Monday 28 February 2011

عاجل: ائتلاف شباب ثورة الغضب يتقدم بجدول زمني بالمطالب للمجلس الاعلى للقوات المسلحة



قبل ايييي حااااجة.. البيان ده لازم يتقري في الجزيرة والعربية والحرة والبي بي سي والسي ان ان وينزل في وكالات رويترز
فورا فورا فورا، البيان مش حيبقى له قيمة لو ما اتنشرش في كل حتة ووصل لكل ابناء الشعب المصري فورا عشان يبقى عدانا العيب قدام الناس اللي عمالة تنأرزنا في الرايحة والجاية دي
ما اعرفش يعملوا ايه، بس يتصلوا بالجزيرة ويوزعوا البيان ده بسرعة، لان ده اللي حيساعدنا على الحشد ليوم الجمعة ان شاء الله
شكرا شكرا شكرا شكرا شكرا شكرا يا ائتلاف شباب ثورة الغضب
شكرا.. شكرا.. ربنا ما يغلب لكم ولية ولا يفشل لكم ثورة ولا يضرب لكم معتصم قادر يا كريم
يا رب... انت كريم يا رب
اليكم البيان:

بناء علي لقاء مجموعة من الائتلاف بالمجلس الأعلى للقوات المسلحة اليوم نرجو أن يرد علينا المجلس بتحديد جدول زمني في تنفيذ أول ثلاث مطالب خلال يومين.


1 إقالة حكومة الفريق أحمد شفيق، وإعادة تشكيل حكومة تكنوقراط من غير الحزبيين، يترأسها شخصية وطنية متوافق عليها، في حد أقصاه شهر من الآن.


2 الإفراج عن كافة المعتقلين السياسيين، قبل وبعد 25 يناير، في مدي زمني أقصاه شهر من الآن، والنظر في العفو عن المسجونين السياسيين في غضون شهرين من الآن.


3 تقديم كل المسئولين الحقيقيين عن قتل الشهداء بإطلاق النار، أو بإصدار الأوامر للمحاكمة العادلة، بتهم واضحة، في أمر أقصاه شهر من الآن.


في حالة عدم تحديد جدول زمني للاستجابة للمطالب المذكورة أعلاه سوف يتوقف الائتلاف عن التفاوض ويعمل مع جموع ثوار مصر علي الضغط من أجل تحقيقها كي يثبت أن هذه هي مطالب جموع المصريين الذين اعتصموا في التحرير وسائر مدن مصر ولم يرحلوا الا عندما اعتقدوا أنها قيد التحقق
في حالة موافقة المجلس علي مطالب الثورة المصرية سننتقل الي التفاوض في بقية المطالب المتمثلة في التالي:


4 إعادة هيكلة وزارة الداخلية، بما يسمح بالإشراف القضائي الكامل عليها، والمراقبة الشعبية الحقيقية على أدائها، على أن يتولى رئاستها وزير مدني سياسي، في غضون الستة أشهر المحددة للفترة الانتقالية.


5 حل جهاز مباحث أمن الدولة في مدي زمني شهرين من الآن، وإلغاء توجيه المجندين لقطاع الأمن المركزي في غضون الستة أشهر المحددة للفترة الانتقالية.


6 الإسراع في تشكيل مجلس رئاسي مدني يضم شخصية عسكرية في مدي زمني شهرين من الآن ، مع تحديد صلاحيات المجلس ، ويتولي بنفسه مع الحكومة الانتقالية الإشراف علي تحقيق المطالب الثورية وإجراء الانتخابات التشريعية والرئاسية .


7 تقديم موعد انتخابات المحليات في حد أقصاه الستة شهور المحددة للفترة الانتقالية، وإعادة النظر في قانون الحكم المحلي .


8 ملاحقة بقايا النظام من الفاسدين ، والمتربحين من دماء هذا الشعب ، وتقديمهم للمحاكمة العادلة ، ومصادرة أموالهم وممتلكاتهم .


9 الشكر والتقدير للجنة التي تم تشكيلها لتعديل الدستور برئاسة المستشار طارق البشري علي المجهود القيم الذي قامت به ، ونؤكد علي أننا في سبيل إعداد ورقة دستورية وقانونية للمشاركة بها في الحوار المجتمعي الدائر حول التعديلات والقوانين المكملة لها ، ولكننا نطالب المجلس العسكري بمطالبة اللجنة بإضافة قانون الأحزاب إلي القوانين المكملة للدستور والتي تعتزم اللجنة تعديلها أو تغييرها .


بيان ائتلاف شباب الثورة
27 فبراير


وهنا لنك البيان


انا باحبكم قوي.. باحبكم قوي يا ائتلاف شباب ثورة الغضب.. متشكرة متشكرة، يا رب المجلس يرد في خلال يومين ان شاء الله 
بس اهم حااااجة، خصيمكم النبي ياللي بتدخلوا على المدونة ولكم صلات بوكالات انباء او قنوات فضائية لتنشروا البيان ده في كل حتة وعلى حبل الغسيل، ولو تقدروا توصلوا للتلفزيون المصري يبقى كتر خيركم
وبالنسبة للجزيرة زياد العليمي يقدر يتصل بيهم دلوقت حالا ويبلغهم بالبيان ويقراه عليهم
بادبسه اهو
-------
بالنسبة للي في التحرير الحمد لله الجيش سابهم يباتوا وما ضربهمش المرة دي

101 comments:

assour said...

كويس انك سعيدة، بطء شديد لكن نظام لا بأس به. نوارة انتي ساعدني في تغيير البلد مهما حصل بعد كده فما تزعليش، ان الله معنا

Unknown said...

ممتاز
و يا رب يكون الرد بالاستجابة الفورية

و بنقول للناس المحبطة اللي بيعدلوا علي الناس اللي شايلة روحها علي كفها
(خليكوا في حلة الملوخية )

الناس اللي اعتصمت و اضربت و اتسجنت و اتقتلت و اترعبت عملوا كدا عشان يحرروا 85 مليون نفس
و يحرروا 40 مليون مصري في الخارج متمرطين في كل الدنيا

كتر خيرهم انهم اخترعولنا ثورة بعد ما كانت مصر بتتكفن عشان تطلع لها شهادة وفاة

مش فاهمه said...

ايه ده هم لما قابلوا الجيش ماعملوش جدول زمنى لسه يعنى لسه حايردوا عليهم بعد يومين مش انتى اللى قولتى موضوع ان امن الدوله بيزن فى ودان قيادات الجيش فيه ايه يانوراة انتى شكلك فعلا لازم تريحى شويه و ياريت عايزين نفوق بسرعه و نركز الله يخليكى مش حاينفع حكايه جمعه كل جمعه دى المعتصمين لازم يلاقوا دعم مننا مش تقطيم الأعتصام -و اللى انتى نفسك كنتى عايزاه يحصل فى شرم - مهم علشان على الأقل يعملوا الجدول الزمنى و ياريت تكثفوا من تواجدكم انتى و بلال فضلا و علاء الأسوانى و الناس اللى بتنور الناس و تحلل الأحداث الحماس بيفتر و الجامعات داخله و ربنا يستر

Unknown said...

انا متفائلة جدا بعد البيان ده
بس مقلقة شوية عشان هيكل قال ان اعظم سلاح للثورة هو قدرتها ع حشد الناس وللاسف السلاح ده ضعف شوية

Unknown said...

جهود صفوت الشريف و جمال مبارك بدات توضح كثير من الاشياء الان سيطرة امن الدولة و المخابرات على الاعلام المصري مفيش محمود سعد مفيش ريم ماجد بقاء برنامج اكبر منافقة و متهتهة في الاعلام المصري منى الشاذلي لان جوزها حبيب انس الفقي و منتجه المفضل... و 75 مليون في سنتة لشركة سمير يوسف لانتاج برامج رياضية اكيد دا فساد اعمى المهم كمان في شوية منافقين معروفين زي الارجوز عمر اديب و مراته المهم الان هو الاتباه و التفكير في هذه الازمة بطريقة ثانية حكومة شفيق دي حماية للفساد مع تقديم شوية وجوه محروقة اصلا زي عز و المغربي و عدم الاقتراب من كبار الفاسدين جمال مبارك و زكريا عزمي و صفوت الشريف نحنا في ازمة كبيرة جدا و هي تخلي الاعلام المصري عن الثورة و خوف الكثير من الناس بعد ليلة الجمعة و المواجهة مع الجيش

nosseir said...

اهم حاجتين فعلا حاليا لازم يتنفذوا هم
1- تشكيل حكومة التكنوقراط خالية تماما من الوجوة القديمة
2- حل جهاز امن الدولة زى السمعة الزفت ..واعادة تشكيل جهاز جديد لامن البلاد ولكن بسياسة جديدة تماما يكون حاجة كدة زى المباحث الفيدرالية

وفى نقطة مش عارف لية محدش بيتكلم عليها كتير مع انى شايفها مهمة جدا وهى تغيير المحافظين الموجودين حاليا..او على الاقل المكروهين منهم

elzahraamegahed said...

وحل الحزب الوطنى
مش من ضمن الأهداف؟
ومقراته وفلوسه ترجع للدوله

elzahraamegahed said...

يا نواره انتى معروفه عن أى حد كلمى الجزيره وعندك قبول عندهم

mohammed said...

انتى تؤمرى يا نوارة مصر كلها
ربنا معانا

Unknown said...

حلو ده , بس برهان الجيش مش هيوافق و هيلاوع بافقر فيها ....معلش يا رب اطلع غلط , وحننزل تاني و كان لازم نفضل ننزل جمعة وغيره ,اعتصام وغيره و الشعب بيفهم مش خرفان يعني لو الجيش باين انه غلطان و احنا شاكلنا صادقين و مصممين حيبقي معانا.....

Unknown said...

انا شايف انه كلام رائع بس انا شايف انه لو اتعمل عليه استفتاء شعبي في كل المحافظات - واعتقد ان ده ممكن يتنظم - واتجمع ليه توقيعات , هيكون ورقة ضغط عظيمة وقوية, ووسيلة توعية عنيفة لتوضيح مطالب الثورة, ياريت الراي ده يتاخد في الحسبان

وياريت تقولي لي رايك في الفكرة

العربي said...
This comment has been removed by the author.
العربي said...
This comment has been removed by the author.
Unknown said...

طب خلاص يا رب يوفقوا

العربي said...
This comment has been removed by the author.
العربي said...
This comment has been removed by the author.
طبيب بيطري said...

ياااااااااااااارب
اللهم نصرك الذي وعدت

العربي said...
This comment has been removed by the author.
العربي said...
This comment has been removed by the author.
Ahmed Mohamed said...

الحمد لله

elzahraamegahed said...

المهم الاتحاد مره تانيه مع كل الفئات والأطياف، عشان يبقى فيه قدره على الحشد

يعنى أنا ولا شايفه وائل غنيم ولا مجموعته ولا الاخوان المسلمين ولا حد بيعمل حشد ولا توعيه ولا حاجه

Anonymous said...

كتبت لديكم بالأمس,ومن قبل,فى مواقع كثيرة,عن ضرورة"الإجماع" على مانيفستو الثورة,و"الإجماع" على مفاوض مع الجنرالات.أأكد على "الإجماع",فهو مفتاح نجاح أى ثورة,فتمسكوا بالعروة الوثقى.للجنرالات نقول ثانية,الثورة ثورتنا,وقد أمناكم عليها,ومطالبنا أوامر,فنفذوها دون انتظار,فشعب مصر ينظر لكم

farid_moussa said...

والله العظيم روعة ومنتهي الوعي أعتقد اللي يعترض علي الكلام ده يبقي مابيفهمش.. أو نيته مش خالصة ...

Unknown said...

مش عارف يا نوارة ... المقال ده وصلني النهاردة .. هو منطقي جدا؛ مع ملاحظة ان بيسوق لعمر سليمان. انا متعود اخد كل حاجة في حساباتي!
http://www.facebook.com/#!/note.php?note_id=497065257013&id=561971837

Unknown said...

مش عارف يا نوارة بس المقال ده وصلني .. التحليل محترم مع مراعاة انه بيلمع في عمر سلي

Unknown said...

مش عارف يا نوراة بس التحليل ده وصلني، التحليل محترم جدا - مع ملاحظة انه بيلمع في عمر سليمان. بس انا اتعودت اخد كل حاجة بعين الاعتبار. http://www.facebook.com/#!/note.php?note_id=497065257013&id=561971837

elzahraamegahed said...

أنا بشتغل فى السياحه والمفروض مقر الحزب الواطى الرئيسى يفضل من بره محوق زى ما هو كده ومن جوه يتعمل متحف للثوره يتعرض فيه صور للثوار وهما بيكنسوا وبيغنوا ونايمين ومتصابين ووللجمال والحمير وللجان الشعبية وللشهداء
لأن ميدان التحرير هيبقتحط أساسى على جدول الزيارات السياحيه حتى بعد ما
المتحف المصر الكبير يفتح
محافظ القاهره النهارده قال ايه عايزين يهدوه ويعملوه جنينه!!!!!!!!!!
ياريت يا نواره تكتبى مقاله عن الموضوع ده لو ما عندكيش مانع ، المتحف ده هيبقى أهم توثيق للتاريخ عن الثوره، خساره أوى يتهد

Ahmed Fawzi said...

ماتوقعتش إن الرد على رسالتى تم من قبل ما اكتبها :)))))))))))))

elzahraamegahed said...

من أهم أخطاء النظام فى التعامل مع الثوره هو البطء الشديد والتأخر فى اتخاذ القرارات وعدم تقدير أن الطرف الآخر متحرك وليس ثابت.
القوات المسلحه هترد علينا فى موضوع الوزاره بعد ما يكون طلبنا هو مجلس رئاسى مدنى ،
احنا بدأنا نتجاوز مرحلة الطلب والانتظار والصبر لمرحلة القلق والريبه وهتقلب بالشك واليقين بأنهم مش هيعملوا لنا الى احنا عايزينه

طائر said...

أيوة كده يا استاذة نوارة
أحد ركائز تفاؤلي لما بلاقيكي متفائلة
يارب خير ان شاء الله
الحق انام بقى
عشان انام فرحانة
واصحى ان شاء الله على تحقيق كل المطالب ان شاء الله


قال الحبيب عليه الصلاة والسلام: (عجب ربك من قنوط عباده وقرب غيثه فينظر إليهم قنطين فيظل يضحك يعلم أن فرجهم قريب). حديث صحيح

Unknown said...

kolena bn7bbhom wallhi....w masha2 allah 3lihom el bayan 100 100 w law el giesh fe3ln sm3 w 7aded gadwal zamany hanb2a kolena mabsooteeen is

Unknown said...

kolena bn7bhom wallhi....msha2 allah 3lihom el byan 100 100... wlaw el magles fe3ln edda gadwl zamny wsm3 el kalam da hab2a kolna mabsooteen isa

mohammadheaba said...

الناس زهقت شوية لازم نسبهم يرتاحو جمعتين وبعد كدة نعلن عن مليونية

Unknown said...

http://www.youtube.com/watch?v=lBmKHTUDXTo&feature=player_embedded

مختار رشاد عضو الحزب الوطني يعزب البلطجيه الى اجرهم فى مظاهرات يوم الاربع بسبب خلاف بينهم فى الأجرقالولو هنفضحك حبسهم فى فيلته فى المقطم الفيديو د ا بيوضح اد ايه الناس دى اتعزبت لدرجة الموت و عزاب مبرح بجد حسبى الله ونعم الوكيل فى جبروت كده وفاضح نفسه وطالع فى

Unknown said...

http://www.youtube.com/watch?v=lBmKHTUDXTo&feature=player_embedded

مختار رشاد عضو الحزب الوطني يعزب البلطجيه الى اجرهم فى مظاهرات يوم الاربع بسبب خلاف بينهم فى الأجرقالولو هنفضحك حبسهم فى فيلته فى المقطم الفيديو د ا بيوضح اد ايه الناس دى اتعزبت لدرجة الموت و عزاب مبرح بجد حسبى الله ونعم الوكيل فى جبروت كده وفاضح نفسه وطالع فى

مهندسة كريمة said...

ماجد
مش عارف يا نوراة بس التحليل ده وصلني، التحليل محترم جدا - مع ملاحظة انه بيلمع في عمر سليمان


علشان كده مهم إننا نصر فى التعديلات المقترحة للدستور على بند الحد الأقصى لسن المرشح للرئاسة

نخليها مثلاً 65 سنة .. يعنى لما يحكمنا مدتين كل مدة 4 سنين
حيبقى عمره 73 سنة

أعتقد كفااااااية قوى مش عايزين جثث تحكمنا تانى .. مع إحترامى لكل الكبار

بس بكده حنخلص من مجانين شفيق و عمرو موسى و كمان عمر سليمان بطريقة سهلة .. بدل ما نقعد نناهد معاهم

omar said...

والله كلام ميه ميه ولو منفذوهاش بجدول زمنى التحرير هيخليهم ينفذوها كلها مره واحده
يللا هه هيا كده بقى اذا مكنش عاجبهم

Hossam said...

Very well planned and to the point.

Unknown said...

اللهم رد كيد الظالمين الي نحورهم
اللهم رد كيد الظالمين الي نحورهم
اللهم رد كيد الظالمين الي نحورهم

اللهم امكر لنا ولا تمكر علينا يا الله
اللهم احفظ ثورتنا من كيد الظالمين
و من نفوس الضعفاء و الجهلاء
اللهم نور بصيرتنا و وحد كلمتنا يا الله
اللهم اجمعنا تحت راية الحق يا الله
اللهم اني استودعتك مصر و شبابها و اهلها و ثورتها يا الله
فانت الحافظ الذي لا تضيع ودائعه

Gihan said...

خبر سخيف جيدا عن ابراهيم عيسى على موقع المصري اليوم

http://www.almasryalyoum.com/news/%D8%B5%D8%AD%D9%81%D9%8A%D9%88-%C2%AB%D8%A7%D9%84%D8%A8%D8%AF%D9%8A%D9%84%C2%BB-%D9%8A%D8%B1%D9%81%D8%B6%D9%88%D9%86-%D8%AA%D9%88%D9%84%D9%8A-%D8%A5%D8%A8%D8%B1%D8%A7%D9%87%D9%8A%D9%85-%D8%B9%D9%8A%D8%B3%D9%89-%D8%B1%D8%A6%D8%A7%D8%B3%D8%A9-%D8%AA%D8%AD%D8%B1%D9%8A%D8%B1%D9%87%D8%A7-%D8%A8%D8%B9%D8%AF-%D8%A5%D8%B9%D8%A7%D8%AF%D8%A9-%D8%A7%D9%84%D8%A5%D8%B5%D8%AF%D8%A7%D8%B1

للأسف الناس مش هاتتغير في يوم و ليلة.
حتى في عز الثورة لسه في ناس مخها تافه و ماليء بالاحقاد

zara shaishaa said...

I do not know if I missed it, did the change in the constitution talked about the president power, it used to be all the powers in his hand, the articles giving him all these powers has been removed, or corrected someone explain please I am going crazy thinking about leaving all the powers in his hand then asking him to give it up after election. Did anyone think about that.

elzahraamegahed said...

المشكله فى الحشد،
الإخوان ، 6 أبريل ، الأحزاب ، كلنا خالد سعيد ما بيدعوش ليه للنزول ، أنا بره مصر ولما كان بيبقى فيه دعوات كانت واضحه لى وكانت الناس بتنزل، لكن المره الى فاتت دى كانت هجص ،ولاخر لحظه ما بقيتش عارفه هو فيه نزول ولا لا كل موقع بيقول حاجه.
الفكره لو نزلتوا هتجروا الشعب وراكم زى ما حصل من أول يوم للثوره الشباب والأحزاب نزلوا والشعب نزل وراهم،
السؤال ليه بأه الدعوات والتنسيق للنزول ضعيف ، أنا مش شايفه حد مقتنع إن أهداف الثوره اتحققت
أنا فاكره يوم الأربع الاسود اسراء عبد الفتاح وكنا بالليل وكانت بتكلم الجزيره وقالت انا كلمت د. البلتاجى وهيجيب 5 آلاف وهيجى دلوقتى،
يعنى الحشد ممكن بس لما يبقى فيه نيه وتنسيق وتنظيم

على فكره مجموعة ائتلاف شباب ثورة الغضب جد فى مطالبهم ومنظمين جدا
بس أنا حاسه إنهم مش هما مجموعة مصطفى النجار صاحب وائل غنيم ،وعلى ما أظن مجموعة مصطفى النجار مخلصين بس واثقين أوى فى القوات المسلحه وواخدين الموضوع ع الهادى وما أظنش ده ينفع دلوقتى ،

وأظن إن لو الناس كانت استجابت للمجموعه اللى دعت للاعتصام بعد تنحى مبارك كان هيبقى يومين ووالحكومه تتحل ، لكن المشكله إن الوحده فى المطالب والوسائل اتلاشت ، ده حتى الإخوان لسه قاريه انهم عندهم مشاكل وعايزين يعملوا انتخابات لمكتب الجماعه ومظاهره
النظام بيلعب بينا الكوره
ظنى الشخصى إن الجيش مش هيستجيب الا بالضغط والضغط محتاج حشد، والحشد محتاج وحده والوحده بين الأطياف اللى دعت للثوره محتاج تنازلات وانكم ترجعوا تبلعوا بعض تانى ،، يا نواره أنتى بتعرفى ناس كتير اتكلموا وابدأوا نظموا نفسكم بهدء علشان الثوره تكتسب زخمها تانى حتى لو بعد شهر المهم النظام ده يتقلع من جدوره

ملحوظه: أنا مزروعه ع النت من أول يوم الثوره وعايزه أقولك إن الناس بدأت تسخن تانى أنا ملاحظه تعليقات الشباب ، وكله بيسأل احنا مستنيين ايه، محدش بينظم ويقولنا هننزل امتى ليه؟

ياريت بأه الائتلاف والجمعية والاأحزاب ومش عارفه مين يتصلوا ببعض

على فكره يا نواره أنا لو مكانك وشخصيه معروفه ومقبوله ومعروف انك فى الثوره من أول يوم كنت أعمل اللينك ده،
انتى مش اديتى للتعبان بالشبشب على دماغه لحد ما تقسم نصين ، حققى الحلم وامسكى الشبشب اللى هو تليفونك وحاولى تنسقى وتنظمى بين الناس

elzahraamegahed said...

رسالة من د:ليلى سويف
من Said Abdelfattah Abutaleb في 27 فبراير، 2011، الساعة 11:57 مساءً

بلاغ الى: سيادة النائب العام

سيادة رئيس النيابة العسكرية

المجلس الاعلى للقوات المسلحة

مقدمه د. ليلى مصطفى اسماعيل سويف

مدرس بكلية العلوم بجامعة القاهرة

رقم قومى25605018800105

علمت اليوم الاحد 27 فبراير 2011 أن السيد عمرو عبد الله البحيرى قد وجه له اتهام بانه كان يحوز سلاحا حين قبض عليه فجر السبت 26 فبراير 2011 ، ولما كنت شاهدة على وقائع القبض على عمرو وقد سجلت شهادتى التى تلى هذا البلاغ واوصلتها (أو تصورت اننى أوصلتها) منذ الأمس الى الجهة التى تحتجزه، ومع ذلك فوجئت بتوجيه الاتهام اليه واستمرار حبسه ، فاننى اتقدم اليكم بهذا البلاغ آملة أن ترفعوا الظلم عنه، وفيما يلى شهادتى:

ليلى مصطفى سويف

تحريرا فى 27 فبراير 2011

شهادة على واقعة القبض على عمرو عبد الله البحيرى فجر السبت26 فبراير 2011

مقدمه د. ليلى مصطفى سويف

مدرس بكلية العلوم بجامعة القاهرة

رقم قومى25605018800105

فى حوالى الساعة الثانية من صباح السبت 26 فبراير 2011 بشارع القصر العينى، امام مجلس الشعب، عقب فض الاعتصام الذى كنت مشاركة فيه امام مجلس الشعب بالقوة على يد قوات من الجيش والشرطة العسكرية واثناء انصرافنا من مكان الاعتصام قام بعض عناصر من الجيش باختطاف السيد عمرو عبد الله البحيرى(32 سنة من كفر الزيات) واخذوا يوسعوه ضربا واصابوه فى وجهه دون سبب واضح حيث كنا جميعا نهم بالانصراف، وحين احتججت ومن معى على هذا واعلنا رفضنا للانصراف إذا لم نصطحب الشاب معنا، قام ضابط كبير الرتبة بتهدأتنا وامر الضباط الاقل رتبة باحضار الشاب عمرو عبد الله وكان مصابا فى وجهه اصابة بالغة، واصطحبناه معنا وسرنا فى شارع القصر العينى وكان معى د. شادى الغزالى حرب والاستاذ تقادم الخطيب (المدرس المساعد بآداب المنصورةوعضو حركة 9 مارس لاستقلال الجامعات) وابنتى منى أحمد سيف الاسلام عبد الفتاح وابنى علاء أحمد سيف الاسلام عبد الفتاح وزوجته منال بهى الدين حسن والاستاذ احمد عبدالله (قريب الاستاذ عمرو) الذى كان يعاون قريبه المصاب واثناء انصرافنا توقفت بجوارنا سيارة ملاكى بها 2 من الشباب ( للاسف لا أعرف اسم أى منهما حتى الان) عرضوا علينا المساعدة فى توصيلنا الى أى مكان فطلبنا منهم اصطحاب الشاب المصاب وقريبه وتركنا د. شادى والاستاذ تقادم حيث ذهبا معا ليستقلا سيارة د. شادى وينصرفا وانصرفنا انا وعائلتى سيرا على الاقدام داخل شوارع جاردن سيتى. وبعد دقائق اتصل بى استاذ تقادم وابلغنى ان ضباط الجيش قد اوقفوهم مرة اخرى وانزلوهم من السيارة فعدت الى شارع القصر العينى ووجدت كل من شادى حرب وتقادم الخطيب وعمرو واحمد عبدالله والشابين- الذين كان كل ما فعلوه هو تقديم المساعدة لجريح - مقبوضا عليهم جميعا من قبل عدد ضخم من ضباط الجيش.

حوالى الساعة الرابعة والنصف صباحا اتصلت بالاستاذ تقادم وعلمت منه انه قد افرج عنه هو ود. شادى اما الاربعة الاخرين فكانوا لايزالوا محتجزين ويدعى الضباط الذين يحتجزونهم انهم وجدوا سلاحا (قيل انه طبنجة صوت) بحوزة عمرو

فى الساعة الثانية من ظهر اليوم السبت 26 فبراير 2011 وبعد ان عرفت بالبيان 23 الذى اصدره المجلس الاعلى للقوات المسلحة و اعلن فيه انه سيتم الافراج عن من قبض عليهم هذا الصباح اتصلت بالاستاذ احمد عبد الله كى اطمئن فابلغنى انه قد تم الافراج عنه للتو وان الشابين الذين قدما لنا المساعدة قد افرج عنهما قبل ذلك أما عمرو فلا يعرف عنه شئ

واود ان اؤكد هنا ان عمرو عبد الله البحيرى لم يكن يحمل اى شئ يمكن ان يحتوى طبنجة بل أنه كان محتجزا اصلا لدى الجيش فلو كان معه سلاح لما تركوه يصحبنا، والارجح ان استمرار احتجازه ومحاولة تلفيق تهمة له ناتج عن محاولة تبرير اصابته حيث قامت ابنتى منى احمد سيف ود. شادى الغزالى وأستاذ تقادم الخطيب بتصوير اصابته وكان واضحا اننا ننوى الابلاغ عن الامر،

هذا ويذكر ان كل من تحدثت معهم من الشباب الذى احتجز قد افاد بانه تعرض للضرب المبرح اثناء احتجازه كما افاد بعضهم بتعرضه للتعذيب عن طريق الصعق بالكهرباء

ليلى مصطفى سويف

مدرس بعلوم القاهرة

تحريرا فى 26 فبراير 2011

Sgheita said...

Allaho Akbar shofty ba2ah shewyet Sabr we 7agat kewayessah awy bete7sal ISA mateb2eesh motassare3a 3alashan matlakhateesh el nas tany.Bas ma3lesh. Ana Ba7ebek 3arfah leih 3alashan enty human zayennah awy when you get disappointed u cry and we get angry you scream and when you get happy betzaghraaty!! :)

صمت الحملان said...

ازيك يا نوارةاهم حاجة عايزة اقولها ان المعركة اشد من ذي قبل واكثر خبثا لان من يعملون في الخفاء الان زال عن طريقهم من كان يستخدمهم لنفسه
فاصبروا وصابروا ورابطوا واتقوا الله لعلكم تفلحون
وايضا اكثروا من الاستغفار حبيبتي فانه يزيدكم قوة الي قوتكم كما قال ربنا عز وجل وان شاء الله ينصركم وتتحق مطالبنا جميعا فقد اذن الله بالتغيير ولن يخذينا طالما نحن صامدون علي الحق في وجه الباطل

rahrom said...

معلش يانوارة انا مش معاكى المرة دى الامور اتازمت قوى وكل شئ بدا يرجع لطبيعته لازم نرجع وعى الناس باللى بيحصل علشان يخافوا ويبداوا يتحركو قبل فوات الاوان وبعدين فى وسط الزحمة فين بلال فضل وعبد الحليم قنديل والباقيين اختفوا ليه لازم الحشد قبل ما القضية تضيع ويضيع كل حاجة اتبنت لازم تصوير المشهد كما كان ساعة مبارك وان نظام مبارك هو مبارك نفسه بشكل مستتر انت مش ملاحظة عمرو موسى طلع له صوت دلوقتى وشرور ظهر اهو تانى على الساحة وهيمسكوه مستشفى 57357 وسيتوالى ظهور المخفيين تباعا كل شئ الان يتم تعتيمه خصوصا بعد ما الجزيرة بطلت تغطى احداثنا وانشغلت مع ليبيا ارجوكى انت والكل اتحركوا واشتغلوا مع الناس لان كل ش ائ بيضيع فعلا عرفتى كمان ان مجموعة من الشرطة عاملين جروب كلنا خالد السجينى قاتل سواق الميكروباس

محمد نور الدين said...

ست الكل صباح الخير
عودي إلى جميع تعليقاتي التي لم تقرئيها حيث كنت ألفت انتباهك ومنذ البداية أن مطلب الثورة المرحلي والذي يجب أن تضعه الثورة على رأس جدول أعمالها هي مسألة الحكم من خلال القضاء على مؤسسات الاستبداد غير الدستورية
لأن الاستبداد في الوطن العربي يا نوارة أصبح مؤسسة ويتعذر أن نحقق أي تقدم أو حرية أو ديمقراطية أو حقوق إنسان في ظل الاستبداد وهذا البيان يعبر فعلا عن وعي متقدم جدا.
لك تحياتي الخالصة

ahmed said...

امبارح الائتلاف كان مجتمع مع المجلس رد المجلس على الكلام ده كان ايه؟ وايه اللى حصل فى الموضوع ده؟

Unknown said...

يا جماعة الثورة ها تروح من ايدينا
لازم نعمل اعادة توعية وشحن للناس عشان تعرف انه لو الوضع فضل كده الحزب الوثني والشرطة الزبالة ها تنظم نفسيها تاني في خلال الكام شهر دول
الحقوا الثورة
الحقوا شعب مصر
الحزب الوثني وامن الدولة بيعملوا اشاعات كتير
خدوا بتار الشهداء
ربنا ينصرك يا مصر على كل ظالم جبار وكل خاين

يقول أنى امرأة said...

يعنى انت يا نوارة مكلمتيش حد فيهم يفهمك هو الجيش كان رد فعله ايه ع الكلام دة وقال لهم ايه وكدة محدش يعنى قالك تفاصيل المقابله

OmMohamed said...

فرحتي بيكو ملهاش زي
بس ياولاد ليه متخلوش الحكومة الحالية تمشي الامور لغاية ما ننتخب ريس
انا ابني على وش تخرج وكان نفسي افرح بيه قبل ما اموت
وشايفة ان الوضع بالشكل ده وقف حال ليه ولغيره من شبابنا
قلبي معاكو وعليكو

OmMohamed said...

فرحتي بيكو ملهاش زي ياولاد
بس عندي سؤال
ليه متخلوش الحكومة الحالية تمشي الامور لغاية ما ننتخب ريس والامور تستقر عشان بلدنا كل يوم بتخسر في الحالة اللي احنا فيها
انا ابني على وش تخرج واتوقف حاله بتأجيل الدراسة كل يوم والتاني وانا نفسي يتخرج وافرح بيه قبل ما اموت
قلبي معاكو وعليكو ياولاد

OmMohamed said...

عاوزة حد يفهمني يعني ايه تكنوقراط ياولاد

Unknown said...

يجب عمل لجنة شعبية على مستوى المحافظات ينضم ليها متطوعين من كل المحافظات ويكون عملها الاتى
1- حصر لكل زيول السلطة والذين يحاولون الان شراء الاصوات من الغلابة
2- عمل لقاءات شعبية للناستحت مظلة الثورة يكون دورها توعية الناس
3- انضمام رجال الاعمال والاثرياء الشرفاءلعمل دعم مادى للناس

Unknown said...

يجب عمل لجنة شعبية على مستوى المحافظات ينضم ليها متطوعين من كل المحافظات ويكون عملها الاتى
1- حصر لكل زيول السلطة والذين يحاولون الان شراء الاصوات من الغلابة
2- عمل لقاءات شعبية للناستحت مظلة الثورة يكون دورها توعية الناس
3- انضمام رجال الاعمال والاثرياء الشرفاءلعمل دعم مادى للناس

احمد سعيد said...

البيان كويس

بس فيه نقطه فيه مش عاجبانى

موضوع الشهر والشهرين دول

شايفهم كتييييير قوى


الوقت فى حد ذاته بيخسرنا ارض

طبيعى ان شحن الناس بيقل مع الوقت

لو مر شهر او شهرين وتم الالتفاف تانى على المطالب دى

معتقدش ان حد هينزل الشارع

وهتبقى وقفه احتجاجيه زى وقفات سلم النقابه بتاع زمان

الوقت للمرة المليون بقولها

مش فى صالحنا

واديكى شايفه


----------------


بطلى تهبطى الناس ومالكيش دعوة باللى فى التحرير

اللى عاوز يبات يبات واللى مش عاوز هو حر

الناس اللى انتى شايفاهم متغاظيم من المعتصمين
هما هما الناس اللى كانوا بيقولوا زمان كفايه ثورة عاوزين نرجع اشغالنا


اعتداء الجمعه زود رصيدنا منقصش منه


وناس كتير اتضايقت من اللى عمله الجيش

Unknown said...

انا عندي رأي وياريت حد يناقشني فيه ..
ما ينفعش شباب الائتلاف يتحاورو مع الجيش ..المجلس الاعلي ده من 20 سنة وهو بيتحاور مع الامريكان واليهود والاوربيين ..وفي مواضيع كلها لف ودوران والتفاف ..يعني ناس خبرة ومتعودين ياكلوا اللي قدامهم .. وانتو شفتوا بنفسكم ..طحنوا الناس في التحرير وهما بيجهزوا خطاب الاعتذار .. واحنا قلنا معلهش ما يقصدوش .. ودخلولنا من الفيس بوك بتاعنا
معلهش مع احترامي للجميع ائتلاف الثورة واحنا كمان بصفتنا جزء من الثورة لازم نحط حد خبرة في وجه المجلس الاعلي ..
وبرغم اعتراضي علي البرادعي كرئيس الا انه عنده مميزات هامة :
1- استاذ محاورات سياسية بحكم طبيعه عمله الشائك قبل كده ..
2- عارف المواقف الدولية اللي تحت الترابيزة لانه طول عمره كان قاعد تحتها وشايف ..
3- المجلس الاعلي حيعمل له الف حساب لانه عارف عنهم بحكم علاقاته الدولية اللي احنا عمرنا ما سمعناه وكمان عارف بحكم منصبه السابق الاتفاقيات السرية للجيش مع المجتمع الدولي ..
4- استاذ لف ودوران ومحاصرة ..فاكرين لما لبس العراق في الحيطة بدون ما حد يمسك عليه غلطة ..
5- علاقاته الدولية اكتر من ممتازة وعلاقاته بالاعلام الدولي كويسة وليه مصداقية وقبول عندهم ..يعني المجلي لو لعب معاه او لف ودار حيفضحهم فضيحة المطاهر في الاعلام الغربي والعربي .. ودي نقطة قوة .
6- متشدد جدا في مطالبه وسقفه مرتفع ..يعني لو عرف يحقق 30% من مطالبه هو حيكون حقق 150% من مطالبنا احنا والائتلاف ..
6- عمره كبير وكان شاغل منصب كبير جدا دوليا ..وعنده فلوس ((صحيح بخيل شوية )) يعني طموحاته محدودة واغلبها شرفي ..مش معقولة ينهي ايامه زي الجمل ما عمل ..
وانا بصراحة شايف اننا نصدر البرادعي ومعاه د. الباز و ثلاثة من شباب الثورة ( ائتلاف او غيره ) ومعاهم ابراهيم عيسي ..وانا طبعا
دول احانا نعلن اننا بنديهم فرصة 15 يوم من الجمعه اللي جاية للتفاوض باسم الثورة مع المجلس الاعلي للوصول الي ما فيه مصلحة البلاد ..وخلال ال 15 يوم نحشد ليوم عظيم سواء للاحتفال بتحقيق المطالب او للاعتراض علي النتائج ..يعني رايحين رايحين ..
وعلي اساس النتائج حنعرف اللي بعده ايه ..
لكن تقولولي ان الائتلاف راح قعد 3 ساعات وسهرنا لوش الفجر مستنيينه وبعدين طلعوا انهم طالبين رد من الجيش علي المطالب ؟؟ طيب هما كانوا بيعملوا ايه ..شربوا الشتي والقعده اخدتهم ونسيوا ورقة المطالب اللي في جيبهم وما شافوهاش غير في الاتوبيس وهما راجعين ؟؟

.

Patty said...

البيان ممتاز يا جماعة و أعتقد انه حيوضح لينا نية المجلس الاعلى لان كل تصرفاتهم بقت محيرانى جدا حسة زى ميكونوا بيطبخوا حاجة ما علينا خلينا نحسن فيهم النىة لحد ما نشوف الموقف يوم الجمعة و ان كنت مش موافقة على ان الثورة تستنى لكل يوم جمعة انا حسة ان الناس بتنام لازم الضغط يكون اشد كم كده لو استمر الوضع بالصورة ديه النظام القديم حيحكم سيطرته من تانى

Unknown said...

L'Égypte après 25 janvier مصر بعد 25 يناير التعديلات الدستورية شكلها كده عامل زى سندوتش بيض بالسطرمة بمربة لارنج - ومحطوط عليه شوية شطة وقرن فلفل حامى وحتة رنجة ونسيلة فسيخ ومرشوش عليهم معلقة عسل نحل وجوزة الطيب وبودرة العفريت وبطاطس مهروسة مع حتة حبنة قريش وشوية مش بالدود - وبالهنا والشفا - ع القصر العين عدل - عشان الزايدة قربت تنفجر - وطارق البشرى برضه حايكون فى غرفة العمليات - ييكتب مذكراته عن حالة القتيل

Patty said...

انتو عايزين البيان يقرا فى الجزيرة و العربية طيب عنكم مانع لو بعتناه بالميل

Patty said...

يا جماعة انا عندى إستفسار عن إستخراج البطاقة الإنتخابية هو مش المفروض إن الإنتخاب حيكون بالرقم القومى طيب ليه فيه ناس بيطلبوا مننا نعمل بطاقة انتخابية يا ريت اللى عنده أى معلومة عن الموضوع ده ينصحنى و جزاكم الله كل خير

عندما ينطق القلم said...

وربنا أنا قلت م الأول لما كنت بشوف وجوه العواجيز والحزبيين وكذلك الإخوان وهيه بتحمل راية الدفاع عن الثورة وتتمسح في إنجازها، كنت بقول لنفسي راحت خلاص عليكوا لابد لوجوه العواجيز أن تتواى (أقصد الوجوه السياسية، ولن يبني هذه البلد إلا هؤلاء الشباب المخلصين ، الذين ضحوا وماتوا وأصيبوا منذ اول يوم في الثورة، وها هم وها هو بيانهم يوضح للجميع أنهم على فطنة كبيرة وعلى دراية وحكمة ليست بالصغيرة والبسيطة التي يستهان بها، وألمح وهذا رأيي أنهم لا يتملقون ولا يبحثون عن منصب ولايسعون إلا لشيء واحد يظهر جليا في حماسهم وبياناتهم إنه حب مصر حب مصر حب مصر
ونحن معهم ونؤيدهم وندافع عنهم بأرواحا وكل ما نقدر عليه.

لا إخوان ولا حزبيين

إحنا شباب مصريين

أنا مش حزبي مش إخوان

أنا مصري مليان أحزان

أنا مش غربي مش إرهابي

أنا وطني وبحب ترابي

علشان حضنك عندنا غالي

لازم يفضل صوتنا عالي
لازم يفضل صوتنا عالي
لازم يفضل صوتنا عالي

احمد خليل said...

لتحقيق المطالب يجب استمرار الثورة بمعنى استمرار التواجد فى الميادين وامتلاك الشارع دون تعطيل المرور.... الاغلبية مع الشعب ولم تنجح ثورة من قبل شعارها التهدئة والعودة للمنازل ولم يتحقق من الثورة الا خروج مبارك وحكومتة ما ذالت تحكم ...لندعم الاعتصام فى التحرير وليلتحق بة عدد من الثوار لتنظيمة لتظل الثورة مشتعلة متوهجة

Rowaa said...

يا نوارة معذرة ان اخرج عن موضوع البوسط
هذه لمحة من كفاح اخواننا الليبيين فى معركة الحرية مع احد شياطيين هذا العصر

http://www.youtube.com/watch?v=ARZNqrpx8x4

محمد صادق said...

سيكون الخبر في النشرة القادمة للجزيرة إن شاء الله يعني نشرة واحدة بتوقيت القاهرة.

hossam said...

انتبهوا يا جماعة
موضوع اقالة حكومة شفيق خلال شهر ده وقت طويل وخلاله الناس هتنسى وهتتلهى فى الكورة والدراسة وهيقل العدد فى التحرير وبالذات لو الاخ شفيق عمل اصلاحات واضحة ليستميل الناس له لذا يجب استمرار الحشد والمظاهرات على الاقل يوم الجمعة ليمثل طريقة للضغط حتى لو تم الاتفاق على جدول زمنى

hossam said...

انتبهوا يا جماعة
موضوع اقالة حكومة شفيق خلال شهر ده وقت طويل وخلاله الناس هتنسى وهتتلهى فى الكورة والدراسة وهيقل العدد فى التحرير وبالذات لو الاخ شفيق عمل اصلاحات واضحة ليستميل الناس له لذا يجب استمرار الحشد والمظاهرات على الاقل يوم الجمعة ليمثل طريقة للضغط حتى لو تم الاتفاق على جدول زمنى

hossam said...

انتبهوا يا جماعة
موضوع اقالة حكومة شفيق خلال شهر ده وقت طويل وخلاله الناس هتنسى وهتتلهى فى الكورة والدراسة وهيقل العدد فى التحرير وبالذات لو الاخ شفيق عمل اصلاحات واضحة ليستميل الناس له لذا يجب استمرار الحشد والمظاهرات على الاقل يوم الجمعة ليمثل طريقة للضغط حتى لو تم الاتفاق على جدول زمنى

مصرية حرة said...

احنا قلبنا الدنيا امبارح علشان اللي المعتصمين يرفوا يباتوا و كلمنا القنوات و حقوق الانسان.. والحمد لله ان ربنا ستر "كم من فئة قليلة غلبت فئة كثيرة باذن الله"
ومعلش بلاش اللهجة الانهزامية ثاني ..الاعتصام السلمي نهم مع تسليط الضوء على الميدان .
المطالب تتكتب علي لوحة كبيرة و تتعلق في الميدان ..مش كل الناس عندها نت
وبعد كده منعدش ونزيد..احنا يوم الجمعة نكتب لوحات كبيرة عليها كلمة واحدة:مطالبنا بدون تفصيل
انا شايفة ان الائتلاف ماشي كويس و حلو اننا نشكره ..بس مننامش ..لازم العدد يزيد في الميدان لان اكيد حتحصل عليهم هجمة تانية قبل يوم الجمعة..مهي صولات و جولات ..دي تريليونات يااخونا...الناس الفاسدة مستعدة تبيع عيالها و تموت الثورة..
خلى بالنا ..الاستمرار الاستمرار وافتكروا انتوفيق ربنا و دعا اهلنا و امهات الشهداء هو اللي حامينا..
يلا يامصلراوية شدوا الهمة شوية

hossam said...

انتبهوا يا جماعة
موضوع اقالة حكومة شفيق خلال شهر ده وقت طويل وخلاله الناس هتنسى وهتتلهى فى الكورة والدراسة وهيقل العدد فى التحرير وبالذات لو الاخ شفيق عمل اصلاحات واضحة ليستميل الناس له لذا يجب استمرار الحشد والمظاهرات على الاقل يوم الجمعة ليمثل طريقة للضغط حتى لو تم الاتفاق على جدول زمنى

مصرية حرة said...

بالمناسبة نرجو من الناس اللي في المحافظات و مش قادرين يجوا التحرير ..يعتصموا قدام المجالس المحلية علشان يطلعوا منها المفسدين اذناب الحزب اياه... زي ما عملوا في المحلة و ميطلبوش زيادة مرتبات .. هم لما يشيلوا الفساد الدنيا حتتغير لوحدها ..ده وعد ربنا

hossam said...

العدد فى التحرير الجمعة بتاعة القرضاوى كان عالى لعدة اسباب وهى الاحتفال وذكرى الشهداء وحضور القرضاوى وتحقيق باقى المطالب
اما عن الجمعة السابقة فبما انها جمعة مخصصة فقط للتظاهر واقالة شفيق فتعتبر الاعداد كبيرة ويجب الاستمرار

Anonymous said...

اصدر النائب العام قرار بمنع الرئيس المخلوع واسرته من السفر الخبر على الجزيرة مباشر

hossam said...

العدد فى التحرير الجمعة بتاعة القرضاوى كان عالى لعدة اسباب وهى الاحتفال وذكرى الشهداء وحضور القرضاوى وتحقيق باقى المطالب
اما عن الجمعة السابقة فبما انها جمعة مخصصة فقط للتظاهر واقالة شفيق فتعتبر الاعداد كبيرة ويجب الاستمرار

فوكيره said...

ايووووووووووووه كده

همووت رووحي علشان نتجمع على البياان ده

مهندسة كريمة said...

أروى أحمد
مبدئياً أنا مش إخوان
لكنى رافضة تماماً اللى إنتى بتقليه عنهم أنا عشت و شوفت الناس دول عن قرب فى الميدان
هم من أكثر الناس تواضع و إحترام , لا بتوع شهرة و لا ركوب موجة , و شاركوا فى الثورة من أول يوم
و كانت فكرتهم إنهم إذا أعلنوا إنضمامهم بصورة بارزة حيدوا المبرر للداخلية بالتنكيل بالثوار , و محدش حيسأل عننا لا برة و لا جوة, نظراً للتشوية اللى كان واقع على الإخوان
و اللى واضح إنه مازال مستمر
أنا مبحبش الظلم , فحرام يا أروى اللى بتقوليه , و هنا حاستشهد بجملة كتباها الزهراء فى تعليقها هنا

إقتباس
-------
أنا فاكره يوم الأربع الاسود اسراء عبد الفتاح وكنا بالليل وكانت بتكلم الجزيره وقالت انا كلمت د. البلتاجى وهيجيب 5 آلاف وهيجى دلوقتى،
يعنى الحشد ممكن بس لما يبقى فيه نيه وتنسيق وتنظيم
----------

و حضر الدكتور عصام العريان و معه آلاف أيضاً

لذلك أنا أشهد أن الإخوان فصيل وطنى يستحق الإحترام , مكنش يقدر لوحده يغير و كان لازم الشعب كله يتحرك, بسلميه و مسيحيه بيساره و يمينه

Anonymous said...

كل ده جميل ومعاك ميه في الميه .. لكن الدستور ايه النظام؟ خلاص كده مافيش دستور جديد؟ ده حتى شروط الترشح للرئاسة لن تسمح لأي مستقل انه يرشح نفسه، ناهيك عن خيار وفئوس بتاعة المصريين المشكوك في ولائهم والرجال دونا عن النساء .. هو احنا اتطحنا في الثورة دي عشان نطلع بعمرو موسى رئيس؟

Nicholas Urfe said...

انا ضد التشكيك في المجلس الاعلى للقوات المسلحة وهذه النغمة خطر على علاقتنا بالجيش، وان كانت علاقتنا به ليست علاقة الاستجابة المباشرة لمطالبنا فهذا لا يعني بالضرورة انه يحاول الالتفاف حول الثورة او انه مقصر في حقنا .

المجلس الاعلى اما ان نكسبه ونتحالف معه لتحقيق مطالبنا

واما ان ندخل في حالة عداء معه وهذا ليس في مصلحة الثورة ولا مصلحة امن الوطن ككل.

ومن يهاجم الجيش احب اقوله ده جيش بلدك ، لو عندك جيش تاني يحميك ، ابقى هاجموا براحتك

اعتقد ان التفكير مش دائما لازم يكون ثوري صدامي وان كان ده مش عيب لكن احيانا نحتاج تفكير سياسي واستراتيجي متعقل

Nicholas Urfe said...

انا ضد التشكيك في المجلس الاعلى للقوات المسلحة وهذه النغمة خطر على علاقتنا بالجيش، وان كانت علاقتنا به ليست علاقة الاستجابة المباشرة لمطالبنا فهذا لا يعني بالضرورة انه يحاول الالتفاف حول الثورة او انه مقصر في حقنا .

المجلس الاعلى اما ان نكسبه ونتحالف معه لتحقيق مطالبنا

واما ان ندخل في حالة عداء معه وهذا ليس في مصلحة الثورة ولا مصلحة امن الوطن ككل.

ومن يهاجم الجيش احب اقوله ده جيش بلدك ، لو عندك جيش تاني يحميك ، ابقى هاجموا براحتك

اعتقد ان التفكير مش دائما لازم يكون ثوري صدامي وان كان ده مش عيب لكن احيانا نحتاج تفكير سياسي واستراتيجي متعقل

Unknown said...

طبعا يا نيكولاس

التشكيك في المجلس الاعلى للقوات المسلحة سفالة وقلة ادب

ونعمل ايه يعني؟ يعني لما يزنقونا للحيط ونشكك في المجلس يبقى نعمل ايه؟

نرجع مبارك بقى


للاسف كل تفاصيل الثورة المضادة اللي تنبأ بيها هشام البسطويسي بتتنفذ بايد النشطاء نفسهم

fathy said...

انت ناشرة البيان المقرف دة..شهر اية و زفت اية ..انتم اخطاتم انكم سبتم التحرير ..تقولى شهر و شهرين ..تكون الشرطة و امن الدولة لموا نفسهم ..و يكونوا كملوا نهب للبلد ..و دماء الشهداء تكون تلجت مش بردت ..عملتم صفقة و بعتم دم الشهداء ..ائتلاف و لا التفاف ..قادة الثورة ماتوا ..اركنوا على جنب تحت الرصيف..منكم للة..ربنا ينتقم منكم

fathy said...

انت ناشرة البيان المقرف دة..شهر اية و زفت اية ..انتم اخطاتم انكم سبتم التحرير ..تقولى شهر و شهرين ..تكون الشرطة و امن الدولة كونوا لموا نفسهم ..و دم الشهداء تكون تلجت مسدش بردت ..عملتم صفقة و بعتم دم الشهداء ..ائتلاف و لا التفاف ..ربنا ينتقم منكم

fathy said...

انتم حتجننونى ..56 قاضى قدموابلاغ ضد وزبر العدل ..انتم بتعملوا ضدهم ..شهر اية يا نوارة انت نسيتى كلامك..الان يعنى امبارح حرام عليكو ..خلصنا من مبارك ..تطلعوا انتوا تجيبولنا الضغط

hossam said...

استئناف امداد الغاز لاسرائيل ابتداءا من يوم 4 مارس
هذا الخبر مكتوب على قناة الشروق ولا اعرف هل نصدقه ام لا؟

hossam said...

استئناف امداد الغاز لاسرائيل ابتداءا من يوم 4 مارس
هذا الخبر مكتوب على قناة الشروق ولا اعرف هل نصدقه ام لا؟

حازم صبرى said...

ازاى نقدر نفرض بيان ثورة الغضب على المجلس العسكرى خصوصا ان المجلس العسكرى عايز يسيب شفيق شهرين مش فاهم على اساس اية دا الثورة خلعت حسنى مبارك والبلد موقعتش من بعدة احمد شفيق لو اتشال البلد هتقع دا على اساس انة كان اهم من حسنى ؟ فمفيش اى مبرر للابقاء على شفيق وحكومتة غير لحماية رؤؤس الفساد من الثورة
ثانيا- بالنسبة لتشكيل مجلس رئاسى المجلس رافض بالرغم ان تصريحات المجلس انهم مش طالبين سلطة طيب طالما انهم مش طالبين سلطة ما يشكلوا مجلس رئاسى مكون مثلا من رئيس المحكمة الدستورية
ويكون مهمة المجلس الرئاسى 1- تشكيل لجنة محترمة لصياغة دستور جديد للبلاد اايا كان رئاسى او برلمانى المهم يكون دستور لا يجعل الرئيس فرعون مع التركيز على محاسبة الرئيس اذ اخطأ هو وحكومتة
تشكيل لجنة محترمة للتحقيق فى كل الجرائم التى ارتكبت اثناء الثورة من ضمنها حالة الفلتان الامنى وانسحاب الشرطة
تشكيل لجنة محترمة تكون لها كل الصلاحيات لاعادة ثروات مصر المنهوبة فى الداخل والخارج
تشكيل مجلس من القضاة تختص بمحاكمدة الفاسدين والمخربين محاكمة سريعة وتكون احكام هذة اللجنة غير قابلة للطعن
الغاء قانون الطوارئ

تحيا مصر

Unknown said...

""مصرية حرة "" مداخلتين في قمة الذكاء .. وهذا هو الدور الايجابي للمصريين في الخارج ..نشكرك كثيرا ..
"" مهندسة حنان "" انا ايضا لست من الاخوان ولكن مشاركتك هي الحقيقة ..ونحن نخسر مشاركة الاخوان بسبب اننا نتعمد اهمالهم وان نوارة مش بتحبهم .. ولو كانوا موجودين الجمعه اللي فاتت كانت الشرطة العسكرية عمرها ما فكرت تضرب الناس

fathy said...

روقى يا نوارة شكلك متضايقة
ما تزعليش احنا فى مركب واحدة ..
توسيع نقاط الحوار و الاراء المتعددة سيشعرنا بعد وقت قصير بالحيرة و الياس

8 مطالب حققتم الاول و الثانى
نعلق الثالث مؤقتا صعب التعامل
معةحاليا مع الدعاية الاعلامية
و لاننا صبرنا حتى انتهوا من تعديل الدستور

ركزوا كل جهودكم على المطلب الرابع فقط..ببساطة لان وزارة وطنية اكيد ستحقق المطلب الخامس و السادس و السابع و الثامن بنفسها بل ستزيد عليهم

حل جهاز امن الدولة بيد وزير الداخلية..الوزارة الوطنية ستختار وزير داخلية عاقل و معتدل و مش معقد سيتعاون مع وزارة العدلبشكل افضل

لجان قضائية لمحاربة الفساد و استرداد اموالنا بيد وزير عدل شريف و عادل

لاحظوا ان شفبق تمسك باستماتة بوزير العدل لان امثالة فى القضاء المصرى نادر و انتوا عارفين لية
لما شال العادلى جاب توامة و لما شال سامح فهمى جاب توامة ايضا
طبعا لا داعى اعدد مساوىء و اخطاء شفبق الكل عارفها

رجاء يا نوار ةتركيز جهد مطلبنا و حوارنا فى البند الرابع فقط

مطلب اخير يا نوارة انت رفضت قطعبا التشكيك فى الجيش و انا اوافقك لاو اكلب الاعتدال فى الحب و الثقة و الكرة و التشكل و الاعتدال معناة الحرص و الحذر

Egypt trend said...

لكن البيان ده مفهوش مثلا وقف فوري لتصدير الغاز لاسرائيل والذي مصر في امس الحاجة له
ولا حل كل تشكيلات المجلس الوطني ومصادرته كافة امواله للدولة
وحل مجالس المحا فظات والمحليات
فين كل ده

magdy shaheen said...

لابد من كل اسرة لها معتقل قبل او بعد 25 يناير ان يتواصلو ويعتصمو فى التحرير الى ان يستجاب لهم ويتم الافراج عن ابنائهم او ابائهم لان 10000 معتقل رقم كبير جدا فلو تجمع اسرهم فى متوسط 5 افراد لكل اسرة سيتم الافراج عنهم فورا

Unknown said...

هو ليه أنا مشعارفة أفرح كده؟ من يوم الجمعة وأنا قلبي مش راضي يتفاءل... إنتي متطمنة؟

Unknown said...

حل حكومه شفيق+ حل جهاز امن الدوله سيوفر على الشعب المصرى جهد كبير
وعناء كبير حيث ان شفيق وامن الدوله وجهان لعمله واحده
وبعدهما ان شاء الله الباقى هين على شباب الثورة شباب مصر الاحرار

Shoukry said...

Please add these demands as well
1. A presidency council with one of them from the military organization
2. Postpone the elections at least one more year. We don't want the Watani party members with their money enter the elections as individuals and as you know they will win for sure. Also, only the Muslim brotherhood on the opposition are ready.
3. The Egyptians living abroad should have the right to vote in the presidential or parliament elections

elashkeef said...

طيب شوفي كده يا نوارة
http://www.facebook.com/photo.php?fbid=131393756932845&set=a.122753921130162.22767.122752104463677&ref=nf

ده يتسمى ايه بالزبط؟
ورقة مختلفة كثيرا عن اللي اتقدمت للمجلس الأعلى
خصوصا في ترتيب الأولويات
هو ائتلاف شباب الثورة بيتحرك من دماغه ولا بناءا على آراء الناس في الميدان؟

احلام جوليا said...

بصفتي مصرية وبس عندي اقتراح بقدمهولك لانك بالنسبة الينا يا نواره مندوب الثورة عند الشعب ايه رايك لو يتعمل في كل قسم شرطة اشراف من مكتب خاص بجمعية حقوق الانسان طبعا المكتب ده يكون في مقدمه القسم علشان بس الشرطة تتعاود تحترم ادميه المتهمين سواء كانوا مجرمين ام شرفاء فالمتهم برئ حتى تثبت ادانته والشرطة بيتحججوا انهم لا يسيئوا الا معاملة اللصوص والبلطجية وانهم بيربوهم وده خطأ فادح لان ببساطة دي مش وظيفة الشرطة ابدا وهم بيبقى عندهم متهمين وبفضل معاملتهم السيئة لو فيهم شريف بعد ما يطلع من القسم اكيد حيبقى مجرم وانا عن نفسي في اسكندرية حضرت واقعه لشخص اعرفه بالفعل كانت جريمة قتل لسيده عجوز تعيش وحدها في اسكندرية وجمعوا بعد قتلها اخر من تردد عليها الخدامة الي عندها وعامل الجراش وراجل غلبان كان بيصلح ثلاجات عندها يوم مقتلها والبوليس ضربوا الراجل وقلعوه عريان وعملوا معاه الواجب والخدامة كانت ست كبيره جابوها وجابوا ابنها الي في الجامعة ضربوه ضرب مبرح وضربوا امه وعروها قدامه علشان حد يعترف بالجريمة وفي النهاية اتضح ان القاتل هو سايس الجراش وطبعا بعد الحادث الخدامة البريئة روحت وابنها اكتئب وساب الجامعة واتجه لجماعات الاخوان كرد فعل لما رأه وده مش فيلم ده حقيقة وانا كنت اعرف بعض ابطال الاحداث والراجل الغلبان الكهربائي الي صلح لها الثلاجة رجع بيته ومرض من الحزن على نفسه والبهدلة مش من حق الشرطة تهين ولا حتى الحرامي هم مش ربنا ولا هم السادة ولا احنا العبيد لازم الشرطة تتربى لازم الشرطة تتراقب حتى لو جبنا لجنه حقوق انسان او اي صيغة لمكتب يكون له سلطة قضائية مثلا او مكتب مخصوص للرقابة على الشرطة وعلشان احنا بصراحة معندناش ثقة فيهم مهما قالوا لان المشكلة في مخهم مدير الامن يقول " الي يمد ايده على سيده " وكلهم يردوا عليه في صوت واحد " تتقطع ايده " هو ده بقى شعار الشرطة القديم ولا الجديد يا ترى لا ويرد عليهم يقول ويضرب بالجزمة احنا الاسياد كانوا بيعيطوا لما ملقوش شرطة صدقيني يا نواره دول لازم لهم رقابة دائمة لو كنا عاوزينهم يتغيروا لوحدهم وبدون رقابة حيرجعوا زي الاول وبعدين وزير الداخلية الجديد سمعت انه كان بيشتغل مع زكي بدر يعني مصيبة كبيرة ولعنه كمان نواره بما انك المسؤولة امامنا عن الثورة فعليك انت وشباب الثورة البحث عن جهة تراقب الشرطة بشكل يومي من جوا الاقسام علشان يتعدلوا صدقيني مش بالكلام دول تربية مبارك يعني لولا انهم ولادنا ورباهم العدو كنا ولعنا فيهم بصراحة

OmMohamed said...

على فكرة ياولاد لازم تعرفه ان صوابعكو مش زي بعضها وخلينا نكون واقعيين شوية حركة الثورة هايلة مافيش كلام بس لو الطلبات زادت عن حدها ح تنقلب لضدها وانا احساسي ان الجيش بيحاول التهدئة وفي نفس الوقت ميقدرش يشيل الوزارة الانتقالية دلوقت لوجود فراغ إداري وسياسي في البلد وكمان الجيش معندوش كفاءات تدير البلد فيا ريت لما نطلب او نقترح اقتراح يكون عندنا حلول او اشخاص نرشحهم ..لكن بس نقول شيلوا شفيق طب يجيبوا مين ونص البلد طلعت فاسدة وحرامية هو المطلوب دلوقتي الرقابة على الوزراء لغاية ما يظهرلنا ريس
كمان انا مش معاكو في موضوع ان البرادعي يكون في منصب قيادي الراجل ده اصلا مشكوك في ذمته وضميره بعد تواطئه مع امريكا في خراب العراق
لو انه راجل حر ووطني مكنش وافق على التقرير بالحالة النووية للعراق وادى فرصة لامريكا تحط رجلها على ارض العراق

ENG./ELSAYED,PMP said...

بلاغ للسيد النائب العام الموضوع : بخصوص إهدار المال العام وإستغلال نفوذ مقدم من العاملين بشركة المقاولون العرب (عثمان أحمد عثمان وشركاه) والإستيلاء على أراضي مملوكة للدولة المهندس/إبراهيم محلب إستولى على أراضي تقدر بحوالي 50 فدان ما بين مدينة الرحاب والتجمع الخامس ، بمساعدة المهندس/ إبراهيم سليمان وزير الإسكان الأسبق ، بحجة بناء مساكن للعاملين بالشركة ، وقام بتقسيمها قطع صغيرة نظام فيلات للمحاسيب والأعوان، بمقابل بناء فيلات للوزير ، فيلا بجوار قرية مرجانه – القناطر ، وفيلا بأبو سلطان ، وفيلا بشارع العروبة بمصر الجديدة، ومدارس للدكتورة حرم إبراهيم سليمان وكل هذا معظمه على نفقة ومجهود ورواتب العاملين بشركة المقاولون العرب إللي أصبحت تكية للطماعين والحرامية ، بخلاف تجنيدنا نحن العاملين بالشركة للإدلاء بأصواتنا بدوائر الإنتخابات المختلفة على حسب ؟ ما بين مناطق منشية ناصر والجمالية ومدينة نصر ومصر الجديدة ، العاملين تتجمع بناءاً على الأمر المباشر لمديري إدارات وفروع الشركة، بسيارات الشركة ، للإدلاء بأصواتنا للمرشح اللي طرفه مصلحة إبراهيم محلب ! وهذا بخلاف أن ممكن أن يصرف مائة ألف جنيه وأكثر يومياً من حسابات الشركة على الدعاية الإنتخابية.وماشاء الله ..ماشاء الله...نجمه عالي بالجامد ! قام ببناء فيلات للسيد رئيس الجمهورية هو وأولاده ، إسم النبي حرسهم، علاء وجمال مبارك ، بمدينة شرم الشيخ ، وكله ع الحساب ؟ وبناءاً عليه قام ببناء فيلا للسيد/ أحمد نظيف ، بطريق مصر إسكندرية الصحراوي .وفيلا للسيد/ زكريا عزمي بالقاهرة الجديدة ، وفيلا للسيد/ سيد مشعل بالتجمع الخامس وفيلا لزوج بنتهوماشاء الله . ماشاء الله ..أصبح السيد/ إبراهيم محلب هو الراعي الرسمي للدعاية الإنتخابية للحزب الوطني وبهذا نال إعجاب السيد رئيس الوزراء والسيد رئيس الجمهورية ،فعينه عضو مجلس شورى!!؟ويبخت من نفع وإستنفع ! وطبعاً كل ده مش ببلاش،السيد/ إبراهيم محلب نابه من الوليمه جانب، فيلا له وفيلا لإبنه بمدينة الرحاب ، وعدد 7 شركات بالجزائر بإسم نجله الموقر، هذا بخلاف قطعة أرض بجوار المركز الطبي للمقاولون العرب ملك للشركة تم بيعها بثمن بخس بطريقة غير مباشرة وحالياً يقدم ببناءها أبراج بنظام شقق فندقية.وهل يعقل بأن موظف بشركة المقاولون العرب (قطاع عام) يتقاضى مرتب شهري مليون وأكثر؟!، باعوا مطابع الشركة وكانوا يقدموا على بيع نادي العاملين وما خفيه كان أعظم . نتمنى أن يُفتح ملف المقاولون العرب في أقصى سرعة، لأن مافيا السرقات حريفة في تستيف أوراقهم ،بمعاونة كلٍ من: - فيصل مرتضى و عضو الشئون المالية و حسام إمام و مدير مالي الحاسب الآلي و عبد النعيم آدم حالياً بالمعاش إمضاء العاملين بشركة المقاولون العربعثمان أحمد عثمان وشركاهملحوظه: هذه ليست أول مرة نبعث لجهات رقابية مختصة ، ولكن أول مرة نبعث لسيادتكم وذلك لثقتنا جميعاً بإقامة العدل

Unknown said...

على سبيل المثال مطلب الإفراج عن المعتقلين والسجناءتركه الجيش لأمن الدولة ..عرفت ازاى لأن نفس اللى عملوه مع الإسلاميين (بدأوا فى الإفراج عنهم سنة2001ولم ينتهوا منهم حتى الآن أكثر من 10 سنوات كان حوالى 16 ألف معتقل على 16 سجن فى مصر يعني بحسبة بسيطة(كل سجن يطلع منه يوميا1/3 ثلث معتقل علشان الناس يقولوا ما تستعجلوش يا جماعة اهى المطالب ماشية والدنيا ماشية لغاية ما الناس تبرد وتنسى. رحت زيارة لشقيقى فى سجن الوادى الجديد يوم السبت26فبراير لقيت الدنيا غير الدنيا سمعت أحد السجناء يقول لو حد غايب له حد من أحداث الثورة أو حظر التجول يدور عليه فى سجن الوادى لأن كل يوم فيه ناس بتييجى وسمعت ناس منسيين وشفت ناس من اللى حاولوا يدخلوا غزة زمان لهم فى المعتقل 7 سنين هم اللى ردموا عشانهم الأنفاق (لو كانوا فى اسرائيل كانوا أفرجواعنهم من زمان)
على فكرة أخويا تم ترحيله إلي سجن الوادى من سجن المنيا العمومى يوم السبت 19فبراير هو و3 تانى تصفية حسابات معايا علشان طلعت على الجزيرة مباشر وقلت (أناشد وأطالب يوم الأربعاء 16 فبراير) فى نفس الأيام دى كان الأهالى مسكوا حرامى الساعة 2 بالليل واتصلوا بالشرطة فردوا عليهم قالوا اتصرفوا زى ما انتوا عايزين ما عندناش قوات(امال القوات بس للترحيلات و....9

MaxPlus said...

ممكن نجمع توقيعات بالملاييين و نقدمها للمجلس العسكرى

MaxPlus said...

يعنى الخطوات كالاتى
اولا مجلس ائتلاف الثورة يقوم بعمل برنامج مفصل و الشخصيات اللى هتنفذ البرنامج ده
ثانيا نجمع توقيعات بالملايين من كل المصريين جوا مصر و برا مصر
ثالثا نعرض التوقيعات دى على المجلس العسكرى
وبكده هنستفاد هيبقى المجلس العسكرى معندهوش حجه

MaxPlus said...

والنبى يا نوارة وصلى الفكرة دى لمجلس ائتلاف الثورة انا بفكر فى الفكرة دى من ساعة ما تنحى مبارك لانى عارف ان المجلس العسكرى هيلتف ع الثورة
انا مبقولش ان المظاهرات تقف بالعكس دى لازم تستمر لانها اداة ضغط فعاله لكنها لوحدها غير كافية
انا بحاول ادور على الايميل بتاع مجلس ائتلاف الثورة او اى طريقه تانية اقدر اكلمهم بيها