Sunday 31 May 2009

انا ما اعرفش اقول على كده غير: اتفو

نو اوفنس لاي حد
وسبحان الله يا اخي، ما تعرفش مين اللي راح عيط على كتفها الحنين قامت قالت كدهون
وكله على خساب صاخب المخيل
ما داهية الوفود اللي بتدخل في دين امريكا افواجا يرجعوا بقى يسبحوا بحمدها ونصبح الصبح نلاقي حكومة ائتلافية من حزب الفريدم هاوس وبرضه انا ابقى معارضة، ويفضل بطرس قاعد لي على التليفون يرد على الناس، هو هو، ما ترفدهوش بقى، احنا بقينا عشرة
ويمسكوني يشمطوني ما انا مش سايبة لي حبيب بقى ودول عيال، واللي يمشي ورا العيال يجرا له ايه؟ ايوة اسم الله عليكوا
للي ما اخدش باله من العلوان، اللي بيحصل ده اسمه اتفوووووووووووووووو
كنا ناقصين احنا اشباه الجلبي والعلاوي وكرزاي، عشان اصلنا احنا عايشين في الجنة ونعيمها ولازم نتقرف احسن ننسى اخرتنا
مش كفاية الفضايح على كل لون؟ كنا ناقصين دي كمان؟
وقال على رأي شكري سرحان في شباب امرأة: كفاية نجاسة بجى

72 comments:

Unknown said...

هما مين المدونين دوول
اصلاً
باسم فتحى و احمد عبد العزيز و بس
اكيد ناس كثير
فين القائمة
--------------------
خارج الموضوع
سؤال كدة بخصوص زيارة اوباما
هو حضرتك البلد مقفولة شوية
؟
اصلى احتمال انزل القاهرة الأيام القادمة بالتحديد اليوم السابق لزيارة اوباما

او قبلها بيوم

و مش عارف خايف الاقيه العملية قفلة خالص معرفش اخلص اى حاجة

Anonymous said...

عملوها الوحووووش
عملوها الرجااالة!!!!!
اتفووووخس

lastcrazyboys said...

كل يوووووووم ..بتثبتي لي انه
مفيش حــد في البلــد

صادق غير ده

http://www.youtube.com/watch?v=Z5G1cuewPcw

Unknown said...

انا بس للامانة مش عارفة ولا حد من اللي راحوا في الفوج ده

اقصد ما عنديش اسامي غير واحدة في جريدة الدستور ناسية اسمها
باين سلمى او حاجة زي كده
مش متأكدة

بس دي مش اول مكوك فضاء يطلع
بس ده تاني مكوك فضاء يقابل وظيرة الخارجية
على ما اظن
مش متأكدة برضه

ولسة فيه ناس ح تطلع تاني

بيغروا العيال الصغيرة بانهم ح يتعلموا ببلاش ويتفسحوا ويسافروا ويشوفوا الدنيا وما يدفعوش فلوس
وطبعا كل ده لوجه الله والانسانية
والمصيبة ان فيه ناس من اللي بتطلع مصدقة بجد انه لوجه الله والانسانية وقالوا لي كلام كده شبه: ماحدش يقدر ياخد من البنت الا اللي هي عايزة تديه

mido said...

قصدك شيماء أبو الخير ؟

هندسة وصفية said...

بس اطمني
كل ده و بطرس هيفضل بس مع الطقم القديم
بدري شوية علي الموضوع ده
المشكلة بجد القلاني
اننا في التلاتينات حاليا
لما نكبر و نعجز العيال دول الي مش هيبقوا عيال ساعتها هما الي هيبقوا بيشغلو بطرس
و احنا هنبقي عارفينتاريخهم
في نقطة اكتر من كدة
طب زمان و كانوا بيضحكوا علي اهالينا
هنعمل احنا ايه
يلا يمكن ربنا يحلها من عنده

Kalimalhus said...

أقولك الحق .. طول ما النظام ما بيطاطيش غير لماما أمريكا ناس كتير هاتفكر إن مافيش فايدة ممكن تيجى إلا من خلال أمريكا .. و فى ظل حالة الجهل العام و الهبل المستشرى .. ناس كتير هاتقولك يعنى هوه إحنا عندنا إيه يا حسرة عشان أمريكا تاخده مننا ..

بس إنت قولتيلى صحفية و فى الدستور كدة يبقى
the shit has hit the fan..

بصى أنا طالع أصيف أسبوع فى بوركينا فاسو قلت أشوفها قبل ما أقرر أهاجر موزمبيق ..

Anonymous said...

المصريين, أهما:
http://www.youm7.com//News.asp?NewsID=103510
ده كورس تعريص؟؟؟؟

mido said...

هو ده الاسم اللي قصدك عليه؟

TAFATEFO said...

شكل خليفة هيعملها ولا ايه .. يا أهلاً بالحراسة .. يا مرحب بالاعتقالات

مراقب مصري said...

دا آخر كلام بيني وبينك يا بنت نجم وهي قطيعة أبدية بلا رجعة


إنتي مليانة بالحقد ضد من يكرسون جهودهم من أجل تحسين حياة الشعب المصرى والارتقاء بها، وتوفير المزيد من الفرص الاقتصادية، والارتقاء بالنشاط الديمقراطى واحترام حقوق الإنسان

هكذا أنتم يا أعداء النجاح
يا أعداء الإنسان
وأعداء الحرية

يا ظلامية يا رجعية يا واقعة من قعر القفة ياللي غيرانة إن مفيش وزير خارجية عليه القيمة طلب يقابلك ولا يعبر أهلك.... وبتقلي أدبك وتتسافلي على أناس يكرسون جهودهم من أجل تحسين حياة الشعب المصرى والارتقاء بها، وتوفير المزيد من الفرص الاقتصادية، والارتقاء بالنشاط الديمقراطى واحترام حقوق الإنسان

أخيرا انكشفتي على حكيكتك يا غلاوية يا ام قلب اسود (قلب اسود وتريفل كمان) يا اللي ما بتحبيش الخير لا لاخواتك ولا لبلدك ... يا اللي آخرك تشجعي الإرهابي نصر الله يا بتاعة نجاد يا شيعية يا اللي بتحبي الرسول وآل البيت... إخص إخص عليكي وع اللي يعرفك

دول ناس يكرسون جهودهم من أجل تحسين حياة الشعب المصرى والارتقاء بها، وتوفير المزيد من الفرص الاقتصادية، والارتقاء بالنشاط الديمقراطى واحترام حقوق الإنسان

معلش مهو اللي ميعرفش يقول اتفوو... حتى تفافتك مليانة ببلغم الحقد الأسود يا كارهة الديمقراطية وعدوة الإنسانية... وستظل القافلة تعوي يا هانم والكلاب تسير.... ولن أقول لكي سوى كلمة واحدة

برووررررم برووررررم
تا ري را را رااااا

مواطن مصري said...

منهم واحد اسمو ميدزي كان في 6 ابريل و دخل علق عندك و قال قبل كدة لن نتصالح و لن نتقابل



و اهو سافرو ولاد التييت عشان يبقى عندنا حكومة المالكي

مواطن مصري said...

بصي انا مقتنع ان الديموقراطية تحقق من الداخل و ليس من الخارج

Unknown said...

هههههههههههههههههههههه
ههههههههههههههههههههههههه
ههههههههههههههههههههههههههههههههه

مينا
انت عامل دماغ ايه؟

Unknown said...

انا كنت سألت حضرتك فوق
على القاهرة و احوالها الأيام الجاية

انا قولت اقولك تانى يمكن مخدتيش بالك من سؤالى

Kalimalhus said...

يا مواطن .. جنابك قريت بيان الحركة ..

الناس بيقولولك همه لسه على مبدأهم و إن الشابين الحلوين اللى قابلوا الست هيلارى لا يمثلوا الحركة و ها يتحقق معاهم..

و بعدين شكلك عايز التغيير من الداخل اللى هو داخل الحزن الوثنى .. يعنى كلام من اللى كان أسامة الغزالى حرب بيقوله قبل ما يحلقوله..

lastcrazyboys said...

مراقب يا مصري
معاك إلى النهاية في كل حرف وكلمة

ومش بس بتبــدأ من الداخل ..كمان بتبدأ من تحت
" ...من غير سوء نية"ياولود

=================

بدراوي

بيقولوا ان الجامحة شغالة على قدم وساق لاستقبال صلاح الدين الابنودي

ولكن في حاجة غريبة حصلت ..شغل القص واللزق ..والتلصيم
لسة زي ماهو في البلد دي
بيسفلتوا حتت وحتت لأ
وبكدة تقدر تعرف المسار الذي سيتخذه
الضيوف

مفيش دواعي امنية مشددة كما كان متوقع والامتحانات عااادي شغالة..بس كان في عربيات فخمة عند سياسة واقتصاد ..في ناس بيقولوا بروفة ..بس الكلام ده مش مؤكد

وبيقفشوا اي حد يغني "شرفت يا نيكسون بابا"

Kalimalhus said...

مراقب مصرى
----------
هههههههههههههههههههههههههههه

أيوة قولها .. تستاهل مطلعة عنينا .. ما حدش سلم من لسانها .. و نازلة حقد على مخاليق ربنا اللى بياكلوا عيش ..

بس الحقيقة الست كلينتون بعتتلها و هى اللى إتكبرت و قالت ما أروحش أمريكا ده حتى عندهم فلفلوزة خنازير و أنا بقرف من ريحتهم..

بس لعلمك بقى هى لئيمة و فاهمة لأن العيال الغلابة و همه راجعين ها ياخدوهم على الحجر الصحى فى جابر بن حيان لغاية ما يعملولهم منظار قولون..

Unknown said...

يعنى فل اروح القاهرة و انا فى بطنى بطيخة صيفى
؟!

abderrahman said...

Don't you think that you are overreacting?

Unknown said...

مهندس حر
ما حدش ح يروح جابر بن حيان
ده انت قلبك طيب قوي

abdo basha
oh, am I overreacting? nop, it has been always my stance

مواطن مصري said...

اسامة غزالي حرب و حزب الجبهة حزب كويس وو بيعمل شغل و بيحاول يبقالو شغل على ارض الواقع

ثانيا لما احمد نصار كان مسافر اتهاجم و اتشهر بية من قبل ناس من ضمنهم واحد كان رافض انو يسافر و الواحد

دة قبل و سافر
يبقى تقول اية

أكون أو لا أكون said...

من أهم الرسائل التي قصدت إبلاغها هي: " أن الولايات المتحدة أنفقت عدة بلايين من الدولارات خلال السنوات الماضية من أجل تشجيع المنظمات غير الحكومية، وتعزيز ".الديمقراطية والحكم الرشيد وسيادة القانون.
ههههه أليست هذه التمويلات التي كانت تقدما أمريكا للأحزاب العربيه الضاله... والتي تنصاع خلف المال ضد الوطن...
كــ نوري المالكي" أو جواد المالكي على الأصح"... و الذي وصل الأن للرئاسه على حساب مصلحة الوطن... وكل حاشيته.
أمريكا دائما تختار ضعاف النفوس... والمنصاعين خلف المصلحه الشخصيه... وذلك يسهل عليه الوصل للغايه...
لو هؤلاء التابعين... لما وصلت أمريكا في قلب الشؤن العربيه الداخليه... ولما تمادت... وتشرطت... وتأمّرت...

مشكلتنا أن أعدائنا أولا مننا..." هي ذاتها الفكره عن الشخص العربي الذي يقدم ابنه ذبيحه للضيف إن لم يجد مايقدمه" لكن السؤال من هو الضيف؟ وهل هو فعلا ً ضيف كما قالت الحكومه العراقيه عن منتظر الزيدي حينما رشق" أو رجم ابليس على الأصح"...؟
كل المفاهيم لوّثت... واختلط الخيّر بالشرير...
و كثرت الأقنعه المستورده من.

مواطن مصري said...

ناس تروح ل امريكا و ناس تروح ليران انما ناس تروح لمصر متلاقيش غير اقلية

TAFATEFO said...

يا ساااااااااااااده في لعب

لغاية دلوقتي مأعلنوش النتيجه لأن سامح عاشور خسر

وفي مظاهرة أمام محكمة جنوب

أكون أو لا أكون said...

وأزيدك من الشعر بيت يانواره...
إن الجلبي غير إنه نجس... وجاسوس... ودنيء... وغير وغير...
ده حرامي... سرق بنك الأردن من أكثر من عشرين سنه... وهو ممنوع من دخول الأردن...

كل هذا لم يسبب له أي عائق في المشاركه في الأمور السياسيه...
هذا لأنه حاصل على دعم أمركي...

Kalimalhus said...

نوارة
-----
تفتكرى أنا اللى قلبى أبيض و ألا حبايبنا الحلوين همه اللى قلبهم إسود و ما يعرفوش لا بابا و لا ماما و لا أوباما..

فكرك ها يدخلوهم كده من غير رحت فين و قعدت مع مين و قلت إيه و إتقالك إيه و الذى منه..؟

ده لو كانوا صوروهم فيديو من ساعة ما خرجوا لغاية ما رجعوا برضه ها يجيبوهم يسألوهم .. دول بيشكوا فى صوابع إيديهم و يقوللك : ما حدش عارف كانت فين و إحنا نايمين..

Kalimalhus said...

نوارة.. أنا ها أريحك منى أسبوع بس عشان ما تنسينيش إديت اللينك بتاع البروفيل بتاعك للضكتور النفساوى بتاعى عشان يبعتلك فاتورة حساب الجلسات الإضافية اللى خدتها معاه على القهوة بسببك ..

الراجل خريج مدرسة صنايع قسم سباكة بس خبرة و قاللى إنك رفعتيلى الضغط فى المجارى النفساوية عندى فا الماسورة الأم ضربت فى سقف النافوخ وبعتنى أتعالج فى محطة رفع و إنشاء الله ها يعملولى نزح للنكد اللى طفح و يشيلولى المرارة و يحطولى جلدة
NDP
.. بس الفاتورة بتاعتهم ها جيبهالك و أنا جى إنشاء الله..

مواطن مصري said...

شوفي موضوع بدراوي بتاع اوبما

مواطن مصري said...

http://www.youtube.com/watch?v=Ho3ecjWqvOk


شوفتي دة بيقول صحفية سوداء بس معرفش فين

Unknown said...

مهندس حر

من مصلحة مبارك والنظام الحالي وجمال مبارك كمان انه يلوث كل الناس

عارف، زي ما بيحطوا لنا قوانين معقدة ويحطوا لنا الحل في التزوير والرشوة بحيث يبقى الشعب نفسه فاسد وما يعرفش يفتح في حكومته

من مصلحة نظام مصري متهم بالعمالة عالميا وعلى عينك يا تاجر ان المعارضين بتوعه يبقى ملوثين زيه

زي سياساته في الاطار العربي، ما يهموش انه يبقى احسن من بقية الدول العربية ولا ياخد مواقف محترمة عنهم

اللي يهمه انه يوسخهم معاه، ولو حد فيهم حب يعمل نضيف يطلع تلاتين اللي جابوه
عشان هو من مصلحته ان كل المحيطين بيه جوة وبرة يبقوا انجاس زيه

عشان كده لا ح يسأل اللي خارج ولا اللي داخل

ح يسأل اللي قاعد على قلبهم
واذا كنت بتقيس على سعد الدين ابراهيم فالموضوع مختلف
مبارك مش ح يتخض من شوية عيال مدونين واخدين رحلة واقامة من امريكا
ماحدش فيهم مرشح يبقى مكانه ولا مكان ابنه
لكن سعد الدين ابراهيم علاقاته بامريكا على اعلى مستوى وفعلا طارح نفسه بديل
عشان كده مبارك شمطه
لكن مش ح يشمط دول خالص
ولا يعبرهم
يعبرهم ليه؟ ما العيال زي الفل وغاسلين وشه

Anonymous said...

Don't be so jealous, Nawara, I know you're mad 'cause you weren't invited to that meeting!

خبر عاجل said...

اسمعي يا نواره أمريكا دائما و أبدا تراهن علي الحصان الخسران تخيلي العيال دي رجعت وعملت حزب شبيه بحزب أيمن نور مثلا ودخلوا أي انتخابات ولا هيقدموا ولا هيأخروا زيهم زي ايمن نور هما مين ولا افكارهم أيه أمريكا عدونا الول لأنهم حلفاء لنظام فاسد جوع الشعب المصري عارفه محمد كمال زراع جمال مبارك الشمين كان أصلا زي العيال دي وهو طالب كان كل شويه يحضر اجتماعات من دي لحد ما بقي زي ما أنتي شايفه أسوأ من مبارك نفسه فانا أعتقد أن أمريكا بتصنع من العيال دي نجوم علي طريقتها حتي تضمن شكل المعارضه المستأنسه القادمه لأن الدور ده المفروض يقوم به نظام مبارك إلا أنه فاشل فيقوم بصناعة معارضه مفضوحه من أمثال الصباحي والعجرودي العيال دي في يوم من الأيام هما اللي هيكونوا مخ الحزب الوطني القذر وقلبه الخبيث

Blank-Socrate said...

انا مش فاهم فى ايه
ما احنا فعلا عندنا بلااااااااااااااوى فى حقوق الانسان
و لا انت موافقه انهم يقتلونا و يذلونا طالما مصريين و امريكا متتدخلش
نوارة احنا مش فى عالم القبائل
احنا فى عالم مفتوح و من الاخر الحكومات مش هى الشعب و فى بلد زى مصر و بلاد كتير انت محتاجه ان يكون فى ضغط حقوقى على الحكومه علشان تعمل الصح و تبطل بلطجه و ارهاب للشعب
--------------------------------
بكل بساطه انت عاوزانا ننعزل عن العالم الغربى اللى ليه اجندة خاصه
و ننفتح على حزب الله و ايران اللى ضد اسرائيل المفتريه
------
دايما فى اذدواجيه هنا
ضد كل ما هو غربى لانهم اشرار
و مع حماس و حزب الله لانهم بيدافعوا عن فلسطين
لازم تعرفى ان حماس و حزب الله ليهم اجندة خاصه
----
انا مش باتحامل عليكى انت فى اوقات و مواقف كتيرة بتبينى ان انت فعلا بتهتمى بحقوق الانسان و ليبراليه فى تفكيرك و مواقفك
لكن دايما مواقفك مع الجانب الغربى و حبك الجارف العارم لحماس و حزب الله بيعمل تناقض و تشويش
---
تقبلى احترامى

هرطقة said...

هو مش حكومتنا المصونة بتقول ان علاقتنا بأمريكا علاقة مصالح مشتركة مش تبعية
طيب ليه وزير الخارجية بتاعنا مش بيجيبله كام شاب امريكانى يديهم دورات ويعمل معاهم حوارات
بالمرة يعنى

Gemyhood said...
This comment has been removed by the author.
Gemyhood said...
This comment has been removed by the author.
Unknown said...
This comment has been removed by the author.
Unknown said...

بلانك سقراط
والنبي انا صاحية الصبح على تعليق جيمي ومش ناقصة غباوتك انت كمان

Unknown said...

samehrock
هههههههههههههههههههههه
على رايك

د.ماهر محمود

لا بيراهنوا ولا بينيلوا
هم عايزين يلطوا كل حاجة بحيث ما يبقاش فيه حاجة بتغني خارج السرب بتاعهم
وما يبقاش عند اعداء مبارك اي عين انهم يفتحوا فيه

وبعدين هم دول لما بيلبسوا في حد بيطلعوا من دماغه ولا بالطبل البلدي؟
كل واحد فاكرلي نفسه صايع وفهلوي ويقول لك: فلوسنا دي وللا مش فلوسنا؟ ح اتعلم واعمل اللي انا عايزه بعد كده
وماحدش يقدر ياخد من البنت غير اللي هي تقبل بيه
ومدام محافظ على شرفي البس اللي انا عايزه
وكلام عيال صغيرة وبيتلزقوا على قفاهم ويتجرجروا من ودانهم من غير ما يحسوا زي اللي واقف في رمال متحركة

ما كل واحد يحترم نفسه بقى شوية
ما اللي عايز يسافر يتعلم يقدم على منحة ويمتحن
وللا حتى يستلف فلوس ويسافر ويشتغل ويتمرمط زي الرجالة ووالله الستات كمان

ايه المياصة والدلع ده

فيه حد في الدنيا يصدق انه معزوم ومصروف عليه الفلوس دي كلها عشان عنده اكاونت على الفيس بوك؟
ومعزوم لله والانسانية؟
وفاكرين نفسهم ح يتفهلووا على الفريدم هاوس؟


هرطقة
لا يا حبيبي

الامريكان اللي بيدرسوا دراسات الشرق الاوسط بييجوا على حساب بلدهم


عشان عندهم كرامة


بلانك سقراط

قريت تعليقك اللوذعي
انت يابني مخك سليم؟
مخك سليم يعني وللا دماغك مهوية؟
معلش ما تآخذنيش انا واحدة قليلة الادب وعارفة انك راجل متربي
حماس وحزب الله ايه دول اللي انت حاططهم في مقارنة مع امريكا اللي احتلت بلدين عشان برجين وقتلت اكتر من تلاتة مليون عشان تلاتلاف ورايحين يتعلموا منها حقوق الانسان؟
انت يابني مخك فيه ايه؟
ثم انا مش ليبرالية
وباكره الليبراليين وباقرف منهم

Gemyhood said...
This comment has been removed by the author.
Unknown said...
This comment has been removed by the author.
Gemyhood said...
This comment has been removed by the author.
Unknown said...
This comment has been removed by the author.
Unknown said...
This comment has been removed by the author.
Gemyhood said...
This comment has been removed by the author.
Gemyhood said...
This comment has been removed by the author.
Unknown said...
This comment has been removed by the author.
Unknown said...
This comment has been removed by the author.
Gemyhood said...
This comment has been removed by the author.
Gemyhood said...
This comment has been removed by the author.
Unknown said...
This comment has been removed by the author.
Unknown said...
This comment has been removed by the author.
simplymoi said...

Their job is to clean USA ill repute, what else they have expect their blogs and convince the new generation that America is not the enemy. It is the same old story(in the old era the American government used certain writers and newspapers) but this era, it is the net, blogs,& youtube. So, they had to use them. Remember always America is not the Santa and we are not in Christmas yet. Nothing in this life is free.

Every age had its own methods.

Don't waste your energy on them Nawara take easy.

simplymoi said...

About Mr or ms/ whatever Gemyhood, he had to be mad for he is waiting his turn next time to meet Clinton. He is practicing for his turn. Leave him nawara he already said at his first comment that it is a matter of " eating food". He is honest for saying that they are not for the change and principles it is matter of free trip. They will travel,meet people and have a nice time.

Gemyhood said...
This comment has been removed by the author.
مواطن مصري said...

خلاص يا جماعة صلو على النبي و استهدو ب الله


حصل خير



و المسامح كريم

Unknown said...
This comment has been removed by the author.
Rasim Marwani said...

كل ماقال الفقر اني ذاهب الى بلد قال له الكفر خذني معك

انا لااعرف الاستاذ جيمي هود وبالقطع لا اعرف السيدة نوارة نجم كمايجب.
الا انني زرت مدونته وتشرفت بقراءة مدونتها، ووجدته يجاهر بتأييد الكثير من القضايا التي طرحتها السيدة نوارة هنا، والمساحة المشتركة من الاتفاق لا تبرر دخوله الى مدونة من خزف بهيجان الثيران
وبرغم شفافيتها الخزفية الا انني اطلعت على تدوينات تشي بأنها ممن اعار لله جمجمته وآخر همه مايدفعه ثمناً لما يؤمن به
فهي مدونة شفافة كالخزف صلبة كالفولاذ نافذة كالسكين في الزبدة
واهم مافيه استقرارها على منهج واضح المعالم لا انقلابات فيه ولا تحولات ولا ارتدادات
نصها في 2006 هو ذاته في 2009 ، وهذا الاستقرار والثبات يشي بانها بالفعل تؤمن بما تكتبه وهذا لا يستهان فيه في هذا الزمان الكافر
وحتى اتأكد ان الاستاذ جيمي هود هو صاحب هذا التطاول الفعلي على سيدة لم تبادره باستفزاز ولم تدعوه الى نزال
ساتمهل قليلاً ولي عودة

Unknown said...

يا استاذ عاشق مصر
يا سيدي العفو واستغفر الله

ممكن يبقى مش هو جيمي الله اعلم

بس ده ما يغيرش من القضية الاساسية وموضوع البوست اللي انا باتكلم فيه

1- كل اجر بيبقى له عمل
انا عشان اخد اجر لازم اولا ابقى عارفة انا عملت ايه، ايه البضاعة اللي انا باقدمها، وبتعبر عن ايه، وماشية في انهي سكة وهل ده يتناسب مع افكاري ومعتقداتي واهدافي وللا لا
وعليه
فانا مش من الناس اللي بتقول اي واحد يتعامل مع بني ادم عينيه زرقا وشعره اصفر يبقى خاين وعميل
ولا اتهمت حد بالعمالة ولا الخيانة
انا باقول - ومن حقي اعبر عن رأيي وامارس حريتي في التعبير مش ده اللي راحوا يتعلموه في امريكا؟ - كل اللي باقوله
المنح اللي نازلة ترف
من منظمة سيئة السمعة وصهيونية وبتدعم اسرائيل ودعمت الثورة البرتقالية وتخللت الاتحاد السوفييتي وكان لها صلات بعلاوي والجلبي
المنح اللي نازلة من المؤسسة دي على شباب لسة بيفتح ما يعرفش حاجة في دنيته
نازلة ترف على اساس ايه؟
في مقابل ايه؟
بيدوهم المنح دي ليه؟
مش ممكن يبقى حد فيهم بالغرور اللي يخليه يتهياله انه زعيم بجد وان كل المنظمات بتجري وراه عشان خايفين منه لانه عتريس وبلوة سودا
وقبل كده نفس فريدم هاوس ده عمل منحة من خلال معهد بتاع رئيس المخابرات السعودي السابق كمال ادهم
الله؟
طيب على اي اساس بيوزع المنح دي؟ دي ضرايب المواطنين الامريكان
بيدفعها لوجه الله صدقة؟
والله لو اجندة المعهد ده والمؤسسة دي لا تتعارض مع اجندتي يبقى مفهوم هم بيدعموني ليه
بس ساعتها لازم اقول كده وابقى واضحة زي الجلبي والعلاوي ما كانوا واضحين
لكن لو بادعي ان الاجندة دي مش اجندتي يبقى حاجة من الاتنين يا انا كدابة يا انا عبيطة
وغالبا دي عيال عبيطة فرحانين بقى وح يروحوا اموركا ويتفسحوا
بس المسألة دي مش بالبساطة دي
فيه فرق ان واحد بيتعامل مع مؤسسة مجتمع مدني (ايا كان جنسيتها ما عدا اسرائيلية) اجندتها مطابقة او مشابهة او على الاقل فيه تقاطع مصالح
وفرق بين اني اروح اتعامل مع احتلال وانا فاكرة نفسي باضحك عليهم

2- ايه اللي وزيرة الخارجية الامريكية ح تعمله بعيال مدونين وناشطين؟ عايزة منهم ايه؟
مش انت لما حد بيتصل بيك ويقول لك: ازيك انا عايز اقابلك بتقول له: ليه خير؟
وللا بتروح تقابله كده وانت مش عارف هو عايز منهم ايه؟

3- انا من حقي اعبر عن رايي في الرحلات دي

انا باشتم حسني مبارك نفسه

مش ح ييجي شوية عيال كل ما اقول رأيي ينزلوا لي بالجنازير والمطاوي عشان يسكتوني

انا عندي اسئلة
يا حد يرد عليها
يا يسبوني اعبر عن رأيي

انما قلة الادب بتؤكد ان فيه حاجة مش مظبوطة
انا ما قلتش ادبي على حد

والاسئلة دي تاني:

1- ايه الهدف من الرحلات دي؟
2- ايه المقابل اللي بيقدمه الواحد لما ياخد منحة زي دي؟
4- وزيرة الخارجية الامريكية عايزة من الشباب دول ايه؟
5- وهم بقى، عايزين منها ايه؟

اسئلة مشروعة
مش كده؟

Unknown said...

اه
وفيه سؤال تاني وهو اهم سؤال


في مجال حقوق الانسان
ايه اللي ممكن الواحد يتعلمه من دولة وادارة مخبية صور ممارستها في السجون من كتر ماهي خايفة على الناس اللي عذبت لتتقتل؟ وبنت عندنا هنا في مصر سجون بفلوس المعونة الامريكية

يعني الماعون اللي بياخد منه الشباب هو هو نفس الماعون اللي بيصرف على حسني مبارك وبيبني له سجون

ازاي؟

Gemyhood said...

انا شيلت تعليقاتى علشان ماحدش يصطاد فى المياة العكرة

وجهة نظرى واضحة للناس كلها من زمان و مش محتاج ادافع عن نفسى اساسا لان عمر ما حد اتهمنى بأى حاجة غلط و لا أى حاجة تشبهنى

خلافى مع نوارة من خوفى عليها و الناس كلها عارفة قد ايه انا مرتبط بيها جدا و قد ايه هى اختى فعلا

كل مشكلتى انى ما احبش حد يشتم فيها و المرة دى حسيت ان الناس ليها حق علشان هى غلطت فى ناس تانية

مش موضوعنا المهم ان كدة كدة الفكرة واحدة كل اللى سافر و قابل ليه قناعاته الشخصية من حق الجميع يختلف معاها او يتفق

بس فى الاخر مش من حقنا نغلط فى بعض و لا حد يكسب مكاسب على قفانا اننا نشطاء بنحارب نشطاء

دى كل الفكرة

----------------

بالنسبة للعرص اللى بيقول مستنى دوره لا يا روح امك جيمى كان عنده معاد مع كونداليزا رايز و تفيت عليها و نمت فى الفندق مش هاتيجى تزايد عليا انت راخر

مي ثابت said...

أيوة مشروعة

و لا تحمل إتهاماً و لا إحراجاً لأحد

إلا من كانت يداه قد تلوثت

بحسن أو بسوء نية




أما حرف البوصلة عن إتجاهها

و محاولات التجريح الشخصية فى شخص يتساءل

فهذا من قبيل إثارة الغبار للتعمية و التغطية

- إماعن إقتناع بعمل هؤلاء الشباب

أو

الرغبة فى السير فى طريق الندامة الذى ساروا فيه


فبدون إنفعال و لا عصبية نقول لهم و لمن يدافع عنهم

إنتوا حلوين و وطنيين

!!

بس جاوبولنا على الأسئلة

Rasim Marwani said...

لا اريد ان اتطرق في البحث الى جواز او عدم جواز الاستعانة بمن نصب واعان وساند وحافظ على ديمومة كل نظام ظالم في العالم

لا اريد ان اناقش مبدأ الاستعانة بمن يصدر افلام التعذيب وادواته لجلادي العالم الثالث كجزأ من المعونة

لا احلم اصلاً بالدردشة حول تفاهة وسذاجة وغباء نظرية ان الحداية بتطرح كتاكيت

ابحثي عن جورج سورس ومنظمة أرغنكون التركية ونظرية ركوب المعارضة والنظام والاستفادة من تواليهما على السلطة

الف باء الفهم ان مصالحي ومصالح عدوي على طرفي نقيض واي نقاش حول هذه البديهية يعني اعادة البحث في مسلمات وبديهيات لا جدوى من اعادة الاضاءة عليها لمن يتعمد التعامي

Unknown said...

انا عايزة مقتطف واحد بس غلطت فيه في حد

مقتطف واحد
عشان اشيله لو غلطت في حد

Rasim Marwani said...

الذي دفعني بالتشكيك في كون الاستاذ جيمي هود هو صاحب التعليقات الساقطة، لان تدويناته تنضح بالذكاء وحدة الفهم
واستهجنت ان يكون نفس الشخص الذي يعلق على تدوينة من الواضح انه لم يقرأها ولم يتابع روابطها
ولا زلت على اعتقادي ان هذا المعلق لا يشبه الاستاذ جيمي هود ولا يقترب اصلاً من مستواه

Unknown said...

عاشق مصر
خلاص حصل خير
مافيش حاجة حصلت
هو شال تعليقاته وانا شلت تعليقاتي عشان المناقشة دي تتقفل

Rasim Marwani said...

بخصوص الام الغنية والاب المشهور والشبلة الغرقانة في خيرهما
بدون ادني شك لا يوجد من لا يتشرف بام كصافي ناز كاظم سجنت وعذبت وشردت من بلد الى بلد كلبوة تحمل وليدتها التي اطلت على الدنيا في بيت ربه في السجن وربته تفر بدينها من ظالم الى ظالم ومن بلد الى بلد
صافي ناز كاظم واحمد فؤاد نجم وسامين على صدر الامة
الا انهما ليسا والدين يعاير ولدهما برعاية حرم منها بالاكراه واستقرار لم يعرفه اصلاً
وعن "رغد العيش" لاستاذة جامعية واديبة وناقدة وصحافية وشاعر العامية الاول في العالم العربي فبامكان اي منصف ان يقارن بين مالية صافي ناز كاظم ومالية آخر ماسح جوخ في افقر جريدة نفطية
وبامكان اي منصف ان يقارن "قصر" احمد فؤاد نجم وقصور من لا يدانيه موهبة وانتشار
نوارة نجم يمكن ان تحسد على والدة كصافي ناز ووالد كااحمد فؤاد نجم
ولكنه حسد على الكرامة والعزة والثبات على الحق وليس على حياة عائلية لا تتمناها لعدوك
لصافي واحمد مع حفظ الالقاب
ووليدتهما تعظيم سلام

مواطن مصري said...

لو كنا نرفض الاستعانة بامريكا

نرفض الاستعانة بيران و حزب الله في مصر


ولا حرام على امريكا و حلال على ايران

Unknown said...

والله يا استاذ مواطن انا ما سمعتش ان الفريدم هاوس بتاع ايران عزم الناس وابجهم وخلاهم يقابلوا احمدي نجاد مثلا

سمعت انت عن الحكاية دي؟

والسؤال يبقى معكوس والله يا استاذ مواطن

لما فيه ناس، وبعضهم من اللي سافر، بتقول حزب الله "عميل ايران" عشان بياخد منها سلاح يقاوم بيه المحتل

ازاي جالهم عين يروحوا للمحتل على حسابه؟

ده يبقى اسمه ايه ده؟

مواطن مصري said...

مش بعيد تحصل و نشوف مدونين رايحين ايران تطلب سلاح زي سيد حسن نصر الله راح و طلب سلاح


عامل نفسو دولة داخل دولة

Unknown said...

انت يابني ح توترني ليه وتخليني اتعصب عليك

انت كنت خايب في الحساب في المدرسة؟

هو حزب الله وللا حماس وللا جماعة الخضر دول دولة؟ ناهيك عن انهم تبقى دولة محتلة؟

اخدت كام في المنطق في الثانوية العامة
قول قول ما تخافش