Tuesday 26 May 2009

أنا بابوظكوا؟

احمد عاطف المخرج مسكني النهاردة شبحني وقال لي اني بابوظ اللي بيدخلوا لي وبادلعهم
انا؟
بيقول لي اني مش باحمل الناس اي مسئولية وبارمي كل المشاكل والعوائق وعدم الانجاز واسباب الفشل على الدولة وكده انا بادلع الناس
:""""(
مع ان والله انا حواليا ناس كتير، وبيدخل هنا ناس كتير بيحاولوا يعملوا حاجات كويسة هو ذنبهم ان شغلهم مش ظاهر ولا متبلور ولا عليه سبوت اعلامي؟
طب انا عايزة اشتشيركوا اشتشارة كانونية وتقولوا لي ليه عشان مكالمة احمد نقلت لي دماغي الحقيقة
دلوقت انا باشوف ناس، كتير والله، ومنهم كتير من اللي بيدخلوا ويعلقوا هنا بيعملوا الاتي:
بيشوف هو عايز يعمل ايه وبيعرف يعمل ايه وبيحاول يحسن من الحاجة دي او المهارة دي على قد ما يقدر بصرف النظر عن هو خريج ايه، وبيحاول يعمل حاجة ولو بسيطة في سكة اللي هو بيحبه وبيعرف يعمله
طبعا سيبنا من النظام الامريكاني بتاع
think big... look far see far
ده كلام فارغ، الامريكان هم اللي خربوا العالم زي ما انتوا شايفين كده، لان الثينك بيج واللوك فار بيحسس الانسان بالعجز والفشل وانه عمره ما ح يعرف يعمل حاجة، ويخليه زي المواطن الامريكاني كده: بيجري جري الوحوش وملهي في روحه وما عندوش اي فرصة للتأمل
بس الحمد لله انا باشوف ناس كتير بتنتج، ممكن واحد خريج حاجة ما يشتغلش فيها خالص، انشالله بيحب يعمل كراسي، يفضل يعمل في كراسي عشان دي الحاجة اللي هو بيحبها
والانتاج في حد ذاته حاجة مهمة قوي، مش مهم ايه اللي بعد الانتاج، المهم ان الواحد بينتج، تاني انتاج ح يبقى احسن من اول انتاج وعاشر انتاج ح يبقى احسن من خامس انتاج
وده بيحصل وباشوفه
طب ليه فيه حالة عامة من الفشل؟ مع ان كل واحد بيحاول يعمل الحاجة اللي بيحبها على قد ما يقدر ويحسن نفسه فيها، والله، انا شايفة الاتهامات للافراد بانهم عالم فشلة ومش عايزين يعملوا حاجة اتهام مجحف، ناس كتير بتعمل انتاج وبتفكر، ولان اصلا كده كده مافيش فرص لا في المجال اللي هو اتخرج فيه ولا في غيره فبيفكر بقى يعمل حاجة بيحبها
طب ليه فيه فشل عام؟
وانا مش بادلع حد، يعني مش كفاية اللي الناس فيه؟ وللا بادلع؟  

31 comments:

simplymoi said...

The change must begin from the family. I wish parents or even big brothers or cousin spend more time with kids, teach them how to respect themselves and others, never to fear expect their creator, kill the racism, classes and educate them about what unite us as human, respect the environment, recycle, charity work. Love your family

Finally treat the people as like to be treated. هذا التغيير يجب أن يبدأ من داخل الأسرة. وأود أن الآباء أو الأخوة أو حتى ابن عم كبير قضاء مزيد من الوقت مع الاطفال وتعليمهم كيفية احترام أنفسهم وغيرهم ، ألا تخشى أن نتوقع مبدعها ، قتل العنصرية في المدارس ، وإطلاعهم على ما يوحدنا البشرية واحترام البيئة ، تدوير ، والأعمال الخيرية. الحب عائلتك

وأخيرا تعامل الناس كما تريد أن تعامل

مهندس مصري بيحب مصر said...

لا يا ستي
إنتي مش بتدلعي حد

و الناس مش ناقصة
و اللي فيها مكفيها

TAFATEFO said...

بعت لحضرتك ميل في 4 صور .. وشوية بريكوشنز أرجو اتباعها

وابقي ريبلاي وطمنينا عليكي بعد القراءة

ها ها ها ها ها ها ها

مواطن مصري said...

انا عاوز اسئل سؤال الي بيتهمنا ان احنا جيل فاشل يا ترى يا هل ترى هو عمل اية لجيلة و لجيلنا؟؟؟؟؟



يا ريت تتفرجي على الفيديو دة في مسريحة هيعجبك اوييي

http://www.youtube.com/watch?v=P10GEOUdA10

رامز عباس said...

بودى طلب واحد

يعني مثلا كلمة قانونية كاتبها كانونية


افترض ان كاتبها قانونية افضل بكتير من تغيرها هكذا


ثانيا انتي كاتبه صحفية وكنتي لوقت ما مقالات مالية الاهرام والوفد

ممكن علشان خاطر مستويات تعليمنا الللي اتعلمناها تكتبلنا باسلوب شيق ولغه عربيه سليمة



وتعرفلنا الاشخاص بصفاتهم زى عوكل انا لحد دلوقت مش عارف مين عوكل عندك

رامز عباس said...

بالنسبة لموضوع البوست

الناس بتحاول ترمي أخطاءها علي شماعة الدولة

والدولة كما يمكن ان نعرفها تجمع بشري مرتبط بالاقليم المصري يسوده نظام اجتماعي وسياسي وقانوني موجه لمصلحته


علي الشعب اذا ارد التقدم ان يتعلم

رامز عباس said...

اتمني ردك علي كلامي

mido said...
This comment has been removed by the author.
Anonymous said...

دلعيهم براحتك....هتبقى انت والزمن عليهم
ربنا يخليكى وتدلعيهم
المهم بجد الناس محتاجه منظومه وهى تشتغل......والحكومه هى اللي عودتنا تبقا ابونا وامنا....وبعدين سابتنا زي اليتمى.....وكمان بقيت جوز امنا ومرات ابونا وكل شويه ضرب وتلطيش
دمتى بخير.....تقبلى مرورى....

Anonymous said...

"الديمقراطية تبدأ من المنزل" كلمة قالها المذيع أسامة كمال, اللى قال برضك "احنا أمة كسلانة"
ونفس البعد الاجتماعى موجود فى كلام المخرج احمد عاطف, "مش باحمل الناس اي مسئولية وبارمي كل المشاكل والعوائق وعدم الانجاز واسباب الفشل على الدولة وكده انا بادلع الناس"
هو فى ناس أسهل عليها انها تنضم صوتيا الى النضال السياسى عشان يبرروا فشلهم, بدل البحث عن أسباب الفشل, بس مش انتى المسئولة عن ده..

هندسة وصفية said...

تدلعي مين
دانتي حقنة
انتي بس مدلعة بهيج

Kalimalhus said...

لا الحقيقة إنتى مدلعانا دلع ما حصلش..

يا بنتى ده أنا اللى الناس بيسمونى كآبة النكدى حضرتك و زوارك الكرام عرفتونى على أبعاد جديدة للنكد و الإكتئاب..

مع كامل إحترامى لكل الناس بتوع إبدأ بنفسك و ألا بعيلتك و كل الكلام الوردى بتاع العصافير ده.. أحب أقولكم إن كل واحد فى البلد دى لقالوا خرم إبرة يعدى فيه لم يتكاسل أو يتوانى و حارق نفسه ليل نهار عشان يعدى من أم خرم الإبرة..

أما الآخرين فمش ذنبهم إن ما فيش حتى خرم إبرة يعدو منها..

ما تبقيش تسيبى حد ينقلك دماغك بعد كده لأن ممكن مرة يحطوهالك فى حتة ما تعرفيش تجيبيها تانى.. و كل واحد يخلى باله من دماغه..

حسن على said...

الاستاذة نوارة بتدلع اللى بيكتبوا افكار زبالة فى مدونتهاوذلك بأستعمال اساليب متطورة كالمقصلة والكرباج وتجريسهم بما يكتبونة وبخط ايدهم ولدبها ايضا سلاح رش الماء والبهدلة وربما تستعمل قريبا التوسيط بطريقة "شك الباذنجان" ثم ان المخرج احمد عاطف مش خريج نحو الامية !!!وبالتالى نريد ان نرى افكارة هنا مع المعلقين عسى ان ينفعنا او نتخذة صديقا

3ishreen said...

السلام عليكم
لا شك أنو ده موضوع كبير ويحتاج إلى نقاشات كتيرة,,, وهو متعدد الوجوه لان المسئوليه تقع على عاتق الناس كما تقع على عاتق الحكو مات التي تحكمها كذلك.... من وجهة نظري لا يمكن أن نلوم طرف دون الآخر بمعنى أن الناس يتحملون جزء من الفشل الذي نعاني منه كشعوب عربية عامة والأمثلة كثيرة على ذلك . عدم الإخلاص في العمل , او عدم إتقان العمل من أصله, التغيب عن العمل وعدم وجود طموح للعديد من الناس بسبب اليأس المطبق عليهم وبسبب (نيجي للحكومات) عدم وجود سياسات او توجيهات او حتى فلسفة إجتماعية للبناء والتطور... اللي بيحصل عندنا هو عمل غير ممنهج من قبل الحكومات يليه عمل غير ممنهج من قبل الشعوب و لو بحثنا في حياة الشعوب الأخرى وحكوماتهم لوجدنا أن بعض الشعوب لا يهمها أصلا ما إذا كانت حكوماتهم تملك الفلسفة للبناء أم لا ولكنهم إستولوا على المبادرة بأنفسهم للبناء وأنظري للصين في زيارتي مرة لهناك لاقيت الكل بيعمل والكل عندة _ وده الأهم_ خطة لحياتة العملية وحياتة المهنية سواء صاحب مصنع أو عامل بالمصنع.
أهم مشاكلنا اننا لا نملك الحكومات القادرة على زرع فلسفة البناء والعمل للناس وبعض الدول العربية الغنية لن تجد ما تـأكلة لو انتهت ثروتهم النفطية التى توفر لهم الحياة السعيدة حالياُ... طيب انا قرأت مرة انو انتاج مصانع دمياط من الموبيليا والخشب إنخفض 30% بعد إنتشار الستالايت والدش في دمياط... وأنا شفت بعيني لما زرت مصر الصيف الماضي أنو الناس ما بتنمش الا وش الصبح طيب دول حيشتغلوا إمتى وحينتجوا إمتى بصراحة ممكن ألوم الحكومة على الإحباط العام المحيط بيكم لكن لا يمكن ألوم الحكومة لما أشوف طفلة عمرها 4 سنين بتلعب في الشارع الساعة 3 بعد منتصف الليل وسألتها طيب هي ماما فين قالت بتتفرج على المصارعة هههههههههههه مصارعة مين وسايبة بنتك فين
.....
الحكومات يجب أن تدان لانها لا تملك الخطط ( ومش قصدي خطط خمسية من إياها) الخطط الحقيقية لدفع الناس للعمل ومش بس العمل الكل ممكن يعمل لكن الاهم هو الابداع الابداع هو الللي بيبني الشعوب مش بس تروح الشغل الصبح وترجع بعد الضهر وخلاص
الموظف العربي ينتج ساعتين بالاسبوع حتى لو كان موجود بالعمل 5 ايام بالاسبوع
في لندن هنا الناس بتعمل 40 ساعة وبطالبوا الحكومة بزيادة الساعات المسموح بيها اسبوعياً والحكومة رافضة لذلك البعض بيعمل ساعات زيادة من ورا ضهر الحكومة بس ملاحظة ساعات زيادة مش ساعات أقل

في تشيكيا كان عنهم سيارة سكودا وكانت من أقل السيارات جودة في العالم يعني كان الانجليز بقولوا عليها نكتة ( شو بتسمي سيارة سكودا فوق الجبل؟؟؟؟) والرد (معجزة) لأنها لا يمكن تصل لاي مكان لكن بعد التعاون مع المانيا اصبحت سيارات سكودا تمثل الدخل الرئيسي للاقتصاد التشيكي في ظرف 10 سنوات لانهم استفادوا وابدعوا يعني صارت متل النفط ياللي عندنا لكن الاكيد انو مش راح تخلص زي النفط
ليش طيب ولا دولة عربية عملت متل هالاتفاق مع المانيا واستفادت من خبرتهم وأبدعوا متل تشيكيا!!!!!!,ا


أسف جدا على الاطالة ولكن بالنهاية ما أقصده هو أن علينا كشعوب أن نتعلم الإبداع بعيداُ عن حكو مات نا لانها ميته وأن نتعلم الإعتماد على أنفسنا أكثر

تحياتي
عشرين

TAFATEFO said...

ألا هو ايه اللي ممكن يتفهم من افتتاح قاعدة عسكرية فرنسية في أبو ظبي؟؟؟

مواطن مصري said...

أعلن المتحدث باسم البيت الابيض الثلاثاء 26-5-2009 أن الرئيس الامريكي باراك اوباما سيجري الاسبوع المقبل في الرياض محادثات مع العاهل السعودي الملك عبدالله بن عبدالعزيز تتناول عملية السلام في الشرق الاوسط وملفي ايران والارهاب، قبل أن يتوجه إلى مصر حيث سيلقي خطاباً عن كيفية تعاطي واشنطن مع العالم الإسلامي.

وقال المتحدث روبرت غيبس إن الزيارة ستشكل بداية جولة يقوم بها أوباما تشمل أيضاً أوروبا ومصر، حيث من المقرر أن يلقي خطاباً مهماً يتوجه فيه الى العالم الاسلامي.

وأضاف ان "الرئيس سيلتقي الملك عبدالله لبحث مجموعة من القضايا المهمة تشمل السلام في الشرق الاوسط وإيران والارهاب".

http://www.alarabiya.net/articles/2009/05/26/73961.html

هيقابل السعودية الاول

عبقرينو said...

نوارة

شكرا على البوست ده بس عاوز اقولك حاجة
think big-----move small
بجانب رؤية وهدف واضح وسيبك من اللى حواليكى
انتى قابلتينى وتعرفنى كويس يمكن ممكن تكونى تعرفى ده اول مرة منى بفضل الله انا من اكتر الناس المعارضين للرئيس ولكل القرف اللى موجود فى مصر وشاركت فى كل الفاعاليات التى تؤكده ده بس ده مش خلانى ابدا ابدا وبفضل من الله ونعمته ناقم على حياتى او فاشل بفضل الله وفى عمرى هذا بفضل الله ثم مجهود كبير وبرؤية واضحة حولت مجرى حياتى من خريج لقسم الحشرات لمستشار الآن فى مجال تكنولوجيا المعلومات لأهم رجال اعمال فى المنطقة والحمد لله عندى مزرعتى دلوقتى اللى مشغل فيها ناس بفضل الله وكمان بسبب انى رفضت ادفع رشوة علشان اطلع رخصة انى معايا عربيتى بالسواق بفضل الله وعمرى الآن 28 سنة
العملية عاوزة ثقة فى الله سبحانه وتعالى وهدف واضح وعدم اتكال انى الظروف المحيطة زى الزفت
آخر موقف انى كنت شغال مستشار هنا فىمشروع فى مصر لمدة سنة وفى الآخر تم تسريحى من الشغل بسبب الازمة العالمية وانى مرتبى كان من اعلى المرتبات فى المشروع وقعدت 5 شهور فى البيت علشان مش راضى اتنازل عن مرتب كنت باخده وبفضل الله مش قعدت العن الظروف طبعا سوء تقدير الحكومة هيفاقم الازمة مستقبلا وهوا اللى خلى ده حصل ولكنى استثمرت وقتى الحمد لله وركزت فى الارض وزرعتها وبعد غد بفضل الله رايح دبى وهى فى عين الازمة علشان فيه مشروع مهم محتاجين فيه خبرتى بفضل الله
القصد من كلامى الصبر والرضا والرؤية الواضحة والهدف والاصرار على تحقيقه هايخلى حياتنا احسن وده كله مع حركة وتفاعل مع المجتمع اللى متعايشين معاه وفى النهاية يغلف ده اخلاص ونية صادقة ارجوا من الله ان يرزقنيها
ملحوظة بس انا مش اخوانى خالص:) ومعظم اصدقائى من الوسط من اليسار بس فى نفس الوقت باصلى وبراعى الله بفضله

مدونة النسر المصرى said...

عيد ميلاد سعيد يانوارة
عقبال يارب مليون سنه
لابو النجوم

lastcrazyboys said...

يا سلاااااااام

اهو انتي كده فعلا ريحتين ..الله يريح بالك

مع إني مبحبش اتكلم في الخصوصيات على الملأ ..بس الموقف هنا يستدعي كده

المشكلة مش انك تشتغلي في حاجة مش تخصصك

او انك تعملي نفسك مش واخدة بالك من الغمز واللمز-بهزار او بقصد- من المقربين لك

المشكلة في اول نص وقعة ..هتلاقي كل الناس مشغلة اسطوانة واحدة:
"
ماتفكك من اللي انت فيه ده بقى..وتشوف اللي متفصلك
انا مش عارف الناس هتمووووت عـ الوظيفة وانت بتتبطر عالنعمة
يابني اعقل
"
وكلام كتييييير..بس فعلا الكلام ده هو اللي خلاني أؤمن بنظرية جديدة..مش هقول اني اكتشفتها او ابتدعتها
ولكنها وقعت في طريقي ..لما كانوا بيدشوا دماغهم بمصير واحد في حاله

اكتشفت ..وبعتلهم الكلمات دي بعد كده
ان "مشــوار الألــف ميل يبــدأ...بعــثرة"

BlackIceNo said...

ايه دة انتي بتهرجي شكلك , أمريكان اية الي خربوا العالم؟؟؟؟؟ انا احتج وبشدة على النقطة دي!! اذاي يعني الأمريكان خربوا العالم , الواحد لو عايز يخرب هيخرب بأمريكا او بدون أمريكا , ونقطة مهمة جدا لولا الامريكان انتي مكنتش فتحتي مدونتك دي وتقولي ان الامريكان هو الي خربوا العالم , انتي بتتكلمي بجد ولا بتهزري؟

Ahmed Fawzi said...

قولى له يبطل فتى ... بالنسبة لحالة الفشل العامة فده منطقى جدا فيه إيه فى البلد ناجح ؟؟؟
لو إتكلمنا بمنطق السوق .. هل البلد فيه سوق حقيقى و سليم ؟؟
لو إتكلمنا بمنطق القيمة
هل الناس دلوقت بيقدروا يقيموا الحاجات صح ؟؟ هل الأطفال فى المدارس بيتم تدريبهم على التذوق السليم و كيفية التقييم ؟
و فى حالة إن فيه حد يقدر يقيم الحاجات الصح هل بيقدر على سعرها .. ؟؟
هل المنطق السائد فى المجتمع هو منطق العمل و الإجادة فيه ؟؟
كم % بيحققوا " إن الله يحب إذا عمل أحدكم عملا أن يتقنه ؟"
و هل اللى بيتقن عمله بياخد حقه ؟؟؟؟؟
هل قيمة العدل سائدة فى المجتمع ؟؟؟لو لا يبقى مافيش مجال غير للفشل بطبيعة الحال
هل نظرتى تشاؤمية ؟

حـنــّا السكران said...

أنا موافق مع الأستاذ أحمد

مش من ناحية انك بتدلعي الناس .. بس من ناحية واجب التركيز على مسؤوليتنا ..أنا ياما قلت هالكلام ..لدرجة اني اتهمت بجلد النفس .. نحن مسؤولون عن كلّ ما يحصل لنا ..و يجب مواجهة أنفسنا و مواجهة الناس بذلك دائما .. ما في شي بيصير لوحده و لا في شي بيتغيّر لوحده .أنا قلت كتير انه لما بيبدأوا الطغاة و الحرامية يخافوا من الشعب و يحسبوا له حساب ..مش رح يبقوا طغاة و لا حرامية .. نحنا عاطينهم كارت بلانش يعملوا فينا كلّ اللي بدهم إياه .
المصيبة تبدأ فينا و تنتهي علينا .

BlackIceNo said...

@3 مصري
انت عبيط ولا شكلك كدة؟ اية التخلف دة
كم % بيحققوا " إن الله يحب إذا عمل أحدكم عملا أن يتقنه ؟"
و هل اللى بيتقن عمله بياخد حقه ؟؟؟؟؟
انت عايز تاخد في طيزك مش تاخد حقك معلش يا اخت نوارة بس اسلوبه نفزني اوي معلش يعني أسمحيلي , اولا انت لما تتقن عملك بتكسب خبرة وبتديك مجال انك تتعرف على حاجات جديدة ممكن تؤهلك لحاجات جديدة وساعتها هتاخد حقك في مكان عمل يختلف عن مجال عملك وكل دة علشان اتقنت عملك في البداية
ثانياً لو ماختش حقك في الدنيا او في مجال عملك يبقى هتاخده في الاخرة ان شاء الله ودة يختلف عن الي بيؤمنوا بالدنيا والاخرة ومفتكرش ان مافيش حد مش بيؤمن بالأخرة

Anonymous said...

الصراحة انا باتابعك من فترة
و اتعلمت كثير منك
بس أحنا بايظين خلقة
حتى شوفى التهييس ده
http://shayunbiqalbi.blogspot.com/2009/05/blog-post_27.html

TAFATEFO said...

هما بيجيبوا حبة المعاتيه دول منين

Unknown said...

انا قريت خالد صلاح
ههههههههههههههههههههه

على فكرة
حسني مبارك يستاهل
ح يمسكوه يفضلوا يعايروه بانهم قالوا له البقية في حياتك لمدة سنة

احسن
عشان يدوق لما كان بيعاير الفلسطينيين ويقول لهم قمصاني وشرباتي

Unknown said...

بيقول له ادي احنا طلعنا جدعان وعزيناك شوفنا بقى

TAFATEFO said...

يا سلام .. طب ودول

كل هذا الوعى الذى أدارت به الصحف ووسائل الإعلام الحكومية والمستقلة والدوائر الحزبية والسياسية موقفها من هذا الحدث

قيمة واحدة وأساسية لا مجال لإنكارها مطلقا، قيمة عليا ونبيلة ينعم بها هذا الشعب دون غيره وهى (فصل الحياة الخاصة عن الشأن العام فى الحياة السياسية المصرية)

لم يكن الحزن العام هو الجانب المدهش هنا فى هذا المشهد،

والمدهش أيضا هو إلغاء مقالات نقدية مطولة من الصحف اليومية المستقلة والمعارضة، وتأجيل اشتباكات سياسية مع وزراء فى الحكومة لعدم ملاءمة التوقيت، والمدهش، كذلك هى مبادرة مجموعات كبيرة من نواب المعارضة والمستقلين فى مجلس الشعب إلى تهدئة أجواء الجلسات العامة وتعديل خطط التراشق والملاحقة لوزراء الحكومة لتمر أيام الحزن فى سلام وسكينة.(الفقرة دي أجعصهم وأخصاهم وأفقعهم حاجه ****)

لم يصدر أحد توجيها لكل هؤلاء ....، ولم يقرر أحد ما فى السلطة خطة ...... لكنه الوعى بحساسية التوقيت والإدراك لحجم الألم

من ذا الذى يحتاج دليلا أكبر من ذلك على أن هذا الشعب بلغ أرقى مراحل النضج النفسى والسياسى والوطنى ..... يا أخي أحا .. أحاااااا عظيمه يعني مش أحا من العاديه دي

نحن أمام شعب ينعم بالوعى والإدراك والنضج السياسى والإنسانى -----، نحن أمام شعب قدم برهانا عمليا على براعته فى الفصل الدقيق والشريف ----- نحن أمام شعب بنوابه وعماله ونقابييه وصحفييه وإعلامييه، أجمعوا للمرة الأولى وبروح واحدة على صد بعض الشائعات ------، جرى كل ذلك بحكمة شعبية فريدة تؤكد أنه لم يعد ينقصنا شىء ------.

يستاهل ؟؟!! طب هو يستاهل .. واحنا ذنب أهالينا ايه

خلاص .. كلنا لطمنا الخدود وشقينا الجيوب ؟؟ خلاص بقينا نتمتع بقمة الوعي وقمة الثقاافة وقمة النضج ونسي قمة افرست اللي تحت كل واحد

أحييييييييييييييييييييييييييه

دا زفت ... وفت .. زززززززففففففففففتتتتتتتت

TAFATEFO said...
This comment has been removed by the author.
Kalimalhus said...

أنا مش شايف إن اللى قاله خالد صالح غريب فى حاجة .. يعنى ما يفرقش كتير عن اللى إنتى كنتى بتقوليه أيام ما كان عندك أمل ربنا يهديه و الحاجات دى.. ده حتى الراجل ما قالش يرجع الفلوس و يسيبهالنا مخضرة و يخلع و الأوهام اللذيذة اللى عيشتيلك فيها يومين لما كنتى ها تنقطينا.. كل اللى طلبه يبحبها علينا شوية فى الديموقراطية..

يعنى هوه حلال لينا نشم بودرة و حرام عالراجل يشد نفسين بانجو..

z!zOoOo said...

السلام عليكم

ازيك يا صاحبه المدونه ( معلش مش عارف اناديكي بإيه ) يارب تكوني بخير

بصي هو الناس عليهم مسئوليه كبيره جدا طبعا

لكن الحكومه عليها برضه المسئوليه الاكبر او ممكن تقولي تكافؤ بين الاتنين


ثم كده ولا كده رغم ان ممكن يكون احمد عاطف ( الي معرفوش ) عنده حق

إلا إنك برضه عندك حق

ديه مش البطيخه ولا حاجه

بس حتي وإن كان كل واحد بيعمل الي بيحبه وبينتج طيب فين تشجيع الانتاج ده

ده حتي في الاقتصاد درسولنا ان من اساسيات الانتاج او مقوماته العمل والطبيعه ورأس المال

طيب عندنا عمل والطبيعه مكوشين عليها تحت الحراسه

ورأس المال بيبيع شباشب تحت الكوبري

يعني مش هنضحك علي بعض

منين عايزك تنتج مفيش رأس مال ومفيش مواد خام

والاهم من كل ده مفيش تدعيم للإنتاج ده ومفيش تشجيع خالص

يبقي هتلاقي

إنتاج + إنتاج + إنتاج = فشل زريع

وده الطبيعي إنك تلاقي اي شاب بيدور في اي حته علي شغل بعيد عن مجاله

وطبعا المحسوبيه والواسطه قايمين بالواجب وزياده

موضوع كبير قوي وعايز 15 يوم احكي فيه ومش هخلص

ربنا يوفقك ويوفقنا ومانموتش منقوطين

تحياتي