Sunday 24 May 2009

كل الناس بتستعبط الا جمال مبارك

ماحدش يدخل عند حملاوي تاني، اديني حذرت اهو وقد بعجر من فنظر

44 comments:

Kalimalhus said...

إحنا كده يا شباب إطمنا على مستقبلنا.. الراجل عارف هوه بيعمل إيه و موافق مزاجه و هيكمل فيه..

نفر واحد موزمبيق.. الأخ اللى بيشاور عقله هناك جاى يا أسطى؟

Kalimalhus said...

"إذا كنا سنصبح كل بضع سنوات رهائن تغيير الحكومات لدى أي من الطرفين، والتي تقرر تبديل مواقفها ورفض ما سبق الاتفاق عليه وطلب العودة إلى نقطة الصفر."

شوفتوا تغيير الحكومات وحش إزاى.. الحمدلله إحنا ما فيش عندنا حاجة بتتغير..

Unknown said...

نسيتى لما قال ايام حرب غزة
فى زيارته رفح

عايزين نخاطبهم - يقصد - اسرائيل
باللغة اللى بيفهموها كويس
و هى ان القوة الغاشمة لن تحقق لهم اى استقرار او امان

هو قال البقين دوول
و انا اتقلبت فى الأرض من الضحك

ههههههههههههههههههههههههه

واحد رفع الجزء ده على اليوتيوب
بيقولى
الكومنتات كلها شتيمة فيا و فى المحروس
شتائم ايه
يعاقب عليها الأنون
هههههههههههههه
قاللى روحت قافل التعليقات
ههههههههههههههههههههههههههههههههه

simplymoi said...

If you are easily offended, don't try to read this.
استدعى الرئيس من ذكرياته كيف كان يصطحب علاء وجمال «ولديه».. حين كانا صبيين.. ليشترى لهما بعض الملابس.. فاختارا طاقمين.. بلغ سعرهما وقتها 20 جنيها.. وكان أن صادف قبل أن يدفع الثمن رجلا معرفة.. قال له أن لديه من يمكن أن يشترى منه بضاعة أفضل.. فذهب معه.. وكانت المفارقة أن السعر بلغ 59 جنيها.. فعاد بولديه إلى المحل الأول.. ليشترى بالسعر الأقل.. المناسب لراتب ضابط فى الجيش. هذه العائلة حرصت دوما على أن تكون نفسها، لم تتبدل، أهم مواصفاتها كما هى.. منذ اليوم الأول لتكونها، الترابط والتواضع والجدية والدقة.. وأهم ما فيها تسلسل قيم التربية من جيل إلى آخر.. ولو صادف أحدهم أن تعامل مع الأجيال الثلاثة.. الرئيس وقرينته وولديه والحفيدين.. لأدرك إلى أى مدى تلك الأسرة تمثل نموذجا للعائلة المصرية.. دون أن يفرضوا على الناس ما ينبغى أن يكون.. ودون أن يقولوا ذلك.. بل يلمسه الجميع بشكل غير مباشر.

ساعد نسرين الايمن said...

فكرني بمقولة جورج اوريل الرائعة في روايته مزرعة الحيوان
كل الحيوانات متساوية
لكن بعض الحيوانات متساوية اكثر من غيرها

خلاص اطمنوا شباب مفيش تورزع عادل للبؤس

ياربي حتي البؤس مش عايزين يعدلوا فيه
ده غلب ايه ده ؟

على باب الله said...

عداك العيب و أزح

TAFATEFO said...

على فكره كلامه مفهوم .. وأكيد عرباوي بيتتريق بس

Unknown said...

هو بيقول فيه قطاعات من المجتمع استفادت ما كانتش بتستفيد قبل كده

هو ح يقول لنا؟ الله يرحمه السادات قال: اللي مش ح يعمل فلوس في عهدي مش ح يعمل فلوس تاني

اولا: ده كان راجل رغاي
كان لزمتها ايه الكلمتين دول اللي اتمسكوا عليه؟
ما الناس اهي، بتعمل في صمت، وراحوا جابوا لنا جرابيع كانوا بيجروا في الشارع حافيين وعملوهم رجال اعمال بالنصب وخلوهم يحتكروا
ولا اتكلموا، ولا رغوا، ولا قالو يعمل فلوس ويعمل عيشة والكلام اللي مالوش اي لازمة ده

ثانيا: طبعا اللي مش ح يعمل فلوس في عهده مش ح يعمل فلوس بعد كده
ح يعمل مليارات ويشتري الاراضي بملاليم ويطرحها في البورصة على انها مدينة ويلم عليها مليارات يصرفها على الرقاصات وعلى قتلهم
وبيطمنونا ويقولوا لنا الشركة لسة شغالة
ماهي شغالة بفلوسنا يعني


اما بالنوسبة للتوزيع غير العادل لثروة احسن من التوزيع العادل للبؤس
فطبعا ده كلام كله حكم

خصوصا انه اتكلم عن ان ازمة الوظائف ح تزيد مش ح تقل
وقال على رأي المثل
لما تلاتة يشتغلوا والباقي يبقى قاعد على القهوة احسن ما كل البلد ما تشتغلش
ولما يبقى فيه عشر رجال اعمال حرامية وبقية البلد مسروقة احسن ما البلد كلها تبقى حرامية
وقال يابخت من بات مظلوم ولا باتش ظالم
وقال ابوسك منين يا بخرا
وقال فوقيهم خرا وتحتيهم خرا ويقولوا اف ريحة خرا

ريحة خرا على فكرة

دودو said...

والنبى يتلهى

يروح يشوف الست بلدياتة بتاعة الفيديو اللى بدراوى منزلة
وهو يشوف البؤس متوزع ازاى

TAFATEFO said...

ما هو اللذي في الموضوع ان حسني من أول ما مسك عمل مؤتمر اقتصادي .. وعمل خطط إصلاح إقصادي طويلة المدى وقصيرة المدى .. وعمل خطط خمسية وكان بيصمم ان الحككومة تحقق المستهدف

وبعد 28 سنه ما زالوا بيتكلموا عن *** الإصلاح الإقتصادي اللي زي ما يكون معاندهم مثلاً

كلام مكرر كل كام سنه عن ان اللي عملناه السنتين تلاته اللي فاتوا كان بيعالج أخطاء سنين كتيره قبل كده .. وان لولا تدخلنا في الوقت المناسب كنتوا رحتوا في ستين داهية

بقالهم 28 سنه بينفذوا خطط إصلاح اقتصادي .. طب ميكهنوا الاقتصادي ده ويجيبوا اقتصادي جديد بس يكون ايت ويستنجهاوس علشان يعيش

عندنا تلاجه وايت ويستنجهاوس بقالها ييجي عشرين سنه وشغاله زي الفل .. آي والله

TAFATEFO said...

ما هو دي فايدة بقى ان جيمي يمسك

انه متعود على لغة الخطاب بتاعة أبوه .. احنا مقبلين على أيام سودا .. والأيام اللي بعدها أسود من السواد

انتوا عايزيني أخبي عليكوا

هو بيتكلم صح .. احنا مقبلين على أيام سودا .. فهمنا بقى انتوا هتتعاملوا معاها ازاي

الأيام السودا اللي جايه دي عالجتوها بميزانيه نصها للأمن .. وتخفضوا الصحة والتعليم؟؟ يا أخي *** فكاكتك

قولتوا أزمة بطالة شباب مصر سببها ضعف المنتج اللي بيفرزوا التعليم .. عملتوا ايييييييييييييه؟؟

خفضتوا الميزاية بدون أي بادرة إصلاح واحده

احنا مقبلين على أيام سودا .. هتنوروها ازاي فهمونا أثابكم الله

TAFATEFO said...

ويرجع بكل بجاحة التاريخ ويقول خفضنا الصحة والتعليم علشان الإنفاق على الإصلاح الإقتصادي .. ياخي أ*ا .. علشان الإنفاق على البنية التحتيه

طب ما تخفضوا ميزانية الأمن . عجز 95 مليار .. خفضتوا الصحة والتعليم .. اللي هما على بعض 10 مليار .. وسايبي ميزانية الأمن اللي قدهم عشر مرات على الأقل

طب جربوا مره تبطلوا تشريفات .. هو الرجل صحته معادتش تستحمل .. سيبوه قاعد في القصر ويرحمنا من أم تشريفاته

بالله .. الشعب ده لو بيفهم يعلن انه مش هيعمل مظاهرة واحدة ولا إشراب واحد طول السنه الجايه .. ويقولهم وفروا مليارات الأمن للإصلاح الإقتصادي اللي فالقينا بيه بقالكوا عشرمين سنه وورونا هتعملو ايه

حاجه وسخه

سبهللة said...

من شابه اباه فما ظلم

TAFATEFO said...

لا والجميل أوي بقى

لما يطلعوا خبر في كل الجرانين انهم هيزودوا أسعار السجاير ابتداء من الأسبو المقبل لتحصيل أموال العلاوة الإجتماعية

أحححححححححححححححااااااااااااااااا

يا ترى بقى علشان يدبروا فلوس المرتبات هيلموا سبارس السجاير ويبيعوها المره الجايه

mido said...

هو فى خراااااااااااااء أكتر من كده؟

Unknown said...

http://www.youtube.com/watch?v=V_tBr7MSoxQ&feature=related

مواطن مصري said...

انا هساف شونج بونجو

اةةةة هههههههههههههههههههههههههه

3ishreen said...

على فكرة، جمال صريح جداً ويمكن ده أكتر التصريحات الرسمية صدقاً منذ عقود طويلة يصدر من الشقيقة مصر. بصرااااحة هو بقول لا تلوموني على توزيعي للثروة (غير العادل) بل يجب أن تلوموا أبي على توزيعة العادل للبؤس. يبدوا أنو ده برنامجة الانتخابي الإجباري اللي حتلاقوا بعد كم يوم او كم شهر أو كم سنة الصحف الرسمية جعلت منه فلسفة جديدة للحكم في مصر... فاكرين انتو الخطط الخمسية إياها,,,, ياه زمان والله دي بقت تاريخ يذكر

طيب شوفوا المصايب الجديدة

http://arabic.cnn.com/2009/scitech/5/24/egypt.swine/index.html

تحياتي
عشرين

Anonymous said...

انا قلت ربنا هيجازيكى خير ع النكت اللي بتجبيها دى
طيب ده كلام...ده المساواه فى الظلم عدل....هو البعيد ما بيفهمش ان فى حاجه اسمها السلام الاجتماعى اللي يهزه ويدمره كلام زي ده
والله بصي ده املنا اللي جاى وزعيم امتنا المفدى
ربنا يحميه لشبابه
دمتى بخير....تقبلى مرورى

مدير التحرير said...

على فكرة الكلتمين دول بيجبوه على السي ان ان كل شوية

Unknown said...

وياترى بيجيبوهم كل شوية كاسكتش فكاهي مثلا؟

Kontiki said...

التصريحات السودا و فلسفة بكرة اسود من النهاردة
http://bleeed.blogspot.com/

Ahmed Fawzi said...

أنا عملت نسخة من الخبر لأنه منشور فى الأهرام و طبعا بكرة محدش حايعرف يشوفه ...
الخبر خطير جدا و خصوصا إن سفير سابق للسودان صرح لقناة روسيا اليوم فى برنامج عن نهر النيل إن السودان بتقوم بعدة مشاريع و سدود على نهر النيل و لما سألوه عن تأثير تلك المشاريع على مصر أبدى عدم إكتراث بطرح المشكلة ... و كان واضح من كلامه إن فى تضامن ما بين دول حوض النيل فى مواجهة مصر و إحتياجتها من النيل ...
بالطبع السياسة المصرية التى تجاهلت الدور الإفريقى على مر أكثر من 34 سنة منذ وفاة عبد الناصر مهدت بقوة للموقف ده .. و اللى دول الجنوب بتقف فيه فى مواجهة مصر ...
السؤال .. ما هى الخيارات المطروحة امام مصر ؟؟؟؟
الخيار الأول دائما هو التهديد العسكرى و لكن بالطبع لن يكون ذلك حل لمشكلة بين دول يجمعها شريان واحد ..


مصر ترفض توقيع الإطار القانوني


لمبادرة حوض النيل
المطالبة بنص صريح للحفاظ علي حصة مصر
وحقوقها التاريخية في المياه
القاهرة ـ من إسلام أحمد فرحات‏:‏
رفضت مصر توقيع الإطار القانوني والمؤسسي لحوض النيل‏,‏ إلا بعد استيفاء ثلاثة شروط أبداها الدكتور نصرالدين علام وزير الموارد المائية والري‏.‏

جاء ذلك في الاجتماع الوزاري لدول حوض النيل بالعاصمة الكونجولية كينشاسا‏.‏

وتتضمن الشروط ضرورة وجود نص صريح‏,‏ يضمن عدم المساس بحصة مصر من مياه النيل وحقوقها التاريخية فيها‏,‏ والإخطار المسبق عن أي مشروعات تقوم بها دول أعالي النيل‏,‏ واتباع إجراءات البنك الدولي في هذا الشأن صراحة‏.‏

كما تتضمن الشروط ضرورة أن يكون تعديل الاتفاقية أو الملاحق بالإجماع وليس بالأغلبية‏,‏ وفي حالة الأغلبية يجب أن تشمل دولتي المصب وهما مصر والسودان‏,‏ وذلك لتجنب عدم انقسام دول الحوض‏.‏

ومن ناحية أخري‏,‏ اقترحت دول المنابع السبع‏,‏ وضع بند الأمن المائي في ملحق الاتفاقية وإعادة صياغته بما يضمن توافق دول الحوض حوله خلال ستة أشهر من تاريخ توقيع الاتفاقية‏,‏ وإنشاء هيئة حوض النيل المقترحة‏,‏ وقد رفضت مصر هذا المقترح وطرحت بدلا منه تشكيل لجنة وزارية رباعية من مصر‏,‏ والسودان‏,‏ وإثيوبيا‏,‏ وإحدي دول حوض النيل الاستوائية‏,‏ مع وجود خبير أو اثنين من المنظمات الدولية لإيجاد صيغة توافقية حول الأمن المائي والحقوق التاريخية‏,‏ والانتهاء من هذه الصيغة خلال ستة أشهر‏,‏ وقد انتهي الاجتماع بتمسك الدول السبع ومصر بموقفيهما‏.‏

masrawy ala tool said...

مش ملاحظين ان محدش علق على ان محمد علاء مبارك الله يرحمه من مواليد أم الدنيا - أمريكا؟
موضوع عجيب مفروض تتهز له بلاد مر مرور الكرام. عايزين ايه من اسره لا تفخر بالجنسيه المصريه

Kalimalhus said...

على فكرة الراجل بيستخدم أكلشيه قديم من بتوع الحرب الباردة كان بيستخدم ضد الشيوعية اللى كانوا بيقولوا إنها بتنتج البؤس و توزع بعدالة على الجميع .. أما الرأسمالية فمنطقى ألا يكون فيها عدالة فى التوزيع على أساس إن السوق مفتوح و كل واحد بياخد على قد ما إيده تطول..

المشكلة إن اللى عندنا مش رأسمالية و لا حتى رأسمالية متوحشة.. إحنا عندنا نهب مفرط .. حاجة كده زى الرعى الجائر اللى مش عارف قاللولكو عليها فى المدرسة و ألا شالوها .. يعنى لما تسيب الغنم ترعى فى حتة واحدة لغاية ما يجيبوا أجل كل حاجة خضرة على الأرض و بعدين تمشى تروح بيهم على حتة تانية بعد ما خربت الأولانية.. اللى مش فاهمه ها يروحوا فين الغنم بعد ما يخربوها؟؟

مواطن مصري said...

مش كفاية الاهلي جاب جول في الاسماعيلي

يا رب يا رب الاسماعيلي يكسب النهاردة

مواطن مصري said...

هو اية ام حظ الاهلي دة يا نوارة اية دةة انا زهقت من الاهلي


افففففففففففف

Unknown said...

ده احلى تعليق وجدته على مصراوي على نفس موضوع البوست

تعليق :amroghبتاريخ : 24/05/2009 09:40:00 ص
التوزيع الصحيح للبـتـنجان

توزيع البتنجان علي الحبهان ممكن يخلي الخس يفقس فاصوليا والناس تاكل رجلين الحمير تطلع البهاريز في العجين واذا ماكانش عاجبهم يعملوا ساندوتشات حلاوة بالقشطة والسلام عليكم ورحمة الله وبركاته هكذا يجب ان تكون خطب العظماء امثال توتو وميمي وبندق وميكي انتو اللي مش فاهمين عشان غلابة وفقرا جتكوا الارف مليتوا البلد

Unknown said...

ممكن حضرتك
تنشرى التدوينة ديه عندك
او تبعتيها لميدو
على اساس انه من اسكندرية و بيدرس فى طب
فأكيد يعرف ناس فى مستشفى الشاطبى


http://ayoshaa2.blogspot.com/2009/05/blog-post_24.html

بس ده امانة
ارجوكى

mido said...

مواطن مصري : معلش الموسم الجي في كلام تاني و متنساش ان الاهلي كان عايز يكسب الدوري بعد مخسر الجلد و السقط حفظا لماء وجه نادي الأرن لول

Kalimalhus said...

مواطن

عارف إيه اللى بقيت قرفان منه بجد؟..

الطريقة اللى الناس بتتكلم بيها عن الكورة و كأن حياتهم بتتمحور حواليها.. أنا أفهم إن متابعة الكورة المفروض إنها نشاط ترفيهى يبقى المفروض إنها لما تجيب وجع الدماغ و أحيانا وجع القلب بالشكل ده ما يبقاش ليها لازمة.. و بعدين كورة إيه دى؟.. هو فيه كورة فى البلد دى؟.. الموضوع كله تهجيص و هبل من أوله لآخره..

روق نفسك.. البلد فيها حاجات كتير تستاهل تقرف منها ما تسيبش اللى يستاهل و تقفش على اللى ما يستاهلش..

مهندس مصري بيحب مصر said...

أنا مقال إبراهيم عيسى حرق دمي

TAFATEFO said...

أيها الناس اسمعوا وعو .. واللي يفهم حاجه يقول وميخبيش

فهمتوا حاجه؟

مهندس مصري بيحب مصر said...

وزير للأسف الزراعة! PDF تصدير لهيئة طباعة ارسال لصديق
أمين أباظة قبل أن يصبح وزيرًا للأسف للزراعة كان صاحب شركة تعمل في تصدير القطن، وتعامل مع الدولة بيعًا وشراء مستفيداً من بيع القطاع العام. ونحن نعلم وأنتم أعلم بشئون فسادكم ماذا يجري في عمليات شراء القطاع العام ؟ ثم كانت شركة أباظة تتعامل طبعا مع وزارة الزراعة والتي نعرف جميعا أنها مدرسة في تخريج بعض رموزها من الوزارة للسجن، فإذا بهذا الرجل ذات نفسه يجلس علي مقعد الوزير شخصيًا. طبعًا أول حاجة عملها أمين أباظة كانت بيع شركته (قال يعني لم تعد ملكه يا حرام) وضحي الرجل من أجل مقعد الوزارة وطبعًا الوزارة كلها عاملة فيها إنها مش واخدة بالها أن هذه الشركة لاتزال علي ذمة الوزير ولو معنويًا ولو عن طريق ملاكها الجدد من الأقارب والمعارف ومن الأسرة، ويأتي الوزير بمنتهي الرقة ويمنح العام الماضي الشركة العربية لحليج الأقطان- التي هي لا مؤاخذة شركته أو شركة من كتبها باسمهم - دعماً مما يعرف بدعم القطن و قيمته 20 مليون جنيه مصري، لكن عندما تتأمل هذه الشركة ذات نفسها تكتشف أنها كانت مملوكة للدولة بل هي أهم وأخطر شركة تملكها الدولة في مجال حلج القطن ثروة مصر التي بددها سيادته (سيادته مين، أي سيادته فيهم ما كلهم سيادته وكلهم بددوا) المهم هذه الشركة التي تملكها الدولة باعتها وهي لا كانت خسرانة ولا فاشلة ولا كانوا مصمصوها مثل غيرها، لكن باعوها لأمين باشا أباظة، باعوها وهي تضم 15 محلجاً ياراجل يا طيب، هذا غير مركزها الرئيسي وكله بمبلغ 60 مليون جنيه، ورغم أن الشركة تملك وديعة بمبلغ 45 مليون جنيه فإنها بيعت بالوديعة يعني الراجل اشتراها فعليًا بمبلغ 15 مليون جنيه، عمل إيه بقي صاحبنا الذي اشتري أهم شركة حلج قطن تملكها الدولة بأراضيها وآلاتها وخبرائها وتاريخها ودورها الوطني؟ بدأ أمين باشا أباظة- حفظه الله كما يحافظ علي أراضي «مصر -إسكندرية» الصحراوي- في تأجير أراضٍ لمدة عشرين عاماً خارج الكتل السكنية تحت فرض وزعم إقامة محالج عليها بينما بدأ بيع أرض شركة المحالج، بخ بخ يا سيادة الوزير، ما كل هذه الشطارة؟ تأخذ شركة بأرضها الواسعة الممتدة في كل محافظة فيكي يا بلد فتؤجر أرضًا أخري أرخص وأقل وتبيع الأرض التي اشتريتها برخص التراب من الدولة وهي أرضي وأرض أولادي (بصرف النظر عن أننا لا نحتكم علي قيراط أرض)، حيث زمان كانوا يقولون الأرض لمن يزرعها والآن الأرض لمن يبيعها، وفعلا تم بيع محلج العطار ببنها ثم محلج المنصورة ثم محلج السنبلاوين ثم محلج دمنهور ويتم تحضير محلج زفتي ومحلج طنطا للبيع أيضاً ويليهما محلج ميت بره ثم قويسنا. ولمجرد تقريب الصورة فإن سعر متر الأرض في محلج دمنهور لا يقل عن 10000 جنيه للمتر أي أن المحلج سعره علي أقل تقدير 100 مليون جنيه. وها هو نص الإعلان المنشور في الجرائد لبيع أرض المحلج (الشركة العربية لحليج الأقطان 28 شارع طلعت حرب- القاهرة، بيع بالمزاد بالمظاريف المغلقة مساحة 9188م2 تقريباً أرض وما عليها من مباني محلج الشركة العربية رقم «1»، التقديم بشارع عمر مكرم «أمام سوق الجملة» بدمنهور بموقع متميز علي شوارع رئيسية تصلح لجميع الأنشطة التجارية والإنتاجية والسياحية والعقارية والاستثمارية، جلسة فض المظاريف والتزايد 12 ظهر الاثنين 16/6/2008 بقاعة الاجتماعات بشركة النصر للاستيراد والتصدير 28 شارع طلعت حرب- القاهرة، التأمين 500000ج وكراسة الشروط 200ج) خلص الإعلان فما أخبار ضغط دمك؟! (آه نسيت لم يعد لديكم دم من فرط ما اتحرق!!).

يعني يا سادة يا كرام وما يحلي الكلام غير بذكر النبي عليه الصلاة والسلام فالسيد أباظة اشتري الشركة كلها علي بعضها بـ15 مليون جنيه بينما حتة أرض لمحلج واحد في دمنهور فقط سوف تأتيه بأضعاف هذا المبلغ، تفتكر هل هذا حلال أم حرام؟! حلال طبعا لبلابله الدوح وكمان للطير من كل جنس. طيب لو الدولة كانت مزنوقة في الـ15مليون بتوع أباظة كانت قالت أو مالت علي واحد فينا وكنا اتصرفنا ولمينا من بعض بدلا من مسخرة بيع شركة بهذا المبلغ وهي تملك أراضي بعشرات أضعافه إلا إذا، إلا إذا، آه في عرضك إلا إذا إيه، لا بلاش، فاللبيب بالإذا يفهم!

TAFATEFO said...

في كلام كثير جداً جداً ويرتقي إلى مرتبة الخبر .. الكلام ده بقاله فتره بيتقال لكن نشرت عنه عدة صحف

بيقولك انهم ناويين يحلوا البرلمان بعد انتهاء الدورة البرلمانية ويعملوا انتخابات جديدة في خلال شهرين

تفتكري ممكن يكون مبارك قرر يتنحى ويتوب وعلشان يضمن العدالة والشرعية قرر يرعى الأول انتخابات حرة ونزيهة .. وبعدين يتنحى ويدعو لانتخابات رئاسية حرة

ها ها ها ها ها ها ها ها ها

Unknown said...

قال على رأي احمد نظيف:
مش عارفة ليه حاسة بنبرة سخرية

TAFATEFO said...

بيتهيألك

ها ها ها ها ها

Kalimalhus said...

مصطفى.. اللى أنا فهمته و اللى إنت أكيد فهمته ما يتقالش غير بعبارات تخدش الحياء العام..

الراجل عاجبه إننا إتجمعنا على قلب رجل واحد و بده نفضل فى اللمة الحلوة دى على ذات نفس القلب و ده لأنه يظهر بيحب الحب الجماعى.. و كفاية كده و إنت أدرى..

Kalimalhus said...

مصطفى.. حلو البتاع اللى بتتعاطى منه ده.. إبقى إرفعوا على النت خلينا ناخدلنا نفسين..

قلتلى بقى تاب و أناب و ها يعمل إنتخابات لا مؤاخذة حرة.. همه مش قالوا إن الإنتخابات الحرة دى تبقى مسخرة و قلة أدب وإحنا بلد محافظ و المحافظ بالتعيين يعنى الريس يشيل البلد يحط البلد يدلع البلد يهشتك البلد أو ... يحب البلد على مزاجه و راحته و وقت ما يجيله نفس..

و الله حلو فعلا البتاع ده..

Kalimalhus said...

حلوة طحن صورة مصطفى بكرى و مكتوب فوقيها حشراتنا و حشراتهم.. بس تفتكر بيضحك ليه؟ .. يمكن عشان على قلب رجل واحد؟؟ يعنى لو قلبوها ديموقراطية ها يبقى على قلب ناس كتير و ده ممكن يبقى متعب الحقيقة..

TAFATEFO said...

طب ويمين الله الفكرة نغششت في دماغي

دنا حتى قاعد أكتب وده نادراً ما يحدث

احنا بنفتكر جمال بالثورة والتأميم والسد العالي والنكسة

ونفتكر السادات بخطاب الثورة وحرب 73 ووكسة كامب ديفيد والانفتاح

ممكن نفتكر مبارك بايه؟؟ بالمترو والـ 010 والـ 011 والـ 012؟؟

الرجل ده لو تنحى هنلاقي حاجه نفتكره بيها

أحاول صياغة هذا المضمون

مواطن مصري said...

نوارة بيقولك اسرائيل بتضغط على اثيوبيا و دول حوض النيل لتقليل حصة مياة مصر من النيل



عشان بس تصدقو لما قولت نهتم بافريقيا و نفكنا من فتح و حماس

Unknown said...

شكراً لحضرتك
على نشر التدوينة

مي ثابت said...

مواطن

أنا أؤيدك .. تخيل

بس تعمل إيه ..عوكل مصمم يمسك بزمام الموضوع الفلسطينى

و أبو الغيط يصرخ و يقول

مصر .... مصر

أديك شوفت المصالحة اللبنانية حصلت فى

3

أيام بواسطة قطرية



و كمان أؤيدك فى أهمية موضوع المياه



شوفت بأه أوكازيون التأييد ده