Thursday 28 May 2009

طب والنبي ده اسمه ايه؟

انا ح اتبنى حملة جو لإلغاء اي اشارة سلبية الى الرقص والرقاصات واستبدالها بكلمة "وزير" "وزير ثقافة" "مرشح اليونسكو" بصوا والنبي دينا بتقول ايه في المصري اليوم؟ بتقول انا ضد التطبيع حتى في الرقص، سامع يا فنان؟ 
انا من زمان وانا باحترم الرقص والله، وانا في ابتدائي كان نفسي اطلع رقاصة وقمعوني في البيت هنا وضيعوا مستقبلي، وقعدوا يقولوا لي عيب وحرام، يعني لو كنت طلعت وزيرة ثقافة كانوا انبسطوا؟
نفسك تطلعي ايه يا حلوة؟ "نفسي اطلع نعيمة عاكف في ياما القمر ع الباب" ومن وراهم اشتريت صاجات لما طلعنا رحلة للقلعة مع المدرسة، وماما زعقت لي، ليه بقى؟ مالها نعيمة عاكف في ياما القمر ع الباب؟ الحقيقة كانت بترقص حلو قوي في الاغنية دي، مع ان مزيكتها صعبة ومحتاجة واحدة زنبلك في الخطوات

27 comments:

مواطن مصري said...

ههههههههه


و الله شوفي هو الي رايح يشوف رقاصة ميهموش انها من اسرائيل او من كولالمبور او من شونجبونجو

المهم انو يشوف واحدة و بترقص سواء كانت راقصة درجة اولى او ثالثة

دة حتى في فرق اجنبية الواحد بيسمعها و فرق من اسرائيل و ممثلين من اسرائيل



ما احنا عندنا رقصات روسيات

سبهللة said...

عثل والله عثل
بموت فى خفة دمك
بس دى اول مرة اعرف ان نعيمة عاكف ليها علاقة بأغنية يا اما القمر عالباب
صحيح كلام عيال
=========
نوارة حبيبتى
انا كنت داخلة قبل البوست أسألك على كلمة تقولى لى معناها بالانجليزى لان انا ثقافتى فرنسيه ولما جييت اترجمها للإنجليزى
بعيد عنك طلعت حاجة تانية خالص

الكلمة هى
تربية او يربى
وطبعا هى خاصة بتربية الاطفال

الكلمة بالفرنسيه
elever
ودة فعل معناه
يربى
يعنى لما تقولى لحد
tu es mal eleve
دة معناه
انت قليل الادب

لما اجيت اترجم الكلمة دى للإنجليزى
طلعت لى كلمة
breed
ولما كتبت على سيرش الياهو
how to breed children?
كل اللى طلع لى
-how to breed rabbits
-the best dogs breed for children

ودة معناه ان فيه كلمة تانية لتربية الاولاد

ممكن تقوليها لى ؟؟

جزاكى الله خيرا

مي ثابت said...

هذا الفنان !! لا يستحق منا الإنشغال به

فما هو إلا خادم ينفذ ما يأمره به أسياده


لكن ما يهمنا هو

طبيعة الصفقة التى تمت حتى لا يعيق الصهيونى ترشحه




و بالنسبة لدينا

نوافقها فى كلامها

أفعالها رقصها

لا هيه و لا نعيمة عاكف و فيفى و سوسو و زيزى


إلى آخر قائمة الراقصات

Unknown said...

الراقصة و السياسى
----
انا رقصى له جمهور
انما انت اول ما الناس بتلاقيك فى التليفزيون بتقفله

انت بتلعب لسانك
و انا بلعب وسطى

هههههههههههههههههههههههه

بس اعتقد ان دينا بعد كدة المفروض طالما هى مناضلة كدة
تنضم لكتائب مقتدى الصدر

ههههههههههههههههههههههههههههههه

الشعب لابد له من حكومه تشكمه said...

انا عارفه ان اسمى مضايقك عموما هو
على سبيل الدوعابه والسخريه :)

المهم شوفتى انتى باه الوزير الفنان النبيل لما اتمطع كده وفرد نفسه وقال مفيش فى مكتبة الاسكندريه كتب عبريه ولو فى انا هحرقها وراحوا الناس جايبين ليه البشاره ان فى كتب,,اوم ايييييييييه....
اوم هو اتراجع علطول فى التصريح وقال لا يونكن ابدا احرق الكتب....
كل ده علشان كرسى فى اليونيسكو جاب واحد عمالنا فيها بيتهوفن ويقولك دا فنان اما نشوف اخرتها ايه معاه وهيقدم ايه تانى علشان عيون اليونيسكو..

مواطن مصري said...

انا رقصى له جمهور
انما انت اول ما الناس بتلاقيك فى التليفزيون بتقفله

انت بتلعب لسانك
و انا بلعب وسطى

هههههههههههههههههههههههه



فكرتني الفلم دة كان ادمان


احلى افلام نبيلة عبيد

Jannah said...
This comment has been removed by the author.
mido said...

سبهللة : raising up

مي ثابت said...

لسه كان معايا على التليفون

الجريح محمد حمدى

و هوه رافض تماماً وجود مرافق

و قالى أنا بقرا القرآن و كويس جداً


و تم التواصل بين إدارة المستشفى و لجنة الإغاثة


و حيتركبله طرف كمان إسبوعين إن شاء الله


و هوه تسعده الزيارات

مواعيد المستشفى لمن يرغب
3
إلى
10


الدور التانى

غرفة 7

مستشفى فلسطين شارع الثورة مصر الجديدة

77Math. said...

دي آخرة اللي يسمع كلام ماماه وباباه

:p

Unknown said...

@ سبهللة

Breed لتربية الحيوانات و الطيور
Raise لتربية الاطفال

حـنــّا السكران said...

:p

يعني انت كنت عايزة تطلعي متل نعيمة عاكف بس بـ يمّا القمر عالباب ؟ ههه بالتحديد يعني ؟

ـ بخصوص تغيير الشتائم ..الكلام فعلا منطقي مش مزح .. ما في أسوأ من هالفئة و هالوسط في التاريخ .. فئة السياسيين العرب .. همّ شتيمة فعلا

ديالا said...

مش عارفه والله يانواره الراجل ده بجد هيجبيلنا الضغط وسبحان الله مش بحبه لله في لله وبعدين احنا مالنا وماله ماتسبوه يشوف مستقبله ويكونه يمكن عايز يروح اليونسكو عشان يجيب ثمن الشقه ومستلزمات الجواز والنبي سيبوه في حاله ظروف الشباب صعبه

وبعدين عادي يعني جت عليه ماكل واحد يقول تصريح في البلد دي وبعدين يرجع فيه يابنتي عادي متخديش في بالك

احنا في بلد كل حاجه فيها جايز ووممكن ومعقول
عارفه يانواره احنا لو خدنا علي كلامه وفضلنا نقول ليه وبيعمل كده ليه وكده مينفعش وكده عيب وغلط لهجيلنا الضغط لا اكيد هيجلنا الضغط ترضي بقي يجيلنا الضغط علي ايد واحد زي ده

moory-mero said...

السلام عليكم و رحمة الله وبركاته

هههههههههههههههههههههه
ضحكتيني في ظروف ما يعلم بيها الا ربنا
الرقص موش عيب
وبجد لو دينا قالت كده استجدعها
وبعدين مالها نعيمه عاكف دي ما شاء الله موزه موزه ودانسر ميه ميه
وبعدين هي دي مصر وهتفضل كده لحد يوم الحساب للاسف نو تشينج

بس على فكرة دمك ثلبتاته خالث
ربنا يوفقك يا قمر

اول زيارة هنا بث ثكلها موث نهائي برغم اني لثه اجازه بث بوثتك شجعني ارد

في رعاية الله

حـنــّا السكران said...

نوارة

سمعت خبر جديد الاّن في نشرة أخبار نيو تي في اللبنانية مفاده :

( غاز النقب مقابل فاروق حسني )

Unknown said...

غاز تاني؟

حـنــّا السكران said...

السماح لإسرائيل بالتنقيب عن الغاز في النقب مقابل تمرير اسرائيل لترشيح فاروق حسني .


ـ هو فاروق حسني وافق قبل فترة قصيرة على مشاركة مصر في مسابقة للشواذ جنسياً في تايلاند؟؟

TAFATEFO said...

مش عارف شوفتوا التشانيل دي قبل كده ولا لا .. بس فيها فيديوهات حلوة جداً جداً .. والفيديو الجديد بتاعهم تفوق على ميك ذا لاي بيج .. شوفوا الاتنين دول بالتحديد هيعجبوكوا جداً

دودو said...

ربنا يحظك ياشيخة
فكرتينى بفيلم شارع محمد على بتاع عبد الغنى السيد

لما الباشا طلب من الرقاصة طلب مش تمام
وخطبت فية الخطبة العصماء بالطريقة المسرحية بتاعة افلام التلاتينات والاربيعنات

ياباشا ياما فية رقاصات ولاد ناس


اما بالنوسبة لمعالية فهو فى حد ذاتة لغز كبير
دة انا اوعى علية من وانا فى ثانوى
ودلوقت ولادى فى ثانوى وهو لسة موجود
ادعولة يقبلوا اعتذارة
بدل ما احفادى يبقوا فى ثانوى وهو لسة موجود

مي ثابت said...

جو


عوكل ماله و مال غاز النقب

؟؟

صحراء النقب فى جنوب فلسطين

يعنى لا تقع تحت سيطرة عوكل


إلا إذا كان ناوى يعمل وعد بلفور آخر

يعطى فيه من لا يملك

وعداً لمن لا يستحق

lastcrazyboys said...

يععععععع

مالقيتيش غير نعيمة عاكف..ده انا بكرهها سممممم
يا ساتر ..وفين الرقص اللي بترقصه بوشها البلاستيك ابو من غير تعابير
==========

المهم بيتهيألي انك اكيد عارفة ان الست دينا ..بني ادمــة متعلمة..و"مسكّفة"..وده له تأثير القوي على تصريحاتها وكلامها

ولكن ده ميمنعش ان ليها موقف ..ده انا بأم ودني سمعتها بتقول "اه انا عارفة ان الرقص حرام

وان مكنش حرام فتبعاته ..حرام
"

مش جاهلة يعني زي بوسي سمير

==
انما لما يكون الوزير - ولو اني سمعت من صحفي انه مش كده- مش ولا بد يعني

وحتى لو مثبتش عليه
فحركاته بتقول الكلام ده

مش عارف ليه من ساعة ما قلبتي معدتنا بالحكاية دي..

ومفيش غير نجيب سرور اللي على بالي

TAFATEFO said...

lastcrazyboys

اكتب اسمك تحت

الحالة دي عامة .. والله حالة نجيب سرور دي ماشية في البلد زي النار في الهشيم

حـنــّا السكران said...

والله ما بعرف يا مي

بس كانوا بيتكلموا عن ثروات في أراضٍ مصرية ...غاز تحديداً

TAFATEFO said...

والواحد فيهم يقرا ويضحك يضحك يضحك ويخبط كف بكف .. ويمسح دموعه .. وبعدين يقرا ويضحك يضحك يضحك لما ينقلب من على كرسيه ويخبط كف بكف ويقول والله صحيح

Israa El-sakka said...

ههههه
الله يخربيته كنا ناقصين إسلام نبيه تاني مش كفاية أولاني ...ياللا ننضم لحلف الغوازي مالهم أهم أحسن من وسط الساسة

مسلم مصري said...

إلا بجد الله يكرمك تجوبيني على السؤال ده عشان تاعب نفسيتي جدا.
هو الأخ جو ده من الغربية ولا إيه.

أصله ما شاء الله عليه بيتكلم في موضوعات كتير أوي حلو. بس عمره ما عرف يبص ناحية الشرق أبدا.

يا عم جو قدامك دولة اسمها سوريا. الدعارة السياسية اللي في مصر قطاعي عند سوريا بالجملة. بس الحق يتقال الدعارة السوري على تقيل يعني مش أول ما الشاب يقول يلا يلا. لأ لازم تقل شوية ودلع شوية عشان السعر يزيد. مش عارف ليه أما بشوف الدعارة على الطريقة السورية بافتكر نكتة الست المستحية اللي شافت راجل راحت جابت طرف الجلبية ومغطية وشها رغم أنها وهي بتغطي وشها جسمها كله بان وما كنتش لابسة هدوم داخلية كمان.

على فكرة هذا ليس دفاعا عن الدعارة السياسية المصرية ولكن لوضع كل الأمور في نصابها.

مسلم مصري said...

معلش إضافة صغيرة. معتقدش إن الأمر محتاج أمثلة لتأكيد صحة الكلام. بس ممكن الإشارة فقط إلى أفواج المسؤولين الأمريكان اللي يا حرام دوبوا السكة من واشنطن لدمشق رايح جاي. معلش أصل أصعب بند في الموضوع تحديد الأجرة.