Monday 11 May 2009

اوووووووووبسسسسسسسس

The Daily Show With Jon StewartM - Th 11p / 10c
Fareed Zakaria
thedailyshow.com
Daily Show
Full Episodes
Economic CrisisPolitical Humor

38 comments:

Unknown said...

" It turned out that swine flu is no worse than a cold...."

This is exactly how it is looked at in US.

Unknown said...

اقرى اصطباحة بلال انهارده
مهمة جداً


http://www.almasry-alyoum.com/article2.aspx?ArticleID=210575&IssueID=1402

Kalimalhus said...

يا بنتى الفيديو مش راضى يشتغل -على الأقل بالنسبة ليه- حطى اللينك يكون أحسن.. أنا رحت الموقع نفسه و شفت الحاج زكريا.. اللى لفت نظرى حكاية بتوع الجيش الأفغانى بيقولولهم لازم ترشونا عشان ندافع عن البلد.. و المقارنة الأخيرة بين نيكسون و أوباما واحد يهدد يفتكروه مجنون و التانى يتعامل بلطف يفتكروه مش طبيعى.. أهم حاجة إن فى ناس عايزين يحاربوا باكستان؟؟ تبقى مصيبة لو فى أمريكان إستحلوا الحكاية دى .. ده فاكرين نفسهم بيلعبوا ريسك؟؟

مهندس مصري بيحب مصر said...

الفيديو مش شغال عندي
و شوفي الخبر ده
طالب مشروع قانون مقدم إلى مجلس النواب الأميركي إدارة الرئيس باراك أوباما بتصنيف مانحي خدمة القمر الاصطناعي لأربع فضائيات عربية منظمات "إرهابية" دولية ومراجعة علاقة الولايات المتحدة مع الدول التي ترعى هذه القنوات.

وذكر مشروع القانون عددا من القنوات الفضائية العربية اعتبرها تبث "التحريض على العنف ضد الولايات المتحدة والأميركيين" ومنها قناة المنار اللبنانية، والأقصى الفلسطينية، والزوراء والرافدين العراقيتان، وجميعها تُبث على القمر الاصطناعي المصري نايل سات، والقمر العربي عرب سات.

وجاء في مشروع القانون -الذي تقدم به النائبان الجمهوري جس بيليراكيس والديمقراطي جوزيف كراولي، في مجلس النواب- "القنوات التلفزيونية مثل المنار والأقصى والزوراء وغيرها التي تبث التحريض على العنف ضد الولايات المتحدة والأميركيين تساعد المنظمات الإرهابية الخارجية في وظائفها الرئيسية من تجنيد العناصر وجمع التبرعات والدعاية".

كما يطالب مشروع القانون الإدارة الأميركية بأن تُصنّف في قائمتها للمنظمات الإرهابية مانحي خدمة القمر الاصطناعي المتعاقدة مع قنوات المنار والأقصى والرافدين والزوراء، أو أي محطة أخرى تملكها أو تشغلها منظمات تصنفها الولايات المتحدة كمنظمات "إرهابية".

ويطالب مشروع القانون أيضا باتخاذ "إجراءات عقابية" ضد مانحي خدمات القمر الاصطناعي الذين يبثون قنوات المنار والأقصى والرافدين والزوراء" أ و أي محطة أخرى يملكها ويشغلها "إرهابيون"، بحسب نص مشروع القانون.

ويحث مشروع القانون الحكومات والمستثمرين على حظر بث هذه القنوات وعدم الاستثمار لدى مانحي خدمات القمر الاصطناعي التي تبثها.

كما يحث مشروع القانون -الذي تم تقديمه في السادس من مايو/أيار الحالي وأُحيل إلى لجنة الشؤون الخارجية بمجلس النواب لدراسته- الإدارة الأميركية على مراجعة طبيعة علاقتها ومساعدتها للدول التي ترعى هذه القنوات.

ويدعو المشروع الرئيس أوباما إلى "تقديم تقرير للكونغرس عن التحريض على العنف المعادي للولايات المتحدة في الشرق الأوسط".

يذكر أن أعضاء الكونغرس الموالين لإسرائيل اعتادوا في السابق انتقاد المحطات العربية، ولكن تعتبر هذه المرة الأولى التي ينتقل الانتقاد إلى الأقمار الاصطناعية وموفري خدمة بث المحطات.
المصدر: وكالة أنباء أميركا إن أرابيك
http://www.aljazeera.net/NR/EXERES/2AD01312-113E-493C-BDDF-76DD53E33596.htm

Unknown said...

http://www.thedailyshow.com/video/index.jhtml?videoId=226586&title=Fareed-Zakaria

اهو اللنك

ايه الحكاية

نتنياهو بيتكلم عبري ليه؟

mido said...

مقال ابرهيم عيسى :

أرجو أن تصل أمانة مستشاري أوباما إلي درجة أن يحكوا له ماذا لبس بونابرت وهو يهرب من مصر؟

mido said...

بيتكلم عبرى

فى المؤتمر الصحفى

لأنها لغته الرسمية

TAFATEFO said...

@pink

العالم كله بيقول انها (حتى الآن) مش الرعب اللي انتوا عملتوهولنا (وان كان في رعب من القادم اللي لا بد أسوأ) .. الفيروس مش شرس زي البيرد فلو لكن حتى الآن لا يوجد مصل مضاد له

أنا كل اللي معترض عليه الهيستيريا .. والهيستيريا دي مش عندنا هنا بس .. في كل العالم

Swine Flu Hysteria Spreads Faster Than Actual Virus .

الفيروس بينتشر وهينتشر .. في وفيات وهتحصل وفيات تاني

لكن مفيش أي مبرر للرعب والفزع .. ده الجبلي وغيره كتير بيتهموا منظمة الصحة العالمية انها أثارت رعب الناس عامدة وأجبرتهم على شراء كميات التاميفلو لصالح شركة أدوية

الكلام ده مش مقنع .. لأن العالم كله فوجئ بالفيروس والحالات في المكسيك وانتشاره بين البشر

كل المطلوب نهدا ونتعامل مع المشكله بحجمها الحقيقي

احمد سعيد said...

مهندس

..........

هى مش قناة الزوراء دى اتقفلت باين

اة انا فاكر الراجل الضخم اللى كان بيطلع يعلق دة

وبعد ما يخلص يقوم مزعق وقايل :

هنا الزوراءءءء

اة شكله كان ظابط فى جيش صدام


ايه ياجماعه هى اتفتحت تانى ونا مش واخد بالى ولا ايه

Kalimalhus said...

مش عارف إنتوا شوفتوا الفيديو ده :
http://www.voltairenet.org/article158865.html#article158865 والا لأ.. هو قديم من أيام الحملة الإنتخابية لكن القائمين على الموقع نزلوه تانى بمناسبة التحرك بتاع أوباما فى ملف أفغانستان-باكستان.

مواطن مصري said...

اهو ملك الاردن راح لسوريا الظاهر توقعاتي بشأن الجانب السوري هتتحقق

مواطن مصري said...

يا ميدو اقرأ الجز الاول من المقال


1- الشعوب الإسلامية والعربية لم تعتد أو تتعود أن تسمع خطبًا تتضمن رسائل من رؤساء ولا هي تملك ثقافة الاستماع لخطاب والتأثر به والتعامل معه باعتباره موضوعًا للمناقشة وقصة للتباحث وقضية للتبني، فالشعوب العربية تربَّت علي خطابات التعبئة والحشد وخطب الحكام المملة والرتيبة التي ترتع في الكذب والتضليل، ولم تتوقف الأمة العربية عند جملة في خطبة ولا مقولة في خطاب ولا شعار في بيان ألقاه رئيس عربي منذ جمال عبدالناصر، العلاقة إذن بين الشعوب وخطب الرؤساء زي الزفت وخارج منطقة الاهتمام ومنطق التصديق، والخطاب الرئاسي سيئ السمعة سلفًا عند هذه الجماهير.

Kalimalhus said...
This comment has been removed by the author.
مواطن مصري said...

9
نفي الدكتور أحمد زويل في رسالة لـ «الدستور» تقدمه مؤخراً بـ 13 منحة بحث علمي لدرجتي الماجستير والدكتوراه إلي الجامعات الإسرائيلية. وكان الدكتور محمود السعدني - مدير مدينة مبارك للأبحاث العلمية - قد هاجم أمس الأول «زويل» واتهمه خلال اجتماع المجلس المحلي بالإسكندرية بأنه لم يشارك في القاعدة العلمية لمصر..
وأنه قدّم هذا العدد من الأبحاث لجامعات إسرائيل. فيما أكد زويل الحاصل علي جائزة نوبل في العلوم أن تصريحات «السعدني» عارية من الصحة تماماً ،وقال: كان يجب أن يكون أكثر جدية وصدقاً.http://dostor.org/ar/content/view/22244/1/

دودو said...

لا ياحمد الزوراء مفتحتش تانى ولاحاجة
بس بعد ما نايل سات قفلها باوامر من الامريكان
رجعت باسم جديد هو قناة الراى بس الفكر والمنهج متغيرش ودى غير الراى الكويتية
وعلى فكرة المذيع اياة دة قدم الاخبار شوية وبعدين اختفى
وفيها برنامج تحفة اسمة المرصد بيحلل الاخبار من خلال وجهات النظر المختلفة لجميع القنوات الاخبارية
وكمان بيحللوا مقالات الصحف العربية وخصوص حبيبك بتاع البعرور ذو القوة الثلاثية

Unknown said...

@
مهندس حر
مهندس مصري

The video is a flash video. Check your flash player or download the latest version of Flash Player 10 at
http://get.adobe.com/flashplayer/

مواطن مصري said...

مهندس مصري قناة الزوراء قناة ارهابية و تعمل نشر الفكر الظلامي


اذا كان الناس عاوزة قناة الزوراء يبقى تسمح بوجود قناة الحياة الي بيمتلكها الظلامي زكريا بطرس


قناة الزوراء و قناة الحياة بتاعت زكريا بطرس قنوات ظلامية

Unknown said...

طب ما تولع النور يا مواطن بدل كل الظلامية اللي مضايقاك دي؟

وللا اللمبة اتحرقت؟

مهندس مصري بيحب مصر said...

مواطن مصري
===========
هههههههههههههههههههههههههههههههههههههه
ضحكتني

احمد سعيد said...

هى هى هى هى هى
هىىىىىىىىىىىىىىىىىىىىىىىىىى

هى هى هى هى هى
هىىىىىىىىىىىىىىىىىىىىىىىى

هه
ههه
ههه
هههه
هههههههههههههههههههه


اعذرنى يا مواطن يااخويا

بس بجد انا عندى برد فى المعدة من يومين
ومغص مطلع تربنتينى وماليش نفس اكل اى حاجه

وطبعا مزاجى معكنن ومنيل بستين نيله

بس بصراحه ...

تعليقك فطسنى من الضحك

الله يحظك كمان وكمان


روح ياشيخ

الهى ربنا ( ينورها ) فى وشك

احمد سعيد said...

دودو
_________

طب معلش انتى شكلك متابعه وعشان كدة هتعبك شويه


عايز منك كل اسماء القنوات اللى من النوعيه دى وتوقيتات البرامج الجامدة فيها ....

:D

مواطن مصري said...

مهندس احمد سعيد انا لم اضحك على رائي حد عشان تضحكو على رائي

على العموم بكرة يثبت الايام ان الزوراء بتنشر فكر متطرف


زي ما بتزعلو من كانت الحياة المسيحية

يبقى المفروض ترفضو قناة الزوراء

مهندس مصري بيحب مصر said...

يا مواطن
إذا كانت الزوراء كانت بترفض نشر و إذاعة عمليات تنظيم قاعدة الجهاد في بلاد الرافدين
و عمليات دولة العراق الإسلامية

و ذلك لتطرف هذه التنظيمات و قتلها عراقيين أكثر من المحتلين و تخريبها للمجتمع العراقي

و لم تكن تذيع سوى شرائط تفضح المحتل الأمريكي و أعوانه

و عمليات لتنظيمات المقاومة الحقيقية التي لا تقاتل سوى المحتل الأمريكي و لم تتلطخ أيديها أبداً بدماء العراقيين
من شيعة او سنة او مسيحين او غيرهم
من عرب او أكراد أو تركمان أو غيرهم

شرائط لعمليات تنظيمات مثل الجيش الإسلامي في العراق و كتائب ثورة العشرين و أمثالهم الذين لا يقاتلون سوى المحتل الأمريكي
و لا يقتلون إخوانهم العراقيين مثل تنظيم القاعدة المتطرف


أي أنها قناة كانت ضد الإحتلال و أعوانه فقط و لم تكن أبداً ضد العراق و العراقيين

إعرف الموضوع صح الأول يا مواطن و بعدها إتكلم

و لا هو كل اللي مش على مزاجك ظلامي و متطرف

Kalimalhus said...

@Pink

Thanks...

@الإخوة الكتير اللى هجموا على الراجل عشان بيقول ظلامية..

فيه إيه يا إخوانا.. من حق الراجل إنه يعتبر فكر القناة دى أو غيرها إرهابى أو ظلامى.. و الا كلمة ظلامية هى اللى عجبتكوا؟.. طب ظلامية و ستين ظلامية كمان.. ما هو مش كل من شتم أمريكا يبقى حييلو و كل من قال يا مقاومة يبقى بطل..

على أى حال أنا شخصيا زى ما سبق قلت باتفرج على القنوات التنويرية بتاعة الmbc..
و بشجع كل أبطال المسلسلات اللى قاعدين طول الليل يموتوا عرب و مسلمين إرهابيين ولاد تيت.. و بما إن العرب ولاد ال تيييييت ما عندهمش حتة شقفة كونجرس و لا حتى قعر سنتوفة مجلس أنس يصدرلهم قانون يتهم فيه القنوات اللى هى أصلا عربية بإنها بتنشر كراهية العرب و بتشجع على قتلهم زى الكلاب الضالة فيبقى أكيد لازمن و لابد نحترم الناس الكبارات اللى بيشوفوا مصلحتهم و بيحافظوا عليها و بيطلعوا قوانين فى بلادهم تسرى على رقاب حكومات فى بلدنا..
تبقى ظلامية و الا مش ظلامية؟ أكيد ظلامية.. و الله ظلامية..

Unknown said...

بس الزوراء طائفية فعلا يا مهندس

ما احنا قلنا ما تتحشروش للعراقيين في حاجة احسن ح يتخانقوا ويتصالحوا ونطلع احنا اللي وحشين

العراقيين اصلهم مش طائفي

بس امريكا ومكتب الموساد الله يخرب بيوتهم

مواطن مصري said...

الزوراء اول ما فتحت كانت بتبث عمليات لتبع التنظيمات الي تبع القاعدة

Unknown said...

هههههههههههههه
هي بس اصل كلمة ظلامية دي بقت تجيب لي ارتكارية

بس فيه قنوات عراقية كتير طائفية زي الكوثر والزوراء وقناتين تانيين كده مش فاكراهم

اهم قاعدين يشرشحوا لبعض وكلهم بيشتموا الامريكان والواحد تايه ما بينهم

Kalimalhus said...

يعنى قاعدين تتكلموا عن الظلامية و المش ظلامية و ما شفتش أى تحية للناس الحلوة اللى منورة الشرم.. هالبت ما إنتوا كلكوا عندكوا زكام و مدكنين لحسن الناس بتوع الكارنتينة يسحبوكوا على الحجر الصحى و إلا كنوا شميتوا الريحة اللى معبأة البلد..

كل اللى شفتوا سؤال هوه بيكلم عبرى ليه؟ و إجابة إنما عظيمة
- أصلها لغته الرسمية..

رسمية؟ مين رسمية دى؟ اللى أعرفه إن لغته الرسمية هى الروسى و دى اللغة الرسمية لدولة ذات سيادة و حدود و دستور إسمها روسيا الإتحادية.. إنما العبرى دى تبقى رسمية فين.. يمكن فى شرم..
أللا هى شرم إستقلت دلوقت و بقت الرسمية بتاعتها عبرى؟

TAFATEFO said...

انتوا عارفين قصة الأرنب الغضبان بتاع كل يوم خس وجزر؟؟

Kalimalhus said...

معلش.. أنا رغاى زيادة بس إنتوا بتقولوا كلام فى النص ما يعديش..

قولتيلى بقه العراقيين مش طائفى بس الأمريكان و مش عارف مين..

للأسف .. العراق ليه تاريخ طائفى قديم و كان فى طريقه لتجاوزه فعلا لولا حكم الله يرحمه بقه اللى ولع فى الشيعة و حرق الأكراد بالكيماوى.. الأمريكان بس إصطادوا فى المية اللى هى عكرة أصلا و الموساد نفخ فى النار اللى هى من الأول تحت الرماد.. و لو فضلنا نقول إحنا حلوين إحنا فلة بس الأمريكان و الصهاينة همه اللى مش عارف عملوا و سووا يبقى عمرنا ما حنصلح شباك المنور المكسور اللى بينطولنا منه كل ساعة و التانية.. لازم نعترف إن شباك المنور مكسور و إن الهوا بيطس فى قفانا و نصلحه بقى عشان مش طالبة برد أكتر من كده.

احمد سعيد said...

طائفيه ازاى يعنى يانوارة ؟؟؟

انا مش بتريق , انا بسال بجد

لانى شفت القناة دى 3 او اربع مرات بس

وكانت علطول بتزيع شرايط فيها مدرعات امريكيه بتنضرب وجنود امريكان

ايه اللى حصل يعنى ؟؟؟

احمد سعيد said...

حد يا جماعه عندة اخبار عن التفجير اللى حصل فى الزتون ؟؟؟؟

مواطن مصري said...

ابو حميد كنت تشوفها لما اشتغلت في الاول كانت بتزيع ازاي و الخطاب

دة كان نصة خطاب تكفيري

TAFATEFO said...

إرهابي

قنبلتين في سيارتين

http://www.shorouknews.com/ContentData.aspx?id=40368

TAFATEFO said...

http://www.shorouknews.com/ContentData.aspx?id=40368

مهندس مصري بيحب مصر said...

يا نوارة إنتي آخر واحدة ممكن تتكلم و تحكم على الناس هما طائفيين و لا لأ
لإن عندك حساسية طائفية
و اي حد بيتكلم على طائفة تانية سواء بالحق أو بالباطل بتقولي له إنت طائفي

و أنا مجربك كذا مرة
و حكمك في النقطة دي غير موضوعي

و أدوية الحساسية مش بتجيب معاكي نتيجة

:))
ههههههههههههههههههههههههه

مهندس مصري بيحب مصر said...

يا مواطن
بفرض إنها كانت كده في اول كام شهر من بثها
و بعدها تابت و انابت و رجعت إلى الله و فضلت سنين بعدها تبث عمليات المقاومة بدون أي طائفية
يبقى ده يزعلك في إيه ؟

مهندس مصري بيحب مصر said...

و يا نوارة مش معنى إنها إتكلمت على عمليات ذبح جماعي و تهجير من المنازل و مجازر قام بها فيلق بدر و جيش المهدي لأحياء سنية في بعض المدن العراقية إنها طائفية

لإنها كانت بتتكلم بحقائق موثقة بالأدلة و بدون تطرف

و لا المفروض يداروا المذابح علشان ما يبقوش طائفيين

و على فكرة هما برضه كانوا بيستنكروا عمليات تنظيم القاعدة في بلاد الرافدين اللي كان بيقتل كل العراقيين بلا تفرقة

كل من لا يعترف بأمير دولة العراق الإسلامية أبو عمر البغدادي و لا يعطيه البيعة كان تنظيم القاعدة بيقتله سواء كان شيعي أو سني أو مسيحي
سواء كان عربي أو كردي أو تركماني أو فارسي

و كانت القناة دايماً بتستنكر و تهاجم العمليات دي
و تدينها على طول الخط
يبقى طائفية إزاي ؟
فهميني