Sunday 7 February 2010

انا لازم اعتذر لعمرو خالد

اصل انا شفت كام فيتيون كده لناس لهربانة من مصحة عقلية ومسميين نفسهم دعاة، ومواطن مصري عمال يحرضني عشان اقول رأيي فيهم بالاسماء بس انا بصراحة كده وش باخاف من الاضيشهم، اذا كان بعض الاضيش عمرو خالد لما انتقدته قالوا لي كلام في منتهى الانحطاط امال بقى اللي سلوكهم كلها محروقة دول الاضيشهم ح يقولوا ايه؟
بس فيه ملحوظة، هم مالهم ومال عمرو خالد؟ ها؟ لا بجد، فيه انسان في الدنيا بيقول على نفسه داعية وعالم وكده ويطلع شرايط يشتم في انسان تاني؟ يعني ده مجهود يعني يشكروا عليه انهم يقعدوا يلتوا ويعجنوا في سيرة الراجل كده؟ وقلة ادب قلة ادب و"عمرو خالد بتاع الفنانات" ايه ده ايه ده؟ ايه شغل العوالم ده؟ وبعدين الراجل ما ردش خالص، لا تلميحا ولا تصريحا، بصراحة كبر في نظري واحترمته، يعني هو بيقول على نفسه مصلح اجتماعي، وانا من وجهة نظري المتواضعة مش شايفاه اصلح حاجة وهو بقاله سنين، شايفاه ريح ضمير الاغنيا بس، بس الظاهر اني كنت غلطانة والعيب في عيني مش فيه، والا ايه اللي يخليهم يعملوا فرقة لشتيمته بالطريقة دي وهم ناس هدفهم في الحياة انهم يجننوا الشعب؟ زي ما علاء مبارك جننا في الكورة هم بيجننونا في الدين، طب بيشتموا عمرو خالد بالهيستيريا والوضاعة دي ليه؟ اكيد له ثمرة ما انا مش شايفاها وغايظاهم، وشتيمتهم له، خلتني انا اللي مختلفة معاه احترمه واراجع نفسي واحاول ادور على الحاجة الكويسة قوي اللي عملها اللي تخليهم محروقين منه كده، واذا كان ما بيعملش حاجة غير انه بيحافظ على مخ اللي بيسمعوه من الجنان الازلي اللي مالي البلد يبقى كتر خيره بقى، ما كل الناس اتجننت اصلا، وعدم رده عليهم ولا حتى بالتلميح خلاهم قد النملة قدامي، ده لو كان الف فيهم مجلدات شتيمة ما كانش اهانهم كل الاهانة دي لما تجاهلهم ولا كأنهم شوية دبان، والله محترم، وانا لا ليا في دول ولا في دول، فقلت بقى انا لازم اعتذر للراجل وان كنت لسه مختلفة مع طريقته بس ما يستاهلش يتشتم كده ابدا بالانحطاط ده ويتخاض في سيرته بالطريقة الواطية دي... ورد فعله رد فعل واحد محترم، هم ايه دول؟ بلاش الدين والكلام ده، الست الوالدة ما علمتهمش يتكلموا ازاي؟
انا اسفة يا استاذ عمرو... واختلاف الرأي لا يفسد للاحترام قضية، كفاية انك متربي

41 comments:

ماجد العياطي said...

سلام عليكم

عجبني قوي اسم المدونه

ولمادخل وشفت البوست الاخير عجبني اكتر

على فكره انا من عشاق عمرو خالد ...ولكن

كل منا يؤخذ منه ويرد الا المعصوم صلى الله عليه وسلم

ولهذا عمرو خالد ايضا عرضة للانتقاد

عادي يعني ..

اما الناس اللي بيدعوا من متابعي عمرو خالد وبيشتموا دول هتلاقيهم بيركعوهاش اصلا علشان اصلا يتابعوا عمرو خالد

انتقدي انتقاد بناء ومتخافيش

وانا مبسوط اني دخلت مدونتك
وهاضيفها في المدونه عندي ان شاء الله

وفقكم الله

soreal said...

i would be lying if i said amr khaled never affected me... he did, and in a positive way.

i found that the majority of those who dont like amr think that islam is some sort of a Clergy-cal religion... which is not true..

figures like amr are always looked at as a threat to such systems..

i personally classify him as an islamic thinker with a fresh look at things... he has a wonderful way of looking at various aspects of religion and he is just sharing it... his vesion is way more dynamic than the vision that most religious "figures" present. religion is not ridged and it should not be presented as such..

i always felt that this vision did brought lots of ppl closer to islam... and it also started a trend that probably would have appeared without him..

still, i dont buy all of his ideas, and i would never look at him as a ref figure.. but that does not deny that there are some real gems there...

اختك حفيظة من الجزائر said...

السلام عليك
اولا و قبل كل شيء نشكرك على قلمك الحر و لو كان الكل لا يخاف و شجاع مثلك لكان العرب بخير
هناك احدى قريباتي سالتني ذات يوم من ايام الشتم الخرافي للاعلام المصري للجزائر بالحرف الواحد " عمرو خالد هو ثاني شتمنا او مازال يا رب مايشتمناش لاننا نحبوه "
نعم عمرو خالد محبوب عندنا في الجزائر و عنده شعبية كبيرة بين الشباب الجزائري و نحترمه جدا يكفي انه طلب منه ان ينضم للحزب الحاكم حتى تسيس دعوته لانهم يعلمون ان الشباب ملتف حوله فارادوا ان يستفيدوا من هذه النقطة لصالحهم و يجلبوا اكبر عدد ممكن من اصوات الشباب المتتبع له لكنه رفض و هرب بجلده مع عائلته الى انجلترا تماما مثلما سيسوا الرياضة و جعلوا من مباراة كرة قدم فتنة بين شعبين مسلمين و كثر ظهور علاء و جمال مبارك بين اوساط الشباب حتى صدقت الناس انهم من المواطنين البسطاء الذين يشجعون فريقهم مع الشعب .

نعم و الله يستحق عمرو خالد الاحترام يكفي انه لم نراه في شاشات التلفيزيون ايام مباراة الخرطوم لقد التزم الصمت بل قام بجمع شباب جزائري و مصري في عمل واحد رايناه مؤخرا بمظهر الاخوة في الله و حتى موقعه كان محترما و تجنب الخوض في هذه المهزلة لانه كان له عقل يفهم بانها منتنة سياسية بامضاء الرئيس و ابنائه و اسرائيل
و حتى تعلمي فقط ان الامر مفجع و سيء للغاية هناك داعية مشهور عندكم لن اذكر اسمه قام باتصال تليفوني لاحدى القنوات و قال انه صلى الجمعة باللاعبين ايامات نوفمبر و اعطاهم درس في الاخلاص لله حتى ينتصروا على الفريق الجزائري هل هذا معقول ؟ و اخر لن اذكر اسمه لكن هو من ابرز اعضاء مجمع البحوث وهيئة التدريس في الازهر كان موقفه عدائي جدا لنا و كانها حرب و ليست مباراة كرة قدم
كل هذا يجعلنا نحترم عمرو خالد و ندافع عنه و نحبه اما بالنسبة لشتمه و سبه بطريقة متدنية و كارثية فلو تسالينه سيقول لك عادي لان الامر ليس جديد بالنسبة له فبما اني متتبعة له من زمان كان هناك صحفي مصري لا يحضرني اسمه الان في 2002 او 2003 كانت مقالاته على الانترنت يندى لها الجبين فقذ اختص هذا الصحفي في سب و معايرة و شتم عمرو خالد لدرجة انه لم يترك حتى معايرة شعره وملابسه و صوته و نفس الامر لبعض الدعاة الاخرين و الجميل انه لا يرد عليهم لانه كما نقول
بالجزائري
niveau tale3
عنده مستوى عالي يستحق الاحترام ...في الاخير سلامي اليك و انت ايضا اختنا نوارة مستواك عالي في التفكير و تستحقين الاحترام و شكرا

Unknown said...

لا الحقيقة الشهادة لله عمرو خالد ما دخلش في فتنة الجزائر غير بالخير والله انا باشهد شهادة حق وانا مش من مريديه

مواطن مصري said...

برفعلك القبعة لهذا البوست

انا بحب عمرو خالد على فكرة و بفكر انضم لفريق صناع الحياة عقبال ما الاقي شغل

بس كان نفسي تذكري الاسامي بتاعت فرقة حسبة الله الي هاجمت عمرو خالد

نعيب زماننا said...

المشكلة مع عمرو خالد أنه ليس داعية ديني, هو داعية اجتماعي في شكل ديني. أو هكذا تحول عمرو خالد عندما تحول للكلام عن الاخر و الحوار معه. هو مستعد للتنازل عن الكثير عن الثوابت من أجل احترام أسيادنا في أوروبا و الدول المتقدمه لنا, ويكفي موقفه أثناء حرب غزة من الدعوة للتعايش مع الأخر أثناء القصف الدامي و الذبح لأهل غزة كالخراف. أكيد نعترف له أنه مثقف و كلامه يسلب العقل وله نشاطات كثيرة و لكنه خرج من اطار الفعل لله و الدين إلى الفعل الاجتماعي البحت. وهناك شعرة فاصلة بين الاثنين قد تعداها عمرو خالد, فمن الممكن أن نجد من ملحدي الغرب أمثال عمرو خالد من المصلحين الاجتماعين
أنا اعتبره مثل كل من يحاول أن يجعلنا قطيع في حظيرة الغرب و لكن الأدهى أنه يفعل ذلك من خلال الدين كحصان طروادة.
و أخيرا: يجب أن نفرق بين السباب و بين الغضب الشديد لله من أفعال عمرو خالد, فبالتأكيد السب مرفوض و لكن لا مانع من التنبيه بشدة و حزم على أخطاءه
و هدانا الله جميعا لكل خير
ملحوظة: أنا لا أسبه أو أطعن في دينه عندما أتكلم عن الملحدين, انا أناقش نشاطاته الاجتماعية فقط وعدم علاقتها بالدين.

Unknown said...

نعيب زماننا

معاك حق تماما انا ما انكرتش اني مختلفة معاه خالص، لكن والنبي تدخل تسمع الثلاثي المهابيش اللي ما وراهمش حاجة غيره

عمر خالد بـ"عجره وبجره" احسن من اي حد فيهم

على الاقل امه ربته

Fatma said...

انا مبسوطه من الموضوع دا اوي :)
يمكن عشان مره من سنه ولا حاجه اتكلمنا عن عمرو خالد وانتي هاجمتيه اوي ومن وقتها كنت زعلانه اوي انك شايفاه وحش اوي كدا

انا مش من مريديه نهائي ولا عمري كنت وصوته بينرفزني ولما بتفرج عليه ببقى ضاغطه على نفسي عشان استحمل اسلوبه
وبالنسبه لي مش مصدر اخد منه دين

بس الحق يقال الراجل مصلح اجتماعي ممتاز
انتي مش شايفه اثاره يمكن بس انا حاساها ولامساه يا نوراه جدا والله وللاسف ان اثاره برا مصر اكتر بكتير من جوا مصر عشان كدا تعليق الاخت من الجزاير بتقولك بيحبوه جدا

على سبيل المثال حمله حمايه بتاعت الادمان بتاعته انا شخصيا اعرف اتنين معرفه شخصيه اتعالجوا بسبب الحمله دي

اعرف ناس كتير ربنا جعل عمرو خالد في حياتهم سبب لحاجات كويسه كتير كان كأنه مصدر الهام وراح لحاله وهما مشيوا في سكه خدمة المجتمع وقطعوا اشواط

عمرو خالد له وعليه بس مجتهد ومحترم انا بعد فيديو يا فاشل يا فاشل توقعت عمرو خالد يرد على الباشا الداعيه يفهمه هو كان يقصد ايه من كلامه بس عمرو خالد حتى مالتفتش للموضوع

كأنه فاهم انهم فاهمين بس محروقين

مع ان والله عمرو خالد خدمهم كتير جدا ولولاه ماكانش حد سمع عنهم اصلا لانه هو اللي جاب رجل شباب كتير للدين اصلا من سنة 97 واللي ابتدوا بعمرو خالد وكملوا كتير منهم شيوخهم هما الشله دي شخصيا

تعاملي مع عمرو خالد على انه مصلح اجتماعي بيستخدم القصص الدينيه القديمه كمصدر الهام وبيطلع مثل اعلى للشباب من الشخصيات الدينيه سواء انبياء او صحابه او شخصيات تاريخيه

وبعدين دا الراجل طول رمضان بيحاول يثبت ان مبارك هو فرعون موسى وان التاريخ بيعيد نفسه دا الحلقات دي كانت هايله كنت بضحك ضحك :D

joyadz said...

استاذة نوارة فعلا الاستاذ عمرو خالد له منزلة عالية عندنا في الجزائر وكما قالت التى علقت من الجزائر الغالية اننا في الجزائر كنا نبحث عن اسماء لها وزنها لم تسقط في مستنقع سب الشهداء وتاريخ الجزائر وكان الاستاذ عمرو خالد من بين تلك الاسماء التى اطمئنت قلوبنا اليها بعد الصدمة التى تلقيناها من بعض الذين نعتبرهم نخبة مصر العظيمة تماما مثلك يا سيدتى لقد كنت اهرب الى مدونتك لاشعر بالامل لامحو الخوف الذي يعتريني لاشعر ان مصر بخير والجزائر بخير وانها فترة لا محالة لها نهاية كنا نبحث عن اصوات الحق ..صوت المنطق والحيادية صدقيني كنت اصدق كل حروفك كنت اضحك كثيرا رغم حزنى من ظرافة وخفة دمك كنت الشيء الوحيد الذى يشعرنى بفخرالعروبة والقومية في هذه المحنة كنت احسد مصر عليك وانت تحملين لها ذاك الحب الكبير الذى اصابني بالارق استاذة نوارة مع انى الوم الداعية عمرو خالد وغيره من الاصوات العاقلة رغم حيادتهم لكنهم لزموا الصمت ..

Anonymous said...

لا هو رد تليمحا بس انتى مش من متابعيه عشان تعرفى

جزاه الله خير على مجهوده واخلاصه اظن ان له اثر نتيجة اخلاصه ولا ازكى على الله احدا

بس انتى غريبة لما كل الناس كانت بتحبه جدا انتى ماحبتهوش ولما ناس غيرت رايها فيه انتى احترمتيه

عموما هو ميردش ويمشى ورا كلام حد ويشغل باله لانه عنده هدف وقضية بيشغلوا كل تفكيره

AhmAd said...

السلام عليكم،

ما شاء الله يا نوارة ... التعليقات بقت من كل انحاء القطر العربي ... لو نزلتي بالترجمة حتطلعي للعالمية وش إن شاء الله :)

نيجي للجد ... ذي ما قال أخونا ماجد في أول تعليق "كل منا يؤخذ منه ويرد الا المعصوم صلى الله عليه وسلم" وطالما اتفقنا علنقطة ده ... يبقى أي تأييد لعمرو خالد مش معناه اني ببصم على كل كلمة وراه ... والنقد لجوانب محددة مش معناه معاداته ...

وأشهد الله إن عمرو خالد كان ليه أفضل الأثر على كثير ممن عرفت ... وعلي أنا شخصياً في العديد من المواقف ... والعديد ممن تحولوا الى دراسة العلوم الشرعية و أصول الدعوة و يمكن نقدوا عمرو خالد كمان بعدها ... يقرون إن بعد فضل الله سبحانه و تعالى ... كان الفضل لمجموعة من الدعاة من ضمنهم عمرو خالد ... جعله الله في ميزان حسناته

ويمكن أهميته وقوة دعوته هي في محاولاته المستمرة في إيجاد تطبيق للدين و الكلام النظري للعديد من الدعاة الآخرين في حياتنا اليومية ... وده فكرة مش حكر على أستاذ عمرو خالد ... ولكنه كان من انجح من إستطاع العمل على نشرها وإيجاد رابط قوي بين العلم الديني والعمل على تطبيقه في الدنيا ... طمعاً في الآخرة ومش بس للمكسب الدنيوي ... واستطاع إقناع العديد من الشباب بالمشاركة الفعلية بدل الاكتفاء بالفرجة ومصمصة الشفاه ونقد الوضع الحالي بدون العمل على تحسينه ...

وطبيعي إن أي واحد بيشتغل لازم يغلط ... سبحان المنزه عن الاخطاء كلها ... وهو الله سبحانه وتعالى ... انما احنا بشر ...

وأخطاء عمرو خالد بتيجي من عمله على أكثر من جبهة ... وتوزيع اهتمامه بأكثر من قضية ... وطبيعي في الحالة ده الخطأ ... لقلة التركيز أحياناً ... أو ضيق الوقت ... ودة مش دفاع عنه ... دة من تجربتي الشخصية وخبرتي البسيطة في مشاركة شباب الدعوة هنا ...

لكن في الزمن إلي احنا عايشين فيه ... ومع حالة الانهيار إللي وصل إليه العالم الاسلامي وصورته عند الغرب ... كان لازم على عمرو خالد وعلى المجموعة إلي بتعمل في الاعلام انها تعمل كدة ... وترفع من نبرة الدعوة للعمل على أن يأتي العلم تدريجياً مع الوقت ... نحرك الناس الأول ونشدها من على كراسيها وبعض كدة نعلمهم ... ومهمة تعليمهم مش مهمة عمرو خالد ... هو نفسه قال كدة بشكل ضمني في أكثر من مناسبة ... ده شغلت الأزهر و-"تنتاوي" ومشايخ المذاهب وأهل السنة والجماعة والسلف وملك ملوك افريقيا كمان لو يحب :)

وكل واحد فينا كمسلمين قائم على ثغر من ثغور الإسلام ... كل واحد بطريقته واسلوبه ... وعلى حسب استطاعته ... والمجهود المبذول مش مكفي ... محتاجين زيادة ... ولازم مننا ناس حتغلط ... والغلط مش معناه نرجم إلي أخطأ على العلن ... ولكن نقومه وننصحه في السر ... عشان يبقى فيه إستجابة للنصح ...

انتي لو شفتي مشاركته في المؤتمرات الدينية في دول الغرب ونداءاته هو والعديد من الدعاة للتطبيق الديني في الحياة اليومية ... حتفهمي قصدي أكتر ...

جايز الفيديو دة يشرح أكثر ...

http://revivingtheislamicspirit.com/video/ris8trailer/

وابحثي عن Reviving the Islamic Spirit ... حتشوفي أكثر عن وجهة النظر ده في الدعوة

وجزاكم الله كل خير على البلوج دة كله ... بترجعيني مصر الدقائق إلي بقضيها هنا :)

سامي said...

طب يعني فيه هجوم جديد عليه اليومين دول بالتحديد ولا ايه
انا تابعت الهجوم القديم عليه لكن لو فيه هجوم جديد حد يتحفنا بلينك والنبي عشان نشوف

Anonymous said...

أجرنك طيبة قوى,وانا اللى كنت فاكرك اشرار!!!بس خلاص

AhmAd said...

الأخ "نعيب زماننا" ... أنهي ثوابت إلي معاليك بتتكلم فيها أصلاً؟؟ أذكر لو سمحت أنه "ثابت" دة إلي عمرو خالد تنازل عنه ... عشان أبقى معك على نفس السطر بس ...

ولو على موضوع غزة ... الله يكرمك راجع كدة باقي المشايخ قالو اه ... أحسن دة يعني فيهم إلي قال كلام عجيب وميصحش ... ورغم كدة لسة بنقول مشايخنا ... وبنقدر كلامهم ...

وموضوع التعايش مع الآخر دة كان محور حلقاته وقتها أصلاً ... وزيه ذي باقي المشايخ عمل تصريحات "خاصة" على موضوع غزة ...

داهية لتكون فهمت إن "الآخر" دة كان مقصود بيها إسرائيل ...

أبو أمك said...

على ما أعتقد مهما جلب انتفاد عمرو خالد من انحطاط...مش هيبقى زي اللي هتشوفيه لو انتقدتي عمرو دياب

Anonymous said...

I dnt think he ever claimed to have this religious status to start with. I see him as someone who works on social development based on Islamic principles. He is amazing in the sense that he is the one who managed to realize that connection in our times and re-introduce it to young Muslims. I used to dislike him when he first appeared bec he was focusing on issues that for me are not at the core of the religion but I started to respect him once he introduced this tie-in bet social development and religion and the acceptance of the other. His Ramadan stories about Prophet Mossa were full of info and painful bec we can clearly see all our modern problems (not only for Egyptians and not only about Mubarak) in this story from the Holy Qur'an and the message was an eye-opener for those who care.

@نعيب زماننا: how is it that he is giving up principles of the religion to please the West? I am curious why you see what he has been doing as such?

@اختك حفيظة من الجزائر Amr Khaled did stay away from the whole Algeria-Egypt mess. You seem to be a sensible person but somehow you only blame this mess on the Egyptian side. What about those ruling Algeria, dont they stand to benefit a lot from what has been going on? and what is your explanation for the on-going cursing of Egypt and the Egyptian ppl in Algerian newspapers? You are no victims here so, let's be honest for a change.

soreal said...

هو أكيد مش رجل دين من غير نقاش ... و أرائه عن علاقتنا مع الغرب فيها الغث و فيها السمين
بس يا جماعه ما تنسوش إنو أس الدين هو صلاح الفرد و المجتمع... ‎
و إحنا ما ضعنا إلى لما فرقنا ما بين ديننا ودنيانا. و في نظري تلك نقطه تحسب في صالح اسلوبه في الطرح

شمس العصارى said...

سبحان من شرع الاتباع و حرم الابتداع
المقياس الوحيد فى الدين لكل ما يقال هو " هل ما يقال يطابق الكتاب و السنة و الاجماع ... ام لا " يعنى لو امام الائمة قال مل يخالف الكتاب و السنة يرد كلامه له ولا نأبه به ولو اقل شخص شأناً فى المجتمع قال ما يوافق الكتاب و السنة لاستمعنا له و انصتنا
اعتقد دى مقدمة بسيطة لفهم اى شئ فى الدين و الحديث عنه
و يجب ان يعلم الناس عن دينهم و اصوله و فروعه حتى يفهمومه و يعقلوه
يعنى لما الناس تحتاج لفتوى يروحوا لفقيه و لما يحتاجوا لحديث يروحوا لمحدّث ولما يحتاجوا لرأى يروحوا لعالم دارس و قارن بين الاراء و قبل كده و بعده عندهم الكتاب و السنة يعرضوا عليهما كل الاقوال
ـــــــــــــــــــــــــــــــــــــ
نيجى بقا لموضوع عمرو خالد -الرائع - اى عمرو
سمعتها من فمه قال " لست اهلا للفتوى ولا افتى للناس انما انا رجل يبلغ بطريقة تصل للناس و قال انا اسعى للدراسة فى الازهر - كان حينها فى السنة الثانية للدراسة -
اتسائل هل وقف الرجل و نصب نفسه راس العلم فى هذا الزمان هل افتى فى الفقه هل خرج احاديث هل ابتدع أراء ... اجيب انا لا لا لم يفعل
و بحسب سماعنا له لم نراه يفتى او يعارض علماء فى الرأى
حسب رايى انا ان عمرو خالد رجل مفوّه يستطيع بطريقة بسيطة ان يوصل الكلام لقلوب الناس و خصوصا من ناحية الترغيب
فهو من الذين يستعملون طرق ترقيق القلوب
اما فى كونه لا يرد السيئة بالسيئة فهذا لا جديد عليه هذا خطه من ايامه الاولى
على من يتحدث عن و على عمرو خالد ان يقفوا اولا عند ظاهرة جمهوره الكبير من كل الطبقات و كل المستويات الا تستحق تلك الظاهرة الوقوف و الدراسة و التامل
انا احب الرجل .... وفقه الله

Unknown said...

نوارة 1+1 =2 لو نبص ثانية واحدة و نفكر أن عمرو خالد ممنوع من الخطابة فى أى مسجد فى مصر بقالوا 9 سنين و حسان و حسين يعقوب و الحوينى و بقية الكورال ده كل قرد فيهم عنده خطبة أسبوعية فى مصر يبقى أكيد عمرو خالد النظام شايفة خطر ,,,خطر فى أيه بقى ,,الحاجة الوحيدة اللى عمرو بيعملها ممكن تكون زيادة عن الأراجوزات ديه أنه ليه شغل على الأرض أىا كان الشغل ده مفيد ولا لأ بس أهو خرج بالدين من النطاق المحدود بتاع نجوم قناة الناس

حـــلـــم كـــان said...

بوستك ده تمام التمام معدى

عمرو خالد ده انسان محترم وعشان هو محترم

بيتعمل فيه كده ده اكتر انسان انا بحب اسمعه واكتر انسان غير فيا حاجات كتبر

Nemo said...
This comment has been removed by the author.
نعيب زماننا said...

عفوا أخت نوارة حنطلع برة التهييس شوية
أخت فنون
لما حدث عبدالله بن عمر بحديث "لا تمنعوا إماء الله مساجد الله"قال له ابنه بلال والله لنمنعهن فأقبل إليه عبدالله فسبه سبا شديدا ما سبه مثله قط وقال له : أقول لك قال رسول الله صلى الله عليه وسلم « لا تمنعوا إماء الله » وتقول : والله لنمنعهن ! فهجره حتى مات
سبب اعتراض ابن عبد الله منطقي وهو تغير الحال و كثرة المنافقين فكيف نترك النساء تخرج هكذا في وسط غير أمن
ولكن خانه التعبير كثيرا بما قال فسبه أبوه و غضب منه. عمرو خالد قال كلام كبير أوي و مش سهل و أسوأ مما فعله بلال بن عبد الله و فوق هذا أن كلامه أيضا خاطىء و ليس مجرد خيانة تعبير فقط. و ليس هنا المجال للرد على هذا الموضوع, ولكن أحببت أن أوضح كيف كان غضب الصحابة لرسول الله صلى الله عليه و سلم.
و مفيش حاجة اسمها كان أصده يقول معرفش ايه و كان عايز يأول معرفش مين, مش عارف يحضر أو يتكلم عن الرسول ازاي, يبأ يبعد عنه خالص و يتكلم في أي حاجة تانية

أخت نوارة, أنا لا أعلم عن أي ثلاثة تتكلمين و لكن لا أعتقد أن الشيخ صاحب شريط يا فاشل و المقربين منه -بدون ذكر أسماء كما تحبي- سايب الدنيا كلها و آعد لعمرو خالد عشان يشتمه, بس لما عمرو يلخبط في الدين لازم التنبيه ولما يعك أوي لازم الشدة, و بعدين يا فاشل يا فاشل كان بيأولها حسن حسني لكريم عبد العزيز في الباشا تلميذ و محدش قالو حاجة يعني, و لا هي للممثلين حلال و للشيوخ حرام
انا ألت أديها حتة تهييس في الأخر و شكرا

Anonymous said...

انتي عاوزةتجنيني يا نوارة

Anonymous said...

فاكرة من شوية لما قلقتي من تدخل مصر والسعودية والأردن في موضوع الحوثيين وقلتي الجوز الخيل دول ما يتدخلوش في حاجة وتبقى صح أبدا..؟
أهي دي زي دي :D

مصطفى عبدربــه said...

العملية كلها تضارب مصالح واختلاف سبوبات
وكل العالم دي بتلعب في دماغ الناس على اختلاف ثقافاتهم
بس اغلب اللعب في دماغ الناس البسيطة
صحيح عمرو خالد حد مهذب
بس لا يسمن ولا يغني من جوع

سيبيهم يختلفوا مع بعض أو يتفقوا
احنا بره اللية دي كلها ولا يلزمنا منهم جميعا أي شيء

تحياتي

شمس العصارى said...

لقد كنت اهرب الى مدونتك لاشعر بالامل لامحو الخوف الذي يعتريني لاشعر ان مصر بخير والجزائر بخير وانها فترة لا محالة لها نهاية كنا نبحث عن اصوات الحق
ـــــــــــــــــــــــــ
ده كان جزء من تعليق احد القراء مش كلامى
بس انا عاوز اسال " هو لسه فيه كده " قومية قومية قومية
امال انا مش بشعر بالامل ده ليه بس هههههههههههههه
عذرا لكاتب التعليق
مصر ليست بخير و على ما يبدوا ان هذه المرحلة حتطوّل شويتين تلاته
ـــــــــــــــــــــــــــــــــــــــــــ
نرجع للموضوع من تانى
تانى و تالت يا نوارة هى الحرية فى مدونتك تعنى سب الاخرين
يعنى ينفع حد يقول على مشايخنا الاكابر - قرود و ارجوزات - ليه كده بس
اقل شئ اننا نقدر للناس قدرها
يعنى هو مينفعش نقول و نتكلم من غير تطاول
نلتقى بعد المعلقين

Anonymous said...

بالرغم من ان الناس اللى انتوا بتقولوا عليهم دول انا بعتبرهم شيوخ وعلماء (ودة لأنهم درسوا الدين مش لأنهم بيطلعوا في قناة الناس) ولكن دة ما يمنعش اني زعلت جدا من فيديو يا فاشل دة لأني شايفة ان مش دي الطريقة الصحيحة للنصح ولتصحيح الاخطاء... دة غير ان عمرو خالد ليه فضل كبير اوي علية (وعلى معظم الناس اللى التزمت في نفس الفترة حتى اللى بينتقدوه دلوقتي) .. لانه هو اللي حببني في الدين

بس من ناحية الرد فهو رد عليهم .. ورد اكتر من مرة كمان

http://www.youtube.com/watch?v=SEVZ5eK5ueY

http://www.youtube.com/watch?v=Yq9RrNhth8M

Tamer said...

لو الكلام المقصود بيه موضوع يا فاشل
فانا بصراحة اعذر العلما دول في غضبهم اللي اعرف انه ورد زيه عن الصحابة حتى و لو ما عجبناش و حتى لو كانت الشتيمة غلط
قد - و اقول قد - يكون من رماه بالفشل أخطأ في السباب
لكن غضبته كانت لرسول الله - عليه الصلاة و السلام

اما بالنسبة لعمرو خالد , فهو من وجهي نظري المتواضعة أخطأ , هو خطأ غير مقصود , لكن كان من واجبه يكون اكثر تأدبا في الحديث عن رسول الله صلى الله عليه و سلم

بث تجريبي said...

زى ما عمرو خالد زاد فى نظرك واحترمتيه نتيجة عدم رده على الناس دى, انا كمان ازداد احترامى ليكى عشان قلتى رأيك فيه بكل احترام رغم اختلافك معاه.

Rateb said...

اصل الشيوخ السلفيين عاوزين يحتكروا الدين حتى اسم سلفيين واخدينه احتكار لأن ماينفعش جماعة بعينها يبقى اسمها السلفية لأن كل جماعة بتدعى السلفيه فهما بيهاجموا اى حد ليه صوت عالى من خارج منهجهم بصرف النظر عن الاختلاف كبير ولا صغير يعنى بينتقدوا على جمعة والقرضاوى وعمرو خالد ومصطفى حسنى لأنهم بينازعوهم فى املاكهم وكمان كنوا بيهاجموا الغزالى الله يرحمه بس الصراحة الغزالي كان بيهاجمهم هو كمان ولو ركزتى معاهم اكتر هتلاقي منهم اللى بيهاجموا علماء من القدامى زى ابن حجر العسقلانى والفخر الرازي زي ما بيهاجموا عمرو خالد كده بس عمرو خالد مشهور فالكلام عنه بيتسمع لكن اعترف لهم بحاجة منهجهم فى المجمل كويس بس لو يزودوا عليه الايجابية فى التعامل مع المجتمع ولازم يتعلموا يقبلوا بالاخر بس هي جت عليهم مين فىالبلد دي بيقبل باخر

AhmAd said...

http://oneomah.blogspot.com/2009/10/blog-post.html

ehabafndy said...

الناس إلى بتشتم و تغلط فى محمد حسان أو يعقوب أو الحوينى بتغلط نفس غلتطهم لما بالغوا فى شتيمة عمرو خالد يبدوا إن إحنا جميعا معندناش فقه و أدب الخلاف المحترم الجميع عنده الخطأ و الصواب و من يدعى الثقافه يجب أن يأخذ ما يناسبه إلى كل من ينتقد من له أصول و ثوابت لمجرد إن له أصول و ثوابت سواء كان عمر خالد أو يعقوب أو حسان أو غيرهم أعتقد إن اللبراليه مش كده و لو كانت كده تبقى أسوأ حاجه فى الدنيا.

ابو سيف said...

اعتذر يا اخويا لعمرو خالد و لا حتى لعادل امام حد قالك حاجه ما انت مهيس مش من جبهة التهييس تبقى مهيس و يا ريت لو تروح تبوس رجليه كمان و تطلب منه انه يسامحك و ابقى ادعى للجبهة بتاعتك و انت داخل على عتبة بيت سيدكم عمرو خالد

Anonymous said...

ماباحبش عمرو خالد - اقصد طريقتة الحونيينة وعوارة الصوتى.ولكنى تذكرت المثل القائل :مالك متربى؟ قال: من عند ربى .فلنختلف ونتفق كما نشاء ولكن مع تجنب الغلظة والنميمة الكاذبة والاسفاف والتدنى حسن على

Unknown said...

انا نزلت التعليقات من غير ما اقراها عشان نازلة على الله ما يكونش حد شتم حد

هو اشمعنى البوست ده اللي حمسكوا كده؟

كل الحكاية اني لقيت راجل وحيد بيتشتم من مجموعة كبيرة وهو مش بيرد فحسيت انه اتظلم كده وحبيت اعتذر له عن اي تجاوز عشان ما احبش اشارك في الجوقة دي

لكن انا لسه مختلفة معاه واختلاف جذري لاسباب تانية خالص

هو مؤدب ومحترم والظاهر عليه طيب

بس راسمالي والمشاريع اللي هو بيعملها دي بتخدم على الرأسمالية ومش بتحل

وانا مش شايفة ان ده اصلاح

بس ما يتشتمش كل الشتايم دي حرام

نعيب زماننا said...

أنا عملت مشاركة طويلة عن الثوابت أبل دي بس حاسس ان في حاجة غلط و انها موصلتش
المهم أكمل كلامي باختصار لأحمد رجب, الكثير يعلم قصة العالم و العابد بتاعت الرجل الذي قتل مائة نفس, العمل بدون علم حيخرب الدنيا, لو مش مهمته يعلم الناس يبأ محطش لنفسه شرعية دينية لما بيستخدم لقب الداعية الاسلامي و كلمة مجددون.
الكابتن بتاع الأراجوزات لو ده منطقك في الدليل أن بدام الحكومة مانعاه يبأ مفيش زيه فأنت بهذا اللا منطق بتأول ان عمرو و زيكو بطروس سواء.
ملاحظة أخرى: الكل يتكلم عن عمرو خالد كأنه الوحيد من الذين يتكلمون عن الدين الذي له نشاط اجتماعي, طيب مكل هؤلاء الشيوخ له أنشطة كتير في خدمة المجتمع, مثال أعرفه شخصيا, واحد من شيوخ الرحمة الآن يبدأ جمعية لتعارف أهل المنطقة التي يخطب بها الجمعة و مساعدة راغبي الزواج و فوق ذلك توعيتهم بمعنى الزواج و أصوله و واجبات و حقوق الطرفين و متابعتهم أيضا بعدها لمنع حالات الطلاق
وأكيد هذه ليست الحالة الوحيدة و لكنها المعلومة لدي بشكل شخصي و نفس الشيخ له خطب كثيرة عن ارتباط الدين بالدنيا و أنا علمت منه على سبيل المثال لا الحصر أن رسول الله صلى الله عليه و سلم أول من نهى عن الركنة صف تاني.
هو لازم الواحد كل أما يعمل حاجة لله يطلع يعمل عليها برنامج في التلفزيون, لا يا رجالة لسا في ناس مش فارقة معلها إنها تتعرف و لا لأ
نختم: مش ملاحظين أن عمرو خالد التعليقات عليه هنا أكترمن غزة و كأس أفريقيا ده حتى غلب حكاية المتين جنيه اللي بيديهم الدستور لنوارة ههههههه

محمد شرابي said...

سلام عليكم و رحمة الله و بركاته

الغرض الرئيسي حسبما ارى من هذه التدوينة هو استنكار الرد على عمرو خالد بصورة غير لائقة و بالتحديد من المشايخ محمد حسان و أبواسحاق و يعقوب و لكني اولا اريد ان انوه على شيء بسيط

أرجو من الاخوة قراءة مقدمة صحيح الامام مسلم ليروا كيف انتقد الامام مسلم المحدثين في عهده برغم انه يشهد لهم بالعلم و لم ينكر عليه احد لان بعض المواضع ينبغي فيها الحديث بقسوة

ثانيا طالما اننا ننكر التعدي بالالفاظ فيجب التنويه على بعض الالفاظ التي استخدمها الاخوة في التعليق

فرقة حسبة الله
الثلاثي المهابيش
بقية الكورال ده كل قرد فيهم عنده خطبة
زيادة عن الأراجوزات ديه

( أتأمرون الناس بالبر و تنسون انفسكم )

Unknown said...

نيمو

انت ليه شتمت طارق؟
معلش انا اضطريت بعد ما نزلت تعليقك من غيرما اقراه اني امسحه تاني

Unknown said...

نيمو

انت ليه شتمت طارق؟
معلش انا اضطريت بعد ما نزلت تعليقك من غيرما اقراه اني امسحه تاني

Dr Nemo said...

ياااااااادى النيله ..عم نيمو الجديد اللى طلعلى فى البخت ده
هفكر تانى يا نورتنا بما انى مكتئب جدا جدا اليومين دول ومش بشارك فى اى حاجه
انا مش نيمو اللى علق شتم او مشتمش
انا بتفرج من بعيد اليومين دول
وبس :(

Nemo said...
This comment has been removed by the author.