Tuesday 15 February 2011

المستشار طارق البشري يرأس لجنة تعديل الدستور

الحممممممممممممد لله ان طارق البشري هو رئيس اللجنة، كده ينفع الواحد بقى يكلمه ويقول له نفسه في ايه
اما اقول بقى اللي انا نفسي فيه واهي فرصة يا شباب اللي نفسه في حاجة يقولها
1- نفسي فيها ان التصويت على الدستور يبقى بالمادة مش على الدستور كله
2- نفسي رئيس الجمهورية ده يتبهدل.. يتمرمط كده، تتقلل صلاحياته اولا، ما يبقاش تعديل الدستور من صلاحياته، ولا حل مجلس الشعب والشورى من صلاحياته، يبقى تعديل الدستور من صلاحيات المجالس النيابية (وضمان ان المجالس النيابية تعبر عن الشعب دي حاقولها في رقم تاني) ويبقى فيه قوانين واضحة تحت اشراف قضائي هي اللي تحدد امتى يتم حل مجلسي الشعب والشورى لما يفقدوا شرعيتهم وامتى يتم اجراء انتخابات مبكرة وفقا للقوانين وتحت اشراف القضاء، ولجنة قضائية شغلتها تتابع ده، وتتكتب وظيفة رئيس الجمهورية دي بالتفصيل بحيث انه يبقى تحت رحمة الشعب كده، يبقى موظف عند الشعب، ويبقى عليه رقابة شعبية، وقت ما الشعب يحب يعزله يعزله، ويبقى هو ماشي خايف كده من الشعب وبيحلم بيه بالليل ويصحى من النوم مفزوع: سامحوني سامحوني، ويبقى خدام عندنا، عايزين نمخمضه كده، خلاص، ما عادش الرئيس الاب، ولا عاد الفرعون، ده موظف عند الشعب، له صلاحيات محدودة، بمعنى انه مجرد واجهة تمثل ارادة الشعب اللي بتتبلور عبر المجالس النيابية والمؤسسات والمحليات اللي كلها تبقى بالانتخاب تحت رقابة مشددة من القضاء
3- القضاء يبقى مستقل آخر حاجة، النائب العام يتم انتخابه، رؤساء المحاكم يتم انتخابهم، ماحدش يكلم القضاء اساسا غير الشعب والصحافة، القضاء ده سلطة لوحدها كده محكومة بالقانون المكتوب، ويبقى على مؤسسة القضاء مؤسسة رقابية ولتكن برضه المجالس النيابية اللي بتمثل الشعب، يعني ماحدش يكلم القضاء غير الشعب من هنا ورايح، وماحدش يراقب نواب الشعب عشان يتأكد انهم نوابه فعلا وممثلين له فعلا الا القضاء من هنا ورايح، وتتلغي وزارة العدل، تبقى الرقابة على القضاء من الشعب وبتفعيل القانون
4- رئيس الوزراء يبقى بالانتخاب والرقابة عليه من الشعب، والمحافظين بالانتخاب برضه، ورؤساء المؤسسات بالانتخاب، احنا عايزين نعيش حياتنا من هنا ورايح ننتخب وباشراف قضائي بس، ومافيش فرد امن يدخل ولا يعتب خيمة الانتخابات، يبقوا واقفين برة كده، ويبقى للمواطن صلاحية انه كل ما يشوف فرد امن يديله على وشه
5- زي ما قلنا رؤساء المؤسسات بالانتخاب، المحافظين بالانتخاب، المحليات طبعا، والمجالس النيابية الشعب والشورى بالانتخاب ومافيش كرسي واحد يبقى فيه تعيين، خالص، رئيس الجمهورية الكلب ده ما يعينش اي حد في المجالس النيابية، ده يتبهدل ده، من هنا وجاي، ده يبقى خدامة بكيزة، والانتخابات تبقى باشراف قضائي وتتلغي كل القوائم الانتخابية دلوقت حالا، والانتخاب يبقى بالرقم القومي في كل حاجة، مافيش بطاقات انتخابية، ومش بس الانتخابات تبقى تحت اشراف قضائي، ده الحملة الانتخابية بتاعة كل مرشح تبقى تحت عين القضاء عشان لو دفع فلوس ولا وزع وجبات يصدر حكم ضده انه يتمنع من الترشح طول عمره وما يعديش تاني جنب المجالس النيابية لو رايح مشوار يلف من شارع تاني، وعقوبة الرشوة وشراء الاصوات تبقى بهدلة بهدلة كده، اللي يعمل كده يركبوه الحمارة بالمقلوب، ويبقى فيه لجنة قضائية تراقب النواب اللي تم انتخابهم للتأكد من انهم بيمثلوا اللي انتخبوهم فعلا، ولو اتقفش بيهوبص يتبهدل بهدلة مافيش انسان اتبهدلها في حياته، وكمان يبقى فيه لجنة من المجالس النيابية تراقب مراقبة القضاء، بحيث كل واحد يبقى صباعه في بق التاني يقوم يبقى فيه نزاهة، ومجلس تشريعي يعني مجلس تشريعي، يعني نواب الشعب هم اللي يشيلوا ويحطوا تحت اشراف القضاء للتأكد من ان ده بيعبر عن الناس
6- اطلاق حرية تشكيل الاحزاب تماما، اللي عايز يعمل حزب علمني العوم والنبي يا احمد ياخد ترخيص، بس يبقى فيه رقابة مالية عليه عشان الفساد، واطلاق حرية الصحافة اللي عايز يطلع جرنال تحت السلم يطلعه، من غير رقابة غير الرقابة المالية برضه عشان الفساد
ادي اللي نفسي فيه في الحريات ودولة المؤسسات وبرضه يمكن نسيت حاجة اكيد في التعليقات حد حيبقى نفسه في حاجة
نيجي للبند التاني
7- العدالة الاجتماعية: يبقى فيه حد ادنى للاجور وحد اقصى للاجور، مافيش حاجة في الدنيا كلها اسمها بني ادم في مؤسسة ياخد ميت الف جنيه وفي نفس المؤسسة واحد بياخد ميت جنيه، ابدا دي ما تحصلش، ابدا ابدا ابدا، ولا في وزارة واحدة
يبقى حد ادنى للاجور في كل الدولة 1200 جنيه، وحد اقصى للاجور في كل مصر 20 الف جنيه، في كل القطاعات العامة والخاصة والمقلمة والمنقطة والسامبوكسات ويبقى رقابة مشددة على الدخول ويتم تفعيل قرارات الجهاز المركزي للمحاسبات، ويبقى مستقل وتحت اشراف لجنة قضائية. 
8- حقوق العمال والموظفين من رعاية صحية وضمانات اجتماعية وضمانات وظيفية في كل القطاعات خاصة الخاصة، لان القطاع العام ماحدش بيترفد فيه، كمان القطاع الخاص مش حر يرفد حد على كيفه كده، وعلى اللوائح الداخلية الا تتعارض مع قوانين العمل العامة الضامنة لحقوق الموظفين والعمال
9- اعانات البطالة والمحتاجين، ووزارة الشئون الاجتماعية تتحط تحت اشراف لجنة من المجالس النيابية ولجنة قضائية ولجنة من الجهاز المركزي للمحاسبات عشان الوزارة دي فيها سرقة السنين، ويتم حصر سكان العشوائيات واللي بيعانوا من الفقر والبطالة وعلى وزارة العمل والشئون الاجتماعية انها يا توفر لهم فرصة عمل باجر مناسب يا تصرف لهم اعانة ورعاية صحية 
10- التأمين الصحي يبقى تحت رقابة من المجالس النيابية والجهاز المركزي للمحاسبات ومافيش حاجة اسمها علاج على نفقة الدولة، فيه تأمين صحي لكل الناس، كل مواطن غني او فقير، كل الناس تتعالج بنفس المستوى وفي نفس المستشفيات وبنفس الاستعدادات مافيش حاجة اسمها واحد رجل اعمال يروح يتعالج في مستشفى استثماري وغلبان يتعالج في مستشفى الحانوتية، كله يتعالج بنفس المستوى، زي انجلترا كده
11- كذلك التعليم (هو كل ده ينفع يبقى في الدستور؟ لو ما ينفعش خلوه ينفع) التعليم برضه يبقى زي انجلترا، المدارس تبقى للغني والفقير وكله يتعلم بنفس المستوى وفي نفس المدارس والمدارس الاهلية المفروض ان يبقى مستواها اقل من المدارس الحكومية، المدارس الحكومية دي بتتمول بميزانية دولة، والمدارس الاهلية بتتمول بميزانية افراد، يبقى المنطقي ان المدارس الحكومية يبقى مستواها اعلى، والتعليم مجاني، لاننا بندفع ضرايب، وكمان الفلوس خلاص ميزانية الدولة مش حيروح تلتينها لوزارة الداخلية زي ايام المقبور، حتروح للتعليم والصحة... اه، تلتين الميزانية يروحوا للتعليم والصحة وده يبقى مكتوب في الدستور
-----------
انا خلصت كل اللي انا فاكراه
ناقص اقول حاجة: الناس اللي ماتت كانت بتقول: تغيير، حرية، عدالة اجتماعية
واحد التعليقات اللي اتقالت على الثورة المصرية: الشعب الوحيد اللي ساعة الصلاة كله بيصلي، وساعة الرقص كله بيرقص
يعني اللي ماتوا ما ماتوش عشان مصر تبقى السعودية ولا كمان عشان مصر تبقى تركيا ولا فرنسا
اللي ماتوا كانوا بيصلوا ويرقصوا
من الاخر كده، الناس مش حتصوت على الغاء المادة التانية
وكمان مش حيصوتوا على دولة اسلامية
هم عايزين دولة مؤسسات ديمقراطية يتم تمثيل كل طوائف الشعب فيها وفي نفس الوقت تحتفظ بشخصيتها وهويتها
اي حد بيرفع شعارات الشعب ما رفعهاش يبقى بيفتئت على الشعب اللي قدم التضحيات وشهداء، ومش حيتم فرض نظام اسلامي ولا حيتم الغاء المادة التانية الا بقمع الشعب، وما اعتقدش ان الناس دي ماتت عشان تقمع
يبقى اللي بيفتح مواضيع هو عارف انها لا تلقى قبولا لدى الشعب اللي قام بالثورة - بدون قيادات بدون قيادات بدون قيادات - مجرد عايز يشتتنا ويدخلنا في مهاترات مالهاش معنى
مصر هي مصر... الناس بتصلي وترقص، وعايزين عدل وحرية، اللي هم عايزينه يتعمل لهم وبس

148 comments:

Magdy El-Serafy said...

النزول بسن المرشحين الى أقل حد ينفع ينزلوا بيه

Nahla Anwer said...

نوارة، حاجة كمان والنبي... الإسكان. الناس اللي في العشوائيات من حقهم يعيشوا في بيوت عدلة مش بس ياكلوا ويتعالجوا. ولازم يبقى دى حق دستوري للمواطن، إنه يسن.

بقترح إن المدن اللي رجال الأعمال الفاسدين كانوا بيعملوها قال ايه للشباب وبعدين يسقعوا الشقق للناس الواصلة أو يخلوا أسعارها خيالية...أصلاً كانوا بياخدوا الأرض تقريبا ببلاش، ويبنوا بقروض... يعني كلها سرقة... ما المدن دي تبقى لإسكان بتوع العشوائيات والمتضررين من كوارث وقوع العماير والزلازل وكل ما شابه من كوارث طبيعية وبشرية... ولما ننقلهم، العشوائيات تتنسف خالص، ويتبنى مكانها عمارات نضيفة، وتبقى الأولوية للي كانوا ساكنين في العشوائيات ديه إنهم يسكنوا في العمارات الجديدة اللي اتبنت مكانهالو هم عايزين.

Unknown said...

والله عندك حق ياريت اللى انتى كاتباه واللى الاخت نهله انور كاتباه يتحقق دا انا مش عايزة اقولك كده هنبقى فى المدينة الفاضله

ENGINEERIZER said...

نسيتي موضوع ان المجلس "سيد قراره" ده لازم ينتهي

كمان تعديل المواد اللي بتحدد دور وصلاحيات جهاز الشرطة وإخضاعه لرقابة قوية من البرلمان والقضاء

كمان حل جهاز مباحث امن الدولة وتشكيل جهاز جديد يخضع لوزارة العدل او للقوات المسلحة او للرشرطة بس برقابةمشددة من القضاء

كمان ان الرئيس ميبقاش الرئيس العلى لهيئة الشرطة ولا مجلس القضا الاعلى ولا رئيس اي حاجة إلا وظيفته كرئيس الجمهورية

انا مش مع ان رئيس الوزراء يبقى منتخب احنا عاوزين نظام رئاسي برلماني الحزب اللي يكسب الانتخابات يشكل الحكومة وتاخد ثقة البرلمان

بس والله الموفق

أبو أمك said...

وأنا تفسي في بطاطس وبيبسي مع الدستور

Unknown said...

شكرا

Magdy El-Serafy said...

مش عارف كانوا اختفوا فين بتوع البطاطس. أديهم رجعوا

Nicholas Urfe said...

عمليا ازاي الناس مش هتصوت على دولة اسلامية وف نفس الوقت مش هيلغوا المادة الثانية من الدستور؟

ايه الحل الثالث؟
لو سمحتم حد يفهمني..
انا مش فاهم ، يا اما علمانية يا اما دينية ..اما لو الاخوان وصلوا للحكومة فمش هيطبقوا علينا الاسلام وانما رؤيتهم السلفية للاسلام ، والله المستعان..
----------------------
بخصوص طارق البشري ، الرجل في بعض كتاباته يتنكر للمواطنة والمدنية ويتكلم بمنطق ديني.

ازاي يحطوا شخص صاحب توجه ايا كان توجهه رئيس للجنة ويحطوا واحد من الاخوان في اللجنة ( مع احترامي للاخوان ) ؟ واين التمثيل العلماني في لجنة الدستور؟
عموما لن نستبق الاحداث ولنر.ومقدر ومكتوب في النهاية !
---------------------------------
انا مؤمن انه لو العلمانيين عايزين يبقى ليهم وجود فقدامهم سكة طويلة من العمل وتثقيف الشعب المتدين فطرياوايجاد حلول لطمأنة الشعب ان ما يقولونه لا يتعارض مع الدين وليس كفر، وعرض وجهة نظرهم عليه ومحاولة ايجاد قبول شعبي لهم وأيضا الكتابة والدخول في حوار مع جميع الاطراف، واعتقد ان الصحافة بكل اشكالها هيكون ليها دور حقيقي في نهضة مصر الفترة الجاية.

hossam said...

عارفه يا نواره
مقالاتك ايام الثورة كان ليها مفعول السحر...والله
طبعا كل اللي قولتيه اكيد كل الناس اللي عاشت اجمل ايام عمرها في التحرير بتطالب بيها
نضيف كمان
قانون يجرم النفاق...من الاخر كده, اللي يبان قدام الناس انه بينافق رئيس ولا وزير ولا اي مسئول يتعلق من رجليه
مش عاوزين ناس مطبلتيه, عاوزين ناس بتقول اه الراجل ده عمل كده, لأ الراجل ده ماعملش حاجه او غلط في كده
مش عاوزين ننفخ في اي حد مهما عمل, كل المسئولين من دلوقتي يبقوا خدامين للشعب,كلهم من اصغره لاكبرهم
عاوزين نبدأ نشوف ولاد الوزرا والمسئولين واقفين معانا في خندق واحد,بيدوروا علي شغل زينا, بيدخلوا الجيش زينا, بيتحاسبوا زينا
كمان...الأسعار تبقي تحت سيطرة الدولة بناءا علي مستويات دخل الناس, مافيش حاجه اسمها كل واحد مع نفسه ومتر الارض ب 5000 و 6000 جنيه
يبقي فيه امكانية لكل شاب انه يبقي ليه شقه الدوله تدعمهاله وتسهله شراءها
المرتبات تبقي بناءا علي مستوي التعليم لكل واحد, بمعني...يتم توفير نفس مستوي التعليم لكل الناس وبعد كده كل واحد وشطارته
اللي يبقي دكتور يبقي دكتور واللي يبقي مهندس يبقي مهندس واللي يبقي محامي يبقي محامي
وفي المرتبات,مهندس في شركة بترول لازم يقبض زي مهندس في الصرف الصحي طالما نفس السن وسنة التخرج واللي يفرق بينهم الاجتهاد في العمل والتقارير اللي تبقي بجد ( مش كل الموظفين امتياز )
عاوزين عداله في كل حاجه, حتي في نفس الهواء اللي الناس بتتنفسه

Unknown said...

نوارة انت قلت أن موضوع الشهداء ده قضيتك الأساسية
الراجل ده كاد أن يكون من الشهداء
العجيب أن أكتر حاجة آلمتنى لما قال أن اللى قال له أنه حيطلب له الإسعاف...سرقه
الظاهر أنى كنت مفرطة فى الفاؤل
المهم.. تقدرى تساعديه فى قضيته؟
http://www.facebook.com/#!/permalink.php?story_fbid=194330033929336&id=545896368&notif_t=share_comment

Unknown said...

المدة الرئاسية الواحده 4 سنين مدتين او 6 سنين مده واحدة مش زى ما كان بيتروج لمدتين المده 6 يعنى 12 سنه كتييييير اوىىىىى اتناشر

dr_abdog said...

الكلام ده جميل بس صعب كله يتطبق على الأقل في الوقت الحالي لأن في ظروف اقتصادية صعبة ده غير ان الفساد في المؤسسات الحالية زي السرطان وهايحتاج وقت لاستئصاله
أنا باقترح إن مجلس الحكماء يجتمعو ويشوفو ايه اللي ممكن يبقى موجود في الدستور الجديد وايه اللي ممكن يتحط له جدول زمني لتنفيذه
بس يا رب كلامنا ده يوصلهم

Nicholas Urfe said...

بما انك جيتي على سيرة التعليم،

نفسي البحث العلمي يكون مربوط بالمجتمع ، يعني رسائل الماجستير والدكتوراه يتاخد بيها ويستفاد منها في تطوير المجتمع وما تترميش في المكتبات ويبقى كل الهدف منها هو الحصول على حرف قبل الاسم..

عشان نكون مجتمع علمي ونهضته مؤسسة على العلم

Nicholas Urfe said...

ومتفق معاكي في باقي النقاط اللي قلتيها وبتطالبي بيها ، دي حاجات بديهية

Unknown said...

نوارة انا معاكى فى كل كلمه بس انا عايزة اقولكم انى خايفه اوى يا نواره بجد ذيول النظام لسه مستمرة على النت و المواقع الاخباريه بتبث سمومها و ده حاجه مطمنش بيشككوا فى نزاهة دكتور طارق البشرى و الى معاه و عايزين يعملوا مظاهرات مليونية لالغاء الماده التانيه من الدستور و كلام غريب
و كمان انا معاكى طبعا انه مطالب ملاحقة الفاسدين فى كل المصالح مطلوب بس الموضوع قلب انه واحد عايز علاوة و عايز يتعين دلوقتى حالا قبل بكره يا نوارة الناس الى ماتت كانت بتطالب بالحرية و العدالة للكل و ده مش هيحصل طول ما فى اضرابات عشان علاوة او زيادة اجور لازم عجلة الانتاج تمشى الاول الحكومه بتسكت الناس بانها بتسحب من الاحتياطى النقدى لمصر شفيق واخد تعليمات يسيبها خرابه للى بعد مبارك عشان نقول و لا يوم من ايامك يا مبارك لازم مطالبات الناس ده تكون بتغيير الادارت الفاسده و يسيبوا موضوع الاجور و العلاوات ده قدام لحد ما البلد تستقر و عايزه اقولك اغلب الناس الى بتتظاهر دلوقتى ده هم نفسهم الى كانوا بيشتموا متظاهرين ميدان التحرير و باقى ميادين مصر و يتهمومهم انهم خربوا بيوتهم

Unknown said...

والله العظيم انتى عسل
بس معلش يعنى سؤال كده بره الموضوع انتى متجوزة ولا لا

Unknown said...

عسل والله
سؤال صغير لو سمحتى انتى متجوزة او مخطوبة

lastcrazyboys said...

على فكــرة انا لاحظــت ان فيـه حـاجة خطيرة حصلت امبارح .. دخلت بالصدفة على موقع مسيحي .. لقيت حد بيتكلم بطريقة " شفــتوووا أهم الاخوان اللي كنتوا فالقينا انهم بيعاملوكم حلو في المظاهرات ومطلعوش عوو ولا حاجة ..أهم بانوا على حقيقتهم ..وعايزين مصر تبقى اسلامية وهيطلعوا ديـن ابوكو " مش عارف ليه ساعتها حسيت ان الصـوابع اللي كاتبة الكلام ده منفـدة على لاظوغلي

!!!!!!!!!؟؟

بالموناسبـــة : المفروض فعلاً يحطوكي في لجنة الدستور يا فتــاة :)
وسبحاااان الله لسة بتكلم في موضوع الميزانية تبقى تعليم وصحة والباقي احنا هنتصرف .. طبعا الكل كان هياكلني : ازاااي ..احنا دولة عسكرية

بس احنا لززمن نركز على الحقوق الأربع

السكـن

الصحــة

التعليم

العمــل

ونزود عليهم حاااجة مهمة قوي ..الأمن

محدش أبدع في الأيام اللي فاتت دي اللي لما حس بالأمن

محدش يضحك عليكي ويقولك كنا مفزوعين م البلطجية ..بالعكككس احنا بنتلكك عشان نحب بعتشينــا والله..بس يدونا فرصــة

Unknown said...

لا مافيش يا اما يا اما دي في مصر

في مصر الدين مكون اساسي في الثقافة، بس ما ينفعش يبقى هو اللي مسيطر زي ايران مثلا
لكن ما ينفعش يتم تنحيته زي فرنسا وتركيا
هو بقاله سبعتلاف سنة له مكان معين ودي تركيبة الشخصية المصرية، سواء مسلم او مسيحي
المصري، بصرف النظر عن دينه، لو ما صلاش وصام ينتحر
ولو ما رقصش وغنى يكتئب
لازم يعمل الاتنين عشان حياته تتوازن ودي تركيبته وماحدش يحاول يغيرها
المادة التانية بتقول: مبادئ الشريعة الاسلامية المصدر الرئيسي للتشريع
دي مش دولة دينية
ولا علمانية
دي هي كده مصرية
ما تضايقوش الناس.. بعض العلمانيين وبعض السلفيين شبه بعض والاتنين بيضايقوا الناس

Unknown said...

لا يصح الافتئات على الشارع

اعرضوها للاستفتاء

magdy shaheen said...

اعضاء مجلس الشعب والشورى لا يتمتعوا باى حصانة الا تحت قبة البرلمان فقط علشان المستفدين بالحصانة المرتزقة بهذا الوضع لن يرشحو انفسهم وهيبقى النواب من الشعب للشعب فقط وتفعيل قانون محاسبةالوزراءووضع بند لعدم اخفاء اى موارد للدولة وان لا تكون هناك موارد سريةللهبش منها وتوضع ميزانية واضحة لرئيس الجمهورية يوافق عليها نواب الشعب لا يتعداها

admin said...

كمان القطاع الخاص اتبهدل يعنى كل ما الحكومة كانت تطلع علاوة ولا قرار تقول الجهاز الادارى للدولة على اساس ان اللى شغال فى شركة خاصة مش عايش فى البلد دى
كمان الصجف المستقلة اصحابها مستفردين بالصحفيين لا زيادات ولا ارباح مصطفى بكرى بيعين على 150 جنيه ومش بيدى الناس ارباح من ساعة ما بدات الجريدةرغم ان الدفاتر عنده بتقول ان فى 5% من الاعلانات بتروح لكبار المحررين بالجريدة وده غير صحيح كمان بيعرف يطلع نفسه خسران وقت ما يحب
انا بكره الراجل ده اوى

lastcrazyboys said...

انتي جبتي الخلاصــة .. هي دي الشخصيـة المصرية

احنا لا سعوديين ولا امريكـان واوربيين

بالضبط كــده
===
بس لي عتـاب عليكي يا نوارة الانتصــار

منفضـة خاالص للناس دي كده ليييه

صدامـات في ثـورة البحـرين

ثـورة اليمن تجتـاح صنعاء وتعز

الثـورة الجزائرية تحيا من جديد

انا عااارف اننــا في مفتـرق طرق ..بس احنا لا ممكن نكون لوحدينا

دول بتوعنــا

monna said...

حرية العقيدة و عقاب صارم للأطهاد بسبب الدين مع التمسك بالمادة التانية من الدستور مع ان الشريعة بتأيد دة بس لازم يتنص علية عشان مايجيش حد مخة متحجر يسمح بحرق البهائيين ويمنع المسيحيين من الوظائف المهمة و من بناء الكنائس

مش فاهمه said...

اهم حاجه التعليم و الصحه انا ايمانى بالثورة كان علشان الحاجتين دول اساسى
عايزين انتخاب بالرقم القومى و عايزين الناس اللى فى الخارج يقدروا ينتخبوا
مش عايزين اصناف التعليم الهلاميه ايشى حكومى و ايشى خاص و ايشى انترناشيونال و حكايه التعليم المتميز اللى فى الجامعات ده شئ مستفز لما يبقى واحد فى هندسه بدخل مدرج حقير و التانى مكيف علشان ده مميز وده لأ و هم فى نفس الجامعه
عايزين شيخ الأزهر يبقى راجل منتخب و محترم و له كلمه مسموعه
مش عايزين وزارة اعلام
عايزين حريه احزاب
عايزين حد اقصى للأجور
عايزين اهتمام بالبحث العلمى و مش عايزين وظايف المستشارين دى
عايزين المعلم ده يبقى اهم واحد فى الدوله الجديده
عايزين نلغى مباحث امن الدوله دى و الشرطه يبقى فيها تغيير شامل امناء الشرطه امبارح حالهم يصعب على الكافر مرتباتهم خمسميه جنيه كأن الدوله بتقولهم كملوا مرتباتكم رشاوى و اكراميات \
و اخيرا عايزه ايميلك يا نوارة مومكن و الله

مش فاهمه said...

نسيت كمان حاجه مهمه مش عايوين نسبة الفلاحين و العمال دى
عايزين ننتخب النائب مع انتخابنا للرئيس
عايزين ضمان للأطفال فى ممارسة الرياضه حرام النوادى الغاليه دى
عايزين الأراضى دى تتوزع على المصريين و مش عايزين بناء على الشواطئ الشواطئ دى ملك المصريين مش ملك اللى يقدروا بس
مش عايزوين امن مركزى نهائى
مش عايزين اعتقالات و معتقلين
لما افتكر حاجه تانيه حأقولها

مدير التحرير said...

ماينفعش الحد الأعلى للأجور لأنه في وظائف بتأخذ نسبة من الارباح زي العضو المنتدب للبنك

علان العلانى said...

ان يكون دستورا معبرا عن قيمة هذه الثورة المؤيده الأبيه العظيمة

وان يليق بتضحيات هذا الشعب الكريم الحر

وان يجسد أحلام شهداء مصر الذين قدموا ارواحهم فداء للشعب

أن يكون لنا ولاؤلادنا ومستقبلنا ولا يكون علينا

ان يكون واضحا لكل من يتقدم لقيادة هذا الشعب انه خادم له وليس الملهم المنقذ والفرعون

ان تكون السلطة لخدمة الشعب وليس المحافظة على النظام

ان يكون الجيش جيش مهمته حفظ امن الوطن وليس قمع الشعب

بـراااح said...

نوارة ... اولا تسلم ايديكي وقلبك وعقلك ربنا يحميكي لمصر يا رب
ثانيا انا باتفق معاكي ومع نهله في موضوع العشوائيات لانهم طاقة بشرية واتظلمت كتير قوي لكن مش بس الدولة تضمن لهم حقهم كمان احنا كشباب لازم يكون لينا دور في ده عشان الناس دي تحس بالانتماء لمصر بدل احساسها بالظلم وبكده يبداوا ينتجوا
بقلب
ثالثا يا ريت لو معاكي عناوين اهالي الشهداء او تعرفي حد لاننا عاملين جروب وعايزين اول حاجه نزورهم . انا بعتلك رسالة عالفيسبوك في الانبوكس بتاعك امبارح يا ريت لو نقدري تساعدي في الموضوع ده تقوليلي
تحياتي

Unknown said...

اه بالنسبة للكلام عن ان المستشار طارق البشري اسلامي

المستشار طارق البشري رئيس اللجنة اللي فيها يحيى الجمل مثلا وهو ليبرالي

وما يصحش انكوا تتكلموا عن القضاة بتياراتهم السياسية لان ده فيه تهجم على حقهم في تبني اللي هم عايزينه

اللي عنده اعتراض على النزاهة والكفاءة المهنية يتفضل يقدم دليل

لكن انتوا مش حتربوا الناس

طيب لو رئيس اللجنة يحيى الجمل وهو ليبرالي، انا شخصيا عندي اعتراض على التوجه الليبرالي

بس لو كان هو رئيس لجنة فيها ناس تانية ما كنتش حاعترض

لو يحيى الجمل هو اللي حيحط الدستور لوحده كنت حاعترض لانه مش حيهتم غير بالحريات ومش حيهتم بالعدالة الاجتماعية ومش حيهتم بالهوية الثقافية والقضايا القومية وحقوق العمال حتتشنير

لكن لو هو رئيس لجنة فيها تنوع من اتجاهات مختلفة يبقى مافيهاش حاجة

المهم النزاهة

ونزاهة طارق البشري زي الالماظ

KB said...

يا جماعه اهدوا شوية ..وخلينا نفكر الاول وبغدين نتكلم ..حماسة الثورة والنصر اللي حصل واخدانا كلنا ..
بس احنا بنتكلم عن الدستور .. الدستور مش مجلة ميكي
الدستور ده هو العنوان الخطوط العريضة الي بتحدد توجه الدولة واهدافها ومحددات تعاملها مع العالم الخارجي والداخلي ..
علشان كده الدستور ده كتاب المباديء .. الكتاب المقدس لكل شعب بعد الكتب السماوية ..
الدستور ما ينفعش يتحط فيه شروط وتفاصيل محددة بالشكل ده ..لان ده معناه ان الدستور حيبقي جامد ومش متطور ..
مقلا نوارة عاوزة ان نحدد ان 2/3 من الميزانية للتعليم والصحة .. طيب افترضي اننا مع التطور احتاجنا اكتر من كده للتعليم والصحة ؟؟ الدستور ما ينفعش يمنعنا ..
افرضي قامت حرب واحتاجنا للدفاع عن الوطن .. لازم نزجه الميزانية للمجهود الحربي والجيش ما ينفغش الدستور يدعم منع الاموال عن كده
الدستور نرجع ننص فيه ان التعليم والصحة حق لكل مواطن وتلتزم الدولة بتوفيره وتتساوي فيه الحقوق بين فئات الشعب غامة ..
ما ينفعش ننص في الدستور علي العشوائيات ومعالجتها ..ده ما يبقاش دستور ده ولا حتي روزاليوسف ..
لكن النص يكون حق كل مواطن في سكن كريم وادمي تلتزم به الدولة ومرتبط بمتوسط الدخل القومي لكل طبقة اقتصادية في المجتمع ..
الحاجات اللي لازم نركز عليها تكون الالية التي تعطي المجتمع الحق في التغيير واللقدرة علي ذلك
يعني لازم يتنص صراحة علي حق المواطنين في التعبير عن رأيهم دون قيود ودون موانع ..يعني المواطنين يهبروا عن رأيهم ..العملاء يعبروا عن رأيهم ..المسلمين يعبروا عن رأيهم والاقباط يعبروا عن رأيهم ..واليهود يعبروا عن رأيهم .. والملحدين لو حبوا يعبروا عن رأيهم لازم الدستور يديهم الحق ده .. حرية تعبير دون قيد او شرط ..
لازم يتنص في الدستور ان هناك وزارة لحقوق الانسان ..وزيرها وموظفيها وظيفتهم تكون التأكد ان المصريين ينالون كل حقوقهم الادمية والمشروعه ..من تغليم وصحة واسكان وتغذية ومشرب نظبف وامن .. من اعلام حر وصحافة غير مقيدة .. وهذا الوزير بالامتخاب المباشر من الشعب مش يتعيين ولا يرأسه احد الا الشعب ولا يرفع تقاريره الا الي البرلمان ..
الدستور لازم ينص علي ان الشريعه الاسلامية مصدر للتشريع لكن لازم يدي القباط حقهم في الالتجاء الي احكامهم فيما يرد به نص ويخص تعاملاتهم بينهم وبين بعضهم ..
الدستور لازم يحط حدود لا يمكن تجاوزها للامن والشرطة ويحرم التعذيب باي شكل من الاشكال .. والمسئولية تكون في ذلك شخصية ..ما ينفغش اللي كانوا بيضربونا بالرصاص يرجعوا النهارده يقولوا ان دي كانت اوامر .. اوامر مين ؟؟ لازم يتحاسبوا
الدستور لازم يقول للقضاء ازاي يحققوا العدالة وايه الالية اللي تضمن للمواطن حقه بالقانون من غير ما يستني سنين وسنين
الدستور لازم ينص وبصراحة ان دم المصري - كل مصري - خط احمر ..وازرق واصفر واسود كمان ... لا يوج مبرر اي كان لواحد قتل واحد مصري او اتسبب في قتله .. جوه مصر او بره مصر
الدستور لازم ينص ان الجيش مسئول عن امن الشعب مش النظام او الحاكم او حتي الدستور .الدستور لازم ينص علي ان الشرطة تخدم الشعب وان دورها هو امن الشعب وليس امن النظام او الحاكم ..
الدستور لازم ينظم الانتخابات ويضمن حريتها ونزاهتها بكل الاليات الممكنة من رقابة وتشديد عقوبة وسرغه فصل في النزاعات ..
اصحوا معانا بقي يا جماعه ..وركزوا ..احنا نقدر نصلح ونعمر ونعلم ونخلي بلدنا زي الفل .. لكن الدسنور لازم يحمي ضهرنا ويأمن جوانب مسيرتنا .. والباقي سيبوه للقوانين
اهم حاجة اننا نحفظ اللي عملناه في الثورة وهو قدرتنا علي التغيير
اسف اني طولت واعتذاري لنوارة

NAGWA said...

البند التاني من الدستور مدايقهم في ايه
ليه يتعدل أساسا ممكن افهم؟

محمد نور الدين said...

ست الكل مساء الخير

تحديد الصلاحيات دستوريا يدخل في إطار التوازنات بين السلط فهو ليس تمرميط واللا أنت مش قادرة تمسكي لسانك يا بنت.
أما المطالب الاجتماعية فهذه ليست مطالب دستورية هذا عمل نقابي يخضع للمفاوضات بين الفاعلين الاجتماعيين
وقوانين السوق

وجود المفكر طارق البشري هذه ضمانة حقيقية يؤكد أن الجماعة جادين لأن هذا الرجل لايساوم ولن يتنازل


ملاحظة عامة
نوارة : الديمقراطية و الشفافية والتسامح و الرأي الآخر لاتعني مطلقا أنك تسمحي بنزول تعليقات تسيء لأعراض الناس وبنات الناس وأنت فاهمة قصدي بخاصة أنها لا تعبر إلا عن غيرة وحقد
أنا أعرف يا ست الكل أن صدرك يتسع لكن لكل شيء حد
وأيضا يجب ان تعلمي أن اصدقائك ومحبين أكثر بكثير من حسادك إلى درجة أنني فكرت أن أرحل عن المدونة بعدما كثر أصدقاؤك ، بخاصة بعد نجاح الثورة،لأنني لاأحب الزحمة و لم أتعود أن أكون حلقة في سلسة
لك أجمل التحيات ياأجمل نوارة

Anonymous said...

لازم عملية الإنتخاب يا نوارة تكون إلكترونية بجانب إشراف القضاء .

و دة هيسرع عملية الإنتخاب و يزيد من نزاهتها .

أنا فى دماغى مخطط لعملية الإنتخاب هبقى أكتبهولك هنا بعد أما أرتب أفكارى .

عطاالله said...

وما تنسوش يا جماعة ولاد الشوارع .. دي مشكلة ملحة وبحاجة لحل .. حرام وميصحش أبدا تفضل حالتهم كده .. دول أطفال ومصريين وما طلعوش من زفت الشارع

Nicholas Urfe said...

لبعض الاخوة المعلقين هنا:

مش كل ما حد ما يعجبناش رايه او نختلف معاه نقول ده ذيول للنظام..

عيب بجد...


طيب انا ضد المادة الثانية ومن زمان جدا.. ومش من ذيول النظام..ده رايي وانا حر

------------------------------

سؤال للحوار: على اي اساس تم اختيار لجنة الدستور؟
وليه فيها ناس يمثلوا اتجاهات معينة؟
ولما هيه فيها ناس بيمثلوا اتجاهات بعينها طيب الاتجاهات الثانية ليه مافيش حد يمثلها في اللجنة؟؟

Unknown said...

الاتجاهات يا نيكولاس كلها ممثلة عدا اليسار للاسف

بس ممكن الاسلاميين يحلوا محل اليسار في ضمان حقوق العمال والعدالة الاجتماعية

لكن الليبراليين والعلمانيين ممثلين

FATMA said...

الله ينور عليكي بس المهم الكلام ده ازاي يوصل للراي العام والجيش الان
وايضا فكرة وائل غنيم والافكار عبر جوجل كيف ستصل للجيش الان

يقول أنى امرأة said...

نوارة و يتقال من دلوقتى ان وقت الانتخابات ميحصلش العك الى كان بيحصل الدعايه الى بتشوهه البلد نعمل زى البلاد المتحضرة كل مرشح يطلع يقول على البرنامج بتاعه فى التلفزيون و عندهم النت و مش عايزين نشوف اليفط و العك دة ... و المرشح الى هيستعين بالبلطجيه يتمحى من الحياة كلها مش بس الحياة السياسيه ... حاجه كمان هى ينفع بجد موضوع المدارس دة يتحدد فى الدستور انت عارفه ان عشان تدخلى ابك مدرسه محترمه لازم تكون اما ناشيونال يعنى بتتكلمى على عشرة او حداشر الف فى السنه او مدرسه انترناشيونال يبقى بتتكلمى من اول 18 لغايه حاجة و اربعين الف فى السنه دة غير طبعا الحياة و الشويفات انا بتكلم ع المدارس العاديه يعنى لو عندك عيلين تلاته يبقى تسرقى بنك احسن المفروض ان موضوع المدارس دة يكون ليه وقفه ... و فيه قطاع محدش جاب عنه سيرة الريااااااااااضه انا كنت بلعب باسكت فى النادى الاهلى و المنتخب و مش قادرة اقلك على كم الفساد الى فى القطاع الرياضى كله و بالنسيه للنادى الاهلى بما انى عضوة فيه و طول عمرى كنت بلعب فيه فحدثى ولا حرج لازم القاع الرياضى و الاعلاميين المرتزقه بتع الرياضه دول يكون ليهم وقفه ...

Unknown said...

استاذ نيكولاس المستشار ماهر سامى مسيحى و موجود ضمن اللجنه الى هتقوم بتعديل الدستور

ثانيا المشكلة مش فى الماده التانيه من الدستور على فكرة المشكلة كانت فى اسلوب النظام فى التعامل و الماده ده لو طرحت للاستفتاء على الغاؤها هتسبب ازمه و مشكله من غير لزمه مفيش داعى اننا ندمر الثوره بحاجات ثانويه

Unknown said...

لازم يبقى الاستفتاء على الدستور بالمادة
مش كله على بعضه
منعا بس لتضييع الوقت
و ربك يسترها

حسن على said...

اى رئيس جمهورية فى الغالم بيشتغل موظف عند الشعب ,يعنى حسنى مبارك- اللة يرحمة - كانت جميع مخصصاتة ومصروف بيتة وولادة- بل وملابسة الداخلية ذات نفسها -على حساب الشعب ,يعنى بيشتغل عند الشعب بأجر شهرى ,وان ما عجبناش بمشى ويجى غيرة

utopia said...

لازم كمان يا نوارة تتقسم السلطات بين رئيس منتخب ووزارة تشكلها اغلبية برلمانية علشان زى ما بتقولى يكونوا ايديهم فى بق بعض وما حدش يستفرد بينا تانى- وجعل وزارة الداخلية تحت رقابة قضائية كاملة
غير كده باقى اقتراحاتك كلها موافق عليها 100%

utopia said...

اقرى ده يا نوارة ضرورى جدا

http://www.msriano.com/News/Articles.aspx?id=3728
ثائرة مصرية توكد أن وائل غنيم ليس هو ادمن كلنا خالد سعيد

Love Life said...

فى حاجة مهمة أوى يا نوارة عايزين نلغى مبدأ التوريث فى الوظائف العادية ذات الطبيعة الغير العادية زى الشرطة و القضاء مش معقول إبن القاضى يبقى قاضى من غير سبب كده , القضاء ده أمانه و مش كل إبن مستشار ينفع يكون قاضى و إلا كان نجح بتفوق فى الجامعة و دخل طبيعى بما إن حتى والده ده كان بيذاكرله ..أنا غرضى أحافظ على أهم حاجة فى مصر ألا و هى العدل , و على فكرة أنا من عيلة قضائية و الله العظيم

Unknown said...

نوارة
......

بدون زعل بس ياربت تفهمينى انتى ليه اشتغلتى مراسلة للجزيرة أثناء الثورة وكلنا متفقين على سوء نوايا الجزيرة تجاه مصر

النقطة التانية مش فاهم كلامك ان القضاة مايكلمهمش غير الشعب والصحافة..ممكن تشرحيلى أكتر؟

e said...

ﺍﻟﻤﺸﻜﻠﺔ ﻓﻲ ﺍﻟﺒﺸﺮﻱ ﻭﺍﻟﻌﺸﺮﻱ ﻭﻛﻞ ﻭﻻﺩ ﺍﻟﻬﺮﻣﺔ ﺩﻭﻝ ﺍﻧﻬﻢ ﺍﻛﻠﻮﺍ ﻓﺘﺔ ﻣﻊ ﺍﻟﻨﻈﺎﻡ ﻗﺒﻞ ﻛﺪﺓ ﻳﻌﻨﻲ ﻣﻌﺎﺭﺿﺔ ﻣﻬﺠﻨﺔ ﻳﻌﻨﻲ ﺑﻀﺎﻥ ﻋﺎﻳﺰ ﺍﻋﺮﻑ ﻟﻴﺔ ﺍﻟﺒﺮﺍﺩﻋﻲ ﻣﺶ ﻓﻲ ﺍﻟﻠﺠﻨﺔ ﻣﺶ ﺍﺳﺘﺎﺫ ﻗﺎﻧﻮﻥ ﺑﺮﺿﺔ ﻭﻻ ﻛﺎﻥ ﺑﻴﺎﻉ ﺗﺮﻣﺲ ﺑﺼﺮﺍﺣﺔ ﺍﻟﻤﻮﺭ ﻣﺶ ﻭﺍﺿﺤﺔ ﻭﺍﻧﺎ ﻣﺶ ﻣﺴﺘﺮﻳﺢ ﺍﻩ ﻭﻋﺎﻳﺰﻳﻦ ﻣﺎﺩﺓ ﻓﻲ ﺍﻟﺩﺳﺘﻮﺭ ﺗﻤﻨﻊ ﺯﺍﻫﻲ ﺣﻮﺍﺱ ﻣﻦ ﺍﻟﺘﺤﺪﺙ ﺑﺎﻻﻧﺠﻠﻴﺰﻳﺔ ﻋﻠﺸﺎﻥ ﻋﻠﻴﻩ ﺍﻛﺴﻨﺖ ﺑﻨﺖ ﻛﻠﺐ ﻓﻀﺎﻳﺤﻲ

FATMA said...

ليه يا نوارة احمد عز كان في قناة العربية ايه الهدف همه بيجمعوا بعض وحيرجعوا تاني ولا ايه وفين صفوت الشريف وعمر سليمان وزكريا عزمي
الواحد مش مطمئن

Unknown said...

ما اشتغلتش مراسلة للجزيرة
تطوعت انقل لهم الاخبار انا وغيري لما قفلوا المكتب

ومافيش نوايا للجزيرة ضد مصر، دول وقفوا جنبنا وقفة رجالة ولولاهم كنا اتدبحنا في الشارع وماحدش كان حيحس بينا

انت بتاع الجزائر مش كده؟ اقصد بتاع ماتش الجزائر وكرامة مصر والكلام ده مش كده؟

سميربس said...

بيعجبنى كلام ابو هاجر
وعادة مبعلقش لانه قال رأيى بطريقة احسن منى لو حبيت اقولها
شكرا لك و لنواره.
حلوه قوى الزغرودة و كانت أبلغ من أى كلام.

حاجات جوايا said...

الله ينور عليكى
100 100
كمان ياريت ميبقاش فيه حصانة لنواب الشعب .. لان الحصانة دى بتحصل بسببها بلاوى وتجارة اسلحة ومخدرات وادوية فاسدة وغيره
يبقى كله معرض للمسائلة القانونية من الكبير للصغير فى اى وقت واى ظرف ومهما كان

كان عمرو اديب بيقول بره بيكون فيه حصة اجبارية 20% على كل عمارة تخصص للفقراء عشان ابن الغنى يتساوى مع ابن الفقير وميبقاش فيه فروق طبقية واسعة بالشكل ده

ياريت الموضوع ده يتطبق هنا ويتسن قانون بكده عايزين الناس الفقيرة ومحدودة الدخل متلجأش للعشوائيات ولا تسكن الترب لمجرد انهم فقرا عايزين حياة آدمية لكل مواطن مصرى يتعلموا مع بعض ويلعبوا مع بعض وتبقى ثقافة واحدة ميبقاش ناس فى السما وناس فى القاع

حاجة اخيرة يا نوارة مصر
مفيش قناة يوتيوب لبرنامج ابراهيم عيسى عالجزيرة ؟
القناة مش لاقطة عندى ومش عارفة حتى اسم البرنامج ايه

دمتى فى نصر :)

Shoukry said...

حد بيرفع شعارات الشعب ما رفعهاش يبقى بيفتئت على الشعب اللي قدم التضحيات وشهداء، ومش حيتم فرض نظام اسلامي ولا حيتم الغاء المادة التانية الا بقمع الشعب، وما اعتقدش ان الناس دي ماتت عشان تقمع
يبقى اللي بيفتح مواضيع هو عارف انها لا تلقى قبولا لدى الشعب اللي قام بالثورة - بدون قيادات بدون قيادات بدون قيادات - مجرد عايز يشتتنا ويدخلنا في مهاترات مالهاش معنى

Brilliant .. I just want to add that Egyptians living abroad should have the right to vote elections.

I would like to see a section in the constitution that states the principles for citizenship. As I wanted a constitution that doesn't differentiate between people on their race or religion but I think this section will serve the purpose while we keep the second section of the current constitution. This will make everybody happy :)

Unknown said...

شكري
الله ينور عليك

Shoukry said...

Also, A section that states that the prime minister as well as the minister is responsible for his decisions and is not a secretary for the president. Only the parliament have the right to question them.

KB said...

روبرت فيسك في الاندبندنت نقلا عن محمد حسنين هيكل
"ونقل فيسك عن هيكل قوله إن «مبارك كان مرعوباً من نشر ملفات الحكومة في حال تنحيه، حيث أنه سيتم إفشاء أسرار النظام» مؤكداً «أخشى من خيانة الأمانة من بعض السياسيين في مصر وتشويههم لقيمة مثل هذا الحدث».

الظاهر الموضوع فيه ملفات كتيرة ما نعرفش عنها حاجة .. والنظام اللي غير في داهية بواقيه بتلم الملفات

assour said...

السلام عليكم، أنا بحب أقوالك من زمان و انتي كاتبة بنت حلال امك و أيومي سوا و معاهم شقاوة مفرطة و مزيج يسعد القلب. معاكس في كل الكلام لكن الواحد قلقان من العسكر و منبعه التاريخية و للذيول التي ستحاول لآخر رمق تخربها. الشريعة خير لو الدستور فيه الحرية و الكرامة و المساواة و شر لما تستخدم في الشر. أنا نفسي أقابلك مرة لو بتروحي إسكندرية. شرفتينا

hassn hamdi said...

كلامك كويس يا نوارة بس.. وآه من بس دي
ليه كل مرة نقول عاوزين عاوزين ويا ريت البيه الرئيس أو الوزير أو المحافظ يعمل لنا كيت وكيت؟
مش نبطل بقه نسند على الحيطان المايلة دي؟
لازم لجنة تعديل الدستور دي يشارك فيها ممثلين من كل فئات الشعب يا ست نوارة وتكون اجتماعاتها علنية (في قناة فضائية وأرضية خاصة مثلا) علشان كله يتم في النور قدامنا واللي مش عاجبه حاجة يعترض عليها.
طبعا أنا عن نفسي أثق تماما في الدكتور طارق البشري وعارف قيمته وعلمه وفضله وأخلاقه كويس وشايف ان اختيار المجلس العسكري له علشان يبقى رئيس لجنة تعديل الدستور علامة صحية واشارة مطمئنة جدا..
بس النقطة المهمة هي ان مفيش حاجة بعد كده تتعمل بعيد عن عينينا وفي الغرف المغلقة دي.. علشان ما اجتمعت لجنة في غرفة مغلقة إلا وكان الشيطان معاها..
وبعدين: ايه مفهومك للدولة الاسلامية يا ست نوارة؟ يا ريت تحددي المفهوم الاول علشان تعرفي لما الناس اللي بتطالب بدولة اسلامية بتطالب بايه بالضبط؟
وعاوزين زي ما قلتي جمهورية برلمانية يكون فيها الرئيس مجرد رئيس يرأس ولا يحكم، ويكون الحاكم الفعلي فيها هوه رئيس الوزراء اللي بيفوز حزبه في الانتخابات أو ممثل لائتلاف في انتخابات برلمانية.
يعني زي انجلترا كده مع فرق ان هناك ملكية واحنا مش عاوزين نشوف ملوك تاني هنا..
وكمان لازم كل منصب عام يكون بالانتخاب حتى رؤساء مجالس الشركات العامة والخاصة وعمد القرى والمحافظين وكل حاجة.. ان شا الله يكون كابتن الفريق في اي نادي بالانتخاب..
وطبعا لازم يكون المجلس الاعلى للقضاء مستقل وليس للرئيس أو اي جهة حكومية اخرى سلطان عليه ويكون منصب قاضي القضاة أو رئيس القضاة موازي لمنصب الرئيس ورئيس الوزراء ورئيس مجلس الشعب..
وكمان مجلس الشورى لازم يكون له دور فعال اكتر من كده..
وزي ما قلت في تعليق قبل كده يا ست نوارة، فيه ناس مش عاوزة دستورنا ينص على ان الاسلام دين الدولة الرسمي وان الشريعة الاسلامية هي مصدر التشريعات..
وعلشان كده قلت ليكي ان لازم تكون اول مادة في الدستور تحدد وتنص على ان مصر دولة مسلمة ومدنية (يعني مفيش حد بيحكمنا باسم الله ولكن الحاكم مجرد موظف عندنا) والاسلام دينها الرسمي والمسيحية دينها الرسمي الثاني والشريعة الاسلامية هي مصدر القوانين (طبعا مفيش حاجة اسمها الشريعة المسيحية، بس المسيحيين من حقهم وفقا للشريعة الاسلامية انهم يحكموا شئونهم الخاصة وفقا لعقيدتهم ويمارسوا شعائر دينهم كما يشاؤون).. يعني الدستور لازم ينص بصراحة ان ما ينفعش يتحط قانون مخالف للشريعة الاسلامية
ومعاكي في حرية تكوين الاحزاب في اطار الدستور طبعا وحرية تكوين الجمعيات والمنظمات غير الحكومية (المجتمع المدني يعني باختصار).. وكل شيء في الدولة يكون تحت الرقابة والمحاسبة وسيف القانون يكون على راس الكل
ومنصب شيخ الازهر يكون بالانتخاب بين العلماء (ما ليش دعوة بمنصب بابا الكنيسة لأن المسيحيين أحرار يختاروا مين، بس يا ريت يكون بابا كل طائفة بالانتخاب برضه علشان تكون الكلمة للشعب بكل طوائفه)
كل ده هوه مفهومي للدولة الاسلامية يا ست نوارة.. ايه مفهومك انتي بقه؟
وطبعا لازم الدستور ينص على حقوق أساسية لجميع المواطنين تكون كلها مجانية (زي التعليم والصحة والثقافة والرياضة والمعرفة والسكن المناسب لكرامة الانسان ...الخ)
وحكاية الاجور دي لازم تتربط بالاسعار بحيث كل مواطن يعيش حياة كريمة كإنسان

علان العلانى said...

كلمات اغنيه ازاى

إزاي ترضيللي حبيبتي
اتمعشق في اسمك وانتي
عمالة تزيدي في حيرتي
ومنتش حاسة بطيبتي ازاي
مش لاقي في عشقك دافع
ولاصدقى فى حبك شافع
ازاي انا رافع راسك
وانتي بتحني في راسي ازاي
انا اقدم شارع فيكى
وامالك من اللى ماليكى
انا طفل اتعلق بيكى
فى نص السكه وتوهتيه
انا لو عاشقك متخير
كان قلبى زمانه اتغير
وحياتك لفضل اغير فيكى لحد مترضى عليه
إزاي ترضيللي حبيبتي
اتمعشق في اسمك وانتي
عمالة تزيدي في حيرتي
ومنتش حاسة بطيبتي ازاي
مش لاقي في عشقك دافع
ولاصدقى فى حبك شافع
ازاي انا رافع راسك
وانتي بتحني في راسي ازاي
ازاى سايبانى بضعفى
طب ليه مش واقفه فى صفى
وانا عشت حياتى بحالها عشان ملمحش فى عينك خوف
وفى بحرك ولا فى برك ازاى احميلك ضهرك
وانا ضهرى فى اخر الليل دايما بيبات محنى ومكشوف
انا اقدم شارع فيكى
وامالك من اللى ماليكى
انا طفل اتعلق بيكى
فى نص السكه وتوهتيه
انا لو عاشقك متخير
كان قلبى زمانه اتغير
وحياتك لفضل اغير فيكى لحد مترضى عليه
إزاي ترضيللي حبيبتي
اتمعشق في اسمك وانتي
عمالة تزيدي في حيرتي
ومنتش حاسة بطيبتي ازاي
مش لاقي في عشقك دافع
ولاصدقى فى حبك شافع
ازاي انا رافع راسك
وانتي بتحني في راسي ازاي

Nicholas Urfe said...

شكرا لكل من نوارة وهبة على الرد وعلى المعلومات.

انا واثق في ثورتنا وفي شعبنا واتمتى الامور تؤول للافضل دائما..

وكلامي عن الماد الثانية ورفضها لا يعارض كلام نوارة عن طبيعة الشعب المصري وانه يحيا ( لاهوت الارض ) ولا كلام الزميلة هبه عن كيفية التعاطي معها من قبل النظام

وفاهم برضو انو سياسيا الاقتراب من هذه المادة الآن قد يخلق حساسيات ما.وعشان كده قلت ان كل شئ بيجي مع الوقت ومن خلال العمل والتوعية والحوار

الرأيين مفروض يكونوا موجودين جنب بعض علشان يحصل توازن نوصل فيه في الآخر لحل مصري عبقري يرضي جميع الاطراف..

وربنا يقدم اللي فيه الاخير ودمتم
:)

محمد صبرى said...

أنا عايز أقولك ان انتى مدونتك متألقة جدا اليومين دول , حتى التعليقات ثرية جدااا

....


utopia

موضوع خطير فعلا

بس اللى اعرفه انه ام خالد سعيد موجودة , و بكده الموضوع محسوم , ببساطة بما انه المفترض انه ادمن كلنا خالد سعيد كان بيتردد عليها ,يبقى يورولها صورة وائل غنيم و يسألوها إذا كان الشخص دا كان معتاد الزيارة ليها قبل 25 يناير أو لأ

Nicholas Urfe said...

بالنسبة للاخ حسن حمدي ،

حضرتك اتكلمت عن المسلم والمسيحي.

طيب ايه بخصوص البهائي والملحد والشيعي واي طائفة دينية تظهر في المستقبل؟

ازاي الدستور يحميهم؟

وازاي نضمن ان احنا ما نتقلبش باسم الدين لبلد بتوضع فيها حدود للعمل الفني وللحريات الشخصية ولحرية التعبير

يعني ازاي ما نتقلبش زي السعودية او ايران او طالبان ؟

Unknown said...

حلوة حزب علمني العوم والنبي يا احمد دي

Unknown said...

حلوةحزب علمني العوم والنبي يا احمد دي

Unknown said...

انا لحد دلوقت اسماء اللجنة شايفاها كويسة لانها فيها ليبراليين واسلاميين وفيها مسيحي بس لسه عايزة اعرف فيها يساريين ولا لا

اصل عدم اللا مؤاغزة انا خناقة المسلمين والمسيحيين دي ما تعنينيش في حاجة خصوصا بعد ما الثورة كشفت لي انها كانت استعباط منهم هم الاتنين

انا اللي يهمني فعلا حق الغلابة

وحق الغلابة مش حيحفظه غير اليساريين

Unknown said...

أنشودتي "حبيبي يامُحمد" ... كل عام وكل أهل مصر والأمة الإسلامية والعربية بخير ونصر وثورة على الظلم والفساد بإذن الله.


http://www.youtube.com/watch?v=uwREDsUMwFU

Nicholas Urfe said...

وحق الغلابة مش حيحفظه غير اليساريين
----------------------------------

عليه ابصم واوقع..

وكمان على الفكرة العامة اللي انت نفسك كده تبقي بتاييدها..وهي ان اللجنة تمثل الجميع.

من ناحية اخرى ، شايفة مين يمثل اليسار المصري بنزاهة في الشأن الدستوري والقانوني؟

ahmed said...

نوارة انت قلتى كل اللى عايز اقوله واكتر شوية
اهم حاجة بجد بجد لازم الكلام ده يوصل للمستشار طارق البشرى باى طريقة انهاردة او بكرة ان شاء الله
لو تعرفى توصليله واتناقشى معاه فى كل نقطة وقوليلنا رد عليكى بايه
عايزين نطمن ان صوتنا بقه بيوصل بجد
لازم تتصرفى والكلام ده كله يوصل والرد عليه بالايجاب او السلب مع توضيح الاسباب بالله عليكى
موضوع اساسى او ان التصويت يبقى بالمادة مش الدستور على بعضه مهم جدااااااااا بجد
ربنا يكرمك يارب

eslam said...

انا مش فقيه دستوري بس لازم الدستور يضمن حق التظاهر السلمي
وبعد اذنك يا نواره عايز اعرف عنوان جريده الدستور علشان عايز اقدم علي شغل فيها لان دورت علي العنوان كتير ومش لاقيه

Unknown said...

hey people,
Get ride of the goverment .. this is very important before they destroy all the evidences.. now they saying the fortune of Mubarak is only 3 Milliards (removed 0).. after few days it will be 3 dollars

Mostafa said...

I suggest dropping 50% workers and farmers hoax.

AD sabry said...

i just wanna know ur opinion about one thing, is it better for Egypt the direct democracy or representative democracy?
i think it should be the first,so people can vote on every thing, and it take into consideration minority objection, not only the majority

AD sabry said...

i just wanna know ur opinion about one thing, is it better for Egypt the direct democracy or representative democracy?
i think it should be the first,so people can vote on every thing, and it take into consideration minority objection, not only the majority

حسين محمد said...

فعلا اللجنة مبشرة جدا يا نوارة وزي ما انتي في تعليق سابق ان ممكن الاسلاميين يقوموا بدور اليساريين في حفظ الغلابة
عاوز اقول كمان انه من خلال متابعتي للنت النهاردة وامبارح اقدر اقول ان تقريبا المحرض على جمع التوقيعات لعدم تغيير المادة التانية مش فاهم هو بيعمل ايه اصلا وزي ما يكون نفسه في معركة يكون قائد ليها وخلاص
لان الكلام من عينة الجهاد في سبيل الله والاستشهاد وكلام كبير اوي
ربنا يهديهم بجد

Shoukry said...

وفيها مسيحي بس لسه

sorry ... but who is the christian member??

Unknown said...

نوارة
......

لأ يانوارة الجزيرة سيئة النية تجاه مصر ولا تعمل لوجه الله وده مش كلامى لوحدى ده كلام أغلبية الشعب حتى الثوار واقرى مقالة عمر طاهر فى الدستور النهارده.. وعلى فكرة كلمة مراسلة ليهم انتى اللى قلتيها فى البوستات اللى فاتت؟

ثانيا : انتى ماشرحتليش وجهة نظرك فى موضوع القضاء

ثالثا : مش فاهم يعنى ايه انت بتاع موضوع مصر والجزائر ده ؟ انتى بتردى على الناس طبق اراء مسبقة ومواقف شخصية ولا تبعا لمناقشتهم معاكى؟ انتى حاتعملى محاكم تفتيش فى ضمائر الناس من أولها كده؟

حسين محمد said...

كنت عاوز اسألك عن حاجة يا نوارة
هو كده فيه يوم الجمعة اكتر من مسيرة ممكن تطلع واحدة للمسيحيين والتانية للي بيقولوا مش عاوزين نغير المادة اللي ما حدش قرب منها اساسا ومسيرة رد الجميل العجيبة دي
ممكن كمان يكون في مليونية للشهداء ولتحقيق بعض المطالب ولا انتي شايفة ايه
لان لو ده كله حصل فعلا اظن ان نتيجته مش هتكون كويسة لحد خاصة لو طلع اول مسيرتين

rahrom said...

كمان حاجة مهمة الدعاية الانتخابية تبقى مقننة خدا وميزانية الهلس قصدى الكورة والمسلسلات تبقى صغيرة وتستغل فى انشاء النوادى وتشجيع لعب الرياضة مش الفرجة عليها من الاخر فى اولوبات فى الموازنة العامة للدولة
حاجة برضه مهمه تفعيل سلطة هيئة تنفيذ الاحكام القضائية ومنع التلاعب بها بالواسطات والمحسوبيات مش مثلا واحدة غلبانة مستحقة لنفقة هى وعيالها ولا مسكن حضانه وجوزها يطلع روحها علشان مافيش من يجبره على التنفيذ لان الباشا واحد مهم ولا نيابة ودى لعبته

hisham elawady said...

ياريت يا نوارة كمان حرم رئيس الجمهورية يكون دورها شرفى ولا تتدخل فى صناعة القرار ولا يكون لها دور تأثيرى على اى مسؤول فى الدولة ويلغى لقب سيدة مصر الاولى ويكون اللقب سنوى بحيث يكون اى سيدة مصرية ممكن ان تأخذ اللقب على ما فعلته فى هذا العام

Nicholas Urfe said...

بالمناسبة في شئ اعتقد ان احنا ناسيينو ويمكن اكون غلطان..ان اللجنة دي بتناقش مواد معينة في الدستور ومش كل الدستور

hisham elawady said...

ضروري ان حرم رئيس الجمهورية ان تكون مصرية وان لا يكون امها او جدها اجنبى وان لا يكون لها جنسية مزدوجة
ولا تكون امها يهودية او انجليزية او امريكية
مصرية 100%

Sharif said...

بالإضافة إلى تفعيل التصويت عن طريق استخدام الرقم القومي، ياريت نفتكر المصريين المقيمين بالخارج واتاحة الفرصة لهم للتصويت في القنصليات والسفارات المصرية الموجودة في البلد المقيمين بها.

The Pharaoh said...

eh ya nawara el 2lsh dah?

feen el goz2 bta3 7efz 72oo2 el msryeen fel 5areg fel ent5ab fel sefarat ? walla e7na malnash nefs ya3ni? =)

Sameh Elsawy said...

العزيزه نواره ارجوالمساعده في النشر لان السرعه مطلوبه

نناشدحضراتكم بالتوقيع (وإرسال الرساله كذالك لأصدقاؤكم) علي الألتماس المرفق (بألضغط علي الوصله التاليه) لمطالبة الدول الأوروبيه و الأمريكيه بتجمييد ألحسابات البنكيه في بلادهم والخاصه بجميع قواد النظام المصري في عصر الرئيس مبارك للإستعداد بإرجاعها بطرق قانونيه لشعب مصربعد إقصاء نظام الرئيس مبارك.
http://www.gopetition.com/petition/42742.html

Sameh Elsawy said...

العزيزه نواره ارجوالمساعده في النشر لان السرعه مطلوبه

نناشدحضراتكم بالتوقيع (وإرسال الرساله كذالك لأصدقاؤكم) علي الألتماس المرفق (بألضغط علي الوصله التاليه) لمطالبة الدول الأوروبيه و الأمريكيه بتجمييد ألحسابات البنكيه في بلادهم والخاصه بجميع قواد النظام المصري في عصر الرئيس مبارك للإستعداد بإرجاعها بطرق قانونيه لشعب مصربعد إقصاء نظام الرئيس مبارك.
http://www.gopetition.com/petition/42742.html

Anonymous said...

ويا ريت ينص الدستور على إن الرئيس يكون مقطوع من شجرة
مش عاوزين ورثة تانى
ومش عاوزين سيدة أولى

Unknown said...

مطلب فوري : حق المصريين بالخارج في التصويت في أي انتخابات أو استفتاءات قادمة، حتى بخصوص التعديل الدستوري القادم

Anonymous said...

عاوزين يبقى فى رقابة على كل شئ
الاهتمام بالاطفال وتعليمهم وترجع اسم الوزارة للتربية والتعليم ويكون ده مفعل
اهتمام بالباحثين والبحث العلمى
المساواة فى الثواب والعقاب والشفافية فى كل شئ
تقسيم ماستقوم به الحكومة على مراحل وكل مرحلة هنعمل فيها ايه وبعد نهاية كل مرحلة نشوف عملنا ايه نجحنا ولا لا ؟؟؟وليه فى قصور ونحاسب المسئول اول باول مش نستنى 30 سنة ونرجع نتحاسب وعشان لو فى حد مش قد المسئوليه يتغير بلاش نجرب فى الشعب
عاوزين تجديد فى الحكومة مش الرئيس ثلاثين سنة والوزىر 20
دور لشباب مهم جدا
المراة نصف المجتمع يا ريت نهتم وخصوصا السيدات المسئولات عن اسر

د. هانى احمد said...

انا حاسس الن بارتياح ان الجيش فعلا صادق فى تأييد ثورة المصريين والنهارده شوفت تواجد الثوار فى الشارع بطرقه ذكيه وحضاريه بالموتوسيكلات علشان يشعروا النظام البائد ان الثوره مستمرة.. ياريت ابتكار طرق اخرى لحد ما يتم اجهاض الثورة المضادة وتبان ملامح مصر الجديده.. ومن العلامات الجيده ان لجنه الدستور سوف تنهى منه فى خلال عشرة ايام ويعرض على الشعب صاحب الحق الوحيد فى تغيير الدستور و تنحية اى من كان فى الدوله.
موافق جدا على كلام نوارة ماعدا كلمة
الرئيس الكلب ده... لان فى مصر الجديده مش ممكن ح يكون الرئيس كلب والا نبقى احنا شعب كلاب.. ح يكون رئيس يمثل شرف وتاريخ مصر مع تحديد سلطاته ليكون فعلا خدام عند الشعب وهذا شرف له وليس احتقار..
الان انا مقتنع ان الاضرابات لازم تتوقف لمصلحة مصر اللى فعلا بتتغير.. بس الناس دى متعرفش يعنى ايه دستور دول عايزين يعيشوا محترمين ولازم تكون فيه حملة توعيه لهم بان لما الدستور يتصلح بحيث يمنع الفساد والاحتكار والظلم والاستبداد ويحارب الجهل
والفقر فأكيد خزانة الدوله سوف تمتلئ والاستثمار الاجنبى حيزيد .... وبالتالى فى وقت قصير جدا مع الاخلاص والجديه ستنال كل فئه مطالبها.. الخلاصه نفهمهم انه اذا صلح الرأس (القانون والدستور( ينصلح حال كل شئ فى مصر... يارب

Om Kiki said...

أنا موافقة على كل كلامك .. بس أنا عايزة أتكلم في حاجة ..يمكن ميكنش مكانها في الدستور ..بس معاملة المصريين بره مصر ..الفيزات ..ليه الأمريكان مثلاً بيدخلوا عندنا من غير مايستعنوا نفسهم حتى يدفعوا فيزا . والمصريين بيتبهدلوا لو رايحين يزوروا أهل ولا لعلاج أو كده ..ليه كل الجنسيات تقريباً بيقدروا ييجوا مصر وإحنا بيتبص لنا كأننا هندخل معيز معانا في الطيارة ..والله الموضوع ده مش شخصي ..أنا أساساً عايشة في إنجلترا ..بس بجد الموضوع ده غياظني ومش عارفة إيه موقعة من الإعراب ...

على فكرة ضحكيتني قوي المقبور دي ..بجد حلوة ..بس نحاسبه الأول علشان يكون عبرة لغيره ...

بحبك يا نوارة ..

حسن على said...

بعد تجربة مبارك -الراحل- ارجو من المستشار طارقالبشرى الاهتمام الزائد بالمواد الخاصة بثروة المسؤلين الكبار وضرورة الاعلان عن ذمتهم المالية -قبل واثناء وبعد انتهاء خدمتهم- واتاحة هذة المعلومات للكافة

Anonymous said...

يا نواره فى سؤال بيلح عليا وداخله مخصوص عشان اسأله
هو عمر سليمان وزكريا عزمى بيعملوا ايه فى قصر الرئاسه الى الان؟؟؟؟
رحيل النظام المفروض يكون كامل
لو فى حد ممكن تسأليه او توصليله السؤال ده ياريت تعملى كده
عشان الغموض ده مش مريح

د. هانى احمد said...

بالنسبه للماده الثانيه.. هو مصر لم تكن مسلمه قبل اضافة هذه المادة لاسباب سياسيه معروف فى عهد انور السادات وهى تقويه التيار الاسلامى ضد التيار الشيوعى وذلك لمصلحته السياسيه فقط ولم يطبق اى من الحدود الاسلاميه..
المهم انا شايف ان وضع هذه المادة غير ضرورى لانه بثير قلق الاقليه من اخوتنا المسيحيين.. ايد واحدة صح.. بالنسبه لتطبيق الشرع فى القانون وهو مطلب الاسلاميين فلازم عمل استفتاء عام بين الشعب لاختيار اى مفهوم للشرع ينبغى الاخذ به فيما يتناسق مع الظروف الحاليه. وعندما يوافق اغلبيه الشعب على مفهوم اسلامى محدد لكلمة الشرع يمكن ادراجه فى القانون.. ويمكن ابتكار ما يمكن ان يقبله الاقليه المسيحيه مثال قطع يد السارق اذا توفرت شروط ذلك فيمكن ان يكون البديل هو ان يدفع السارق ديه او ثمن يده بالاضافه الى سجنه وانا طبعا مش خبير ولكن باحاول افكر ازاى فعلا نكون دائما ايد واحدة فى مصر المدنيه المسلمه وليست الدوله الدينيه والتى تؤدى الى الحروب الاهليه وراجعوا تاريخ الحروب الاهليه المذهبيه سواء فى الاسلام او المسيحسيه او اى دين.

ايد واحده .. ايد واحده.. ارفع راسك انت مصرى مهما كنت

yasser said...

يجب الغاء مجلش الشورى الى احنا مش عارفين ايه لازمة هى مصاريف وخلاص مايجيب بفلاوسة مروحة لكل مواطن

Unknown said...

كلام جميل جدا يانوارة الله ينور عليك و الاضافات المهمة فى التعليقات
1. فى طريقة الانتخاب بالرقم القومى 2.و مدة الرئاسة 4 سنوات فترتين حد اقصى
3.كمان لازم يوضع احترام حقوق الانسان و تعريف للتعذيب و تجريم انتهاك الحقوق الانسانية.
4.توصيف للحصانة بما يسمح للنائب بتأدية عمله فقط.
5.لا يصح ان يكون نائب مجلس الشعب موظف يسأل الوزير اللى بيشتغل عنده فى الوزارة و لا يكون الوزير نائب .
6.يرجع قانون من اين لك هذا علشان الشفافية.
7.يتم تغليظ عقوبة استغلال المنصب
ينص على مسؤلية الدولة و المجتمع عن الحد الادنى لاساسيات الحياة لكل مواطن( المسكن العلاج -الاعالة التعليم...).
8.كمان ممكن رئيس الجمهورية يبقى منصب شبه شرفى يقابل الوفود ( زى تركيا -اسرائيل بريطانيا و رئيس الوزراء المنتخب يدير علشان ممكن يتغير بسهولة
8.كمان الاستفتاء على مادة مادة ده مهم جدا وشكرا

أحمد البستاوي said...

اقترح انشاء موقع مصري مرتبط بالانترنت هذا الموقع سيكون نواة لذروة ممارسة الديموقراطية المصرية . . موقع حكومي لكل مصري الجنسية حساب عليه بالرقم القومي . . على أن يتم دمج كل الخدمات الحكومية بالرقم القومي الذي سيكون الرقم الموحد للفرد في كل شيء . . رخصة السيارة جواز السفر كافة المعاملات . . سيكون ضمن الحساب جزء خاص بمعاملات البنوك و جزء خاص بالشهادات العلمية و جزء خاص بالملف الطبي . . بمعنى أصح أي شهادة حصلت عليها يمكنك الحصول على نسخة منها في أي مكان في العالم بدون الحاجة للرجوع للكلية أو المعهد المانح , مع ضمان التأكيد باستخدام بار كود مثلا . . كل زياراتك للطبيب سيتم تسجيلها بحيث يمكن الرجوع إليها في أي وقت . .
و سيقوم هذا الموقع بتوفير كل ما يمكن من الخدمات الحكومية . .
سيوفر هذا الموقع ساحات للحوار للمصريين مشاكلهم تطلعاتهم
سيكون هذا الموقع هو مصر الإليكترونية . . و سيكون صورة لمصر الحقيقية

mahmoued abdulsattar bayomi said...

خبر عاجل سرت اخبار مؤكدة ان الصنف الذي يتعاطاه الثورجي احمد نجم تلك الايام اسمة وداعا مبارك وفي تصريح لاحمد فؤاد نجم لقناة الجزيرة افاد بانة ثورجي كبير قوي قد طيز بنتة نوارة ولية لقة مهو في الكام اليوميين دول ونظرا لغياب الامن دخلت لمصر الاف الاطنان من المخدرات ويحمد الله انة اخيرا اصبح لدية القدرة علي اختيار الصنف وتحيا الامة العربية

أحمد البستاوي said...

النظام الإقتصادي
أولا النقد
يهدف النظام المالي الغربي إلى تثبيت قيمة السلع و سنمثل نظام النقد الحالي بمثال بسيط . . فلنفترض أن ثروة البلد كلها عبارة عن 10 حتت جبنة و إن البلد فيها فلوس نقدية عشرة جنيه يبقى سعر حتة الجبنة بجنيه . .
بس البلد فيها كمان بقرة (قوة إنتاجية) و دي موش للبيع البقرة دي بتنتج نقول ست حتت جبنة في السنة و إحنا بناكل . . و لا يعني ما ناكلشي . . قول حتة جبنة واحدة في السنة . . يبقى في آخر السنة لقينا البلد فيها 15 حتة جبنة و لسه فيها 10 جنيه . . يبقى ساعتها ثمن حتة الجبنة بقى 2/3 جنيه . .
النظام الغربي يقولك كده أصحاب الجبنة بيخسروا لأن سعرها نزل يقوموا يطبعوا خمسة جنية علشان يرجع البلد فيها 15 حتة جبنة و 15 جنيه . .
المشكلة إن الفرق ده لا صاحب حتة الجبنة استفاد بيه و لا اللي ح يشتريها حس بيه بصورة مباشرة . . الحكومة هيا اللي استفادت و المفترض إن الفرق ده هو أساس ميزانية الحكومة اللي بتشتغل منه
طيب لو نزلنا لأرض الواقع بنلاقي تطبيق الكلام ده إزاي . . الدولة بتقدر عدد حتت الجبنة (الزيادة المتوقعة في الثروة) . . تقدرها تقدير (صحيح أو جزافي) و تطبع على أساسها فلوس
طبعا التقدير ده ممكن يكون صحيح أو جزافي . . طيب . . المشكلة لو التقدير طلع جزافي و ما أنتجناش الست حتت المتوقعين . . يعني لقينا نفسنا انتجنا حتتين بس . . أكلنا واحدة و فضلت واحدة ساعتها البلد بقى فيها 15 جنيه و 11 حتة جبنة بس . .

يعني حتة الجبنة بقت بجنيه و تلت . . يعني الحاجة غلت . . فرق الزيادة ده هوا التضخم . .

طيب فيه طريقة تانية . . فيه
اللي احنا ح نعمله ح نبطل نطبع عملة . . و بالتالي البلد السنة دي فيها 10 حتت جبنة و عشرة جنية . . يبقى حتة الجبنة بجنيه . . السنة الثانية انتجنا 4 حتت و كلنا منها واحدة يبقى البلد فيها 13 حتة جبنة يبقى سعر حتة الجبنة 0.76923 جنية . . يعني سعرها نزل . .
ح تقوللي طيب و صاحب حتة الجبنة ذنبه ايه أحمله الخسارة دي . . ح أقولك مفيش خسارة أصلا لأن موش الجبنة بس اللي نزل سعرها . . لأ كل حاجة في البلد سعرها ح ينزل لكن ح تفضل محتفظة بقيمتها النسبية . . بمعنى أصح مفيش حاجة عندنا اسمها قيمة مطلقة . . القيمة نسبية بين السلع و بعضها . .
يعني التليفزيون سعره ح ينزل و إزازة الكوكاكولا سعرها ح ينزل . . لكن القيمة النسبية ح تفضل ثابتة تقريبا . . و القيمة الشرائية للجنية ح تزيد . . و هوا ده المطلوب . .
يعني موش بضاعتك بس اللي رخصت . . كل البضائع رخصت . .
من مشاكلنا الأساسية التضخم . . يعني النهاردة معاك 200 ألف جنيه و موش عارف لا تشتري بيهم حاجة عليها القيمة و لا تحطهم في مشروع يدر عليك دخل . . و السنة الجاية قيمة الـ 200 ألف بتقل . . يعني لو ح تعرف تجيب بيهم شقة النهارده كمان سنة ما يجيبوش . .
النظام المفترض بيخلي البلد كلها تبني مع بعضها . . يعني اللي بيشتغل و ينتج و يصنع و يزرع و يعمل أي حاجة في أسوان أو اسكندرية أو في أي حته في مصر بيزود ثروته و ثروة زميله اللي في دمنهور أو المحلة أو أي حتة تانية . .
بمعنى أصح لما تشتغل موش انتا لوحدك اللي ح تبقى غني . . البلد كلها ح يكونوا أغنياء . .
في تحليلنا ده بنلتقي مع الرأسماليين و بنعارض الماركسيين . . الماركسية تعتبر النقد صورة لخزن الطاقة البشرية على حين تعتبر الرأسمالية النقد سلعة أخرى و إن كان لها خصوصيتها . .
ح تقول لي النظام العجيب ده انته مخترعه إختراع . . ح أقولك النظام ده مطبق بشكل أو بآخر في أكبر إقتصاد عالمي حاليا . . أمريكا . . العملة الأمريكية المستخدمة في الدنيا كلها خارج الأسواق الأمريكية الداخلية هو نوع من التخلص من النقد الزائد . . تخيل لو دول العالم كلها رفضت استعمال العملة الأمريكية فيما بينها و رجع النقد ده كله لأمريكا . . . .

أحمد البستاوي said...

ثانيا الضرائب
حق البلد عليك 2.5 % . . زكاة مالك موش ح ناخد منك حاجة أكثر من كده . . فيه حديث بيقول ما قل مال عن صدقه و ده معناه إن أقل معدل مفترض للزيادة في الثروة – التنمية - هو 2.5 % . . يعني الميت حته جبنة بعد سنة ح نلاقيهم 102.5 حتة و بالتالي لو أخذت الحكومة منك 2.5 % ح يتبقى معاك فلوس 97.5 % من أصل الفلوس و اللي ح يكون قيمتها و قدرتها الشرائية في السنة دي = 100 % من قيمتها الشرائية في السنة اللي فاتت . . يعني أقل معدل لإنخفاض الأسعار ح يكون 2.5 % . .
الزكاة ح تتاخد ح تتاخد . . بس مفيش ضرايب إعمل اللي تعمله و اكسب اللي تكسبه و حق الدولة 2.5 % من مجموع فلوسك . .
تقرير الزكاة أمر من إختصاص الأزهر و الكنيسة . . ح يحددوها مرة واحدة و مالهومشي بعدها دخل . .

أحمد البستاوي said...

ثالثا دمج البنوك رقميا
الملكية الخاصة محفوظة و لا تمس . . لا تأميم للبنوك . . لكن سيتم العمل على دمج البنوك بنظام رقمي موحد بحيث يكون رقم حساب أي مواطن مرتبط برقمه القومي . . و ح تفهموا كمان شوية ليه ح نعمل كده . .

رابعا تحويلات النقد
يكفل البنك المصري حرية انتقالات الأموال . . لكن مع منع خروج العملة المصرية خارج مصر . . ح تخرج الفلوس يقل النقد أمام السلع . . يا ترخص السلع يا تحصل أزمة نقد . .
و تعمل الدولة على ربط الجنيه بالذهب و ليس بعملات أخرى متغيرة القيمة مثل الدولار أو اليورو . . مفيش دولة ما فيهاش دهب . . و يتم حساب قيمة الجنيه المصري بالنسبة للعملة الأجنبية تبعا لقيمتها النسبية بالنسبة للذهب . . يعني جرام الذهب في مصر بكام و في أي دولة بكام و احسب على الأساس ده
فمثلا نفترض إن البلد فيها عشرة جنيه نقد بنكنوت و فيها عشرة جرام ذهب . . يبقى جرام الذهب بجنيه . . تقوم انتا جاي من بره محول دولارات عاوز تستلمها في إيدك ورق اخضر على عينا و راسنا . . بس خلي بالك إن مفيش مكاتب صرافة غير في البنك الوحيد اللي في البلد . . عاوز تحول الدولارات دي جنيهات بسيطة . . نشوف الدولار ده يساوي قد ايه دهب و نشوف كمية الدهب دي تساوي كام جنيه . . وصلت يا معلمين . .
يقوم البنك المصري بزيادة مخزونه من الذهب حيث تقوم الحكومة بتحويل جزء من العائدات بالعملة الصعبة إلى ذهب . . بإعادة البنكنوت إلى مصدره و تبديله بالذهب . . يعني النقد الأجنبي نشتري بيه دهب من برا مصر . . و بالتالي ترتفع قيمة الجنيه امام الذهب يعني السنة دي الجنيه يجيب جرام بعد عشر سنين يجيب جرامين . . توصل لمرحلة تلاقي موش فيه حد عاوز يهاجر برا مصر علشان فرق العملة . .
و تعمل السفارات في الخارج كفروع للبنك المصري لضمان أموال المصريين في الخارج . .

أحمد البستاوي said...

خامسا المعاشات و الشئون الإجتماعية
‎أي نظام سياسي يعتبر البلد شركة . . إحنا الشعب المساهمين بتوعها . . بس علشان كل واحد مشغول في شغله وكلنا ناس تقوم بإدارة الشركة دي نيابة عننا . . الشركة اللي هيا مصر . . المشكلة إنهم دايما بيفتكروها عزبة أبوهم و يمشوا يكسوا في دي و يخربوا في دي و يبيعوا في دي . . و ما تقدرشي تعترض لأنهم الحكومة .
المشكلة في الحكومة إنها جهاز كبير جدا و عواطلي جدا . . أدخل أي مكتب تلاقي فيه و لا عشرة خمستاشر ولية كل ميزتها إنها بتفك الخط . . بتعمل إيه و لا جاحة غير الحضور و الإنصراف و مجايب سيرة الناس . . بطلوا و الحمد لله يعملوا شغل البيت في الشغل بس ليا الفخر إني حضرت المرحلة دي . . كل ده اسمه بطالة مقنعة . . شئون إجتماعية موش بيروقراطية دولة . .
و الناس عاوزه تتوظف علشان الأمان الإجتماعي
و حل المعضلة دي بسيط
أول حاجة نلغي المعاشات من الحكومة . . و نلغي علاقة وزارة الشئون الإجتماعية بمعاشات الموظفين . . ح يكون دور الشئون الإجتماعية في النظام الجديد هوا الحالات الإجتماعية . . الفقر العجز البطالة تأخر الزواج معدلات الطلاق و هكذا
تاني حاجة الناس غضبانة . . لا يا عم إحنا أهم حاجة عندنا رضا الناس . . يبقى الناس دي تروح البنك و تعمل تعاقد مع البنك . . يعني اللي بيحصل دلوقتي إن إجمالي مرتبك 450 جنيه مثلا . . بيتخصم منهم 150 جنيه تأمينات و معاشات . . الحكومة بتخصم منك ثلث المرتب على بند المعاشات لمدة 36 سنة و اللي بتاخده في معاشك أقل من الفلوس اللي انتا دفعتها . .
النظام المقترح إنك تاخد فلوسك كلها في إيدك لأن لدولة موش وصية عليك . . عاوز تصرفهم كلهم براحتك . . عاوز تأمن معاش تعاقد مع البنك إنك ح تدفع كذا في الشهر و لما توصل سن المعاش تبطل تدفع و تبدأ تقبض . .
و كل واحد حسب ما يحب إفرض واحد موش عاوز معاش دلوقتي و عاوز يستخدم الفلوس دي في مشروع . . أو واحد ليه شغل تاني و عاوز معاش أكبر. . فعاوز يزود ع الفلوس دي (معاشه الحكومي) من الفلوس دي (جيبه الخاص) . .
النظام ده موجود حاليا على نطاق ضيق في بنك ناصر الإجتماعي . . خاص بأصحاب الأعمال الحرة الذين يرغبون في الحصول على معاش . .
طيب و اللي موش موظفين حكومة . . كل مواطن من حقه يعمل كده . . فلاحين عمال موظفين إداريين ربات بيوت أي مواطن . .
يعني ح يتعمل صندوق معاشات في البنك على قد ما تحط فيه على قد ما تاخد منه . . و في أي وقت عاوز تسحب منه فلوسك كلها اسحبها ما حدش ح يقولك بتعمل ايه . . بس ما تجيش ع المعاش و تقولي فين معاشي . . ما انتا صرفتهم . . ساعتها علشان يتصرف لك اثبت انك فقير او عاجز . . و كدا تكون تبع الشئون الاجتماعية . . ما تمشيش تبعزق فلوسك و ترجع تقولي هات من فلوس الغلابة . .
الهدف الذي سيتحقق من هذا الإجراء توحيد التأمين الإجتماعي على المواطنين . . و زيادة كمية النقد في أيدي المواطنين و زيادة الإستثمارات المحلية . . و لا الدولة اتحملت زيادة عن طاقتها و لا انتا اخدت اقل من حقك

أحمد البستاوي said...

سادسا توزيع الناتج القومي على المواطنين
الناتج القومي بيعمل حسبة 300 مليار جنيه في السنة . . لو قسمتهم على 100 مليون مصري يبقى كل واحد ح ياخد 3000 جنيه مصري . . المفروض إن الفلوس دي بنتصرف عليك خدمات و دعم و تعليم و صحة و جيش و طرق و كل الخدمات العامة في البلد . .
لكن اللي بيحصل غير كده يا بهوات لأن الحكومة بتصرف على خدمات أنا موش عاوزها . . يعني أنا في دمنهور موش مهتم بتجميل كورنيش اسكندرية و آخر اهتماماتي امدادات مياه الشرب في قرية في الصعيد . .
اللي باتصوره نوع من الكوميونات السوفيتية القديمة بس بصورة تقنية حديثة
تصور معايا إن فيه موقع إليكتروني من حق الناس كلها تدخل عليه باستخدام الرقم القومي
من حق كل واحد انه يقدم شكوى مثلا ضغط الميه موش كويس أو مفيش امدادات ميه من أساسه . .
و ح يكون فيه لجنة استشارية علمية من كل واحد معاه ماجستير فما فوق في البلد يقترحوا هما كمان . . ميدان عاوز يتجمل طريق عاوز رصف . . مشروع قومي كبير يقترحوه . .
نفترض مشكلة الميه دي . . حددنا المشكلة . . خرايط القرية موجودة على نفس الموقع . . تدخل الشركات و تدرس المشروع و تقدم دراسة جدوى . . شركة و اتنين و تلاتة . . مناقصة . . حددنا المشروع ح يكلف كام . .
الناس تدخل تدفع . . كل واحد من الـ 3000 جنيه نصيبه من الدخل القومي . . ح تقولي 3000 جنيه يعملوا ايه أقولك لو البلد دي فيها عشر تلاف بني آدم بيعتبروا إمدادات الميه مشكلة بالنسبة لهم و كل واحد حط في حساب المشروع 100 جنيه لقيت معاك مليون جنيه بقوا حاجة و لا لأ . . ما اتجمعشي المبلغ المطلوب يبقى إما إن المشكلة وهمية مالهاش وجود أو أكبر من قدراتكم يبقى تستنوا السنة الجاية لما يبقى معاكم فلوس كفاية . . و هيا دي قدراتكم و قدرات البلد . .
الفايدة إن الشعب ح يهتم بالقضايا اللي فعلا مسبباله مشكله . . الفلوس موش ح تتحط في حاجة مالهاش لازمة . . ارصفة و كورنيشات و حتت تانية ما اترصفتشي من أيام الملك فؤاد . . بالإضافة لكده كحدش ح يقدر يجيب اللوم على الحكومة . . الحكومة ما عملتشي الحكومة ما سويتشي . . هيا دي قدراتكم و على قد لحافك مد رجليك . .
بتقول الناس ح يصرفوا الفلوس على نفسهم . . لأ . . ممكن حل النقطة دي بجعل الفلوس دي نقط على الشبكة . . يعني تقدر تتصرف فيها في الشأن العام فقط . .لكن ما تقدرشي تصرفها فلوس . . أو بجعلها دين على المواطن . . يعني موش ح ياخد السنة اللي بعدها نصيبه من الناتج القومي لو ما شاركشي في السنة اللي قبلها . . و بالنسبة للفراء و المحتاجين ح يكونوا معروفين و دول اللي من حقهم صرف الفلوس دي على نفسهم . . و اللي يحددهم الشئون الإجتماعية ..
نقطة تانية . . البلد دي ملكنا كلنا لكن ما بنستفيدشي منها بنفس الدرجة . . خد مثال مثلا الطرق . . أنا واحد عندي عربيتين . . باستهلك الطرق المرصوفة على حين إن فلاحة من الصعيد ما عندهاش غير رجليها يوصلوها ما بتستفيدشي من الطرق المرصوفة نفس الاستفادة . . و في الآخر يتاخد مني و منها ضرايب علشان رصف الطرق . . يبقى أنا كده ظلمتها . . فكروا لو أخدنا رسم استهلاك طرق على اساس الكيلومترات اللي السيارة ماشياها . . و تتحدد بمعرفة هيئة النقل و الطرق و الكباري . . هما عارفين صيانة الطرق بتكلف كام . . و لو اتبقى فلوس من دا كله دخلت الناتج القومي . .
هيئة الطرق دي تعمل احصائيات لكل طريق من حيث الأعطال تنشر الطريق ده محتاج ميكانيكي . . أو توفر مشروع إصلاح على الطريق زي اللي موجود على الطرق السريعة الألمانية . . كام واحدة كانت راكبة عربية و عطلت بيها و اتبهدلت آخر حاجة . . في النظام ده تتعطل العربية تتصل بنمرة إنقاذ هوب يكونوا عندك . . عرفوا يصلحوها كان بها ما كانشي قطروها للمحطة . . أسعار ثابتة . . و الشغل بالحتة . .
خلاصة عشان الفكرة دي ممكن تكون صعبة شوية . . البلد دي ملكنا كلنا . . اللي ح يستفاد من جزء منها بيدفع ايجاره و الفلوس ترجع تتقسم علينا كلنا بالتساوي . . ما هو المستفيد برضو مالك . .

Unknown said...

السلام عليكم أختي نوارة

أنا لسه سامع في الBBC المستشار عاطف البنا (عضو اللجنة) صرح بأن معظم اللي طلبتيه ده هيتحقق إن شاء الله.

بس سؤال رفيع كده: بتقولي على رئيس الجمهورية اللي لسه ما جاش (كلب) ليه؟ ده الراجل هيكون غلبان إن شاء الله ومتقصص ريشه (حسب ما سمعت والله من عاطف البنا).

وعلى فكرة: حق الغلابة والله هيحفظه برضه الإسلاميين.. إلا غذا كنتي شفتي إسلاميين حكموا مصر قبل كده وبتحمي بناء عليهم!!!

تحياتي أختي الكريمة.

أحمد البستاوي said...

سابعا القضاء على الإحتكار
الهدف من أي سفارة بالخارج هي معرفة ظروف الدول دي إيه .. محتاجين ايه و عاوزينه ازاي . . فنعرف إحنا نقدر نصدر لهم إيه . . و نعرف إحنا نقدر نستورد منهم إيه و اسعاره ايه و طرق شحنه و مواعيد التسليم . .
و شغلة الحكومة إنها تجمع بيانات و تعرضها على الشعب . . فمثلا انا مقاول و عاوز حديد . . أدخل على الموقع الإلكتروني و ادور على عروض الحديد دا بيبيع الطن بـ 3 تلاف دا بـ 4 تلاف وضحت الصورة قصادي . .
اللجنة العلمية شغلتها تفتش في البضايع اللي جوه البلد . . لو لقت حد محتكر تعلن عن إكتتاب لعمل مشروع منافس . . فمثلا الحديد غالي . . نعمل مصنع تاني بدراسة جدوى و تكتتب ليه . . يبقى الناس اللي ما تعرفشي تستثمر استثمرت و الحديد رخص على الناس و هكذا . .

أحمد البستاوي said...

ثامنا نظام الجمارك
الهدف الأساسي من الجمارك هوا حماية الصناعة الوطنية . . و الهدف الأساسي من الحكومة هوا المواطن و رفاهيته . . افرض حضرتك مواطن بتعمل بالخارج و جايب معاك عربية و كام ماكينة كهربائية للإستخدام الشخصي . . في الحالة دي بنشوف عمر الحاجة دي الإفتراضي قد ايه . . نقول عمر العربية الإفتراضي 35 سنة . . يبقى كل 35 سنة من حقك تدخل بعربية البلد – بعتها ما بعتهاش مالناش فيه بس ما لكشي تدخل غيرها إلا بعد 35 سنة . . و عيالك شرحه القصة فردية . . و على فكرة النظام ده موش من تأليفي . . دا من بق واحد تونسي . .
و في وجود شبكة موحدة . . و كل حاجة ليك مرتبطة برقمك القومي . . الحكاية دي ح تكون سهلة جدا
سلع الأمن سلاح و أكل ما عليهاش جمارك
الجمارك على السلع التي يتم انتاجها داخل البلاد برأس مال مصري . . أنا موش ح أحمى مال غيري . . أنا بحمي مال المصريين بس . .
بمعنى حضرتك صاحب مصنع تعالى و سجل السلعة اللي انتا بتنتجها . . موش ح ناخد منك ضرايب و لا حاجة . . تعالى و سجل و احمي مالك . . لما ييجي تاجر و يستورد سلعة انتا بتنتجها . . يتاخد عليها ضرايب ثمن أغلى سلعة زيها عندي يعني اللي ح يستوردها يدفع تمنها و ثمن السلعة المصرية اللي موش ح تتباع . .
و فلوس الجمارك دي تروح لملاك و مساهمي و عمال الصناعات المتضررة . . على أساس انها مكسب و تتوزع علي صاحب المال و العمال بالنسب المتعارف عليها . .
أما السلع اللي ما عنديش زيها ح تدخل البلد من غير جمارك . . احرم الناس منها ليه

أحمد البستاوي said...

تاسعا البورصة
الفايدة الوحيدة من البورصة هيا إن الأجانب ييجوا يشتروا الأسهم المصرية و بالتالي يجيبوا نقد نقدر نعمل بيه مشاريع تانية . . لكن الأموال الأجنبية دي ما بتجيش لوجه الله . . ما هي بتاخد من خير ولادنا لمجرد إنهم أصحاب المال . . أما رأس المال الوطني فالمضاربة في البورصة من وجهة نظرنا عبارة عن مال مقامرة تفلح أو تخسر . . و دي موش طريقة للتنمية بغض النظر عن بعدها الديني . .
الفكرة هنا إن حتى لو البورصة وقعت ما المصنع زي ما هوا ما جرالوش حاجة . . البورصة وسيلة لجذب رؤوس أموال أجنبية بسرعة إلى البلد . .
ما أعتقده صحيح هوا الإستمرار في البورصة على اعتبارها مساهمات في المشروعات . . على أساس إن الأسهم في نهاية الموسم أو العام تصرف أرباحها . . و ليس على اعتبار السهم سلعة في حد ذاته . . يمكن زياده قيمة السهم لكن ليس على اعتبارات العرض و الطلب و لكن على أساس المصنع نفسه . . مساحة الأرض و الماكينات و المواد الخام . . لأن صاحب السهم هو صاحب المصنع في الحقيقة

أحمد البستاوي said...

عاشرا قوانين الملكية بالنسبة للأجانب و المصريين
إزاي اسمح للسعودي انه يمتلك في مصر و السعودية ما بتسمحشي للمصريين إنهم يمتلكوا فيها . . أبسط مباديء العدل هو المعاملة بالمثل . . بالنسبة للأجانب موش ح نسمح لحد بتملك أراضي زراعية لأنها أمن قومي . . و بالنسبة للمنشئات و المصانع يعطى الأجانب فقط حق الانتفاع و ليس التملك . . و لمدد محددة و اللي موش عاجبه ياخد بعضه و يمشي . . هوا انتا مفكر لما بيستثمر في مصر الفلوس المصرية ح تفضل جوه البلد . . أبدا . . الفلوس اللي كسبها الأجنبي ح ياخدها بلده . . بقى سيدك و أخد فلوسك و سابك و مشى و اضرب انتا دماغك في الحيط . .

بالنسبة للملكية بالنسبة للمصريين لا حد للتملك طالما عملك شريف . .لكن اللي ح يلعب اللعب اياه ح يتشرد . . و اللي نهب نهيبه ح يردها و كل من أخد فلوس و هرب بيها ح يرجعها ح يرجعها . .
تحمى الدولة ملكية الأفراد . . كما يحمي الأفراد الملكية العامة

أحمد البستاوي said...

الحياة النيابية
الأصل إن الشعب مصدر السلطات . . بس عشان ما ينفعشي كل يوم نعمل جمعية عمومية . . زي اللي كانت في ميدان التحرير . . فالناس بتفوض عنهم نواب يحطوا تشريعات و يراقبوا الحكومة . .
النواب دول لو كانوا كويسين الناس ح تستفيد أما لو كانوا فاسدين يبقى العوض على الله . .
لو اعتمدنا نظام التصويت المباشر للشعب عبر شبكة مصر الإلكترونية الموحدة لن يكون هناك حاجة لنواب عن الشعب . . لا في التشريع و لا في مراقبة نشاط الحكومة لأن الشعب ح يكون حاضر في جمعية عمومية طول الوقت . .
ح نضمن بكده موافقة كل انسان بصورة شخصية على القوانين . . و بالتالي على إنه قراه و فهم محتواه
العمليات الإنتخابية حتى في أنزه صورها تسمح بسيطرة ناس ما عندهاش أخلاق و لا كفاءة غير قدرتهم على بذل الوعود من ناحية . . أو استيلاء مرشحين ليسوا ذوي خلفية ليبرالية على الحكم من جهة أخرى . .
من ناحية أخرى موش الشعب بس اللي عنده أوثوريتي . . في انجلترا مثلا فيه مجلسين برلمان و مجلس لوردات . . مجلس اللوردات ده تمثيل للأليجريكية الأرستقراطية . . إحنا ما عنديناش البتاعة دي . . في وقت من الأوقات كان المجلس ده بيمثل الناس اللي بتفكر . . ح نعمل مجلس تاني استشاري علميي يكون أعضائه كل الحاصلين على درجات علمية تؤهلهم للإدلاء برأيهم في موضوع معين . . و لنفترض مثلا درجة الماجستير . . كل حملة ماجستير القانون ح يكونوا أعضاء في المجلس ده

أحمد البستاوي said...

الجنسية المصرية
الجنسية المصرية حق لكل من ولد من أب مصري و أم مصرية . . و يمنح المتزوج من مصرية و المتزوجة من مصري حق الإقامة الدائمة . . لكن لا يمنح الجنسية المصرية إلا لمن ولد لأب و أم مصريين . . و يعتبر أبناء الزواج المختلط مقيمين و ليسوا مصريين و سيكون على أبنائهم (الجيل الثالث) اثبات انتمائهم بالعمل العام . . ليحصل الجيل الرابع على الجنسية . .
سبب تعقيد الحصول على الجنسية إنك تقدر طالما انتا مصري تناقش الحكومة و تقول دا صح و دا غلط و تحصل على نصيب من المال العام . . الناس دي مشكوك في ولاءها دا رقم واحد. . و رقم اتنين أنا موش ح أدي واحد أبوه سعودي و لا ليبي جزء من شغلي و شغل ولادي . .
لو أثبت الجيل الثالث . . أحفاد المصري و الأجنبية أو الأجنبي و المصرية ولائهم بالخدمات العامة أو بحصولهم على علم غير متوفر للمصريين . . يعني حاجة تفيد البلد يمنح أبنائهم . . الجيل الرابع . . الجنسية المصرية . .
حق الإقامة مكفول لجميع البشر بدون اعتبار جنس أو لون أو عقيدة و من حق المقيمين الإقتراح و التبرع لكن ليس من حقهم مسائلة الحكومة أو المطالبة بنصيب من الناتج القومي . .
و لا يحق للمصري أن يكون مزدوج الجنسية . .

أحمد البستاوي said...

تطوير التعليم
التعليم فاشل تخيل اللي بيكتب الكلام الحلمنتيشي ده دكتور
ورثنا ضمن اللي ورثناه من النظام السابق أبنية تعليمية و انظمة تعليمية تلقينية و مدرسين ليسوا ذوي كفاءة أو نزاهة . . و لا نعمم . . ربما لعيب كامن فيهم أو لضعف المرتبات
ح نقسم التعليم لمرحلتين ما قبل الجامعي و الجامعي . .
التعليم ما قبل الجامعي الغرض منه إني أطلع عيال جامدة . . عيال تعرف لغات عربي و إنجليزي . . و الإنجليزي أساسي . . و فرنساوي و ألماني و روسي و دي لغات مهمة جدا . . يعني لو انتا دكتور جراحة عظام مثلا ح تحتاج الألماني جدا لأن الجديد كله جاي من ألمانيا . . لو انتا دكتور مناظير نسا الجديد كله جاي من فرنسا . . و عاوزين نعلم ولادنا رياضيات بصورة موسعة احصاء و تفاضل و تكامل و اديني في الصعب . . و علوم بحتة فيزياء و كيمياء و أحياء و وراثة . . فلسفة و منطق و علم نفس و تاريخ و جغرافيا و فنون رسم و نحت و موسيقا و تأليف و سينما . . أيوه سينما ليه ما يتعلموش يعملو فيلم . . كونغ فو و كاراتيه . . و أعمال زي الكهرباء و النجارة و الميكانيكا . . موش عاوزين عيال خيخة عاوز عيل لما عربيته تعطل ينزل يصلحها . . الحمام يضرب ما يستناش عامل ييجي أو ما يجيش . .
خلينا واقعيين . . إحنا موش ح نقدر نفرض على الناس نظام هما موش عاوزينه . . و موش ح نقدر نخلي الناس ملايكة . . أقصى ما نستطيعه هو محاولة تقنين الواقع بصورة ترضي جميع الأطراف . . النظام المقترح هو نظام الكورسات . .
بمعنى علشان تنجح و تاخد الشهادة الفلانية لازم تكون عديت الكورس الفلاني . . نقول مثلا العربي يتقسم خمس كورسات . . ما ينفعشي تاخد الكورس الثالث من غير ما تكون عديت الكورس الثاني . . و هكذا . .
علشان تاخد الإبتدائية مثلا لازم تعدي الكورس الخامس في العربي و الخامس في الإنجليزي و الرابع في الرياضيات . . هكذا . .
طبيعة الكورس ده إنه متقسم عدد من الحصص أو المحاضرات . . و كل معلم بيحدد سعر الكورس بتاعه . . مثلا بنتي محتاجة السنة دي مواد انجليزي و عربي و رياضيات . . أدخل على الموقع الإلكتروني بتاعنا اللي اتكلمت عليه قبل كده و أدور مين الأساتذة اللي في المنطقة بتاعتي أو في أي منطقة تانية و سعر الكورس كام و فين . . أسجل لها . . تحضر الكورس . . تخلصه تاخد شهادة انها خلصته . . تقدر تدخل تمتحن فيه . .
كسرت أنا دلوقتي رهبة دخول الامتحان لإنها تقدر تدخل تمتحن في أي وقت . . الأسئلة ح تكون على الكومبيوتر . . يبقى الخطأ البشري ح ينعدم . . و لو هيا مجتهدة تقدر تاخد أكبر عدد من الكورسات و تتقدم في دراستها . .
كنت باحس و أنا في ابتدائي إني أقدر أعمل أكتر من كده و كنت بافهم كتب بنت عمتي اللي أكبر منى بسنتين بس موش كان ينفع أكون في تالته و ادخل امتحان خامسة . . مع النظام الجديد لو انتا مجتهد خلص كورساتك و امتحن
بالنسبة للمدرس ح نلغي المرتب الحكومي و الكادر و كل التهريج ده . . و ده قديم ياخد أكتر من الجديد بدون أي ميزة عدا السن .. المدرسين في الغالب يفضلون السلك الإداري لأن تعبه أقل و فلوسه أكتر لكن مع النظام المقترح الوضع ح يكون مختلف . .
الغرض الأساسي من المدرس إنه يدرس موش يكون ناظر أو وكيل . .
التدريس شغلة اللي موش لاقي شغلانة ..دكة و سبورة و عشرين عيل في ابتدائي و محدش بيسأل المدرس ده إيه . . يطلع خدمة اجتماعية في الآخر . . أنا ما عنديش اعتراض انك تشتغل بس انتا غير مؤهل . . عاوز تكون مدرس . . اوك . . عربي . . اوك تحتاج مستوى متقدم من كورسات العربي . . و كورس في التربية . . بمعنى شهادة في المادة اللي ح تدرسها و شهادة انك ينفع تدرس . . و تدريب عملي على التدريس
مكان الدراسة أي مكان معتمد . . الفصل الدراسي مكان يحدده المدرس . . عاوز يؤجر فصل في مدرسة حكومية . . أوك عاوز يوفر فصل في أي مكان آخر و يعتمده في مديرية التربية و التعليم . . أوك بشرط توافر المواصفات . .
مصاريف الدراسة يحددها المدرس بالكورس أو الحصة . . لكن عن نفسي أفضل الكورس ككل
الإمتحانات كلها بالكومبيوتر
بتضمن بكده عدم تكدس أماكن الدراسة . . و مشاركة القطاع الخاص و عدم ضياع الموارد على غير المستفيدين . .يعني اللي عاوز يتعلم يتعلم . . اللي موش عاوز براحته . . و المدرس ح يبذل مجهود علشان ده شغله و تلامذته هما اللي ح يقيموه بنفسهم و بنتيجتهم . . و الطالب لو ما استافادشي من مدرس يسيبه و يسجل مع مدرس تاني . . و الامتحانات بالكومبيوتر و متاحة طول السنة . . و الفصول اللي ح تتأجر في المدارس بتزود الدخل القومي
الدراسة ليست مجانية . . موش انتا اخدت نصيبك من الدخل القومي . . انك تصرف على تعليمك ده صرف على الشأن العام . . اخدت حقك و ادي الناس حقهم

أحمد البستاوي said...

الدراسة في الكليات
كلية الطب ح نتكلم عليها بعدين عشان ليها نظام لواحده
الكليات العملية الصيدلة العلوم الهندسة التربية تتطلب كورسات معينة و أي كورس له مدة صلاحية . . و من حق كل كلية تعمل امتحانات قبول غير امتحانات الكورسات . .
عدد الطلاب المقبولين يعتمد على حاجة السوق . . إحنا موش عاوزين عواطليه . . مثلا قسم السكة الحديد في كلية الهندسة بيفتح بناء على طلب من شركة السكة الحديد موش عمال يطلع مهندسين سكة حديد و مايلاقوش في الآخر شغل . .

الكليات النظرية عبارة عن كورسات . .
الدراسة الجامعية حق مكفول للجميع . . و فيما عدا القيود المفروضة على عدد المقبولين في كليات الطب من ناحية و الكليات العملية حسب قيود المعامل و سوق العمل فإن الكليات النظرية ليس عليها من قيود سوى تخطي كورسات القبول . . الوصول لمستويات معينة من العلم في المرحلة قبل الجامعية حسبما يحدد المجلس العلمي
و الهدف العام من الكليات النظرية هو الارتقاء بثقافة الشعب و ليس شهادات من أجل العمل

المشكلة الأساسية في نظام التعليم في مصر إن فيها جامعيين اكتر بكتير من اللي احنا محتاجينهم . . شوف كل اللي في كليات التجارة و الآداب و الحقوق و الخدمة الإجتماعية . . كل دول ح يشتغلوا محاسبين و مدرسين و محامين و اخصائيين اجتماعيين و لا سواقين ميكروباصات و مزارعين و عمال فواعليه جوا مصر و براها . . دول مظلومين موش مؤهلين
شوف دولة زي امريكا و لا انجلترا و لا فرنسا دول متقدمة . . و نسب الجامعيين فيها أقل من مصر بكتير . . و ما تقدرشي تقول انها متخلفة . . بس التعليم فيها موظف بشكل صحيح . .

Unknown said...

نسيت أقول كمان إنه قال هينتهي موضوع المجلس سيد قراره، والقضاء فقط هو الذي سيحدد صحة انتماء النائب من عدمه.

وكمان قال إن المادة الثانية مش مطروحة اصلا للنقاش أو التعديل.

أحمد البستاوي said...

البحث العلمي
رسايل الماجستير و الدكتوراة الآن في مصر هي نوع من إعادة لإكتشاف كروية الأرض و تمثل الصورة العامة إن لم تكن الوحيدة للبحث العلمي . . خذ عندك المثال التالي . . طبيبة أطفال ذات تخصص فرعي أمراض دم تقوم بقياس هورمون اسمه هيبيسايدن و هو هورمون مكتشف حديثا . . عن طريق شرائط للقياس . . مع محاولة لي الأرقام لتوافق الأرقام العالمية . . ايه اللي احنا استفاداه . ز ضيعنا شوية شرايط على الأرض . . لا احنا استفدنا من النتايج اللي طلعت و لا اخترعنا شرايط جديدة و لا أي حاجة . . تهريج . . المهم انك تاخد ماجيستير الأطفال و المشرف يسجل عدد حالات و كده تمام التمام
البحث العلمي موش كده
يبدأ ببحث عن حل لمشكلة . . بتوثيق ظاهرة . . و مشكلته المزمنة التمويل . . حل مشكلة التمويل ح يكون بأحد 3 طرق . . عندك حاجة بتبحث فيها إعرضها للإكتتاب العام . . ثانيا تخصيص جزء من الناتج القومي للبحث العلمي . . ثالثا بالنسبة للبحوث الطبية ممكن اقتطاع نسبة بسيطة من أجور الأطباء . .

أحمد البستاوي said...

النظام الطبي
مشاكل النظام الطبي الحالي
يقوم النظام الطبي الحالي على نظام الإحالات . . بمعني يوجد مراكز صحية أولية كثيرة تقوم بخدمات قليلة مثل توزيع أدوية الأمراض المزمنة و تطعيم الأطفال و صرف أدوية متابعة الحوامل و تقديم خدمات تنظيم الأسرة و تسجيل المواليد و الوفيات و ده كله موش محتاج دكاترة . . و التمريض يقدر يقوم بيه حتى بصورة أفضل . . و حالات أمراض الجهاز التنفسي و الهضمي . . البرد و الإسهال و دول ممكن الممرضات يتعاملو معاهم بطريقة IMCI و هيا طريقة متبعة في الدنيا كلها ماعدا مصر اللي لازم الدكتور فيها هوا اللي يقيس الضغط و ياخد الحرارة . . و طبعا موش ح نوصف إزاي إن المراكز دي مافيهاش دوا عليه القيمة و إزاي الممرضات بيصرفوا المضاد الحيوي بينهم و بين بعض . . ما علينا . . لو جات حالات أكبر من كده بتتحول إلى مستوى أعلى و هيا المستشفيات المركزية . . الإسم مركزية ليس لأنها مستشفيات عظيمة بل لأنها تقع في المركز التابع له هذه القرية . . يعني مستشفى المركز . . و دي بقى حدث و لا حرج عن ضعف الإمكانيات البشرية قبل التجهيزات الطبية فيها . . و غالبا ما تقع هذه المستشفيات تحت سيطرة الأخصائيين . . و تتحول بقدرة قادر لمستشفى أبوه و يحاسب الحالات المجاني على عملياتهم و فحوصاتهم و إقامتهم . . بيحصل و الله . . أو تتحول الحالات إلى المستوى الأعلى و دي المستشفيات التخصصية و التعليمية و الجامعية . . و دول فيهم نسبة فساد بس موش بايظين أوي زي الوحدات و مستشفيات المراكز . .
الناس برضو موش عبيطة . . لما يكون جنب مستشفى تعليمي و لا جامعة ما بيفكرشي يروح وحدة صحية . . يروح واخد بعضه ع المستشفى الكبيرة اللي جنبه اللي مستوى الخدمة فيها مرتفع و يخلص نفسه
النتيجة إهدار مال عام في مستشفيات غير ذات مردود و ضغط شديد على المستشفيات الجيدة . . و الأسوأ فرص تعليم متدنية للأطباء في المراكز الصحية و مستشفيات المراكز و بالتالي ضعف مستوى الآداء الطبي في الريف
ملاحظة تانية بلدنا فيها ميزة ضخمة إحنا بنعتبرها عيب . . إنها مكدسة بالسكان . . و ده ممكن يكون مفتاح الحل كما يلي
ح نلغي مراكز الصحة الأولية و نستبدلها بغرفة في بيت العمدة للقيام بالأعمال اللازمة . . التطعيم و تسجيل المواليد و الوفيات و تنظيم الأسرة . . صرف العلاج للأمراض المزمنة عن طريق التأمين الصحي من أقرب صيدلية . . إيه متابعة الحوامل . . لا يا حبيبي دي حاجة يقوم بيها دكاترة النسا موش الرائدات الريفيات . .
تحسين طرق المواصلات في الريف
توفير سيارات اسعاف في القرى
ممكن استخدام الوحدات المنشأة فعلا . . إما ببيعها أو تأجيرها للأطباء اللي عاوزين يشتغلوا في الريف بمزاجهم . .
و تستخدم هذه الأموال لإنشاء مستشفيات حقيقية تبعد الواحدة عن الأخرى 100 كيلومتر مستفيدين من تكدس السكان في مصر . . يعني أي حالة ح تاخد أقل من نص ساعة و تكون في مستشفى حقيقي . . و سنجد أن غرب الدلتا سيحتاج إلى 3 مستشفيات و وسط الدلتا سيحتاج إلى 3 مستشفيات و شرق الدلتا إلى 3 مستشفيات و القاهرة إلى 3 مستفيات نظرا لعدد السكان الضخم و الصعيد إلى 7 مستشفيات و سيناء إلى مستشفيتين و مطروح مستشفى واحد فقط و دي أرقام تقريبية و ممكن تتعدل
المستشفى اللي احنا بنتكلم عليه موش مستشفى دورين و خلص نفسك . . لأ . . مستشفى على حجم القصر العيني . . فيها خدمة 24 ساعة و سراير تكفي الناس و معامل و اشعات و عمليات و حضانات و عناية مركزة على أعلى مستوى لأنها ح تكون مستشفيات جامعية

أحمد البستاوي said...

أي مستشفى في مصر ح تكون في الوقت نفسه كلية طب
كل مستشفى بتحدد احتياجاتها من الدكاترة و التمريض . .
نقول مثلا المستشفى السنة دي محتاجة 4 دكاترة عظام و خمسة تخدير و سبعة اشعة و هكذا يتقدم الطلبة الحاصلين على الكورسات المطلوبة لغات و كيمياء و فيزياء و كل الحبشتكانات دي . . يتعمل لهم امتحان . . و زي الزمالة البريطاني نقول أعلى اربعة متقدمين للعظام هما اللي يتاخدوا . . من الأول الدكتور ح يكون عارف هوا متخصص ايه . . موش يستنى لما يتخرج و يخلص امتياز و جيش و تكليف و يكون قد بلغ من العمر أرذله اما يبدأ التخصص بتاعه . . انتا بدأت و انتا عارف انتا ح تتخصص ايه . . يقضي سنتين تلاتة نظري تشريح على فسيولوجي على كيمياء حيوي على كل الحبشتكنات دي و هوب يدخل على العملي
من أول ما ابتدا العملي هوا دكتور . . و بيشتغل في العنبر و العيادة و بياخد مقابل شغله . . كل دكتور عارف ان فيه تراتبية . . بنسميها سنيوريتي . . يعني مثلا و انتا لسه بادي التخصص بتشتغل حاجات صغيرة . . تكبر شوية تشتغل حاجات أكبر و هكذا . . طيب إفرض إنتا عاجبك كده بس و موش عاوز تكمل أكتر من كده . . براحتك .. مثال مثلا . . واحد بتاع نسا اول سنة يولد طبيعي . . تاني سنة يولد الحالات اللي موش طبيعي . . تالت سنة يفتح قيصريات . .رابع سنة يفتح القيصريات اللي فيها مشاكل . . خامس سنة يشتغل عمليات غير الولادات حمل خارج الرحم غدد بارثولين . . سابع سنة يشتغل استئصال رحم . . ثامن سنة يعالج حالات الباطنة المتعلقة بالحمل و حالات الحمل الحرج . . تاسع سنة يشتغل مناظير . . عاشر سنة يشتغل أطفال حديثي ولادة . . السنة الإحداشر يشتغل حالات سلس البول و السقوط الرحمي. .
انا بقول ده مثلا . . مفيش دكتور نسا بيعمل ده كله . . بس بمجرد انك تخلص الكورس بتاع الولادة الطبيعي مثلا تدخل الامتحان لو نجحت تاخد شهادة انك تولد طبيعي و ممكن تروح تفتح عيادة وتشتغل ولادة طبيعي بس . . خلي بالك إنك بعد الإحداشر سنة موش ح تكون عجوز و لا حاجة . . ح تكون أخدت شهادة في كل فروع النساء زي الزمالة أو الدكتوراة و عمرك مثلا 28 سنة و دا معقول جدا
و قيس على كده في كل التخصصاتخلي بالك إن المستشفى دي ح تكون بتخدم ناس كتير و بالتالي موش ح نعلم دكاترة نص علام و لا حا نسيبهم من غير علام خالص و حيكون الشغل كتير ربنا يسهل و الدكاترة اللي عندنا يكفوابالنسبة للشغل الخاص طبعا المنطقة حوالين المستشفيات مافيهاش حد غير الخاص . . كل المطلوب منهم وصلة بالشبكة الموحدة اللي اتكلمنا عليها قبل كدة و مطابقة المواصفات . . يعني الخاص هوا اللي ح يغطي الريف . . ح تقولي طب كده الناس في الريف انظلمت ح اقولك انا لسه ما اتكلمتش عن الطريقة اللي الدكاترة ح يتحاسبوا بيها
من حق كل انسان تحديد سعر الخدمة اللي ح يقدمها . . مفيش تسعيرات على شيء و الحكاية عرض و طلب . . بما فيها تسعيرات الخدمات الطبية . . كل دكتور زي أي مواطن ليه أكاونت على الشبكة الموحدة . .

أحمد البستاوي said...

عندك مشكلة صحية ما . . عاوز تكشف باطنة مثلا . . إما تروح المستشفى و الإستقبال يوجهك أو تدخل على الشبكة و تدور على الدكاترة المتوفرين في منطقتك أو في أي منطقة تانية . . تحجز و تدفع عن طريق الشبكة . . تاخد ميعاد تروح فيه
لو فيه حالة طوارئ تطلع على المستشفى و ح يعالجوك .. و يعتبر سعر الخدمة الطبية دين عليك تسده وقت ما يتوفر في حسابك سيولة نقدية
طيب إنتا فقير . . موش مشكلة . . ح يكون فيه دكاترة ليهم أيام بالمجان . . الشئون الإجتماعية تدفع لك . . التبرعات الخيرية تسد عنك . .
الهدف من طريقة الدفع دي إن القائمين على الخدمة الصحية ياخدوا حقهم . . و إنتا تاخد حقك . . لما الدكتور يقبض على حسب عدد الحالات اللي اشتغلها موش ح يسيب نوباتجيته و يمشي . . لما يكون الطبيب اخصائي في المجال ده بمجرد اجتيازه الامتحان موش ح يكون فيه إخصائيين نايمين في البيت و راميين الشغل على النواب اللي لسه بيتعلموا . . لما الدكتور ياخد من الحالة في مستشفى الحكومة زي ما بياخد منها في الخاص يبقى موش ح يكون فيه إهمال في المستشفيات الحكومية. . لما الخدمة الصحية تكون بفلوس ح تختفي سياسات الإستنطاع و الاستخسار و أبو بلاش كتر منه . . لما تقدر تدخل و تقيم عمل الدكتور على موقعه إنه كويس أو وحش . . إنك استفدت أو لأ . . ح يخلي الدكتور يحارب علشان سمعته . .
اللي بيحصل دلوقتي إن الحكومة بتدعم القطاع الطبي على حساب الأطباء و الممرضات و النتيجة زي ما انتو شايفين . . إهمال و تراخي .. و أحسن عيالنا هربوا أوروبا و الخليج . .
الدولة موش ح تكون وصية عليك . . انتا ح تاخد نصيبك من الناتج القومي في ايدك و اتصرف فيها براحتك . . الفلوس دي كانت حكومة مبارك بتحط منها عشرة جنيه في المستشفى و تبدد بقية المائة . . نرجع نقول تاني . . الفكرة الأساسية في مصر الجديدة هي مراجعة الحاجات و على قد لحافك مد رجليك . . كل واحد ح يصرف في الحتة اللي هوا شايف الفايدة من ناحيتها

أحمد البستاوي said...

عاوزين مشروع نووي مصري . . مفاعل أنشاص الخايب ده ما ياكولشي معانا

أحمد البستاوي said...

الأمن الغذائي
كانت مصر في يوم من الأيان مصدر القمح الأساسي في الإمبراطورية الرومانية . . و اليوم نحتاج إلى الاستيراد . . أنا لست ضد حرية الزراعة . . و يمكن الموازنة بين حرية الفلاح في زراعة محاصيله و تحقيق الأمن الغذائي لمصر عن طريق
أولا . . السودان بتبيع مشروع الجزيرة . . مليون فدان من أجود الأراضي أرض سوده بتروي من النيل مباشرة . . سعر الفدان 4 ألاف جنيه سوداني يعني 8 آلاف جنية مصري .. قول 8 مليار جنية مصري و توفر من مليون لمليون و نص فرصة عمل و قول ح تصرف على التنظيم كمان 50 مليار . . مشاريع ري و إنشاء مدن . . بس الفلوس دي راجعالك راجعالك . . بالإضافة للمد الإفريقي و تحقيق الأمن الغذائي . .
و ممكن تحاسب الفلاحين بالمزارعة . . يعني بنظام بنك الفلاح . . الفلاح يسحب تقاوي و سماد و ميكنة زراعية على المكشوف . . و في آخر الموسم يبيع و يسد البنك . . نص عليه و نص على المالك . . المكسب بعد ما يسد البنك نص للفلاح و نص للمالك . . الجميل في الحدوتة دي إن الدولة صاحبة الأرض تقدر تفرض نوع الزراعة اللي هيا عاوزاه . .
عاوزين نعيد حساباتنا في مشروع توشكى و منع التملك للأجانب . . أصل موش معقولة الأمير فلان و لا علان يجيب البنغالة يشتغلوا في مصر و أنا المصري موش لاقي شغل . . هيا بلد مين
ثانيا فرض دورة زراعية . . بمعني كل أربع سنين مثلا موسم الزراعة الشتوية تكون قمح . . يبقى في أي سنة ربع الرقعة الزراعية ح تكون قمح . . و عروة من 12 عروة موش ح تفرق كتير مع الفلاح . .

Unknown said...

نوارة.. معلش انا ليا طلب كمان بس مش عارف هتلحقي توصلي للكومنت بتاعي ولا ايه.. ممكن يخلو سن الترشح للمجالس المحلية و النيابية من سن 25 سنة.. و حاجة كمان ان اي بني ادم يرشح نفسه لاي حاجة لازم يكون ليه خطة عمل زمنية واضحة و يتحاسب عليها في كل سنة حقق ايه منها عشان نحكم اذا كان يكمل ولا لأ عشان ميجيش حد يبرطع في المنصب كذا سنة و يضيع وقته ووقتنا..

أحمد البستاوي said...

النظام الأمني
كلنا عندنا حساسية من الشرطة و أمن الدولة و الأمن القومي و الأمن المركزي و مكافحة الشغب . .
بس ح نعمل ايه شر و لابد منه
النظام المفترض شبيه بالنظام في الدول الغربية . . بس بتعديل مصري .. الدستور بيقول الشرطة هيئة مدنية . . و بيقول يحظر انشاء الرتب المدنية . . يبقى موش ح يكون فيه لواء شرطة . .
ضابط الشرطة أو الجندي أو مخبر أو أيا ما كان ما ينفعشي يتعين كده . . لازم ياخد كورسات أمنية الأول و كل سنتين يتعمل انتخابات للشرطة . . يتحدد حجم القوة المطلوبة و تتعمل انتخابات على الإنترنت . . ح تقولي كده لو وحش ح يقعد في قفايا سنتين . . لأ يا معلم . .الحكاية إن القوة المطلوبة ح تكون نقو 100 عسكري و 5 ضباط . . اتقدم 200 عسكري و 20 ضابط . . حضرتك دخلت رشحت خمسة ضباط و 100 عسكري . . لو حد فيهم ضايقك خش على الإنترنت و اسحب الثقة منه و ادي صوتك لواحد تاني . . يبقى لو واحد عمل مشكلة حقيقية ح يتفصل من الشرطة بمجرد تصويت الناس و واحد تاني ييجي مكانه . . و اللي رشح نفسه وما اتقبلشي و لسه عاوز يكون في الصورة ما يسحبشي ترشيحه لأنه ممكن في أي لحظة الناس تعوزه . . يبقى حتى لو الشرطة أضربت عن العمل تاني يوم ألاقي ليهم بديل . .
و ح يكون فيه نظام للعاملين في الأمن يبرروا فيه موقفهم . . منتدى حوار . . كده يعني علشان برضو ما نظلمهمشي
بعد سنتين نص الطقم يتعمل عليه انتخابات . . موش شرط يتغير . . يعني لو ضابط محترم و عساكر معاملتهم كويسة يتغيروا ليه . . و كله بإرادة الناس
الطب الشرعي مجال غاية في التخصص و ح يكون تبع المجلس العلمي . . يعني دا رأيه رأي علمي موش بمزاجنا نمشيهم أو نخليهم . . زي القضاة برضو . . و موش ح نؤكد على فصل السلطات . .

أحمد البستاوي said...

الجيش
في التعديل الثاني من الدستور الأمريكي . . إن حرية حمل السلاح لن يمس لأن شعبا مسلحا لن يحكمه طاغية . .
لكن احتمال الحرب الأهلية في الظروف دي يبقى عالي أوي
الجيش درع البلد . . و بلاعة مالهاش آخر بتبلع في فلوس الناس . . مضيعة للوقت و المال . . الهدف الأساسي من وجود الجيش هو الدفاع عن البلد و مصالحها . . و موش ح أقول زيادة رقعتها رغم إنه كلام ممتاز . .
الجيش بيتكون من جزئين . . جزء فني عالي التقنية الطيران و المدفعية و الفنية العسكرية و المدرعات و المدفعية و الدفاع الجوي و الصاعقو و البحرية و الغواصات و المخابرات الحربية . . دول موش ح نقدر نستغنى عنهم . . على العكس دول عاوزين نطورهم و نزودهم و نخليهم كويسين . . أما الجنود البريين المشاة فهم عبء . . ياما و بيصرفوا ياما . . دول يقعدوا في بيوتهم .
في المقابل كل سنة الناس دي يمشوا اسبوعين تدريب على السلاح و حرب العصابات
بمعنى أصح بخلي الجيش العامل هو الجيش الفني . . و بنلغي الجيش غير الفني و بنحول الشعب كله مقاومة وطنية . . و في التاريخ مثالين على كده .. إسرائيل . . و كل السكان فيها من سن 15 إلى سن 60 احتياط للجيش . . و سويسرا اللي كانت بدون جيش لكن شعبها كله مسلح و مدرب جيدا . . علشان كده هتلر سابها ما قربلهاش رغم انه بلع أوروبا كلها في سنتين . .
ح نلغي التجنيد الإجباري و ح نخلي فيه تدريب إجباري لمدة اسبوعين سنويا لكل الناس وحيد أبوه أو عنده ميت أخ بين سن 15 و 65
استفدنا من الشباب المتعطل في الجيش ينزلوا يشتغلوا . . و الفلوس اللي كنا بنصرفها عليهم نطور بيها بقية الجيش . . و نتخلص من كمية اللواءات المهولة اللي ممكن تتحول محافظين و رؤساء دوائر حكومية إتقاء لشرهم ..
و محدش ح يفكر يدخل عليك علشان دباباتك و طياراتك ميه ميه و الشعب من وراهم مسلح

أحمد البستاوي said...

مراجعة كل الاتفاقيات الخارجية . . اللي في مصلحتنا يمشي و اللي موش في مصلحتنا لأ
يعني ايه الغاز بتاعي يتباع في اسرائيل ارخص ما يتباع في مصر
لا الغاز و لا البترول يتصدروا . . دول ثروة أولادنا . . عاوزين تصدروا صدروا مشتقات و منتجات بتروكيماوية . . بعشرات أضعاف الثمن . . لكن كده ببلاش . . لأ

أحمد البستاوي said...

هذا كل شيء حتى الساعة . . على رأي قناة الجزيرة
هه رأيكم إيه
أفكار سوده . . و لا لأ
دا نتيجة مناقشات مستفيضة بين 3 دكاترة نفسهم يشوفوا مصر قوة عظمى
اللي يعرف حاجة يقول كمان

Anonymous said...

أحب شوية اضافات صغيرة :
1- الاحزاب يجب أن تكون مدنية أو ذات مرجعية دينية فقط و هنا يجب التفريق بين الأحزاب ذات المرجعية الدينية و الأحزاب الدينية عشان من الاول كدة على بلاطة الاخوان ما يتعوجوش و يستشيخوا علينا , في الحتة دي لازم أنوه لموقف سخيف حصل من الاخوان أظن في تاني أسبوع مظاهرات في اسكندرية لما أقاموا صلاة مغرب أخرى في نفس التوقيت و بامام آخر ولم يرد أي تفسير على هذه الواقعة
2- لازم حكاية ال 50% عمال و فلاحين و طبعا انتو عارفين ليه!!! الفلاح مكانه في أرضه بيزرع و العمال في المصانع , غير كدة من غير أي اساءة و الله ايه اللي فهمهم في التشريعات و القوانين يعني
3- تحديد سن أقصى للنواب و ليكن 60 أو 65 كحد أقصى و ياريت بس حاجة تانية عشان نخلص بقى من ان حد يلبد في البرلمان تماما زي فتحي موافقات أنا باقترح ان يكون الحد الأقصى لأي نائب في البرلمان تكون دورتين برلمانيتين لا يشترط أن يكونوا متواليتين
4- الغاء وزارة العدل و اسناد كافة صلاحياتها الى المجلس الأعلى للقضاء أو نادي القضاة على أن يكونا منتخبين من القضاة
5- يجب الغاء اسناد منصب رئاسة المجلس الأعلى للقضاء و منصب القائد الأعلي للقوات المسلحة من صلاحيات رئيس الجمهورية لكي يطبق مبدأ " رئيس الجمهورية هو الحكم بين السلطات" مع الحرص على أن تظل القوات المسلحة تتعهد بالولاء لرئيس الجمهورية
6- يجب تحديد حد أدنى للأجور و كذلك حد أقصى كمان
و شكرا

Unknown said...

كل الاسماء المعلنة ناس محل ثقة و طالما لا يوجد تزوير فى الانتخابات و الاستفتاء تانى يبقى اللى مش عاوزه الشعب مش هـ يمر
ياجماعة لوفيه دستور زى اللى بنتمناه ممكن مصر تكون احسن بلد فى الدنيا فى فترة بسيطة
مهاتير محمد مسك رئيس وزراء ماليزيا عشر سنوات فقط تحولت من متوسط دخل الفرد 380 دولار تركها ( علشان تداول السلطة ) وكان متوسط دخل الفرد اكثر من 12800 دولار
عمل فى عشر سنوات ثورة فى الزراعة و ركز على تصنيع 3 اهم شركات يابانية بتنتج هناك و كذلك تم تنمية السياحة بشكل خطير
و قبل كل ده عمل ثورة فى اصلاح التعليم بجد مش بنظام 108 فى الميه علشان يشغل الجامعات الخاصة
ممكن احنا نعمل اعظم من كده

Unknown said...

فاضل حاجه بسيطة وهى ان المحافظين يكونوا بالانتخاب وليس بالتعيين حتى يسعوا لارضاء الشعب وحل مشاكل الناس
لكن المهم دلوقتى ان الناس تصير بمطالبها الشخصية شويه حتى لا تنهار البلد وبعدين لازم الشرطه ترجع حتى يعود النظام والامان الى الشارع واعتقد انهم تابوا وانابوا اخيرا الماده التانيه من الدستور ما ينفعش تتلغى
لانها لاتنص على ان الدوله اسلاميه لكن تنص على ان المصدر الاساسى للتشريع هو الدين الاسلامى وبعد التغيير الى حصل نصت على ان الدين الاسلامى من مصادر التشريع

yasser said...

وكمان لازم نلغى المجلس القومى للمراءة وجميع المراكز المتخصصة وباقى البلاعات الى كانت بتبلع ثروة مصر زى التلفزيون المصرى والجرائد الحكومية ايه فايدجة الكلام دة كلة ممكن المواطن ياخد بدل منهم غسالة اطباق

Early bird said...

اهم حاجه الانتخاب بالرقم القومى ولا نغفل المصريين فى الخارج اى مصرى له الحق فى التصويت

وانتى فعلا قولتها مصر لا هى السعوديه _وعلى فكره مين قال ان السعوديه اسلاميه لو كانت اسلاميه ماكنتش سمحت بضرب العراق من اراضيها واديت خيرها كله للامريكان _ولا هى فرنسا

اصل تركيا ابتدت تتعدل

Early bird said...

اهم حاجه الانتخاب بالرقم القومى ولا نغفل المصريين فى الخارج اى مصرى له الحق فى التصويت

وانتى فعلا قولتها مصر لا هى السعوديه _وعلى فكره مين قال ان السعوديه اسلاميه لو كانت اسلاميه ماكنتش سمحت بضرب العراق من اراضيها واديت خيرها كله للامريكان _ولا هى فرنسا

اصل تركيا ابتدت تتعدل

Layla said...

بلاش كلام ولعب كتير في الدستور...خلينا الاول في المواد بتاعت الانتخابات ولما ننتخب مجلس شعب حقيقي و رئيس جمهورية حقيقي نبقى نشوف باقي المواد في الدستور

newtopc said...

يأخت نواره ، أرجوكي أوصلي مطالبنا بإقاة النائب العام الجميع غافل عن هذا الرجل رغم أنه أحد المتورطين في الجريمة البشعة ضد خالد سعيد وسيد بلال أليس هو من قام بإعادة معاينة الجسمان وأقر بتقارير الطب الشرعي المزيف
نرجوكم كيف يتم رفع قضايا ضد مبارك والحزب الواطي وجرائم سفاحي الشرطة ويحقق فيها هذا السفاح النائب العام
كيف يتهم أسياده بالفساد وبالقتل والتعذيب والسرقة
نرجوكم ياجماعة وصلوا صوتنا بإقالة النائب العام ومحاكمته في إقراره لتقارير الطب الشرعي المزورة في قضية خالد سعيد وسيد بلال وغيرهم رغم إعادة معاينته للجثة
وكذلك إقالة رمز النقابات الفاسدين
اطلبوا ذلك من المجلس العسكري لكن العبرة الآن بمن يباشر التحقيقات أقيلوا الفاسدين وزيول النظام من القضاء والنيابة

Unknown said...

ازيك .. الحقيقة انا قرتلك قليل من الدستور لكن باحترمك و ارائك جدااا وعرفت المدونة من لقاءك فى دريم مع بلال و برده ماكنتش اعرف إنك بنت الوطنى الطاقئ العظيم نجم
مش مهم..المهم يا نواره انا موافق و مؤيد لكل اقتراح قلتيه و متفائل انشاء الله لكن نارى لسه مابردتش من اتنين:
1- كل من حرض, ساهم, شارك فى قتل شهدائنا من اول يوم لأخر يوم يطلع العادلى بأه حسنى ابنه وزير محامى مذيع اعلامى كابتن كوره بلطجى رجل اعمال فنان رقاصة...نفسى ماحدش فيهم يفلت ابداااا
2- نفسى ان اى عمل بلطجى من اى نوع تبقى عقوبته القعدة على خابور لمدة 100 سنه..دى بقا تتحط فى مادة فى الدستور تتحط فى قانون مغلظ تتلف ف ساندوتش المهم انها تبقى زى القران

محمد نور الدين said...

من بتاع الجزائر إلى ست الكل

أيها المصريون أيتها المصريات
من يطالب بإزالة المادة الثانية عدو الثورة

حتى أرفع كل غموض أنا علماني ويساري
لكن أقول أن أي نظام عربي يفكر أن يزيل المادة الثانية من الدستور ستنسفه الجماهير في 24 الساعة الأولى. لأن الوضع التاريخي للشعوب العربية غير مهيأ لقبول ،في هذه المرحلة الراهنة، الدولة العلمانية
وإذا افترضنا أن المجلس العسكري قرر إزالتها فإن مصر تعرف مظاهرات عشرات المرات ضد إزالة المادة الثانية أكثر مما عرفتها لإسقاط النظام مما يعطي الفرصة للقوى الأخرى من اكتساب شرعية شعبية
ياإخوانا يا مصريين هناك شيء يسمى الوضعى التاريخي للشعوب ،و العرب جميعا نتيجة التأخر التاريخي و الحضاري غير مهئين لقبول مرحل متقدمة جدا تحقيقها و الوصول إليها يحتاج إلى جهود فكرية وسياسية مضنية و عمل تنويري جبار يحتاج إلى عشرات السنين حتى يتهيأ الوضع التاريخي و الحضاري لقبول الدولة العلمانية .
ويكون واهما من يعتقد أنه قادر على القفز فوق قوانين التاريخ .ولهذا فالمطلوب في هذه المرحلة دستورا ديمقراطيا يفصل بين السلطات ويحدد الصلاحيات ويؤكد على الحريات العامة و الفردية و المساواة أمام القانون. هذه تكون خطوة نحو مجتمع ديمقراطي الذي سينقل مصر ومعها الأمة العربية إلى أمة عصرية علمانية يكون فيها الدين لله و الوطن للجميع.
أخوكم بتاع الجزائر

محمد نور الدين said...

من بتاع الجزائر إلى ست الكل

أيها المصريون أيتها المصريات
من يطالب بإزالة المادة الثانية عدو الثورة

حتى أرفع كل غموض أنا علماني ويساري
لكن أقول أن أي نظام عربي يفكر أن يزيل المادة الثانية من الدستور ستنسفه الجماهير في 24 الساعة الأولى. لأن الوضع التاريخي للشعوب العربية غير مهيأ لقبول ،في هذه المرحلة الراهنة، الدولة العلمانية
وإذا افترضنا أن المجلس العسكري قرر إزالتها فإن مصر تعرف مظاهرات عشرات المرات ضد إزالة المادة الثانية أكثر مما عرفتها لإسقاط النظام مما يعطي الفرصة للقوى الأخرى من اكتساب شرعية شعبية
ياإخوانا يا مصريين هناك شيء يسمى الوضعى التاريخي للشعوب ،و العرب جميعا نتيجة التأخر التاريخي و الحضاري غير مهئين لقبول مرحل متقدمة جدا تحقيقها و الوصول إليها يحتاج إلى جهود فكرية وسياسية مضنية و عمل تنويري جبار يحتاج إلى عشرات السنين حتى يتهيأ الوضع التاريخي و الحضاري لقبول الدولة العلمانية .
ويكون واهما من يعتقد أنه قادر على القفز فوق قوانين التاريخ .ولهذا فالمطلوب في هذه المرحلة دستورا ديمقراطيا يفصل بين السلطات ويحدد الصلاحيات ويؤكد على الحريات العامة و الفردية و المساواة أمام القانون. هذه تكون خطوة نحو مجتمع ديمقراطي الذي سينقل مصر ومعها الأمة العربية إلى أمة عصرية علمانية يكون فيها الدين لله و الوطن للجميع.
أخوكم بتاع الجزائر

model said...

الشخصية فاضلة و لها تقدير خاص و الغريب الى انها دعت للعصيان منذ عام 2005
اللهم وفقه في عمله و اجره
و الحقيقة يا نوارة اتفق معك في كل المطالب و اراها حقوق لا امنيات
هي حق
و لا ارى في هذه الحقوق اي بهدلة للرئيس او اهانة له
او اي اهانة لاي مسؤل في الدولة
لقد كان والدي يعمل طيارا و عمري ما سمعته بيقول انه بيعمل
دائما كان يستخدم اللفظ باخدم في قاعدة كذا او المنطقة الفلانية
لكن يا نوارة اسلوب نبهدلة و نطلع عينه و نضحوره و الكلام ده انت ارقى منه
احنا ناخذ حقنا و بكل ذوق و باسلوب سلمي
هم يخدمون الدولة لا عن تناول منهم
بالعكس هم يؤجرون على ذلك
و كلنا نخدم في مواقعنا
هكذا ارى و اعتذر لو اخطأت في اعتقادي

Unknown said...

نسيت اقول انى عمرى ما شفت بوليس ف العالم الادمى فيه رتب و لا فيه امن مركزى و لا فيه تجنيد!!!

oprah said...

الشعب يريد تجنب الخداع

السلام عليكم ورحمة الله

شعار المرحله القادمه هو الشعب يريد تجنب الخداع

يوجد رؤيه سديده من اشخاص نرى بهم محبة هذا الوطن ان النظام مازال يحكم تحت اسم المجلس الاعلى للقوات المسلحه

وقالو ان الثوره التى لم تأتى بمجلس لها يحكم الوطن ومتفق عليه انهم من شرفاء الوطن فالنتيجه هى ان يعود النظام هيكلة نفسه مره اخرى وتقديم تنازلات لا تؤثر عليها والدليل على ذلك هى انتهاء الثورات السابقه

مثال لذلك ان الشعب اراد اعادة محمد نجيب للحكم بعد عزله - فوافق مجلس الثوره على ذلك ولكن بعد 6 شهور تم عزله ووضعه فى الاقامه الجبريه وسجن كل رموز الثوره واعدام بعضهم بعد ذلك

والدليل على ذلك

1- الاعلام المرئى والمقروء والمسموع مازال يحتفظ برؤسائه

2-فى حالة التغير يتم استبدال انس الفقى بعماد اديب

3-عدم تقديم اى من المذنبين الى محاكمه سريعه واضحه

4-المحافظه على عدم اطلاق سراح السجناء السياسيين

5-قانون الطوارئ

6-عدم وجود شفافيه بمكان الرئيس السابق ومحاكمته وخلافه

7- ظهور عمرو موسى وعمر سليمان كبديل للرئيس لانتمائهم للنظام

8- ظهور البرادعى بالاعلام كعميل لاضعاف شعبيته

وفى النهايه ما زال امامنا الكثير ونبدأ بالشعار يوم الجمعه

الشعب يريد تجنب الخداع

ahmedelebyary said...

انا متفائل جدا بالمستشار طارق البشري
كان عندي تعليق بس علي موضوع تركيا
الاتراك مش كلهم زي بعض
طيب يا نوارة ده شفت في تقرير للجزيرة عن المظاهرات الداعمة للثورة المصرية كانوا رافعين صور حسن البنا وسيد قطب وكمان خالد الاسلامبولي
هم منقسمين قسم اسلامي و قسم علماني
لكن مش باين منهم قدامنا غير العلمانيين

ahmedelebyary said...

عايزين نركز علي الثورات في بقية الاقطار العربية في البحرين واليمن والعراق والجزائر
عشان الحكام مستفردوش بيهم زي ما كان هيحصل معانا

Unknown said...

أنا عايز لما أخش أي جهة حكومية ماشفش أبداً أبداً تاني منظر الورق اللي بكميات مهولة اللي بيبقى عال أرفف بالأطنان وعليه تراب ومربوط بحبل. لازم اختراع الكمبيوتر يخش كل قسم وكل مصلحة حكومية في البلد. والله ده كل الورق اللي في البلد كله كله يتحط على فلاشاية واحدة بس. والله فلاشاية واحدة تشيل كل التكست اللي في البلد.

1- توفير في المساحة
2- منظر أنظف
3- سرعة تصفح البيانات مما قد يوفر على الأقل 90% من الوقت واليوم اللي زمان كان بيخلص في مصالح عشر أشخاص بالكمبيوتر يبقى عشر تلاف من غير أي مبالغة
4- أمن وسلامة البيانات من الحرائق وتلف الأوراق من الماء وغيره من مساوئ الورق. بالكمبيوتر يمكن عمل باك أب ويطلع عال نت وانساني يا عمرو

Unknown said...

أنا عايز لما أخش أي جهة حكومية ماشفش أبداً أبداً تاني منظر الورق اللي بكميات مهولة اللي بيبقى عال أرفف بالأطنان وعليه تراب ومربوط بحبل. لازم اختراع الكمبيوتر يخش كل قسم وكل مصلحة حكومية في البلد. والله ده كل الورق اللي في البلد كله كله يتحط على فلاشاية واحدة بس. والله فلاشاية واحدة تشيل كل التكست اللي في البلد.

1- توفير في المساحة
2- منظر أنظف
3- سرعة تصفح البيانات مما قد يوفر على الأقل 90% من الوقت واليوم اللي زمان كان بيخلص في مصالح عشر أشخاص بالكمبيوتر يبقى عشر تلاف من غير أي مبالغة
4- أمن وسلامة البيانات من الحرائق وتلف الأوراق من الماء وغيره من مساوئ الورق. بالكمبيوتر يمكن عمل باك أب ويطلع عال نت وانساني يا عمرو

Unknown said...

لازم يكون فيه نوع من الرقابة الموثوق فيها للمسجونين والمعتقلين عشان التعذيب والعنف

Nicholas Urfe said...

الى الحقير القاهرة الجديدة

انا مش بحب ادافع عن نوارة ولا انا من شلة مريدينها وهي كما تبدو لي شخصية قوية لا تحتاج لمحلسة حد ولا تملق حد ولا دفاع حد عنها وممكن تتكفل بيك وبالف زيك وتغسلك وتنشرك

لكن بجد بجد بجد انت انسان حقير وقذر واذيتني شخصيا بكلماتك القذرة ..

يا شئ ازاي تتجرأ على انسان وازاي تتجرا على بنت بكلمات زي دي؟؟؟

BLOGGER said...

مش حقول حاجة غير روحي يا بت يا نوارة الله يفتح عليكي

أحرار مصر said...

الله ينور عليكي يا نوارة

Mostafa Orabi said...

انا عاوز الرئيس يكون صغير مش فاضله يومين وندفنه

احلام جوليا said...

انا كمان عاوزة اقول حاجة مهمة عاوزين نربط رئيس الجمهورية ومجلس الشعب والشورى والوزراء ازاي؟؟؟؟؟؟؟؟؟
اولا الوزراء كلهم بالانتخاب لانهم بيشتغلوا عندنا احنا مش عند الريس
ورئيس الوزراء بالانتخاب برضه من الوزراء احنا حنعرف نختار الوزراء احسن من الريس لان البيه السابق كان بيجيب دكتور اطفال ويعملوا وزير تعليم وهلما جرا فاحنا حنختار وزراء انسب مش مجرد موظفين ناس تقدر تدينا الاصلاح كل في مجاله
عاوزين كمان لجنة مؤسسة هيئة سموها زي ما تسموها مسئوليتها مراقبة نوعين
مراقبة مالية ومراقبة سلوكيات لثلاث فئات فقط هم
رئيس الجمهورية
مجلسي الشعب والشوري
الوزراء كلهم
اللجنة دي وظيفتها تراجع كل مليم يدخل جيبهم ومصاريف رئاسة الجمهورية ومصاريف الوزارات اياها اشي اعلانات على حساب الدولة واشي سيارات حديثة لولاد الوزرا واشي حج لاعضاء مجلس الشعب الغلابة واشي عشا جي بطيارات من فرنسا والكلام الفارغ ده كله فنيش فنيتو قف استوب كفاية مش تكية هي اصلها كل ده يتحاسبوا بالمليم دول موظفين عندنا ويتحاسبوا واللجنة دي يقف على راسها السلطة القضائية المستقلة علشان يترفع تقرير اول باول باي اهدار للمال العام ويتحاكموا اول باول وياخدوا حكام في الجون واي تفريط يعاقب اول باول ويكون اخر عقوبة عقوبة الخيانة زي ما نفسي يتعاقب رئيسنا السابق بعقوبة الخيانة لانه خاننا باكثر من طريقة يالله ننادي بكده انتخابات انتخابات

AHMED PASHA said...

بسم الله الرحمن الرحيم
الساده الأفاضل

لابد و ان نأخذ بالنا من اهم ضمانه لحياه ديمقراطيه سليمه؟

الضمانه هى الوعى السياسى لكل الناس
كيف نقنع بأئعة الفجل على ناصيه شارعنا انها عندما تعطى صوتها لرجل اعمال فاسد لمجرد انه اعطاها عشره جنيهات فأنها بهذا تزيد من فقرها هى قبل اى شئ

الشعب المصرى محتاج بشده للتثقيف و الوعى السياسى و الأنسانى ايضا

كيف يعرف كل مواطن حقه و كيف يتمسك به

كيف يعرف كل مواطن واجباته و يؤديها بكل امانه

الموضوع كبير و خطير و الا حدث عندنا ما يدعى بدكتاتوريه الأغلبيه

للأسف الأغلبيه عندنا جاهله- و مازالت تعانى من انعدام التعليم و الثقافه

الدين تم وأده تماما

التعليم فى المدارس تم القضاء عليه

فما العمل؟؟

كيف يمكن الوصول للناس بمنتهى السرعه و
بمنتهى القوه ايضا؟؟

Yosha said...

وجود المادة الثانية كانت أكبر أخطاء الدستور القديم، يعني أزاي عاوزين يكون فيه بلد حريات وبتقول الدولة دينها الإسلام
الدولة ملهاش دين، الدولة مش بني آدم
أو قولوا مثلا رعايا الدولة من غالبة إسلامية ومسحيين ,,,,
بس ما ينفع ينشطب المجتمع القبطي كله بسبب المادة الثانية
....
ما ينفع تلغي الملحد،
من هو المواطن؟
إلغاء المادة الثانية لن يجعل الدولة مسيحية، كما أن وجود المادة الثانية لا يعني أن الدولة مسلمة، الدولة كيان اعتباري لا شأن له بالمعتقدات، الدولة حامية للمتقدات وبما فيها المعتقدات الإلحادية أيضا
ده وجهة نظري في الحريااااات
عشت يا أحلى نووووووووووووارة في الوجود
وعاشت مصر حرة أبية
الخلود لأسماء الشهداء
لأسماء الشهداء...
يوشا