Sunday, 13 February 2011

ايوة يعني فين مبارك؟ وشفيق قاعد ليه؟

انا ما اقدرش اقول للناس تعمل ايه لان الناس هي اللي عملت وغيرت وكل حاجة بس انا عندي مخاوف من حقي اعبر عنها والناس تفكر وتوزنها والشعب اللي حرر بلده يقدر يلاقي لها حل
1- فين مبارك؟ 
لا بجد فين؟ ايه الغموض ده؟ بن علي راح السعودية عرفنا انه في السعودية، مبارك شوية يقولوا لنا في الامارات وشوية يقولوا في شرم الشيخ وشوية يقولوا في غيبوبة وشوية يقولوا زي القرد مافيهوش حاجة
انا مش عايزة اخوف حد، بس افتكروا ثورة مصدق وافتكروا عودة الشاه اللي قعد بعدها سنين طويلة يعذب في الايرانيين، وافتكروا ان مبارك له اذناب وعيال وناس مصالحهم متشابكة معاه ومع نظامه ومش حيسيبوه يقع بالساهل
مبارك لو في شرم الشيخ، الجيش ملزوم يقبض عليه ويتحفظ عليه لحين محاكمته
لو في الامارات يبقى الامارات ملزومة تطلع لنا بيان رسمي تقول انه عندها
وفي كل الاحوال، الراجل ده لازم يتحاكم، ويرجع الفلوس، ويتحاكم بتهمة الخيانة العظمى، العادلي بيقول انه اخد كل التعليمات من مبارك مباشرة، يعني كل ما يوجه للعادلي من تهم - ومن ضمنها الخيانة العظمى لما سحب الشرطة من الشارع - تتوجه لمبارك 
فيه حد رفع قضية دلوقت على الراجل ده؟ ولا سايبينه 
ثم شرم الشيخ ايه؟ القصر اللي قاعد فيه ده بتاعنا اساسا
اديني باحذركم اهو.. الراجل ده او ابنه او حد من نظامه ممكن يرجعوا في اي لحظة وينتقموا منا كلنا
2- وبمناسبة اي حد من نظامه.. فين عمر سليمان؟ 
قاعد فين دلوقت؟ وشغلته ايه دلوقت؟ وضعه القانوني ايه؟ عمر سليمان اسرائيل وامريكا بيحبوه... والراجل ده مجرم حرب وله تاريخ طويل من التعذيب والقتل، هو فين؟ ثابت بالوثائق انه كان بيعذب وبيقتل وبيضخ غاز مسمم في الانفاق
حد رفع عليه قضية؟ ولا مستنينه لما تترستق الامور وامريكا واسرائيل ينططوه علينا؟
3- احمد شفيق قاعد ليه؟ وايش عرفكم ان احمد شفيق مش على اتصال بمبارك وعمر سليمان
ثم هو قاعد لكن هو فين؟ مختفي من وشنا ليه؟ مش ده شفيق اللي قال علينا هايد بارك؟ مش ده شفيق اللي قال حابعت لهم بسكوت وبون بون؟ مش ده شفيق رئيس حكومة مذبحة الاربعاء؟ عادلي ايه اللي بيتحاكم على مذبحة الاربعاء؟ المذبحة دي حصلت ومحمود وجدي هو وزير الداخلية مش العادلي، وبعدين هو مش ابو العينين هو اللي اعترف انه سلط البلطجية؟
4- فين صفوت الشريف؟ فين فلوسه؟ وفين ارصدته؟ وفين التحقيق معاه؟ وهو قاعد فين دلوقت حاليا؟ 
5- انتوا ناسيين ان فيه حاجة اسمها الحرس الجمهوري ولاءهم الاول لمبارك؟ وبياخدوا اوامر من مبارك؟ ومسلحين؟ 
شفيق وحكومته ليه ما تمشيش دلوقت حالا وتتشكل حكومة كفاءات بشكل عاجل، دي تتعمل في يوم واحد
ليه ما يتمش الاعلان عن مكان مبارك والجيش يطمنا انه متحفظ عليه؟
ايه وضع الحرس الجمهوري دلوقت؟ جابو سيرة الشرطة وماحدش قال لنا ايه وضع الحرس الجمهوري
احنا عايزين الجيش يتحفظ على مبارك وصفوت الشريف وعمر سليمان ويحل حكومة شفيق والكلام ده ينفع يتعمل النهاردة، مش صعبة
وعايزين النائب العام دلوقت حالا يفتح تحقيق مع المذكورين وعلى رأسهم مبارك وولاده وعمر سليمان، وده برضه ينفع يتعمل النهاردة
وعايزين الجيش يقول لنا وضع الحرس الجمهوري بالظبط ايه دلوقت، وليه ما يتحلش؟ هو مش الحرس الجمهوري ده شغلته يحرس الرئيس؟ طب مافيش رئيس دلوقت، موجود بيعمل ايه الحرس الجمهوري ده؟ 
وعايزين حل جهاز امن الدولة 
وليه فيه قانون طوارئ دلوقت حاليا؟ 
احنا حننام كده؟ انا سمعت واحد بيقول حنرجع يوم الجمعة الجاية لميدان التحرير
جمعة جاية؟ النهاردة الاحد، انت عارف من النهاردة للجمعة ايه اللي ممكن يحصل؟ 
اديني قلت لكم مخاوفي وعقلكم في راسكم تعرفوا خلاصكم، واللي الناس حتستقر عليه انا معاكم

146 comments:

محمد النقيب said...

أنا كان كل اللي شاغلني الحرس الجمهوري ده ..
صامتين بطريقة مريبة جدًا ..
لكن ثورة مصدق كلامك عنها رجعني لقراياتي عنها من كذا سنة ..
الوضع مش مريح , ولا يمكن احنا اللي اتعودنا على التشاؤم ؟

Mohammed said...

كلامك جميل ومن زمان انا متابعك وحتى دلوقتى بتفرج على الحلقة بتاعتك اللى كانت مع أ/ أبراهيم عيسى بتاعت الصورة المقلوبة :D

و رأيي الخاص فى الموضوع دا ان خلاص مبارك بح خلص خلاص واستحاله يرجع تانى علشان الأسباب اللى انتى قولتيها اننا لازم نحاكمة ونعرف هو معاه كام فلوس وجابهم منين

انا مش بقول اننا ننساه لان كدا كدا لازم ناخد حقنا منه بس انا شايف انه مش هيرجع تانى وبكره نعرف هو فى انهى داهيه

بس نركز دلوقتى فى اننا نوقف البلد على رجليها وكلنا نحاول اننا نعمل حاجه جميله فى البلد

farmaseutti said...

ربنا يستر بس أنا شايف إنه مش هيقدر يعمل حاجة خلاص لا هو و لا ابنه
و أحمد شفيق معقول لفترة مؤقتة على فكرة

ضياء said...
This comment has been removed by the author.
ضياء said...

على فكرة يا نوارة أنا كنت في الجيش قبل كده, الحرس الجمهوري مش بيحرس الرئيس , ده بيحرس النظام الجمهوري وده سلاح كبير و تسليحه عالي و بيتم انتقاء عناصره بعناية شديدة أما حكاية عودة مبارك فده كلام مستحيل, أما مكان مبارك فأعتقد إن حصل بينه و بين الجيش صفقة يعني يمشي مقابل إنهم ميقولوش عن مكانه, أما باقي التساؤلات أنا معاكي فيها

Taher said...

ازيك يا نوارة النصر
أنا معلكي تماما ماينفعش نسكت برحيل مبارك فقط ..هو لازم يتحاكم أو يعلن عن مكانه فعلا في أقرب وقت .. مش علشان ممكن يرجع (لأني متأكد إن لو جابوا واحد مجنون من مستشفى المجانين استحالة يعمل كدة علشان لو حصلت الناس هاتنزل تقتل الجيش قبل أي حد) لكن علشان حقنا نعرف هو فين وعلشان يتحاكم طبعا .. بالنسب لعمر سليمان كذلك من حقنا نعرف مكانه سواء اتوجهتله تهم أو لأ أو على الأقل حد يطلع يقولنا إن هو ساب منصب نائب الرئيس بشكل رسمي .. أما بالنسبة لشفيق فالبيان الرابع قالوا فيه "لحين تشكيل حكومة جديدة" وأدينا في انتظار المجلس الأعلى للقوات المسلحة هايعمل إيه
من الأخر أنا مش مطمن 100% وفي نفس الوقت مش خايف إن مبارك يرجع لأن ده من وجهة نظري مستحيل .. أنا فقط مترقب بيانات المجلس الأعلى وأتمنى إنها تطلع في أقرب وقت
أما بالنسبة إن عمر سليمان يرجع يمسك .. فده لو حصل يبقى بجد هي دي خيانة دم الشهداء
توكلى على الله وثقي برحمته بنا .. وخلال وقت انتظار بيانات الجيش اشتغلي في التفكير في المستقبل والتخطيط لانتخابات حرة نزيهة وحياة سياسية سليمة في مصر

عبده البرماوي said...

اهدي علينا شوية

لابد من وضع استراتيجيات ثورية وشعبية الآن لتحريك اللي بتطالبي بيه ده

أولا: استراتيجية الأيادي البيضاء.. وهي جهد قانوني يقوده متخصصون في مكافحة الفساد (يمكن جمعهم في جهاز خاص محدد المدة) لجمع ملفات الفساد المتاحة لدي هيئة الرقابة الإدارية ومباحث الأموال العامة وجهاز مباحث أمن الدولة والمخابرات العامة (والتي كانت تجهض وترمي في الادراج كجزء من اساليب التوزيع التي ادار بها مبارك نظام الفساد والاستبداد، ولا تبرز الا لاسباب التخلص من بعض الاشياع ولاعادة ضبط التوازنات) وجمع هذه الوثائق يتلوه البدء - كأولوية - في تحريك الدعاوي القانونية بحق من يثبت تورطهم في ممارسات الفساد الكبير من اشياع النظام السابق (دي اول مره اكتب كلمة النظام السابق.. سجلي) ويرافق مع هذا الجهد حملة شعبية لتحفيز مطلقي الصفير (ويسيل بلوارز) للقيام بكشف ما لديهم من معلومات ووثائق من داخل أروقة الحكومة مع وضع منظومة لحماية هؤلاء الشهود وتحفيزهم علي كشف ما لديهم.. مع ٌإدارة هذه العملية بحرص يحقق توكيد الثقة في الاقتصاد الوطني والرغبة في استعادة حكم القانون في ادارته.. وهو امر جاذب للاستثمارات ومحقق لمنافسة صحية ورشيدة

مواطن مصري said...

معرفش عندي نفس احساسك

حاسس بخودعة في الموضوع

حسني فين عمر سليمان بيعمل اية

جمال و علاء فين؟

أحمد شفيق حكومة تسير أهمال مؤقتة

الجيش بيشكل حكومة جديدة

عندي احساس ان مبارك لسة بيحكم و

و مشى نظرية ريح الزبون

عبده البرماوي said...

الاستراتيجية الثانية هي استراتيجية توزيعية

لابد من الاهتمام بالخدمات الحكومية واحداث نقلة نوعية فيها.. خصوصا الخدمات الستة الاساسية.. ومشكلتها الاولي مشكلة تمويلية.. ولو اخذنا مثال التعليم وهو كارثة عصر مبارك.. نحتاج لتوحيد نظام التعليم بغض النظر عن مقدم الخدمة.. واقرار سياسة حقيقية للمجانية وأعني بها التزام الحكومة بتوفير تعليم بمواصفة محددة وبكلفة عادلة.. وهو امر يقتضي اعادة توزيع مداخيل الدولةة المعنية بأولوية الأمن حتي الآن وتوجيه مزيد من المتحصلات الضريبية للتعليم.. مكسب الشباب الثوري الاكبر ان يعيد بث قيم ثورته عبر نظام تعليمي يعكسها ولا يعيد انتاج الاستبداد.. هذا النظام المبتغي لا يمكن الوصول اليه دون سياسة تمويل للتعليم تأخذ متحصلات ضريبية مناسبة تحدد لها.. اقترح هنا تخصيص الضريبة العقارية بكاملها لتمويل التعليم.. علاوة علي متحصلات من المحليات تخصص ايضا لهذا الامر.. يترافق مع هذا سياسة داخلية لمكافحة الفساد في هذا القطاع وتجريم علاقات الفساد التي تبدأ بالدروس الخصوصية .. واعتبار المساس بقطاع التعليم تهديد لأمن الدولة.. لابد فر التعليم الجامعي من تحرير الحياة الاكاديمية مع توفير تمويل جيد للتعليم العالي.. وضبط الحياة الجامعية وفق آجندات البحوث وليس التدريس.. الجامعة هي عقل الأمة وانقاذها أولوية ثورية. هي الباب الحقيقي لمد عمر الثورة.. وترسيخ قيمها لأجيال تتلو

هناك

مواطن مصري said...

طيب لو محدش قالنا مبارك فين يبقى خدعنا و بيحكم من شارم و استخدم نظرية ريح الزبون و الناس تمشي و نلاقية رجع تاني

mamado said...

يا نواره انت لازم تكركبلنا بطننا يعني ماشي يا ستي كفايه زغاريد وفرح بس متنسيش ان الجيش في بيانه الرابع قال شكرا لحسني على موقفه الوطني انه استقال فمستبعد قوي يتحفظوا عاليه ذي ما قلتي بالنسبه لاحمد شفيق والوزاره الجديده يا خونا فين بجد دلوقت اي حد يفوض انه يقول مطالب التحرير لجنه مجموعه اي حاجه انما الكفته دي مش هتنفع احنا لازم نضرب عالحديد وهوه سخن ولازم فعلا يطلعلنا بموقف الحرس الجمهوري اما الباقي وهما وزير الداخليه الحالي وعمر سليمان وحسني وصفوت الشريف وكمان انت نسيتي جمال هوه هايتساب ولا اايه ومسمعناش بقالنا فتره على احمد عز وبعدين بيقولوا ان قرار النائب العام ده للتحفظ على امواله الشخصيه اللباسمه اما شركته واموالها لا عاوزين حل فاحنا مفيش قدامن الا قانوني نقدم بلاغ للنائب العام على عصابة حماده وتوتو دول وربنا معانا يا رب ويورينا فيهم يوم

عبده البرماوي said...

لابد من استراتيجية عاجلة لدعم قيادات المستقبل.. لابد من تمويل برامج لاعداد القادة في كل ميدان.. وآليات فرز موضوعية لضخ الدماء في جسد السلطة وجهاز الإدارة الحكومية.. هذا المشروع لتمكين الشباب من تولي قياد المرحلة.. مشروع يجمع الجامعة بالحكومة بمراكز اعداد القادة ويعيد تشكيل النخبة الٌإدارية في الدولة.. وهذا به جهد كبير للقطاع الخاص والأهلي.. الروح الثورية يجب ترجمتها في مشروع نهضة يبدأ باعادة ضبط جهاز ادارة الدولة ومنح قيادته للشباب ولافكارهم لا ننسي ان الجهاز الحكومي في صر كان الداعم الاكبر لمبارك والهيمنة عليه هي انهاء هذه الطبقة البيروقراطية المساندة للاستبداد

A_M_Z said...

يا جماعه الله يكرمك اللى عنده جاحجه ايجابيه يقلها اللى معندوش يسكت بلاش نثير القلق والفتنه عالفاضي واللى عايزينه بيحصل خلاص لي ه مفكرتشو ممكن يكون الراجل عيان جدااااااا والكلام واضح وصريح جدا الجيش ماسك والحكومه دى لحد ما تتشكل حكومه جديجده والجيش وعد فخلاص بقي كفايه فعلا ارجوكم احنا محتاجين نبنى البلد مش نهدها لازم نبيني وننتج ونعمر يادينا بكل واححد يقوم بدوره الطالبب يذاكر وينجح اللى بيعمل يغير من مكانه ويخلص بلاش كلام وتحليلات مبتعملش حجاه غير القلق ارجوكم

عبده البرماوي said...

بالنسبة للمجلس العسكري اظن انه لازم ينسحب من مشهد ادارة الدولة ويكتفي بدور الضامن للتغيير.. انا مع كتير من افكارك.. مش معني قوي بعملية الانتقام من رموز بعينها بقدر ما مهتم بحملة ايادي بيضاء تعيد ضبط الطبقة العليا وتخلصها من عناصر الفساد والاستبداد وفق الية قانونية رشيدة وليس عبر استراتيجات تنفيس ونحر عنزات الهروب التي سقطت بالفعل... ثمة من يملكون للان مفاتيح السلطة والثروة من كبارات عصر مبارك من غير المعروفين للعوام ويجب انهاء سيطرتهم هذه

أبو هاجر said...

ست الكل يسعد صباحك
المقارنة مع شاه إيران غير منطقية لأنك أهملت الفارق التاريخي الوضع الراهن
والتحولات التاريخية لا تسمح بعودة مبارك

أما المطالب الأخرى على أهميتها يظل تحقيقها مرهونا بمدى تماسك الثورة بخاصة في هذه اللحظات الحرجة حيث الجديد لم يتأسس ويستقر بعد و القديم لم يلفظ أنفاسه الأخيرة. لقد شاهدت أمس على قناة الجزيرة مع أحمد منصور مجموعة من شباب الثورة لهم برنامج من عشرة نقاط ،وأنت قد أشرت إلى ذلك، إذا تحققت ستضع الثورة على الطريق الصحيح أتمنى أن يكون برنامجا مرحليا تلتفون حوله وتعدونه كبرنامج حد أدنى.
ست الكل هناك ملاحظة منهجية ونظريةأريد أن ألفت أنتباهك لها
يجب أن تسهمي في عملية إنضاج فكر الثورة وليس الانشغال ببقايا النظام لأن إنضاج فكر الثورة ،وهي عملية ليست سهلة، هو الكفيل بالقضاء على بقايا النظام كما يؤسس لمرحلة جديدة
لك أجمل التحيات

Lammers said...

حلو جدا كلام جميل و مخاوف صحيحة و في محلها

دلوقتي بقى هو مش في ناس كده طلعوا بيان بإسم جماهير ثورة 25 يناير

الناس دي بقى هي اللي المفروض يوجهوا الاسئاة دي و المخاوف دي للجيش

هم مش طلعوا و اصدروا بيان على لسان الناس اللي في التحرير ماعتقدش انهم لفوا على واحد واحد من الملايين اللي هناك و سألوهم رأيهم ايه في البيان ده

و اهو البيان صدر و خلاص

لو تعرفي اي حد منهم يبقى دي الوسيلة الوحيدة و بس لايصال الاسئلة و المخاوف دي

لانهم طلعوا كده اتكلموا بإسم الكل من غير ماحد يعرف

المخاوف فعلا مهمة و ضرورية جدا

و حتى بعد اختفاء مبارك اللي ملاحظاه ان مافيش حد من اي دولة في العالم سأل عن مصيره و كنهم عارفين هو فين حي و لا ميت سافر و لا موجود

كمونة said...

انا دايما كنت متفائلة وكنت دايما انت متفائلة
اول مرة اخاف ولقيتك انت كمان خفت
ياريت كل اللي في مصر يتحركوا بسررررررررعة جدا
انا خايفة الثورة دي تتسرق ويلتف عليها خاصة انهم بيلمعوا شباب مالهوش في السياسة زي حضرتك

التساؤلات دي ارفعيها للجيش وللقنوات وما تسيبوش التحرير

heba said...

عزيزتي نوارة عصر مصدق مختلف تماما عن عصرنا عصر ثورة المعلومات والاتصالات التي لولاها ما نجحت ثورتنا هذه.. العالم بأسره شاهد تنحي مبارك وفرحة أهل الميدان على الهواء مباشرة ولا يمكن أن يعود مبارك أبدا فقط علينا الحذر ومتابعة الخطوات التي طالبنا بها وعملية تنفيذها دون كلل لا يجب أن تخبو جذوة الثورة في قلوبنا(لأن هذه من آفاتنا نقوم قومة وننزل على مافيش) أما ميدان التحرير فليعود لطبيعته هبة مصطفى maya@darshya

عبده البرماوي said...

لابد من إدراك طبيعة التغيير الثوري.. قليله سياسي.. كثيره اجتماعي.. الثورة المضادة تظهر عند ضعف الطاقة الثورية عن تحقيق التغيير الاجتماعي المنشود والسريع.. قطع الطرق علي الثورة المضادة يبدأ بفهم كيفية تفكيك البنية الاجتماعية اللي مستندة اليها وفض التحالفات اللي عاملاها مع بيروقراطية الدولة ومؤسسات القوة.. وارغام طبقة المستفيدين من النظام السابق علي اعادة توجيه حياتهم وفق القانون وتصفية اعمالهم التي لا تتنفس الا بالفساد..

الناس لازم تفهم اننا قدام معركة ثلاثية انجزنا انتصار في واحده بس منها... وهي اسقاط الديكتاتور.. لسه عندنا مهمة تفكيك نظامه.. ودي اعقد من مجرد محاكمات لرموز النظام اللي سقطوا مع ديكتاتورهم.. دي عملية خلع ضرس بجذور خبيثة.. وانهاء سيطرة نخبة الحكم القديمة تماما.. تالت معركه هي انهاء هيمنة طبقة الفساد والاستبداد ودي طبقة عليا اعاد تشكيلها الديكتاتور ويجب اعادة ضبطها مرة اخري علي بوصلة الثورة

Mostafa said...

I am with you in every concern. Vigilance people, due vigilance. from a 60-yr old professor.

wahied said...

عندك حق يا نوارة... احنا موش واخدين بالنا ان المشير طنطاوي الحاكم العسكري الان لمصر ما هو الا صنيعة مبارك و هو اللي خلي الجيش اضعف جيوش العالم. وزير دفاع لمدة عشرين سنة يقول ايوه.. حاضر.. نعم لمبارك. و الوزارة هي وزارة مبارك و رجالته . لو كان فيه اي نية و لو بسيطة للتغيير كانوا دول اول ما تم تغييرهم. ده حتي لو مبارك ما رجعش تاني... هو سايب كذا مبارك مكانه.
و ليه المجلس العسكري ما ينصبش رئيس المحكمة الدستوريةالعليا كرئيس مؤقت كما هو في الدستور و هو اللي يغير الوزارة. ليه المجلس العسكري يحكم دلوقتي مع ان رجال القانون كانوا بيقولوا انه موش في الدستور ان الرئيس يتنحي و يسلم السلطة لاي مجلس و الا هي تكية و علي رأي بعض التعليقات ريح الزبون و كل دول عرايس في ايد مبارك و الحزب الواطي.

midooo said...

سلامي للجميع
مبارك دلوقتى خلاص وكمان دخل في غيبوبة ولكنهم اخذوا كل الفترة السابقة في كيفية تجهيز نقل الاصول من مصر أمنه في واد اتصل من قرية البضائع وقال لمن يهمه الامر انه بيشاهد الصناديق وفيها الفلوس والدهب دلوقتى بتتنقل من مصر يرجو ان حد يعمل حاجة والخط قطع وبعض الاخبار المخابرتية قالت انهم كانوا يحاولون ان يطلعوا باكبر كمية ممكنة من الاصول وانهم كانوا يعلمون بما حدث لبن علي من تجميد اموال فاراد ان يكون معه اصول في المكان اللى هايروحه وطبعا المستفيد الاكبر هم الولاد لان مبارك خلاص بيودع
والسلام

Hany said...

مخاوفك فى محلها يا نوارة وكلها حاجات منطقيه وسلاح الثورة الوحيد كان تواجد الناس فى الشارع ولذلك الجيش كش ملك .. طبعا مش ممكن الحراميه يستسلموا بسهوله كده لازم يا جماعه لا تأخذكم حلاوة تحقيق الهدف الاول للثورة ولكن ممكن تنتكس الثورة بالحيا الدنيئه.. شوفوا القناة التركيه بيقارنوا بين دور الجيش فى تركيا وازاى قدروا بعد كده يحجموا تدخله فى السياسه بتغير الدستور.. ربنا يكذب مخاوفنا ويطلع الجيش وطنى فعلا..

teen said...

يا فرسة امي منك !!!!!!

و ترجعي تقولي اني مسعد المتشائم

جايه تقولي كده دلوقتي بعد ما رجعت ايكندريه و استحميت

هنعمل ايه طيب ؟؟؟؟؟

انا خايف اوي من قبل كلامك كمان
بس كده انا اترعبت

و المصيبه ان محدش هيساعدنا لو رحنا التحرير

الثوت الاعلى دلوقتي لبناء الوطن

قال يعني مش قادرين يستنوا لما نطمن على بلدنا

حسن على said...

المطلوب من المجلس العسكرى ان يسرع بضبط لصوص المال العام, او تحميد اموالهم وتحديد اقامتهم لحين التأكد من برائة وشرعية ثروتهم, وطبعا هذا الاجراء من صلاحيات النائب العام ولكن المجلس الغسكرى علية التشديد على سرعة تداول اوراق هذة القضايا فى جهات التحقيق و"تشهيل"الاجرائات وتعين عدد اكبر من المحققين ومتابعة مايفعلة كل منهم والتصميم على مراجعة الذمة المالية لمبارك واسرتة وشلة المنتفعين وبعدكدة نوزع عليهم "بون بون "على طريقة احمد شفيق . ان اتأصال مبارك من كرسيية هو احد اهداف الثورة ,لكن القضاء على الفساد هو مطلب لايقل اهمية حتى لا يستفيد المجرم بثمرة جريمتة

اأنسان حر said...

أخواني الشباب ﻻ تتوقعوا ان شيء تغير كل إلي حصل مسرحية لتهدءة الأمور ،
وقلت مرارا على صفحة الفيس بوك و رسائل ل نواره
هذي خطة وفيها تصفية حسابات بين اعضاء الحكومة ’
يعني الثوره للحين صفر ما حققت شيء
ﻻزم الأستمرار حتى يتم تشكيل حكومة جديدة و يقبضوا على الحكومة السابقه
اتا بحذركم ﻻ تنخدعوا بوعود الطابور القديم
الجيش حكم مصر اكثر من 60 سنة كيف بسهوله يسلم الحكم لحكومة مدنية والضباط يخسروا امتيازأهم
وكمان الجيش اعلن التزامه بالمعاهدات الدولية ، كيف يلتزم اذا ليس هو الحاكم ومن يملك الأمر وسوف يبقى الأمر بيده
ارجوا ان تنتبهوا

Khld Hasan said...

على أية حال
الشباب لازم يكونوا مستعدين لأية احتمالات
لن نسمح لأحد مهما يكن أن يختطف مننا ثورتنا
وحنفضل ثائرين حتى تتحقق المطالب

Devman said...

بص يا أستاذة
انا كان رأيي ان الوضع اللي كنا فيه يوم الخميس بالليل هو أفضل وضع للثورة يعني عندنا التزامات محددة من شخص محدد خلال فترة محددة
وان حشد المظاهرات بعد ذلك خلال يوم الجمعة والذهاب إلي القصر الجمهوري كان خطأ لأنه اضطر القوات المسلحة لإستلام زمام الأمور وأصبحت أرواحنا في يد مجموعة من العسكريين يعني المشكلة انكم حطيتوا مبارك كهدف وكنت أري أن الدستور هو هدفنا الأسمي وكان هذا أفضل للثورة وللبلد
مش عارف انا قلقان جدا ربنا يستر

Draman said...

أنا متفق مع نوارة.لاحظوا أن قيادات الجيش هم كبار السن وتربطهم صداقات مع النظام الفاسد.حسن النية يظهر عند اطلاق سراح المعتقلين والغاء قانون الطوارئ وحل البلرلمان مجلس الشورى

Haya said...

نوارة نجم..موفقين باذن الله
عبده البرماوي ..متابعه لطرحك

مش فاهمه said...

انا كمان قلت لك امبارح شامه ريحه مش اللى هى صدقينى يا نوارة بدرى قوى على مايمشوا اللى فى التحرير شوفى البسطويسى قال ايه و الكفراوى بيقول ايه تمشوا فين هو احنا اكلنا ايه علشان نشرب عليه من ميتهم مافيش حاجه حصلت فعليا الحكومه هى هى و صفوت هو هو

المهدى said...

صباح الخير يا نوارة الثورة
بطلى قلق إحنا وصلنا بفضل الله وبركة دم الشهدا على أفضل نهاية لأعظم ثورة وهى سقوط النظام كاملا وضمانة مؤسسة متماسكة وطنية مش ضمانة فرد ولا جنرال أما عن الوقت فده اللى محتاج فعلا صبر والنظام البغيض كان بمسابة سرطان لم يضع شخصا مناسبا فى المكان المناسب ولا تنسى أن أمن الدولة والهانم والعيال كانوا هم من يضعوا كل كلب فى مكانه من أول الوزراء وحتى لاعبى الكرة والمشايخ والوزارة التى تعتقدين وأعتقد أنا أيضا إمكانية تشكيلها فى يوم يصعب على العسكريين تشكيلها( وهم البعيديين عن الحياة السياسية ) من عناصر وطنية ونظيفة وقادرة على الإنجاز قبل أن يستمعوا ويتدبروا لأكثر من رأى وإلا فوجئنا بعناصر نعرفها جميعا هم الأعلى صوتا والأقل كفاءة ونزاهة
هم عزلوا مبارك بقوة الشعب والجيش ولم تمضى بعد 48 ساعة على هدم نظام متعفن متشعب لم تكن القنبلة النووية قادرة على خلعه ورفع أنقاضه يحتاج إلى وقت وصبر

حسن على said...

تتحقق المصداقية لكل العاملين على المشهد السباسى الرسمى فقط بعد مطالبة اسرة مبارك ومبارك شخصيا باصدار بيان -فورا وعلى وجة السرعة يحصر جميع ممتلكاتهم ويتم فحصة ونشرة على الشعب المصرى,وان لم تتم هذة الخطوة الهامة جدا,تقع شبة التواطؤ على جمبع المسؤلين الجدد

assour said...

اناً أشاركك كل كلمة و ارجو ان تخلف الظنون و يهدي الله المسئولين اللي هم طول عمرهم لا مؤاخذة ، و التاريخ لا يبعث علي الاطمئنان و السعادة حقيقة الخفافيش منتشرة

حسن على said...

يقول برنارد شو عن اهمية نصاعة الذمة المالية وشرعيتها "انك لا تستطيع ان تقول عن شخص ما : صحيح انة لص لكنة متحدث لبق بعد العشاء) فما بالك لوكان ذلك الشخص الحرامى جلف سميك الجلد جلياط جاهل وثقيل الدم؟؟؟؟؟؟؟؟

Hala said...

Bravo, Bravo fe3lan, I was just thinking about the same, where is HE?

بنت مصر said...

انا معاكى فى مخاوفك دى وهو يعنى طنطاوى مهو من النظام و احمد شفيق من النظام انا حاسه انهم بيطابخولنا حاجه ربنا يستر

فاتيما said...

انا معاكى ف كل مخاوفك
والأسئلة المهمة دة يا نوارة ...

خصوصا العالم اللى لسه على كراسى الوزرات دول !!
ازاى يرجعوا مكاتبهم عادى كدا
ويسيبوهم يستفوا امورهم من تانى



والقضايا لو اترفعت عليهم
هتاخدلها كام شهر ولا كام سنة ؟!!


الدنيا كدا هتنام تانى
ويهدوا الشعب وتتغير الوجوه وتظل السياسات بس تتلون بلون تانى

الجيش
انا مش عارفة الإطمئنان الرهيب ليه على أى أساس
خصوصا ان اللى ماسكينه من النظام القديم ومتغيروش لسه

ازاى اثق ف حد زى عائشة عبدالهادى وابو الغيط ..وغيرهم
؟!!؟

مفيد شهاب لسه نايب رئيس الوزارء !
وبتاع البترول لسه قاعد ..بمباركة امريكا عشان اسرائيل متزعلش طبعااا

الأسامى هيا هيا
زى ما بتقول ذكرى الله يرحمها
يبقى التغيير متمش كله لنهايته

الوحيد الذى أثق فيه
هوه الشعب
والناس اللى عملت الثورة
و شجعتها وبس

غير كدا

الحال يظل كما هوه
ومبارك مش راجع
بس ممكن جدا يتخلقلنا الف مبارك تانى ..ولا إيه؟!!!



انتى متعرفنيش اكيد
بس انا من زمان بعزك ف الله
و عاوزة اقولك الجملة دى

انتى نوارة شباب مصر
وانا بعتبرك رمز لينا وبتتكلمى بلساننا وعارف اللى ف قلبنا

ربنا يحرسك

اختك فاتيما

lastcrazyboys said...

teen لا يا

:طبعـا مش وقت التحرير دلوقتي لأسبـاب

سياسيـا انت فقدت الملعب ده بنهاية المطالب الاولانية ..لأنك كنت بتعتمد على تأييد الشـارع

ودلوقتي الناس عايزاك تفضي الشـارع

ثانيا وده المهم إن الجيش ما بيسميش بجد بقى

وساعتها الناس مش هتقول يا حراام ,. او تتوقع ان حد يقف معاك

هتقول لي مفيش حل
لا اكيييد فيه ..لان هم هيقولولك انت كنت بتتظاهر ليييه ..!؟ عشان مكنتش تعرف طريق تاني

لا انت دلوقتي تاخد بعضك وتروح على النائب العام .. ومش كده بس عايزين "جرســة " بقى في الجرايد والنائب العام يعرف انه لو ماتحركش ..هيتعرف امام العالم انه صهين عالموضوع

المهدى said...

نوارة الثورة ثورتنا كا قلت لك فى ضمانة المؤسسة الوحيدة التى قاومت تخريب مبارك وبقيت متمسكة بتقاليدها وعقيدتها بعد أن سقطت كل القيم والثوابت الوطنية وحتى الإنسانية لا تنسى أيام العدوان على غزة والخراء الذى كنا نسمعه عن ضرورة حصار وتجويع الناس خوفا من أطماع حماس فى سيناء شئ بغيض ولا إنسانى لا مؤاخذة كنا فى زريبة لا تنسى مقالاتك التى كانت تبكينا ( والبلد اللى حيلتى باظت ) حالة الطوارئ تم رفعها فى البيان رقم 2 ورسائل التطمين من الجيش للشعب مستمرة منذ أول يوم دخل فيه الجيش للأزمة ولكن رفع زبالات النظام الساقط تحتاج وقت وأتوقع بل أتمنى أن تطول الفترة الإنتقالية ليتم البناء على أسس وثوابت وطنية صحيحة فقط راجعى بيانات الجيش لتعلمى أن الوعود جادة ومنضبطة وجماعية ومؤسسية

utopia said...

الله ينور عليكى
فعلا بطنى وجعانى من امبارح
بالنسبة لمبارك هو بيحاول يتخفى علشان يهرب من المحاكمة انما ما ننساش ان الصف الول من النظام القديم مازال الكثير منهم موجود والصف الثانى ايضا
لازم يا نوارة توصلى لوائل غنيم ومجموعة العشرة علشان نعمل ولو جروب على الفيس
لكل من شارك فى الثورة للتوعية وتجميعهم عند اللزوم
وتوجيه مهلة معينة لقيادة الجيش لتنفيذ المطالب الباقية
لان لو سبنا ثورتنا من غير حراسة هاتتسرق
مش مهم نعرف مبارك فين ولا عمر سليمان المهم السلطة ما تبقاش فى ايد الجيش لوحده كتير
يارب سلم يارب سلم

marwa said...

كل كلامك منطقى و اللى يؤكده سؤال مهم الجيش بيتكلم مع مين؟؟؟مين من المعارضة؟؟؟مين من المستقلين؟؟؟مين من اى حد؟؟؟؟

KB said...

مبارك في شرم الشيخ في قصره ويدير عمله بشكل طبيعي وكأنه رئيس ..ومعاه طقم مكتبه ..تخيلوا قمة البجاحة وقلة الادب ..للتأكد ارجعوا للصفحة الالي بجريدة الشروق ..احنا غلطنا اننا سبنا الراجل ده يرحل ..كان لازم نسجنه ..
لا اعتقد ان مبارك ينوي العودة للحكم ..لكني متاكد جدا ان جمال مبارك يخطط لذلك من الان مع فتحي سرور والشريف ..في انتظار ان الامور تهدأ وبيراهنوا علي ان الناس حتلاقي الحال ما اتغيرش وحكم الجيش حيقرفهم وتبدأ الجماعات القديمة بعودة زمن مبارك ..وطبعا يظهر البطل جمال علي حصانه اللي حيجيبه من نزلة السمان كالعاده ..وينقذ الشرعية اللي انقلب عليها القلة المندسة ( اللي هو احنا ) ..طبعا ..هذا الكلام ليس هزار واؤكد ان هذا ما يتم تدارسه في الوقت الحالي بقيادة سوزان هانم مبارك الله يخرب بيت امها

marwa said...

صح كلامك و اللى يؤكده سؤال مهم مع مين بيتكلم الجيش؟؟؟مين من المعارضة ؟؟مين من المستقلين؟؟اصلا بيتكلم مع حد و لا لأ؟؟؟؟ الوضع مريب و بطئ

Wake UP!!!إنهض said...

Dear Nowara,
totally agree with your conserns and I find that the youth of 25th jan. are too innocent and bad at politics (especially Wael Ghunim).

Mubarek, and Suliman, and Ahmed Shafiq, had to be put on trial, it's not a joke

مواطن مصري said...

انتفاضة وثورة وإصلاح
في زمن قياسي
بقلم:محمـد علي إبراهيـم
http://www.algomhuria.net.eg/algomhuria/today/editor/detail00.asp

شايفة المنافق ابن المنافق دة

لازم يتشال



و لكن > روح التفاؤل

عبكمال المناافق ابن المنافق التاني
http://www.rosaonline.net/Daily/News.asp?id=102957

mahewais said...

a great man once said: always worry ...always have doubts....do not ever feel secured...when u feel secured then u r dead....

حسن على said...

الثورةالشعبية المصرية - الخالية من الاجتدات الاجنبية -تطالب المجلس العسكرى الحاكم مؤقتا بالتخقظ على حسابات كبار المسؤلين واسرهم واعوانهم ليحظى بالمصداقية بين ابناء الشعب وينأى بنفسة وشرفة من شبهة التواطؤ مع الرئيس المخلوع او المطرود او الهارب او المشلوح- اختر ماشئت من الاوصاف

Bushra said...

نوارتنا العظيمه،
سامحيني أنا إنسانه بسيطه وربة بيت و أم فلسطينية بس انتو كل شيء بالنسبة لي و ثورتكم هي مستقبل أولادي.
أنا عارفه أن أهم نقطة قوة لهذه الثورة هي علاقة الشعب بالجيش والحمد لله أن الجيش أدى واجبه وحمى البلاد من كارثه حقيقية. بس أنا عندي سؤال
مش قصدي منه التخويف أو التشكيك بس هي نقطه مهمة في نظري، مش قيادة الجيش كانت جزء من النظام؟ ومش القياده العليا للجيش كانت مستفيده ماديا من هذا النظام؟ يعني مثال بسيط : في واحده قريبتي كانت ساكنه في القاهرة في واحدة من عمارات المشير الطنطاوي القريبه من قصر الرئاسة وتحرسها الدبابات وكانت تدفع ألفين وخمسائة جنيه في الشهر إيجار شقة غرفتين وصالة في هذه العمارة. وهذا إيجار شقة واحدة في عماره واحده من عمارات المشير. فهل تتخيلون كم ثروته وهو مثال واحد فقط. ألا يمكن أن يكون هؤلاء خائفين من أن يحاسبهم أحد بعد أن تهدأ الأمور ويقول لهم الناس من أين لك هذا؟ الحكاية كبيرة ومعقدة جدا يا جماعة؟ ليه البطء الشديد ده في تنفيذ خطوات بسيطة جدا ممكن تنعمل بجرة قلم؟ طب يطلقوا سراح السجناء السياسيين بس. دلوقت ... النهارده ... إيه المشكله؟ يعني هم رموا كم واحد كبش فداء عشان الناس تسكت وبس. حبيب العادلي وأنس الفقي ومش عرف مين ... دول المجرمين الصغيرين مقارنة مع الأبالسة الكبار اللي ما يتسموا.
وبعدين أنا بحترم الناس اللي بتقول مش عاوزين انتقام... لكن المسألة مش مسألة انتقام. هي مسألة عدالة و إحقاق حق. يعني لو مجرم ارتكب جريمه أثرت على حياة شخص واحد أو مجموعة من الأشخاص فإن الحق يقتضي أن يلاحق هذا المجرم من قبل الشرطة ويقبض عليه و يقدم للمحاكمة، فما بالكم بالناس اللي دمروا شعوب بحالها. المسألة مش انتقام ولكن عدالة تأخذ مجراها بطريقة سليمة ومهنية وحقيقية ولا أقل من هذا.

المهدى said...

نوارة الثورة المرة دى مافيش خوف وفضل أيام مبارك السودا أنها أنتجت ثورة كاملة شاملة تجمع بينها كل مزايا ثورات وحركات ونضالات الشعب المصرى عبر تاريخه الحديث فقد خلع الشعب مبارك كخورشيد باشا دون معونة من السلطان ولم يلقى سلطته لقائد إنكشارية كمحمد على لقد ثار الغلابة على الإستعباد والذل وأتاح لجيشه أن يرفض الإستعباد والتوريث من أول يوم ولم يتمكن خديوى مصر أن يستعين بالمحتل ليحفظ له نظامه لقد ثار الشعب بالكامل بكل طوائفه وكل أقاليمه ورفع سقف مطالبه ولم يفوض أحد ولم يترك نخبه تحتوى مطالبه وتحولها إلى دستور لجنة الأشقياء لقد ثار الشباب على التهميش وألاعيب النظام والمعارضة وأجبروا الشيوخ والسياسيين على الإنضمام والإلتزام بإحترام المطالب الوطنية ولن تذهب دماء الشهداء فى سبيل معاهدة وبعض الإمتيازات لأبناء الطبقة المتوسطة لقد ثار الشعب على الظلم الإجتماعى وضمن الجيش وليس ضباطه الأحرار أو زعيمه مطالب الشعب ولن تسقط الثورة والمطالب بوفاة الزعيم لقد ثار الشعب ضد الإستخفاف والإهانة ولم يتراجع أمام بعض تنازلات رئيس خائن أراد الإستمرار لينتقم ويكمل خيانته
المرة دى مافيش خوف الشعب كله حارس على ثورته

ehabafndy said...

أنا شايف إن عودة مبارك او سليمان دى أمر مستحيل و الحرس الجمهورى ده مش بتاع الرئيس ده بتاع النظام الجمهورى أيا كان و هو فى النهاية أكيد دلوقت تحت سلطة الجيش .
أعتقد إن ربنا خلق الدنيا فى ستة أيام إحنا لسه يا دوب بنقول يا هادى
أنا رأييه نستنى لما المجلس يستوعب إلى هو فيه و يبدأ فى اخد القرارات و إذاعة البيانات و بعدين نحكم
أعتقد إن الرجوع للوراء شىء صعب جدا دلوقتى من الجيش
لازم نديهم فرصة كافية

labied said...

أنا سمعت توني بلير (الحية الصفرا) على ال بي بي سي يقول أنه يجب احتواء الثورة المصرية و توجهها حتى لا تصير مثل حماس و أن هذه الثورة ممكن توجيهها لصالح إستقرار في المنطقة ( طبعا يعني إسرائيل ) انهم يحاولون إستعمال كل الطرق لحرف الثورة عن نهجها الوطني. احذروا من توني بلير و بريطانيا. احذروا من الانجليز فلهم معكم ثأر قديم يا أهل الكنانة. احذروا من ال بي بي سي فأنها أساس الدسيسة .
ينصركم الله

xMetatron said...

نرجع نفتكر ان العالم حوالينا مانقرضش ..

طل ملوحي بتتحاكم بتهمة التجسس..

mahmoued said...

اة يابت ياقليلة الادب انا من عشر سنيين قريت ان ثروة مبارك برضة 70 مليار احة يابنت الجزمة هي مش بتزيد ولا اية

Ramagrune said...

ايوه يا نوارة انا عندى نفس المخاوف ذيك تمام و نفس الاسئلة بتدور فى دماغى خاصة بعد الجيش ما اعلان ان الحكومة هى هى
و رجعت اسمع لكلمة عمر سليمان و لقيته انه قال مبارك تخلى عن منصب رئيس الجمهورية يعنى ممكن يكون بيحكم من خارج المنصب للحفاظ على البيزنيس بتاعه و بتاع كل الحراميه

حنان said...

انا كمان عندى نفس القلق المشكله ان الوقت مش فى مصلحتنا ولسه ناس كتير حره طليقه انا مش عارفه افكر هيست بصراحه بس ممكن يكون الجيش بيتصرف مش معقول يخدعونا

jan said...

بجد كلامك زي الفل والله وكلنا معاكي ...

khaledsk said...

كلامك كله سليم، ولكن لم يتم تكوين متحدث رسمى باسم قيادات الثورة حتى الآن لينقل المطالب بصورة واضحة لا لبس فيها إلى المجلس العسكرى، ثم يتابع بعد ذلك خطوات التنفيذ طبقا لجدول زمنى واضح، ,إلا سيحدث كما فى تونس ، فقد مضى فترة طويلة ومازال الرئيس الذى نصبه بن على متمسكا بمكانه، ورئيس الوزراء السابق مازال فى منصبه وكل يوم يخرج التونسيون فى مظاهرات اعتراضا، وهم يعتمدون استراتيجية طول النفس، ويعتمدون على زهق الشعب من الاضرابات والاعتصامات، وان كل واحد عايز يشوف اكل عيشه. فلا بد من خطوات واضحة ومجموعة لمتابعة تنفيذ المطالب الشعبية
والله الموفق

Online said...

ياجماعة فى شئ خطير بيحصل واتفاقات من تحت الطربيزه بين سامى عنان وامريكا انه هو اللى يمسك البلد ومفيش حد بيتحاكم ولا بيتحاسب كل دى مسلسلات بتحصل الكل هرب بره مصر افهمو ارجوكم ابوس ايدكم المعلومات دي اكيده والله الجيش عاوز يفضي الميدان ولم يحقق المطالب الى الان وقانون الطوارى قائم وبيتم اعتقال ناس الى الان وامن الدولة شغال كما هوا والمخابرات شغاله كما هي والنظام ما زال قائم بالاتفاق مع المجلس الاعلى للقوات المسحلة وبعدين الجيش لازم يراعى اننا مدنيين مش عساكر واننا مش هانفضل ننتظر كل كام يوم بيان لازم تتحق مطالبنا ارجوكم حافظو على الثورة ودم الشهداء ارجوكم ركزو فى مطالب الثورة لان لم يتحقق شئ غير ان الريس تنحي فقط ولو اتى سامى عنان وحكم البلد او غيره من الجيش هانفضل زى ما احنا ولا حصل شئ وهايضحكو علينا ارجوكم لازم نتحرك وينفذو مطالبنا لو فكرتم بتركيز ايه الىل يمنع الجيش رغم سقوط النظام على حد قول الكل ليه متوقفش قانون الطوارئ ليه الحكومة القديمة لا زالت قائمة ليه امن الدولة ما زال قائم والمخابرات قائمة بعملها ضد الشعب هل يصعب على الجيش اخراج بيان مساوى لقورة الثورة يقول فيه ان كل المطالب تحققت فكرو وانتم هاتعرفو اننا بينضحك علينا والموبيلات كلها تحت المراقبة من المخابرات وامن الدولة وبيلمو الناس اللى تقدر تجمع شعبية وحشد وهافكركم بكلامى وعلى فكرة اهلي الالاف من المعتقلين الى الان لم يعرفو عن اولادهم شئ وده اكبر دليل للى بيحصل حتى الرائد احمد شموان اختفى نهائي اللى اعلن تضامنه مع الشعب

kooky kak said...

ازيك يا نوارة
شرف كبير جدا اني أكتب في مدونتك
عندك حق في كل اللي قلتيه ويعني ايه شفيق ووزير الداخلية لسه موجودين وأذناب مبارك مش شوية ومش حيسكتوا دول موجودين في كل حتة
اهم حاجة لازم الناس الشرفاء تخليها صاحية ومتفرحش دلوقت وترتاح وتنسى والا كل حاجة حتضيع لازم الكل يبقى على اتصال ببعضه وفي حالة تأهب وبلاش تراخي
أنا اسمي مرفت اعرفيني بقى عشان حكتبلك كتير

zara shaishaa said...

I was talking about the same issues it seems like a ploy. Where is Mubarak? Why Shafik and his cronies still in control? Shafik must be investigated in connection with his position in the airports. Not just Safwat Elshereef but all and everyone was involved did you forget Botrous Ghali and others. It is very important for everyone to open his eyes and ears and use his brain and think and suspect every unreasonable action relates to the old regime practice. I saw Shafik speaking On the TV, without tie, his demeanor says I am staying I am not leaving soon, something is not right. I am not comfortable. Please be aware be aware be alert. May ALLAH protect THE PEOPLE OF MISR. ALLAH HAFEZ

أيمن السيد محمود said...

ad

حاجات جوايا said...

مش عارفة يا نوارة
هتقلقينى ليه
بس عدم معرفة مكان الرئيس حاجة مش جديدة علينا
ده وهو فى الحكم مكناش نعرف مكانه فين
وموضوع تدهور صحة الرئيس قريته على مواقع اخبارية مشفتوش على صحف قومية ومش عارفة مدى صحته
الاخبار بس قالت ان علاء وجمال اتخانقوا مع بعض وعلاء اتهم جمال انه السبب فى الخروج المهين لمبارك من السلطة يعنى هو خلاص خرج وصعب ييجى تانى
شباب مصر اللى قوموا الدنيا فى 18 يوم صعب حد يلعب عليهم ويخدعهم مهما كان دهاؤه


فكرتينى بايام اعدام صدام لما قعدنا نقول اللى اتعدم مش صدام ده شبيهه وتوقعنا انه يظهر تانى وينتقم
يمكن من كتر الظلم مبنقدرش نصدق انه انتهى الى غير رجعة

الجيش قال فى البيان ان الحكومة موجودة مؤقتا لتسيير الاعمال .. لحين اجراء انتخابات بس محددش موعد .. يبقى لازم تتشكل لجنة شعبية قانونية وتتحاور مع الجيش بشأن المطالب دى.. ويطلبوا اخراج المعتقلين .. هما لسه مخرجوش ليه ؟؟؟؟
!!!!

فيه بطء برضه .. هو صحيح معداش لسه 48 ساعة على تنحى اللا مبارك
بس محتاجين خطوة ملموسة

يا نوارة اعملى حسابك ترشحى نفسك فى مجلس الشعب الجديد
عايزين شباب بقى عشان مصر ترجع شابة .. مش عايزين عواجيز تانى
مجلس الشورى مفتوح لهم مش هنركنهم عالرف يعنى بس يوسعوا للشباب بقى شوية مينفعش كده

مبروك لمصر

mustafa said...

انا من امبارح وانا قلق جدا بعد البيان الرابع بتاع الجيش وكنت داخل على مدونتك عشان تطمنينا ان فيه خطوات هتتعمل او ان فيه اتصالات مع الجيش من قبل لجنة العشرين او قادة المظاهرة بس للاسف انت خوفتينى اكثر........انا طبعا مش خايف من مبارك بس خايف من مفيد شهاب وسرور وأذيالهم ولاد الذين وعمر سليمان برضه ...

abohusain said...

يا نوارة انا بحترمك بس يا ست الكل انا من سكان رفح محدش ضخ غاز فى الانفاق وشغالة ولعة حديد عز بيدخل على طول واسمنت مستورد من تركيا بييجى العريش وعلى الانفاق مباشرة والمستفيدين من الانفاق من رؤؤس النظام كتيييييييير

حسن على said...

ان ماكنش مبارك لة اليد العليا فى كل الجرائم التى حدثت من بلطجيتو وسافاكة ان ماكانش اصدر اوامر باستعمال الرصاص الحى الذى اسقط الشهداء , وان كان فعلا بريئا من تهمة التربح التى تلاحقة هو واهلة لكان عرفنا اين هو واين ملياراتة وكيف ربحها بالحلال ولظهرت اسرتة من مخابئها ولكن الجميع مختفى اختفاء المجرمين واللصوص وبقى ان نعرف اين جحورهم

sal said...

انا معاك تماما

لا يوجد ما يشير الى فى بيانات المجلس العسكرى
اى اشارة او كلمة الى الثورة او او الاعتراف باصحابها الشباب
وكذلك الامر فى كلمة شفيق اليوم
كلام مايع وتهويمات فضفاضة

ليس الامر ايمانا بنظرية المؤامرة
وليس الامر اننا فقدنا الثقة بالسلطة
ورأينا نابع من ذلك
ما يجرى على ارض الواقع يؤكد
ما ذهبت اليه من تساؤلات

يارب تبقى العزيمة والارادة قائمة وثابتة حتى النجاح التام
فى اقامة ديمقراطية حقيقية ويزول النظام الرئاسى الى الابد
نحو جمهورية برلمانية
لك كامل تقديرى يا نوارة مصر

mostafa said...

اصلا انا من النوعية المتشائمة - خلقة ربنا- وبعدين لو كانوا حلفوا لي الميه تتجمد ما اصدق ان مبارك كبر دماغه ومشي ، ووزير الدفاع بتاعنا الموقر كان بيهاتف وزير دفاع اسرائيل امبارح ، ومن المفترض ان احمد شفيق دراع مبارك اللي لسه شغال والجيش النهارده بدأ يتنطط علينا تحت ستار ثقة الشعب ، يا عم انا لا أثق في ابويا وحكومة تصريف الاعمال دي بالظبط هتصرف اعمال مين ؟ والدستور اللي فصلوه للعجل قبل كده في اربع وعشرين ساعه تخن فجأه وبقي محتاج من ست شهور لسنه ؟
ما ينفعش نمشي من الاعتصام انا شخصيا مش شايف غير ان احنا اتحركنا خطوه برجل واحده لأن طول ما طنطاوي دا هنا انا مش مطمئن ولا استبعد انهم بيشتغلونا بحكاية الجيش والشعب ايد واحده دي
يا اما تكون هناك شفافية كاملة وحقيقة كامله يا بلاش يا ابيض يا اسود فين البغل مبارك وفي انهي مصيبه ؟ ودا حق اي حد يعرفه انا شخصيا مش هسيبه وهرفع علي اللي جايبينه مليون قضية فحقي اعرف هو في انهي داهيه
والاعلام لسه فيه معرصين وبيقولوا ليل ونهار الشرطه في خدمة الشعب طيب انا عايز الظابط شريف بتاع أمن الدولة يروح يجيب الخضار للبيت عندنا وانا أصدق ولو رفض يبقي مش في خدمتي ولا حاجه ، والامناء الغلابه - يا آه يا آه - بيعملوا مظاهرة الشرطة والشعب ايد واحده موضوع الحاح الاعلام علي عودة الشرطة ده خطر كبير وشامم فيه ريحة نتنه من روايح الزمن القبيح
عموما هيه مخاوف وعدم ثقة شخصية مني تحديدا علشان ما اعممش الموضوع بس ولا واحد يتحرك من مكانه غير واحنا واخدين كافة الحقوق
وبلاش بالمرة بقي نسمع شوية البقر اللي بيطلعوا علينا ليل ونهار ويقولوا الشباب بقي يروح وكأن خلاص الفرح خلص وحياة النبي تتلهوا مكانكم واسكتوا

samaya said...

لا يا نوارة بعد كل اللي الناس عملوه والاحتفالات دي كلها
معقول يرجع؟
هو اه ماعندوش كرامة بس علي الاقل هو عرف اننا مش شوية اموات

محمد صبرى said...

ممكن اسأل سؤال , انتى ليه مش جزء من ائتلاف الشباب؟.. انا عارف انه الشباب مجموعات كتير و يجوز التواصل مكنش مثالى ,يمكن كمان متكونيش أول من دعا للثورة , إنما المسألة مش مسألة مين سبق و مين دعم ,وائل غنيم شخص رائع و عمل اللى عليه و دعا و ربنا بلغ دعوته و نصرها ربنا بالملايين و هو نفسه قال كده.. دلوقتى انتى كنتى مشاركة و معروفة و عندك تواصل ممتاز مع الإعلام ,و انا من آخر بلاد المسلمين بقولك و بأكدلك انه الناس تعرفك انتى و مؤمنة بكل كلامك انتى بالذات , و دا مش محاباه من الناس لكن لأن تصريحاتك كانت معبره جدا عن كل مخاوف الناس و رغباتهم من غير مواربة و بوعى كامل

بالنسبة للبوست دا فأنا موافقك على كل حرف فيه , و عايز أقولك للأسف كلامك دا مش بس مخاوف -يجوز تتحقق أو لأ - دا هو دا عين اللى هيحصل بالظبط .. الناس اللى الثورة دى هددت مصالحهم دول مش بيهرجوا و مصالحهم مرتبطة بشبكة مصالح واسعة جدا فى الداخل و الخارج , و فيه تقاطع بين مصالحهم و بين مصالح الصهاينة و الأمريكان .. اسف جدا انى واخد دور غراب الخراب .. انما مفيش بديل عن التنبيه

انا ممكن أقول الناس قامت بالثورة و دى ثورتهم و لو اديت لنفسي الحق اتكلم هيكون يادوب فى اطار التنبيه .. انما انتى لأ .انتى مشاركة اساسية فى احلك الاوقات و فى اصعب المواقف .. لو سمحتى حاولى تدخلى و طالبى بدور مهم فى ائتلاف الشباب .. انا بطالبك بدا باسمى و افتكر غيرى كتير جدا يوافقونى فى طلبى دا

nour1971 said...

فين كمان القناصه الي كانوا فوق اسطح المنازل الي كانوا بيمواوا المتظاهرين دول فرقه ٧٧٧ معروفين بالاسم و بعدين كان واقف منهم بيحرسوا بيت سعاده البيه السفير الاسرائيلي الي مسفرش لغايه دلوقتي ليه كان قاعد بيتفاوض مع مين و دلوقتي مسؤل اسراذيلي ببيقول ان طنطاوي كان بيكلم مسؤل اسرائيلي بيطمنوا ايه الهبل ده ما يطمنا احنا عن المعتقلين و بعدين طنطاوي ولاده الكامل لحسني مبارك احنا مش لازم نوقف علي كده هما ليهم ذيول كببببببببببببيره عايزه النظام السابق يفضل من مصلحتهم انهم يبوظوا الثوره فكل واحد لازم ياخد باله

heba said...

المهدي أوافقك الرأي

smah said...

the revolution needs protection right now. any right or principle in live that does not have protection gets lost in the way. We have to protect our revolution, our freedom, and our country at any cost. stay in Tahirar till all of the demands are met.

MAY GOD PROTECT ALL OF YOU TILL THE END

Tarek Abdoun said...

ليه يعنى ؟ هو لعب عيال مثلا ؟؟
انا شايفه انه مستحيل يرجع تانى بعدما تنحى امام العالم كله و الحزب الوطنى اصبح فى خبر كان بعد ما استقال امين عام الحزب
الرئيس فى شرم الشيخ و هذه معلومات مؤكده و معه جزء كبير من الحرس الجمهورى و ده طبيعى لو اصبح رئيس سابق و يعيش فى مصر يجب ان يرافقه جزء من الحرس الجمهورى ( طبعا احنا ما نعرفش المعلومه دى عشان عمرنا ما شفنا رئيس سابق ) بس ما اقوله من مصادر موثوقه جدا و لو احببتى الاتصال بى ع الفيس بوك ممكن
http://www.facebook.com/permalink.php?story_fbid=110156639062187&id=734125669&notif_t=feed_comment_reply#!/eman.osama

يقول أنى امرأة said...

تمام معاكى فى الى انت قلتيه و ضيفى عليهم 1- فاروق حسنى مش فاهمه يعنى ايه موقفه 2- احنا لسا تحت غطاء قانون الطوارئ اشمعنى كل الى هيتحقق معاهم محطوطين تحت الاقامه الجبريه فى بيوتهم او فى فنادق الخمس نجوم ليه ميتسحلوش من شعرهم على السجون زى ما كان بيحصل مع ولاد الناس المحترمين الشرفاء
3- قبل بيان الجيش الاخير الى حل فيه مجلسى الشعب و الشورة و كدة شفيق طلع فى اجتماع بيتكلم بنفس الجليطه و التعالى و بهدوء اكنه مطول مش اكنه ماسك حكومه تصريف اعمال و بيدافع عن اختياراته فى انتقاء الوزراء و ان الوزارات الى فاضيه هيجبلها وزرة و الحياة بامبى
4- ماشى بيان الجيش جميل بس فين حقنا زى ما انت قلتلى الى ضربونا و قتلو اخوتنا باوامر مباشرة خلاص هنسبهم
5- و دة مهم لو ليكى علاقه بوائل غنيم و الشله دى لازم يعملو حاجه على النت تجمعنا كلنا و يبقى فيها حريه اكتر فى الاستشارات حتى فى كلمهم الى بيقولوة بلسنانا على الفضائيات + ان فيه ناس عقولهم رائعه و عندهم افكار هايله و اشتغلو فى نطاق الناس الى حواليهم فى الثورة و عشان الشيــــــــطان ميلعبش فى نفسيات البشر الناس دى من حقها اما تقول رائيها او ان الاعلام ميتصلتش على اشخاص بعينهم على انهم رمز الثورة عشان دى مش بتاعت حد مش بس بالكلام لا بالفعل

Tarek Abdoun said...

لا هو مش لعب عيال مشى يعنى مشى خلاص امام العالم كله
و الحكومه فعلا لتسيير الاعمال عشان ما يتمش اختيار حكومه مسلوقع على عجل و نخسر الكثير
طبعا انا متابعاكى يا نواره كلمه بكلمه من قبل الثوره بزمان
بس عمرى ما عملت كومنت
و كنت فى التحرير و مع الثوره قلبا و قالبا
و متاكده من ان حسنى مبارك فى شرم الشيخ
و معه جزء كبير من الحرس الجمهورى اذ ان الرئيس السابق يجب ان يحظى بجزء من الحرس الجمهورى و دى الحاجه اللى عمرنا ما عرفناها عشان ما كانش عندنا رئيس سابق
لو مهتمه تعرفى اكتر راسلينى ع الفيس بوك
http://www.facebook.com/permalink.php?story_fbid=110156639062187&id=734125669&notif_t=feed_comment_reply#!/eman.osama

Empress appy said...

وبعد البيان الخامس ايه رايك

V said...

السلام عليكم
الثورة لم تنته بعد (1)
هذه أول مرة تقريبا أعلق هنا رغم متابعتي لهذه المدونة منذ عام 2005 على ما أتذكر ولذلك أرجو أن يؤخذ تعليقي على نحو الأهمية ,إن كل مخاوفك في محلها بل أحب أن أؤكد أن ما حدث حتى الآن هو بتخطيط صهيو أمريكي دقيق ففور إندلاع الأحداث في جمعة الغضب بدأ خط ساخن مفتوح مع القيادة المصرية والجيش المصري ونتذكر جميعا أن رئيس الأركان سامي عنان كان في أمريكا وقت وقوع الأحداث ,إن أمريكا تعلم أن الثورة المصرية كان ولا بد أن يكتب لها النجاح لذلك عملت منذ اليوم الأول على وضع خطط لتقويض الثورة والإلتفاف حولها للحفاظ أولا وأخيرا على مصالحها ومصالح الكيان الصهيوني, وحتى مسألة التأخير من مبارك كانت محسوبة حتى يضيق الناس به وتتحول شعارات الثورة من اسقاط النظام إلى إسقاط الرئيس وحتى يحدث نوع من الشحن النفسي والعاطفي عند الناس يبلغ ذروته بمجرد إعلان تنحى الرئيس ليتحول إلى مظاهر فرح عارمة يصعب بعدها إقناع الجماهير بالعودة إلى الميدان أو البقاء فيه لأنه نظريا وحسب هذا الشحن النفسي قد انتهت الثورة وانتصرت وحققت مآاربها وأهدافها بينما المشكلة لم تكن في شخص وإنما في نظام كامل والمشكلة أيضا لم تكن في الوضع الداخلي فحسب وإنما في أن هذا النظام بأكمله هو نظام عميل يخدم المصالح الأمريكية والصهيونية في المنطقة فهذه هي القضية الجوهرية والتي جعلت كل أجهزة المخابرات في العالم تستنفر وتخطط من أجل ضمان مصالح الكيان الصهيوني مع النظام , المسألة أكبر من السرقة والنهب والتعذيب والقتل فأمريكا وحلفاء هذا النظام كانوا يستصرخون مبارك في إنشاء ديموقراطية وهمية واحترام حقوق الإنسان وعدم الضغط على الشعب حتى لا يحدث مثل هذا الإنفجار وهذه هي نقطة الخلاف الوحيدة بين مبارك وحلفائه من الصهاينة والأمريكان ولكن يصعب أن تجتمع العمالة مع الشرف فمن يبيع وطنه لا يهمه ما يجري على شعبه وهذا هو مصير كل الطغاة يختم الله على قلوبهم فيعاقبون أنفسهم بأنفسهم لأن الجزاء من جنس العمل , و أمريكا لا يهمها شخص مبارك أكثر ما يهمها الحفاظ على مصلحتها ومصلحة ربيبتها إسرائيل وغير مستبعد أن يكون السيناريو بأكمله كان قد خطط له منذ يوم جمعة الغضب وبالاتفاق مع مبارك وسليمان وأركان الجيش المصري ,بالطبع كانت هناك 3 سيناريوهات للوضع القائم أولها هو الحفاظ على شخص حسني مبارك مع تقديم بعض التنازلات فإن فشل هذا السيناريو يتم الانتقال الي سيناريو عمر سليمان فإن فشل هذا السيناريو يقوم الجيش بالسيناريو الثالث , وكل هذه السيناريوهات حتى مع بقاء مبارك كانت بالفعل ستؤدي إلى ديموقراطية وهمية وتعديل في الدستور- فهو لن يلغي الدستور تماما ويحدث دستورا جديدا وإنما سيدعو لتعديل بعض المواد فقط و سيستمر على الإصلاح وفق بيان مبارك الثاني وبالإلتزام حرفيا به - ولن يلبي الجيش كل مطالب الإصلاح وإنما الهدف هو التحول إلى دولة ديموقراطية وهمية يضمنوا فيها وصول أحد الأشخاص الموالين لهم إلى السلطة للحفاظ على مصالح أمريكا واسرائيل مع جعل الجيش ضمانة لهذا الوضع دائما وإعطاؤه الضوء الأخضر للتدخل ساعة انحراف السلطة في مصر عن أهداف مصالح الصهيو امريكيين .

V said...

لثورة لم تنته بعد (2)
لكل ذلك شواهد وأدلة كثيرة أولها الاتصالات المكثفة بين الإدارة الأمريكية والصهيونية والمصرية وقيادات الجيش ووجود سامي عنان في أمريكا والآن ترون تباطؤ شديد من الجيش في طريق الإصلاح فكما قلتي هناك أمور تتم في يوم وليلة مثل تكليف أحد الأشخاص الوطنيين بتشكيل حكومة انتقالية وطنية مع إعطاء جدول زمني لذلك فمسألة أن تبقى هذه الحكومة لتسيير الأعمال كانت ستكون مقبولة لو تزامنت مع تكليف أحد الأشخاص للبدء في تشكيل حكومة جديدة , كما أن إلغاء قانون الطواريء لا يحتاج إلى وقت فهو فعليا لا يستخدم حتى الآن سوى في القمع و الإعتقال التعسفي , بل دعكم من كل هذا لماذا لم يقم الجيش بالإعتراف بالثورة الشعبية -هذا لم يحدث أبدا وإنما ما حدث هو اللعب على الناحية العاطفية لدى الثوار بتحية الشهداء والوعد بتبني مطالب الشعب - وأيضا لماذا لم يقم الجيش بوضع جدول زمني يتضمن الإجراءات التي ستتبع كخارطه للطريق بل هو لم يوضح لنا ما هي الإجراءات التي ستتبع أصلا وهو نوع من الإستئثار بالحكم وعدم مشاركة الشعب صاحب الثورة الحقيقية في اتخاذ القرارات على الرغم من أنه في الانقلاب العسكري للجيش في 52 لم يشارك الشعب في اتخاذ القرارات والآن الجيش يحكم مع أن الثورة شعبية محضة ,والأهم من ذلك هذا المطلب العجيب والملح جدا بانتهاء التظاهرات والاعتصامات في ميدان التحرير من قبل الجيش مع أنه لا توجد أي ضمانة لتحقيق المطالب الشعبية وأنا شاهدت الكثير من الناس المدنيين الذين يخاطبون المعتصمين بأنه لا جدوى من وجودهم الآن وأن جميع المطالب تحققت والعجيب أن هناك الكثير من التعليقات الموجهة على الإنترنت تحمل نفس المضمون بنفس الألفاظ -تستطيع بسهولة أن تشم رائحة النظام فيها كما كنا نفعل في أيام الثورة - وهو أمر مثير للريبة يجعلك تجزم بأن النظام الجديد ما زال يتحرك وأن هناك أولوية لفض الإعتصامات والتظاهرات في قلب الميدان - الميدان كان مشكلة كبيرة في رأس النظام طوال أيام الثورة والتركيز كله كان على فض المظاهرات فيه في كل مراحل الثورة -

V said...

لثورة لم تنته بعد (3)
والعجيب أيضا اننا ما زلنا نجد تعليقات مكثفة تحيي مبارك وتترحم على أيامه مع أن من كان في التحرير يوم إعلان التنحي يعلم أن الشعب المصري كله كان في حالة هستيرية من الفرح وكأننا قد هزمنا الإحتلال - وهو إحتلال بالفعل لم ينتهي بعد - الأهم من ذلك أن الجيش وحسب تقارير قد أدى أدوارا عجيبة في بعض الأيام وكانت الأولوية عنده ولا شك هي في حفظ النظام فمن سهل دخول الجمال والأحصنة في موقعة الجمل الشهيرة ومن كان يصادر الأدوية والغذاء للمعتصمين بل ومن كان يعتقل بعضهم خاصة من قبل الشرطة العسكرية ؟. إن النظام ما زال يعمل والمخابرات ما زالت تعمل بأقصى طاقتها لحفظ المعادلة لصالح أمريكا واسرائيل لذلك أحذر الثوار بان الثورة لم تنته بعد والثورة الحقيقية كانت ولا بد أن لا تقف حتى تتولى زمام الأمور بنفسها وإن الجيش لم يكن محايدا حيادا سلبيا بإرادته وإنما رغما عنه لأنه لا بديل غير ذلك فهل كنتم تتوقعون أن يقوم الجيش بتصفية مليون متظاهر أمام العالم أجمع ؟؟ وهل كان ذلك إلا سيكون مؤججا لجموع الشعب لتخرج في ثورة حقيقية تلتهم الأخضر واليابس وتسقط النظام وذيوله وجيشه كما حدث في دول أخرى مثل إيران , وهل الجيش لم يكن يعي مطالب الشعب المشروعة منذ اليوم الأول أو على الأقل في يوم جمعة الغضب , لقد كان يجب على الثوار أن يضعوا الجيش في الإختبار الحقيقي منذ اليوم الأول فإما أن يكون مع الشعب أو عليه ؟ ولماذا لا يسمح الجيش بأن يقوم الثوار بالإدلاء ببيان الثورة من مبني الإذاعة والتليفزيون وهو الجهاز المملوك للشعب لماذا وقف لآخر لحظة في وجه الثوار ولم يكن ليسمح لهم بدخوله والسيطرة عليه ؟؟؟ لماذا يدافع عن مبارك أصلا ؟؟ أليس في ذلك خذلان للحق وأهله والوقوف بجانب الظالمين ؟؟ أوليس من يسكت عن الحق شيطان أخرس ؟ أوليس من لا ينصر الحق ويقف بمدافعه في وجه المتظاهرين هو مشارك في خذلانهم ووقوع الظلم عليهم بل هو ظالم لهم ؟؟ بأي عقيدة كان الجيش يتفرج على شعبه وهو يذبح أمام البلطجية وفلول الجهاز الأمني ؟؟ هل الجيش لم يكن قادرا على إنزال فرق من المشاة تحمي المتظاهرين كدروع بشرية بدلا من هذه الدبابا توالمدرعات التي لا تغني ولا تسمن من جوع ؟؟ إن الجيش لم يكن أبدا محايدا بل كان محافظا علي النظام حتى آخر نفس وما زال وأنا أعلم أم كلامي هذا غير مريح لنا جميعا وسيتهمني البعض بمحاولة الوقيعة بين الجيش والشعب وأنا أعلم ان لدينا جميعا تقديس للجيش ودوره ولكن عفوا أنا أنظر للحقائق ولا أنظر للعواطف وأنا عندما أتحدث عن الجيش أتحدث عن قياداته التي كانت منتفعة من النظام وكانت جزء لا يتجزأ منه ولا أتحدث عن عموم الجيش من ظباط وقادة وجنود هم منا ونحن منه ولا تنسوا أن الضباط الذين قد انضموا للثورة كانوا يطالبون برحيل طنطاوي لأنه جزء من النظام ولكننا كشعب قد خنا هؤلاء الضباط وتركناهم لقادتهم ....

V said...

الثورة لم تنته بعد (4)
و لكن ما هو الحل ؟؟
الحل في البقاء في ميدان التحرير والدعوة إلى مظاهرات مليونية تتابع سير انتقال السلطة من الجيش للشعب تكون ضامنة لحقوق الشعب وأنا لا أدري ما الضير في البقاء لبعض المعتصمين وما الذي يتعب الحكومة ويؤرقها ؟؟ ألسنا في عصر جديد يحفظ الحريات كما يدعون ؟ وهل بقاء هؤلاء يعيق سير البناء والتقدم ؟؟؟ إن القاهرة كلها تعمل وكل المحافظات بشكل طبيعي الآن وميدان التحرير أصبح مفتوحا للمرور و للمصالح فلماذا الإصرار على إخلائه تماما ؟؟ هناك أمر مريب وعلى الثوار الحفاظ على مكانهم ويقظتهم فلا تظنوا أن الغرب سيفرط في مصر بسهولة فكل أجهزة الإستخبارات تدبر بليل من أجلكم ولكن يمكرون ويمكر الله والله خير الماكرين .

V said...

السلام عليكم
الثورة لم تنته بعد (1)
هذه أول مرة تقريبا أعلق هنا رغم متابعتي لهذه المدونة منذ عام 2005 على ما أتذكر ولذلك أرجو أن يؤخذ تعليقي على نحو الأهمية ,إن كل مخاوفك في محلها بل أحب أن أؤكد أن ما حدث حتى الآن

هو بتخطيط صهيو أمريكي دقيق ففور إندلاع الأحداث في جمعة الغضب بدأ خط ساخن مفتوح مع القيادة المصرية والجيش المصري ونتذكر جميعا أن رئيس الأركان سامي عنان كان في أمريكا

وقت وقوع الأحداث ,إن أمريكا تعلم أن الثورة المصرية كان ولا بد أن يكتب لها النجاح لذلك عملت منذ اليوم الأول على وضع خطط لتقويض الثورة والإلتفاف حولها للحفاظ أولا وأخيرا على مصالحها

ومصالح الكيان الصهيوني, وحتى مسألة التأخير من مبارك كانت محسوبة حتى يضيق الناس به وتتحول شعارات الثورة من اسقاط النظام إلى إسقاط الرئيس وحتى يحدث نوع من الشحن النفسي

والعاطفي عند الناس يبلغ ذروته بمجرد إعلان تنحى الرئيس ليتحول إلى مظاهر فرح عارمة يصعب بعدها إقناع الجماهير بالعودة إلى الميدان أو البقاء فيه لأنه نظريا وحسب هذا الشحن النفسي قد انتهت

الثورة وانتصرت وحققت مآاربها وأهدافها بينما المشكلة لم تكن في شخص وإنما في نظام كامل والمشكلة أيضا لم تكن في الوضع الداخلي فحسب وإنما في أن هذا النظام بأكمله هو نظام عميل يخدم

المصالح الأمريكية والصهيونية في المنطقة فهذه هي القضية الجوهرية والتي جعلت كل أجهزة المخابرات في العالم تستنفر وتخطط من أجل ضمان مصالح الكيان الصهيوني مع النظام , المسألة أكبر من

السرقة والنهب والتعذيب والقتل فأمريكا وحلفاء هذا النظام كانوا يستصرخون مبارك في إنشاء ديموقراطية وهمية واحترام حقوق الإنسان وعدم الضغط على الشعب حتى لا يحدث مثل هذا الإنفجار

وهذه هي نقطة الخلاف الوحيدة بين مبارك وحلفائه من الصهاينة والأمريكان ولكن يصعب أن تجتمع العمالة مع الشرف فمن يبيع وطنه لا يهمه ما يجري على شعبه وهذا هو مصير كل الطغاة يختم الله

على قلوبهم فيعاقبون أنفسهم بأنفسهم لأن الجزاء من جنس العمل , و أمريكا لا يهمها شخص مبارك أكثر ما يهمها الحفاظ على مصلحتها ومصلحة ربيبتها إسرائيل وغير مستبعد أن يكون السيناريو

بأكمله كان قد خطط له منذ يوم جمعة الغضب وبالاتفاق مع مبارك وسليمان وأركان الجيش المصري ,بالطبع كانت هناك 3 سيناريوهات للوضع القائم أولها هو الحفاظ على شخص حسني مبارك مع

تقديم بعض التنازلات فإن فشل هذا السيناريو يتم الانتقال الي سيناريو عمر سليمان فإن فشل هذا السيناريو يقوم الجيش بالسيناريو الثالث , وكل هذه السيناريوهات حتى مع بقاء مبارك كانت بالفعل

ستؤدي إلى ديموقراطية وهمية وتعديل في الدستور- فهو لن يلغي الدستور تماما ويحدث دستورا جديدا وإنما سيدعو لتعديل بعض المواد فقط و سيستمر على الإصلاح وفق بيان مبارك الثاني

وبالإلتزام حرفيا به - ولن يلبي الجيش كل مطالب الإصلاح وإنما الهدف هو التحول إلى دولة ديموقراطية وهمية يضمنوا فيها وصول أحد الأشخاص الموالين لهم إلى السلطة للحفاظ على مصالح

أمريكا واسرائيل مع جعل الجيش ضمانة لهذا الوضع دائما وإعطاؤه الضوء الأخضر للتدخل ساعة انحراف السلطة في مصر عن أهداف مصالح الصهيو امريكيين .

V said...

الثورة لم تنته بعد (2)
لكل ذلك شواهد وأدلة كثيرة أولها الاتصالات المكثفة بين الإدارة الأمريكية والصهيونية والمصرية وقيادات الجيش ووجود سامي عنان في أمريكا والآن ترون تباطؤ شديد من الجيش في طريق

الإصلاح فكما قلتي هناك أمور تتم في يوم وليلة مثل تكليف أحد الأشخاص الوطنيين بتشكيل حكومة انتقالية وطنية مع إعطاء جدول زمني لذلك فمسألة أن تبقى هذه الحكومة لتسيير الأعمال كانت

ستكون مقبولة لو تزامنت مع تكليف أحد الأشخاص للبدء في تشكيل حكومة جديدة , كما أن إلغاء قانون الطواريء لا يحتاج إلى وقت فهو فعليا لا يستخدم حتى الآن سوى في القمع و الإعتقال التعسفي

, بل دعكم من كل هذا لماذا لم يقم الجيش بالإعتراف بالثورة الشعبية -هذا لم يحدث أبدا وإنما ما حدث هو اللعب على الناحية العاطفية لدى الثوار بتحية الشهداء والوعد بتبني مطالب الشعب - وأيضا

لماذا لم يقم الجيش بوضع جدول زمني يتضمن الإجراءات التي ستتبع كخارطه للطريق بل هو لم يوضح لنا ما هي الإجراءات التي ستتبع أصلا وهو نوع من الإستئثار بالحكم وعدم مشاركة الشعب

صاحب الثورة الحقيقية في اتخاذ القرارات على الرغم من أنه في الانقلاب العسكري للجيش في 52 لم يشارك الشعب في اتخاذ القرارات والآن الجيش يحكم مع أن الثورة شعبية محضة بدون حتى

الرجوع إلى المطالب الشعبية أو الإلتقاء بوفود من الشعب ليتعرف على مطالبهم بدقة أو حتى فتح باب التفاوض مع بعض الثوار فكل هذا لم ولن يحدث ,والأهم من ذلك هذا المطلب العجيب والملح

جدا بانتهاء التظاهرات والاعتصامات في ميدان التحرير من قبل الجيش مع أنه لا توجد أي ضمانة لتحقيق المطالب الشعبية وأنا شاهدت الكثير من الناس المدنيين الذين يخاطبون المعتصمين بأنه لا

جدوى من وجودهم الآن وأن جميع المطالب تحققت والعجيب أن هناك الكثير من التعليقات الموجهة على الإنترنت تحمل نفس المضمون بنفس الألفاظ -تستطيع بسهولة أن تشم رائحة النظام فيها كما كنا

نفعل في أيام الثورة - وهو أمر مثير للريبة يجعلك تجزم بأن النظام الجديد ما زال يتحرك وأن هناك أولوية لفض الإعتصامات والتظاهرات في قلب الميدان - الميدان كان مشكلة كبيرة في رأس

النظام طوال أيام الثورة والتركيز كله كان على فض المظاهرات فيه في كل مراحل الثورة -

V said...

الثورة لم تنته بعد (3)
والعجيب أيضا اننا ما زلنا نجد تعليقات مكثفة تحيي مبارك وتترحم على أيامه مع أن من كان في التحرير يوم إعلان التنحي يعلم أن الشعب المصري كله كان في حالة هستيرية من الفرح وكأننا قد
هزمنا الإحتلال - وهو إحتلال بالفعل لم ينتهي بعد - الأهم من ذلك أن الجيش وحسب تقارير قد أدى أدوارا عجيبة في بعض الأيام وكانت الأولوية عنده ولا شك هي في حفظ النظام فمن سهل دخول الجمال والأحصنة في موقعة الجمل الشهيرة ومن كان يصادر الأدوية والغذاء للمعتصمين بل ومن كان يعتقل بعضهم خاصة من قبل الشرطة العسكرية ؟. إن النظام ما زال يعمل والمخابرات ما زالت
تعمل بأقصى طاقتها لحفظ المعادلة لصالح أمريكا واسرائيل لذلك أحذر الثوار بان الثورة لم تنته بعد والثورة الحقيقية كانت ولا بد أن لا تقف حتى تتولى زمام الأمور بنفسها وأن الجيش لم يكن محايدا حيادا سلبيا بإرادته وإنما رغما عنه لأنه لا بديل غير ذلك فهل كنتم تتوقعون أن يقوم الجيش بتصفية مليون متظاهر أمام العالم أجمع ؟؟ وهل كان ذلك إلا سيكون مؤججا لجموع الشعب لتخرج في ثورة حقيقية تلتهم الأخضر واليابس وتسقط النظام وذيوله وجيشه كما حدث في دول أخرى مثل إيران, وهل الجيش لم يكن يعي مطالب الشعب المشروعة منذ اليوم الأول أو على الأقل في يوم جمعة الغضب , لقد كان يجب على الثوار أن يضعوا الجيش في الإختبار الحقيقي منذ اليوم الأول فإما أن يكون مع الشعب أو عليه ؟ ولماذا لا يسمح الجيش بأن يقوم الثوار بالإدلاء ببيان الثورة من مبني الإذاعة والتليفزيون وهو الجهاز المملوك للشعب لماذا وقف لآخر لحظة في وجه الثوار ولم يكن ليسمح لهم بدخوله والسيطرة عليه ؟؟؟ لماذا يدافع عن مبارك أصلا ؟؟ أليس في ذلك خذلان للحق وأهله والوقوف بجانب الظالمين ؟؟ أوليس من يسكت عن الحق شيطان أخرس ؟ أوليس من لا ينصر الحق ويقف بمدافعه في وجه المتظاهرين هو مشارك في خذلانهم ووقوع الظلم عليهم بل هو ظالم لهم
؟؟ بأي عقيدة كان الجيش يتفرج على شعبه وهو يذبح أمام البلطجية وفلول الجهاز الأمني ؟؟ هل الجيش لم يكن قادرا على إنزال فرق من المشاة تحمي المتظاهرين كدروع بشرية بدلا من هذه الدبابات والمدرعات التي لا تغني ولا تسمن من جوع ؟؟ إن الجيش لم يكن أبدا محايدا بل كان محافظا علي النظام حتى آخر نفس وما زال وأنا أعلم أن كلامي هذا غير مريح لنا جميعا وسيتهمني البعض بمحاولة الوقيعة بين الجيش والشعب وأنا أعلم ان لدينا جميعا تقديس للجيش ودوره ولكن عفوا أنا أنظر للحقائق ولا أنظر للعواطف وأنا عندما أتحدث عن الجيش أتحدث عن قياداته التي كانت منتفعة من النظام وكانت جزءا لا يتجزأ منه ولا أتحدث عن عموم الجيش من ظباط وقادة صغار وجنود هم منا ونحن منه ولا تنسوا أن الضباط الذين قد انضموا للثورة كانوا يطالبون برحيل طنطاوي لأنه جزء من النظام ولكننا كشعب قد خنا هؤلاء الضباط وتركناهم لقادتهم ....

V said...

الثورة لم تنته بعد (4)
و لكن ما هو الحل ؟؟
الحل في البقاء في ميدان التحرير والدعوة إلى مظاهرات مليونية تتابع سير انتقال السلطة من الجيش للشعب تكون ضامنة لحقوق الشعب وأنا لا أدري ما الضير في البقاء لبعض المعتصمين وما الذي
يتعب الحكومة ويؤرقها ؟؟ ألسنا في عصر جديد يحفظ الحريات كما يدعون ؟ وهل بقاء هؤلاء يعيق سير البناء والتقدم ؟؟؟ إن القاهرة كلها تعمل وكل المحافظات بشكل طبيعي الآن وميدان التحرير أصبح مفتوحا للمرور و للمصالح فلماذا الإصرار على إخلائه تماما ؟؟ هناك أمر مريب وعلى الثوار الحفاظ على مكانهم ويقظتهم فلا تظنوا أن الغرب سيفرط في مصر بسهولة فكل أجهزة
الإستخبارات تدبر بليل من أجلكم ولكن يمكرون ويمكر الله والله خير الماكرين .

El Mesafer said...

مساء الخير
تساؤلاتك في محلها بس هل ممكن نتعرف عليكم اكتر وتنورونا في إذاعتنا وهي راديو سوا
مقدرتش الاقي وسيلة للتواصل غير اني اسيب كومنت
خالد هريدي - راديو سوا
khaledharidy@gmail.com

يقول أنى امرأة said...

نوارة و مش عايزين ننسى عمداء الكليات الى كانو بيتعينو على ايد امن الدوله دة مهم اووى

الدرويش المرووش said...

نوارة و بلال فضل على شاشه واحده

أحمدك ياااااااااا رب

منوره يا نواره

NAGWA said...

الاخت نواره
مساء الخير
اتشرف بأن أنضم لمدونتك وكلي حب وإخاء
قد أكون لدي من الظروف العائلية ما يمنعني ان أشارككم الميدان او التدافع للعمل الاجتماعي ولكن يعلم الله اننى كنت ممن وقف في الخلفية الفيسبوكية واللذين اضطرتهم الظروف لتلك المهمه وفقط
ارجو أن تقبلوا صداقتي ودوري البسيط
واضع إمكاناتى العلمية والادبيه بين أيديكم مع مراعاة ظرفي العائلي وكوني ارعى والدتي ولا املك الخروج رعاية لها
لكني معكم بكل طاقتى الإلكترونية والادبية وما املك
أشكر موافقتكم وأتمناها
نجوى سعيد

Ahmed said...

شوفي يا نوارة ورد مصر
أنا أول مرة أدخل على المدونة بتاعتك لكن هاسيب المقدمات والتعريف وأكيد يكون من حظي أننا نتعارف فيما بعد.

المهم وبالرغم من احترامي للكل إلا أني مع فكرة أن ميدان التحرير يظل محتل ولابد من التواجد المستمر هناك.....ليه بقى....الحكومة بتلاعب الشعب بقالها سنين وقرون وأعتقد أنه لسه فيه لعب.....ببساطة ليه لم يتم تغيير الحكومة وحل أمن الدولة والإفراج عن زهرة شباب مصر المعتقلين؟؟؟؟؟؟
وهنا نحط 1000 علامة استفهام ويا ريت نجاوب

مع خالص تحياتي لكل مصر
د/أحمد مندس.....ولا أقول لكم خلوها المصري أحمد مندس من غير دكتور

عايش والأجر على الله (ابن مصر) said...

على فكرة الخطوات بطيئة بطريقة مريبة لكن المفروض كلنا نفكر دلوقتي ازاي نعرف الجيش بالمخاوف اللي عندنا دي ونخليهم يجاوبونا على التساؤلات دي
لأننا فعلا لازم نعرف مبارك فين في أقرب وقت وبسرعة

عشان المحاكمة مش هيهرب منها سواء كان في شرم الشيخ أو في الامارات أو في غيبوبة أو في بطن أمه حتى !

بجد الراجل ده معملش حاجات قليلة
الشهداء دول كلهم لازم قصاصهم يتاخد منه هوا لأنه هوا كان الآمر الناهي وقت ما ماتوا .

وان شاء الله الأيام الجاية هنعرف فيها تفاصيل أكتر .
شكرا لحضرتك
:)

أبو هاجر said...

ست الكل مساء الخير
استمعت واستمتعت وغضبت:
استمعت للكلام الواضح و الدقيق، كلام الثوار اللي مايحسبوهاش
واستمتعت ب..و اللا بلاش فذاك يخصني و لا يعنيك
وغضبت لأنك لم تخبريننا بتلك المقابلة الجميلة التي شاهدتها صدفة
لقد كنت حقيقة أيقونة
لك أجمل التحيات

helmy3090 said...

نوارة النصر ما شاء الله عليكي انا معرفش اذاي عامل نفسي بحب الفجومي وبحب كل وطنى غيور على بلدة وكل اهل مصر الطاهريين الشرفاء واكتشف فجأة ان ابو النجوم شاعرنا لجميل عندة اجمل هدية من ربنا بنت مصرية بحق وطنية مثقفة ومحللة سياسية شاطرة غيوره على بلدها وقوية في فرض ارائها الخاصة وكل كلمة بتقولها بجد فيها مصداقية وواقعية على حال مصر اذاي عامل نفسي بحب الفجومي ومعرفش انه عنده بنت من اقوى ما انجبت مصر من الاحرار والكرماء والشرفاء انا حضرت برنامج عصير الكتب ومعجب بحضرتك جدا جدا وقلت لازم ادخل على النت فورا واعمل سيرش على مجهودك الكبير وفعلا فوجئت يا نوارة النصر وانا بصراحة خارج مصر دلوقتي وانا حلزم نفسي اني اقرا كل مقالاتك من بداية المدونة وحتى المقالات الي جاية
اليوم انا ذدت شرف وانتقل الى احساسك الوطنى المنتفض وشعرت بالكرامة متمثلة في عيون الاحرار المصريين وتمنيت لو وقفت في شوارع مصر حتى انال شرف هذا الحدث ويقول لى الله يوم القيامة لقد شهدت اسقاط حاكم فاسد فاذهب للجنة بدون حساب وارجو ان تسامحيني على الاطالة ولكني اوعدك اني ساكون اول من يعلق على مقالاتك من اليوم فسبحان الله كم تمنيت ان اقابل الكبير احمد فؤاد نجم ولكن كان القدر مخبئ لي ان اتواصل مع ابنتة التي تعلمت في مدرستة فالذي مثلكم في هذا الزمن قلال ولا اقول لكي الا مصر ياما يا سفينه
مهما كان البحر عاتي
فلاحينك ملاحينك
يزعو للريح يواتي
اللي ع الدفه
صنايعي
واللي ع المجداف
زناتي
واللي فوق الصاري كاشف
كل ماضي وكل اتي

عقدتين والتالته تابته
تركبي الموجه العفيه
توصلي بره السلامه
معجبانيه وصبيه
محمد حلمي

helmy3090 said...

نوارة النصر ما شاء الله عليكي انا معرفش اذاي عامل نفسي بحب الفجومي وبحب كل وطنى غيور على بلدة وكل اهل مصر الطاهريين الشرفاء واكتشف فجأة ان ابو النجوم شاعرنا لجميل عندة اجمل هدية من ربنا بنت مصرية بحق وطنية مثقفة ومحللة سياسية شاطرة غيوره على بلدها وقوية في فرض ارائها الخاصة وكل كلمة بتقولها بجد فيها مصداقية وواقعية على حال مصر اذاي عامل نفسي بحب الفجومي ومعرفش انه عنده بنت من اقوى ما انجبت مصر من الاحرار والكرماء والشرفاء انا حضرت برنامج عصير الكتب ومعجب بحضرتك جدا جدا وقلت لازم ادخل على النت فورا واعمل سيرش على مجهودك الكبير وفعلا فوجئت يا نوارة النصر وانا بصراحة خارج مصر دلوقتي وانا حلزم نفسي اني اقرا كل مقالاتك من بداية المدونة وحتى المقالات الي جاية
اليوم انا ذدت شرف وانتقل الى احساسك الوطنى المنتفض وشعرت بالكرامة متمثلة في عيون الاحرار المصريين وتمنيت لو وقفت في شوارع مصر حتى انال شرف هذا الحدث ويقول لى الله يوم القيامة لقد شهدت اسقاط حاكم فاسد فاذهب للجنة بدون حساب وارجو ان تسامحيني على الاطالة ولكني اوعدك اني ساكون اول من يعلق على مقالاتك من اليوم فسبحان الله كم تمنيت ان اقابل الكبير احمد فؤاد نجم ولكن كان القدر مخبئ لي ان اتواصل مع ابنتة التي تعلمت في مدرستة فالذي مثلكم في هذا الزمن قلال ولا اقول لكي الا مصر ياما يا سفينه
مهما كان البحر عاتي
فلاحينك ملاحينك
يزعو للريح يواتي
اللي ع الدفه
صنايعي
واللي ع المجداف
زناتي
واللي فوق الصاري كاشف
كل ماضي وكل اتي

عقدتين والتالته تابته
تركبي الموجه العفيه
توصلي بره السلامه
معجبانيه وصبيه
محمد حلمي

amr abdelhamid said...

He's gone with the wind.

شاهد عيان said...

القاهرة (رويترز) - قال رئيس الوزراء المصري يوم الاحد إن الجيش سيحدد مصير عمر سليمان الذي عينه الرئيس المصري المخلوع حسني مبارك نائبا له.
واضاف شفيق أن دور سليمان سيحدده المجلس العسكري الاعلى.

وكان منصب سليمان محل شك منذ تنحي مبارك عن الرئاسة يوم الجمعة.

A&S said...

بصراحه موقف مخزي من الجيش تجاه الحكومه الحاليه بما انها تأوي أئمه فساد بينها سامح فهمي ومقبله أيدي حرو الرئيس المخلوع عائشه عبدالهادي أحمد شفيق وغيره والقائمه تطول
وعندك حق
مبارك فين والله الواحد هايموت ويعرف
وبصراحه حلقتك مع بلال فضل روعه
(اسرائيل أرمله الرئيس ) إن الثوره لم تنته بعد ومستمره
وان شاء الله نمضي في طريق النصر

العصفورية said...

نوارتنا
هو انت مش كنت بتزغردي في الفضائيات إمبارح، لحقت الوساوس القهرية تركب راسك تاني. خديلك حبتين أنافرانيل 75 مجم مرتين في اليوم وسيبينا نفرح شوية بدون وساوس، الأنافرانيل كويس ورخيص علشان الظروف الاقتصادية، لكن أنا باخد فافرين وعايش من غير وساوس أهه وفرحان. نصيحة يا نوارة منك للولاد تفتكري مش لازم دلوقتي تسيبوا التحرير وتنتظروا الخطوة القادمة من الجيش ح تكون إيه؟ أنا مش عارف أنصح بحاجة لأني مش في وسطكم وماليش حق اتفاسف عليكم لكن هو مجرد خوف علي الولاد اللي بقالهم تلات أسابيع في الشارع، انتوا حاجة غالية قوي عند كل مصري. أرشدكم الله إلي الصواب.

Nemo said...

مبارك بح يا نوارة ... كان فيه منه وخلص ... وحاليا محدش حيعرف مكانه لان مبارك عنده اعداء اقوى وايديهم طايلة عنك وعنى وعن ناس كتير موجودة ... بس الاول كان مستخبى ومحمى ومتدفى فى حضن مصر ... وكان صعب الوصول ليه ... دلوقتى بقى اسهل بكتير
بالنسبة لانه يرجع ... خلاص ... الوقعة بتاعته مافيش حد يقدر يقف منها على رجليه تانى
انا رأيى الفترة اللى جاية تركزى على النقط الايجابية لمصر الحرة .. وازاى نلحق مكانا اللى سبناه لدول اصغر مننا ... احنا ورانا مشوار طويل لازم نبتدى فيه ونطلع نجرى عشان نلحق اللى فاتنا ... واحنا اللى فاتنا كتير

kiki said...

Nawwara,

By now I can only think of you as a sister. I agree with you that evil has been neutralized. And with the existing chaos it is easier for things to be just as they were before.
What we need to do now, is not to ACT, we have said enough. you have fueled this revolution with your writings, but now is time to coordinate action. Electing a new government with 80 million passive participants will take us nowhere close to our destination.

George said...

To Nawara and all brave Egyptians: Leaving your posts on Tahrir Sq. was a big mistake...The army, sadly is not trustworthy..The regime did not fall, it's still working...Nothing really changed..yet.!

Ehab said...

totaly agree

rahrom said...

يانوارة انا قلبى هايتخلع من الخوف الثورة بيلتفوا عليها والشهدا دول هيبقوا راحو هدر كلامك كله فى محله واهو شفيق اعلن ان سليمان هيمسك منصب مهم اكيد هايرجع المخابرات والا مين هايجوع فى الفلسطينيين والكارثة ان الدستور مش هايتلغى تعديل مش ده للى كانو عايزينه من الاول علشان امتيازات الجيش واكبر غلط انكوا استعجلتوا وسيبتوا مكانكم المعتقلين زى ماهم وشادى حرب بيقول مش تبعنا وقال الحكومة تحددمدى خطورتهم ايه التهريج ده هم اللى هايحددوا برضه والناس دول اللى كانوا واقفين كانو وقتها لهم مطالب غيركم والحرس الجمهورى ده كان لازم يتحل وكمان فيه حاجات كان سهل تتعمل مش محتاجة دراسة ولا حاجة زى تشكيل مجلس للحكم ووزارة جديدة الشرفاء معروفين والكفاءات موجودة كتير والله انا مش من اى تيار بس شايفه انهم هدوا الناس وشاغلينهم بالافراح والليالى الملاح وبعدين .... ربنا يستر يارب انا نفسى حد يبدا ينبه اللى بدؤا الموضوع ومش عارفة ماتخدكوش الفرحة ارجوكم احنا روحنا اتردت لنا ومش عاوزين نموت تانى بالحياة

Hany said...

لازم يقوم مجلس حماية الثورة بارسال رساله قويه للجيش ان الوزارة الحاليه لا يرغب فيها الشهب وان تمديد عملها يعتبر عدم وفاء بالعهد اللى اخدة العسكر بان يطيع ارادة الشعب. وان يخرج بيان يعترف فيه الجيش ان اللى حصل هو ثوره وليس انتفاضة شباب وخلاص والا ستستمر الثورة. وايضاح ان مصر ترغب فى ان تصبح دوله مدنيه ليس للعسكر دور فى السياسه وان ذلك من الاهداف الرئيسيه للثورة المصريه. اعتقد ان الحاح هذا المجلس الاعلى وخاصه شفيق هذا على اخلاء المتظاهرين ولو حتى بالعنف كما رأينا اليوم هدفه اخماد او تهدئه جزوة الثورة حتى يمكن للثورة المضادة من اذناب الحكم السابق ان ينقض على الثورة وتحولها الى ثورة اخرى

hassn hamdi said...

يا ست نوارة:
الاول السلام عليكم وتحية لك ولإخوانك
وبعدين:
ما ينفعش نقعد نقول كلام في الهواء
لازم تتفقوا على وزارة مدنية مؤقتة من شخصيات عامة يحترمها الجميع.. يعني تقولوا للمجلس العسكري الاعلى: اسمع يا مجلس.. احنا اخترنا مجلس رئاسي من خمسة أعضاء الاربعة المدنيين همه فلان وفلان وانتا تختار الشخصض الرابع ومهمة المجلس ده كيت وكيت..
واسمع يا مجلس: قررنا تشكيل الوزارة الوطنية التالية: رئيس الوزراء فلان الفلاني، ووزير التعليم فلان ووزير الخارجية فلان.. الخ، وتكون كلها شخصيات عامة محترمة من الجميع..
واسمع يا مجلس: قررنا نحن شعب الثورة الغاء قانون الطواريء وعليك أن تطبق الاحكام العرفية طوال الفترة الانتقالية..
واسمع يا مجلس: احنا هنعمل استفتاء يوم كذا على الجمعية التاسيسية وشروط الترشيح لها كيت وكيت والجمعية دي هتحط الدستور الجديد وتطرحه على الشعب وتثقفه وتستفتيه عليه..
يعني الخلاصة يا ست نوارة:
عمري ما سمعت ثورة بتطالب غيرها انه ينفذ مطالبها...
ما حك جلدك مثل ظفرك فتول أنت جميع أمرك
خطوات عملية على الارض
بلاغات عملية ضد مبارك وكافة رموز النظام السابق وووزرائه وممثليه
ادعوا قضاة مصر لتشكيل مجلس اعلى للقضاء
تحركوا على الارض قبل ان تتحرك الارض من تحتكم
آه بس لو كنت معاكم

IBN BAHYA - إبــن بهيـــــــــــــة said...

لماذا لم يستخدم الجيش المصري كلمة ثورة مطلقا في كل بياناته؟

يساورني قلق عميق تجاه تجنب جميع بيانات الجيش لكلمة ثورة وإصراره على أنها مجرد مطالب شعبية ، ألم يلاحظ أحد هذا؟ أهي خدعة ؟ ربما.

ما حمله البيان الخامس من حل لمجلسي الشعب والشورى وتعطيل الدستور ليس بجديد لأن ثلاثتهم سقط بالفعل بقيام الثورة وسقوط النظام ، وربما عبارة تعديل الدستور التي جاءت في البيان تريد أن توصل رسالة خبيثة من أن ما حدث ليس ثورة وإنما مجرد حركة بغرض بعض الإصلاحات وهنا الكارثة ، لأن الثورة تسقط كل ما سبق وليس هناك معنى لتعديل شيء ساقط من الأساس. إن ما يقلق كثيراً في هذا الأمر هو عدم استخدام الجيش في جميع بياناته للفظة ثورة مطلقاً ، فقد راجعت جميع البيانات ولم أجد بها تلك الكلمة ، فهل هناك قصد في تجنب استخدام لفظ ثـــــورة بوضوح بهدف احتواء هذه الثورة المباركة والإلتفاف عليها؟؟؟!!!


وجود حكومة الحزب الوطني الحالية والمتورطة حتماً في جرائم تتعلق بالنظام القديم لفترة من الزمن سيؤدي حتماً إلى ارتكاب المزيد من الجرائم في حق الوطن مثل وأد الثورة وفرض رؤيتهم الفاسدة على الثورة وتمرير ما يرونه في مصلحة النظام الفاسد السابق ، فالنظام ليس حسني مبارك ولكن حكومته ومحافظيه ومجالسه المحلية وحزبه. إن لم يتم استبعاد تلك الأورام الخبيثة فما نجحت الثورة ولا أتت بثمارها التي نتمناها لا قدر الله. إذن لابد بشكل عاجل لا يقبل التأجيل زوال كل مظاهر النظام القديم من حزب وحكومة ومحافظين ومحليات جميعها فاسد ومزور.

ليس للثورة أية ثورة في التاريخ إلا وجهين فقط إما نجاح أو فشل.
النجاح بتحقيق كافة أهدافها ومن ثم نقل البلاد إلى عصر جديد من التقدم والرخاء والرفاهية بإذن الله.
أو الفشل بتحقيق بعض أهدافها فقط وهنا الكارثة لأنها تعود بالبلاد إلى الوراء لسنوات طويلة.

لكي تنجح الثورة المصرية المباركة لابد من تحقيق على ما يلي:

مطــالـــب ثـــوريــــة لا تقبــــــــل النقــــــــــاش:
أولاً:
تعيين مجلس حكم مدني من ثلاثة أو خمسة أفراد مشهود لهم بالكفاءة والنزاهة يكون من بينهم رجل من المجلس العسكري ، على ألا يترشح أحد منهم لمنصب رئيس الجمهورية للفترة المقبلة.

ثـانيــــــاً:
تعيين حكومة تكنوقراط وليست إئتلافية لتسيير الأعمال لمدة ستة أشهر ويشترط ألا يكون أفرادها ممن يعرفون بالنزاهة والقبول لدى جماهير الشعب ولا يتعينون في الحكومة التالية ، وعلى هذه الحكومة المؤقتة تعيين محافظين جدد ورؤساء جدد للمحليات من المستقلين فقط للفترة المؤقتة.

ثـالثـــــــاً:
حل جميع الأحزاب الحالية وإلغاء قانون إنشاء الأحزاب واستبداله بقرار أن يتم قبول الحزب المدني فور الإعلان عنه دون أية شروط غير كونه مدنياً فقط.

رابعـــــــاً:
تعيين لجنة لصياغة دستور جديد وليس ترقيع لدستور ساقط ، شريطة أن تشمل هذه اللجنة على شخصيات مستقلة وليست محل خلاف من الشعب ، يعطى لهذه اللجنة الصلاحيات في تعيين لجان قضائية منبثقة منها لصياغة قوانين الانتخاب والترشح وغربلة الكشوف الانتخابية.

خـامســـاً:
تشكيل لجنة قضائية لبحث وحل جميع المشكلات المتعلقة بالمعتقلين السياسيين والمفقودين والملاحقات القانونية للمجرمين في حق المتظاهرين في الثورة.

http://ibnbahya.blogspot.com/

IBN BAHYA - إبــن بهيـــــــــــــة said...

لماذا لم يستخدم الجيش المصري كلمة ثورة مطلقا في كل بياناته؟

يساورني قلق عميق تجاه تجنب جميع بيانات الجيش لكلمة ثورة وإصراره على أنها مجرد مطالب شعبية ، ألم يلاحظ أحد هذا؟ أهي خدعة ؟ ربما.

ما حمله البيان الخامس من حل لمجلسي الشعب والشورى وتعطيل الدستور ليس بجديد لأن ثلاثتهم سقط بالفعل بقيام الثورة وسقوط النظام ، وربما عبارة تعديل الدستور التي جاءت في البيان تريد أن توصل رسالة خبيثة من أن ما حدث ليس ثورة وإنما مجرد حركة بغرض بعض الإصلاحات وهنا الكارثة ، لأن الثورة تسقط كل ما سبق وليس هناك معنى لتعديل شيء ساقط من الأساس. إن ما يقلق كثيراً في هذا الأمر هو عدم استخدام الجيش في جميع بياناته للفظة ثورة مطلقاً ، فقد راجعت جميع البيانات ولم أجد بها تلك الكلمة ، فهل هناك قصد في تجنب استخدام لفظ ثـــــورة بوضوح بهدف احتواء هذه الثورة المباركة والإلتفاف عليها؟؟؟!!!


وجود حكومة الحزب الوطني الحالية والمتورطة حتماً في جرائم تتعلق بالنظام القديم لفترة من الزمن سيؤدي حتماً إلى ارتكاب المزيد من الجرائم في حق الوطن مثل وأد الثورة وفرض رؤيتهم الفاسدة على الثورة وتمرير ما يرونه في مصلحة النظام الفاسد السابق ، فالنظام ليس حسني مبارك ولكن حكومته ومحافظيه ومجالسه المحلية وحزبه. إن لم يتم استبعاد تلك الأورام الخبيثة فما نجحت الثورة ولا أتت بثمارها التي نتمناها لا قدر الله. إذن لابد بشكل عاجل لا يقبل التأجيل زوال كل مظاهر النظام القديم من حزب وحكومة ومحافظين ومحليات جميعها فاسد ومزور.

ليس للثورة أية ثورة في التاريخ إلا وجهين فقط إما نجاح أو فشل.
النجاح بتحقيق كافة أهدافها ومن ثم نقل البلاد إلى عصر جديد من التقدم والرخاء والرفاهية بإذن الله.
أو الفشل بتحقيق بعض أهدافها فقط وهنا الكارثة لأنها تعود بالبلاد إلى الوراء لسنوات طويلة.

لكي تنجح الثورة المصرية المباركة لابد من تحقيق على ما يلي:

مطــالـــب ثـــوريــــة لا تقبــــــــل النقــــــــــاش:
أولاً:
تعيين مجلس حكم مدني من ثلاثة أو خمسة أفراد مشهود لهم بالكفاءة والنزاهة يكون من بينهم رجل من المجلس العسكري ، على ألا يترشح أحد منهم لمنصب رئيس الجمهورية للفترة المقبلة.

ثـانيــــــاً:
تعيين حكومة تكنوقراط وليست إئتلافية لتسيير الأعمال لمدة ستة أشهر ويشترط ألا يكون أفرادها ممن يعرفون بالنزاهة والقبول لدى جماهير الشعب ولا يتعينون في الحكومة التالية ، وعلى هذه الحكومة المؤقتة تعيين محافظين جدد ورؤساء جدد للمحليات من المستقلين فقط للفترة المؤقتة.

ثـالثـــــــاً:
حل جميع الأحزاب الحالية وإلغاء قانون إنشاء الأحزاب واستبداله بقرار أن يتم قبول الحزب المدني فور الإعلان عنه دون أية شروط غير كونه مدنياً فقط.

رابعـــــــاً:
تعيين لجنة لصياغة دستور جديد وليس ترقيع لدستور ساقط ، شريطة أن تشمل هذه اللجنة على شخصيات مستقلة وليست محل خلاف من الشعب ، يعطى لهذه اللجنة الصلاحيات في تعيين لجان قضائية منبثقة منها لصياغة قوانين الانتخاب والترشح وغربلة الكشوف الانتخابية.

خـامســـاً:
تشكيل لجنة قضائية لبحث وحل جميع المشكلات المتعلقة بالمعتقلين السياسيين والمفقودين والملاحقات القانونية للمجرمين في حق المتظاهرين في الثورة.

http://ibnbahya.blogspot.com/

IBN BAHYA - إبــن بهيـــــــــــــة said...

يا نوارة
أتمنى أن تقرأي هذا التعليق الآن
لقد حاولت الاتصال على الرقم القديم لعمي أحمد ووالدي قبلك ولكنه لا يعمل منذ فترة
أنا خارج مصر ولا أعرف طريقة للاتصال بك
أرجو الإنتباه ممن يسرقون الثورة

معلومات مؤكدة من رغبة أمريكية يضغط بها على الجيش لقتل الثورة

أرجو الإنتباه قبل مؤتمر غدا

اقرأي مدونتي فورا وتمسكوا بمطالب الثورة وأهمها اعتراف الجيش بأنها ثورة
تحياتي

IBN BAHYA - إبــن بهيـــــــــــــة said...

السلام عليكم
أعتذر أخي أو أختي الكريمة ربما أضفت مشاركة بالخطأ .. كنت أقصد نوارة نجم

عذرا

بهيج الشرير said...

والنبي ياأبلتي أنا عايز من كل قلبي أشكر شباب مصرالمتحضر والأبطال اللي رفعوا راسنا في الغربة وأجبرالعالم كله على إحترام شعب عظيم كان الكل يعتقد أنه إنتهى؛ أتمنى في زيارتي الجاية لمصر أحضنكم كلكم، وبرضه تحية كبيرة لشعب تونس العظيم ملهم ثورات العرب وإن شاء الله بلد المليون شهيد تنضم للمسيرة ونوعدكم مش هانجيب دوسة بنت الحاج عبالحميد صديقة أبو لباس

AhmeD 3llaM said...

ماصدقناوفتحنا الدمل بدبوس
ومكان الدمل لازم يطهر
بمعني ان الجيش ملوش في السياسيه ومش عايزين نقلب عليه متخلونيش اعيط انا مصدقت هديت وبسمع حلوه بلادي السمرا مش عايزه حمرا وحياة ابوكم
لازم لازم نشتغل قانوني وكله يقدم بلاغات
دا الي عنده حاجه طبعا
وادي التلفزيون المصريي اشتغل بدون رقابه ولو مؤقتا وعندنا قنوات مستقله محترمه وجرائد ومجلات حتي ولاد الوسخه بتوع الجمهوريه والاهرام وغيرهم
مصر مش هترجع تاني
بأذن الله

سكوت هنصوت said...

نوارة في وقفة يوم التلات الساعة 2 الضهر عند دار القضاء العالي للمطالبة بالإفراج عن جميع المعتقلين السياسين...

سكوت هنصوت said...

نوارة في وقفة يوم التلات الساعة 2 الضهر عند دار القضاء العالي للمطالبة بالإفراج عن جميع المعتقلين السياسين...

بهيج الشرير said...

لأ ياأبلتي أسمه اللبو المخلوع (ملك الفياجرا وقاهر الهكسوس سابقا) ورجاءا شوفي صورته على صفحة تويتر بتاعتي

Ahmed said...

الاعتصامات السخيفة اللى في كل حتة في مصر دي ركوب على ظهر الثورة.
يعني خلاص حبكت يا أهل مصر؟
بنتكلم في دستور جديد ورئيس جديد وحكومة جديدة وبرلمان جديد وطريقة حياة جديدة ودول لسة بيتحركوا بأدمغة نظام مُبارك وفين العلاوة ياريس...وطبعاً البوليس لازم يشارك وللأسف كلهم عندي سواء لأنهم بيعطلوا أحلام الشعب والثورة من أجل مصالح شخصية ضيقة ومحدودة.
ياناس اتقوا الله واللى صبركم 30 سنة يصبركم كام شهر كمان ... عيب
يانوارة اكتبي للناس اللى عندك وقوليلهم عيب بلاش مُتاجرة بالثورة وبلاش استغلال لدم الشهداء ومترخصوناش وتخسفوا بمجهودنا الأرض.
عيب

yasser said...

http://masrey-mafko3.blogspot.com/2011/02/blog-post_5062.html شوف ده يمكن يضيف

eslam said...

بنسبه كبيره جدا مبارك في شرم ومطلعش بره والي خلي الجيش يصبر عليه الفتره الي فاتت دي كلها انه من نفس المؤسسه العسكريه والاكيد انهم هيحموه لحد ما يموت وانا شخصيا مش عايز من مبارك اكتر من الي عمله يبعد عننا ويفضل بعيد عننا واكيد هيفضل بعيد ولما ربنا يفتكره يتعمله جنازه عسكريه ونمشي فيها كمان انا مش عايز اقول ان عندي مصادر واعرف كواليس والكلام ده بس الكل عارف ان سوزان وجمال هما الي ودوا مبارك والبلد في ستين داهيه وكانوا خافيين الي بيحصل عنه وانا عندي جمال وشله الحراميه بتاعته هما الي يتحاسبوا ونسيب مبارك يعيش الي فاضله في مصر وبلاش نصدق الكلب البلدي حبيب العادلي في اي حاجه لان الي اعرفه ان مبارك طلع دين امه في اخر مكالمه بينهم وطنطاوي لما كلمه برده قاله احنا هننزل نساعدكم واكتفوا انتوا بحمايه المؤسسات وخلافها وبلاش تحتكوا بالناس والكلب البلدي قاله لاء شيلوها انتوا كلها رد طنطاوي وقاله وحياه امك لاحاكمك وحيات امك لاحاكمك والكلب البلدي بعد كده طلع امر بالانسحاب وقطع الشفره ده الي عرفته والله اعلي واعلم بس انا عايز اعرف ايه الطريقه الي ممكن نظام مبارك يرجع بيه بعد التحفظ علي جزء كبيره من رموزه انتي شخصيا يا نواره متصوره ايه
عمر سليمان زي ما السادات قال علي موشي دايان بعد حرب اكتوبر انتهي دورك للابد يا دايان عمر سليمان كذلك انتهي دوره للابد ولا هو ولا اسرائيل ولا امريكا ولا الشعب غبي علشان يسمحله ينط علينا
احمد شفيق انا لا ضده ولا معاه اما بقا صفوت الشريف فده اكتر واحد نفسي اشوفه بيتفشخ وانا مفيش اي حاجه تمنعني ان لو شوفته في الشارع اتوف علي وشه والحرس الجمهوري الي اعرفه انه مش بيحمي مبارك بيحمي الشرعيه ووجوده مع مبارك متوقع انه لفتره وبصوره غير رسميه والي عايزه من النائب العالم ان يبقا اسرع من كده انا عايز اسمع بكره حكم باعدام عز والمغربي وجرانه والكلب العادلي وابو العنيين وكل الحراميه دول عايز اسمع ان فلوسنا الي اتسرقت دخلت خزانه الدوله وبتمني اننا نطلع بقا من الشارع وبلاش نبقا وسله ضغط علي الجيش ونسيبه يشتغل علي القرارات الي خدها واعلنها في بياناته

nour1971 said...

علي فكره كلام ٧ مظبوط و الدليل علي كده ان يوم الجمعه حا تقوم مظاهره مضاده للمليونيه و مؤيده لحسني مبارك من عند جامع مصطفي محمود انا ليه لقياها علي الفيس بوك ناس منظمنها و كلهم حا يلبسوا اسود حداد علي رحيل حسني مبارك مين بقي الي مظبطهم دول انا عايزه اعرف

mutargim said...

كُلُّهُمُ أروَغُ مِنْ ثَعْلَبٍ،
ما أشبهَ اللّيْلَةَ بالبارحَهْ

Mohamed said...

يسلم لسانك وعقلك ويحميك ربنا

خمسة فضفضة said...

معاكي في كل المخاوف يا نواره

اهم حاجه عندي دلوقتي الافراج عن المعتقلين فورا وتفكيك جهاز امن الدوله وتطهير جهاز الشرطه ومحاسبة المقصرين والسفاحين اللي فيه

وتكوين حكومه جديده غير بتاع عمو شفيق دي اللي اكيد قاعدين دلوقتي بيخفوا ادلة كل اللي عملوه من سنين عشان ماحدش يعرف يحاسبهم وممكن يصعدوا ناس من توابعهم عشان يضمنوا ولائهم الكامل
عمو شفيق بيتكلم اكنه قاعد طول العمر مش المفروض انه حكومه مؤقته وتصريف اعمال ؟؟

وكل دي طلبات مش هاتاخد منهم نص يوم عشان يعملوها يبقي ليه مستنين وبيسوفوا ؟؟


شوفي اللينك ده http://www.moheet.com/show_news.aspx?nid=447817&pg=2

خمسة فضفضة said...

وايه وضع الكلام اللي بيتناقل انهارده عن ان سليمان ممكن يكون له دور في المرحله المقبله وانه هايبقي ماسك منصب مهم ؟؟

ممكن حد يفهمني ؟؟

ibrahimgomah said...

لو ممكن ودا ممكن دلوقتى النائب العام يقدم كل من سولت له نفسه الآثمة بأن يقتل أو تمتد يده للمتظاهرين الطهار الأخيار من رب العالمين بان جعلهم جنداً لنا لتحرير البلاد والعباد من ظلم واستعباد النظام الغابر ونطلب من رجال الشرطة الشرفاء بأن يدلى كل منهم بدلوه فى هذا الموضوع ويتقدم بما يعرفه عن هذا الملف الأسود ويرشد عن القتلة والسفاحين والجلادين وأهيب بالمحامين الشرفاء بأن يتقدموا بدعوة للنائب العام بدعوة السب والقذف من القذر طباخ الريس على ما سولت له نفسه الأثمة للتجرأ على أطهر من اختارهم الله عنا وكل من آذاهم على شاشات الفضائيات وأن يتقدموا هالمحامين بدعوة مستعجلة ورصد هؤلاء الخونة فى سلة واحدة

sma said...

انتى حاتقلقينى ليه يا نور انا مصدقت ارتاحت يا بنتى
يعنى حانعمل ايه
نجهز نفسنا للتحرير تانى ولا شو

mahmoud said...

ست لكل مصر النهارده بتخطي عتبة ليوم جديد يا رب بارك يا رب خلي يا رب زيد
اظن عارفه مين اللي قال الكلام ده من زمان
عموما انا بس حابيت اسئلك عن موقف احمد فتحي سرور ليه محدش جاب اسمة في اي حاجة لحد دلوقتي تفتكري عشان ده لو اتلمس ها يفضح بلاوي كتير ولا ايه السبب
برضه مش عاوزينة يفلت عشان ده من الحرس القديم اللي لو اتكلم ها يجر حرامية كتير وفضائح اكتر وراه
تحياتي

mahmoud said...

ست لكل ,,, مصر النهارده بتخطي عتبة ليوم جديد يا رب بارك يا رب خلي يا رب زيد
اظن عارفه مين اللي قال الكلام ده من زمان
عموما انا بس حابيت اسئلك عن موقف احمد فتحي سرور ليه محدش جاب اسمة في اي حاجة لحد دلوقتي تفتكري عشان ده لو اتلمس ها يفضح بلاوي كتير ولا ايه السبب
برضه مش عاوزينة يفلت عشان ده من الحرس القديم اللي لو اتكلم ها يجر حرامية كتير وفضائح اكتر وراه
تحياتي

مهندس مصري said...

اىنا عندي كل المخاوف بتاعتك دي
و اكتر حاجة مخوفاني هي عدم إلغاء الطوارئ و عدم الإفراج عن المعتقلين السياسيين
إنتي عارفة ان حوالي 65% من المساجين في مصر هما معتقلين بقانون الطوارئ او متحاكمين بمحاكم طوارئ و محاكم عسكرية و غيرها من المحاكم الإستثنائية
يعني حمل كبير قوي على مصلحة السجون
طيب ما يريحوا نفسهم و يريحونا و يفرجوا عنهم

أنا مش مستريح
و يا خوفي يا بدران لأحسن الجيش يكون بيدبر لنا مصيبة
خصوصاً كلام أحمد سعيد عن فساد بعض قيادات الجيش مقلقني جداً
و صعب نتوقع الإصلاح من الفاسد

heba said...

أحمد وإسلام كلامكم مظبوط جدا جدا موافقاكم 100% بس عيب على الريس يا إسلام ما يشوفش المحطات الإخبارية زي الجزيرة ويتابع حركات كفاية و6إبريل يعني دا يبقى ريس إزاي ؟ أنا برضو ما باقدرش أقتنع بالكلام دا .. و هو سنه وظروفه الصحية برضو كان لازم يخلوه يتنحى منذ ست سنوات خلت

howaida shahin said...

need to talk to you. email: howaidashahin@gmx.de

howaida shahin said...

people suspect that many Egyptian artifacts have been stolen. Would you be able to shed light on this issue, especially in connection with Ex Minister of culture. Not sure if Mr Zahi Hawas's apparatus can control the Outflow of Egypt's artifacts. thanks. Howaida Shahin

ضحياء حرب ليبيا و تشاد said...

الله ينصركم يا شعب مصر الله يسدد خطاكم يا شباب مصر حركتو النخوه في الشباب العربي و جعلتو يعيد تقته بنفسه امام طواغيت العرب الله يبارك فيك يا نور و الحدر الحدر

مواطن ليبي في امريكا

ضحياء حرب ليبيا و تشاد said...

نواره يا نور النصر
يا من قاد مصر لنصر
يا من كتبتو اصطورة العصر
بجهادكم مصر عبرة الجسر
يا من قاد ثورة العصر
نواره تصرخ يصقط الضلم و تحيا مصر
تحيا مصر تحياء مصر

المهم انا اتمنا ان تكونو يقضين و تضغطو على الجيش ليقوم بتغييرات سريعه و محاكمة كل الضلمه و السراق
ثم يا ريت تقومو بكتابت كتاب صغير عن كيفية تنضيم المضاهراة بكل تفاصيلها حيت انه هناك شعوب عربيه تتطلع الى المطالبه بالحريه ولكن عمرهم ما خشو في مضاهراة متل شعب مصر و ليبيا و المغرب

كلام على بلاطة said...

الامر فى ايد امينة
فى ايد القوات المسلحة
اطمئنى

كلام على بلاطة said...

الامر فى ايد امينة
فى ايد القوات المسلحة
اطمئنى

أخيرا مصرية وأفتخر said...

السلام عليكم تحياتي ليكي ولكل مصريمحترم مابيسرقش ولابيرتشي ولابيقتل ابن بلدة عشان الكبير بتاعة امرة بكدةانا ذيك خايفة من الغموض دة وخاصة لان دوول عصابة كبيرة مدربة تدريب ممتاز فلازم نفضل في الميدان لازم مانسكوتش زمن السكوت خلاص ثم خلع الرئيس مش شئ سهل فلازم نحافظ على اللي عملناة بعدم السكوت على حقنا في كل شئ في طهرة البلد من الفاسدين و............ يااما هنرجع لنقطة البداية بدل ماكنا مسعبدين من مبارك لأ زبانيته هم اللي هايستعبدونا ودوول كتير

Mohamed said...

يا جماعة نصبر بس شوية على الجيش دة لسة معداش اسبوع ، والحمد لله كل يوم فيه قرارات جادة بتتاخد ، اللي خلانا نصبر 30 سنة مش قادرين نصبر كام اسبوع لما الحقائق تتكشف ، تفاءلوا انشاء الله خير ، والمهم بس كل واحد فينا ماينتظرش التغيير يجي لحد عنده وهو قاعد مستني ، احنا اللي هانعمل التغيير بعد كده وهنكمل اللي الشباب ده عملوا

Mohamed said...

يا جماعة نصبر بس شوية على الجيش دة لسة معداش اسبوع ، والحمد لله كل يوم فيه قرارات جادة بتتاخد ، اللي خلانا نصبر 30 سنة مش قادرين نصبر كام اسبوع لما الحقائق تتكشف ، تفاءلوا انشاء الله خير ، والمهم بس كل واحد فينا ماينتظرش التغيير يجي لحد عنده وهو قاعد مستني ، احنا اللي هانعمل التغيير بعد كده وهنكمل اللي الشباب ده عملوا

Mohamed said...

يا جماعة نصبر بس شوية على الجيش دة لسة معداش اسبوع ، والحمد لله كل يوم فيه قرارات جادة بتتاخد ، اللي خلانا نصبر 30 سنة مش قادرين نصبر كام اسبوع لما الحقائق تتكشف ، تفاءلوا انشاء الله خير ، والمهم بس كل واحد فينا ماينتظرش التغيير يجي لحد عنده وهو قاعد مستني ، احنا اللي هانعمل التغيير بعد كده وهنكمل اللي الشباب ده عملوا

Mohamed said...

يا جماعة نصبر بس شوية على الجيش دة لسة معداش اسبوع ، والحمد لله كل يوم فيه قرارات جادة بتتاخد ، اللي خلانا نصبر 30 سنة مش قادرين نصبر كام اسبوع لما الحقائق تتكشف ، تفاءلوا انشاء الله خير ، والمهم بس كل واحد فينا ماينتظرش التغيير يجي لحد عنده وهو قاعد مستني ، احنا اللي هانعمل التغيير بعد كده وهنكمل اللي الشباب ده عملوا

Mohamed said...

يا جماعة نصبر بس شوية على الجيش دة لسة معداش اسبوع ، والحمد لله كل يوم فيه قرارات جادة بتتاخد ، اللي خلانا نصبر 30 سنة مش قادرين نصبر كام اسبوع لما الحقائق تتكشف ، تفاءلوا انشاء الله خير ، والمهم بس كل واحد فينا ماينتظرش التغيير يجي لحد عنده وهو قاعد مستني ، احنا اللي هانعمل التغيير بعد كده وهنكمل اللي الشباب ده عملوا

Mohamed said...

يا جماعة نصبر بس شوية على الجيش دة لسة معداش اسبوع ، والحمد لله كل يوم فيه قرارات جادة بتتاخد ، اللي خلانا نصبر 30 سنة مش قادرين نصبر كام اسبوع لما الحقائق تتكشف ، تفاءلوا انشاء الله خير ، والمهم بس كل واحد فينا ماينتظرش التغيير يجي لحد عنده وهو قاعد مستني ، احنا اللي هانعمل التغيير بعد كده وهنكمل اللي الشباب ده عملوا

omran said...

طب و معرفتيش توصلى لحد من شباب 25 يناير ؟؟!! هم يكلموا الجيش فى كل ده

محمد ابو ربيع said...

انا مختلف معاكي لعده اسباب
1- اذا فرضنا ان الميكروب معدي وخطير وثبت طغيانه فالمؤكد ان الجميع واولهم المؤسسه العسكريه سيهرب منه سواء موجود علي الساحه او مختفي
2- المؤسسه العسكريه ( مش فاضيه للحكم ) ولا فاضيه لتجديد دماء نظام قديم وضخ الدماء في عروقه المؤسسه العسكريه اطمانت لحب الشعب وهذا اكثر ما تتمناه وسيسعدها ان تكون مؤسسه لها استقلاليتها ونفوذها الدئم عند اللزوم وبالالي ستدفع في اتجاه ديموقراطي يضمن لها الامان الداخلي والتوافق ويعطيها دفعه عسكريه معنويه مع الاعداء ( الاستراتيجيون )-
3- الخطوات المتخذه حتي لو بالترتيب المتاخر تدفع في اتجاه تغير محسوب ومدروس ومنطقي
4- اعتقد ان تخوفاتك اقرب لان تكون ضمن اعراض هواجس الفترات الانتقاليه بين الديكتاتوريه القمعيه والديموقراطيه الناشئه

Mohammed Barakat said...

مقال متشائم اوي لا عودة للوراء في الوقت اللي احنا فيه علي العكس كل يوم فيه تطور كل القضايا المهمة امام النائب العام و انتي لو عندك اتهام بدليل متتأخريش و قدمي بلاغ موافقك ان وزارة شفيق فاشلة و عاوزين نغيرها في اسرع وقت

howaida shahin said...

لسه فهمى هويدى بيقول نفس الكلام مع عمر الليثي: مالذى يحدث الان فى قصر الرئاسة؟ هل يرتبوا اوراق ام يخفوا معالم؟ ولماذا إستخدمت غرف المتحف لتعذيب الناس؟ واين الشباب المختفين = المعتقلين؟
لماذا تبقى بقاياالنظام؟ سؤال الهويدى ل الليثي : "هل الحكومة دى حكومة الثورة؟"
لماذا لاترفع الطوارء؟ وإيه حكاية العفاريت إياها = حزب الله وإلخ من التهديدات.

سويتي said...

ال فاهم حاجه يفهمني احنا بيضحك علينا ولا ايييييييييييه ؟ هما العادلي وعز وجرانه والمغربي هما بس الفاسدين ال في البلد في حاجه غريبه بتحصل وناس بتسافر لندن وبريطانيا وترجع وناس بتروح شرم الشيخ وترجع بقرارات وناس ماتجمدتش ارصدتهم في بنوك فرنسا وبريطانيا وواشنطن والحكومه مازالت هيا هيا مفيش جديد - في ناس كتير اوي غايبه عن الصوره تفتكروا بيحضرولنا ايه؟ انا مش مطمنه ربنا يستر