Tuesday 5 May 2009

يا احمد يا سعيد كفاياك شتيمة في الديانة اليهودية

احمد سعيد الوحيد في الدنيا دي اللي رغاي اكتر مني ومع ذلك سبحان الله امسك البوست بتاعه اكله اكل من كتر ما اسلوبه حلو قوي، مع اني ماليش تقل على الرغي، (اه انا ارغي وانتوا تسمعوني، ماحدش يرغي في وداني، انا براحتي دي مدونة واحدة رخمة اصلا) بس بقاله فترة ماسك اليهود ونازل على ابوهم سلخ من حيث كونهم ديانة مش من حيث استغلال الديانة دي في السياسة
كفاية يا احمد، كفاية
ترضى ده على دينك؟ ماهو برنارد لويس بيعمل في الاسلام اللي انت بتعمله في اليهودية
1- من الناحية الاخلاقية:
انا ما افهمش يعني ايه امسك عقيدة بيؤمن بيها ملايين البشر واشتحها بالطريقة دي، ده اسمه خطاب كراهية، ده معناه اني بافترض ان ملايين من البشر خلقة ربنا قتالين قتلة. انا لما حد بيعمل كده في الاسلام باقول انه عايز يبرر المذابح الجماعية اللي ما تميزش حد عن حد لمجرد انتماءه للاسلام، ماهي مالهاش اي معنى تاني
طب ما الهندوس بيؤمنوا بنظام طبقي امسكهم واهزأهم؟ لا، انا باحترم الديانة الهندوسية، ومش معنى اني احترم دين معين اني ادخل فيه، بس اذا كنت حتى ما اعرفش ولا كلمة عن ديانة بيؤمن بها الملايين يبقى على الاقل احتراما لادمية البني ادمين المؤمنين بيها لازم احترمها، مش اللي خلقني هو اللي خلقهم؟
2- من ناحية المصلحة
المصلحة تقول اني اسعى في اتجاه فصل اليهودية عن الصهيونية مش أؤكد ان الصهيونية متجذرة في العقيدة اليهودية لان كده ابقى هتلر بجد، ثم ان ده بقى معناه اني قدامي اختيارين، يا اما ابيد ديانة بحالها يا اما استناهم لحد ما يبيدوني، يعني صراع ابادة
والرسول قال على العنصرية (التحييز لعرق او قبيلة) انها منتنة، وانها دعوى الجاهلية، وده لما ايه؟ لما واحد من المهاجرين قال يالمهاجرين وواحد من الانصار قال ياللانصار
الصراع ضد العنصرية اخلاقي
لكن صراع يا انا يا هو صراع عنصري، والمفروض اني ضد الصهيونية لانها بتحول ديانة زي اي ديانة تانية الى عنصر ارقى من بقية البشر وعليه فهو حلال له انه يموت الناس
اقوم اقول ان اليهودية هي الصهيونية؟ باساعدهم يعني؟ ده محبب ما عليهم
ايه الفرق بيني وبين مناحم بيجين بتاع: كل من ليس يهودي فهو وحش او حيوان او قطيع ماشية على احسن الاحوال؟
3- من الناحية الواقعية
يعني لسة اول امبارح دكتور اسمه روبنسن يهودي مرفود من شغله في احدى الجامعات الامريكية (اتفرجوا يا بتوع الديمقراطية الغربية والليبرالية) وبيتحقق معاه
عارفين ليه؟
فاكرين الصور اللي كانت بتقارن بين النازي والصهيونية؟ اللي عجبتنا قوي وقعدنا نوزعها في كل حتة؟
فضلوا يدعبسوا ورا مين اللي عملها لحد ما طلع البروفيسير روبنسن اليهودي هو اللي عملها، وح يروح في داهية ويتقطع عيشه
وقبل كده دكتور تاني كتب عن صناعة الهولوكوست، يهودي برضه، واترفد من شغله
لوجه الله
مش عايزين مننا حاجة ولا بيقبضوا زي ناس كلنا عارفينهم شوية من صدام وشوية من القذافي وشوية من المعونة الامريكية وشوية من بلاد تركب الافيال عشان يعملوا مناضلين
كفاية يا احمد، اعادة تصنيع الكراهية لدين مش ح تحل حاجة
كل مجموعة بشرية فيها كده وكده، والا بقى تقبل ان الناس تقول كل المصريين زي حسني مبارك.... طب والله لو ما بطلت لاطلع اشاعة على المصريين ان ممثلهم الاوحد حسني مبارك وانا معاهم هه
وعلى فكرة بقى، وكلام ده من مصادر اولى، بتوع المقاومة مش بيكرهوا اليهود، مش بيكرهوا حد خالص، بيكرهوا الفكر الصهيوني
ولو كان قلبهم فيه كره ما كانوش عرفوا يضحوا بنفسهم، وشفت منهم بعض ناس لما تشتم اليهود قدامهم يستاءوا جدا
لانها فعلا حاجة مش انسانية، ومش في المصلحة
هي اسرائيل دي مين اللي عملها؟ اليهود؟ وللا انجلترا؟ ومين اللي بيديها السلاح؟ اليهود هم اللي بيصنعوه؟ وللا امريكا هي اللي بتبعته ليهم؟
مين اساسا اللي كل شوية يقلب عليهم غنيوة الهولوكوست عشان يخليهم دايما تحت احساس ان كل الناس عدوينهم كل الناس بيكرهوهم نافع هو اللي بيحبهم نافع هو خطيبهم
مين اصلا اللي عمل الهولوكوست مش هو نافع اللي ينشك في معاميعه؟
ده كتاب صناعة الهولوكوست بتاع الدكتور اللي اترفد نورمان فنكلشتاين بيثبت فيه ان صناعة الهولوكوست بدأت تنشط بقوة في امريكا بعد انتصار اسرائيل سنة سبعة وستين لان زي ما احنا عارفين قبل سبعة وستين امريكا كانت لسة بتشاور عقلها ومش عارفة ح تراهن على مين في الشرق الاوسط لحد ما اسرائيل اثبتت قوتها فقالت انا لاعبة على الحصان ده بعد ما كانت بتلعب على الحبلين
هي اسرائيل دي ايه؟ اسرائيل دي فسلة حزب الله يدبها على دماغها دبتين تمشي تقول: انا حسحس وحسحس انا
المشكلة في اللي بيديها سلاح، المشكلة في اللي اسسها من اصله
انا عايزة افهم، من امتى هجرة اليهود الخواجات كانت اعجوبة بالنسبة للعالم العربي والاسلامي؟
بمعنى اخر
لو كان كلللللللللللللل يهود العالم لموا بؤجتهم وجم زي الناس المحترمة وقعدوا في فلسطين زيهم زي اي حد بيهاجر من غير عصابات ولا كيان صهيوني ولا يطردوا الناس من بيوتها، لو كانوا حتى اشتروا كل البيوت اللي حوالين القدس واتملكوا زي اي مواطنين محترمين وزي ما كانوا بالفعل متملكين في مصر وقاعدين واكلين شاربين متهنيين ومدلعين اخر دلع وقعدوا زي ما كانوا قاعدين قبل كده، زي ما اليونان والارمن والطلاينة هاجروا عندنا كتير منهم هم كمان
كان حد كلمهم؟ هو احنا من امتى اي حد بييجي يعيش عندنا بنقول له لا؟ 
مين اللي سلحهم وعمل منهم عصابات هجانا وقوم في دماغهم دولة عنصرية قائما على ابادة السكان الاصليين؟ ما كانوا طول عمرهم بييجوا
ثم يا سيدي ده لو الكلام ده صحيح المفروض من مصلحتنا اننا ننفيه ولو بالكدب مش نأكد ان ايوة اليهودية هي الصهيونية 
عشان ايه؟
عشان يبقى اللي ضد الصهيونية يبقى ضد ديانة بحالها؟ وديانة المفروض انك بتدعي كمسلم انك مؤمن بيها؟ طب ما احنا كده بنناقض نفسنا، منين بنقول موسى نبي عيسى نبي محمد نبي ومنين اليهود دول بديول وقرون؟ وبعدين ما هو ده التفكير اللي احنا عايزين نغيره امال بننتع في قلبنا ليه وبنقول: معاداة اسرائيل ليست هي معاداة السامية؟ واحمدي نجاد راح اتهزأ في مؤتمر العنصرية؟ هو كان بيقول ايه غير ان اليهود حاجة والصهيونية حاجة تانية؟ انت بتلبسنا تهمة النازية؟ هو احنا ناقصين؟
يا راجل يا مفتري... تقول على الناس بتشرب دم عيال صغيرة؟ اعمل فيك ايه بس؟ طب ايه رأيك ان اوروبا كلها فاكرة ان الاسلام بيبيح الاغتصاب، ومقتنعين تماما واللي فيهم مش عنصري بيقول: مش كل المسلمين ملتزمين مية في المية بالاسلام، فيه مسلمين كويسين، وتعالى بقى قول لهم الكلام ده مش صحيح، يضحكوا او يتصعبوا عليك لانك يا قلب امك مش عارف دينك
والله واحد قال لي كده
حد في الدنيا دي يقول على ناس بتشرب دم عيال صغيرة؟ يعني انا ح افترض معاك ان الكلام ده حصل في مجموعة صغيرة منهم او طايفة من الطوائف، يعني ينفع واحد يمسك طائفة الحشاشين الباطنية ويقول الاسلام بيبيح الحشيش؟ وهم كل المسلمين مساطيل كده؟
والف دورتي وارجع للاخلاقية
امشي عدل يحتار عدوك فيك وربنا اقام الكون بالعدل
اللي يرضى على دينه يتعمل فيه كده يبقى يرضاها على اديان الناس 

129 comments:

mido said...

أحمد سعيد مقاول أنفار و دول دماغهم ناشفة :))

Unknown said...

تسلم دماغك و افكارك
تدوينة ممتازة

مواطن مصري said...

دي مشكلة اغلب الناس الي بتكرهة امريكا يبقى معظمهم بيكرهو المسيحية زي بن لادن الصلبين

و الي بيكرهة صدام حسين مثلا البعض بيخلطو بالاسلام و كرهة يبقى ل الاسلام


المشكلة ان مفيش حد بيفرق بين عداء لدولة و الدين
دي مشكلة صراع الحضارات

انما مفيش حد بيتكلم خالص عن تقارب الحضارات

ولا اية يا نوارة؟

مواطن مصري said...

بس احمد سعيد بيكتب موضعات حلوة

mido said...
This comment has been removed by the author.
Unknown said...

احمد مدونته رائعة
وصايع ودمه شربات
بس بقاله فترة ماسك في الموضوع ده
عايزة اشوف حاجة تانية بقى

TAFATEFO said...
This comment has been removed by the author.
Unknown said...

مواطن
ممكن توضح لي موضوع صراع الحضارات ده اكتر؟

TAFATEFO said...

قالوا بتفهم في السياسه ياد يا مزيكا .. قاله أنا الشعب

قالوا تعرف ايه عن سياسة الوفاق ياد يا مزيكا؟؟ قاله يا بخت من وفق راسين في الحلال .. قاله دي سياسة أمك

جورج سيدهم .. نجاح الموجي .. الله يرحم الجميع

مهندس مصري بيحب مصر said...

بصي ياستي مش بنناقض نفسنا و لا حاجة
إحنا بنؤمن باليهودية
و بنؤمن برضه إن اليهودية الموجودة حالياً مش هي اليهودية الصحيحة
و إن اليهود حرفوها
و ده بنص القرآن

بس إنتي عايزة تمشي في إتجاه معين و مش عايزة الناس تمشي في الإتجاهات التانية المختلفة عنك

حسن على said...

متغاظ جدا .. عاوز اطلع جملة غلط والا خطاء مطبعى حتى مش قادر....دى حاجة تفلق

Unknown said...

والله؟
يعني ينفع البني ادم يقول على اتناشر مليون بني ادم ان دينهم بيقول لهم اشربوا دم عيال صغيرة؟

ينفع ده يعني؟
طب ولما هم بيشربوا دم عيال صغيرة عاشوا معانا عشر قرون ازاي يعني؟
وياترى بقى كنا بنجيب لهم عيال وللا بنديهم عيالنا وللا ايه بالظبط؟

مواطن مصري said...

يعني مثلا من خلال متابعتي ل الاخبار و الي سمعتة ان الناس بدل ماا تقرب المسافات و الحضارات و تبحث عن سلام حقيقي

كل مجموعة من المتطرفين يحولو اي موضوعع لطائفية

يعني ليبرمان طلع و قال انا هبيد عرب و مش عرب في غزة و هضرب الكعبة و بن لادن قال انا هبيد الصلبين او اغلب المتطرفين بينادو بادة المعتقد التاني

انما مفيش حد بينادي بسلام حقيقي

Unknown said...

اه

ليبرمان قال هبيد العرب واللي مش عرب؟ طب ح يبقى مين؟

الجملة دي انا مش فاهماها

الي بتكرهة امريكا يبقى معظمهم بيكرهو المسيحية زي بن لادن الصلبين

و الي بيكرهة صدام حسين مثلا البعض بيخلطو بالاسلام و كرهة يبقى ل الاسلام


انا ما سمعتش بن لادن قال ح ابيد الصليبيين دي

قالها امتى؟

TAFATEFO said...

دستور .. العواف

يعني هي الديانة اتحرفت .. ودي مش دي وده مبرر كافي لأننا نعادي ولاد ستين في سبعين دول

طب هما مش دول أهل الكتاب تقريباً (ولا هي اتحرفت امبارح بعد الظهر) .. راجع بقى يا باشمهندس كل آيات القرآن الكريم والأحاديث النبوية وطلعلي فيهم ما يدعم موقف واحد من مواقفكم (اللي أنا مش عارف انتوا مين ومقريتش غير اللي كتبته نواره هانم .. ومنها أستنتج مواقفكم)؛ هاتلي بقى أي آيه تدعم موقف واحد من مواقفكم

ولو ممكن تشرحلي (علشان كل ما بقيت أسأل حد على حاجه ميعبرنيش) ايه المواقف دي يبقى كتر خيرك

Unknown said...

ههههههههههههههههههههه
ايه يا طفطف

انت حاسس بالانضطهاد هنا وللا ايه؟
:D
عند احمد سعيد
عامل سلسلة عن اليهود بص عليها

مواطن مصري said...

اسمعى الظواهري


اذا كان المتطرفين اتباع بن لادن بيكرهو المسيحين و عمري ما شفت واحد متشدد بيقبل انو يقعد مع واحد مسيحي في مكان واحد

او ياكل من اكلة و بيحصل

عزيز عيني said...

مظبوط يا نواره
بس هما للاسف دفعونا في سكة تصوير الصراع علي انه صراع عقائدي ونجحوا في ده الي حد كبير جدا وبسبب ده خسرنا كتير من تعاطف شعوب تانيه

TAFATEFO said...

بن لادن يا مواطن مشكلته مع الامبريالية الأمريكية .. وان كانت دي المشكلة المعلنة اللي مش مقتنع بيها واللي في ظلاميين هنا مقتنعين بيها

وبعدين هو آخر واحد استخدم مصطلح الحرب الصليبية كان ابن الهبلة اللي غار .. وده ليه معتقدات مناخوليا كتير .. هو كان مقتنع انه بينفذ إرادة الرب .. وان الرب أرسله

TAFATEFO said...

ألا انتوا عارفين النكته بتاعة الرجل اللي قعد كل يوم بالليل يطلع فوق السطوح يقول يا رب كلمني زي ما كلمت موسى؟؟

TAFATEFO said...

أيوه

لغاية دلوقتي مش عارف يعني ايه

:'''

متسيبوناش كده يا عالم الناس بقت تتريق علينا

افرضي حد سألني دلوقتي أقوله ايه؟؟

TAFATEFO said...

هو أرقع بالصوت ده اقتراح ولا تهديد؟؟

حضرتك اللي كاتبه التاج ده؟؟

ده كلامك؟؟

Unknown said...

موووووااااااااااااطططططن

انت تعرف حد من اتباع بن لادن؟

شفته فين ده؟

Unknown said...

معلش يا نوارة مضطر استغل مدونتك
فى الرد على

طفاطيــــــــفو

اللى مش عارف الاقيه
-----
انت يا بنى ايه الكلام اللى قايله عندى ده
انشر ايه
حط تعليق يليق شوية
مش كدة
!!!

Unknown said...

عزيز عيني

هو الحقيقة اللي خلق الصراع الديني مش احنا يا مواطن

بص عشان نكون منصفين
احنا اتجرينا لفكرة الصراع الديني بس مش احنا اللي اخترنا شكله

هو احنا الحقيقة ما اخترناش اي صراع
احنا كنا في حالنا وبلوة اتحدفت علينا

بس لو تقرا مذكرات واحد يهودي عراقي راح اسرائيل وبعدين طفش منها من المعاملة الوسخة للعرب حتى لو كانوا يهود وكتب ازاي الاحتلال الانجليزي حول الصراع الى صراع ديني وازاي انه كان بيعمل مقالب زي مقالب الافلام القديمة بتاعة فيلم انت ح تغني يا منعم بين اليهود والمسلمين

يعني مثلا اليهود يبقوا رايحين عيد ليهم ولازم يشيلوا له ورد
يقوم الجيش الانجليزي يستنى في الطريق اللي هم ح يعدوا منه عشان يروحوا المعبد ويروحوا مصورين اليهود وهم شايلين الورد وفي الخلفية الجيش الانجليزي ويكتبوا مانشيت في الجرايد تاني يوم: اليهود يستقبلون القوات البريطانية بالورود

حاجة اخر وساخة

الراجل نفسه اللي هو كان صهيوني وكان بيشتغل مع بن جوريون قال عمرنا ما كان فيه بينا مسلم ومسيحي ويهودي لحد ما الاحتلال اتدخل

طيب اذا هم نجحوا في انهم يجرونا للارضية اللي هم عايزينها المفروض اننا نرجع للارضية الاصلية بتاعتنا

طفاطيفو

ايه النكتة؟
:)

Unknown said...

هو احمد سعيد فين؟

اوعوا يكون زعل؟
لا ده برج الميزان
ما بيزعلوش برج الميزان

مواطن مصري said...

واحد كان معايا في الكلية كان معجب ببن لادن و مسك دماغي كل يوم في الكلية يكلمني عنهم لغايت ما كرهني في حياتي و بعدت عنة

Unknown said...

نــــــوارة
---
على كدة حضرتك موافقة على مولد أبو حصيرة و لا لأ
؟

على اساس يعنى يهود فى بعض

Unknown said...

ابو حصيرة في عينهم

كل اللي بييجوا اسرائيليين

ده اولا

واحنا عايزين ننضف سينا من الاسرائيليين وللا نملا البلد بيهم

مش كفاية سرطنوا لنا الاكل؟

ثانيا

بييجوا يعملوا مساخر ودي بلد ارياف

حتى لو اللي جاي يهودي مش اسرائيلي يحترم المجتمع اللي هو جاي فيه

Unknown said...

مواطن

بس ده معجب ببن لادن مش في تنظيم القاعدة

ما تقدرش تحكم على بن لادن من خلاله

وللا ايه؟

مواطن مصري said...

بس يا نوارة احنا المفروض نكون اذكياء و نرفض صراع الحضارات انما احنا وقعنا و لبسنا و لبسونا موضوع صراع الحضارات

مواطن مصري said...

انا غير مقتنع ب ابو حصيرة اساسا

Unknown said...

يا مواطن احنا تعبانين

يعني كل اللي بنعمله ده من غلبنا على فكرة

انا ملتمسة العذر للناس اللي عندها عنصرية مضادة

لان مش احنا اللي ابتدينا بيها

بس المفروض نعالج نفسنا
مش عشان ذكاء ولا غباء
بس عشان احنا في المنطقة دي من العالم، ايا كان دين الافراد، لينا حضارة وثقافة معينة مبنية على التعايش
احنا طول عمرنا ما عندناش اعراق لاننا اختلطنا باعراق كتير
وبقالنا عشرات القرون عايشين مع بعض باختلافات ديانات ومعتقدات كتيرة
ولو كنا مش متعايشين ما كانش بقى اي اثر من ديانات تعد تاريخية
زي الصابئة والزرادشت والكلدان مثلا

يعني مثلا ما بقيش اي مسلمين في اسبانيا خالص لان ما كانش عند الاسبان ثقافة تعايش

لكن المفروض ان المنطقة دي طبيعتها ان فيه تباين كتير ومتعايشين
والا فضلنا ازاي عندنا ديانات مختلفة وكتيرة؟ اكتر منطقة في العالم فيها تنوع ديانات

جزء من العولمة بقى ان طبيعتنا تتغير
واحنا طبيعتنا حلوة
نغيرها ليه؟

مهندس مصري بيحب مصر said...

يا طفاطيفو يا بني
إحنا مش معادينهم غير لإنهم إحتلوا ارضنا و قتلونا و شردونا

إنما ديانتهم متحرفة من زمان
و عمرنا ما عاديناهم علشان تحريف ديانتهم
هما احرار ما دام ما بيضروناش

أنت حر ما لم تضر

إنما لما تستغل التلمود المحرف في تدمير نفسية الجيل اليهودي و تحويله لماكينات قتل لنا و لقرانا و أطفالنا

يبقى مفيش أي مشكلة في إني أنقده منطقياً و أهلهله كمان

و هو متحرف من زمان قوي

و عندك مدونة احمد سعيد روح أسأله

هو أنا كنت المتحدث الرسمي بتاعه

مهندس مصري بيحب مصر said...

طيب شوفي الفيديو الإسرائيلي ده من داخل أبو حصيرة
في آخر بوست عندي
http://egyptioneng.blogspot.com/2009/05/blog-post.html

Unknown said...

بس انت كده بتتكلم عن الصهاينة يا مهندس مش عن اليهود
طب ما بايضن نائب اوباما صهيوني كان يهودي؟

علي سالم

يهودي؟

مبارك اللي بيحطمنا دنيا واخرة حبا في اسرائيل

يهودي؟

والراجل اليهودي اللي اترفد من شغله عشان خاطرنا وح يتحبس ده؟
ماهو يهودي

مواطن مصري said...

بس يا مهندس مصري كل واحد يخلية في معتقدة لا يتدخل في معتقد تاني عشان ميجيش حد يخرف و يقول ان قرأن فية ناس و منسوخ رداً على المتطرفين الي بيقولو ان الانجيل محرف

و مش هنخلص

TAFATEFO said...

جزء من العولمة بقى ان طبيعتنا تتغير
واحنا طبيعتنا حلوة
نغيرها ليه؟
.

يا سلام يا ولاد .. الشاطر حسن والأميرة سحر

احنا كده محتاجين كمان نفهم العولمة .. و لو فضل وقت في الحصة نبقى نفهم الطبيعة اللي العولمة عايزه تخلينا عليها لغاية الجرس ما يضرب

TAFATEFO said...

كل واحد يخلية في معتقدة لا يتدخل في معتقد تاني.

وكل واحد يلعب قدام شقته

غازى said...

كتاب جديد للكاتب الأمريكى ( بوب وودورد ) بعنوان (خطة الهجوم ) يثبت فيه أن الرئيس مبارك كان على علم بالخطة الأمريكة للهجوم على العراق , بل وأنه أعطى معلومات استخباراتية للإدارة الأمريكية تثبت امتلاك العراق لأسلحة نووية .. أكمل قراءة الخبر على هذا الرابط

Anonymous said...

بما ان الاجواء ملتهبة يبقي مافيش احلي من النكت بس المرة دي مختلفة لانها من كتابي (أفضل نكت العالم عن اليهود) و (مزيد من أفضل نكت العالم عن اليهود) للمنكت اليهودي بن اليزار :
1- إسرائيليه شافت لوحة ممنوع الوقوف نامت على ظهرها
2- شاب فلسطيني يحك بطنه في أحد مراكز التفتيش، فكروه اليهود حيفجر نفسه { إرهابي } قاموا تركوا المركز وهربو كللللهم.
3- قال أحدهم للآخر : شربت الشاى فى منزل يهودى بالأمس ، فقال له : كيف عرفت أنه يهودى ؟ لأنه كان يضع شوكة فى علبة السكر!!

4- شيمون بيريز رئيس وزراء إسرائيل اتصل بالرئيس رونالد ريجان قائلاً : ما هذا الكلام الذى أسمعه عن إرسال عربى إلى الفضاء ؟ أوه لا تغضب ياشيمون ، سوف نرسل إسرائيليًا فى المرة القادمة. أنت لا تفهم يا سيدى الرئيس، أنا لا أشكو بالعكس أنا "أهنئك" ولكنى أسأل : لماذا تكتفون بواحد فقط ؟

ملحوظة : في نكت تانية كتير بس مسيئة جدا لكل الاطراف , فا محبتش اني اكتبها

وياستي سيبي اللي يكتب عن اليهود يكتب ..... وما هما بيطلعوا فينا الققط الفطسه .... لانهم باختصار عنصريون

مواطن مصري said...

شيمون بيريز رئيس وزراء إسرائيل اتصل بالرئيس رونالد ريجان قائلاً : ما هذا الكلام الذى أسمعه عن إرسال عربى إلى الفضاء ؟ أوه لا تغضب ياشيمون ، سوف نرسل إسرائيليًا فى المرة القادمة. أنت لا تفهم يا سيدى الرئيس، أنا لا أشكو بالعكس أنا "أهنئك" ولكنى أسأل : لماذا تكتفون بواحد فقط ؟


ههههههههههههههه جامدة

غازى said...

بمناسبة عيد ميلاد الريس ال 82 :


الشمع .. اتنين وتمانيين ؟؟

والتورته .. متر ف مترين

والحاضرين ناس محترمين

وأكيد ممنوع التصوير

يا سعادة الريس يا كبير


لكن لو قطعت التورته

ابقى افتكر الشعب بخرطة

يمكن ياكلوا وينسوا الورطة

ماهو فعلا عصر التغيير

يا سيادة الريس يا كبير
من قصيدة ألفتها بمناسبة عيد ميلاد الريس , موجودة على الرابط ده

TAFATEFO said...

مهندس

أنا مش بجادل حضرتك في مواقف عارفها .. أنا بنتقد دعوى حضرتك بالمعاداه لعلة التحريف

بص يا مهندس .. من ضمن ما علمونا كذا آية غصب عنك تلاقيهم في ودنك علطول أول ما تشوف كلام زي كده

"وقالوا لن يدخل الجنة إلا من كان هوداً أو نصارى تلك أمانيهم قل هاتوا برهانكم إن كنتم صادقين () بلى من أسلم وجهه لله وهو محسن فله أجره عند ربه ولا خوف عليهم ولا هم يحزنون () وقالت اليهود ليست النصارى على شئ وقالت النصارى ليست اليهود على شئ وهم يتلون الكتاب كذلك قال الذين لا يعلمون مثل قولهم فالله يحكم بينهم يوم القيامة فيما كانوا فيه يختلفون()"

وزي قوله تعالى

"ليس بأمانيكم ولا أماني أهل الكتاب من يعمل سوءاً يجز به ولا يجد له من دون الله ولياً ولا نصيرا () ومن يعمل من الصالحات من ذكر أو أنثى وهو مؤمن فأولئك يدخلون الجنة ولا يظلمون نقيرا()"

Unknown said...

مجموعة من الناشطين العرب واليهووووووود

اقنعوا البرتش كومنولث انهم يقاطعوا الشركة اللي بتبني المستوطنات

http://www.guardian.co.uk/commentisfree/2009/apr/28/israel-boycott-leviev

يعني حد يقنعني ان الناس دي وحشة عشان يهود ومبارك هو اللي حلو عشان مسلم

الطم؟

TAFATEFO said...

ما هم اللي عايزاهم يقنعوا حضرتك هما دول الذين لا يعلمون

كذلك قال الذين لا يعلمون مثل قولهم

TAFATEFO said...

طبعاً مقصدش مهندس مصري وأحمد سعيد .. أقصد اللي بيقولوا ان حسني علشان مسلم أفضل من غير المسلم

مهندس مصري بيحب مصر said...

و تاني مش بنعاديهم للتحريف

أنت حر ما لم تضر

لكن لو ضريتني بقى

يبقى لا مؤاخذة

البادي أظلم

:)

Unknown said...

يا مصطفى والله كان على لساني اقول لك تسكت عشان عارفة انك لو اتكيت على مهندس مصري ح تطلع منه كلام مش عايزة اسمعه

معلش يا باشمهندس مش ح اقدر انزل تعليقاتك
اولا: لانها مالهاش علاقة لا بالبوست ولا بكلام مصطفى
ثانيا: لانها طبعا طائفية في السياق ده وح تخبط في ناس تانية
لو كانت في سياق تاني كنت نزلتها بس انت حاططها في سياق ما يتفهمش منه غير المعنى الطائفي

ثالثا: اااا... انت عارف ليه

وعشان اوضح اكتر

مدى احترام البني ادم لدينه بيبان في مدى احترامه لاديان الناس

الا اذا كان فاكر نفسه احسن من الناس بقى

ده يبقى عايز علاج طوييييييييييل

mido said...

باشمهندس مصري محمد قنديل : ابعت تعليقك تاني بلهجة أخف علشان نتناقش

مهندس مصري بيحب مصر said...

ماشي
ما تنشريش ده كمان بالمرة
مع إن اللي يلعب الدح ما يقولش أح

و مصطفى رد بآيات و انا رديت بآيات عليه

ثم هل إنتي شايفة ديانة اليهود صح ؟

تبقى غلطانة يا نوارة

ديانتهم غلط

بس طول ما هم مش بيؤذوني يبقى هم أحرار

لكن ساعة الأذية يبقى يستحملوا بقى نقد التخاريف بتاعتهم

أنا عارف إنتي مش عايزة تنشريها ليه

عموماً ليا مدونتي أنشر فيها اللي عايزه براحتي

بس الصح بقى إنك تمسحي تعليقات مصطفى الأخيرة

علشان يبقى الموضوع انتهى

إنما تعليقاته تكون منشورة و ردي لأ فحتكون غريبة شوية

ههههههههههههههههه
طائفية
و الله إنتي غريبة
هههههههههههههههه

مهندس مصري بيحب مصر said...

ميدو
======
أنا نشرت ردي على طفاطيفو في مدونته
http://tabkeet.blogspot.com/2009/04/blog-post_30.html

و هو مش عامل موديريشن
:))

Unknown said...

دح ايه وصح ايه؟

يا محمد انت بترد على حاجة تانية خالص

الراجل اولا مش داخل معاك في حوار مقارنة اديان

ثانيا
انا مش ربنا عشان احكم على الناس

وهو رد بايات قرآنية في سياق الكلام لكن انت اتكلمت خارج السياق وحطيت الاية كمان خارج السياق يا محمد

وحكمت على ناس
انا ما عنديش الجرأة اني اقول على مبارك حبيب قلبي اللي انت قلته لاني ما اعرفش
ما اعرفش
وانت ما تعرفش يا محمد ما تحطش نفسك مكان ربنا
انت ما تعرفش غير نفسك وانا ما اعرفش غير نفسي وان عرفتها كمان

وما تقوليش اللي يضرب البادي اظلم لان اصلا الحركة الصهيونية دي حركة علمانية مش دينية
وبن جوريون كان ملحد
ايه رأيك بقى؟

انا مش فاهمة والله انت بتفكر ازاي؟

يا محمد كل اللي انت بتقوله على الناس بيتقال عليك زيه وقده عشرميت مرة

لو قلبك بيوجعك على معتقدك وعلى ناسك يبقى تحس بالناس
تحس بالناس
وتصنفهمش على دينهم البني ادم بيعمل الخير وهو ابن ادم ومن الخير يتحكم عليه والبني ادم بيعمل الشر وهو ابن ادم وشره يدان

ما يتصنفش انه عشان يهودي وللا عشان مسيحي وللا عشان مسلم وللا بوذي وللا حتى كافر يبقى لازم وحش او كويس

والا يبقى ترضى بكل اللي بيحصل في ناسك

انت عارف ان واحد على ماي سبيس كاتب يقول والمسيحيين العرب كمان يستاهلوا القتل لانهم عايشين مع المسلمين وشموا منهم

اي والله العظيم

هو بيبرر هو ليه بيقتلنا
وهو قدر وما عفيش

احنا بقى البعدا مش قادرين وما بنعفيش
امال لما نقدر ح نعمل ايه؟

هو احنا ح نفضل في الحلقة المفرغة دي مش ح نخلص منها

اذا كان ربنا نهانا اننا نسب المشركين نفسهم احتراما لدينا احنا

تقوم ديانة كتابية بتاكل من اكلها وتتجوز من بناتها ومؤمن برسولها وبكتابها تشتمها؟

ده اسمه كلام ده؟

والبني ادم بني ادم ومكرم
ربنا ما قالش ولقد كرمنا المسلمين
قال ولقد كرمنا بني ادم
كل ابن ادم كريم
والاعتداء على اديان الناس مش رد للاعتداء لان ربنا قال من اعتدى عليكم فاعتدوا عليه بمثل ما اعتدى عليكم
يعني المعتدي بس هو اللي ترد عليه الهجوم
ولك اخلاقيات بتحكمك

اهمها حفظ كرامة الانسان
واحترام العقائد
والا على كده بقى امريكا تفتري حقها وحتى احسن مننا
على الاقل مفتريين ومتعصبين زينا بالظبط بس مخهم انضف في العلوم التكنولوجيا

انما اسم الله وكسة من كله وكمان بنتنطط على مخاليق ربنا
لا كده فيه حاجة غلط

احنا طول الاضطهاد صابنا باللي صاب بيه اليهود نفسهم

وبعد ميت سنة مثلا استاذ جامعة مسلم ح يترفد من الشغل عشان عمل صور لمطابقة اللي المسلمين بيعملوه باللي عمله الصهاينة؟ دي تبقى كارثة

TAFATEFO said...

مهندس

نواره ليها كل الحق في انها متنحاش بالموضوع المنحى الطائفي ده

انت بتفكرني بكلام الإمام العلامة الفاضل الشيخ يوسف القرضاوي
:P:P:P:P:P
في الحديث عن الفرقة الناجية

بعد اذن نوارة هانم طبعاً .. تحب أرد على حضرتك بآية واحدة

قال تعالى : إِنَّ الَّذِينَ آمَنُوا وَالَّذِينَ هَادُوا وَالصَّابِئِينَ وَالنَّصَارَى وَالْمَجُوسَ وَالَّذِينَ أَشْرَكُوا إِنَّ اللَّهَ يَفْصِلُ بَيْنَهُمْ يَوْمَ الْقِيَامَةِ إِنَّ اللَّهَ عَلَى كُلِّ شَيْءٍ شَهِيدٌ

عارف يعني ايه إن الله يفصل بينهم يوم القيامة؟؟

يعني كل اللي حضرتك بتقوله ده معناه ان حضرتك بتفصل بينهم .. وده موش شوغلك .. موش شوغلك

تعالى بقى أما أقطعك في التبكيت .. الهوا حلو ومش عايز أنام

تلعب محبوسة ولا واحد وتلاتين؟؟

TAFATEFO said...

لو تحب أحذف الردود ف الموضوع ده تحت أمرك بعد اذن نوارة هانم طبعاً .. بس فعلاً تصنيفك من مكانك وحسابك للناس وتصنيفهم في الدرك الأسفل ولا في أنهي مكان ده تعالي على الله

إن الله يفصل بينهم .. وحضرتك عبد من عباد الله اللي ربنا قالهم ليس بأمانيكم

Unknown said...

ما تحذفش تعليقك يا مصطفى الا اذا كنت شايف ان تعليقاتك فيها حاجة غلط

TAFATEFO said...

ألا صحيح ايه موضوع الدح

أنا كنت فاهم الدح معناها المذاكرة بشدة (أعاذنا الله منها يجعل كلامنا خفيف عليها)

mido said...

طفاطيفو : سبحان الله ! هي مكافحة السوسةمحتاجة مذاكرة؟

Blank-Socrate said...

بصراحة بوست معقول من غير تحامل على اليهود
مش الفكرة انى باحبهم و ادافع عنهم
الفكرة انك موضوعيه قوى فى البوست دا
--------
اللى وسعت شويه موضوع ان حزب الله يظبط اسرائيل دا اللى موش موضوعى ابدا بتاتا
تحياتى

مدونة النسر المصرى said...

بقلك ايه يا حاجه نوارة
خشى على البوست اللى انا عملوا علشان نفسك ترتاح شويه وتضحكى

sal said...

منورة يا ستى نوارة
ربنا يديك الصحة ويديم عليك نعمة البصر والبصيرة
لك كامل تقديرى

Anonymous said...

توفيت صباح يوم الثلاثاء السيدة منى السيد عبد الفتاح حرم الدكتور أحمد نظيف رئيس مجلس الوزراء المصري عن عمر يناهز 57 عاما بعد صراع مع المرض، وللفقيدة من زوجها رئيس الوزراء المصري ولدان هما شريف، مهندس اتصالات، وخالد بكلية الهندسة في جامعة القاهرة.

Anonymous said...

تأكيد لكلامك ومنهجك في مقاربة الاحداث

http://www.alintiqad.com/fastnewsdetails.php?fstid=14849

sonatatu said...

first:

"بس لو تقرا مذكرات واحد يهودي عراقي راح اسرائيل"


where can i get that book? arabic or english

secondly:

spend a year studding and reading the standard references of the various sectors and believes that are "supposedly" part of the Judaic umbrella -widely available on the net- then come back and re-read this post.. am sure it will be changed dramatically..

in short, the separation of zionism and the Judaic umbrella its using is not exactly a wining ticket either..
zionizm to judiasm is like extream salafizm to islam..
the "religion" has been tailored to fit a certain agenda.. the trick is in the interpretation..

Unknown said...

sonatatu

الكتاب اهو

http://www.4shared.com/file/66584255/15032749/Ben_Gurion_Scandals.html?s=1

Anonymous said...

استاذه نواره
فى كلام من اللى قاله احمد سعيد كتبه استاذ مصطفى محمود فى كتابه التوراه....كان المفروض بيشرح فيها التوراه...بعدين انا معاكى ان غلط اننا نحكم على ديانه كده....بس دى وقائع موجوده عندهم...حكايه الدم دى جزء من اختلاط نصوص طقوس السحر الاسود بالنصوص اللى كتبها اليهود واللى بيقدسوها ...واللى هى اقدس من التوراه عندهم....يعنى الفطير ده مقدس لانهم لما هاجروا من مصر مع سيدنا موسى عجنوا الخبز لكن لم يختمر فعملوه كده زى الفطير بس طبعا من غير دم
دمتى بخير....تقبلى مرورى

Unknown said...

:D
حد يستشهد بمصطفى محمود؟
ده عامل زي انيس منصور بس على اسلامي

مواطن مصري said...

طب و كتابات عبد الوهاب الميسيري لية كتاب عن اليهود بفكر اشترية

مهندس مصري بيحب مصر said...

طفاطيفو
========
(اللي يلعب الدح ما يقولش "أح") و الدح لعبة يقوم فيها الأطفال بضرب من يخطئ في دوره في اللعبة ، فمن ارتضي أن يلعب يجب ألا يشترط عدم ضربه في حالة الخسارة
http://www.google.com.eg/search?q=%D8%A7%D9%84%D9%84%D9%8A+%D9%8A%D9%84%D8%B9%D8%A8+%D8%A7%D9%84%D8%AF%D8%AD+%D9%85%D8%A7+%D9%8A%D9%82%D9%88%D9%84%D8%B4+%D8%A3%D8%AD&sourceid=navclient-ff&ie=UTF-8&rlz=1B3GGIC_enSA289SA290

و الغرض إن ما دام الحوار عن الاديان فيجب ان تتوقع وجود تعليقات مع و تعليقات ضد
و يجب أن تنشرها كلها ما دامت لم تتجاوز حدود الأدب
أما أن أنشر آية قرآنية أو آيتين مرفقتين بتفسيرهما فأتهم بالطائفية

و ينشر طرفك فقط من الحوار و يحجب طرفي فهذا غير عادل من وجهة نظري

رغم إنها مدونتها و هي حرة فيها

لكن اللي مش قد الكلام ما يتكلموش من الاول
و اللي معندوش سعة صدر لغيره يبقى يريح دماغه

يعني كل البوست بتاعها ده غرضه إيه ؟
مش مناقشة الموضوع على نطاق واسع ؟

و لا كانت متوقعة سيل جارف من تعليقات التأييد علشان تشكل ضغط معنوي على احمد سعيد
:)

لو غرضه الرد على أحمد سعيد كانت ممكن تكتبه في التعليقات عنده و يرد عليها و خلاص خلصنا

و في الأول و في الآخر الإختلاف في الرأي لا يفسد للود قضية

وو انا ياما إختلفت مع نوارة
لا هي اول مرة و لا حتكون آخر مرة

و نصيحيتي ليك إقرأ تفسير الآيات اللي بترد عليا بيها و اسباب نزولها
و نفس الشئ بالنسبة للآيات اللي أنا ذكرتها

و كون رأيك بعدها بنفسك
:)

سلام يا دكترة

Anonymous said...

ايوه انا عارفه ان مصطفى محمود لاسع...بس برده قرا في الديانات كتير...وعلى فكره انا متفقه معاكى اننا لازم نحترم كل الديانات...بس بجد هما كده وبيعلموا ولادهم كده...وانتى بنفسك بتجيبى الوليه المنكوشه دى...وبتقول نفس الكلام
دمتى بخير .....تقبلى مرورى

الكلمة نور said...

بسم الله الرحمن الرحيم
"
ولا تجادلوا اهل الكتاب الا بالتى هى احسن الا الذين ظلموا منهم وقولوا امنا بالذى انزل الينا واليكم والهنا والهكم واحد ونحن له مسلمون
"
سور العنكبوت

"
فلذلك فادع واستقم كما أمرت ولا تتبع أهواءهم وقل آمنت بما أنزل الله من كتاب وأمرت لأعدل بينكم الله ربنا وربكم لنا أعمالنا ولكم أعمالكم لا حجة بيننا وبينكم الله يجمع بيننا وإليه المصير
"
سورة الشورى

Anonymous said...

حتى مصطفى محمود يانوراة
دانتي كده مية مية
محدش خرج من تحت إيديك سليم
على فكرة مصطفى محمود وأنيس منصور
كانوا أصحاب قوي قوي
قبل ما الاول يغير سكته

Unknown said...

هو الحوار عن الاديان يا محمد؟

الطم يقولوا الولية اتجننت؟

انا من امتى باعمل حوار اديان هنا؟

انا طول عمري رايي في حوار الاديان انه حمار مش حوار

انا كل اللي باقوله بالمختصر المفيد

ماحدش يسب الدين للناس
لا اخلاقيا صح
ولا في المصلحة

بس

لا عقدت مقارنة ما بين الاسلام والمسيحية واليهودية مثلا ولا قلت مين احسن من مين

وقبل كده واحد دخل وقعد يلسن على الاسلام على اعتبار ان ديانته هو احسن

قلت له ماهو احنا قدامنا حاجة من الاتنين: يا اما نقول كل واحد حر في دينه ونتعايش وماليش من الانسان غير علاقته بيا وتصرفاته واخلاقه وحسابه عند ربنا

يا اما عايزين نقل ادبنا كل دين ح يلاقي القطط الفاطسة في الاديان التانية

واحنا يعني العال والدون ماشيين يسبوا لنا الدين وبقى كل اللي مالوش شغلانة بيفتي في الاسلام ويسيء له سواء عشان يهاجمه وللا حتى اللي بيدافعوا عنه بينيلوها اكتر

وزعلانين

زعلان انت وللا مش زعلان؟

انا زعلانة

طيب اعمل في الناس اللي لما يتعمل فيا ازعل؟

ان الله يأمر بالعدل والاحسان يا اخي

mido said...

http://ahmedsaed.blogspot.com/2009/05/17.html

مواطن مصري said...

علمت "المصريون" أن الإعلامي حمدي قنديل سيقوم خلال الساعات القليلة القادمة بالتوقيع لقناة "المنار" اللبنانية التابعة لـ "حزب الله" للعمل بها، وتقديم برنامجه "قلم رصاص" الذي كان يقدمه من قبل على قناة "دبي" ثم الفضائية الليبية قبل تأميمها.
ووفقا لمعلومات حصلت عليها "المصريون"، فإن قنديل توجه عصر الأحد إلى مقر قناة "المنار" في منطقة بئر حسن بالضاحية الجنوبية لبيروت، بعد مكالمة تليفونية جرت بينه وبين الأمين العام لـ "حزب الله" حسن نصر الله، قدم خلالها له عرضا بالعمل في القناة، وتقديم برنامجه على شاشتها، ومن المقرر في حال إتمام التعاقد مع فضائية "المنار"، أن يقيم قنديل في بيروت بصفة دائمة.
http://www.almesryoon.com/ShowDetails.asp?NewID=63578&Page=1

يا ريت تأكدي من الخبر دة يا نوارة


؟

mido said...

مواطن مصرى :

بلاش المصريون

http://adham2009.blogspot.com/2009/04/blog-post_14.html

Anonymous said...

ميدو المتحدث الرسمى لاحمد

حـنــّا السكران said...

أعتقد أن الخبر أكيد يا مواطن

لأنه وصلني من الصباح على الإيميل من مصادر مقربة من القناة .

و أنا بصراحة كنت أتوقع منذ فترة أن يذهب إلى " الجديد " أو المنار . ..

ـ كان هناك عرض للأستاذ حمدي قنديل من قناة " نيو تي في ـ الجديد " اللبنانية بعد تركه قناة دبي , لكن الليبية أخذته .

ــ الخبر جائني كما ورد هنا .. يبدو فعلاً أنّ هناك مكالمة تليفونية تمت بين السيد نصرالله و الأستاذ قنديل حول هذا الموضوع .

TAFATEFO said...

خبر حمدي قنديل والمنار في كل حته .. لا مصادر المصريون ولا حاجه

بس لحين ما تعلن قناة المنار ده على موقعها .. يبقى في شك

عموماً .. ناس كتير (أنا منهم ) مبيحبوش حمدي قنديل .. لكن بيحترموه وبيحبوا قلم رصاص

وبعد "سقطة" الليبية .. متبقاش ناقصه كمان يروح المنار

ناة المنر مفيهاش إلا نشرة الأخبار .. غير كده ممله إلى أقصى درجات الملل .. حتى بامج الأطفال فيها خنيقة

بث برنامج حمدي قنديل على قناة المنار ده شئ سيئ لحمدي قنديل .. وهيوتر العلاقة بحزب الله وقناة المنار زيادة واحتمال يوقفوا بثها على النايل سات

ألا هو احنا ممكن نفهم محاربة النظام المصري لطواحين الهواء وخلق أعداء من الهواء ومحاربتهم على انه ضعف وتراخي قبضة .. ولا ان النظام كبر وخرف؟؟ ولا فضا .. والفاضي يعمل قاضي؟؟

هما ولاد المتحابين دول مسكوا في خناق قطر وبشار .. وبعدين حزب الله .. وبعدين بعد ما قرفوا حمدي قنديل في كل حته قرروا يقضوا عليه بقى؟؟

محد يقول للهبل دول حاجه .. ده الدين النصيحة برضه

TAFATEFO said...

رد أحمد بك سعيد على نوارة هانم حلو .. ومناقشة لذيذه لموضوع مهندس مصري بيتكلم في غيره تماماً

مهندس بك مصري

أنا مرديتش على حضرتك لأننا متفقناش على أساس .. كون حضرتك مش مقتنع انك بقولك ده هيخش فين وده هيخش فين وفي أنهي حته ده منازعة لله في ألوهيته ده حقك .. لكن فكر فيها شوية .. وده مقدرش أناقش حضرتك فيه

عزيز عيني said...

كان فيه كتاب مهم جدا قريته لجمال حمدان الله يرحمه اسمه اليهود وعلي ما اذكر صادر عن دار الهلال

احمد سعيد said...

لو الخبر بتاع قنديل دة طلع صحيح

ياريت مايجوش بعد كدة يقولوا حزب الله وايران بيستقطبوا اعلاميين

يبقوا يقولوا الاول اننا احنا اللى بنهينهم وبنكرشهم ونطفشهم

TAFATEFO said...

صحيح

تعرفي بيقولوا هنا على الشتيمه ايه .. سبسبة أو تسبسيب

اشتغل شتيمة = اشتغل تسبسيب

Unknown said...

الاخ فؤاد جمعة
اعتذر عن نشر تعليق حضرتك لحد ما تفهمني ايه ده لاني مش مستوعبة الكلام
مين اللي بيقول الكلام ده؟

مواطن مصري said...

انا اعتقد ان حمدي قنديل مش هيقبل عرض المنار و لكن المنار ليها شعبية ففي العالم العربي و انا كمواطن اشاهد المنار

ولكن هل تعتقد هيحصل في المنار زي الي حصل في الليبية اظن

ابسط دليل المنار تعرضت للهجوم و قناة المستقبل تعرضت للهجوم
؟

قناة mtv لبنان لو تفتكروها اتقفلت

بسبب برنامج اس ال شي لبنان بتاع الراجل الاقرع بنسى اسمى و هو كومديان ساخر i, هو اسمة نعيم تقريبا

و كان فية حلقة تريقة على حكام العرب و اتقفلت القناة

و عملو برنامج اسمة لا يمل

http://www.youtube.com/watch?v=Ep1d_bXipF4

مواطن مصري said...

تفتكري ممكن مذيع او ضيف في المنار ينتقد حسن نصر الله ؟؟؟؟


ولا زي بقيت القنوات

خط احمر

TAFATEFO said...

هو بعد ما البست ده فترت وتيرته ولله الحمد .. لازم منساش نسأل سؤال مهم جداً

ايه هو "الكتاب" اللي -بيقولوا- ان عبدالوهاب المسيري -ربنا يديله الصحة وطولة العمر- كتبه عن اليهودية والصهيونية

TAFATEFO said...

ومهم جداً طبعاً الإستفاضة في شرح الموضوع ده

جزء من العولمة بقى ان طبيعتنا تتغير
واحنا طبيعتنا حلوة
نغيرها ليه؟
.

Unknown said...

ماحدش يرد عليه

عشان يحس بالاضطهاد

فؤاد جمعة said...

انا كنت عايز اعرض وجهة نظرك بشكل صادم ليفهم مهندس مصري واحمد سعيد معنى كلامك حول القطط الفطسانة في كل ديانة
معظم مااوردته موجود كااحاديث في الكتب الصفرا المنسوبة لينا كمسلمين وهي بحاجة لتأصيل قد يودي بها جميعاً ضمن عملية الجرح والتعديل الفقهية ولكنها صالحة لوصف الاسلام اذا اراد احد المعاتيه ان يستغل مرورها في كتب الحديث

TAFATEFO said...

نيا ها ها ها

طيب

TAFATEFO said...
This comment has been removed by the author.
Anonymous said...

حتي الاستاذ مصطفي محمود لاسع ........ يا سلام

يا فرحة البلد بيكم..... ياريت اللي مش عاجبه أ/ مصطفي محمود ... يحيكيلنا هوا عمل ايه في حياته ... عشان علي الاقل نستفيد

ومافيش شكرا

MerMaid said...

Dear Nawarra ,,wallahy i think that we have enough and more important problems in the followers of our religion as much as the jews.
taliban and qaeda are both shame on our religion.
if u watched cnn this morning u will watch this called Mujahid who answered the question : how do u explain what suicide bombs do??
this person said ( its a part of the islamic history and islamic instructions)
i think that we have our own " issues" and we no better than those racists we deny.
i think that muslim youth should be more aware to spread the right history and instructions of Islam rather than attacking other religions and other beleifs
and to Ahmed saed i say:
Dear sir,i inderstand ur intentions but who are u talking to??
if u are talking to the west i suggest u should write in english,or globalize ur blog so westerns will read what are u trying to say.
but if u are talking to the easterns,we hate them already,so u dont have to bother urself writing these things.
finally?? why do u care???
i think that Jews had proven their powerful existence worldwide(wheather we like it or not)they are controlling our world,instead of attacking their beleifs i think u should search for how did they do it and tell us.
thats what we need,,,
thanks to u and thanks nawarra.

Anonymous said...

هقول رائى كانسان لما يقرا الكلام احمد
واللى الهدف منه انه يفهم الناس ان متفتكروش انهم حلوين ولا كويسين لا دول وحشين وان الناس قالت بلاش حرب وخدنا اية وقبلوا الفكرة

لا محدش قابل الفكر دة اصلا فى مصر ومحدش بيحي اسرائيل كدولة وكمان ناس كتير مش بتحب اليهود ودة غلط طبعا لكن معظمنا كبر على كدا فمش محتاجين حد يكره الناس فى اليهود اكتر وانهم بيشربوا دم الاطفال ويوم ما تقوم حرب كلنا وحتى اللى مرحرين وبيقولوا بلاش حرب وخدنا اية هنكون فى صف مصر طبعا ويتمنا النصر لها ويقدم اللى عنده
يعنى الكلام دة لا يوجهة لعرب ولا اجانب
احنا مش محتاجين نكره حد
احنا محتاجين نحب نفسنا ونبقا احسن ومش نتفرغ لغيرنا والواحد بيكره العنصرية فى اى شكل كلنا بشر فينا الوحش والحلو ومش الدين اللى عامل كدا دة السياسة والطمع ولو مشينا كلنا على دينا كنا نبقا كويسين اوى
وفى الاخر اهو كلام خلى اللى يتكلم يتكلم مش بفلوس كنا سكتنا كلنا

Anonymous said...

والله يا ست البنات الدكتور مصطفى محمود راجل ربنا هداه من زمان وعامل مشروع خيرى كبير ومسجد فى المهندسين أكيد عارفاه طبعا ، والراجل بقاله عقود بيعمل خير وبيلم تبرعات لعلاج مرضى وللإنفاق على يتامى وخلافه ، بجانب تنظيم دورات كمبيوتر بتراب الفلوس لتعليم عامة الشعب ..... وبخلاف كده ليه عشرات المؤلفات اللى بتتناول موضوعات علمية ودينية شيقة وأنا قريت منها حوالى 30 كتاب وملقيتش فيها ما يدعو لعدم إحترامه
ياترى إنتى مين بقى وإنجازاتك إيه غير الكيبورد اللى انتى قاعدة مطلوقة بيه على خلق الله علشان تقللى من شأنه وتتكلمى عنه بالإستهانة دى؟

Anonymous said...

نوارة لية مش اتكلمتى عن داليا مجاهد واحمد زويل عايز اعرف رايك هما فعلا لهم فايدة هناك لينا

Unknown said...

انا ما اعرفش داليا مجاهد بس شفتها لها كذا حديث
بتتكلم كويس

ح يفيدونا يعملوا لنا ايه يعني؟ كانوا فادونا قبلها

لا طبعا مش ح يفيدونا في اي حاجة
الفايدة الوحيدة ان الناس تعرف ان مشكلنا معاتيه زي حسني مبارك عندنا ناس برضه مخها نضيف

احمد زويل زار اسرائيل
وما هواش يعني مصر عملت له حاجة عشان هو يعمل لها حاجة

وبعدين احنا عندنا علماء كتير طفشناهم

داليا مجاهد شغلتها عمالة تتكلم عن راي العالم العربي والاسلامي في حداشر سبتمبر وازاي اننا زعلنا زينا زي اي حد تاني
الله
وهم عايزين يعرفوا احنا زعلنا وللا فرحنا

هم ح يخطبونا

والنبي الاخ بتاع مصطفى محمود
انا اصلي عندي حساسية من الوثنيين الله يخليك

خد بعضهم وما تجيش هنا تاني

mido said...

وثنى ايه بس
!!!

ده انت بتقولى الملحدين مش بقرون
!!

Anonymous said...

هوا ده ردك يا بتاعة الديمقراطية " ماتجيش هنا تانى " ... وبعدين تقصدى مين بالوثنيين؟ أنا ولا الدكتور مصطفى محمود؟

Anonymous said...

بوست مينا ذكرى عن انفلونزا الخنازير فى الدستور الاسبوعى النهارده

Unknown said...

اكيد ما اقصدش بالوثنيين مصطفى محمود

Unknown said...

وبالمناسبة
انا مش بتاعة الديمقراطية خاااااااااالص

انا باكره الديمقراطية

mido said...

حورية الدكتاتورية

Unknown said...

ولا ديكتاتورية

انا مع السينجل بيرن
single parent
كل واحد ياخد باله من لغاليغه

ويحل عن الناس الباقيين
دي عقيدتي في الحياة
:)

مواطن مصري said...

MerMaid الله ينور عليكي

احنا عندنا مشكلةفي الاتصال مع الغرب


احنا بدل ما نعرف ازاي نتكلم معاهم يطلعلنا ناس تقولنا ازاي نقتلهم او نكرهمم و ناس صدرت صورة مسيئة ل الاسلام و الصورة المسيئة للرسول عليةافضل الصلاة و السلام

نتيجة لهؤلاء الشيوخ ولما ناس تطلع تفكر ازاي تخاطب الغرب بتهاجم

دي المشكلة

مي ثابت said...

ما شاء الله عليكى يا نوارة

أبعد يومين عن النت
آجى آلقى الزيطة و الزمبليطة فى الصالون


المهم
فيه خبر بيقول

روشتة صينية: الينسون الدافئ وليس المغلى أفضل وقاية من الفيروس

كتب بكين - أ. ش. أ ٦/ ٥/ ٢٠٠٩
بالتزامن مع تفشى مرض أنفلونزا الخنازير فى بقع شتى من العالم.. أكد أطباء الصين أمس أن احتساء كوب واحد من الينسون الدافئ - وليس المغلى - على الريق عقب الاستيقاظ صباحاً يعد أفضل وقاية من الإصابة البشرية بهذا الوباء المميت، فيما تتعاظم فائدته بالنسبة لأولئك الذين يتعاملون مع الخنازير تربية أو تجارة أو ذبحا، أو أولئك الذين يعملون فى صناعة إعادة تدوير القمامة.

وذكرت مجلة «ميديكال ريسير شيز» الصينية المعنية بالشؤون الطبية أن احتساء الينسون الدافئ يفوق فى فاعليته تناول عقار (تاميفلو) - الذى طورته شركة «روش» السويسرية، ويستخدم حاليا على نطاق عالمى واسع للوقاية من أنفلونزا الطيور - ذلك أن أحد المكونات الأساسية المستخدمة فى إنتاج ذلك العقار هو حمض «الشيمكيك» الذى يستخرج من قرن ثمرة «الينسون» ويترك عدة أسابيع ليتخمر.

ومن المعروف أن القارة الآسيوية تعد الموطن الرئيسى لنبات الينسون وتنتشر زراعته فى هونج كونج والصين ويقبل عليه مواطنو آسيا كأحد التوابل الرئيسية التى تكسب أطعمتهم مذاقاً خاصاً.



و أدى الرابط

http://www.almasry-alyoum.com/article2.aspx?ArticleID=209909&IssueID=1397

مهندس مصري بيحب مصر said...

مثقفون يهود أميركيون ينقلبون على سياسة (إسرائيل) العنصرية

التاريخ: 10/5/1430 الموافق 05-05-2009 | الزيارات: 815
المختصر /

المختصر/ تغير موقف المثقفين من يهود أميركا بعد الخزي الذي لحق باليهود نتيجة قصف (إسرائيل) لقطاع غزة وقتل الأبرياء، وقرر كثير من الأدباء والشعراء والصحافيين والفنانين والأكاديميين اليهود الأميركيين أن ينفضوا عن أنفسهم تهمة الانتساب إلى (إسرائيل) أو الاستظلال بسياساتها القمعية.

وأصدر توني كوشنر وأليسا سولومون كتاباً يجمع مقالات في غاية الأهمية كتبها أشهر يهود أميركا تحت عنوان "مصارعة صهيون". وهو عمل تقدمي لليهود الأميركيين كرد للمرة الأولى من نوعه على النزاع العربي - الإسرائيلي.

ركز هؤلاء على توضيح العلاقة بين (إسرائيل) ويهود أميركا، وما هو دور (إسرائيل) في تكوين الرأي العام ليهود أمريكا وهويتهم وانتمائهم وكيفية تغير هذا الدور عبر التاريخ. كما جاؤوا على توضيح التاريخ الواضح والتاريخ المنسي للصهيونية ودورها السياسي والثقافي ومعناها الروحي لليهود.

يشترك جميع هؤلاء المثقفين في ثلاث نقاط وهي أنهم جميعاً يهود متمسكون بهويتهم الدينية، وهم مواطنون أميركيون، وأنهم يشعرون بضرورة المسارعة لرفض اهمال معالجة الجور وانعدام العدل فيما يقع على الشعب الفلسطيني مع التأكيد على أنهم يهود وأميركان يؤمنون بالعدل وحقوق الإنسان.

من ضمن هؤلاء الذين شاركوا في مشروع "مصارعة صهيون" كل من الكاتب والمحلل السياسي سيث آكرمان، والشاعر والناقد والباحث في تأثير السياسة على الشعر وكيفية النظر إلى الذات أمييل ألكالي، وأستاذ تاريح الشرق الأوسط جويل بينين الذي عمل في التدريس في الجامعة الأميركية في القاهرة من 2006 إلى 2008. والصحافية فيليس بينيس المتخصصة في شؤون الأمم المتحدة المتعلقة بالشرق الأوسط والتي قدمت أبحاثاً حول سيطرة الولايات المتحدة على العالم ما أدى إلى حرب الخليج والعقوبات الاقتصادية على العراق، والفيلسوف وأستاذ تاريخ الأديان في جامعة بيركلي في كاليفورنيا دانييل بويارين، والمحامي وأستاذ الفكر اليهودي المعاصر جوناثان بويارين، وأستاذة علم الاجتماع نايومي برين، والمؤلف الروائي الدكتور إي إم برونر، والفيلسوفة المتخصصة بأخلاقيات السياسة جوديث بتلر، والدكتورة بلانش وايزن المتخصصة في علاقات الولايات المتحدة الأمريكية والحرب والسلم والإمبريالية، والبروفيسور مارك ايليس أستاذ الدراسات اليهودية في عدة جامعات من ضمنها هارفارد، والمؤلفة والشاعرة الشهيرة ماريكا فولك، والمؤلف في علوم الحاسوب ستيفين فيورستين إلى جانب لائحة طويلة من الأسماء اللامعة في مجالات متعددة جميعها ترفض السياسة العنصرية في (إسرائيل) ضد الفلسطينيين.

المصدر: الرياض
http://www.almokhtsar.com/news.php?action=show&id=15282

TAFATEFO said...

القاعدة مش طالبان .. والاتنين مش عار على الإسلام

ليه نشأت القاعدة .. للقتال إلى جانب المسلمين في أفغانستان لمواجهة الغزو السوفييتي وقتل المسلمين .. هما تنظيم سلفي جهادي .. حملوا السلاح في معركة مشروعة ودعمتهم أمريكا لمواجهة الاتحاد السوفييتي .. وكان من الطبيعي أن يتحولوا للعدو الأمريكي بعدها (لأن محدش بيسيب السلاح) ولأن أمريكا هي العدو فعلاً

الاختلاف حول عمليات إرهابية يسمونها جهادية في دول مسلمة للمواجهة مع الحكام .. وعمليات إرهابية في دول غربية يذهب فيها ضحايا أبرياء باسم الصراع مع الغرب .. ده اسمه إرهاب

طالبان مختلفة .. طالبان حركة قامت للقضاء على الفساد والفوضى اللي عمت أفغانستان في ظل نظام مدعوم من الاتحاد السوفييتي على رأسه رباني وقتال دائر بينه وبين باكستان منوباً عنها حكمتيار

أفغانستان كانت تعمها الفوضى .. واستطاعت طالبان قتال القوات المتناحرة والسيطرة على نعظم أفغاستان وفرض الأمن فيها

هما تنظيم رجعي بيؤمنوا بأن الحكم لله ولا يعترفوا بالديموقراطية .. فرضوا الدين لأنهم مقتنعين أن الحكم لله وأصحاب مذهب واحد لا يجوز فيه الجدل .. أخطاء كتير جداً شوهت صورة الحكم الإسلامي زي فرض الحجاب وانتشار أسواق الرقيق وغيرها .. لكن في كل الأحوال كانت أفضل من الفوضى السابقة على توليهم للحكم .. اللي مكانش فيها أي أمان وكانت الفوضى تعم البلاد

طالبان والقاعدة بيعبر عنهم فهمي هويدي بانهم مسلمين صح في معركة غلط

طالبان زيها زي أمثلة كتير حاولت تطبيق الإسلام .. ولما معرفتش ايه اللي ممكن تطبقه في الإسلام قامت اعتبرت ان تطبيق الشريعة الإسلامية هو فرض الحدود .. وده جهل يسبقه غباء .. وغباء ناتج عن جهل .. والزعم أن كلمة الله هي التي تحكم وأنه لا جدال فيها .. رغم اختلاف المذاهب وأقوال الفقهاء .. بيلغي حكم الشعب فلا حكم إلا لله ده مدخل كل فساد

القاعدة وطالبان تنظيم وحركة كان لنشأتهم أهداف نبيلة .. وحققوا جزء كبير من الأهداف دي

حكم طالبان كان بعيد كل البعد عن الإسلام السمح وعن أسلوب الحكم الإسلامي .. ومش عدل اننا نعمم احكمنا على نظام حكم طالبان على حركة طالبان

القاعدة نشأ لأهداف معينة ولما انتهت معركته على الأرض الصحيحة كان لابد أن يوجد له معركة لضمان البقاء فاختار العدو الصحيح (الذي تنقاد له أنظمتنا) لكنه اختار أسلوب معركة خطأ طبعاً

TAFATEFO said...

كلام مجاهد عن الاستشهاديين .. مش عارف ايه اللي مش عاجب حضرتك فيه

أيوه هو جزء من عقيدة الجهاد .. شهداءنا في الجنة وقتلاهم في النار

وسبق واستخدم السيد حسن نصر الله نفس التعبير لما قال انهم غير قادرين على فهم أو التعامل مع العناصر الاستشهادية التي هي جزء من عقيدتنا وتاريخنا

طالما تطوع المسلمون للشهادة في سبيل نصرة قضيتهم التي يؤمنون بها وأنهم على حق في قتالهم وذودهم عنها .. في حين يخوض المغتصب للأرض حربه وهو لا يدري عما يدافع ويغيب الهدف والقضية من وراء قتاله فتصبح حياته أهم من المعركة

عكس المجاهدين والمقاومين .. فإن روحهم هي وقود الجهاد والمعركة

تعليقي كان على ما أوردتيه مما قاله

( its a part of the islamic history and islamic instructions)

أنا متفق معاه طبعاً

مهندس مصري بيحب مصر said...

بره الموضوع
إيه رأيك في الخبر ده

اللجنة الدينية بالبرلمان المصري ترفض قانونًا يقيد تعدد الزوجات
التاريخ: 10/5/1430 الموافق 05-05-2009 | الزيارات: 714
المختصر/

المختصر/ أعلنت اللجنة الدينية بمجلس الشعب المصري برئاسة أحمد عمر هاشم رفضها المطلق لمشروع قانون جديد أعدته وزارة العدل المصرية يتضمن بنودًا تقيّد تعدد الزوجات، مؤكدة تعارضه مع أحكام الشريعة الإسلامية.

وأكد هاشم "رفض أي مساس بالشريعة الإسلامية فيما يتعلق بالقانون الجديد، لتعارضه مع أحكامها، خاصة البند الذي يوجب الطلاق أمام القاضي وإثباته بشهادة شاهدين".

وينص مشروع القانون على وجوب موافقة الزوجة الأولى على الزواج الثاني لزوجها، وأن تحضر أمام القاضي لتقر بموافقتها. مستنبطًا في ذلك بعض الأحكام من القانون المغربي.

وينص القانون كذلك أنه في حال وافقت الزوجة يدرس القاضي حالة الزوج المادية، كما ينظر فيما إذا كانت المرأة غير مكرهة على الموافقة.

وقال "هاشم" خلال ندوة عقدت أمس الاثنين: "إن لجنة الشؤون الدينية بالمجلس تضم 10 من علماء الأزهر لن يقبلوا المساس بالشريعة في القانون الجديد", مؤكدين وقوفهم له بالمرصاد. وفقًا للعربية نت.

وكثر في الفترة الأخيرة سن القوانين التي تتلاعب بأحكام الشريعة الإسلامية, وتهدف إلى نشر الفساد والرذيلة في المجتمع المصري, وتقويض دعائم المجتمع عبر هدم الروابط الأسرية بين أفراده.

قانون الطفل الجديد:

وكان من ضمن هذه القوانين التي جوبهت بمعارضة شعبية من علماء وقانونين ومفكرين وفقهاء مصريين قانون الطفل الجديد بتعديلاته الذي أقر العمل به في مجلس الشعب مؤخرًا.

وقد اتهمت "جبهة علماء الأزهر" مجلس الشعب والحكومة المصرية بالخروج عن نصوص الشريعة الإسلامية بعد إقرار تعديلات على قانون الطفل.

وأكدت أن تلك التعديلات تبيح الزنا وتقننه وتحلل الحرام, وذلك في ظل حظر الزواج على من هم دون الثامنة عشرة, في الوقت الذي لا يجرَّم فيه مرتكبو جريمة الزنا.

وهاجم بيان أصدرته الجبهة كذلك تعديلاً يبيح للأم نسبة طفلها إليها بشهادة الميلاد, متهمين واضعي القانون بفتح باب الزنا أمام الحرائر والعفيفات بعدما انتفت مساءلتهن عن إنجاب الولد وتقنينهم لتلك الجريمة بالتستر عليها وسهولة تسجيل المواليد الذين أتوا من خلالها.

ويقع هذا التعديل في إطار تعديلات قانون الطفل الجديد التي أعلنها المجلس القومي المصري للأمومة والطفولة وأثارت جدلاً واسعًا بين المثقفين والفقهاء المصريين.

ومن ضمن بنود هذه التعديلات التي أثارت لغطًا بين مختلف الفئات المصرية: ما يتعلق بتسجيل الطفل المولود خارج إطار الزوجية، وعدم جواز توثيق عقد زواج لأقل من ثماني عشرة سنة ميلادية كاملة لكلا الجنسين، وتجريم ختان الإناث.

ورأت الجبهة أن السماح للمرأة بنسب مولودها إليها من شأنه أن ييسر شيوع أمر الفاحشة، ويؤكد سقوط حق المرأة في صيانة سمعتها، وعرضها الذي أهدرته باختيارها، فلم تعد شرعًا بهذا الولد محصنة ولا عفيفة، بعد ما وثقت زناها وفقًا للقانون وأعلنته بإرادتها على الملأ.

مواءمة مع المواثيق الدولية:

كما شن البيان هجومًا ضاريًا على وزارة الخارجية المصرية التي حاولت تبرير قانون الطفل على لسان نائلة جبر مساعدة وزير الخارجية للشئون الدولية متعددة الأطراف، بقولها: إنه تم إصداره استجابة للالتزامات التي قطعتها الحكومة المصرية على نفسها بعد توقيعها على المعاهدات الدولية الخاصة بهذا الشأن.

وتقع تلك الالتزامات بالمعاهدات الدولية في إطار المواءمة مع "وثيقة الطفل" سيئة السمعة المصدق عليها بالأمم المتحدة في العام 2002 والوثيقة التي هي محل نقاش بالأمم المتحدة والمسماة "إزالة جميع أشكال التمييز ضد الطفلة الأنثى".

ومن ضمن بنود هاتين الاتفاقيتين ما جاء في "وثيقة الطفل" "المادة 37 الفقرة 3، والمادة 44، الفقرة 4" الإقرار الصريح بحق الفتيان والفتيات في ممارسة الجنس خارج نطاق الزواج عن طريق إتاحة خدمات الصحة الإنجابية لهم, والمقصود بها وسائل منع الحمل, حتى لا يعكر عليهم صفو ممارستهم المحرمة، بالإضافة إلى "المادة 15" التي تدعو إلى الحق في الشذوذ الجنسي بدعوتها إلى الاعتراف بالأسر المتنوعة ـ والمقصود بها الأسر التي تقوم على العلاقات المثلية الشاذة والطبيعية ـ.

أما الوثيقة الأخرى التي تصب اهتمامها على الأنثى فإنها ـ كما جاء في الفقرة 115 ـ تقضي "بحق" الطفلة [أقل من 18 سنة] في تحديد متى تصبح ناشطة جنسيًا، إضافة إلى الفقرات رقم 27, و82, و130 من الوثيقة والتي توصي بتوفير معلومات الصحة الجنسية للطفلة وتوفير احتياجات الصحة الإنجابية للمراهقين لتعليمهم ممارسة الجنس الآمن، أي تعليم ممارسة الجنس في المدارس خارج إطار الزواج شريطة توفير وسائل منع الحمل والوقاية من مرض الإيدز.

فيما تصف الوثيقة عذرية المرأة بأنها نوع من الكبت الجنسي وتعدها أحد أشكال التمييز ضد الأنثى, كما تكفل في الفقرة 96 حق الفتيات السحاقيات في ممارسة السحاق مع إثبات حقهن في اختيار جنس الشريك, كما تدعو إلى مراعاة حق الشاذات في التعبير عن آرائهن حول الشذوذ.

قانون الأحوال الشخصية:

ومما يدور في هذا الإطار مشروع تعديل على قانون الأحوال الشخصية يخالف إلى حد كبير ما أقرته الشريعة في مسائل الزواج والعلاقات الأسرية.

وقد اعترض علماء الأزهر الشريف على المشروع الذي تقدَّمت به زينب رضوان إلى مجلس الشعب، معلنًا رفض ست نقاط أساسية تخالف روح الشريعة الإسلامية.

وكشفت مصادر في مجمع البحوث الإسلامية عن أسباب الاعتراض على مشروع القانون الجديد، وحذر أعضاء المجمع من عدم الالتزام بالرأي الشرعي للعلماء الذي جاء لوجه الله، رغم أنه ليس إلزاميًّا، إلا أنه يجعل الأمر في رقبة نواب مجلس الشعب، ويجعلهم وحدهم الملومين على هذا القانون إن لم يأخذوا بالرأي الشرعي فيه.

وأهم تلك النقاط كانت حول المادة الأولى من القانون، والتي تناولت المسئول عن نفقة الأبناء، والمادة الثالثة بشأن مكان رؤية الصغير، بالإضافة إلى المادة الرابعة والسابعة اللتين تفرضان منظومةً عقابيةً على الأب والأم المخالفَين تصل للحبس أو سحب الحضانة؛ الأمر الذي يرفضه المجمع بشدة لخصوصية موضوع القانون, وأخيرًا المادة الخامسة حول عمْر اصطحاب الطفل مع غير الحاضن والمادة السادسة المنظِّمة لسفر الطفل مع الحاضن.

وتنص المادة الأولى للقانون على تحديد نفقة الأبناء على الأب أو من يليه شرعًا؛‏ أي يمكن تحميلها للجدين مثلاً رغم وجود الأب واستطاعته، الأمر الذي رفضه مجمع البحوث؛ لأن النفقة واجبة على الأب والشريعة الإسلامية تلزمه بالإنفاق على أسرته‏، وهذا الاختصاص لا يجوز نقله إلى غيره إلا في حالة حدوث عجز يمنع الأب من الكسب والإنفاق.

واعترض المجلس أيضًا على إعطاء المرأة الحق في ادعاء تطليق زوجها لها، وإثبات ذلك بإحضار شاهدين وإعلام المحكمة الزوج بعنوانه، فإن لم يحضر خلال أسبوعين حكم القاضي بطلاقها؛ لأن هذا مع فوات الذمة وتغيُّر الأخلاق يعطي الفرصة للزوجة للادِّعاء كذبًا أو كتابة عنوان وهمي؛ فاشترط المجلس حضور الزوج وأن يكون حضوره بطلب ضبط وإحضار وليس مجرد إعلان بالدعوة.

وأيَّد المجمع بنود مشروع القانون في عدة نقاط هي: الربط بين أداء النفقة للأبناء انطلاقًا من القاعدة الشرعية التي تقول: "الغنم على قدر الغرم‏"، ومن غير المعقول أن يتعنَّت الأب في الإنفاق وتتم مطالبته بحقه في ولده.

بيان اعتراض:

وقد أصدر عشرات العلماء والدعاة والمثقفين المصريين بيانًا يحذرون فيه من القانون, ويتهمون التعديلات التي ستقر على القانون المعمول به الآن بالريبة وعدم الوضوح والمخالفة الصريحة للشريعة الإسلامية.

وطالب البيان بالكف عن المضي في تمرير ما أسماها المؤامرة, والكشف التام عن تفاصيل ذلك المشروع أمام علماء الأمة قبل أي شروع في عرضه للمناقشة أمام مجلس الشعب, حتى لا يتكرر تمريره قانونًا ملزمًا, مثلما حدث في مشروعات سابقة, كما طالب البيان بعدم الاستجابة لتوجهات وتحركات المؤسسات والمنظمات العلمانية ذات الأجندات الخارجية.

المصدر: مفكرة الإسلام
http://www.almokhtsar.com/news.php?action=show_all&issus=250

مواطن مصري said...

القاعدة وطالبان تنظيم وحركة كان لنشأتهم أهداف نبيلة .. وحققوا جزء كبير من الأهداف دي


طفاطيفو منطق الغاية تبرر الوسيلة منطق غلط


اساسا اسم القاعدة الي انشئة المخبرات الامريكية
data base

القاعدة ما هي الا وسيلة تستخدمها امريكا او الحلفاء لدخول البلاد كما تستخدمها لتشوية صورة الاسلام و الضحك على الغلابة


الاسلام بريء من القاعدة و طالبان


انت كدة بتأكد على أن الاسلام دين دموي
و أن الي عملتة القاعدة من حروب مذهبية في العراق صح


دة منطق غلط يا طفاطيفو

مواطن مصري said...

هههههههه بيقوللك عندنا يونرايم


ههههههههههههههههههههههههههه
ذكر عدد من الصحف الإسرائيلية مساء اليوم، الأربعاء، أن تقريرا للوكالة الدولية للطاقة الذرية أكد أن مفتشيها عثروا على آثار لليورانيوم المخصب المستخدم فى صناعة الأسلحة النووية فى مصر.

وأوضح تقرير الوكالة الذرية الذى أصدرته مساء أمس، الثلاثاء، أنه تم العثور على جزيئات اليورانيوم فى منطقة "أنشاص" شمال شرق القاهرة خلال العام الماضى وخلال عام 2007، مشيرة إلى أن مسئولا دبلوماسيا قال إن هذه هى المرة الأولى تقوم وكالة الطاقة الذرية بمراقبة هذا الوضع من فيينا، مع تأكيده أنه توجد وثائق لا يمكن التحدث عنها فى الوقت الحالى.http://www.youm7.com/News.asp?NewsID=96464

TAFATEFO said...

بص يا ضنايا .. معلش أنا عارف ان ساعات الواحد يتسرع في القراية

فين بقى اغاية تبرر الوسيلة؟؟

عمليات إرهابية يسمونها جهادية في دول مسلمة للمواجهة مع الحكام .. وعمليات إرهابية في دول غربية يذهب فيها ضحايا أبرياء باسم الصراع مع الغرب .. ده اسمه إرهاب.

وبعدين، داتابيز كلمه واحده مش كلمتين

واللي اتقال في تسمية التنظيم انها كانت عفوية وقال كده بن لادن لما قال ان أبو عبيدة البنشيري( احد مؤسسي التنظيم) أسس أول قاعدة لتدريب المهاجرين على السلاح للدفاع عن أفغانستان أمام الغزو السوفييتي فبقى يتقال القاعدة أي المعسكر وانسحب الإسم على التنظيم .. أو من وصف عمل التنظيم والمعسكر بأنه سيكون قاعدة للجهاد في العالم .. وبعدها أطلق الاسم على كل من يعمل مع بن لادن (المجاهدين اللي مكانوش تبع بن لادن مكانوش بيتسموا القاعدة) .. والقول الثالث اللي حضرتك أشرت إليه ومش فاهمه .. هو اشتقاقه من قاعدة البيانات التي تحمل أسامي المهاجرين للجهاد

مش الاسم أنشأته المخابرات الأمريكية!!! هو في حاجه اسمها اسم أنشأته؟؟!!

TAFATEFO said...

ويعني ايه الإسلام برئ من القاعدة وطالبان؟؟

اللي بتعمله القاعدة من عمليات إرهابية تستهدف حياة أبرياء في العالم ده الإسلام برئ منه .. دي عمليات إرهابية

انما يعني ايه الإسلام برئ منهم؟؟

particular said...

مش هـ نصـدَّر غاز لـ يهـود

مش هـ نطبَّـق أى عهــود

مش هـ نلـوث إيدنـا ونمضـى

بنَّــا وبنهــم أي عقــود

***********************

مش هـ نمِـد الغـاز للغـازى

مش هـ نسـاعد فاشى ونازى

مش هـ نسلِّم خيرنا لـ غيرنـا

ماحناش قاعدين فيها غـوازى

************************

مش هـ نمرمـغ راسنا فـ طيـن

مش هـ نبيعـك يـا فلسطيـن

واللـى هـ يجـى يفــرَّق بنـا

هـ يبقـى غريمنـا ليـوم الديـن

************************

إحنــا لا عـزبــة ولا دُكــان

ولا هـ نطبَّــع مهمــاً كــان

ولا هـ نوافــق يلعــب بينــا

أو يتحكِّـــم فينــــا كيـان

************************

وعـد وخدنـاه علـى نفسينــا

وحيـاة دم الشُهـدا في سينــا

مش هـ نبيـع الغـاز لـو حتـى

حطُّــوا على رقابنـا السكينـة

***********************

جيبنـا آخرنــا خـلاص وزهقنـا

والموضـوع دة بجــد خـانقنــا

يعنى مــن الآخــر علـى تكَّـة

ونقلـب ع اللى منشِّـف ريقنــا

************************

مش هـ نخُـش فى أى خُصـومـة

ولا هـ نقـول بُورريه يا حكومـة

بـس مادام الشعــب إتحــرَّك

مـش هـ تقـوم للنايم قومـة

************************

---------------------------------------------------------------------------------------
إخواني الأعزاء
-------------------
بادعوكم جميعا للتكرم وزيارة مدونتي المتواضعة التاريخ قبل الطبيخ واللي مهمتها

الأولي والأخيرة هي فضح وكشف التاريخ اليهودي علي مر العصور

وتذكروا دائما انني سأسعد بكل تعليق

-----------------------------------------------------------------------------------------

ايمن عبد العظيم
مدونة التاريخ قبل الطبيخ

http://aymanabdelazeem.blogspot.com/

Anonymous said...

غريبة ؟ هوا انتى مش قولتى انك بتحترمى الديانات كلها السماوية وغير السماوية؟ يعنى الوثنيين محترمين عندك
طيب متضايقة ليه من المناقشة مع واحد وثنى ، ولا الكلام عندك بيطلع من غير حساب؟
عموما أنا عارف سبب كرهك لمصطفى محمود والسبب وثنى برضه

Asmaa mahaba said...

متهيالى انا وضعت تعليقين هنا ومتهيالى كمان تم حزفهم لانى مش شايفاهم اذا فعلا التعليقات حذفت فشكرا جداا لحضرتك

نور محمد said...

نوارة جزاك الله خير جزاء المحسنين على ثباتك وبصيرتك واستقامتك
واسأل الله ان يلهم الجميع الحكمة التي استدعت من الله عز وجل تأليف القلوب في كتابه الحكيم وجمعه المحسنين من كل الاديان في مركب واحد وجمعه لكل المسيئين من كل الاديان في مركب واحد
ولو اردنا ان ننتقد انسان بمايوجب سخط الخلائق باكملها عليه لوجب ان نقول ببساطة : فلان قتل نفساً محترمة بغير حق وهذا يكفي لمعاداته والاقتصاص منه، ولكننا وبحكم الالفة التي نشأت بيننا وبين القتل والظلم اصبحنا نظن ان تضخيم الجرائم عند الآخر قد يعطى قيمة مضافة
صبراً نوارتنا غداً سيعلمون

Unknown said...

والله انا فيه تعليقات كتير ما نزلتها خالص

وانا وربنا مش متضايقة من طاقة الكراهية اللي موجودة جوة الناس ووالله العظيم كمان مرة عاذراهم وعاذرة احساسهم المبالغ فيه بالمرارة

اللي صادمني الاتي:

1- الناس ما عندهاش احساس انها جواها كره ومرارة، فاكرين ان ده العادي

2- وحياة النبي بقى خليكوا اقروا القرآن في الصلاة والعبادة ومافيش داعي للاستشهاد

يا اما ربنا خلق حاجة في الدنيا دي اسمها تفسير نتعب نفسنا كده ونقراه

والقرآن يا ييتاخد على بعضه يا يتساب في حاله بقى

كفاية

مش ح نبقى احنا والخواجات عليه

TAFATEFO said...

وزارة الصحة وزعت البوسترات والفلايرز بتاعة الانفلونزا والإرشادات للناس للوقاية منها

حلوه وكل حاجه بس في حاجه مش فاهمها .. ليه البوستر عليه علامة الـ يو اس ايد (من الشعب الأمريكي) بحجم كبير نسبياً ؟؟!!

الكلمة نور said...

هو فى حاجة انا مش فاهمها انتى بتتعاملى مع الناس اللى بتعلق عندك بالطريقة دى ازاى؟ ليه يعنى؟
انتى بتحكمى على اراءهم الحكم الجازم ده ازاى؟
وبتفلترى التعليقات ليه طالما مش خارج النطاق المعقول؟
هو لو فى حاجة حد فاهمها غلط
ممكن يصحح معلومته ازاى لو مش هايناقشها مع حد عنده فكرة اكبر او على اقل تقدير عنده فكرة تانية؟
عنصرى طائفى دموى نازى
انتى بتحكمى ازاى من غير سؤال واستفسار؟
معاييرك واضحة جواكى للدرجة دى ؟
ولا انتى فاكرة انها كدا واضحة كفاية؟
اللى بيزورك بيزورك لانه بيثق فيكى وبيحب يتابع اللى بتدوينه
وبعد كدا بتقوم فى التعليقات ساحة حوار اغلبها لطيفة لوجود ناس غالبا عارفة هى بتتكلم عن ايه
بس ساعات انتى بتختصرى الامور فى وجهة نظرك وتفقلى الموضوع
وعلى فكرة مش شرط كل موضوع يبقى ليكى فيه وجهة نظر سليمة
ودى اسمحيلى طريقة مش لطيفة للكبت
وفكك من الديموقراطية والديكتاتورية والاكلشيهات المغلفة دى
دى حاجه اسمها استبداد بالراى

Unknown said...

لا ماهي دي مدونتي وانا حرة فيها
ده مش برلمان
ولا اللي بيدخل يعلق عضو منتخب


والنت مفتوح لكل واحد يفتح مدونته ويقول اللي هو عايزه باسمه

فكرتني صحيح

انا ح اشيل الانونيمس عشان اللا مؤاخذات اللي بيدخلوا لي خايفين حتى يقولوا اساميهم وسباع قوي على النت

Unknown said...

ونسيت اقول لك تاني

انا حرة ما انزلش الرأي اللي ما يعجبنيش في مدونتي الشخصية

انا مش عاملة بلوك على بقية المدونات

الكلمة نور said...

بس انتى حرة لما تكونى بتقولى وجهة نظرك فى موضوع وخلاص وبتدونى لنفسك
بس انتى بتنقاشى اراء الناس التانية
فى مدونتك ودى حاجة كويسة

بس انتى حاجة اكبر من كدا
شوية الناس متابعة تدوينك وبتتناقش فيه
الناس مهتمة تناقش ارائك فى الناس ودا معناه انك مش حرة
ومش امة لا سمح الله
انما اهتمام الناس قيد عليكى والتزام كمان



==ملحوظة==
انا علقت فى الموضوع ده مرة واحدة باسمى وبعت ايتين من غير كلام من عندى
ومش كل ماتكلم تقولى انونيموس هو انتى ماسكة عليا شرايط لا سمح الله؟

TAFATEFO said...

البوستر الفلاير - وجهالفلاير - ظهربكره أبقى أجيب ديجيتال فيرجن لأن دي تصوير

Unknown said...

الملحوظة اولا:
انت اخدت الكلام على نفسك ليه
انا باتكلم عن معظم التعليقات جات لي انونيمس

ارد على التعليق بتاعك بقى

باقول لك ايه يا حاج

انا لا عندي المؤهلات ولا العلم ولا الشخصية ولا الطاقة ولا عملت اي حاجة في حياتي اللي تعملني زعيمة
ولا حتى رئيسة تحرير مجلة صفرا
لو كنت حققت حلم طفولتي لما كان عندي ست سنين واشتغلت رقاصة كان ممكن تقول لي الفنان مش ملك نفسه ده ملك الجمهور
لكن انا واحدة على باب الله
باقول البقين اللي في قلبي وخلاص

يقوم عشرميت واحد يبعت لي تخريف ولما ما انزلش تعليقه يكتب يقول لي: امال لما تبقى رئيسة جمهورية ح تعملي ايه؟

انتوا عايزين تلبسوني مصيبة؟

حاضر
ح اقول لهم لما ابقى رئيسة جمهورية ح اعمل ايه؟

ح ازهق وح اخربها اصلا
ده انا لما بامسك الدسك في الشغل كل ما اطلع خبر اسأل فيه العال والدون ومش ناقص غير اتصل بشيفتات الصبح والفراشين عشان اسألهم اعمل ايه

ارجو التعامل مع المدونة على انها مدونة وبس

احسن كده خطر على عقلي وعقلكوا الباطن

خلوا بالكوا
خلوا بالكوا

احنا مش بنعمل حاجة
مش بنعمل حاجة غير الكلام

احنا بنتكلم بس

ماحدش يتوهم ويفتكر نفسه بيخوض معركة
ولا بيناضل
ولا بيحارب

احنا بنتكلم وبس
واللي بيعمل حاجة برة وبيشرفني هنا على راسي من فوق

بس انا عن نفسي مش باعمل حاجة
ومش عايشة في وهم اني باعمل حاجة مهمة

الكلمة نور said...

مش عارف ارد عليكى اقول ايه
بس واضح انك بتتكلمى عن حاجة غير اللى انا باتكلم عليها واللى بافكر فيه انتى بتفكرى فى حاجة تانية

عموما

طيب
منجلكيش فى عقل ولا باطن

الكلمة نور said...

بالمناسبة انا ماعرفكيش الا من المدونة ولغايو دلوقتى انتى صحفية فين
وربنا مايوقعلك ديسك