Sunday 3 May 2009

عشان كده بيطلعوا عنينا احنا

الاطفال الاسرائيليين بيتربوا كده








ياخدوا العيال بقى من اهاليهم، ده غير النظام التعليمي للاطفال اللي مع اهاليهم، ويجننوهم ويطلقوهم علينا
ارجو انكوا تسمعوا كويس التلات فيديوهات، لو بيربوا ديابة مسعورة مش ح يعملوا فيهم كده، يعني ده الواحد مش ح ينادي بتفكيك اسرائيل عشان خاطر الفلسطينيين، يبقى على الاقل عشان خاطر الاطفال الغلابة دول
لا مؤاخذة يعني، بما ان الفلسطينيين يعني مش صعبانين على حد خالص مش عارفة ليه؟ طيب على الاقل الاطفال دول يصعبوا علينا
بلاش حد يصعب علينا
انتوا متخيلين نظام تربوي عجيب بالشكل ده بيفرخ ناس شكلها ايه؟ والناس دول لزق فيك؟ يا خيييييييييييييبة ده انا اعرف ناس مش بترضى تروح العشوائيات قال عشان ايه خايفين منهم يا مامي يا مامي، اصلهم بيعضوا، ومرة واحدة قالت لي (والله العظيم) ما نعمل زي بعض دول امريكا اللاتنينية ونضرب اطفال الشوارع دول بالنار، اصلهم مش ينفع يتصلحوا
طب احنا بقى جنبنا اللي بيعضوا بجد

 

21 comments:

مواطن مصري said...

مش الاسرائيلين وحدهم يا نوارة

هتلر كان بيعمل كدة و عشان كدة سبب من اسباب سقوط برلين انة اعتمد على اطفال في حمايتها


طيب شوفي ع الجانب الاخر القاعدة بتربي الاطفال زي الاسرائيلن
http://www.youtube.com/watch?v=s2nr-kiR64I

شوفي دة و قوليلي يفرقو اية عن الصهاينة؟؟؟؟؟؟

كلهم ولاد كلب عاوزين الحرق

انا بكرهة العنصرية كرة العمى زيك


وشوفي دة كدة؟؟؟
http://www.youtube.com/watch?v=qpn3KsdPVXw


العنف يولد العنف الكراهية تولد المزيد من الكراهية

مواطن مصري said...

يبقى مشيرة خطاب معاها حق في قانون الطفل

مواطن مصري said...

اة مننساش بردو جيش الرب الي اغلق متالين فية اطفال في افريقيا

Unknown said...

يعني ايه يا مواطن

الفيديو اللي انت جايبه ده ما يدينش تنظيم القاعدة في حاجة

بالعكس ده في صف القاعدة

العيال بيلعبوا رياضة واسم الله عليه الواد بيتكلم بنباهة وبيقول كلام باللغة العربية الفصحى لا انا ولا انت نعرف نقوله

فيها ايه لما يربوا عيالهم على عقيدة؟

انت اتفرجت على الفيديوهات؟

ماهو انا عشان كده قلت لكوا اتفرجوا على الفيديوهات التلاتة

تنظيم القاعدة بيخطف العيال الصغيرة من اهاليهم ويعمل عليهم تجارب ويحقنهم بمواد غامضة؟

تنظيم القاعدة بياخد العيال الاذكيا ويحطهم في فصول متخلفين عقليا عشان يحجم ذكاءهم وما يسألوش هم بيدفعوا لايه؟

تنظيم القاعدة بيغتصب العيال ويعرضهم للجنس المبكر وللمخدرات؟

تنظيم القاعدة بيتاجر في العيال ويبيعهم ويقبض تمنهم؟

ايه وجه المقارنة ما بين تنظيم القاعدة وما بين اسرائيل مش فاهمة

وبالذات في النقطة دي يعني

انت جيت تشتمهم حببتني فيهم بالفيديوهات دي

مربيين العيال احسن تربية
الواد اسم الله عليه زعيم واركان حرب

وبعدين ايه العربي ده؟

ده عقدني

Unknown said...

جيش الرب ايه؟

يابني استوعب

فيه فرق انك تربي ابنك على عقيدة معينة (ايا كانت العقيدة دي بقى) وعلى فكرة ده منصوص عليه في الاعلان العالمي لحقوق الانسان ان من حقك تربي ابنك على العقيدة اللي انت شايفها صح

وفرق انك تعمل للطفل
abuse
وتعرضه لصدمات فوق طاقته وتحطه تحت اختبارات علمية وتحقنه بحاجات وتحجم ذكاءه عشان تعرف تسيطر عليه

مواطن مصري said...

ايه وجه المقارنة ما بين تنظيم القاعدة وما بين اسرائيل مش فاهمة


يا نوارة الاتنين واحدة الاتنين بيحقنو الاطفال تطرف و عنصرية


و الي بيعملو بن لادن بعيد عن الاسلام اساسا

انتي كدة بتأكدي أن الدين الاسلامي دين دموي من الي بيعملو اسامة بن لادن

طيب ما اسرائيل بتربي ولادها على عقيدة

بردو

يبقى الاتنين واحد

مواطن مصري said...

لو احنا برنفض الي بتعملة اسرائل في اطفالهم يبقى نرفض الي بتعملو القاعدة في اطفال

Unknown said...

مواطن

هو انت بتستسهل؟

يعني ما عندكش غير الكلمتين دول

يا ابني الدنيا ما تمشيش كده

مش يا اما كل اللي بتكرههم زي اسرائيل يا اما لا

مافيش وجه مقارنة ما بين القاعدة واسرائيل
ولا مقارنة ما بين حماس وحزب الله وما بين القاعدة ولا مقارنة ما بين اسرائيل وبين حماس وحزب الله

ثم يعني الناس نفسهم بيقولوا احنا متفردين في العالم

ثم ان تنظيم القاعدة مش عنصري

ممكن تقول عليه متطرف
بس مش عنصري
بالعكس بقى

ده بيعتبر ان حركات التحرر الوطني حركات عنصرية لانها بتهدف لتحرير الوطن بينما هم هدفهم تحرير العالم

زي جيفارا كده مثلا

لو عايز تعمل مقارنات يبقى تعملها صح

مش عارف تعمل مقارنات
يبقى اتعب نفسك شوية في محاولة فهم الاشياء والناس ودوافعهم


افهمها لك ازاي؟

الفيديو اللي انت جايبه ده لو حطيته مقارنة مع الفيديو اللي انا حاطاه انت كده بتعمل سمعة كويسة للقاعدة من حيث لا تدري

واحد بتقول بياخدوا عيالنا من االاسر الفقير بالذات الروسية والاثيوبية يحقنوهم بمخدرات ويعملوا عليهم تجارب علمية ويستغلوهم جنسيا ويبرمجوا مخهم والعيل الذكي يطلع تلاتينه ويتحط مع المتخلفين

في المقابل جايب لي عيال زي القمر، بيلعبو رياضة وبيتكلموا زي اللبلب وارجل من ارجل واحد في مصر وواكلين ومستحميين وشكلهم زي الفل وتقول لي ادي تنظيم القاعدة

اللي ما يعرفش عربي ويتفرج على الفيديوهين يقول انك اسامة بن لادن

مواطن مصري said...

ثم ان تنظيم القاعدة مش عنصري

ممكن تقول عليه متطرف
بس مش عنصري
بالعكس بقى

ده بيعتبر ان حركات التحرر الوطني حركات عنصرية لانها بتهدف لتحرير الوطن بينما هم هدفهم تحرير العالم


لا تعليق


اتفرجي على كليبات ايمن الظواهري و احكمي بنفسك عنصري ولا مش عنصري

و بعدين العنصرية و التطرف واحد

TAFATEFO said...

في ناس بتعمل بيزنس لحساب كريمة مختار

أنا شاكك في مؤامرة عاملاها الحكومة للسيطرة على الزيادة السكانية

هبق أشرحلكم أبعاد المؤامرة دي حالما تردنا معلومات موثقة

TAFATEFO said...

ولا مقارنة ما بين حماس وحزب الله وما بين القاعدة.

يعني انتي هتعرفي أكتر من ليفني .. طالما قالت انهم على علاقة يبقوا على علاقة .. الست دي محترمه وبنت حلال مصفي .. آي والنعمه .. يا رب نشوف وزير خارجيتنا زيها كده

حـنــّا السكران said...

هناك تقرير مهمّ جداً سـُـرّب العام الماضي و سمعته من أكثر من مصدر مقرّب من المرحوم ياسر عرفات , أن الصهاينة نقلوا الفيروس الذي أصاب عرفات و قتله فيما بعد , عن طريق طفل إسرائيلي , حيث أنّ عرفات كان سيستقبل مجموعة من الأطفال الإسرائيليين و الفلسطينيين ( من المجموعات اللي تكلم عنها الأستاذ بلال فضل .. اللي بيجمعوهم مع بعض في معسكرات سلام على أساس ) و كان عرفات قد اعتاد أن يـُقبـّل الأطفال على أيديهم ( بيموت بالبوس ) , و بعد خروج الأطفال و في نفس اليوم سقط عرفات من الإعياء و ظهرت عليه أعراض غريبة و بدأت حالته تسوء يوما بعد يوم .إلى أن توفي .
ـ الطبيب الخاص لعرفات .. قال قبل فترة وجيزة , أن يتحدّاهم أن يخرجوا جثة عرفات للتشريح رغم أنه يدرك أن الفيروس لا يترك اّثار لوقت طويل على الجثة ..و حين سـُئل الطبيب عن سبب عدم تشريحها بعد وفاته مباشرة أجاب : إسألوا محمود عباس .. ( عباس استقتل عشان ما يشرّحوا الجثة يومها ) .

بهيج said...

والنبي ياأبلتي أنا عندي إقتراح! بعد موضوع أنفلونزا الفراخ والديوك الرومي والوطاويط والكلام ده وبعدين دلوقتي جه موضوع أنفلونزا الخنازير وعرفنا أن إعدامهم هو الحل. إيه رأيك نعمل إشاعة مع كام بوست من بوستاتك ولاد ميتين الكلب دول أن أنفلونزا التعالب ظهرت وكانت بداية ظهورها من ٨٠ سنة في كفر المصيلحة بالمنوفية ويمكن بالطريقة دي نخلص من أبوالتعالب وعيلته وكل إللي جابوا أهله ويعلنوا أن المنوفية أصبحت محافظة موبؤة ومن هنا ورايح ماحدش يخرج منها أبدا

Unknown said...

هههههههههههه
انا اسفة يا شباب

ما قدرتش ما انزلش التعليق ده
هههههههههههههههه
هههههههههههههههههههههه
الله يخرب بيته

Unknown said...

جو

عباس؟

Unknown said...

ايه ده؟

هي الجثة ما اتشرحتش؟

حـنــّا السكران said...

لا طبعا ..الجثة ما تشرّحت يا نوارة.. و كان في قرار حاسم بعدم تشريحها .. قبل أقل من عشرين يوم الطبيب قال هذا الكلام بالحرف عند سؤاله عن السبب :

( إسألوا محمود عباس )

حـنــّا السكران said...

حين تكلـّم بوش مع شارون عن مرض عرفات

ردّ شارون : ( إنّ الله يحتاج أحيانا لبعض المساعدة )

هالكلام منشور بالصوت و الصورة من يومها .. يوم اللي قال بوش عن شارون انه رجل سلام و رجل عظيم ..فاكرة ؟

النقطة هنا التي لها علاقة بالموضوع . أن اصهاينة استخدموا طفلا إسرائيليا لنقل فيروس قاتل ..و هذا الكلام قيل من قبل مسؤولين فلسطينيين نقلاً عن تقارير إسرائيلية و ليس مجرد واحدة من الإشاعات ....هو يبقى احتمال أولاً و أخيراً ..

Anonymous said...

هو ما فيش غير الوليه دي اللي يهودية ..... دي واخدة اليوتيوب ملاكي

اسرائيل دي فيها كل حاجة وحشة حتي الحريم

واسمع احلي سلاااااااام

ياعيني .. ياعيني .. ياعيني ع الغفر

Anonymous said...

am not surprised

israel is the ultimate experience for mind control, not on the children alone.. otherwise, how can one explain a human being acting toward another human being like the israelies do?


on the other hand, there is some sort of engineering happening on a global scale on various degrees and perspectives..

you yourself talked about the cleaverness of the Egyptian child that Begin to degrade after the age of 5..

for those interested, read about mkultra, mind control, social engineering and main streem media, and the large scale agenda for pushing mind altering substances among the masses, to understand the depth of the experiment running right now on the entire humanity

مغتربة said...

يجد أنا مش متصورة أنا أعرف إن إسرائيل دولة فاشيست بس مش لددرجة دي مش متصورة هي قالت عن اللماسونية إنتي إيه رأيك في الموضوع ده يا نواره ؟!!