Sunday 3 May 2009

الموقع شال الصورة واعتذر

في نفس اللنك غيروا الصورة وكتبوا تعليق في التعليقات اعتذار انه خطأ غير مقصود ومعترضين على الاسلوب الغير حضاري :) اما عجايب، يعني كل الناس مسكت اللي كسروا الدنيا عشان الرسومات المسيئة بهدلتهم بس بصراحة انا كنت حاسة بيهم ومش حاسة انه بيبالغوا في رد الفعل ولا حاجة
الواحد بطبعه بيزعل لما بيتهان، عموما خلاص، عرفنا انها غلطة مش مقصودة، انا كنت عارفة والله، بس عدو عاقل خير من صديق جاهل الاخ اللي ركب الصورة دي ادوله جزا... بس اوعوا ترفدوه، ياخد جزا بس عشان يبقى يركز بس وهو بيفنن ويبدع ابداعاته التشكيلية عم بيكاسو ده

31 comments:

mido said...

الحمد لله

-------

هى حلمبوحة غضبت ليه كده؟

:D :D

Anonymous said...

ما هم قالوا جابها من جوجل...يعنى المفروض جوجل هو اللى ياخد الجزا...على العموم كويس انهم اعتذروا....بس المفروض يكونوا احرص من كده لان موضوع الطائفيه ده من اخطر الاشياء ولازم يكون فى رقابه على اى خبر بينزل طالما الموقع له اتجاه معين...موش اى احد ينزل اى حاجه والسلام
دمتى بخير....تقبلى مرورى

خاطر said...

برجاء توضيح أية رسومات مسيئة تقصدين ؟

TAFATEFO said...
This comment has been removed by the author.
TAFATEFO said...

بس المهم انهم شالوا الصورة

مغتربة said...

ياللا الحمد لله جت سليمة المرادي أنا أقترح أنهم ينزلوا قهوة للبيكتبوا الأخبار عشان يركزوا و ميودوناش في داهيةو
سلاااااام

Israa El-sakka said...

يا رب يخدوا بالهم كده و يصحصحوا عشان ميرحوش في داهية و نروح معاهم فيها ...و يا ريت يصحصحوا كده أتمنى أن يكون الخطأ غير مقصود فعلا لأن الإسلام حثنا عن الدفاع عن عقائد الآخرين و دور عبادتهم مش الاساءة ليهم

mido said...

@tafatefo

انت غيرت رأيك فى 24 ساعة
!!؟

mido said...

(أخرة خدمة الغز علقة)

:)))

اسرائيل تعلن معارضتها ترشيح وزير الثقافة المصري مديرا عاما لليونيسكو

Blank-Socrate said...

يعنى مش انا بس يا نوارة اللى بقول انها مقصودة
و ان كانت مش مقصودة ليه مشلوش الصورة على طول
و ليه بيستخفوا بمشاعر الناس و يعتذر بطريقة باردة و كأن محصلش حاجه
----------
نفسى اعرف ازاى بتوصلى لمرحله اليقين الكامل و الوداعه المطلقه ان فعلا الناس مش قاصدة و ان مينا حقود و متعصب علشان مش مصدق
حاجه من اتنين
يا انت فعلا فى قمه الوداعه و البساطه و النقاء
يا اما انا متعصب
بس انا شايف ان طفاطيفوا بردوا زى
و زينا كتير
:)

mido said...

@tafatefo

التعليقات المهاجمة للصورة مظهرتش بالقوة دى غير امبارح


----------
اعتذروا اعتذار أقل ما يوصف بيه الوقاحة
-----------

ده مينا نفسه قبل الاعتذار


انت افورتها أوى

TAFATEFO said...

لحالة اللي كان مشتبه فيها امبارح طلعت سليمة الحمد لله

اليوم السابع نشرت خبر الاشتباه وخبر ان الحالة سليمة

Anonymous said...

طفاطيفو
انت سجلت حديث الصباح امبارح على الجزيرة جابو فيه الطفل الفلسطيني أحمد؟؟؟؟

Anonymous said...

That is good.

مواطن مصري said...

يعني موقع اخبار المفروض قبل ما يحط الصورة يتأكد منها مش من جوجول و حتى لو كان الموظف الي حطها و المدير مثلا مشفش الصورة يبقى الموظف قاصد يعملها و لما المدير شافها نزل الاعتذار

Unknown said...

blank socrates

مصطفى مش راضي بالاعتذار لانه عاطفي وصعبان عليه لان الصورة جارحة فعلا
وشايف مثلا انهم كان لازم يبروزوا الاعتذار احسن من كده

وانت مش عاجبك الاعتذار لانك طائفي زيك زي اللي عمل الصورة بالظبط

عشان كده ما ردتش على مصطفى لاني عارفة انه لما ح يهدا ح يغير رأيه
ورديت عليك لاني عارفة ان الطائفيين ما بيغيروش رأيهم

بس اكفونا شركوا اذا كان من هنا وللا من هنا

Unknown said...

blank socrates

انا قلت على مينا حقود؟

انت جبت الكلام ده منين؟

Unknown said...

ميدو

حلمبوحة غضبت عشان ما نزلتلهاش تعليق زي وشها


فتاة من الصعيد

جابوها من جوجل واللي بيحطها ربنا ما ادالوش مخ زي اللي عندنا ده؟

خاطر

احنا ح نجوزك لبلانك سقراط

انتوا الاتنين شبه بعض

اهو طفاطيفو شال التعليق لما هدي


مغتربة
الحمد لله
على رأي مينا الاعتذار مقبول

بس احنا مش عايزين في الزيطة ناس تصطاد في المية العكرة احنا كفاية علينا اللي احنا فيه


ميدو
كرررررررررررررررررر
هيييييييييييييييييه

احسن احسن احسن

يارب يوافقوا على اعتراضها


sonnet
الحمد لله
الرجوع للحق فضيلة
كتر خيرهم لو كانت نيتهم وحشة كانوا ما صدقوا فتنة وقوموا عليها الدينا

خاطر said...

أنا بستفسر عن نوعية الرسومات المسيئة اللي قارنتيها بموضوع الصورة

يعني الرسومات المسيئة دي كانت فين وأمتى ؟؟

مالي أنا ومال بلانك سقراط

Unknown said...

هههههههههه
طيب يا سيدي
ح اقول لك

هو فيه رسومات مسيئة غير الرسومات المسيئة للرسول عليه الصلاة والسلام؟

لو تفكر الرسومات اترسمت ليه؟ سيدنا محمد بالنسبة للرسموه واحد مات من الف وربعميت سنة، ما يعرفوهوش يعني، ومش هو المقصود

المقصود توجيه اهانة لمجموعة من الناس سيدنا محمد بالنسبة لها رمز كبير

والاهانة لمجموعات من الناس دي عنصرية

والعنصرية
(سواء بقى مبنية على العنصر وللا المذهب - زي بتوع الشيعة الروافض - والطائفية)
مبنية على اساس انك فاكر نفسك والمجموعة البشرية اللي انت بتنتمي ليها، سواء دين او مذهب او جنس او حتى مستوى اقتصادي او اجتماعي احسن من مجموعة تانية
وده فوق انه كدب لان اللي خلق الخلق واحد
لو كان اللي خلق الخلق كذا واحد كان بقى رب احسن من رب وعليه يبقى فيه مبرر ليه الاوروبيين شايفيين نفسهم احسن من الملونيين وليه المسلمين او المسيحيين او اليهود شايفين نفسهم احسن من التانيين ايا كان التانيين دول وليه الاغنيا شايفين نفسهم احسن من الفقرا (ويقولوا عليهم: اصل دول بيستحملوا الحاجات اللي احنا ما نقدرش نستحملها، يعني الست اللي بتنضف لي تستحمل ان جوزها يضربها غير انا حاجة زي دي ما اقبلهاش!!!! عمرك ما سمعت حد بيتكلم كده؟)
لكن بما ان اللي خلقنا واحد يبقى كلنا زي بعض

ومدام كلنا زي بعض يبقى ماحدش يقبل على غيره اللي ما يقبلوش على نفسه
ويزعل على غيره زي ما بيزعل على نفسه

واذا انا شخصيا زعلت قوي قوي قوي قوييييييييي من الرسومات المسيئة لانها مشششششششششش حرية تعبير

ده تحقير مليار ونص بني ادم عشان فاكرين نفسهم احسن مننا

وزعلت جدا جدا جدا بنفس الدرجة (وعيطت زي ما عيطت لما شفت الرسومات الدنماركية)

لما شفت صورة الخنازير
لاني حسيت بنفس الاهانة واللي عملها فاكر نفسه احسن من الناس اللي هو مصورهم كأنهم خنازير لا وايه؟ وهم بيصلوا
سواء هو ده اللي كان في دماغه او هو غبي
(وانا كمان على فكرة عندي اقتناع مش ح اغيره حتى لو ثبت علميا انه غلط: ان البني ادمين كلهم اذكيا وان اللي بيبان غبي هو بيتغابى بمزاجه والا ما كانش ربنا عنف الناس اللي ما بتستخدمش عقلها في القرآن وللا ايه؟)
حتى لو كان غبي
تبقى الخطيئة دوبل
والمفروض انه يراجع نفسه ونظرته للناس ولمخاليق ربنا عشان خاطر نفسه هو وعشان علاقته بربنا مش عشان اي حد تاني

أسماء - فلسطين للأبد said...

والنبى يا جماعة حد يقوللى الراجل ده عاقل وللا مجنون ؟ أحسن بقالى ساعتين باشد فى شعرى لما هاقرع

http://nacopticas1.blogspot.com/2009/04/blog-post_733.html

وسؤال كمان والنبى : هو فيه حد بيصدقه يعنى وللا بياخدوا الموضوع بطريقة ليس على المجنون حرج ؟

Unknown said...

لا يا حبيبتي

ده مجنون

مدونة رامز عباس بتمسي علي نوارة said...

نوارة معلش علي الازعاج

انتي عارفه الاخوان يا ستي

عمو اهي فرصه للحكومة تفشخ في كله


عندى ابيات عن الخنازير والصراصير والطيور ووزير الداخليه


ياريت تبصي بصه



بالمناسبه


اعلن اكتر من 7 مدونين اعتزلهم واعتزلوا بجد تفتكري ده مؤشر جديد للشباب انهم ينسحبوا من عالم جديد

وياريت تشرفي مدونتي زي ايام وقفه السرطان ووققفتك الجامدة

مواطن مصري said...

هو فية حد بيقرأ او يعبر موريس صادق
اهو موريس صادق عامل زي ماهدي عاكف كدة


الاتنين عاوزين الحرق

Anonymous said...

المقارنة بين مهدي عاكف و موريس صادق علي طريقة مواطن مسري تحتم علي المواطن تغيير الصنف لأنه مضروب

Unknown said...

اه صحيح يا مواطن

انا انشغلت في البوست الجديد ونسيت ارد عليك

يابني ارحمني يابني

يابني حطيت صوابعي العشرة في الشق يابني

يابني الاخوان عملوا ايه يابني

صورة ونزلت على موقع ماهواش الموقع الرسمي للاخوان

يا اخي خليك عادل بقى

ايه وجه المقارنة ما بين ناس سايبين بلدهم وبياكلوا عيش من ورا اثارة فتنة في بلدهم وهم اصلا ما يعرفوش اي حاجة عن المسيحيين اللي هنا وبيسترزقوا وبين الاخوان المسلمين يابني

يابني طيب اديني فرصة انتقد الاخوان

ماهو الظلم ده مش مديني فرصة خالص اني اقول اي تحفظات عشان ما اتحسبش على الظلمة قدام ربنا

يا اخي اعمل ايه؟

اعمل ايه؟

انا كذا مرة هددتك باني حارمي نفسي من الدور الاتناشر وانت ما صدقتنيش

اعملها؟

mido said...

أناملاحظ ان _مواطن مصري_ بيتعمد اقحام الأخوان في كل تعليقاته حتي لو الموضوع ملوش علاقة بيهم ! علشان يلفت الانتباه و يصنع جدل حول تعليقاته

Anonymous said...

مش فاهم غيرت رأيي ازاي .. اللي بيغلط يا ميدو بك مبيحتاجش الناس تقوله على الغلط 20 مره، من مره واحده بيكتشف غلطه ويصححه ويبادر باعتذار حقيقي يعبر عن احترامه للناس؛ مش كذب وتبكيت : في أسلوب متحضر للاعتراض .. ولو كنت متابع الخبر كنت عرفت ان من أول يوم اتقاله على الصوره .. دي مش عاطفيه، ده رفض للبحاحه وأسلوب المكابره القذر .. متأكد ان اللي كتب الاعتذار هو صاحب الصوره

أنا اللي كان يفرق معايا شيلان الصوره .. ومليش دعوه بالاعتذار .. وقلت رأيي في غباء أمثاله اللي بيتكلموا كثيرا باسم الاسلام ويعملوا مواقف حماره تسيء للاسلام وتحمل البعض على الإساءه إليه

شيلت ردي قبل ما التعليقات تنزل لأنه ملوش لازمه

Anonymous said...

مواطن

لازم تشوف دكتور .. متسكتش على نفسك كده

ده كله إلا الصحه

مهندس مصري بيحب مصر said...

طيب تصدقي بالله يا شيخة و ما لكي عليا يمين
أنا بقيت استنى تعليقات مواطن مصري علشان اضحك
:))
هههههههههههههههههههههههههههههههههههههههههه

Anonymous said...

لا مشوفتش حديث الصباح .. لو لقيت حد سحله هبقى أجيب لنك

مش عارف الجزيرة بتنزله على يوتيوب ولا لا

نأسف للأنمسه .. مش راضي يساين ان من الموبيل