Friday 29 May 2009

من سريلانكا؟ طيبين قوي بتوع سريلانكا

حنيّة النظام المصري
د.إبراهيم حمّامي
يقول الخبر المنشور في الصحف المسماة بالقومية وفي جميع المواقع الرسمية المصرية: "بناء على توجيهات الرئيس حسنى مبارك ، أصدر الدكتور أحمد نظيف رئيس مجلس الوزراء قرارا " الأحد " بإيفاد طائرة مساعدات مصرية إلى سريلانكا التى تواجه بعض المشكلات الإنسانية بسبب الإضطرابات الأخيرة.
وقد صرح الدكتور مجدى راضى المتحدث الرسمى بإسم مجلس الوزراء بأنه تقرر أن تقلع طائرة مساعدات مصرية من القاهرة إلى العاصمة السريلانكية كولومبو تحمل عشرة أطنان من الخيام والبطاطين والمواد الغذائية والأدوية" انتهى الخبر.
الخبر بحد ذاته انساني محض في ظل المعارك الطاحنة التي انتهت قبل أيام بهزيمة نمور التاميل، وتشريد الالاف من المدنيين، لكن ما يستدعي التوقف هو هذا الموقف المصري الرسمي الذي يتحرك وبتوجيهات مباشرة من أعلى المستويات ويرسل المساعدات بالطائرات لمنكوبين على بعد آلاف الأميال، ويمنع المساعدات عن جيران له وضعهم أسوأ من سيريلانكا بآلاف المرات.
يحق لنا أن نتساءل أمام هذه النخوة والحنية لنقول:
· لماذا لم يشترط النظام المصري انجاز مصالحة بين الحكومة السيريلانكية ونمور التاميل قبل ارسال المساعدات، كما فعل ويفعل مع أبناء غزة؟
· التوجيهات تشمل البطاطين والخيام لايواء المتضررين، ماذا عن عشرات آلاف الفلسطينيين في غزة الذين تمنع عنهم السلطات المصرية الأغطية والخيام ومواد البناء، بل حتى الأغذية؟
· المساعدات "السيرلانكية" هي من مصر وقوت أهلها، بينما يمنع النظام المصري حتى المساعدات غير المصرية من الدخول، لماذا؟
· غزة وفلسطين تربطها بمصر وشعبها البطل العظيم أواصر الاخوة والعروبة والدين، ماالذي يربط مصر بسيريلانكا؟ أليست الانسانية؟ أين انسانيتكم أمام حصاركم لغزة؟
· مصر الرسمية تمد يد المساعدة لسيريلانكا، لماذا تمنع غيرها من مساعدة غزة، ألم يسمع النظام المصري أن هناك العشرات من الأطباء والاخصائيين والمتضامنين العرب والأجانب مضربين عن الطعام على معبر رفح بعد أن منعهم حراس أمن "اسرائيل"؟
· المساعدات لسيريلانكا أرسلت على عجل، ومساعدات غزة حُجزت في العريش حتى تلفت وتم اعدامها، من يتحمل المسؤولية؟
· سيريلانكا حظيت بتغطية اخبارية ملفتة ومتباكية، بينما غزة حظيت بتحريض رسمي غير مسبوق، ما الذي فعلته غزة لمصر لتنقلب عليها وتساهم في خنقها؟
الأسئلة كثيرة وكبيرة، والغصة في القلب أكبر وأكبر، ونحن نرى ونشاهد ونسمع ونشهد على تنفيذ حكم اعدام لمليون ونصف المليون فلسطيني، بأيد عربية مسلمة، تخنق وتحاصر وتهاجم، ثم تمتد بعيداً بعيداً هناك لمساعدة منكوبين في بلد لا رابط بينه وبين مصر العظيمة.
لكم الله وحده يا أهلنا في فلسطين السليبة وفي غزة الحبيبة، واعلموا أن الجبار المنتقم يُمهِل ولا يُهمِل
لن نزيد
---------
كفاية بقى دعا، انا الكلام ده بيخبط في جنابي
بس صحيح، لو لم اكن مصريا لوددت ان اكون سيريلانكيا، واحنا من هنا بنحب نحيي شعب سيريلانكا الشقيق ونتساءل ايه بقى نمور التاميل دول؟ انا اللي اعرفه انهم وحشين، بس مدام النظام المصري بيشتم فيهم يبقى لازم اراجع بقى واحاول اعرف ايه حكايتهم دول
وقال على رأي الشاعر عادل امام في قصيدة النمر والانثى: من سيريلانكا؟ طيبين قوي بتوع سيريلانكا
-----
ابقوا شوفوا الفيديو ده


:D :D :D :D :D :D
لا وفرحان قوي بنفسه، استغفر الله العظيم يارب، لا حرام انا مش باتريق عليه والله،
طب والله تعاطفت معاه، على الاقل شجاع وبيواجه، وبعدين انا مش فاهمة ايه ازدواجية المعايير دي؟ اذا كان زواج المثليين مسموح بيه عندهم، ومقبولين في المجتمع الامريكي يبقى ليه يترفدوا من الجيش؟ ماهو يا قابلينهم يا مش قابلينهم، بيلخبطوهم ليه؟ على الاقل يرسوهم على بر عشان برضه يبقوا عارفين يقولوا وللا يخبوا وللا يعملوا ايه بالظبط، انما يقولوا لهم اه انتوا مقبولين وبعدين يدوهم على قفاهم؟ هم منافقين في كل حاجة كده؟
بس ما يترجمش المتنبي غلط :)، المتنبي ما قالش الكلام ده يا كداب، وبعدين فيه حتة كلها كده: هبلولولولولولول، ما فهمتش بيقول ايه؟
هو ده ال
fluent in Arabic?
دي احسن حاجة عندهم يعني؟ هههههههههههههههههه

48 comments:

TAFATEFO said...

ولسه من أقل من أسبوع باعت 3 طيارات لباكستان

مي ثابت said...

ليه و من أسبوع

أرسلنا مساعدات إنسانية و إغاثية

للمشردين فى وادى سوات الباكستانى

http://www.youm7.com/NewsSearch.asp?Keyword=%C7%E1%DE%C7%E5%D1%C9+%CA%D1%D3%E1+%C3%E6%E1%EC+%E3%D3%C7%DA%CF%C7%CA%E5%C7+%E1%C8%C7%DF%D3%CA%C7%E4



يعنى آصف زردارى المتحالف مع الأمريكان يضرب فى شعبه

و إحنا نرسله مساعدات

من آخر الدنيا

!!


لكن اللى بيفصل ما بينا و بينهم بقعة أرض

مبنسألش فيهم و نخنقهم


على رأى الشاعر

حلالٌ للطير من كل جنسٍ

حرامٌ على بلابله الدوح

TAFATEFO said...

بس على فكره

طيارات المساعدات دي -على حد وصف أحد الطيارين ليها- زي صناديق البيبسي في الأفراح .. مجاملة للعريس مش أكتر ولا أقل .. بقى احنا نبعت طيارات إغاثة لدولة عندها نووي واقتصادها أضعاف اقتصادنا

وبعدين طياراتنا كان فيها مراهم جرب

زي عربيات الأدوية اللي بتطلع مع الرئيس العروض فيها مراهم نمش .. نمش .. النمش هيجيله في العرض

مي ثابت said...

TAFATEFO


إذا ما فاز فاروق حسنى

بمنصب مدير عام منظمة اليونسكو

يبقى لازم يمشى من الوزارة



يمكن إنت إختلط عليك الأمر

مع موضوع بطرس الغالى

لما إترشح رئيساً للجنة المالية الدولية بـ صندوق النقد الدولى


و المركز السابق لابد أن يظل صاحبه وزيراً كان أو رئيساً لبنك

مي ثابت said...

أوباما فى السعودية قبل مصر

يعنى حيقضى ليلة
3
يونية فى السعودية و بعدين حيجى لمصر يوم
4


http://www.aawsat.com/details.asp?section=1&issueno=11139&article=521049

أكون أو لا أكون said...

على فكره يانواره فيه حاجه معروفه في الشخص العربي وهي انه" خيرُه لغيرُه" يعني الإنسان العربي بيجود وبيكرم الغريب لدرجة إنه ممكن يذبح إبنه ويقدمه للضيف لو مالقاش حاجه يذبحها ويقدمها له...
لكن لمه ابنه يعوز حاجه... شويه لا يقوم يخنقه...
الراعى العربي بيعتبر إن رعيته خلقت علشان راحته وعلشان سعادته وعلشان تنفيذ أوامره...
فـ مش ممكن حيتقبل إنه يكون هو في ذات نفسه وجلالته في خدمة الرعيه...!!!

قبل ما نعاتبه ليه مش بيسعاد أهلنا في فلسطين واللي هم أولي من السريلانكيين... خلينا نعاتبه على إهماله لقضية أولاد الشوارع اللي بيناموا في الشارع وبياكلوا من الحاويات... واللي بيتعرضوا للمخدرات والإجرام والإغتصاب...
اللي مافيهوش خير لبيته... عمره ماحيكون فيه خير لجيرانه...

الصحابي عمر رضي الله عنه المعروف بعدله ... كانوا في زمنه لما بيجمعوا الصدقات مش بيخلي كان بيتأكد بنفسه إن البلد كلها امورها ميسوره... وإن مافيش حد من أهل بلده محتاج حاجه... وإذا لقى فيض في الزكاه كان بيبعته للجيران" يعني البلد المجاور"... وإذا لقى إن البلد المجاور إمورهم جيده... كان بيبعت الزكاه للجيران الأبعد...

ماكانش بيسمح إن حد يرسل زكاته لمعارفه في البلد التاني... حتى لو كان هو غريب عن البلد ده...
وهذا معنا إن الإنسان مسؤول عن اللي جنبه ثم اللي حواليه ثم أبعد ثم أبعد...


مش يروح ناطط بعيد يناول الغريب ويخلى الأقربون واللي هم أولى بالمعروف...

مهندس مصري بيحب مصر said...

ما أصل المنكوبين اللي راضية عنهم أمريكا يا سعدهم يا هناهم
حيلاقوا طيارات المساعدة جاية من مصر
لكن المغضوب عليهم أمريكياً
و لا حيشوفوا من مصر غير كل شر

mido said...
This comment has been removed by the author.
BlackIceNo said...

احنا عايزين مساعدة

مواطن مصري said...

باكستان الموضوع خطر على المستوى الدولي و العربي عشان فيها مفاعلات نووية قرب سوات

و بعدين دول مسلمين بردو


و الي بيحصل في باكستان ارهاب على يد طالبان من جهة و على يد الحكومة من جهة و الشعب البرىء مطحون في النص


و بعدين المسلمين في سيرلانكا مطحونين بين نيران نمورالتاميل و الحكومة


يعني لا عاجب لما يساعد اخوة المسلم مش عاجب لما مايسعدش


و بعدين مش الاخوان عندهم قاعدة ان اخوة المسلم في باكستان اقرب من ابن بلدة


بس موضوع باكستان خطير و ربنا يستر و متقعش المفاعلات النووية في يد ناس متهورة

TAFATEFO said...

ها ها ها ها ها ها ها ها ها ها ها

TAFATEFO said...

في المقال دهعزت القمحاوي بيقول انه بيدعو الله ان فاروق حسني يصل للمنصب علشان يمشي من وزارة الثقافة .. يبقى ممكن مصر 30 يكون عنده حق

3ishreen said...

عظيمة يا مصر
بعدين عادي يعني عادل إمام قال إحنا بقالنا 60 سنة بنقول بالروح بالدم نفديك يا فلسطين، يعني الجماعة زهقوا بقا وعاوزين ينشروا الإنسانية العظيمة للنظام الهمام على باقي خلق الله، لأنو الشعب الفلسطيني عامة والشعب الغزاوي خاصة وصلتهم الإنسانية دي من زمان أوي يعني بلا مؤاخذة حبوب الهلوسة الأسرائيلية بتوصل عن طريق الأنفاق دلوقت لغزة هما عاوزين إيه أكتر من كده LSD, TRAMAL and VIAGRA
كلها بتوصل وبأسعار خيالية كمان ومضاعفة 3 مرات والكل مستفيد التاجر الأسرائيلي (حبيب القلب ) والتاجر المصري (الغلبان) والتاجر الغزي (المسكين المحاصر) والأنظمة اللي بتحكمهم التلاتة، يعني تطبيع من نوع جديد غير التطبيع بتاع الإعتذارات واللحس بتاع عريقات و روقه
.
الأخت الكبيرة خلاص سيطرت على وتمكنت من قيادة العرب وعاد لها (والحمد لله ) الدور الريادي (مهم جداً) ، وأوباما جاي وحيأكد الكلام (صحيح زيارتة 8 ساعات بس لكن أكيد حتكفي) لذلك الأخت الكبيرة المحترمة المصون بتحاول تفرد جنحاتها على باقي مساكين العالم حتى تعيد الدور العالمي لها ، يمكن ساعتها بتوع اليونيسكوة يقولوا شوفو أهو الأخت بتساعد معانا في إعادة الأمن والطمأنينة لباقي شعوب العالم الغلبانة. مبروك ليكم يا جماعة على فكرة دوركم التاريخي أهو بيرجع شوية شوية ويمكن بكرة يسمحولكم بضم السودان ليكم لتحقيق حلم مصري قديم بالسيطرة على أكبر قدر ممكن من مياه العظيم

عشرون

مواطن مصري said...

الله يخرب بيت كدة دة انا متفرجتش على الفيديو


بقى يقول الخيل و اليل و البيداء تعرفني

تترجم كدة


دة لو كان المتنبي عايش كان انتحر

مواطن مصري said...

الله يخرب بيت كدة دة انا متفرجتش على الفيديو


بقى يقول الخيل و اليل و البيداء تعرفني

تترجم كدة


دة لو كان المتنبي عايش كان انتحر

مواطن مصري said...

ههههههههههههههههه مش دي القصيدة الي مات بعديها المتنبي


هههههههههههه

مهندس مصري بيحب مصر said...

إسرائيل حتنقب عن البترول في سيناء


نواب ينددون بمنح شركات إسرائيلية حق التنقيب عن النفط في مصر ( شمال سيناء )
بعلم من الحكومة

مواطن مصري said...

http://www.shorouknews.com/ContentData.aspx?id=48826


اهم شباب 6 ابريل الي كنتي فرحانة بيهم لما قالو مش بنتصل ب امريكا

صورهم منورة مع هيلاري كلينتون


منهم واحد كان دخل و علق و قاال ابدا مش هنتصل

الي اسمو ميدزي

TAFATEFO said...

مي

هو عزت القمحاوي بيقول كده برضه

بس أممكن؟

Unknown said...

انا عاوز افهم

حاجه هو مش سريلانكا مسلمة برضه

وبعدين نوارة بتقول وحنروح بيعيد ليه فيه ناس جنبنا



اعتقد اني لازم انبه ان المصريين مش لاقيين ياكلوا اعداد كبيرة منهم


واعتقد ان شويه الشباب بتوع قهوة البورصه اللي بيصرفوله بتاع يجي 30 في القعدة ميدخلوش في حكايه الفقراء

Unknown said...

سؤال تفتكروا مين ممكن يمسك الحكم بعد الرئيس ياريت حد يجاوبني

حـنــّا السكران said...

تساؤلات الاستاذ ابراهيم مشروعة جدا ..بس مين يجاوب ؟

ـ نفسي بس اعرف عوكل شو وعد نتنياهو حتى الأخير يعمّم هلى كل البعثات الدبلوماسية الصهيونية بعدم مهاجمة أو الاعتراض على ترشيح فاروق حسني ؟؟

مسؤول اسرائيلي يقول :

حصلنا على مقابل مجدٍ في سبيل تمرير ترشيح حسني .. انتهى كلامه .

ما هي العائدات على مصر جرّاء وصول حسني ؟ و المصيبة أن اّثار القدس تقع تحت سلطة اليونيسكو .. فعن أي حقّ ليس له .. سيتنازل عوكل هذه المرة ؟؟

و أخيرا جاء من يجعلنا نترحّم عليك يا شحاته المعسّل .. ده انت كنت كويس جدا

Kalimalhus said...

مواطن مصرى
----------
مات بسببها - كما يقال - أطبق عليه جماعة يريدون قتله سلطهم عليه أحد الغاضبين عليه فأزمع الهرب و لكن خادما له ذكره بالبيت (الخيل و الليل ...إلخ) فإستنكف أن يفر و ثبت لهم فقتلوه..

Kalimalhus said...

يا عينى يا روقة .. كده راحت عليه.. يعنى جت معاه على يوم واحد كان ممكن يحتفظ بالكلسون..

تلاقيه قال أدينى خالع على بره أقول اللى نفسى فيه بقى و يارايح كتر من الفضايح .. جت على دماغه و أهو ها يقعد فى أرابيزنا بعد ما بانت ليته .. قصدى لبته..

Kalimalhus said...

مواطن مصرى
----------
إشمعنى بقى ما قلتش على مساعدات التاميل دى إن إحنا عندنا ناس غلابة فى الصعيد و غيرها و الكلام اللى إنت كنت بتلعبلنا بيه فى دماغنا البخت من يومين؟

إنت الإمتحانات أثرت عليك و بقيت تنسى قلت إيه من يومين..

شوف ممكن تقول اللى نفسك فيه بس ما تسقطش فى التناقض.. ماشى؟.. دى الطريقة الوحيدة عشان ما حدش يقفشك..

Kalimalhus said...

مى
---
و الله لو بإيدينا نساعد خلق الله جميعا عربى مسلم هندوسى مش مهم .. لكن تقولى إيه فى أقزام العهد القمئ..

مع العلم بإننا مسئولين بشكل خاص تجاه غزة اللى المفروض إنها كانت تحت الإدارة المصرية قبل النكسة .. أقله بمناسبة الذكرى العطنة نفتكر إن يوم 5 يونيو 1967 الصهاينة إنتزعوا غزة من إيدينا إحنا .. و غزة اليوم تحت الحصار و الإحتلال نتيجة تقصيرنا فى الدفاع عنها الأول و مشاركتنا فى خنقها فى الآخر..

على النعمة أنا لو غزاوى كنت قلعتلنا البنطلون .. فيهم الخير الناس اللى صابرين على العدو و صابرين علينا..

lastcrazyboys said...

!!..مش عااارف

بس ما يمكن الحــوار بتاع سيريلانكا ده ذات نفسسسسه ..فاااكس ..واونطة في اونطة

ماهو احنا كده بقى نعذر الجماعة اللي بيقولوا : يا سلاااااام ..والله الريس ده امير ..شوف قاعد ازاي مع المواطن في عشة ..ربنا يعلي مراتبه كمان وكمان

أو الجماعة الخواجات اللي بيقولوا :دي مصــر دي "إششششطة"..وبتلمع ..زي ما بيشوفوهــا في " الناي تي في"..او في الكتيبات

ده لو المساعدات دي كانت رايحة الصعييييد..شوفي الصعييييد
كانت زمانها اتنسفت يا ولداه
====
إلا بالحق أيه حكاية ضم "المسائية " لأخبار اليوم ..والوقفة الاحتجاجية اللي عاملينها موظفوا ..اخبار اليوم ..والأهرام

انا مش فخمتو خاجة خاااالص
!!!!!

مواطن مصري said...

مهندس حر انا بقولها من باب السخرية فرق بين كلام الجاد و كلام السخرية

Kalimalhus said...

زعلانين إنهم جابوا الصهاينة ينقبوا عن البترول فى سينا.. يا خى أحااا.. يعنى لغوصولنا فى زرعنا و أكلنا.. جت على الزيت يعنى؟؟

أنا متهيألى إننا المفروض بقى نحط بلغة قديمة فى بقنا و نسكت..

هو إحنا مش سيبنا لأمهم البلد و بقت ملكهم يبيعوها يحرقوها يعملوا فيها ما بدالهم .. ما هو من حكم فى ماله فما ظلم..

و بعديت تعالوا هنا؟.. هى كانت من إمتى بتاعتنا و ألا لينا فيها .. ما همه وارثينها عن اللى قبلهم اللى ورثها عن اللى قبله اللى خدها بدراعه من واحد كان وارثها عن أبوه .. و أهو ده حالها من 6000 سنة.. سمعتوش عن يوم الشعب ده حكم نفسه بنفسه أو إختار حكامه.. ده يمكن الحاكم الوحيد اللى جه بإرادة شبه شعبية يبقى محمد على باشا..

إسفوخس على شعب نخبته المثقفة بتمارس الدعارة و المتعلم فيه أحمر من الجاهل و لا عزاء للغلابة اللى أنضف مننا و إحنا اللى ضيعناهم..

lastcrazyboys said...

خدي كمــان الخبر ده قديم شوية

بس عشان عارف سعادتك بتحبي نكد اخر الليــــل

http://www.guardian.co.uk/world/2009/may/27/israel-palestinian-water-dispute

مي ثابت said...

مهندس حــر

عندك حق طبعاً



النهاردة كنا"زوجى و أنا" عند الجريح محمد حمدى اللى نوارة كانت جابت قصته


و شوفت مجموعة من الجرحى الفلسطينين

فيه منهم إتنين

طلعوهم من تلاجة الموتى

إعتقاداً منهم إنهم إستشهدوا

لا تتخيل شعور العجز و الضعف اللى ممكن تحس بيه قدام ناس بتدفن أحياء و تتخنق و إحنا بنتفرج عليهم



بصدق .. شعور لا يوصف

نعم و طبعاً لو بإيدينا نساعد كل الناس



لكن لما أسيب طفل زى "يسرى" عمره

8

سنوات

مصاب فى معظم جسمه

تنهشه طيارة و مقفش و أقول

حرام كفاية

و أخنقهم و أجوعهم

و بعدين أرسل مساعدات هنا و هناك

يبقى أكيد اللى بيحركنى أى شئ غير الرأفة و الإغاثة

مواطن مصري said...

مهندس حر قال يعني ان شركات البترول الي عالمية مش اسرائيلية


اغلب شركات البترول و الامن اسرائيلية

mido said...

شوفت دى



فضيحة العاشرة مساءا

Kalimalhus said...

مى
---
جزاك الله أنت و زوجك الكريم عنا خيرا.. و ربنا يقدرنا على أضعف الإيمان إنشاء الله..

أنا قلت لو كان بإيدينا لأن ساعتها النية ها تكون مختلفة..

نوايا الخرفان إحنا عارفينها كويس ..تعرفيش العيد الكبير ها ييجى إمتى ؟.. عايزين نحج و ننضف بقى..

Kalimalhus said...

ميدو
----
فخار متكسر على بعضه..

Kalimalhus said...

تعقيبا مرة تانية على خبر هيفا..

لما دى تبقى الناحية الكويسة من وشها أمال الناحية التانية شكل أمها إيه.. ياخى إصفوخص على السباك اللى بيلغوص فى خلقتك..

و كمان إصفوخص على كل أشباه الرجالة اللى بتريل على السقط المتعبى فى إكياس نايلون.. و مش عاجبهم بنات الحلال اللى ربنا رزقهم بيهم..

و عشان اللى ما يعرفش .. جوز المزة يبقى من كلاب الظل فى قطيع النهب المفرط .. و عشان كده طبيعى إنه يبلبعهالنا 3 مرات فى اليوم بعد كل أكله خلينا نتسم أكتر ما حنا متسممين ..

يعنى خالد يوسف عمل أفلام كتير و قليل حدش شاف كمية التغطية دى كلها و الفيلم لسه نازل .. خالد يوسف الناصرى فى البيت بيتك و ليلتين على النيل سينما؟؟

الفيلم حلو على عهدة د. مصطفى .. بس ياريت ما حدش يدخله .. و كويس إن ولاد الحلال نزلوه فرى عالنت .. إتفرجوا فى بيوتكوا بكرامتكوا و ما تهينوش قرشكم .. يمكن خالد يرتجع و ما يعملهاش تانى..

يا خسارة الرجالة .. إلا همه فين الرجالة؟؟.. لو شفت راجل فى المراية إبقى تف عليه..

مواطن مصري said...

هتخسرو بعض على هيفا

مية مرة قولنا نشجع الموزة المصرية


مالها روبي مالها

روبي حلاوة مصرية طبيعة مية مية

انما هيفا عمليات

Unknown said...

روبي كويسة
بس لو تستحمى

Kalimalhus said...

لمن يهمه الأمر.. هيفا نص مصرية أمها من المنصورة..

و على فكرة اللى يعرف الشيخ أمين الجميل رئيس لبنان الأسبق أمين الجميل .. أمه برضه من عندنا من المنصورة .. و طبعا أخو أمين .. بشير الجميل.. عارفينه؟.. رئيس سابق برضه للبنان و قائد مليشيات حزب الكتائب فى الحرب .. عارفين المليشيات دى؟؟.. و عارفين عملوا إيه؟؟

عشان لما نقولك رواد فى كل حاجة ما حدش يبمبك معانا.. و على فكرة اللبنانية بيقولوا إن إحنا اللى علمناهم الرقص بجميع أنواعه .. و ده صحيح..

TAFATEFO said...

تامر بيه

في حد يتفاخر ببشير الجميل .. بس هو مش صاحب الرياده .. الرجل قال عدو عدوي صديقي .. فحالف الصهاينه .. انما وصع الأنظمة العربية مخزي أكثر

وبعدين روبي مش وحشه ولا حاجه .. بس محتاجه تستحمى فعلاً علشان نحكم

حسن على said...

سيرلانكا دى - بالصلاتو ع النبى -هى سيلان سابقا اللى هى سرنديب اللى اتنفى فيها عرابى لسنوات قبل ان يعود للوطن. ولأن - عوكل -قديم قوى ...فيبدوا انة كان عسكرى ف وقتها و عرابى وصاة يعمل واجب معاهم زى ما هما استضافوة ... قوم اية بقى افتكر متأخر شوية ... ثم ان دى منفى -يعنى فال وحش - والواحد مش عارف الايام حتجيب اية؟؟؟

TAFATEFO said...

وبعدين هيفا عندها رسمة عين رهيبة ما شاء الله

حـنــّا السكران said...

مهندس حرّ

يعني احنا نورّد لكم جورج أبيض و بشارة تقلا و يوسف شاهين و ميشال شلهوب ( عمر الشريف لاحقاً )و انتم تبعتولنا زعماء ميليشيا و أم هيفا و تعلمونا الرقص كمان ؟

ده اسمه افترا

حـنــّا السكران said...

مواطن

ما قلنا بلاش العنصرية فيما يخصّ المزز

المزز لغة عالمية متل الموسيقى ..ما حدا له الحق فيها غير التاني .

حـنــّا السكران said...

ـ أنا كمان بدّي أشكر الست النبيلة ميّ و زوجها الكريم , انتم فخر لما تبقـّى من إنسانية هذا العالم المظلم .

تحياتي لك و لزوجك الكريم .

Kalimalhus said...

جو
--
تصدق كنت هاقول نفس الكلمتين دول و بعدين عرق الوطنية نقح عليا فقمت سكيت عليهم..

بس معلش برضه إحنا أسهمنا بشوية جينات لكن إنتوا اللى ماعرفتوش تربوا.. أعذرنى يعنى..

على العموم.. عندنا و عندكوا كتير من خيار الناس اللى يوم فى الصلطة و تانى يوم فى تيت الشعوب طوالى.. الحمدلله.. الشعوب العربية ولادة من الصنف ده بدليل أهوه شوف كام الف سنة ياأخى و ما إنقرضوش..

Kalimalhus said...

مصطفى
-----

بذمتك أنا إتفشخرت بيه؟.. يعنى اللى يقرا كلامك يفتكر إنى مبسوط إن بشير الجميل نص مصرى..

مي ثابت said...

جو

التحية لك و لذوقك


و التحية لهؤلاء الصامدين

الذين أعطونا درس فى الصمود و الصبر أعتقد أننا لن ننساه أو ننساهم ما حيينا