Wednesday 2 February 2011

رجعوا النت بس ما رجعوش الفيس بوك والتويتر، رجاء النشر على اوسع نطاق

إنما النصر صبر ساعة
نداء الى شعب مصر العظيم:
الشعب المصري يذكر خطبة الرئيس مبارك عام 1981 حين قال أن "الكفن مالوش جيوب" وأنه لا ينوي الترشح للرئاسة إلا لدورة واحدة ثم جثم على صدورنا لمدة ثلاثين عاما.
الشعب المصري يذكر وعود الرئيس مبارك بتشجيع الصناعة المصرية ثم فكك المصانع المصرية وباعها للمستثمرين الأجانب ورجال الأعمال.
الشعب المصري يذكر وعود الرئيس مبارك بتحسين أوضاع محدودي الدخل ثم رفع نسبة الفقر في مصر من 15 بالمائة إلى 45 بالمائة.
الشعب المصري يذكر رد الرئيس على إضرابات 6 أبريل بوعود العلاوة، وما كان منه إلا أن أعطى الموظفين العلاوة في الصباح، وضاعف سعر البنزين في ذات اليوم مساء.
فليذكرنا أحد بوعد واحد للرئيس مبارك تم تنفيذه على مدى الثلاثين عاما. هل خرب نظام مبارك البلاد على مدى ثلاثين عاما ليصلحها في ستة أشهر؟ هل هناك من ضمانة قانونية أو سياسية أو فعلية على الأرض تضمن أن الرئيس سيكمل فترته الرئاسية بسلام ولا يترشح مرة أخرى؟ أم أنه ملتزم أمام الجماهير بالكلمة؟ ومتى كانت لكلمة مبارك ووعوده مصداقية؟
لقد ألقى الرئيس مبارك خطابه عن الإصلاح والزهد في السلطة المزعومين أثناء قطعه للقطارات والطيارات والشبكة العنكبوتية ورسائل الهواتف المحمول النصية. وحتى بعد أن أعاد الإنترنت مازال يحجب موقعي التويتر والفيس بوك، وإنما أعاد خط الإنترنت ليفسح المجال لإدارة عجلة مصالح رجال الأعمال الذين يحمون نظامه.
في جمعة الغضب توقعنا أن يلقي الرئيس مبارك خطابا يقسم فيه صف الشعب، وها هو يحاول، ويلقي بآخر أوراقه، فلنثبت ولنصبر، إنما النصر صبر ساعة، وإنما قوتنا في عددنا المتواجد في الشارع، ونذكر بني الوطن أننا حققنا نصرا مؤزرا على الولايات المتحدة الأمريكية التي سجلت موقفا مشينا في يوم الثلاثاء 25 بدعمها الكامل لنظام مبارك أمام جموع الشعب، ثم ظلت تتخبط وتترنح، وها هي ترفع الراية البيضاء أمام الملايين الرافضين لخطاب مبارك الأخير.
نحن نخوض معركتنا الأخيرة أمام هذا النظام الغاشم، وعلينا الصبر والثبات، فالحرية على الأبواب، ذلك لأن النظام المصري البائد لو نجح، لا قدر الله، في إدخالنا للبيوت فإنه سيضرب على رأس الوطن بيد من حديد، وسيتخذ كل الإجراءات اللازمة من بلطجة، وتنكيل، وتكميم للأفواه، وربما تفجيرات متعمدة تستوجب أحكاما عرفية، ليضمن ألا نعود للشارع مرة أخرى، ولن يتزحزح عن مكانه، بل وسينكل بنا وينتقم منا كعهده دوما معنا.
يا بني مصر.. الثبات الثبات الثبات، فالحرية على الأبواب، وهذه هي المعركة الأخيرة، وسلاحنا الوحيد هو بقاؤنا في الشارع بالملايين حتى يرحل هذا النظام، بل إننا إن ثبتنا قد يسقط النظام وأذنابه قبل جمعة الرحيل.
ونحذر شعب مصر العظيم، من بعض رموز النخبة المنتفعة والتي تستغل الثورة الشريفة لتحقق مكاسبا وتعقد صفقات مع النظام على حساب دماء شهدائنا.
ونتوعد كل الرموز الإعلامية المنتفعة الدنيئة بأن الشعب سينتصر في معركته وسيحاسبهم حسابا عسيرا.

89 comments:

Moataz Medhat said...

ربنا ينصر و يستر و يوفق أهل هذا الوطن، من أجل دماء الشهداء الذين قتلوا غدرا في بلادهم و من أجل المظلومين و من اجل غد أفضل لبلادنا

مهندس مصري بيحب مصر said...

أتفق معكي في كل كلمة
و احيي كلماتك المتألقة في قناة الجزيرة
و يمكنكم تحميل هذا البرنامج لتجاوز حجب أي موقع
http://www.4shared.com/file/CfjG3ZI2/HSS-156-install-anchorfree-244.html%20

و ربنا معاكم و قلوبنا و دعاؤنا معاكم

عاشت مصر حرة

الحسينى said...

نوارة
أولاً الحمد لله أننا أتطمننا عليكى
ثانياً متخلوش الكلب يموت الحاجة الحلوة اللى اكتشفناها جوانا كلنا أننا لسنا أدميين ومحترمين ومنظمين ومهذبين وصابرين على سفالته علشان كرم أخلاقنا واننا مش زى ما كانوا بيقولوا عنا همنا على بطننا
نوارة أنا بره مصر وقلبى مع الناس فى مصر وكان نفسى أكون واحد من اللى بيعملوا تاريخ مصر الحديث بس طول ما فى ناس زيك وزى كل المصريين اللى بينزلوا يطالبوا بحقهم ويطالبولنا بحقنا معاهم إحنا أملنا فى ربنا ثم فيكم كبير بالله عليكم متخلوهوش يسرق كل اللى عملتوه
نوارة أنتوا أملنا علشان نرجع نعيش وسط أهالينا
قولى لكل المصريين أنهم وصلوا لمكان عالى قوى فى نظر كل الناس خلوا بالكوا على اللى وصلتوا له وحافظوا عليه ونضفولنا مصر
ربنا معانا كلنا

خواطر شابة said...

نوارة ربي يحميكي ويحمي كل شباب مصر

سامح said...

الثبات الثبات الثبات
الدماغ اللي بيتكلم بيها مبارك دي مش دماغه ، ده شغل يهود
بس مش هياكل معانا

تويتر وفيسبوك شغالين معايا

Gihan said...

The problem now is not mubarak. He's finished. The problem is the military. They will not easily let go of ruling the country.

Ayman Elkholi said...

الفيسبوك فتح من شوية يا نوارة.. بس تويتر لأ

محمد نور الدين said...

ست الكل يسعد صباحك
راسلتك على الفيسبوك حتى أطمئن عليك لكن طمنتنا بنت تسمى زينب
أولا الحمد لله على سلامتك
ثانيا الرجاء طمنينا دائما عنك
هنا أو هناك
لك ولمصر كل الحب و التقدير

Unknown said...

انتى حيوانة وعميلة يابنت الحشاش

SarujahShale said...

يانوارة.. إذا في إمكان نساعدكم من برة مصر.. نحن بالخدمة.. أرجوك أن تعرف أننا مستعدون لخدمتكم بأي طريقةخاصة إذا تم قطع الأنترنت مرة ثانية في مصر..
يمكنك أن تتصلي بي على sarujah@gmail.com
ممكن على التوتيتر كمان..
مارية من سورية

hicmet said...

الله أكبر على من طغى و تجبر
الصبر الصبر يا أهلنا في العظيمة مصر
لا تهنوا و لا تحزنوا و أنتم الأعلون إن كنتم مؤمنين
لا تستكينوا قلوبنا معكم و الجوارح
أنتم السابقون و نحن إن شاء الله على خطاكم و على خطى إخواننا في تونس سائرون
و للحرية الحمراء باب بكل يد مخضبة يدق

أخوكم هشام من الجزائر

amina said...

ربنا معكم يا نوارة و إن شاء الله سينصركم لن ينقسم قد يكون الملعون أحدث صدمة عند الشعب لكن سرعان ما سيتدارك من تزعزعت و لو للحظة قناعته بأن الثورة هي الحل و يعود لإكمال المسيرة معكم أنتم أمل هذه الأمة بأكملها و ليس مصر فقط فشكرا لكم لأنكم حركتم مياه الحكام الفاسدة و بدأوا يرتجفون في مقاعدهم و منهم من أصبح التبول اللاإرادي سمته هذه الأيام و هو يرى الهلع و الذعر و الخوف الذي أصبتم بها أخوهم الكبير و زعيمهم و ينتظرون دورهم الآتي لا محالة شكرا لكم نوارة أنتم نوررنا الذي نتلمس من خلاله نحن طريقنا للخلاص من الفساد في كل البلاد العربية
من المغرب ألف شكر لكم

hicmet said...

الله أكبر على من طغى و تجبر
الصبر الصبر يا أهلنا في العظيمة مصر
لا تهنوا و لا تحزنوا و أنتم الأعلون إن كنتم مؤمنين
لا تستكينوا قلوبنا معكم و الجوارح
أنتم السابقون و نحن إن شاء الله على خطاكم و على خطى إخواننا في تونس سائرون
و للحرية الحمراء باب بكل يد مخضبة يدق

أخوكم هشام من الجزائر

شيماء علي said...

سلم قلمك وسلمتْ يمينُكِ، وسلم لسانك الصحيح

لله درُّك نوارة

جاري النشر

me7me7 said...

برجاء التركيز على سرقات مبارك وعلى نهبه هو وعائلته ومحاسيبه - كيف يعقل تصديق أن يقوم فاسد سارق بمحاسبة فاسدين آخرين إذا كنا صدقنا خطابه البائس

الزعيم حرامي والثروات المنهوبة تعادل مديونات مصر وأكثر ويمكنها حتى تمويل الميزانية

نحن نتحدث عن 55 مليار حجم ثروة آل مبارك / 60 مليار حجم ثروة أحمد عز / مليارات لا ملايين وما خفي كان أعظم
...
لا تتركوا الفاسد يرتب أوراقه وينجح بتسريب المتبقي من المنهوبات فهي حق الشعب بخلاف محاسبة اللص عن باقي جرائمه

Unknown said...

أنا لست معك
أنا مع الإنتظار لأن اللي عنده مشروع سياسي عندما يحصل علي شئ بالقوة لا يجب أن يستخدم مزيد من القوة للحصول علي باقي الحقوق يجب أنا نلجأ للتفاوض للحصول علي الباقي وحنا موجودين والميدان مش هيمشي
أنا عندي ميدان المنشية وانتو عندكوا ميدان التحرير زي ما نزلنا يوم 25
ممكن ننزل تاني
ولا يجب أن نكون انتهازيين ولا نتمتع بخلق المنتصر ويجب أن نكون مع مبدأ إرساء الشرعية التي لا نعبر عنها وحدنا ولكن هناك الملايين ممن اقتنعوا بما بحقق فلا يجب أن نمارس عليهم الديكتاتورية ونصادر علي حقهم وبيننا وبين النظام الأيام

علان العلانى said...

لقد أنتهى عهد الفرعون الى الأبد بجهد شباب مصر النبيل الأبى وها هوالشعب مستلهم روح شبابه يكتب عهده الجديد أما عن المتخوفين بحق أو بغرض على الدستور والقانون والدولة أقول لهم لقد كانا دئما هناك العوبه فى يد مبارك وزمرته ولكنهما الان فى يد الشعب والشعب العبقرى الذى بنى الاهرام وجعل العالم كله يرفع رأسه مدهوشا من الاف السنين فى مواجهة الأهرمات التى هى قبر الفرعون سوف يبدع الحلول التى لاتخطر على بال الغارقين فى نصوص دستور مبارك

الطيب said...

ألم تلاحظوا ما قاله مبارك:
لم أكن أنتوي الترشخ
وهو يقصد الماصي ولا يتحدث عن الخاضر

ابن البلد said...

ارجعوا بالذاكرة إلي الوعود الانتخابية في 2005 وتذكروا مافعلوه ب ( أيمن نور -د/ نعمان جمعة - الشريف / عبد العزيز مخيون - الشيخ أمين الديب 9 تمت تصفيتهم جميعا بعد أن دبرت لهم بليل مكائد ومصائب كل علي قدر تجاوزه للخط الأحمر ( وكله بالقانون ) وهذا ماسيحدث مع البارزين في المظاهرات فإياكم إياكم والتراجع ------- الله معكم ومصر كلها معكم

بدون تعليق said...

نحن معكم وقلوبنا معكم

ولكن المنطق يقول بأن السقوط السريع قد يجعل الامور تدخل في فوضى ؟

الم يعلن مبارك بأنه لن يترشح وسيعمل على نقل السلطة تدريجيا ؟

اعتقد انها تنازلات كبيرة ولا ادري لم الاعتراض ؟

طبعا انا ضد الظلم والفساد ولكن هناك مكاسب كبيرة في خطاب الامس لكم

Tears said...

لا الفيس بوك شغال و عليه كتير اوى

المهم يا جماعة ياريت كل الناس تقرأ مستند خطة وزارة الداخلية اللى كان معد قبل جمعة الغضب عشان تفهموا ان كل الفوضى و الهوجة فى الاعلام و البلطجية كانت معدة سلفا

المنشور موجود على عدة مواقع من الجمعة اللى فات و حطيتة عندى كمان عشان لو فيه حاجة مش بتفتح
http://tears-demo3.blogspot.com/

Dornen said...

يا نوارة لازم يبقي لينا صوت واحد يتكلم باسمنا بدل المعارصة اللي عمالة تطلع في بيانات

لانه لما يمشي مش كل حاجة حتتغير في يوم و ليلة

Shoukry said...

Please Please Please
Stooooooooooooooooooooooooooooop
You got what you want? You weren't dreaming of 0.01% of this a week ago. We Got What we want or 90% of this. let's not let our greed for more push us to ruin our country.
We must be rationale and seize this now. If this didn't do what he promised, we knew our way to streets. It is 6 months ... we waited 30 years.

Also, let's not remember ONLY the bad things for this guy. He did also a lot of good things and he is also a war hero

Unknown said...

Dear Nawara,

I'm an Egyptian living abroad. My heart is with you and I do all that I can writing to newspapers and talking in teh radio asking people to support and governments to stopp supporting Mubarak. I urge to you continue until he is out.
I wish to suggest to you the young youth who started this mangnificant movement to declare a committee or even the nucleus of a political party e.g. the youth party for change and appoint from you those who who participate the negotiation and evt. trasition govenrnment when he leaves.
This will gives you more "international and national weight" and help you organise and you could start collecting names for those who would to be members. Your program will be develoed on teh eway. Yur demands now are clear and simple and just.

I'm saying that because without a figure from you on teh media that is considered representative and with a mandate to talk on behalf of you people here (and probably some in Egypt) will remain sceptical ...
Just a suggestion

Yours

Akmal Safwat
Now living in Denmark

Lammers said...

نوارة

وحشتينا جدا و الحمدلله ان مصر فيها ملايين زيك بيحبوها و بيخافوا عليها و بيضحوا بكل حاجه علشانها

للاسف في ناس ابتدا يتلعب في عقولهم صح و بداوا يرددوا ان شباب الحرية وراهم الاخوان و ايران و البرداعي التلاتة مجتمعين سبحان الله

نوارة ده وقت عصيب علينا كلنا لو هانموت يبقى نموت في مديان التحرير او في ميادين اسكندرية بشرف و بكرامة

انما لو رجعنا دلوقتي بيوتنا مش هاتقوم لمصر قومة تاني ابدا زي ما قلتي قبل كده

الاهانة هاتكون في شبر في الدنيا و يقولوا علينا اللي خافوا و جريوا على بيوتهم

الجيش دلوقتي بيطلب مننا اننا نرجع بيوتنا يعني ايه هل تخلوا عننا خلاص

الناس اللي النظام القذر و اعوانه اجروهم عشان يخرجوا يهتفوا بإسم الفاسد و يقوله له اقعد ما تمشيش مش هايقدروا يقعدوا مدة طويلة لانهم مأجورين مدوفع لهم فلوس مالهمش قضية يدافعوا عنها و يستميتوا علشانها

ممكن يزهقوا بعد شوية و بعدين كل واحد يشوف مصلحته

احنا عندنا هدف و عندنا قضية و وجهة نظر مصممين عليها و لا حد دفع لنا فلوس و لا حد بيمولنا يبقى احنا الاقوى

Sweet Violet said...

الفيس و تويتر رجعوا يانوارة
بس الخوف بقى ان الكل يسيب الشارع و يرجع تاني للجهاز
:\

Om Kiki said...

نوارة انت صح .. الراجل ده نابه أزرق. لأول مرة كل العالم العربي يتجمع ويحب بعضه. الحكام العرب هم اللي كانوا مفرقينا. انا في انجلترا أنا وأختي نظمنا مظاهرات في مانشستر .. الناس جت بالمئات من كل الدول العربية وكمان الشرفاء الانجليز اليي كانوا بتبهدلوا من الشرطة المصرية و هم بيودوا إعانات لرفح. يارب تبصر قلوب شباب مصر اللي عايز يتراجع .. ويقوي وينصر أحبابنا الشرفاء اللي بيصمدوا منأجل الشرف والعزة والكرامة.

The Dagger said...

Long Live the Egyptian Revolution. Salute from North America!

karima said...

بإمكان مبارك أن يوقف عجلات القطار ليمنع ملايين المصريين من الوصول إلى ساحات الاحتجاج، لن يستطيع إيقاف عجلات التاريخ، هو الذي تعلّق بأبواب قاطرته و ركب على مدى 30 سنة كقطاع طرق الأوطان دون أن يدفع ثمن تذكرته.ـ



الآن عليه أن ينزل. 80 مليون مصري ينتظرونه في محطة قطار التاريخ. لن يأتي أحد ليحميه من غضبهم.. و لا حتى أصدقاءه في اسرائيل.ـ



أيّها السافل القاتل انزل، و تفرّج على غرف التعذيب التي مات شرفاء مصر داخلها، و دخلتها لأوّل مرّة الكاميرات.ـ



ـ(أحلام مستغانمي )ـ


يا استاذة نوارة نحن ننتظر في الجزائر ماتش الفينال بين تونس ومصر ...قلوبنا وعقولنا معكم مرابطين امام جهاز التلفاز ننتظر اخباركم ونقدر عظمة هذا الشعب ...تحيا مصر ويسقط نظام مبارك العميل

Unknown said...

my dear Noara, i missed you so much. I am egyptian living in the UK. We support you as much as we can. You are in a very critical situation. we feel like you are targeted by a very wicked plan to divide you. please stand fast, the thugs of the goverment will never be able to defeat you. DON'T BE FOOLED BY MUBARAK'S PROMISES. how can we support you?

Unknown said...

عملوها الشباب و أفسدوها النخبة

Lammers said...

ايه اللي اشرف زكي بيقوله ده يعني ايه اللي هايهين اللامبارك هانهينه

Tota said...

انا ماعنديش تويتر بس الفيس بوك شغال ومش محجوب ولاحاجه. في حاجه كمان مع كامل اتفاقي معاكم ورغم اختلافي مع النظام الا انه لازم ندي فرصه للناس تلقط نفسها وتلاقي قوتها وتطمن فزع اطفالها علشان ماتفقدوش تعاطفهم معاكم وايمانهم بيكم ولو كان الوعد ده كمان كذب تقدروا تخرجوا تاني وعاشر زي ماقسوة القمع اول مرة ماوقفتكمش خلاص مافيش قوة تاني هاتقدر عليكم لازم يكون في كر وفر ولازم تقعدوا وتقولوا طلباتكم وتطلبوا الضمانات اللي تأمنكم وتكفيكم وانتم لسه في مركز قوة ومتمتعين بتأييد 70 مليون قبل مايتحول رصيدكم لمئات الألوف اللي واقفين في ميدان التحرير فقط ماتخسروش كل اوراقكم بالعند واللد في الخصومه ومتنسوش حاجه للأمانة الانسانيه والتاريخية ان الراجل ده مع كل الاختلاف معاه فهو في يوم من الأيام شال سلاح وجاهد في سبيل الله والوطن وعاوزه اقولكم ان الناس اللي تأثرت بالخطاب امبارح ناس كتير وعاديين وغلابه جدا انا في منطقه شعبيه ونزلت وسألت الناس ولقيتهم قابلين وموافقين وشايفين انكم انتم اللي معقدين الحكايه وانكم حولتوا الحكاية لثأر وانتقام مش بحث عن مصلحه البلد يعني دي ابرز النقاط اللي اتكلموا فيها يعني بلاش تقلدوا في العند والصلف واستفزاز وممارسه القهر على الخصم لدرجه اللا عوده. دي شهادة لله ثم للحق ولمصلحه مصر اللي نفسنا حد يفكر فيها اتمنى انكم تكونوا انتم الحد ده

المهندس said...

اولا حمدا لله علي سلامتك يا نوارة ..الشعب والمعارضة والشباب
ثانيا : ها انا اعض صوابع الندم علي اني خارج مصر ... كم كنت اتمني ان اكون متواجدا في ميدان التحرير لابسا كفني مقسما علي الا اتحرك من الميدان الا بعد خروج حسني مبارك ... او الموت دون ذلك ... اما النصر واما الشهادة
ثالثا : نوارة الجميع بحاجة الي مقالاتك النارية حتي لا ينكسرون تحت ضغط الاعلام " السافل ... الساقط " وتحت رؤيتهم لجموع المغيبين والمأجورين ينزلون مؤيدين للرئيس المخلوع
رابعا : لا اعرف ما الصح وما الخطأ ... ولكني اعتقد ان وجودك لتحفيذ الشباب وحثهم علي المشاركة ... وان تعلميهم بانهم لم ينزلوا من اجل احد ... ولكنهم نزلوا ايمانا بالله ورغبة منهم في غد افضل لهم ...فلا يجعلوا احدا يزعزع ذلك الايمان والنور الذي انبثق بداخلهم
خامسا وسادسا وسابعا : والله اني احبكم في الله ... واعلم ان حذاء اي واحدا منكم وطئت قدماه ميدان التحرير لهو شرف لي ان اضعه فوق رأسي
ثامنا : اخبريهم بانهم لو تراجعوا الان فهم ليسوا فقط يتخلون عن صراخ الشهداء في قبورهم ... ولكنهم يضحون باولئك الذين وثقوا فيهم ونزلوا ورائهم ... رافعين سقف امانيهم ..فخاطروا بكل شئ من اجل تلك المطالب ... وانهم يضعونهم في وجه المدفع لو تخلوا عنهم الان ...حيث سيطلق " النظام النازي " كلابه المسعورة ورائهم ولديهم العديد والعديد من الافلام المصورة
تاسعا : حذريهم ان نكسة اخري تفوق نكسة 67 تحوم في الافق ... فاذا كانت نكسة 67 وقعت رغما عنا ...فان نكسة 2011 ستكون بايدينا نحن في حال تخلينا وتوقفنا الان
عاشرا : اجعلي الجميع يرددون " فاستخف قومه فاطاعوه انهم كانوا قوما فاسقين " ... ونحن لا نريد ان نكون من القوم الفاسقين
نواااااارة ... اصنعي شيئا ... كثيرا ما اختلفت معك ... وكثيراما عارضتك هنا علي صفحات مدونتك الطاهرة... ولكن صدقيني كنت اهلل كالطفل عندما اسمعك تتحدثين علي الجزيرة .... ادفعي " ابراهيم عيسي " للحديث ... فهو وجه محبوب من اطياف واسعة للشباب ... اجعلي " احمد خالد توفيق " يظهر هو الاخر ... " ووائل الابراشي " لماذ امتنع هؤلاء الاطهار الابرار عن الظهور .... اعلم انهم غالبا موجودون هناك في ميدان التحرير .... ولكن ان كلمة واحدة منهم ربما تكسب المظاهرات زخما كبيرا .
نوارة ..اني اقسمت اني لن اعود لمصر التي اعشقها في حال رجع ذلك الطاغية للاستقرار علي عرشه ... وانني ساتقدم بطلب هجرة لاي مكان خير لي ان ارجع فاري وجهه ووجوه طغمة الاوغاد المرتصة من حوله ... وانا والله العظيم اعشق مصر ... اعشق كل ذرة تراب في ارضها .... فارجوك ... اصنعي شيئا حتي لا اكون مضطرا للوفاء بقسمي
احتسبكم جميعا من المرابطين في سبيل الله " رباط ليلة في سبيل الله خير من قيام ليلة وصيام نهارها " ... وفقكم الله جميعا لما فيه الخير ... وحفظ مصر من بطش الصاغية .... والسلام عليكم ورحمة الله وبركاته
"ان فرعون وهامان وجنودهما كانوا خاطئين

Early bird said...

حكايه التفجيرات دى حقيقيه وممكن تكون ورقه فى ايد النظام وقد هدد بها فعلا مصطفى الفقى فى برنامح على المحور لما كانوا بتوع برنامج 48 ساعه بيخوروا الشباب وبيقول لهم لغايه دلوقت لم يتم تفجير اى كنيسه بس ممكن ولا سيما الانباء الالتى يتم تسريبها عن الحدود مع غزه وان السجناءالفلسطينين هربوا من السجن يعنى الجريمه جاهزه والفاعل كمان

Unknown said...

مبارك بيعمل إللي عمله عبد الناصر في مظاهرات مارس 1953
على فكرة عبد الناصر بعد إنتهاء المظاهرات و في خلال 9 أشهر سحل كل من شجع و نظم المظاهرات
مفيش فايدة
دم الضحايا هيروح بلاش

Anonymous said...

هانت ان شاء الله

دلوقتى الفيس بوك وتويتر شغالين عادى
ومتوقع اكيد لو تكررت المظاهرات يتفصل تانى



ربنا معانا

Early bird said...

وبعدين الخطاب مفيهوش ان ابنه مش حيترشح

مافيهوش ان البرلمان المزور حيمشى لا ده حينظر فى الطعون ما فيهوش ان الداخليه الفاسده حتتحاسب لا فيه ان المخربيين اللى حرقوا البلد هم اللى حيتحاسبوابمعنى اصح المعتصميين
وبعديين الوزاره السوده دى كل الناس هم هم والحجه انه مافيش غيرهم وهم ماسكين ملفات اصلاحيه اصل الناس هبله بقالهم 6 سنين ماسكين الملفات وخايفيين يسيبوها احسن تقع
مأجل انه يحيب وزير للتعليم علشان لما الدنيا تهدا يجيب زكى بدر تانى

ربنا ينتقم منه هو ونظامه الفاسد

karima said...

استاذة نوارة ساقوم بنشرها على صفحتي في الفيس بوك ..هذا ما استطيع ان اقدمه ..لكن قلبي ودموعي ينزفان دما والما ..لاجل هذا الشعب العظيم ..لم ينغص علينا بهتجتنا بتلك البسالة الا طلة اذيال النظام على القنوات الخاصة المصرية وحتى الحكومية....ربنا معاكم

admin said...

افهموا يا مصريين الحرية على الابواب اصبروا مش هاقول ساعدوهم الحمد لله هم فى وضع قوى للغاية فى وجه النظام وامريكا خلاص هنعرف نقعد على الترابيزة ونبقى راس براس مش هنبقى مضطرين لمنح اى شيئ مجانا كما اعتاد الرئيس غير الشرعى ان يتنازل عن حقوق ال...وطن حتة حتة وبالمجان
هاقولكم بس صدقوهم صدقوا الثورة العظيمة صدقوا وراهنوا على هؤلاء الابطال الذين سجل التاريخ وجوهم التى لن ينساها جربوا ... مرة يمكن الرهان المرة دى يصدق ما انتوا بقالكم 30 سنة بتراهنوا على نظام كلما طال عمره كلما زادت خسارتنالسه هيضحك عليكم ويخليكم تراهنوا عليه تانى الحصان بقى مكسح ادام عينكم ليه مش شايفين
اقول هذا وانا اعشق هذا الوطن وعندى امال كبيرة على ما سيحققه هؤلاء الابطال اكثر بكثيييييييييييييييييييير من تعديل فى مادتين دستور بوظهم له د.مصطفى الفقى عندما قال انه كان يتوقع ان يقول الرئيس انه سيشكل لجنة قضائية لمراجعة الدستور بالكامل وليس مادتين فقط وابعد بكثير من حلم تعديل مستوى الدخل ابو 1200 جنيه التى لم يوافق بها النظام
والتى فى راى غير عادلة فى عهده عندما اسكن كعدد كبيييييييييييييييير من المصريين فى شقة معقولة حجرتين وصالة ب750 جنية ايجار جديد طبعا لانى مش قادرة اشترى شقة تمليك حلم نتغرب ونهترك اسرنا فقط لنجمع المقدم وبذلك يكون المتبقى من هذا الراتب الذى افجع النظام 450 جنيه هاكل بيهم ولا ادفع مصاريف المدارس ولا اركب مواصلات.....
بحلم معاهم مع كل شهيد منهم راح فداء هذه الثورة بحلم مع من وقف امام عربة الامن المركزى دون رهبة او خوف
بحلم معاهم ابطل اخاف ....بحلم معاهم بالحرية.See More

Unknown said...

محاولات فلول الشرطة والحزب الوطنى الفاسدين تجرى على قدم وساق بمظاهرات مختلقة لتأييد الطاغية صباح اليوم الأربعاء 2 فبراير 2011 للالتفاف على ثورة الشعب المصرى الذى ضحى بدماء 300 قتيل وخمسة الآف جريح من شبابه - ومبارك يواصل أكاذيبه للحفاظ على ما تبقى من أركان ولصوص نظامه الخائن العميل المتهاوى الذى يريد الشعب استكمال إسقاطه - واصلوا ثورة اللوتس الشعبية فى مصر المتحضرة ولا تعطوا فرصة للخونة لسرقتها

علان العلانى said...

لقد أنتهى عهد الفرعون الى الابد بعزم شباب مصر وها هو الشعب يزبل النظام من اساسه اما عن المتخوفون بحق او بغرض على الدستور والقانون والدوله فقد كانا هناك دئما اللعوبه فى يد مبارك وزمرته ولكنهما الان فى يد الشعب والشعب الذى جعل العالم يرفع راسه مدهوشا منذ الوف السنين فى مواجهة الاهرام التى هى قبر الفرعون سوف يبدع الحلول التى لا تخطر على بال الغارقين فى نصوص الدستور اتركوا النصوص وانظروا الى شباب مصر فهو يملك الحلول كلها فى قلبه وضميره

Anonymous said...

قلت لكم أن لا فائده
عشرات الالاف تتظاهر الان تايدا لمبارك
لا فائده
انسو الامر
ايامكم القادمه
ســــــــــــــــــوداء
والله أعلم

متغربه said...

اكتب لك يا نوارة و انا لا اكاد ارى من الدموع و قلبي فعلا و مش تشبيه يعتصر ادعو الله و اقول له يا رب انصر شبابنا واهالينا في ميدان التحريرو في كككككل مصر يا رب ثبتهم يا رب اللهم عليك بمن خانوهم و من باعوهم يا رب ان لم تنصرهم فسيصبحون فريسه للياس يا رب لا تحرم مصر من اطهر و انقي جيل فيها يا رب انا قليلة الحيلة ليس لي الا الدعاء يا رب انا غريييييييييييبه في ارضك الواسعة يا رب علشان حبيبك النبي محمد علشان حبيبك النبي عيسي يا رب ارفع عنا القهر المتمثل في الفرعون اعتق رقابنا منه يا رب انصر خير اجنادك و زهره شبابنا يا رب وحد كلمتهم عاشت مصر و يسقط يسقط حسني مبارك امين

kantila said...

السلام عليكم أخت نوارة
معلومات مؤكدة :مخطط يتم تطبيقه الآن الأنظمة العربية تجند كوادرها لحملة دعم النظام المصري عبر النت ..الاهداف فايسبوك-تويتر والمنتديات العربية ...الحملة بدأت ليلة امس الاف المشركات سجلت من السعودية الجزائر ليبيا المغرب البحرين بصفة مركزة الامارات الكويت وسوريا والسودان بدرجة أقل
.....
اليومين القادمين مرحلة حاسمة للغاية
اخوكم من الجزائر

المشخصاتي said...

هااااااااااااانت .. يخرب بيت امك يا حسني ماكنتش متصور انك غتت وبارد وحقير للدرجادي .. بس كله يهون بعد قنابل الغاز بتاعتك خلصت

Unknown said...

ؤ

Unknown said...

الجيش بيقولنا ننسحب ،،،
محدش دلوقتى يؤمرنا احنا اصحاب البلد واحنا الى نأمر
احنا محدش يقولنا نعمل ايه تانى احنا عارفينت بنعمل ايه
و واعين لكل خطوة غدر وهنتصدى ليها
احنا اقوى منهم
احنا هزينا العالم كله
هانت
يا رب انصرنا


احنا شخناه وفاضل اننا نسلك المجارى ونشد السفون عشان يغوووووووور

Om Kiki said...

http://www.youtube.com/watch?v=iVl1vPebB6E&feature=player_embedded

العبيد الجدد said...

يا جماعة فية معركة فى ميدان التحرير الان بين الكلاب والمتظاهرين وهناك اصابات كثيرة ظبط بعض الافراد المؤيدين لمبارك معهم نصف ورقة فئة 100 جنية

ousho said...

حبيبتي نوارة
انا خايفة اوى مرعوبة وعارفة ان دة ممكن يكون ضعف عارفة ان الراجل دة عمل فينا اللي ما يتصوروش عقل وعارفة ان اللي في ميدان التحرير واسكندرية وكل مكان صعب يفكروا في الرجوع بسبب الشهدا اللي ماتو بس انا خايفة. خايفة الضغط اكتر يخليه يخرب البلد على الاخر قبل ما يسيبها خايفة من البرادعي و كمان بيان الجيش النهاردة حاسة انه بيقولنا خلاص انا واقف جنبكو من الاول بس خلاص مفيش اكتر من كدة روحوا بيوتكم علشان دي اقصى حاجة اعملهالكم ماتحلموش بتونس .خايفة من المعارضة اللي عاملة زي الذئاب مستنية الفريسة.وعايزة اقولك حاجة عارفة انها حتزعلك انا حاسة ان مبارك كدة اتذل ومتهيألي ان الحاجات اللي كنا عايزينها هي اللي قال عليها ولو راوغ أو عمل اي حاجة مختلفة نطلع في مظاهرات اكبر متهيألي لازم نسمع لو كنا عايزين نتسمع .امبارح معز مسعود _وانا باقدره جدا كان بيقول لازم تسمعو والا كدة ممكن تبقى انكو ماشيين ورا مشاعر الغضب ودة نوع من الشيطنة.عارفة انا استريحت شوية لما كتبتلك.والله انا زيي زيكو بس دماغي تعبت من كتر التفكير

حسن على said...

ربنا ينصرنا على النظام البوليسى القمعى الفاسد الذى لن يتنازل عن السلطة الا بالجزمة

بنت من الزمن ده said...

الحمد لله الفيس و التويتر رجعوا من تاني
الراجل قال اه هيمشي و لو يطول يمشي دلوقتي كان مشى بس عشان شكله و كرامته و كرامتنا احنا كمان عشان شكلنا قدام العالم كله ما ينفعش يا استاذة نوارة نشوف صور اهانة و كاريكاتير لرئيسنا ف كل جرايد العالم دي اهانة ليناكلنا
احنا ما قلناش انه كويس و زي الفل و معيشنا ف جنة و ما ننكرش اللي عمله معانا قبل 25 او بعده بس برده ما ينفعش ننسى انه بطل من ابطال حرب اكتوبر وما ننكرش ان كتير جدا مننا بكوا بعد خطابه
انا رايي نسيبه يخرج منها بكرامته عشان دي كرامتنا احنا كمان احنا عرنا ما كان قلبنا اسود أوي كده حتى مع الأعداء
و يا ريت تكون الفترة الجاية دي فترة دعاية لكل مرشح و كل واحد يقول برنامجه الانتخابي عشان نقدر نعرف هننتخب مين لأننا ما نعرفش مين البرادعي ولا مين السيد البدوي او غيرهم ما ينفعش بعد كل التعب اللي ف المظاهرة البلد تروح لحد يضيعها اكتر ما هي
أستاذة نوارة انا معجبة جدا بيكي و بكتاباتك و باتعلم منها كتير يا ريت لو انا فاهمة حاجة غلط تفهميني
و كنت قلقانة عليكي جدا و افتكرتهم اعتقلوكي

حسن على said...

الشرطة تحاول انقاذ رأس عصابة الفساد والمافيا التى تتبعة باستعمال البلطجية ومعتادى الاجرام باغرائهم بالمال واسقاط التهم عنهم. ومبارك راحل ..راحل. "فرحلوا ولم تفزع بيوت كثيرة الى حيث القت رحها ام قشعم" بس خلاص

Unknown said...

ربنا ينصركم و يثبت أقدامكم و يقويكم

Sherif said...

ما يحدث في الميدان الان يثبت صدق المثل الشعبي ديل الكلب ما ينعدلش .......الله معكم حتى الانتصار النهائي على هذا النظام العفن القبيح

fleur de Rif said...

شكلها الناس بسرعة تأثرت بالخطاب المؤثر لبارح

ليه الخيل والجمال؟

كملوا الله يخليكم

Sherif said...

جزمة اي شاب او شابة في صف المعارضين اطهر وانقى واشرف من الحزب الواطي كله من اصغر راس حتى الراس الكبيرة ارحل يانجس يا ديل الكلب

soreal said...

facebooked.

Unknown said...

بعد الإعتداء على المتظاهرين في ميدان التحرير
أقول مفيش فايدة
سيبونا إحنا بقى عليهم و محدش يغلطنا
الجهاد ضد النظام و المتحالفين معه هو الحل

ثناء Kofiia said...

نووووووارة حبيبتي :(
بنبسط كتير كل ما اسمعلك
الله ينصركم يا رب كلنا بندعيلكم .

من مغربي said...

إشتقنا إلى طلتك يا نوارة.... أشاهد ما يفعله الكلاب الأن ... كلاب العسكرية .... فعلا إنها نظرية الأمن مقابل الحرية .... قلوبنا مع أحرار مصر .... ما فعلتم عضيم .... فالصبر تم الصبر

Diaa said...

فين بتوع الوفد الخولات ولاد الوسخة إللي أيدوا خطاب مبارك ابن الزانية يشوفوا إللي حصل في ميدان التحرير

sheeshany said...

الله ينصركم و يكون مع كل مظلوم
و يصبركم

Mona said...

rabbena ma3akom
rabbena y3inkom
8anat

mowatina 3arabiyya

Unknown said...

el Facebook wel Twitter reg3o ya Nawara... fih nas betekteb 3an lessaanek 3al facebook. Rabena ye7miko kolloko!

Adel hassan elokaby said...

الاخت نوارة اقسم بالله العظيم انا ضد حسنى مبارك وضد افعالهو اكاذيبه ولكن نفكر بشىء من المنطق والتخطيط حتى ننؤ بمصر من المكايد
لابد ان نطلب باقاله كل الرموز المتعاونه مع مبارك
صفوت الشريف - فتحى سرور - مفيد شهاب الدين - زكريا عزمى
لابد ان يتم محسابتهم والقبض عليهم
السبب الرئيسى فى خراب مصر صفوت الشريف وفتحى سرور

Mahmoud Bahgat said...

على فكرة انا مرحتش ميدان التحرير و مش هروح يوم الجمعة لان بجد الشعب المصرى خسارة فيه التحركات و مدام الشعب يصر انه يطبل و ويهلل زى ما اتعود طول 30 سنة فاتت يبقى فعلا يستحق الريس مبارك انه يقعد و يدلدل رجليه فوق راس الشعب
و انا بحترم الريس زى اى مواطن بيحترم رئيس بلده لكن معلش هو مش آخر واحد فى البلد فى رجال و كفاءات مصرية تنتظر
منذ 30 سنة فرصة لتخدم بلدها
و مظاهرات اليوم تؤكد ان الشعب المصرى احب زمن الاستعباد و لم يعد ذلك الشعب الأبى الذى يبغى التقدم
كل اللى سمعتهم النهاردة من عوام الشعب المصرى بيحبوا الريس و دايبين فى دباديبب ايامه و ان غيره سيقود مصر إلى الظلام الحالك
و اتعجب لان ليس من المفروض ان يحدث هذا مع شعب يؤمن اغلبه بقضاء الله و قدره
عموما انا سعيد انى شفت ناس فى التلفيزيون نفسها تدفع حياتها عشان مصر و حرية كل المصريين و فى نفس الوقت شوفت ناس بتدفع حياتها عشان مصر و ظلم كل المصريين و كل واحد متأكد انه صح
فى هذا الوقت الافضل ان يبقى الانسان فى بيته هذه ليست دعوة لعدم الخروج كل واحد حر لكن بجد الناس اللى فى التحرير فى كفة و الشعب المصرى كله فى كفة لان للأسف الرئيس صعب على الشعب و الشعب لانه قلبه ابيض نسى 30 سنة فى لحظة بدت لهم ضعف رغم قوة الرئيس مبارك فى خطبته و عموما اشكر كل مصرى حاول يرد للمصرين كرامتهم و اكاد اجزم ان التاريخ سيكتب بحروف من نور بجد اسم كل شهيد فى ميدان التحرير و اسم كل خائن طعن شباب التحرير فى ظهورهم و تركهم ينزفون ايام فى العراء ليس نزيف دم فقط و لكن نزيف رعب و خوف على مستقبل مصر و كان كل املهم ان ترتفع رأس كل مصرى لاعلى فى كل بلاد الدنيا و لكن خسر المصريون جهود هؤلاء الشباب فى لحظة فقط لانهم رأو الرئيس يبرر عدم تركه للسلطة منذ أن تولاها
فقط اسأل التاريخ اين دولة المؤساسات التى طالما تحدث عنها النظام و أكد انه لا يقف على شخص بعينه ؟

أبوفارس said...

Go on..Don't stop now..few more days..I know its easy for me to say that when I am away and safe..but by Allah I would be with you..Go on Allah ma3akom..

أبو أمك said...

التلاتين سنة اللي فاتت الموضة اتغيرت
والكفن بقى له جيوب

توتو said...

التليفزيون المصري بيقول ان المتظاهرين والمتعاطفين مع الرئيس كانوا رايحين علشان يناشدو سلميا اخوانا في التحرير ..سلميا بس كان معاهم اسلحه بيضاء وشوم واحصنه وجمال لزوم السلميه -سلميه اخت نزيهه بتاعت الانتخابات ولا ايه؟؟





لازم يمشي دلوقتى




دلوقتى

بنكرهك يااخى
كفايه خلتنا وقفنا ادام بعض
حسبي الله ونعم الوكيل

Karim Fadl said...

لكل البهوات والهوانم الي عمالين يتفلسفوا من فضلكوا اخرسوا خالص


بفضل الله حنكمل لغاية ما نخلص من طغيان مبارك فلو سمحتوا يا إما تنزولوا معانا يا إما تلبسوا طرحة وتجلسوا في بيوتكم وتخرسوا

Karim Fadl said...

لكل البهوات والهوانم الي عمالين يتفلسفوا من فضلكوا اخرسوا خالص


بفضل الله حنكمل لغاية ما نخلص من طغيان مبارك فلو سمحتوا يا إما تنزولوا معانا يا إما تلبسوا طرحة وتجلسوا في بيوتكم وتخرسوا

حسن على said...

النظام الفاسد -وهو يلفظ أنفاسة -يضرب ويحاول ان يقتل هؤلاء الذين يحاولون تلقينة الشهادتين

حسن على said...

اقتراح بتغير شعار الحزب الوثنى الى علم ملطخ بالدماء مرسوم فى وسطة بلطة وسنجة ومطواة قرن غزال

Whisper said...

السلام عليكم ورحنة الله وبركاته
ربنا ينصركم و يقويكم و يحقق مبتغاكم

صديقتي
اذا في اي شي بنقدر نعمله كمدونين اردنيين للمساعده احكيلنا و ان شاء الله ربنا يقدرنا على المساعده
احساس العجز قدام اللي بصير مخجل و مذل و ما بنجينا غير افعالكم و وقوفكم هناك

ربنا معكم

power of truth said...

شكرا اخت نوارة
بداية انا سوري مقيم بالامارات
وصدقا منذ بداية الثورة المصرية المباركة لم اعد استطيع العمل او فعل اي شيء الا متابعة ثورة المصريين الابطال والدعاء لهم بالنصر والثبات
ما يجري الآن هو محاولة تصفية مجرمة للمرابطين بميدان التحرير وهم يقاومون هذه المحاولة بشجاعة نادرة الوجود
للأسف خطة مبارك ونظامه باتت واضحة ويبدو ان هناك الكثير من الجهات الاعلامية ومن راكبي الموجة ممن يحاولون تنفيذها
الوضع ضاغط جدا ولا استطيع ان اقول الا ثبت الله اقدام المرابطين وحماهم الله العزيز الجبار
حمى الله مصر وحمى شعبها الطيب الشجاع وحمى ثورتها الملهمة لغيرها من الشعوب

Shoukry said...

I cannot believe this!! ... After what happened today in Tahrir Square it seems like nothing changed :(

What happened to my brothers in Tahrir Square is a clear conspiracy that cannot be forgiven. You were right for calling and insisting on removing him

Next Friday is not too far but we should be organized with prints for this day and after this day as the protests will continue

We need LEADERS to take the lead and speak with the army. We need to prepare someone to talk on our behalf before Friday

حياة الظل said...

يشهد ربي اني نفسي اكون معاكم في ميدان التحرير
الله ينصركم انما النصر صبر ساعه
الله اكبر على الطاغية

Dr.Rawda said...

لكل ولاد مصر

اخرجو من بيوتكم

انفضوا الجبن
وشاركو مع اخوانكم فى ميدان التحرير وفى كل مكان فى مصر ضد هذا ا لظالم مبارك

انما النصر صبر ساعه

ولو رجاله مصر خلصوا وماتوا شهدا بناتها موجودين مستعدين للخروج لتحقيق هدفنا.....


عايزين نعيش احنا وولادنا اللى هيجو فى عصر جديد...نعيش فى حريه وكرامه بلاش قرف
زهقنا استعباد

انما النصر صبر ساعه


اصبروا ياشباب مصر

اصبروا



وبكررها ..لو كل ولاد مصر خلصوا وماتوا شهدا فااحنا بنات مصر مستعديين للخروج

كفااااااااااااااااااااااايه ظلم ومهانه واستعباد

إيمان هلال said...

الراجل دا بس يغور فى ستين موصيبه وانا هضرب كل واحد منافق بعد كده بالجزمه واولهم التلفزيون المصرى انا من دلوقتى مقطعه

مهندسة كريمة said...

أنا بس عايزة أرد على "الطيبين" مش حقول الهُبل اللى بيقولوا سبيوم يمشى بكرامته .

تفتكروا إن ديه تصرفات واحد عايز يمشى !!!
ده إما بيناور علشان يقعد .. المجرم بيولعها نار و بيقول ده إستقرار!!

أو يكون اللى بيعمله ده لتوريث الحكم لشخص ما تم الإتفاق بينه و بين الأمريكان عليه ... بحيث يظهر هذا الشخص بصورة المُخلص .. و يفرح الشعب "الطيب" بيه .. و أكيد أكيد فرحة الصهاينة بيه و إطمائنانهم حيكون أكبر ... و نبقى شربنا أكبر مقلب فى التاريخ .

لذلك أنا مصرة أكتر و أكتر على التواجد فى الميدان لقتال الديكتاتور قاتل الشباب و حبيب الصهاينة .. و إن جمعة الرحيل لناظرها قريب

Anonymous said...

.
.
يد الله معكم

يا من تحملون مصير أمة على أكفّكم
يا من بأيديكم العارية .. بأرواحكم تحمون الأمل، وتصنعون الأمل لبقيتنا

دمكم، عذاباتكم، لن تضيع بل ستكتب صفحة في التاريخ اسمها: شعب مصر

الله ينصركم ويثبتكم

Unknown said...

to X, Devman, عبدالله, Shoukry ...and all the likes:

اللهم عليك بكل ظالم وقاتل وشيطان أخرس،اللهم فوضنا أمرنا إليك اللهم أخذهم أخذ عزيز مقتدر وارنا فيهم يوماً يا حي يا قيوم برحمتك نستغيث

مش فاهمه said...

وحشتينا يا نوارة ربنا ينصركم ان شاء الله انتم بتعملوا مستقبل اولادنا خدوا بالكم من الفرقه ما تتفرقوش
فيه بنت قذرة جت على قناة المحور مع بوجى و طمطم بتقول انها ناشطه سياسيه و اتدربت فى امريكا على ايد يهود و ان اللى عملوا يوم 25 قبضوا كل واحد 50 الف دولار لما بيعملوا كده من دلوقتى امال بعدين حايلبسوكم تهم ايه ولا ايه
طمنينى انا سامعه صوت ضرب رصاص ربنا يستر و يبقى رصاص فى الهوا

AMOON said...

لؤم الفلاحين يا نوارة.......اخص عليكي ان ترددي مثل هذة الخرافات انتي يا مثقفة يا متعلمة يا بنت الشعب سمعتك علي الجزيرة وحاولت ان اجد لكي عزرا عندما وصفت الفلاحين باللؤم قلت اخيية حتي هذة النوارة لديها تفرقة عنصرية .طبعا انا فلاح مصري وافتخر لان الفاحة تاج فوق راسي وفعلا مندهش حتي انتي يا حوارة تحورتي ككل النظام المتحور ...ابقي خدي بالك بقي يااختي وانتي بتتكلمي في وسائل الاعلام .انا طبعا منفعل ومش عاوز اتقل بالكلام عليكي لكن الفلاح المصري البسيط لا يجب ان تصفية باللئيم . .

AMOON said...

اه افتكرت متنشريش تعليقي اللي فات علي لؤم الفلاحين عي كانت بجرد رسالة ليكي شخصيا ........يسقط مبارك

Unknown said...

نوارة ما تخافوش ربنا ان شاء الله حينصركم احنا بره مصر صايمين و بندعي لكم من قلوبنا و طالعين مظاهرات تاني و بنبعت للناس المغيبة في مصر بروابط الفيديوهات والمقالات اللي بتفضح كذب كلاب النظام ربنا معاكم قلوبنا معاكم وان شاء الله النصر على ايديك و كفاية انكم مشرفين مصر في كل الدنيا

AMOON said...

مش جايلي نوم زي اي مصري متغرب وبيتابع اللي بيحصل وطبعا الشيطان جة وسوس لي وقالي ياض ياامون لوالسوايسة يستغلم بقي قناة السويس في الوقت الحالي ويشلوا حركة الملاحة الدولية ويعملو قراصنة زي بتوع الصومال ..المهم بقي يعني هي دي الفكرة باختصار...انا عارف انة تفكير شيطاني بس هي بقت حرب فعلية فعلينا وعلي اعدائنا