Saturday 5 February 2011

إلى المتضررين... حقكم مع مبارك مش معانا

فاطمة صاحبتي مقبوض عليها من مركز هشام مبارك عشان كانت قاعدة تخدم على المعتصمين في المركز.. اللي قبض عليها الشرطة العسكرية ومش عارفين مكانها
الشرطة العسكرية تقبض على فاطمة ليه؟
------------
مبارك بيعمل زي اسرائيل بالظبط، بيعاقب الشعب كله، اللي نزل واللي ما نزلش: 
مانع مرتبات الموظفين والعمال
قاطع عيش الناس وعامل حظر تجول بدعوى ان فيه بلطجية
مع ان هو اللي منزل البلطجية، ومع ان البلطجية بيظهروا في حظر التجول وبيختفوا في الزحمة، كل اللي بيتقبض عليهم في الشارع من البلطجية - واللي بيطلعوا بعد كده شرطة وبلطجية رجال اعمال - بيتقبض عليهم في فترة عدم الحظر، بداية من الحظر البلد بتبقى مرتع للبلطجية يضربوا نار في الهوا، لو شارع الجلاء رجع اتزحم تاني كالعادة مافيش بلطجي حيعرف يطلع بمبة يفرقعها والا حيموت ضربا بالشباشب في طريقه لدبابة الجيش
حظر التجول بيساعد البلطجية، وبيقطع عيش الناس، ومش احنا اللي عاملين حظر التجول، ومش احنا اللي قفلنا البنوك، ومش احنا اللي وقفنا المرتبات، وماحدش فينا رجل اعمال واتسمح له يسحب اموال طائلة من البنوك عشان يوقع اقتصاد البلد
حقكم مع مبارك
حقكم مع مبارك
حقكم مع مبارك
مش معانا، احنا في ميدان التحرير، مال قفل البنوك ووقف المرتبات وحظر التجوال وتسليط البلطجية بينا؟
اللي قدر ينزل بينزل، اللي مش قادر ينزل ومتعاطف بيبعت للمعتصمين اكل وادوية، اللي مش مركز متضايق من قطع عيشه
كويس، متضايق من قطع عيشه يعمل الاتي
اذا كان موظف او عامل ومرتبه اتقطع يرفع قضية على جهة العمل 
اذا كان من اللي بيسترزقوا يوم بيومه وحظر التجول خارب بيته يكتب يافطة: انا ما نزلتش الاعتصام، خربتوا بيتي ليه يا حكومة؟
ويعقلها على المحل بتاعه او على التاكسي بتاعه او الميكروباص او حتى التوك توك 
اللي متضرر من البلطجية، يرفع قضية على وزارة الداخلية
هي دي الجهات المسئولة، ده في حال انك مش عايز مبارك يمشي، ولو اني مش عارفة اي صنف من البني ادمين انت اللي مش عايز مبارك يمشي، بس احنا بنطالب بالديمقراطية والحرية ومش حنفرض عليكم الانضمام الى الاعتصام المطالب برحيل مبارك
بس على الاقل طالبوا بحقوقكم من نظام مبارك
مش عايزين تطالبوا بحقوقكم من مبارك ما تحملوش ناس مالهاش ذنب المسئولية ربنا مدينا مخ عشان نفهم بيه
وائل خليل قال لي احايليهم، بس انا بصراحة نفسي مش جايباني احايل ناس بتفكر زي اللي بيلوموا الفلسطينيين على انهم بيتعاقبوا ومش بيلوموا على اسرائيل نفسها اللي بتقوم بالجرايم
بدل ما تقعد تفكر في فرد واحد اللي هو نفسك وتتجاهل ارادة ملايين، خد حقك بالقانون من اللي قاطع عيشك بذنب انت ما عملتوش اذا كنتوا بتعتبروا ان الاعتصام للمطالبة بمطلب انتوا نفسكم ياما رددتوه هو ذنب
وبدل الشحاتة على قناة النيل للاخبار: مش عارف انزل الشغل، انا مش عارف اقبض مرتبي
اتصلوا برضه بقناة النيل للاخبار واسألوهم: طب دلوقت احنا مش معتصمين، والمعتصمين مش بيتحركوا من اماكنهم، وانا شغلي مثلا في مدينة نصر، مال امي انا دلوقت؟ مبارك مقعدني في بيتي ليه وجهة العمل بتاعتي قاطعة مرتبي ليه؟ لو هم قلة فعلا زي ما التلفزيون بيقول يبقى خاربين بيت البلد كلها ليه؟ ماهم قاعدين في مكانهم، لو هم السبب في وقف حال البلد يبقى هم عددهم اكيد اكتر من عدد اللي قاعدين في البيت، خلاص، يبقى هم الاغلبية، اسمعوهم ونفذوا طلباتهم خلينا نخلص، او اعملوا اللي انتوا عايزينه معاهم تصطفلوا انتوا الاتنين، احنا مالناش فيه، سيبونا نروح الشغل ونقبض مرتباتنا وناكل عيش
اظن كده عدل كافي
انما الراجل ياخدكم رهينة ودرع بشري وتطلعوا تشحتوا على التلفزيون المصري وكمان تهتفوا بحياة اللي خاطفكم؟
اه اه.. قبل ما حد يقول لي: انت بتستهبلي يا بت؟ ما انت عارفة انهم متأجرين
يا سيدي خليني اقول انهم مش متأجرين، خلينا نحسن النية
انا مش بارد على الشخص نفسه، انا بارد على المنطق
-------------
لجنة الحكماء
او مجلس الافتاء
او عنبر العقلاء
اللي يتكلم يتكلم عن نفسه، انتوا شايفينا كتع ولا لسانا قصير ولا صوتنا واطي؟ عمالين نجعر بقالنا 12 يوم لما العالم كله سمع صوتنا ومطلبنا الرئيسي وكلامنا:
لا تفاوض الا بعد الجلاء
الاستقلال التام او الموت الزؤام
لا بديل عن الرحيل
ارحل يعني امشي يمكن ما بيفهمشي
get out
sortez
نقولها بانهي لغة عشان تتفهم؟ نعلي صوتنا اكتر من كده ايه؟ عايزين عدد اكتر من الملايين اللي خرجت يوم الثلاثاء وامبارح ايه؟
واحنا ناس ديمقراطيين، ومؤمنين بالحرية، تقدروا تعبروا عن نفسكم، بس عن نفسكم بس
ومش بنحب عمر سليمان ومش عايزينه للاسباب التالية:
1- جزء من النظام، وجزء اساسي وهو اللي بيحمي النظام كمان بوصفه رئيس المخابرات لمدة خمستاشر سنة، وكانت مهمته بالاساس حماية النظام، مش حماية البلد
2- اهانا واتهمنا بالعمالة وادعى ان كلنا اخوان مسلمين وعملاء لجهات خارجية ولو كل الملايين دي اخوان يبقى ازاي الاخوان محظورة؟ ولو كل الملايين دول عملاء يبقى انت كنت بتعمل ايه خمستاشر سنة رئيس مخابرات؟ هو اول واحد يتجازى لو كلنا عملاء، ومسلط ناس تقول علينا الكلام ده في الاعلام، وتفتري علينا، واي ادعاء ان تسليط البلطجية على المصريين كلهم تم بمعرفة جناح في الدولة دون معرفة اجنحة اخرى يبقى بيستهبل، اللي فيهم ما شاركش راضي باللي حصل لنا بدليل انه لسه في المنصب بتاعه ما استقالش
3- عمر سليمان بالتحديد سفاح غزة، وبعد 11 يوم في الاعتصامات احب اقول للي ما راحش الاعتصام: انا ما كنتش اتصور ابدا ان جريمة النظام ضد غزة مأثرة في الناس قوي كده، الناس حاسة بجرح كبير في كبرياءها الوطني لان مبارك وصل مصر ان الناس تتظاهر ضدها زي ما بتتظاهر ضد اسرائيل ايام حرب غزة، طبعا جزء من الجرح الاحساس بتأنيب الضمير، والاحساس الوطني، والتعاطف مع القضية الفلسطينية، لكن الجزء الاكبر راجع لالاطة المصريين، حاسين انها كبيرة قوي ان مصر ام سبعتلاف سنة ومبنية على اكتاف الزراع والبنائين تتساوى باسرائيل اللي عندها ستين سنة ومبنية بالعصابات، وعمر سليمان هو المهندس الرئيسي للفضيحة دي
(على فكرة، الاعتصام ده اثبت لي ان الالاطة واكلانا خالص هههههههه حتى افقر ناس عاملين زي الكحيت ابو منص، مهم قوي الاعتصام ده حتى من باب اننا نتقارب ونعرف بعض، احنا ما بنسألش بعض عن اسامي بعض وعمالين ناكل من بعض ونبات جنب بعض ونتكلم مع بعض ونتناقش ونقرب من بعض ونفتح قلوبنا لبعض، سبحان الله قلبي دليلي، طلع
family reunion
فعلا)
4- احنا ما قدمناش شهداء ومصابين عشان في الاخر نشيل الضو ونحط شاهين
5- الناس ثائرة على الاحتلال.. بجد، مش كلامي، ولا تفسيري لكلامهم، هم قالوا كده باللفظ، وقالوا احتلال امريكاني، ووعي الشارع المصري اكبر بكتير من وعي النخبة المصرية
احنا مش بنشيل وكيل الاحتلال الامريكي عشان نجيب وكيل اخر، احنا مش عايزين احتلال امريكي، لانه فوق انه احتلال، طلع احتلال وحش كمان، اقصد خرب بيتنا، وبيعنا مصانعنا واراضينا وصيغتنا ورفد لنا الناس من اشغالهم وتسبب في البطالة وهزأنا ومرمط بكرامتنا البلاط وخلانا دلاديل والموضوع ده طلع مأثر في نفسية كل الناس وصعبان عليهم نفسهم قوي وحاسين انهم اتهزأوا بزيادة وان ما عاش ولا كان اللي يخلينا دلاديل وولاية امريكية، والناس مش بتحب امريكا فعلا، من معاميق قلبها، ومش عايزة تفجر امريكا ولا حاجة، ولا عايزة تدخل معاها في خناقة، ولا عايزين ينعزلوا عن العالم، بس عايزين: تغيير، حرية، عدالة اجتماعية
وامريكا مش عايزانا نبقى ده كله
اللي بيحصل دلوقت ان فيه مجموعات من المنتفعين من احتلال امريكا لمصر انهم بيحاولوا يضحوا بمبارك في مقابل استمرار الاحتلال الامريكي لمصر.. لا.. اكتر من 350 شهيد في 11 يوم عشان في الاخر نفضل تحت الاحتلال وتفضل مواردنا ملك للبنك الدولي وبيوتنا مخروبة ومكانتنا مهزوزة؟ طب ما كده احمد زي الحاج احمد
وبصراحة انا مش عاجباني تصرفات البرادعي، انا مش مهسترة زي الناس اللي بتتهمه بالعمالة بدون دليل ومش باكرهه، بس كمان مش مبسوطة من تلقيه هو ورموز سياسية اخرى مكالمات من سكوبي، يعني هي اول ما تكلمهم وتسألهم عن رايهم ما يعرفوش يقولوا لها: بعد اذنك وانت مالك يعني؟ ثمة يعني هو والسياسيين التانيين وسكوبي واوباما وكلينتون وساويرس وابراهيم المعلم وعمرو موسى وكل البشريات اللي نازلة فتي، هم مالهم اساسا؟ هم مالهم؟ هم عملوا حاجة في الثورة دي عشان كل واحد فيهم يقول رأيه؟ مالهمش رأي هم، لهم يسمعوا كلام الناس ويمشوا وراهم، انا شخصيا ما باكرهش حد فيهم، بس لازم ياخدوا موقف واضح زي موقف جورج اسحاق
وبصراحة انا احيي جورج اسحاق لانه قال كده بالظبط، قال ماليش فيه، انا باقول اقتراحات، والله عجبت المعتصمين يبقى الحمد لله، ما عجبتهمش هم اصحاب القول الاول والاخير
الشعب المصري خلاص حس بقيمة نفسه، وباهميته
ماحدش حيكسر نفسه تاني
ماحدش حيذله تاني
ماحدش حيقوده تاني 
ماحدش حيهزأه تاني
ماحدش حيهينه تاني
ماحدش حيتأنصل عليهم تاني ويكلمهم بوصفهم جهلة ومتخلفين وهو بقى اللي بيفهم
الشعب المصري بيفهم كويس ومخه يوزن بلد، واللي انت تتعلمه من قعدتك مع الشارع المصري اعمق واحسن وانقى وانصع من اللي ممكن تتعلمه لما تدوش دماغك برغي ناس بعضهم واخد جايزة مبارك من الاخر كده
ومافيش حاجة كانت مغبرة على مخنا وعلى حياتنا غير مبارك وشرطته واعلامه المقرف ولما انفصلنا عنهم لقى نفسنا مش محتاجين حد غير نثق في نفسنا
وكل اللي في الاعتصام مش رافضين يسمعوا اقتراحات ابدا، بيسمعوا على فكرة، وبيتابعوا، وبيوزنوا الكلام، وبيعملوا مجموعات يتناقشوا، وكل مجموعة بتبتلغ المجموعة اللي جنبها باللي وصلت له لحد ما ينتشر الكلام وسط مئات الالاف والناس بتوصل بعد كده لرأي موحد بعد مناقشات وبيبان في هتافها، وكل واحد حاسس بقيمته واهميته بما فيهم الاطفال اللي بايتين وبيقولوا رأيهم برضه، وربنا برضه معانا وبيكشف لنا المدسوسين والمثبطين والتخريبيين، وانا طول عمري ما كنتش فاهمة كلمة ابن القيم لما قال ما معناه يعني ان العلماء لما يحتاروا في قضية يبعتوا يسألوا اهل الثغور، واتعلمت من الاعتصام ان الشخص الفاعل زي ما هو بيتحرك بجسمه عقله كمان بيتحرك وعشان كده يصل بسهولة لقرار ان شاء الله متوفق، واللي عايز يعمل عنبر عقلاء، يتفضل يشرفنا تلات ايام اعتصام ورا بعض ويقعد مع الناس ويبات معاهم في الجونينة وانا اوعده انه لما يرجع حيكون ربنا فتح له مخه بشكل لا يصدقه عقل، على الاقل حيحس بالناس ويعرف هم عايزين ايه ويشوفهم بنفسه ازاي ناس طيبة ومحترمة ومهذبة وبتعزم عليه بالاكل غصب عنه ويشوف بنفسه المسيحيين وهم واقفين يحموا المسلمين وهم بيصلوا
-----------
الافندي اوباما... ممكن تتنيل تخرس خالص؟ انت طالع زي الخازوق لوحدك تقول لنا: انا حاضيف انا حاضيف... رقاصة وبترقص
ايه يا معتوه جمل الكتاب الاخضر اللي انت عمال ترددها دي وكل شوية طالع لوحدك وعامل مؤتمر صحفي تفسر الماء بعد الجهد بالماء: الحكم للشعب، سمعنا اصواتكم، الجيش المصري لن يطلق النار على المتظاهرين
وحياة خالتك؟ ده ايه المعلومات الخطيرة السرية والكلام المؤثر اللي بيهز كيان الكون ده كله؟ انت حمار يا حمار؟ الحكم للشعب ده بمزاجك يا روح امك؟ ده قرارنا احنا، وما كانش رأيكم طول التلاتين سنة اللي فاتوا.. ولا هاه؟ سمعتوا اصواتنا يعني كنتوا راقبتوا تليفوناتنا؟ ما احنا بقالنا اتناشر يوم بنرقع بالحياني، توك ما سمعت؟ هو انت راخر سمعك تقيل زي
your ex
مش ده النظام المصري الثابت والمستقر؟ وانت مين يا ننوس عين امك عشان تتكلم بالنيابة عن جيشنا المصري، ولا بتبلغنا معلومة سرية خطيرة فظيعة: مش حيضرب عليكوا نار.. لا والنبي؟ تصدق فاجئتنا؟ ما كناش نتوقع ابدا المفاجأة دي... هو امتى الجيش المصري ضرب نار على مصري قبل كده؟ ومين اللي فهمك اننا خايفين من الجيش المصري؟ ولو خايفين ما احنا قاعدين معاه ما نقدر نسأله
على فكرة شكلك سيس اخر حاجة... حد من مستشاريه يقول له يسكت عشان هزأ روحه 
ولا اقول لك.. خليك اتكلم، اصلك كل ما بتهزأ نفسك بتهزأ معاك الوكيل بتاعك اللي خدمكوا تلاتين سنة ولسعتوه على قفاه
هع هع هااااااااع

87 comments:

Unknown said...

الناس اللي مع الثورة... أرجوكم اقروا لحد الآخر...



يا جماعة، حرام... الأشغال واقفة والمدارس والجامعات واقفة... إحنا قاعدين في بيوتنا مرعوبين... مفيش أمان والرجالة واقفة طول الليل تحرس بيوتها... ومحدش عارف ينزل من بيته... الناس مش عارفة تقبض.... الناس مش لاقية تاكل... الاقتصاد بيروح والاستثمار بيروح.... والسياحة بتتضرب والبورصة وقعت.... أنا بشتغل باليومية كل يوم 15 جنيه، أجيب منين أنا؟... أنا أهلي عايشين بره وحيموتوا من القلق علي... أنا صاحبي مات إمبارح وهو واقف بيحرس العمارة... إنتوا عايزين إيه؟ عايزين تخربوها؟ حرية إيه ودستور إيه؟ المهم الاستقرار اللي هو عماد أي دولة... وبعدين يعني يرضيكم الراجل في السن ده وهو الرئيس والأب يمشي من غير كرامة خصوصاً بعد كل اللي عمله للبلد في الحرب؟ فضحتونا في الفضائيات وخليتوا الدول كلها تشمت فينا... استمعوا لصوت العقل وارحمونا بقى.....

صح ولا إيه؟



إيه... مسمعتوش؟ أيوة... إيه، وستين إيه كمان.... بالراحة بس... اقروا لحد الآخر... زي إخواتكم

ممكن ناخد كل الشكاوي دي واحدة واحدة؟



الأشغال واقفة:

صح... طب هو إيه اللي وقفها؟ المظاهرات والناس اللي بايتين في الشوارع والفوضى اللي عملوها. صح؟ لأ مش صح. لو ترجع بذاكرتك 11 يوم للوراء وبالتحديد يوم الثلاثاء 25 يناير اللي هو يوم بداية الثورة، كان فيه شغل... والأربعاء كان فيه ثورة، وكان فيه شغل... والخميس كان فيه ثورة، وكان فيه شغل. أنا عن نفسي رحت الشغل وحتى المرور كان عادي كمان، إيه رأيك بقى؟ والجامعات والمدارس الصبح برضه، قفلوها ليه؟ غير كده، المدارس كانت السنة اللي فاتت في أجازة شبه دائمة عشان أنفلونزا الخنازير، وبعدين دي الثورة حتخللي فيه ميزانية للتعليم، عشان يبقى عندنا تعلم بجد، مش الهبل اللي حاصل ده.



إحنا قاعدين في بيوتنا مرعوبين ومفيش أمان والرجالة واقفة طول الليل تحرس بيوتها ومحدش عارف ينزل من بيته:

عشان المظاهرات ولا عشان حظر التجول؟ طب هم المتظاهرين اللي عملوا حظر التجول؟ ولا النظام اللي مش عارف يتصرف مع مظاهرات سلمية؟ بلاش دي، مين اللي أجبر الأهالي يشتغلوا شغلة الشرطة؟ لما الدكتور والمهندس والطالب والموظف يضطر يمسك شومة عشان يحمي أهله، كان مين السبب؟ المتظاهرين؟ المتظاهرين اللي قالوا البلد ميبقاش فيها شرطي واحد يحميها؟ المتظاهرين اللي طلقوا البلطجية والحرامية والمجرمين عالبلد ولا الداخلية؟ لما الجيش ينزل الشوارع ويبقى صوت مرور دبابة جنب البيت ده صوت مألوف، بل ومحبب ويشعر الناس بالأمان... مين السبب؟ المتظاهرين ولا الداخلية اللي انسحبت من مواقعها وسابت الشعب يواجه البلطجية اللي هي برضه اللي جابتهم وهو أعزل وبطوله؟ بيربوا الشعب... حرية وفوضى ولا قهر وأمان؟ بيربونا والله



الناس مش عارفة تقبض.... الناس مش لاقية تاكل... الاقتصاد بيروح والاستثمار بيروح:

هو مين اللي قفل كل المصالح؟ مين اللي قفل البنوك؟ مين اللي منع نقل البضائع بين المدن لما قفل الطرق؟ مين اللي قرر يوقف كل الأنشطة الإقتصادية في البلد؟ مش الحكومة؟ ولو قلتلي مهم عملوا كده عشان السرقات والتخريب حنرجع لنقطة إن الداخلية هي اللي أجرتهم، ولو قلتلي عشان حظر التجول، هو كان مين اللي فرضه؟ وبعدين تعلالي هنا... إنت ناسي إن لما الثورة تحاكم الناس، حناخد فلوسنا اللي نهبوها؟ تخيل ثروات ناس زي أحمد عز وجمال مبارك لو بقت ملك الشعب؟ تخيل لما إيرادات قناة السويس تبقى موارد للدولة مش لرئاسة الدولة؟ تخيل لو المدن السكنية اللي على أرارضي الدولة بقت ملك الدولة وبقت أسعارها تناسب دخول المواطنين؟ تخيل حجم الاستثمار في بلد مش بتتعامل بالرشوة والمحسوبية والمصالح الخاصة؟



السياحة بتتضرب:

هو مين اللي استخدم عنف غير آدمي وقنابل ورصاص وكملها لما عمل حظر تجول ورعبهم لحد ما مشيوا؟ المتظاهرين؟



والبورصة وقعت:

أي خسارة في البورصة دلوقتي هي خسارة تقديرية مش خسارة حقيقية... الخسارة الحقيقية في البورصة لما تبيع السهم بأرخص من تمنه، إنما لو مبيعتوش وفضل عندك، هو خسران تقديرياً بس. يعني أول ما الدنيا تتصلح حتعلى قيمة الأسهم تاني وتبقى مخسرتش حاجة.



Nahla Anwer ©2011

26-01-2011

Unknown said...

أنا بشتغل باليومية كل يوم 15 جنيه، أجيب منين أنا؟

وهو ده طبيعي؟ لما يبقى دستور بلدك بيقول إن فيه.... إستنى إستنى، والله لاجيبلك مواد الدستور الحلوة عشان تصدقني: "العمل حق وواجب وشرف تكفله الدولة، ويكون العاملون الممتازون محل تقدير الدولة والمجتمع. ولا يجوز فرض أى عمل جبرا على المواطنين إلا بمقتضى قانون ولأداء خدمة عامة وبمقابل عادل". وخد دي كمان: "تكفل الدولة خدمات التأمين الاجتماعى والصحى، ومعاشات العجز عن العمل والبطالة والشيخوخة للمواطنين جميعا، وذلك وفقا للقانون." يعني مش بس من حقك تلاقي شغل وبمقابل عادل، ده إنت كمان لو مالقتش، ليك تعويض. إنت متخيل الظلم اللي إنت فيه؟ لما رئيس دولتك يقوللك مانتو بتخلفوا كتير، أأكلكم منين؟ هم المتظاهرين اللي كتير منهم أصلاً معاهم فلوس حيتظاهروا ليه؟ دول طالعين عشانك إنت قبل أي حد... يا راجل ده إنت أصلاً اللي المفروض تتظاهر.. بس ولا يهمك، رقبتنا سدادة... وإنت أول حد لازم ياخد حقه أول ما تنجح الثورة.



أنا أهلي عايشين بره وحيموتوا من القلق علي:

وهم لو كانوا لقوا شغل محترم هنا كانوا سافروا أصلاً؟ راجع السابق. بالإضافة، شغل بره يعني ممكن أوي يكونوا متبهدلين، عشان الحمد لله خارجيتنا مش بتعبرنا ولا بتحمينا بره... وده كمان لازم يتغير



أنا صاحبي مات إمبارح وهو واقف بيحرس العمارة:

مش بس حقولك راجع ردّي على موضوع البلطجية... حقولك إن اللي ماتوا عشان إحنا نرتاح دول من سن صاحبك... وعندهم صحاب برضه... وزي ما صاحبك مات شهيد عشان بيدافع عن بيته، هم كمان ماتوا شهداء عشان قضيتهم... اللي هي في الأصل قضيتنا كلنا لو فكرنا.



إنتوا عايزين إيه؟ حرية إيه ودستور إيه؟ المهم الاستقرار اللي هو عماد أي دولة. إنتوا عايزين تخربوها؟

أيوة إحنا عايزين حرية، مالها؟ إنت دقتها؟ عارف يعني إيه إنك تقول رأيك من غير خوف؟ عارف يعني إيه أنك تختار مبن يحكمك؟ ولو طلعت غلطان ولا طلع مش كويس تحاكمه وتمشيه وتجيب غيره؟ أنهي استقرار و فيه طوارئ؟ أنهي استقرار وأي ضابط ممكن يجيبك ويفتشك ويحبسك لو شكلك مش عاجبه وتفضل محجوز لحد مايبانلك صحاب، ده طبعاً غير اللي حتشوفه وإنت محجوز؟ تصدق إن دستورك بيقول إن لازم يتقالك مقبوض عليك ليه؟ وإن فيه شروط لأماكن الاحتجاز؟ وإن حتى لو طلعت مجرم، مش من حق حد لا يعذبك ولا حتى يهينك؟ يا راجل، ده على رأي صديق لي: أنا مش عارف حتى أربي دقني، حتى لو كنت بربيها عشان شكلي عاجبني كدة مش أكتر. وبعدين مين اللي يخربها؟ الشباب اللي نزلوا وهم محتسبين الشهادة عشان مض ضامنين يرجعوا بيوتهم على رجليهم، وفي وقت فراغهم لما ميكونش حد بيضربهم بينضفوا الشارع وينظموا المرور ويعاجوا المصابين منهم ومن اللي ضربوهم؟ طب أقولك حاجة؟ الشباب دول لقوا عسكري أمن (كان لسة بيرمي عليهم قنابل) متصاب، عالجوه ولبسوه مدني عشان محدش يكون غضبان فيؤذيه. طب أقولك حاجة تانية؟ الشباب دول كتير ومن طبقات مختلفة وفي وسطهم بنات كتير، محدش فكر يضايقها بفعل أو كلمة، والله ولا حتى بنظرة. أنا نزلت وشفت بنفسي. أنا عمري ما كنت أتخيل أبقى حاسة بأمان وحواليا العدد ده من الشباب... بس بجد كانوا خايفين علينا ولا لما نكون إخواتهم.



وبعدين يعني يرضيكم الراجل في السن ده وهو الرئيس والأب يمشي من غير كرامة خصوصاً بعد كل اللي عمله للبلد في الحرب؟

محدش يقوللي كلمة أب ديه، أنا أبويا راجل محترم، بيخاف عليا من الهوا، مش حيسلط عليا بلطجية، مش حيطلق عليا رصاص حي، وللي بيقولوا ميعرفش، دي تبقى أنيل وأنيل.. وبعدين معرفش قبلها، معملش حاجة بعدها ليه؟ ولا معرفش برضه؟ إيه؟ معندوش تليفزيون؟ أما موضوع الحرب ده، فإرحمونا بقى... السادات هو صاحب نصر أكتوبر قيادياً وشهداء أكتوبر واللي حاربوا هم أصحابها فعلياً... تعرف إن كل اللي عموله إنه هو اللي أمر بالطلعة الجوية من على الأرض؟ يعني حتى مطلعش. وبعدين الحاكم مش أب، ولا إله... موظف في الدولة، بيشتغل عند الشعب... يعني لو مش يؤدي وظيفته صح، يتحاكم ويمشي... عادي جداً.


Nahla Anwer ©2011

26-01-2011

Unknown said...

فضحتونا في الفضائيات وخليتوا الدول كلها تشمت فينا.

لو حنتكلم على الفضائيات العربية والغربية، والله لو كان اللي في التحرير لقوا حد معبرهم في التليفزيون المصري، كانوا كلموه... ربنا يخلي أنس الفقي بقى... ده لما كانوا الشباب بيتضربوا في التحرير، كان التليفزيون المصري بيعلن نبأ "عاجل" عن ثلاثة مسلحين بيقتحموا "بقالة" في الدقهلية... ناس بيترمى عليهم مولوتوف والمتحف المصري بيولع، وده مركز مع بقالة. والله واحدة صاحبتي كانت حتتشل فيها. أما الشماتة، فياريت تتفرج على رسائل الأخوة العرب في فضائياتهم، إلا ما فيه حد فيهم غير وبيدعيلنا بالنصر. الجزائريين بيعتذروا، واللي كانوا شايفينا خونة وعملاء بيقولوا في إتظار مصر لتخرج وتقود العرب. أما الأجانب، فمبهورين بإن الشعب اللي كان طول عمره متخلف وفوضوي خارج عشان يطالب بحقوقه وبيتظاهر بأعداد غفيرة وفي منتهى النظام والتحضر.



استمعوا لصوت العقل وارحمونا بقى

أظن بعد كل اللي قلته ده، باين صوت العقل يقول إيه. ولله مقدرين إن الناس تعبانة، بس هانت... زقة واحدة... وبعد كل ده، أنا مع إن الشباب يروحوا أول ما قرار مجلس الحكماء يتوافق عليه... بس نضمن حقوقنا وبعدين يروحوا، اصبروا شوية... هانت

Nahla Anwer ©2011

26-01-2011

الأستاذ مزيكا said...

سلام
واعتصموا بحبل الله ولاتفرقوا

أشْهَرَ كُلَّ أَسْلِحَتِهِ ، أوْهَمَهُمْ أَنَّ حِصْنَهُ مَنيعٌ ،
لَمّا تَشَجَّعَ بَعْضُهُمْ ، وَاقتَرَبوا ، وَجَدوهُ يَسْكُنُ بَيْتَ العَنْكَبوت ِ!

جمع ما جمع من أقوات الشعب...
تعثر فيما تبقى من العشب...
فسوف يسقط..سقطة بشعة

kiki said...

Sabah el khair ya Nawara... kalam gamed we yefta7 el nefs 3alsob7...
El link da beta3 weleya amrekaneya
http://www.sott.net/articles/show/223197-There-s-Something-Happening-Here

Kalam fe montaha el khotoora.. we shoofi da

http://www.sott.net/articles/show/223233-Israeli-U-S-Generals-Taking-Control-in-Egypt


Tehran news, ye3lam rabbena law kan begadd walla shwayet ma3r 3al mashy... bass ana ma3odtesh astab3ed 7aga

Unknown said...

وإلى راكبين الموجة والبراشوطات، الواتر سيرفنج والباراشوتينج مش من الرياضات اللي سوقها رايج عندنا... إحنا ناس بتوع كورة، ويا تنزل الملعب من أول الماتش، يا متلزمناش

Unknown said...

اه مبارك اتفضح والناس كلها شمتت فيه هو واذنابه العميل الامريكاني الاسرائيلي واللي بيحبوه

لكن اخيرا مصر نورت وزهزهت والناس كلها احترمت الشعب المصري

اما بالنسبة للي بيقول على الرئيس اب فاكيد امه ست مش كويسة

لان في الورق الرسمي مبارك له ابنين بس، جمال وعلاء، اي حد بيقول انا ابن مبارك يبقى بيتهم امه اتهامات مش محترمة، ابوه ازاي؟ امال اللي مكتوب على اسمه ده مين؟

احنا هنا مش في دوار العمدة عشان مبارك يبقى ابوكي، المفروض ان دي اقدم دولة في التاريخ

دولة
دولة
دولة
مش بيت ابويا الحاج اسماعيل

حرية ايه ودستور ايه؟

لا تعليق
احسن لك تشوفي لك دوار تروحي تقعدي فيه احنا عايزين دولة محترمة

تجيبي منين فلوس اسألي اللي مشغلك مش احنا

فين الاستقرار ده؟ مبارك رئيس دولة ومسلط بلطجية على الشعب، ده استقرار؟

فين الاستقرار في بلد بيغرق فيها الناس في عبارات؟ فين الاستقرار في بلد بيترفد فيها العمال من شغلهم

واللي بتقوليه ده صوت عقل؟ امال صوت الهلاوس يبقى عامل ازاي؟ انت بتفهمي يا بنتي؟

لك حق قانوني روحي خديه بالقانون مش عايزة ترفعي قضية على مبارك الاب يبقى انت اللي جوعتي نفسك

وبعدين ايه راجل في السن ده؟ هو احنا طالبين نودعه في دار المسنين؟ ولا حنتصدق عليه برئاسة مصر عشان سنه؟ هي رئاسة مصر دي قهوة معاشات اللي مش لاقي له حتة يقعد فيها نجيبه نقعده فيها؟

ده صوت عقل ده؟

اللي مش عارف ينزل من بيته مش عارف ينزل عشان الداخلية سحبت الشرطة ونزلتهم على شكل بلطجية

اللي مش لاقي ياكل مش لاقي ياكل عشان مبارك وقف المرتبات

اللي بيشتغل باليومية ومش عارف يشتغل مش عارف يشتغل عشان حظر التبول اللا ارادي اللي جه لمبارك

اللي قتل صاحبك هم بلطجية العادلي

هم دول اللي حقك معاهم

واديكي مش عارفة تستحملي اتناشر يوم مش لاقية فلوس ومتسلط عليكي بلطجية

حسيتي بقى دلوقت بملايين من سكان العشوائيات اللي عاشوا عمرهم كله تحت سطوة البلطجية وبيدوروا في الزبالة على اكل تحت حكم مبارك الاب؟

حسيتي دلوقت بالعمال اللي مبارك الاب خرب بيوتهم ورفدهم مش شغلهم؟

اهلك عايشين برة وحيموتوا من القلق عليكي؟ حسيتي دلوقت بالاهالي اللي ولادهم بيعتقلوا من غير ذنب ومن غير قضية ويترموا في اماكن مجهولة واهاليهم ما يعرفوش هم فين بالعشر سنين والخمستاشر سنة تحت حكم مبارك الرشيد؟

ايه رأيك في الاستقرار ده؟ ولا عشان انت كنتي مستفيدة من مبارك يبقى طز في بقية الناس؟

مدام طز في بقية الناس يبقى روحي لاهلك برة

Unknown said...

نواره بس أنا عايز اعرف إيه أخرتها. زي ما انني عارفه الناس مش ح يفضلوا يبجو الميدان الي الأبد، و الحيوان مبارك الظاهر انه قال خليهم ينهقو في الميدان و مش ح اعبرهم. أنا خائف الموضوع يموت بالتدريجونرجع تاني للمربع رقم واحد.ليه المظاهرات مابتتحركش للقصر الجمهوري وتضع الجميع امام لحظه اختيار بجد. أنا حاسس ان الموضوع داخل علي مرحلة جمود ممكن تخلينا نفقد اي مكاسب بل ونرجع للخلف. أتمني يكون في نيه لتتطوير المظاهرات

Unknown said...

ابد ايه؟

هو مبارك قاعد الى الابد؟

اخرتها مبارك يمشي هو ونظامه

دي اخرتها

واخرتها قربت قوي

Nadjette said...

Dear Nowara, I'm Nadjat, the algerian girl who wrote you yesterday, but I don't know if you received my message. I wanted to tell you: I totally agree with your revolution. My familly and my husband's suffered a lot from the frensh repression in the algerian revolution, and we suffered a lot from the algerian corrupted gvt (just to point, they used the same propaganda againt the Kabylie civil riots yeaurs ago, and they killed handred of our brothers and said : these are amazigh and they want to cut off the country unity).
Nouwara, these are intellegency gvt (dawalt mokhabarat), in Algeria 200000 victim in 10 yeaurs was the fruit of the manipulation of the intellengency of the mafia that governs us. You CANNOT BELIEVE THEM.
NOwara my dear sister, you have to control "el7okama'", they're triyng to change the equation.
I'm following the revolution step by step (even if I had a PhD to finish, I'm a silly girl).
I find that Azmi Bashara is really getting the dynamics arround you. Interesting to listening to him.
My deep deep respect sist.

The Dagger said...

Nawara,

صباح الورد to Egypt and to it's people, and to the courageous women and men at Tahrir Square, Alexandria, Suez, Ismaileyah, Mahala, Mansoora, Damanhur, and the rest of the muhafazat. We will be holding demonstrations in the US in solidarity with your heroic struggle against the dictator Mubarak and his corrupt regime. (check this URL: https://worldwidetahrir.wordpress.com/)

Let me tell you what you already know: It is you at Tahrir Square together with the revolutionaries all over Egypt that will determine the outcome of this revolution. It is not up to Amr Musa, Baradai, Ayman Noor, or any other bastard what happens next. As for Obama, he is bought and paid for by Goldman Sacks, what else do you expect from him?!

Peace and Grace be upon you! Long live Egypt! Victory & Power to the People! Down with Mubarak and all the traitors and collaborators!

Diaa said...

أولا: حمد الله على السلامة
ثانيا : هتلاقي تعليقات كتير لناس أمنجية اليومين دول سيبك منهم
ثالثا : إنتي مشاركة في شبكة رصد المضروبة بتاعة أمن الدولة
ده عنوان الشبكة الأصلية
http://www.facebook.com/RNN.News2

متغربه said...

يا نوارة ربنا يثبتك بس واضح ان ولاد الوسخة بتوع امن الدولة اللي مبارك ابوهم ما تبقيش حتى تبصي علي اللي كاتبينه 000000 ايوة ما تقرفيش روحك و بعدين اللي عايزين عمر سليمان يتبطو بقي الاخ ولع في الغاز اللي بيتصدر لاسرائيل واضح قوى انه اللي عملها اصل البدو اخرهم ار بي جية ما عندهمش طيارات و اسرائيل برضه مش متخلفه عقليا علشان تخترق حدودنا دلوقتي دي تحافظ عليها بعيونها و قلبها علشان اللي ييجي بعد كدة ما يفتحش موضوع كامب ديفد هما مش برياله

مش فاهمه said...

نوارة فرحانه بحالة التفاؤل اللى عندك انا ابتديت ايأس الناس اتعملها غسيل مخ من الأعلام المصرى بقنواته الناس بدل ما تدعى لكم بتدعى عليكم انا طبعا باحاول امشى فى السوق و اكلم قرايبى اصحح لهم فكرتهم بس ان شاء الله كله يبقى كويس امتى مش عارفه
امبارح علاء الأسوانى و اسامه الغزالى حرب قالوا كلام جميل عن الثورة قال ان دى ثورة بس لازم الكل يعترف بيها صدقينى يا نوارة انتم اشرف و انبل خلق الله و امبارح عرفت ليه احمد زويل مش فى لجنة الحكماء لأن اسامه الغزالى بيقول انه قاله اى لجان حكماء هى خيانه للثورة ربنا يستر على الى جاى

Tota said...

حسبنا الله ونعم الوكيل فى كل واحد مقعد الجيش يحرسه وسينا بتنضرب كل يوم والتانى

مش فاهمه said...

زياده على كلام نهله
-يعنى ايه يضمن لنا ان اللى جاى بعد كده مايبقاش اوحش على الأقل اللى معانا شبع خلاص

الثورة قامت علشان مانستبدلش فرد باخر لأ علشان نستبدل فرد بنظام كامل و ماتبقاش السلطات كلها فى ايد شخص واحد

حسن على said...

المصريون بدفعون ثلثمائة وخمسون شه يداوالاف الجرحى ثمنا لستة شهور بائسة تعسة يقضيها مبارك رئيسا صوريا لمصر -التى خربت على يدية وايدى ابنة ؤ"حشاكيلة" وأغواتة و(ذعرة وجعيديية وبلطجيتة وسافاكة السرى) , يا لة من ثمن فاحش لسبب اكثر فحشا,مبارك مسئول عن كل هذة الجرائم ,امام اللة والقانؤنين المصرى والدولى,فهى جرائم متعمدة قذرة خائنة,فقط لاشباع شهوتة فى الحكم ,وسعارة للسلطه لم يشبع ثلاثين عاما من الحكم الفردى الذى خرب البلاد وافقر وقتل العباد

amanyshahein said...

ربنا معاكم ينصركم علشان تنهضوا بالبلد انا بالخارج لكن راجعة ان شاء الله احب اقولك بلغى كل من تعرفيه ان الكل قلبه معاكم لكن النظام العجوز بيلعب على الجوع والخوف والكسل انا لا اثق فى اى وجه يطلع على اى فضائية مصرية الكل كشف وجهه خصوصا ولاد اديب وحسن راتب حتى منى الشاذلى كلهم منافقين مفيش حد بيفعل ما يقول فى التلفزيونات غير محمود سعد علشان كده مش موجود

شمس العصارى said...

مكنتيش مع عمنا احمد فؤاد نجم امبارح لييييييييييه

فارس بني خيبان said...

الأخت نوارة:

الحماس أخدك لدرجة انك ما كملتيش اللي الأخت نهلة كاتباه لأنك لو كملتيه كنت امتشفتي انها عملت زيك بالظبط وفندت كل الشكاوى واحدة واحدة وقالت تقريباً نفس اللي انت قلتيه أرجوكي اقري الكومنت بناعها لحد الآخر وبعدين احكمي

شمس العصارى said...

الشرطة العسكرية تقبض عليها ليه ؟
علشان الجيشمش على الحياد دايما
فى منه افراد قمة فى الوطنية والاخلاص وحب الناس - زى النقيب اللى حمى المتظاهرين وضرب نار عند طلعت حرب - وفى منهم اللى تعب ةعاوز يرجع وحدته وبيقول ما تروحوا احسن - عقيد بجوار المتحف - وسمعت ان فى اكل اتمنع بواسطتهم - قلت يمكن عساكر وغلطوا - وفى منهم اللى مرضيش يتدخل عند المتحف لكن ضرب رصاص حى لارهاب المتظاهرين عند شمبيليون
يعنى من ده على دا

yasser said...

ياجماعة انا مانمتش طول اليل من التفكير واخير وصلت الى فكرة لو عجبتك اطرحيها فى التحرير وشفى رد الناس
دلوقتى بعد المظاهرات المليونية ما نجحت واحزاب المعارضة المعرصة اعلنت صراحة سقوط شرعيت النظام انتوا لية لسة بتتعترفو بية وبالقرارات التى تصدر عنة لية ما نعلنش نجاح الثورة ونشكل حكومة ثورة ونقول للعالم لوعايز تكلم وزير خارجية مصر كلم عبد السميع ...
لو عايز تكلم وزير الدفاع كلم سامى عنان مثلا وان كنت افضل انه يكون قائد المجموعة الموجودة فى التحرير ...الخ
وعلى فكرة ممكن نعمل اعلان فى الفضئيات نطلب وزراء ونحط موقع على الفبس بوك كل وزير يقدم السى فى بتاعتة وخططة المستقبلية واه نبقى بنحرك المياة الراكدة لحسن كدة الناس هتمل مننا

utopia said...

كل كلامك صح
لكن المشكلة ان الناس دى فاهمة بس بيتكلموا بمبدأ الضغط على الطرف الاضعف من وجهة نظرهم

لازم يبقى فيه تطوير لطريقة الاحتجاج
لانى شايف ان تكتيك النظام اتغير ياريت
تخدوا بالكم-خللوا بالكم من المعارصة
الموضوع هايبدأ يموت

yasser said...

يانوارة الحملة الى عملها التلفزيون المصرى واضح انها نجحت واحنا وانا اسف انى بضم نفسى ليكم لان ده شرف انا اتمناه بس ماستحقوش لانى صعيدى من سوهاج وحمار ومش عارف اوصل للتحرير
خلينا فى موضوعنا لازم نعمل منشور او بيان ونرد فيه على كل دة بشكل رسمى ونطبع منه مليون نسخة وندى كل واحد فى التحرير الف نسخة يوزعها على بلدة او منطقتة لان اللجان الشعبية بداءت تغلس جدا على المتظاهرين ومجلس الحر الى سموة وزارة بانى على انه يعمل ثوارة مضادة توصلنا ان الشارع يبقى ضضنا ارجوكم اعملو حاجة حرام عليكم ولو الناس الى فى التحرير مشيت البلد دى عمرها ما هيقوم لها قومة واوعوا تسدقوا انى مبارك هيمشى سوهاج كلاها اتملت من الحزب الواصى والكزمة يفط تقول نعم للاستقرار نعم للاستمرار وهى بنفس الصورة ونفس الشكل ده لمصلحة ميين ومن فلوس ميين يعنى ببساطة بعد ما تعملو ا كل الى بتعملوة الحزب الوطنى هيجيب بلطجيتة ويعملوا مظاهرة فيها عشرين واحد ويقولو نعم للاستمرار وامن الدولة تقوم تولع فى واحد (اقترح وائل عباس )وتقول انه ولع فى نفسة علشان الريس مايمشيش وطبعا الرئيس الاب نزولا على رغبة الشعب هيطر يكمل المشور وكمان احتمال فى نص الدورة يجى جمال وكس ام دى بلد

amanyshahein said...

مشفش الامل فى عيون الولاد وصبايا البلد يبقى معداش على مصر تحية للثوار والشهداء

Unknown said...

عزيزتي نوارة
رفعتم رأس مصر والعرب
مصير مصر والمنطقة والعالم بين ايديكم الان
انتم الطليعة الان وأمل كل الناس فيكم

حسني مبارك سقط وانتهى

المصية فى الناس اللى بتحاول تسرق الثورة وتحافظ على نظام مبارك والتزاماتة الدولية خصوصا العلاقة مع اسرائيل

مهم ان لا تدعو الاخرين يتحدثون باسمكم خصوصا بتوع البراشوتات

اختارو بينكم قيادتم، اختاروا عدد من الاسماء التي تتحدث نيابة عنكم وتقول نعم او لا للمقترتحات التي تطلق من كل جانب
حددو اهدافكم بصيغة واضحة (وهي واضحةوموضع اجماع )

- رحيل حسني مبارك بمهنى الاستقالة او التخلى عن الرئاسة
- الغاء قانون الطوارىء فورا
- حل مجلسي الشعب والشورى فورا

- تشكيل حكومة انتقالية من شرفاء وقضاة ومختصين مهمتها تنظيم انتخابات جديدة على اساس دستور جديد
- عدم السماح لاحد بسرقة احلامكم وحلم الشعب المصري بوطن ديمقراطي حر لا يتدخل فية احد
- بخصوص الالتزامات الدولية والمعاهدة الخ، تركها ليقول الشعب رأية فيها فى استفتاء لاحق للمرحلة الانتقالية

وفقكم الله فى تجاوز الاعيب صنائع امريكا
اربعين عاما ونحن ننتظر ان تقوم مصر وتشد الحيل
وجاء صباح الخير وفتح فى جناين مصر

وحظيت مصر السعيده بيهم
وبقيوا ليها
وبقت ليهم

غيطانها جنه
وترابها حنه
والنسمه خمره
ف قزازه حمرا
والنيل نجاشي
ما فيش ما جاشي
تمللى بيجي
أخضر مليجي
دايما يوفي
دايما يكفي
كل الخلايق
يصبح صباحه
فلاحه يمشي
على شطه عايق
والدنيا صافيه
والجو رايق
ما فيش معاكسه
مافيش مضايق
ما فيش عساكر وقهر تاني
كل الاماني بقت حقائق
يارب وفق
يارب وافق
يارب زيد
واكتب عليهم
فى كل لحظه
فرح وعيد

Unknown said...

على الجيش المصرى أن يحسم أمره فهو ضامن للدولة وليس ضامناً للنظام وعليه أن ينضم إلى الثورة الشعبية ويُقصى مبارك ويضمن له خروجاً آمناً وأن يصون البلد خلال مرحلة التحول إلى الديموقراطية والمجنمع المدنى الحديث وأن يضمن حدوث هذا التحول يشكل سلمى - لا أن يصادره بإرساء دعائم حكم العسكر - كما يضمن عدم سقوط البلد فى يد قوى استبداد تستند إلى تفسيرات تشوّه الدين
وعلى قوى المعارضة أن تحسم أمرها وأن تتوحد تحت قيادة حكماء يؤمنون بضرورة التحول ويصنعون مقتضياته مع النابهين من شباب الثوار – مصر لا تفتقر إلى قيادات حكيمة راشدة رغم الجلخ الذى فرضته القوى الحاكمة منذ يوليو 1952 على هذا الشعب وتنحيته قصراً عن السياسة والحكم طوال عهود عبد الناصر والسادات ومبارك وقصر دوره على التصفيق للحاكم مهما كانت جرائمه فى حق مواطنيه ووطنه
نحن شعب يستعيد زمام المبادرة ويدفع ثمن حريته غالياً بدم شبابه – مصر تتخلص من الاحتلال الداخلى كما تخلصت مرات كثيرة من الاحتلال الأجنبى وهى لن تعدم وسيلة لإرساء دعائم حكم جديدة لا يُقصى فيه أحد عن حقه فى ممارسة السياسة حتى الوصول إلى سُدة الحـُكم بالوسائل المدنية ووضع دستور جديد وعقد اجتماعى جديد يضمن كافة الحريات ويطلق قوى الإبداع الكامنة فى هذا الشعب من عقالها
لا نريد حكماً عسكرياً كحكم ثورة يوليو 1952 فالأفضل لمصر هو الانتقال نحو نظام برلمانى يرأس فيه الرئيس ولا يحكم - وإلغاء قانون الطوارىء هو مطلب أساسى لا يجب نسيانه
محاولات الالتفاف على الثورة الشعبية المصرية تجرى على قدم وساق لإجهاضها مرة بالضرب والقتل ومرة بالزعم بأن مطالبها قد تحققت بالحكومة الزائفة التى يرأسها أحمد شفيق الذى يروج لأغراض مبارك كما يفعل عمر سليمان نائب الرئيس وكلاهما من المؤسسة العسكرية وقام بتعينه مبارك الذى أصبح بدون شرعية منذ 25 يناير 2011 لاستقطاب الجيش
الشرعية الثورة يمكنها إلغاء الدستور وعزل الرئيس وتحول دون وقوع الثورة فى ومناقشات بيزنطية بشأن عدم أحقية نائب الرئيس فى كذا وكيت وهل البيضة الأول والا الفرخة - الثورات تزيل بناءاً وتضع آخر - لا تخوضوا فى كمائن نظام مبارك - إهدموا النظام الفاسد العميل ولا تصدقوا أن هدمه يهدم الدولة فالدولة المصرية غير قابلة للهدم ولم يهدمها حتى الاحتلال الانجليزى ولا هزيمة 67 - مصر لا يستطيع أحد هدم دولتها - الشرعية الثورية هى الحل
أروع تعبير وكلام فى الصميم سمعته فى شأن الثورة الشعبية التونسية وكل حرف منه ينطبق الآن على الثورة الشعبية المصرية
أروع تعبير وكلام فى الصميم سمعته فى شأن الثورة الشعبية التونسية وكل حرف منه ينطبق الآن على الثورة الشعبية المصرية - شوف الفيديو التالى

فيديو نائب برلمان أوروبى يقول الحق
http://www.facebook.com/my.tunisie
Durée : 4:42
ولاد القحبة بيخوفوا الناس مرة بطلعات طائرات الـ ف 16 ومرة بالبغال والخيول والإبل والسيوف - وهذا هو مستوى وطريقة تفكير عسكر أمن نظام مبارك - ثم يحاولون الآن استغفال المصريين البسطاء والضحك على ذقون المحتارين بأكاذيب الانتقال السلمى للسلطة ونقلها لنائب رئيس هو ذاته مجرد مخبر بدرجة لواء ورئيس وزراء هو ذاته مجرد مخبر بدرجة فريق
أين حبيب العادلى ياولاد الوسخة؟ لماذا لم يعلنوا عن اعتقاله؟ - يبدو أن مشغول بتسليم السلطة فى قصره فى مدينة 6 أكتوبر لنائيه فى الوزارة الداخلية لمتابعة حملة الاعتقالات وحملات إرهاب أمن الدولة والشرطة الهاربة عقب استكمال فئرات نظام مبارك دورهم فى إجهاض الثورة الشعبية بالعنف وبالأكاذيب
أحمد شفيق يرى ضرورة تكريم مبارك - ونقول له ولم لا نرشحه أيضاً لجائزة نوبل فى إذلال المصريين وسفك دمائهم؟ - يا أخى والله حاجة سهلة جداً - نهاجم هيئة نوبل فى كوبنهاحن بالإبل والخيول والسيوف وهم يرشحوه رئيساً لهم - يتفضلوا - إحنا مش عاوزينه ولا عاوزين مخبرينه ولا سلبمان ولا علان ولا ترتان ولا أحمد شفيق كمان - غوروا كلكم كده بربطة المعلم - ومعاكم الأخ أحمد هز وفتحى شرور وصفوت غير الشريف وكل طقم الحيتان والضرب فى المليان
حملة لؤم وخباثة يرتكبها شماشرجية مبارك أحمد شفيق وعمر سليمان - نقول لهما : على مين يا ريس إنت وهو - لسه فاكر قلبى يديلك أمان؟ - كان زمان - لسه فاكر - كان زمان
الثورة ثورة – مش هزار – لا حوار ولا إصلاح وهمى وكاذب من داخل النظام – الثورة ثورة – وتسقط النظام – وترسى دعائم نظام جديد – وقبل وبعد سقوطه لا تتفاوض معاه
تصريحات أحمد شفيق مليانة كلام كوميدى جداً آخر حاجة - بيقولك إيه بقى سيادته - بيقول (والله حتى إذا ما عملناش أى حاجة الموقف حايتحل كده لوحده والداخلية راجعة خلال 15 يوم لأداء دورها المعهود) - كويس والله - وكأنك يابوزيد ماغزيت - وكأنك يابدر لا رحت ولا جيت - مع الاعتذار لـ : بدر الدين الحمالى والحاكم بأمر الله وقراقوش - يريدون لنا أن نفهم الآتى : (حكم قراقوش مُصرّ على البقاء) - ونحن نقول لهم : وكمان الثوار مُصرّون على البقاء

amina said...

والله العظيم كنت عالافة موقفك و كلامك هذا أنا كنت حاسة إن انت و الشباب مش متفقين مع كلام عنبرالعقلاء و اصلا لو كانوا عقلاء و بفكروا كانوا قاموا هم بالثورة مستنوش شباب ينزلوا و دمهم يسيل لكي ينسجوا عنكبوت دماغهم على دمائهم سلمتم يا شباب الميدن و التحرير أنتم فقط من يحق له التكلم و الباقي لازم يسمع من امبارك لهامان و الكل المجانين الذين يدعون الحكمة
النصر صنيعتكم و القرار قراركم
و سلالالالالالالالالالالالالالالالالالام كبير لأجدع ناس

yasser said...

خريطة الطريق للاسبوع القادم

5/2 اعلان سقوط النظام وطلب وزراء للحكومة الجديدة مع فتح باب الترشيح على الفيس بوك
6/2 طلب تشكيل لجنة لعمل دستور جديد للبلاد واعلان اسمائهم فى المظاهرة المليونية
7/2 الاعلان عن اسم وزير الداخلية والخارجية الجديد والاعلان عن المظاهرة المليونية لاسترداد وزارة الخارجية والداخلية وتسمية وزير الدفاع
8/7 الخ

رضوان أغايو said...

مبارك يحاول ان يغيرالحقائق فهةو يحاول ان يوهم الناس بان ما يحصل من تخريب وفساد في الشارع هو شباب 25 يناير
لكنه لن ينجح في ذلك مهما فعل لان كل شعوب العالموخصوصا شعب مصر يعلم من وراء مظاهر التخريب ومن يحاول ان يخرج الثورة من سلميتها والتي يفتخر بها الجميع

ehab said...

رائع...ندعوا لكم من فلسطين

الآن انتم شباب مصر العظيم الذي لطالما انتظرنا منه الحراك الآن انتم وشباب تونس قدوة شباب الامة

ملاحظة:هل هو اعتصام ام ثورة؟ لأن الاعتصام في ساحة (كما يقول احمد شيق)يمكن الاستمرار مع وجوده ونحن نريد ان يسقط هذا النظام الظالم العميل

ehab said...

راااائع ...هذا هو الكلام الصائب ارجو ان يكونهذا راي الشباب جميعا ...ندعوا لكم من فلسطين

سؤال: هي ثورة ام اعتصام ؟ وكيف سيرحل مبارك وهو اعتصام؟ يجب عليكم ان تتحركوا وليس فقط الاعتصام لأن هذا الركود سيؤدي الى ملل المعتصمين

Moataz Medhat said...

نوارة ممكن تبعتي كلامك عالتويتر، و تتابعي الناس اللي هناك؟

فهد said...

يسلم فمك يا نوارة

Anonymous said...

كمراقب عربي... أريد اطرح بعض النقاط للنقاش...

1. استمرار الاحتجاج والتظاهر بلا نهاية سيؤدي بالنتيجة انخفاض التأييد وانحسار الزخم... وهذا ما تراهن عليه الحكومة بعد أن غيرت من طريقه تعاملها مع الأمر ولهجتها – في وسائل الإعلام غير المصرية على الأقل - وتبدو وكأنها منفتحة على الحوار ولكن لا يوجد من يحاور على الطرف الأخر..... والحياة بدأت بالعودة تدريجيا لطبيعتها...

2. يبدو أن حمله التشويه في وسائل الإعلام المصرية بحقكم – والتي يتابعها أغلب المصريين –مازالت مستمرة، ومع انتشار مرض "غياب العقل" في مصر بشكل أكثر من غيرها – نتيجة لانهيار المؤسسات التعليمية والثقافية في البلاد – فالكثير منهم يصدق ما يقال، فانتم ألان – في نظرهم - إما مخدوعون أو عملاء لقوى أجنبية... ولا يوجد حقيقة من ينفي هذا الأمر عنكم ولا يوجد الكثير – عداكم – ممن يتصفح هذه المدونة

3. بقاؤكم في الميدان لأمد مفتوح بلا نهاية سيعطل الأمور هناك ولا يغيبن عن بال احد وجود واحد من أهم مؤسسات الدولة هناك – مجمع التحرير – واجزم أن العمل سيتعطل أو يعطل ولن يكون من الصعب الإلقاء باللائمة عليكم ..

4. كل ما أريد أن أراه هو توحيد الصفوف والتحدث بلغه موحده بمطالب محدده وإيجاد قياده تستطيع التفاوض عنكم في أسرع وقت – اليوم إن أمكن – كي لا تسمحون للآخرين بامتطاء ظهوركم .... لا أريد أن يتغير المزاج الشعبي ويعاديكم بسبب حاله الجمود هذه... لا أريد أن أرى هذا... أرجو اخذ ما كتبت في اعتباركم.. كما أرجو منكم الكتابة بالعربية الفصحاء... نصره للغتنا الكريمة

تحياتي

Unknown said...

السلام عليكم
بحب بس اقول لاخوانا المصريين النصر صبر ساعة انتوا لازم تفكرو للمستقبل مش للحظة
.. انتوا لازم تثبتوا عشان تحصلوا على حريتكم وحقكم
هذه الاشياء عمرها ما جاءت من غير تضحيات و هذا الحزب اخذ فرصة ثلاثين سنة ماللذي حققه ...
ملايين جمال وعز و و ..و ... هي لكم لما تنتصروا انشاء الله تحاكموهم وتستردوها وتبنو فيها مصركم
عزيزتي كل العرب في العالم معكم و بتمنو لكم و لبلدكم الخير ولله من اسبوع انا ما بنام كويس ... بنام
وبصحى على الاخبار وفي الشغل .. بحاول افهم الاوروبيين اللي حولي انو التغيير حقكم وانو
اعلامهم المتحييز اللي بيقول انو التغيير عند العرب معناه التطرف انه ظلم كبير للعرب لان الحريه حق لا يجوز لاي سببب

منعه عنا .... و لله صوتي تعب من كتر ما حكيت معهم

الخلاصة معركتكم هي معركتنا لكن على مستوى مختلف واحنا معكم على طول ربي ينصركم انشاءالله
عربية من المانيا

Unknown said...

السلام عليكم
بحب بس اقول لاخوانا المصريين النصر صبر ساعة انتوا لازم تفكرو للمستقبل مش للحظة
.. انتوا لازم تثبتوا عشان تحصلوا على حريتكم وحقكم
هذه الاشياء عمرها ما جاءت من غير تضحيات و هذا الحزب اخذ فرصة ثلاثين سنة ماللذي حققه ...
ملايين جمال وعز و و ..و ... هي لكم لما تنتصروا انشاء الله تحاكموهم وتستردوها وتبنو فيها مصركم
عزيزتي كل العرب في العالم معكم و بتمنو لكم و لبلدكم الخير ولله من اسبوع انا ما بنام كويس ... بنام
وبصحى على الاخبار وفي الشغل .. بحاول افهم الاوروبيين اللي حولي انو التغيير حقكم وانو
اعلامهم المتحييز اللي بيقول انو التغيير عند العرب معناه التطرف انه ظلم كبير للعرب لان الحريه حق لا يجوز لاي سببب

منعه عنا .... و لله صوتي تعب من كتر ما حكيت معهم

الخلاصة معركتكم هي معركتنا لكن على مستوى مختلف واحنا معكم على طول ربي ينصركم انشاءالله
عربية من المانيا

Rasha said...

ya shabab, ask for more, Mubarak has to go to trial, leaving is not enough.

Unknown said...

نوارة، إنت مقريتيش بقية كلامي، صح؟

أنا كتبت كل الشكاوي بتاعة الناس اللي بتقول حرام عليكو، ورديت عليهم واحدة واحدة... ممكن تقري تاني لو سمحتي؟ إنتي حكمتي على كلامي من غير ماتكملي قراية بعد أول فقرة... ممكن تقري تاني؟

Anonymous said...

نوارة ما رأيك في أسماء أعضاء تحالف شباب الثورة لمصرية ؟
نشرتها RNN ?

بنيامين الدوسي said...

لا تتراجعوا .. أكملوا خطاكم .. والله معاكم


نواره انا عند عهدي لانك تستحقين أن أسمي ابنتي بأسمك افتخارا واعتزازا بك


الى الامام

Gihan said...

Before I write my comment I just wanted to draw your attention to the fact the "Nahla" whom you responded to her post was actually being sarcastic. She's actually mocking and disagreeing with people who are attacking the revolution.

I'm really worried about suleiman being vice president. This guy will be worse than or as bad as mubarak in tracking down journalists, bloggers and activists or any opponents. He's the head of mukhabarat remember. I feel like the only reason mubarak appointed him is to take revenge. (the new PM attacked Baradie publicly, hinting they will not tolerate any opposition movements) and to make sure that he or his family will ever be held accountable for all the money they stole from us and for what they did to us.
It's so sad how Egypt is in the hands of a group of people who's only loyalty is to themselves and each other.

Anonymous said...

السلام عليكم
اخت نوارة احييك من ليبياانت ومن معك من شرفاء الامة شرفاء مصر
لا اعرف ماذا اقول لقد خانتني الكلمات لاعبر لك عن اعجابي لقد تاثرت كثيرا بما قمتم به
ان هذا حقكم الشرعي فكل دساتير العالم تكفل لشعبها حرية التعبير وحرية الاختيار
انا شاب من مدينة بنغازي اتابع الجزيرة طول الوقت وادعوا الله طول الوقت ان ينصركم لا اخفي عنك انني شعرت بفرحة عارمة عندما رحل بن علي من تونس لو كنت اعرف الزغرتة لفعلت وتمنيت لو كانت صمر لان مصر هي قلب الامة مصر هي مصرنا كلنا
حقيقة الامر اني انا وخالي نتابعكم ويتصل بي طول الوقت لنتحدث عن اخر التطورات واخباركم
عموما بعدما شاهده بالامس من تصريحات ومن تطورات طلب مني ان احاول باي طريقة ان اصل اليك ليحاورك خاصة انه لا يستعمل الكمبيوتر وهو له من الحكمة ما قد يساعدكم
عموما ارجو منك ان تبعتي لي برقم هاتفك الخاص لو سمحتي لي للاتصال ارجوك لو سمحتي فهو طلب اخبرته بانه قد يتحقق وحماكم الله ووفقكم ونصركم على الظالم واتباعه.
محمد مصباح محمد
بنغازي ليبيا
هاتف 00218924056886
ايميل
BAEN_QAWSEEN@YAHOO.COM

اعلم بان هذه الرسالة سيقراها جميع رواد المدونة لكن انا لا اخشى احدا وارجو بعد ان تقرايها قومي بحذفها
بانتظار ردك على الايميل

Early bird said...

المشكله ان فيه ناس كثير بتشوف التلفزيون المصرى اللى حالته صعبه والناس اللى بتبقى عايزه تعارض شويه بتشوف المحور ودريم واون تى فى والبلوه اللى اسمها الفراعيين وباقى القنوات الخاصه ودول حالتهم اصعب

والجزيره مصورينها على انها الشيطان الرجيم وانضم اليهم البىبى سى واسى ن ن

اللى احنا فيه د
ه مكر اليل والنهار

قابلت وواحده فى المترو بتقولى مبارك ميعرفش كل اللى حواليه بيعملوه وانها بتقبض 100 جنيه ومش عارفه تقبضهم دلوقت وان مبارك اللى حامينا من هجوم يتوع غزه وبتوع اسرائيل ويتوع حزب الله وبتوع ايران فى نفس دات الوقت قلت لها بفرض يعنى ان كل الناس دى واللى معاديه بعضها مجتمعه على انها تحاربنا وتخلص علينا وانه حامينا منهم اللى ماتوا من المبيدات المسرطنه ومن الحرق والغرق يفوق كل قتلى الحروب اللى دخلتها مصر كلها
ولما قلتلها هو قافل المعبربتاع رفح ليه قالت بيامن البلد علشان المخربيين قلتلها ما هم عامليين انفاق يفتح المعبر ويفتش اللى داخليين مش حيبقى فى حجه لوجود الانفاق وبالتاكيد حيحمى البلد من المخربيين
ولما قلت لها ان مبارك سحب الامن والضباط من مصر كلها قالتلى اصل الناس المخربه حرقت لهم الاقسام قلت لها طيب الامن اللى فى المطار انسحب راخر ليه مين حرق القسم بتاعهم

بالاختصار المفيد كل الشياطين اللى مستفيدين من اننا نفضل فى فقر وحهل ومرض احتمعوا علينا
بس فيه حاجه فيه رب كريم يساعدنا ويقوينا وينجينا من هدا المكر وينجينا من مبارك ونظامه كما انجى سيدنا موسى من فرعون وجنوده وجنوده

Anonymous said...

السلام عليكم
اخت نوارة احييك من ليبياانت ومن معك من شرفاء الامة شرفاء مصر
لا اعرف ماذا اقول لقد خانتني الكلمات لاعبر لك عن اعجابي لقد تاثرت كثيرا بما قمتم به
ان هذا حقكم الشرعي فكل دساتير العالم تكفل لشعبها حرية التعبير وحرية الاختيار
انا شاب من مدينة بنغازي اتابع الجزيرة طول الوقت وادعوا الله طول الوقت ان ينصركم لا اخفي عنك انني شعرت بفرحة عارمة عندما رحل بن علي من تونس لو كنت اعرف الزغرتة لفعلت وتمنيت لو كانت صمر لان مصر هي قلب الامة مصر هي مصرنا كلنا
حقيقة الامر اني انا وخالي نتابعكم ويتصل بي طول الوقت لنتحدث عن اخر التطورات واخباركم
عموما بعدما شاهده بالامس من تصريحات ومن تطورات طلب مني ان احاول باي طريقة ان اصل اليك ليحاورك خاصة انه لا يستعمل الكمبيوتر وهو له من الحكمة ما قد يساعدكم
عموما ارجو منك ان تبعتي لي برقم هاتفك الخاص لو سمحتي لي للاتصال ارجوك لو سمحتي فهو طلب اخبرته بانه قد يتحقق وحماكم الله ووفقكم ونصركم على الظالم واتباعه.
محمد مصباح محمد
بنغازي ليبيا
هاتف 00218924056886
ايميل
BAEN_QAWSEEN@YAHOO.COM

اعلم بان هذه الرسالة سيقراها جميع رواد المدونة لكن انا لا اخشى احدا وارجو بعد ان تقرايها قومي بحذفها
بانتظار ردك على الايميل

Early bird said...

اللى بيقول صدقوا مبارك وازنابه فيه كلمه ظريفه حد قالها

كيف أصدقك و هذا اثر فأسك!؟

سبهللة said...

الله ينصركم .. الله يحميكم .ز الله يثبتكم ويعليكم
رفعتوا راسنا فى الغربة
الناس الاجانب قبل العرب بيقولواانهم مبهورين بالاعداد الرهيبة اللى بتنزل تطلب رحيل مبارك فى كل مكان فى مصر وفى نفس الوقت بالرغم من انقاطع الاتصالات بينهم
وكله كوم وانهم فى أقل من دقيقة بيتصفوا صفوف منظمةجدا عشان يصلوا بمنتهى النظام والاحترام
وازاى ان صوتهم بيهز حاجة فى القلب مع اننا ما بنفهمش عربى
صديقتى الانجليزية بكت على بكائى لما كانت بتتفرج معايا على صلاة الجمعة امبارح
قالت لى المنظر دة بيهز حاجة فى القلب

والله يا نوارة ماتعرفيش قلبى واجعنى قد ايه ان انا برة ممصر ومش معاكم دلوقتى
الواحد نفسه ينزل مصر وقبل ما يبوس ترابها يوطى على رجليكم واحد واحد وواحدة واحدة عشان يبوسها
الله ينصركم عليه وعلى كل اعوانه من الظلمة اللى ويه
وان شاء لله هاتبقى نصرة قوية اوى
نصرة قوية ليكم وخيبة قوية ليهم

Anonymous said...

يمكن انا مختلفة معاكي يا استاذة نوارة في آراء ، وبعتذرلك، لكن الإختلاف شيء طبيعي بين البشر
من غير ما بيكون فيه بينا معرفة شخصية، إحنا بنحكم على آراء بعض،أتمنى إنها تكون عند ربنا مش شيء كبير، هو إختلاف في آراء بدون معرفة شخصية للأشخاص كلنا بنختلف صعب نتفق
تاني الإختلاف طبيعي بين البشر.... ردي لو فيه إعتذار ليكي عن إختلافي معاكي، أي شيء مش عارفة



أتمنى إنك تطمنينا عليها......

أتمنى إنك تطمنينا عليها، شكرا ليكي

وأتمنى تلبي طلبي إن شاء الله هنا لو كتبتي تاني ان شاء الله يارب

وأشكرك

من مغربي said...

تحية إلى أحرار مصر العضماء

أقترح على الجزيرة إنشاء قناة جديدة على أن تختار لها كإسم
Aljazeera Reality
على أن تترأسيها، بكلامك الصريح و المباشر و الواعي

أرى أن تتبلور مراحل النضال كالتالي

1- تنحية أو على الأقل تحييد اللي في بالي بالك

2- حل المجلسين المزورين

3- تغيير الدستور

4- حل "الحزب الواطي" أو على الأقل تفكيك شبكته

5- تحييد المؤسسة العسكرية

6- إنتخابات برلمانية و رئاسية

7- تخليق و إعادة هيكلة أجهزة الأمن و المخابرات

8- تخليق المشهد الإعلامي المصري العفن

... قبل دلك يانوارة إنتصار الثورة، الألاطة أطن تعني التفاخر و التباهي و لكن " الكحيت ابو منص " يبقى مين ؟؟ مع تحيات كل العرب المفتخرين بالشقيقة الكبرى

من مغربي said...

عفوا نوارة العز، أبلغي تحية الأحرار لرائع الأستاد المفكر علاء الأسواني على أرائه النيرة أمس على الأو تفي

و أسأل كدلك على الريس إبراهيم عيسى فقد إشتقنا له

Complexo said...

الثورة بتضيع و الحكومة بتتعامل مع الحياة عادى خلاص كأنها انتصرت الوقت مش فى صالحنا عشان بنخسر تعاطف الناس و بنخسر أعداد و بنخسر اهتمام عشان معدناش موضة و عموم الشعب اذا مكانش انخدع خلاص فهو مش واخد قرار و مش عارف الصح فين لازم الناس اللى فالتحرير تتنظم و يبقى ليها ممثلين مش عشان تفاوض بس عشان نعرف نسكت الناس اللى زاطت و بتتفاوض مع نفسها دىو فى نفس الوقت الحكومة يبقى قدامها مطالب محددة لا اختلاف فيها أو تعديل عليها , أو بعبارة أخرى يبقى فى مختصر مفيد الناس تقدر تتعاطف معاه أو تؤيده, قبل ما نتحول الى مجموعة المجاذيب اللى فالتحرير اللى الحياة ماشية حواليهم من غير ما حد ياخد باله ان فى زحمة ﻷن احنا كشعب
بننسى بسرعة أوى و بنزهق أسرع


حاجة كمان أرجوك يا نوارة وصلى للناس بلاش نتفرق و كل واحد بعجبه بيان مختلف و يقول فلان حلو و فلان بيغرقنا الكل مطلوب دلوقتى و كل واحد هيبان بجد بعدين و مش مشكلة لو غلطنا بس نغلط ككل عشان نصلح ككل من غير ما نتقسم الناس اللى بتتظاهر لازم يفضلو لسان واحد للنهاية
الموضوع ابتدى ىبقى عادى و ده خطر على أى حركة فى مجتمعنا

patriotforeve said...

انا من اسكندرية و لا أعرفك بشكل شخصى بس عايزاك توصلى رسالة مهمة جدا للشباب فى التحرير و انا عارف انك تعتبرى من مش هنقول قياداتهم بس من أهم المشاركين في الحدث مثلا وليكي احترام كبير عند كل الناس هناك

أولا..أيها المطالبون بحقوقنا فى التحرير..أرجوكم اثبتوا..أعلم صعوبة الموقف مع وجود البلطجية و المأجورين و لكن أرجوكم اثبتوا على مواقفكم..أنتم أصحاب موقف و قضية و جميع الشرفاء فى هذا البلد يدعمونكم فلا تتراجعوا الان و أنتم على بعد خطوة واحدة من تحقيق الحرية لمصر..

كلنا هنا فى اسكندرية معاكم ووراكم..و امبارح كان فيه أكتر من نص مليون فى ميدان واحد بس

ثانيا..لازم يختاروا مجموعة تتكلم باسمنا فى المفاوضات و فى وسائل الاعلام بدل البلبلة و كل من هب و دب بيتكلم باسمنا كل وفقا لمصالحه الخاصة..لازم الموضوع ده يحصل بمنتهى السرعة لأنهم فى البرامج بيتحججوا بان ده السبب فى تأخير الحل قال ايه مش عارفين يكلموا مين..أرجووكىىىىىىىىىى بلغيهم الرسالة دى..

ثالثا..لازم المظاهرات لازم تستمر طول الأسبوع و كل يوم يبقى فيه مظاهرات مليونية..و لابد برضه من تصعيد الموقف شوية و عدم الاكتفاء بالاعتصام فى التحرير و التنسيق مع الجيش لتبدأوا التحرك الى القصر الجمهورى لأنه بالطريقة دى عمره ما هيمشى..النهاردة كان فيه مؤتمر صحفى للوزراء بيتكلموا ولا كأن فيه حاجة..لو الوضع استمر كدة مع الوقت هتلاقى كله انفض و راح
يشوف مصالحه و انتو هيبقوا كام ألف قاعدين فى التحرير و الدنيا شغالة عادى من حواليكو دة لو أصلا سابوكو قاعدين و مقبضوش عليكو..

لابد من الدعوة فورا الى عصيان مدنى شامل يستمر طوال الأسبوع..و عندى اقتراح عشان الناس المتضررة ان الأغنياء من المحتجين يتبرعوا لانشاء صندوق ع السريع كدة يتكفل باعاشة الناس الغلابة اللى هم بيتحججوا بهم و بكدة نضمن الناس دى فى صفنا..

أرجووووووووووووووووووكىىىىىىىىىىىى بلغيهم الرسالة دى بسرعة و ابدأوا اتحركوا بقى بدل ما كل مجهودنا يضيع..و يا ريت لو قدرتى تردى عليا و تبلغينى بالتطورات من التحرير لأنى مش عارف أوصل لأى حد و مش فاهم من التلفزيون هو مين بيتكلم باسم مين بالضبط..و أنا مستعد أساعد فى أى تحرك هنا فى اسكندرية

ربنا ان شاء الله هينصرنا

عاشت الثورة ......المجد للشهداء

Complexo said...

الثورة بتضيع و الحكومة بتتعامل مع الحياة عادى خلاص كأنها انتصرت الوقت مش فى صالحنا عشان بنخسر تعاطف الناس و بنخسر أعداد و بنخسر اهتمام عشان معدناش موضة و عموم الشعب اذا مكانش انخدع خلاص فهو مش واخد قرار و مش عارف الصح فين لازم الناس اللى فالتحرير تتنظم و يبقى ليها ممثلين مش عشان تفاوض بس عشان نعرف نسكت البراشوتات و فى نفس الوقت الحكومة يبقى قدامها مطالب محددة بفترة زمنية محددة لا اختلاف فيها أو تعديل عليها أو بعبارة أخرى يبقى فى مختصر مفيد الناس تقدر تتعاطف معاه أو تؤيده قبل ما نتحول الى مجموعة المجاذيب اللى فالتحرير اللى الحياة ماشية حواليهم من غير ما حد ياخد باله ان فى زحمة ﻷن احنا كشعب بننسى بسرعة أوى و بنزهق أسرع

حاجة كمان أرجوك يا نوارة بلاش نتفرق و كل واحد بعجبه بيان مختلف و يقول فلان حلو و فلان بيغرقنا الكل مطلوب دلوقتى و كل واحد هيبان بجد بعدين و مش مشكلة لو غلطنا بس نغلط ككل عشان انصلح ككل من غير ما نتقسم و حد يقول مانا قولتلكو من الأول الناس اللى بتتظاهر لازم يفضلو لسان واحد للنهاية

Unknown said...

nahla

لسه مكملة بقية التعليقات دلوقت لان اول ما نزلتها مخي اتحرق من قراية التعليق الاولاني

ما تبقيش تعملي كده تاني هههههههههههههههه

حرام عليك يبقى اديني كلاكس، راعي اني واحدة اعصابها على قدها

ماجد said...

ربنا يبارك قيك وفيهم اقسم بالله اللى فى التحرير اشرف ما فيك يا مصر
واللى مش فاهم كدة يبقى يروح ينتحر انظف لينا
والله يخربيت الللى جاب للناس تخلف وعتة

ياسر كامل said...

حسبى الله ونعم الوكيل
هو احنا مغفلين للدرجة دى
ابونا ايه وبتاع ايه ماتفوقوا
فيه جزء من قصيدة لأحمد مطر
بيتكلم فيها عن صدام حسين
اصل هناك برضه ظهر ناس تقول كلام فارغ
اسم القصيدة حبيب الملاعين
أيا أوغاد
هل نبنى علينا مأتما
فى ساعة الميلاد؟
وهل نأسى لعاهرة
لان غريمها القواد؟
وهل نبكى لكلب الصيد
ان اودى به الصياد؟
ذبحنا العمر كل العمر
قربانا لطيحته
وحان اليوم ان نسمو
لنلثم هامة الطيحة
وأظمأنا مآقينا
بنار السجن والمنفى
لكى نروى الصدى من هذه اللمحة
خذوا النغل اللذى همتم به
منا لكم منحة
خذوه لدائكم صحة
أعدوا منه أدوية
لقطع النسل
أو شمعا لكتم القول
أو حبا لمنع الاكل
أو شربا يقوى حدة الذبحة
شرحنا من مزايا النغل ما يكفى
فان لم تفهموا منا
خذوه لتفهموا شرحه
وخلونا نموت ببعده فرحا
وبالعبرات نقلب فوقه الصفحة
ونترك بعده الصفحات فارغة
لتكتبنا
وتكتب نفسها الفرحة

Adel Elgamal said...

روح 25 يناير تتجسد في حزب سياسي رسمي
واخيرا اتضحت وظهرت جليا تلك الروح الحقيقية لشباب مصر من خلال ثورتهم الشريفة والتي لم تعرف مصر مثلها علي مدار تاريخها وقدموا في سبيلها مئات من الشهداء والاف الجرحي وبرهنوا للجميع انهم ليسو بخاملين او خانعين بل بهروا العالم كله بالاعنف والحرص علي بلدهم وبالتنظيم الجيد لادارة الازمة والاحداث وبالقدرة علي حشد وتنظيم الملايين بالشوارع والميادين وبشكل حضاري وذلك بتوزيع الادوار بينهم كلجان التفاوض والاعلام والمستشفي الميداني التطوعي لمعالجة الجرحي ولجنة لجمع وتوزيع التبرعات والمؤن ولجان شعبية لحماية المظاهرت والشوارع والميادين والممتلكات من الاعتداءات والبلطجة

ولقداستطاعوا بوعيهم وتنظيمهم وتحضرهم كسب الراي العام العالمي وصار مواطنو العالم ينظرون لهم بكل الاحترام و التقدير و تعاطف الجميع معهم و ايدوا واقتنعوا باهمية التغيير في مصر وحتميته

وان شاء الله وبعد ان يتم تنفيذ مطالب الشباب المشروعة وتستقر الامور فمن مصلحة مصر ومصلحتنا جميعا ان تستمر هذه الروح الشابة الشريفة في العمل وان تستثمر تلك الطاقة في صنع المستقبل وذلك بان تتجسد في حزب سياسي رسمي - بعد اصلاح الدستور وازالة المواد المعوقة لاقامة الاحزاب - حزب يجمع في داخله كل هؤلاء الشباب وكل وطني حقيقي وشريف يريد المشاركة في صنع مصر الجديدة والا ينسحبوا من الساحة السياسية او ينعزلوا علي انفسهم مرة اخري او ان يتركوا مكتسباتهم لصائدي الفرص و الانتهازيين وهذا لن يتاتي الا بصنع هذا الحزب الجديد الذي يختلف عن احزاب المعارضة التقليدية الموجودة علي الساحة حاليا بالاضافة لانهيار ما يسمي بالحزب الوطني الحاكم ولابد من ملء هذا الفراغ

في راي هذا الخيار ضروري وذلك لحماية مكتسبات الثورة ولاثراء المشاركة في الحياة السياسية والحزبية والديموقراطية القادمة في كل مراحلها و لاستيعاب
الشباب والمواطنين الغير منتمين لاي تيار تقليدي موجود حاليا

وبالتاكيد سيكون حزبا يقدم برنامجا اصلاحيا شاملا يرتكز علي القيم الديموقراطية العالمية واهمية اقامة دولة مدنية ترسخ حق المواطنة والحريات العامة و تحقيق العدالة الاجتماعية واقامة دولة المؤسسات و محاربة الفساد .. ولنسميه مثلا حزب 25 يناير

Mohamed Azmy Kewan said...

هههههههههههههههه
جميله قوي يا نواره بجد
ربنا يبارك فيكي ويكرمك يا رب ..

احنا هنا في المنصوره بيبعتو عربيات تدي فلوس للبلطجيه في القري علشان تطلع معاهم

طلع معاهم في جمعة الرحيل 200 واحد تقريبا و ضربونا و احنا بنصلي المغرب و كل شويه ييجي و نصطاد منهم واحد و نسلمه للجيش


حرب شوارع و ربنا ..

المشكله ان مفيش اي تغطيات للمنصوره مع ان الاعداد بتعدي 100 الف احيانا :( ..
و في جمعة الرحيل كنا اكتر من 350 الف علي ما اسمع

من مغربي said...

اللهم ابلينا بما ابتليت به غيرنا


http://www.youtube.com/watch?v=fl4ZK-byPJg&feature=player_embedded#at=160

,

Hoda said...

نواره فى كلام دلوقتى بيتردد على الفيس بوك ان انتم عملتوا مجلس قياده للثوره .. وهيشرف عليكم حوالى عشرين مستشار او محلل سياسى مش فاكره .. ما مدى صحة هذا الكلام ، الناس فرحت قوى وهللوا بس انا طول النهار مشغله قناة الجزيرة مباشر ومافيش اى حاجه اتقالت عن الخبر دا .. يا ريت لو صح تأكديه ولو اشاعه تنفيها لانها بتتقال على لسانكم
وفى حاجه تانيه انا تقريباً كل يوم فى التحرير بروح اتظاهر اربع خمس ساعات وارجع .. نفسى اشوفك هناك مره والله بلف الميدان كله علشان الاقيكى من يوم 25 لحد النهارده يا ريت لو راحه بكره تقوليلى موقعك .. علشان عايزه ابوسك واحضنك لو سمحتيلى يا احلى نواره

محمود المصرى said...

بالله عليكوا توعوا القيادات المتخلفة اللى بتقول المادة 139 :
نص المادة يعطى الرئيس حقين من الحقوق :
الاول تحديد صلاحيات نائبه وهو ما يريده البعض ان يمنحه كل صلاحياته .
ثانيا تعطى الرئيس الحق فى اقالة نائبه .
يعنى ببساطة هايديله كل صلاحياته وتانى يوم هايعزله من منصبه , يبقى ماعملناش حاجة .
قولى لعبد الرحمن يوسف اتقوا الله فى الامة كلها ودماء الشهداء والاف الجرحى والناس اللى كل يوم فى الشارع دى .

بنيامين الدوسي said...

نواره ..

أتوقع الان حان دور العصيان المدني الكامل لجميع قطاعات مصر العموميه والخصوصيه والحرص عليه

وخاصه عندما تريد حكومة الحزب الوثني تاره بعد تاره الظهور الى وسائل الاعلام لاعلان خططهم وان الحياه ستجري على ما يرام وستعود الحياه الى ما كانت عليه ..

أعتقد أن الوقت المناسب لإعلان العصيان المدني على عموم البلاد مع الاستمرار بالاحتجاج قد حان حتى تصدق هذه الطغمه والعالم انها تحكم انفسم ولا وجود لمن يستمع اليهم

ويكون ذلك وقفة رجل واحد كما عهدناكم
مع التنسيق مع كل قوى الثوره

Unknown said...

Best so far Nawwarah.. God bless you

ابن البلد said...

بجد بجد بجد الله ينور عليكي يانوارة
وبجد بجد بجد الله ينور عليكي يانهلة
كلام في منتهي العقل أنتن الاثنتين
وقمة في التحليل والرد علي كل متشكك
بس للأسف فيه ناس من كثرة الانحناء
فلقد أصبحوا لايستطيعون رفع القامات ---
ولو حاولوا أن يرفعوا قاماتهم لن يقدروا
فلقد احدودبوا ويتمنون أن يموتوا هكذا فالانحناء يريحهم
والانبطاح يريحهم أكثر
وعلي رأي واحد تافه من الشباب الذين استأجرهم بعض الناس
وخرجوا مع أحد مذيعي اللتليفزيون الحكومي العاهر --- أخذ هذا الشاب يصرخ مناشدا سيادة الرئيس محمد حسني مبارك بطل الحرب والسلام (وبطل قمع الانتفاضات السلميةأيضا)
يقول له الشاب -- ولع فيها ياريس وخليك معانا ماتسيبناش –
للأسف هذه عقلية بعض الناس الذين أفرزتهم النظم التعليمية المباركية والقنوات التليفزيونية الحكومية----------------
----------- علي فكرة يانوارة كنت قلقان جدا جدا جدا وخايف من التفاف أحد أو تسلقه وضغطي كان بيزيد (وأقسم بالله )
وخايف جدا ولكني أثق الآن أن القضية في أيد أمينة
وعقول مستنيرة وفقكم الله ولآأبالغ إن قلت إن مصر كلها معكم حتي هؤلاء الهتيفة من موظفي الإدارات المختلفة الذين أخرجهم مدير إحدي الإدارات عندنا في المنصورة بقرار إداري قلوبهم معكم ولكن أكل العيش مر ----- وشدي حيلك يابلد الحرية بتتولد والظاهر أنها ولادة متعسرة وربما تحتاج إلي عملية قيصرية ّّّّّّّّّّّّّّّّّّّّّّّّّّّ؟؟

Unknown said...
This comment has been removed by the author.
Unknown said...

momkn 23rf r2yk eh f 2nko t3mlo 7zb w 2n wa7d howa 2li utklm 3nko 3shan t2riban homa msh 2drin yfahmo ento 3wzin eh belzabt
bt2oulo tour w homa by7lbo elsha3b :D
w b3din msh mn 7a2 2y 7ezb 2no ytklm m3ahom mn ghir 7ad mnko m3lsh b2a msh mn 72ohom khals 7ata low mnf3sh t3mlo 7zb dlw2ty 2khtaro wa7d ytklm 3nko w 3nna m3ako msh 3wzin 7ad ghirko ytklm m3ahom

mohsen said...

أنا باعت الرد ده لأن بعض الناس من أهلنا واللى يعزو علينا جدا ولهم رأى مخالف وبيقولوا بأن اللى بيحصل فى ميدان التحرير واعتصام الشباب هناك موقف حال الناس ويثير الفوضى وعايزين ايه تانى بعد ماتحقق معظم مطالبهم!!! بنقولهم وبكل حب وبكل ود بدايه أن الاختلاف لا يفسد للود قضية ولان هذا الأمر من التفريق بين الشعب المظلوم وفئاته المتعددة فى حد ذاته مقصود من الطغمة الحاكمة الظالمة التى استولت على مقدراتنا وثرواتنا وقامت بتحويلها الى الخارج لتلحق بها فى أقرب فرصة للفرار ولنقول أنه بالفعل هو الذى أفسد البلاد وظلم العباد ووأد الحريات وكتم صيحات الاصلاح هو هذا الطاغية الذى لا يزال يتمسك بكرسيه بعد أن عبرت الملايين المطحونة والمظلومة فى مصرنا الحبيبة عن رأيها بكل صراحة وبعيدا عن التزوير والذى بلغوا فيه كل مبلغ وبعد أن طال الكتم على أنفاسها بأنها لا تريد بقائه بل تريد رحيله اليوم وليس بعد عدة شهور وأنه هو السبب فى كل ماحدث فى البلاد من تفشى الفساد وضياع مكانة مصرنا بين بلاد العالم بعد أن كانت لها من المكانة والمقام ما كان يجعلنا نتطاول بها بين هامات الأمم والدول الأخرى وهو هو كذلك من أمر بقتل الشباب الأبرياء الذين خرجوا بكل شجاعة ليقولوا له ارحل وهم لا يجدون لهم عملا شريفا بعد تخرجهم يقتادون منه لفتح بيوتهم اذا استطاعوا أصلا أن يبدأوا بالخطوة الأولى ألا وهى الأقبال على الزواج اللهم الا بمساعدة من الأهل القادرين أو الذين يبذلون قصارى جهدهم ويجعلهم يتغربون هنا وهناك ويواصلون عمل النهار بالليل لتوفير ما يستطيعون به مساعدة أولادهم حيث يعلمون تمام اليقين أنهم لا يستطيعون أبدا تدبير أمورهم بمفردهم بعد ما آلت اليه أسعار العقار فى الآونة الأخيرة..وهو هو من أمر بقطع الأتصالات والنت عن جميع البلاد مما أدى الى خسارة فادحة وهو ومن ولاه أمر الداخلية من سحب قوات الشرطة من أماكنها لتعم الفوضى وأطلق المساجين من حجزهم ليعيثوا فى الأرض الفساد وليرهبوا العباد.. وفى النهاية على من تعود اللائمة على هذا الشباب الواعى الذى قسم نفسه ليحمى ما ورائه من الأهل والمال بهذا التكاتف العجيب بين جميع طبقات شعبنا الكريم بكل طوائفه بل هم الذين حرصوا على بث الفتنة بينهم وما فعلوه وخططوه فى كنيسة القديسين بالأسكندرية ليس منا ببعيدويمكنكم الدخول على هذا الرابط للتأكد:
http://www.almustaqbal-a.com/NewsDetails.aspx?NewsID=12788&Type=12
وللرد على اللى بيقولوا فضحتونا فى الفضائيات والدول كلها بتشمت فينا أقولهم وبكل صدق أننى أعمل بالسعودية والناس هنا كلها فرحانة وفخورة بالشعب المصرى ومبسوطة انه بدأ يتكلم لاسترجاع كرامته المهانة وحقوقه المهدرة والأخت اللى زعلانة على الريس وكرامته نقولها وكان فين لما أهدر كرامة 80مليون مصرى لم يصبح لهم أى كرامة داخل بلادهم ومن باب أولى خارجها واللى فضحنا برة وقدام خلق ربنا كلهم لما الفضائيات جابت الناس بتقتل بعضها على أفران العيش والناس اللى بتطلع أكلها من الزبالة وده سمعته بودنى من أكثر من واحد سعودى هنا وحاجات كتير مايصحش نقولها من كتر ما شافوه لما بينزلوا مصر.
فلازم نتكاتف ونترابط للخروج بمصرنا الحبيبة من هذة الأوضاع بأقل الخسائر الممكنة وبأعظم المكاسب ألا وهى تحررنا من رق دام عقودا كثيرة ولنعلم أن ما من ولادة الا ويصاحبها آلام للمخاض وما من تحرر بدون تضحيات ولكن لنتعاون لتقليل الخسائر ما استطعنا لذلك سبيلا فلنصبر فما هو الا صبر ساعة ويرحل عنا هذا الطاغية ولنفرح برحيله بعد أن أذاقنا مرارة لعقودا طويلة سائلين المولى عزوجل أن يمن علينا بقرب رحيله وأن يحقن دماء شبابنا ويحفظ مقدراتنا فانه ولى ذلك والقادر عليه.اللهم آمين.
محسن مسعود

mohsen said...

أنا باعت الرد ده لأن بعض الناس من أهلنا واللى يعزو علينا جدا ولهم رأى مخالف وبيقولوا بأن اللى بيحصل فى ميدان التحرير واعتصام الشباب هناك موقف حال الناس ويثير الفوضى وعايزين ايه تانى بعد ماتحقق معظم مطالبهم!!! بنقولهم وبكل حب وبكل ود بدايه أن الاختلاف لا يفسد للود قضية ولان هذا الأمر من التفريق بين الشعب المظلوم وفئاته المتعددة فى حد ذاته مقصود من الطغمة الحاكمة الظالمة التى استولت على مقدراتنا وثرواتنا وقامت بتحويلها الى الخارج لتلحق بها فى أقرب فرصة للفرار ولنقول أنه بالفعل هو الذى أفسد البلاد وظلم العباد ووأد الحريات وكتم صيحات الاصلاح هو هذا الطاغية الذى لا يزال يتمسك بكرسيه بعد أن عبرت الملايين المطحونة والمظلومة فى مصرنا الحبيبة عن رأيها بكل صراحة وبعيدا عن التزوير والذى بلغوا فيه كل مبلغ وبعد أن طال الكتم على أنفاسها بأنها لا تريد بقائه بل تريد رحيله اليوم وليس بعد عدة شهور وأنه هو السبب فى كل ماحدث فى البلاد من تفشى الفساد وضياع مكانة مصرنا بين بلاد العالم بعد أن كانت لها من المكانة والمقام ما كان يجعلنا نتطاول بها بين هامات الأمم والدول الأخرى وهو هو كذلك من أمر بقتل الشباب الأبرياء الذين خرجوا بكل شجاعة ليقولوا له ارحل وهم لا يجدون لهم عملا شريفا بعد تخرجهم يقتادون منه لفتح بيوتهم اذا استطاعوا أصلا أن يبدأوا بالخطوة الأولى ألا وهى الأقبال على الزواج اللهم الا بمساعدة من الأهل القادرين أو الذين يبذلون قصارى جهدهم ويجعلهم يتغربون هنا وهناك ويواصلون عمل النهار بالليل لتوفير ما يستطيعون به مساعدة أولادهم حيث يعلمون تمام اليقين أنهم لا يستطيعون أبدا تدبير أمورهم بمفردهم بعد ما آلت اليه أسعار العقار فى الآونة الأخيرة..وهو هو من أمر بقطع الأتصالات والنت عن جميع البلاد مما أدى الى خسارة فادحة وهو ومن ولاه أمر الداخلية من سحب قوات الشرطة من أماكنها لتعم الفوضى وأطلق المساجين من حجزهم ليعيثوا فى الأرض الفساد وليرهبوا العباد.. وفى النهاية على من تعود اللائمة على هذا الشباب الواعى الذى قسم نفسه ليحمى ما ورائه من الأهل والمال بهذا التكاتف العجيب بين جميع طبقات شعبنا الكريم بكل طوائفه بل هم الذين حرصوا على بث الفتنة بينهم وما فعلوه وخططوه فى كنيسة القديسين بالأسكندرية ليس منا ببعيدويمكنكم الدخول على هذا الرابط للتأكد:
http://www.almustaqbal-a.com/NewsDetails.aspx?NewsID=12788&Type=12
وللرد على اللى بيقولوا فضحتونا فى الفضائيات والدول كلها بتشمت فينا أقولهم وبكل صدق أننى أعمل بالسعودية والناس هنا كلها فرحانة وفخورة بالشعب المصرى ومبسوطة انه بدأ يتكلم لاسترجاع كرامته المهانة وحقوقه المهدرة والأخت نهلة اللى زعلانة على الريس وكرامته نقولها وكان فين لما أهدر كرامة 80مليون مصرى لم يصبح لهم أى كرامة داخل بلادهم ومن باب أولى خارجها واللى فضحنا برة وقدام خلق ربنا كلهم لما الفضائيات جابت الناس بتقتل بعضها على أفران العيش والناس اللى بتطلع أكلها من الزبالة وده سمعته بودنى من أكثر من واحد سعودى هنا وحاجات كتير مايصحش نقولها من كتر ما شافوه لما بينزلوا مصر.
فلازم نتكاتف ونترابط للخروج بمصرنا الحبيبة من هذة الأوضاع بأقل الخسائر الممكنة وبأعظم المكاسب ألا وهى تحررنا من رق دام عقودا كثيرة ولنعلم أن ما من ولادة الا ويصاحبها آلام للمخاض وما من تحرر بدون تضحيات ولكن لنتعاون لتقليل الخسائر ما استطعنا لذلك سبيلا فلنصبر فما هو الا صبر ساعة ويرحل عنا هذا الطاغية ولنفرح برحيله بعد أن أذاقنا مرارة لعقودا طويلة سائلين المولى عزوجل أن يمن علينا بقرب رحيله وأن يحقن دماء شبابنا ويحفظ مقدراتنا فانه ولى ذلك والقادر عليه.اللهم آمين.
محسن مسعود

Unknown said...

وهو مدام حضرتك بتتريقي علي طوب الأرض والعقلاء والحكماء والعنبر....طب مين اللي هيتكلم ياسم الشباب اللي في التحرير...كل يوم بتاخدوا تنازلات من الحكومة وفي نفس الوقت بتفقدوا تعاطف شريحة من الجمهور...لازم يكون فيه وفد من الشباب يتكلم باسمهم...

د. هتون أجواد الفاسي said...

تحيتي إليك يا نوارة وإلى الشباب معك في
ثورتكم الحرة. حفظكم الله ونصركم، آمين

هتون أجواد الفاسي من السعودية

Unknown said...

نوارة،
يا ستي معلش، رغم إن كلامك كان هجومي قوي ومخدتيش فرصة تقري، فأنا مزعلتش، وسلامة أعصابك... بس بصراحة أنا اللي كتبته كان أصلاً نوت على الفيسبوك وكنت بخاطب فيه الناس اللي بتهاجم الثورة فكنت عايزة أبتدي كلامي بحاجة تخليهم يركزوا معايا عشان هم مبقوش بيقروا الدعوات المباشرة للثورة ومش عايزين يسمعوا غر صوت مصلحتهم لأن زي ما قولتي اللي كان مرتاح في عهد مبارك ممكن قوي يقول وأنا مالي، وإيه لازمة الثورة.

أنا دلوقتي عندي مشكلة جامدة جداً. أنا من إسكندرية، ولسبب ما الناس بقت مركزة مع التحرير ونسيوا إنها ثورة "في كل شوارع مصر". المشكلة بقى، إن حسب كلامك، إنتم مقعدتوش مع حكماء ولا قولتوا حيبقى فيه حوار... الكلام ده موصلش للثوار في بقية مصر. أنا عن نفسي كنت فاهمة إن لجنة الحكماء دي قعدت مع شباب التحرير وإن إقتراحاتهم مبنية على مطالب إنتو اللي قولتوهالهم... يا ريت يبقى فيه طريقة للتواصل بين الثوار في التحرير وبين الثوار في بقية مصر.

ebrahim.badrawy said...

بسم الله انا عندى راى ياريت لو تفكروا فيه يمكن ينفع انا شايف ان النظام دلوقت خطته هوا و كلابه ان الناس تزهق مع الوقت و يبدا يلغى حظر التجول عشان الناس تتلهى فى شغلها و تقل اعداد المتظاهرىن بالتدريج و تبقى مظاهرة كبيرة و عدت و حتى ال...متظاهرىن اللى هيستمروا مش هيعبرهم و هيسيبهم ومش هيتعرض لهم و خليهم فى الشارع لحد ما يزهقوا و هيساعده على كده ان مفيش عنصر ضاغط عليه من المتظاهرىن لانهم سلميين و متحضرىن و لا يلجاوا للعنف فده هيسلهلوا تجاهلهم
انا اقتراحى ان الكل يبدا يدي اقتراحات و اراء حول ازاى نضغط على النظام و نجبره على عدم التجاهل و نجعله لا يملك عامل الوقت مستغلا سلمية المظاهرة انا اقتراحى المتواضع هو ان احنا نوتر ه و نوتر الجيش و الدنيا كلها باننا نصعد الوقف و نهدد بشىء معين مثل الاعتصام و الاتجاه تجاه قصر الرئاسة و بعد الدعوة لمظاهرة مليونية يوم جمعة للتوجه بيها بشكل سلمى و نحط مهلة زمنية 48 ساعة لتنحى مبارك و الا توجهت المظاهرة المليونية السلمية ممثلة للشعب المصرى لقصر الرئاسة و تتوجه مسيرات مليونية مشابهة فى كل المحافظات تجاه قصور الرئاسة او الاستراحات الرئاسية الموجودة بالمحافظة لتطالبه بالتنحى بشكل سلمى و استعدادها للمخاطرة بان يطلق عليها نيران الحرس الجمهورى لتنفيذ مطلب الشهداء الذى ماتوا من اجله و هو تنحية مبارك بشكل فورى و( حتى لا تذهب دماؤهم هباء بان ينتصر مبارك و يخرج مكرم فى سبتمبر هذا ان خرج ) ساعتها الدنيا هتتقلب و الامريكان و الجيش هىزودوا الضغط على مبارك لتفادى كارثة و ان انتهت المهلة و لم يتم تنفيذ الطلب يكون الاختيار بايدينا اما التفاوض لاعطاء مهلة جديدة او التحرك فعلا لقصر العروبة او التحرك بضع خطوات تجاه القصر هذا كفيل ببث الرعب عند الجيش و الحكومة و الرئىس و تنفيذهم فورا لمطلب الثورة و قد لا نفعل شيئا بعد انتهاء المهلة خوفا من وقوع قتلى برصاص الجيش او الحرس الجمهورى ولكن ستكون مناورة و محاولة حبست انفاس الجميع و قد تنجح للضغط على جميع الاطراف للاسراع بتنحية مبارك هذا مجرد اقتراح و اسال الله ان كان فيه خير ان ينتفع به و ان كان شر ان يصرفكم عنه و على الله قصد السبيلSee more

ebrahim.badrawy said...

jbhkbk

ebrahim.badrawy said...

بسم الله انا عندى راى ياريت لو تفكروا فيه يمكن ينفع انا شايف ان النظام دلوقت خطته هوا و كلابه ان الناس تزهق مع الوقت و يبدا يلغى حظر التجول عشان الناس تتلهى فى شغلها و تقل اعداد المتظاهرىن بالتدريج و تبقى مظاهرة كبيرة و عدت و حتى ال...متظاهرىن اللى هيستمروا مش هيعبرهم و هيسيبهم ومش هيتعرض لهم و خليهم فى الشارع لحد ما يزهقوا و هيساعده على كده ان مفيش عنصر ضاغط عليه من المتظاهرىن لانهم سلميين و متحضرىن و لا يلجاوا للعنف فده هيسلهلوا تجاهلهم
انا اقتراحى ان الكل يبدا يدي اقتراحات و اراء حول ازاى نضغط على النظام و نجبره على عدم التجاهل و نجعله لا يملك عامل الوقت مستغلا سلمية المظاهرة انا اقتراحى المتواضع هو ان احنا نوتر ه و نوتر الجيش و الدنيا كلها باننا نصعد الوقف و نهدد بشىء معين مثل الاعتصام و الاتجاه تجاه قصر الرئاسة و بعد الدعوة لمظاهرة مليونية يوم جمعة للتوجه بيها بشكل سلمى و نحط مهلة زمنية 48 ساعة لتنحى مبارك و الا توجهت المظاهرة المليونية السلمية ممثلة للشعب المصرى لقصر الرئاسة و تتوجه مسيرات مليونية مشابهة فى كل المحافظات تجاه قصور الرئاسة او الاستراحات الرئاسية الموجودة بالمحافظة لتطالبه بالتنحى بشكل سلمى و استعدادها للمخاطرة بان يطلق عليها نيران الحرس الجمهورى لتنفيذ مطلب الشهداء الذى ماتوا من اجله و هو تنحية مبارك بشكل فورى و( حتى لا تذهب دماؤهم هباء بان ينتصر مبارك و يخرج مكرم فى سبتمبر هذا ان خرج ) ساعتها الدنيا هتتقلب و الامريكان و الجيش هىزودوا الضغط على مبارك لتفادى كارثة و ان انتهت المهلة و لم يتم تنفيذ الطلب يكون الاختيار بايدينا اما التفاوض لاعطاء مهلة جديدة او التحرك فعلا لقصر العروبة او التحرك بضع خطوات تجاه القصر هذا كفيل ببث الرعب عند الجيش و الحكومة و الرئىس و تنفيذهم فورا لمطلب الثورة و قد لا نفعل شيئا بعد انتهاء المهلة خوفا من وقوع قتلى برصاص الجيش او الحرس الجمهورى ولكن ستكون مناورة و محاولة حبست انفاس الجميع و قد تنجح للضغط على جميع الاطراف للاسراع بتنحية مبارك هذا مجرد اقتراح و اسال الله ان كان فيه خير ان ينتفع به و ان كان شر ان يصرفكم عنه و على الله قصد السبيلSee more

متغربه said...

نهله دي بنت جبارة

هدى التوابتي said...

السلام عليكم ورحمة الله، بجد بجد ربنا يكرمك ويسلم قلمك على الكلام الصح مائة في المائة، ويارب ابعد المنتفعين، والمصلحيين، وغير المخلصين عن ثورة الشعب عشان ما تخربش... ربنا يكرمك ياقمر يارب

Unknown said...

انا كمصري مغترب حاسس بالفخر المتناهي بشباب الثورة المباركة وبكل مصري ومصرية واقف وواقفة مهاهم. عشرين سنة غربة وعمري ماحسيت بالغربة زي دلوقتي حتي لما ابويا مات وانا بعيد عنه. قد ايه نفسي اكون في ميدان التحرير دلوقتي حتي لو جتلي رصاصة من الاندال. اصمدوا يشباب, ياصناع التاريخ.
طارق المناديلي ـ سويسرا

ITHat said...

الله ينور عليي يا نواره ... علي فكره المحافظات و المدن كلها شغاله مظاهرات الله ينور ... اول مره اشوف الشعب متفق مع بعضه كده ..
و الناس لازم تفهم ان انصاف الثورات مهلكه للشعوب ..
و يارب انصر مصر

Unknown said...

السلام عليكم ورحمة الله وبركاته
أسأل الله العلي القدير أن يثبت أقدامكم ويسدد خطاكم وينصر ثورتكم المباركة نصرا عزيزا مؤزرا ، كما أسأله تبارك وتعالى أن يباعد بينكم وبين الانتهازيين والمتسلقين وفلول النظام الفاسد كما باعد بين المشرق والمغرب
مما لاشك فيه أنكم أقدر مني ومن غيري على تقييم كل الأمور تقييما صائبا وعلى الوصول بإذن الله تبارك وتعالى إلى أفضل الأسماء والمطالب ، فأنتم من وصل الليل بالنهار وخرج يدافع عن مصرنا الحبيبة بروحه وعمره ، ولكني فقط أحببت أن أشاركم وأخفف الوطأة عنكم ببعض الاقتراحات التي أظنها صائبة ، ولكم أن تأخذوا بها أو ترفضوها جملة وموضوعا

لجنة التفاوض

أرى أن تتكون اللجنة منكم دون غيركم ودعونا من كل لجان الحكماء والعقلاء ، فلقد نال الطاغوت منهم وأصابهم الوهن وظنوا أن الرضا بالفتات هو غاية البلاد والعباد ، وأرى أن تتكون هذه اللجنة كالتالي

الشاعر عبدالرحمن يوسف رئيسا ، وعضوية
نوارة نجم
إسراء عبدالفتاح
وائل غنيم
محمد المهدي
إسلام عقل
سلمى الترزي
ممثل عن مدينة السويس الباسلة
شاب مسيحي
شابة مسيحية


مطالب الثورة المباركة

أن يقوم اللامبارك بالآتي


حل مجلسي الشعب والشورى
عزل عمر سليمان
التنازل عن الحكم

ومن ثم يتولى المستشار فاروق سلطان رئيس المحكم الدستورية العليا رئاسة البلاد بحكم الدستور الحالي
ثم يتم تعيين السيد محمد عبد رب النبي حافظ ، كرجل ممن أحبهم الجيش والشعب على السواء ،نائبا لرئيس الجمهورية وتفويضه تفويضا كاملا بمهام رئيس الجمهورية لمدة عام واحد فقط ، عساه بذلك أن يعيد فينا مافعله الفريق عبدالرحمن سوار الذهب، بارك الله فيه وحفظه من كل سوء

تعيين الدكتور كمال الجنزوري رئيسا للوزراء وتكليفه بتشكيل حكومة جديدة تدير شئون البلاد على الفور

تشكيل لجنة موسعة برئاسة المستشار زكريا عبدالعزيز وعضوية السادة الآتية أسماؤهم
المستشار أحمد مكي
المستشار محمود الخضيري
المستشار محمد أحمد الحسيني
المستشارة نهى الزيني
المستشار بولس فهمي
السيد حمال أسعد عبدالملاك
الدكتور رفيق حبيب
الدكتور عبدالله الأشعل
الدكتور حازم الببلاوي
الفنان عمار الشريعي
الشاعر فاروق جويدة
خمسة من شباب كل محافظة من المحافظات المصرية ممن خططوا وشاركوا في الثورة المباركة ، على أن تقوم هذه اللجنة الموسعة بإعداد دستورجديد للبلاد يكفل العدل والحرية والمساواة لكافة أبناء الوطن ، يكون الحكم فيه نيابيا لا رئاسيا وأن يكون منصب رئيس الجمهورية منصبا شرفيا يتولاه رئيس نادي القضاة مدة واحدة ولتكن خمس سنوات بينما لا يتولى رئيس الوزراء مقاليد الأمور أكثر من مدتين حتى وإن نجح حزبه لمدة ثالثة، وأن يقوم الشباب المشاركون من كل محافظة بتشكيل حزبين قويين جديدين ينأيان بالبلاد والعباد عن الخضوع للأحزاب القائمة التي لا تملك الرؤية أو المصداقية وأصابها الوهن والعفن

تشكيل لجنة علمية موسعة تنقل البلاد نقلة نوعية وعلمية ، ولتكن برئاسة العالم المصري الكبير الدكتور فاروق الباز وعضوية آخرين كالدكتور مجدي يعقوب والدكتور أحمد زويل وآخرين

هذا ما رأيت أن أشارككم به ثورتكم المباركة بإذن الله ، بارك الله فيكم وسدد على طريق الخير خطاكم ، آمين

أخوكم هشام اسماعيل إمام العسال
مصري مقيم بالولايات المتحدة الأمريكية

Unknown said...

عفوا نوارة ولكني نسيت إضافة رقم تليفوني وبريدي الالكتروني مع رجاء الاحتفاظ بهما وعدم نشرهما
hesham.alassal@gmail.com
(980)355-0717
Charlotte,NC.

Unknown said...

نوارة سيبي البرادعي دلوقتي هوه وغيره فيه معركة اساسية الانتصار فيها حيخلي الكل يضرب تعظيم سلام واللي يجي بايدينا يمشي بايدينا,متخليش حد يشغلكم بمعارك جانبية تاخد من طاقتكم موقفكم خلى القراداتي بتاع حزب الوفد اللي رايح يجيب مايكل منير ويسيب محترم زي جورج اسحق يتكتم ويعرف مقامه انه ميقدرش يمشي متظاهرين من الميدان اللهم الا الشوية بتوع هيئة الحزب هوه وكل اللي زيه ايقنوا ان مفيش حد اهبل يركبوا على قفاه ,
سؤال
ليه دكتور شادي الغزالي اعتقل واتساب , انا فعلا بحترمه وكل اللي معاه بس في الاوقات دي ممكن يبقى فيه اتفاقات بتتعمل تحت ضغوط , اتمنى محدش يساوم على الهدف الاساسي محدش فينا احسن من اللي ماتوا والخسارة حيسمونا هوجة زي هوجة عرابي ودي صدمة نفسية بيعاني منها المصريين من زمان ياريت منتصدمش تاني علشان مش حنستحمل نعيش بصدمات

Unknown said...

علىّ النعمة كلنا معك يا بنت البطل يا جدعة

AD sabry said...

Nahla,
have u ever heard about free democracy, freedom always costly
revolution is never easy, thats the normal thing

فافى said...

انا مش مع مبارك وعايزاه يمشى بس بالاصول والشرعيه ومع كل احترامى ليكى ولمواقفك وبا ستى مع اعترافى بانك انتى واللى ذيك هاتجيبولنا الحريه
لكن هاختلف معاكى فى نقطتين انتى قلتى (ربنا مدينا مخ عشان نفهم بيه طب ماتخليكى حياديه وتحكمى عقلك انتى كمان هو معقول كل المظاهرات المؤيده لمبارك قابضه؟ وكل المكالمات المواليه قابضه؟اكيد جزء مش كل اللى بيتصل يعيط وبيشتكى يبقى قابض من النظام اكيد فى ناس متضرره بجد لكن انتى اللى مش عايزه تعترفى بده ثم عيب تقولى بيتصلوا يشحتوا يا وطنيه باللى يتحبى مصر دول كلهم جزء من مصر وناس غلبانه واتخرب بيتها يبقى كمان لينا الحق احنا كمان نقول انكم كلكم قابضين من المعارضه والاخوان؟ ولا ايه

Om Kiki said...

الله يحميلك شبابك يا مصر.
والله العظيم أنا مش قادرة أقصدك الناس اللي بيهاجموا الثورة. وهم في الحقيقة حاجة من الاتنين .. يا فاسدين ومستفادين، ودول ماشي فاهمة موقفهم عندهم هدف وسخ عايزين يحققوا... ده مفهموم .. بس اللي مش مفهوم هم الناس اللي المفروض أنهم يعني مفيش عندهم مصلحة حقيقية مباشرة بتحتم عليهم عدم تقدير الكرامة والحرية والحق والعدل..، بس مش مهم مسكينة نهلة ... إدعوا لها بالشفاء ومتزعليش يا نوارة، ليس على المريض حرج!! للأخت نهلة العيانة، كلمة أخيرة. أنا بقى عايشة برة مصر .. في أوروبا ... وأحب أطمن عظمتك إن كل العالم العربي والغربي .. لأ كل الإنسانية بتجثوا حباً وإحتراماً وتقديراً وتبجيلاً وإعزازاً للشباب اللي في التحرير وبيقولوا إن المصريين اللي في التحرير واللي بيأيدوهم (طبعاً حضرتك كده بره اللسته) رجعوا قيمة الإنسانية للعالم كله. أنا عارفة إنك مريضة، بس خلى حد يقى يفهمك.

بس نفسي أقول كلمتين والنبي لحسني مبارك بعد كلمتى للمريضة المسكينه اللي أرجوكم تدعولها بالشفاء:

على فكرة يا مبارك. بجد أنت خسيس قوي، وحقير وكل العالم بيحتقرك بما فيهم الاسرائيلين والأمريكان الأوساخ بس الفرق أن هم أوساخ بيبهدلوا في العالم علشان ينموا بلادهم،لكن إنت بقى يا بعيد بتبهدل في اللي فاكرهم عبيدك علشان نفسك يعني إنت أوسخ من الإسرئيلين.

ومش بعيد بعد ماتنزاح نكتشف إن إنت اللي كنت بتعرض عليهم الغاز و...دم الفلسطينين ودم العراقيين، علشان يستروا عليك ويساندوك في طحنك للشعب المصري.

Om Kiki said...

أنا تقريباً كده عملت حاجة غلط وشكلي لطشت في نهلة لأني فهمت كلامها غلط، قريت يا جماعة حرام والأشغال والبتاع قمت طاخ طيخ فيها من غير ماخد بالي إنها كانت بتتحدى الحوارات الخانعة اللي الواحد بأى عنده حساسية منها، بالرغم من إن تعليقي لسه منزلش، وأنا بادي الحق للأدمين إنه يشيل الجزء اللي باتكلم فيه بسؤ فهم عن تعليق نهلة. رجاء يا أدمين باشا إنك تشيل نقدي لنهلة، وتحط تعليقي الأسبق بدون هذا النقد. وشكراً. وسامحيني يا نهلة لو نزلوا التعليق كامل، بالرغم يعني إني مقلتش ألفاظ ولا حاجة.

أنا على فكرة في حالة حب وثقة ويقين شديدين جداً باحب كل الناس اللي بتحب مصر ومنحازة للثورة (معنديش ديمقراطية في الموضوع ده ومش طالبة العذر) وبحب ربنا قوي .. اللي كلي يقين إنه هينصر من غيروا من أنفسهم نصرا|ً عزيزاً إن شاء الله.

فافى said...

يانواره انا بجد معجبه بيكى ووالله نفسى زيك مبارك يغور بس انا بجد خايفه على البلد ونفسى كمان تهدى شويه انتى هجوميه اوى فى كلامك عموما رينا معاكى وخدى بالك من نفسك