Thursday 14 May 2009

تاني: تعذيب مخلوقات الله ح يخلي ربنا يولع فينا بجاز وسخ


كان زمان الحكومة بس هي اللي ما عندهاش رحمة، وكان اي فلاح ما بيفكش الخط ياخد باله من الجاموسة اكتر ما بياخد باله من مراته وعياله ويقول: روح... حيوان اخرس.. دي غلبانة وطيبة
كأنه بيتكلم عن بنته الصغيرة
احنا مالنا؟ فينا ايه؟ طب عدلي حسين ده حكومة، وبيسلخهم احياء بالجير الحي عشان حكومة، هي من امتى الحكومة عندها قلب
انما مين الناس اللي في الفيديو وفي الصورة دول؟ مش عمال؟
عبد المأمور؟ طب خلي المأمور ينفعهم لما ربنا يحاسبهم

انا مش ح انشر الفيديو عندي عشان انا اعصابي ما تستحملش وما كملتش الفيديو بالمناسبة


ده فيديو قديم من 2 مايو عند ميدو لتعذيب الخنازير، بس ده حاجة غير اللي بيحصل في القليوبية باعتراف عدلي حسين بنفسه




حرااااااااااااااااااااااااااااااام
انا عارفة ان فيه ناس ح تستهيفني وتقول لي ما البني ادمين بيتعمل فيهم اكتر من كده
بس


دي مخلوقات ضعيفة بتسبح لربنا وما تقدرش تاخد حقها بايدها، البني ادمين يقدروا ولما ما ياخدوش حقهم يبقى العيب عيبهم
لكن الحيوان اللي امانة في رقبتنا يقدر لنا على ايه؟ له رب... يعني ربنا ح يعمل فينا ايه اكتر من اللي عامله فينا، هو احنا خلاص؟ خلصنا افترا على بعض وبنفتري على الحيوانات كمان؟ ايه؟ ما بقيناش بني ادمين خالص كده؟

38 comments:

مواطن مصري said...

نوارة انا فية سؤال ديني نفسي اسئلة بس بجد مش هزار


ينفع اسئلة ولا ممنوع؟

Unknown said...

لأ مبقناش بنى ادمين يا نوارة مع الأسف
انهارده لسة فيه حادثة عندنا فى اسكندرية
راجل ولاده و مراته قتلوه
و قطعوه و فصلوا راسه عن جسمه
و رموه فى حتة مقطوعة و بعدين ولعوا فيه و رموه للكلاب

و تقوليلى خنازير
اتفو عليكوا يا مصريين

Unknown said...

والسؤال الديني ده ليا انا يا مواطن؟
هههههههههههههههه
الله يجبر بخاطرك
اسأل يا سيدي وانا مش ح اجاوب
هههههههههه
بس اسأل اهو ندور سوا خير؟

بدراوي
يا ساتر يا رب
على فكرة فيه حاجة في الاكل
اكيد في حاجة في الاكل مخلية الناس ما عندهاش رحمة

ما يدبحوا الخنازير، ما يقتلوهم
يعذبوهم ليه؟

Unknown said...

الموضوع ليه بعد دينى
مش حكاية اى حيوان ده خنزير
و تلاقى اللى بيعمل فيه كدة
فاهم انه عشان لحمه حرام يبقى يطلع ميتينه قبل ما يموت
الصحفيين و منهم بلال لسانهم ادلدل
قالوا مش معنى انه لحمه حرام اننا نعامله كدة

mido said...
This comment has been removed by the author.
Unknown said...

ماهو ده اللي مجنني يا بدراوي


المفروض ان المسلمين مؤمنين ان الخنزير ده من المخلوقات اللي اتخلقت عشان تعيش مش عشان تندبح بما ان لحمها حرام

يعني المفروض ان قتل الخنازير يضايق المسلمين اكتر ما يضايق المسيحيين

لان المسيحيين مؤمنين انه اتخلق عشان يتاكل
لكن احنا مؤمنين انه اتخلق عشان يعيش لحد ما ربنا ياخده من عنده

ثم يا اخي ده من ضمن الحملة العالمية اللي معمولة على الاسلام انهم بيقولوا علينا: بيدخلوا البني ادمين النار والجنة عشان القطط والكلاب

المفروض ان المسلمين بيحبوا الحيوانات بشكل خاص وبأمر ديني

mido said...

بدراوي: اصلا طبيا دبح و اعدام الخنازير قرار خاطئ لمواجهة المرض

مواطن مصري said...

ما انا بسئل عشان هو ديني بعيد عن الجانب السياسي


مش الخمرة حرام ؟ مش الي بيتاجر في الخمور بردو بيحمل ذنب تقديم الخمرة للبيشرب

طيب الخنزير ربنا حرمة في القرأن مش الي بيتاجر فية يبقى بياخد ذنب بردو زي الي بيقدم الخمر؟


بس انا عارف سئوال هتضحكو علية

بس بسئل عادي

Unknown said...

الخمرة والخنزير شربهم واكلهم والمتاجرة فيهم حرام على المسلم بس
لكن شرعا المسيحي من حقه يتاجر فيهم ويتداولهم ويشربهم وياكلهم مدام مش بيقحمهم على المسلمين
انا كنت سألت في الموضوع ده اصلي الله يرحمه عبد الله شحاتة وقال لي لو مسيحي بيبيع خمرة لواحد مسلم المسلم يتعاقب والمسيحي لا

Unknown said...

لا ياربي مش عبد الله شحاتة
عبد الجليل شلبي

بس بص

انا ما اعرفش

انا باقول لك الاجابة اللي جات لي وبرضه اسأل

mido said...

ايوه نفس الكلام ده سمعبه من كذا واحد _حرام التعامل بأي صورة

مواطن مصري said...

دة كان السؤال الي شاغل بالي


بس خلاص

اسمعي شعبولا غني للخنازير

كورثنا زادت كارثة و الوضع شاكلة خطير قال يعني كانت ناقصة انفلونزا الخنازير

http://www.youtube.com/watch?v=2tyRWP0mhzI


و النبي اسمعيها

مهندس مصري بيحب مصر said...

حديث : عن عبد الله بن عباس رضي الله عنهما قال { بلغ عمر : أن فلانا باع خمرا فقال : قاتل الله فلانا ، ألم يعلم أن رسول الله صلى الله عليه وسلم قال : قاتل الله اليهود ، حرمت عليهم الشحوم ، فحملوها فباعوها ؟ } .

الحاشية رقم: 1
حملوها " أذابوها . وفيه دليل على تحريم بيع ما حرمت عينه . وفيه دليل على استعمال الصحابة القياس في الأمور ، من غير نكير ; لأن عمر رضي الله عنه قاس تحريم بيع الخمر عند تحريمها على بيع الشحوم عند تحريمها وهو قياس من غير شك ، وقد وقع تأكيد أمره بأن قال عمر فيمن خالفه " قاتل الله فلانا " وفلان الذي كني عنه : هو سمرة بن جندب .

حديث لعن الله اليهود


قال البخاري: حدثنا علي بن عبد الله، حدثنا سفيان، عن عمرو، عن طاووس، عن ابن عباس سمعت عمر يقول: قاتل الله فلانا ألم يعلم أن رسول الله صلى الله عليه وسلم قال:

« لعن الله اليهود، حرمت عليهم الشحوم فجملوها فباعوها ».

رواه مسلم من حديث ابن عيينة، ومن حديث عمرو بن دينار به، ثم قال البخاري تابعه جابر وأبو هريرة، عن النبي صلى الله عليه وسلم،



يعني الخلاصة يا مواطن

إن الله إذا حرم أكل شئ حرم ثمنه

و بالتالي بيع الخنازير و تربيتها و التجارة فيها أو في أي من مشتقاتها او الإستفادة التجارية منهابأي شكل حرام تماماً على المسلمين

و ده أكيد

مهندس مصري بيحب مصر said...

إن الله ورسوله حرم بيع الخمر والميتة والخنزير والأصنام فقيل يا رسول الله أرأيت شحوم الميتة فإنه يطلى بها السفن ويدهن بها الجلود ويستصبح بها الناس فقال لا هو حرام ثم قال رسول الله صلى الله عليه وسلم عند ذلك قاتل الله اليهود إن الله لما حرم عليهم شحومها أجملوه ثم باعوه فأكلوا ثمنه

حدثنا قتيبة بن سعيد حدثنا ليث عن يزيد بن أبي حبيب عن عطاء بن أبي رباح عن جابر بن عبد الله أنه سمع رسول الله صلى الله عليه وسلم يقول عام الفتح وهو بمكة إن الله ورسوله حرم بيع الخمر والميتة والخنزير والأصنام فقيل يا رسول الله أرأيت شحوم الميتة فإنه يطلى بها السفن ويدهن بها الجلود ويستصبح بها الناس فقال لا هو حرام ثم قال رسول الله صلى الله عليه وسلم عند ذلك قاتل الله اليهود إن الله لما حرم عليهم شحومها أجملوه ثم باعوه فأكلوا ثمنه
سمعت رسول الله صلى الله عليه وسلم عام الفتح ح وحدثنا محمد بن المثنى حدثنا الضحاك يعني أبا عاصم عن عبد الحميد حدثني يزيد بن أبي حبيب قال كتب إلي عطاء أنه سمع جابر بن عبد الله يقول سمعت رسول الله صلى الله عليه وسلم عام الفتح بمثل حديث الليث

حدثنا أبو بكر بن أبي شيبة وابن نمير قالا حدثنا أبو أسامة عن عبد الحميد بن جعفر عن يزيد بن أبي حبيب عن عطاء عن جابر قال سمعت رسول الله صلى الله عليه وسلم عام الفتح ح وحدثنا محمد بن المثنى حدثنا الضحاك يعني أبا عاصم عن عبد الحميد حدثني يزيد بن أبي حبيب قال كتب إلي عطاء أنه سمع جابر بن عبد الله يقول سمعت رسول الله صلى الله عليه وسلم عام الفتح بمثل حديث الليث

لعن الله اليهود حرمت عليهم الشحوم فجملوها فباعوها

حدثنا أبو بكر بن أبي شيبة وزهير بن حرب وإسحاق بن إبراهيم واللفظ لأبي بكر قالوا حدثنا سفيان بن عيينة عن عمرو عن طاوس عن بن عباس قال بلغ عمر أن سمرة باع خمرا فقال قاتل الله سمرة ألم يعلم أن رسول الله صلى الله عليه وسلم قال لعن الله اليهود حرمت عليهم الشحوم فجملوها فباعوها

بهذا الإسناد مثله

حدثنا أمية بن بسطام حدثنا يزيد بن زريع حدثنا روح يعني بن القاسم عن عمرو بن دينار بهذا الإسناد مثله

قاتل الله اليهود حرم الله عليهم الشحوم فباعوها وأكلوا أثمانها

حدثنا إسحاق بن إبراهيم الحنظلي أخبرنا روح بن عبادة حدثنا بن جريج أخبرني بن شهاب عن سعيد بن المسيب أنه حدثه عن أبي هريرة عن رسول الله صلى الله عليه وسلم قال قاتل الله اليهود حرم الله عليهم الشحوم فباعوها وأكلوا أثمانها
قاتل الله اليهود حرم عليهم الشحم فباعوه وأكلوا ثمنه

حدثني حرملة بن يحيى أخبرنا بن وهب أخبرني يونس عن بن شهاب عن سعيد بن المسيب عن أبي هريرة قال قال رسول الله صلى الله عليه وسلم قاتل الله اليهود حرم عليهم الشحم فباعوه وأكلوا ثمنه
http://wed-gan.com/moslim/mosaqa.php?mosaqa=13

مهندس مصري بيحب مصر said...

وعن عبد الله بن عباس -رضي الله عنهما- قال: بلغ عمر -رضي الله عنه- أن فلاناً باع خمراً، فقال: قاتل الله فلاناً، ألم يعلم أن رسول الله -صلى الله عليه وسلم- قال: ((قاتل الله اليهود حرمت عليهم الشحوم فجمولها فباعوها)).

يقول المؤلف:

"وعن عبد الله بن عباس -رضي الله عنهما- قال: بلغ عمر أن فلاناً" جاء تسميته في بعض الروايات أنه سمرة، صحابي جليل، لكن عرف تحريم الخمر ولم يعرف حكم بيع الخمر، عرف تحريم الشرب ولم يعرف حكم البيع، وخفي عليه أن الله -جل وعلا- إذا حرم شيئاً حرم ثمنه، وجاء النهي عن التجارة بالخمر "بلغ عمر أن فلاناً باع خمراً، فقال: قاتل الله فلاناً" دعا عليه، يستحق الدعاء، ولم يعزره، ولم يعاقبه، ولم يضربه، عذره بجهله وإلا فمثل هذا تجب عقوبته، هذه وظيفة السلطان، هذه وظيفة الحاكم، وكان عمر -رضي الله عنه- يضرب على أقل من هذا، الذي يصلي بعد صلاة العصر يضربه عمر بالدرة؛ لأنه خالف النهي، فكان عمر -رضي الله تعالى عنه وأرضاه- حازم، لكن هنا عذر صحابي جليل تأول، وما عرف أن البيع حرام فعذره "وقال: قاتل الله فلاناً" دعا عليه "ألم يعلم أن رسول الله -صلى الله عليه وسلم- قال: ((قاتل الله اليهود))" عمر -رضي الله عنه- خفي عليه النص الذي يدل على تحريم التجارة في الخمر، فقاس بيع الخمر على بيع الشحوم، واستعمل القياس هنا، فقال: ((قاتل الله اليهود حرمت عليهم الشحوم فجمولها)) جمولها يعني أذابوها، قالوا: والله ما بعنا شحم، ولا أكلنا شحم، ولا أكلنا حرام، إحنا بعنا سمن، وهذا حلية من حيل اليهود التي عرفوا بها، ولذا جاء النهي عن التشبه بهم ((لا ترتكبوا ما ارتكبت اليهود فتستحلوا ما حرم الله بأدنى الحيل)) هذه حيلة دنيئة، وكما فعلوا في الصيد يوم السبت ((قاتل الله اليهود حرمت عليهم الشحوم فجملوها فباعوها)) يعني وأكلوا ثمنها وإن لم يأكلوها، والله أعلم.

وصلى الله وسلم وبارك على عبده ورسوله، نبينا محمد وعلى آله وصحبه أجمعين

مهندس مصري بيحب مصر said...

قال الإمام ابن القيم الجوزية في كتاب " زاد المعاد " في تحريم ثمن الخنزير والاتجار به : (( فصل : تحريم الشيء تحريم لثمنه وفي قوله : ( إن الله إذا حرم شيئاً أو حرم أكل شيء حرم ثمنه ) يراد به أمران .
أحدهما : ما هو حرام العين والانتفاع جملة كالخمر والميتة والدم والخنزير وآلات الشرك فهذه ثمنها حرام كيفما اتفقت .
والثاني : ما يباح الانتفاع به في غير الأكل وإنما يحرم أكله كجلد الميتة بعد الدباغ وكالحمر الأهلية والبغال ونحوها مما يحرم أكله دون الانتفاع به فهذا قد يقال إنه لا يدخل في الحديث وإنما يدخل فيه ما هو حرام على الإطلاق . وقد يقال إنه داخل فيه ويكون تحريم ثمنه إذا بيع لأجل المنفعة التي حرمت منه فإذا بيع البغل والحمار لأكلهما حرم ثمنهما بخلاف ما إذا بيعا للركوب وغيره وإذا بيع جلد الميتة للانتفاع به حل ثمنه . وإذا بيع لأكله حرم ثمنه وطرد هذا ما قاله جمهور من الفقهاء كأحمد ومالك وأتباعهما : إنه إذا بيع العنب لمن يعصره خمراً حرم أكل ثمنه . بخلاف ما إذا بيع لمن يأكله وكذلك السلاح إذا بيع لمن يقاتل به مسلماً حرم أكل ثمنه وإذا بيع لمن يغزو به في سبيل الله فثمنه من الطيبات وكذلك ثياب الحرير إذا بيعت لمن يلبسها ممن يحرم عليه حرم أكل ثمنها بخلاف بيعها ممن يحل له لبسها .
هل يجوز بيع المسلم الخمر والخنزير للذمي :
فإن قيل فهل تجوزون للمسلم بيع الخمر والخنزير من الذمي لاعتقاد الذمي حلهما كما جوزتم بيعه الدهن المتنجس إذا بين حاله لاعتقاده طهارته وحله ؟
قيل لا يجوز ذلك وثمنه حرام والفرق بينهما : أن الدهن المتنجس عين طاهرة خالطها نجاسة ويسوغ فيها النزاع .
وقد ذهبت طائفة من العلماء إلى أنه لا ينجس إلا بالتغير . وإن تغير فذهب طائفة إلى إمكان تطهيره بالغسل بخلاف العين التي حرمها الله في كل ملة وعلى لسان كل رسول كالميتة والدم والخنزير فإن استباحته مخالفة لما أجمعت الرسل على تحريمه وإن اعتقد الكافر حله - فهو كبيع الأصنام للمشركين وهذا هو الذي حرمه الله .
فإن قيل فالخمر حلال عند أهل الكتاب فجوزوا بيعها منهم .
قيل هذا هو الذي توهمه من توهمه من عمال عمر بن الخطاب - رضي الله عنه - حتى كتب إليهم عمر - رضي الله عنه - ينهاهم عنه وأمر عماله أن يولوا أهل الكتاب بيعها بأنفسهم وأن يأخذوا ما عليهم من أثمانها .
فقال أبو عبيد : حدثنا عبد الرحمن عن سفيان بن سعيد عن إبراهيم بن عبد الأعلى الجعفي عن سويد بن غفلة قال : " بلغ عمر بن الخطاب رضي الله عنه أن ناساً يأخذون الجزية من الخنازير فقام بلال فقال إنهم ليفعلون , فقال عمر - رضي الله عنه - : لا تفعلوا ولوهم بيعها " .
قال أبو عبيد : وحدثنا الأنصاري عن إسرائيل عن إبراهيم بن عبد الأعلى عن سويد بن غفلة : " أن بلالا قال لعمر - رضي الله عنه - إن عمالك يأخذون الخمر والخنازير في الخراج فقال : لا تأخذوا منهم ولكن ولوهم بيعها وخذوا أنتم من الثمن " قال أبو عبيد : يريد أن المسلمين كانوا يأخذون من أهل الذمة الخمر والخنازير من جزية رءوسهم وخراج أرضهم بقيمتها ثم يتولى المسلمون بيعها فهذا الذي أنكره بلال ونهى عنه عمر ثم رخص لهم أن يأخذوا ذلك من أثمانها إذا كان أهل الذمة هم المتولين لبيعها لأن الخمر والخنازير مال من أموال أهل الذمة ولا تكون مالا للمسلمين .
قال ومما يبين ذلك حديث آخر لعمر رضي الله عنه حدثنا علي بن معبد عن عبيد الله بن عمرو عن ليث بن أبي سليم : " أن عمر بن الخطاب - رضي الله عنه - كتب إلى العمال يأمرهم بقتل الخنازير وقبض أثمانها لأهل الجزية " .
قال أبو عبيد : " فهو لم يجعلها قصاصاً من الجزية إلا وهو يراها من أموالهم . فأما إذا مر الذمي بالخمر والخنازير على العاشر فإنه لا يطيب له أن يعشرها ولا يأخذ ثمن العشر منها . وإن كان الذمي هو المتولي لبيعها أيضاً وهذا ليس من الباب الأول ولا يشبهه لأن ذلك حق وجب على رقابهم وأرضيهم وأن العشر هاهنا إنما هو شيء يوضع على الخمر والخنازير أنفسها وكذلك ثمنها لا يطيب لقول رسول الله صلى الله عليه وسلم : ( إن الله إذا حرم شيئاً حرم ثمنه ) .
وقد روي عن عمر بن الخطاب - رضي الله عنه - : أنه أفتى في مثل هذا بغير ما أفتى به في ذاك وكذلك قال عمر بن عبد العزيز .
حدثنا أبو الأسود المصري حدثنا عبد الله بن لهيعة عن عبد الله بن هبيرة السبائي أن عتبة بن فرقد بعث إلى عمر بن الخطاب بأربعين ألف درهم صدقة الخمر فكتب إليه عمر - رضي الله عنه - : " بعثت إلي بصدقة الخمر وأنت أحق بها من المهاجرين وأخبر بذلك الناس وقال والله لا استعملتك على شيء بعدها " قال : فتركه .
حدثنا عبد الرحمن عن المثنى بن سعيد الضبعي قال : " كتب عمر بن عبد العزيز إلى عدي بن أرطاة أن ابعث إلي بتفصيل الأموال التي قبلك من أين دخلت ؟ فكتب إليه بذلك وصنفه له وكان فيما كتب إليه من عشر الخمر أربعة آلاف درهم . قال فلبثنا ما شاء الله ثم جاء جواب كتابه إنك كتبت إلي تذكر من عشور الخمر أربعة آلاف درهم وإن الخمر لا يعشرها مسلم ولا يشتريها ولا يبيعها فإذا أتاك كتابي هذا فاطلب الرجل فارددها عليه فهو أولى بما كان فيها . فطلب الرجل فردت عليه" .
قال أبو عبيد : " فهذا عندي الذي عليه العمل وإن كان إبراهيم النخعي قد قال غير ذلك " . ثم ذكر عنه في الذمي يمر بالخمر على العاشر قال يضاعف عليه العشور . قال أبو عبيد : " وكان أبو حنيفة يقول إذا مر على العاشر بالخمر والخنازير عشر الخمر ولم يعشر الخنازير سمعت محمد بن الحسن يحدث بذلك عنه قال أبو عبيد : " وقول الخليفتين عمر بن الخطاب وعمر بن عبد العزيز - رضي الله عنهما - أولى بالإتباع - والله أعلم - )) .
وقال ابن قدامة المقدسي في كتاب " المغني " عن بيع الخنزير : (( ولا يجوز بيع الخنزير ولا الميتة ولا الدم قال ابن المنذر : " أجمع أهل العلم على القول به وأجمعوا على تحريم الميتة والخمر وعلى أن بيع الخنزير وشراءه حرام " وذلك لما روى جابر قال : سمعت رسول الله صلى الله عليه و سلم وهو بمكة يقول : ( إن الله ورسوله حرم بيع الخمر والميتة والخنزير والأصنام ) متفق عليه .
ولا يجوز بيع ما لا منفعة فهي كالحشرات كلها وسباع البهائم التي لا تصلح للاصطياد كالأسد والذئب وما لا يؤكل ولا يصاد به من الطير كالرخم والحدأة والغراب والأبقع وغراب البين وبيضها فكل هذا لا يجوز بيعه لأنه لا نفع فيه فأخذ ثمنه أكل مال بالباطل )) .

http://forum.maktoob.com/t970781.html

مهندس مصري بيحب مصر said...

أظن كده عرفت الحكم الشرعي يا مواطن
:)

أدهم الصفتى said...

يا أختي مافيش فايده
إسألى أي إنسان في الشارع في مصر من غير ما تلمحيله بإجابه :
ايه رأيك في اللي بيدفنوا الخنازير صاحيه ؟
حايقول لك طوّاااالي : رجاله و بيحمونا و عندهم حق ، يدفنوهم صاحيين و يجلدوهم كمان ، دي حيوانات نجسه و ربنا محّرمها !
امبارح اتنين في الميكروباص من الهرم للتحرير كانوا بيتكلموا قدامي
- بيقول لك يا شهاب بيدفنوا الخنازير صاحيه
- أحسن ، الخنزير ده مقرف أصلا و بياكل زباله ، و اللي بيربوه مسيحيين ، انا مش عارف مش بيدفنوا المسيحيين معاهم ليه ؟؟؟؟؟؟
.................
السؤال بقى : هل دول همه غالبية الشعب المصري ؟
الجواب بقى ، خمني كده :
أيوووووووه هممممممه
يا شيخه هيه دي بلد ولا دول ناس ؟ دي لا بلد ولا ناس ولا شرطه ولا حكومه ولا عيشه ولا أي حاجه .
ده احنا مش ناقص غير ان اليونسكو يعلن مصر محميّة طبيعية و فل على كده .
و المصري اللي يحاول يخرج أكتر من تلات مرات برّه السور ، يختموه في الحته اياها ، و يركبوله شريحة الكترونية مكهربه ف...... في بقّه . كل ما يقرب من السور يتشعث ميتين و خمسين فولت لما حانشيب كلنا من الكهربا .
و يبقى الحوار في الميكروباص كالآتي :
- ما تيجي ننط السور يا حماده ، نروح إيطاليا
- لا يا عم ، الختم لسّه معلّم و لسه مش عارف اقعد ، و خدوني مستشفى المحميّه و ركبولي الشريحه المكهربه اياها . كل ما اقرب اتكهرب مكاني، انا مش ناقص ياخويا ، من كتر الكهربا ابويا ما دفعش الاشتراك و حاطط فيش البيت كلها فيّا .
............
و النبي نروح نتوكس

مواطن مصري said...

بس فين مي عشان تسمع ان انفلونزا الخنازير خطر أكثر من ضحايا غزة


يأتي ذلك في الوقت الذي أكدت فيه الولايات المتحدة ارتفاع عدد حالات الإصابة المؤكدة علي أراضيها إلي‏3009‏ حالات في‏45‏ ولاية والعاصمة واشنطن‏.‏
http://www.ahram.org.eg/Index.asp?CurFN=fron4.htm&DID=9947

عمرو said...

رغم أن الخنزير محرم فى الاٍسلام اٍنما له فائده يعلمها الله و علشان كده خلقه
الخنزير كان بيتاخد من بنكرياسه الماده الأوليه اللى بتدخل فى صناعة الأنسولين اللازم و الضرورى و الحيوى لمرضى السكر
و تصوروا كم من حياة اٍنسان دامت و أستمرت بفضل بنكرياس الخنازير اللى تفردنا دونا عن مخاليق الله بحرقها بالجير و دفنها حيه و لا حول و لا قوة اٍلا بالله
من كام سنه كده نيوزلندا الشقيقه منعت تصدير الخرفان النيوزلندى لمصر و عللوا هذا القرار بأن المصاروه بيعاملوا الخرفان بقسوه مفرطه أثماء شحنهم و تنزيلهم فى الموانىء رغم أنهم عارفين اٍن الخرفان رايحه مصر تندبح مش تتدلع يعنى و لكن صعب عليهم معاملة المصريين القذره لخرفانهم
و أهم النيوزلنديين مش مسلمين و لا يعرفوا حكاية القطه اللى دخلت الوليه جهنم و لا الوليه التانيه اللى دخلت الجنه فى كلب
أعتقد اٍن لو ربنا أبتلانا بأنفلونزا الحلاليف فى مصر فحتكون معاملتنا الاٍجراميه للخنازير و لبعضنا هى السبب فى غضبه علينا و زى ما قالوا زمان تيجى على أهون سبب و لو أن ده مش سبب هين أبدا

طائرٌ حر said...

احنا شعب وسخ يا نوارة تربى على قسوة القلب و انعدام الرحمة..ربما لانه لا يدرك معناها لانعدامها في البيئة المحيطة و ربما اتولد كده..المهم من كام يوم افتكرت ما حدث للكتاكيت و الفراخ التي القيت في النار ..في النار بلا شفقة و لا رحمة..و التي وضعت في اشولة و اغرقت في الترع و المصارف ..
بلا رحمة او شفقة او وازع من دين حث على الرحمة حتى اثناء القتل

اسمعي عن حوادث القتل اليومين دول ؟؟
هل هذا قتل فقط أم وحشية و قسوة و إجرام تتعفف عنه حتى أشد الحيوانات وحشية ؟

قاتل يقتل ولاد خاله صغار السن ليحرق قلب خاله !!
قاتل يقتل امرأة طالما أحسنت اليه و يطعنها الكثير من الطعنات و كأنها المسؤلة عن فقره او ظروفه و كأنها هي من تسبب بالعناء له و ليست من تساعده
رجل اعمال يقتل امرأة ب 28 طعنة !!

و خدي من ده كتير..صدقيني احنا شعب مافيش في قلبه رحمه..صدقيني .. إحنا أوسخ شعوب الكرة الأرضية.. و صدقيني لو قلت لك.. جمال و مبارك و شريف و سرور و نظيف و والي و غالي و عز و البرتيتة ليسوا أسوا من أي واحد في هذا الشعب الواطي ..

هم أيضا لم يأتو بالبراشوت.. مبارك من المنوفية..يعني من أصل المصريين و كذلك باقي المجموعة.. و لو تغيرت الأسماء فلن تتغير الأفعال .. مش بس لأنهم بينتقو الأوسخ .. أو لان الوسخين كتير.. بل لأن هذا الشعب شعب عرص طول عمره..

شعب عمل واحد زنى بكل نساء القرية في غياب أزواجهن في الحرب و حملن منه ..يقومو لما يرجعو يعملوه اله (هتلاقو المعبد بتاعه في الأقصر.. الراجل ابو...رجل ممدودة لأدام.. هي مش رجل بالظبط..بس عدوها المرة دي)

مين: معنى الاسم غير معروف، يصور واقفا في هيئة أوزيرية منتصب العضو الذكري وأحيانا ممسكا به بيده اليسرى، وأحيانا يصور وهو يرفع يده اليمنى، هو إله الخصوبة والفحولة الجنسية، عندما دخلت بعض الآلهة السورية مصر ومنها ربة الجنس والخصوبة " قادشو" تمت المزاوجة بينهما
http://www.annaqedcafe.com/showthread.php?t=902

Unknown said...

مهندس مصري

الحقيقة انا ما قرتش ده كله لسة

ادهم

ادهم ادهم
انت فين وسايبني

والله يا ادهم انا مش عارفة ايه الغل ده كله
ههههههههههههههههه
انا كنت فاكرة المغلولين من الخنازير
قرفانين منهم عشان بياكلوا زبالة
ما انا كمان باقرف منهم يعني مش ح اورح الاعب خنزير زي ما بالاعب القطط والكلاب
وبعدين فيديو التعذيب ده هل دول تبع مين؟ دول بتوع الزرايب وللا دول تبع الحكومة؟ انا مش عارفة
ومصطفى سايب لي تعليق ما رضتش انزله عشان ماحدش يدخل يتخانق معاه
قال مش عارفة كلم مين من محافظة القليوبية وقال له اللي موجود في الفيديو ده ما بيحصلش
واللي عدلي حسين قايله بعضمة لسانة ما بيحصلش
واللي المصري اليوم كاتباه ما بيحصلش
ده احنا بنحقن الخنازير ونبوسهم من بقهم ونغني لهم لحد ما يناموا ولما يموتوا بنصلي عليهم وندفنهم ونولع شموع ونعيط عليهم

والنبي لتروح في البوست التاني تشوفه قايل ايه في طريقة اعدام الخنازير اللي جايبها بالتليفون من واحد في المحافظة ومقتنع بيها تماما مع ان هم نفسهم ما جاتلهمش الجرأة انهم يكدبوا في الاعلام كده عيني عينك ويقولوا لنا الكلام ده
بس هو مقتنع تماما يا عيني


النهاردة قالوا ح يموتوهم بالغاز
:)
هولوكوست يعني
طب على الله يعملوا كده فعلا
بس ح يموتوهم بالغاز ازاي؟ ح يحطوهم في غرف ويفتحوا الغاز عليهم؟ وللا ح يعملوا غازات سامة في الزرايب؟ لو عملوها في الزرايب ح يموت معاهم بني ادمين

على فكرة
انا مقدرة انهم محتاسين

بس مش مقدرة هم ليه بيموتوا الخنازير اصلا؟
العالم كله بيضحك علينا
احنا الوحيدين اللي عملنا كده

الا قول لي يا ادهم، هو مش كان طالع اشاعة على المصريين انهم طيبين؟

عمرو

اه صحيح، احنا بنعامل الخرفان كده ليه؟ ده حتى شرعا الخروف ما ينفعش يندبح بعد ما بينضرب الضرب ده كله لانه ممكن يكون اتكسر وللا اتعور والخروف لازم يبقى سليم عشان يندبح

مواطن مصري

طيب يا مواطن انا مش ح اولع في نفسي
انا ح اسألك
ايه المقارنة ما بين غزة وما بين انفلوانزا الخنازير
غزة دي البني ادمين هم اللي عملوها
لكن الانفلونزا ربنا هو اللي عملها

ما يمكن يا مواطن ربنا بينتقم مننا عشان العالم كله ساب الاطفال والنسوان تموت في غزة تلات اسابيع وماحدش عمل لهم حاجة

مش يمكن؟

انا اصلي مؤمنة بالتفسيرات "الغيبية" للامور


طائر حي

لا اخص عليك
طب وفيها ايه لما عملوه اله الخصب
ما كانوا ح ينقرضوا في الحرب ورجعوا لقوا البلد مليانة عيال
مش كتر خيره؟
:)
انا بصراحة مش شايفة فيها حاجة

عابر سبيل said...

صباح الخير جميعا
علشان المناقشة تبقى موضوعية لازم كذا نقطة تتوضح ، أولا أنا مع الأستاذة نوارة فى إن تعذيب أى كائن حى ولو كان حتى صرصار ذنب يحاسب عليه البنى أدم وإثارة موضوع زى ده حاجة مش هايفة وتستحق المناقشة
ثانيا نيجى بقى لموضوع الخنازير بالتحديد ، وهنا لازم نفصل بين القرار الهمجى اللى أخده محافظ القليوبية وبين موضوع الدبح ، محافظ القليوبية إذا كان أمر بدفن الخنازير حية فده شىء قاسى جدا وهمجى والمحافظ لازم يتحاسب عليه ( ده إذا كان هو فعلا أمر بكده والموضوع مش كلام جرايد زى ما دايما بنشوف ) .... أما بالنسبة لموضوع الدبح فالكلمة نفسها مضللة لسبب بسيط جدا ، وهو إن الخنازير عموما سواء حتعدم أو حتتاكل مبتدبحش ، هيا بتتقتل بطعنة فى القلب زى اللى ظهر فى الفيديو بالظبط ، وهيا دى طريقة الدبح هنا فى مصر أو فى أى حتة تانية فى الدنيا ... يعنى الخنازير اللى ظهرت فى الفيديو بتعدم بطريقة عادية ومش غريبة ..... وحكاية قتل الخنازير قصاد بعض مش بسبب إنهم خنازير ، ولكن بسبب إتعدام الرحمة عند الجزارين المصريين عموما، والموضوع ده واضح جدالأى حد بيروح السلخانة أو بيشوف الشوادر بتاعة دبايح العيد ، الجزارين بمنتهى القسوة بيضربوا الدبايح الكبيرة على دماغها علشان تقع ويدبحوها بسهولة ، وبيدبحوا كمية توصل لتلاتين وأربعين دبيحة قصاد بعض ، فتخيلوا إحساس الدبيحة رقم 40 بيكون إيه ، وبخلاف كده فيه جزارين فى المدبح بيحدفوا العجول بسكينة فى رقبتها علشان تقع ويروحوا دابحينها وطبعا كل ده مش من آداب الإسلام فى حاجة
المشكلة مشكلة إحساس عام بالرحمة مبقاش موجود ، مش مشكلة خنازير
وأخيرا وعذرا للإطالة رجاء أخير لصاحية المدونة ، العنوان اللى حضرتك كاتباه لا يليق بالحديث عن الله سبحانه وتعالى ، ربنا يقدر يعذب أى حد أو يولع فى أى حد بدون ما يحتاج لا جاز وسخ ولا غيره ، فيا ريت طريقة الكلام اللى متعودين نكلم بيها بعض كبنى آدمين منستخدمهاش مع ربنا
وشكرا

TAFATEFO said...

:D:D:D

تعليق مصطفى مكنش على مكالمة د. ممدوح خلاف اللي معندكيش دليل واحد على صدق ادعائك (ادعائك) اللي ناتج عن سوء فهم لتلخيص كتابي لتصريحات .. بس كل ده مش مهم

اتمسوا بالعافية

wbrdo enjoyyyyyyyyyyyyyyyyyyyy

TAFATEFO said...

ونسيت أضيف في التعليق

وبرضه لما حد يثبتلك ان كلامك غلط .. اوعاك تصدقه .. واستخدم أدله ملهاش معنى على صدق كلامك

bgd

shame on you

أنا قلت أكتب التعليق مرتين علشان الرساله توصل لحضرتك .. وكنت متوقع حاجه زي كده

TAFATEFO said...

دمتم

Sosso said...

طب ما لحم البني آدمين حرام و هما بينقلوا المرض و غيرو يعني المفروض اي مصاب بمرض معدي وبائي نموّتوا ؟

Unknown said...

لا ده انت تستاهل بقى
عمال تتخيل خيالات
ولا تصريحات عدلي حسين اللي انت بتلبسه انسانية هو لم يدعها ولا تغطية الصحف ولا فيديو بيقنعك

وبتقول لي انا اللي ما عنديش دليل

طب ياريت تجيب لي فيديو واحد
وللا تصريح لمسئول وااااااااااااحد

وبلاش عدلي حسين
اي حد انشالله الحاجة ام محمد مرات الفراش بتاع اي مسئول في اي محافظة

وللا صورة واحدة

لخنزير بيتحقن وبيتغنى له ننة هو لحد ما يموت

انت اللي تجيب دليل على كلامك اللي ما يدخلش العقل ده

انا باجيب الادلة بتاعتي من تصريحات المسئولين اللي بتدافع عنهم

Unknown said...

sosso

لا مش نموت البني ادمين بشكل عادي

نضربهم على راسهم
او ندفنهم احياء تحت مادة كاوية

او نقعد نعذب فيهم زي الفيديو ده كده لحد ما يموتوا ويريحونا

Unknown said...

ثم يا مصطفى

انا عايزة اعرف حكاية الحقن دي انت جبتها منين
انا ماليش دعوة باللي بيتقال لك في التليفون

انا عايزة تصريح في جرنال انشالله في الاهرام

يقولوا فيه احنا بنحقن الحيوانات وعدلي حسين كداب

او

انتوا فهمتوه غلط هو ما يقصدش

زي ليبرمان كده ما كان ما يقصدش

Unknown said...

حسبي الله ونعم الوكيل فيك يا مصطفى

شككتني في نفسي وانبت لي ضميري ومن ساعتها عمالة ادور على اعدام الخنازير بالحقن وقلبت النت كلها عشان الاقي تصريح واحد ما لقتش غير الخبر ده النهاردة
http://www.youm7.com/News.asp?NewsID=98481&SecID=96&IssueID=57
وانفردت الشروق بخبر عن إعدام الخنازير بغاز "الفورمالدهايد" بعد انتشار اتهامات تفيد إعدام الخنازير بدفنها حية


يعني حتى ما كلفوش نفسهم يكدبوا علينا زي ما كدبوا عليك وتتهمني بحاجة مش فيا ابدا اني لما باعرف الحقيقة باصر على موقفي؟
حسبي الله ونعم الوكيل
ضيعت وقتي في التدوير

Unknown said...

حسسسسسسسسسسسسبييييي الله ونعم الوكيل

http://www.almasry-alyoum.com/article2.aspx?ArticleID=210528&IssueID=1402

الجيزة تواصل حملة الإعدام وتدفن ٣٠٠٠ خنزير بالمعتمدية «أحياء»

Unknown said...

والحفرة خمس امتار مش عشرين متر

حسسسسسسسسسسسسبي الله ونعم الوكيل

mido said...
This comment has been removed by the author.
دودو said...

بصى يانوارة
انا مش هاقولك ان الناس فى مصر بيتعمل فيها كدة واكترمن كدة واحنا فى اية ولافى فية والكلام دة
لاانا اسالك لية احنا محموقين قوى كدة على الخنازير
مادة اللى بيحصل لكل الحيوانات المسكينة فى مصر
عمركم ماشفتوا عربية بحمار مسكين شايل حمولة قدة 20مرة وشايل كمان الحمار صاحبة ومش قادر يتحرك والحماررجلة متعورة وصاحبة المتوحش يضربة على الجرح علشان يخلية يمشى

انا شفت ولما جيت اعمل اضعف الايمان وافهم الراجل ان كدة حرام
مانابنى غير ان الناس بقت تبص لى باستغراب وكانهم بيقولوا اية الست الهبلة دى
وغيرة وغيرة يبقى احنا زعلانين على الخنازير لية مادة العادى فى مصر

وعلشان كدة ربنا هيولع فينا بجاز فعلا

Kalimalhus said...

إستخدام أساليب فجة أو تصل للوحشية فى التعامل مع الحيوان و الإنسان فى بلدنا مش شيئ جديد و الحكومة و الشعب بيمارسوه كل يوم بحماس شديد..

راجعوا كده أسلوب التعامل السائد فى شوارعنا و الطريقة اللى الناس بتتكلم بيها أو بتتصرف بيها بشكل إعتيادى لدرجة إنه ما بيلفتش نظر حد حتى إنتوا.. لو فكرتوا فى الحاجات دى هتلاقوا إنها مش ممكن تكون أساليب شعب متحضر..

الظاهرة ممتدة من أبسط حوار ودى فى ميكروباص هاتلاقى الصوت عالى و إستخدام الألفاظ النابية.. و إلى الجريمة اللى بقى العنف اللى بتمارس بيه صادم و غير مبرر - يعنى ليه 100 طعنة لمه 2 بالكتير كفاية؟؟ و ليه تقتل لما ممكن تسرق و تخلع؟؟

ما فيش سبب واحد للظاهرة دى.. أكتر من كده أنا شايف إنها جانب من جوانب ثقافة كاملة بنعيشها.. أنا بأميل إنى أسميها ثقافة الفقر.. مش لأن الفقر هو المكون الوحيد للثقافة دى لكن لأنه المكون المحورى ليها و لأن أشكال الظلم و العسف و الإستبداد فى المجتمع بتترجم عند قاع الهرم و عند الغالبية من البسطاء لقهر الفقر..

Kalimalhus said...

@دودو

ليه هو إحنا متولع فينا بإيه دلوقت؟؟.. كالونيا؟؟ ما إحنا متولع فينا بجاز لا مؤاخذة وسخ كمان..

كلامك صح.. و إحنا نستاهل.. و إحنا دى خصوصى على اللى قاعدين بيكلموا هنا قبل غيرهم.. و اللى قاعدين بيكلموا فى الجرايد قبلنا ..

بس تصدقى إحنا لسه على كده الحر لافحنا و ماتحرقناش.. الولعة اللى على أصلها جاية ما تستعجليش..

Moray said...

تحياتي يا نوارة و القراء

الحقيقة تقاس حضارة الأمم و المجتمعات بطريقة تعاملها مع أضعف مكوناتها
الحيوان و اليتيم و الطفل و الأرملة ...

و الطريقة اللي عاملنا بها الخنازير هي في الحقيقة مقياس لتحضر هذا المجتمع الذي يزداد ارتدادا كل يوم الى الوراء

أجدادنا لو شافونا حيخجلوا مننا

محمد