Saturday 26 February 2011

تصريح القوات المسلحة في التلفزيون

تحديث:
الدستور المعدل دستور مؤقت كما ورد في الخبر
يبقى فاضل لنا التلات مطالب اللي قلناهم... شوفوا بقى حتتفقوا على ايه، بس المهم تتفقوا وتحشدوا صح.
--------------
قالوا اللي فضيناهم ما كانوش متظاهرين، دول كانوا متواجدين بعد حظر التجول وعادة مافيش تظاهرات بعد حظر التجول، وقالوا قبضنا على 27 واحد طلع منهم تمانية بلطجية، وكان فيه ناس بتحدف ازايز فارغة على الجيش، واحنا بنأسف اذا كان سباب حد من شباب الثورة اتأذى بس كان فيه بلطجية مندسين وسطهم
طيب.. انا مش حادخل في مناقشات ولا مهاترات في الحادثة، الاعتصام كان دايما بيبقى بعد ساعات حظر التجول وكنا بننام في الشارع وكانوا بيسيبونا، فيه 8 بلطجية وسط 27، ده ممكن يصاغ بجملة تانية: فيه 19 بريء اتقبض عليهم، انا ما شفتش ازايز فارغة اتحدفت على الجيش عن المجلس، بس الله اعلم، يمكن حصل في الميدان، اذا كان فيه بلطجية اندسوا وسط المتظاهرين.. الله اعلم، بس البلطجية كانوا بيندسوا وبيدخلوا على المتظاهرين وبيضربوهم وبيقتلوهم زي يوم الاربعاء الدامي.. وما شفناش ضرب من القوات المسلحة لا للمتظاهرين ولا للبلطجية
على اي حال
خلاص... الموضوع ده اتقفل، واللي حصل حصل، وياريت ما يتكررش تاني، ماحدش يمد ايده علينا تاني، احنا ما اتبهدلناش كل البهدلة دي عشان نفضل ننضرب، ولو فيه بلطجية احنا اول الناس بنمسكهم ونسلمهم للقوات المسلحة، واذا كان الجيش بيأسف لشباب الثورة، شكرا وعلى راسنا، بس شباب الثورة مش عايز اسف من القوات المسلحة
شباب الثورة عايز مطالبه تتحقق، واذا كان القوات المسلحة مش عارفة تسرع في تحقيق مطالبنا، ممكن تستعين بمجلس رئاسي
1- صفوت الشريف وجمال مبارك يتقبض عليهم...... اييييييوووووووةةةةةةة اييييييييييوووووووووةةةةةة
اذا كان الجيش بيتكلم عن اندساس بلطجية، انا مصدقاه، بس احنا عشرة مع النظام ده ونعرفه اكتر منهم، ماحدش بيحرك البلطجية غير صفوت الشريف وجمال مبارك
وجمال مبارك رفض يقدم اقرار ذمة مالية... تتجمد كل فلوس جمال مبارك، وبما انه رفض تقديم اقرار ذمة مالية، يبقى يتقبض عليه، وصفوت الشريف يتقدم للتحقيق وتتجمد امواله، ويتحقق بالذات في موضوع البلطجية ده ويتجاب صفوت الشريف وجمال مبارك
2- حل امن الدولة
3- اقالة حكومة شفيق وتشكيل حكومة كفاءات من شخصيات مالهاش علاقة بالنظام البائد
4- المطلب الرابع محتاجة اتأكد انه اتحقق، اللي هو الدستور المؤقت، المستشار طارق البشري قال حاجة بالمعنى ده، بس عايزة ايضاح اكتر عشان نفهم كلنا، احنا مش قانونيين
بس كده
انا شخصيا باقترح جدول زمني
الاسبوع ده يتم تجميد اموال جمال مبارك واعتقاله لانه رافض لتقديم ذمة مالية وتقديمه بتهم التورط في الفساد بوصفه امين السياسات السابق، ويتم القبض على صفوت الشريف والتحقيق معاه في قضايا الفساد (وماحدش يدخل يحط لي اسامي كل واحد غايظه، كفاية قوي نجيب جمال مبارك وصفوت الشريف عشان العجلة تكر لوحدها، دول في ديلهم بلاوي، نجيبهم بس وربنا يسهل)
واقتراحي ان لو ده حصل الاسبوع ده يبقى ما ننزلش الجمعة الجاية
الاسبوع الجاي اقالة حكومة شفيق وتشكيل حكومة كفاءات وطنية مافيهاش ولا رمز واحد من رموز النظام ولا عضو واحد في الحزب الوطني
ولو اقيلت الاسبوع الجاي ما ننزلش الجمعة اللي بعدها
الاسبوع اللي بعده يتم حل جهاز امن الدولة ولو ده حصل الاسبوع البعد الجاي.... يبقى كل واحد يروح بيتهم
اظن وقت كافي اهو، وجدول زمني، بمطالب واضحة، وكل مطلب يتحقق في اسبوعه ما ننزلش جمعته 
ده مجرد اقتراح مني، وشايفة اننا لو نفذناه يبقى عدانا العيب وقزح، وفيه وقت كافي للمجلس الاعلى للقوات المسلحة مدام هو بيحب يعمل كل حاجة بالراحة وعلى مهله.. اهم تلات اسابيع طوال عراض اهم، بس نحس ان فيه استجابة لمطالبنا
وبكده، احنا نستعيد الثقة، وهم يستعيدوا الثقة برضه
---------
ملحوظة:
امبارح في وقت الضهر كده لما كنت في الميدان بعت لخالد عبد الحميد - عضو ائتلاف شباب ثورة الغضب - اقترح عليه موضوع الجدول الزمني ده - واللي هو اقتراح بلال فضل اساسا - عشان ما يبقاش مولد سيدي جمعة كل جمعة وما ردش عليا
يا ريت بما ان ائتلاف شباب ثورة الغضب هم دلوقت اللي بينظموا وبيتكلموا مع الجيش وبيتكلموا في الاعلام، يبقى هم الملزومين بموضوع الجدول الزمني ده وهم اللي يقولوا عليه للمجلس الاعلى للقوات المسلحة بما انهم على اتصال بيهم، وهم يعلنوا عنه بما انهم هم اللي بيتكلموا مع الناس والاعلام المصري قابلهم يوجهوا الناس
وكده يبقى احنا ارتاحنا وريحنا القوات المسلحة
ولا ايه؟ 
انا شخصيا... مقموصة.. اه.. زعلانة.. زعلانة زعلانة زعلانة وحاسة ان كل حاجة بتضيع وان كل حاجة بتتوضب عشان جمال مبارك او عمر سليمان يمسك وصفوت الشريف يطلع لنا تاني بما انه مستر اكس مالوش نهاية، اقصد من ناحية الثورة المضادة
ومن ناحية الجيش حاسة انه بيطبق حظر التجول والظبط والربط في الشارع اسرع ما بيستجيب لمطالب الناس
ومن ناحية الثوار حاسة ان كل واحد بيهوبص وبيجتهد بدماغه وما عمالين يفصلوا من بعض ويفكوا من بعض وده مش عاجبني
وانا شايفة ان ائتلاف شباب ثورة الغضب مسئول مدام حمل نفسه المسئولية، مدام قرر ان الناس تثق فيه، وقرر انه يتكلم مع القوات المسلحة، وقرره يطلع بيانات مع وضد، يبقى هو مسئول يصلح وضع الثورة والا لو ما عملش كده يبقى ذنبنا في رقبته، اللي يشيل مسئولية يسأل عنها
فدلوقت بقى اذا ما كانش الثوار يوحدوا نفسهم تاني ويعملوا حاجة لها راس ورجلين
واذا ما كانش الجيش يعبرنا وبدل ما كل اللي يهمه انه يمسك لنا الساعة لحظر التجول يبتدي يطبق لنا مطالبنا
انا حاقفل ضرف المدونة دي ومش عايزة ابص في خلقة حد تاني... يالا بقى اشربوها، وعليه العوض ومنه العوض
عليه العوض ومنه العوض
عليه العوض ومنه العوض 

151 comments:

marwa said...

طب هافكرك بحاجة.... فاكرة ضابط امن الدولة اللى قال بكرة تشوفوا هانخلى العيال الثوار دول يضربوا فى بعض بس استنوا علينا و هاتشوفوا....فاكرة دى؟؟؟ دى لوحدها اعتقد تخليكى تعندى ان ده مايحصلش و تبقى دماغك انشف من دماغ المخلوع و نظامه

Mohamed Azmy Kewan said...

حلو الكلام
و ممكن مش شرط نحدد للجيش بس مثلا نقول ان عندنا المطالب دي
و الجمعه الجايه لو مكانش حاجه اتحققت ننزل الميدان

اتحققت يبقي نستني بقي للجمعه الي بععدها و نشوف مطلب تاني اتحقق او لأ ..
اتحقق يبقي مننزلش و نستني متحققش يبقي ننزل

shaarawim said...

in short and as i have only mobile connection. i agree on what nawara said. all including her end

Anonymous said...

أنا عندي فكرة بتشكيل لجنة قانونية للثورة، عدد لا يقل أبدا عن 100 محامي في كل محافظة، يفحتوا تاريخ الفساد في كل حتة ف مصر وينخربوا ورا الجميع مركزين على حسني مبارك وأمانة السياسات وحكومة نظيف..
الهدف من ده هو الوصول لأكبر عدد من البلاغات التي تقدم للنائب العام، سواء بالفساد المالي أو القتل العمد أو أي مصيبة ابتكرتها البشرية طوال تاريخها..
ما دام المجلس مش عايز يعمل قرارات ثورية وحكم عسكري ويمشيها بالقانون يبقى نمشيها بالقانون

يقول أنى امرأة said...

التصريح بتاع الجيش قالو فيه مفيش حاجه اسمها الثورة المضادة مش فاهمه معناة ايه دة ؟ و بعدين يا نوارة القبض ع جمال و صفوت ماله و مال تصريح حكومه شفيق الاتنين يتعملو مع بعض ... و يا ريت تتصل بالمستشار هشام و قوللنا قالك ايه ع التعديلات الدستوريه عشان نبتدى ننشر و نهم الناس وجهه نظرة عشان الناس تبقى فاهمه ايه الى بيحص ... احنا بناخد كلامك و نجمعه مع اراء ناس كتير محترمه و بنتتدى ع النت و ع الناس الى حوالينا نعمل زى حملات التوعيه عشان الناس الى فى البيوت يبقو فاهمين و مصحصحين للى بيحصل

محمود فهمى said...

اصبرى قليلا ولو لم تتحقق المطالب اندهى لى عشان اجيب ضرفها اما انا سوف افتح ضرفتين الباسبور

assour said...

ليه يا نوارة ما هو ده عز الطلب، إحنا ننام و هم يكسبوا، دانا باصحي و أنام أتابعك عشان الأمل، معلهش انتي عملتي الواجب و زياده و شوية. لعنة الله عليهم واحد واحد

fatmaalzaree said...

ارجوكي يا نواره ما تياسيش وماتسكتيش طول ما فيه ناس زيك انشاء الله هاننجح ارجوكي الياس ف الوقت ده في منتهي الخطورة

Ahmed Fawzi said...

هل تم الإفرج عن اللى تم إعتقالهم إمبارح فعلا ؟
هل فى حصر لمن تم إعتقاله و للمصابين ؟؟

محمد نور الدين said...

ست الكل مساء الخير
الله يخليك إيه معنى الجملة دي:
أنا حاقفل ضرف المدونة دي ومش عايزة ابص في خلقة حد تاني... يالا بقى اشربوها، وعليه العوض ومنه العوض.
حسب ما فهمت رايحة تقاطعينا أحنا عملنالك إيه يا نوارة

و بالمرة ما معنى : مقموصة

fatmaalzaree said...

واصبروا وصابروا ورابطوا ان ذلك من عزم الامور

Ahamdy said...

يا ست نواره هوه ده بالظبط اللى عاوزينه اننا نزهق ويقولو شوفتم دوول شوية عيال، الجدول الزمن صح والمطالب لازم تكون اوضح وادق مش جمال وصفوت بس فى كمان ناس كتيير لازم يتحطو فى لسته والمهم كمان فى الناس اللى طلعو البلطديه واللى مشو الداخليه وفتحو السجون لسه مش لاقينهم ولا بيدوهم فرصه يستخبوا، بصراحه المجلس بقيادة طنطاوى (حبيب حسنى) بينفذ خطه غريبه بالتعاون مع شفيق ولما كانو مع منى الشاذلى اتكهربو لما جت سيرة حسنى والطلعه الجويه المهم مفيش يأس ونستمر التغيير مش هايتم فى اسبوع او اسبوعين دوول عصابه كبيره وليحم مصالح وبلطجيه ربنا معنا وننجح فى التغيير يا رب.

fatmaalzaree said...

عمري ما عرفتك ضعيفه ولا يائسه ارجوكم اصمدوا زي ما صمدتم ال 18 يوم ما تياسيش بدري المشوار لسه طويل

Ahmad Kabary said...

نوارة انتى اسم على مسمى فارجوك لا داعى لليأس لان اى ثورة يحدث لها هذا و اكثر لكن عندى ايمان و ثقة ان الحق و الحقيقة و العدل تكون لهما الغلبة دائما

marwa said...

انا كنت هناك و مش هاقولك مش مصدومة لا انا مصدومة بس مش من الجيش لان قولتلك زمان الفساد فى البلد للركب و لا استثنى منه احدا و لكن صدمتى كان ان انا كان عندى اعتقاد ان العساكر حتى لو خدوا امر هاينفذوه على مضض و ده للاسف ماحصلش بل بالعكس كانوا بيعملوا حفلة على اللى بيقع فى ايديهم بس مش مشكله هانفوق من الصدمة و هنسامح بس مش هاننسى و لازم كمان من ضمن الحاجات اللى ماننساهاش ان الجيش المصرى مش هو المجلس العسكرى هاقولها تانى الجيش المصرى مش هو المجلس العسكرى و اللى مش مصدقنى راجعوا كلام الرائد احمد شومان شوفوا هو قال لمين يرحل و تعبيراته كانت ازاى على الباقى ولادنا اللى فى الجيش زينا و اكتر بس ماعلينا دى قرصة ودن علشان نبطل النغمة الحنينة و نتفطم بقى و ناخد ثورتنا جد شوية ايوة ثورتنا ثورة الشعب مش الجيش .....ممكن خدمة؟ ياريت لو قابلتى حد من بتوع الشعب يريد اخلاء الميدان ابعتهولى بالفاكس عاوزة اقوله كلمتين على صداغه

OberonSky said...

نوارة

يا بنت بلدي ... "لا تيأسو من رحمة الله " ... انتي محتاجة يوم او اتنين ترتاحي و بعدين ترجعي زي الأول و أكتر ...

أنا معاكي إن ائتلاف شباب الثورة لازم ينظموا نفسهم علشان يضمو معهم كافة التيارات ... و علشان يبقى الكلام و الأفعال موحد ...

كمان مش معقول إن القوات المسلحة كلها مع الثورة .. أكيد فيه ناس مش عايزاها .. لكن الواضح إن الجزء الأكبر مع الثورة و الدليل إلي حاصل لغاية دلوقتي ... لازم الشعب يعرف ازاي يساعد القوات المسلحة انها تقدر تتغلب على القلة إلي فيها إلي مش عايزة تغيير و كمان تقدر تتغلب على أمن الدولة و بواقي و جيوب النظام السابق إلي عددهم كبير و أكيد ليهم أساليب و ممكن يبوظو البلد ..

إلي حصل امبارح مش لازم اننا نركز عليه كتير لأنه ممكن يوقع مابين الشعب والجيش .. واللي عمله أكيد قاصد بيه كدة .. الشعب ابتدى يمشي في طريق التغيير و مش لازم يتوقف .. ركزو على المطالب المشروعة المهمة و بلاش نوقع في إحتكاك مابين الجيش والشعب ... يعني كدة بالبلدي قللهم ماكنش العشم يا جيشنا و طنشو و كملو المسيرة بالمظاهرات والطلبات المشروعة ..

إلي حصل امبارح كويس لأنه عرف الجميع إن مفيش حاجة اسمها نروح و نسيب الميدان و كلو هيبقى تمام .. و كمان شفنا إنه لما الشباب لم ترد بالعنف مقدرش الجيش غير إنه يطلع بتلات بيانات إعتذار في ساعة واحدة .. و دة معناه إن فيه حاجات بتحصل من وراء الستار و الجيش محتاج الضغط الشعبي اللي في الشارع ...

أنا عرف إن فيه ناس زعلت و حست إن الجيش غدر بيها لكن لازم نزيح الأحاسيس الشخصية من الموضوع .. ديه سياسة ... و فيه قوى كتير بتتصارع ...

و حقك علينا متزعليش .. البلد محتاجة بنات و شباب زيك .. أمل مين اللي حيقوم بيها ..



ربنا معنا

Unknown said...
This comment has been removed by the author.
Unknown said...

نحن لا نستسلم أما النصر أو الموت بكرامه

Unknown said...

نفس الفزاعة اللى كان النظام بيخوف بيها الغرب انهم الاخوان المسلمين
وايضا نفس الفزاعه بتاع البلطجية اللى بتستخدمها اجهزة الجستابو لتخويف المواطنين

Unknown said...

لأ لأ لأ إستني هنااااااااااااا.... مدونة إيه اللي عايزة تقفليهاااااا؟ بقولك إييييييييييه؟ ماينفعشششششششششششششش.... إوعي تقفليها... ده انتي الصوت اللي بدور على إني أسمعه قبل ما أكون رأي كامل عن الأحداث، عشان بثق إنك حتوصلي الصورة صح وبصدق... أرجوكي لأ.

هو مينفعش تكلمي بلال فضل؟ هو مش من ائتلاف الثورة؟ ما يوصل فكرة الجدول الزمني دي... بجد ساعتها يبقى فعلاً عدانا العيب وقزح

احمد خليل said...

سيدتى الفاضلة
لما اخالف قانون المرور وامشى عكس الاتجاة على مطبق القانون ان يقبض على وتقديمى للمحاكمه ،لما اخالف نظام حظر التجول لا اضرب لان القانون لا يوجد به ضرب وسحل ..لنا خق التظاهر السلمى وحق الاعتصام ولا يقابل هذا الحق بالضرب والسحل
يجب ان نقاوم الاذاءالبدنى حتى بالنسبة للمجرميين

Moataz Medhat said...

أولا مش هنهون عليكي تسيبينا.

ثانيا:موافق على إقتراحاتك جدا،حل يرضي اللي صاحيين لنفسهم،و اللي بيقولوا لازم إستقرار و خلافه..و كمان يخلي المظاهرات معلنة من وقت طويل

ثالثا:أنا أقترح انك تقابلي المجلس العسكري،أظن إنك تقدري،الفكرة هنا كالآتي
1- لك مصداقية عند أطراف متعددة و آرائك معروفة
2-مش هيضحك عليكي بكلمتين
3-لو فيه أسباب لبعض تصرفات الجيش ميقدرش يعلن عنها،فممكن يلمح لك ببعضها و يضمنك
و اللي هتقتنعي بيه احنا معاكي و أمرنا لله.

negmat lail said...

عايزين نعيط شوية دلوقتي الدنيا خربت يعني والا ايه

DIY CNC said...

با نوارة اسمعى الكلام لمى الكبار مع بعض ارجوكى المؤمرة كبيرة اوى لازم يكون حد كبير يعنى تجمع للكبار علشان يبقو ند حقيقى للجيش (مين الكبار )كل الكبار الى خاضو حروب سابقة ضض النظام كل من اقصاهم النظم السابق بسسب اراء او مواقف
اسمعينى ارجوكى انا معرفش حد انتى تعرفى الثورة حتتسرق منكو الجيش يحستقتب حبة ويعملهم نجوم وهما حيسدقو نفسهم
كل القنوات الخاصة مربطة مع النظام انتو بيتعملكو حملة اغراق بلمعلومات

مش فاهمه said...

بصى يا نوارة موضوع الشباب اللى كل واحد بيتكلم مع نفسه ده مايجيبش خلاص و حكايه كل جمعه دى منتهى الغباء اسمحى لى الحل فى رأيي الناس كلها تفوض البرادعى يتكلم باسمهم و هو معاه مليون توقيع من الأول و نخلص الليله و نبقى نصطفل معاه بعدين مافيش وقت يا ناس الثورة بتتسرق و انتوا لسه بتتفقوا على يوم الجمعه

Unknown said...

بصى يا نوارة أنا مش مع إن الناس ماتنزلش كل جمعة بس ممكن الجمعة اللى ينفذوا فيها المطالب تكون جمعة شكر والجمعة اللى ماينفذوش فيها المطالب تكون جمعة اعتصام.....ولازم من الأول كدة قبل أى حاجة حل حكومة شفيق كإثبات لحسن النية من الجيش وهو ده الاعتذار اللى ممكن يتقبل

وبعدين أنا شايفة إن فى مطالب تانية مهمة زى حل الحزب الوطنى وتجميد أرصدته وحل المحليات وعزل سايى خمس سنين على الأقل لكل أعضاء الشعب والشورى والمحليات ورموز الحزب... من غير كدة عمر الانتخابات الجاية ماهتكون نزيهة وخصوصاً الحزب الوطنى أعلن إنه هينزل الانتخابات الجاية

utopia said...

بعد اذنك يا نوارة :
الاستعجال والهرجلة هو سبب الفوضى دى

لازم يرجع الحشد والدعاية للثورة تانى
ناس كتير بقت متلخبطة وبتصدق التلفزيونات المصرية تانى
لازم جمع الكلمة ودعاية مكثفة وتوعية مكثفة زى الاول
لو كان العدد كبير ما كانش حد قدر يعمل حاجة...مش عاوزين نسمع احباط فى صوتك
انتى كنتى دايما بتدينا الامل
شوفى ثوار تونس حصل معاهم ايه؟؟
علشان عدم التنظيم بعد بن على ما فيش امور بتتحسم وحكومة الغنوشى لسة راكبة
اللهم كن معنا ولا تكن علينا

negmat lail said...

طريقة فعالة لافساد اي حاجة حلوة :
الكويس يحبط وسهل التنكيد عليه فيمشي من الموضوع ويخلصوا منه ومن نصايحه
الجبلة يفضل ويظهر ويبان ويبقى الكل في الكل ويتناصح علينا ويمشينا على مزاجه
الكويس عايز يبقى متواضع يعني و يشارك الكل وما يبقاش ليه سلطة ولا حاجة بس بكدة بيسيب مكانه فاضي للحمار

negmat lail said...

لازم يبقى فيه حد يتكلم الثورة مش الكل حيتكلم في نفس واحد لأنهم بكده يوسعوا الطريق للي مش فاهم حاجة وما لوش دور ومنافق وكذاب

fatmaalzaree said...

وان يمسسك الله بضر فلا كاشف له الاهو وان يمسسك بخير فهو علي كل شيء قدير وهو القاهر فوق عباده وهو الحكيم الخبير

fatmaalzaree said...

فقاتل في سبيل الله لا تكلف الا نفسك وحرض المؤمنين عسي الله ان يكف باس الذين كفروا والله اشد باسا واشد تنكيلا

fatmaalzaree said...

والله يؤيد بنصره من يشاء ان في ذلك عبرة لاولي الابصار

Unknown said...

http://www.ikhwanonline.com/Article.aspx?artid=79660&secid=212

torero said...

ارجوكى امسكى نفسك
انت ب 100 راجل
فيه ملايين وراك
بلاش ياس
ان مع العسر يسرا
ان مع العسر يسرا
صدق الله العظيم

fatmaalzaree said...

ولا تهنوا ولا تحزنوا وانتم الاعلون ان كنتم مؤمنين ان يمسسكم قرح فقد مس القوم قرح مثله وتلك الايام نداولها بين الناس وليعلم الله الذين امنوا ويتخذ منكم شهداء والله لا يحب الظالمين

fatmaalzaree said...

انما ذلكم الشيطان يخوف اولياؤه فلا تخافوهم وخافون ان كنتم مؤمنين

negmat lail said...

اناأفوضك ان تكوني من المتحدثين باسم شعب مصر يلزم ان يكون المتحدثون معروفين كي لا يجيء من لا نريده (ويعمل علينا ريس)

fatmaalzaree said...

واستعينوا بالصبر والصلاة وانها لكبيرة الا علي الخاشعين

fatmaalzaree said...

كم من فئة قليلة غلبت فئة كثيرة باذن الله والله مع الصابرين

محمد نبيل said...

الى قواتنا المسلحة،

سأتحدث معكم بوضوح لأن ما نمر به لا يحتمل الا الوضوح والصراحة، ماحدث أمس من فض الجيش بالقوة للمعتصمين لا يبدو غير مقصود بل يبدو مقصودا ومرتبا. فقد بدأ بابعاد الجيش للصحفيين والكاميرات وهو مافهمناه على الفور أمس بأنه تحضير للعنف ضد المتظاهرين، ثم من أين أتى الجيش بالعصى الكهربية ؟! ألا يدل ذلك على النية المبيتة لانتهاج نفس منهج القمع الذى انتهجه نظام مبارك ؟!ومن هم الملثمين الذين كانوا يصاحبون قوات الجيش فى استخدام العنف ضد المتظاهرين ؟! هل كل هذا غير مقصود ؟! ثم هل قوات الجيش تتصرف من تلقاء نفسها بدون أوامر من القيادات ؟! بالطبع لا.

ثم طالما تحدثتم عن رصيدكم لدينا وعن موقفكم منذ بدية الثورة فدعونى أكون أكثر وضوحا، فأنتم تقولون أنكم أنكم أنحزتم الى جانب الشعب بوضوح منذ بداية الثورة ولم تتعاملوا بأى صورة من صور العنف مع الشعب ! ولكن الحقيقة أنكم سمحتم بدخول بلطجية النظام لميدان التحرير وتركتموهم يهاجمون المتظاهرين بالمولوتوف والرصاص الحى والحجارة والخيول والجمال، ولم تحركوا ساكنا للدفاع عن المتظاهرين العزل بدعوى الحياد !

وقد قامت الشرطة العسكرية بامداد الشرطة قبل انسحابها بالذخيرة لمواجهة المتظاهرين، وقام الجيش منذ نزوله الشارع وقبل تنحى مبارك بأعمال تنافى ما تدعونه من انحياز لمطالب الشعب أو حتى الحياد، منها منع الجيش لمتظاهرين من الوصول لميدان التحرير ومنع وصول الغذاء والاسعافات الطبية للمتظاهرين المحاصرين أصلا من البلطجية فى ميدان التحرير، بل وقمتم باعتقال متظاهرين أيضا. وكذلك كنتم تحاولون تضييق المساحة على المتظاهرين فى ميدان التحرير بالتقدم بالدبابات بضعة أمتار كل يوم ووضع أسلاك شائكة أمامها.

كذلك طالبت قيادات من الجيش المتظاهرين قبل تنحى مبارك بالعودة الى بيوتهم، فهل كان مبارك ليتنحى اذا عاد المتظاهرين لبيوتهم ؟! كان سيبقى ويستأسد على الشعب وينتقم منه هو وأعوانه.

فعلتم كل هذا ولكن على السطح كنتم تحاولون الظهور بصورة ايجابية لدى الشعب، والآن تنتهجون نفس السياسة بأن تنفذوا ماتريدون ثم تعتذروا بدعوى أن ما حدث كان غير مقصود.

ان تعنت نظام مبارك فى وجه مطالب الشعب والتحايل عليها والاستهانة بها وقمع الشعب هو ما أوصل مصر الى ماهى عليه الآن. وقد كنا نتمنى أن تكون مصر بلد ديموقراطية لا تعانى من الفساد والأمية والفقر وانتشار الأمراض والتخلف فى شتى المجالات والتبعية بحيث لا نضطر لثورة ولا شهداء ولا مصابين ولا تضحيات ولكن نظام مبارك هو ما أوصلنا الى هذا.

والآن ونحن فى هذه المرحلة الحرجة نطالبكم بأن تكونوا على قدر المسئولية، وألا تستمروا فى سياسة مبارك وتتعنتوا فى وجه مطالب الشعب الواضحة التى عبر عنها بالملايين فى الشوارع والميادين فى شتى محافظات مصر من بعد تنحى مبارك.

ان تصريحكم بأنكم ستتخذون "كافة الاحتياطات التى من شأنها أن تراعى عدم تكرار ذلك مستقبلا" تصريح ايجابى نتمنى أن نجده مطبقا فى الواقع. كما نتمنى اقصاء باقى أعوان النظام الذى أورد مصر المهالك وأدى بنا الى مانحن فيه.

fatmaalzaree said...

متي نصر الله الا ان نصر الله قريب

Abo Maro said...

قلتى كل اللى كان فى دماغى

fatmaalzaree said...

واذا سالك عبادي عني فاني قريب اجيب دعوة الداع اذا دعان فليستجيبوا لي وليؤمنوا بي لعلهم يرشدون

طبيب بيطري said...

والله انا قلقان علي مصر اكتر من الاول
ربنا معاكم ومع الجيش
فيه ناس بتحاول التشكيك في الجيش
لكن حتي الان ادائه معقول
خدوا بالكم الايام دي اصعب من اللي فاتت

torero said...

انا عاوزك ما تقلقيش لسبب بسيط
الشعب نفسه اتغير خلاص و فهم انه كان عايش فى فيلم كبير و كل يوم حلقة جديدة عشان يشغلوا بيها وجدان الناس بمساعدة منى الشاذلى و معتز و هناء و .....
الناس اللى احنا خايفين منهم ييجوا يحكموا البلد اغبياء و كل الاعيبهم خلصت و جعبتهم فرغت من الخدع و ادوات النصب
الناس فهمت ان البلد فيها فلوس متلتلة و الكل عرف ان ليه حق فيها و محدش هيسكت بعد كده
المشكلة دلوقتى ان احنا مستعجلين و عاوزين البلد تتصلح بسرعة لان 30 سنة من الخيبة كتير قوى وعمرنا ضاع فى الجرى وراء لقمة العيش
لكن احب اطمنك
ربنا معانا وان تنصروا الله ينصركم ويثبت اقدامكم

المهندس said...

نوارة ... الا انت .. انت بالذات مينفعش تحبطي او تزهقي ولا تسلمي ... انت من تحديت مبارك ونظامه في عنفوان قوته ... وعندما كانت اجهزته الجهنمية اشد بطشا من اجهزة الجستابو الالماني.
ولن اطيل عليكي نظرا لانه من الواضح انك مرهقة وبشدة .. ولكن ساقول لك كلمتين ..كنت لا امل من كتابتهما امس علي جميع صفحات النت
" يخطئ من يتصور انه يملك شرعية اكثر من شرعية مبارك يوم 25 يناير , ويخطي من يظن ان لديه من القوة اكثر مماكان لدي حسني مبارك يوم 25 يناير , ويخطئ من يظن انه يمكن شرذمة المعارضة اكثر مما كانت مشرذمة قل 25 يناير ... فهل تعي ذلك الكلام اذن واعية ... ويقرروا تنفيذ مطالبب الشعب "

ملحوظة :- الثورات كما قال الرائع ابراهيم عيسي تأتي علي امواج من مد وجزر ... ولعلك رأيت امس كيف تجمع اكثر من 100 الف في تونس للمطالبة بنفس مطالب الثوار في مصر ... وهو رقم لم يكتمل منذ فرار بن علي ... اذن يخطئ من يراهن علي الوقت في وجه الثورات ... حاجة اخيرة ... الحرية طعمها حلو ... واللي داقها مرة هيشتاقلها ... وهينزل يطالب ببيها ...مرة ... ومرات ... افهموا بقي ... ولا انتوا ايه ...حسني مبارك عداكم غباااااااء ... جاتكم نيلة

شكرا ... ولننا حق عليكي اننا اول مرة نشوفك بالحالة دي ...لكن ده مش وقته...السلام عليكم

Argenda said...

فكرة الجدول الزمني و ربطها بيوم الجمعة ممتازة بس لازم حد يوصلها للجيش مهو مش لازم يكونوا بيقروا المدونة و حتى عشان يبقى زي إثبات حالة أهو وصلنالكم الطلبات
بس لازم الكل يبقى واحد مش كل شوية لهم مطالب و بما إنك عارفة الناس اللي بتوصل للجيش يبقى تأكدي عليهم يوصلوا الكلام ده والتوصيل أمانة و ضروري
من حيث إنك تجيب ضلف المدونة فمش لوحدك هتعملي كده لو الثورة دي متمتش على خير ناس كتيرة هتقفل حاجات بس الأول نعمل كل اللي علينا و ده ضروري أوي و نتحمل شوية كمان مهو اللي بيتعمل برضه بيضغط علي الجيش و على غيره عشان نحقق اللي عاوزينه و لازم دايماً نأكد الجيش مش هو العدو حتى لو صدر منه غلط فلازم نفهم إن أغلبه معانا

Argenda said...

صحيح الوقت ده لازم نبدأ نناقش التعديلات و يا ريت تجيبي أراء قانونيين فيها و ده بالتوازي مع التركيز على المطالب

Unknown said...

انقذوا كريم احمد فيصل 16 سنه طالب بالصف الثالث الثانوى
اصيب بطلق سلاح نارى من ضباط قسم محرم بك يوم 28 يناير احدث به سبع اصابات ناحية الاذن اليسرى وخلف فروة الراس واعلى فروة الراس والعضد الايسر والفخذ الايسر ومحتجز فى مستشفى الطلبه بسبورتنج وحالته تدهورت جدا وينزف ويحتاج لجراحه عاجله ولكن امكانيات المستشفى بسيطه
ده تليفون... امه للى يقدر ي...ساعد فى نقله لمستشفى افضل او عرضه على اطباء
0165378740 انشرها بالله عليك و الدال على الخير كفعاله

ahmedelebyary said...

لا يا نوارة متقفليش المدونة
انت كده بتعملي اللي هما عايزينه
هما عايزين يحبطونا ويكسرونا
بس احنا بعون الله هنزمهم بأيماننا
احنا كلنا مقاومة
عاملين زي السيد حسن كده بالضبط
احنا مش هنفرط في حقنا
و اذكرك بأيه السيد حسن نصر الله بيذكرها دايما
"وان تكونوا تألمون فأنهم يألمون كما تألمون وترجون من الله ما لا يرجون"
انت واقفة ومقاومة بميت راجل
دي فرصتنا عشان نعمل حاجةعدلة
للأجيال الجاية

أستاذ أبو هاجر
مقموصة بالمصري يعني متضايقة
تجيب ضرفها تقفلها

Unknown said...

انقذوا كريم احمد فيصل 16 سنه طالب بالصف الثالث الثانوى
اصيب بطلق سلاح نارى من ضباط قسم محرم بك يوم 28 يناير احدث به سبع اصابات ناحية الاذن اليسرى وخلف فروة الراس واعلى فروة الراس والعضد الايسر والفخذ الايسر ومحتجز فى مستشفى الطلبه بسبورتنج وحالته تدهورت جدا وينزف ويحتاج لجراحه عاجله ولكن امكانيات المستشفى بسيطه
ده تليفون... امه للى يقدر ي...ساعد فى نقله لمستشفى افضل او عرضه على اطباء
0165378740 انشرها بالله عليك و الدال على الخير كفعاله

طائر said...

ليه كده يا استاذة نوارة ده انا باستنى رايك في كل حاجة عشان افهم صح

بالله عليكي بلاش النبرة اللي سيطرت على اخر الكلام اللي حضرتك كتبتيه

هو فعلا على الله العوض ومنه العوض


وان شاء الله ربنا هيعوض علينا


استبشري خيرا باذن الله
ربنا كبير اوووووووي

قال الحبيب عليه الصلاة والسلام: (عجب ربك من قنوط عباده وقرب غيثه فينظر إليهم قنطين فيظل يضحك يعلم أن فرجهم قريب). حديث صحيح

Unknown said...

الجيش مش ح يعمل اللي انتي طلباه عشان طنطاوي الفاسد مايرحش في الرجلين
جيش يضرب ...جيش يعتذر...جيش يبرر...هوه فيه كام جيش في مصر؟
وللا بياخدوا الناس علي قد عقلها ؟

الثوره تعتمد فقط علي نفسها و شرعيتها

مصرية حرة said...

يا جماعة الخير اللي يعرف نوارة كويس يعرف انها مش حتسلم.. اقراوا كلام نوارة بنت المصري شاعرنا المجاهدأحمد فؤاد نجم كويس..الوقت ازف و النظام يفرفر...هم انتهزوا فرصة ما يحدث في ليبيا علشان ينقضوا علينا ..لكن لأ..الذل و العار و التجويع والاذلال و التسطيح الذي كنا نعيش فيه مش حنرجع له تاني..احنا محتاجين توحيد كل الصفوف و محدش يقول ائتلاف الثورة مسئول ..الكل مسؤل ومش حنعتمد على قلنا لفلان و علان دي مصر ودم الشهداء..اظن ان امبارح كان اهون بكثير من الاربعاء الدامي بالتحرير..وانا شايفة اننا نمشي اكثر من خط بالتوازي..يعني خط اعتصام وخط اللي قاله الدرويش بتكوين مجموعة قانونين ثقات في كل محافظة لتجميع الفساد ..فيه ناس كثير عندها مستندات و بلاوي و خايفة تقدمها...وخط اخر يصر علي محاكمة جمال و صفوت لاني اوافق نوارة على انهم حيجروا بلاوي وده اكيد ..وخط ثاني من خلال مجلس امناء الثورة لمتابعة المطالب..
ولا تهنوا ولا تحزنوا وانتم الاعلون"
وزلزلوا حتى يقول الرسول والذين امنوا معه متى نصر الله الا ان نصر الله قريب...
اصبروا وثابروا و اصمدوا وكله بفضل الله
والثورات موجات و لسه ثورتنا لم تنتهي و التوسنامي جاي

Unknown said...

استاذة نوارة احب اقلك ان جمال مبارك مش فرد من الحكومة عشان يقدم اقرار ذمة مالية .لازم الفرد يعمل بمصلحة حكومية عشان يقدم الاقرار دة حسب القانون لو تعرفى القانون.فمش هنعرف نعمل حاجة فى دية .ومش هيجيبوا واحد من قفاة عشان مرداش يقدم الاقرار.هو من الذوق انة يقدمة بس هو جبان وبيلعب بالقانون.ثانبا امبارح قلقتوا الشعب فى الفجر واتصلتى ع الجزيرة واقعتدى تقولى بنضرب من الجيش.احب اقولك لما تحبى تبصى ع مصر ماتبصيش فى ميدان التحرير بس.احنا امبارح كان عندنا ضرب نار من العشاء عشان قبضوا ع تاجر مخدرات فى السويس وبلطجيتة طلعوا وقفلوا الطرق وكانت مهزلة عندنا.والجيش قال ان بعد 12 حظر التجول هيبتدى مانشوفش حد فى الشارع.يبقى حقة ولا مش حقة .احنا عندنا دلوقتى فى السويس بقوا يبعيوا المخدرات عينى عينك .لو انت بتحبى البلد فعلا بطلى انانية وفكرى فى المحافظات المحيطة
وشكررررررررررررررا

Tears said...

مالك محبطة اوى كده حسستينى ان الوضوع باظ تماما و ح لاقى مبارك بيقول خطاب

شوفى موضوع مين اللى ضرب الناس ده انا مش فاهماه لان على الفضائية المصرية جابوا ملتحين بس و قالوا دول كانوا موجودين بالليل و ان اللى ضربهم ناس لابسه زى جيش و همه مش جيش و بعدين الاقى القوات المسلحة ده احتكاك مش مقصود مع الشرطة العسكرية...احتكاك دى محسسانى انهم داسوا على رجل متظاهر

انا شايفة اننا بنضيع وقت
عايزين البرادعى لانه مفاوض قوى و معاه اتنين شخصيات تقال كبار...مثلا هشام البسطويسى و حد كمان و بس و يروحوا يكلموا مع الجيش

عايزين تلاته بس يكلموا باسمنا بشرط انهم ما يكونوش تبع اى تيار و ناس مستقله

Unknown said...

لا فيه ثورة حاتتسرق ولا كلام فاضى من ده - وبعدين إتنى يا ست نوارة مقموصة مش زعلانة - وبعدين إنتى ليكى سكة تروحىى حتى المجلس الأعلى نفسه وتقولى الكلام ده - أما حكاية إشربوها والكلام ده مش مقبول منك - كده م الآخر مش مقبول - وبعدين هو الدنيا اتخلقت فى ساعة عشان عاوزين الجيش يعمل كل حاجة فى ساعة - إنتوا عاوزين الجيش يتورط فى حملة اعتقالات وبعدين تعيطوا - ما يصحش إللى بيتقال ده كله - الجيش شغال زى الفل وكل واحد قاعد فى بيته بيهجص زى ما هو عايز - لكن الجيش اختار إنه يمشى بالقانون - وبعدين الناس إللى ماسكة فى تخوين النائب العام - طيب نشيله ونجيب نائب عام من إسرائيل يعنى والا إيه ؟ - وبعدين اعتصامات إيه بعد رحيل مبارك - خلاص موضوع الاعتصامات ده انتهى خالص - فيه مظاهرات مليونية كل يوم جمعة - ماشى - لكن اعتصام تانى عشان ميتين أم إيه بالضبط - والكل كان متوفع حدوث ما حدث امبارح - والكل نبه له واولهم إنتى - إذا كنتى تعبتى روحى نامى يوم بحاله أو يومين ثم إرجعى - أنا مش فاهم إيه العصبية دى كلها - أمال لو كنتى القائد العام للقوات المسلحة كنتى عملتى إيه - وحدى الله

mlk84 said...

ايه يانواره هوه كده الثوره انتهت يعنى الجيش بيلتف على مطالبنا ارجوكى تطمنينا

Unknown said...

plz lw 3andek el gor2a el kafya zay mabet2oly etfargy 3ala dah w e3maly beh mesh testa5by fe saf7a mesh keter ye3rafoha
http://www.facebook.com/l.php?u=http%3A%2F%2Fwww.youtube.com%2Fwatch%3Fv%3DYRwoT8o9fiw&h=079ea

Unknown said...

ح أقولهالك بالبلدي يانوارة" ينصر دينك علي الاقتراح الهايل ده بتاع الجدول الزمني، وينصر دين بلال فضل إذا كان هو اللي فكر فيه" بس أوعي تطلعوا شيوعين بعد ما دعيت لكم بنصرة دينكم_ مجرد مزحة. تحياتي وتقديري

dalia said...

المشكلة فى اول طلب انه لازم يتعمل بشكل قانونى , هل في بلاغات ضد البشر دى اتقدمت للنائب ؟ و لو لا يبقى ليه؟ و لو نعم يبقى هما مستنيين ليه؟ متهيألى و الله اعلم ان الطلب ده ماينفعش يكون الاول ممكن التانى علشان ما حدش يقول انها طلبات تعجيزية او غير ممكنة قانونيا , اللا لو في بلاغات جاهزة فعلا

Unknown said...

اقتراح وضع جدول زمني هو اقتراح بلال فضل اساسا زي ما اوضحت في البوست

mlk84 said...

نوارة ارجوكى متياسيش انتى اللى بتديناالامل انا من ساعة مقريت البوست بتاعك وانا جتلى حالة غريبه يعنى حتى لو الجيش بيضحك علينا مش مشكله لان املنا فى الله سبحانه وتعالى وحده فقط وربنا هوه اللى نصرنا مش الجيش الجيش كان ساكت بقاله 30سنه وزاد عليهم 18يوم منهم يوم الاربعاء الدامى يعنى الشعب هوه حامى ثورته لحد اخر واحد مننا وياريت تطلعى للقنوات وتوعى الناس مش كفايه النت بس وان ينصرنا الله فلا غالب لنا لا امريكا ولا الجيش ولا عمر سليمان ولا ايا كان بس احنا ناخد بالاسباب ونصحصح ونعتصم بالله ونتكاتف حتى اذا استيئس الرسل وظنوا انهم قد احيط بهم جائهم نصرنا ورايى ان الاعتصامات المليونيه ترجع تانى

Sherif said...

أنا أؤيد "مش فاهمة", هو دة الكلام دلوقتى. حكاية ثورة من غير قائد دى كانت تنفع زمان فى الأول, إنما حاليا طول ما احنا مجرد أفراد بدون تنظيم أو قيادة "مرئية ومسموعة", مش هيهمهم مننا, لأنهم بيراهنوا على حاجة واحدة: الزمن والتراخى الطبيعى اللى بييجى معاه, وخوف الناس على لقمة عيشها. أنا باقولكوا من دلوقتى أهه: الجمعة مش هتفضل مليونية على طول, وأظن تناقص الأعداد عن الجمعة اللى قبلها كان واضح (ويمكن دة اللى شجعهم على الضرب ؟؟). دة تضييع وقت, وكل لحظة بتضيع فرصة للكلاب (واحسبوا الكلاب زى ما انتم عاوزين). نفوض البرادعى الآن, من أول هذه اللحظة. بس متفوضوهوش ونقعد نتفرج عليه, لأ, نخلينا وراهم برضه. (ونبطل رومانسية وغرام فى الجيش: مفيش جيش فى الدنيا بيحقق مطالب ثورية, والجيش المصرى ليس استثناء). الضغط المستمر هو الحل, مع فارق بسيط, إن البرادعى نفسه هيكون وسيلة ضغط معانا.

الفت سلطان said...

قناصة حبيب العادلى على سطح وزارة الدخلية ..: http://www.youtube.com/watch?v=aHFE7BmpL-A&feature=player_embedded

Sherif said...

أنا أؤيد "مش فاهمة", هو دة الكلام دلوقتى. حكاية ثورة من غير قائد دى كانت تنفع زمان فى الأول, إنما حاليا طول ما احنا مجرد أفراد بدون تنظيم أو قيادة "مرئية ومسموعة", مش هيهمهم مننا, لأنهم بيراهنوا على حاجة واحدة: الزمن والتراخى الطبيعى اللى بييجى معاه, وخوف الناس على لقمة عيشها. أنا باقولكوا من دلوقتى أهه: الجمعة مش هتفضل مليونية على طول, وأظن تناقص الأعداد عن الجمعة اللى قبلها كان واضح (ويمكن دة اللى شجعهم على الضرب ؟؟). دة تضييع وقت, وكل لحظة بتضيع فرصة للكلاب (واحسبوا الكلاب زى ما انتم عاوزين). نفوض البرادعى الآن, من أول هذه اللحظة. بس متفوضوهوش ونقعد نتفرج عليه, لأ, نخلينا وراهم برضه. (ونبطل رومانسية وغرام فى الجيش: مفيش جيش فى الدنيا بيحقق مطالب ثورية, والجيش المصرى ليس استثناء). الضغط المستمر هو الحل, مع فارق بسيط, إن البرادعى نفسه هيكون وسيلة ضغط معانا.

Moataz Medhat said...


أقترح تكوين كيان (مجموعة-إئتلاف-حزب..)من المدونين و الصحفيين و الكتاب الشباب المعروفين.

1-مواقفهم معروفة و موثقة من أيام العهد البائد .و كتاباتهم كانت سبب في نجاح الثورة.
2-أغلبهم -أو كلهم- شارك في أحداث الثورة
3-جمهورهم كبير و يثق فيهم، و الجمهور ده هو الشباب اللي عمل الثورة

يعني بإختصار الناس دي تعرف تتناقش و تمثلنا و تتفاوض و تتفق و تقنعنا

و دي مفهاش تواضع، ده واجبكم يا نوارة

Unknown said...

انا مش عاجبنى كل اللى بيحصل ده
لازم نحترم الراىء والراىء الاخر
احنا كده بنقول ان مصر كلها فساد
كل من هو من النظام القديم لازم يرحل
كلام جميل لكن مش ممكن يحصل فى يوم او شهر او حتى سنةاهم حاجه عندنا الان هو الدستور والقانون اللى هنعرف منه الحقوق والوجبات مش مهم الاشخاص احنا اللى هنختار الاشخاص عن طريق الانتخابات لكن من غير المعقول اللى بيحصل ده عايزين نستنى شويه ونشوف اللى هيحصل ياجماعه البلد بتخرب كل حاجه واقف حالها كل واحد بيقول انا انا انا وده مش كويس دلوقتى
اللهم بلغت اللهم فأشهد

واحد مش فاهم حاجة said...

اذا كنتي هتستسلمي وتايسي تاكيدى اننا لن نستسلم وهنفضل كده مركزين وصحيين مهما عملوا طالما عايشيين هنقاوم الظلم اذا كنتي فاكرة ان النظام هيسلم بالسهولة دي تبقي غلطانة ده نظام بوليسي قمعي وده متوقع منه الدور والباقي علينا احنا هندافع عن ثورتنا للنهاية الي هتكون خير ان شاء الله

elzahraamegahed said...

نواره تؤخذ الدنيا غلابا، انتى بتعبرى عن رأى قطاع من شباب الثورة لازم تظهرى فى الصوره مع الجيش.
اطلبى انك تدخلى فى التفاوض مع الجيش ، أرجوكى، الجماعه اللى بيتفاضوا يشكروا على دورهم فى الثورة بس هما بيمثلوا القطاع الطرى الحالم الواثق فى الجيش وفيه قطاع تانى متشائم وشايف الصوره من ناحية تانيه ، لازم حد يعبر عنه لاااااااااااااااازم أنتى أنسب حد للدور ده لأنك شخصيه معروفه وأراءك واضحة و شاركتى فى الثورة من أول لحظة، وده مش وقت مثاليات ، اتشمرى وادخلى وقولى انا عايزه ابقى معاكم فى التفاوض

Anonymous said...

أرجوكي لا تتوفقي

أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْاْ مِن قَبْلِكُم مَّسَّتْهُمُ الْبَأْسَاء وَالضَّرَّاء وَزُلْزِلُواْ حَتَّى يَقُولَ الرَّسُولُ وَالَّذِينَ آمَنُواْ مَعَهُ مَتَى نَصْرُ اللّهِ أَلا إِنَّ نَصْرَ اللّهِ قَرِيبٌ {البقرة/214}

Anonymous said...

احنا بنرجع لورا بيرجعونا للصفر التانى يخرب بيت الغباء هو للدرجة دى المطالب صعبة ايه شفيق عامل للجيش عمل سفلى مايغوره ويخلص نفسه لو عايز الدنيا تهدا وعايز يأكد حسن
نواياه ايه هو اصعب من مبارك
a7a

احمد سعيد said...

قبل ما تجيبي درفها ، من سيدفع الفاتوره؟؟؟

Anonymous said...

انا مش هقولك بلاش يأس واوعى تقفلى المدونة لان مش انا الى هنصحك لانك ببساطة تعلمى بلد بحالها ازاى مايحسوش بيأس فى عز ماالدنيا تكحل وتسود وانت سبب لملايين زى انهم يحسوا انهم لسه بنى ادمين وليهم لازمة يانوارة الانتصار

Anonymous said...

انا مش هقولك بلاش يأس واوعى تقفلى المدونة لان مش انا الى هنصحك لانك ببساطة تعلمى بلد بحالها ازاى مايحسوش بيأس فى عز ماالدنيا تكحل وتسود وانت سبب لملايين زى انهم يحسوا انهم لسه بنى ادمين وليهم لازمة يانوارة الانتصار

Anonymous said...

انا مش هقولك بلاش يأس واوعى تقفلى المدونة لان مش انا الى هنصحك لانك ببساطة تعلمى بلد بحالها ازاى مايحسوش بيأس فى عز ماالدنيا تكحل وتسود وانت سبب لملايين زى انهم يحسوا انهم لسه بنى ادمين وليهم لازمة يانوارة الانتصار

Anonymous said...

انا مش هقولك بلاش يأس واوعى تقفلى المدونة لان مش انا الى هنصحك لانك ببساطة تعلمى بلد بحالها ازاى مايحسوش بيأس فى عز ماالدنيا تكحل وتسود وانت سبب لملايين زى انهم يحسوا انهم لسه بنى ادمين وليهم لازمة يانوارة الانتصار

bentmasr said...

تقفلي ايه ده تهريج صح ؟
انتي مش كده ومينفعش تكوني ايه جبتي الانهزامية دي منين اهدي كده يانواره واشربي كوباية شاي صعيدي هتبقي كويسع

Anonymous said...

ليه الكلام ده ... ليه كل ما باب الامل ما يكبر بنشعر انه بيضيق ... اكيد جمال مبارك والعرص صفوت الشريف جايين فى السكة ومعاهم العرص فتحى سرور.

علان العلانى said...

مقدار ما يحمل الإنسان من كرامة هو نفسه قدر ما يستطيع أن يقدمه من كفاح

Ahmad said...

عزيزتي نوارة

أرجو منك الحذر
الضغوط والدسائس كثيرة ,,, بعض شباب الثورة باعو ذممهم أرجو الحذر

مؤشرات كثيرة أصبحت واضحه وجلية بأن الثورة تتعرض للغدر من فئة قليلة من أعضائها

الحذر

الحذر

مصرية حرة said...

ده تصويت لاقالة شفيق
http://www.facebook.com/home.php#!/event.php?eid=175109592534908

عايزين نطلع من الاوم اوم وبنفوضك يا نوارة في ان تكوني ضمن الائتلاف وتمثلينا و تضمني تأكيد المطالب ..الموضوع ده مش عايز دعوة واه و لا..ده عايز تتحركي دلوقتي حالا وتناقشي معاهم موضوع الخطة الزمنية او الاعتصام..عايزين نتوحد حالا..وقوليلنا عملتي ايه ..لما نشوف ايك تكوني اتعديتي من الجيش..يلا ..

Ahmed Elmekabbati said...

ياريت مسألة حظر التجول والكلام ده يكون علي الدائري مش في وسط البلد

Shoukry said...

Read this please
http://www.facebook.com/note.php?note_id=192906187398637&id=169570469745291

Unknown said...

على فكرة ياجماعه انا متاكد ان نوراة مش هتياس ولا حاجه... انا هافكرك بحاجه يا نوراة...يوم الخميس تاني يوم الاربعاء الدامي بليل لما كاميرات الجزيرة اتشالت من الميدان.كان موقف مرعب جدا ..انا عايش برة مصر وكنت بتفرج على الجزيرة ومرعوب.... انا سمعتك يا نوراة وانتي بتكلمي الجزيرة وبتقوليلهم انك كنتي بتطلبي من الشباب انك تروحي تحدفي طوب معاهم على البلطجيه... وقلتي انك حاسه ان كلكو هتموتو هناك..والمزيع قالك ان اللي بيحصل وهيزيعوه بعدين, في ناس بتسجل اللي بيحصل وهيزيعوه بعدين..فاسألتيه اذا كانو هيزيعو التسجيلات قبل ولا بعد ما تموتوا...في ظل كل الرعب دا يا نوراة انتي ماسبتيش الميدان انتي والثوار اللي معاكي...يبقا مستحيل تسيبي الميدان دلوقتي..أو تيأسي دلوقتي...بعد ما قدرنا نقول ولاول مرة في تاريخ مصر قدرنا نقول جملة "الرئيس السابق" قبل ما الرئيس يموت...الثورة لسه شغاله...وبإذن الله هننتصر على كل الكلاب ...مش عايزين حد ييأس والنبي بعد ما رفعتوا راس مصر....

iman said...

حسك فى المدونة يا نوارة , ربنا ميجيبش خيبة أمل, بس فعلا فعلا الثورة محتاجة تخطيط و استراتيجية محتاجة لده جداً انا قريت فى المصرى اليوم ان أسر شهداء الثورة بيتعرضوا لتهديدات و ان جودة الملط اتعرض لتهديدات!! ميين اللى بيعمل ده !! ده غير وزير الداخلية اللى بيقول الشرطة مقتلتش حد لا حول ولا قوة إلا بالله!! ربنا ينصرنا على الفسااااااااااااد الكتيييييييييييير المتووووووووغل لا حول ولا قوة إلا بالله

Unknown said...

انا رايي اننا ننزل حتى تحقيق كل مطالبنا وحتى لو اتحقق بعضها برده ننزل لاننا مش نعطل حاجة وفى نفس الوقت اللى الجيش بيتباطئ فى تحقيق المطالب نقوله اننا موجودين لان بصراحة المطالب ممكن تتنفذ فى اسبوع واحد وبعدين ما ننساش ان الجيش بقاله فترة ماسك وكل ده وبيماطل (انا لا اقصد الإساءة للجيش طبعا) بس هوه محتاج يورينا اعترافه بالثورة عملا وليس قولا وبعدين انا حاسس انهم بيشوفوا اقل حاجة ترضى المتظاهرين وتروحهم بيوتهم وبيعملوها

torero said...

ايوه كده
خليك معانا
ده انا متخيلك وزيرة العدل فى مصر الحرة

Feuercheval said...

مع الأسف لا أحد يفهم
طالما استمررنا في الاصرار علي دفن رؤوسنا في الرمال ومواصلة الاعتقاد في أن الجيش يقف الي جانب الشعب وأنه نحي مباراك استجابة لرغبة الجماهير ونرولا علي الارادة الشعبية فقل علي هذه الثورة يا رحمن يا رحيم



قد تتعاطف الطبقات الدنيا والوسطي من الضباط و المجندين مع ما يواريها في عموم الشعب المطحون و هذا في الواقع ما ازعج الطبقات الغليا من قيادات الجيش المرتبطة ارتباطا عضويا مع النظام السابق فتحركت في الوقت المناسب للحفاظ علي مصالحها ومصالح القوي الكونية التي تحرك النظام بازالة بعض الوجوه المحروقة منه



ان القوي الكونية المحركة للنظام السابق ماعندهاش عزيز ولاغالي وبالتالي فهي لامانع عندها من التضحية بحسني مبارك نفسه اذا لزم الامر و هذا بالضبط هو ما حدث يوم 11 فبراير وعليه فان قيادات الجيش العليا تتظاهر فقط الان بالاستجابة لنداء هيكل والقيام بدور الضامن لانتصار الثورة بينما هي في حقيقة الامر تنفذ تعليمات القوي الكونية والتي تتلخص في تقديم التنازل الشكلي وراء الاخر بغرض القضاء علي الحالة الثورية عند الغالبية الساحقة من الجماهير



ان القضية الان ليست فى أحمد شفيق أو أمن الدولة أو حتي حسني مبارك نفسه فعلي العكس من عناد وشخصانية الاخير تتحلي القوي المذكورة بعقلانية تامة وهي مستعدة اذا لزم الامر ان تعطى الضوء الاخضر لعرابي سياستها الحاليين المتمثليين في قيادات الجيش باتضحية بكل هؤولاء اذا اشتدت حدة المظاهرات وهو ما قد يعتبره ضعاف العقول من الثوار نصرا يطمئنون به و يركنون اليه بينما هو لايعدوا كونه جرعة مسكنة جديدة



ان النصر الحقيقي للثوار انما يكمن في تصعيد الصدام بين جموع الشعب الغفيرة من جانب وبين الجيش من جانب أخر فان ذلك حقيق أن يسرع من الفرز المحتوم داخل الجيش بين الغالبية الساحقة من الظباط والمجندين التي لابد وأن تنحاز الي صفوف الجماهير في النهاية وبين قياداتها التي لاأتصور كيف يشك عاقل في ولائاتها الحقيقية وربما يري البعض في كلامي هذا دعوة للعنف ولكن التاريخ يعلمنا أن كل الثورات الناجحة لم تكن سلمية

Early bird said...

اللى مبيفهمش يخلى دكتور يفهمه المثل بتاعك يا نواره ده عجبنى قوى لانه حقيقى

النظام القديم ده ورم خبيث ينفع نشيل نص الورم ونقول كفايه طبعا لا حينمو اكثر من الاول

واعتقد ان ببركات النظام بتاع مبارك ده ما فيش بيت فى مصر االا واتصاب حد فيه بسرطان وطبعا ده يستلزم ان الكل عارف ان الورم لازم يتشال وكمان اجزاء حواليه وكمان يتعمل كشف دورى على الدم اسمها دلالات اورام وكمان علاج كيماوى او نووى حسب الحاله

وفى مصر النظام واتباعه واللى حواليه فاسديين العن من اى سرطان ليه بقى لان اصابه الناس بالسرطان كان من اعراض هدا النظام الجانبيه ولكن ليه اعراض اخرىمثل السرقه لا اسفه اللى بيحصل فيكى يا مصر ده مش سرقه ولا نهب ده فجر ومش لاقيه كلمه اخف

بيع اراضى بالكيلومترات وغاز بالملاليم ودهب بالاطنان ....مصر اللى كان اسمها سله الغلال بقت تشحت كل حاجه والحجه جاهزه مش ان النظام حراميه ولا العصابه بتاعه على بابااللى بالنسبه للنظام ده يعتبروا ملائكه لا احنا اللى بنخلف كثير كان هم اللى بيرزقونا مش ربنا كل ده ومسلطيين علينا الجباه ....اشى ضريبه عقاريه واشى مبيعات واشى عامه واشى خدميه وعلى كل لون يا ضريبه ومعتقوش حتى ساندوتش الفول ده غير البهدله وقله القيمه وقله الكرامه وبقينا مهزقه كل الدول

اللى مش شايف اللى كنا فيه وبيطالب الناس انها تهدى وتدى الحراميه فرصه لتستيف اوراقهم مش عارفه ده اقول عليه ايه

Early bird said...

اللى مبيفهمش يخلى دكتور يفهمه المثل بتاعك يا نواره ده عجبنى قوى لانه حقيقى

النظام القديم ده ورم خبيث ينفع نشيل نص الورم ونقول كفايه طبعا لا حينمو اكثر من الاول

واعتقد ان ببركات النظام بتاع مبارك ده ما فيش بيت فى مصر االا واتصاب حد فيه بسرطان وطبعا ده يستلزم ان الكل عارف ان الورم لازم يتشال وكمان اجزاء حواليه وكمان يتعمل كشف دورى على الدم اسمها دلالات اورام وكمان علاج كيماوى او نووى حسب الحاله

وفى مصر النظام واتباعه واللى حواليه فاسديين العن من اى سرطان ليه بقى لان اصابه الناس بالسرطان كان من اعراض هدا النظام الجانبيه ولكن ليه اعراض اخرىمثل السرقه لا اسفه اللى بيحصل فيكى يا مصر ده مش سرقه ولا نهب ده فجر ومش لاقيه كلمه اخف

بيع اراضى بالكيلومترات وغاز بالملاليم ودهب بالاطنان ....مصر اللى كان اسمها سله الغلال بقت تشحت كل حاجه والحجه جاهزه مش ان النظام حراميه ولا العصابه بتاعه على بابااللى بالنسبه للنظام ده يعتبروا ملائكه لا احنا اللى بنخلف كثير كان هم اللى بيرزقونا مش ربنا كل ده ومسلطيين علينا الجباه ....اشى ضريبه عقاريه واشى مبيعات واشى عامه واشى خدميه وعلى كل لون يا ضريبه ومعتقوش حتى ساندوتش الفول ده غير البهدله وقله القيمه وقله الكرامه وبقينا مهزقه كل الدول

اللى مش شايف اللى كنا فيه وبيطالب الناس انها تهدى وتدى الحراميه فرصه لتستيف اوراقهم مش عارفه ده اقول عليه ايه

Ahmad said...

الحذر ثم الحذر
إن مؤشرات وأد الثورة أصبحت جليه واضحه
للأسف بعض شباب الثورة باعو ذممهم وبدأو يحاولو تثبيط الثورة ,, الضغوط من فلول النظام السابق والمنتفعين منه وأيضا الضغوط الخارجية تحاول تثبيت أقدام أشخاص معيينين لأنهم موالين ويمكن السيطره عليهم وللأسف قيادات القوات المسلحة العليا لايستطيعو مساندة الثورة ,, هناك إتفاقيات سرية وضغوط كبيرة

الحذر ثم الحذر
الثورة ستموت خلال أيام إن لم تنتفض وتعيد عنفوانها

Early bird said...

فيه حاجه تانيه اعتقد اللى خوف النظام وخلاه يجرى المظاهرات
المتمايزه

لما جم فى الاخر وعملوا الفيلم بتاع المؤيديين لمبارك وان مش كل الشعب رافض مبارك قام القضاه طلعوا والمحاميين طلعوا والصحفيين طلعوا والاطباء طلعوا واساتده الجامعه طلعوا وده كان يوم الخميس قبل التنحى بيوم حكومه شفيق مش حيقيلها الا حاجه زى دى وفى كل المحافظات

AME said...

نوارة الإنتصار .. با بنتي إيه اليأس ده؟..

اللي إحنا فيه دلوقتي أصعب وقت في أي ثورة.

والله العظيم أنا مقدرة الضغط الرهيب اللي إنتوا فيه. بس الثورة قامت و حتستمر و حتنجح.

و حتستمر و حتنجح، و حتستمر و حتنجح، و حتستمر و حتنجح........ حتستمر و حتنجح.

بس وعلى قدر أهل العزم تؤتي العزائم...

واضح إنك مش مقدرة كم المسئولية اللي إنت و كل الناس اللي حطت أرواحها على إيديها و راحت الميدان يوم 25 يناير فيها. لقطوا النبض الحقيقي و تحولت المظاهرة لثورة إنضم لها كل الناس بالملايين.
الصمود هو اللي حولها لثورة.

الجيش ما فيش مشكلة، المسألة إنو الجيش نفسه محتاج تطهير. بس برضه مش دي المسألة الآن.

الحقيقة اللي في إيدنا إنوا الجيش إستحالة حيخزل وطنه. بس الجيش اللي مش منفصل عن الشعب و معاناته، عندوا هو نفسه مشاكل من جواه.


واللي الزميل أحمد قاله تمام، أنا متفقة معاه.
الحل إن القيادات القديمة للجيش تعتزل بكل شرف و تسيب شبان الجيش يحموا الوطن و الثورة.

المطالب الواضحة و الجدول الزمني تمام. بس ما فيش نوم. مفيش تراخي.

اللي إحنا فيه أصعب وقت في أي ثورة.
حنييجي دلوقت نييأس؟

دى كل ميزة الشباب، جيلكوا، إنوا ما أدمنش الإحباط زي جيلنا. و إنوا متعلم وفاهم وبيحكِّم روحه وعقله.
عايش عصره، بيحلم وبيحقق أحلامه.

المسألة كمان إننا نخلص من "ثغرة شرم الشيخ"، ثغرة بتعابير 1973، الجيب المتعفن، إزاي؟ مافيش برضوا غير الجيش.
مبارك و جمال و كان وأخواتها و بنات وولاد عمتها، محصنين في قلعة في شرم الشيخ. و تلاقي الفصيح اللي بيدلهم من إسرائيل. ده حتى أكيد مش محتاجين نشوفهم عشان نعرف.
البوست الجاي فيه حاجة تفرفشكوا شوية. أي محارب محتاج يستريح.
والمسألة مسألة حرب أعصاب.
فلا تهنوا ولا تحزنوا...
الثبات والإصرار.

AME said...

نوارة الإنتصار .. با بنتي إيه اليأس ده؟..

اللي إحنا فيه دلوقتي أصعب وقت في أي ثورة.

والله العظيم أنا مقدرة الضغط الرهيب اللي إنتوا فيه. بس الثورة قامت و حتستمر و حتنجح.

و حتستمر و حتنجح، و حتستمر و حتنجح، و حتستمر و حتنجح........ حتستمر و حتنجح.

بس وعلى قدر أهل العزم تؤتي العزائم...

واضح إنك مش مقدرة كم المسئولية اللي إنت و كل الناس اللي حطت أرواحها على إيديها و راحت الميدان يوم 25 يناير فيها. لقطوا النبض الحقيقي و تحولت المظاهرة لثورة إنضم لها كل الناس بالملايين.
الصمود هو اللي حولها لثورة.

الجيش ما فيش مشكلة، المسألة إنو الجيش نفسه محتاج تطهير. بس برضه مش دي المسألة الآن.

الحقيقة اللي في إيدنا إنوا الجيش إستحالة حيخزل وطنه. بس الجيش اللي مش منفصل عن الشعب و معاناته، عندوا هو نفسه مشاكل من جواه.


واللي الزميل أحمد قاله تمام، أنا متفقة معاه.
الحل إن القيادات القديمة للجيش تعتزل بكل شرف و تسيب شبان الجيش يحموا الوطن و الثورة.

المطالب الواضحة و الجدول الزمني تمام. بس ما فيش نوم. مفيش تراخي.

اللي إحنا فيه أصعب وقت في أي ثورة.
حنييجي دلوقت نييأس؟

دى كل ميزة الشباب، جيلكوا، إنوا ما أدمنش الإحباط زي جيلنا. و إنوا متعلم وفاهم وبيحكِّم روحه وعقله.
عايش عصره، بيحلم وبيحقق أحلامه.

المسألة كمان إننا نخلص من "ثغرة شرم الشيخ"، ثغرة بتعابير 1973، الجيب المتعفن، إزاي؟ مافيش برضوا غير الجيش.
مبارك و جمال و كان وأخواتها و بنات وولاد عمتها، محصنين في قلعة في شرم الشيخ. و تلاقي الفصيح اللي بيدلهم من إسرائيل. ده حتى أكيد مش محتاجين نشوفهم عشان نعرف.
البوست الجاي فيه حاجة تفرفشكوا شوية. أي محارب محتاج يستريح.
والمسألة مسألة حرب أعصاب.
فلا تهنوا ولا تحزنوا...

احمد سعيد said...

بالمناسبه ، مافيش صراع اجنحه داخل الجيش ، مافيش اجنحه اصلا

AME said...

ساعة لقلبك!!

الفيديو ده مهم تضيعوا فيه ساعة وثلث تقريبا.

http://www.youtube.com/watch?v=BdM7Dlfg5QA&feature=player_embedded

ما كنتش أعرف الدكتور مصطفى حجازي لحد إمبارح. أنا زي ناس كتير بالتأكيد بيتعلموا كل يوم منكوا.

يقول أنى امرأة said...

يبقى الاسبوع الجاى يشيلو شفيق و اتباعه

احمد سعيد said...

ياسلام ، دلوقتي جايه تقولي عليه العوض ؟ ياريت تراجعي بوستاتك اللي فاتت .
انا بحملك انتي وزمايلك ( بتوع جيشنا حبيبنا ) المسئوليه في حال فشل هذه الثوره ، وبحملك دم الشهدا في رقبتك كمان.
ارجوا انك تتعايشي مع الحقيقه دي ، لو تقدري.
ابقي امسحي التعليق ده لو تحبي ، علي اعتبار ان صاحبه مجنون ومتحامل ومروج للفتنه وعميل لأمن الدوله .
منكم لله...

سبهللة said...

لا يأس مع مصر ولن تكون مصر مع اليأس
الناس كلها ممكن تحبط الا انتى
انت احباطك هايأثر على مئات الالاف
انتى مش واحدة عادية
انتى ليكى دور كبير جدا فى الثورة وفى توضيح الامور للناس العادية
كله الا انتى يا نوارة
ربنا يفك كربك ويهديلك نفسك ويارب يرجع لك حماسك اكتر من الاول

Dr . Aime said...

اعتقد ان حضرتك مخطئه ..
مش هاقول نصبر ونشوف ..
لأ ..
اظن ان اللى بيحصل شئ ايجابى و مؤشر ان الثورة بتنجح كل يوم ..
طبعا فيه حاجات تخوف "جدا" ان الثورة تتخطف ..
لكن نبص على الايجابيات ..
انا مثلا امبارح كنت هانط من على الكيبور وانزل التحرير اول ما لقيت الجيش بيضرب
وبعدين قالواالاعتصام اتفض خلاص بقيت قاعد باكل فى نفسى ومستغرب ومتخوف و حاسس ان فيه حاجه غلط
معقوله الجيش يضرب ؟
معقوله الجيش لما يضرب يضرب بالشكل "الفافى" ده ؟
لما لقيت بيان الجيش الصراحه استريحت جدا ..
الناس مش عارف ليه مش ملاحظه اخر جمله فى البيان
اللى بتقول منع تكرار حدوث ذلك مستقبلا ... يعنى فيه حاجه غلط حصلت .. ومش هتحصل تانى ان شاء الله
من الاخر هنعتصم من غير ما الجيش يضرب ..

وبعدين انا شايف دلائل كويسه جدا

حسنى ساب
جمال مستحيل
معبر رفح اتفتح لأجل غير مسمى
السفينيتين بتوح ايران عدوا ..
عز وجرانه والعادلى واخرون بيتحاكموا
معظم الشعب عنده احساس جديد ومش هيقبل حد يضحك عليه
الاخوان ليهم حزب
حسان بيخطب فى النور !
القنوات المحجوبه رجعت
المحجبات ليهم حق يطلعوا فى التلفزيون
اللى اعتقلوا امبارح افرج عنهم
الجيش اعتذر
الحزب الوطنى بقى %#$% خلاص
الباز و زويل وهيكل ليهم حق يطلعوا ويقولوا رأيهم على الملأ وبيتسمعلهم
فيه مظاهره دلوقتى فى التحرير
بأكلمك اهوه وباقولك وزير الداخليه الجديد ده راجل اى كلام وزى اللى سبقه ولازم يتغير واحنا اللى هنغيره ان شاء الله ..
تى اى داتا ادت نص شهر مجانا :دى

طبعا انا دماغى مش دفتر بس هتلاقى حاجات تانيه كتير ..
منها مثلا الجيش اللى بيتواصل معانا عن طريق الفيس !!!
والكرامه اللى الواحد حاسس بيها لما يقولك سفينتين حربتين راحت تجيب المصريين .. و القوات على اهبه الاستعداد .. والحاجات دى اللى حتى مكناش بنسمعها على ايام البيه اللى اتخلع

ملخص كلامى ..
مش هنصبر ومينفعش نستنى لأن انتظارنا ده هيودى الثورة فى داهيه ... لكن مينفعش نقلب على الجيش حتى لو موتنى انا شخصيا
انا على استعداد تام انى اتنازل عن حقى لو اتقتلت من "افراد" لابسين جيش فى سبيل ان العلاقه بين الجيش "الحقيقى" والشعب تفضل فى الاتجاه اللى ينجح الثورة .. الاتجاه اللى ماشيين فيه دلوقتى

حد كمان لاحظ الجمله اللى الجيش قالها فى بيان سابق
"رغم المعوقات """ الداخليه""" والخارجيه"
يا اخوانا انا ظنى والله ان الجيش فعلا ماشى معانا بس عليه ضغوط ..

يارب الخير لمصر ..

يقول أنى امرأة said...

نوارة بتتفرجى ع ابراهيم عيسى ع الجزيرة مباشر !

Boss said...

لا داعي لليأس يانوارة
لو حسيتي نفسك مضايقة افتكري انة من شهر ونص بس مكانش حد يحلم باللي حصل دلوقتي
وساعتها كانت اقصى احلامنا متعلقة بمنع التوريث
لو انت فقدتي الامل هاعرف ان البلد دي انتهت وابدء ادور علي بلد تاني

zara shaishaa said...

It is not enough E'etelaf el shabab, we said it is el shaab people of Misr so it is not just the shabab how about the other honorable political bodies like eltaghair, elghad, kefaia, gabehet eltahrir el democraty, judges, professors, the good names and honorable background why the army does not talk to them why they are not consulted, something is very wrong. Is it on propose or not deliberate, if the army needs support from the people why did not ask, if you feel the army is talking not like walking, and the most around you feel the same it needs another revolution. Do not, do not, do not dare to give up no way, no way it is not a dream it is hear happening half of it or even more than half achieved and what is left to be done is up hill struggle so be it.

Unknown said...

مش لاق حاجة اقولهالك بس معلش اتنازلي لله وروحي كلمي شباب مجلس قيادة الثورة دول وشوفيهم ناويين على ايه وجها لوجه مش شرط يكون اقتراحك ممكن يكون ليهم اقتراحات تانية وجيهه , انا مش بلاقي حاجة ادافع بيها لما حد يقولي اخركم ايه وحتبطلوا امتى وفين قيادتكم وليه الناس طلعت النهاردة وليه كانوا شويه
اللي حصل امبارح مدبر وبيه اوامر لان عساكر الجيش مبيتحركوش غير باوامر والكلام الباقي ده كله هطل والا ليه محاسبهومش علشان هما اللي مدينهم الاوامر ومع ذلك ماش مش مشكلة جيشنا واحنا بنحبه وليه عندنا كتير
المهم متياسيش , ياسك حيياس ناس كتير والشباب شباب حتى لو كان القدر خدمهم وخلاهم قادة ثورة , ايام وكل حاجة حترجع لطبيعتها لما الدنيا تهدى والتلفزيون يبطل نفخ البالونات , رجاء اتنازلي لله واتكلمي معاهم وفهميهم وافهمي منهم , باقي حركة واحدة والوزير يقع او يتخنق وميلاقيش تحريكة جديدة غير الاستسلام

Unknown said...

احمد سعيد

ما اعرفش انت عميل لامن الدولة ولا لا

بس كل الناس عارفة انك مروج للفتنة.. لاسباب شخصية

AME said...

برضه دي مداخلة واحد مهم في البرلمان الأوروبي جنسيته ألماني فرنساوي، وواحد من أبطال 1986 في فرنسا و من حزب الخضر

والكلام ده إتقال بعد ثورة تونس.
خالص الشكر للشخص الذي قام بترجمة هذه المداخلة للعربي.
أشهد أنها ترجمة سليمة.
http://www.safeshare.tv/v/sjvFAaHVVME
الراجل ده كان بيقول ساعتها وبكره مصر و الأردن جايين والكلام ده كله عمره شهر !...

Unknown said...

انشاء الله يا نواره ربنا معانا لان كل الى حصل كان بتوفيق من ربنا لكن لازم نرتب افكارنا ونفكر بهدؤ لازم يكون هناك تجميع الاراء والافعال تحت رايه واحده ومبادء واحده لاتتغير وتكون قويه جدددددددا شكلا وموضوعا وانا راى ان نفوض الدكتور محمد البرادعى بالتحدث عن الثوار لان الثورة ثورة الشعب كلة لانه اول واحد نادا باستعاده كرامه الشعب المصرى واستعاده كل ما فقده الشعب وكان ده فى وجود النظام السابق وفى عز عنفوانه والى يسمع كلامه دلوقتى هيلاقيه نفس الكلام بنفس النبره لان ده راجل له مبادئ ما بتتغيرش ومقبلش يرجع يعيش فى بلد يفقد الانسان فيها كرامتة وحقوقة وعليكى أنك تشوفى اذاى نفوضة بالتحدث عنا مع المجلس الاعلى الذى يحاول الابتعاد عن مواجهة البرادعى لعلمهم بثقلة داخليا وخارجيا والى معترض عليه يتعب نفسه شويه ويعرف الحقيقه من مواقع كتيره بالمستندات ولا يسمع كلام النظام السابق الى اترعب منه ومن افكاره وقعد يحارب فيه حرب قذره وللاسف الناس بتسمع وبس وكل واحد عاقل يقدر يفكر كويس قبل ما يقبل اى كلام ويفكر مين الى قال الكلام ده وانشاء الله ربنا معانا وسوف ينزل بهم سؤ العذاب لاننافوضنا أمرنا الى الله
قال الله تعالى فى صوره غافر 44-45(وافوض امرى الى الله ان الله بصير بالعباد 0فوقاه الله سيئات ما مكروا وحاق بال فرعون سوء العذاب)

Moataz Medhat said...

كل التعليقات اتفقت على انك رمز و مش من حقك انك تيئسي أو تحبطي،و خصوصا اننا منتصرين أصلا!

و أكتر من واحد بيطالب بمشاركتك في الحوار مع الجيش، و بما إننا مقتنعين بالديمقراطية، فانت هستمعي كلامنا.

moo said...

انا كمان مش عوزك تياسى ولكن التاييد البالغ الى كنتى بتكنيه للمجلسالعسكرى ده ماكانش -انا اسف-فى محله ومسالة ان الائتنلاف يتحمل المسؤلية فى التفاوض يبقى احنا كمان نوسع دائرة الائتلاف وندعمه علشان يطالب بقوة ويبقى لمطالبة شرعية اكثر وارجوك بلاش رومانسية الحاجة دية وتحلى شوية بروح العناد الى عندها
اما الاخ ولا الاخت( سنو وايت) عندنا فى المحلة معتقلين من يوم 29 يناير بواسطة التحريات العسكرية وفيه اعتصام من يوم 21 فبراير عشانهم وبنقول فى الاعتصام ان احنا بنشكر الجيش عشان موقفة من الثورة ولكن هناك ممارسات سيئة للجيش يعنى مش عشان الجيش بيحمى البلد و-وده واجبه على فكرة ومن غيره مالوش لزمة - يبقى يتعامل معانا زي بتوع امن الدولة بل اسوا لاننا كنا فاكرين اننا لن تؤتى من قبله /

moo said...

الاستاذ احمد نبيل كلامك جيد واجدك موفق فى ما قلته لذا علينا التواصل مع الجيش من خلال شىء موحد وليكن ما يكون ولكن شيء يمكننا من محاسبة الجيش نفسه اذا اخطا فى حقنا ولم ينفذ ما وعد به ويجب ان نجعله يدرك ان تعاونا معه مرهون بتحقيق مطالبنا واجد افضل شىء الجدول الزمنى لانه بهذه الطريقة سوف يكون ملتزما به

mahmoued abdulsattar bayomi said...

اري ان السبب فيما نحن فية هو ابوك احمد فؤاد نجم لانة كان بيضحك علي الاولاد الصغيرين وتلا انت منهم وفهمهم ان الوطنية بق والوطنية هيصة والوطنية اغاني اعرفي ياتلك ان ما حدث كلة هو مخطط امريكي واسالي كونداليزا رايس الفوضي الخلاقة كل الموضوع شوية مظاهرات وتدخل عناصر تضرب في المتظاهرين وتضرب في الشرطة وفي اثناء انشغال الشرطة تفتح السجون وتضرب مراكز الشرطة ليعم الفوضي والامور بعدها ستكون في صالحهم ويحركونها كيفما شاءوا وانت تحقيقين اغلي امانيهم ببث الفرقة بين الشعب والجيش بعد عدة سنوات ستكتشف الحقيقة ويكتشف دورك وساعتها ستعاقبين بتهمة الخيانة العظمي لبلدي التي يبكي قلبي علي كل ما يحدث فيها وما سيحدث فيها من فضلك اقرئي التاريخ وستعرفين ساعتها انك كنت خنجرا مسموما دون ان تدري في ظهر احب البلاد الي قلبي مصر العظيمة

طيوري said...

يادي النيلة يادي النيلة يادي النية يادي النيلة
انا هلاقيها منين ولا منين
بت ينوارة يا اوختي
ماتسيبينيش ده انتي اللي بتديني الامل
اوعي تعملي كده
والله ده انتي اللي كنتي بتخليني ابقى في نص هدجومي قدام نفسي لما ما انزلش المظاهرات
وكمان كنت هاتطلق بسببك
وبردو ما كرهتكيش ولا دعيت عليكي
ودايما بادعيلك
بس اوعي تعملي كده هاخلع راسي وادعي عليكي الهي يانوارة يابنت طنت صافي يفرحني بيكي اوعي تيأسي
ده انتي ارجل من راجالة يامااااااااا خلي الطابق كستور
والنبي وغلاوتي عندك وانا عارفة اني غالية عندك اوي
بلاش تحسي بكده
ده انتو عملتو كتير اوي
والله عملتو كتير ودخلتو التاريخ
لا دي عين وصابتكو انا عارفة
طب ارقيكي زي القذافي مارقى الشعب من الحسد؟؟
اسأل الله العظيم رب العرش العظيم ان يذهب ما بك او باي حد من شباب الورد من احباط او يأس وان يفتح عليكم فتحا قريبا يلا بقى هاتي ربع جني والله العظيم انا متفاااااائلة وان شاء الله ربنا هايفرح قلوبنا كلنا ان شاء الله
املي في ربنا كبييييييييييير سبحانه وتعالى وهايزيح الغمة للأبدج ان شاء الل
يابنتي عمرك شفتي قرموط لما اتدبح؟ انا بقى شوفت لاني اسكندرانية
وبشوفه بعد ما بيتدبح ويتقطع جسمه حتت ويتجحط في الفريزر بيفضل لحمه في نبض
معنى كده انه هايرجع يتلم تاني ويعوم في المية اللامؤاخذة الوسخة اللي كان بيبلبط فيها؟
طبعا لا
يلا
فوتك بالعافية او بالذوق
بس متعمليش كده تاني احسن ازعل منك ومافيش مصاصة

طيوري said...

يادي النيلة يادي النيلة يادي النية يادي النيلة
انا هلاقيها منين ولا منين
بت ينوارة يا اوختي
ماتسيبينيش ده انتي اللي بتديني الامل
اوعي تعملي كده
والله ده انتي اللي كنتي بتخليني ابقى في نص هدجومي قدام نفسي لما ما انزلش المظاهرات
وكمان كنت هاتطلق بسببك
وبردو ما كرهتكيش ولا دعيت عليكي
ودايما بادعيلك
بس اوعي تعملي كده هاخلع راسي وادعي عليكي الهي يانوارة يابنت طنت صافي يفرحني بيكي اوعي تيأسي
ده انتي ارجل من راجالة يامااااااااا خلي الطابق كستور
والنبي وغلاوتي عندك وانا عارفة اني غالية عندك اوي
بلاش تحسي بكده
ده انتو عملتو كتير اوي
والله عملتو كتير ودخلتو التاريخ
لا دي عين وصابتكو انا عارفة
طب ارقيكي زي القذافي مارقى الشعب من الحسد؟؟
اسأل الله العظيم رب العرش العظيم ان يذهب ما بك او باي حد من شباب الورد من احباط او يأس وان يفتح عليكم فتحا قريبا يلا بقى هاتي ربع جني والله العظيم انا متفاااااائلة وان شاء الله ربنا هايفرح قلوبنا كلنا ان شاء الله
املي في ربنا كبييييييييييير سبحانه وتعالى وهايزيح الغمة للأبدج ان شاء الل
يابنتي عمرك شفتي قرموط لما اتدبح؟ انا بقى شوفت لاني اسكندرانية
وبشوفه بعد ما بيتدبح ويتقطع جسمه حتت ويتجحط في الفريزر بيفضل لحمه في نبض
معنى كده انه هايرجع يتلم تاني ويعوم في المية اللامؤاخذة الوسخة اللي كان بيبلبط فيها؟
طبعا لا
يلا
فوتك بالعافية او بالذوق
بس متعمليش كده تاني احسن ازعل منك ومافيش مصاصة

Anonymous said...

والنبى والنبى والنبى ما تيأسى

Rowaa said...

يا نوارة انت اسم على مسمى
انا عرفتك من خلال بث الجزيرة الحى اثناء الاحداث الدامية، وانتم رفعتوا راسنا واحييتوا فى نفوسنا الامل اللى كان مات من سنوات طويلة يمكن قبل ما انتى تتولدى

نوارة انتى بالنسبة لنا خارج مصر المرآة الصادقة التى من خلالها بنتابع ونشارك فى اهم مرحلة تمر بيها بلادنا الحبيبة والتى بفضل الله الذى تكرم عليكم بهذه الثورة المباركة، فاحييتم فى قلوبنا حب مصر اللى طفاه مبارك وامثاله من المنتفعين والخونه

فرجاء يابنيتى الغالية ظلى كما انت وواصلى الدور الذى تقومين به
انت لا تتصورى اهمية ما تقومين به لنا، ارجو من الله ان يجزاكى عنا كل الخير وان يقويكى وكمان ارجو ان تكونى ممن يتشاوروون مع الجيش فنحن نثق بك وياريت لو الاستاذ منمد حسنين هيكل يكون له دور استشارى فهو ذو خبرة سياسية عاية ممكن تكون نافعة

نوارة واصلى العمل الوطنى العظيم وكملى المشوار دا انتى العين الصادقة التى من خلالها نطمئن على بلدنا الحبيب

حفظك الله وبارك فيكى
رواء

Anonymous said...

متي نصر الله الا ان نصر الله قريب

Ahmed Mohamed said...

هزعل اوي وهتقهر لو مقرات حزب الوطني الديمو كراسي ده متحولتش لدوراة مياه عموميا
لازم يتقفل نهائيا

عشان انا سامع ان فيه اجتماع علي مستوي الي مش عارف ايه

واي اجتماع ليهم يتمسكو بموجب قانون الطوارء ههههه

وانا كنت طيب قوي وغلبان لما افتكرت ان نظام فاسد بقاله 30 سنه هينتهي بالسرعه دي

*
في نقطه مهمه ان الداخليه لو فضلت علي هذا الخال مع انتخاب الرئيس القادم هيبقي في دولتين
دولة وزارة الداخليله اصل الرئيس هيجيب معاه وزير جديد ومساعدين جداد وهكذا
بس نفسية الشرطي الي هوه بيتعامل مع المواطنين في الشارع والقسم ,نفسيته الاستعلائيه دي لسه موجوده
فياريت يكون فيه حل

amer said...

ليكن معلوم للجميع بأن مبارك ليس موجود بشخصه و لكنه موجود بمعرفة ملشيات تتربص للثورة اول لحظة ضعف حتي تنقض علي مصر مرة أخري .. و اشعر بأن تلك الملشيات اقوي من المجلس الأعلي للقوات المسلحة و قد يشعر البعض بأنها تتحكم فيه و لكن هي بالتأكيد ليست أقوي من الجيش المصري و ليست اقوي من الشعب الذي هو اقوي سلطة موجدة حالياَ... الحذر كل الحذر من اليأس او التراجع أو الجزع أو الخف ... وتأكدي بأنه لا يقع في ملك الله ألا ما شاء جل شأنه ...لقد مضي عصر الأستخفاف بعقول الناس فقد أثبت الشعب المصري المتمثل في شباب هذه الثورة بأنهم اذكي و اسرع من تلك العقول البائده التي لم يعلمها مبارك سوي التفكير بطرق التربح و النهب و السرقة فقط

عندما ينطق القلم said...

أنا هقفل دروفها

وخلاص عليه العوض

وكان نفسي أشوفها

عروسة

يطلبها ميت ولد

لكن تعبت خلاص

كلت صوابعي يا ناس

وكل كلمة قلتها وحفرتها

قبل ما أقولها ارتوت بدموعي

وبدمي كتبتها

آآآآآآآآآآآه يا بلدي
آآآآآآآآآآآه يا بلدي

قد إيه بحبك

وإنت بتأسي عليه

بموت م الشوق لحضنك

وإنت مش حاسه بيه

ضميني..

أنا بردانة دفيني

احضنيني..

ريحيني من أسري

حرريني

علميني وعرفيني

يعني إيه وطن

يعني إيه سكن

يعني إيه علم

يعني إيه نيل وهرم

ولو فشلتي تعلميني

يا وطني .. يا أمي

أرجوكي اقتليني

حازم صبرى said...

انا مش معاكى فى موضوع تعديلات الدستور لانها متناقضة كمان الرئيس اللى هاينتخب هيحلف اليمين على الدستور القديم علشان يصيغ دستور جديد بعد 6 شهور من تولية المنصب دا معناة ان شرعية هتسقط هو ومجلس الشعب والشورى نتيجة سقوط الدستور اللى هو اصلا حلف اليمين على المحافظة علية

حازم صبرى said...

انا شايف اننا نختار شخص يكون حكيم لقيادة البلاد ونجمع اكبر كم من التوكيلات لية ونفرضة على القيادة السياسية بالتوكيلات اللى هاتبقى معاه

kiki said...

حاكتفي بإني اقوللك انتي اذكي من انك تستسلمي دلوقتي او في اي وقت

shady said...

عاوزين مجلس قيادة للثورة من المناضلين الكبار اللى بيناضلوا ضد النظام من زمان وليهم مواقف عندنا ناس كتير فى القضاء ذى مكى والبسطويسى والخضيرى عندنا صحفيين ذى فهمى هويدى ابراهيم عيسى عبد الحليم قنديل حامدين عنده سياسيين ذى الغزالى وايمن نور وما فيش مانع من تمثيل للشباب لكن احنا ما بنلغبش فى الشارغ ده مصير أمه

AME said...

ساعة لقلبك!!

الأغنية الجاية دي جميلة و ريتمها سريع ، محمل بحاجات كتير، مجرد المزيكة و الكلام جم قبل الصورة بكام أسبوع.
و لما الصورة والصوت إتقابلوا أخيرا، إتولد المعنى.

http://www.youtube.com/watch?v=ESQST3hnAzY&NR=1

أؤكد لكوا إنوا ما عدش فيه لا بديل و لا تراجع عن الثورة حتى تحقيق مطالب الشعب. و حياة دم الشهدا.

محمد صبرى said...

طيب دلوقتى الشباب اقترحوا اسماء لرئاسة الوزارة , و عرضوا طلباتهم بكل السبل ,و كلنا دلوقتى بقينا عارفين و واثقين انه مخططات الثورة المضادة بيتم تنفيذها على قدم و ساق , و اهم هدف مرحلى للثورة المضادة حاليا ,التفريق بين تشكيلات الثوار و تشثيت مطالبهم, و اكيد بيحاولوا زرع عناصرهم فى وسطهم لتفتيت الصوت و الانقلاب على الحالة الثورة فى اللحظة المناسبة ,اللى اكيد هيكون اليوم اللى يقل فيه زخم مظاهرات التحرير من اهم سماتها


عشان كده بقترح انه التحرير ياخد زمام المبادرة من جديد بأسرع وقت ممكن ,و يتم الاتفاق على تشكيل وزاري من الشخصيات الوطنية , يتم الاستفتاء على الوزاره فى الشارع , و اللى يوافق عليه الناس يتم اقراره, و بكده نضمن انه فيه شخصيات وطنية موثوقة و مقره من الشارع-اللى اقال مبارك- موجودة و مفوضة و ليها صفة الاستمرارية , و عندها الثقل السياسي المطلوب اللى يساعد المجلس العسكري انه ياخد صف الشارع بشكل واضح, و في نفس الوقت هيكونوا اقدر على استدعاء الحالة الثورية فى الشارع فى اللحظة اللى يستشعروا فيها انه فيه خطر حقيقي على الثورة أو فى حال رغبتهم فى الاستئناس برأى الشارع فى مسألة ما, و افتكر شخصيات انقاذ وطني من التيارات السياسية الحرة- اللى بتغلب المطالح الوطنية على المصالح الحزبية -هيكونوا أكثر تحملا تحملا للمسئولية لأنه التاريخ هيسجل عليهم متابعتهم للثورة و هيخلق رصيدهم الحقيقي فى قلوب الناس, أو لا قدر الله يمحيه

محمد صبرى said...

بيتهيألى اقتراح الحكومة الشعبية دا يفيد لو جه اليوم اللى يقولنا فيه تتري من عهد المغول اكلم مين لما احب اخاطب شعب مصر , نقدر نقوله بكل ثقة حتى لو كنا يوم سبت أو يوم تلات ,أو أى يوم ميدان التحرير فيه فاضي..عايز نوكيا روح لراية

و بكده نوفر مجهود الشارع ,و يكون الانهاك اقل و التكلفة اقل ,و مفتركش فيه داعي ابدا ندفع أكتر لما ممكن ندفع أقل

...

ملحوظة*
طبعا مش مقصود ابدا انه دا يبقى بديل عن مظاهرات التحرير-افتكر دا واضح- المقصود استمرار صوت التحرير حتى فى غير ايام المظاهرات بالاضافة لما ذكرته من قبل من فؤائد تشكيل الحكومة الشعبية.

التصور هو ان استمرار المظاهرات الاسبوعية حاليا ضروري , يتقوى بيه ممثلي الشعب المقترحين , و يتقوى المتظاهرين بحكومة الشعب

unitedarab said...

مش عارف بس حكاية عدم الاتفاق ديه
كانت بتنط لى كل ما انام بسبب زيارتى لجماعة 6 ابريل من اسبوع لما اعلنوا عن مؤتمرهم للتعريف بنفسهم.. اللى حصل انى لقيت الكلام باسم 6 ابريل فقط ولما سألت طيب باقى الناس معانا اتقالى كل واحد شغال مع نفسه!شفت احمد ماهر بس فسألت عن الاخت اللى عملت اليوتيوب يوم 25 اسمها اسماء او شيماء مش فاكر اتقالى انها لظروف معينة انسحبت!!

زائد انى لقيت حاجات هايفةزى ايام الجامعة. فاكرينها؟ محدش سامع حد و كام واحد من اللى اتكلمواواقفين ياخدوا ارقام البنات من باب التواصل مع الثورة:)

يا جماعة جوة الجروب الواحد فيه انسحابات وخلافات يبقى ما بالنا بجماعات مختلفة!!

انا مبسوط انى اتكلمت عشان الهم ده كان هيموتنى .يالا شيلوه معايا بقى:) اصلى مؤمن اوى بمقولة اللهم احمنى من اصدقائى اما اعدائى فانا كفيل بهم..فكروا فى حل يا جماعة مش حكاية ائتلاف وما ائتلافش

Anonymous said...

التظاهر السلمى,كل جمعة,فى كل مصر,هو سلاح الثورة الوحيد,فالتنازل عنه,حتى بمقابل,خطأ كبير

Anonymous said...

أكبر خطأ وقع فيه الثوار,هو إخلاؤهم الميدان,مباشرة بعد تنحى مبارك وتسليمه السلطة لجنرالات الجيش.أصلا,لعبة التنازلات بالقطارة,كان هدفها تضخيم تنحى مبارك,حتى نظن أن ذلك هو مفتاح الجنة.فلما أعطونا إياه,قلنا"هيييه,الثورة انتصرت,ياللا نروح!!".النهج الأمثل,كان إجبار الجنرالات على قبول "مجلس رئاسى ثلاثى" من مدنيين من خارج النظام وعسكرى.مرة أخرى,هذا إقتراح للبرادعى.هذا المجلس,كان سيحيد كل قوى النظام السابق.هذا أحد أسباب مماطلة الجنرالات فى مقابلة البرادعى.مش كده واللا إيه

الوصيف خالد said...

نوارة يا أنبل حد في مصر.. مساء الخير..

بعد إذنك ملحوظة صغيرة فيما يتعلق بالخلاف في الرأي اللي أبداه أحمد سعيد مع طرحك السابق والحالي عن الجيش..

أنا شايف إنه غلطان في حكاية تحميل المسئولية دي فضلاً عن إنه مكبر الحكاية أوي لإن النت كله على بعضه، ومع احترامي لكل النشاطات من

خلاله، أضعف في القدرات إنه لوحده يعمل الثورة أو إنه يحافظ عليها أو إنه يموتها. الناس الكتير، والجموع الهايلة اللي انضمت، واللي لو

انفضت حتموت الثورة وحناخد على قفانا زي ما قلتي انتي النهاردة، أغلبيتها ما تعرفش النت ورواده أساساً..

حتى لو أحمد متحامل لأسباب شخصية بحتة - حفترض صحة الحكاية دي بشكل تام لإني ما عنديش معلومات ومش متابعه من زمان -

فالأسباب دي نفسها، واهتمامه بإنه يبدو مش متحامل في الظاهر، حتخليه حريص أشد الحرص على تدعيم كلامه منطقياً، وده يخلينا نلتفت للي بيقوله

ونفنده منطقياً، مش إننا نستبعده كلية لمجرد إنه عنده أسباب شخصية ونكتفي بإطلاق حكم شامل مريح: مروج للفتنة..

أنا بكتبلك دلوقتي وأنا دراعي الشمال مكسورة والجروح متفرقة في كل حتة من علقة امبارح بعد ما جرينا من الجيش عند مجلس الوزراء، فمش

عارف للأمانة أختلف معاه في إنه كلامك القديم بتاع أحسن جيوش في الأمم جيوشنا ده كلام مش سليم.. وإن في مخاطر حقيقية وإنه مش

معقول يبقى مبارك فسد البلد كلها والجيش هو اللي صاغ سليم خصوصاً وهو مستهدف من بعد حرب أكتوبر إنه اللي حصل لازم ما يحصلش

تاني..

وفي المقابل أنا مش بقول يلا نشتبك معاهم بس نبقى عارفين إن الحكاية مش عواطف إنما توازنات قوى وضغوط متبادلة..

الإعزاز بقدر الإنجاز زي ما قال أبو العز الحريري. إنه الخطاب إنه أنا في الشارع لحد ما تتحقق مطالبي ولو ما حققتهاش حصعد وحعمل

عصيان مدني واللي ما عملتوش مع مبارك حعمله معاك ولو اتهورت وضربتني حجريك قدامي زي ما جريت الشرطة، وياريت تفضل لطيف لإن

احنا بنحبك صحيح بس مش حب مطلق ولا غير مشروط..

الحكاية مش فتنة يا نوارة وإنما احنا بنتسرق فعلاً وتجنب السرقة هو اللي يعتبر منع للفتنة..

أرجو تتقبلي الاختلاف بسعة صدر..

كل التحية والتقدير والمحبة..

Tears said...

شكل ده منطقى

http://www.facebook.com/note.php?note_id=10150090806836822&id=638630369

Anonymous said...

يا ثوار مصر الأحرار الجيش ليس في صفكم (افهموها بقا)!

حاج محمد said...

خبر تعديل الدستور ليس به أى ذكر لكلمة "مؤقت" - وحتى لو هو مؤقت فمازال به كل صلاحيات رئيس الجمهورية - يعنى أى رئيس حننتخبه على كده سيجد لديه صلاحيات فرعونية - وإصرار القوات المسلحة على اﻹبقاء على تلك الصلاحيات وتعديل فقط المواد اللى حددوها للجنة يثير الشكوك - وكما قيل فى العاشرة مساءاً اليوم - لابد للثورة من إعلان دستورى مؤقت وإلغاء كامل للدستور الحالى

Unknown said...

يا جماعه فيه حاجة مهمة.. انا راجع من لقاء مع احد اقادة الميدانيين للجيش - ضابط يعني بس مسئول قائد كتيبة في الشارع دلوقت - بشكل شخصيعن طريق معارف ..
قائد الكتيبة ده لما سمع الموضوع اللي حصل في الميدان نزل النهارده للتحرير واتكلم مع الناس الموجودين هناك ..واحب انقل لكم وجهة نظره ..
القائد بيؤكد انه منذ اليوم الاول لنزول الجيش صدرت له اوامر محددة وصارمة ..عمد التعرض للنس باي شكل - عدم اللجوء للعنف في التعامل تحت اي ظروف -توقع استفزازات والتعامل بهدوء معها في كل الاحوال ..
الذخيرة تحمل ولكن لا تذخر بها الاسلحة الا في الضرورة القصوي ولتأمين المنششأت ..وبعد الرجوع للقيادة العامة .. واكد ان الاوامر ايضا كانت بالتفاعل مع الجماهير والتحادث معهم وابلاغهم ما يفيد طمأنتهم ..
هذا منذ اول يوم لنزول الجيش .. كما يقول هو وعن الاوامر التي صدرت له شخصيا ..
الامر الاخر اوضح لي ان هناك تعديات كقيرة علي الجيش وعلي قادة كبار منهم قائد فرقة اصيب بعده جروح قطعية في يده ورجله من الجماهير الغاضبة اول يوم عند مدخل عبد طلعت حرب .. وهناك شهداء في صفوف القوات المسلحة لم يعلن عنهم لضبط الشارع وعدم استفزاز الجنود في الميدان ..
وحكي لي عن شهادات رواها له اصحابها شخصيا منهم قائد فرقة الصاعقة والذي قال انه كان يستطيع بيده عاريتين ان ياكل فرقة كاملة الا انه تحمل الضرب وتكسير عربته هو الجنود معه لعدم التصادم مع الناس .. ايضا الجيش يعمل في السر لاصطياد البلطجية وسحبهم من الشوارع ..والشرطة العسكرية والمخابرات تعتقلهم وتضعهم في معسكرات خاصة ولم ينفي تعذيبهم لمعرفة اسباب الانتشار ..
موضوع الامس ..اكد مما سمعه من القادة الميدانيين ان الامور خرجت عن السيطرة نتيجة نزول قوات الشرطة العسكرية والمخابرات وقوات المظلات .. وليس القيادات الميدانية المعتادة بالتحرير ..
وقوات الشرطة العسكرية كما يصفها القادة العسكريون ليست من القوات المقاتلة وبالتالي عقيدتها اقرب للشرطة العادية واسلوب تعاملهم كذلك وفيهم نفس النرجسية .. اما قوات المظلات والتي تعاملت مع المحتجين عند مجلس الوزراء فهم حيوانات كما يصفهم هولاء الضباط ولا يفهمون شيئا ..وتطبيق الاوامر بالنسبة لهم كالامن المركزي تماما ..بدون فهم ..
والمخابرات اولاد عمر سليمان ..
الامر الثاني وهو مهم جدا ..الضباط في الشارع تعبوا جدا جدا .. وبدأو يزهقوا ..الوضع انهم مرمين في الشارع ولا توجد نبطشيات ..يعني كل واحد منهم مرابط في موقعه طول الوقت ..والقائد الذي كنت معه رزقه الله بطفل اسمه يوسف من حوالي 10 ايام ولم يستطع رؤيته الا الامس.. ولم توفر لهم حمامات ولا اعاشة مناسبة ..ولا توجد لديهم اماكن للنوم وينامون داخل الدبابات والمدرعات وهو امر صعب جدا جدا .. وبالتالي فيهم من وصل لنهاية صبره ويريد انتهاء الامر او ان يرتاحوا قليلا ..
تعرضوا لسخافات الشعب المصري وقلة الادب من العديدين ونقلا عن ضابط كبير متواجد في شارع القصر العيني ..رفض بالامس ركن سيارات مجموعه من البنات العاملين في جاردن سيتي بجوار موقعه ..انه تعرض لصفاقة غير محتملة من البنات لدرجة ان احداهم قالت له ابقي اقسم البقشيش مع السايس وسيبنا نركن .. غير باقي السفالة ..
وبالتالي هؤلاء في وجهة نظره عير مدربين علي التعامل مع الناس العادية في الشارع ..الضابط معد نفسيا للحرب وفي الحرب هناك عدو وجنود تحت امرتك ..اما واحدة مش محترمة جاية تتمايص ..لا علم لهم بالتعامل مع هؤلاء ..او واحد بلط مصر يعدي من شارع ممنوع باي شكل ..
كل هذا يضع هولاء تحت ضغط عصبي كبير ويخافون من الاعتصامات لانها تجلب مزيد من المشاكل وتطيل فترة وجودهم الشارع ..
الامر الاخير ..اكد علي ان جميع القيادات الكبيرة اتصلت بالقيادات الميدانية بالموقع فور ورود انباء ضرب المحتجين وكان هناك هرج ومرج والجميع يتسألون من اعطي هذه الاوامر .. وان تصرف هؤلاء كان تعميم اوامر التعامل مع البلطجية علي المتظاهرين في الشارع
اسف اذا كنت اطلت عليكم ولكني رأيت توضيح وجهة النظر الاخري وهي وجهة نظر محترمة بالفعل ..ولكني متمسك بوجهة نظري في الموضوع الموجودة في البوست السابق ..

Mahmoud said...

نوارة
لا تراجع ولا استسلام

farid_moussa said...

لاأعتقد إنك ممكن تجيبي ضرفها زي مابتقولي وعندي قناعة إن اللي نزل التحرير -مش عاش فيه زيك -مش ممكن يسيب مصر تضيع تاني وتتسرق من أهلها.

BT said...

نواره أستعينى بالله كده و اجمدى دانا زبونه دايمه فى مدونتك اورح فين بعد كده :)

بصى انا مع الرأى اللى بيقول نفوض دكتور البرادعى يتكلم بأسمنا فعلا ونعمل توقيعات على كده من النت و من الميدان لأنه هو اكتر واحد شايفه ان مشروعه السيايى جيد جدا و يحقق اهداف الثوره

يا ريت تعرضى الأمر ده على زمايلك فى التحرير و مش عارفه ليه حاسه انك بعيده عنهم روحلهم و اتكلمى معاهم و انضمى ليهم أحنا بنثق فيكى و اكبر دليل على ذلك المدونه بتاعتك ما شاء الله

يا ريت تردى على كلامى وتقوليلى رأيك ايه

ramsesetani said...

ارجوكي بانواره الانتصار ثقي بان نجاح الثوره قادم باذن الله وسيحاكم كل الفاسدين ومن اضروا بمصر واولهم مبارك وابنه واعيد كلمتك الشهيره مفيش ظلم بعد النهارده
نحن في حاجه اليك يانواره

islam abojasmin said...

معقول الكلام اللى انتى بتقوليه ده انتى فى حد خبطك على دماغك من الشر طه العسكربه امبارح جابللك ترررربنا حرقى على صواميل عقللك وبلاش شغل الكراسى اللى فى الكلوب دى تقفلى وتسيبينا معلش انا عارف ان فى حاجات مستفزه بتحصل بس الصبر الخالانا نصبر 30 سنه

ramsesetani said...

ارجوكي بانواره الانتصار ثقي بان نجاح الثوره قادم باذن الله وسيحاكم كل الفاسدين ومن اضروا بمصر واولهم مبارك وابنه واعيد كلمتك الشهيره مفيش ظلم بعد النهارده
نحن في حاجه اليك يانواره
ramsesetani

omar said...

لا بقى الكلام دا مش نافع
رصيدكم قارب على النفاذ يا جيشنا العزيز
يعنى مطالب ومش عايز تنفذها
وناس وفضيت اعتصماهم بالعافيه وبعدين رجعت تعتذر
ومبارك وسبته لحد ما ظبط اموره على الاخر واداك الأوك
كفايه بقى

Unknown said...

هي فين الثورة في الثورة؟ اسأل مستغربا، لاني لم اجد اي ثورة في الثورة حتى الان! في مصر كانت ثورة، ومظاهرات، واعتصامات، وقتل، وسجن، وتنازل، وتخل، وتنح، وانتصار! فماذا حصل؟
رئيس الوزراء هو «بذات نفسه» رئيس الوزراء «شفيق»، مين شفيق؟ شفيق الذي شكل حكومة بأمر من الريس المخلوع، «شفيق» الذي في عهده دخل البلطجية الى الميدان بجمالهم، شفيق الذي في عهده قتل الناس في كافة انحاء مصر، شفيق الذي قال ماعرفش اللي حصل، ووعد بالتحقيق... ومع ذلك «شفيق يا راجل» جالس على كرسيه، يأمر وينهي، يبيع ويشتري!
لم يحاسب رجل امن، ولا حتى شرطي مرور، فهل شهداء الثورة ماتوا بالسكتة القلبية؟ ام كانوا يسبحون «بالترعة» وماتوا بالبلهارسيا، الا يجب ان يسحب هؤلاء من قفاهم الى المحاكم...؟! الذين تم اعتقالهم اربعة خمسة كومبارس في الحزب الوطني، ووزير الداخلية تهمته غسيل اموال، مع انه كان يغسل يديه بدماء الناس، واصبح احمد عز هو سبب كل بلاء وفساد وقتل في مصر!
جهاز امن الدولة المصري، هو نفسه جهاز امن الدولة، بضباطه ومخبريه وجلاديه وسجونه واقبيته وادوات تعذيبه! والمعتقلون السياسيون، مازلوا نائمين في السجون، مع انه يفترض ان يكون خروجهم اول عمل يقوم به النظام الجديد، مع ذلك لا حس ولا خبر، وكأن مصر بلا سجن «باستيل»!
قانون الطوارئ كما هو، عايش بين المصريين، «مش عاوز يسيبهم» وفي الجزائر بكل بساطة ألغوا قانون الطوارئ من دون ثورة! والمذيعة التي كانت تشتم المتظاهرين العيال في ميدان التحرير، هي نفسها التي اعلنت انتصار ثورة الشعب «وزغردت» لثورتهم! وحتى الدستور المصري المشوه، الذي كان يحكم مصر، مازال يحكم وموجودا، وحيا يرزق!
والرئيس المخلوع، رأس كل بلاء وفساد، نقل مقر اقامته من القاهرة الى شرم الشيخ، يفطر على البحر الفطير المشلتت والكافيار، تحت حراسة النظام الحالي، ويتصل كل يوم بشفيق ويعطي اوامره كمان!
الحرامية بعد ان سرقوا البلد، هاهم يريدون سرقة الثورة، وبالشعبي «عاوزين ينشلوا الثورة»، رموز النظام في اماكنهم، والثورة المضادة مستعدة تتربص بانتظار الفرصة المناسبة، والفرصة المناسبة لابد ان تكون مدبرة، اما عملية تفجير، اغتيال شخصية جماهيرية، فتنة طائفية مدبرة، اعتداء مدبر على الجيش... وعندها ينزل البلطجية مرة اخرى الى الشوارع وتسود الفوضى، ويتدخل الامن المركزي والداخلية لضبط الامن، والجيش الذي يحب الشعب والشعب يحبه، ويحب مكتسباته الخاصة التي اكتسبها من النظام السابق اكثر، يقف على الحياد و«يعملوا حالهم مش شايفين»... وفجأة سنجد عمر سليمان مع الرجل الذي واقف وراه يقول... الرئيس عاد وتسلم صلاحياته ليحكم مصر... عندها تتحول اكبر ثورة الى اكبر برنامج كاميرا خفية!

جعفر رجب

Anonymous said...

انا مش معاكى يانواره نجم
انتى كاتبه فى المدونه :
وانا شايفة ان ائتلاف شباب ثورة الغضب مسئول مدام حمل نفسه المسئولية، مدام قرر ان الناس تثق فيه، وقرر انه يتكلم مع القوات المسلحة، وقرره يطلع بيانات مع وضد، يبقى هو مسئول يصلح وضع الثورة والا لو ما عملش كده يبقى ذنبنا في رقبته، اللي يشيل مسئولية يسأل عنها
فدلوقت بقى اذا ما كانش الثوار يوحدوا نفسهم تاني ويعملوا حاجة لها راس ورجلين
واذا ما كانش الجيش يعبرنا وبدل ما كل اللي يهمه انه يمسك لنا الساعة لحظر التجول يبتدي يطبق لنا مطالبنا
انا حاقفل ضرف المدونة دي ومش عايزة ابص في خلقة حد تاني... يالا بقى اشربوها، وعليه العوض ومنه العوض
انا مش معاكى خالص المره دى
زى ماهو مافيش خوف تانى ومافيش ظلم تانى
برضه مافيش توكيلات على بياض تانى لاى حد ولا حتى لا ئتلاف شباب الثوره او لمجلس امناء الثوره او لغيره
اللى عايز يشتغل يتفضل واحنا معاه وهنساعده والاهم هنراقبه ونصلحله وان ماتعدلش هنشيله
مش هما اللى هيشربوها لو كلنا انسحبنا كده احنا اللى هنشربها
والله احنا اللى هنشربها

Anonymous said...

انا مش معاكى يانواره نجم
انتى كاتبه فى المدونه :
وانا شايفة ان ائتلاف شباب ثورة الغضب مسئول مدام حمل نفسه المسئولية، مدام قرر ان الناس تثق فيه، وقرر انه يتكلم مع القوات المسلحة، وقرره يطلع بيانات مع وضد، يبقى هو مسئول يصلح وضع الثورة والا لو ما عملش كده يبقى ذنبنا في رقبته، اللي يشيل مسئولية يسأل عنها
فدلوقت بقى اذا ما كانش الثوار يوحدوا نفسهم تاني ويعملوا حاجة لها راس ورجلين
واذا ما كانش الجيش يعبرنا وبدل ما كل اللي يهمه انه يمسك لنا الساعة لحظر التجول يبتدي يطبق لنا مطالبنا
انا حاقفل ضرف المدونة دي ومش عايزة ابص في خلقة حد تاني... يالا بقى اشربوها، وعليه العوض ومنه العوض
انا مش معاكى خالص المره دى
زى ماهو مافيش خوف تانى ومافيش ظلم تانى
برضه مافيش توكيلات على بياض تانى لاى حد ولا حتى لا ئتلاف شباب الثوره او لمجلس امناء الثوره او لغيره
اللى عايز يشتغل يتفضل واحنا معاه وهنساعده والاهم هنراقبه ونصلحله وان ماتعدلش هنشيله
مش هما اللى هيشربوها لو كلنا انسحبنا كده احنا اللى هنشربها
والله احنا اللى هنشربها

Lawyer 2012 said...

نوارة أنا بجد قلقان ...
خايف من إغتيال ثورتنا وبعدها إغتيالنا أحنا شخصياً ...
أنا بجد قرفان من الألاعيب القذرة اللي بتتلعب علينا دي

Feuercheval said...

اذا كان الشيخ حسونة نفسه انضم لمحمود بك و تنكر لمحمد أبو سويلم فلماذا نتوقع من قيادات الجيش المرتبطة عضويا وطبقيا لفلول النظام أن تنحاز للشعب

في نهاية المطاف كل ينحاز الي مصالحه الطبقية وتوقع غير ذلك هو ضرب من السذاجة السيساسية

منذ أكثر من مائتي عام عندما فسد الملك و قرر أحرار فرنسا الثورة لم يستنجدوا بجيشهم ولا نادي مناد فيهم أن هبوا شكلوا مجلسا عسكريا تسلموا اليه ثورتكم وتستأمنوه علي بلدكم وانما كان شعارهم

Aux armes, citoyens,
Formez vos bataillons,
Marchons, marchons !
Qu'un sang impur
Abreuve nos sillons !

فهل من مدكر

Unknown said...

I will prepare the time table today and send it to you. we need you as you need us.

Hesham essa said...

لااظن اننى اكثر حبا لمصر منكم جميعا
ولكننى اشعر بمرارة لعدم مقدرتى مشاركتكم ثورتنا بسبب عملى بالخارج
وكنت بفرح جدا بسبب حملسكم الطاغى وانا متابعك من قبل الثورة بكتير
وعارف ان بنت جدعه
خدى نفس عميق وافتكرى نيل مصر وبحرها وكمان افتكرى حركات امن الدولة مع الاحزاب حتلاقى ان السيناريو بيتكرر
وعلى ببلال فضل يكتب لنا احلى سيناريو علشان نستمر ولاننيأس
وصبرا جميل

Hesham essa said...

ياشباب اياكم والياس
النصر مع الصبر
هى دى الثورة بجد وهو ده التغيير

Anonymous said...

وبعدين انتى بالذات ماينفعش تنسحبى ولا تتراجعى
لما انتى (نواره) وبنت (نجم)
والله الدنيا هاتقلب ضلمه لو تراجعتى
استهدى بالله كده
وان شاء الله ليها حل
ولا هتخلى (الطافرين) دول يغلبونا