Friday 1 May 2009

الدولة تتعمد نشر الوباء والفتنة في مصر

ومش جريمة قتل عادية ده
genocide
ولو حصل لنا حاجة كل اعضاء الحكومة الموقرة من اكبر راس لاصغر راس لازم يتقدموا لمحكمة دولية بتهمة ارتكاب ابادة جماعية
مينا زكري راح النهاردة عند الزبالين في الخصوص
(ملحوظة: حوالي خمسين في المية من مربين الخنازير اللي قابلهم مسلمين)
احنا على شفا وباء وفيه تعمد من الدولة ان مصر تبقى الاولى في انتشار الوباء
جريمة قتل يعني، هو وعدني انه ح يكتب بوست حوالين الزيارة بتاعة النهاردة (لانهم الى جانب تعمد نشر الوباء في مصر عايزين يعملوا فتنة طائفية، حسبي الله ونعم الوكيل، طب بيعملوا كده، هم ضامنين انهم في امان من الوباء ده؟ ايه الغرور ده دول افتكروا نفسهم بينافسوا ربنا بجد وللا ايه؟)
تفاصيل زيارته ح يكتبها واديني باورطه اهو
بس قبل ما يكتبها ياريت تقروا البوست ده من عند مينا زكري

24 comments:

مواطن مصري said...

سيناريو النكسة بيتكرر تانييييييييييييي


يا رب ساترك

طيب

مش الحكومة بس يا نوارة

دة كمان الي بيربو الخنازير و مش عاوزين يعدموهم

دول بردو لازم يتحاكمو معاهم


لازم يكون فية تعاون بين الناس دول و الحكومة

ياريت تشوفي البوست الي عندي

مواطن مصري said...

وباء في مصر عايزين يعملوا فتنة طائفية، حسبي الله ونعم الوكيل، طب بيعملوا كده، هم ضامنين انهم في امان من الوباء ده؟ ايه الغرور ده دول افتكروا نفسهم بينافسوا ربنا بجد وللا ايه


يا نوارة عاوزين يطلعو بمصلحة بيتاجرو ب الدين زي الاخوان كدة ميفرقوش عنهم

TAFATEFO said...

تتعمد ايه وإبادة جماعية ايه .. ايه الكلام العجيب ده

مينا ذكري بيتكلم في موضوع تاني خالص

ومع احترامي لحضرتك وحضرته .. ممكن الدوله تكون استغلت الأزمة لتنفيذ قرار اتخذ من فترة طويلة .. وهو القضاء على الزبالين وعلى جمع الزبالة خارج نطاق الشركات المتعاقده معاها .. سواء المصريه أو الأجنبيه

رغم ان ده هيقطع عيش ناس كتير .. لكن في المقابل أي دوله لازم يبقى جمع القمامه فيها وتدوير المخلفات والتخلص من النفايات فيها بيتم في دورة محددة وبطرق تحافظ على البيئة والمواطنين .. مش بنكر ان البيزنس أكيد ليه دور كبير في الموضوع .. لكن متتاخدش بشكل مؤامره دوليه وإباده جماعيه والكذبه الكبرى .. هما مقالوش للناس ان الخنازير هتنقلكوا المرض وابعدوا عنها .. وكمان مقالوش للناس متعملوش مزارع خنازير وجيبولها علف .. ويمكن مأخدوش كل الإجراءات الاحترازية لمنع وصول المرض .. لكن ده مش معناه إبادة جماعية ولا أي حاجه من الكلام ده

بالله يعني في حاجه اسمها الدوله عايزه نبقى الأول في انتشار الفيروس ولا عايزه تموت سكانها

هما ولاد ستين كلب وأغبيا هليبه وحراميه ومنهم المعر*ين والخونه والأندال .. لكن مفيش حاجه اسمها عايزين يقتلوا الشعب وبيتعمدوا ينشروا الوباء

TAFATEFO said...

وبعدين ايه نشر الوباء والفتنة دي؟؟

نشر الوباء وده كلام ميتردش عليه .. فين بقى نشر الفتنة؟؟

بالله .. هي سوده لوحدها .. وفروا البويه

ايش حال من يومين كنتي بتقولي مسيحي ومسلم ايه ؟؟ الوباء ملوش علاقه بالخنازير والدولة أخدتها فرصه لتنفيذ قرار قديم بالتخلص من الزبالين وجمع وتدوير القمامة بطريقتها وبمعرفتها (حتى لو فيها ريحة بيزنس وفساد اللي هو العادي) متزودوهاش بقى وباء وفتنة

يعني هي ناقصه الحكايه ؟؟ وبعدين سيبوا موضوع الفتنة ده لأقباط المهجر .. هما هيقموا بالليله دي متقلقوش .. مستعجلين ليه مش عارف؟؟

مدونة النسر المصرى said...

نوارة
عدت من منطقى منشية ناصر منذ ساعات فى جولة لتفق
القرارباعدام الخنازير وزرنا اكثر من 450 حظيرة تقع على نحو 20فدان زبالة
لكن وقوف اهالى الحظائر منعونا من الفحص او حتى التصوير
برغم ان القرار الذى معنا مصدق من البيئة والصحة والوزير
سوف ارسل لك بعض من التقارير التى تناولناها فى منشية ناصر

أحمد غانم said...

بصراحة انا قرات مقال مينا
والموضوع غير مقنع وياريت تشوفية من تانى

على العموم هى وجهات نظر

احمد"حسن"سعيد said...

غريب امر هذا الفيروس والاغرب ان يرتبط بزيارة براك اوباما للمكسيك
وان يتبين ان رئيس جهازه الامني مصاب بها وان هناك مخاوف من يكون قد نقل العدوى لرئيسه
مع العلم ان الاعلان عن هذا المرض في المكسيك على مااذكر اتى بعد انتهاء زيارة اوباما بفترة لا بأس بها
السؤال : هل هناك من حاول قتل اوباما بطريقة مبتكرة ؟ وتسبب في نفس الوقت بانتشار الوباء؟.

Anonymous said...

ايه الكلام العجيب ده ...... بتتعمد نشر الوباء .. ونشر الفتنة .... بصراحة التصور ده مش تجسيد لمفهوم نظرية المؤامرة ... دا تجسيد لمفهوم السكتة الدماغية , وموت جذع المخ

ما تنسوش ترسموا علي الجذع قلب وسهم... واحمد ومني وحركات

مع تحيات منظمة خنازير بلا حدود

Anonymous said...

I am really frustrated after reading the mina's post and I feel no hope in this country. How quick the parliament moved and the government and the president to take a decision that made all the countries laugh at us?!. I felt that something is behind this decision but I never thought it will be like that. Many Many disaster had occured and we never saw the parliament this quick?!.

The worest thing I thought was that they took the swine flu thing to cover the problem of the 77 member whom membership were invalidated.

but this assures something which is everybody serves his own prespective because the muslim brotherhood members in our parliament were the first to call and support this decision. this is because they take it from a religious prespective. How stupid?!!. I hate to see people supporting such a stupid decision because of a religious thoughts or belives or even drived by them (Pigs smells shit!!. well all animals smells so?! you cannot stand a cow nearby you for 2 mins).

Pigs were source of income to many many poor people?! and these people are at the bottom and nobody look after them?! God be with them and with us too.

Shoukry

mar3e said...

النظام المصرى فعلا كل شوية بثبت ان غبى وجاهل وقليل الحيلة ياعينى ,
فكرة اعدام قطيع معين من الحيوانات خوفا من مرض ما هى فكرة علمية بالاساس , تطبق هذة الطريقة مثلا فى دول مثل بريطانيا فلو انتشر مرض كانفلونزا الطيور مثلا هناك فى مدينة معينة تجد ان الدولة تقوم باعدام جميع الطيور حتى لو لم تكن مصابة الموجودة فى هذة المدنية , فى هذة الحالة تجد ان دول فقيرة مثل مصر تعتمد على ايجاد تحصينات لانفلونزا الطيور المنتشرة بدلا من اعدامها لما ستسببة من خسائر اقتصادية
فى حالة فيروس الخنازير الحالى , لا توجد شواهد على وجود اى عدوى فى مصر اذا فلا داعى لاعدام الخنازير
حتى لو كانت هناك عدوى فى منطقة معينة كالقليوبية مثلا هذا ليس مبرر لاعدام الخنازير فى مصر كلها لما
سيسببة من خسائر اقتصادية كبيرة على مربيها ولكن فى هذة الحالة التى لم تحدث نقوم بعمل حجر صحى على محافظة القليوبية حتى نتأكد من التخلص من جميع الخنازير الموجودة بهامع ان هذا سيضر كثيرا
قرار اعدام الخنازير فى مصر تحركها عدة عوامل اولها دينى وثانيها سياسى
والضحية مربى الخنازير والخنزير نفسة الذى خلق ليس لكى يعدم

Anonymous said...

كلام جميل وخصوصاالاول وانهم فعلا لازم يفهمونا ازاى ناخد بالنا واصل الانفلونزا وكمان عالميا محدش وضح السبب الحقيقى والا مش عارفين فعلا
واكيد بتوع البيزنس بيعرفوا يستفيدوا من كل شىء حواليهم لمصالحتهم دايما

لكن الباقى مش مقنع اوى

بس تربية الخنازير بالطريقة دية فى مصر وزرائب مضرة جدا للصحة والبيئة يعنى الافضل انها تقل عددها وتتنقل بعيد عن السكان خالص القذارة مش محبوبة على كل حال

بس سؤال هو اشمعنا ابتدا فى المكسيك مع ان كل الدول فيها خنازير وطيور وانفلونزا يعنى مش اتحور عندهم كلهم لية وبعدين انتشر فى الدول الاخرى من المكسيك والمسافرين والله اعلم

ولا اية السبب العلمى ياريت لو حد يعرف يفهمنى
الناس شاكة انه معمول

Anonymous said...

ايه يا استاذ شكري .... انت عندك مزرعة خنازير ولا ايه ؟

فلاشاوي said...

بلاش هوس المؤامرة ده .. كل كلامه كأنه بيحضر لأن هيفجر مفاجأة في السطور اللي جاية .. وفي النهاية الموضوع خلص فجأة فين المفاجأة ؟؟!!

.. منكرش أن ممكن تكون الحكومة أستغلت الموقف جزئيا .. لكن يا حضرة أساسا الخنازير هي الوسيط اللي بيتطور داخله الفيروس .. واحنا بالفعل عندنا انفلونزا الطيور .. وإذا كان الفيروس اتطور في مكان تاني عن طريق الخنازير .. فوارد جدا يتطور عندنا كمان .. خاصة وأنت شايف الخنازير بتاعتنا بتتربى إزاي وفي أي وسط ..

طب يا ريت شركات قمامة متخصصة هي اللي تاخد المسئولية .. وتجربة الإسكندرية مبشرة .. مش بدل الزبالين اللي شغالين بمزاجهم .. وطبعا مش هينضفوا غير في الأماكن اللي بيكسبوا فيها بشكل ما .. بالذمة شركة أجنبيىة محترمة تشتغل .. ولا شغل الزبالين اللي موجود دلوقت .. واضح جدا من شوارع القاهرة أن الزبالين دول ولا ليهم أي علاقة بالنضافة .. ومش يهمهم أصلا .. لكن الشركة هتنضف الشوارع أول حاجة ..

على لإكرة أنا لا حزب وطني ولا يحزنون .. وبكره الحكومة دي زي كل الناس ما بتكرهها .. بس في نفس الوقت مش هتعاطف مع اي حد بيهاجمها لمجرد أنه بيهاجمها !!

معلش .. مقاله الطويل كله مجرد مشاعر فقط .. ومفيهوش اي منطق ..

ويا نوارة .. بلاش والنبي تصدقي اي حد بيشتم الحكومة لمجرد انه بيشتمهم .. بلاش البراءة دي !!

مصطفى said...

هناك قاعدة
منطقية تقول: ضع كل مايأتيك في خانة الامكان حتى يأتيك عليه واضح البرهان

موت جذع المخ والسكتة الدماغية هي من نصيب من يتلفون الكي بورد باجابات متعجلة وكأن الاجابة فرض عين على من لا يملكون مايؤكد او ينفى ماورد
الامر الذي اورده احمد حسن سعيد يتطلب وجود ثلاثة عناصر وغياب ثلاثة عناصر
الامكانية الفنية وهي موجودة على شكل مختبرات ومخازن اسلحة بيولوجية لم ينكر وجودها احد في امريكا
المصلحة وهي متوفرة لاجنحة امريكية قتلت من قبل امريكيين من اجل مصلحتها السياسية او الاقتصادية
الامكانية العملانية وهي تتطلب عنصر مصاب عمداً بالفيروس ودواء لمعالجته من الاصابة في حال كونه مهماً كفاية ليدخل البيت الابيض
والعناصر التي يتوجب غيابها هي

المرجعية الاخلاقية
المرجعية الدينية
الضمير

وغياب هذه العناصر عن امريكا المعاصرة ليس موضع نقاش بين عاقلين

Anonymous said...

هوا يعنى لازم أى حاجة يقولها مينا ذكرى تبقى حقيقة؟ يا شيخة بطلوا بقى الهبل اللى انتوا فيه ده ... يعنى المفروض نسيب الزبالين يربوا الخنازير على الزبالة ويدبحوها وتتسرب لصناعات اللحوم واللنشون والبرجر وغيره علشان سى مينا ينبسط وياكل مرتديلا؟ أنتى يعنى مش عارفة إن إعادة تدوير الحقن المستعملة من الزبالة واستخدامها فى صناعة الأطباق والمعالق البلاستيك بيتم نتيجة عشوائية جمع الزبالة ؟ وكمان استخدام القطن الطبى المستعمل فى صناعة لعب الأطفال؟
الموضوع لا طائفى ولا نيلة ، معظم الزبالين مسلمين زى ما سى مينا قال والموضوع كله بزنيس .... واللى عايز يربى خنازير يفتح له مزرعة محترمة فى أى داهية
أفففففففففففف قرفتوا أهالينا

Anonymous said...

استاذه نواره
يا ريت توضحى ....بس انفلونزا الخنازير ممكن تكون وباء فى مصر لانه بيحتاج تلات اشياء
1-فيروس انفلونزا الطيور"متوفر فى مصر والحمد لله بدأمن الفيروس الحقلى مرورا بالتحصينات اللى هى اصلا عترات بس مضعفه معمليا انتهاء باللقاح الصينى اللى هو اصلا الفيرس الحقلى بس مضعف"
2- خنزير للتحور داخله"موجود الحمد لله ويعيش جنبا لجنب مع الفراخ
2-بنى ادم يخالط الاتنين"موجود"
بس يعنى الخنزير ليس برىء هو بس موش بيموت من المرض وده اصعب فى الاكتشاف....وموش معنى انه ينتقل من الانسان للانسان ان الخنزير خرج من دوره حياه الفيرس
ملحوظه:انفلونزا الطيور كانت تنتقل زماااان من الفراخ للخنزير ثم البنى ادم ...لكن الفراخ قدرت تعتمد على نفسها وبقت تنقله للبنى ادم علطول بعد ان تحور الفيرس
دمى بخير....تقبلى مرورى

خاطر said...

تعمد إبادة ..!! كلام غريب جداً

أيضاً إنفراد حصري بإحصائية نصف مربي الخنازير من المسلمين .. كلام مناقض للواقع مثل تصريح البابا شنودة بأن النصارى لا يأكلون لحم الخنازير ..!!؟

Unknown said...

ممكن بس ما تتسرعوش في الفتي لحد ما مينا ينشر البوست التاني بتاعه؟

انا قايلة ان ده الجزء الاول وانه عنده مينا

وانا مش فاتحة سينما وباسليكوا هنا عشان واحد يقول لي مستني المفاجئة

يا حاجة روح اقرا الجزء الاول اللي موجود عند مينا

واللي فيه بيحلل ليه الدولة بتتعمد التضليل فيما يخص الانفلونزا الوبائية دي
وليه عايز تخرب بيوت الزبالين

عملت ايه وبتعمل ايه ده اللي مينا ح يكتبه في البوست اللي بعد كده من واقع زيارته للمواقع

وعشان تبقوا عارفين مافيش اي استعدادات في المطار

مع ان الخطر من المطار مش من الزرايب

اليابان حاطة جهاز في المطار يكشف على الحرارة اللي داخل حرارته مرتفعة بيحجزوه

مافيش اي حاجة في المطار عندنا

ياريت تروحوا تتفرجوا وتشوفوا اللي داخل واللي خارج عادي ولا كأن في اي وباء في العالم

كمان عندي شوية اخبار بس مش ح اقولها لانها من مصدر واحد وانا عايزة ابحث فيها وادور على المصادر عشان اقولها لكوا

وايوة فيه تعمد من الدولة لانتشار الوباء


مش اهمال

مش اهمال

مش اهمال

تعمد

واللعب بالورقة الطائفية من الدولة مش من الناس لا من الزبالين ولا من بتوع البزنس لانهم اصلا نصهم مسلمين وكلهم متخلفين ومينا ح يحكي لكوا ازاي

وما تستعجلوش في الاحكام كده

انا مش عايزة اخض حد
بس احنا مقبلين على وباء ولازم ناخد احتياطاتنا

احنا كنا نمرة تلاتة في وبائية انفلونزا الطيور في العالم

والانفلونزا الجديدة دي مش هزار

لسة جاي لي دلوقت خبر ان الامن منع قناة الجزيرة من التصوير في منطقة الخصوص

وبيضحكوا على الزبالين وبيغرروا بيهم

وعلى فكرة الزبالين ما عندهمش مانع من اعدام الخنازير
وعلى فكرة هم مش دريانين بحاجة ولا عارفين ان بيتهم ح يتخرب
واغلب من الغلب واهبل من الهبل

Unknown said...

وبالمناسبة حلمبوحة كانت سايبة لي تعليق تقول لي: هل اصابك الغرور؟

هههههههههههههههههههه
بصراحة انبسطت قوي
قوي
حسستني اني النجمة العالمية الحائزة على جائزة اوسكار احسن صنية كنافة

دي مدونة

من ام بلاش
وانا بارغي هنا من ابو بلاش
وكل الموضوع على بعضه شوية رغي

وعشان كده اصابني الغرور بعد ما اخدت جايزة احسن رغاية من ابو بلاش

وبعد كل الرغي اللي رغيته في موضوع التدوين ده
لسة فيه ناس متخيلة ان التدوين ده هو اللي اخترع عجلة التغيير وهو الحزب السياسي البديل لرئاسة الجمهورية زي ما كان واحد دخل لي وقال لي: بتمنعي تعليقي؟ امال لما تبقي رئيسة جمهورية ح تعملي ايه؟
:)
اشوفه مهندس يارب
الهي ياخد الدكتوراه في الطب ورتبة لواء في الهندسة اركان حرب
ويجبر بخاطره زي ما جبر بخاطري ولا يغلب له ولية قادر يا كريم

Anonymous said...

معلش يا نوارة بلاش تقولى على الزبالين اهبل من الهبل لو شتيمة
هما ظروفهم بس اللى خليتهم معندهمش وعى زى المثقف

منظور شامل للحياة السعيده said...

انا مع طفاطيفو في كلامه


انا اللي فهمته من موضوع مينا ان:

1\ الفيروس مش فيروس خنازيري (و دا انا كنت عارفه) و متفق معاه فيه

2\ الدوله عاوزه تقضي على مملكة الزبالين (يا ترى كده الدنيا هتنضف اكتر؟ يا ريت)

انما الدوله عاوزه تنشر الوباء!؟؟؟!!؟1

عاوزه تنشر الفتنه؟!!؟؟!؟!؟

مفهمتش كدا خالص من الموضوع

غير ان فيه كام جمله معجبونيش في المقال مثل:

"خطورة التضليل الحكومي تكمن في الحقيقة في فكرة ترسيخ الفزع الجماهيري من الخنازير والمتعاملين معها وآكليها والمتاجرين بها..."

ايه رأيكم؟

منظور شامل للحياة السعيده said...

فلاشاوي

كلامك كلمه كلمه كنت هكتبه

شكرا ليك

Unknown said...

الاخ اللي زعلان مني عشان باقول عليهم اهبل من الهبل

طيب انا ح اقول لك وانت تحكم:

ناس مصدقين ان الحكومة ح تديهم فلوس

بيقولوا ح يعدموا الخنازير مش ح يدبحوهم واحنا مش ممانعين بس احنا متأكدين ان الحكومة ح تدينا تعويضات

وماله يا بيه، هو احنا يعني عايزين نموت؟ احنا كمان خايفين على عيالنا

القسم يضربهم ويقولوا عليه: لا بس دول اخواتنا وحبايبنا ومهما كان مش ح نهون عليهم (قصدهم على الشرطة) ما جراش حاجة يعني لما عملوا معانا كده

ده اسمه ايه؟

مش هبل
طيب ايه؟

Unknown said...

اه ونسيت اقول لك

القسم عمال يقول لهم: الموضوع حساس بين المسلمين والمسيحيين

وهم عمالين يقولوا ما كلنا مسلمين ومسيحيين بيوتنا ح تتخرب

وبعدين يرجعوا تاني يقولوا القسم حبايبنا