Monday, 21 February 2011

امال احنا عملنا ثورة ليه؟ نازلين بكرة ان شاء الله

تحديث:
اه صحيح... هم الامريكان والانجليز جايين يعملوا ايه؟ واحنا عملنا ثورة ليه لما هم مخبيين علينا؟ احنا مش عملنا ثورة عشان نعرف كل حاجة عن بلدنا؟
كمان قافلة تونس دخلت الحدود الليبية وفيه قوات ليبية بتهددها بالقصف وهم مستمرين
تحيا تونس، لسه تونس سابقة بجون، انا نازلة بكرة ان شالله لوحدي، لازم ننزل بكرة باعداد كبيرة تضامنا مع ليبيا ونقيل شفيق عشان نجيب جون مزدوج
----
1- حرس الحدود المصري منع قافلة مساعدات رايحة لليبيا
2- السفارة المصري منفضة للمصريين، ويقال ان فيه 8 مصريين ماتوا، مع ان تونس بعتت طيارات لاجلاء رعاياها من ليبيا بعد تهديد سيخ الاسلاك محمر القذافي للمصريين والتوانسة والفلسطينيين (ما تفهمش ايه دخل الفلسطينيين في النص، بس اهو ربنا ما يقطع لحكام العرب عادة) 
3- حكومة شفيق زي الطين، والناس النضيفة اللي انضمت للوزارة غير الشرعية لطخت نفسها ما نضفتش الوزارة
4- امن الدولة نفى الخبر اللي المجلس الاعلى قاله لبلال بفصل رئيس امن الدولة
5- المجلس الاعلى للقوات المسلحة نفى خبر ان مبارك قدم اقرار ذمة مالية
امال احنا عملنا ثورة ليه؟
عملنا ثورة ليه؟ عشان نفضل واخدين على قفانا جوة وكرامتنا متهانة برة؟ 
احنا نازلين بكرة يوم الثلاثاء ان شاء الله، مطالبين باقالة شفيق، وتطهير جيوب الفساد في مؤسسات الدولة، وداعمين لثورة الشعب الليبي
وحناخد معانا ان شاء الله اعلام ليبيا... علم الثورة، مش علم القذافي

41 comments:

Khld Hasan said...

حاجة تضايق فعلا
هما فاكرينا ايه بس
عيال صغيرة
مش داريين باللي حوالينا

موضوع تغيير الحكومة بالكامل هو البداية الصحيحة

مش الترقيع اللي بيعملوه

دحنا محتاجين نعمل ثورة تانية علشان يفهموا
الظاهر ان النظام القديم كله مش بيفهم من أول مرة

محمد صبرى said...

فيه استهبال مش هيكسره غير الملايين

Ayman said...

ننزل كلنا عشان نأكد مطالبنا ونقول للعالم أن ماحدش ممكن يضحك علينا ويبلفنا بحركات قرعة..ننزل كلنا..أنا نازل

rania said...

يانواره لمي الدور شويه ابوس ايدك هما ميقدروش يعملوا حاجه استني لما انتخابات تحصل كلها ست شهور محدش في مصر دلوقتي هيتعاطف مع المظاهرات استنوا سبب قوي لكن مش مطلوب دلوقتي من شفيق شيء المطلوب من الرئيس اللي جاي

Mohamed said...

Agree ... Will be there ISA .... Please specify the time

dolly said...

و اخرتها يا نوارة؟ و اخرتها ؟ شفيق لازق فيها و الناس اللي كنا فاكرينهم محترمين اول ما بيشاورولهم بكرسي الوزارة بتبيع مبادئ الثورة و تجري و توافق ؟ انا مش عارفة ؟ هو خلصنا من مبارك طلع لنا الف مبارك؟ الله المستعان على الناس دي بقا و ربنا يوحد صفنا ان شاء الله
اه , قولي لعم احمد باباكي اني زعلانةمنه لانه بيقول على مبارك يرجع الفلوس و بلاش نحاكمه و نهينه , ينفع كدة يا نوارة؟ قال الكلام ده مع معتز الدمرداش , اتصرفي معاه انتي بقا :) و متغيبيش علينا ببوستات

Mohamed said...

هنكون هناك ان شاء الله .... الساعه كام

ابو اجنده said...

وكالة انباء الشرق الاوسط هى الى نشرت خبر ان مبارك قدم اقرار الذمه الماليه
طيب لازم يبقى فى حد نحاسبه
ولا هى وكاله من غير بواب

أروى أحمد said...

بصوا بصوا رجالة اسكندرية بكرة هيقولوا إية:
لالالالالالالالالالالالالازم تتنشر
بأسرع وقت

قوم يا مصري يالا قول
مين بكرة إللي عليه الدور

قوم يا مصري يالا قول
الدور على صفوت وسرور

قول لمبارك يا طيار
جبت منين 70مليار

قول لصفوت الشريف
عمرك يوم ما كنت شريف

قول لفتحي بيه سرور
بكرة هيجي عليك الدور

قول يا شهاب ويا هاني هلال
حصلوا عز وصاحبه جمال

يا زكريا عزمي بيه
لسه قاعد فيها ليه

قول لعز يا طبال
جبت منين 60 مليار

قول لبطرس غالي بيه
هيه تكية والا إيه

قول لمحمد أبو العينين
جبت فلوسك دي منين

قول لأحمد بيه نظيف
عمرك يوم ما كنت نضيف

قول لوزارة البترول
سامح فهمي لازم يغور

إللي يبيع الغاز بجد
بكرة يبيع النيل والسد

بعتوا الغاز لإسرائيل
بكرة تبيعوا نهر النيل

هما باعوا الغاز ببلاش
وإحنا دوخنا المعاش

غاز بلدنا لينا لينا
مش لدولة بتعادينا

قول للي بنا الجدار
وعلى إخواتنا فتح النار

ياإللي بنيت السور والحيط
مش عايزينك يا أبو الغيط

قول لعيشه عبد الهادي
الخدامة مش بنت بلادي

مش عايزين إللي بيتهان
ويبوس إيد الست سوزان

قول لحبيب العدلي وسيده
بكرة الشعب هيقطع إيده

ولا حبيبي ولا عدلي
إللي يموت ناسي وأهلي

ولا عدلي ولا حبيب
إللي يأمر بالتعذيب

إللي يعذب أهله وناسه
يبقى عميل من ساسه لراسه

قول لانس الفقي كمان
ليه خليت إعلامنا جبان

ليه خليت إعلامنا رخيص
يسمع كلمة كل خسيس

مين النصاب والمحتال
هوا علي الدين هلال

مين النصاب والمحتال
أحمد عز وسيده جمال

مين النصاب والمحتال
سرايا وعبد الله كمال

مين إللي ع الكتف نط
مكرم بيه وممتاز القط

قول للحزب الوطني الواطي
عمرك ما كنت ديمقراطي

قول لأمن الدولة طالق
مش هتحكمنا الطوارئ

قول لأمن الدولة حرام
مش هنخلي عيونكوا تنام

قول لأمن الدولة ونادي
يا إحنا يا هما في الدنيادي

قول لأمن الدولة ونادي
حقنا راح فين يا بلادي

قولها لأمن الدولة قوية
مش هنسبكوا يا بلطجية

قولها لأمن الدولة قوية
بعد اليوم مفيش عبودية

بالتالاتة طالق طالق
أمن الدولة والطوارئ

قوم وقول يا بنوك سويسرا
اتسرقنا وفين فلوسنا

قول يا مصر ي ويا مصرية
مش هنسيب كل الحرامية

هية دي هتافات الإسكندرية بكرة
وهية دي الهتافات إللي لازم الكل يقولها بكرة كل المصريين؛ لأن مطالبنا فيها.

انشريها يا نوارة وياريت تعمليها بوست مستقل قبل بكرة.

انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة

Ghada Gad said...

الله ينور، زي ما تكون الثورة احتجاجات عابرة; والنظام القائم يستجيب للاحتجاجات بالاصصلاح من شأنه.
خطة افساد شرعية الثورة تزداد قوة يوميا.

Ghada Gad said...

الله ينور، زي ما تكون الثورة احتجاجات عابرة; والنظام القائم يستجيب للاحتجاجات بالاصصلاح من شأنه
خطة افساد شرعية الثورة تزداد قوة يوميا

شمس الليل said...

انا بصراحة متغاظة ومش هطلع ع التحرير هطلع ع وزارة الخارجية عددددل

أروى أحمد said...

يالا نساعد بعض: أيووووووووووووووووه
عندنا في الإسكندرية عيال جدعان ما جبتهمش ولادة.

اكتبي بس أسماء الحرامية ولاد الحرامية بتوع النظام السابق، وإحنا هنعملك ليهم هتافات تجرسهم وتركبهم ع الحمار مقلوبين
خالي بالك كلهم كلهم صاحفيين ومنافقين ورجال أعمال حرامية كل إللي تعرفيه
هنكتبلك نوعية من دي:


بصوا بصوا رجالة اسكندرية بكرة هيقولوا إية:
لالالالالالالالالالالالالازم تتنشر
بأسرع وقت

قوم يا مصري يالا قول
مين بكرة إللي عليه الدور

قوم يا مصري يالا قول
الدور على صفوت وسرور

قول لمبارك يا طيار
جبت منين 70مليار

قول لصفوت الشريف
عمرك يوم ما كنت شريف

قول لفتحي بيه سرور
بكرة هيجي عليك الدور

قول يا شهاب ويا هاني هلال
حصلوا عز وصاحبه جمال

يا زكريا عزمي بيه
لسه قاعد فيها ليه

قول لعز يا طبال
جبت منين 60 مليار

قول لبطرس غالي بيه
هيه تكية والا إيه

قول لمحمد أبو العينين
جبت فلوسك دي منين

قول لأحمد بيه نظيف
عمرك يوم ما كنت نضيف

قول لوزارة البترول
سامح فهمي لازم يغور

إللي يبيع الغاز بجد
بكرة يبيع النيل والسد

بعتوا الغاز لإسرائيل
بكرة تبيعوا نهر النيل

هما باعوا الغاز ببلاش
وإحنا دوخنا المعاش

غاز بلدنا لينا لينا
مش لدولة بتعادينا

قول للي بنا الجدار
وعلى إخواتنا فتح النار

ياإللي بنيت السور والحيط
مش عايزينك يا أبو الغيط

قول لعيشه عبد الهادي
الخدامة مش بنت بلادي

مش عايزين إللي بيتهان
ويبوس إيد الست سوزان

قول لحبيب العدلي وسيده
بكرة الشعب هيقطع إيده

ولا حبيبي ولا عدلي
إللي يموت ناسي وأهلي

ولا عدلي ولا حبيب
إللي يأمر بالتعذيب

إللي يعذب أهله وناسه
يبقى عميل من ساسه لراسه

قول لانس الفقي كمان
ليه خليت إعلامنا جبان

ليه خليت إعلامنا رخيص
يسمع كلمة كل خسيس

مين النصاب والمحتال
هوا علي الدين هلال

مين النصاب والمحتال
أحمد عز وسيده جمال

مين النصاب والمحتال
سرايا وعبد الله كمال

مين إللي ع الكتف نط
مكرم بيه وممتاز القط

قول للحزب الوطني الواطي
عمرك ما كنت ديمقراطي

قول لأمن الدولة طالق
مش هتحكمنا الطوارئ

قول لأمن الدولة حرام
مش هنخلي عيونكوا تنام

قول لأمن الدولة ونادي
يا إحنا يا هما في الدنيادي

قول لأمن الدولة ونادي
حقنا راح فين يا بلادي

قولها لأمن الدولة قوية
مش هنسبكوا يا بلطجية

قولها لأمن الدولة قوية
بعد اليوم مفيش عبودية

بالتالاتة طالق طالق
أمن الدولة والطوارئ

قوم وقول يا بنوك سويسرا
اتسرقنا وفين فلوسنا

قول يا مصر ي ويا مصرية
مش هنسيب كل الحرامية

هية دي هتافات الإسكندرية بكرة
وهية دي الهتافات إللي لازم الكل يقولها بكرة كل المصريين؛ لأن مطالبنا فيها.

انشريها يا نوارة وياريت تعمليها بوست مستقل قبل بكرة.

انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة
انشريها يا نوارة

منة الله said...

طب الجمعة ماله يا جدعان

KB said...

واضح انك ما بتقريش التعليقات اللي بنكتبها ..عادي

e said...

ﺍﻟﺘﻠﻔﺰﻳﻮﻥ ﻋﺎﻳﺰ ﻳﺘﻈﺒﻂ ﻳﺎ ﺟﺪﻋﺎﻥ ﻋﻠﺸﺎﻥ ﺩﻭﻝ ﺑﻳﻠﻌﺒﻮﺍ ﻓﻲ ﺩﻣﺎﻍ ﺍﻟﻨﺎﺱ ﻟﻴﻞ ﻭﻧﻬﺎﺭ ﺍﻟﺘﻠﻔﺰﻳﻮﻥ ﻋﺎﻳﺰ ﻳﺘﻈﺒﻂ ﻳﺎ ﺟﺪﻋﺎﻥ

أبو هاجر said...

ست الكل يسعد يومك
كما أخبرتك قبل قليل على الفيسبوك لقد وصلني بيان على الايميل ليحيى القزاز يطالب فيه بنفس مطالبكم وكان مرفقا بمعلومات تفصيلية ودقيقة وموثقة عن أحمد شفيق وأنا لم أستغربها لأنه عندنا أكثر منها
لكن ما أثار انتباهي ليس الفساد و النهب و التدليس وتضليل العدالة
إنما القضايا الأخلاقية التي تحدث عنها الدكتور القزاز و إذا لا ترين أي مانع أحولها إلى المدونة لتعميم
" الفائدة"
وأجري على

سحابة said...

معاكي يانوارة معاكي قلبا وقالبا
بكرة بإذن الله في الميدان وربنا يتمم النصر لمصر
يارب

سحابة said...

معاكي يا نوارة
معاكي قلبًا وقالبا
بإذن الله موجودين بكرة
ربنا ينصرنا يارب ونطهر بلدنا من كل الفساد

somia said...

انا مش عارفه ايه سر احمد شفيقوا ده هو فيه ايه هو لحق يحب كرسي الوزاره ويلزق فيه الحقونا احنا بتسرق

mohammedheaba said...

ائتلاف الثورة مش مشارك بكرة واكيد شباب الاخوان معاهم مين هينظم المظاهرة؟ من غير تنظيم جيد ممكن تقلب بكارثة لو العدد كان فعلا كبير ويحصل قلق مع الجيش وبكدة نساعد الثورة المضادة مييين اللى هينظم؟

تيييـــــــــــت said...

يا نوارة جمدوا أرصدة مبارك
اصبروا شوية
الشىء لما بيزيد عن حده بينقلب ضده

أنا شايفة ان طلباتنا بتتنفذ
كفاية يوم الجمعة علشان محدش يتهمنا إن إحنا بنوقف البلد لما نقف فى وسط الأسبوع

مش فاهمه said...

اهم الوزارات اللى زى الداخلبه و الخارجيه و العدل زى ماهم حاجه قرف بس بلاش موضوع سفاره ليبيا لما نخلص من اللى احنا فيه الأول حانقدر نخلص ليبيا من اللى هى فيه لكن طول ما احنا موحولين الوحله دى نساعد غيرنا ازاى بس

algarran said...

يا نوارة .. ما تحقق من مطالب كان تحت ضغط الشباب وهما في ميدان التحرير ولا تنتظري شيء تاني طول ما الميدان فاضي .. نفس العقلية هيا هيا ونفس العنجهية في التعامل وفي الكلام هيا هيا .. مفيش جديد.. بالأمس حكي لي صديق انه رأي موقفا أمام أحد مراكز الشرطة سيارة الترحيلات جايبة شاب الله اهلم ايه تهمته ، ونازل من العربية شايله اربعة ومتكسر .. امه واخوه واقفين ومجرد ما شافته المسكينة صرخت . ايه رد فعل البيه الظابط ؟؟ شخط فيها وقال لها علي صوتك كمان اصلي مش سامع .. على صوتك كمان وكمان .. هيا دي نتائج الثورة ,..صحيح نسيت ان مفيش حد حتى الآن اتحاسب على الجرائم اللى حصلت على ايد الداخلية اللهم الا الكبش اللى اتاخد فدوة اللى اسمه العادلي .. وحتى دا كمان الله يعلم حتكون عقوبته ايه .. أعتقد انها حتكون براءة مع الرأفة ومتستبعديهاش!! يبقي ايه تاني كسبناه ؟؟ المثلثق الخطر هو شفيق - طنطاوي - سليمان .. مثلث الحكم الحالي ويدار من شرم الشيخ .. مين بقى في شرم الله اعلم ..

kiki said...

Ezayik ya Nawwara

Tab3an enti 3arfa enni maznou2 hena fe Norway, ya3ny mafeesh fe eedy keteer.

Bass enn mafeesh 7ad yet7arrak 3alashan Libya, wel masreyeen elly feeha di mahzala, we shaklaha keda fe3lan en Mubarak lazal el ra2ees, laken bey2addy agaza sa3eeda yeshouf 7aga gedeeda mofeeda (leeh howa tab3an, e7na malnash lazma)

Laken 7asses en el strategy beta3etna lazem tetghayyar

el tagammo3 wel e3tessam mosh kefaya... el 5 million dol ye2daro yebno haram law 3awzeen.
E7na 3awzeen nebny mosh nehedd.

7add yefakkar ma3aya fe 7aga el nezam kan mane3 ennaha tetweged (gheir el tazahor) lazem yekoun tazahor hadef. Nebny 7aga nozher beeha ennena 3awzeen taghyeer we benghayyar ghasben 3anhom

madoali said...

ممكن اعف ليه الحكومه الجديده دى زطين ليه؟ وثانيا معتقدش ان فيه حد يسسسيب السلطه ويطلع بعد كام يوم يطلع لسانه ويقول انا لسه ممشيتش,,,, ومعتقدش ان يحى الجمل هينفز قرارات نظام بائد ومعتقدش ان فيه رئيس فى مصر النائب العام يطلب تجميد ارصدته فى بنوك العالم يبقه ليه انزل بكره و ضيع وقتى ولا عشان انتو فضييين والوقت ملوش قيمه عندكوم " ودلوئتى بقه طنطاوى وحش بعد ما كنتم بتقولوه الشعب والجيش يد واحده " بطلوه سزاجه و مصالح شخصيه ولا الظهور فى التلفزيون عجبكم

madoali said...

ممكن اعف ليه الحكومه الجديده دى زطين ليه؟ وثانيا معتقدش ان فيه حد يسسسيب السلطه ويطلع بعد كام يوم يطلع لسانه ويقول انا لسه ممشيتش,,,, ومعتقدش ان يحى الجمل هينفز قرارات نظام بائد ومعتقدش ان فيه رئيس فى مصر النائب العام يطلب تجميد ارصدته فى بنوك العالم يبقه ليه انزل بكره و ضيع وقتى ولا عشان انتو فضييين والوقت ملوش قيمه عندكوم " ودلوئتى بقه طنطاوى وحش بعد ما كنتم بتقولوه الشعب والجيش يد واحده " بطلوه سزاجه و مصالح شخصيه ولا الظهور فى التلفزيون عجبكم

من اجل مصر الحرة said...

بسم الله الرحمن الرحيم
سوزان مبارك لم تستول على الحكم فى مصر فحسب عن طريق فرض سيطرتها على زوجها حسنى مبارك ضعيف الشخصية الغارق فى بحر الملذات و متع الحياة. سوزان مبارك البريطانية أتت بحفنة من الحرامية الأجانب لمص دماء الشعب و استعباده لصالح قوى أجنبية. و البيان التالى يبين أهم رموز الحكم من الأجانب:
1- سوزان مبارك حاكمة مصر الفعلية >>> بريطانية.
2- جمال مبارك أمين عام الحزب الحاكم فعليا ووريث السلطة فى البلاد >>> بريطانى.
3- أحمد نظيف رئيس الوزراء >>> كندى.
4- سامح فهمى وزير البترول >>> بريطانى.
5- رشيد محمد رشيد وزير الصناعة و التجارة الخارجية >>>> بريطانى.
6- أحمد المغربى وزير السياحة >>>> سعودى.
7- محمد ابراهيم سليمان وزير الاسكان >>>>> كندى.
8- يوسف بطرس غالى وزير المالية >>>>> أمريكى.
9- فاروق حسنى وزير الثقافة >>>>> فرنسى.
10- حسن خضر وزير التموين >>>> كندى.
11- محمود محيى الدين وزير الاستثمار >>>> بريطانى.
و غيرهم من وزراء الذين سنوالى الكشف عنهم تباعا.

قارئة said...

للاستاذة رانيا
نوارة هي اللي تلم الدور و لا بقايا النظام يلم نفسه؟
مفيش حل هيفضلوا يحاولوا يحبطوا الثورةوالبلد معشش فيها الفساد اللي بيدور على أي منفذ.
لازم الحسم مع أشكال الفساد المختلفة بس اولها مبارك وشفيق وحكومته وكمان أمن الدولة لأنه ده جهاز ممنوش فايدة دمر مصر من أيام الملك حتى اليوم مرورا بأزمنة ثلاثة وعشرين يوليو المختلفة.
الكتاب المعجبين بشفيق او بيقللوا من شأن مبارك بعد الخلع نقول لهم قد لا تتكرر ستة وخمسين لاحباط الثورة ولكن ذلك لا يعني أن الخطر ليس محدقا
نوارة وكل الثوريين
ربنا يبصركم بالحق والصالح والنافع

yasser said...

بالنسبة لموضوع منع قوافل المساعدة
البيان السابع من المجلس الاعلى للقوات المسلحة
http://www.facebook.com/photo.php?fbid=192732154080375&set=a.191412130879044.43504.191115070908750&ref=nf

yasere said...

وقال الطبيب سيف عبداللطيف، وهو عضو في نقابة الأطباء المصرية، إنه كان يحاول دخول ليبيا ضمن قافلة إغاثة نظمتها نقابته، عندما منعتهم قوات حرس الحدود من عبور منفذ السلوم البري لكنها سمحت للسيارة المحملة بالمساعدات بالمرور.

طبيب بيطري said...

انا كنت بكسل اعلق الاول عشان تسجيل الدخول ملخبطني ع الاخر المهم
بالنسبة لمنع دخول القوافل
اللي فهمته كدا ان الجيش رافض دخول الاطباء مش الادوية لان الاطباء مواطنين مصريين وساعتها هيتاكد كلب الاهبل بن العبيط ان اللي بيعملوا ثورة مصريين وهندخل في مشاكل ناهيكي عن القلق اللي جوا البلد يعني مش هيبقي برا وجوا
تاني حاجة بالنسبة لامن الدولة نائب رئيس مجلس الوزراء قال ممكن يكون قاعد في مطرحه لكن مبيمارسش وظيفته انا قصدي طبعا علي اللواء بتاع مباحث امن الدولة
ودا طبعا واضح ان معظم الناس اللي في قيادات هي قيادات صورية ولو تفتكري ان احمد شفيق كان قبل استقالة انس الفقي وبعد اما قدمها انس الفقي ميعرفش الاستقالة اتقبلت ولا لا يعني مجرد صورة مش رئيس مجلس ولا بطيخ
وبياكد الكلام دا ان نائب رئيس مجلس الوزراء بيقول انا مش هبقي صورة يعني هيبقي عنده صلاحيات
بصراحة لو احمد شفيق عنده دم يقدم استقالته ويمشي بكرامته لو باقي منها حاجة

shahdjihad said...

احنابنقدرك يا أجدع نوارة في العالم العربي

kingtut said...

لام النظام كله يتغير بادواته والياته ورجاله وغربانه

kingtut said...

اسمحيلى انشر عندك يا نواره

Husam said...

على فكرة احمد شفيق مش مريحني...اشتغالات الشعب بتاعة الاجتماع مع فاروق الباز و زويل وتنفيذ مشاريعهم وتعيين كوكتيل معارضة في الوزارة مش داخلة دماغي....انا بجد قلقان وعايز رئيس حكومة ما أقسمش قدام مبارك يدير الحكومة لغاية ما ننتخب ريس...حكاية المشاريع القومية دي مش شغلته وماحدش طلبها منه ومش من الحكمة ان المشاريع القومية والقرارات المصيرية دي تاخدها حكومة تصريف اعمال "مؤقتة" ....الرجل ده والله واعلم بيشتغلنا

dramanyph said...

يا نواره انا قرات ملاحظات عن ضابط لاجئ سياسي للأمريكا مصري بيقول كلام خطير عن حسني وشفيق عايزاكي تقرايه بسرعه لواحد اسمه على الفيس Hassan fedawyمقال عنوانه خطير خطير

amammar said...

انا عندى اقتراح لما شاهدت برنامج العاشرة مساءا لواءات المجلس الاعلى شعرت بالضغوط عليهم من قبل المافيا الحزب الوطنى احنا كشباب وشعب ممكن نساعدهم بالضغط على كل رموز الحزب الوطنى لتقديم استقالتهم بعدة طرق
1 -محاصرتهم فى امكان عملهم وبيوتهم فيصيبهم الرعب
2 - اتصال عدد كبير من الشباب بهم سواء على ايميلاتهم او تليفوناتهم وانهم غير مرغوب بهم وعليهم بتقديم استقالتهم
ووكل

وكل من عنده فكرة فعالة لاجبراهم على ترك اماكنهم فليضيفها
وارجو نشر هذه الفكرة وان شاء الله ينضم الينا كل العاملين فى المؤسسات والوزرات

amammar said...

انا عندى اقتراح لما شاهدت برنامج العاشرة مساءا لواءات المجلس الاعلى شعرت بالضغوط عليهم من قبل المافيا الحزب الوطنى احنا كشباب وشعب ممكن نساعدهم بالضغط على كل رموز الحزب الوطنى لتقديم استقالتهم بعدة طرق
1 -محاصرتهم فى امكان عملهم وبيوتهم فيصيبهم الرعب
2 - اتصال عدد كبير من الشباب بهم سواء على ايميلاتهم او تليفوناتهم وانهم غير مرغوب بهم وعليهم بتقديم استقالتهم
ووكل

وكل من عنده فكرة فعالة لاجبراهم على ترك اماكنهم فليضيفها
وارجو نشر هذه الفكرة وان شاء الله ينضم الينا كل العاملين فى المؤسسات والوزرات

صعلوك said...

http://www.dailymail.co.uk/news/article-1359316/Prime-Minister-David-Cameron-takes-arms-dealers-Egypt-promote-democracy.html#ixzz1EgO1GLOq

ASHRAFAHMY said...

ازيك يا نواره
انا متابع البلوج من زمان بس ده اول تعليق ليا
مش عارف اكيد انتي فاهمة اكتر مني بس انا عايزك تعملي انتشار على الفيس بوك بشكل اكبر من البلوج لان الدعوة هنا لو بتجمع 100 هناك هيكونوا 1000
و انا معاكي في موضوع شرم الشيخ بس ننشره بالشكل اللائق
الناس بدأ حماسها يقل و بدأ يخيب املهم
ربنا يستر
و يوفقك يا بنت الأبطال