Wednesday, 16 February 2011

تحذير هام بخصوص جمعة الانتصار والاستمرار

طبعا انا واثقة في المنظمين والداعين وواثقة في الشعب وواثقة في الجيش
لكن علينا اننا نحط في اعتبارنا بعض الحاجات عشان نخلي بالنا: مطلوب تكثيف اللجان الشعبية والتفتيش بدقة والتعاون مع الجيش باكبر قدر ممكن في اليوم وتشديد التعاون والحراسة اكتر من اي يوم فات
ليه؟
فيه بعض اجنحة النظام مازالت شغالة لسه، وبعض الاجنحة دي بتكره الجيش - ومش محتاجين نقول انها بتكره الشعب - ومتغاظين من الجيش جدا جدا جدا انه وقف جنبنا 
الى جانب ان امريكا واسرائيل بيكرهوا الجيش المصري جدا ومن زمان وارجعوا لوثائق ويكيليكس، وعلى حبة عينهم ان الجيش واقف جنبنا.. على حبة عينهم، هم مش عايزينه، هم عايزين عمر سليمان
وللناس اللي بتتكلم بنبرة تشكيكية عن الجيش، انا عايزة اقولكم ان مبارك عمره في حياته ما كان حيمشي بخير لولا وقفة الجيش جنبنا
كان حيمشي في كل الاحوال، لكن قبل ما يمشي كان ناوي يولع البلد، وكان عايز يولع البلد بالجيش، كان عايز الجيش يضرب علينا نار، وكان عايز امريكا تيجي تحتلنا وقال لهم لو انا مشيت الاخوان حييجوا في دعوة صريحة لاحتلال مصر، وكان عايز من الجيش ان اللي ما ينفذش اوامره يتضرب عليه نار، يعني كان عايز جيشنا يضرب في بعضه
وناس من اجنحة النظام كانت موافقاه من ضمنهم عمر سليمان
والكلام ده مش كواليس، ده كلام اتقال واتنشر وكان واضح لكل انسان كان في ميدان التحرير او عند مجلس الشعب، كفاية ان الجيش قال لنا لو طلبوا منا تاني - سامعين؟ تاني - اننا نضرب عليكم حننتحر
ولو الجيش عايز ينط على السلطة كان نط عليها، وطبعا ما كانش حينط عليها بسلام، كانت حتحصل برضه مواجهات وكانت حتبقى مدبحة، وبرضه ده كان حيعرض مصر للاحتلال
ليه باقول كده؟ 
باقول كده عشان اللي معوجين على الجيش يتعدلوا شوية، الناس ما عملوش حاجة وحشة لحد دلوقت.. اتعدلوا عشان ده مش في الصالح
الجيش نحى القائد الاعلى للقوات المسلحة ومش عايز السلطة... اتعدلوا.. اتعدلوا.. ده احنا زاعق لنا نبي، ده ولا في الاحلام اللي حصل معانا ده
لكن مازال عمر سليمان - اللي بيكره الجيش جداااااااااااااااا ومتغاظ منه جدااااااااااااااااااااااا - موجود في قصر الرئاسة 
ومازال له رجالته في جهازه اللي مستعدين يخدموه لان مصالحهم معاه
الشرطة نزلت، ومعنى ان الشرطة تنزل ان البلد مش امان، عادي يعني، انتوا عارفين ماحدش بيزعزع امن واستقرار البلاد غير جهاز الشرطة
والشرطة كمان متغاظة من الجيش خصوصا جهاز امن الدولة
وامن الدولة ورجالة عمر سليمان معاهم سلاح، مش في ايديهم سلطة، بس في ايديهم بلطجة
ده غير بقى رجال الاعمال اللي الجيش شنيرهم واخرهم ابو العينين اهو اللي اتمنع من السفر، وبرضه له رجالة 
ايه اللي حيحاولوا يعملوه
اللي حيحاولوا يعملوه انهم يوقعوا ما بين الجيش والشعب 
قبل نجاح الثورة ضربوا المتظاهرين وكانوا حريصين على تحييد الجيش، بس بما ان الجيش اخد صفنا فممكن - لا قدر الله وربنا يسلم يا رب - يحاولوا يتعرضوا للجيش عشان هم املهم ان الجيش والشعب يقعوا في بعض، هم دلوقت مش بيفكروا غير في الانتقام، ومش عاجبهم ان الامور بتسير في الاتجاه الحالي، هم عايزين فوضى فعلا، وعايزين بلبلة ومصايب سودا، وبالمناسبة مبارك مش عيان ولا حاجة كل ده استعطاف، الاستخبارات الاجنبية كلها بتقول انه زي القرد وعايش حياة رئاسية مرفهة وان ادعاءات مرضه دي لاستعطاف الناس، واقروا الصحف الاجنبية، بتقول الحقيقة اكتر من المسئولين المصريين، وده ما كانش رئيس ومشي، ده رئيس عصابة وله ناس مصالحهم متشابكة معاه
اولا: مش صح، ومش في الصالح، ومش سياسة انك تروج خطاب يشكك في الجيش لان ده بيصب في مصلحة رجال الاعمال ورجالة عمر سليمان وفلول النظام البائد، وارجع تاني واكرر، الجيش لو عايز السلطة كان حيعمل مدبحة وياخدها، هو مش عايز، ومش عايز مدبحة، وبصراحة اكتر، هو اضطر ياخد صفنا لما لقى ان مبارك واللي معاه اتجننوا وعايزين يحرقوا البلد، فلقوا ان مافيش مفر غير انهم ينحوه، بقول اخر، الجيش مش عايز وجع دماغ
ثانيا: مهمتنا يوم الجمعة اننا نحمي الجيش بارواحنا، انت وانا وكلنا نموت ومافيش فرد من الجيش يتمس، دي ناس بلطجية ومعاهم سلاح وقناصة وقرف على دماغهم.. انت شغلتك تحمي قوات الجيش من اي حد يحاول المساس بيهم ولو بخدش صغير
ثالثا: اللجان الشعبية تقف قبل نقاط الجيش ومع نقاط الجيش عشان تحمي الجيش، ودي مهمتنا ومسئوليتنا
رابعا: ونقول يا رب، مالناش غير يا رب، هو اللي حصل معانا ده كان عمره حيحصل غير ربنا معانا؟ قولوا يا رب اليوم ده يعدي بسلام زي اللي قبليه واحسن بايدينا احنا ومسئوليتنا احنا، دي ثورتنا احنا، ثورة شعبية، وشغلتنا نحميها، ونحمي الجيش اللي وقف جنبنا، مش هو اللي يحمينا... حط في بالك كده، احنا اللي حنحمي الجيش مش هو اللي حيحمينا 

138 comments:

engsheva said...

طيب يا نوّاره مادام احنا عارفين ان في مشاكل ممكن تحصل وتخرب اغلدنيا يوم الجمعه
ننزل ليه؟؟
مش لازم ننزل الجمعه
وكفايه ائتلاف يكون ممثل لقوي الثوره يتكلم مع الجيش ومحدش ينزل يوم الجمعه
ساعتها اللي ينزل ويضرب في الجيش يبقي بلطجي وهم يشنيروه براحتهم
بس ايه لازمه النزول يوم بكره
بجد عايز افهم

جبهة التهييس الشعبية said...

عشان ده اللي فلول نظام مبارك عايزينه

عايزينا نقعد في البيت ونسيب لهم البلد

Khld Hasan said...

ربنا معاكم
النزول بكره مهم علشان يبينوا للجيش والشرطة
أنه في اي لحظة ممكن ننزل الناس للشارع تاني إذا حاولوا الالتفاف على مطالب الثوار
وثانيا يمكن نطلع بعض الفيران من الجحور طبعا أقصد فلول النظام البائد
تحياتي لك نوارة

Egywoman said...

لازم ننزل لأن مطالبنا لم تتحقق لأن النظام يسترد عافيته ويحاول الالتفاف علي الثورة

Egywoman said...

لازم ننزل لأن مطالبنا لم تتحقق ولأن النظام يسترد عافيته ليلتف علي الثورة

Egywoman said...

لازم ننزل لأن مطالبنا لم تتحقق ولأن النظام يسترد عافيته ليلتف علي الثورة

بـراااح said...

احنا نفدي الجيش بروحنا
نوارة بصى بقى ... فيه حاجة مهمه دلوقت محتاجين فعلا نركز عليها وهي محو الامية السياسية عند الناس ... امبارح انتي قلتي فى الجزيرة حاجة مهمه انك اكتر حاجة خايفة منها اللي نواياهم طيبة بس بيتصرفوا بغباء وده طبعا ناتج عن عدم معرفة حقيقية ...الجملة الشهيرة بتاعة " اصل انا مليش في السياسة " لازم تختفي من حياتنا لان السياية والاقتصاد والاجتماع والتاريخ والجغرافيا وكل حاجة بتاثر على بلدنا بقت من صميم واجبنا اننا نعرفها وفرصة ان دلوقت الناس متحمسة انها تعمل حاجة .. النهاردة فيه ناس كتير بدات تقرا في الدستور وعايزة تعرف اكتر وتتعلم ... معتقدش ان دي مفاجاة بالنسبة لك بس فيه ناس كتير جدا مجتاجين فعلا محو امية سياسية عشان نقدر نطبق الحرية اللي بنطالب بيها والشعب يقول راية واختياراته بناء على فهم واعي
وعلى فكرة انا واحدة من التاس دول عشان ميتفهمش كلامي غلط بس بدات اقرا وافهم
المهم محتاجين نعمل حملة توعية ومحو امية للشعب انا مقدرش اقوم بالدور ده لوحدي لاني لسه باتعلم ويصراحة انا وناس كتير بنثق فيكي جدا لانك قارية وفاهمة ومعندكيش اجندات ولا نتايج :)) عشات كده انا برشحك للدور ده ... وانا معاكي شوفي ايه اللي ممكن اساعد فيه وانا مش هاتاخر ان شاء الله

الفقيرة إلى الله أم البنات said...

ربنا يسترها يا نواره ...نقول اللهم انا استودعناك مصر وابناؤها فأنت خير حافظ ان شاء الله

Haya said...

الشعب عياره فلت خلااص

وعيار الشعب لما يفلت لاااازم لااازم ولااابد يصيب
مش بس يدوش
لاااازم يصيب في مقتل

اي نظام قمعي في الدنيالما بيوقع بيبقى عامل لامؤاخزة زي الصرصار المقلوب على ظهره
ارزعوه بقى وارتاحوا..خلو الفرحه تكمل

Rateb said...

طب انا عندي سؤال هو شفيق بيهبب ايه بالظبط ده قاعد يزود فلوس ويرفع مرتبات وبيعلن انه هيوظف ناس وهيدفع معاشات وتقديم على شقق وعدادات كهربا منين ده كله وهو قاعد اصلا ست شهور بيخلق وضع جديد ليه دي حكومة تصريف امور انا مطمئن جدا من ناحية الجيش بس مرعوب من شفيق

clinical department said...

نراقب بفرحة وقلق الثورة العربية المصرية الكبرى، والمقلق ، أن لدينا شعورب أن النظام لازال هناك ، وكلما مر الوقت كلما حاول أن يتعيد وجوده وشكلها، مثل فيروس الأيدز. لدي شعور بان الجيش نظيف ، ولكن في نفس والوقت وكمراقب من الخارج يبدوا لي، أن ازلام وبقايا النظام يلعبون في ليل،
في نظري المتواضع جدا، والرأي لمصر المحروسة وأهلها في البداية و النهاية ، أن التواجد في ميدان التحرير وكل ميدين مصر بمسيرات مليونية أحتفالية سيكون رسالة قوية بأن اهل الثورة هنا، وأي شخص سيحاول أفتعال المشاكل سيعرف عن نفسه أنه مندس ، فلقد علمتنا ثورة مصر السلمية و الانضباط والحضارة ، وكل من يقوم بعكس ذلك في مسيرة الاحتفال سيكون عميل.
سيروا ، واضهروا أن ثورة 25 يناير ، لن تجلس في البيت إلا وقد تحققت الحرية والحضارة التي سجلتها في التاريخ
مراد
فلسطين

clinical department said...

المسيرة يوم الجمعة مهمة ، رسالة قوية لكل الاطراف، و فوق هذا مسيرة الاحتفال
لا بد منها لكي يعرف الجميع أن لا صوت يعلوا فوق صوت الشعب المصري الثائر،
و حتما أن من يحاول أن يقوم باعمال تخريب سيجد مليون مصري يضعون له حد
، مع تقدير وحبي، ثورة مصر هي ثورة العرب التي يجب أن نحميها كلنا

مش فاهمه said...

اسمعوا سليم العوا ىف الجزيره مباشر بيقول اولا دى مش ثورة شباب دى ثورة شعب و الشعب اللى بيحكم و كل جمعه حاتبقى مليونيه علشان نراقب طلباتنا وصلت لفين الشعب اللى بيحكم و الجيش بيحميه و علشان كده الشعب كل جمعه لازم يعرف طلباته وصلت لفين و حصل فيها ايه
ثاينا الثورة لم تنتهى لازم نفهم كده
ياريت تجيبوا حوار سليم العوا ياريت نعيه كويس الثورة لم تنتهى فاضل لنا وزارة انتقاليه

مش فاهمه said...

نوارة ياريت ماتنسوش اهل السويس اصحاب الثورة الحقيقيه
بلاش نحصر الثورة فى التحرير عايزين تحيه خاصه لأهل السويس

مش فاهمه said...
This comment has been removed by the author.
واحد عادى said...

سبحان الله - لما احنا خايفين اوى كده من ان الامور تتطور واصابع خفيه تلعب لعبتها وتوقع بينا وبين الجيش - نازلين لييييه؟؟؟؟ يا جماعه الجيش عااوز شويه استقرار فى البلد علشان يعرف يكمل مشواره

مواطن مصري said...

أتفق معاكي يا نوارة و خلي

بالك فية ناس بتروج لكلام مكتوب\\

ع النت عاوزة توقع بين الشعب و الجيش

بأنها تخلي الناس تفقد مصداقية الجيش

و دة حصل امبارح ناس روجت لكلام مكتوب

غيير كدة خلي بالك اتباع النظام المخلوع عاملين جمعة رد الجميل

معرفش بقى هيدخلو على الناس في التحرير بالفيل المرادي ولا اية

جبهة التهييس الشعبية said...

نازلين عشان عمر سليمان وشلته ورجال الاعمال وشلتهم واللي هم الاتنين عملاء لاسرائيل وامريكا اللي بيكرهوا الجيش عايزينا نقعد في البيوت ونسيب لهم البلد

لا مش حنسيب لهم البلد

وحنحمي الجيش بتاعنا بارواحنا

مواطن مصري said...

مش تقولينا مبروك

شعب مدينة نصر أسقط سامح فهمي

zainap said...

بس احنا لو اعلنا اننا مش نازلين يوم الجمعه واللى هينزل دة هيبقا مش مننا مش ... لو حد فعلا اتعرض للجيش هيبقى مش احنا واهو مصرح بيه

Menna Mohammad said...

أرجوكى يانوارة أرجوكى أرجوكى عايزين نهدى جو البلد شوية. أجلى المظاهرة دى الى وقت آخر. إحنا شعب 25 يناير محتاجين نرتاح شوية ونستمتع باللى حصل واللى هو يعتبر معجزة أعطاها لنا الله سبحانه وتعالى والقيادة والحمد لله ماشية فى طريقنا .. ليه نستعديهم؟ هى مش المظاهرة دى هتعمل قلق فى البلد؟ أرجوكى أرجوكى أرجوكى بلاش الثقة الزيادة توصل بنا لحد الغرور وعايزين نحافظ على النظافة اللى حصلت فى ميدان التحرير. أنت مش عارفة مين ممكن ينضم لكم يومها.. مش هقول بلطجية ولا حاجة لكن أصحاب الإحتجاجات اللى ماليين البلد دلوقتى واللى مش هيكونوا زى شعب 25 يناير فى سلوكهم المتحضر. مش عاوزين نشوه اللى عملناه وكفاية ان كل العالم بيتكلم على سلوكنا فى الثورة من فضلك مش عاوزين اى تشويه للروعة اللى حصلت. أتوسل اليك أتوسل اليك أتوسل اليك

جبهة التهييس الشعبية said...

انتوا اتجننتوا؟
ما ننزلش ليه؟

بقى ضربنا الشرطة وجريناها
وضربنا البلطجية وجريناهم

مش حنعرف نضرب البواقي اللي في قعر الكوباية

التحذير ده لحماية الجيش بس

وحننزل

حننزل لان الشلة القديمة عايزة البلد فاضية عشان ينطوا عليها تاني

وحنحمي الجيش وحنحمي بلدنا وحنجريهم قدامنا زي ما جرينا جهاز امن الدولة والامن المركزي كله قدامنا وزي ما جرينا بلطجية رجال الاعمال قدامنا ان شاء الله

بعون الله ربنا معانا

PalGate said...

السلام عليكم

يا نواره انت كتبتي من فتره موضوع عنوانه "احذرو أذناب مبارك واساليبهم.." وذكرتي فيه ما يحصل
واتوقع انو الناس بدأت تعي ما يجري لكن لا غنى عن التوضيح المستمر ليتنبه الناس

مبارك طرد من الحكم بشكل ذليل ومهين والصحيح ان مبارك الان لا يفكر ابدا بالرجوع للحكم حتى لو اتيح له لكنه يريد ان يثبت للعالم اللذي احرج امامه ان مصر سوف تتحول إلى سوق خضار بعد ان خرج وانه لا بديل عن مبارك إلا مبارك
ومن جهه اخرى انه وبرغم ان حكم مبارك كان حكماً جائراً ومتعسفا واهوجا وعنصرياً واضح بشكل لا يمكن التشكيك فيه إلا انه يوجد بعض المنتفيعن من النظام وتسهيلاته, سواء استفاده ماديه او استفاده بلطجيه متل بعض رجال الشرطه ... واقول بعض وليس كل الشرطه
هؤلاء المستفيدين سوف يحاولو بشكل مستميت انهم يهدمو اللي بنيتوه انتم
وسوف يشككون بكل انجازات الثوره وسوف يخرج في كل مرحله جديده بعد الثوره اشخاص مشككين وسلبيين يريدون ارجع مصر وشعب مصر تحت نير الخضوع مره اخرى

عدم نزولكم للشارع الان او في جمعة الانتصار ان هذه الحفنه من المتخاذلين قد حققت ما ترنو اليه
فلا تقولو "ما دام عارفين انو هيحصل مشاكل ننزل ليه " ... يعني لما بدءت الثوره ماكنوش عارفين انو هيحصل مشاكل وشهدا

واخيرا يا اخوتي واحبائي في مصر اريد ان اذكركم بشيئ مهم وهو مسألة رجال الشرطه
الشرطه كانت جزء من النظام لكنهم كانو اداة ولم يكونو منظمين لهذه السياسه
كانو ينفذون ما يؤمرون به ... الكثير من الشرطه ولدو وكبرو وتعينو في ظل قانون الطوارئ لدرجة انهم اعتقدو انه هو القانون الطبيعي بما يحمل من مساوؤه والكثير الكثير منهم هم اناس شرفاء لا يقبلون ذل الناس
فارجوكم يا شعب مصر ... عليكم ان تفتحو قلوبكم لرجال الشرطه وان تشعروهم بانهم جزء من الشعب وجزء من الحل وليسو جزء من المشكله

فسواء قبلتو او لم تقبلو هم مصريين وهم جزء من نسيج مجتمع مصر الحر

اعتذر على الاطاله
ودمتم

بـراااح said...

بصى احنا لازم ندرس كل الاحتمالات اللى ممكن تحصل ونستعد لها ... يعني اخرهم هيعملوا ايه؟

بـراااح said...

شوفي دول عملو اللي لسه كنت باقترحه http://www.facebook.com/event.php?eid=142494675812994

ghaza2011 said...

الله يحميكم و يحمي جيشكم العظيم و افخروا به إن اي شعب في العالم العربي يتمنى ان يكون له جيش مثلكم . حقا نحن في الجزائر نحسدكم عليه فاللهم بارك ثورتهم و احفضهم من كل الفتن.

PalGate said...

Nawara
how can i contact you privately
i live in norway and i wanna talk to you or send you an email
can u plz

fatma elshaheer said...

انا مع الاخت براح
ارجوكي حملي ملفات عن حقوق الانسان والانتخابات وادوار الناس فيها وغيرها كي نعمل توعية سياسية وحقوقية فنحن نريد ان نرفع وعي من حولنا

حلم الحرية said...

نوارة
فيه حاجات غريبة بتحصل والناس
نشوة الانتصار واخداهم ومش بيلتفتوا للي بيحصل


خبر بيقول ان إدارة السجون ترفض استقبال المساجين الذين هربوا وجاءوا لتسليم أنفسهم!
http://dostor.org/crime/11/february/15/36358

وحركة تنقلات غريبة للسفراء بتتم الان
http://www.shorouknews.com/Columns/Column.aspx?id=390826

علي جانب آخر
الحكومة المصرية تتقدم بطلب لبريطانيا من أجل تجميد أرصدة وأصول مسؤولين مصريين سابقين ...حسب مقال جريدة المصريون شفيق استبعد أموال الرئيس السابق من الطلب http://www.almesryoon.com/news.aspx?id=49631


واخيرا مقال العظيم فهمي هويدي
مراجعات على خطاب ما بعد الثورة
http://www.shorouknews.com/Columns/column.aspx?id=390308

كل ده بيحط علامات استفهام كتير تخلي الواحد يقلق
فيه حاجة غلط بتحصل ...انا مش مطمنة خااالص ...او بمعني اصح مش فاهمة
ايه اللي بيحصل

حلم الحرية said...

نوارة
فيه حاجات غريبة بتحصل والناس
نشوة الانتصار واخداهم ومش بيلتفتوا للي بيحصل


خبر بيقول ان إدارة السجون ترفض استقبال المساجين الذين هربوا وجاءوا لتسليم أنفسهم!
http://dostor.org/crime/11/february/15/36358

وحركة تنقلات غريبة للسفراء بتتم الان
http://www.shorouknews.com/Columns/Column.aspx?id=390826

علي جانب آخر
الحكومة المصرية تتقدم بطلب لبريطانيا من أجل تجميد أرصدة وأصول مسؤولين مصريين سابقين ...حسب مقال جريدة المصريون شفيق استبعد أموال الرئيس السابق من الطلب http://www.almesryoon.com/news.aspx?id=49631


واخيرا مقال العظيم فهمي هويدي
مراجعات على خطاب ما بعد الثورة
http://www.shorouknews.com/Columns/column.aspx?id=390308

كل ده بيحط علامات استفهام كتير تخلي الواحد يقلق
فيه حاجة غلط بتحصل ...انا مش مطمنة خااالص ...او بمعني اصح مش فاهمة
ايه اللي بيحصل

Kamba said...

والله انا شايفه انو لازم يكون فيه تذكره هى الثوره قامت ليه? مش بس علشان مبارك يمشى لكن مبارك و النظامو اللى حواليه و اللى فوقيه و اللى تحتيه و كدابين الزفه اللى صوتهم على و بعد ما كانوا بيدافعوا عن مبارك اتغيروا ١٨٠ درجه دول يتخاف منهم برضه و لازم نقولهم شايفنكم و عارفينكم و فائسنكم و مستعدين لغدركم

Z said...

توجد مئات جثث شهداء لم يتم التعرف عليها فى مشرحة زينهم ومستشفى الهرم وأماكن أخرى تم الإعلان عنها منذ قليل على قناه الجزيرة مباشر فى مؤتمر أمناء الثورة برجاء النشر حتى يتم التعرف عليها

مش فاهمه said...

بالمناسبه بقه الشرطه زى ماهى فى برنامج العشرة مساءا مش حاسين انهم عملوا حاجه غلط و لسه بسلامتهم فى بيوتهم مأموصين و مش عايزين ينزلوا علشان ماياخدوش كلمتين فى جنابهم ايه اللى تم معاهم مش فاهمين بجد

ahmed said...

الله ينور عليكى ربنا يكرم مصر بشباب عاقل زيك يارب

العصفورية said...

طيب يانوارة هي جمعة الانتصار دي لازمتها إيه؟ أنا مش فاهم لما هي فيها خطورة علي الوضع ومن الممكن إنها تتسبب في بلبلة الموقف بين الشعب والجيش لو حد من اللي انت قلت عليهم يدبر مكيدة للوقيعة بين الثورة والجيش. ليه ما ننتظرش شوية لحد مالجيش يحكم الأمن في البلد وما يبقاش فيه أمل خلاص عند فلول النظام السابق لخراب البلد، ليه مانكنش شوية لحد الأوضاع الدستورية ماتبان؟ معلهش سامحيني كلامك خوفني علي الثورة وعليكم وعلي مصر. يعني أنا برضه في غربة وكمان عجوز شوية وعلي راسي خطوط بيضا، يعني من الآخر تفكيري مش منطلق زي الشباب اخوانك وأخواتك .

Z said...

توجد مئات جثث شهداء لم يتم التعرف عليها فى مشرحة زينهم ومستشفى الهرم وأماكن أخرى تم الإعلان عنها منذ قليل على قناه الجزيرة مباشر فى مؤتمر أمناء الثورة برجاء النشر حتى يتم التعرف عليها

Haya said...

ثوار تونس ومصر هم طلائع العزةوالنصر

Hany said...

لازمتهان النظام الجديد فى مصر لازم يعرف ان اللى شعب عايزه يكون وده لازم يكون واضح من دلوقتى لان فيه ناس لسه بتقول انتفاضة شباب وح تتفض..
حاجه تانيه ان اشرطه بتحاول تستعيد السيطرة وبرنامج العاشرة امس كا فيه ضابط على طول عامل نفسه بيعيط ياحرام.. وبيقول ان محدش اداهم امر بالانسحاب وانه حاشى لله ان يكون بيدافع عن القيادات.. ولكن ال ايه كل ضابط لاقى المتظاهرين ح يقتلوا العساكر فقرر ان تنسحب.. يا سلام كلكم كده فى نفس الوقت والساعه على مستوى مصر جتلكم نفس الفكرة.. وبعدين بيقول انهم مكانوش عرفين يتصلوا ببعضهم لان طبعا الاتصالات والنت تم قطعهم... ها ها ها حلة دى اول مرة اسمع ان الداخليه بتستخدم الموبيل علشان الاتصلات الرسميه .. وال ايه منى الشاذلى بتصادق على كلامه وعجبى... لسه فكرينا خرنجات بناخد على افانا... فوقوا بقى ... علشان كده لازم سلاح الشارع لايهدأ لان ذيول النظام كتر جدا جدا

أبو هاجر said...

ست الكل مساء الخير
اليوم أسعدتني بكلامك العميق الذي يعبر عن فهم لطبيعة الصراع نعم المطلوب دعم الجناح الوطني بكل قوة وفي الميدان حتى تحسم المعركة .
الثورة يا نوارة ربحت معركة ومعركة كبيرة جدا، لكن لم تحسم بعد الحرب .
لقد شاهدت صورتك في مميدان التحرير وأنت تقفين بكل شموخ وبمفردك وبشجاعة نادرة تحملين تلك اللافتة وباللغتين وتصفينه بقوبلز .نعم يانوارة يجب أن يرحل قوبلز الصغير.
و في حينه ساحدثنك عن قوبلز أخر

لك كل التقدير و الاحترام

العصفورية said...

انتوا عندكم حق أنا قريت مقال الأستاذ فهمي هويدي"ملاحظات علي خطاب ما بعد الثورة" http://www.shorouknews.com/Columns/column.aspx?id=390308
المنشور في الشروق. أنا اقنعت إن الثورة لسه محتاجة تأكيد، لكن لسه خايف عليكم وعلي البلد وعلي ضياع المكاسب الحالية. ربنا يحفظكم ياكل شباب مصر، سوف أدعو لكم غداً إن شاء الله في صلواتي.

Mohamed said...

بما إنك واثقة في الجيش
إقرأي :

http://tinyurl.com/4uykus7

islamic man said...

انا حاسس ان المعركة مش حتنتهي بالبساطة دي وخصوصا ان بقية العصابة لسه حرة ومعاهم فلوس وسلاح وفعليا هما اللي مسيطرين علي الحكم
يعني مثلا انا لو مكان احمد عز ومعايا المليارات دي كلها مش حتوقف ثانية واحدة الا وانا في ابعد مكان عن مصر لكن كون انه يظهر في التليفزيون ومراته وابنه يرجعوا دي ملهوش غير معني واحد انهم بينظموا صفوفهم وبيحاولوا يرجعوا تاني
وصدقيني مع ناس زي دول كل شي وارد
وبعدين الجيش بيحاكم الضباط اللي انضموا للثورة بتهمة الخيانة العظمي وسايب مبارك بيتشمس في شرم الشيخ دي شي ميطمنشي تماما
الثورة ومكاسبها زي ما حصلت في 18 يوم ممكن تضيع في اسبوع فبلاش نفقد حذرنا

علان العلانى said...

بأذن الله

سيحمى الجيش الشعب
وسيحمى الشعب الجيش
وستحمى الثورة الجميع



ملحوظة
يبدو أن التحديق فى- فعل -الثورة كالتحديق فى وجه الشمس لا تتحمله العين المجردة

حفظك الله ورعاك

Haya said...

أسامة مشرف
عارفين الإسم ده ..فاكرينه طيب
اسامة هو منسق الجمعية المصرية للتغيير

اعتقلته الحكومة السعودية في نوفمبر الماضي

مش هقول كلام تاني انتوا عارفين هتعملوا ايه

http://www.youtube.com/watch?v=22DTzEQPowM&feature=player_embedded

Yara said...

My dad and brother are in the army and they keeps repeating what Nawara is saying "BE CAREFUL"

Ya gama3a Shafik we Soliman are Mubarak's best friends , also remember that Mubarak is living in the presidential palace in Sharm , isn't that weired and strange I have never seen an ex president still using the facilities as if he is still the "President".

sorry my message is in english as I live in Canada and don not have Arabic windows.

Yara said...

My dad is in the army and he keeps repeating what Nawara is saying "BE CAREFUL"

Yagama3a Shafik and Soliman are Mubarak's best friends they will do anything to bring chaos as Omar soliman wants to take over and they will never allow anyone to touch him or his fortune
Remember that Mubarak is still living in the presidential palace in Sharm , I have never seen an ex-president using the presidential facilities as if he was still the "President"

Please be careful and don't cool down , stay tuned and I agree that we need check points every friday to make sure our demands are being met

Nouran Atef said...

يا جماعة ارجوكم كفاية...اتقوا الله فى البلد
الثورة واسقطت النظام
والجدول الزمنى اتحط
والامور ماشية كويس
ايه لزمتها النزول تانى دلوقتى وتعيض كل شىء للخطر

اطرحوا طيب الموضوع استفتا وخدوا راى الاغلبية فى الجمعة القادمة دى بلاش ديكتاتورية

عايزين الشعب ينزل تانى علشان يورى الحكومة نفسه يعنى...كلام جميل...بس ادوا الناس فرصة...الامور حتى الان ماشية فى صالحنا

ايه الهدف الملموس المطلوب تحقيقة بالنزولة اللى جاية دى حد يفهمنى؟؟؟؟

Israa Aly said...

عزيزتى نوارة اتمنى لك كل النجاح لأنك تستحقيه بجد. بس انا خايفة من حاجة ... ان الناس تكون ارتاحت بعد مالرئيس تنحى وفتر الحماس والغضب خف ومايجيش عدد كبير فى المظاهرة وده ممكن يهز شعبية الثورةأو الناس اللى تيجى تطالب بأشياء خاصة مثل زيادة مرتبات او تثبيت فى وظيفة وده يقلل من قيمة المظاهرة

islamic man said...

الكلام اللي مكتوب هنا لو حقيقي يبقي مصيبة كبيرة وموامرة كبيرة اوي ولازم الثورة ترجع تاني

http://www.facebook.com/note.php?note_id=154573637930834&id=605785881

aliaalia3 said...

أهم حاجة ياجماعة ماننساش ان أذناب الفساد لسه موجودة ولازم نقتلعها , ودول ناس محترفين فى اللالتفاف ومص الدماء

Hesham Laz said...

Salam to all,

Please see the below links where a female CBS reporter was attacked on Friday 11 after Mubarak stepped down during the celebrations.

http://www.cbsnews.com/stories/2011/02/15/60minutes/main20032070.shtml

http://www.youtube.com/watch?v=RIctBVyXrPU

She was rescued by a group of Egyptian women and Army soldiers.

I am almost certain those who did this disgusting act are a small group of "regime supporters" or "thugs" who went into the square to ruin the image of the Jan 25 revolution.

It is important that the organizers of the upcoming Friday gathering be very careful of these individuals who would join the gathering and try to create problems or ruin the civilized atmosphere.

Love Life said...

نوارة دى رسالة جاتلى و أرسلتها للناس لآنى مصدقها , بس لو ساعدتى فى توضيح الموضوع ده تبقى خسرتى النظام السابق كتير أوى

إعزائى,
أود إبلاغكم بخبر هام
بالتأكيد كلكم تعرفون بوجود صفحتين لشبكة رصد أحداهما تم إختراقه من قبل الأمن و قد كنت حاضرة هذه الواقعة , و قد حذرت شبكة رصد و لا تزال تحذر من أن الصفحة الأولى لا تزال مخترقة و مسيطر عليها من قبل الأمن, و هى تعمل بطريقة دس السم فى العسل فهى تنقل الأخبار من شبكة رصد الحقيقية و تضيف عليها بعض الأخبار الجذابة من أخبار الفنانين قبل و بعد الثورة , بل و أضافت صفحة "رياضية" حتى تشغل الناس بأمور الرياضة كما هى عادة النظام كما تعرفون وإذا لاحظتم فى الأيام الماضية ستجدون أن إحدى الشبكتين تنقل الأخبار قبل الأخرى و بالتأكيد الشبكة الأسبق هى الأصلية واليوم وجدت مقالا مغرضا لا يحقق شىء سوى الفتنة و تخوين الناشط "وائل غنيم" و أعتقد أن هذه الصفحة المسروقة بعد أن عمدت على كسب ثقة الناس فى الفترة الماضية عن طريق نقل الأخبار من الصفحة الأصلية ستعمل الآن على بث الفتنة بين الناس حول أبطال الثورة خاصة قبل حلول جمعة ,لذا أرجو منكم تحذير جميع أصدقائكم من الفتن التى تبث من الصفحة المسروقة والتى للأسف عدد أعضائها أقل من الصفحة الأصلية
الصفحة المسروقة
http://www.facebook.com/RNN.NEWS?sk=wall#!/RNN.NEWS

الصفحة الأصلية
http://www.facebook.com/photo.php?fbid=127511420654412&set=a.122753921130162.22767.122752104463677&ref=notif&notif_t=like#!/RNN.News2
و أنا أعرف أنه عند مقارنة الصفحتين و تحكيم عقولكم و ضمائركم ستعرفون إيهم المسروقه
لذا رجاء حااااار حذروا أصدقائكم من هذه الفخ الذى يراد بالثوار و مؤيدى الثورة أن يقعوا فيه.

تحياتى

Shoukry said...

We need to concentrate with sexual harassments as people thinking that demonstrators do this
http://www.masrawy.com/News/Arts/Reuters/2011/February/16/3957753Update.aspx

Also, It seems like we are stuck with a punch of gangsters, Check Ahmed Shafiq dirty work. I don't know whether the info about the guy is true or not cause if it is true, it will be a disaster :(
http://www.facebook.com/note.php?note_id=146490385411966&id=100001244215537

It seems like the army did neutralize Omar Sulieman and were able to disable him. So, why did the army left him to move freely after that and didn't arrest him??!!! I saw this in the page "The guy behind Omar Sulieman". They were saying that this guy had orders from Sami Anan to arrest Omar Sulieman if he says anything that is not written in the paper

One more thing, I need you to support this project and write about it as much as you can
http://www.facebook.com/event.php?eid=199473503396629

raskebera said...

يا ست الكل ما حدش اتعوج على الجيش
بس مهم الكل يعرف ان كل المؤسسات في خدمة الشعب
عاوزين ننزل بكرة نطالب بارضنا اللي اتوزعت ببلاش علا المحاسيب و اتعملت قصور و فيلات
عاوزين ننزل عشان ما حدش يستثني مبارك و عائلته من المحاسبة
عاوزين ننزل نقول عاوزين فلوسنا يا حرامية مش يبقى فيدل كاسترو بيطالب مبارك يرجع الفلوس المنهوبة للشعب و شفيق و اعوانه مطرمخين على الموضوع

shady said...

كلام ذى الفل ومعقول جداً
كنت منورة أنت وعم أحمد امبارح على الجزيرة

shady said...

كلام ذى الفل ومعقول جداً
كنت منورة أنت وعم أحمد امبارح على الجزيرة

السلام عليكم said...

مش حاقول غير يا رب

واحقول الجمله اللى عجبتنى جدا من هتافات ميدان التحرير
الله وحده اسقط النظام

السلام عليكم said...

مش حاقول غير يا رب

وحقول الجمله اللى عجبتنى جدا من هتافات ميدان التحرير
الله وحده اسقط النظام

اللهم نجنا من كيد الكائديين

وزاره تهريب الاموال دى لسه بتعمل ايه
والبنوك قافله ليه

امل فى بكرة said...

تفتكرى يا نوارة ان الجيش يكون مش عارف ان ممكن حاجة زى دى تحصل؟
ولا تفتكرى انه عارف وعامل حسابه
وهيكون ملتزم بضبط النفس وفاهم الفوله ؟؟

مراد الباشا said...

يا مصر قومي وشدي الحيل
كل اللي تتمنيه عندي
لا القهر يطويني ولا الليل
آمان آمان آمان بيرم أفندي
يا مصر عودي زي زمان
ندهة من الجامعة وحلوان
يا مصر عودي زي زمان .. تعصي العدو وتعاندي
آمان آمان بيرم أفندي
يا مصر
يا مصر قومي وشدي الحيل
كل اللي تتمنيه عندي
لا القهر يطويني ولا الليل
آمان آمان آمان بيرم أفندي
الدم يجري في ماء النيل والنيل بيفتح علي سجني
والسجن يطرح غلة وتيل
نجوع ونتعري ونبني
الدم يجري في ماء النيل والنيل بيفتح علي سجني
يا مصر لسه عددنا كتير لا تجزعي من بأس الغير
يا مصر
يا مصر لسه عددنا كتير لا تجزعي من بأس الغير
يا مصر ملو قلوبنا الخير وحلمنا ورد مندي
أمان بيرم أفندي
يامصر قومي وشدي الحيل
كل اللي تتمنيه عندي
لا القهر يطويني ولا الليل
آمان آمان بيرم أفندي
يسعد صباحك يا جنينة يسعد صباح اللي رواكي
يا خضرا من زرع إدينا
شربت من بحر هواكي
شربت من كاس محبوبي
وعشقت نيل أسمر نوبي
وغسلت فيه بدني وتوبي وكتبت إسمه علي جلدي
آمان آمان آمان بيرم أفندي يا مصر

كلمات : نجيب شهاب الدين

monayakout said...

طيب يا نواره دلوقتى الجيش بيقول اننا نتعاون معاه وهو ماشى فى تحقيق مطالب الثورة ولازم نفض الاعتصامات ونخلى الحياة ترجع طبيعية تانى يبقى المفروض نسيب الجيش يشتغل
تانى حاجة بقى ازاى احنا اللى نحمى الجيش؟ الجيش ده مؤسسة كبيرة جدا ويقال انه فى نفس قوة الجيش الاسرائيلى من حيث التسليح والخبرات والكفاءة يبقى الجيش مش حيخاف من شوية بلطجية ومعاهم شوية قناصة

hassn hamdi said...

السلام عليكم
بصي يا نوارة:
الثورة كانت مطالبها وأهدافها ايه بالضبط؟
وما الذي تحقق منها بالضبط حتى الآن؟
هل خرجنا وتقلنا لكي يمشي مبارك فقط؟
الم يكن المطلوب رئيس انتقالي وحكومة انتقالية ودستور جديد بجمعية تأسيسية وانتخابات رئاسية وبرلمانية ومحاكمة رموز الفساد وعناصره والقضاء على النظام السابق وحرية الاعلام ...الخ؟
ما الذي تحقق من هذه المطالب حتى الآن؟
شيء واحد فقط لا غير: إقالة مبارك..
لاحظي أن المجلس العسكري لم يفكر في أمر الحكومة الانتقالية المختارة من طوائف الثائرين بل أقر خطة وحكومة مبارك: حكومة شفيق بنفس الوزراء واستبعاد بعض الوجوه كما أراد وقال مبارك..
تعديلات على الدستور... حوار مع المعارضة وجذب المستبعدين... الألولوية للأمن (كلمة مبارك وشفيق قبل التنحي وبعده وكلمة شفيق والمجلس العسكري بعد التنجي)
حرية اعلام (اسلوب تنفيس زي ما هو حاصل دلوقتي.. لاحظي ان الجيش لم يقل اي قيادة من قيادات المؤسسات الصحفية زي الاخبار والجمهورية والاهرام ..الخ)
محاكمة وتتبع رؤوس الفساد (كباش فداء للتنفيس)
هل تم اطلاق سراج المعتقلين السياسيين؟
هل تم محاسبة المتسببين في الانفلات الأمني؟
أين رئيس الوزراء الانتقالي وأين الحكومة الانتقالية؟ (ما تقوليش دي تاخد وقت كبير.. قادة الثورة والشخصيات التي لا يختلف عليها اثنان لتكوين هذه الحكومة معروفون للكل)..
اصحي يا نوارة
بدون تخوين للجيش
لكن لاحظي أن المشير نفسه قعد عشرين سنة وزير تحت مبارك ومتربي على ايديه ومشارك في الفساد اللي بنشتكي منه
والأمر ينطبق على شفيق والوزرا التانيين وقيادات الجيش
يعني همه كانوا في دولة تانية غير دولة مبارك؟
ما بتكلمش عن تخوين الجيش ولكن عننا احنا..
ليه ما نجتمعش على حكومة انتقالية برئاسة شخصية يجمع عليها كل المصريين ونقدمها للجيش ونقول ان التظاهر هيستمر لحد الحكومة دي ما تتعين وحكومة شفيق تتشال؟
اللي بيحصل دلوقتي نفس اللي قاله مبارك والجيش قبل التنجي بالضبط: روحوا بيوتكم واحنا هنعمل تعديلات دستورية وحوار مع المعارضة ونحارب الفساد ونخفف المعاناة عن الشعب
احسبيها بالعقل ويا ريت ما ينضحكش علينا بالسهولة العجيبة دي
كمان فين الطواريء اللي اتلغت يا نوارة؟
لاحظي ان بيان المجلس العسكري بيقول ان الطواريء هتتلغي بمجرد انتهاء الظرف الأمني الحالي (متهيألي سمعت الجملة دي طوال التلاتين سنة اللي فاتت)....!
وسمعت شفيق بيقول الأولوية للأمن
متهيألي المجلس ومبارك قالوا نفس الكلمة!!!
وليه مبارك ما يتقدمش للمحاكمة؟؟؟؟؟
أو ولاده مثلا؟
أو حسين سالم؟
ليه شفيق والجيش مش عاوز يعترف ان دي ثورة؟
وليه مركزين على انها "حركة شباب"؟
متهيألي الجيش بيتكلم بنفس لغة مبارك؟؟؟؟
ومتهيألي ان اللي احنا فيه دلوقتي هو النهج المباركي بس في صورة جديدة..
علشان كل ده وغيره كتيييييييييييييييييييير
لازم الثورة تستمر والاعتصامات تستمر ونكون جريئين أكثر في مطالبنا للجيش
وفيه نقطة كمان مهمة جدا جدا جدا..
ايه دور الجيش في المرحلة دي والمرحلة الجاية بالضبط؟
لاحظي اننا بنتعامل مع الجيش كأنه هوه اللي خرج في الشوارع وانضرب بالنار...
لسه بنقول يا ريت المجلس العسكري يعمل لنا كيت وكيت .. ويا ريت المجلس العسكري يشيل مش عارف ايه...!!!
مش الجيش برضه في خدمة الشعب زي الشرطة؟
ومش المفروض ان ميزانية الجيش وتسليحه واستراتيجيته وعقيدته القتالية والعسكرية وتحالفاته تكون تبع لإرادة الشعب؟
يعني هو جيش الشعب ولا شعب الجيش؟؟؟؟؟
يا ريت تفكري كويس في الاسئلة دي لأني شايف كمال أتاتورك في الأفق وخايف ليضحك علينا

وجع البنفسج said...

ربنا معاكم ويارب يحمي مصر ويحفظها لكم يارب ، كل قلوب العرب .. كل قلوب الشعب الفلسطيني في غزة وفي كل فلسطين معكم ..
حافظوا على مصر .. وعلى جيش مصر .. لانهم خير جند الله في الارض ، وعلشان احنا محتاجينكم قوي .

دانتيلا said...

ربنا يبارك في جيشنا. ولازم نفديه بأرواحنا

MAKSOFA said...

العزيزه نواره

وحشتيني جدا

الف مبروك على الثوره واتمنى من الله سبحانه وتعالى ان يمن علي بالصحه والعمر كي أرى مصر و قد تغيرت بالفعل الى الأحسن،وأرى اليوم الذي تتحقق فيه العدالة الإجتماعة ويختفي فيه اصحاب النفوذ والمحسوبيه والحراميه،،أتمنى أن تصبح مصر أهم وأحسن بلاد الدنيا،،وأن يعيش شعبها بكرامه مرفوع الرأس في كل مكان في الدنيا

لقد أعجبني البوست كثيرا،،وبالفعل هناك من يريد التشكيك في مصداقية الجيش وهذا مالمسته بنفسي في بعض التعليقات على الفيس بوك،،وأعذوريني لو قلت وأيضا على لسان بعد الشباب المشكوك فيه ممن يدعون انهم من شباب الثوره(أرجو يانواره ان تتفهمي جملتي الآخير بشكل موضوعي وهذا ماأعرفه عنك)لأنني ذهبت الى ميدان التحرير،للإحتفال بسقوط مبارك ونظامه،وأستمتعت بل وأستمتعت بالنقاش الذي دار بيني وبين شباب الثوره،،لكنني تعجبت من وجود البعض الذي آتي وأقحم نفسه في النقاش وهو يؤكد أنه لن يترك ميدان التحرير ولايمكن الوثوق بالجيش لأنه خاين وعميل ويتعامل مباشرة مع امريكا ////أخاف حقا من الفتنه وأتمنى الا يحدث مالانتمناه من أشتباكات بين الشعب والجيش،ويحدث مالايحمد عقباه

أتمنى لمصر غد أفضل
اللهم أحمي مصر وشعبها من شر

تحياتي

MAKSOFA said...

وأتمنى ياعزيزتي أن ننبذ الفرقه والشماته وتصفيه الحسابات وتبادل الإتهامات،،وأن نعمل من أجل غد أفضل وعهد جيد

مهندس حر said...

أنا بقى من المعووجين عالجيش .. مش نتيجة فقدان كامل للثقة فيه لكن رغبة فى تصحيح المسار أول بأول عشان ما نرجعش نندم و نقول يا ريت اللى جرى ما كان ..

معالجة الجيش لعدد من الأمور المهمة و تحديدا إضرابات الموظفين و العمال ماشية فى السكة القديمة للأمن و ده خطير جدا فى الوقت الحاضر .. أولا لأن الجيش مش مهيأ للعب دور الأمن و ثانيا لأن موجة الإضرابات دى أكبر من أى موجة شهدتها مصر فى الفترة بتاعة اللى ما يتسمى..

المعاونة الضرورية للجيش حاليا لابد يكون أحد عناصرها التنبيه السريع لمواطن الخلل لتداركها و إعادة تأكيد إننا حاضرين فى الساحة .. النا هنا مقصود بيها الشعب كله .. الرسالة إننا موجودين مستعدين لتقديم الدعم و العون وبالمشورة مش حاضرين لتنفيذ الأوامر دون نقاش .. و الرسالة برضه إن فيه مطالب واضحة التأخير فى تنفيذها غير مبرر و أثره سلبى للغاية و لابد من تدارك ذلك..

أنا مش كاره الجيش و مقدر ما قام به لكنى لن أتغاضى عن أمور تسيئ لدور الجيش فى مرحلة تاريخية فاصلة

basbosa said...

والمفروض كمان الناس اللي عامله اعتصامات كل من هب ودب عامل اعتصام ومشكله دى كمان بتعمل مشاكل وعقبات للجيش المفروض الناس تهدى وتصبر شوية عشان نبداء نصلح حاجة حاجة ربنا خلق الدنيا في 6 ايام ومش معقولة نطالبهم باصلاح فساد 30 سنة في 30 يوم

Love Life said...

يا نوارة أرجوووووووووووووكى وضحى بنفسك أن شبكة رصد الأصلية هى http://www.facebook.com/RNN.News2
و أن التانية مسروقه من الداخلية و ياريت تنسقى مع 6 أبريل و كفاية و خالد سعيد عشان ينشروا الخبر ده لأن الصفحة التانية شغالة فتن
شكرا يا أميرة

أروى أحمد said...

ربنا معاكم .... يحميكم ويرعاكم

ندى الياسمين said...

نواره احب اضيف معلش ان الثوره يا جماعه لسه ما انتهتش واحنا راحيين نحتفل اه
لكن مش راحيين نتهبل
الى من فضلك رايح يتصور جمب الدبابه ويتحرش ويعاكس بنات ياريت يخليه فى بيتهم مش عايزين قرف بقى

Ahmed said...

اسمحي لي الأول أحييكي على هذه العقلية السياسية المتميزة
ثانيا أقترح توجيه رسالة للمجلس الأعلى للقوات المسلحة تحذرونه فيها من امكانية وجود مخطط لإفساد العلاقة بين شباب الثورة والجيش خلال احتفالية الانتصار وتعلنون بكل وضوح موقفكم من الجيش المصري وأن أي موقف مختلف لا يمثلكم ... يتهيألي ضربة استباقية زي دي ممكن تخفف من تأثير أي فوضي يثيرها بقايا النظام السابق

luckyboy said...

أيوه يعني ليه ننزل برضه ؟ إيه عشان منسبلهمش البلد دي إيه السبب الأحمق ده ؟
ما أنا عارف اننا دلوقتي موقفنا أقوى طبعاً ونقدر نفرم بتوع النظام وكل حاجة ، بس هل ده سبب كافي إن حد تاني مننا يموت ؟ طب ليه ؟ أيوه يعني احنا عايزين إيه ؟ بنتظاهر ضد مين ؟ إنتي عماله تقولي نثق في الجيش نثق في الجيش معا إن كده احنا بنبعت رسالة عدم ثقة للجيش، بنتعامل معاهم زي ما كونا بنتعامل معا حسني...نفذوا كل طلبتنا دلقوتي حالاً غصب عن عين ابوكوا حتى لو طلبات هبلة ... طيب ننتخب رئيس ومجلس شعب زي البني أدمين الاول وبعدين كل واحد عايز يحط وصايا لقمان العشرة بتاعته في الدستور يبقى يكلم الافندي بتاع المجلس بتاعه..انما كده كل واحد مش عارف يطاهر ابنه يعمل مظاهرة ميليونية يبقى مش حنخلص..ويبقى الكلام الاهبل بتاع عمر سليمان إن احنا مش مستعدين للديمقراطية صح.. كده فعلاً البلد حتقفل

م.محمد الحسيني said...

يانوراة ممكن نطلب من معاليك "شوية تهييس لزوم النصب "" انك تدخلي معانا في اللجنة التاسيسية لحزب التحرير (شباب 25يناير )
اكيد دعوات كتير جت لك
لكن الفرق معانا اننا ناس تعرفي بعضهم والبعض الاخر اخد اماكن وبدأ تجميع الناس فعليا علي اهداف الثورة

The Dagger said...

Nawara, and the rest of my brothers & sisters in Egypt:

Have you seen this:

http://www.ahram.org.eg/445/2011/02/16/9/63037.aspx

I mean, WHAT THE HELL?!

Khairy said...

تسلمي يا نوارة ، يسلم عقلك و قلمك ، كل كتاباتك بتيجي على مزاجي كأن انا اللي كتبتها ، ربنا يخليكي يا بنت بلدي

ويكا said...

بجد الله ينور

أروى أحمد said...

الصديقة العزيزة نوارة:
لعله كما يعجبني فيك إصرارك وحماسك، وبراءتك الواضحة في تحليل الأمور، والتي دائمًا تحاولي إخفاءها، والتي لا تنفي أبدًا صدقك ووطنيتك، إلا أنني أتمنى عليك أمورًا أرجو أن تقبليها، ووالله ما أرى نفسي إلا كماسح أحذية لكل من خطا خطوة في هذه الثورة المباركة:
1- تحلي بأخلاق الفرسان، وأنت فارسة وأنعم بك من فارسة، وأنت أيضًا مفرسة بأسلوبك الساخر وتعليقاتك اللاذعة، ولا أنسى مقالك قبل الثورة (نحن أولاد كلب)، فإهمالك لعديم العقيمة وتجاهلك له أغيظ له من أن تسبيه أو (تلعني سلسفيل أهله – وهذه محاولة مني لتقليدك في الكتابة). ولا أعني هنا السكوت عن ظالم، فلست من السذاجة أن أطلب منك ذلك، فلن أطلب ذلك أبدًا وأنت لن تفعلي ذلك أبدًا أبدًأ أبدًا. ولكني واسمحي لي أن أختلف معك في شخصين كانا في النظام السابق، هما (عمر سليمان وأحمد شفيق) فلم أرَ منك ولا من أحد يتهمهما بشيء كالعمالة لأمريكا وإسرائيل، إلا ويقول: وهذا ليس سرا، فهذا منشور. سيدتي أنت صحفية (تقييييييلة) وتعلمين أن من أراد الحق لا يأخذه من مقال صحفي إلا إن دلل كاتبه على ما يذهب إليه بوثائق وأدلة، ولقد تعلمت منك –ووالله ليس رياء ولا مجاملة- تعلمت منك أن نكون مع الحق والعدل، فالله اسمه الحق والعدل، ولا أنسى موقفك ممن قال لك ذات مرة (وهو ممن يدَّعون العدل والحرية) عن تعذيب الجماعات الإسلامية، إنهم يستهلوا، فأجبتِ: كيف لإنسان أن يرضى بتعذيب إنسان وإن اختلف معه في الرأي؟! وأكبرتك من يومها.
أرجو ألا تظنين أنني ممن يؤيد عمر سليمان أو أحمد شفيق، ولكن ما أراه أنه قد تواترت الأخبار عن عدم تلوثهما بآثام وفساد النظام السابق، وإن حُسبا عليه.
ولنا لقاء في أمورٍ أخرى.

ندى الياسمين said...

معلش يا نوار عايزه ارد على الناس الى بتقول بلاش نروح بكره اصل الكلام واقف فى زوري
دلوقتي انتم ليه مش فاهمينا يا جماعه
احنا السبب المعلن اننا راحين نحتلف بالنصر
لكن وجودنا مهمممممممم
ايوه طبعا
احنا لازم نفضل نلوح بالقوه
قوتنا كثوره
عمركم شوفتم ثوره تقوم وتنجح وافرادها وناشطيها لسه معتقلين ؟؟

طيب انتم فاهمين ايه الثوره دي رحله للقناطر الخيريه وخلصت وهانروح ؟؟

انتم مش عارفين ان لو استشعروا مننا تنفيض وضعف هانتروق ؟؟؟؟؟
حسنى مشي بس لسه فى ادين مش من مصلحتها نهاية الفساد ولا انتم متخييلين ان زمان جمال دلوقتي مش ركبه بتخبط على الجيران وثروته الى جمعها من دمنا هاتتجمد واحتمال يتحاكم؟؟؟

متخيلين كل الشله الفاسده من الوزراءالحاليين والى لسه فى الوزاره والسابقيين ورجال الاعمال وكلاب الحزب ونواب المجلس الى دافعين ملايين عشان يدخلوا المجلس الى اتحل

هايسكتوا ويستسلموا بسهوله كده ؟؟؟

ارجوكم حاولوا تكونوا على مستوى الحدث

Om Kiki said...

Guardian: "The Al Arab news site claims that Hosni Mubarak is now holed up in a luxury hotel in the Israeli resort of Eilat.
Apparently there is a big Israeli security presence around the unnamed hotel, and aircraft are hovering above monitoring activity. An anonymous hotel employee "revealed" that Mubarak was a guest."

Says it all, rea...lly. Mubarak is being guarded from the people by Israelis...

أنا بطابعي متفألة ..بس الخبر ده يأكد فعلاً إن مبارك كان من أهم رؤوس الماسونية في الشرق الأوسط .. يعني مش مجرد ديكتاتور ولا حرامي.. طبعاً الله أكبر ... بس برضه مهم نفهم إحنا بنحارب مين ..

والله أنا مؤمنة إن الله غالب يعني الحق غالب، نسأل الله البصيرة والتوفيق.

مش فاهمه said...

ايه موضوع مسيرات الوفاء دى كمان و حايبقى فيها جمال و حمير برضه ولا ايه

KB said...

ايه يا نوارة ده .. احنا بنييجي صفحتك علشام بنلاقي مكان نقول فيه رأينا بحرية ..ايه السلخ ونظام العين الحمرا ده مع اللي مختلف معاكي في الرأي .. مش ناقص غير انك تقولي ان لنا اجندات خارجية وبيدونا كنتاكي .. ده كده احنا ممكن نعمل ثورة عليكي ونطالب برحيلك ..
الكلام الجد بقي .. انا مختلف معاكي جدا ..احنا نبطل بقي شغل المصريين ده ونفوق ..الموضوع لا هو ثقة ولا جدعنه ولا الكام ده ..احنا في وسط لعبة سياسية كبيرة جدا مش في مصر وحدها لا دي علي مستوي العالم ..وتوازن القوي فيها حساس وانفعالي جدا جدا .. النهارده في لعبة القوي لا يوجد من هو صديق مطلق ولا غدو مطلق ..ولابد اننا نعمل بهذا طوال الوقت ..والثورة كانت في منتهي الذكاء في التوقيت والسيطرة والتفاعل مع التيارات السياسية وتوفيق ربنا كان هو العامل الرئيسي في توجيه محصلة القوي في اتجاه مطالبنا
لكن لا تطلبي من احد ولا تصدقي انت نفسك ان الجيش كان معنا طول الوقت ..وعندما نتحدق عن الجيش لابد ان نفصل بين الجيش القيادة المركزية ( اعلي مستوي في القيادة ) والجيش القيادات الميدانية وهم القادة علي الارض وحتي مستوي الالية المسلحة ..
بالتأكيد الثيادة الميدانية من اول لحظة مع الشعب ..لانها واقع الامر هي جزء من النسيج الشعبي المصري والقيادة المركزية علي يد حسني مبارك اذلت هذه القوات في العشر سنوات الاخيرة وسحبت مميزاته وحتي كرامتها كحرس للوطن ومدافعين عنه ..اخي ضابط بالقوات المسلحة اتصلت به والدتي اكقر من مرة واقسمت عليه الا يمس احد من الاولاد كما تسميهم وان اضطر كان سيترك الجيش..لذلك لا خوف من هؤلاء ..خاصة في ظل تيقظ الشابا القائم بالثورة في انشاء علاقة بينهم وبين القيادات الميدانية بذكاء وحرص شديدين..
اما القيادة المركزية فلا يخفي علي احد انها كانت مع مبارك طول الوقت وكانت تتمني انتهاء الازمة وبقاء النظام مع بعض الاصلاحات ..وذلك نابع واقع الامر من قمة الوطنية من بعض هؤلاء القيادات والذين يدركون حجم المخاطر الخارجية وكم المؤامرات حول البلد من الخارج ويخشون ضعف الصفوف الامامية للجيش او حدوث مواجهة مع الجماهير تضيع التماسك بين القوات علي الحدود والجبهة الداخلية .. وجزء من هذه القيادات كان دافعه الوفاء للنظام ولمنصبه ..وتعلمين ان المشير سافر الي واشنطن يوم 26 -1 واجتمغ بمستشاري الرئيس اوباما والرئيس نفسه وطلب سحق الثورة قبل ان يفقدوا السيطرة عليها وطلب اسلحة تكتيكية للتعامل مع المظاهرات ..ورفضت واشنطن الامر الذي استدعاه لطلب مهلة 48 ساعه لانهاء الازمة وتغيرت وقتها لهجة واشنطن الي المطالبة بالاصلاح وبقاء الرئيس ..
الامر الان اننا يجب ان نتحرك في ظل هذا التوازن الدقيق الموجود داخل القيادة العليا للقوات المسلحة دون اصدار احكام او تخوين او خلافه وعلينا ان نظر الي المصلحة والتحالفات ونقاط الضعف والقوي ونرسم وسط ذلك مسار دقيق نتحرك علي اساسه ..
..هناك تكملة للموضوغ تالية.. .

أخيرا مصرية وأفتخر said...

اولا انا مصريه خارج مصر وبغلي اني مش معاكم احنا ميتين بالحيا انا يوم الاربعاء لما خرج البلطجية كانت روخي بتروح مع كل واحد بيتجرح ياريت ماتبخسوش حقنا لاني سمعت واحد من الشباب على الجزيرة بيقول احنا اللي عملنا وعملنا المهم فيه ناس بتقول ان الثورة دي كانت بتخطيط امريكي لأدة قطري اسرائيلي بتنفيذ الجزيرة لأده وائل غنيم خاين ومدعوم من امريكا انا بقول اننا شعب بيحب اوي يتضرب على قفاه هي امريكا السبب في تجويع الشعب وسفرة يدور على لقمة عيش حلال وعيشه نظيفة بعيد عن السرطانات والوباء الكبدي ولا في غرق العبارات وحرق القطارات وحوادث الطرق و....و....احنا لازم نفوق بأى لكل واحد مسؤلمهما كان وزير ولا غفير لازمان ابدأ بنفسي انا راجعة مصر مش هارضى اعيش برة بلدي تاني لازم تنزلوا الجمعة وكل جمعة لازم يعفوا اننا فايقين لهم

KB said...

النزول الي الشارغ يوم الجمعه ضرورة هامة جدا ..يجب ان نظهر للجميع وبالذات الجيش اننا لا زلنا قوة ضاربة ولها ثقل علي مسرح العمليات بلغتهم.. وتصرفات احمد شفيق في الفترة الماضية تدل علي ان هناك شيء يحدث .. فهو يتعمد تفريغ طاقة الثورة .. يرفع المرتبات ..توظيف ..شقق جديدة ..وعود بالاصلاح واستجابة فورية للمطالب ..بحيث يشق صف مجموعه كانت لا تحلم من الامر الا بهذه الامور .. اصراره الا ينادي مبارك الا بالرئيس حتي الان ..المهم ..النزول للشارع هام جدا وان كانا مليون زمان لازم 3 مليون ينزلوا دلوقت لانهم يراهنون علي ان الحركة يوم 25 يناير كانت مجرد فورة - كما يسميها ابو الغيط وشفيق - وستهدأ مغ الوقت وتضيع مطالبها ..
الامرالثاني ..الضغط الخارجي والذي يتزايد مع الوقت لانهم يحبون ان يتباهوا انهم في صف الحريات .. ولا يخفي غليكم جميعا ان هناك حرب ديبلوماسية في العالم الان بين معسكرين ..معسكر يري دعم مصر وتوجيهها في اتجاه التنمية الصحيحة في قراءة لسيناريو كوريا الجنوبية ..وتتزعمه امريكا التي فشلت تجربتها في العراق فشلا زريعا وتبحث في مصر عن فرصة ثانية ..
المعسكر الاخر وعلي رأسه السعودية وايران - وسبحان الله لم يتفقوا يوما الا علي هذا - ودول اخري وبدفع من مبارك واسرته ..يهدف الي فقد الامن والهبوط الاقتصادي الحاد والسريع للحالة المصرية.. ليبرهنوا لشعوبهم ان نهاية الثورات دمار للبلد وان الاستقرار مغ الذل والهوان ارحم ..
هناك معسكر ثالث علي خطوط التماس ..يخشون من نجاح المعسكر الغربي في جعل مصر حليف تابع وبذلك تكون سيطرة امريكا مطلقة علي المنطقة ومنابع الغاز والبترول وفي نفس الوقت يخشون من ان انهيار الدولة المصرية ستكون تبعاته وخيمة علي العالم كله ..
هؤلاء يراقبون احصنة السباق عن كثب وان كان زخم الثورة مستمر وفورانها في زيادة فسيضعون رهاناتهم علي الثورة وهو ما سيمهد لدولة مصرية قوية جدا وغير تابعه لاي جهة وتتلقي الدعم والتأييد في ظل توازن القوي لمجرد عدم انحيازها لطرف دون اخر ..
اسف لاني طولت كالعاده واسف للاخطاء الاملائية كمان

lastcrazyboys said...

أنا موضــوع يم الجمعة ده مش مريحني

عشان زي ما قلتي الجيش كان عايزنا نعمل كده ..وهو كان مستني الحجة عشان يطيرهم

واحنا كنا حجته .. وكللل الصور اللي بتتكلم عن الود والحب اللي في الشارع دي صورة لزززمن تتصدر للاعلام عشان يؤيـد موقفهم

إنمــا اللي دخل وحــدة أو كتيبــة عسكريــة يعرف الوجــه الحقيقي للجيش
مش بقــول إنهم وحشين لا سمح الله ..بس ما بيسمــوش على حد لما يكون في دماغهم حاجة

ولا أمن مركزي بقى ولا بتـاع

.. ألا هــل بلــغــت ..وعالعمــوم وصيتـك العيــال
====

شفتي الفيــديو ده .. ده احنـا بقيــنا حكيــوة :)
JOHN REES: SOLIDARITY WITH THE EGYPTIAN PEOPLE

حسن على said...

نورتى المحكمة يا باشمهدسة, ولولا نوارة لهلك حسن

سكر و زيت وشوية فتافيت said...

ماتقلقيش الشعب المصرى واعى جدا والجيش كمان ،وان شاء الله مافيش اى مشاكل هتحصل

السلام عليكم said...

طيب جميل جدا
اللى بيقولوا ماننزلش

مش شايفيين محاولات التفاف النظام

مش شافيين فلول النظام ووزاره تهريب الاموال
مش شايفيين الجركه اللى بيعملها وزير الماليه واللى مطمع كل الشباب ومخليهم يحلموا انهم حيتعينوا فى الحكومه واى عيل صغير عارف انه بيضحك علينا

مش عارفيين ان فيه مظاهرات اسمها رد الجميل لمبارك ومش بعيد يقولوا عايزينك يا ريس واحنا اسفيين

على فكره انا مش مخونه الجيش ابدا ومحترماه جدا ومحترمه انه مبيعملش اى خطوه قبل ما يجتمع ويتشاور مع اصحاب الخبره والمظاهرات او سميها الاحتفال او سميها يوم الشهداء ده مالوش دعوه بالجيش بس دى رساله للملتفيين اننا مصحصحيين ليهم ولما نحب ننزل حنقدر نحتمع تانى لان واضح ان الناس دى بتخاف متختشيش

وبعديين هو احنا بنكتف حد وحنزله غصب عنه

ماهى دى الديمقراطيه اللى عايز ينزل ينزل واللى مش عايز يخليه فى بيتهم

خواطر المصري said...

bas fi moshkala, el kazafi hayro7 fan maho mat7'n2 ma3a el so3dya !! :D rabana kareem in shaallah wa yansorna. A.elHamalawy

واحد شايف نفسه said...

يسلم فمك يانوارة

احمد سعيد said...

نوارة
عندى تعليق على الكلام اللى انىت كاتباة , خصوصا الكلام الجميل اللى بالازرق دة

انتى بتشخصنى المسائل ليه

هو لما حد ينتقد هيئه قيادة مؤسسه
عدد معروف من الاشخاص لا يتجاوز الاربعين

هل كدة نبقى بننتقد المؤسسه نفسها

محدش اتهم الجيش بحاجه ولا شكك فى نزاهته

الاتهام لاجهزة معينه داخل الجيش ونشاطها معروف

محدش جاب سيرة الضباط والعساكر الغلابه اللى كانوا فى الشوارع وكانوا وسطكم فى التحرير

انتى بتقولى انهم قالوا انهم هينتحروا لو اخدوا اوامر ( تانى ) انهم يضربوا عليكم نار

طيب كويس انتى اللى قلتى الكلام اهو

مين بقى اللى كان اداهم اوامر ( اولانى ) مين ها؟ مين ؟

اكيد يعنى مش مبارك اللى اداهم الاوامر
مبارك مجمعش الضباط الصغيرة والعساكر وقالهم اضربوا المتظاهرين ياكتاكيتى الصغننين

معروف مين اللى اداهم اوامر

هى الشرطه العسكريه والمخابرات الحربيه اعتقلت ناس ليه ؟

واخداهم اشتباة مثلا

وايه اللى وداهم المراكز الحقوقيه

اشاعات

اكيد كل دى اشاعات طبعا

جيش مين اللى متعارض مع رجال الاعمال
دا على اساس ان (سين من الناس ) مكانش داخل شريك مع محمد فريد خميس

وعلى اساس ان اراضى الدوله اللى تحت سيطرة الجيش مكانتش بتتوزع للحبايب


محدش حرض ضد الجيش ومحدش طالب الناس انها تعادى الجيش

كل الفكرة ان الناس تااااخد بالها وتفتح عنيهاكويس

لان قيادة الجيش ( اقول قيادة الجيش وليس الجيش ) غير امينه على الثورة

لانهم موقفوش جنب الشعب لوجه الله

لانهم لو كانوا اتاخروا شويه كان الجيش نفسه هيتمرد عليهم

المسأله مسأله مصالح مش اكتر

مش شرف يعنى ولا وطنيه واليعاذ بالله

ولا خوفا على البلد ( اللى اصلا كانت اتحرقت بالفعل )

Hany said...

to luckboy
بتقول ان البلد كده ح تقفل.. يعنى هيه كانت فاتحه وبعدين الثورة ح تقفلها.. ايه الكلام ده.. وبعدين بتقول ان الجيش عمل لنا كل اللى احنا عايزينه تقصد انه لسه مخلى مبارك فى استراحه رسميه فى شرم الشيخ وعنده حراسه ميه ميه.. ولا حكومة البونبونى اصدى شفيق.. مفيش حاجه لحد دلوقتى مفيش حاجه.. عارف ليه؟ فكر شويه حتوصل.. المهم لازم يتم اعلان حكومه الشعب فى ميدان التحرير وويتم عمل تصويت عليها فى الميدان وعلى النت وذللك لفرض ارادة الشعب وقطع الطريق على فلول النظام اللى بتلملم نفسها وفيها ناس فى الجيش وهم قله والاغلبيه مع الشعب بس الشعب لازم يديهم دعم بالتواجد فى الشارع.. اليقظة ياجماعه اليقظه وربنا يكتب اللى فيه الخير لمصر

احمد البطل said...

اولا تحياتى ليكم

فعلا اللى بيحصل الوقتى من اشاعات وكلام كتير ومحاولات تشكيك وتشويه على الانترنت بتبين ان فيه لعب فىه ايد خفية بتحاول تعمل بلبلة لأهداف خاصة وطبعا معروف ان الايد دى هى فلول النظام البائد وطبعا دول اغلبهم رجال اعما لالحزب واعضاء مجالس الشعب والشورى اللى اتشنيرو زى مانواره قالت طبعا مالحقوش يتهنوا بمجلسهم المزور وهما ياعبينى دافعين دم قلبهم علشان يدخلوه فأما هيحاولوا يرجعوا جزء من الامور كما كانت او على الاقل هيحاولوا ينتقموا من الشباب وفى الحقيقه هما بينتقموا من البلد مش الشباب
علشان كده لازم نبقى صاحيين وواخدين بالنا قوى من كل خطوة هناخدها

Bienveillant أوفياء مصر d'Égypte said...

La Tunisie a ouvert la route pour le changement, l'Égypte l'a suivie en quelques jours. Un Miracle est en train de se produire sur la terre Arabe, allons enfants de la patrie, le jour de gloire est arrivée. L'Égypte : Une révolution en marche.

ذيل النظام عمره ما يتعدل - (عبارة من مقالة فى موقع التحرير على الـ فيس بوك تحت عنوان العشرة الذين أسقطوا مبارك فى الجزء الخاص بموقعة الجمل) - الناس بتدابس فى الليل وتعس ع دياها وديار غيرها - والحمد لله ياربى (كلمة مواطن تونسى ع الجزيرة) - ثورتان فى شهر واحد - الأمة التى اعتقدنا فى نمام موتها عادت لتصنع الأحداث وتعيد صياغة حاضرها ومستقبلها

الجيش هو من جعل نجاح الثورة الشعبية المصرية أمراً ممكناً وبدونه ما رحل مبارك إطلاقاً - ودى مسألة فى غاية الوضوح مس محتاجه وثائق ولا فذلكات - فلا يحب البحث عن أى مدخل إبرة لألى خلاف مع الجيش - والجيش فاهم كويس قوى وبيشتغل %100 صح لغاية دلوقتى - وياريت يشدد الحراسات على مداخل التحري كل يوم جمعة وبالذات حمعة الإنتصار 18 فبراير 2011 - ويحب الحذر فمن أى محاولة تخريب والتأكيد على التفتيش الدقيق لكل من يدخل ميدان التحرير - زى ما بتقول نوارة - حتى لا يكون هناك أى مجال لواحد يدسه كلب علينا ويفجر نفسه مثلاً - مش عايزين نبقى العراق التانية أبداً - والتوفيق من عند الله

احمد البطل said...

اولا تحياتى ليكم

فعلا اللى بيحصل الوقتى من اشاعات وكلام كتير ومحاولات تشكيك وتشويه على الانترنت بتبين ان فيه لعب فىه ايد خفية بتحاول تعمل بلبلة لأهداف خاصة وطبعا معروف ان الايد دى هى فلول النظام البائد وطبعا دول اغلبهم رجال اعما لالحزب واعضاء مجالس الشعب والشورى اللى اتشنيرو زى مانواره قالت طبعا مالحقوش يتهنوا بمجلسهم المزور وهما ياعبينى دافعين دم قلبهم علشان يدخلوه فأما هيحاولوا يرجعوا جزء من الامور كما كانت او على الاقل هيحاولوا ينتقموا من الشباب وفى الحقيقه هما بينتقموا من البلد مش الشباب
علشان كده لازم نبقى صاحيين وواخدين بالنا قوى من كل خطوة هناخدها

مواطن مصري said...

الي خايف منة هيحصل أصابع باقيا النظام بتراهن على تعطيل الأقتصاد و اتهام الثورة بتعطيلها



و خلق فوضى منظمة من بقايا النظام ل أتهام الثورة بأنها التي صنعت تلك الفوضى



ياجماعة أحذرو من الي هيحصل يوم الجمعة لو حصل حاجة هتبقى كارثة اصابع بقايا النظام بتحاول توقع الشعب مع الجيش بأثارة الفوضى يوم الجمعة



الي مسمعش مكالمة انس الفقي مع محمود سعد و الناس الي عاملة موضوع رد الجميل دة هيفهم بأن بيخططو لحاجة


موضوع الأضرابات العمالية الي طلعت مش كلها عفوية فية ناس مخططة لها


اية الي يخلي قطاع الشرطة يعمل اضراب مرة واحدة اية الي يخلي موضوع البنوك يتقفل اسبوع ما كان عندهم ميدان التحرير قبل كدة؟


انس الفقي لسة موجود و بقايا النظام مازالت موجودة



فية ناس عاوزة توقع بين الجيش و الشعب بترويج اشاعات عبر النت و اظن دة بدأ يحصل و بيتخطط تنفيذة يوم الجمعة بتكرار موقعة الجمل


ياريت يا نوارة و لكل الناس تاخد بالها

KB said...

طيب يا جماعه ..اللي بيسأل ننزل ليه يقرأ المقال ده في المصري اليوم .. حبيب العادلي قاعد في بيته ولا حد حقق معاه ولا حتي ساله عن حاجة ..كلها مسكنات بيدوهالنا لغاية ما يسيطروا علينا تاني

http://www.almasryalyoum.com/news/%C2%AB%D8%A7%D9%84%D8%B9%D8%A7%D8%AF%D9%84%D9%8A%C2%BB-%D9%84%D9%80%C2%AB%D8%A7%D9%84%D9%85%D8%B5%D8%B1%D9%8A-%D8%A7%D9%84%D9%8A%D9%88%D9%85%C2%BB-%D9%84%D9%85-%D8%A3%D9%87%D8%B1%D8%A8-%D9%88%D9%84%D9%85-%D8%A3%D8%AE%D8%B6%D8%B9-%D9%84%D8%A3%D9%8A-%D8%AA%D8%AD%D9%82%D9%8A%D9%82%D8%A7%D8%AA-%D9%88%D9%84%D8%A7-%D8%A3%D9%85%D8%AA%D9%84%D9%83-%D9%82%D8%B5%D9%88%D8%B1%D8%A7%D9%8B

utopia said...

مش معاكى فى كل كلامك المرة دى
وحاسس ان احنا حاناخد حتة دين قلم على قفانا
تقدرى تقوليلى ايه اللى اتغير فى البلد لغاية دلوقت؟؟
ده حتى القط و محمد وعلى وابراهيم وكوكو زى ما هما-والوزارة هيا هيا
ومافيش تقدم ولا هما بيمشوا جوا الجزمة الاول؟ شكلنا هانلبس خازوق مغرى -ربنا يستر

smah said...

I wrote small poem i will wrie just few verses.My Arabic writting is not great so forgive me if Make a mistake.
Hope u like it
أنا الجيش و الجيش أنا. أنا المصري خير جنود الارض أنا. أنا من روى الارض من دمي أنا شهيد الثوره أنا . أنا الشعب أنا الارض أنا. أنا الجيش و الجيش أنا

as_id_2007 said...

نوار انت انسانه مصرية رائعة تحياتى لوالدك العظيم بلدياتى (الشرقية)

as_id_2007 said...

انت انسانة رائعة يانورا

as_id_2007 said...

نوار انت انسانه مصرية رائعة تحياتى لوالدك العظيم بلدياتى (الشرقية)

as_id_2007 said...

نوار انت انسانه مصرية رائعة تحياتى لوالدك العظيم بلدياتى (الشرقية)

علان العلانى said...

لماذا يريدون سحب الجماهير من الشارع؟

فى بحثه المبادئ الأولى للحكومة وجد هيوم أنه ما من شىء أكثر غرابة من أن نرى السهولة واليسر اللذين بهما تحكم الكثرة من القلة وان نلاحظ الخضوع الضمنى الذى به يسهل الناس قياد عواطفهم ومشاعرهم للذين يحكمونهم...وعندما نسأل بأية وسيلة تحصل هذه الأعجوبة نجد أن القوة هي دائما إلى جانب المحكومين، وان الحاكمين لا شيء يسندهم سوى الرأي...ولهذا،فإنه على الرأي وحده تقام الحكومة، وهذا المبدأ الأساسى إنما يسري على أشد الحكومات استبدادا وعلى أكثر الحكومات عسكرية، كما يسري على أكثرها حرية وأوسعها شعبية


أنهم يريدون ان يطوقوا رأي الشعب ، يريدون أن يغيبوا هذا المشهد العالمي للأرادة الشعب المصرى وصلابته

ولكن لماذا؟ وكيف؟

يقول نعوم شومسكي فى كتابة إعاقة الديمقراطية

أن القمع القانوني لا يكون كافبا فى بعض الاحيان، فالعدو الشعبى أقوى مما ينبغي. لابد ان تقرع نواقيس الخطر إذا هدد هذا العدو السيطرة التي تهيمن بها على النظام السياسى نخبة رجال الأعمال وأصحاب الأراضي والعناصر العسكرية التي تقدم إلى المصالح الأمريكية الاحترام الائق بها



إن شكليات إرهاب الدولة التي وضعتها الولايات المتحدة لعملائها تتضمن عادة إيمائة في الأقل نحو _كسب القلوب والعقول-
فمهما تكن قوة الجيش والشرطة السرية الموجودة فى كل مكان، التي هى تحت تصرف مثل هذه الحكومة، فأن من السذاجة الاعتقادأن هذه الأدوات الخاصة بالقمع المادي يمكن أن تكون كافية
لا يمكن مثل هذه الحكومة أن تبقى في السلطة إلا إذا نجحت فى جعل الناس يعتقدون أنها تقوم بعمل اجتماعي مهم لايمكن القيام به من دونها

وإذا امكن تبرير هذا بالوعود بالأستقرار والوفرة والامان _وبالتلويح_ وهذا أهم كثيرا بخطر عدوان عسكري من خارج الحدود، فإن الحكومة الدكتاتورية ستجد سلطتها قائمة دون منازع

أن الجماهير هي وقود الثورة وحضورها هو حضور الثورة وتألقها هو تألق الثورة

Ahmed said...

يارب يا نواره يطلع تحليلك صح
يا رب
احسن الفار لعب فى عبى و حاسس ان ديول المخفى جمال لسه بتلعب

مواطن مصري said...

ابقي شوفي الموضوع دة يا نوارة


حقيقة اليوم السابع و فضيحة رئيس التحرير خالد صلاح

http://www.youtube.com/watch?v=6QvxYUHfveI&feature=youtu.be&a

mohammed said...

هاااااااااااام جدا سيناريو الثورة المضادة !

http://www.sulta4.com/index.php?page=Articles.php&EditorID=66&ID=1199

برجاء القراءة و النشر

Ehab said...

الله ينور عليكي يا نوارةإسم على مسمى قمة الوعي

Ehab

sawwan said...

انتى حد جميل ياتواره مصر , الواحد شايف الدنيا ملخبطه ومش مجمع حاسس ان حتى ابويا بتأمر علينا مع الحزب لكن باجى بقرا كلامك بحس بالصدق والراحه والنقاء فيه

الجو فى مصر كله بقى ملزق ,عاوزين
الدنيا تمطر بقى علشان تفك شويه
جوه وبرا عمالين بيتأمروا علينا الثورات التانيه كانت اسهل اوى
يارب خليك معانا ملناش غيرك

بهيج الشرير said...

والنبي ياأبلتي أنا عندي سؤال! ليه العيال ولاد اللبو المخلوع ونسوانهم قاعدين ببلاش في أملاك المصريين في شرم الشيخ وليه مافيش أي أخبار عن منعهم من السفر والبدأ في التحقيق معاهم والتحفظ على أموالهم

ابراهيم رزق said...

ازيك يا نوارة يا بطلة انا معجب بيكى و بشخصيتك من يوم ما كنتى مع ماما فى مهرجان القاهرة يوم الفيلم بتاع تهانى راشد شوفى من كام سنة يوم ما كنتى بتفكرى ماما فى الندوة بالايات القرانية و مصدقتش التحول فى شخصيتك بالشكل ده و كنت عايز اقولك كده فى التحرير بس انتى كنتى على طول مشغولة بصى
و يمكرون و يمكر الله و الله خير الماكرين
عشان كده انا موجود فى التحرير و عائلتى كمان

doudou said...

هو ده موسوس زيادة
http://www.sulta4.com/index.php?page=Articles.php&EditorID=66&ID=1199

مهندسة حنان said...

http://www.ennaharonline.com/ar/national/61362.html


تكشف وثيقة سرية للمخابرات الأمريكية، تحصلت ''النهار'' على نسخة منها، كيف أن الحكومة المصرية ممثلة في شخص وزير خارجيتها في بداية التسعينات، تواطأت مع الولايات المتحدة الأمريكية في التجسس على المفاعل النووي الجزائري في منطقة عين وسارة بالجنوب الجزائري.

وتبين الوثيقة التي تنشرها ''النهار''، مضمون محادثات جرت بين مسؤول أمريكي، وهو ريتشارد آلن كلارك، عندما زار القاهرة في شهر ماي من عام 1991، والتقى خلال الزيارة بوزير الخارجية المصري آنذاك.

وحسب نص الوثيقة المتمثلة في برقية عاجلة، مصنفة في خانة ''السري جدا''، أرسلتها مصالح السفارة الأمريكية بالعاصمة المصرية القاهرة، إلى وزارة الخارجية الأمريكية، في شهر ماي من عام 1991، حول مضمون زيارة الوفد الأمريكي للقاهرة، فإن المحادثات بين المسؤولين المصري والأمريكي جرت حول قضية التسلح في منطقة الشرق الأوسط، قبل أن تنتقل المحادثات بين المسؤولين إلى التطرق لقضية المفاعل النووي الجزائري في عين وسارة بولاية الجلفة، حيث طلب المسؤول الأمريكي في ذلك الوقت من وزير الخارجية المصري مساعدة حكومة بلاده من خلال تزويدها بمعلومات إضافية حول المفاعل الذي تقول عنه الوثيقة السرية أنه كان قيد الإنشاء في تلك المرحلة.

وتقول الوثيقة السرية أن المسؤول الأمريكي كلارك، الذي كان يشغل منصب مساعد وزير الخارجية مكلف بالشؤون السياسية والعسكرية، طلب من وزير الخارجية المصري، الذي لم يظهر اسمه في الوثيقة، بعدما عمد مسربوها إلى حجب اسمه، تزويد واشنطن بمعلومات بشأن ما أشارت إليه في ذلك الحين تقارير صحفية حول بناء المفاعل النووي الجزائري بمساعدة من الصين.

وفي هذا الإطار، جاء في الوثيقة السرية، وبصريح العبارة، أن ''المسؤول الأمريكي والوفد المرافق له استغلوا المناسبة ليطلبوا من الوزير المصري دعم واشنطن للحصول على معلومات حول المفاعل النووي الجزائر إلى جانب تعاونها الصيني في هذا المجال، تحت داعي الانشغال والقلق الغربي تجاه المشروع الجزائري.

غير أن المفاجأة الكبرى التي تضمنتها الوثيقة للمخابرات الأمريكية، كانت عندما اختتمت البرقية السرية للسفارة الأمريكية بالقاهرة تقريرها بالقول أن ''الوزير المصري عبر عن تفهمه للقلق الأمريكي''، قبل أن يقدم وعدا للمسؤول الأمريكي بـ''دراسة الطلب''.

وتكشف طريقة التعاطي المصرية مع الطلب الأمريكي بتزويد واشنطن بمعلومات حول البرنامج النووي الجزائري ومفاعل عين وسارة، من خلال تقديم الوعود بدراسة الطلب، بل أن مجرد قبول مناقشة الأمر، يعد رغبة وقبول من جانب سلطات القاهرة للتعامل الاستخباراتي مع واشنطن على حساب الجزائر، حيث إن الأعراف الدبلوماسية المعمول بها في هذا الجانب، خصوصا مع الدول الشقيقة، تقتضي بعدم التدخل في أي شأن داخلي لدولة شقيقة، خاصة إن كان الأمر يتعلق بشأن سيادي مثل شؤون الدفاع.

من هو المسؤول المصري المتورط في الفضيحة؟

تشير الوثيقة السرية للمخابرات الأمريكية، التي تحوز ''النهار'' على نسخة منها، إلى أن اللقاء الذي دار بين المسؤول المصري ونظيره الأمريكي جرى في شهر ماي من عام 1991، بدون الإشارة إلى التاريخ بالتحديد، حيث لم يرد في الوثيقة السرية اليوم الذي انعقد فيه الاجتماع، وهو ما جعل من تحديد هوية وزير الخارجية المصري أمرا صعبا، لكون الحكومة المصرية شهدت خلال نفس الفترة، أي في شهر ماي من عام 1991، تغييرا حكوميا تولى بموجبه عمرو موسى منصب وزير الخارجية خلفا لسابقه عصمت عبد المجيد الذي انتقل إلى منصب أمين عام جامعة الدول العربية، لتبقى هوية المسؤول المصري الذي تحدثت عنه الوثيقة الأمريكية متأرجحة بين شخصي عصمت عبد المجيد وعمرو موسى الأمين العام الحالي لجامعة الدول العربية

mohamed said...

سيناريو الثورة المضادة http://bit.ly/eMrEcf

mohamed said...

سيناريو الثورة المضادة http://bit.ly/eMrEcf

xxxx said...

Stockholm syndrome and the slave mentality explain why some Egyptians feel sorry for Mubarak:
عندما تكون الضحية تحت ضغط نفسي كبير، فأن نفسه تبدأ لا إرادياً بصنع آلية نفسية للدفاع عن النفس، و ذلك من خلال الاطمئنان للجاني، خاصة إذا أبدى الجاني حركة تنم عن الحنان أو الاهتمام حتى لو كانت صغيرة جداً فإن الضحية يقوم بتضخيمها و تبدو له كالشيء الكبير جداً. و في بعض الأحيان يفكر الضحية في خطورة إنقاذه، و أنه من الممكن أن يتأذى إذا حاول أحد مساعدته أو إنقاذه، لذا يتعلق بالجاني.

شاهد عيان said...

شوفي المقال دة يا نوارة هتلاقي حاجات كتير منة بتحصل دلوقتي لازم الناس تاخد بالها من الثورة المضادة
تحليل لكل ما يحدث على الساحة الان من بقايا النظام البائد

http://www.sulta4.com/index.php?page=Articles.php&EditorID=66&ID=1199

clarkreport2002 said...

كلامك صح في مجمله
أولا: النزول الجمعة فريضة سياسية، ﻷنه :
إعادة تجميع وتأسيس ثان للثورة
الناس تصورت ان الثورة انتهت وأدت مهمتها ورجعت تعمل اعتصاماتها الخاصة تاني..يعني هم لم يفهموا الموقف والتطور، وإن المريض لم يعد بحاجة للمسكنات المؤقتة، ﻷنه في وقت العملية الجراحية الآن، التي ستجعله غير محتاجا لمسكنات

بالنسبة للجيش فهي فعلا معضلة..فالجيش زي ما تصرف بمسؤولية ورشد واحتمل المخاطر من كل النواحي ولم يهرب مثل الخونة الشرطة، وواجه البلطجة وواجه الوثرة بهدوء وعدم استعمال ولو للمياه، هو نفسه الذي صمت على بلطجة الحمير والخيول والكباري والمنازل وهو الذي ضرب الناس ﻹخلائهم بالقوة من الميدان بعد انفضاض معظم المتظاهرين..رغم ان المعتصمين دول كان لهم أيضا مطالب، ومن حقهم أن يعبروا عن رأيهم سلميا .. لا أن يضربوا في ساحة الشهداء، ولهم أبناء من الشهداء

التقييم النهائي إن الجيش نجح في الاختبار بامتياز، وهذا ليس معناه إنه حصل على 100% ﻷن الخطأ وارد، والخطأ المحدود أو البسيط و غير المؤثر على مجريات الأمور غير الخطأ الفادح المدمر
لذا يغفر له صغائر الأخطاء وينبه له عليها، ونكبر فيه نجاحه في المرور من عنق الزجاجة، واتجاهه لتشكيل لجنة الدستور بسرعة هو نجاح منقطع النظير

أنا معاكي أن نتعاون مع الجيش، و"نحاول" - ﻷن فيه أسرار كتيرة لا نعلمها - نتفهم تراخيه مع بعض الشخصيات أو الجيوب أو المؤسسات مثل أمن الدولة أو حكومة أو غيره ﻷنه مستحيل يعمل كل شيء مرة واحدة وإلا يكون بيهدم المعبد على الروؤس..ﻷن دي برضه جماعات لها مصالح ولها نفوذ ومسلّحة، ويجب التعامل معها بحكمة، وهو ما أراهم ناجحين فيه بامتياز حتى الان

وممكن موضوعات زي احمد شومان او المعتقلين يكون له فيها هدف انه بيدي رسايل معينة للخارج مثلا، أو لبعض من في الداخل، مؤقتا، لحين المرور من عنق الزجاجة الذي لم ينته حتى الان

شكرا ليكي
انا مش ضد الجيش لكن يمكن اكون فهمت رائله خطئا..ويمكن يكون المقصود من الرسائل دي مش احنا ومش الثورة ولكن عموم الناس، أو شرائح معينة تفهم الرسايل دي بطريقة تجعلها تتصرف بأسلوب معين، وعليه الجيش يتحرك

وضع غاية في التعقيد ..هرم من الكوارث والمجرمين والمافيات الكثيرة..فجأة وضع أمام الجيش ليفككه ويخرج بسلام!! مهمة فعلا تحتاج كما قلتي: أن نساعد الجيش فيها، لا أن نطالبه بالتفرغ لها وحده وهو مستحيل

Diablos said...

الله ينور عليكى.. يسلم فمك :((

Diablos said...

الله ينور عليكى.. يسلم فمك :((

أروى أحمد said...

الأخوة اللي عماليين يقولوا دي مسكنات وشكلهم هيسيطروا علينا تاني وإن فيه أشكال في الوزارة زي ماهية. أقول لهم:

هي الثورة دي ثورة عيال، دي ثورة شعب وثورة رجال مصر الشرفاء، وقد شرحنا الدرس ، وكتبناه بدماء شهدائنا، ولا ولن يفرض أحد علينا إرادته بعد الآن، ولكن لنفكر ونفكر ونفكر، ونتحد ونتحد ونتحد ، ولا نصدق كل ما يُقال لنا، ولا نكذبه، نشتري كل ما يُقال لنا، ولا نبيع أقوالنا لكل من يستمع.
وربنا معاكم أيها الشرفاء.

واحد من الناس said...

http://www.islam-nogodbutallah.blogspot.com/

ابن مرّ said...

والله يا نوارة أنا متفق معاكي على طول الخط بس ده حيجتاج كل واحد قرى الكلام ده ياخد روح المبادرة وينزل ينفذ ده ضروري

Sabertooth said...

Very Important

Read This:


http://www.sulta4.com/index.php?page=Articles.php&EditorID=66&ID=1199

And see this:
http://www.facebook.com/TrueRoyalDemocracy#!/TrueRoyalDemocracy?sk=wall

http://www.facebook.com/pages/14th-February-2011-Revolution-Day-in-Bahrain-%D9%8A%D9%88%D9%85-%D8%A7%D9%84%D8%BA%D8%B6%D8%A8-%D8%A7%D9%84%D8%A8%D8%AD%D8%B1%D9%8A%D9%86%D9%8A14-%D9%81%D8%A8%D8%B1%D8%A7%D9%8A%D8%B1/196431420371305?sk=wall

أحمد said...

!عن سيناريو الثورة المضادة
http://www.sulta4.com/index.php?page=Articles.php&EditorID=66&ID=1199

عاشــــــ النقاب ـقــــة"نونو" said...

السلام عليكم ورحمة الله ازيك يانوارة كنتي منورة المحورمعلش يانوارة في حاجة مهمة جدا ما اعرفش ايه مدى اهميتها بالنسبة لك ومش عارفة لما المفروض توصل لمين شوفي اصحاب المصانع في العاشر من رمضان العمال بتوعهم والموظفين لما بيعملوا وقفات احتجاجية علشان الاجور وساعات العمل وحقوقهم يعني اصحاب المصانع بيرفدوهم وبيعينوا غيرهم لدرجة ان فيه مصنع امبارح رفد الاف العمال لما عملوا الوقفات دي ولما العمال بيسالوا ليه قالوهم هقفل المصنع ومصنع تاني رفد 150عامل وتاني يوم عين غيرهم وغيره وغيره

mosadak said...

استمعت للواء أسماعيل عتمان مدير الشئون المعنوية للجيش و هو الذي ادى التحية العسكرية لأرواح الشهداء في مداخلة تليفونية مع محمود سعد و فرحت جدا عندما استخدم كلمة ثورة و هو يصف ما فعله الشعب خلال الأيام الاخيرة و كنت الوم على قيادة الجيش انها لم تعترف بالثورة و كانت تستخدم تعبيرات مثل المطالب المشروعة و تطلعات الشعب و ما الى ذلك المهم أني ما زلت اراهن على الجيش و اثق ان كل افراده و ضباطه لن ينفذوا أي اوامر باطلاق النار على المصريين و في جميع الاحوال يجب ان نحترس من أن يقوم بالأيقاع بننا و بين الجيش، أن القيادة العليا للجيش و ان كان فيها من يتعاطف مع مبارك ألا انها مازالت تحتفظ بنوع من توازن القوى داخلها و لها حساباتها و هذا ما يجعلها أحيانا تبدو بطيئة في رد فعلها لمطالب الثوار و أستمرارية الثورة تصب ليس في حمايتها فقط و لكن في حماية الجيش و تأييده في أي خطوات يتخذها ضد اذناب النظام و ما يمثلونه من مراكز قوى

Yosha said...

يدور في ذهني مخاوف، وأظن أنها موجودة عند الكثير الكثير.......
الثورة المصرية كانت سوف تحقق انتصارا كاسحاً وحاسماً يوم الجمعة 11 فبراير بعد ما أكثر من 15 مليون مصري نزلوا شوارع مصر وحاصروا جميع النقاط الحكومية والرئاسية
____
توجدددددد علامة استفهام كبيرة فيما حدث ذاك اليوم، وكيف استطاع الجيش أن يوفف انفجار الشعب واستلامه على مؤسسات الدولة كاملة
لا أعلم
-----
كان الشعب قد نزل يقطف ثمار ما حصد على مدى 18 يوماً
فإذا بالجيش يقوم هو بعملية القطف
وفي نهاية الأمر عقيدة الجيش السياسية مشكوك في أمّها وأبوها
___
أتمنى أن يطلع الكلام ده خطأ

mosadak said...

فرحت لوجودك على قناة المحور و قبلها علي الجزيرة مع الوالد المحترم
وبمناسبة الحديث عن الثورة المضادة فيجب ان يتيقظ لها الجميع و ان تستمر المطالبة بتحييد رموز النظام السابق باعتقالهم او حتي تحديد إقامتهم مع قطع الاتصال عنهم لأنهم من قامت الثورة ضد فسادهم. المهم الان استمرارية الثورة بالضغط على الأعلام أكثر و أكثر فما زالت نفس اللغة موجودة مع بعض الاستثناءات و ينبغي علينا ان نتعامل مع الإعلام الرسمي مثلما تعامل اليهود مع العالم بإشعارهم بعقدة الذنب لما فعله النازيون ينبغي ان تحصل الثورة على تغطية كبيرة جدا في الصباح و المساء و كل مكان مجال في الاعلام الرسمي و انا متاكد ان هؤلاء المسئولين الأفاقين في التلفزيون و الأهرام و ما شابه من الغباء و من الخوف و رغبتهم الأصيلة في اتباع الرايجة فأنهم تحت الضغط مستعدون لفعل أي شئ لإثبات إنهم يؤيدون الثورة فيجب الطرق على الحديد و هو ساخن و الاستفادة منهم لأبعد مدى و نؤجل المحاسبة الى وقت أخر

mohamed aziz said...

ربنا يعديها على خير يا نوارة
ولازم ننضف البلد من اكياس الزبالة اللى لسه فى كراسيها عشان دول مش هيسيبونا فى حالنا

جبهة التهييس الشعبية said...

انا عايزة اعرف الناس اللي بتقول مافيش داعي للنزول بتقول كده على اساس ايه؟

احنا دلوقت ثورة، صح؟

طيب

هل الرئيس المخلوع تمت محاكمته؟

الرئيس المخلوع قاعد في قصر رئاسي ملك الشعب بياكل ويشرب ويتعالج بفلوس الشعب

هو احنا خلعناه عشان نفضل نصرف عليه؟

طيب

احنا دلوقت ثورة
عبد المنعم سعيد مشي؟ عبد اللطيف المناوي مشي؟ كل وجوه الفساد في كل المؤسسات مشيت؟ مش فيه ام ثورة في البلد وناس ماتت؟ الناس ماتت عشان افتح التلفزيون الاقي خيري رمضان مطلع واحدة بتقول يوم الوفاء للرئيس الاب محمد حسني مبارك؟

عمر سليمان وزكريا عزمي بيعملوا ايه في القصر الرئاسي؟

وما اتقدموش للمحكامة ليه؟

شفيق يا راجل بيحمي فلوس مبارك ليه؟

وعايزينا نقعد في البيت؟

لا مش حنقعد في البيت

ومش حنسمح لهم يبوظوا علاقتنا بالجيش

اما بالنسبة لان الجيش بطيء فهو بطيء طبعا

يا جدعان الجيش مش ثوري، الجيش نحى القائد بتاعه لانه زهق
انتوا مش متخيلين الشعب المصري والشعب التونسي عملوا ايه
دول عملوا معجزة

فيه شعب في الدنيا يفضل يبوس في الجيش لحد ما ينحي الرئيس؟ دي عمرها ما حصلت في التاريخ، الجيوش بتعمل انقلابات اول مرة الجيش ينحي رئيس عشان دماغه اتقلبت واتدوش

يبقى ايه؟

يبقى الجيش مش مسيس، ومش ثوري ولا حاجة، هو بيفكر بشكل عملي ومش عايز وجع دماغ

الوضع دلوقت سيريالي شوية: الشعب بيحمي البلد من الشرطة وبيحمي الجيش من المخابرات وبيحايل الجيش عشان ما يزهقش

وانا مبسوطة على فكرة ان الشعب هو اللي بيعمل كل حاجة بنفسه وما عندوش ثقة في حد

هو انا في ديك الساعة؟ حد يصدق ان الناس كلها متشككة ومتبنية نظرية المؤامرة وانا نوارة الراعي الرسمي لنظرية المؤامرة في العالم العربي والشرق الادنى انا اللي باهديكم؟

بس كده احسن

انا واخدة بالي ان الناس مش مبسوطة وانا مبسوطة انهم مش مبسوطين

وواخدة بالي ان الناس قلقانة وانا مطمئنة عشان هم قلقانين

وواخدة بالي انهم ما بيسمعوش كلام حد وكده كويس

انا ما باقولش يسمعوا كلام الجيش، انا باقول يحموا الجيش ويحتفظوا بيه في صفهم، ويعملوا اللي هم عايزينه برضه عشان اللي هم عايزينه هو الصح

tahany said...

لازم ننزل و نطالب باسقاط الحكومة الفاسدة

rahrom said...

احنا مش بنقول حاجة على الجيش بس فهمينى بجد ليه لغاية دلوقتى سليمان وعزمى وشرور وصفوت سايبنهم كده واتنين قاعدين فى القصر الجمهورى فضلا عن شفيق وبعدين فين المطالبات بفلوس مبارك وعيلته اسوة بحبة الصغيرين اللى وقعوا كمان نفرق بين الجيش من جهة وطنطاوى من جهة اخرى ياريت تفهمينى بجد

Yosha said...

إن لم يفعل الجيش ما فعلوه يوم الجمعة الحاسمة والتي لم تحسم، وهو قام بإجبار سليمان أن يقول ما قاله، أقول إن لم يفعل الجيش ذلك
لكان الشعب قد حسم أمره ما جميع مؤسسات الدولة، وكان هناك احتمال أن ينقلب الصف الثاني من الجيش على روؤسائه، ويلغي كل آثار النظام القديم.....
البودار كانت واضحة وعلنية في مستوى الضباط الصغار كالرائد أحمد شومان، وآخرون .....
ولكن الصف الثاني من قيادات الجيش، كان ممكن يكون لها كلام ثاني
....

مراد الباشا said...

كمراقب عربي خارجي، يتابع باهتمام أنتفاضات الشعوب على طول وعرض الوطن العربي، وخصوصا ثورة أم الدنيا الشعبية ، أنتظر على احر من الجمر يوم غدا لأتأكد أن ثورة مصر ، لست نصف ثورة ، وأن الشعب المصري يعي أن أذناب النظام ، ومثقفيه ، وأبواقه ، وأزلامه لازالوا يصلون ويجولون ، و لأتأكد أن لأنني أن العربي الذي لا يثق باي جيش عربي غير مقاومة الرجال، أن أتأكد أن الشعب المصري سيوجه رسالة قوية لكل العالم الداخلي والخارجي ان ثورة مصر ليست نصف ثورة وأن القائمين عليها ، أو الملايين الشعبية القائمة عليها سوف تأكد أنهم لن يتهاونوا كما كل عربي حر مع من تسول له نفسه أن يسرق الثورة أو يجهضها، الثورة بدأت يوم 11-2-2011 ، فبعد سقوط رأس النظام ، المشكوك في سقوطه لانه لا زال يمارس السياسة من شرم الشيخ ، وتحاول وسائل الاعلام ان تقرفنا بغيبوبته ، و وبنومه كما في القديم ، بعد بداية الانتصار ، وقبل الأعمار المشبوه لا بد من التطهير و ألا فأن شعب مصر سيعود من ثورته بخفي حنيين

أروى أحمد said...

(طلعنا بنعرف نعمل كل حاجة لوحدنا بعون الله)
بصي بقه، لأول مرة هتخلى عن الكتابة بالعربية إللي قربت أخلص فيها دكتوراه، صلي ع النبي وعِدي معايا، واحد، إحنا شعب قمنا بثورة، الله وأكبر علينا شباب وبنات مصر، اتنفسنا لأول مرة من يوم ما اتولدنا الحرية، وبصراحة بقى طعمها عجبنا، ومش هنسيبوا لو هنموت، وبتكلم بصيغة الجمع عشان أنا شفت التغير اللي حصل فيه وفي صحابي . اتنين، فيه ناس ولاد تيت خرجوا من السلطة بالجزمة، وناس ولاد ستين تيت لسة موجودين وده كلنا رافضينوا وعايزينه يتغير النهاردة قبل بكرة لأ دلوقتي قبل كمان شويه، تلاته، إللي بيمشي البلد الجيش إللي إنتي قولتي فيه وفي حلاوته مغرم يا ليل، واحنا والله معاك في جيشنا العظيم، لكن ما تنسيش الجيش مش لعيب سياسة، ومالوش بكل سراحة في الإدارة المدنية، وعقول رجالة العلمية تسعين في المية منها عسكرية، فلازم نساعدة وما نحملهوش أكثر من طاقته، وبالمناسبة كلمتك نحميييييييييييييه دي صح مية في المية بس من ميين. أقولك دلوقت. أربعة، يووووووووووووووه ربنا يصبرني عليكي وعلى بتوع الثورة دول، والله حاسس إن إنتوا خواتي اللي أمي ما ولدتهمش، ماشي، قولنا إيه أربعة، الناس بقي حببيبة النظام السابق قولي بلطجية على أمن على أحزاب بت تيت على صحافة على إعلام، دول مش شوية صغيرين ولازم نعرف إنهم مش ساهلين، وبيكرهونا وبيكرهوا نفسهم وكل همهم دلوقتي ينتقموا ويشوهوا ويخربوا ويعموا العين ويضللوا الأفكار، دول بقى نتعامل معاهم إزاي، وأنا رأيي إن نسبة كبيرة من الأعتصامات والمظاهرات الفئوية هيه بإس الناس دي ، عشان يشوهوا الثورة الطاهرة وعطلوا نجاحها وتحقيقها لمطالبها، وكمان ليشوشوا ع الجيش، وهما هما إللي بيقدموا بلاغات كيدية بالهبل عند النائب العام عشان يأرفوه، بس ماشي يا ولاد ال..... إحنا إللي طهرنا البلد من أسيادكم وهنطهر البلد منكم قولوا إن شاء الله، أكمل..، هكمل وأمري لله، نمرة خمسة بقة وما تزعليش مني، بعض شباب الثورة الأطهار أنفسهم ضحكوا عليكوا ووقعوكوا في الفخ، حبة يطلعوا ع التليفزيون يحكوا مغامرتهم، وحبة يكونوا إئتلاف رافض لكل حاجة، وحبة بيفكروا يرشحوا منهم رئيس ، يا جماعة أكبر مكاسب الثورة دي إنها قضت على الرمووووووووووووز مفيش بعد كدة عقلية القادة إللي معاهم خاتم سليمان وهيرضعونا بالبزازة، لازم نعرف إنت عايز تبقى قائد، تعالى إنت مين لا مش اسمك ، هتعمل إيه للبلد وعايز تيجي هنا ليه وإيه برنامجك، هندي كبالقديمة لو تلعب بديلك، وعموما إنت اتكلمتي كتير في ده وأنا معاكي في قلتيه قبل كده عن القائد، ياريت ده يوصل لأحبابنا الثوار ومحدش يضحك عليهم ولا قناة ولا جرنال. ستة ييييييييييييييييه لسة ، أه، ننزل بكرة وإللى ما ننزلش، أنا بقى بعد تفكيرن عميقن ونظرن ثاقبن وتمحيصن بالغن طبعن ده هجص إللي بقوله لكن، ننزل ننزل ننزل على بركة الله، بس حزاري حزاري حزاري الراجل زي ما قالة نوارة لسة ديله بيلعب ، وحيحاول يلعب بكرة قوي ياريت نقطعة، إزاي ، اقروا تحذيرات نوارة في المقال السابق وسامحوني طولت شوية.

Yosha said...

ثورات صغيرة في دول العالم أنجزت منجزات عظيمة،
فحرام ثورة كهذه التي نشهدها، ويشهد له العالم كله أنها أعظم الثورات في التاريخ كله، حرام أن تنتهي بهكذا نتائج ممكن أن يقوم بها شويّة ضباط.
____

إحنا ولاد مصر said...

رجاء الكل يطلع مش بكرة بس لأ كل جمعة ياجماعة فيه محاولة مستميتة للالتفاف حول الثورة أبطالها طبعا فلول النظام اللي لسه موجودين وماجرالهمش أي حاجة، الأستاذ بلال فضل لسه قايل دلوقت ف برنامج واحد من الناس ان حبيب العادلي اللي بيقولوا محبوس علي ذمة التحقيق طلع تصريح قال فيه ان مافيش أي تحقيق معاه، وأنس الفقي لسه حر طليق وبيتوعد محمود سعد والثوار وبيقول ان معاه مستندات تثبت ان الثورة دي ممولة من جهات أجنبية وليها أجندات، صفوت الشريف ماحدش جه جنبه، وزيه مفيد شهاب وفتحي سرور، أحمد شفيق النهاردةظهر علي نايل لايف ولما لميس الحديدي سألته : وسيادتك مااتعاطفتش ليه مع الثوار؟ راح رد عليها قال لها: إيه؟ راحت قالت له ماتعاطفتش ليه مع الشباب، الراجل لسه رافض ان اللي حصل ده ثورة ولا زال بيتعامل مع الثوار علي أنهم شوية عيال ، منتهي التعالي، ده غير انه النهاردة كان عمال يدافع عن مبارك ويقول انه ماكانش ناوي يورث ابنه وان الخطة كلها كانت خطة سوزان وجمال، يااخواننا ده قال بصراحة مستفزة انه لسة مكلم الرئيس من تلات ايام وان صحته كويس، الراجل ده لازال يتعامل من منطلق ان مبارك هو رئيسه وولي نعمته، أرجوكم ياجماعة انزلوا الجمعة دي وكل جمعة ولا تدعو الفرصة لعملاء النظام للالتفاف حول الثورة، وشكرا يا نوارة ليكي ولأبيك العظيم