Tuesday, 15 February 2011

الشباب اللي لهم كلام مع القوات المسلحة: احمد شومان ضروري

الرائد احمد شومان في خطر، واحنا مش بنعمل للراجل حاجة
الاخوة اللي راحوا قابلوا القوات المسلحة ما فتحوش الموضوع معاهم وقالوا نسيوا
مافيش حاجة اسمها نسيتوا ده مستقبل انسان وقف معانا وساندنا، وقدم تضحية اكبر مننا كلنا، هو تضحيته اكبر من تضحيتنا جمعاء باستثناء الشهداء اللي ضحوا بحياتهم
اطلبوا مقابلة القوات المسلحة بس عشان خاطره هو وقدموا التماس
لو عايزين نجمع توقيعات مليونية فورا نجمعها دلوقت على الفيس بوك
او ادعوا لمظاهرة مليونية للعفو عنه
لازم يتم انقاذ احمد شومان 
لازم يتم انقاذ احمد شومان والا ربنا مش حيبارك لنا ابدا وذنبه حيبقى في رقبتنا وربنا حيخرب بيتنا اديني باقول لكم، كله الا قلة الاصل وكله الا اننا نسيب بني ادم يدفع تمن ويتظلم من غير ما ندافع عنه
عايزين الصفحة دي يسجل عليها مليون بني ادم عشان ينقذوا احمد شومان وتروح الاسامي للمشير او لحد من القوات المسلحة تنطبع في ورقة وتروح له عشان الظاهر مش بيدخلوا على النت القوات المسلحة 

85 comments:

Haya said...

شعب لايعرف الوفاء ،شعب لايعرف التقدم
حكمة صينية

M.R said...

مين بقى اللي ليه كلام مع القوات المسلحة؟ وليه؟ أنا عاوز أفهم - لو ممكن تفهميني - إيه اللي بيحصل دا؟ ليه المجلس الأعلى بيقعد مع فلان؟
وفلان دا مين فوضه، يعني أنا اعرف أكتر من 100 انسان نزل الشارع من يوم 25 لحد السبت اللي فات، ومافيش حد فيهم فوض وائل ولا أسماء محفوظ ولا أي حد، على راسي إن الناس دي دعت، بس دا مش معناه إنه يدير الامور، ولا إنه يقعد مع خيري رمضان يقؤل "أهي جت كدا بقى"... لو انت فاهمة قؤليلي أي حاجة

M.R said...

مين بقى اللي ليه كلام مع القوات المسلحة؟ وليه؟ أنا عاوز أفهم - لو ممكن تفهميني - إيه اللي بيحصل دا؟ ليه المجلس الأعلى بيقعد مع فلان؟
وفلان دا مين فوضه، يعني أنا اعرف أكتر من 100 انسان نزل الشارع من يوم 25 لحد السبت اللي فات، ومافيش حد فيهم فوض وائل ولا أسماء محفوظ ولا أي حد، على راسي إن الناس دي دعت، بس دا مش معناه إنه يدير الامور، ولا إنه يقعد مع خيري رمضان يقؤل "أهي جت كدا بقى"... لو انت فاهمة قؤليلي أي حاجة

السلام عليكم said...

مش عارفه اقولك ايه

غير انى باضم صوتى لصوتك وياريت الشباب اللى ليه كلام مع الجيش والاعلاميين والصحفيين اللى ليهم كلام مع الجيش يتدخلوا

احنا عارفيين انه مينفعش فى الجيش اللى عمله بس الضغوط عليه كانت قويه جدا وانتم بتربوهم على الوطنيه وحب مصر ولقى نفسه فى وسط ناس وطنيه وبتحب مصر وبتحارب عدو مصر اللى بنشر فيها الفقر والفساد والدوله الوحيده اللى بتايد الرئيس وبيعيطوا عليه هى اسرائيل طب يعنى المفروض يعمل ايه يعنى قدروا الظرف



يارب فك سجنه وفرج كربه كما فككت سجننا وفرجت كربنا

السلام عليكم said...

مش عارفه اقولك ايه

غير انى باضم صوتى لصوتك وياريت الشباب اللى ليه كلام مع الجيش والاعلاميين والصحفيين اللى ليهم كلام مع الجيش يتدخلوا

احنا عارفيين انه مينفعش فى الجيش اللى عمله بس الضغوط عليه كانت قويه جدا وانتم بتربوهم على الوطنيه وحب مصر ولقى نفسه فى وسط ناس وطنيه وبتحب مصر وبتحارب عدو مصر اللى بنشر فيها الفقر والفساد والدوله الوحيده اللى بتايد الرئيس وبيعيطوا عليه هى اسرائيل طب يعنى المفروض يعمل ايه يعنى قدروا الظرف



يارب فك سجنه وفرج كربه كما فككت سجننا وفرجت كربنا

nour1971 said...

انا ايتديت اقلق هرين وائل غنيم علي النت انه عميل و عاملين حركات كده و الكلام مش عاجبني و الجيش ضرب الناس في وسط ميدان التحرير بالحزام و الخرزانه متصوره في الجزيره و النهارده منع مصور البي بي سي و اخد منه الشريط هو فيه ايه بالظبط هي البلد فيها ايه حد يفهمني هو مين بالظبط الي ماسك البلد المخابرات ولا الجيش ولا الامن المركزي

طنطـــا واى said...

يعنى بتوع الشرطة اللى ضربوا شباب مصر بالرصاص الحى وهربوا من الميدان بنزل لهم زيادة حوافز 100%.... وبطل الجيش أخو كل مصرى يبقى فى خطر ؟؟؟؟؟؟
فية اية فى الدنيا فساد اكتر من كدة ؟؟؟تقريبا الحكومة فاكرة ان مبارك بيتعالج فى المانيا وحيجى يقول خطاب فى 25 ابريل فى تحرير سيناء ؟؟

واحد من الناس said...

علم ونفذ

طنطـــا واى said...

طبقا لما أعرفة من التاريخ والجغرافيا

لو فعلا الاشاعة اللى بتقول بنجاح الثورة يبقى المفروض ترقية احمد شومان ومحاكمة طنطاوى عسكريا


واضح ان رأيك كان صح فى كل اللى اسمهم طنطاوى من ايام سيد طنطاوى

طنطـــا واى said...

والمفروض ان دة أمر من اصحاب الثورة للجيش .... ولا موضوع الثورة دة كان فيلم من الحكومة للاطاحة بمبارك فقط ؟؟؟ واضح ان شفيق ووزارتة فى مرحلة اعادة استقرار النظام السابق وبدون مبارك وابنة ؟ لو العسكرية فيها ما يدين احمد شومان يبقى كان المفروض
اعدام عبدالناصر والسادات وكل الضباط الاحرار
لو فعلا الاشاعة اللى بتقول بنجاح الثورة يبقى المفروض ترقية احمد شومان ومحاكمة طنطاوى عسكريا

Mahmoud ElGammal said...

انا اقترح، بما ان الناس عرفت طريق الشارع، ان ننظم مسيرة لتقديم التحية للجيش، كنوع من اظهار الاحترام، و في نفس الوقت ندفعهم قليلا لتنفيذ المطالب و تخفيف العقوبة على امثال احمد شومان. تحت اي ظرف من الظروف سيتم معاقبتهم، هذا جيش في النهاية، و لكن يمكن ان تكون عقوبة بسيطة مثل لفت النظر او ما شابه.

Mahmoud ElGammal said...

انا عندي اقتراح لمساندة الضباط الذين ايدوا الثورة و حاليا هم في خطر التعرض للعقوبة. انا اقترح تنظيم مسيرة لتحية الجيش، كنوع من اظهار الاحترام لموقفهم حتى الآن و حثهم على الاسراع بتنفيذ مطالبنا، و التوجه لهم بتخفيف العقوبة على هؤلاء الضباط لأقل شيء ممكن. ما رأيكم؟

mady said...

نوارة
ممكن من فضلك تراسلينى على الميل الشخصى
عايزة أتكلم معاكى بشكل شخصى لو سمحتى
نيبال

mady said...

نوارة
ممكن من فضلك تراسلينى على الميل الشخصى
عايزة أتكلم معاكى بشكل شخصى لو سمحتى
نيبال

mady said...

نوارة
ممكن من فضلك تراسلينى على الميل الشخصى
عايزة أتكلم معاكى بشكل شخصى لو سمحتى
نيبال

mady said...

نوارة
ممكن من فضلك تراسلينى على الميل الشخصى
عايزة أتكلم معاكى بشكل شخصى لو سمحتى
نيبال

طنطـــا واى said...

ثـــورة ورجالها معتقلين ؟
ثـــورة يحكمها نفس الوزراء السابقين ؟
ثـــورة من قتل ابطالها وذبحهم تقرر رفع حوافزة 100% ؟
ثـــورة والمنضمين اليها من الجيش فى المحاكم العسكرية ؟؟
=======================
ونجحت الثـــــورة ؟؟
أحــــــــــة يا ثـــورة

لـــولا وزهـــراء said...

اللهم فك كربه ياااارب

لولا

بيت الضحك الكبير : مقهى النكتة السياسية said...

http://political-joke-cafe.blogspot.com/2011/02/blog-post_7345.html
كلمة من القلب في منتهى الجدية و الصراحة و من غير هزار: نناشد باسم الملايين المجلس الاعلى للقوات المسلحة المصرية.. نناشد قيادة جيش مصر العظيم, جيش الامة العربية و عزها و فخارها التماس العذر و الاسباب المخفة عن الرائد احمد شومان..الرائد احمد شومان ليس الا تعبيرا عن اصالة الانسان المصري و شجاعة الجندي المصري الذي تعيش بطولاته في ضميرنا.. نناشد قيادة جيش مصر العظيم اصدار لفتة انسانية نبيلة و العفو فورا عن الرائد احمد شومان

Inventing Israel said...

http://inventingisrael.blogspot.com/2011/02/blog-post_3424.html
تضامن مع الرائد احمد شومان

oprah said...

بصراحه انا اضم صوتى اليكى
ولكن يجب التنبيه على ان التراخى واضح فى
1 احمد شومان
2 الشهداء ومحاسبة القتله
3 المعتقلين فى وقت الثوره
لانى حاسس ان كده الحى ابقى من الميت
مع وضع فى الاعتبار احترامى الكامل لشخصك يا نواره

ELMOSTAFZ said...

ربنا قادر يفك كربته ، أكيد لو مظلوم ربنا هاينصر ، في كل الأحوال لو محدش قدر يعمل حاجة يبقا ربنا كفيل بيه...

عمرو امام said...

نوارة ازيك
انا مش هعلق على الموضوع دة بس عندى استفسار عاوزك تجوبينى علية ضرورى ممكن ؟؟
لية الناس الى فرشة الارضية دية للشباب الناس الى اشتغلت سيسة واعتقلت فى عز القهر ومخفتش لية مهمشين من الثورة دية
الناس الى كانت من 10 سنين بتتخطف من الشوارع ومن معرض الكتاب
الناس الى كانت مجبرة تشتغل تحت الارض لناس الى مكنش عندهما تقنية الاتصالات الى موجودة دلوقتى فكانوا بيطبعوا المنشورت ويوزعوها بايدهم
وسط الناس وفى الاتوبيسات وفى المحلة وغزل حلوان والحديد والصلب
انا مش بتكلم عن نفسى يا نوارة انا بتكلم على ناس كتير اوى
وانتى عارفة كويس كنا بنشتغل ازاى وكان بيحصلنا اية

اود نظرة تقدير لكل المناضلين اوخر التسعينيات والى اتهمشة بشكل انا مش قادر استوعبة


تحيا مصر
مع فائق احترامى

raskebera said...

احمد شومان سلم سلاحه لزميله يعني مضيعهوش
و انضم لاخوانه , مش للاعداء
و كان في ميدان التحرير , مش ميدان المعركة
القائد الصغير الشجاع , قدم خدمة للجيش وسط المتظاهرين اللي كانوا قربوا يفتكروا العساكر خيال مقاتة لا بتهش و لا بتنش
خصوصا لما البلطجية هجموا على الميدان و الجيش ما عملش حاجة
وياريت لما يكون عندنا حد شجاع نحافظ عليه
وعلا فكره
بلاش و النبي نطبل كتير للمجلس الاعلى المحبوب
و الاحنلاقيهم حزموا البلد
و انتم حافظين العشرة البلدي بتاعة العسكر

ahmad said...

كيف نحاسب هذا الرجل الذي قام بتنفيذ اوامر وتعليمات الجيش على ارض الواقع
في الوقت الذي كان يقول فيه الجيش اننا مع مطالب الشعب الشرعية ولم ولن نتعرض للمتظاهرين
وفي وقتها لم نجد شئ عملي الا الشئ البسيط ووقوفه على الحياد في موقع الجحش
وكذلك دخوله متاخرا في موقعة الحجارة في القاهرة
وموقعة المسجد في الاسكندرية
فيقوم الرائد شومان بالتنفيذ الفعلي ويعيد عترابط الحجيش مع الشعب واصراره على التنفيذ الواقعي للاوامر والتعليمات
واظهار قوة تمسكه باوامر مسئوليه في القوات المسلحة بانضمامه الفعلي والمرئي الى المتظاهرين
احيي هذا الضابط المغوار
الذي ابى ان يكون تنفيذه لتعليمات رؤسائه الا ان يكون عمليا مرئيا
انني اناشد رؤسائه بتكريمه وترقيته بل واعطائه منصب يمس الامن القومي
لتفهمه ما هو الامن القومي ومتى اتحرك للمحافظة على امن البلد واعادة تلاحم الشعب
اكرر
احيي الضابط احم شومان

Elham said...

المفرض الموضوع ينشر في جميع الجرائد بإسم الشعب و مش بس شومان و لكن شخص ساعد من الجيش و اختفى .. لازم كمان نتكلم في الإعلام عشان الجيش فعلاً ياخد خطوة إيجابية .. و ممكن وفاء الجيش للشعب يضاف كبند في الدستور ... كل الحقوق الإنسانية بتدين مجرمي الحرب و من الواجب إنها برضه تكرم أفراد الجيش الأشرفاء ... يوم الجمعة الموضوع ده لازم يسلط عليه الضوء ... إحنا لو قدرنا نحمي الشرفاء ده حايكون دافع لأي فرد إنه يعصى الأوامر لو كانت ضد الشعب ... يعني الجيش كان عايزهم يقتلوا ثوارنا ... الموضوع ده خطير جداً

somuch123 said...

بالنسبة للشباب اللى لهم كلام مع القوات المسلحة ياريت بس يعرفونا هما بيتكلموا بإسم مين فى مصر بالضبط

Moataz M. Medhat said...

و بقية الظباط اللي انضموا للشعب مش بس شومان

jan said...

انا بجد زعلت جدا انهم راحوا ونزلوا ونسوا ...بجد حاجة تكسف...على ايه حالة فيه في الفيس بوك حملة جمع توقيعات اصلا بتقدم التماس بالعفو لضبطاط الجيش اللي سلموا نفسهم وسلموا اسلحتهم
دلوقتي وصلوا حوالي 50 الف توقيع
ده اللينك
http://www.facebook.com/event.php?eid=186371841403252

العصفورية said...

أنا أضم صوتي لصوتك يانوارة، أحمد شومان ضحي بنفسه ومستقبله المهني وكان عارف إن ده بيعرضه للخطر لكن من أجل مصر وتحررها من الظلم والفساد، طيب، هو زي اللي بيضحي بنفسه في أي معركة وبيقف قدام الموت من أجل مصر، وهي دي عقيدة الجيش الراسخة في التضحية بالذات من أجل مصالح الوطن، وأرجو من القيادات بالجيش التغاضي عن كلام شومان الانفعالي ساعتها لأنهاا كانت لحظات شديدة الوطأة علي أي نفس بشرية وكانت لحظات صادمة بكل المقاييس، شومان بشر حتي لو كان رائد بالقوات المسلحة. أضم صوتي لكم في إلتماس العفو عن الرائد أحمد شومان من السادة القائمين علي قيادة قواتنا المسلحة. توقيع: د. محمد زكريا الأسود

ضياء said...

قال القذافي
معلقا على الثورة المصرية :

" ... الثوره المصريه لو لم تكن نجحت ... لفشلت " !!!!!!!!

محمد صبرى said...

يعنى ايه نسيوا؟

Ahmed Atef-أحمد عاطف said...

وائل غنيم بقي عائق حقيقى للثورة

لان فيه ناس بتلخص الثورة فيه
بالذات الاعلام الرسمى والامريكى تحديدا
والاخطر من كده القوات المسلحةو معاه الاتنين اللى لازقين فيه زى ما يكونو اصحاب عمر محمد دياب وعمرو سلامة
والثورة لا يمكن تتتلخص فيه وائل ولا فى اى حد غيره
لازم الناس دى تفهم انهم بيحطوا نفسهم مكان الثورة وبيزاحموها
ومالش تفسير تانى فى اللى بيعملوه

Ahmed Atef-أحمد عاطف said...

وبصراحة انا قلبى متقطع على الشهدا
وعلى احمد شومان وزمايله اللى انضموا للثورة

بس الاهم بالنسبة لى انى عايز اركز على الجرحى فدول منسيين خالص
انا لا عايز افكر فى مطالب فئوية دلوقتى ولا ثورات صغيرة
انااولويتى الجرحى وبعدين شومان وزمايله
وبعدين تكريم الشهداء واهاليهم

علان العلانى said...

وعي الجندي


على ماذا يعول الجندي ؟

يقول أمل دنقل

قلت لكم مرارا
إن الطوابير التى تمر

فى استعراض عيد الفطر والجلاء
فتهتف النساء فى النوافذ انبهار
لاتصنع انتصارا
إن المدافع التى تصطف على الحدود فى الصحارى
لا تطلق النيران..إلا حين تستدير للوراء
إن الرصاصة التى ندفع فيها..ثمن الكسرة والدواء
لا تقتل الأعداء
لكنهاتقتلنا..إذا

رفعنا صوتنا جهارا
تقتلنا وتقتل الصغارا

---------------
قلت لكم فى السنة البعيدة
عن خطر الجندى
عن قلبه الأعمى وعن همته القعيدة
يحرس من يمنحه راتبه الشهرى
وزيه الرسمى
ليرهب الخصوم بالجعجعة الجوفاء
والقعقعة الشديدة
لكنه..إن يحن الموت..
فداء الوطن المقهور والعقيدة
فر من الميدان
وحاصر السلطان
واغتصب الكرسى
وأعلن الثورة فى المذياع والجريدة

قلت لكم كثيرا
إن كان لابد من هذه الذرية اللعينة
فليسكنوا الخنادق الحصينة
متخذين من مخافر الحدود..دورا
لو دخل الوحد منهم هذه المدينة
يدخلها...حسيرا
يلقى سلاحه..على أبوابها الأمينة
لأنه..لايستقيم مرح الطفل
وحكمة الأب الرزينة
مع المسدس المدلى من حزام الخصر
فى السوق
وفى مجالس الشورى
...
قلت لكم
لكنكم
لم تسمعوا هذا العبث
ففاضت النار على المخيمات
وفاضت..الجثث
وفاضت الخوذات والمدرعات

كان هذا قبل حرب أكتوبرفماذا كتب بعدها عن وعي الجندي ؟

ولكن يقول صلاح عبد الصبور عن الجندي بعد حرب أكتوبر

تملّيناك، حين أهلَّ فوق الشاشة البيضاء،
وجهك يلثم العلما
وترفعه يداك،
لكي يحلق في مدار الشمس،
حر الوجه مقتحما
ولكن كان هذا الوجه يظهر، ثم يستخفي .
ولم ألمح سوي بسمتك الزهراء والعينين
ولم تعلن لنا الشاشة نعتا لك أو اسما
ولكن، كيف كان اسم هنالك يحتويك ؟
وأنت في لحظتك العظمي
تحولت إلي معني، كمعني الحب، معني الخير، معني النور، معني القدرة الأسمي.
تراك،
وأنت في ساح الخلود، وبين ظل الله والأملاك
تراك، وأنت تصنع آية، وتخط تاريخا
تراك، وأنت أقرب ما تكون
إلي مدار الشمس والأفلاك
تراك ذكرتني،
وذكرت أمثالي من الفانين والبسطاء
وكان عذابهم هو حب هذا العلم الهائم في الأنواء
وخوف أن يمر العمر، لم يرجع إلي وكره
وها هو عاد يخفق في مدى الأجواء.
فهل، باسمي وباسمهمو لثمت النسج محتشدا
وهل باسمي وباسمهمو مددت إلي الخيوط يدا
وهل باسمي وباسمهمو ارتعشت بهزة الفرح
وأنت تراه يعلو الأفق متئدا
وهل باسمي وباسمهمو همست بسورة الفتح
وأجنحة الملائك حوله لم تحصها عددا
وأنت ترده للشمس خدنا باقيا .. أبدا
هنيهات من التحديق،
حالت صورة الأشياء في العينين
وأضحي ظلك المرسوم منبهما
رأيتك جذع جميز علي ترعة
رأيتك قطعة من صخرة الأهرام منتزعة
رأيتك حائطا من جانب القلعة
رأيتك دفقة من ماء نهر النيل
وقد وقفت علي قدمين
لترفع في المدي علما
يحلق في مدار الشمس،
حر الوجه مبتسما

أما شاعر الناس أحمد فؤاد نجم
فكتب "ضليلة فوق رأس الشهيد"، "منشور علني رقم واحد"، "دولامين"، "عطشان يا صبايا" ، يقول في قصيدته الأولى

يا مصر جيشك م الصعيد
و م البحاروة و من رشيد
شبان هلايلية و طيبين
فينا الحنين و العنيد
نعشق
و لا عشق الحمام
للولف و العش السعيد
و نجود
كما جاد الغمام
باللقمه
و التوب الجديد
ندي بمزاجنا كل شيء
لأي شيء
ما دام نريد
لكن عدوك يا اسماعين
لو سخنت النار ع الحديد
و الظلم خوم ع العباد
سوى من قريب
او بعيد
حلم الحليم
يصبح جحيم
و الدم يتسمم صديد
نرمي الغضب
رمي الحطب
ع النار
تقوم النار تقيد
و احنا الرجايل يا اسماعين
في الشدة
و الوقت الشديد
نصول نجول راكبين
خيول
راكية السيول
فوق الجليد
تكسح ضباب الليل
يزول
ننطح جبال الخوف تميد
نطوي السراب طي الكتاب
و نقابل الصبح البعيد
نرجع نلاقي الدنيا نور
يا مصر
و الإنسان جديد
ننشي المداين والكفور
في جو نور
و بكل ايد
و نجيب حليب العندليب
في المهد
للطفل الوليد
ضليلة
و نشجر التين و الزتون
فوق راس الشهيد

وبعد

يقال ان هناك فى المؤسسة العسكرية رجال فاهمين الي هؤلاء أقول

تري ماذا سيكتب الشعراء عن الجندي الذي وقف بوضوح في جانب الثورة ان هذا الجندي لايختلف عن ديجول فرنسا لمن يعرفوا عن تاريخ الحرب العالمية الثانية

وللحديث بقية

فصوت هذه الثورة يبدو وكأنه يقول



على مهلي
على مهلي

طويل كالمدى نفسي
وأتقن حرفة النمل

على مهلي
على مهلي

لأن وظيفة التاريخ...
أن يمشي كما أملي

Lammers said...

و لا نسيوا و لا حاجه دول همهم شيء تاني خالص و كل شوية يطلعوا بيانات

مش عايزين حد يتكلم مع الجيش بالنيابة عننا لان كده حدث تفرقة في الصف ماحدش عايز الاشخاص و الاسماء دول تحديدا يتكلموا مع قيادات الجيش

و اديكي شايفه التعليقات تقريبا معظمنا قايل نفس الحاجه

راجعي التعليقات على موضوع بالنوسبة للقيادات بتاعت الثورة

http://tahyyes.blogspot.com/2011/02/blog-post_5453.html


مش عايزين وائل و لا غيره الله

هو مش احنا اللي عملنا الثورة دي اشمعنى دلوقتي رأينا مالوش لازمة و سيادة وائل و اللي معاه بقى لهم شأن يعني احنا نتبهدل و عيشنا يتقطع و عيالنا تموت و بيوتنا تتخرب و الحرامية يطلعوا علينا و على اهلنا يسرقونا و نضرب بالقنابل و نتحدف بالطوب و يداس علينا بالاحصنة و الجمال و نتشتم

و يجي وائل و غيره يضربونا بالجزمة و يقولوا مالكوش رأي احنا بس اللي نتكلم و نقول و انتوا تسمعوا بس

هو نخلص من ديكتاتور يجي لنا اراجوز يتكلم باسمنا في ايه

و الله العظيم لو اتعملت حملة على الفيس بوك ضد المجموعة اللي بتكلم الجيش بالنيابة عننا هاتحصل كارثة في مصر

الله يكرمك يا نوارة

هو ده اللي عايزين نقوله لو سمحتي لو سمحتي مالناش حد غيرك انتي و الشباب المحترم اللي زيك يوصل كلامنا

اللي اسمه وائل غنيم و اللي معاه هايضيعونا بيتكلموا باسمنا في كل مجال هايضيعوا الثورة بجد

كل الشكر على دعوته الاولية بس يقف لحد هنا بقى و مياكملش اكتر من كده خطوة واحدة

الشخص ده لازم نوقفه عند حده كده هايضيعنا و هايضيع الثورة و هايضيع حق الشهداء

ارجوكي ارجوكي ارجوكي اللي بيعمله ده اكبر غلط بيتكلم بإسمنا ليه و بيظهر مع وسائل الاعلام الاجنبية تحديدا ليه

و هو ده بكائه على شهداء الثورة

http://www.youtube.com/watch?v=VVA9RLG4iBg

بيظهر اعلاميا بوش و من ورا كاميرات الموبايلات بالوش الحقيقي

ارجوكي يا نوارة استحلفك بالله انتي و الاشراف اللي زيك

الشخص ده عجبه التسليط الاعلامي اللي عليه هو و اللي بيغنوا و يرقصوا معاه الله وحده اعلم اشمعنى هو تحديدا اللي حصل معاه كل ده و الحقيقة هاتبان اكيد

في ناس تانية ادعت ان كان في قيادات للثورة فعلا و انهم كانوا موجودين مع الشباب في ميدان التحرير و هم اللي بيوجهوهم و ده كلام خالد يوسف مع يسري فودة

قاله في قيادات و في تنظيمات

هايودونا في داهية الثورة شعبية مصرية خالصة لا هي وائل غنيم تحديدا و لا هي غيره

wael_mah_70 said...

مش مستريح للجيش ... ليه بيقعد مع ناس معينين من الشباب علي اساس ايه الاختيار .. انتبهو للجيش يا جماعه .. لازم الثوره تفضل مشتعله حتي تتحقق جميع المطالب .. اعتقد انهم بيحاولو يعملو قيادات للثوره للقضاء عليها من خلال هذه القيادات المزعومه .. العامل الاساس الي نجح الثوره انها ليس لها قائد .. معرفوش يتحكمه فيها .. وائل غنيم شاب محترم و لكن اعتقد ان دوره انتهي و هو ليس قائد و هو لا يدعي انه قائد و لكن يتصرف ققائد و هذا خطر علي الثوره .. الجيش ليش ملاك ابقو الثوره مشتعله و لا تجعلو لها قياده ولا تتنازلو عن المطالب التي هي مطالب الشعب ولا تثقو في الجيش ثقه عمياء .. ثقو في ثورتكم و في بقائها حتي نصل لبر الامان و تتحقق مطالبنا

Wake UP!!!إنهض said...

Done

احلام جوليا said...

نوارة انا اول مرة ادخل عندك ونفسي اكلمك انا شفتك في التليفزيون واقتنعت بكلامك جدا وجالي شوية افكار
بس الاول عاوزة اقول لك شكرا لك ولكل الي وقفوا في ميدان التحرير وثانيا انا معك نوقع علشان احمد شومان سبب اساسي لرحيل مبارك فتمرده على الجيش دفع الجيش للضغط على مبارك للرحيل حتى لا ينشق الجيش على القيادة وانا اسمي مروة وحبه انك تسمعي بعض اقتراحاتي يمكن تفيد مصر يا نواره اقريها اذا سمحتي لو لقيتي فيها فايدة ارجوك وصليها لمن يتكلموا مع القيادات الكبرى الحاكمة للدولة في المجلس الاعلى للقوات المسلحة ولا يهمني ان يعرف اسمي او لا يعرف المهم مصر تستفيد وياريت يا نواره تعملي اعلان على الفيس بوك لجمع الاقتراحات يمكن حد ينبهنا لحاجة منكنش واخدين بالنا منها تنفع في مصر الجديده ارجوك اقراي اقتراحاتي في مدونتي واشكرك

Wake UP!!!إنهض said...

Dear Nowara,
I still get a look at the egyptian TV from time to time, and MY GOD they are still so formated and IDIOT. They are trying to CONVINCE, by force, the people not to demonstrate, not to get out the corrupted heards..... WHAT THE HELL, the same speakrins who lastly criticized the revolution...... PLEASE, your TV NEEEEEEEEEEDS A BIG CLEANING

O7IBOKKOM FI ALLAH

rahrom said...

انا معاكى وربنامعاه بس حكاية انهم بيكلموا ويرشحوا اسماء زى الجويلى والببلاوى دى زادت قوى انا وكتير مش موافقين على الاسماء دى ولازم اى حركة تبقى باستفتاء للناس لانهم لولا الناس ماكانوش هيقدروا يعملوا حاجة

Rowaa said...

السلام عليكم نوارة
اكتب لكى من بريطانيا واهنئكم كما
نحمد الله على سلامتك وسلامة كل ابطال مصر الشجعان الذين ضحوا وعرضوا ارواحهم ومستقبلهم للخطر من اجل تطهير البلد مما ابتليت بهم طوال السنين الثلاثين الماضية
واضم صوتى لصوتك وواجبنا فعلا البحث عن البطل احمد شومان ومن حذا حذوه من ابطال الجيش


R.E

Rowaa said...

Dear Nawara

commenting on your call to do our duty in protecting Ahmad Shoman, please read this article

Subject: Fw: مجرزة ثلاثين يناير التي لم تقع

هذا رابط مقالة روبرت فيسك كاملة..
وفيه أن مبارك أمر الطيارين الذين حلقوا فوق ميدان التحرير 30/1 بقصف المتظاهرين ولكنهم سألوا أقرباءهم الضباط الكبار وقدامى المحاربين.. فنصحهم الجميع بعصيان هذه الأوامر.. وهذا ماكان..
واجبنا أن ندعم بكل قوة صدور عفو عام عن الضباط والطيارين الذين رفضوا قتل الشعب وحافظوا على شرفهم العسكري وحقنوا دماء المصريين!

http://www.independent.co.uk/opinion/commentators/fisk/robert-fisk-as-mubarak-clings-on-what-now-for-egypt-2211287.html

R.E

Rowaa said...

Dear nawara

i watched at aljazeera, protests by police forces, who tortured their people. They want to declare themselves innocents, and blame it all on their superiors. I think they are trying to fool the nation, so that they keep their posts.
Personally, although I am naturally pro-forgiveness, but not this time, and not with any one who committed any sort of crimes against our nation, looting, torture, killing, terrorizing and steeling our resources.

I believe they should be trialed and punished. We should not forget the blood of those who were tortured before being killed. We should not forget those who suffered torture and alhamdulillah, are still among us.
We should not forget the families of those brave Egyptians who were tortured and killed for us to live and enjoy freedom.

Rowaa

Almoataz said...

يمكن فيه

Khalid said...

الرائد.احمد شومان طلب من المشير انة يرحل لانة احد اركان النظام الساقط
ولن ينسوا لة ذلك
اضم صوتى لكم من اجل احمد شومان المصرى الشجاع
د/خالد ابوجازية

Devman said...

أنا شاركت في الصفحة
بس أري أن هذا غير كافي لإنقاذ الرجل وخصوصا عند تطبيق القانون العسكري ، ياريت خطوات عملية أخري علشان ننقذ هذا الرجل الشجاع

Mohamed said...

شفت النداء الى محمد شومان وجهة واول ماقال اطالب المشير بالتنحى كفاية 20 سنه مسكت راسى وحسيت ان الارض بتدور بيا لانى عرفت ان مصيره لامحاله السجن الحربى والمحاكمة العسكرية
لان حتى لو كان كلامه ده بيعبر عن نبض ظباط الجيش فالمؤسسة العسكرية كيان منظبط وقوى لا تناقش امورها او ترضى ان توجه لها مناشدات فى وسائل الاعلام من قبل ابنائها الحاليين
ربنا يهون عليك محنتك يامحمد ومتضامن معاكم يا نوارة فى نفس الطلب

امل فى بكرة said...

يا جماعة اللى فاهم يفهمنى
هو الرائد احمد شومان مقبوض عليه من الجيش؟؟

moslema said...

يارب أنصرنا لإنى حاسة إن فى لعبة جديدة يارب إحنا ضعفاء ونفسنا فى حياة كريمة وشريفة يارب احنا مستضعفين يارب انصرنا على مل الظالمين يارب من يدبر لنا سوءاا اجعل كيده فى نحره واجعل تدميره فى تدبيره يارب يارب...

KB said...

عموما يا جماعه اذا ما عرفناش نوصل للمشير ..لازم يوم الجمعه يفط كبيرة تكتب عن الموضوع ده ..ولازم هتافات تناشد المشير
بس مش عارف يعني ايه "نسيوا" دي..من اولها كده كل واحد حيحط اللي عايزه قبل الواجب ؟؟ الناس دي حطت ارواحها علي المحك ..لو الثورة خسرت ..وحطت مستقبلها علي المحك لو الثورة نجحت ..يعني في كل الحالات عارفين انهم حيخسروا ..ومع ذلك الوطنية دفعتهم للواجب والصح ؟؟ وانت كمان يا نوارة ما تنسيش ان الموضوع مش احمد شومان بس ..فيه اتنين نقباء ومقدم سلموا سلاحهم وانضموا لينا ..تسليم السلاح ده معناه انه بيرفض الاوامر وده اسمه عصيان في الجيش ..وتصرفهم ده كان احد اسباب الضغط علي سامي عنان علشان يفرض علي المشير وحسني مبارك التنحي ..دول كمان ما ينفعش يتنسوا

Abu Salam said...

This man’s fate is the responsibility of the Egyptian people who ousted the dictator. It is very important and urgent to solve his issue the sooner the better. The people of the Egyptian revolution should know and never forget for a second that their reputation is on the line. The task is not done yet. This man should be release today and not tomorrow. I also like to point out with all respect to the youth who speaks on behalf of the revolution and recently meeting with the Supreme Military Council, your need support, protection and guidance from Egyptian experts whom known for their patriotism, honesty and experience. What has happened in Egypt is big and serious and beyond the expectation of the young people who started the revolution. It is not a matter of demonstration and rallies anymore. It is about the future of Egypt. There will be many attempts to circumvent the revolution and pull the rug from under the feet of youths.

lastcrazyboys said...

معلــش بقى لو حصــل ايييييه

الجيش ما يعــرفش التفــاهم في الحــاجات دي

انا مش عايز احبــط حد ..بس اللي دخل كتيبـة او وحدة عسكرية ..يعرف ان الظرف واللطافــة اللي في الشــارع ..مش موجــودة في القــاموس اللي جوة

kooky kak said...

طبعا لازم نرد له الجميل ونسأل عليه ونطالب بالافراج عنه ده ممكن يروح ميرجعش أنا عارفة الجيش مفيهوش هزار
هو قال كلمة خلته صعب عليا جدا لما كان بيوجه كلامه للجيش عبر الجزيرة وقال أنا في حماية الشعب
فلازم الشعب ميخذلوش
وبعد كده الناس اللي تروح تتكلم تبقى تكتب طلباتها في ورقة عشان ماتضيعش الناس وتضيع البلد كلها هي دي حاجة تتنسي حرام عليهم

KB said...

الفيلم بتاع الضربة الجوية الاولي طلع مفبرك .. والصور اتعدلت بالفوتوشوب علشان يحطوا صورة مبارك مغ السادات في القيادة العامة ..
شوفو صحف اسرائيل بتقول ايه
وأضافت «معاريف» أن طنطاوي برز في أن قواته منعت تقدم الجيش الإسرائيلي، وأن اسم طنطاوي حفر في الأذهان كقائد حربي رائع في حرب يوم الغفران وأن «كتيبة المشاة التي كانت تخضع لقيادة طنطاوي، كانت مزودة بصواريخ مضادة للدبابات، كان لها الدور الأساسي والخط الأمامي في الدفاع للحول دون تقدم الجيش الإسرائيلي، ومنعت كتيبته بنيران صواريخها قوات المدرعات الإسرائيلية من العمل كما كان مقرراً لها، وفي ليلة 16 و17 أكتوبر منعت نيران مدافعه كتيبة المظليين رقم 890 من إخلاء المنطقة للتحضير ومد الجسور للعبور، كما واجه كتيبة دبابات على رأسها إيهود باراك، تدخلت لإنقاذ المظليين، وقد تقلد طنطاوي وسام الشجاعة على هذه المعركة لما أظهر من شجاعة وعناد في القتال».

وتابعت «معاريف»: «التغييرات في رأس الهرم المصري تسمح ربما أيضاً بتغيير التاريخ أيضاً، مرة يستعيدون اسم الشاذلي (وربما هذه المرة يتم استبداله باسم طنطاوي) كشخصية مركزية توجت الانتصار المصري، في متحف بانوراما أكتوبر في القاهرة، بجوار السادات، على مر السنين تم تركيب صورة وإدخال رأس مبارك فيها، وهو شخصية ثانوية في الحرب وقائد سلاح جو ضعيف لم يبرز في المعركة

khaledsk said...

أوافق على المطالبة بمعرفة ما يحدث للظابط الشاب وطلب اعفائه من اى عقوبات نظرا للظروف الاستثنائية

Heba said...

يا جماعة اللي بيحصل دة اسمه تهريج..يعني ايه أحمد شومان مختفي و مش عارفين هو فين...بيتهيألي لما يكون ضابط في الجيش مختفي يبقى المفروض إن الإجابة تكون عند قيادات الجيش دة لو كان حد فكر و سأل عليه...أنا من رأيي لازم يوقعوا عليه أقصى عقوبة لأن...ه و العياذ بالله طلع راااااجل أوي و بيحب بلده أوي أوي أوي و ما فكرش في نفسه فكر في مصر و بس.. مش هو ده قسم الجيش؟ مش هو دة اللي المفروض كل ضابط في الجيش المصري أقسم عليه ،مصر أولاً و أخيراً؟ مش هو دة الجهاز اللي بيقدم شهداء فداء للوطن؟ و أنا بقولكم أحمد شومان نفذ القسم الي أقسمه بكل أمانة و صدق و حب ...بنناشد مين علشان يعفو عن مين ؟ بنطلب العفو لبطل؟...عجبت لك يا زمنSee More

Mohamed said...

أنا شايف ان في هرجلة في تفاوض الشباب مع المجلس الأعلى للقوات المسلحة. و يعني ايه يرفضوا حل لجنة شئون الأحزاب ..كدة شكله بيلبسونا العمة و كمان حاجة الحملتين اللي طالب الجيش الشباب بيهم يجب الوقوف عندهم قليلا : تنشيط السياحة ودي أظن أمرها سهل : يروحوا يجيبولهم كام مطرب عالمي من اللي بيريلو على سحر مصر و شوية مؤتمرات صحفية عالمية هتلم الموضوع وترجع السياحة تشغي..أما بقى البورصة لأ أنا بقول بقى محدش يشارك فيها عشان هنخسر فلوسنا اذا ما جمدوش فلوس الحرامية الي في البورصة اللي ما هيصدقو يلاقي شباب مغفل يشتري أسهم عشان يفلت و ياخد فلوسهم و اللي مش مصدقني كان يسمع حوار أستاذ الاقتصاد المحترم اللي كان مع دينا على دريم النهاردة الصبح

Mohamed said...

أسماء الشباب اللي راحو يتكلموا مع الجيش هنا
http://www.shorouknews.com/ContentData.aspx?ID=390300

hamdymm said...

الافراج الفورى عن جميع المعتقلين الشرفاء.. نهو قانون الطوارىء فوراً.. الى الشعب المصرى كله حافظوا على الثورة المباركة لأن فى نوايا خبيثة و عميلة لإلتفاف على الثورة

hamdymm said...

خلوا بالكم من الالتفاف على الثورة الشعبية المجيدة .. الحرية لجميع المعتقلين الشرفاءفوراً

Nevien said...

f

Nevien said...

ايوه فعلا الراجل ده حرام يروح فى الرجلين بجد احنا لازم نعمل حاجه علشان خاطره زى ما هوه خاطر بنفسه علشان البلد شوفى يا شباب ايه الخطوات وانا معاكم

Nevien said...

ايوه فعلا الراجل ده حرام يروح فى الرجلين بجد احنا لازم نعمل حاجه علشان خاطره زى ما هوه خاطر بنفسه علشان البلد شوفى يا شباب ايه الخطوات وانا معاكم

Nevien said...

انا معاكو علشان الراجل ده مش لازم يتاذى

Nahla Anwer said...

ماهو يعني ماينفعش نكافئ الشرطة ونعاقب أحمد شومان... ده غباء

Abu Marwa said...

اعتقد أنه من الممكن وضع بوست على صفحة وائل غنيم - فقد أصبح اتصاله بالمجلس الأعلى أسهل من الأول ....

المهدى said...

نوارة الثورة
تعالى نتعلم شوية من الأمريكان كانوا دايما يصكوا إصطلاحات ويركزوا عليها ويعمموها حتى على أعدائهم مثلا
ما كان يعرف بالإتحاد السوفيتى
محاربة الإرهاب - الخيار الإستراتيجى
إحنا كمان عندنا ثورة عظيمة شاملة مازال بعضنا يسميها أحداث وبعضنا يسميها تحركات أو حتى ثورة الشباب
لأ إسمها الثورة المصرية الشاملة
وإسمهم شهداء الثورة المصرية
وإسمه الرئيس المصرى المخلوع
وإسمه النظام المصرى المخلوع
وإسمه إعلام أمن الدولةالمأجور
وإسمه العصر البائد
المصطلحات دى لما تتعمم فى الصحافة والإعلام وعلى ألسنة الناس وفى عقولهم حيكون صعب الرجوع وصعب الحنين لما قبل الثورة ماتنسيش إننا فى يوم حنينا للملكية وصاحبنا( الكيان الصهيونى)

debe sidi said...

السلام عليكم ورحمة الله وبركاته
أنا طالب موريتانى مقيم بفرنسا دراسات عليا أقتصاد
أولا أهنئ نفسي أولا والشعب المصرى ثانيا لأن ماقام به الشباب المصرى ألهمنا وأعطانا أمل فى أننا ممكن نغير أحنا كمان وطنا ونعيش أحسن ونكتفى من طلب الصدقة من الغرب
وأعتقد أننا جميعا كشباب عربي يجب أن نطالب بعدم المساس باحمد شومان
لأنه جسد حقيقة دور الجيش فلم ينتظر سبعة يوما ليحسم أمره وأصدقائه
احمد شومان كان الصورة الحقيقية للجيش المصرى
الجيش الذى يحمى ويصون
احمد شومان لازم يكرم

سميربس said...

انا لا أطالب بالافراج عن أحمد شومان وزملاؤه
أطالب المشير ان يمنحهم ترقية استثنائية
هم ليسوا مذنبين كى يوقفوا ثم يفرج عنهم
لا يصح ان يتساوو بباقى الضباط الذين لم يفعلوا مثلهم

KB said...

مقالة روبرت فيسك عن المجزرة التي لم تتم في 30/1/2001
مترجمة للعربية
http://weghatnazar1.wordpress.com/

متغربه said...

المشكلهة انه لبخ في طنطاوي شخصيا

د ياسر جابر الحاج said...

أنا سمعت إنه خد 3 سنين سجن والحكم ده لا يستأنف؟

Z said...

Ibrahim Youssri
مصر عظيمة يا شباب لقد تطوعت كتيبة من كبار المحامين للدفاع عن الرائد البطل احمد شومان الذي قيدت ضده الدعوي 89/2011 جنايات عسكرية نيابة شرق القاهرة و امرت النيابة بحبسه عشة ايام رهن التحقيق و ذلك غدا صباحا يبقي ان ينظم الشرفاء من شباب مصر وقفة تاييد للبطل تضم اكبر عدد ممكن و علي الناشطين و الناشطات ترتيب ذلك و نبقي علي اتصال

Aladdin said...

أحمد شومان رجل وطنى --- لكنه خالف -- الاصول العسكرية فى وقت لم يكن هناك
أى قواعد بالبلد
المشكلة أنه لبخ فى المشير شخصيا و ده غلطه الوحيد و الكبير و اللى هايتحاسب عليه -- أكيد --
نتشرف به زميلا فاضلا بشركتنا لأنه مش هيكمل بالجيش
الا اذا سيادة المشير اعتبره زى ولاده

model said...

الحقيقة انا لا اعلم سبب وجيه لان يقوم الرائد شومان عشية معرفته بان الريس خلاص هيتنحى ، ثم يقرر ساعتها فقط ان يسلم عهدته وسثور مع الشعب
الم يكن و هو في موقعه مع الشعب
الم يكن الجيش واقف مع الشعب
الشاهد ان في ظل هذه الظروف الجيش تعامل معه و كانه يريد ان يحرجه امام العالم
ما ان عرف ان النظام واقع واقع
طب ما انت قعدت ال 17 يوم مع الجيش
وا لجيش بيدافع عن الشعب لم يضرب فيه كما علمت حيث اني مغتربة للاسف
فلماذا هذه الحركات و صور يا زان
و كانه واحد من المسلين بيعلن انه بيتنصر او العكس
يعني افهم لو واحد من الشركة عمل كده فهو بالفعل كان ذد الشعب و قرر ان ينضم اليه
لكن ذابط الجيش ككان اصلا يخدم الثورة و هو في موقع
لا ان يترك سلاحه و يعطيه لواحد صديقه هوة الي يسلمه و
يعني الامر كان شويي شويتين
انا لا اعني ان تتخلي الصورة عمن دعموها
بل اعمنى او افهم ان الجيش اصلا كان الضامن لنجاح الثورة فلما احراجه

هكذا ارى الصورة و يمكن لاني بعيد فالمعلومات اللي ولتني جعلتني ارى الامر على هذا النحو
و اللع اعلم

موديل

كمونة said...

اتواصلي مع وائل غنيم على صفحته عالفيس بوك كلنا خالد سعيد أو حسابه على تويتر

تقدري تروحي بنفسك معاهم للقوات المسلحة
أسماء محفوظ كانت معاهم

clarkreport2002 said...

أولا كمصريين من حقنا:
- نعرف مصير "جميع المختفين من حاملي جنسيتنا" سواءا كان مبارك وأسرته أو أحمد شومان أو المعتقلين الآخرين بالالاف أو المعتقلات داخل كنائس أو أديرة - أو الله أعلم مكانهم - من المسلمات الجدد أو أي شخص تم اختفاؤه قسرا

هذا واجب من الواجبات رقم واحد، وكلنا على استعداد لمساعدة الجيش في العثور عليهم، فقط هو يتجاوب مع مطالبنا، حتى لا تزداد أخطاؤه ويزداد غضبنا

clarkreport2002 said...

يبدو إن الجيش محتاج تطهير هو كمان، اقروا دي وشوفوا نعمل ايه بقى مع كل دول في الجيش..دول كلهم متهمين بالتعذيب والقتل:

http://kashfun.blogspot.com/2011/02/jan25-egypt_16.html

متهيألي كده طلباتنا من الجيش لازم تزيد شوية علشان تبقى بداية نظيفة، والمجرم يعاقب

tomohat said...

نا معاكى فى طلبك واعتبرينى مضيت معاكى ولو عايزة احضر بنفسى احضر وقولى ازاى ده اقل واجب نحو ضابط الجيش الشريف المحترم

tomohat said...

انا اوافقك وممكن امضى معكم على طلب عفو عنه

د. هشام إبراهيم said...

عزيزتى نوارة
اعتقد ان القضاء العسكرى سوف يكون عادل ولن يتم تعذيبة او اذيتة. اعتقد انه ممكن يرفد ويسرح من الخدمة . فى حالة تم رفدة اتشرف ان يعمل لدى فى شركتى وبمرتب اعلى من مرتبة بالجيش .
د.هشام إبراهيم
موبيل 0123102891
برجاء عدم نشر نمرة الموبيل على المدونة
اشكرك

iwant_forget_myheart said...

فى احداث يصعب على الشخص ايجاد كلمات بل حروف ليعبر بها عن العرفان والجميل لذلك احنى راسى فى شموخ لأحى كل من علا صوته بأى شكل ليقول لا للنظام بكل مفاسده وانا ممن قالوا لا وأقول لا ايضا لاعتقال الرائد شومان وكل المعتقلين الأبطال كبرهان من المجلس الأعلى للقوات المسلحة على تطبيق الديمقراطية فكيف يحبس من نادى ببزوغ الشمس ومن نبض قلبه بالوطنيه والإنسانيه أم أن قادة الجيش يريدون الظباط ألات بلا روح ولا معالم توجه عن بعد؟

iwant_forget_myheart said...

فى احداث يصعب على الشخص ايجاد كلمات بل حروف ليعبر بها عن العرفان والجميل لذلك احنى راسى فى شموخ لأحى كل من علا صوته بأى شكل ليقول لا للنظام بكل مفاسده وانا ممن قالوا لا وأقول لا ايضا لاعتقال الرائد شومان وكل المعتقلين الأبطال كبرهان من المجلس الأعلى للقوات المسلحة على تطبيق الديمقراطية فكيف يحبس من نادى ببزوغ الشمس ومن نبض قلبه بالوطنيه والإنسانيه أم أن قادة الجيش يريدون الظباط ألات بلا روح ولا معالم توجه عن بعد؟

Al Shaymaa said...

والله يا نواره انا معاكى واحنا فعلا لازم نقف جمب الرائد احمد شومان وانا عن نفسى بضم صوتى لصوتك ويارب يفكـ سجنه
بس قوليلى نعمل ايه عشان نفك سجن الرائد ياريت لو اى حد ليه علاقات فعلا مع الاعلام يطلع ويتكلم عن حق الراجل دة