Tuesday 8 February 2011

ما بقاش الا انت كمان يا خدامة بكيزة

عمر سليمان طالع امبارح في الايه بي سي يقول للامريكان: المصريين غير مؤهلين للديمقراطية
طب لما احمد نظيف قال كده قلنا دكتور في هندسة الاتصالات وجايب مجموع كبير في الثانوية العامة ونجح في الوصفية في اعدادي هندسة، انما انت مين يعني انت عشان تتكلم على اسيادك كده؟ انت اخرك تروح تاخد اوامر من الاسرائيليين والامريكان وتنفذ وتتواطأ مع العادلي على تفجير كنيسة القديسين وتضخ غاز مسمم على الغزاوية عشان تموتهم... سفاح يعني، هو السفاح ده كمان عنده مخ وبيتآلط علينا؟ ولا افتكرت نفسك نبيه عشان دخلت كام وسخ في لعبة دوخيني يا لمونة، طب اصلا اللي دخلوا معاك في اللعبة دي هم اساسا اوساخ مش حتلاقي حد نضيف يرضى يلعب اللعبة دي معاك
واللي يغيظ ان الامريكان هم اللي زعلوا علينا وقالوا ما يصحش يقول على المصريين كده 
وجاي في وشنا يقول كلام ورايح للامريكان يقول كلام تاني على اساس اننا ما بنعرفش انجليزي يعني.. نبيه قوي، ما يروح يلم فضايحه من الويكيليكس، ماهو ده المسئول الامني رفيع المستوى اللي ما عرفتش احط اسمه ايام ما كان لسه رئيس المخابرات، مش عشان له هيبة، بس عشان مفتري وممكن يئذي بتوع الدستور، انما العالم كله عرف انه بيقعد قدام الامريكان والاسرائيليين لامم رجليه وبيفرك في ايديه ويقول: وماله يا سي السيد.. اللي تشوفه ياخويا.. الامر امرك والشورة شورتك
انت لسه على البر وبتقل ادبك علينا؟ 
لا... ما عادش خلاص، ما عادش حد ينفع يهزأنا ونسكت له، وما عادش حد ينفع يذلنا ونبلع له، وما عادش حد ينفع يتآمر علينا وننطش عليه.... نجز لسانك من لغلوغه ده احنا اسيادك واسياد اسيادك 
-----------
شهادة لوجه الله، وانتوا عارفين اني مش باحب صفوت حجازي، بس الشهادة لله الراجل ده في الاعتصام رامي نفسه على الجبهة في المقدمة وكان حيموت اكتر من مرة.. لا مش مجازا، كان حيموت حيموت فعلا، هو عايش لحد دلوقت عشان ربنا كاتب له عمر بس، انما الحقيقة هو في المواجهات وبيلقح نفسه على القنابل والرصاص بشجاعة رهيبة .. متفاني جدا وبهدل روحه خالص

64 comments:

Mina Fouad said...

انا عندي سؤال ونفسي حد من التحرير يرد عليا لما مبارك يمشي ايه السيناريو اللي انتو رسمينه - احنا هنا ف اسكندرية الدنيا سواد

eslam said...

هي العالم الوسخه دي معندهمش دم
ومفيش غير المفضوح ده الي بيتكلم
كلامه ده دليل علي ان لو الوضع هدي والتحرير فضي والتنويم المغنطيسي نجح هينفخونا واحد واحد وواحده واحده

Days and Nights said...

الثورة ثورة شعب ... أكيد ربنا ح ينصره ...فرحان وسعيد بالرجالة اللى بأشوفهم ... يبقولوا كلمتهم ... من غير ما يخافوا ... أنصرنا يارب

Unknown said...

Allah with you, all the support and all the prayers and love From Holland, do not leave till he leaves

Unknown said...

@ Mina, the scenario is already made, if he leaves, there is omar suliman, if not suliman, then there is shafik, if we do not want neither then he head of the constitutional court. what if Mubarak suddenly dies? will there be chaos and we will all die? no, we have laws and we have a constitution, and if this happens the youth who protected the museums and important places and cleaned the streets will rise and protect the country

Diaa said...

خدي دي
آخر تصريحات القذافي
"الرئيس مبارك فقير ولا يملك ثمن ملابسه ونحن نقدم له الدعم, متهما من وصفهم بعملاء جهاز المخابرات الاسرائيلية( الموساد) بانهم وراء ما يجري حاليا في مصر"

sal said...

ههههههههه
ينصر دينك يا نوارة
احمد زى الحاج احمد

المشخصاتي said...

نخلص بس من مبارك وبعديها نفوق لشوية الفيران التانيين

Diaa said...

أخيرا الصعيد اتحرك
النهاردة كان في مظاهرة ضخمة عندنا في سوهاج وكمان مظاهرة في قنا و أسوان و الوادي و أسيوط
و بإذن الله يوم الجمعة في سوهاج هنصلي في أكبر ميادين سوهاج و نعمل اعتصام
طبعا ده غير الناس إللي عمالة تسافر القاهرةمن إمبارح أول ماالمواصلات رجعت

مش فاهمه said...

هى الوليه باعة الا بى سى بتدى حبوب الصراحه ولا ايه للى بيقعد قدامها بيقول لها كلام غير اللى بيقوله لنا
المهم الراجل قال على اختيار الأنقلاب و اللى شرحه خالد صلاح الاراجوز بيقول لك قال ايه فيه اختيار الجيش يمسك و يفرض احكام عرفية الناس دى مش بتزهق

Unknown said...

انا فاكر كلمة قالها الشاعر احمد نجم
قال للمذيعة اللى مش فاكر اسمها
دى عصابة يا بنتى
وكان بيتكلم على نظام مبارك
فعلا دى عصابة

Unknown said...

يا نواره دكتور صفوت ده إنسان أكتر من رائع وعلى فكره هو مش إخوان بس راااااائع وفي قمه الثقافه والتدين

سامح said...

الناس دي مينفعش معاها النضافةدول كانوا عايزين نخطف الدبابات وندخل عليهم ، المرة الجاية
"جاست كيدينج"
النشطاء يسيبوا التحرير خمسة كده ويحضروا للتصعيد ،
---------------------------------
كنت مستني انك تتكلمي عن صفوت حجازي
يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلَا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ

Zozo Ismail said...

ربنا معانا ويوفقنا وينصرنا عليهم يارب
ويثبت اللي في التحرير ويزودهم ويفتح دماغ الناس المقفوله ومصر كلها تروح التحرير

Ahmed Mohamed said...

Mina Fouad

بص يا صاحبي
احنا الي بنصنع التاريخ مش التاريخ الي بيصنعنا
زي ما احنا الي بنكتب الدستور مش هوه الي بيكتبنا
وكل ثوره وليها بطل وثورتنا كلنا ابطالها
ومحدش هيقدر يسد الافواه الي اتفتحت مهما كان هوه مين ولا وائل غنيم الي مأقنعنيش بالتمثيل الي عمله ولا حتي
مني الشاذلي الي طلعت تجري وراه
ههههههه
معلش دا احساسي وانا مش بزايد علي حد والكلام ده
وعن نفسي معرفش هترسي علي ايه رغم ان تصوري للموضوع كوجهة نظر بسيطه

حسني يمشي ونغير الدستور ونعمل
انتخابات رئاسيه
والرئيس الجديد يحل البرلمان شعب وشورة
ونبتدي في حياه ديمقراطيه زي بقية
خلق الله الانجازات حقيقيه مش كباري يعني

بس اطمن احنا داخلين علي ايام يتبقي بيضه اوي يتبقي زي الزفت
وربنا يحفظ مصر يارب

ياسر كامل said...

السافل ابن السافل
بيهدد بانقلاب عسكرى
يعنى من الاخر يا اما احكم
يا اما انتم برضو مش هتحكموا
ما تغور يا ابن الكلب
اكيد دول صهاينة
والله صهاينة

حسن على said...

الجنرال السابق عمر سليمان "سلطوى قديم" الامر الذى لايرشحة ليكون بديلا لسلطوى مزمن -مبارك يعنى- والا فكأننا نستبدل "شهاب الدين" ب"اخية".الامل موجود فى قانونى مدنى"- مايكنش اسمة "فتحى شرور" .وهناك عشرات الشخصيات العامة مؤهلة لعملية اعادة كتابة الدستور واسباغ القانون و الشرعية على اعمال السلطة التنفيذية وهم اكثر منة علما وخبرة فى مجالهم

Mina Fouad said...

@kamba && @AhmeD 3allaM
تمام اللي انا فهمته هنمشيها حسب الدستور واحنا متفقين - مش احنا بس حتى المؤيدين لمبارك- ان الدستور لازم يتعدل بس الفكرة هايتعدل ازاي لو برضه ماشيناها دستوري وقانوني يبقا لازم رئيس منتخب يعني لازم مبارك يفضل وده مرفوض
ولو مشي وحبينا نعدل الدستور يبقا مالهاش معنى لان كدا احنا خالفنا الدستور اللي عايزين نعدله
حد عنده حل ؟؟؟؟

متغربه said...

بصي يا نوارة عمر سليمان ده ضابط مخابرات يعنى يودينا البحر و نرجع عطشانين و ليهم اسلوب زبالة جدا في المساومة و بعدين خلي اللي يقعد معاه يقعد ويتفق الشرعية للشارع عمر سليمان ده يجيب اخره معاهم خليه يتسلي و الشرعية برضة للشارع و الناس برضة قاعدة في الشارع لحد ما يمشي هو و سيده

حسن على said...

من المهم جدا الى ابعد مدى نشر اقارات الذمة المالية لاسرة مبارك واعوانة خاصة بعد ان لاكت كل وسائل الاعلام سمعتهم المالية ,والمطلوب نشر ذمتهم المالية فورا وعلى وجة السرعة الشديدة -بكرة الصبح يعنى -ذلك ابراء(ن) لذمتهم وتطهيرا لسمعتهم

حسن على said...

من اطرف ما قيل لتبرير نهب الحكام لدولهم ,ماقالة "ماركوس "حاكم الفلبين الاسبق من ان مصدر ثروتة جاء من كنز عثر علية فى جزيرة فلبينة غير مأهولة بالسكان!!!!!!!!!!!!!!!!!!!!!!!!!! انبة بان شرم الشيخ ليس بها كنوز والا كانو سموها "كنز الشيخ"مثلا

مهندس مصري بيحب مصر said...

الأربعاء، فبراير 09، 2011
بيان من الخبير الأمنى العميد السابق بالشرطة / محمود قطرى
http://egyptioneng.blogspot.com/2011/02/blog-post_09.html

Amal said...

الله عليكي يا نوارة .. هنيئاً لكم الحرية والعقبى لكل الدول العربية

رضوان أغايو said...

عمر سليمان و مبارك وجميع المسؤولين في الدول العربية او جميع المسؤلين في جميع انحاء العالم
مجرد بيادق في لعبة الشطرنج التي يلعبها اللوبي الصهيوني
لكن الغريب في الامر هو اسباب قيام اللوبي الصهيوني بهذا والسؤال المطروح هو لماذا يقوم اللوبي الصهيوني بالسيطرة على العالم رغم انه يمتلك من المال والعلم والسلطة ما يغنيه
فلماذا يصر على ان يبقي العالم في الحضيض وبالاخص العالم الاسلامي ؟
الجواب عن هذه الاسئلة هي السبيل الوحيد لمعرفة الاسباب

romar said...

Did you notice the reference to the "Brother Muslimhood" in this interview. Now, that's the real brober Engelesh. I wonder how a politician, and a negotiator with Hamas in particular, cannot properly say the basic terms he is supposed to use everyday!

By the way, I appreciate what you said about Sheikh Safwat Hegazy, although I am really sad because you don't like him.

kiki said...

Important info on Omar Suleiman

http://www.sott.net/articles/show/223406-Suleiman-The-CIA-s-man-in-Cairo

helal said...

ربنا معاكم ان شاء الله تحققوا الحلم اللي مقدرناش حتي نحلمه

George El Khal said...

CNNArabic.com -صحف عالمية: "ويكيليكس" سليمان رحب بغزو إسرائيلي لمصر...That's our vice president...!!

yasser said...

يا ضياء حرام عليك الصعيد مشارك من اول يوم حتى شوف الينك دة .
http://masrey-mafko3.blogspot.com/2011/02/blog-post.html

yasser said...

الريس زهق من عدم وجود أي صوت معترض من الشعب العادي على قراراته مهما كانت فقرر يعمل حاجة تحركهم
فأصدر قرار بوضع لجنة أو كمين على كل كوبري و اللي رايح و اللي جاي يتنفخ
و بدأ تنفيذ القرار و الشعب مستسلم و راضي كالعادة
فزعل جداً و قال لازم أشوف بنفسي و نزل على كوبري قصر النيل في التحرير
لقى الناس واقفة طابور قدام اللجنة و كل واحد منتظر دوره في النفخ
فقال : محدش عايز يقول حاجة ؟
فواحد قال : ايوه يا ريس
ففرح و قال أخيراً واحد حينطق فقاله : عايز إيه ؟
المواطن قاله : ورانا مصالح و اشغال يا ريس و الطابور طويل و بيآخد وقت كتير فياريت تخليهم يسرعوا معدل النفخ شوية
اهداء لكل من يقول سيبونا نكمل حيتنا على فكرة تم وضع كلمة نفخ بدلا من الكلمة الاصلية نيييييييييييك

Om Kiki said...

http://www.almasryalyoum.com/news/فاروق-الباز-فى-رسالة-لـ«ثوار-التحرير»-لا-تقبلوا-الوصاية-ولا-تتراجعوا-حتى-يتنحى-الرئيس

Unknown said...

بكرة هفضحك وانا في ميدان التحرير وهقول وانا في الميدان الناس قلالات الادب وخصوصا نوارة نجم يمتنعون

Om Kiki said...

http://www.youtube.com/watch?v=l3z1a1Qjues&feature=player_embedded

كلنا في الكليب ده من قرائك يا نوارة وبنحبك إنت وكل المصريين الجدعان. إحنا بنعمل إنشطة في مانشستر ومن هنا ورايح أي حد عايز حق من الحكومة بيتلزق في المصريين. علشان يستمد منها القوة والرمزية العميقة للحرية والكرامة والحقوقية، وكمان علشان يأيدوا الشعب المصري. إنتم خلتوا مصر نموذج يحتزى به في العالم كله. الله يعزكم ويعز مصر بيكم.

وعارفين بيقولوا إيه كمان... بيقولوا "لو عايز تبقى عندك كرامة:

Walk like and Egyptian

فيه حاجة تانية يا نوارة أرجوكي خلي بالك منها .. الأمريكان دلوقت بيقولوا على الثورة الشعبية: الأزمة المصرية ..إنتي عارفة إسلوبهم الملتوي في تغيير التاريخ. أرجوكي لو طلعت على الجزيرة إنت أو أي حد تعرفيه ، وصي إنه مش مسموح لهم يصفوا الثورة الشعبية بالأزمة المصرية.. هي على رأي أخويا هي لو أزمة تبقى "الأزمة الأمريكية الاسرائيلية"

Om Kiki said...

http://www.youtube.com/watch?v=t4r1QEe9r2U

When Muslims are protecting a Christian Mass in Tahrir sq today...my message to Cameron is this: don't lecture us about British values, I'm interested in Egyptian values.

دي كلمة جون ريس عن الثورة الشعبية المصرية ... كلمة رائعة. معلش يا نوارة أنا بابعت حاجات كتير علشان شايفة إن فيه شوية أغبياء بيحاولوا ييأسوا أحلى أمل في الكون... فعايزة بس أوضحلكم قد إيه العالم كله بيحترمكم. الله يحميكم وينصركم.

Diaa said...

تحويل 8 من مصابي مجزرة الوادي الجديد إلى مستشفى أسيوط الجامعي، منهم 4 أصيبوا بانفجار في مقلة العين
قوات الشرطة بتضرب فيهم بالرصاص الحي من امبارح
و61 حالة حرجة
والمستشفى اعلنت ان الرصاص اللي اضربوا بيه رصاص بنادق آلية

Unknown said...

Revolution=No constitution and no more playing w the same old legal and constitutional rules :)

من مغربي said...

ما دام الثورة مستمرة .... لمادا لا تخصصوا يا أحرار مصر يوما لنظال بالإنجليزية ... حتى يفهم هؤلاء الذين دهسهم العصر، أننا جيل فتح نافدة على العالم، ففهم نفسه، و فهم الأخر، تم تاق بنفسه، وهكدا أكتملت شخصيته .... فثار

Ghada Mohamed said...
This comment has been removed by the author.
Ghada Mohamed said...

نوارة
من شهور كنتِ مع إبراهيم عيسى في البرنامج ، و أمي سألتني:من البنت الملبلبة دي؟ قلت لها ابنة نجم و صافيناز، عاوزها تبقى إيه يعني؟مثلي تتكلم كلمة في العام!!
تعليقي لا علاقة له بالمذكور أعلاه ،فقط أحببت أن أقول لكِ أني أحبك جداً و أصدقك و أشعر بحرقتك فعلاً من زمان.
أنا أعتمد كثيراً على انطباعتي تجاه الأشخاص و أظنها تصدق
أطمئن كثيراً عندما أسمع صوتك الذي حفظت نبراته عبر الجزيرة و محاولتك جاهدة للتحدث بعربية فصيحة لولا الملامة لصرختي فينا
لو كنت في القاهرة الآن لفعلت مثلك و لا أدري هل كنت سأثبت أم أتراجع
هل من الممكن أن تكتي عن الآتي لأني قلقة لكن متفاءلة
هنيئاً لكِ و شكراً

هو فيه كده said...

بصراحة يانواره فيه مثل مصرى بيقول يا مستنى السمنه من بطن النمله عمرك ما هاتقلى ( مشيها بطن النمله
عمر سليمان عميل وزى ماقلتى يروح يلم فضايحة من ويكيليكس
مافيش حل غير اجتثاث النظام
لو جت غرغرينا فى جزء من الجسد لابد من بتره مافيش علاج له وده نظام كله غرغرينا

هو فيه كده said...

بصراحة يانواره فيه مثل مصرى بيقول يا مستنى السمنه من بطن النمله عمرك ما هاتقلى ( مشيها بطن النمله
عمر سليمان عميل وزى ماقلتى يروح يلم فضايحة من ويكيليكس
مافيش حل غير اجتثاث النظام
لو جت غرغرينا فى جزء من الجسد لابد من بتره مافيش علاج له وده نظام كله غرغرينا

هو فيه كده said...

بصراحة يانواره فيه مثل مصرى بيقول يا مستنى السمنه من بطن النمله عمرك ما هاتقلى ( مشيها بطن النمله
عمر سليمان عميل وزى ماقلتى يروح يلم فضايحة من ويكيليكس
مافيش حل غير اجتثاث النظام
لو جت غرغرينا فى جزء من الجسد لابد من بتره مافيش علاج له وده نظام كله غرغرينا

علان العلانى said...

بين ما نعرف وما نريد

سبحان الله فاستخدام كلمة- خارطة طريق- فى كلمة هذا السفاح عمر سليمان كفيل وحده بنسف كل معنى مما يقال فنعرف ماذا اصبحت تمثل هذه الكلمة فى مخيلة المتابع المصرى والعربى وهى تعنى القبوع فى بأر سحيق ليس له قرار واستخدام هذه الكلمة يؤكد بأن هذا البيان مترجم عن كلمات امريكية صاغها صهيونى
وبعد
نلاحظ ان الأعلام الامريكى والغربى يستخدم كلمة الأزمه فى توصيفه للمشهد الأسطورى فى ميدان التحرير تحصيل حاصل ان نعدد وصائل وادوات رصده لكل شاردة وواردة تتحرك فى كل ربوع المحروسة وما حولها وما يمت لها بصلة والسؤال هو ازمة بالنسبة لمن و لماذ ونحن نعلم ونوقن ان مايحدث هو الثورة التى انتظرناها اجيال وراء اجيال ومستعدين ان نفديها باروحنا وانفسنا والأجابة ابلج من فلق الصباح وهى انه يدافع عن درة الأمبراطورية الأمريكية وخاصرتها الأقتصادية وكنزها الأستراتجي الا وهى الشرق الأوسط
الأمريكان وبعد حرب العراق يعلمون ان القوة العسكرية فى عمق الأزمة الأقتصادية التى تلف العالم واروبا
هو خيار انتحارى ويعلمون ايضا ان نظرية حافة الهاوية تقوم على افتراض ان الأنسان يفاضل بين الممكنات
وامكان أن يهدر ابناء مصر ثورتهم يكذبه الواقع لكل من له عينان
وان نعرف ماذا نواجه شىء عظيم ولكن علينا ايضا ان ننتبه لما نملك وبينهما ما اعددنا له ووفقنا فيه المولى ان الله ولى الذين أمنوا يخرجهم من الظلمات الى النور

إنسان || Human said...

هو انت حاده في كلامك كده على طول
كلماتك عمله زي قلم بيلطش بس وش الناس الظالمة اكيد.......؟
صفوت حجازي راجل محترم
وهي الرجالة بتبان امتى الا وقت الازمات

admin said...

اللى يغيظ يا نوارة انهسليمان قبل ما يطلع يقول كده شوفت فى احدى القنوات الاجنبية فى اجتماع بالكنيست الاسرائيلى بشان زيادة التعزيزات العكسكرية لاسرائيل بسبب احداث مصر واتغاظت اوى لما طلع نتياهو وعدد من المسئولين الاسرائليين يقول كلمة مصر غير مؤهلة للديمقراطية نفس نص عمر سليمان والله وفى صفحتى على الفيس بوك علقت على ده وقولت فاكرنا جهلة ولاد الكلب واتفاجات ان عمر سليمان بيقول نفس الكلام بالنص كمان النهاردة فى تصريح ل بايدن يستخدم كلمة خارطة الطريق التى استخدمها سليمان طب هو انت يا سليمان جاى متسلط علينا

misr said...

لماذ لا يستقيل مبارك هو وابنه من الحزب دلوقتى؟
انا حاسس ان فيه مؤامرة
ايه اللى مخليه متمسك بالحزب الفاسد ده

الفت سلطان said...

have a look at Anderson Cooper's Video: Getting the truth in Egypt, it is the best coverage so far:

http://www.facebook.com/l.php?u=http%3A%2F%2Fwww.cnn.com%2Fvideo%2Fdata%2F2.0%2Fvideo%2Fworld%2F2011%2F02%2F08%2Fac.kth.egypt.truth.cnn.html&h=93f27

Unknown said...

علىّ النعمة انت ب 100 راجل يا نوارة
..آل خط ساخن بينه وبين اسرائيل بيستعمله يوميا.. فى ايه ان شاء الله ؟ عايز يعرف حايطبخ لهم ايه النهارده..أم اللى يعترف بأى شرعية له أو يتفق معاه أو يصدّق لأى وعد له

الناس دى فاكرانا بريالة

Moataz Medhat said...

واضح من تصريحات
Silly man
انه بيعاملنا كمساجين سياسيين، زي ما مبارك بيعاملنا كعساكر .

Hamdy said...

الدكتور صفوت مش اخوان
و بصراحة اللي عملة في الايام دي يخلي اي حد يحبة
و المواقف دي هي اللي تعرفنا قيمة الرجال
مين كا في المرعكة و في أول الصفوف و مين قاعد في بيتة عمال ينظر و يبحث في المضووع و يقول النزول للمظاهرة حلال و لا حرام

Ahmed Mohamed said...

Mina Fouad

انا عايز افهم
هوه الدستور دا قرآن ولا انجيل ,وبعدين هما 3 مواد مش اكتر
ويا سيدي الدستور الي بيقول ما ينفعش الرئيس المؤقت للبلاد بتغير الدستور او او او
نخليه ينننفع عادي والله

الرئيس المؤقت (رئيس المحكمه الدستوريه العليا)
طبعا
يعمل استفتاء علي المواد زي ما حسني عمل قبل الانتخابات الي فاتت
دون اللجوء لمجلس الشعب المزور

بص في حلول كتير وفي ناس بتفهم في الحته
دي كويس قوي
_____
علي فكره يا جدعان البرادعي مجرد انسان ذو شهره عالميه نظرا لمنصبه السابق
وانه صعب التعرض ليه والاحزاب والجمعيات وخدينه او كانو واخدينه حمايه ليهم
ولهذا
وسائل الاعلام خلته مهم حتي الناس الغلابه افتكرت ان خلاص هوه الي هيمسك بعد حسني
ودا مش هيحصل ابدا

انا رايح الشغل

ٍSenior Eslam said...

نواره مصر :)
لفيت الميدان كله امبارح ادور عليكي
كان نفسي اشوفك وابوس راسك
اسلام
ما تنشريش دي الله يكرمك :)

Unknown said...

Madam Nawara:
Can you put this link on your blog. It's a petition for Egypt revolution.

All the best

http://www.petitionspot.com/petitions/egy25jan/

mohsen said...

بصراحة يا نوارة أنا لى عتابك شديد عليكى بالنسبة للدكتور صفوت حجازى انتى بعضمة لسانك بتقولى أنه واقف موقف بطولى فى الاعتصام وأنه رامي نفسه على الجبهة في المقدمة وكان حيموت اكتر من مرة.. ودائما في المواجهات وبيلقح نفسه على القنابل والرصاص بشجاعة رهيبة .. متفاني جدا وبهدل روحه خالص..مش ده كلامك!!وبعدين تقولى قبلها أنتم عارفين انى مش بحب صفوت حجازى ..يعنى يعمل ايه الراجل أكتر من كده علشان يؤكد على وطنيته وحبه لبلده وأنه يصادق بأفعاله على كلاماته ودروسه الرائعة اللى كلنا استفدنا منها.. ونفترض أنك فى وقت من الأوقات كان لكى عليه تحفظات لازم احنا دلوقت ننسى تماما أى خلافات شخصية جانبية ونركز على الايجابيات والتلاحم بين كل المشاركين ..فاذا كان هناك تلاحم بين المسلمين والنصارى لتحرير بلدنا الحبيب من أغلال المهانة والمذله التى عاشها شعب مصر خلال العقود الثلاثة الاخيرة فمن باب أولى أن نوسع صدورنا لمن كان لهم مكانة من العلم والفضل حتى ولو كان لنا عليهم تحفظات سابقة سواء بحق أو غير حق طالما أثبتوا وعن جدارة بشهادتك باخلاصهم وتفانيهم حتى نربأ الصدع فى صفوفنا لتكون شامخة قوية لاى مواجهات نحن مقبلين عليها ..أعاننا الله وأعانكم على استرجاع كرامتنا المهدرة وحريتنا المسلوبة وازاحة هذا الطاغية وأذنابه وأتباعه ونوابه لافساح الطريق لولادة فجر جديد لمصر حرة أبيه قوية ..اللهم آمين يارب العالمين

Nadjette said...

Salam Nowara,
Excuse me, but I have to thank Israel, yes I know they(re our ennemies, but we have to thank them, for one think at least: they show us our adverse better than any one.
Kather kheerhom, fadhahoh lazzalama

O7ibokoum fi Allah

Amany said...

نوارة .. ماينفعش نفضل في التحرير بس لازم نوجه إهتمامننا لبعض المراكز الحيوية في الدولة مفيش اي خطط لكده و لما يقولوا خلاص غقعدوا في التحرير و الناس تنزل شغلها غيه اللي هيحصل ؟ في plan B

Anonymous said...

تحليل جاد جداً لخطب عمر سليمان (المنيل بهباب أسود)... يا استاذة نوارة ....حسب الترتيب الزمني لخطابة وليس الأهمية :

1- تسأله الست أنت ليه متكلمتش مع البرادعي...يجب...البرادعي ليس من المعارضة...(شوفو الهبل أو الاستعباط)...ثم يكمل...البرادعي يرتبط مع الإخوان وهم قالوا لنا لا تتكلم معه لكن معنا....(بيدق اسفين ذي طالب ابتدائي عبيط)

2-يقول الفالح أنا ليس عني فرصة لكي أترشح حسب الدستور الحالي...(ياما جاهل يا إما بيستطعبت الناس...هو ناسي أن ممكن يلم 250 صوت من المجلس المزور و ييترشح...)

3- تسأله الست...ألا تري أن الشباب في الشوارع يريدون حريتهم وحقوقهم ...يقاطعها بحسم واضح ...هذا التيار الإسلامي الذي يدفعهم....ترد الست عليه ألا تظن أن ألشباب في مصر يريدون حريتهم...يجاوب الفالح سليمان لا أظن...(يا د النيلة د سكران ولا بيتعاطي آية بالظبط)...ويكرر سليمان... هناك من يدفعهم من التيار الإسلامي ..ترد ألست وهي متفاجئة من عبطه الى يأتي هذا من قلوب الشباب ..يجاوب الفالح أنها ليست أفكارهم أنها من الخارج (يعني نغير دينا لليهودية عشان نحصل علي حريتنا وديمقراطيتنا....أنت بتبلغ عن اننا ارهابين يا أبن الكلب...دة احنا ألي بنديلك مرتبك من جيوبنا.....يا ناس هو دابة مخابرات سى أي أية ولا مصري)

4- تسأله الست ..وهي تظن أنها جالسة مع أشكيف متعفن وليس بني آدم .....ألا تؤمن بالديمقراطية......يجاوب سليمان ..كل واحد يؤمن بها....لكن سوف تتحقق الديمقراطية حينما يكون هناك ثقافة ديمقراطية للشعب هنا في مصر... (بتشتمنا يا أبن الكلب ..د احنا أسيادك..و نعلم العالم كلو الديمقراطية)----يتبع....

Unknown said...

@ Mina, just a question, what will happen will happen, every transitional stage has to be chaotic, has to have mistakes, but i assure you they will not be as cruel and ruthless as the current system. Every revolution went through stages, what happened in America when they revolted against England? France? east Germany? Romania?............it is a circle that has to be completed, nothing is perfect but anything is better than this

Unknown said...

@ Mina, just a question, what will happen will happen, every transitional stage has to be chaotic, has to have mistakes, but i assure you they will not be as cruel and ruthless as the current system. Every revolution went through stages, what happened in America when they revolted against England? France? east Germany? Romania?............it is a circle that has to be completed, nothing is perfect but anything is better than this

Unknown said...

@AhmeD 3llaM , enta gebt men ela7ér. The constitution is niether qoran nor bible, it is man made, can be changed, modified, it is made for the people, changed by the people

Unknown said...

= = = = =
قامت وزارة الخارجية الإسرائيلية بإنشاء صفحة على الفيس بوك بعنوان (إسرائيل تتكلم بالعربية) بغرض التضليل والكذب وترويج الدعارة السياسية وإضفاء وجه إنسانى زائف على جرائمها العنصرية وتمرير مشروعها الاستعمارى وتبرير احتلالها الأرض الفلسطينية والعربية فأحذروا التعامل مع العدو الصهيونى المحتل الاستيطانى من خلال تلك الصفحة ‎- الحقيقة الوحيدة هى أن (إسرائيل تتكلم لغة الإعلام التضليلى التى كان يجيدها النازيون) لا اللغة العربية الجميلة – إنهم يقدمون لكم السم فى العسل فلا تنخدعوا بدعاية المجرمين الصهاينة

Le Ministère des Affaires Étrangers Israélien a crée une page en Arabe sur FB intitulée (Israël Parle Arabe) dans le but de vous tromper, passer ses mensonges, promouvoir sa prostitution politique, donner un faux visage humain à ses crimes racistes, passer sa domination coloniale et justifier son occupation des territoires Palestiniens et Arabes. Méfiez-vous ! Ne vous y engagez pas. Ne traitez pas avec l’ennemie colonial Sioniste occupant à travers cette page trompeuse. La seule vérité est qu’Israël ne parle que le langage de media de désinformation qui a été maitrisé par les Nazis. Cette page trompeuse vous donne le poison dans le miel. Ne soyez pas dupé par la délinquance de la propagande Israélienne.

The Israeli Ministry of Foreign Affairs has created a page on Facebook called (“Israel Speaks Arabic”) in order to deceive you, to make a breakthrough for its lies, to promote its political prostitution, to give a false image to its racist rimes, to devote its colonial project and to justify its occupation of the Palestinian and Arab territories. Beware! Do not agree to participate on that misleading page even in the purpose to show your disagreement with them since they will censor all your wordings and visits that would reveal their crimes. Do not deal with the Zionist colonial occupier enemy through that misleading page. The only truth is that Israel only speaks the language of media disinformation that has been fully mastered by the Nazis. That page gives you poison in the honey. Do not be fooled by the criminal Israeli propaganda
= = = = =

Lowai Hazam said...

السلام عليكم
سياسة طارق بن زياد اللي متبعتيها عاجبتني كتير,
و بالنسبة للدكتور صفوت اني شخصيا ما كنتش نعرف ان فيه اشخاص زيك يكرهوه, يختلفو معاه في الرأي ممكن لكن يكرهوه لا, عموما ربي وفقكم كلكم

nour1971 said...

dkfkdsfjdklsjl

nour1971 said...

انا عندي صدمه عصبيه و انا باكتبلك دلوقتي سمعت خبر ان النائب العام علق سفر الوزراء و تجميد اموالهم انا مش مصدقه الي بيحصل هما عايزين ايه عايزين ينهبوا كل فلوس البلد و بعدين ايه حكايه الممثلين الي عمالين ينزلوا من نظر الواحد الواحد بعد الاخر كل واحد يقول حاجه في القنوات الارضيه و عكسها في الفضائيات حتي محمد صبحي انا زهلت حتي انت يا بروتس دي كانت كل اعمالك
. يا اخي ضد الفساد ولا ده كان الحله البرستوا الي بتنفس عن الناس تحت اوامر الحكومه طب الكتاب وكان بيبان من كتاباتهم كانت بتفلت منهم سعات حسبي الله و نعم الوكيل في كل واحد بعمل علي فساد البلد