Monday 25 May 2009

مفاجئات هيفاء وهبي وهبك

مع الاعتذار للاخوة الزمالكاوية اللي زيي، الموقع كله احمر
ثانيا، حد شاف هيفاء وهبك النهاردة مع منى الشاذلي؟ انا استفوجئت بكذا ميزة، او كزا ميذة
1- هيفاء وهبي مش طالعة حلوة زي ما بتطلع في الكليبات، خدودها ساقطة من كتر العمليات ومش عارفة تضحك
2- انها تطلع اصلا في العاشرة مساء، منى كان شكلها مزمزأ من الموضوع ده مش عارفة ليه، الظاهر حاجة اعلانية عشان الفيلم الجديد
3- المفاجئة الاكبر: هيفاء وهبي ذكية ونبيهة
حاجة غريبة قوي، انا بصراحة ما توقعتش خالص انها تبقى بالنباهة دي، اصلي عمري ما سمعت لها حوار الحقيقة، انا توقعت مثلا ان مخها مش ح يزيد عن مخ سمية الخشاب اللي مرة قالوا لها انت ليه بتتجوزي دايما رجال اعمال اغنيا قالت : ده رزقي، وحسبي الله ونعم الوكيل في اللي بيبص لي في رزقي
الظاهر رزقي كان بيغير والناس بصت عليه، ماهو يقفل الباب يعني هو راخر
بس هيفاء دي مخها نضيف، طب ايه اللي رماها الرمية دي لما مخها نضيف؟
4- مفاجئة رابعة، ان منى الشاذلي انسحبت من لسانها، كالعادة، وقالت لها ما شفتيش قضية سوزان تميم، ولمحت ان يعني: بكرة جوزك يقتلك انت كمان، ههههههههههه والله منى الشاذلي دي عسل، مافيش اي فلتر على بقها خالص كده؟ بس مش دي المفاجئة
المفاجئة ان هيفاء ارتبكت وزي ما تكون اتخضت بجد وبان على وشها الخوف وصوتها ارتعش
طب وانتوا حد بيضربكوا على ايدكوا؟
ايه اللي ودا هيفاء وهبي العاشرة مساء بقى؟  

52 comments:

مواطن مصري said...

معد عرض ع هيفاء و من حقها انها ترد على الاشاعات


بس عجبتني هيفاء وهبي و خصوصا لما قالت مش عاووزة تتكلم عن السيااسة اللبنانية


و متفق معاكي


بخصوص

3- المفاجئة الاكبر: هيفاء وهبي ذكية ونبيهة



و بجد انتي زملكاوية زي امال بس بتختلفي معايا لية

ماحنا زملكوية مع بعض و ع العموم مهاما اختلفو الزملكوية مع بض في الرائي

عمرنا ما نزعل من بعض
:DDDD

Unknown said...

انا سجلت جزء لجروب البرنامج على الفيس بوك
و بعدها الكمبيوتر
سخن لوحده
هو اصلاً بيسخن لما بسجل فقرة لوزير الإستثمار و لا لمصطفى بكرى
هههههههههههه

مع حلقة هيفاء شوية كان فاضل الكمبيوتر يتف فى وشى
و يقولى اقفل يا جزمة
انا حولع
هههههههههههههههههههههههههههههه

بس منى مسحوبة من لسانها قوووى
فعلاً
هههههههه
ده سؤال ده

انا الصراحة اللى زى هيفاء
مش قليل اخذ فيها اعدام بجد تستاهل
هههههههههههههههههههه

بيقولك سوزان لما ماتت قابلت ذكرى و ديانا
قالولها مش قولنا بلاش رجال اعمال
هههههههههههههههههههههه

على فكرة ابو هشيمة غلطان
انه اتجوزها هيفاء ديه مش محترمة
يعنى فيه الفاظ تانية مينفعش تتقال خالص

لأ و البت عاملة فيها ام الخشا اللى فى الدنيا كلها

VÖltaa said...

3- المفاجئة الاكبر: هيفاء وهبي ذكية ونبيهة

فعلا
واما جابت سيرة قلب الترابيزة على المذيع
كانت فعلا بتحاول تقلبها على منى الشاذلى ونجحت وغيرت الحوار

بس ايه ده
خدودها مالها كده ؟
وكمان شكلها حزين

^_^
بس ارخم حاجة الفواصل الاعلانية
لازم يعنى يهرو اهالينا رقص لهيفا
ياجدعان مش احنا بس اللى بنتفرج
هههههه
وبعدين ده برنامج محترم مكنش ليه لازمة الكلام ده يعنى

,,
صحيح
مبروك للأهلى
وهاردلك لمركز شباب الاسماعيلى وشوية الشباب اللى لابسين ابيض هناك دول ومطلقين على انفسهم
زملكاوية
^_^

soreal said...

we want the video, yenobko feena thawab :P

مهندس مصري بيحب مصر said...

أصل هيفاء خافت ليه ؟

لإنها إتجوزت شاب سعودي من رجال الأعمال من حوالي 4 سنين
و كان أصغر منها بـ 20 سنة

و قعدت معاه 6 شهور
و قبضت ملايين قبل الجواز و بعد الطلاق و ما بينهما

فهي متعودة على الجوازات السقع دي

فخافت لا العريس المصري ينشف دماغه و ما يسيبهاش غير بالدبح
:)

TAFATEFO said...

هي يطيع مبارك شيطانه؟ها ها ها ها ها

Kalimalhus said...

معظم اللبنانية بيجيدوا الكلام أو يمكن أنا متهيألى كده..

بس أنا كمان إتفوجئت لما لقيتها بتتكلم بعقل و لباقة كده.. بس منى سألتها مش عارف إيه الرجالة كلهم ليهم رأى واحد فيكى و كلهم عايزين يبقو مكان الأخ راحت قايلة بعد الشر و مغنية.. أنا قلت الموضوع ها يقلب مسخرة و ههئ يا شيرى إختشى رحت قايم و سايب المدام تتفرج على مزاجها و تعد البلاستيك سيرجيريز اللى الشابة عاملاهم براحتها..

سبهللة said...

انا شفت الحلقة
واللى لفت نظرى اوى موضوع خدودها دةوقلت لمامتى بصى خدودها عاملة ازاى مكلكعة ومش طبيعية خالص
ولفت نظرى مياعتها الزيادة واستخاففها
دمها مش خفيف خالص
لكن لما بتكلم جد بتقواحلى كلام
صحيح كله كدب فى كدب بس ماحدش يقدر يمسك عليها حاجة
بس يا خسارة ما سمعتش الحتة بتاعة سوزان التميم
كنت بفض خناقة مع العيال

Unknown said...

Tafatefo
--------
إتفضل
خبر زوجة هشام طلعت مصطفى


http://1.bp.blogspot.com/_gHQyrTImarc/ShnwMTzUIcI/AAAAAAAACVQ/Kb8T0Aa0fC8/s1600-h/Almasry+Alyoum+-+Sun+24-5-2009.jpg

Unknown said...

والنبي تتفرجوا على التوزيع غير العادل للثروة اللي احسن من التوزيع العادل للبؤس
http://www.alwatanvoice.com/arabic/content-138108.html

مواطن مصري said...

http://www.aljazeera.net/NR/exeres/7CB43B2C-0730-45B7-9C94-FB5AFB09E51E.htm
خبراء: إسرائيل توتر أجواء حوض النيل

مواطن مصري said...

نوارة انا عارف انك شاطرة و تجيبي الديب من ديلة و النبي شوفي موضوع المياة اية احنا داخلين على ازمة مية يا جدعاااان شوفي الاتفاقية دي فيننن

مواطن مصري said...

يا نوارة ياريت تشوفي دة ل الاهمية




http://acpss.ahram.org.eg/ahram/2001/1/1/RARB90.HTM


التقرير الإستراتيجي العربي
2004-2005
3 ـ الدور الإسرائيلى فى البحيرات العظمى وشرق أفريقيا


ضروري جدا انا كتبتة عندي

و مستني التعليق بتاعك على التقرير عندك في المدونة

فلاشاوي said...

بعيد عن الموضوع
شوفي الفيديو ده يا نوارة

http://www.youtube.com/watch?v=ahBnW2FTLSk

BlackIceNo said...

الله يباركلها هيفا وهبي انسانة مخلصة في عملها يا جماعة مش عايزين نبص للموضوع من تحت بوصوا للموضوع من فوق

ســـــاره said...

استاذ مهندس مصري :)

هيفاء كانت مخطوبة لطارق الجفالي بس ماتجوزتهوش اهله كان واقفين ضد الجوازة دي تماما وقاطعوه ولأسباب خاصة فسخ الخطوبة :)

سؤال منى الشاذلي لهيفاء عن سوزان تميم ماكانش في محله خالص ..واي وحده مكانها كان لازم ترتبك اصل الفكرة لوحدها مرعبه مابالك لما حد يوجهلك سؤال بحيث تحطي نفسك مكان الضحية ؟!! شئ يوتر بجد

في حاجه تانية لاحظتها ..مش عارفه هل لأني مش متابعه البرنامج بإستمرار ولا لاء بس اغلب الحلقات اللي بشوفها منى بتكون قاعده على شمال الشاشة والضيف عاليمين في حلقة هيفاء حصل العكس ؟!!

mado said...

صباح الخير

بالنسبة للموقع هو فاتح من فترة بس اتجدد اليومين دول.

وكمان الناس تقدر تتابع اخبار موقع مركز الدراسات الاشتراكية علي تويتر وجايكو

eSocialists @ twittereSocialists @ jaikuسلام

Fatma said...

أنا عجبتني :)

مش اول مرة اشوفها بتتكلم مرة من فترة مش فاكرة فين اتكلمت في السياسة واتكلمت عن حسن نصر الله وجالي ذهول الحقيقة انها دريانة بالدنيا بيحصل فيها ايه
منى كانت سيئة جدا وقليلة الذوق في اوقات كتير انا اتضايق بصراحة منها جدا في اسئله كتير بالذات السؤال بتاع هشام طلعت

الحلم العربي said...

يا جماعة و لا ذكاء ولا بتاع ...هما كام كلمتين محفوظين و قلبت وشها جد و بطلت مياصة شوية علشان الناس تقول دي بتفهم
انا بردو شفت اللقاء و لاحظت اللى لاحظتيه ما عدا موضوع الذكاء ده ماخالش عليه
بس بتعجبنى منى الشاذلي ..بجد بحبها ...في ناس كده تحبي تتفرجي على أي حاجة بيعملوها إنشالله يكونوا بيقولوا معسلة يا بطاطا ههههه و لا حتى بيستضيفوا هيفاء وهبي
ههههههه
مش فاهمة بصراحة ايه لزمة انهم يجيبوها في برنامج زي ده ماهي مالية القنوات ، دي الرحمة حلوة و الله

Anonymous said...

اصلا انا استغربت ان منى الشاذلى تستضيف هيفا.....وبصراحه موش برنامجها خالص....والحلقه كانت ممله....وانا ما استغربتش من شكل هيفا ولا كلامها اصلى شفتها فى مؤتمر صحفى للفيلم وكانت شكلها كده برضه.....يلا .....دمتى بخير....تقبلى مرورى
والنبى ملحوظه على جنب لمواطن مصرى.....هو الزمالك شاغل دماغك كده ليه......هتموت كده ناقص درع

Anonymous said...

انا استغربت من واستضافه منى الشاذلى لهيفاء....موش برنامجها خالص.....وانا ما استغربتش لشكلها ولا كلامها انا شفتها قبل كده فى مؤتمر صحفى للفيلم الجديد.....وكان شكلها تعبانه واكبر من ما تبددوا فى الكليبات....كلامها كان كويس برضه....مش هبله يعنى زى ما تبان
دمتى بخير....تقبلى مرورى

عابر سبيل said...

اللقاء مع هيفا وهبى واللى زيها مكانه مش العاشرة مساءا ، مفروض يبقى فى يا مسهرنى ولا أى برنامج من البرامج الهايفة اللى بتقدمهم مذيعات أتفه من التفاهة....ولكن بما إن منى الشاذلى اختارت الموضوع ده يبقى دى خطوة مهمة لبرنامجها فى طريق السطحية والهيافة
وبعدين إيه اللى يهم الناس فى جوازها ولا طلاقها؟ مادى حاجة عادية بتحصل لواحدة زيها كل كام شهر؟
يعنى مشاكلنا كلها خلصت من تصدير غاز لإسرائيل لقمح مدود ومسرطن لقطورات بتمشى لوحدها؟

بس والله كانت مفاجأة إنك زملكاوية ، طيب مش تقولى علشان نباركلك إنتى ومواطن مصرى على المركز السادس فى الدورى؟وربنا يكرمكوا كمان ومرتضى ينجح فى الإنتخابات وتحصلوا المركز العاشر ولا حاجة السنة الجاية
:-)

Unknown said...

شوفتى مقال بلال فضل
انهارده
؟.


http://www.almasry-alyoum.com/article2.aspx?ArticleID=212420&IssueID=1416

احمد سعيد said...

هههههههههههههههههههههه

بقى منى الشاذلى مش بتركب فلتر على بقها؟؟


!!!!!!!!!!!!!!!!!!!!!!!!!!!!!

والله انتى طيبه

مش بقولك انتى طيبه يانوارة

خاطر said...

مفتي مصر الأسبق الشيخ فريد واصل:

المسؤول الذي يأمر بحصار الفلسطينيين وتدمير الأنفاق آثم ومتحالف مع المحتل

www.alquds.co.uk

القدس العربي 25مايو 2009

ديالا said...

ايه ده يانواره ياقمر

بتتكلمي عن هيفا لا حول ولا قوه الا بالله لما احنا نتكلم عنها حتي ولو بكلام وحش يبقي فعلا المدام دي هتاخد اكتر من حقها
دي حلها الوحيد بالبلدي كده نطنشها ومنعبرهاش
ليه بقي لانها اساسا كائن لايذكر لما نتكلم عن الرقصات الي زيها واعذريني لانها لا تتعدي كونها رقاصه تبقي مههزله
بجد بقي لاما ربنا يهيها لاما ترحمنا من بوس الواوا بتاعتها دي عشان كلنا عندنا واوا منها بجد ربنا يهديها

عين فى الجنة said...

رزقى كان بيغير ايه يا ترى؟

TAFATEFO said...

الفيديو بتاع منى الشاذلي لما سألت هيفا عن قضية هشام طلعت مصطفى

Unknown said...

انا بس ليا تحفظ
لازم ارد على تعليق ديالا عشان دي سمعتي

والله ياختي انا فتحت العاشرة مساء زي اي مواطنة محترمة وجد
لقيت هيفاء وهبي

وانا والله ست مستقيمة :) لما احب ارفه عن نفسي باتفرج على الام بي سي تو او فوكس موفيز وساعات اتفرج على روتانا زمان لما يجيبوا فيلم نهارك سعيد

77Math. said...

أنا مش عارفة ليه مستغربين انها استضافت هيفاء، ماهي قبل كدا استضافت آمال ماهر
ومرة استضافت مذيعة بس مش فاكرة اسمها للأسف

واستضافت قبل كدا واحد بيغني ع العود مع زوجته، وغيرهم كثيررررررر

المشكلة ان ردود هيفاء زي أي مطرب أو ممثل تاني

اللي خلاك تفكريها انها ذكية يا نوارة، إن اللبنانيين واعيين أكثر من المصريين "الفنانين أقصد" بسبب الحرب اللي في بلدهم، بسبب جينات بقى معرفش

وبعدين مين سمية الخشاب دي اللي تاخدي على كلامها :-s

:p:p:p

عقبال ما منى الشاذلي تستضيفك بقى وتغني لنا انتِ كمان :p

TAFATEFO said...

هو صعب تلاقي حد في الزمان ده بيحب منى الشاذلي .. أنا لا بحبها ولا بحب حد من شلة ألاضيش التوك شو

يمكن الوحيد اللي بحبه جمال عنايت

انما كون منى الشاذلي تستضيف هيفا فهو شئ غبي فعلاً .. وشكله كده مدفوع

آي نعم هي استضافت أنغام و آمال ماهر وعمر خيرت مثلاً وناس كتير قبل كده بس دول فنانين .. لكن متوصلش لهيفا .. مفيش مانع بقى تستضيف دينا المره الجايه

وبعدين ايه الذكاء اللي فيها ؟؟ أنا نزلت الحلقة وجريت كده كام دقيقه ملفتش نظري غير منظر خدها .. مش بقول انها غبيه بس ايه الدليل على العكس؟؟

ديالا said...

هههههههه عارفه والله يانواره انك بنوته مستقيمه

بس معلش فعلا دي سمعتك انت عايزه الناس تقول علينا ايه ؟بنتكلم عن مدام هيفا

يلا معلش بقي الي اتكسر يتصلح

هنعمل ايه بس ان الله غفور رحيم

ديالا said...

نسيت اقولك برافو عليكي عليكي جدا لانك زملكاويه لان طبعا العبده لله زملكاويه وبعدين بقي الي مش عجبه الزملكاويه لو سمح ولانص كلمه بعد كده

ماشي انا حذرت اهو ولا نص كلمه علي الزملكاويه سامعين؟وقد اعذر من انذر

TAFATEFO said...

أكثر حاجه تتحب في الزملكاويه انهم فاردين صدرهم علطول .. بصرف النظر عن أي حاجه

غالبين مغلوبين متشرحين كاسبانين الدوري ولا طالعين سادس .. بينفضوا لأي ظروف وتلاقيهم دائماً وأبداً فاردين صدرهم

تقريباً في علاقة قرابة بينهم وبين أطاطا

77Math. said...

ههههههههههههههههههههه

دينا

وماله

ههههههههههههههههههههه

بس أكيد مش منى اللي حتستضيفها،

ساعتها يجيبوا هيفاء تقدم البرنامج، وممكن يكونوا استضافوها كهدية التعاقد بقى


أنا مش زملكاوية
وحقول نص كلمة
أنا بكره الكورة :D
وبكره التعصب الملعبي :p:p

ديالا said...

مصطفي

اه فاردين صدرنا في مشكله عندك مضايقك ده في حاجه لو مضايقك يعني قول احنا برضه عندنا سعه صدر نسمع الاخر وبعدين انتي فين يانواره ماتشوفي مصطفي بيقول علينا ايه؟شكله كده بيغلط في الزملكاويه ولا يمكن انا فهمت غلط

لا لا اكيد اكيد فهمت غلط هو طبعا مش قصده يهين الزمالكاويه خالص صح؟

TAFATEFO said...

آآآآآآآآآآآآه طبعاً مضايقني

مانتوا جايبينلنا الكلام .. الواحد وهو مغلوب من طوب الأرض وموكوس يسكت .. أهو .. اعملي زيي .. طالعين السادس والإسماعيلي اللي قلنا هيجيب التايهه ويعملها .. كان خروف امبارح بـ ريكاردو بتاعه

ميحلالكوش الكلام إلا بعد الوكسات؟؟

خليها تعدي

يعني هنلاقيها منك ولا من مواطن مصري ولا من فلافيو بدماغه دي

بتفكريني بابن عمي .. من ساعة ما رجع مصر من خمس سنين والزمالك مقامتلوش قومه .. وهما 3 بس الزملكاويه في عيلتنا وميحلالوش يلبس في بيت العيلة إلا تيشيرتات الزمالك

وجايبلنا احنا الكلام والتريقه

نفسي أفهم بس ايه الحكمه من فردة الصدر دي؟؟

Wild at Heart said...

نبيهة إيه يا نوارة أكيد بتهزري.
دى كانت كل شوية تضحك من غير أيي سبب حتى منى آخر ما زهقت قالت لها إنتِ بتضحكي ليه؟؟؟؟
يعني مستوى ذكائها عااادي لا نبيهة ولا بتاع.
وفعلاً لقطات الأغاني ماكانش ليها لازمة.

ديالا said...

77MATH

لا بس النص الكلمه دي كويسه كلنا بنكره التعصب الكروي بس انا فعلا مش متعصبه بس برضه عندي ولاء لفريقي

ديالا said...

برضه مش هريحك واقولك فرده الصدر دي احنا جايالنا منين

مي ثابت said...

خاطــر

الفتوى فعلاً تستحق النشر و التكرار من رجل محترم

فى زمن عز فيه للأسف الرجال





القاهرة ـ 'القدس العربي' ندد نصر فريد واصل مفتي الديار المصرية الأسبق باستمرار النظام المصري في إغلاق الحدود بين قطاع غزة ومصر للعام الثالث على التوالي، وأشار إلى أن السعي لإحكام الحصار هو بمثابة الحرب المعلنة على ديار المسلمين ودعم للعدو.
وأضاف في تصريحات لـ'القدس العربي' بأنه لا يمكن بأي حال من الأحوال صنع الأعذار لأي نظام عربي في تقاعسه عن نجدة مليوني فلسطيني من أهالي القطاع قائلاً: 'إذا كان المولى عزوجل سيدخل النار إمرأة لأنها حبست هرة، فما بال الذي يحبس مليوني مواطن ويحول بينهم وبين العلاج والطعام وطلب العلم'.
أضاف لا أجد أي عذر يقبل في هذا السياق والذين يتحدثون عن دفع الضرر عن النفس لا يدركون بأن كامل الإيمان لا يتحقق إلا بأن يحب المرء لنفسه ما يحبه لأخيه المسلم. وتساءل هل يقبل مواطن لنفسه أن تعيش أسرته في رعب وظلم وقهر وجوع عدة أعوام.
ورفض واصل الذرائع التي يطلقها البعض بشأن حتمية هدم الأنفاق بين رفح وقطاع غزة معتبراً إياها شريان الوحيد المتبقي من أجل إبقاء الفلسطينيين على ظهر الحياة وأفتى بحرمة ردم الأنفاق لما فيها من الحاق المزيد من الضرر 'لا يحل لأي جهة أو مسؤول تدمير تلك الأنفاق مهما كانت التهم التي توجه للطرف الذي يستخدمها'.
واعتبر الإمتثال للمطالب الأمريكية والإسرائيلية في هذا الشأن بأنه بمثابة اعانة العدو على الشقيق. ونفى أن يكون هناك نص من القرآن والسنة قد أباح مثل ذلك السلوك.
وحمل واصل على الأنظمة التي لا تريد دعم حركات المقاومة بزعم أنها تعمل ضد مصالح الشعب الفلسطيني وقال: 'دعم حماس وشقيقاتها فرض عين على القادرين من المسلمين كما أن مساندتها تمثل واجباً لحكام المسلمين ليس بإمكانهم الفرار منه مهما إختلقوا من أعذار'.
وناشد واصل علماء الدين أن يكونوا عين الأمة الساهرة في الدفاع عن المقدسات الإسلامية مهما شكل ذلك من عبء عليهم. قال إذا لم يدافعوا عن القدس والمقدسات والشعب والعرض فعن أي قضية شريفة أخرى بوسعهم أن يدافعوا'؟ واعتبر واصل ضياع فلسطين من البحر إلى النهر بأنه خطيئة الحكام العرب ومن عاونهم من رجال الدين الذين أطلقوا لهم الفتاوى التي تجعلهم يتمادون في خلق الأعذار تلو الأعذار بينما العدو الإسرائيلي يلتهم كل صباح مساحة جديدة من الأرض.
وفي ذات السياق إنتقد مفتي مصر الأسبق المناهج التعليمية في المدارس والجامعات والتي أسفرت عن تغييب قضية القدس عن أذهان الأجيال الجديدة، وتساءل عن المغزى من تقليص تدريس ما له علاقة بفلسطين والقضية في مناهج التعليم المختلفة مما كرس في نهاية الأمر حالة من فقدان الذاكرة والهوية بالنسبة للأجيال الجديدة فلم يعد الكثير من الشباب يعلم الكثير عن القضية.

كريم البحيرى said...

الصديقة العزيزة نواره انا بردة اول مرة اعرف ان هيفاء مثقفة منك بس هتعمل ايه الثقافة لما ابو هشيمة يسلط عليها ضابط امن دولة زى طلعت ويخلص عليها ولا هتفرق حاجة
عموما ربنا يديها مخ على مخها تشترى بيه بطاطس
ملحوظة انا نزلت فى عدد جريدة صوت الامة اللى موجود فى السوق دلوقتى تعليقك على خبر وفاة محمد علاء مبارك ودا هتلاقية فى موضوع المدونات ارجو انك لو سمحت الظروف وقرتية تبقى تقوليلى رايك وارجو انى مكنش شوهت كلامك ولو كان فى اى مشكلة ارجو انك تقبلى اعتذارى لانى بصراحة كان بقالى 48 ساعة منمتش

soreal said...

i think the thing about her is not that she is cleaver but not stupid as her likes are usually expected to be

otherwise, it was a boring interview

Anonymous said...

أكيد هتخاف مالهي صورة مع هشام
arabi100.wordpress.com

Unknown said...

كراميللا
وحشتني

هي صوت الامة دي موجودة على النت؟

اصلي مش باشتري جرايد
:))

مي ثابت said...

بركات الحاج حسين أوباما هلت


الاستئناف يلغي الحكم بحبس د. سعد الدين إبراهيم



و كماااااان

ألزمت المُدَعِى عليه بالمصروفات



و التبرير

لإن الذى له الحق فى إقامة الدعوى هو النيابة العامة وليس المدعون

كلاكيت تانى وتانى said...

لا دى مطلعتش ذكية بس دى محاورة جيدة كمان وقادرة تعبر عن وجة نظرها صح وتستوعب كونها فى مجتمع مصرى شفتى لما قالت انا هاخد بالى من اعمالى عشان وضعى الجديد وجوزى وانى فمصر واجاباتها كلها صادقة جدا وذكية وبينت انها مثقفة بس فعلا واضح انها مش فى بداية الثلاثينات وخصوصا ان شرايين وشها هتطلع من العمليات وشكلها زى باربى المرسومة بس بجد دماااااااغ وعلى فكرة اللبنانيات مثقفات برغم ان الرغبة فى الجمال عندهم بتبقى كبية وادمان العمليات دة متوطن فيهم وفتربيتهم لكن فعلا بيعشقوا اللغات والقراءة وبيتحاوروا بصورة جيدة جدا واحلى ما قالتة بجد فى اللقاء لية متبقاش الست ذكية ومثقفة وبتتكلم لغات وبالصدفة جميلة لية لأ ؟؟ كمان صوتها واسلوبها الهادى الواثق كان ملوش حل اما منى الشاذلى فدى حدوتة بجد شكلها كان مذهول من ذكاء هيفاء واسلوبها وكأنها عايزة تعلق نفس تعليقك دة امال اية اللى رماكى على البهدلة دى ع العموم هيفاء اثبتت ان الرجالة المصرينن فعلا ..........تحياتى

Unknown said...

هيفاء وهبي بتعرف تحكي فعلا بس انا انصدمت فيها زمان على ال بي سي

للأسف ما شفت الحلقه بس التعليقات على تويتر كانت شغاله

بعدين هيفاء من الجنوب ومؤيده لحزب الله على ما أظن فأكيد عندها خلفيه منيحه

Kalimalhus said...

مى
--
يكفى شهادة للرجل أنه أمضى فى دار الإفتاء أقصر مدة و لو كان من شيوخ الفتة لكان يعب من أنجرها للآن مثل بعضهم..

يا ريت شيوخ و دعاة و داعيات الفضائيات ربنا يفتح عليهم بكلام من ده بدل ما يقولوا على الأسرة المالكة إنهم إستحملونا كتير.. و الله تعبانين يمشوا..

د. إيمان مكاوي said...

بصراحه أنا إللي وصل لي كمشاهده إن الحلقه دي معموله مخصوص علشان تحسين صورة هيفاء وجوزها في عيون الإعلام ..ويمكن ده سبب نباهة الست هيفاء التي تفتقر لها معظم الفنانات
ومن مميزات الحلقه ظهور هيفاء بشكلها الحقيقي مش زي ما بتطلع في الأفلام ...علشان الرجاله يقتنعوا بأنها مش حلوه ويرضوا بلي ربنا قسموا لهم
تحياتي

Soooo said...

عشان تعرفو بس انا كنت باحب هيفا ليه
وعلى فكره .. هي كانت طالعة عشان تستسمحني امسح صورها وجواباتها اللي عندي
لكن على مين
ده انا انصح من النصاحه

وبعدين مين قالك ان هيفاء هتموت زي سوزان تميم مقتوله
لأ
ابسلوتلي
هيفاء هتموت من كتر ماهي بتبوس الواوا
هيجيلي تسمم واوي .. وغرغرينه .. يعقبهم الوفاة .. أو تلقى مصرعها
على حسب اللي هايجي الأول يعني




سلاموووووووووووووز

عابر سبيل said...

أنا جالى إيميل امبارح عن أعمارالفنانين ، ومكتوب فيه إن الست هيفا عمرها 44 سنة!!!
بالذمة الطشت اللى اتجوزها ده كان بيفكر فى إيه؟؟؟؟ ...... أيوه أكيد بيشترى عيلة ونسب يشرف