Sunday 27 February 2011

اللواءات بيقولوا للي في التحرير يروحوا، وانا باقول يروحوا برضه

تحديث للتذكير:
لو تذكروا المقابلة مع هشام البسطويسي لما قال ان الثورة المضادة بتعمل على ان ناس تعمل اعتصامات ومظاهرات باعداد قليلة لا تكسب الشارع، وتفضل الاعداد تتناقص لحد ما يرجعوا 200 واحد على سلم النقابة وبعدين مبارك ينزل مظاهرة مليونية ترجعه او تجيب ابنه... وقال ان النزول يوم الثلاثاء اللي كان العدد فيه 10 الاف كان غلط.. وقال لنا: ما تتكررش تاني، ركزوا على الحشد ليوم الجمعة بس، وده ضاغط كافي، النزول للتحرير في وسط الاسبوع بيستعدي الناس
---------------
اللي بيحصل ده خصم من يوم الجمعة
والحقيقة اننا كان لازم يوم الجمعة لما نزل نص العدد بتاع جمعة القرضاوي نحترز ونعرف اننا نقدم الجدول الزمني وما ننزلش الا بعد انتهاء الجدول الزمني
انما المرواح والمجي على التحرير باعداد، عشرتلاف، وبعدين خمستلاف، وبعدين دلوقت بتاع الفين واحد في التحرير، احنا كده بنخسر، وبنخسر الشارع قبل اي حاجة
حاطط وشك في وش الجيش وحكومة شفيق ومدي ضهرك للشارع كالعادة زي ما المعارضة بتعمل طول عمرها
طول عمر المعارضة حاطة وشها للنظام، والنظام حاطط وشه لامريكا وامريكا باصة لاسرائيل وواقفين عاملين طابور والناس وراهم 
بصة مبارك لامريكا خسرته كرسيه
وبصة المعارضة للجيش والشفيق حتخسرها الشارع اللي هو اساسا عمل الثورة دي
ارجعوا، مش حنعرف نحشد ليوم الجمعة كده، وكل يوم بننزل فيه من غير اذن الناس، اللي هم اهم من الجيش ومن شفيق ومن اي حد، كل ما بنخسر اكتر، وبناكل من العدد اللي جاي يوم الجمعة
الجيش ضربنا فجر 26 والناس انحازت للجيش، لاسباب عديدة:
1- فيه علاقة حب بين الجيش والشعب فعلا، الشعب بيحب الجيش، وبيهابه، وحيكرهنا لو حس اننا بنورطه في تصرفات تهز صورته في عينه، مش حيكره الجيش، ماحدش بيكره جيشه، والمصريين بالتحديد مش حيكرهوا جيشهم مهما عمل، حيكرهوا اللي اضطر جيشهم - من وجهة نظرهم - انه يعمل تصرف يتنافى مع عشمهم فيه
2- اننا في اليوم ده اعتصمنا من غير اذن الناس، ولو كان الناس اذنت لنا كانت باتت معانا
قبل ما تستأذن اللواءات، وقبل ما تستأذن اللي معاك، استأذن الناس، الناس ما اذنتش يبقى ما تكملش، رحت لقيت العدد قليل روح، الناس كده مش عايزة، ومدام مش عايزة تبقى مش عايزة
وكل ما بتشيل الناس منك كل ما بتخليهم ما ينضموش لك في اي حاجة، ما تجبرش الناس انها تنحاز انحيازات حتضرك وتضرهم
البيات يوم 25 اكل من رصيدنا
خلاص.. خلاص.. نفهم بقى؟ رحت تاني يوم ولقيت العدد قليل ولقيت الناس مش منفعلة معاك، بل ومتغاظة منك.. خلاص
خلاص انت كده بتخسرهم
يعني تخسر الجيش وتخسر الناس، وتكسب ايه؟ تكسب هبلك
مش مهم تكسب الجيش، المهم تكسب الناس
الناس نوعين، نوع بني اسرائيل ده، يولعوا بجاز وسخ
واغلبية نزلت معاك واتبهدلت واتقتلت واتعورت وبتقول لك مش عايزة انزل.. يبقى خلاص، هم ادرى، وبوصلتهم احسن، بدل ما تقعد تتكلم عليهم بشكل نخبوي وتقول جايين يطبلوا ويغنوا، جايين ياكلوا حمص الشام، اتنيل على عينك واسمع كلامهم
وامشي وراهم مش تمشيهم وراك، مشيك وراهم هو اللي نجح الثورة 
انا شخصيا شايفة ان يوم الجمعة مش حيبقى ناجح ولا حاجة، ولو اني نازلة، انا بانزل حتى في الحاجات اللي مش موافقة عليها عشان الواجب بس، للمؤشرات الاتية:
1- يوم الجمعة اللي فات العدد كان مليون بس تقريبا، الجمعة اللي قبلها كانت خمسة مليون، يبقى الجمعة الجاية حتتناقص
2- ضرب الجيش للمعتصمين قلل من رصيد المعتصمين مش الجيش، وشيل الناس منا
3- الناس مش شايفة سبب قوي للنزول
لذلك، كنت افضل الجدول الزمني والاعلان اننا مش حننزل لمدة تلات جمع، وحنستنى انتهاء الجدول الزمني
لكن اذا كنا حنحشد ليوم الجمعة، يبقى تأكدوا، تأكدوا، تأكدوا، ان كل يوم بننزل فيه باعداد قليلة وسط الاسبوع بيسحب اضعافه من العدد اللي جاي يوم الجمعة
الادعاء بان يوم الجمعة مش مؤثر دي هلاوس سمعية وبصرية
يوم الجمعة بيبث مباشر للقيادات العسكرية وبيسمعوا فيه بالظبط الهتافات والطلبات ايه، ويوم الجمعة ضاغط، والعدد ضاغط، واهم حاجة بالنسبة لهم العدد، لو العدد كبير حيعرفوا ان دي رغبة الناس
ودي مثلا احد الاسباب  اللي خلت بعض ظباط الجيش يقووا قلبهم ويضربونا، ان عددنا كان قليل، احنا بالنسبة لهم مش الشعب اللي ما يهونش عليهم يضربوه، احنا ناس مندسة عايزة تعطل البلد، نستاهل الضرب، دي طريقة تفكير الجيش، ودي طريقة تفكير ناس كتير.. والمفروض ان شكوانا من اننا انضربنا اليوم ده نحاول نصالح الناس فيها باننا نؤكد ان عمرنا ما حنمد ايدنا على الجيش واننا لسه بنحترم الجيش وان ده ما كانش العشم ابدا واننا متأكدين ان القيادات ما ادتش اوامر، وان فيه فعلا مندسين عشان يوقعوا بين الشعب والجيش
وده تطييب لخاطر الناس اللي بتحب الجيش.. مش مفروض انك تتجاوز مع الجيش حتى وانت بتشتكي من سوء معاملته كرامة لعيون الشعب اللي فعلا بيحبه
والله عايز تتخانق.. اتخانق، بس شوف الخناقة حتكسبك ايه؟
عايز ترجع لعقلك وتمشي ورا وجدان الشارع يبقى اللي في التحرير دلوقت يرجعوا مدام الجيش قال لهم ارجعوا، وما ينزلوش تاني لحد يوم الجمعة، ولو فيه وسيلة لتقديم جدول زمني والغاء يوم الجمعة يبقى ياريت
ياريت
ياريت
ابوس ايدكم يعني
ولازم ترجع الهيبة للجيش، مش مجاملة للجيش، مجاملة للشعب اللي فعلا بيحب الجيش، ومن زمان وهو بيحبه، ومش بيقبل عليه اهانة، وفي اي خناقة حينحاز له، حتى لو كان هو اللي غلطان، وكبيرة عنده قوي ان الجيش يعتذر، وانا شخصيا متأكدة ان فعلا القيادات ما ادتش الاوامر دي، بس حتى الظباط الصغيرين عشان يوصل له احساس اننا نستاهل الضرب، يبقى ده احساس مصريين كتير، ماهم الجيش والشعب ايد واحدة فعلا، لان الجيش من الشعب، دول مش مؤسسة معزولة زي الشرطة، دول شعب
سايس حصانك
عارفة ان الكلام ده مش حيعجب ناس كتير
وعارفة اني اساسا ماحدش بيسمع كلامي لاني واحدة ست
بس انا باخلص ضميري
الا هل بلغت؟ اللهم فاشهد

107 comments:

Unknown said...

walahy anty bant gad3a w fahmaa moot

Moataz Medhat said...

1-بخصوص الحشد:ياريت يحصل،و عايزين نشوف قيادات واضحة بتكلمنا و تكلم الجيش، بدل الشباب اللي منعرفش عنهم حاجة.
أرجوكي نظمي مجموعة من المدونين و الصحفيين اللي كانوا موجودين من قبل 25 يناير،و اللي عايز ينضم معاكم أهلا و سهلا.

2- محتاجين فعلا توعية للناس، لأن اللي بنخسرهم هما بتوع نصبر و نشوف،لازم نوعيهم

و ايه موضوع محدش بيسمع كلامك دي؟ أنا هعتبرها هزار

واحد مش فاهم حاجة said...

انا مش عارف انتي اتحسدي ولا ايه الي جرالك ركزي شوية مش كل مرة تقولي فكرة شكل انزلوا لا متنزلوش لا مش عارف ايه مش عارف انتي مالك اكيد دي عين

نسيم الفجر said...

أنا موافقة جدا يا نوارة على رأيك دا وفي كل الأحوال لازم مش ننكر أن فيه ناس اصلا فضلت انها تدي للجيش فرضة لتحقيق المطالب بدون أي تظاهر وبقول انه مظاهرات يوم الجمعة هي الاكثر تأثيرا عن اي مظاهرات في باقي الاسبوع لأن الناس في الشارع كدا هتفقد تعاطفها مع المتظاخرين وهتقول ع المتظاهرين بيعطلوا الحياة وهتصدق اي وقيعة بين الجيش والمتظاهرين ان الجيش له حق يعمل فيهم اي حاجة....اقتراح الجدول الزمني دا بجد لازم يوصل للمجلس العسكري هو دا الطريق الأكثر حكمة دلوقتي.

abderrahman said...

فيه حاجة محدش مهتم بيها شوفتها يوم الضرب، ناس كتير من اللي بتنزل التحرير فعلا شكلهم ما كانش ليهم علاقة بأحداث الثورة ولا ميدان التحرير، الناس دي فيه منها جاي يحتفل ومش بحماس اللي عايزين يعتصموا، وفيه شباب شوفتهم كانوا حابين يجربوا فكرة البيات جنب الدبابات، لأنهم محضروش ولا يوم من أيام التحرير وقت الثورة
الأهم من كده، انه فعلا اتعاملت مع ظباط جيش مستنزفين من كم الأسئلة اللي بيتسئلوها، والاشاعات انه مش عارف فين ناس اضربت، وعيال بيشتغلوا بعض وهما يتدخلوا، مش عايز أسفه من جهد المعتصمين، لكن في معارك في أماكن تانية، مش عايزين انتكاسات في أحياء القاهرة بعيدا عن التحرير. لازم استعادة الناس اللي نزلت يوم 28 يناير عشان تصلح في مناطقها وفي شغلها

إيمان هلال said...

معاكى فى كل كلمه قولتيها ، تحياتى

Unknown said...

بصى ع الرغم من انك ست لكن كلامك كلام 100 راجل احنا بدانا نفقد تعاطف الشارع ودى اخطر حاجه

Magdy El-Serafy said...

بصفتى واحد من الشعب-مش نشط سياسى لكن باعتبر نفسى جزء من الثورة: متفق معاكى فى ان الوقوف فى التحرير لازم يبقى محسوب و لهدف محدد وواضح فى كل مرة مش لمجموعة أهداف. و كمان ينتهى قبل الحظر احتراما للجيش. مع تأكيد أهمية الجدول الزمنى و اللى يجوز يتعمل بعد الحوار مع الجيش

Unknown said...

برغم ان مش فاهم نص البوست تقريبا ..لكن نهايته واضحة ومؤثرة واتفق معاها تماما ..بس برضه يا نوارة ما تنسيشي انك اللي دعيتي ليوم الثلاثاء ..وكان المفروض تقرأي التعليقات اللي الناس شاركت بيها علشان تعرفي انك كنت بتحشدي في الاتجاع الغلط .. برضه خللي بالك لو استنيتي 3 اسابيع صعب جدا الناس تستجيب معاكي وتنزل تاني ولا اعتقد ان ممكن تكون هتاك مليونيات اذا عملتي كده ..3 اسابيع المدارس تشتغل والناس تخش في همومها ..والدوري يبدأ وحيخلوا ماتش جامد كل يوم جمعه ..والمسلسلات تبدأ بقي ويجيبولك مهند يوم الجمعه ..وباظت الثورة ..
نرجع تاني وسط الناس ونحشد صح ..وارجعي بقي ادي شباب الاخوان حقهم ودورهم في الثورة ...استبعادكم ليهم انت وشباب الائتلاف خسرنا كتير ..من ناحية العدد ومن ناحية التنظيم ..كمان كنا بنحش بالامان وهما بيحرسوا الميدان وننام براحتنا ..الناس دي جندي مجهول في الثورة ووافقوا وشجعوا انهم يفضلوا في الخلفية واحيانا ابعد من الخلفية كمان لمصلحة الثورة والشعب ..
لكن اتفق معاكي اننا ما نخسرش الجيش وكتبت كده في البوست السابق ..واتفق معاكي في التوجه مرة تانية للشعب ..لكن الجمعه حاجة مهمة والدعوة ليها بحماس مش مجرد المشاركة حاجة مهمة برضه

من أجل حقوق المصري said...

معترض على فكرة إن الضباط الصغريين عملوا كدا لوحدهم
كان هناك أكتر من عقيد عند كل منفذ
عقيد دا مش صغير خالص
عدد الرائد اللي شفتهم أكتر من 15 مابين شرطة عسكرية وجيش عادي
وبعدين القوات الخاصة
كل دا أكيد مش تصرف فرد
والله كان قائد الوحدة عندنا اللواء كان يخاف يبعت عساكر تسقى الشجر بره عشان مايكونش كسر أوامر
مستحيل في الجيش المصري إن تكون دي تصرفات فردية
أنا صحيح ماكنتش عند مجلس الوزراء وإنتوا جوا، بس حاولت ولاقيت العقيد بيقول هيحصلكوا النهاردة حاجة وحشة لو ماروحتوش
كانوا مبيتين النية
صحيح هما غير الداخلية تماما لكن اللي حصل كان متوضب من فوق، ولاأعتقد إن يكون في إختراق من الداخلية أو غيره
هما سمحوا أي القيادات العليا سمعوا نصيحة واحد ربنا ينتقم منه، ووعدهم إن الموضوع هينض بسرعة
تقريبا هو نفس اللي وعد مبارك إن الموضوع يوم الأربع هينفض وبعت الجمال والبلطجية والعساكر المسلحة يقتلونا
أنا مش شايل من الجنود اللي ضربونا أول إمبارح، بس في حد في القيادة رامي ودن للسفلة القدام
مش عارف خطتنا بالزبط تكون إزاي بس زي ماقلت دا ماكنش تصرف فردي

Unknown said...

كلام رائع و فائدته انشاء الله عظيمة

يوميات شاب منوفى said...

انتبه من فضلك السيارة ترجع للخلف
لازم نفكر فى اللى بيحصل احنا كدة بنخسر كتير والوقت مش فى صالحنا والشارع زهق مننا وبنتقد عاطفهم لابد من حل سريع قبل ان يضيع كل ما فعلناه

يوميات شاب منوفى said...

منى الشاذلى: الحبس 6 أشهر لمن يخرق "حظر التجول

Unknown said...

مين قالك ان محدش بيسمع كلامك
ربنا يرزقك الحكمة كمان و كمان
ربنا يبارك فيكي و يحميكي
انتي فتحتي عنينا
ربنا يجعل عتق رقبة 85 مليون مصري في ميزان حسناتك

و معاكي حق تحتاري في موقف الجيش
الجيش مع الثورة 99% بس
و فيه 1% مندس بيفكر ازاي يولع فينا هاهاهاها
بس واضح ان الشخص اللي عامل قلق ده مش بالقوة الكافية انه يدمر الثورة

و الجيش فعلا بدأ يسرع التنفيذ بسبب المظاهرات و الاعتصامات

ربنا يهديهم و يخلصونا من شفشق و عصابته

و لو كانت الناس سكتت بعد مشي مبارك كان زمانا لقينا شفشق رئيس جمهورية

ربنا يصلح الحال
و بالراحة علي نفسك
انتي عملتي شغل رائع
و لسه بتعملي شغل اروع

ربنا يحميكي

Unknown said...

انت زعلانه ومقهورة يا نوارة وكلنا زعلانين وماحدش قال تستاهلوا الضرب ولا حاجة كلنا قلنا احنا متفقناش على بيات كده هم لوحدهم وممكن اي حد يضايقهم والبلطجية يشتغلوا عليكم
ماحدش غلطان يانوارة ولا حد ملام منكم بس الاحس نتفق ننزل الجمعة ومنباتش وناخد بالنا زي ما كنا بنعمل دوريات ولجان عشان مافيش بلطجي يدخل وما ينفعش ننزل وسط الاسبوع شوي وشوية لان الحياة رجعت ودي ثورة سلمية يعني مستمرة مع الحياة وممكن تستمر اكتر فبدل ما نخلص قوتنا ويتسلوا علينا نوحد يوم نزولنا وخنعمل فيه ايه ونحضر له طول الاسبوع والجمعة يوم مؤثر جدا كلنا تعاطفنا معاكم وماحدش قال يستاهلوا ازاي وانتو مصريين زيينا اخواتنا واهالينا وعيلنا كمان
انا مش حتكلم عن الجيش مش لان مش ممكن اجي عليه ختى لو غلطان لا لاني معرفهوش ومعرفش بيتعامل ازاي هو مفجأة لي لكن عارفة امن الدولة والحزب الوطني وبلطجية الانتخابات
سيبك من موضوع الجيش دلوقتي هو اعتذر ووعد بعدم التكرار وخلينا نسيب الامور كده احنا محتاجين نكون ايد واحدة والاخوات بيسحملوا بعض ختى لو مختلفين في تفكيرهم او حياتهم او رؤيتهم بيرزعلوا شوية ويتقمصوا من بعض وبعدين يتصالحوا
كلنا نفسنا المطالب تنفذ انهارده قبل بكرة بس بكرة لسه ماجاش وحيجي إن شاء الله رباني وعلى فجأة وبكرة تقولي مروة قالت بس لازم نفضل ننزل مع بعض روح واحدة اتفاق واحد قلب واحد

Unknown said...

كلامك صح يا نواره بس احنا دلوقتي هنعمل ايه؟؟؟؟؟ لازم الكلب اللي اسمه فشيق ده يمشي ولازم باقي المطالب تتحقق والا هنكون زي اللي رقصوا ع السلم ودلوقتي احنا كلنا ندعو لمظاهره يوم الجمعه بس حتي علشان الناس ما تملش ولا ايه؟؟؟ بس انا خايف لو الناس رجعت البيت ينسوا الموضوع وهووووب يتنسي ونروح احنا والثوره ف 60 تيييييييييييييت ولا ايه؟؟؟

tahrir said...

انا اسف
بس بجد شايف ناس عاجبها قاعدة الاستوديو و ناس قاعده مع المثقفين و المنظرين للمرحلة القادمة مع اننا لسه ما خلصناش مطالب الثورة و الكلام بقى ناعم و حنين , و المنصة اتقلبت دي جى و طالما المنصة بتطبل يبقى المتظاهرين يرقصوا , يا جماعة الوردة اللي في ادينا بتدبل
كده مش حينفع
عشان نخلص مطالبنا
لازم نوجه نداء لكل فرد حضر مظاهرات يوم 25 يناير انه يحضر في يوم محدد و مش حيكون فيه منصة حيكون فيه صوتك و وقفتك عشان مطالب الثورة تتحقق

wahibium said...

سؤال:
1- لو لاحظوا ان العدد يقل كل جمعة, هل تعتقدي انهم هينفذوا الجدول الزمني?
2- هل تعتقدي ان مظاهرات الجمعة فقط ورقة ضغط? انا اراها مفيدة لهم لانها باجوائها الاحتفالية ترسخ في العقل الباطن للناس ان الثورة انتهت مما يصعب من اي محاولة لتعبئة الناس لاحقا
3- الا تري ان في الاعداد القليلة فرصة لدفع الجيش ليبين موقفه الحقيقي حين يحس انه الطرف الاقوي (لو لم يكن العدد قليل يوم الجمعه لما عرفنا بموقف الجيش)

يوميات شاب منوفى said...

يانواره محمود صبرة مدير مكتب مبارك قال دللوقتى على الحياه " صفوت الشريف بيطلب من اعضاء مجلس الشعب المحلول تجميع الناس من دوائرهم كل واحد 5000 واحدامام مسجد مصطفى محمود وعمل مظاهرة لاعادة الحزب الوطنى وجمال مبارك

كدة الحرب بقت علنى عيا وعلى اعدائى

Unknown said...

انا عجبني الكلام بس فس نفس الوقت احبطني
هو احنا اغبي مثلا مش زي التوانسة الي عارفين هما عايزين اية و المصلريين انضحك عليهم هو حد يرضي و يسكت ولسه فيه شفيق و مرعي و وجدي و مشعل بجد يبقا حرام
انا كده هكره الشعب قبل الجيش

mido said...

بوست ردىء جدا، لو نسحبتوا من الميدان حتضيعوا
لا اثق فى اللواءات
النهارده عدد اللى اعتصموا اكبر من امبارح وبكرة اكبر
من الجمعة للجمعة العدد حيقل، ليه؟
السبب بسيط جدا، لانك معندكيش قوة على الارض فى وقت المجلس العسكرى بدأ يسوف فى مطالبنا ويستخدم الاعلام فى الثورة المضادة
اذا قوتنا الوحيدة ( فى عدم كفاية الجمعة ) هى الاعتصام

Kalimalhus said...

كلامك للأسف صح
و حطى تحت للأسف مليون خط و أنا متأكد إنك إنت نفسك بتقوليه بكل أسف

مش فاهمه said...

انتى بتقولى ايه يا نوارة جدول زمنى ايه و بتاع ايه و مش حانسمع كلامك ايه مش علشان واحده ست علشان معلهش اسمحى لى ساعات بتفوت عليكى حاجات محمد دياب النهارده قال مش حانسيب الميدان و فيه قيادات قالوا لهم خليكم فى الميدان و ماتمشوش الغلط كان فى ترككم للميدان و انكم ماقولتهاش صراحه فى الميدان انكم بايتين رغم ان حسين عبد الغنى قالها اكتر من مرة
الغلط مش فى انك ست لأ الغلط فى انكم مش ايد واحده للأسف و مش عايزين تختاروا حد يتفاوض باسمكم احنا اللى حانموت من حاله التراخى الأمنى و من حالة الثورة اللى عشناها و دلوقتى بتنزل على مافيش جدول زمنى ايه الوقت مش فى صالحنا و كل ده علشان مش عايزين تتفقوا على شخصيه تتفاوض باسمكم
بجد انتى احبطتينى اخر حاجه

Unknown said...

الخوف عندى كان من افتقاد لتعاطف الناس .. ودة شفتة الجمعة اللى فاتت .. ودة خوفنى بجد من اننا نخسر تعاطف الناس اللى هو الشعب ... انا عارف ان دى مصلحة لشفيق اللى مستخبى ورا حب الشعب لجيشة .. وخوفى الاكبر لشفيق يلوى دراعنا بالحب دة .. ويستمر فى عنادة ذى رئيسة .. وواضح انة ماشى على نفس النهج .. ياريت الشباب ينسى الظهور الاعلامى دلوقتى ويركز فى الجدول الزمنى ومتطلبات المرحلة القادمة بأكثر جدية

Early bird said...

احساسك انك بتفقدى تعاطف الشارع ده غلط

تعاطف الشارع اللى بيرحعوهولك تصريحات زى بتاعه محمود وحدىوالتحفه اللى اسمه شفيق

جمعه القرضاوى دى علشان الناس عارفه انها احتفال وان كنتى بتقيسى عليها تبقى غلطانه

قيسى على جمعه الرحيل وما قبلهاوالشغل يبقى فى المحافظات ويتم التركيزالاعلامى عليها

الناس المتعاطفه دى على الارض هم صفر هم الناس اللى بيشاورولكم من البلكونات ومش حيعملوا اكثر من كده وبيدعوا لكم انكم تعتصموا وتتظاهروا لانهم مش قادريين يعملوا غير كده
مش كل الناس قد المظاهرات والاعتصام

الناس دى اللى مكانوش عارفين يناموا يوم 2 فبراير واحساسهم انكم ممكن تموتوا وكانهم معاكم فى الميدان بيقلبوا القنوات زى المجانين وبيدوروا على الجزيره وبيسبحوا ويصلوا ويدعولكم ده اخرهم اقولك بقى ايه احساسهم زى بالضبط ما يكون فيه جراح بيعمل عمليه لواحد عزيز عليهم مش قادريين يدخلوا معاه وفى نفس الوقت قلبهم بيتقطع على المريض

اعتمدى على الله وتشاوروا مع المعتصميين اللى كانوا معاكم ودعوكم من المنظريين والمعارضيين والقيادات القديمه حتى لبتوع الاخوان
والجدول الزمنى ده جميل لكن انتى نفسك ملاحطه مبيبقاش فيه تصرف عاجل الا لما نقول بكره حتطلع مليونيه

انتم اللى احساسكم صح مكنتوش مستنيين حد ومتستنوش حد ومن مصلحتكم ان ميبقاش معاكم مخدليين

والناس مش ضدكم علشان واخده صف الجيش اصلا فيه ناس زهقت مع انها مش مضروره وناس ليها مصلحه من الفساد وناس كل مشكلتها انكم معطليين المواصلات ده غير بقى فقدان الامن

ودول لما تناقشيهم ان ازاى تطمن لجهاز امن فى وفت الشده يسيبك تلاقى بقى هرتله وان المتظاهريين دول بيتبطروا على النعمه

بعد ثلاثين سنه تربيه على الذل تفتكرى حنكون احسن من بنى اسرائيل اللى شافوا شق البحر وبعد كده عبدوا العجل

بس ان شاء الله نكون احنا غيرهم
على فكره انتى محتاجه تنامى او تتفرجى على فيلم عربى قديم افصلى شويه وفكرى فى حاجه تانيه

mony said...

http://dostor.org/art/articles/11/february/27/37143 ايه رأيك؟؟؟
الكلام ده بافكر فيه من إمبارح ربنا يستر

مش فاهمه said...

اهو انتى حاتعملى زى بلال فضل كده علقتونا و سيبتونا فى الهوا هو مابقاش يكتب و لا بيطلع فى برامج و انتى حاتستنى صدقينى يا نوارة فكرتك النهارده دى عامله زى فكرة شرم الشيخ و النزول يوم الثلاثاء افتكرى البسطويسى قال ايه

احمد خليل said...

قد اختلف معك صديقتى العزيزة
السلطة الجاكمة الان ليس نسيج واجد قطاع مؤيد للثورة بشكل كامل ويساعد على نجاحها (بيان المحلس فى الفيس بوك )وجزء اخر قد يكون مناوءا بيان التلفزيون وجود الاعتصام يوميا فى التحرير بشكل لا يعطل المرور يدعم القطاع المؤيد للثورة ولن يخسر الشارع بل سيتعود علية الشارع
ثورة 25 يناير لم تعد ملكا للمصريين بل اصبحت ملكا للعالم واى اعتداء على المتظاهرين لن تحتملة حكومة احمد شفيق المهتزة ...المهم ان يتم تدعيم المعتصمين بعناصر واعية تستطيع التصرف بحكمة

حسين محمد said...

وايه المشكلة لما تكوني واحدة ست يا نوارة
الكلمة دي وجعتني اوي بصراحة ازاي فكرتي في انك تقوليها
وبعدين انت ست برجالة كتير وعندك عقل احسن من شنبات اكتر
كفاية عزيمتك واصرارك حتى ولو كان عندك قرارت غلط وحتى لو انا شخصيا بختلف معاك في توجهات واراء كتييييييير لكن مش من حقك تقولي الجملة دي اصلا

hosam mostafa said...

على عكس اللي اتوقعتيه، كل اللي علقو قبلي قالوليك برافو، ودا معناه إنك إتغشيتي وبدأتي تتهزي، لايحق لأي أحد أن يقول لآ تنزلو، وبعدين أسلوبك مستفز جدا وخارج عن حدود الأدب

hosam mostafa said...

على عكس اللي اتوقعتيه، كل اللي علقو قبلي قالوليك برافو، ودا معناه إنك إتغشيتي وبدأتي تتهزي، لايحق لأي أحد أن يقول لآ تنزلو، وبعدين أسلوبك مستفز جدا وخارج عن حدود الأدب

mido said...

صحيح مقلتيش ايه سبب انخفاض العدد الجمعة اللى فاتت على الرغم انه مكنش فيه اعتصام الاسبوع اللى فات !!؟

Sgheita said...

so ya Nawwara you are saying true things that breaks my hurt and go against my basic instinct! Are you sure that the people sided with the army against those of us who got hit? Can u find out some how why el shabab who originally went down until 11 february and called for going down then are not doing that now after they saw that the army is not giving them their demands on a silver tray? where are they and what's the secret behind their disappearance? Finally if we try to enlighten el sha3b elli e7nah faqadnah ta3atofoh about importance of going down and real intentions of the army, what do you think the result will be?
Sarah (beta3et el jacket :)

Tears said...

نوراة بغض النظر عن كل ده ممكن تعلنى قناة التحرير ح تفتح امتى و هل هى فعلا مستقله و لا ح يطلع فيه ناس من اياهم مسيطرين عليها

القناة دى اهم حاجة دلوقتى لان الاعلام الحكومى بيغسل مخ الناس دلوقتى و عايزين الكويسيين بتوعنا يطلعوا فورا فى القناة دى و يتعمل لها دعاية كبيرة من خلال بانرات و صور تتحط على مدوناتنا و يتبعت رسايل على الموبايل و كل ده النهاردة قبل بكرة

الاعلام نازل فى الناس يفهم كله غلط و يروج لعمرو موسى و لسه فيه شخصيات ممنوعه على التلفزيون المصرى و لسه شفيق بيتصل يلغى برامج

hosam mostafa said...

على عكس اللي اتوقعتيه، كل اللي علقو قبلي قالوليك برافو، ودا معناه إنك إتغشيتي وبدأتي تتهزي، لايحق لأي أحد أن يقول لآ تنزلو، وبعدين أسلوبك مستفز جدا وخارج عن حدود الأدب

nosseir said...

اكبر خطاء هو قرار الاعتصام بدون تجهيز لة ..يعنى المفروض مثلا كان يتقال احنا منتظرين اقالة الحكومة ...قبل الميعاد الفلانى...ولو ما حصلش يبقى هنصعد ونعمل اعتصام...والكل يكون عارف ان هيكون فى اعتصام...مش يتاخد فاجاة كدة...يعنى انا مثلا متابع صفحة كلنا خالد سعيد..ولا اتقال فيها عن اعتصام ولا غيرة ..لازم القرار يكون جماعى ..يعنى بالتنسيق مع وائل غنيم وباقى الناس ..عشان لما يتقال فى اعتصام..تلاقوا ناس تنفذة

George El Khal said...

Dear Nawara : you'r exhausted and confused..like all of us..Please, have some rest,..to re-energize ... God bless.

Ahmed Hassan said...

انا شايف ان الجمعة هيكون عدد اكبر فيه ناس كتير كانت مترددة في الاول لان التلات فشل و مكنش فيه الدعاية الكويسة زي الاسبوع دا..بس العدد كان كويس كبداية قصاد الحكومة..
كمان حاجات كتير حصلت الاسبوع دا ادت الناس ثقة و منها حركات شفيق العبيطة اللي عملها و استقاله الغنوشي و يمكن مقابلة محمود صبرة في قناة الحياة تجيب نتيجه كويسة..

الاعتصام انا معرفش ايه فكرته الحقيقة لازم م الاول تقولوا يا جماعه هنعتصم..عشان العدد م الاول يبقي كويس او تتشاوروا فيه م الاول..

Unknown said...

الله ينور عليكي يا نوارة.. ده كان رأيي من ساعة ما رجعت من المظاهرات يوم الجمعة بس لما قلته قالوا عليه من كلاب الحزب الوطني.. يا ريت يا نوارة تقوليلهم برده إن أسلوبهم في تخوين الناس عمال على بطال بالطريقة دي هيخليهم يخسروا الشارع للأبد.. طب يخونوا الحكومة وقلنا ماشي لكن كمان يخونوا الجيش ويخونوا الشعب كله! دول حتى بقوا بيخونوا بعض دلوقتي

الثورة كده بتتدمر من جواها.. يعني ما بقوش حتى محتاجين حزب وطني ولا أمن دولة علشان يهد اللي هما بنوه.. هما بيهدوه بإيديهم

Ahmed Mohamed said...

حاسس بقرف اوي يعني بعد ما شوفت الشرطه العسكريه
انا مش عارف دا طبع في المصرين
هوه انا هرجع اكره نفسي تاني ولا ايه والنبي ابقي حطي
+22
وخلاني حتي مقراش كلامك لانه في مجمله كدا بيهدي وبينيم وهيبة الجيش
جيش ايه
انا الجيش والله انا الجيش
هنرجع تاني لهيبة الداخليه ورجال الداخليه والكلام ده
دا انا بيني وبين نفسي كنت بقول
يعني ايه واحد ايا كان مين هوه داخليه حربيه يضربني واسكت له
معلش الحق حق
ونصيحه من اخ صغير ممكن يكون بيفهم
متحطيش فيديوهات تنزل من قيمة الجيش
سلموها بالايد احسن
ما انا لسه امبارح بقول الشرطه العسكريه دي زباله
زباااااااااااااله
زباااااااااااااااااااااااااااااااااااااااااااااااااااااااااله

Ahmed Hassan said...

خلينا فاكرين ان العدد اتضاعف اخر اسبوع بعد من وائل غنيم بكي في التلفزيون..
الدعااااااية الكويسة و الاسباب المنطقية اهم حاجه !

Sgheita said...

leeih keddah ya Nawwara? are u really sure the reaction was the people sided with el geish? tab read this and tell me what do you think
http://www.facebook.com/pages/%D8%A7%D8%AF%D8%B9%D9%85-%D8%AD%D9%88%D8%A7%D8%B1-%D8%A7%D9%84%D9%85%D8%AC%D9%84%D8%B3-%D8%A7%D9%84%D8%A3%D8%B9%D9%84%D9%89-%D9%84%D9%84%D9%82%D9%88%D8%A7%D8%AA-%D8%A7%D9%84%D9%85%D8%B3%D9%84%D8%AD%D8%A9-%D9%85%D8%B9-%D8%AF-%D9%85%D8%AD%D9%85%D8%AF-%D8%A7%D9%84%D8%A8%D8%B1%D8%A7%D8%AF%D8%B9%D9%8A/200105360015848#!/note.php?note_id=10150102853684608&id=672463372
Nawwara my facebook is http://www.facebook.com/sgheita add me as a friend and send me a message if you don't want to say your opinion to this note in public.
Sarah (beta3et el jacket tany:)

Tears said...

نوارة قريت كل التعليقات عندك دلوقتى و قريت مصادر مختلفة

مقدرة خوفك ودوافعك للاقتراح لكن ده نتيجته ح تبقى عاملة زى مظاهرة الثلاثاء اللى فشلت..ترك الميدان غلط لان الجمعه ح ينظر له على انه احتفالية

الوجود فى الشارع هو القوة الوحيدة

ارجعى للمستشار هشام البسطويسى لان حسب فهمى هو مع البقاء فى الاعتصام و مش عاجبه فكرة التعديل على الدستور القديم لان ده مش دستور مؤقت ده بتاع النظام القديم اللى سقط بصلاحيات الرئيس الخرافية

مش فاهمه said...

انتى جايبه فى التحديث كلام البسطويسى اللى قال فيه بلاش اعداد قليله و نسيتى اهم كلامه عن انكم تبقوا ايد واحده ايوه اللى يقول اعتصام لحد الأستجابه يبقى الكل يقعد و مايمشيش 3 اسابيع ايه و حاتلاقى الجامعه دخلت و امتحانات التيرم و انسى بقه الوقت مش فى صالحنا و انتوا بتقولوا جدول زمنى و لسه مضروبين من يومين ازاى حد يقبل ينضرب بالشكل المهين ده ايه اللى حصل بقه بعد 25 يناير انا بجد بقيت مش فاهمه رسمى

Anonymous said...

لا يانوارة بالعكس تماما المفروض الناس تقعد فى الميدان علشان شفيق يمشى لان لو الثورة هديت يبقى الحزب الواطى هيرجع تانى فى زى جديد ورموز الفساد هترجع ...احنا مش لازم نيأس خالص احنا نفكر ازاى نرجع الناس للميدان تانى ،نفكر ايه الحاجة اللى خلت الثورة دى تحصل ،لازم ننشر دعوات على الفيس بوك وتويتر وفى كل مكان ،ونبيلهم مساوىء حكومة شفيق
دى مسابقة فى النفس الطويل واحنا اللى هنكسب ان شاء الله مش هما،وبعدين عندك النموذج التونسى هما قدروا يغيروا حكومتهم واحنا مش هنبقى ااقل منهم لازم يبقى فى ضغط اكتر والا ساعتها تقدرى تقولى عليه العوض ومنه العوض فى الثورة

Perfection Seeker said...

يا نوارة : محمود صبره سكرتير الرئيس المخلوع كان مع الحياة اليوم و اتكلم عن مطاهرة اسفين يا ريس عند مصطفى محمود و قال ان في تعليمات نزلت لاعضاء مجلس الشعب المنحل وان كل عضو يجيب معاه 5 الاف واحد و يجي علشان يجمعو مظاهرة مليونية و يعملو ثورة مضادة ........ بليز بليز خدو بالكم

DIY CNC said...

انتى ارجل من الى فى البيوت الى مستنين الدورى يشتغل
بس برضو زى مقلتلك ارجوكى لمى الكبار
رئى البسيط انكو لازم تزنقو المجلس قدام ناس ادهم فى السن والمقام اناعارف ان الناس الكبار كل واحدفيه مستنى الناس تشيلو من البيت وتهتف بيه رئسا للجمهورية بس الحقيقة ان كلهم عندهم وطنية زينا بلظبط بس وسائل التعبر بتعتهم من عصور متخلفة
انارئى البسيط انكو تعملو بيان الى كل الكبار وتطلبهوم بلنزول معاكو يوم الجمعة

على فكرة انا مش جى عشان انا شكلى وحش والناس حتفكرنى من حبيبنا الحلوين

Ahmed Mohamed said...

ينعل ام النكد

القذافي عامل ترانس جامد
http://www.seedfly.com/f6kjjh3dzuds

mido said...

ردا على التحديث:

البسطاويسى ماخدش باله اننا اخلينا الميدان قبل الثلاثاء والجمعة اللى اتكلم عنهم؟
اخلاء الميدان كارثة كارثة كارثة
احنا دلوقتى بنصلح الغلطة دى وكل اللى حضروا امبارح قال ان العدد اكبر النهارده وكل مفضلنا فى الميدان حيبقى لينا ثقل وقوة
لو اخليناهتانى حينقضوا علينا والجمعة الجاية اقل من اللى فاتت

Unknown said...

اكتر اتنين باحس انهم بيفهموا في زوار صفحتك ..واحدة اسمها ""مش فاهمه "" وواحد اسمه ""مش فاهم ""
بصراحة باحب مداخلاتهم وباحس ان ليهم رأي

Unknown said...

لو الجمعة فشل يبقى حسبي الله ونعم الوكيل فيكم واحد واحد

FATMA said...

مسالة النزول ما اقدرش احكم عليها انا مش من القاهرة
لكن تعاطف الناس وحبهم للثوار وفهمهم لمطالبكم بيزيد ومعاكم وحاسين بكل حاجة لكن انا اسفة واضح ان الجيش وشفيق يوجد شئ ما

Ahmed Mohamed said...

وائل غنيم مييييييييننن ده
مبقاش الا النـــــــــصاب دا كمان
معلش كلمه كانت محشوره من ساعة ما الواد ده مثل انه بيعيط
وانا عايز امشي انا رايح لومي

Tears said...

يا نوارة احنا بنتناقش و بنفكر كلنا هنا مع بعض مش بنحسبن على بعض و عموما اللى حاصل ان الجمعة بيكون فيها عدد اكبر كتير من اللى بيباتوا فى الميدان من اول فبراير مش دلوقتى بس و الاتنين مهمين لكن فى النهاية لا خاب من استشار و انا بضمن صوتى لكل اللى طلبوا منك تاخدى راي البسطويسى و ياريت كمان عيسى و الاسوانى و بلال فضل و يبقى كله بالاتفاق مع شباب الائتلاف بالذات سته ابريل و صفحة كلنا خالد سعيد لان دول الاكثر تواجدا على الارض و تنسيقا

Wella said...

مش متفق معاكى لاسباب كثيره

احنا بننزل كل جمعه وادينا بنشوف اللى بيحصل فى باقى الايام

برامج تتمنع

وضباط شرطه يستهبلوا اكتر

وفتنه تحصل

ومدير امن يشتم الناس

ووزير داخليه يستعبط اكتر


وكمان انباء عن تعيين فتحى سرور كمشرف على مستشفى 57357
يعنى مش هيتحاكم

و مازال النظام الفاسد فى السلطه والجيش بيساعده للأسف

يبقى عايزه ننزل كل شهر عشان نرجع تانى لايام الاستعباد

انا متابع مدونتك من زمان وبحترم كثير من ارائك

ولكن هذه المره اخطأتى

انا كنت من الناس اللى قعدت 6 ساعات امام مجلس الزراء يوم الجمعه ومش عايزين نمشى

والجيش فرض علينا كردون ومنع دخول اى حد لينا ودخل صوفت حجازى يستعبط علينا

كان فيه حوالى اكتر من 30 رتبه

30 رتبه واحنا مكملناش 150 واحد

دا معناه اننا قوه وقوه كبيره كمان

يبقى لازم نطرق على الحديد وهو ساخن

مش نستنى لما يبرد ونحاول نسخنه تانى

tahrir said...

مش حيفشل الجمعة بس ما فيش حد ينام الكل يحشد الناس الكلينبه ان الثورة كده في خطر
انا كنت ناوي اضربعن الطعام بس خلاص
الكلام ده ما ياكلش مع صفوت
حننزل يوم الجمعة و مش حنمشي و لازم نعلن من الاول اننا مش حنسيب الميدان المره دي

Sgheita said...

rou7y nammy ya Nawwara, balash kalam mesh mefakarah feeh kewayes.. if Friday failed it is because the Egyptians chose ennohom yetghabou we yeb2o gobanah, and they choose to side with the wrong side! if we are hit by the army and everyone says asl ento kharaqto 7athr el tegwal elli kol el nas kharqaah aslan (fakrah lamma sa2alna zabet el geish infront of magles el wozarah?) then ppl are chosing to sympathise with the agressor because they are too scared to face the idea of (what if the army was not 100% on our side)

Ashraf Khamis said...

Hi Nawara. First, let me apologize for writing in English; I am extremely slow at typing in Arabic! This is my first post here.

I have to say that I don't really agree with the timetable idea. I think keeping up the pressure on the army until all our demands are met is the only way. Remember that the army has been very reluctant in responding to what they called the "legitimate" demands of the people.

There have been major breakthroughs, no doubt. Mubarak has stepped down, Gamal will not be his successor, and the constitutional reforms are being carried out. But many question marks are hanging over Mamdouh Maraey, Ahmed Shafik, Mahmoud Wagdy, and Aboulgheit among others especially after their silly remarks that have been circulating over the Web. People have been increasingly taking the protesters' side ever since these remarks were uttered and the army violently dispersed the peaceful protesters.

Protesting in small numbers will not do us any good. I agree with that. We can go back to million-strong marches on both Tuesday and Friday, or keep pressure over the entire week with large numbers. The most important thing is that the protests should never ever stop. Ghannouchi has only resigned after major protests throughout Tunisia. Shafik will never resign if there's no constant pressure from our part.

The army has taken a "reactionary" stance toward the people's demands, same as Mubarak did. This means that whenever there's pressure from our side, there's concession from theirs. We should keep going!

Ashraf Khamis said...
This comment has been removed by the author.
Unknown said...

انا شايف ان في عدة نقاط لازم تتاخد في الحسبان:
1 - ان كثير من الناس - ان باتكلم هنا عن الناس الي كانت مع الثورة مش بني اسرائيل المصابين بمتلازمة ستوكهولم - كانت شايفة ان مادام مبارك مشي ومعظم الناس - مش كل الناس - الزبالة مشيت, يبقى لازم نصدق الجيش ونروح, انا باقول ان بالنسبة للناس دي لازم شوية توعية , خصوصا ان الاعلام رجع يزن على ودانهم ثاني, ومعادش في حاجة مهمة تتغطى بالنسبة للجزيرة فهي حاليا بتغطي ليبيا - وطبعا اعلاميا ليبيا حاليا اهم , ربنا معاهم على الاهبل وينصرهم عليه امين - فالناس مش شايفة الي بيحصل ومش دريانه ان في طبخ شغال, خصوصا ان معظم الناس ملهاش في ام الفيس بوك وما بيشوفوش غير التلفزيون, ومعظم الجرايد حتى المعارضة اصبحت لا تؤيد الثوار الباقين على المطالب, فالتوعية مطلوبة
2 - ان معظم الثورا الي في المحافظات - وانا ربنا كرمني وكنت في جزء من الثورة في الصعيد - معظم هذه المحافظات وشبابها حسين ان في حاجة غلط بتحصل على في القاهرة, يعني ايه ائتلاف شباب الثورة الي في القاهرة؟ ومين دول؟ ومين قال ان هما الي يحددوا المطالب؟ وليه؟ طيب نوصل صوتنا ليهم ازاي؟ واسئلة كثير جدا , خلت ان الشباب الي في القاهرة , التحرير تحديدا اصبحوا عايشين في جزيرة لوحدهم, ودي مصيبة لان قوة الثورة انها كانت في كل مصر, وده كان خطر حذر منه كل الناس ان الثورة تحصر في التحرير, في كل مكان, انا بقول ان لازم مطالب الثورة تنشر بشكل ما لكل الناس, ويتعمل تنسيق بين المحافظات ويتعمل عنها توعية واستفتاء عام


ساعتها وساعتها بس لما تقولوا - اعني بتقولوا اي الثوار في مصر , او الاسكندرية او اي محافظة - ننزل هتلاقوا مصر كلها نزلت لاننا اصبحنا على قلب رجل واحد كما كنا. لازم كل الي شاركوا في الثورة يحسوا انهم لسه جزء منها وماصبحوش مهمشين


نوارة انا عارف انك عارفة الشباب بتوع الائتلاف, وغيرهم من الثوار, ياريت توصلي الكلام ده ليهم, انا معرفتش اوصله بصراحة - معلش معارفي على قدي - بس الكلام ده لازم يوصل , لازم كلنا نتحرك ايد واحدة والا هنرجع ناخد على قفانا ثاني

nour1971 said...

يا نواره احنا ناسيين النائب العامالي في ايديه كل حاجه و الي كان ساكت علي البلاوي السوده من زمان الراجل ده لازم يتشال مع شفيق مع ابو الغيط لازم كل دول يتشالللللللللوا كلهم دول معندهمش دم ده بتاع تونس قدم استقالتوا عشان عنده دم و بيفهم

hisham said...

كلامك مظبوط النهارده صباحا رحت وقعدت ساعتين واندمجت في مجادلات عديدة كلها مع رجل الشارع العادي ودافعت عن المتظاهرين باستماتة ولكن في الواقع كانت مخاوفهم كثيرة و يحملونكم الكثير فلا تراهنوا غير عليهم واجعلوهم نصيركم الحقيقي وليس النخب

Om Masraya said...

والله يانوارة الإخوان مالومش طمع في سلطة أو ظهور وكفاية عليهم يشوفوا مصر وأهلها في خير وبركة وصلاح خليكم أيد واحدة وكل كلمة اتقالت من قيادات الأخوان مش للتطمين فقط ولكن صدق وحق ومش ممكن يرجعوا فيها لأن أخلاقهم أخلاق الإسلام وعلى أقباط مصر كمان أنهم يطمنوا لأن الرسول عليه الصلاة والسلام وصانا عليهم وهم أخوانا كلنا ومصر لكل لأولادها

utopia said...

توارة مع احترامى لكلامك وانتى اكتر من رائعة لانك مخلصة بس فىه اعتراضات
مش لانك واحدة ست

لازم نرجع زى الاول يعنى تستنى ليوم الجمعة وميومها ما فيش رقص ما فيش
غنا فيه احتجاج وكل ولحد عنده راى يطلع يقوله ويتاخد تصويت على رايه
من الناس اللى واقفة
لو الناس وافقت كلها على اعتصام
نعتصم لو حاجة تانية تعملها
المهم كلنا نرجع ايد واحدة
ولازم كمان توحيد مجلس لتمثيل الثورة من كل اتجاهات الشارع ونتفق عليهم يوم الجمعة ضرورى وبرضه اللى يتفقوا عليه يمشى على الكل بعد اخد راى الناس
انما شغل زمان ده واحنا نازلين نعنصم
واللى عاوز يحصلنا ده هايخسرنا كتير ويمكن نخسر كل حاجة
ضرورى تتكلمى فى الموضوع ده وتكلمى الناس المنظمين ليوم الجمعة
بلااااااش احتفالات يانوارة ابوس رجلكم
عاوزين احتجاجات مش هايد بارك!!!!!

رمزي said...

سوري يحب أم الدنيا.. يعشق الأمل
أتكلم وأنا أحني رأسي إجلالاً لأرواح شهداء الحرية، ولمصر.
لقد ترددت كثيراً قبل أن أكتب، ولكن لكي لا أطيل عليكم:
إن التردد الذي تعانون منه سيكسب أعداءكم نقاط قوة، أكثر من ذلك التنقل بين الأهداف (شفيق ثم جمال ثم قانون الطوارئ ثم العودة إلى شفيق ...) دون تحقيق أي مطلب منها هو بالضبط ما سيجعل الناس تمل وتحس باللاجدوى، والأمر الثاني لا معنى لآن تحدد لعدوك جدول زمني لتحركك (هايد بارك) اعتقادي أنه مثلاً إذا أعلنتم أنكم تريدون إسقاط الحكومة فيجب أن لا ينتهي الاعتصام حتى يتحقق هذا المطلب، تخيلوا لو أنكم لكي يسقط مبارك كنتم تنزلون يوم الجمعة فقط! تعتقدون أن إسقاط شفيق أسهل من سقوط مبارك؟ لا، مبارك شخص أما الحكومة فهي النظام وهو ما يهم أعداءكم (حتى أن اسم شفيق كان مطروحاً منذ حوالي السنة كبديل محتمل لمبارك (من إسرائيل وأمريكا) باختصار إسقاط النظام هو مهمة أصعب بكثير من إسقاط الرئيس لذا يجب المواظبة.
أتمنى لكم النجاح فأنتم أملنا.
ملاحظة: إذا كان تدخلي يزعجكم فأرجو أن تقولوا ذلك حتى أكف عن إبداء الرأي.

Ahmed Fawzi said...

صوتك حزين النهاردة يا نوارة .. لا خليكى جامدة .. ده فى ناس كتير عمرهم ما كانوا يسمعوا عنك دلوقت بيدوروا عليكى بإبرة علشان يسمعوا رأيك و يسمعوكى ..
المهم أى ثورة لها أوقات بتعلا و أوقات بيحصل لها مشاكل الشطارة إننا نكشف مشاكلنا فين بسرعة و نصلحها
انا محترم تفكيرك النهاردة جدا لأن فى مرونة و جرأة
بس لازم نشوف الناس بقت أقل ليه بصراحة بعيد عن تفكيرنا علشان نعرف نختار السكة الصح و الطريقة الصح
1- فيه ناس شايفة إن كل المطالب إتحققت .. مش شايفين إن اللى حصل لحد دلوقت مش كفاية و إنه ممكن لو وقفنا ينهار
2- الناس عايزة تستمر فى حياتها و رغم إن الثورة بتحتاج إن يبقى لها الأولوية بس لازم نعرف إزاى نتعامل مع الموقف ده
3- فى ناس مش فاهمة إيه مشكلة شفيق و حكومته و للأسف مش كل الناس شافت فيديو إبراهيم عيسى فى برنامج واحد من الناس علشان يعرفوا المشكلة فين
4- اللى فاهمين و عارفين إن لسة الثورة ماخلصتش حايبتدوا ينقسموا بين رؤية التعديلات و رؤية وجوب وضع الدستور بالكامل
( شخصيا الإجابة النموذجية بالنسبة لى هى خطة البرادعى و لكن فى ظل ظروفنا حاسس غن حل التعديلات حل واقعى )
الإنقسام ده إيجابى لأنه حايطرح أفكار و يخلينا نختار طريق صح بس لازم يحصل توافق على حل و يتقدم للناس بشكل إعلامى صح مع الأسباب ( طبعا ده فى حالة لو كان الحل هو سكة البرادعى )

هدوء الثورة فى الوقت الحالى نتيجة إن الدنيا مش واضحة كفاية و الهدف مش بالقوة بتاعة من شهر فات و ده محتاج حل
كمان فى تشتت و تعتيم إعلامى حقيقى فى القنوات المحلية و العربية و المستقلة

كل اللى فات أسئلة مش أجوبة و لازم نوصل لحلول علشان نعرف نكمل

Ahmed Fawzi said...

صوتك حزين النهاردة يا نوارة .. لا خليكى جامدة .. ده فى ناس كتير عمرهم ما كانوا يسمعوا عنك دلوقت بيدوروا عليكى بإبرة علشان يسمعوا رأيك و يسمعوكى ..
المهم أى ثورة لها أوقات بتعلا و أوقات بيحصل لها مشاكل الشطارة إننا نكشف مشاكلنا فين بسرعة و نصلحها
انا محترم تفكيرك النهاردة جدا لأن فى مرونة و جرأة
بس لازم نشوف الناس بقت أقل ليه بصراحة بعيد عن تفكيرنا علشان نعرف نختار السكة الصح و الطريقة الصح
1- فيه ناس شايفة إن كل المطالب إتحققت .. مش شايفين إن اللى حصل لحد دلوقت مش كفاية و إنه ممكن لو وقفنا ينهار
2- الناس عايزة تستمر فى حياتها و رغم إن الثورة بتحتاج إن يبقى لها الأولوية بس لازم نعرف إزاى نتعامل مع الموقف ده
3- فى ناس مش فاهمة إيه مشكلة شفيق و حكومته و للأسف مش كل الناس شافت فيديو إبراهيم عيسى فى برنامج واحد من الناس علشان يعرفوا المشكلة فين
4- اللى فاهمين و عارفين إن لسة الثورة ماخلصتش حايبتدوا ينقسموا بين رؤية التعديلات و رؤية وجوب وضع الدستور بالكامل
( شخصيا الإجابة النموذجية بالنسبة لى هى خطة البرادعى و لكن فى ظل ظروفنا حاسس غن حل التعديلات حل واقعى )
الإنقسام ده إيجابى لأنه حايطرح أفكار و يخلينا نختار طريق صح بس لازم يحصل توافق على حل و يتقدم للناس بشكل إعلامى صح مع الأسباب ( طبعا ده فى حالة لو كان الحل هو سكة البرادعى )

هدوء الثورة فى الوقت الحالى نتيجة إن الدنيا مش واضحة كفاية و الهدف مش بالقوة بتاعة من شهر فات و ده محتاج حل
كمان فى تشتت و تعتيم إعلامى حقيقى فى القنوات المحلية و العربية و المستقلة

كل اللى فات أسئلة مش أجوبة و لازم نوصل لحلول علشان نعرف نكمل

Unknown said...

مين اللي قال مش بنسمع كلامك, على فكرة دي أول مرة اعلق فيها هنا مع إني بقى أي حاجة بتكتبيها, على فكرة دي أول مرة اعلق أصلا في أي blog.
انا مقتنع بكلامك وشايف إن فيه ناس نفسها نقع مع الجيش والبلد تسيب من ايده وال مفروض نبدا نتعلم إزاي نلعب سياسة ونجيب حقنا من غير مانخسر الناس اللي مش كلهم عندهم الجلد بتاع النواه الصلبة بتاعت الثورة.
أنا كنت باعتلك السلام مع وائل خليل بس هو قال لي قولها إنت بنفسك :)

Boss said...

وعارفة اني اساسا ماحدش بيسمع كلامي "لاني واحدة ست"!!!!؟؟؟؟؟؟
علي فكرة انا صعيدي بس لو رشحتي نفسك في اي انتخابات هانتخبك وش

بالمناسبة اي رأي الاخوان في اللي بيحصل
انا باسأل لانهم منظمين وليهم قيادة ولوقالوا نعتصم الميدان هيتملي

Rasha Mahmoud said...

الجمعة اللى فاتت بعد ما مشينا من التحرير لقيتكوا كاتبين على تويتر هنعمل اعتصام عند المجلس فلما قلت لجوزي نروح المجلس قال ايه اللى هما بيعملوه دة ازاى فاجأة يقرروا يعملوا حاجة من غير ما يحشدوا الناس ليها كدة خطر جدا على الثورة.واتخانقت معاه وطلع في الاخر كلامه صح. الجيش اعتدى عليكو عشان عددكم كان قليل.لازم نعترف ان قوتنا في اتحادنا وعددنا ودة بيستلزم اننا لما نعمل حاجة نعملها دعاية كويسة مش بس على النت لكن كمان في التليفزيون ونشوف تجاوب الاغلبية معاها ولا لأ.ونكتب اسباب يعني مثلا هننزل عشان حصل كذا وكذا لأن فيه ناس بتقعد تستغرب هما لسة بينزلوا ليه ما خلاص؟ ممكن يكونوا مش عندهم الوعي الكافي ودة دوركم انكم توعوهم.. وما تقوليش انا ست ما حدش هيسمع كلامي لأن بصراحة بقى اغلب الاحيان كلامك بيطلع صح في الاخر ولما بيكون حاجة مش فاهماها بحب اقرى رأيك فيها واعتقد في ناس كتير زيي... وحاجة اخيرة:اعتقد لازم كمان تنسقوا مع الاخوان لأنهم الوحيدين اللى قادرين على حشد الناس بكميات مهولة لان بيجيلهم تكليف بكدة دة غير ان دورهم كان مهم جدا في انجاح الثورة

zara shaishaa said...

For you and the others everywhere, look at and listen to what the Tunisians are doing, Ghanoshy's gone gone, resigned today after Saturday dempo. and the killing of 3. It is month and half, and they got red of him finally so study what's are doing. Continue, it is up-hill struggle but it would be done ISA.

kooky kak said...

بصراحة يا نوارة أول مرة كلامك ما يعجبنيش
الكلام ده مش صح النهاردة بالذات لأن الاعداد ابتدت تكتر تاني في الميدان وعلى النت الناس ابتدت تشغل مخها تاني وتحلل الأحداث وتنتبه ان الثورة ما انتهتش وقلبها يا كلها تاني
متجيش انتي دلوقت بالذات تطفي حماسهم كده حيبقوا مضحكة
لا لا لا اللي في الميدان دول اشرف ناس ولا يصح الا الصحيح الناس برغم كل شئ بتنضم لهم ودي وسيلة الضغط الوحيدة لنجاح الثورة

farid_moussa said...

أنا باأسمع كلامك لأنك ست بميت راجل ...ياريت أغلب المصريين يكونوا بوعييك يانوارة.

MGM said...

Bravo ya Nawara ....... Toz fi eli mish 3agbo el kalam dah.....

El nas wi kaman el nas wi kaman el nas !!!! They are the most important aspect of the revolution !! It was by the people and for the people....

Ahmed D MindFreak said...

كلام 50% صحيح
بلاش مظاهرات ضعيفه كل يوم و نكتفي بمظاهرات الجمعه اللي علي الاقل بيبان فيها الثقل الشعبي للثورة

esraa said...

.انا اتكلمت مع واحد كان معتصم يوم الجمعة وحكي قصة عجيبة..قال بعد ما الجيش اخلي الميدان جه قائد من الجيش وسب الناس اللي كانت في الميدان وقعد يقول انتو مش رجاله..المفروض كنتوا استمرتو في الميدان بعد تنحي مبارك عشان الجيش يحقق مطالبكم واحنا ضربناكم النهاردة ضغط من الداخلية عشان هي عايزة الجيش يرفع ايده من الشوارع وهي تمسك والشرطة تنزل وامن الدولة يعمل الزبالة اللي كان بيعملها..والله العظيم هذا الكلام صحيح..لازم نرجع نتجمع تاني عشان المشوار يكمل.,,شوفتو تونس عملو ايه..لازم نكمل..لو فضلنا بالعدد البسيط ده عمر ماحاجة هتتغير..والناس هتيجي الجمع بس وبعدين هيزهقو وينسو ويبقي الحال..تبقي حكومة شفيق..وهي حكومة حسني وكأنه هو اللي بيحكم..ياتري الناس اللي ماتو في المظاهرات دول ماتو عشان في الاخر حسني يروح يستجم في شرم وحكومته هي اللي تحكم؟؟

elzahraamegahed said...

المشكله فى الحشد،
الإخوان ، 6 أبريل ، الأحزاب ، كلنا خالد سعيد ما بيدعوش ليه للنزول ، أنا بره مصر ولما كان بيبقى فيه دعوات كانت واضحه لى وكانت الناس بتنزل، لكن المره الى فاتت دى كانت هجص ،
الفكره لو نزلتوا هتجروا الشعب وراكم زى ما حصل من أول يوم للثوره الشباب والأحزاب نزلوا والشعب نزل وراهم،
السؤال ليه بأه الدعوات والتنسيق للنزول ضعيف ، أنا مش شايفه حد مقتنع إن أهداف الثوره اتحققت

esraa said...

لييه كده بس يا نوارة دانا واخداكي قدوة و نفسي ابقة زيك و كان نفسي ابقة في التحرير من يوم 25 لغايت كمان شهرين بس الاولاد منعوني ليه التخاذل ده فين قوتك فين ايمانك لا مش التظاهر يوم الجمعة بس هوة الحل بدليل ان العدد قل الاعتصام هوة الحل الجيش نفسه عايزنا نكمل اعتصام استعيني بالله فاكرة كلمة المخلوع و انت بتتلذذي بيها في عصير كتب؟لازم نكمل لسة كتير الوطني بدا فعلا يشتري الاصوات 10000 جنيه الصوت هنضيع و ذنبنا هيبقة في رقبتكو لاننا مشينا وراكو و اديتونا الامل هضيعوه بتخاذلكو ده لازم نعتصم عشان الشحن يرجع تاني متستنيش لما الشحن يخلص خالص و تاكدي الشعب معاكي ادخلي اقري الكومنتات في الجروبات و انت تعرفي ارجوكي عشان ربنا استعيني بيه لوحده ارجعي في كلانك خليكي نوارة الي انا حبتها و عايزة بنتي تبقة زيها حتة لو مصر كلها استشهدت

Unknown said...

الشعب المصري عظيم و عريق بس فيه عيب احترافه لصناعه الطغاه شعبنا عنده عاده وحشه انه دايما ياله حكامه هل ياتري هنبطل قريب و لا ايه
و علاقه الحب الغراميه بين الشعب و الجيش قلقاني بصراحه
الجيش مطلوب منه حمايه الثوره و سيبنا بقي من الاحضان و الورد و البوس لأن هنحصي الصبح نلاقي نفسنا بنتضرب علي قفانا عاشر من حبيب الشعب
ودوتمتم

Omar said...

انتى اللى قلتى قبل كده شوفوا القذافى المجنون بيعمل أيه من بكره هاننزل (اللى هو الثلاثاء) وجزء على التحرير وجزء على سفارة ليبيا ده كلامك. انتم مش عارفين تديروا اللعبه بدون اعلام. الجزيره لم تعد بالكاد تذكر اى خبر عن مصر لأن الخطب فى ليبيا أكبر وأعظم ولذلك احنا محتاجين منبر تانى لحشد الجمهور الذى اللى هو القوه الضاغطه وده لايحشد الا بفضائح النظام وأنا أعتقد ان الجارديان باءعلانها عن ثروة حسنى فى هذا التوقيت كانت صاحبة 90% من استمرار الثوره ابحثوا عن مساوئ النظام ال\ى مازال مستمرا واعرضوها للناس كى تفيق الغالبيه العظمى من الشعب لايعرف الانترنت ولا يستقى منها معلوماته وعلى الجانب الآخر شوفوا التليفزيون المصرى هذه الأيام تقريبا لم نعد نسمع منه أى شئ عن مطالب الثوره بتغيير الحكومه لا بد لنا من منبر يصل للمتعلم والأمى وقد علمت من الجزيره أنها بصدد اطلاق قناه خاصه بمصر ركزوا فى هذا الاتجاه الآن لأن الاعلام سينقذ ثورتنا بينما يحاول اعلامهم خنقها بأن مانحن فيه لم نكن نحلم به وكفايه على كده ونروح بيوتنا علشان اقتصادنا وآخره تصريح يحي الجمل الذى يقول فيه يخطئ من يطالب ياءقلة شفيق الجمل ده أنا باندم لأنى قرات له قبل ذلك لأن عمرو حمزاوي اشرف منه ولو أن أمثال يحى كلهم رفضوا الوزاره لتركها شفيق رغما عنه لأن الجمع سيكره نفس الوجوه التى لم ولن تتغير لأنه لا يشرف أى منا أن يكون مكان أى منهم

fatmaalzaree said...

بصي يا نوارة كلامك صح بس المشكله ال راعبانا ان الثورة كده تبقي خلاص بخ وكانك يا ابو زيد ما غزيت ونبقي شيلنا مبارك وها يطلعلنا 100 مبارك بعد كده -طيب في رايك الناس تصحصح تاني ازاي ما ينفعش يناموا تاني فشيق ده بيعملهم تنويم مغناطيسي ببروده

Diaa said...

حسبي الله ونعم الوكيل
على فكرة ده ذنبي أنا وإللي زيي
أنا كنت كتبت كومنت على موضوع مظاهرات الثلاثاء وإنتي منشرتيهوش
وقلتلك بلاش الناس مش مرحبة بالموضوع وإنتي طنشتي
حرام عليك خليك ديمقراطية شوية

Mostafa Siraj said...

اللي يخلي مدونتك من اكثر المدونات قراءة أكيد معناه إن صوتك مسموع, ومفيش حوار ست ده خالص.
متعرفيش تقنعي هشام البسطويسي بقى يرشح نفسه للرئاسة؟

تونسي said...

كم المشاعر والأحاسيس التي تحكم علاقة الشعب بالجيش (حسب توصيفك) ليس طبيعياً بالمرة. ليس من المفروض أن يتعامل الناس مع الشأن السياسي بالإعتماد على "قلب الأم" ولا من المفروض أن يحدد الجيش مواقفه إنطلاقا من "مشاعره" و "انطباعاته" مما يعتقد أنها "أحاسيس الشعب".

1. الموضوع سيكون أبسط بكثير لو التزم الكل بأداء واجبه بإنضباط بقطع النظر عما قد يسمعه من تعليقات "جارحة" واحترم قواعد بسيطة مثل عدم ضرب المواطنين.

2. من الطبيعي أن يحترم المواطن جيشه الوطني خاصةً عندما يكون في الموعد في اللحظات التاريخية الحاسمة. لكن مشاعر مثل الحب والكره ليس لها مكان في السياسة.

My Parenting Journey said...

أرجوك يا نواره لا تقولي هذا الكلام. هناك نقطتين قوة حصلوا حديثا:
1. ضرب الناس الأسبوع الماضي أعتقد أنه سوف يجلب تعاطف الشعب وليس سخطه وربما تجدي أن الكثيرين سوف يخرجون في الأسبوع القادم لإظهار المسانده لشباب الثوره.
2.إستقالة الغنوشي اعتقد أنها ستعطي الناس دفعة قوية وتضعف موقف الحكومة المغضوب عليها أصلا لأنها أرت الناس أن الإصرار على المطالب يؤدي إلى نتيجه.
بل على العكس أعتقد أن ترك ميدان التحرير يعطي انطباع أن شباب الثوره فعلا خافوا مما حصل الأسبوع الماضي وتراجعوا عن مطالبهم وهذا سيضعف الثوره.
الله يخليكم اصمدوا

Unknown said...

مش ممكن التكبر والاستعلاء والافتئات على الشارع بالطريقة دي

ماحدش يتكبر على الشارع وماحدش يفتكر نفسه بيوجه الشارع الشارع هو اللي بيوجه

ومافيش حاجة اسمها نوعيهم، لما تاخد قرار وتلاقي ان الشارع مش مستجيب تعرف ان انت الغلط والشارع هو اللي صح واظن تمنتاشر يوم اثبتوا ان الشارع بياخد قرارات صح وبينظم نفسه صح الحاجة اللي تضايق الشارع ما تتعملش لان هي دي بقى الثورة المضادة

وهي دي النبوءة اللي تنبأ بيها هشام البسطويسي لما قال الخطة في الثورة المضادة ان الناس تعمل اعتصامات مافيش عليها اقبال شعبي فيحصل تفرق في الشارع وتفضل الاعداد تتناقص لحد ما يوصلوا 200 واحد على سلم النقابة وساعتها اذناب النظام ينزلوا مظاهرة مليونية بسهولة

وانا مش عاجبني الاسلوب البرجوازي اللي بعض الناس بتتكلم بيه وفاكرة نفسها بتفهم احسن من الشارع

الولية المجنونة اللي اتصلت وقالت اللي مالوش كبير بيشتري له كبير صح، بس احنا مش كبيرنا الجيش
كبيرنا وكبير الجيش وكبير العالم كله هو الشارع المصري وهو المرجعية مدام مش مستجيب يبقى هو اللي صح

ولما احنا ننضرب من الجيش والشارع ما يناصرناش يبقى احنا غلطنا
مش في حق الجيش، في حق الشارع
معلش يعني ما تخلونيش اقول كلام مش مفروض اقوله بس حاضطر اقوله

العيال "الشبيحة" اللي بعض نشطاء الانترنت بيتكبروا عليهم وقرفانين منهم عشان جايين بطبلة ورق هم دول اللي قعدوا يبوسوا ويحضنوا في الجيش، وهم دول اللي دخلوا التجنيد عشان ما عندهمش واسطة تجيب لهم اعفا ولا اجازات، وعارفين الجيش كويس، وعارفين معاملته للناس بتبقى ازاي، بس هم مش عايزين يعروا الوش ده، هم عمالين يليسوا فيه لانهم بيتعاملوا معاه كضيف ياخد واجبه واهلا وسهلا ده احنا زارنا النبي وحيمشي، وبيعاملوه بالسياسة، ماحدش كان بيطئش فيه غير العيال الفرافير، وهم اتغاظوا مننا لما كشفنا الوش اللي هم عمالين يحطوا له ميت ستارة وستارة لانهم مش مستعدين يتعاملوا مع الوش ده في الوقت الحالي ومافيش ما يدعو لكده بما انه ضيف وحياخد واجبه ويمشي

الافتئات على الشارع بيجبر الشارع على مواقف تضر بصالحه وصالحنا، وبتفقد كل الرغايين دول اي مصداقية وبتحسس الشارع اننا عايزين نعمل لهم مشاكل

عمالين نتكلم عن الثورة المضادة ونطلع احنا الثورة المضادة؟

شوية احترام لاختيارات الشارع، فيه خمستاشر مليون نزلوا في تمنتاشر يوم

راحوا فين الخمستاشر مليون دول؟ ماحدش يقول الاعلام غسل مخهم، مش حيبقى اكتر من الكنتاكي والخمسين يورو والكلام الفارغ اللي اتقال على الثورة وهي لسه في حموتها

وانا قرفانة فعلا من التعامل مع الشارع المصري بوصفه اهبل وبريالة ومحتاج حد يفهمه عشان هو حمار، فرقنا ايه عن مبارك؟ ماهو برضه كان بيتعامل مع الشارع بنفس المنطق

افتكروا ان الشارع هو اللي عمل الثورة وان فيه خمستاشر مليون بني ادم نزلوا تمنتاشر يوم من غير ما يتعبوا ودلوقت قرروا انهم ما ينزلوش الا يوم الجمعة وفيه جملة اخطاء ارتكبت بتخليهم يحرنوا كمان على يوم الجمعة

قاعدين شاغلين نفسكم بالجيش وشفيق وناسيين الشارع المصري اساسا واننا بنفقد رصيدنا، ولو وصل الامر لمواجهة بين الجيش والنشطاء اعملوا حسابكم ان مافيش حد حياخد صف النشطاء واظن اليومين اللي فاتوا كانوا كافيين لاثبات ده

انتهى

احترام لرأي الشارع، ومافيش تجاوزات على الشارع تاني الشارع المصري والاعداد الكبيرة دي هم بوصلتهم احسن وبيفهموا احسن يبقى تمشي وراهم مش تحاول تفرض رأيك عليهم

بارك الله في الجماعة

Unknown said...

اللي حيزهق الناس مش حتكون النتيجة غير ان هو اللي يخسر

ما ترجحوش كفة شفيق والنظام البائد

وبطلواا تتكبروا على الناس بقى

اللي مش عاجبه اشكال الشعب وشايف انه شبيح وجاي بطبلة هو اللي يروح ده شعبنا شكله كده

وهو ده اللي قاد التصدي لمعركة الجمل واتصاب وطلع تلاتينه تمنتاشر يوم

مش عاجبكم الشعب شوفوا لكم شعب تاني، عايزين تحموهم ولا ايه؟

مناضلة يناير said...

انا موافقة على كل الكلام الرائع دا بي ياريت الناس تسمع وتنفذ لازم عددنا ميقلش تانى متدوش فرصة للثورة المضادة ربنا معاكى يامصر ينصركم على كل ايد عوزة تخرب وتأخر التطهير من الفساد

Mahmoud said...

طب ما نخلينا في النص.. يعني لا نقول للناس تروح.. ولا نقول للناس انزلوا وماينزلوش ونبأة خسرنا.. يعني ننظم نفسنا ونقول إن إحنا فيه فريق يفضل معتصم وواقف شايل ورقة المطالب على كتفه.. في نفس الوقت فريق التفاوض والحوار والتعامل مع الرأي العام شغال وبيتفاوض..
يعني تحتفظ بضغطك وف نفس الوقت متفهم وبتتحاور.. والاتنين شغالين في نفس الاتجاه..
ما تنسيش إن عاطفيًا اصبح فيه ارتباط بأرض الميدان بتاعتنا.. الشخص منا بيسيب الميدان ويروح بيتهم وهو مضايق.. ده من ناحية العاطفة.. أما من ناحية متطلبات الواقع من حوار وتفهم وتعاون مع الجيش وكذا فالواقع برضه بيقول إن مافيش حد مطمن اطمئنان كامل..
يبأة ايه بأة.. أروح وانا مش مطمن!!

Mahmoud said...

وليكن حتى الاعتصام ده بتفاهم مع الجيش.. ماهو الجيش برضه لازم يتفهم حتة القلق دي اللي عند الناس وإنه قلق مشروع وصحي.

كل كلامي مش رافض لرأي نوارة بس هو مسألة نخلينا في النص.

molokheya said...

ده مش دفاع عن الإعتصام، بس المنطق كله مغلوط لأن الناس زادت ونقصت كتير، ولو الواحد اشترط ان الناس تبقى كتيرة يبقى لازم نبطل نعمل حاجات كتيرة كمان، كل واحد بيعمل احسن ما عنده وبيضحي، وممكن يكون عنده الشجاعة ان يعمل الحاجة اللي ناس اكتر حتعملها بكرة.
من الناحية التانية انا عايز احذر من عقدة المليونية: الفترة الجاية طويلة وحيكون فيها تظاهرات كتيرة وصغيرة مش حينفع نفتكر ان المليونية دي حد ادنى لأي مظاهرة ناجحة.
نقطة كمان ارجو ان لو العدد زاد، زي بعد 2 و3 فبراير والناس قدعدت تغني لشجاعة الكام الف اللي صمدوا تبقوا تعملوا نقد ذاتي، ولو ما زادوش، افتكروا برضه ان الكام الف اللي صمدوا يوم 2 و3 فبراير كان بيتقال لهم برضه ما خلاص، الناس ما اذنتش.
واخيرا، هم مين الناس؟ مش انا ناس وانت ناس؟ واللي نزلوا يوم 25 ما كانش عندهم فكرة كام واحد حينزل، واللي نزلوا يوم 28 ما اشترطوش ان يوم 17 فبراير ينزل الملايين احتفالا بيهم، هم كانوا بيثبتوا موقف يرضي ضميرهم. اللي نايمين في التحرير ولا هم سبب عناد شفيق ورجالة النظام البائد ولاهم السبب في نزول الأعداد ولا فشل الثورة ولا نجاحها.
قعادكم انتم في البيت يمكن هو اللي مأثر بالسلب؟
اما شفيق والصبر والكلام الفارغ ده، الثورة قامت لأن الناس فقدت الثقة تماما في النظام والا نفكركم؟ مفايش اي امكانية بعد كل اللي اندفع نرجع نقول نديهم فرصة: لوكانت الفرص تنفع معاهم ماكنتش الثورة قامت اصلا والا ايه؟والفرصة كانت لمدة 30 سنة والا ايه؟

ابن رشد said...

نوارة انا متفق معاكي في كل اللي قلتيه لكن انا مختلف معاكي ان الجمعة الاولى جمعة المليون كانت ناجحة بالعكس هي صحيح كانت ناجحة جماهيريا لكن فاشلة سياسيا فشل كبير جدا

Unknown said...

لا ارى كلامك صحيحا يا نوارة
هذا تثبيط همم قاسي جدا جدا
بالعكس
الجيش يرغب بمظاهرات الجمعة ولا يرغب بمظاهرات الاسبوع والشعب يرى الجيش سلطة ولا يراه كما تصورت ، والشعب يراقب الجيش ولن يقبل بأن يضيع ثورته

كلامك معناه ناموا والله يوفق الجيش واللي ييجي من عنده كله كويس ولو ما جابش حاجة يبقى نستخبى ورا ظهر الناس لا يستفردوا بينا
انا اتفهم ترك التظاهرات وسط الاسبوع ولكن تركها يوم الجمعة غلط كبير جدا جدا
المشكلة الكبرى في الاعلان عن التظاهرات لا في العدد وقناة الجزيرة مشغولة بليبيا وشغلتهم معاها ولم نعد نرى اعلانا عن التظاهرات
للآن لا نرى كلمة عن يوم الجمعة القادمة واضحة وصريحة
توقفوا رجاء ايها لاقادة والناشطون عن ذلك الاختلاف فيما بينكم فتفشلوا وتذهب ريحكم

نادوا بالخروج يوم الجمعة واحشدوا لها بجد وكد وهمة

ملكش دعوة said...

السلام عليكم

ملكش دعوة said...

السلام عليكم انا من مريدينك ومن اشد معجبينك وبقالي سنين بقرالك وفتحت عنيه علي الدنيا ملقتش اجمل من مدونتك صديقه وقريبه جدا لقلبي ومش هقولك رايي في اللي جاي لكن هقولك اني كنت بستنه اسمع صوتك علي الجزيره زي اللي مستني يسمع رقم جلوسه علي الراديو كل اللي اقدر اقولهولك ربنا يوفقك للي فيه الخير ويا رتني اقدر اساعد

Unknown said...

اولا مين قال ان احنا مش حنسمع كلامك لانك واحدة ست بقى ده اسمه كلام هوه احنا يارجالة بنسمع غير كلام الستات من اول اسبوع نتولد بيقولوا لنا اسمع كلام امك وتلاقيك بتسمع كلام اختك من حنيتها حتى لو كانت اصغر منك وبعدين بتسمع كلام الحكومة ياست الكل ثم انت بميت راجل
افهم انك بتحاولى تفسرى اللى حصل وكلامك رائع لكن الجيش كمان لازم يطول باله على الناس اللى بتموت فيه وحتموت عليه ونفسها تموت عشانه ياجيشنا احنا اللى بنحبك واحنا اللى مايهمناش لو اتعرينا وانت تبقى نزيه ويهمناش لو جعنا وانت تلاقى ومتبقاش اقل من اى جيش انتوا ولادنا وشوفوا كده الناس بتعمل ايه مع ولادها احنا بنقدم لكم فلذات اكبادنا وعارفين انهم لاقدر الله يمكن مايرجعوش لكننا بنقدمهم بطيب خاطر وهما بيتسابقوا عشان يجولكم قبل ماياخدوا حتى رأينا احنا بنمشى رافعين الراس لما يبقوا ولادنا شهداء فى العمليات العسكرية رغم مافى القلب من غصة ومن حسرة ومن فراق لكن كل مابنشوف بدلة ميرى للجيش قلبنا بيقول قدم الواد الثانى والله جيشنا يستاهل امال لو مرحش مين حيحمى الحمى ياجيشنا ثلاثين سنة مستنينك واخيرا استعجلناك فقررنا نبعتالك استدعاء مبروك جالك ولد اسمه الحرية ياجيشنا يواش ياواش علينا دا احنا اهلك المصريين

أوراق مبعثرة said...

أصبتي عنق الحقيقة يا نوارة يا بنت عم نجم , كالعادة كلامك صح مية في المية المظاهرات الصغيرة وسط الاسبوع بتعمل ترهل في الثورة , مش عايزين نضعف الثورة بإيدينا ونخسر تأييد الشارع , التركيز على يوم الجمعة والجمعة فقط ولكن تذكروا شيء مهم جدا , الجمعة اللي فاتت أعداد غفيرة جدا فاقت الاعداد اللي كانت في التحرير راحت تحضر خطبة الشيخ محمد حسان التاريخية في مسجد النور , وطبعا دا مش اتهام ابدا للشيخ حسان بإحباط التعبة بتاعة ميدان التحرير بالعكس الراجل كان متضامن مع الثورة من البداية , لكن شامم رائحة مش طيبة في دعوة وزير الاوقاف ليه في التوقيت دا بالذات عشان يسحب من اعداد التحرير ويعبيها في مسجد النور ودا لمعرفته بشعبية الشيخ حسان الطاغية , يعني نقطة محتاجة للتأمل

Karim Fadl said...

ينصر دينك يا شيخة

اول مرة الاقيكي عاقلة كده :)))))

واول مرة أقراء كلامك واتفق معاه مئة في المئة من غير ملاقي حاجة تحرق دمي

والرد الوحيد على اللي بيستغبى وعايز ينزل عمال على بطال هو انه لازم يفهم ان الحرب كر و فر ولازم ناخد هدنة عشان ندي فرصة لتحقيق المطالب ولو محصلش يبقى لنا العذر للنزول وساعتها الناس كلها حتنزل عشان حتعذرنا

سؤال مموتني: مين الجدع بتاع رشوة مرسيدس

negmat lail said...

أهم نقطةالآن وهامة جدا ان شباب الثورة يتحد و يجند مجموعة تتكلم باسمه ويرصد آراء الشارع وعلى ذلك الأساس يبني آراءه ..لا ينفع ان نتكلم في نفس واحد ..لا يعقل ان مجموعة من شباب الثورة في المؤتمر الصحفي على موقع الدستور الأصلي تقول انها لا تتكلم باسم حركة 6 ابريل ..لماذا لا يتحدوا ويوحدوا كلامهم ..الحكاية فعلا خطيرة

Unknown said...

تعاليلي هنا... عارفة اني اساسا ماحدش بيسمع كلامي لاني واحدة ست؟ ده على أساس إيه يعني؟ ده جمال الثورة إن أخيراً مبقاش حد بيفرق الكلام جاي من مين.. لا لا لا... متطلعش منك يا نوارة دي... ده إنت مثل أعلى يا بنتي إنتي مش حاسة بنفسك ولا إيه؟ إنتي إسم من الأسماء القليلة اللي كلامهم بيتاخد ثقة. بجد زعلتيني، متقوليش كده تاني.

إنتي (مع الأسف) معاكي حق... الناس فعلاً واخدة صف الجيش مش النشطاء، ولو أنهم يأخذون على الجيش البطء الشديد... (ما هو الناس مش غبية برضه، هم على رأي محمد دياب، بيلعبوا لعبة المستهبلة... حنفضل إيد واحدة يعني حنفضل إيد واحدة) بس في نفس الوقت، هم شايفين إن والله الجيش بيعمل على قد ما يقدر. وفعلاً لما الناس اتضربت في التحرير، نص اللي بيعلقوا (وخصوصاً بعد اعتذار الجيش) قالوا ما هم اللي نزلوا وهم عارفين إنه حظر تجول... ولو بيعذبوا البلطجية، ما هم يستاهلوا... واخدين صف الجيش للنهاية يعني... ما هوالجيش من الشعب، هم فعلاً كده، قياداتهم لأ، بس الضباط والمجندين دول إحنا... والشارع عمره ما حيقلب عليهم.

Anonymous said...

خليكى فى الترجمة الصينى
انا من شبرا الخيمة والناس مستفزة من عدم تنفيذ مطالب الثورةخصوصا شفيق ياراجل اللى واقع على ودانه زى استاذه
واحب اطمنك ان الثورة بالنسبة لنا مستمرة
وامبارح اجبرنا عدلى حسين محافظ القليوبية على الاستقالة
اللى فاضل اننا نشوفكم فى الميدان من تانى واكبر خطيئة هى اخلاء الميدان
ما تخافوش الشعب اللى لبس الداخلية طرح مغيرش موقفه بس واضح ان انتو اللى سيس ومش ثابتين على راى
for us ordinary egyptians the revolution is not over untill mubarak's gang put before justice.we will never feel tired .
we will make sure that the murderers pay for what they did.
mubarak's regime,party,ministry&way of ruling
are over.

Ranim Ayman said...

فيه سياسة للتفاوض لو طلبت طلبات قليلة بتضطرى اللى بيفاوضك انه ينفذ عدد جزء كبير من مطالبك .....انا باقترح ان تتقلص الطلبات الى طلبين فقط مدئياوبعد ان ينفذ طلب منهم نزيد طلب اخر وهكذا...لان اذا طلبت طلبات كتيرة بتدى الحق للمفاوض انه يقولك ادينى وقت علشان احقق كل مطالبك...انا وجهة نظرى ان نبدأ باهم مطلبين اذا تحقق احدهم فنحن الكسبانين 1-تشكيل مجلس رئاسى 2-تشكيل حكومة وطنية ..وبعد تحقيق احد هذه المطالب نطلب الاهم فالاقل اهمية ونطلب الاسهل فى التحقيق قبل الاصعب حتى افوت على المفاوض حجة الوقت..وجزاك الله خيرا

Ranim Ayman said...

فيه سياسة للتفاوض لو طلبت طلبات قليلة بتضطرى اللى بيفاوضك انه ينفذ عدد جزء كبير من مطالبك .....انا باقترح ان تتقلص الطلبات الى طلبين فقط مدئياوبعد ان ينفذ طلب منهم نزيد طلب اخر وهكذا...لان اذا طلبت طلبات كتيرة بتدى الحق للمفاوض انه يقولك ادينى وقت علشان احقق كل مطالبك...انا وجهة نظرى ان نبدأ باهم مطلبين اذا تحقق احدهم فنحن الكسبانين 1-تشكيل مجلس رئاسى 2-تشكيل حكومة وطنية ..وبعد تحقيق احد هذه المطالب نطلب الاهم فالاقل اهمية ونطلب الاسهل فى التحقيق قبل الاصعب حتى افوت على المفاوض حجة الوقت..وجزاك الله خيرا

Unknown said...

راي المستشار هشام البسطويسي صح ميه ميه وانا معاكي يا نواره في كل اللي بتقوليه احنا في اصعب مرحله واكثر المراحل حساسيه مش عايزين -اولا نقف ضد الجيش المصري ونخسره- تاني حاجه اراء الشعب بتنقسم ما بين مؤيد للوقوف في الميدان وعدم مؤيد والانقسامات دي كل مره بتزيد(انا من راي ننزل يوم الجمعه مليونيه بس نحرص علي اننا نمشي قبل الحظر - تالت حاجه رجاءاااااانشري المقابلات بين المجلس وشباب الائتلاف بالتفصيل عشان نبقي عارفين اللي بيحصل وماحدش يعمل حاجه من وراء الشعب ---ربنا يحميكي انتي وشباب الثوره

احلام جوليا said...

والله يا نواره هو ده الكلام الي كنت عاوزه اقوله بس معرفش اصيغه بطريقة مقنعة زي ما انت قلتي ومعرفتش اعبر بشكل واضح كده زيك برافو عليك

Layla said...

رائع

Salma Dahab said...

ما ده اللى بنقوله .. بنبقى واقفين و الناس عمالة تعدى تشتم فينا و تمشى .. محدش م البشر مقتنع أصلاَ بأهمية النزول دلوقتى .. إستنزاف حقيقى للسلاح الوحيد اللى معانا .. أنا متأكدة أن لو حصل أى حاجة الناس حسيت بأى حاجة هتنزل تانى م نفسها زى ما نزلوا 25 و كملوا 26 و 27 بس و 28 ..
بس يبقوا مستوعبين ..الفترة اللى فاتت كان فى حاجة عريضة كٌلنا عايزينها و هى غَوارن مبارك .. إنما دلوقتى مش كُل الناس هاممها شفيق يمشى ولا لأ .. و هنكمل و هنمشي بس مش كده .. الفترة دى ضبابية جداَ بالنسبة لإغلب الناس و مش كٌل الناس عندها تويتر ولا فى بيتها ناشطين سياسين .. شباب كتير م اللى نزل 25 خلاص منزلش بعد التنحى و مش هينزل تانى .. و الفزلكة بقى بتاعت إننا فاهمين و عارفين على رأيك هتكره الناس فينا مش أكتر

إنما الى بيحصل دلوقتى هبل ولا ليه أى لازمة عايزة تضغط خليك عالجمعة .. تقول إنك صاحى و مفتح و عرفت طريق الشارع .. و لو أنه كمان على رأيك نَزلة الجمعة حتى بقت ماسخة و ملهاش طعم ..و لكن بَرضه مع ذلك هننزل