Thursday, 24 February 2011

اختلاق الفوضى المفاجئة الذي لا يحله الا اقالة حكومة شفيق وحل امن الدولة الفوري

تحديث:
الضابط اللي قتل سواق الميكروباص ما ماتش، هو في المستشفى بس، واتقبض عليه، بس على فكرة يا وجدي.. حتمشي برضه


- مبارك قال: عليكم ان تختاروا بيني وبين الفوضى
- واحنا قلنا خلوا بالكم فيه ثورة مضادة
- الجيش قال مافيش ثورة مضادة بس طولوا بالكم
- تلات حوادث طائفية في يوم واحد
- اختلاق فوضى واختلاق ازمة في مسألة الدير
- محمود وجدي يبرئ ساحة الشرطة تماما من اي مسئولية فيما يخص موقعة الجمل
- امناء شرطة بيحرقوا مبنى تابع لوزارة الداخلية، مش فاكرة كان ايه
- ضابط شرطة يقتل سائق ميكروباص فالناس تتلم عليه وتقتله

الحل الوحيد ان المجلس الاعلى للقوات المسلحة يقيل حكومة شفيق، بما فيهم يحيى الجمل - او خصوصا يحيى الجمل - اللي المخلوع عينه في لجنة التعديلات الدستورية، ثم قبل انه يبقى نائب شفيق... روح بقى يا عم جون

لو ما كانش ظباط الداخلية فتحوا السجون - الظباط اللي برأهم محمود وجدي - ما كانش الدير اضطر يبني سور على ارض مخالفة لانه في وادي النطرون وجنبه سجن، ولو كان محمود وجدي قال كل ظابط فتح سجن للمعتقلين حيتحاسب ويتقدم للتحقيق بدل ما يبرأهم، ما كانش الدير وقف قدام الجيش وهو جاي يهد السور المخالف، لان كانوا حيبقوا مطمئنين

لو كان أمن الدولة اتحل، او تم دمجه في الجيش، ما كانش راح عمل في نفس اليوم تلات حوادث طائفية

لو ما كانش محمود وجدي برأ الشرطة من كل جرائمها ما كانتش الناس مسكت الظابط اللي قتل سائق الميكروباص وقتلته بايديها لانها عندها احساس ان حقها حيضيع

واساسا لو شفيق عمل لجنة عاجلة لتنقية جهاز الشرطة ما كانش ظابط قتل سائق ميكروباص في الشارع

ولو من الاصل اتسمع كلامنا وحكومة شفيق كلها اتحلت وجابوا حكومة كفاءات مالهاش علاقة بالنظام القديم
ولو من الاصل اتسمع كلامنا وتم الغاء العمل بالدستور القديم والتعديلات اللي اتعملت دي بقت دستور مؤقت
لو الحاجتين دول بس اتعملوا ما كانش اذناب النظام حيبقى عندهم الامل ده في الرجوع، ومن ثم كانوا حيحاولوا يتعايشوا مع الوضع الجديد ويلبسوا توب الثورة بدل ما يفضلوا يحاولوا يهدوا فيها لان لسه فيه ثغرة قانونية مدياهم امل انهم يرجعوا
انا مقدرة رد المجلس العسكري على الكلام ده:
1- مش عايزين نقيل حكومة شفيق دلوقت لان دول عارفين تفاصيل الوزارات ومع مراقبتهم حيبقوا اقدر على تسيير الاعمال
2- لو عملنا دستور مؤقت حيبقى فيه فراغ دستوري وحيضطر المجلس العسكري يطلع قرارات وكده حيبقى حكم عسكري واحنا مش عايزين حكم عسكري
ده كلام رائع... بس ده يتقال في مجتمع انبياء، مش مجتمع الفساد فيه متجذر بالطريقة دي
لان الحكومة دي عشان هي عارفة تفاصيل الادارات حتستغلها لصالح النظام البائد اللي هي على ولاء له
واذا كان المجلس العسكري مش عايز شبهة حكم عسكري، ادي اذناب النظام بيخلقوا فوضى عشان يجبروا المجلس العسكري انه يعمل حكم عسكري
اما عن حل امن الدولة، الجيش مش عايز يخلق منهم مافيا - على حسب كلامه - دي ناس مسلحة، ولها رجالة، وهم مش عايزين يحلوهم والا حيبقوا مافيا
كلام جميل.... بس هم مافيا بالفعل
وقلنا يتم دمجهم في الجيش والجيش اولى بميزانيتهم المهولة واللي مش بتتصرف على حاجة غير على الخراب
الجيش قال: لا... احنا بقى لو فتحنا الفاتوحة دي حيبقى حكم عسكري بجد.. ندمج كل مؤسسة فاسدة بقى معانا؟
لا.. ماحدش قال ندمج كل مؤسسة فاسدة.. امن الدولة بس.. امن الدولة بس
الجيش له اراضي، وله مشاريع، يشتغلوا فيها، ومن غير ذل ولا حاجة، اللي كان ظابط يشتغل شغلانة في المشاريع دي ما يوازي مقام الظابط واللي كان عسكري يشتغل مزارع ولا بنا ولا اي حاجة تنفع البشرية بدل ماهم عايشين يرازوا في مخاليق ربنا كده

الكلام ده قلناه قبل ما تحصل الكوارث دي وماحدش سمعنا
طيب... الشعب يريد حل امن الدولة
الشعب يريد اقالة حكومة شفيق ومحاسبتهم
الشعب يريد دستور مؤقت
والكلمة كلمة الشعب والشورة شورة الشعب... مش ممكن المناهدة دي في كل نقطة نطالب بيها

وائل خليل قال اللي بيطالب باننا نخلص الثورة عامل زي اللي واقف على باب اودة العمليات يقول للدكتور اللي بيشيل ورم: يالا خلصنا بقى يا دكتور، المهم يخلص مش المهم يشيل الورم؟

ماهو حيروح لوحده، لا مش حيروح لوحده، ما انت شلت نص الورم كفاية كده
هو ايه اللي كفاية؟ احنا بنفاصل في تلاتة كيلو اوطة؟

70 comments:

ahmed said...

محدش مات فى موضوع ميدان الجزائر

http://youm7.com/News.asp?NewsID=357801

Mahmoud ElGammal said...

انا بس عندي تعليق على حكاية دمج الامن المركزي في الجيش دي. الكلام ده مش ممكن يحصل، بسبب اتفاقية كامب دافيد، و اللي بتجبرنا على ان الجيش لا يتعدى افراده عدد معين. من الاخر، الحل ده غير ممكن. عايزين اقتراحات تانية.

عبده البرماوي said...

طيب

المجلس ده كده هيفطس تحت المطالب.. خلينا نساعده بقى

عمرو حمزاوى طارح طرح كويس هو عمل مجلس للحوار الوطني من شخصيات عامه يساعد المجلس على ادارة المرحلة الانتقالية عبر ايجاد توافقات عامه حولين ايه اللى المفروض يتعمل وده يحرر المجلس من الانفراد بادارة البلاد ومن انه يبدو حكم عسكرى

مش مهم خالص قصة الدستور وشكله لانه مؤقت.. المهم التعديلات تجيب ضمانات أن نحصل على ريس يمثلنا بجد ومعاه مجلس وحكومة تعبر عن الشعب المصرى، وبعد كده هو يتولى بقى سواقة المركب.. وباقول المجلس يشكر لحد كده.. خلينا فى التعديلات اللى عملها..

حكومة شفيق ملتبسة.. طنطاوى ليه ما يتولاش بنفسه رئاسة الحكومة.. ده الحل اللى بيطرحه حسن نافعه لحل معضله هى ان من يرأس المجلس العسكرى الحاكم اللى مشغل شفيق هو نفسه وزير الدفاع فى حكومة شفيق يعنى مرؤوسه.. طبعا ده عامل زى ما يكون تركيز سلطات فى يد طنطاوى.. بس خلينا نقول انه ينفع بالمعنى ده للتعبير عن ارادة قوية للحكومة.. والامر كله عبارة عن اشهر قليلة.. وظنى ان الدكتور الجمل مش وحش لو فضل نايب.. بطلى تبقى شعنونه مع الناس الكويسه.. الجمل يقدر يوازن بشكل كويس الافكار القانونية اللى شغاله دلوقتى.. خلينا نجرب.. بجملة التجارب.. الثورة تجربة يا ستى

أنا مش فاهم قصة مكافحة الفساد اللى شغاله.. النيابة العامة لازم تبقى الجهة الاخيرة.. مطلوب مجلس او هيئة توحد جهات مكافحة الفساد وتنسق بينها.. عندنا رقابة ادارية فيها جرمأ بشرى، ومباحث للأموال العامة.. وجهاز للكسب غير المشروع.. ومخابرات وأمن دولة اشتغلوا على المسائل دى.. طب النيابة العامة اساسا كل افرادها يجوا الفين وبالقضاة يبقى عندنا تمن تلاف رجل قضاء.. فى وضع امنى متنيل.. وفى ظل تراكم قضايا كتير.. النيسابة هتعجز قدام جبل الفساد الرهيب - بحسب وصف المجلس العسكرى - وده يحتاج لآلية جديدة وسريعة.. جهاز عام ينسق بين الاجهزة دى والنيابة ويسرع فى المحاكمات ويجرى ورا فلوسنا هيحل ده

انا مع التظاهر.. بس فيه فكرة لميسة بتقول.. نعمل صفقة مع المجلس العسكرى.. هما يستكملوا المطالب دى وبوضوح.. ونديهم مهلة من غير اى مظاهرات لمدة تمانين يوم.. لاعادة الأمن والاستقرار، وضبط الجهاز الحكومى، وتفعيل آليات للاصلاح السياسى والانتخابى.. وهى مهلة كويسة للاحزاب والتنظيمات الجديدة عشان تشكل نفسها وتبص لطريقة تنظيمها مؤسسيا.. الصفقة دى محتاجه ضامنين.. نراجع الفكرة الاولى بتاعة عمرو

مش عارف.. انا برضو رغم كل ده..

zara shaishaa said...

That is exactly why the MC has to have two or four civilian, very reputable and professional, in a presidential council to rule for whatever it take to do the building of a new democratic system with all the bodies needed to secure the process. The first thing is cleaning the country from all of the old regime. Starting with dismantling and rebuilding the Police force under a civilian minister with judicial background.

Mohammed Gamal said...

@Mahmoud ElGammal:
ماحدش قال نلغي الأمن المركزي. المطلوب تقليص عدده, دة كان أكبر من عدد القوات المسلحة نفسها. دلوقتي لازم انه الأمن الركزي يتحول لقوات اشراف غلى الحدود بموجب اتفاقية كامب ديفيد و زي أي جهاز شرطة في العالم ممكن يقوم بهمة مكافحة الشغب. بس دة معناه انه أعداده لازم تقل و لازم يتم اعادة هيكلته مع بقية اجهزة الشرطة.

dr_abdog said...

شوفتي الموضوع ده يا نوارة
عايزين نتأكد منه
أنا أظن إن اللي عمل كده بتوع أمن الدولة وإنهم لبسوا زي الشرطة العسكرية عشان يوقعوا بين الشعب والجيش
إيه رأيك؟
http://www.facebook.com/note.php?note_id=10150095227361733&id=674155191

negmat said...

بالنسبة لحل امن الدولة هل حيكون زي حل الجيش في العراق ويعمل مشاكل جوة البلد كاننا سيبنا الحرامية من السجون وبعدين يلزم ان يتحاسبوا ويتحاكموا اما موضوع دمجهم في الجيش فده تخريب للجيش بعناصر سيئة

عبده البرماوي said...

الأمن المركزى ومباحث أمن الدولة لازم يحصل فيهم اعادة هيكلة وتقليص..

الأمن المركزى يرجع لقيادة الجيش .. وده عودة للأصل على فكرة.. فهم قوة مقترضة - لو صح التعبير - من وزارة الدفاع.. نص مليون كتير ومكلفين.. يتم اختصار القوة دى لتكون قوة طوارئ داخلية - على غرار الحرس الوطنى فى امريكا - ويبقى مهمتها مواجهة الطوارئ والكوارث والشغب وكده.. بنتكلم عن خمسين لستين الف جندى

الباقى يرجع الجيش.. وشوية يتعمل بيهم منظومة للأمن العام فعالة.. عساكر الدرك والحماية يرجعوا تانى.. الناس فقدت الشعور بالأمن.. عاوزين كمان عملية قوية لتنظيم المرور وضبطه.. مصر فى كارثة عشوائية الشوارع.. والامن له دور هنا.. واهى شغلانه للافراد.. بدل الاسترزاق..

أمن الدولة.. حبيب قلبى.. ده بقى يتحل.. ويتقلص لإدارة لمكافحة الإرهاب جوه المباحث العامة.. الزيادة من الظباط عاجبهم شغل الاقسام اهلا وسهلا.. مش عاجبهم الباب يفوت جمل.. ومن ناحية تفويت الجمل الهيكلة يكون معاها مراجعة ملفات الضباط.. ودى عاوزه لجنة عسكرية خاصة من القضاء العسكرى.. رغم انه استثنائى، بس اهى فرصته جت.. ما يعتقش.. واللى يثبت انه كفاءة وكويس نبقيه فى ادارة مكافحة الارهاب والجرائم المستحدثة.

احنا محتاجين مجلس امن قومى واستعادة سيطرة الشعب على اجهزة حمايته.. ودى بقى حاجه بيسميها العالم الرقابة الديمقراطية على قطاع الامن والدفاع.. وعمو عبدو هو صاحب مدونة الجيش والديمقراطية.. المنشأة فى اواخر 2009 لهذا الغرض تحديدا.. دورى على المدونة دى


..

واحد من الناس said...

بصي بقى علشان انا نفسي مش طويل , الجيش لازم يفهم انه بيحكم باسم الشعب مش وصي عليه , http://www.facebook.com/l.php?u=http%3A%2F%2Fwww.almasryalyoum.com%2Fnews%2F%25D8%25A7%25D9%2584%25D8%25AA%25D8%25AD%25D9%2581%25D8%25B8-%25D8%25B9%25D9%2584%25D9%2589-%25D9%2585%25D9%2583%25D8%25A7%25D8%25AA%25D8%25A8-%25D8%25B9%25D8%25B2%25D9%2585%25D9%258A-%25D9%2581%25D9%258A-%25D9%2582%25D8%25B5%25D9%2588%25D8%25B1-%25D8%25A7%25D9%2584%25D8%25B1%25D8%25A6%25D8%25A7%25D8%25B3%25D8%25A9-%25D8%25A8%25D8%25B9%25D8%25AF-%25C2%25AB%25D9%2581%25D8%25B1%25D9%2585%25C2%25BB-%25D8%25A2%25D9%2584%25D8%25A7%25D9%2581-%25D8%25A7%25D9%2584%25D9%2588%25D8%25AB%25D8%25A7%25D8%25A6%25D9%2582-%25D8%25B9%25D9%2582%25D8%25A8-%25D8%25AA%25D9%2586%25D8%25AD%25D9%258A-%25D9%2585%25D8%25A8%25D8%25A7%25D8%25B1%25D9%2583&h=7e194
ده خبر في المصري اليوم , الجيش لسه فاكر يتحفظ على مكتب زكريا عزمي بعد مخلص على فرم الاوراق المهمه , انا مش عايز اقول الجيش بيماطل فينا لغاية ميغطي على المصايب في بقية الوزارات المهمة زي خارجية ابو الهم والغم وداخلية مسيلمة الكذاب وظلم مرعي , انا بكره نظرية المؤامرة بس معلش يعني المسيحيين عاملين مناحه في كل المواقع بتاعتهم علشان الدير اللي هما اصلا معترفين انهم بنوا على ارض ملك الدولة يعني شغل ضربني وبكى وقسيس مقتول وراه متظاهرين نفديك يا صليب وعايزين حق ابونا , شغل الهبل ده ريحة امن الدولة فيه زي ريحة السمنة البلدي في الاكل ,لازم حسم , شغل الطبطبة ده مش نافع هوه مبارك معدش حد بيجيب سيرته ليه , هوه مش مجرم يتم التحفظ عليه لغاية مينتهي التحقيق طلع برىء انا حرشحة في الانتخابات الجاية طلع حرامي وقتال قتلا , عشماوي في انتظاره والكفن عليا

negmat said...

يوجد تعليق على الفيس بوك بالنسبة لحل امن الدولة لأحمدي فرح يقول: يا أستاذة نوارة كلامك مهم جدا .. لكن لو سمحتي لي عندي ملاحظة بسيطة بعد انتفاضة الشعب السوداني ضد نظام (مايو) في انتفاضة شعبية كان معروفا هذا النظام بقوة جهاز أمنه وعمله على القمع والتعذيب بعد الانتفاضة كان من الطبيعي ان تتعالى الأصوات مطالبة بحله وهذا ما حدث ولكن للأسف فقدت الكثير من المعلومات والملفات وتم استعمالها لأغراض أخرى للإستفادة من التاريخ أرجو أن لا تتعجلو ولتطالبو بتحويله قانونا لجهاز جمع معلومات وتقديمها للجهات العدلية لتقوم بدورها .. ومحاسبة أي مخالفات سابقة ارتكبت في حق المواطنين .. هذا مع خالص ودي وتقديري

khaled dreams said...

رداً على الاستاذ / محمود الاول
ان مصر تعيد حسابتها فعلاً ببعض بنود اتفاقية كامب ديفيد المشئومة وتبسط سيادتها الفعلية على ارض سيناء وبلاش امن مركزى يحرس حدودك الشرقية لأن دة انتقاص سيادة لمّا متقدرش ترسل قوات إلا بموافقة اسرائيل ... عيب
ال700 عسكرى امن مركزى مسلح ببند
قية كلاشن لا تقدم ولا تأخر مع اليهود .. او فى حماية حدود دولية .. دول مخصوص علشان القمع والتعدى على حرية المواطن

نوارة .. انا متفق مع كلامك .. احنا معملناش ثورة عشان ينقطونا مطالبنا وبفقوا مرارتنا اكتر من كبيرهم .. احنا بنقوووووووووووووووووووووووووول اسقاط النظاااااااااام وتقريبا لسة مش واصلة الفكرة

Ahmad said...

لا بد من وقفة جامدة وفرض التغيير على قيادات الجيش العليا لأنها تحاول إطفاء الثورة ,,, وبالنسبة لك يا محمود بخصوص إتفاقية كامب ديفد هي ليس ملزمة للثورة وتساوي هذه الإتفاقية قيمة الورق المكتوبه به

إن أمريكا والدول الغربية يسعون فقط لمصالحهم, وبعد قيام هذه الثورات الشعبية المباركة في العدد من الدول العربية وتساقط عروش التبعية لأمريكا أصبحت تتخبط في مواقفها محاولين تمييز من يستطيعون دعمهم في هذه الدول وإستمالتهم لتأيد سياسات أمريكا لكي يتسلمو السلطة بطريقه أو بإخرى في خضم هذه الثورات , في مصر يحاولون إمتصاص الثورة تدريجيا ليتولى مناصرين أمريكا تدريجيا السلطة خصوصا وأن بعض القيادات العليا للجيش المصري أسرى للسياسات الأمريكية , وفي تونس كذلك , في ليبيا ليس لديهم أي إختيار جاهز ليدعموه لذا نرى السكوت المطبق عن إدانة المجازر وعدم تأييدهم للمظاهرات حتى الآن ,, وإلى أن يتم إختيار وإستمالة أحد الليبيين ليكون ذراعا لأمريكا في ليبيا سيستمر هذا التخبط, بالنسبة لمصر ستستمر محاولات إمتصاص ثورة الشعب بمختلف الأساليب وخصوصا تلك الإعتصامات الفئوية هي دليل على ذلك , وتدريجيا يتم فرض الموالين لأمريكا في المناصب القيادية

AD sabry said...

موافقه على كل كلمه بس في موضوع ليبيا تفتكري هتنتهي ازاي و احنا ممكننعمل ايه اكتر من المظاهرات?

adsabry said...

موافقه على كل كلمه بس في موضوع ليبيا تفتكري هتنتهي ازاي و احنا ممكننعمل ايه اكتر من المظاهرات?

Egypt Revolution said...

طالما عدو الثورة أحمد شفيق رئيسا للوزراء
وطالما وزراء الوزارات السيادية مثل الداخلية والخارجية والعدل الذين عينهم مبارك لا زلوا في أماكنهم
وطالما أمن الدولة لم يتم حله
وطالما قانون الطوارئ ما زال ساريا
وطالما الإعلام والصحف والفضائيات يسيطر عليهم ذيول مبارك

فالثورة لم تحقق أهدافها ونظام مبارك سيعود للحكم ولو بأقنعة أخرى

ولذلك سنواصل الثورة بإذن الله

فقط لي رجاء أن يقوم من يستطيع الإتصال بمسئولي مكتب الجزيرة بالقاهرة ـ أظن يمكنك ذلك يا نوارة ـ أن يناقشوا أوضاع ثورتي مصر وتونس بجانب أحداث ثورة ليبيا ولا يتركونا في منتصف الطريق حتى يحدث ضغط إعلامي وتصل المطالب لفئات عريضة من الشعب وحتى تنجح الدعوات إلى المليونيات القادمة لأن نظام مبارك يتحين فرصة لينقض بمظاهرات مضادة قد تطالب بعودة مبارك أو إبنه أو بترشيح شفيق للرئاسة مثلما ظهرت بعض الدعوات على الفيسبوك!!!

وربنا معانا بإذن الله
محمد سرحان

Aleimam said...

أستاذتي نواره

تحية طيبة

على الرغم من أني أعشق لكتابة والتحليل إلا أني معجب ولأبعد الحدود بأسلوبك الرائع في الكتابة

على الرغم من أن قلبي جامد (نسبياً) إلا أنا أبكي عند نصف مقالاتك وأضحك عند نصفها الأخر

تقبلي تحياتي وواصلي ونحن جميعاً في طريق واحد لا يمكن أن نتراجع أبداً

ebn said...

أنا رأيي أن مظارهة يوم الجمعه ما تكتفيش بإنها تبقي مظاهرة و الناس تمشي زي كل جمعه ... لازم يتقلب اعتصام زي ايام الثورة ... لازم ما نمشيش لحد ما المطالب تتنفذ ... و الا هم هيقولوا اديهم كل جمعه بيجوا و بيمشوا و خلاص و اللي في دماغنا هنفذه برده ..

حد سمع صووووتي و للا لأ ؟؟؟؟

انا قلت لكم اهوه .. لازم يقلب اعتصااااااام

Marwa Aly said...

استاذة نوارة
شفتى اللى حصل فى ميدان الجزائر والشرطة اللى راجعة تقتل فينا من تانى؟

torero said...

معلش يا نوارة انت بالف راجل
استمرى فى المناهدة اوعى تسكتى
لازم كل مطالب الثورة تتحقق غير كده البلد هتتحول لغابة واللى حصل انهاردة بين الواد الظابط والسواق هيتكرر كل يوم و كل واحد من الشعب هيشيل سلاح والجيش لازم يفهم ان مفيش مصرى هيقبل ينضرب على قفاه مرى تانية
ربنا معاكى و يوفقك
مصرى ابن مصرى ابن مصرى

Marwa Aly said...

يااستذ احمد لا فيه حد مات سواق الميكروباص مات انا من منطقة المعادى والراجل نقلوه المستشفى وهو خلاص كان مات

مصرية حرة said...

أرجو تعديل الشعب يريد دستور مؤقت الي "الشعب يريد اعتبار الدستور بعد ضم مخرجات لجنة تعديل الدستور دستورا مؤقتا يلغي الدستور السابق"ق
مش عايزين نقول الشعب يريد دستور جديد لان ده حيفتح مجال للغوغائين يقولك انتم اللي طلبتم و تدخل كل فئة عايزة تغير حاجة علي مزاجها و ندخل في دوامة مش وقتها خالص ...واعتقد ان الصيغة اللي فوق تحل النقطة اللي اثارها المستشار هشام مع عدم دخولنا في متاهة.
النقطة التانية اوافق علي حل جهاز الامن و برضه ممكن نقول وضع الجهاز تحت خدمة مشاريع الجيش المدنية وممكن الاستفادة بميزانيته في عمارة مصر وصرف مرتبات العاملين به بالمشاريع المدنية .وفيه عدة حلول سهلة التنفيذ نستطيع التقدم بها بس الجيش يقبل المبدأ. دول طاقة يجب توجيهها في البناء بدل هدم الشعب و الفساد و الخراب.
قرأت دعوةللتظاهرومحاصرة شرم من 4 مارس لمنع دخول و خروج أي شخص الي هناك.
بكره انشاءالله الميدان ..الميدان
و ارجو تذكر حشد الشباب العاطل علشان يشتغلوا معانا الفترة الجاية في رصد الشركات و المصانع التي يملكها رجال الاعمال الفاسدين الذين سلبوا خير مصر و كذلك لرصد كل الاعمال الفنية التي سيتم عملها عن الثورة . ممكن تعملي جروب للموضوع ده يعلن عن اسمه بكرة و يتم من خلاله توزيع الاعمال على الشباب ..احنا عايزين قبل الجمعة 4 فبراير يكون عندنا معلومات مبدئية كاملة علشان يعرفوا ان الشباب يقدر يدير بلده..ارجو تشاركوني لو الفكرة لاقت استحسان ولو عجبتكم ممكن نعمل خطة تنفيذية

Hossam said...

Again I agree with you, but not in Dr Yehia El Gamal issue.
God is still sending his messages, exactly as he was doing during our revolution. We have to insist on the removal of this government. We have to insist on the removal of this Wagdy, of this Mar3y, of this Abou El Gheet.
My greetings to you.

Mohamed said...

المفروض مظاهرة الجمعة تبقى امام رئاسة الوزراء علشان تبقى الرسالة مباشرة

طبيب بيطري said...

حقيقة كلام منطقي
ومش منطقي
يعني بالعربي كدا حاجة تحير
..........
فيه ثورة مضادة تمام والجيش مش بيقول مفيش ثورة مضادة هما بيتكلموا علي تعبير مستحدث هما عارفينها بمعني اشعال الفتنة
ودي عادي مش لازم يكون القاموس السياسي مية مية مش في المعجم الوجيز لكن المعني واحد
فيه ناس هتحاول تشعل فتنة
بالنسبة للناس اللي بتحاول تعمل فتنة بين المسلمين والمسيحين دول مش هيفرق معاهم مين وزير الداخلية اي نعم هيضعفهم نسبيا بس اذا كان ما اضعفهمش الرئيس وسكتهم برحيله
يبقي دورنا ان اي واحد م العالم دي يتمسك ويلبس حلة ويتسلم علطول
وياريت لو امكن المساعدة علي نزول الشرطة
وبالنسبة للظابط اللي قتل دا فاكيد بردوا من بقايا الزبالة هو والامناء ودول المفروض يتمسكوا ويتسلموا او اي حد علي شاكلتهم
نرجع تاني لموضوع الناس اللي مش عجبانا
اي حد مش عجبنا عندنا النائب العام والمستندات وعلطول وفيه قضاء اللي الجيش بيحترمه ومؤكد عليه
انما لو كل يوم طلعنا بمظاهرات وانا بحترم حرية الراي واللي يحب يطلع لان المظاهرات دي هي اللي خلت الجيش يقف معانا
ولازم نبقي صادقين ان الجيش كان موقفه مشرف - لاقدر الله - كان ممكن نكون زي ليبيا دلوقتي ولا البحرين وصدقيني الجيش المصري مش ضعيف في التعامل
مش لازم ندي فرصة لحد انه يخلينا نضغط علي الجيش فوق طاقته
دي جيش عسكري بحت مكنش بيطلع يدي صوته في الانتخابات مرة وحدة مطلوب منه يشرف علي ادارات حكومية ووزارات لغاية وزارة السياحة
معلشي الجيش معروف اضربلي دا بالنار فجرلي الغواصة دي كتيره ابنيلي الكوبري دا
فلازم نضع في الحسبان الناحية العسكرية اللي عليها الجيش
يعني مش املاء طلبات وخلاص
لازم نعرف عقولهم ونحاورهم بمجموعات شباب ممكن نتكلم ع النت
لكن مجموعات الحوار هتسهم اكتر لانهم بيحاولوا يعملوا تهدئة ومبيحبوش يظهروا بمظهر ضعف
فجلسات حوار ممكن تحقق المطالب اكتر من الكلام علي النت والمظاهرات
ياريت يتعمل جروب ناس كدا من الشباب
ويطلعوا يقابلوا المجلس العسكري ويناقشوهم
انما خنفضل نعلي صوتنا لبعض ونقضيها ايملات ومظاهرات وبتوع الثورة المضادة شغالين علي ارض الواقع
خدوا بالكم ان فيه ظباط في الجيش ليها ولاء للنظام القديم وزمانهم بيسخنوا ويقولوا شوية عيال ومش عارف ايه
مع كامل احترامي احس ان الشعب المصري بدأ يشعر بالامان ولو نسبيا لكن نسبة معقولة
يعني الجمعة الجاية مليونية واللي بعديها نص مليونية وهكذا لغاية لما نبقي جمعة المية
وساعتها مش هيبقي فيه لسان للتفاوض مع الجيش

وفق الله مصر بابنائها وجيشها

مصرية حرة said...

يا جماعة احنا وقفتنا بكرة دعم للجيش و ليس استعجال له..
انما احنا بنأكد على المطالب و اننا بهذه الوقفات نؤكد ثقتنا و دعمنا للجيش من اجل تحقيق مطالبنا و نشد من عضده في مواجهة الفساد المستشري سويا..
بالعربي بنقوله احنا معاك يا جيش شيل شفيق و حكومته و الشعب كله مساندك
طلع المعتقلين السياسين و احنا وراك ...

قولوا يارب لان كل خطوة بنتقدمها بتكون بتوفيقه و كل واحد يروح يبوس ايد امه وابوه ويطلب دعوتهم علشان البركة تحل علينا

جبهة التهييس الشعبية said...

لا احنا وقفتنا استعجال له عشان ندعمه

لان استمرار اذناب النظام في مراكز القوة فيه خطورة على الجيش زي ما فيه خطورة علينا

ومافيش حاجة اسمها على مهلنا

مهلنا ده ايه؟

لو على مهلنا ما كناش عملنا ثورة

nour1971 said...

انا مش عارفه لو مكنشي فيه واحد زيك يا نواره بتكتب كل الي جوانا كان حصلنا ايه كان جالنا زهايمر بعد السكر و الضغط و الامراض المستوطنه و الغير
مستوطنه و اللهي انا قلبي واجعني من ساعه ما قرأت الخبر و مش عارفه الواحد يخلي ولاده تخرج ولا لاءه انا متأكده انهم بيعملوا كده علشان يخوفونا وميخلوناش نخرج بره بيوتنا ونعمل المظاهره بكره بس مهما حصل مش لازم نسكت لأننا لازم نطهر البلد منهم كلهم و بعدين انا عايزه اعرف زكريا عزمي بيهبب ايه في قصر الرئاسه و قصر عابدين من يوم ما الزفت اتنحي الجيش سايبه كل ده و اكتشف امبارح بسسسسسسسسس انه هناك و اعدم الاف الاوراق و انه سافر كذا مره علي شرم و بيكلم زفت الطين كذا مره في اليوم معلشششششش ايه التهريج ده انا مش عارفه ربنا يستر علي البلد و توصل لشط الآمان باولادها يا رب

powncouno said...

فيه مقال مهم منشور فى الوفد على اللينك التالى ارجو قراءته و مناقشة ما جاء فيه من اجل حماية الثورة من اذناب الحكم البائد

http://www.alwafd.org/index.php?option=com_content&view=article&id=18724:ميليشيات‮-‬الوطني‮-‬تستعد-للانقضاض-علي-ثورة-الشباب&catid=144:ملفات محلية&Itemid=337

labied said...

يا جماعة أمريكا و بريطانية يحاولون السيطرة على إتجاه الثورة و تحولها إلى حركة تصحيح
يعني إبعاد الشعب عن مصدر القرارات المهمة
ثم تحويل الاعلام في خدمة السياسات الحكومية و جعل الناس يضنوا أنهم يعيشون في ضل الديمقراطية
هذا ما يسمونه التحول السلمي للديمقراطية
انكم بدئتم أول ثورة شعبية سلمية في التاريخ
فلا تسمحوا لهم بحرفها عن مطالبها بإسقاط النضام

kokololo said...

Nawarah, i have an idea, cam a group on the demonstartion goes to wazaret eldefa3, as they did with the palace, so they can listen well to what we say.i think it will have a huge effect on the army.
thank you

kooky kak said...

تمام صح لسانك
بس عايزة اقول حاجة امن الدولة شغال بجنان على النت وانا كل ما ادخل على صفحة في الفيسبوك واقول انزلو المظاهرة بكرة يتعمل لي بلوك من الموقع ومش انا لوحدي فيه ناس كتير كده ده غير سفالة ووقاحة الاعلام
فيه حاجة غلط بالتاكيد
الناس دي لسه زي ماهي وبكل قوتهم بيحاولوا يخلوا الحكاية يبقى الوضع على ماهو عليه
لا كده مينفعش خالص
ولا كاننا عملنا حاجة
ياعالم ارجوكم الكل ينزل الميدان
والكل يطالب باللي يحل القرف ده من جذوره
حل امن الدولة والغاء الطوارئ ومحاكمة صفوت وسرور وكل اللي زيهم واهم من ده كله اقالة شفيق يا راجل واللي معاه
ده انا حتى سمعت ان فيه صحيفة اجنبية قالت انهم بيعدوه يبقى رئيس الدولة
اجمع كله بكره في الميدان يا اما عليه العوض ومنه العوض

rahrom said...

هو ده الكلام يانوارة بنقول تور يقولو احلبوه هم اكتر من ممتازين بس مش بيسمعوا غير نفسهم واقترح تقابليهم مع ابراهيم عيسى وعبد الحليم قنديل

negmat said...

طيب نخلي الشعار :
عايزين نشوف صرفة لأمن الدولة

حسن على said...

يجب حل هذا الجهاز القاسد -كما يعرف القاصى والدانى -انة اسواء الاجهزة سمعةويشين العاملين فية بممارسة القتل للاشتباة ,والخطف والتعذيب للمعارضين وانتهاك الاعراض, وفرض السيطرة, وانحرافة واجرامة مشهود للجميع وسؤ استعمال سلطاتة والاستفادة من قانون الطوارىء فى كافة امور الانحراف بما فيها تسهيل الدعارة ارضاء لرغبة منحرفية ومحترفية ,والتباطؤ فى حلة علامة استفهام كبيرة من يجيب عليها لأعادة الطمائنينة للمصريين؟؟؟؟؟؟؟؟؟؟

egypt4ever said...

السادة قادة الجيوش نشكركم لأنكم لم تطيعوا أوامر مبارك وتقتلونا
ولكننا لم نقم بالثورة لمجرد العيش
بل للعيش بكرامة
ووجود حكومة الشفيق يقتل أى كرامة لنا
فإما أن تقيلوا حكومة الشفيق
أو تقتلونا وتريحونا
مرة أخرى نشكركم على الصبر علينا

negmat said...

يا جماعة بقولكم نشوف صرفة لأمن الدولة مش لازم نحله ونسيبه علينا نشوفله صرفة كويسة يمكن ينفع في حاجة ...بس يكون الموضوع مدروس عشان:
نحاكم اللي لازم يتحاكم
ونلحق المستندات والمعلومات قبل ما تطير
المهم بسرعة (عشان خاطر نوارة ) وبحكمة وانجاز

مش فاهمه said...

شوفتى يا نوارة بطء الجيش فى الأستجابه هو اللى عمل البلاوى دى و اعطى الفرصه للفوضى دى
مش بنتعوج على الجيش بس الجيش يشد حيله معانا شويه بقه
المهم رأيي ان اللى حايروح بكرة التحرير يعمل حسابه على بيات لحد ما الحكومة دى ترحل و اللى يشوف طارق البشرى يقوله الناس زعلانه انك قبلت ترقع فى دستور كان لازم يسقط و يقول ليحيى الجمل الناس زعلانه انك قبلت منصب فى حكومة غير مقبوله شعبيا

basbosa said...

واضح ان الداخلية مفيش فايدة فيها وديل الكلب عمره ما يتعدل

Andalosy said...

ما حدث من الضابط وخاصة بعد تصريحات الملعون مجدي يؤكد وبشدة ان العقلية لن تتغير وان الشرطة اصبحت تحتاج لرأس نظيف يعيد تركيبها ومحاكمة رؤوس الفساد فيها .. وهذا لن يتحقق إلا بزوال شفيق و عصابته .. نحن كمصريين الآن أمام خيار هام .. ورأيي ان نضع الجيش أمامنا و نسأله .. معنا فنثور معك ؟ أم ضدنا فنثور عليك؟ .. لا يجب ان يقف بيننا وبين حملة تطهير البلاد أحد .. ومن يقف أمامنا فهو عدونا .. ومن يقف في صفنا فهو معنا .. ولا خيار ثالث!

يا نوارة .. كنت تقولين ان من يتهم الجيش فهو من النظام وأنا أقول إن لم يسقط الجيش شفيق و عصابته بالكامل فهو النظام الذي نقف أمامه!

ويا نوارة مم تخشين؟ ان تكون مواجهة الجيش دموية .. إعلمي أننا شباب قد حمل أرواحهم على أكفهم ونحن لها يا نوارة .. نحن لها يا نوارة .. نحن لها يا نوارة .. وليسقط النظام الذي يقتلنا .. وليعلم النظام اننا سنزيحه بأجسادنا قبل أن يقضي على البلاد والعباد!

mohamed serag said...

عارفين اسرار الوزارات ايه دول كلهم خمس وزراء اللى فاضلين يصعدوا اللى تحتيهم الاول وبعدين يشيلوهم
بعدين ايه المشكله فى ان امن الدوله يبقى مافيا محظورة بدل مافيا شرعية وساعتها اعتقلوا منهم اللى انتم عايزينه وكلوا قانونى...معاهم سلاح غير مرخص ومخربين..... برضوا انا حاسس زى مايكون الجيش خايف او مش مسيطر

mohamed serag said...

عارفين اسرار الوزارات ايه دول كلهم خمس وزراء اللى فاضلين يصعدوا اللى تحتيهم الاول وبعدين يشيلوهم
بعدين ايه المشكله فى ان امن الدوله يبقى مافيا محظورة بدل مافيا شرعية وساعتها اعتقلوا منهم اللى انتم عايزينه وكلوا قانونى...معاهم سلاح غير مرخص ومخربين..... برضوا انا حاسس زى مايكون الجيش خايف او مش مسيطر

mohamed serag said...

عارفين اسرار الوزارات ايه دول كلهم خمس وزراء اللى فاضلين يصعدوا اللى تحتيهم الاول وبعدين يشيلوهم
بعدين ايه المشكله فى ان امن الدوله يبقى مافيا محظورة بدل مافيا شرعية وساعتها اعتقلوا منهم اللى انتم عايزينه وكلوا قانونى...معاهم سلاح غير مرخص ومخربين..... برضوا انا حاسس زى مايكون الجيش خايف او مش مسيطر

mohamed serag said...

عارفين اسرار الوزارات ايه دول كلهم خمس وزراء اللى فاضلين يصعدوا اللى تحتيهم الاول وبعدين يشيلوهم
بعدين ايه المشكله فى ان امن الدوله يبقى مافيا محظورة بدل مافيا شرعية وساعتها اعتقلوا منهم اللى انتم عايزينه وكلوا قانونى...معاهم سلاح غير مرخص ومخربين..... برضوا انا حاسس زى مايكون الجيش خايف او مش مسيطر

يقول أنى امرأة said...

امن الدوله دول كلهم لازم يتعمل فيهم حاجه و نخلص منهم بقى هما بيبقو كلهم اساسا متنقين على الفرازة عشان يبقو وطين يعنى اكيد محدش فيهم عدل .. هو احنا بقى مكتوب علينا كل يوم خميس ننام متنكد علينا ولا ايه النظام انا بقيت بخاف لما يوم الخميس يقرب

cherif.hakam said...

موافق ماءة فى المئة,الحق يؤخذ كله,فلول الفساد تتقوى ونحن لا نملك إلا التظاهر,وأناس ينتقدوننا,حتى يعودوا لحياتهم,لا حل إلا الاستمرار فى التظاهر حتى اجتثاث الفساد,والبداية,لابد من
دستور جديد
د.شريف عبد الحكم

أيمن البرى said...

اقالة شفيق مهمه زى استكمال ازالة الاورام السرطانية و قبله ابو الغيط و ماجلبه لمصر من عار فى سنوات عمله بخارجية مبارك و كذلك طبعا وزير الداخلية ووزير العدل من وجهة نظر مبارك
لا ننسى كمان وزير الاسكان لوجود ملفات فساد و تربح له اثناء عمله محافظ لدمياط
اعتبار الدستور السابق ملغى ده مطلب هام لقطع الامل بالعودة
ازالة رؤس الاعلام و امن الدولة لازم يتقلص و ازالة قيادات الشرطة الفاسدة و تعديل المفاهيم لتكون الشرطة فعلا خادمة للشعب و ليس العكس
قانون الطوارئ والغاء احكام المحاكم الاستثنائية
سرعة محاسبة الفاسدين

gogo said...

الموضوع: دعوة للانضمام الى جروب
اسم الجروب: دعوة لأن يكون وزير الداخلية شخص مدنى
الرسالة: معا لنجعل وزير الداخلية شخص مدنى ليتعامل معنا على اننا من يدفع مرتبات الشرطة وليس العكس
الرابط:
http://www.facebook.com/home.php?sk=group_154678441255999&ap=1

gogo said...

الموضوع: دعوة للانضمام الى جروب
اسم الجروب: دعوة لأن يكون وزير الداخلية شخص مدنى
الرسالة: معا لنجعل وزير الداخلية شخص مدنى ليتعامل معنا على اننا من يدفع مرتبات الشرطة وليس العكس
الرابط:
http://www.facebook.com/home.php?sk=group_154678441255999&ap=1

The Dagger said...

Nawara,

I have in you the Egyptian people that they can protect the Revolution of January 25. God bless all of you!

soufian80 said...

الاخت الكريمة نوارة سامحك الله فقد اصبحت مدمن على الدخول الى مدونتك من حين لاخر.هذة هذا وصلة لمقال بدا لي انة من المناسب ان تطلعي علية

اوسان الخولاني.اليمن

http://aljazeera.net/NR/exeres/2A6C22EA-9A95-4E87-A3FC-DD2E76D7D0BE.htm?GoogleStatID=1

soufian80 said...

الاخ نوارة مشكورة

محمد صبرى said...

طب طالما أمن الدولة مافيا فى وجودهم ككيان أو حتى في حال حل الكيان , يعني م الآخر مجرمين, يبقى ليه نعمل حساب لكرامتهم أصلا , عمرنا من سمعنا انه الحل مع تشكيل إجرامى كان إعطاءه صفة رسمية أو دمجه فى أهم مؤسسات الدولة-الجيش-افتكر لازم يكون فيه حسم و حزم في التعامل معاهم و كأنهم مسجلين خطر , يتم حل الجهاز و تجريدهم من سلاحهم -ما أمكن ذلك- و اللى يثبت بقى انه مصر يعكر علينا حياتنا يتحاسب و تتصادر بقى ممتلكاته هو و اهله اللى اكيد ممتلكات مش قليلة مادام قرر يستخدمها ضدنا

Struggler said...

بسم الله الرحمن الرحيم
المطالبة بحل جهاز قمع الدولة دة اساس الحفاظ على الثورة لانة يعيد تنظيم صفوفة مستغل المسيحيين وقصة الفتنة الطائفية

السلام عليكم said...

انا اللى قارفنى موضوع الفتنه الطائفيه وبعد كل ما تكشف من ضلوع امن الدوله وحبيب العادلى فى كل المصايب دى تلاقى برضه اللى بيقولوا المسلميين السبب

فين بتاع كنيسه العمرانيه اللى دبح فرخه وقال ان الاسلاميين قتلوا بنته الخبر ده اختفى
واليوم السافل دول عايزيين ايه بيشعلوا الطائفيه ليه

الانبا شنوده مجتمع مع باقى رؤساء الكنائس ليه علشان يلغوا الماده التانيه مع انه احتكم ليها لمارفض ينفد حكم القضاء الادارى اللى الزم الكنيسه بتزويج المطلقيين

وبعديين يتوع الدير من حقهم يامنوا نفسهم ويبنوا سور بس يعنى هو الدير متر ونص مثلا علشان يحتاجوا انهم يبنوا السور براه ويستولوا على مزيد من الاراضى ولما الجيش يروح يهد الرهبان يقاوموه
اصلا كان فيه مجموعه من شباب الاقباط كانت ناويه تعمل مظاهرات فى العباسيه للحد من نفود بشوى لانه مش عاجبهم الكلام اللى بيقولوه مش عارفه قريت الكلام فين

الجيش ما ينفعش انه يبقى طرف محايد فى لعب جامد فى البلد
كان فيه تفجير كنيسه وكان فيه امين شرطه قتل مسيحيين وكل ده بايد الامن ورغم كده كان الانبا شنوده بيبكى على فراق مبارك مع انه المفروض كان يفرح لانه تخلص من اللى بقتل فى شعبه

السلام عليكم said...
This comment has been removed by the author.
Egypt's said...

Nawara: ElBaradei traveled to Camp David in 1978 and concluded a groundbreaking peace with Israel http://www.answers.com/topic/mohamed-elbaradei#ixzz1EuPcCAq

yasser said...

ياسيدتى كل ظابط شرطة بيتعين على درجة وظيفية يمكن ندبهم الى العمل فى جهات حكومية على ان لايباشرو اعمال حساسة وهما على فكرة كانو بيعملوا كدة لما كانو ايحبوا يكرموهم فيمسكو ا ميدر عام الشباب والرياضة او يهينة فيمسكو مدير فى الصرف الصحى
او يرجع بيت ابوة ويبقى ظابط شرطه عادى فى الاقسام وصدقينى الحكاية دى هتزلهم جداد لانهم كانو بيتفننوا ازاى يزلوا زمايلهم فى الشرطة العادية وطبعا احنا متفقين ان الطرفين فيهم ناس واطية واغلبية وهيربوهم من جديد وصدقين معظمهم مش هيستحمل وهيقدم استقالته

OberonSky said...

سلام لنوارة وللمصريين الشرفاء ...

فيه ثلاث حاجات لزم نركز عليهم دلوقتي
أولاً ... توحيد الصف و عدم الفرقة .. لازم كل المجموعات الشبابية والحركات الإصلاحية يتفقو و ينسقوا مع بعد على المطالب و المظاهرات و تنظيمها و وقتها .. أسوأ حاجة إن المظاهرة المليونية تبقى ألفية بسبب عدم التنسيق

ثانياً .. الحرب الميدانية ... لازم المظاهرات تكون جاده و مكشرة علشان تخوف الكلاب بتوع النظام القديم .. فاكرين يوم جمعت الزحف بعد الخطاب بتاع مبارك و لم يتنحى .. الناس في الميدان زأرت و زعقت النهاردة احنا شهدا و طلعو على قصره ... ده خوفهم جداً .. و جاب نتايج على طول

ثالثاً ... الحرب الإعلامية ... زي ماقلت قبل كدة .. أيام الإعتصام في التحرير .. الجزيرة كانت جايبة كل حاجة و د . عزمي بشارة و د. سيف الإسلام ... و نوارة كانت بتتكلم و إسراء و كل الشباب و الشابات من الميدان على التليفون ... دلوقتي مفيش في التليفزيون غير برامج عليها أبو الغيط و وجدي ... لازم الثورة تاخد المطالب من الميدان و تروح للتليفزيون و تقول نفس الكلام إللي في الميدان للناس بالشعبي و البلدي علشان الناس تفهم .. بلاش توهان الدستور و الكلام ده ... كلام بسيط و مؤثر .. فاكرين "الشعب يريد إسقاط النظام " .. بسيطة و سهله ... لزم تردو على المزاعم بتاعت الثورة المضادة ..

بس إوعو تروحوا التليفزيون و بس .. الميدان أهم حاجة و من الميدان إرجع إتكلمو من التليفون .. و بعد كل مليونية تاني يوم مثلاً تطلعو على البرامج و تقولوا المطالب و تشرحوها ...

فيه ناس ابتدت تصدق الكلام البايخ بتاع يلا نرجع بيوتنا و نبني بلدنا و بلاش مظاهرات و كل إلي عايزينه حصل .. و شفشق حلو .. و الشرطة بقت في خدمة الشعب ... والإقتصاد إلخ إلخ ...

و كمان لازم المسلمين و المسيحيين يأكدو على الوحدة الوطنية .. الخوف إن الحركات بتاعت أمن الدولة توقع بين الناس .. و بعدين نلاقي مسيحيين يطلعو مظاهرات لوحدهم و مسلمين لوحدهم و نخسر اللي عملناه

أنا إتأثرت بالبيانات بتاعت المجلس الأعلى للقوات المسلحة على الفيسبوك .. علشان كدة حقفل البوست ده ب-...

والله الموفق

Tears said...

نوارة معاكى فى كله ماعدا عدائكم اللى مش فاهمه سببه للدكتور يحيى الجمل مع انى اراه رجل نظيف اليد و طول عمره من زمان معارض للنظام و جبهة التغيير و ممنوع من التلفزيون المصرى

عارفه ان توجهاتك مع التيار الاسلامى و الدكتور يحيي الجمل توجهاته علمانية بس ده مش وقت خلافات ايدلوجية كلنا هدفنا ان اللى يمسك منصب يبقى بيفهم و عنده ضمير

ياريت كان هو رئيس الوزراء بدل شفيق كانت بقت الامور افضل و فيه امكانية للتفاهم و التغيير بجد

Empress appy said...

موافقه على كلامك مليون الميه الله يكرمك لو عاوزه القوات المسلحه تقراه ابعتيه على صغحتهم يا نواره حط اللينك ها يقروا فعلا واكيد ها يكون لهم رد فعل

wwwsnowwhite said...

معلش يااستاذة انا هحاول اتكلم بهدوء بس انا اسفة انا مش عجبنى كلامك حاسة انك ماشية ورا عاطفة اكتر من العقل .واحد طلع قال ان اللى عمل كدة مش من الشرطة هو حر مش عشان الراجل قال كلمة يبقى وحش ولازم يمشى احنا بنتكلم عن ديمقراطية مش كل واحد يتكلم فى كلمة مش بمزجنا يبقى لازم يتحاكم.الضابط اللى ضرب واحد بتاع ميكروباص دة اللة اعلم اية اللى حصل بس انا معاكم انة يتعاقب ويتحاكم كمان مش تبقى مظاهرات عشان واحد ضرب واحد ونوقف حال البلد.الدير الجيش قال انة محصلش حاجة واللة اعلم .احنا بنتكلم ان لازم ندافع عن بلدنا انا معاكم بس دلوقتى احنا عندنا فى السويس كذا واحد فتح كوشك وكتب علية لشهداء 25 يناير انا مش عجبنى باة احنا بنتكلم فى التطوير وفى ناس بتخرب ولو حد كلمهم ع مااعتقد هيقولوا دة للشهداء فين تراخيص فتح الكشك .وبعدين احنا مش هنام ونصحى نلاقى الوزارة مشيت والدستور اتغير والورد فتح.وبعدين احنا فى حاجة اسمها فترة انتقالية

Logaina said...

الموضوع دة مش كومنت علي البوست بس
بخصوص ترتيب الإنتخابات الرئاسية لازم تكون قبل البرلمانية
قدم لي والدي حل قانوني مقترح لحل مشكلة حلف اليمين بالنسبة لرئيس الجمهورية والذي يجب أن يكون أمام مجلس الشعب .
وذلك لخطورة تقديم الإنتجابات البرلمانية علي الإنتخابات الرئاسية لعدم توافر الوقت الكافي لتهيئة البيئة السياسية اللازمة لمناخ ديمقراطي حقيقي وساعتها الخوف من سطوة المال.
وهو أنه لا يتم تشكيل لجنتين منفصلتين كلجان عليا للإنتخابات
وأن يتم تشكيل لجنة موحدة لإنتخابات الرئاسة والبرلمان ولا يوجد نص في الدستور يمنع ذلك
بحيث يترأس هذه اللجنة رئيس محكمة إستئناف القاهرة وفهي هذه الحالة لا يكون رئيس المحكمة الدستورية عضوا أو رئيسا لها وبذلك يحق لرئيس الجمهورية المنتخب ان يقوم بحلف اليمين الدستورية امامه ولا توجد عندها ضرورة لتقديم إنتخابات المجلس قبل إنتخاب الرئيس.
أرجوا من أن تعرضوا علي الدستوريين لمراجعة هذا الامر في ظل مواد وقوانين الدستور الحالية للتأكد أنه لم يتم العبث بها بما يمنع هذا الحل لأن والدي نائب رئيس هيئة النيابة الإدارية سابقا وقد يكون تم تعديل شيء لا يعلمه

Logaina said...

قدم لي والدي حل قانوني مقترح لحل مشكلة حلف اليمين بالنسبة لرئيس الجمهورية والذي يجب أن يكون أمام مجلس الشعب .
وذلك لخطورة تقديم الإنتجابات البرلمانية علي الإنتخابات الرئاسية لعدم توافر الوقت الكافي لتهيئة البيئة السياسية اللازمة لمناخ ديمقراطي حقيقي.
وهو أنه لا يتم تشكيل لجنتين منفصلتين كلجان عليا للإنتخابات
وأن هذه اللجنة تكون موحدة لإنتخابات الرئاسة والبرلمان ولا يوجد نص في الدستور يمنع ذلك
بحيث يترأس هذه اللجنة رئيس محكمة إستئناف القاهرة وفهي هذه الحالة لا يكون رئيس المحكمة الدستورية عضوا أو رئيسا لها وبذلك يحق لرئيس الجمهورية المنتخب ان يقوم بحلف اليمين الدستورية امامه ولا توجد عندها ضرورة لتقديم إنتخابات المجلس قبل إنتخاب الرئيس.

أرجوا من سيادتكم مراجعة هذا الامر في ظل مواد وقوانين الدستور الحالية للتأكد أنه لم يتم العبث بها بما يمنع هذا الحل

راعى الناقه said...

يسقط يسقط يسقط خلاص احنا اتعودنا على يسقط بس انا احينا بتراودنى فكره انو من كثر السقوط مش هنلاقى حد ينجح نصيحتى لازم نصبر شويه ومع الصبر منتساهلش فى مطالبنا

a said...

أيوا بس الجيش مش عايز يا ست نوارة مش عايز يعمل كل اللى بتقوليه ده وانت نفسك بنفسك بتقولى ماتتعوجوش على الجيش يبقى معاليكى عايزانا نعمل ايه؟

السلام عليكم said...

http://www.atvsat.com/v2/ar/latest-news/650-2011-02-20-16-13-47.html

الخبر ده معناه ايه

السلام عليكم said...

http://www.atvsat.com/v2/ar/latest-news/650-2011-02-20-16-13-47.html

الخبر ده معناه ايه

mostafa said...

راي
ان المظاهرات المليونية بتاعت الجمعة
مابتهددش الاستقرار
بالعكس دي بتوضح اد ايه احنا شعب واعي
و الناس بتتكلم مع بعض
و بتشارك مع بعض في كل حاجة
و موضوع الاستقرار اكيد مش المظاهرات السبب
الاستقرار هيجي لما تكون في خطه واضحة و جهاز شرطه محترم
و قوي في الحق
مش في الارعنه
دولة فيها نظام
فيها قانون عقوبات شديد و صارم يكون
تطبقيه على الكير ابل الصغير
عشان كلمة اش معنى تتلغي
الولسطه تتلغي
شغل الشله بتاع الوزارة يخلص
و المحافظات
نفسي كلمة باشا تتلغي
اقتصاد قوي
مشارييع قومية
واضحة و في لجان مستقله بتشوف ده
مش المظاهرات و الله
و طول ما في نظام
عامل زي الغرغارينه
لازم الجزء يتبتر عشان الجسم ما يتاثرش حتى لو كان الجزء مهم
يعني حتى لو في حد كويس في النظام يمشي برده عشان
ماينفعش اني اعيش بجزء كويس موجود فيه قيح
كله يمشي
و الكويس هيبان تاني
مع الدولة الجديدة
و شكرا

رسالة الثوار said...

اصلا المفروض النائب العام نفسه يقال وبعدين حكومة احمد شفيق بتاع البونبون لازم ترحل لانها غير معترفة بالثورة علي الاطلاق ثانيا لابد من اقاة احمد ابو الغيط وزير الخارجية انا مش مقتنعة بالتعديل الوزاري الاخير اللي عملوه اي ده شالوا موالين للحزب الوطني وجابوا موالين تانيين انا خايفة من الالتفاف علي الثورة الناس دي هتلم فلولها تاني وترجع تارف فينا ويبقي الفرق بين مصر بعد الثورة وقبلها كالفرق بين الببسي والكولا ثم التخر والمماطلة في تتبع رموز الفساد يعطيهم فرصة لمحو اثار فسادهم لازم نكون صاحين وفايقين لثورتنا كويس

ماجد كيالي said...

الله يعطيكم العافية رفعتوا روسنا ياشباب مصر
احمد عبد الله