراضي غالية فا طبعا فيه اراضي غالية .. بالذات الموجودة على شط البحر وهادي معلومة مؤكدة مش اجتهاد مني

هاقول حاجة على الجانب الاجتماعي لابد من التأكيد عليها .. انه من العرف الاجتماعي ان يشتري الاباء لابنائهم اراضي او شضض او بيوت .. معظم الشباب يتزوجون في بيوت بناها لهم آبائهم .. هادا عرف سائد في مجتمعنا وعادي جدا

للأسف وانا فعلا متألمة وانا بحكي ان انطباع غير الحمساويين عن قادة حماس هو امتلاكهم لفلوس كتير وتوزيعها بس على معارفهم

هاديكي مثل قافلة شريان الحياة .. طبعا قادة حماس هما الي استقبلو الوفد والقافلة .. اسأليني انا كمواطنة شو اخدت منها هاقولك ولا اي حاجة

مريدي حماس وانصارها ومن يتمحك فيهم من عموم الناس .. اخد

القافلة جابت معاها معونات عينية على شكل سيارات وجيبات زائد سيارات اسعاف وشاحنات صغيرة "زي الميكرو باص"

عشان كدة هاتلاقي سوق السيارات في غزة انتعشت مؤخرا بسبب ان فيه سيارات جديدة وصلت البلد واخدوهم "فلان وعلان" وهما بالتالي باعوا سياراتهم القديمة .. وهادي كمان معلومة مؤكدة مش افتراض

بس بطلب منك استاذة نوارة انك تعيدي النظر على نشر تعليق اشتياق على انه رأي عام لأهل غزة .. لأنو بالحقيقة فيه آراء تانية تقع على بعد 180 درجة من الرأي القائل .. قادة حماس منا وفينا .. عفوا .. اعترض

وتحياتي الك دائما

Unknown said...

علا

كلامك مهم قوي

طب شوري عليا

فيه اقتراحين
يا اما اسيب بوست الاخت اشتياق واحط تعليقك كبوست برضه

يا اما اشيل بوست اشتياق

قولي لي رايك برضه

استني، انا ح احط الرائيين في نفس البوست

AbdElRaHmaN Ayyash said...

كلام علا مهم جدا جدا بصفتها غزاوية و بصفتها علا عنان اللي فعلا بحترم رأيها الشخصي خصوصا في القضايا الداخلية الفلسطينية
-----
لكن في نقطتين عاوز اعلق عليهم
اولا كلام علا لا يعني انه فعلا هنية اشترى ده ، هي بتطرح كلام حوالين إمكانية الفعل ، نعم اكيد هنية يقدر يشتري ، محتمل جدا انه يكون معاه فلوس ، و الارض موجودة ، و العرف يسمح له
فطرح علا منطقي جدا ، لكن مش شرط يكون 100 % مطبق في حالة هنية
النقطة التانية اللي عاوز اقولها ، انه حماس لو استفادت من تجارة الانفاق ، فده شيء وارد جدا ، لكن لا يعني ان رفضها للجدار(من وجهة نظري) هو رفض مادي مش رفض إنساني . خصوصا ان حماس تؤكد دايما انها مع حرق الانفاق بس بالتوازي مع فتح المعبر
في حاجة كمان عاوز اقولها و هي فكرة انه حماس بتجامل او بتحابي المقربين منها ، خلليني اقول اني كإسلامي ، يؤسفني ده ، و شايف انه صعب انه يحصل ، لكن برده وارد جدا انه حماس تغلط ، و عشان كده بقول ان مقاييسنا متكونش قاسية اوي و احنا بنحاكم حماس ، هم مش ملايكة ، و مش ينفع ننتظر منهم افعال الملايكة . و مننزلهمش لتحت الارض لو غلطوا . بس نحطهم في مكانهم الطبيعي كواحد في سلطة و اخطأ بشكل ما في استغلال سلطته .

نعيب زماننا said...

مش حأقول غبر الله يرحمك يا حسام يا زهار.
و حاجة كمان يا ريت اللي متأكد من حكابة الأرض أم 4 مليون يدينا العنوان و بعدها يكون في كلام تاني

marwan said...

الاخت نواره

ردا عل حذف تعليقاتي كوني محايده قبل ان تسالي عن الغزاوي المحايد

وشكرا


مروان