Sunday 3 May 2009

الله يحرجكوا دنيا وآخرة

وارجو الوضع في الاعتبار اني مسلمة وعندي خنزيروفوبيا زي اي مسلم، يعني لما اقول عليه خنزير يبقى ده اخر حاجة تقرفني
انا واثقة انها ان شاء الله غلطة  والموقع ح يعتذر
اه
ماهم اكيد ح يعتذروا لان دي غلطة، غلطة واحد مخه زي مخ الخنزير بالظبط ما يفرقش عنه حاجة
ماهو لما يحط صورة نصها خنازير ونصها ناس بتصلي يبقى اكيد ما يفرقش اللي موجود في مخه ما يفرقش عن زريبة الخنازير حاجة
وعشان ماحدش يقول لي هو ما يقصدش، انا دلوقت باتكلم لحد اللحظة دي على انها خطأ فردي، ان شاء الله خطأ فردي، بس ماحدش يقول لي ما تقوليش على الفرد ده خنزير، لانه خنزير، ليه؟
تخيل كده صورة جميلة، لجواميس موطية بتاكل برسيم وجنبها لزق صورة مسلمين بيصلوا
ايييييييييييييييوة
خليك محترم كده في نفسك
هي كانت ناقصة الفنان صانع الصورة ده كمان؟ ما الحكومة كتر خيرها عمالة تحاول تعملها فتنة طائفية والزبالين مش واخدين بالهم... اللي عمل الصورة دي بيساعدهم وللا ايه؟
هاه؟
لالالالالالالالالالالالالالالالا
هي غلطة

30 comments:

مواطن مصري said...

ها عنصرية دي بقى اكيد شوفتي انا قولتلك اية

Israa El-sakka said...

إيه القرف ده فتنة هوجاء صماء شعواء عشان الخنازير ..بجد الناس دي بتفكر إزاي أصلاً...يعني إيه ؟!! على رأي مواطن مصري دي عنصرية

بصراحه said...

هى فين الصوره دى يا بنتى مش شايفها؟
انا شكلى كبرت ونظرى ضعف ولا ايه؟؟

يالهوى
لا تكون انفلونزا البتاع جاتلى وانا مش واخد بالى
الله يكرمك قوليلى بسرعه
هوه فيه صوره ولا الحمد لله مفيش؟؟؟

Unknown said...

الصورة هنا يا بصراحة
http://egyptwatchman.blogspot.com/2009/05/blog-post_03.html

TAFATEFO said...

واحد حمار

واتقالهم كذا مره وممكن تشوفوا ده في التعليقات وفي الكلام اللي كتبه موقع الهيئة القبطية الأمريكيةبس ده لا الموقع الرسمي للإخوان زي ما بيوحي مقال الهيئة .. ولا ده رأي الإخوان زي ما تعمد مينا ذكري نسبة ده ليهم

اللي عمل الصورة حمار ومتخلف .. وده مش رأي الإخوان

Unknown said...

هو الصورة ما تعدش رأي
هي قلة ادب
وفعلا اللي عملها حمار

بيفنن حضرته

Unknown said...

او لو فكرنا بنظرية المؤامرة نقدر نقول انه عميل للامن وبيساهم في الفتنة الطائفية اللي الحكومة مصممة تعملها

خاطر said...

فعلاً الصورة مش ظريفة وممكن حد يفهمها بطريقة تانية ..
لكن موضوع إن الخنزير عند المسلمين نجس وأكل لحمه من الكبائر

العكس تماماً عند الأقباط الخنزير وغيره من الحيوانات أو الطيور طاهرة

وكل واحد حر في إعتقادة

لكن بحيادية تامة الصورة فيها شئ من الواقع لأنه بيتربى أو بيدبح فى كتير من الكنائس والأديرة أيام الموالد

يعني الصورة مش من الخيال و برضه وجهة نظري الشخصية غير مقصود بيها أى شئ من التفسيرات اللي حاول البعض يدور حواليها

Unknown said...

يا استاذ خاطر انت كتبت التعليق ده عند مينا وانا رديت عليك هناك وبما انك بتعيده هنا فانا ح اعيدهولك تاني:

طيب يا استاذ خاطر، ما عندكش مانع بقى ان حد يعمل صورة جواميس بتاكل برسيم وجنبها صورة ناس بتركع وللا تسجد عشان المسلمين بياكلوا جواميس؟
يا اخ خاطر: إن الله يأمر "بالعدل" والإحسان وإيتاء ذي القربى
خليك عادل

ونسيت اقول لك حاجة كمان
البني ادم عمر حكمه ما يبقى عادل غير لما يحط نفسه مكان الناس عشان يحس بيهم

TAFATEFO said...

لا الفتنة الطائفية اللي حضراتكم متصورين ان (آل ايه) الحكومة عايزه تعملها .. واللي مع كامل احترامي ناس كتير بتساهم في إثارتها

مستعجلين ليه بس

امبارح كانت الحكومة عايزه تنشر الوباء .. اللي بالمناسبة في حالة اشتباه لواحد جاس من المكسيك زي ما بلغونا بس مفيش تفاصيل .. والنهاردة عايزه تنشر الفتنة الطائفية

في غرف عمليات في كل الإدارات الصحية .. بس دي الحالة الوحيدة المشتبه فيها .. ولسه لم يتم التأكد إن كانت مصابة فعلاً ولا لا

TAFATEFO said...

خاطر بك

هو الصورة أصلاً ليها علاقة بالنيلة الخبر؟؟

ثانياً .. الصورة بتتكلم عن الاتش ون ان ون .. يا ترى في علاقة للمسيحيين بالمرض؟؟

ازاي يعني تتفهم الصورة دي غير ان اللي عاملها حمار .. سواء يقصد بيها إهانة أو يقصد نسبة الخنازير اللي المسيحيين بتاكلها (مع ان الكلام عن أصحاب المزارع اللي مسيحيين ومسلمين واللي أكيد برضه ملهاش علاقة بناس بتصلي)

يمكن لو شرحتلنا فهمت ازاي الصورة دي .. يمكن نفهم

بكرر عرضي على نواره هانم بفيديو سناء يونس لأن كما تردد دائماً .. في حاجه في الهوا أو المياه

Unknown said...

القياس بتاع الجواميس و الناس اللي بتصلي قياس غير دقيق فهناك ارتباط اقوي بين اكل لحم الخنزير و المسيحيين عنه بين اكل لحم الجاموس و المسلمين حيث ان الاقباط ياكلون لحم الجاموس ايضا بينما لا يأكل المسلمون لحم الخنزير. هذا عن موضوع المقارنة فقط اما عن الصورة المستفزة فهي لا تمثل الا صاحبها و لا تمثل تيارا او طائفة باسرها و من هنا فمحاولة تصوير انها دليل علي اضطهاد المسيحيين فهذا تفكير ابتزازي و تحريض غير مباشر علي الفتنة الطائفية و الافضل هو حصرها في الشخص صاحب فكرتها السخيفة و عدم تصوير الامر باكبر مما يحتمل و نذكر بان هناك بعض الافراد من الاقباط ممن يقومون بافظع من ذلك علي بعض الفضائيات و من خلال الكتابات تحت اسماء وهمية و مع هذا لم يجنح غالبية المسلمين ان هؤلاء يمثلون الموقف الرسمي للكنيسة او لغالبية الاقباط. فاتقوا الله في مصر فالفتنة نائمة لعن الله من اوقظها

Anonymous said...

حاولت كتير أعرف إنتى بتفكرى إزاى بس فشلت ، يمكن عقليتى المتواضعة مسمحتش ... والسبب فى ده كالتالى:
أول حاجة قعدتى تتريقى على اللى بيقولو إن موضوع دبح الخنازير حيعمل فتنة طائفية
تانى حاجة جريتى ورا مينا ذكرى أما اتفزلك كالعادة وقعد يحلل الموقف على إنه مؤامرة من الحكومة لإشعال الفتنةالطائفية وإبادة الشعب
تالت حاجة قاعدة تدافعى عن الزبالين اللى مفروض يبطلوا تربية خنازير وسط التجمعات البشرية من زمان لأنها حاجة تنافى النظافة العامة وبتتسبب فى أمراض وأوبئة
رابع حاجة عمالة تنخربى مع مينا على أى حاجة علشان تقولوا إن الإخوان بيسيئوا للمسيحيين وبطريقة شعللها شعللها

بقولك إيه؟ متخليكى فى تفكيك إسرائيل أحسن يمكن تجيب معاكى نتيجة

حلمبوحة أخت فتكات رمش العين said...

صورة عادية
اي نعم يمكن تكون غلطة, يمكن تكون استفزازية للبعض

بس اهي بالاول والاخير مجرد صورة لا بتقدم ولا بتأخر

انتي بس عاوزة تعملي من الحبة قبة غنتي والاخ اللي نشرها

نوارة انتي بتعاني من التفاهة بحياتك؟ دايما عاوزة الاضواء تتسلط عليكي؟

يعني يا عالم شوفوني انا نوارة نجم


بلا خيبة دنتي طلعتي بجد مقلب
ومقلب سمج كمان

ياشيخة غوري


بصراحة انا باجي مدونتك عشان اقرا واضحك بس, اضحك على غباءك


طبعا مش حتنشري ردي ده كالعادة

غوري ياشيخة



مش عاوزة النعل اللي برجلي انا كمان عشان تحطيه على راسك وراس اللي خلفوكي؟

سلمي لي على بابا وماما كتير

ههههههههههههههههه

البلد ازاي حيتعدل حالها طول ما الاشكال اللي زيك فيها؟

Anonymous said...

This image is strange and bad realy.

see how swine flu is discussed in their blogs.

http://healthwise-everythinghealth.blogspot.com/2009/05/politics-of-influenza.html

Anonymous said...

انا اضم صوتى لكل اللى علقوا على الصوره.....فعلا اللى عملها حمار....وموش عارفه لحد امتى الناس دى فاكره ان بالكره اللى جواها ده هى بتخدم الدين...
دمتى بخير...تقبلى مرورى

خاطر said...

أستاذة نوارة ... أستاذ طفاطيفو

أكرر مرة أخرى .. الصورة مش ظريفة فعلاً

إضافة لابد منها:
أنا أيضاً أريد إزالة الصورة من موضوع الخبر قطعاً

تعليق شخصي:
كاتب الخبر أراد أن يضيف صورة تعبر عن ربط البطء في إعدام الخنازير بمشاعر الإقباط وهو ما أراد أن ينفيه في مقاله وحسن النية ظاهر في سطوره.. مع الأخذ بالإعتبار مرة أخرى أنه لم يوفق في إختيار الصورة


لكن في تصوري إنها متوصلش زي ما مينا قال في البوست ..الموضوع مش محتاج إعتذار بس ولكن محتاج وقفة ومراجعة حقيقية فالكلام مبالغ فيه
" يعني حتى لو الناس إعتذرت غير مقبول"

الواقع اللي أنا شايفه إن القرار اللي أخده مجلس الشعب بإعدام الخنازير و بطء إجراءات التنفيذ وبعدين قرار آخر رئاسي بذبح الخنازير وتجميد لحومها ثم دراسة مشاريع زراعية وصناعية خاصة بتربية الخنازير هو قرار نتيجة للتصريحات المستفزة من منظمات أقباط الخارج و تصريحات أخرى من بعض أقباط الداخل بالوكالة

رجاء حقيقي :
الإخوان المسلمين جزء من المجتمع المصري .. وجزء كبير منهم مجتمع راقي .. كون إن فيه إختلافات فى الرؤى ليس معناه أن يتحول الحوار إلي تهم وشتائم بالجملة ولاتوجد أى إفادة بالنهاية

أستاذ طفاطيفو:
لينك موقع الهيئة القبطية الأمريكية متطرف جداً والخبر مُحمل أكبر من حجمه

Anonymous said...

الموقع اعتذر


----------

إدارة الموقع

إعتذار

نعتذر عن الصورة التي كانت مصاحبة للخبرفهي لم تكن مقصودة بعينها، وتم الإستعانة بها من جوجل . وننوه أننا لا نقصدبأي حال إهانة أتباع الديان الاخرى ، لكن هناك أساليب حضارية للإعتراض !

Unknown said...

حد يجيب لي لنك الاعتذار

Unknown said...

خلاص خلاص

لقيته

ح انشره

Unknown said...

خلاص خلاص

لقيته

ح انشره

مراقب مصري said...

الناس مشكورين أزالوا الصورة وحطوا مكانها صورة زبال غلبان شايل خنزير أغلب منه على كتفه

ووضعوا الاعتذار التالي

إدارة الموقع
إعتذار
نعتذر عن الصورة التي كانت مصاحبة للخبرفهي لم تكن مقصودة بعينها، وتم الإستعانة بها من جوجل . وننوه أننا لا نقصدبأي حال إهانة أتباع الديان الاخرى ، لكن هناك أساليب حضارية للإعتراض !

----

هو انا صحيح مش فاهم أوي الجملة الأخيرة، بس بالنسبة لي الاعتذار مقبول وشكرا على الاستجابة

Unknown said...

ايوة يا مينا ما انا عملت بوست للموضوع ده

هههههههههههههههههههه

الجملة الاخيرة عشان بس اتكينا عليهم جامد والتعليقات كانت جامدة قوي وفيها شتيمة وفيه ناس ما صدقت بقى وكدهون يعني

لا انا بالنسبة الاعتذار مقبول اخر حاجة

انا كنت متأكدة انها غلطة فردية لواحد لازم ياخد جزا ويخصموا له من المكافئة

TAFATEFO said...

واضح ان اللي كتب الاعتذار هو الحمار اللي حط الصوره

Anonymous said...

سواء انتي و لا مينا عندكو هيستيريا
و علي فكرة
انتي ليه ساعات بتجري ورا حاجات تافهة و تضخميها بالشكل ده

مراقب مصري said...

إيه يخصموا له من المكافأة دي


دا يعتبر من المفسدين في الأرض ولابد من صلبه أو تقطيع أطرافه خلف خلاف أو يصلبوه وبعدين يقطعوا أطرافه وبالمرة يدفنوه في الجير الحي

نياههاااهااااااا

(ضحكة شريرة)
ـ

Unknown said...

يا خاطر

احنا مش عايزين نفك عقدنا على بعض ونفش غلنا في بعض

البني ادم يحس بغيره عشان ربنا يسترها معاه

Unknown said...

والله بالنسبة لمينا
فانا كنت لسة باكلمه وقلت له يا ريتنا ما فتحنا بقنا
ما كانش حد ح يشوفه
عاجبك كده اهو سيل من الطائفية من الجانبين انهال علينا كالوباء واوسخ من وباء الخنازير
قال لي: هو انت مش عايزة تواجهي الحقيقة؟
قلت له لا مش عايزة

والله الاخ انونيمس اللي طلع في الاخر الكلمة نور طلع معاه حق
انا ولا انا هنا

قال ايه كنت باتريق وباقول كركركركركر فتنة طائفية عشان الفراخ والخنازير
والاسلام رمز الفرخة والمسيحية رمز الخنزير

طلع صح

طلع مش هزار
كل ما اهزر في حاجة تطلع بجد
يا انا دمي تقيل
يا الاخ الشعب المصري الشقيق دمه خفيف بزيادة وعايش في نكتة هزلية مستمرة


انا نزلت تعليقك عشان ارد عليه وابين الكره اللي مالي قلبك وبعدين ح امسحه
عشان لو عايز تشتم مينا
خليك راجل كده وواجه وشا لوش

مش داخل انونيمس
يا عرص بجد ولا عرص غيرك
وما عندكش الشجاعة حتى تقول اسمك وتبث سمومك الطائفية

حسن على said...

المذكرة التفسيرية اللى نسى واضع الصور- الغبى - ان يضعها تحت الصورة : دى بقى الخنازير لاموأخذة واللى جنبها دى بقى اية؟؟؟كنيسة ..يعنى اية ؟؟؟ يعنى بتاعة المسيحين اللى عندهم الخنزير اية؟؟؟ حلال واخدلى بالك بقى انت ازاى؟؟؟ اوم اية بقى ادينا اهة بننشر الصورتين عشان اية ؟؟؟ اية ..اة عشان نعرفكوا بالموضوع - جاكو خابط يخدكوا وانتو جهلة كدة ومش عارفين حاجة ....ويجعلة عامر.

مواطن مصري said...

نوارة بجد بتوع اقباط المهجر الي زي الاخوان مسكو في موضوع الخنازير و قلبو طائفية

دة انا عندي اسمع حزب الله ولا مسمعش الاخوان ولا اقباط المهجر

ربنا يحرقهم بجاز وسخ