Monday, 14 February 2011

إلى حبيب الملايين: المجلس الاعلى للقوات المسلحة

بعد التحية والاشواق واالمحبة العميقة والعواطف الجياشة والشكر والعرفان
عايزين منكم كام حاجة كده، وبرضه انا حافتح التعليقات عشان اللي نفسه في حاجة يقولها لكم
اولا: والنبي الرائد احمد شومان، احنا في مرحلة ثورة، ارجوكم احنا طالبين تكريمه، مش عقوبته، مش استهانة بقوانين القوات المسلحة اللي كلنا بنحترمها، بس ده ظرف استثنائي لا ينطبق عليها القوانين العادية
نرجوكم الا توقعوا به اي عقوبة واذا كان صعب تكرموه، ما تعاقبوهوش واحنا حنكرمه تكريم شعبي بمعرفتنا
ثانيا: والنبي المعتقلين السياسيين قاعدين في السجن ليه؟ دول حتى عبء عليكم، طلعوهم بقى
ثالثا: هو انتوا مش فضيتوا الميدان؟ خلاص بقى، لازمته ايه قانون الطوارئ
رابعا: عمر سليمان ايه اللي حيتقلد منصب رفيع؟ لا والنبي، لا انتوا بتحبوه ولا احنا بنحبه، هو اتكتب علينا؟ طب بصوا، طب لو ضروري ادوله منصب يبقى ركنة كده، اقصد منصب رفيع قوي بحيث ما يبقاش له اي دور، احنا مش بنثق فيه، واسرائيل وامريكا بيحبوه، وبيكرهوكوا زي ما انتوا راسيين وزي ما اتكتب في ويكيليكس، مش كويس يبقى فاعل، مش كويس لا عليكم ولا علينا
ولو انه لازم يتحاكم على تعذيب الناس وقتل الفلسطينيين وبدو سيناء، بس اذا كان اصفر قوي، يبقى يتحط في منصب ما يعملش فيه حاجة 
خامسا: يا تشيلوا شفيق يا راجل ده، يا تعلموه يتكلم مع الشعب ازاي، ده بيقول على المخلوع "الرئيس"، لا يتعلم يكلمنا ازاي احنا ما نحبش حد يكلمنا بالطريقة دي
سادسا: بالنسبة للجنة اللي بتعدل الدستور الحالي، احنا عايزينكم تطلبوا منهم انهم ينزعوا من رئيس الجمهورية صلاحياته اثناء التعديل المؤقت ده، بحيث ان التعديل الدائم اللي حنعمله بعد كده يبقى في سلطة المجالس التشريعية المنتخبة انتخابات نزيهة من قبل الشعب
سابعا: اي خدمة؟ اي مساعدة؟ عينيا، اللي انتوا محتاجينه منا في التنظيم والادارة وكده، احنا معاكم
ثامنا: احنا عايزين نجمد املاك واموال مبارك ونظامه
تاسعا: حطوا مبارك تحت التحفظ وقولوا لنا انكم عملتوا كده عشان نطمن
عاشرا: خليكم معايا على التليفون، اللي يتصل بيا خمس مرات ورا بعض اقطعوا عنه الخط 
حداشرا: ساعدونا نطهر جيوب الفساد في مؤسسات الدولة
اتناشرا: انا باحبكم قوي... وكلنا بنحبكم قوي
تلتاشرا: بصوا على التعليقات عشان يمكن اكون نسيت حاجة اي حد الشباب يفتكرها
---------
اه نسيت.. تبرعات ميت مليار ده ايه؟ لالالالالالا مافيش الكلام ده، طبعا انا مش حاقولكم، بس مافيش حد حيلم تبرعات ميت مليار لاي حد، احنا لنا فلوس وحترجع ان شاء الله، ومافيش حد حيلم تبرعات... احنا ناقصين استرزاق؟ احنا بس ربنا يوفقنا ونعرف نجيب فلوسنا

68 comments:

Dr.Online said...

و ضع الرئيس و معاونوه تحت التحفظ او تنحيتهم حسب ما فعلوه أهم مطلب

sasa.alzanaty said...

العادلى انا عايز المخابرات هى الى تحقق معاه.....امن الدولة ازاى يحقق معاه ماهما منهم فيهم
انا مقلق من ولاد التيت دول
يا المخابرات يا اى مجلس عسكرى

dolly said...

نوارة انا طبعا مؤمنة بكل كلامكبس عاوزة اقولك حاجة برده نظرية المؤامرة :)
في تحركات كدة مش مريحاني موضوع الاعتصامات و الاضرابات ده في الوقت ده مش حلو انا حاسة انها مدبرة من بعض ديول النظام حاسة انها بتحرض العمال في كل مكان على الاضرابات علشان الحياة تقف مثلا بتوع البنوك و بتوع البترول بيضربو ليه ؟ رغم انهم اكبر رواتب؟ حاسة انهم بيحاولو يقولو شوفتو الفوضى؟
حطي الموضوع ده على حكاية احمد شفيق و تصريحه ان عمر سليمان مرشح لتولي منصب كبير قريب و ده شئ طبعا كان هيجيبلي شلل
متنسيش موضوع مسيرة رد الجميل اللي عاملينها يوم الجمعة
حطي عليهم حكايات التلميع الاخيرة من ان علاء اتخانق مع جمال و قاله انت السبب _ كانهم كانو بيتخانقو قدام الصحفيين مثلا _
و حكاية ان مبارك وبخ جمال على تدخله
و حكاية انهم كانو مبينقلوش الصورة كاملة لمبارك
كل دي اخبار مش مريحة و معاها موضوع توقف الحياة المدنية نتيجة اضرابات تلاقي النتيجة ان مبارك كان كويس و البلد ماشية في عهده زي الساعة و العيال السيس بوظو الدنيا بس مشكلة مبارك انه كان مخدوع و يا ريتنا اديناله فرصة تانية
ارجوكي يا حبيبتي ردي عليا لاني و حياة ولادي ما بنام من كتر القلق خايفة الكابوس يرجع تاني

Chicoo said...

بحبك بت نواره ، بموت فيكي والله العظيم

sasa.alzanaty said...

الواد العادلى الى مقفوش ده
المخابرات او مجلس عسكرى من القوات المسلحة
امن الدولة ايه الى تحقق معاه....هما منهم فيهم اساسا
عروستى
عايزين محاكمه عادلة للشعب ...ظالمه له

Ahmed said...

مضايقني جداً موضوع إن رجال الشرطة بيتظاهروا عشان ياخدوا حقوقهم...مش دول اللى كنا بنترجاهم يرحمونا وإننا خارجين عشانهم وعشان كل المصريين ورغم كدا قتلوا وضربوا وسحلوا وأهانوا الناس؟
دلوقتي فهمت عقولهم البدائية وقلوبهم المُتحجرة إن خروجنا كان لصالح الجميع؟
ومستعجلين قوي على الخروج بعد وكستهم وهروبهم وتهريبهم للمجرمين مع توصيات بقتل الناس وترويعهم وسرقة البلد؟!!!
يعني تخيلوا المسؤولين عن نكسة 1967 يعملوا مُظاهرة يطالبوا بحقوقهم مقابل المجهود اللى بذلوه في الحرب؟؟؟
تخيل لو عندك سواق راح لابس في قطر ومدمرك العربية بتاعتك وبعد كدا رجع من الحادثة يهددك بالإستقالة لو مرفعتش مرتبه!!!
أو تخيل حارس العمارة يطالب السكان بزيادة مرتبه بعد تعرض كل شقق العمارة للسرقة من لصوص هو نفسه تواطىء معاهم!!!
فعلاً إن لم تستح فافعل ما شئت ورجال الشرطة طول عمرهم لا عرفوا حياء وبيعملوا اللى هما عايزينه.

Ahmed said...

العجيب إن وزير الداخلية انصاع لمطالبهم وزود لهم حوافزهم 100%

الحقيقة إني مملوء بالأمل والتفاؤل في كل حاجة في مصر في الفترة القادمة ماعدا رجال الشرطة وعصابات المُخبرين والبلطجية المسماة الشرطة السرية والنهاردة تأكد شعوري تجاههم.
بدءاً من تنسيق الجامعات وكلية الشرطة بتاخد أغبى الناس وأقل مجموع + رشوة للالتحاق بالكلية .. يعني غباء ورشوة وفساد من أولها والكل عارف كدا...واحد دخل كلية الشرطة بالشكل ده نتوقع منه إيه؟

كمان طريقة الدراسة داخل كلية الشرطة ... حيث بيتم مسح الأرض بكل الطلبة الجدد وإهانتهم حتى يتم التأكيد على الطاعة العمياء مهما كانت الأوامر ومهما كان غباء وسوء الأمر الصادر للضابط.

وبعد كدا يخرج الضابط أبو دبورة فرحان بنفسه يلتحق بأول قسم شرطة ويتدرب على الناس هناك لحد ما يفقد آدميته تماماً ويدخل في مرحلة التماهي مع قوانين الطوارىء والاعتقالات بدون أي تحقيق ولا أسلوب علمي في البحث عن المُجرم وبالتالي يترقى ويكبر وهو مش فاهم أي حاجة غير التعدي والسب والتعذيب والقتل..لأنه متربي على قانون الطوارىء اللى بيخلي الضابط لا يحتاج أنه يضيع وقته ومجهوده في محاولة البحث عن الحقيقة وبيستبدل ده بالبحث عن ضحية يلبسها الجريمة.
طبعاً دا غير التلفيقات اللى كان بيعملها الضباط للمواطنين الشرفاء لا لشىء إلا لأنه متوصى عليه أو حتى لأن شكل المواطن معجبوش.....تبدأ بقى الإهانة ودس المخدرات والسلاح الأبيض والأخضر والأحمر والأسود لحد ما ينسوا الناس أهلهم.

أفتكر من 10 سنوات تقريباً ضابط في لجنة معجبوش إني متفزعتش منه وكنت ببتسم وانا بكلمه فأمر إني أركب البوكس وفعلاً ركبت لمدة ساعة تقريباً لحد ما الباشا قرر إنه يطلق سراحي بعد ما سمع صوتي بتخانق مع كل الأمناء اللى حوالين البوكس.
ودا موقف لا كان فيه اشتباه ولا ناسي بطاقتي ولا لابس مقطع وعلى وشى 111 ولا 112 ... ودايماً كنت بشوف التحفز في عيون ضباط الشرطة مع الناس في أي موقف.

طيب بلاش من 10 سنوات دي عشان محدش يقول الناس دي هتتغير...يوم الخميس اللى فات رحت قسم المُنتزه المحروق باللى فيه...ضباط الشرطة مستخبيين من الناس جوة القسم وسايبين الصنايعي اللى برة يطفش الناس ويكذب عليهم...لقيت اتنين مُخبرين قاعدين برة وسألتهم سؤال بسيط...كان ليا جواز سفر هنا..المفروض ألاقيه فين بعد ما قسم الجوازات في المنتزه اتحرق؟
الراجل بعتني...بعتني يعني قاللي روح ستانلي...وبعد ما روحت اكتشفت انه كذب عليا وبعتني مركز لإصدار بطاقات الرقم القومي.
وواحد صاحبي امبارح بس راح لنفس القسم ليسأل نفس السؤال قالولوا روح جوازات الفلكي.

كذب وفساد وانعدام ضمير وقسوة وجرائم ضد الإنسانية وطالعين دلوقتي يطالبوا بزيادة مرتباتهم؟
على ضرب المتظاهرين ولا على قتل ال300 شهيد ولا الاختطاف ولا فتح السجون للمجرمين وإطلاقهم على أرواح الناس ومصالحهم وعلى البلد كلها؟؟؟؟

الحقيقة توقيت تظاهرهم ده قضى على أي أمل في إصلاح الناس دي.

عارف إن البعض هيقولك في ضباط أولاد ناس والكلام ده.
ياسيدي أهلاً وسهلاً...أنا بقالي ساعة قبل ما أكتب الكلام ده قعدت أعصر دماغي عشان أفتكر ضابط كويس قابلته في حياتي عشان مظلمش حد...
الحقيقة مفتكرتش غير ضابط واحد فقط اسمه "عمر خطاب" .. دا ضابط مرور في الاسكندرية كنت بستمتع بمراقبته وهو بيجري من مكتبه بورق الناس لتخليص مصالحهم بمنتهى الاحترام والحب والود وممكن يقعدك ويجيبلك حاجة تشربها كمان.
في حد تاني؟
والله مش فاكر أي حد غيره بسوء والحد الأدنى هو التعالي وقلة الذوق والتجهم الشديد عشان يرعبك قبل حتى ما يعرف انت عايز ايه عشان هو في الغالب طور الله في برسيمه ومتعلمش غير كدا...ومجرد ما المواطن يغور من وشه يقلب فيها مُهرج القسم.

أهلاً وسهلاً بفلول الشرطة الهاربة مافيش مشكلة...بس نتحاسب الأول ونشوف مين اللى عذب مواطن ومين اللى أهان إنسان أو نهب حق أو لفق تُهمة أو قتل المُتظاهرين....والقائمة طويلة جداً ياريت اللى عنده حاجة موثقة يبدأ يبعتها للجهات المسؤولة.

مش عايزين نثور ونتظاهر ونموت في الشوارع عشان يخرج أذناب النظام وحماته ليلتهموا مُكتسبات الأمة وباردو يفضلوا يعملوا اللى كانوا بيعملوه دايماً.
مش عايزين نثور على النظام (البوليسي) ويطلع لنا رجال البوليس في ثوب الحملان ويطالبوا كمان بمكافآت وحوافز.

لا إله إلا الله
طب خلوا عندكوا دم واستنوا لما يعدي الأربعين على اللى قتلتوهم..ولا لما الناس اللى خرجت للثورة تاخد حقوقها.
ولا حتى من باب الجدعنة والولاء لزعيم العصابة استنوا لما يخلصوا تحقيق مع المعلم بتاعكوا أو حد منكم يروح يشيل عنه شوية.

بعض أعمال رجال البوليس التي يستحقون عليها زيادة 100% في الأجور

http://a2.sphotos.ak.fbcdn.net/hphotos-ak-ash1/180968_499208792582_656047582_6607621_1921175_n.jpg

احمد خليل said...

لم يحسم الامر بعد اعتقد انة مازال هناك صراع بين المجلس الاعلى للقوات المسلحة فى جانب واحمد شفيق وعمر سليمان المسيطرين على الحرس الجمهورى فى جانب اخر...انزواء قوة الشارع وترك الميادين والساحات خطر على الثورة ..لنحشد الجماهير للنزول مرة اخرى

نبض البعث said...

اسعد عطاري

طبعا لازم يتحاكم ويوقع به حكم الشعب , ويجب استفتاء الشعب على الدستور الجديد , وكمان عدم وضع أي من كان ابان حكم النظام او بالعربي الفصيح كل رموز الفساد مش عاوزينهم لو بدنا اياهم ما عملنا الثورة , وكمان تشكيل حكومة مدنية وفيها ممثل من الجيش يكون استشاري , تفعيل سؤال هو جميل لاذان البسطاء وثقيل على الفاسدين هو " من اين لك هذا ؟؟؟"" , وكمان يجب تجميد كل الاتفاقيات او الغائها الي تخص الكيان الصهيوني الغاز النا مو للياهود

ali said...

ليس وضع تحت تحفظ فقط بل محاكمته ..بصراحة أحبط عندما رأئيت الجيش يبعد الأبطال عن ساحة معركته والتي كان بالأجدر من الجيش أن تكون معركته..لقد هدأ الجيش هداة غريبة في وسط تلك الأحداث ثم رجعت له النخوة فجاة وهذا ما يخيفني وما زاد حزني وغلي أن أرى أشباح النظام القديم مرة أخرى ومن يعلم إحتمال يخططوا انو الحصل دا ما يحصل وتستغل ثروات البلاد مرة أخرى لخدمة طاغية جديد ..يا رب ألطف بمصر

مدير التحرير said...

بعدين كلام امبارح باليل انه العادلي يمكن يصيبه أو يدخله أحد في ذبحة قلبية علشان يخلصوه منه

Hussein Fathy said...

I agree with you in every thing, Shoman must be forgiven, Soliman Must Must go to hell"Did't he say we are not ready for democracy, he killed many people, when American asked him for sample of DNA to mach alzawahry he offered sending the arm of alzawahry's brother even if he was joking it tells every body about how bad is the man. Shafik may be is good man but not for the Job and if only because he been hired by Mubark he should go soon. You must promote the word the removed president (Al-rayes Al-makhloua)because he did not leave by his well, he was forced to leave after 400 been killed. I am an Egyptian American and I have no Arabic key board. Thank you for your Actions

ali said...

ليس وضع تحت تحفظ فقط بل محاكمته ..بصراحة أحبط عندما رأئيت الجيش يبعد الأبطال عن ساحة معركته والتي كان بالأجدر من الجيش أن تكون معركته..لقد هدأ الجيش هداة غريبة في وسط تلك الأحداث ثم رجعت له النخوة فجاة وهذا ما يخيفني وما زاد حزني وغلي أن أرى أشباح النظام القديم مرة أخرى ومن يعلم إحتمال يخططوا انو الحصل دا ما يحصل وتستغل ثروات البلاد مرة أخرى لخدمة طاغية جديد ..يا رب ألطف بمصر

Ahmed Gabr said...

استحداث وزارة او جهاز لمكافحة الفساد
وتوفير كافة الامكانيات ليكون فعال وسريع الحركه

tattah2001 said...

منهم النقيب اللي كان في التحرير من أول يوم نزل الجيش و اتصور و هو بيتظاهر و قطع صورة الرئيس ربنا يستر عليه
وبعدين ميين سليمان دة علشان يخد
منصب كبير
مش دة بردوا بتاع صبرة نفذ مش هيصبر على ميدان التحرير كتير
و مش دة بردوا بتاع الشعب دة مش عنده ثقافة الديموقراطية
طب مكان يحاول يعلمها لنا من ساعة مامسكك المخابرات في 1993 اي من 18 سنة
اية قلة الادب و الوقاحة والسفاقة والغباء دي قال يعني بيخاطب أمريكا
هو شكلة فاكر الشعب لسة مرسي الزناتي اتهزم يا منز

zeereda said...

أهم حاجة يا نوارة مسألتيش عليها
فين البنبون اللى كان جايبهولنا شفيق يا راجل
أنا أصلى زهقت من كنتاكى و كان نفسى آكل البنبون بتاع عمو شفيق

محمد نجم said...

نوّارة الناس الي بتعتصم دي مش من مصلحتنا
شفتي بيان الجيش الخامس؟
مش مبسوطين
والجيش لما بيزعل انتي عارفة

tattah2001 said...

منهم النقيب اللي كان في التحرير من أول يوم نزل الجيش و اتصور و هو بيتظاهر و قطع صورة الرئيس ربنا يستر عليه
وبعدين ميين سليمان دة علشان يخد
منصب كبير
مش دة بردوا بتاع صبرة نفذ مش هيصبر على ميدان التحرير كتير
و مش دة بردوا بتاع الشعب دة مش عنده ثقافة الديموقراطية
طب مكان يحاول يعلمها لنا من ساعة مامسكك المخابرات في 1993 اي من 18 سنة
اية قلة الادب و الوقاحة والسفاقة والغباء دي قال يعني بيخاطب أمريكا
هو شكلة فاكر الشعب لسة مرسي الزناتي اتهزم يا منز

magdy said...

محتاجين الجيش يتحفظ على قواعد بيانات أمن الدولة فى أسرع وقت. و لا بد رئيس الوزراء يغير لغته فى الكلام لأن الثوار مش ناقصين استفزاز. و إذا كان رافض الثورة و مؤيد لمبارك ليه مش بيستقيل؟

haneen said...

انا عايزه ابلغك حاجه يا ريت لو تقدرى توصليها عنى .. انا النهارده الناس المتظاهرين طلعوا عليا وانا قاعده فى مكتبى فى الديوان العام لوزارة الزراعه، وكانوا عايزين يولعوا فيا انا وزملائى .. الموضوع بقى فوضى وسفاله وقلة ادب وذاد عن حده قوى وبقى فيه مرتزقه وبلطجيه مش ممكن يكونو دول من الشعب ابداً يعنى احنا كلنا بما فينا الوزير نفسه نزل كلمهم واخد كل طلباتهم وبصراحه الراجل ما بينامش شهادة حق ومش ملاحق هو وكل فريق العمل ومن كل النواحى التعدى على الارض بنحصره والمؤقتين هيتعينوا وعايز يعمل حاجات كتيره جداً ولسه بيشيل ناس وبيجيب ناس نظيفه لكن المتظاهرين عايزين دلوقتى حالاً .. النهارده دخلوا عليا ويقولولى هنولع فيكم لو ما نفذتوش طلباتنا وامبارح حاصروا الوزاره وقفلوا علينا الباب ومش عايزينا نروح واضطرينا نروح من باب سرى على شارع جانبى وسيبنا عربيتنا بايته فى الوزاره علشان خايفين نفتح الباب .. النهارده طلعناهم للوزير فى مكتبه قاعدوا يهتفوا ويشتموا ومقدرناش عليهم انا روحت بيتنا بمعجزه وسيبا زملائى ربنا معاهم لغاية دلوقتى محاصرينهم .. واتصلنا بالجيش قالولنا دا مش اختصاصنا ولا لاقيين امين شرطه ولا عسكرى حتى فى الشارع او بيردوا علينا .. يعنى دول مين بجد وهيستفادوا ايه لما يولعونا مش يسيبوا الوزراء الجداد يشوفوا شغلهم علشان ينظموا الدنيا شويه ولا ايه يعنى .. والله العظيم انا كان فى ايدى شغل مهم جداً كله لمصلحة البلد كنت بعمل كشف بالتعدى على الاراضى الزراعية والبناء عليها وقت الثوره وبتصل بكل الجهات المعنيه علشان يوقفوا البنا لكن مقدرتش اقعد ، معجزنا وبيهجموا علينا ويشتمونا ، قعدت اكلمهم واقولهم احنا زيكم موظفين وعايزين مصلحتكم بس ادونا فرصه نحقق اى حاجه من اللى انتوا بتطلبوها .. بس تقولى لمين ،، والله كلهم من القرى والصعيد ومعاهم شوم .. يا جماعه ياللى بتظهروا على شاشة التليفزيون يا ريت تناشدوا الناس دى وتناشدوا اللى المفروض يحمونا ويوفرولنا مكان آمن نقدر نخلص فيه شغلنا .. ومن مدونتك بناشد اى حد شاف او عرف حد بنى على ارض زراعية فى ايام الاحتجاجات يبلغنا على فاكس وزارة الزراعه ضرورى رقم 37498128

تونسي said...

لست في موقع إعطاء الدروس لأحد لكن صراحة لا أفهم ارتياح المصريين لإمساك الجيش بالسلطة.
أكيد الظروف عندنا في تونس وعندكم في مصر مختلفة وأكيد أنه تاريخيا إمساك الجيش بالسلطة ليس غريبا على الشعب المصري لكن المفروض أنه هذه الثورات هي أيضا ثورات على التقاليد وعلى الموروث.
المؤسسة العسكرية لا ينبغي أن تقترب من السلطة ولا أن تمارس السياسة لا من قريب ولا من بعيد و الإنسان العسكري بطبيعته غير مؤهل لممارسة السياسة مهما كانت نواياه حسنة.
هذا كان موقفنا في تونس حين طرحت فرضية تولي رئيس الأركان رشيد عمار السلطة الإنتقالية لكن طبعا أنتم أدرى بالشأن المصري.

mamado said...

الجيش المصري والله انا فخوزه بيكم جدا ومقدره كل مجهودكم النفسي والبدني والعصبي بس انتو برده كنتوا مريحين بقالكم فتره عموما احنا مستنيين منكم كتير ووالله احنا تحت امركم في اي حاجه حتي الظباط هنعصر على نفسنا لمونه وبردهتحت امرهم لا تحت امرهم اايه نساعدهم بس المهم انا عاوزه منكم ظهور لوزير الداخليه وبيان لموقف الظباط والامن المركزي والحرس الجمهوري هما فين بالظبط وبيعملوا اايه ولا هيفضلوا يقولوا خلاويص كده كتير ثم ايضا عاوزه اعرف من دلوقت هيئه غير النائب العام تكون أئتلافيه من جيش لقضاه لناس مختصه كده تتابعلنا فلوسنا فين وبيانات اول باول تاول اايه الوضع في تعقب الفساد والحاجات دي عاوزه سرعه عشان عصابة حماده وتوتو متتوصاش واخيرا معلش تاني الظبااااط فييييين هوه احنا ياهرهر يا طرطر والله يخليكم بالله عليكم المعتقلين بقه او ممكن ططلعولنا وزير الداخليه في مؤتمر صحفي واحنا نقرره انتو مبتعرفوش تتعاملوا مع الاشكال دي

جمال عبد الرحيم said...

نوارة مصر
شكرا ليكي و لكل الشباب المصري الأصيل
إللي رفض الذل و المهانة
بعد ما اتحكمنا سنين من مثلث الرعب
حثالة رجال السياسة
+ زبالة رجال الأعمال
بالإضافة لأساتذة الدعارة الصحفية و الإعلامية
أنا لأول مرة أكتب تعليق في مدونة باللهجة العامية
بفتخر جدا باللغة العربية الفصحى
لأني مؤمن بوحدة الشعوب غصياً عن عين الحكام
لكن النهارده استثناء
شكرا لكل شاب و فتاة أعادوا الروح لمصر

جمال عبد الرحيم said...

نوارة مصر
شكرا ليكي و لكل الشباب المصري الأصيل
إللي رفض الذل و المهانة
بعد ما اتحكمنا سنين من مثلث الرعب
حثالة رجال السياسة
+ زبالة رجال الأعمال
بالإضافة لأساتذة الدعارة الصحفية و الإعلامية
أنا لأول مرة أكتب تعليق في مدونة باللهجة العامية
بفتخر جدا باللغة العربية الفصحى
لأني مؤمن بوحدة الشعوب غصياً عن عين الحكام
لكن النهارده استثناء
شكرا لكل شاب و فتاة أعادوا الروح لمصر

AhmedEzzat said...

مش في دماغي اقتراحات كتير . بس عاوز اقول حملات التجميل لوزاره الداخليه بجد مضايقاني , لو بيعملو كدا عشان اننا منطلبش محاكمه كل الظباط اللي أمرو او نفذو ضرب النار فينا ! يبقي مستحييل ! انا مش حتسامح ابدا في دا

كمان بتوع التعذيب اللي تاريخهم ناصع السواد ماشاء الله !!

دا ﻻزم عشان تبقي حاجه كدا في تاريخ الشرطه و تتدرس في الشرطه ان اللي عملو كدا مصيرهم كان اسود ! و اللي حيعمل زيهم حيلاقي نفس مصيرهم !!

كلام من دماغى said...

المليجى فرصة نضيفة
ياأوشة انتى نسيتى تلاتاشر وده مهم جدا والنبى يجيبوا لنا كانتاكا م اللى بيقولوا عليه ده احسن انا جوعت وانتى طول النهار فى المزاهرات وماطبختيش

مايهمش said...

يانوارة

لازم يتعاد التحقيق فى غرق العبارة و ال

1200 شهيد
اللى راحوا فيها بسبب ان صاحب الشركة كان شريك زكريا عزمى رأس الأفعى

eslam said...

حبيب العادلي يتحاكم محاكمه عسكريه وامانه عليكم لما يصدر حكم باعدامه تنفذوا الحكم في ميدان التحرير
عمر سليمان انا كنت مفكر ان دوره انتهي بس واضح ان لسه ابعدوه عننا هو واي حد اسرائيل وامريكا بتحبه

zamlook said...

أمن الدوله لازم يتلغي أو على الأقل يتم صياغته بشكل جديد وقبل دا لازم القيادات تتغير والعقول كمان تتغير لأننا مش هنقبل بالذل تاني

zamlook said...

أمن الدوله لازم يتلغي أو على الأقل يتم صياغته بشكل جديد وقبل دا لازم القيادات تتغير والعقول كمان تتغير لأننا مش هنقبل بالذل تاني

مش فاهمه said...

نوارة مهم و عاجل بسرعه جدا وانا راجعه فى شارع الهرم الشارع واقف اتارى ايه اتارى حبيب هارتى محمد حسين يعقوب بيخطب فى الناس و يلخبطلها دماغها و موقف بنات منقبات ماسكين ورق مكتوب عليه الشعب يريد حكم الشريعه تفيت عليهم و مشيت
شوفى لك صرفه بقه

أبو هاجر said...

ست الكل مساء الخير
بدو سينا
أنت دارسة أدب أنجليزي يعني دارسة الفيلولوجيا، أي فقه اللغة .هل تعلمين يا ست الكل أن الثورة الفرنسية أحدثت ثورة في فقه اللغة ألغت مفردات ونحتت أخرى تتماشى مع قيم الثورة
وقياسا على ذلك ،على الثورة في مصر أن نتحت مصطلحاتها ومفرداتها الخاصة بها وأنت قد أشرت إلى ذلك لما قلت ما فيشه كلام عن مصر فوق الجميع وأنا كنت قد علقت على ذلك وطلبت رأيك لكن مثل العادة مطنشة .

المهم أنا اقترح استبدال كلمة بدو بكلمة مواطني سينا لأن مفردة بدو تحمل الكثير من المضامين العنصرية و الطبقية
لك أجمل التحيات

mado said...

لو سمحتم يعني انا عايز اقول حاجة مش قادر افهمها.الجيش قال ان دوروا تسليم السلطة لحكومة انتقاليه،طيب انتوا ليه بتعاملوه علي انه حكومة؟يعني من الاخر الجيش عايز يسلم الموضوع لمدنين و يرجع مكانه، طيب ده جميل،ليه انتوا عايزين تخلوه يبقي حكومة و ياخد قرارات و يحاسب الناس؟هوا مزاج يعني ان انتوا تخلوا الجيش يلعب سياسة؟انا شايف الجيش عايز يلم الموضوع بسرعة و يجيب مدنين ويخلع وبعد كدة انتوا تنتخبوا و تحاسبوا وتحاكموا.بدل ما يضيعوا طاقتكم في نقض الجيش شوفوا الحكومة الانتقالية دي مين يكون فيها؟من كان من ذيول مبارك؟وبعدين لاصحاب المطالب الفءوية المفروض تطلعوا بيان من الثورة لكل الفءات ان يلتزموا الهدوء لحدانتخاب الحكومة ما بعد الانتقالية.هما صبروا ٣٠ سنة معلش خلوها ٣٠ سنة ونص.

السلام عليكم said...

لا ميعلموش شفيق يتكلم

يشيلوه ده لسه بيقول حركه 25 يناير مش قادر يعتبرها ثوره وبيعين محافط دمياط وزير اسكان .هى لعبه الكراسى الموسيقيه دى مش حتخلص
اصلا بقى هو ده صاحب موقعه الحمال والحمير والبغال لانه كان يعتدر عنها والعيال لسه يتضرب ومدير مصلحه السجون السابق ده يتعين وزير داخليه ليه طيب اصلا فين الداخليه

والاشكال العجيبه اللى معينها وزراء هى نفس الناس اللى بقالهم سنين خاربنها واحد زى سامح فهمى اللى اهدر فعلا ثروات مصر ده قاعد ليه

عائشه عبد الهادى دى لازمتها ايه
هانى هلال قاتل البحث العلمى ده بيعمل ايه ولو حتى مؤقتا
فيه حاجات حتى مؤقتا مينفعش تتعمل

ابسط حاجه يعملوا زى حسنى والدنيا والعه غير محافظ سينا والوادى الجديد طيب الجيش ليه سايب محافظ السويس

وتحيه خاصه جدا للجيش وياريت زى مااحنا متعودين على الدقه فى الاداء السرعه مطلوبه فى هده المرحله وربنا يوفقكم

السلام عليكم said...

لا ميعلموش شفيق يتكلم

يشيلوه ده لسه بيقول حركه 25 يناير مش قادر يعتبرها ثوره وبيعين محافظ دمياط وزير اسكان .هى لعبه الكراسى الموسيقيه دى مش حتخلص
اصلا بقى هو ده صاحب موقعه الحمال والحمير والبغال لانه كان يعتدر عنها والعيال لسه يتضرب ومدير مصلحه السجون السابق ده يتعين وزير داخليه ليه طيب اصلا فين الداخليه

والاشكال العجيبه اللى معينها وزراء هى نفس الناس اللى بقالهم سنين خاربنها واحد زى سامح فهمى اللى اهدر فعلا ثروات مصر ده قاعد ليه

عائشه عبد الهادى دى لازمتها ايه
هانى هلال قاتل البحث العلمى ده بيعمل ايه ولو حتى مؤقتا
فيه حاجات حتى مؤقتا مينفعش تتعملالراجل اللى اسمه معرفش ايه حاجه فريد بتاع الصحه ده كان عميد طب القاهره والاساتده هناك كانوا قرفانيين منه

ابسط حاجه يعملوا زى حسنى والدنيا والعه غير محافظ سينا والوادى الجديد طيب الجيش ليه سايب محافظ السويس

وتحيه خاصه جدا للجيش وياريت زى مااحنا متعودين على الدقه فى الاداء السرعه مطلوبه فى هده المرحله وربنا يوفقكم

سامح said...

نفسي نرجع المطاريد اللي بره مصر
شفافية بقى على الآخر : الموازنة العامة تبقى موجودة على الانترنت وتقارير الجهاز المركزي للمحاسبات وكل الكلام ده يبقى على عينك يا تاجر
------------------------------------
في نهاية كل بيان بيقولوا الله الموفق بفتح الفاء ينطقوا صح
ووائل غنيم بيقول سدة الحكم بفتح السين
ههههههههه ارحمونا

TSA said...

نوارة ، أولاً آعترف بأني سوداني ، وأعترف وآقر وآبصم بالعشرة إني بحب مصر موت ، كما أقر بكل فخر إني خريج جامعة القاهرة الأم .. آفتكر كفاية كدة اعترافات واقرارات الهدف منها استسمحكم في طرح تعليقي.
آولاً ، إيه الحكاية يا نوارة .. إنتي بقيتي بقيتي سوفت واللا إيه .. قلبك رق ليه ! عمر سليمان إيه اللي انتي موافقة يدوه وظيفة بس تكون مش مهمه عشان ما يعملش حاجه ؟؟! والله ده لو حطوه غفير في واق الواق برضو حيكون شغلو الشاغل الانتقام .. مش انتو بتقولو ديل حاجه كده عمرو ما يتعدل .. طب ايش حال أما يكون مصاب أصلاً بداء الحاجات دي والحالة الراهنة ميكس شديد من الغضب والإحباط ، وبالغضب ما قصدش آنقر .. أقصد فيوري.
أما شفيق يا راجل ، فده فعلاً وضعه غريب ومريب ع الآخر .. ده عايز يجيب الفقي وعمر سليمان وكأن ما حصلش حاجه في أم الدنيا .. بعد شويه حيقولكو إن رجال الأعمال سند للثورة وعليه نجيب عز من تاني !! الجماعة دول يا إما مش مستوعبين الموضوع .. يا إما مستوعبينو ع الآخر .. خلو بالكو .. وسلم مربع لك يا نوارة ولأبوكي وكل الثوار .. وسلميلي على مصر

Haya said...

اعملوا اللي انتوا عاوزينوا بس أرجووووكم عمر سلامونتي دا ما يهوبش ناحيه الجامعة العربية...مش عارفه ليه قلبي مقبوض من ناحيتوا وحاسه انه ممكن يتركن هناك ..ياخراااابي لو دا حاصل ..قال يعني هي كانت ما خربتش!!

Z said...

محمد حسين 21 سنه,أستشهد بالإسكندرية أثناء قيادته للمظاهرات بالإسكندرية يوم 28 يناير 2011 , وتم التعرف عليه مساء أمس السبت 12 من فبراير و دفن بمدافن الأسرة بسيدى بشر مساء الأحد 13 فبراير

rania said...

الثورة دي مشكلتها ملهاش زعيم ملهاش راس يعني الحكومه لازم حد تخاف منه وترجع ليه ولاني رافضه حكم الفرد وبنادي بحكم البلد من خلال مجالس نيابيه على شاكله المانيا فانا بنادي برجوع هيئه الحكما اوي هيئه لحمايه الثوره بيها جميع النخب السياسيه من شاكله سليم العوا وحسن نافعه وناس بتفهم في القانون معاهم ممثلي حزب الغد وكفايه والاخوان .
وعلى فكره لما اتكلمتي ابمارح لقناه الجزيرة ليه اتكلمتي باللهحه العاميه وانتي الفصيحه بنت الفصيح لما تتكلمي لقناه عربيه اتكلمي باللغه العربيه

navydiver said...

انا خايف و حاسس ان فى شغل مش تمام وحاجات مش راكبه على بعض ,,الناس مخرجتش ليه من المعتقل ... مين بيحقق معاهم وليه , مفيد شهاب لسه موجود ليه مع ان مفيش مجالس اصلا .. ميين هيعدل الدستور .. لسافى ناس بتعتقل .. ولسه فى شرطه بتعتدى على الناس زى بتاع المباحث الى كان عايز يقتل ايمن نور انهارده ..بتوع امن الدوله لسه شفالين مش عارف بيعملوا اييه .. حبييب اللى عندهم دة بيضايفوه ولا اييه ..فين باقى شله الحراميه ...عرفوا احنا مسروق مننا كام ولا لسه وهبجيبوهم ازاى ولسه الفلوس بتتهرب على بره ولا لا...وزكريا عزمى بيعمل ايه فى القصر وعمر سليمان صفته اييه ومن امتى الموظفيين كلهم بيعملوا اعتصام مع بعض ..... اخيرا لو الموضوع طلع اشتغاله هنعرف نلم الناس بالعدد ده كله تانى ولا هنام ونيأس واللى ماتو دول من غير فايده ؟؟

مصر 30 said...

هل فعلا الإعتقالات مستمرة ؟؟
متى يتم الإفراج عن معتقلى 25 يناير و كافة من تم
إعتقاله بدون احكام قضائية ؟
هل فعلا عمر سليمان و زكريا عزمى مستمرين فى عملهم كما ذكرت الدستور ؟؟؟

KazoOozaa said...

نشطاء الاسكندرية يعرفون ادمن صفحة كلنا خالد سعيد معرفة شخصية و بيقولوا ان وائل غنيم مش هو الادمن و انه كومبارس تبع امن الدولة و بعدين الادمن الحقيقى اسكندرانى و مقبوض عليه و لسة ماخرجش

انا حاسة اننا اتسجدنا و انضحك علينا لأن النظام القديم لا زال يحكم من وراء ستار

اموت و اعرف سامح فهمى لسة فى الوزارة ليه و دة معروف عنه انه حرامى اصيل و تقيل

عمر سليمان و كمال الشاذلى بيعملوا ايه فى رياسة الجمهورية

الجيش واخدنا على قد عقلنا لأن طنطاوى وجه اخر لمبارك و مش ممكن يبيعه

امريكا و اسرائيل ابتدوا يحشروا مناخيرهم فى الموضوع و مش ممكن يسمحوا بوجود رئيس وطنى و محترم لمصر

انا قلقانة

Z said...

http://www.youtube.com/watch?v=DPBFIoJ1Reo

Talal Hefnawy said...

أنا أراهن إن واحد من التعديلات الدستورية إن منصب القائد الأعلى للقوات المسلحة مايبقاش في أيد رئيس الدولةويكون قرار السلم والحرب بس في أيد الجيش .. بالطريقة ده أمريكا و إسرائيل مش هيكون محتاجين أي حليف إستراتيجي دكتاتوري في المنطقة. أنا مش مع الجيش إنه يتفرد بالحكم 6 شهور. تضمن منين إن مبارك ميرجعش في كلامه ذي ما عبد النصر عمل. تضمن منين إن بعد الميادين ماتفضة ميجبوش شوية بلطجية و يملو بيهم الميدان و يقولو لا تتنحا .. زكريا عزمي بيهبب اه و بيبعت تقارير لحسني بأمارة إيه.. و ذي منتي قلت.. شفيق لسه بيقول بابا حسني ليه؟ فيه حاجة مش مظبوطة.. فيه حاجات كتير مش مظبوطة يا ناس.

من مغربي said...

إلى أحرار مصر

بالرغم من الرونق الفريد و خصائص ثورة الشباب المصرية، و نتائجها الكبيرة، إلا أن هده النثائج لم تصل بعد، و بكل صراحة، إلى نتائج متيلتها التونسية، و دلك راجع للدور الإيجابي و الواظح للجيش التونسي

فقدأسفرت الثورة التونسية عن سقوط واظح لرئيس البلاد و عائلته و حاشيته، و محاربة حرس الرئيس،و تم تجميد نشاط الحزب الحاكم و طرد رموز الحزب من الحكومة، و تم تغيير وزير الداخلية بعد أن تفلسف على الشغب في ندوة صحفية

كما أُرغم رؤساء لمؤسسات عمومية على تقديم إستقالتهم، و تمت محاربة ولاة بعض الأقاليم و رموز الفساد في الشرطة، و كان تمن دلك المزيد من الشهداء الأبرار

طبعا هدا لا يقلل من نتائج الثورة المصرية العضيمة، و لكن يجب الإنتباه إلى أن سقوط العادلي و جمال و حسني و صفوت، لا يعني سقوط "كادر" النظام ... خصوصا عندما تستمع للتصريحات الأبوية العُلوية لأحمد شفيق يوم أمس و بعض النفاق المتكرر و الموزع على شاشة القنوات المصرية

نعم، الثورة أسقطت النظام و لكنها لم تجهز عليه، و هو سيحاول الوقوف، لدى يجب على الثورة أن لا تعطي بطهرها لعدوها

ستُجهز الثورة على النظام السابق عندما يتم حل و تفكيك الحزب الوطني، و يتم قيام الدولة المدنية الخالصة

كانت لدي الثقة في شعب مصر و كتبت لكي يا نوارة في 17 يناير ما يلي

---------
إرتاحي يا نوارة أنتم القادمون (ولا تنتطري الإخوة الجزائريين، الأمر هناك أعقد) فالتورة الحالية تتطلب شباب واعي و شعب مطحون و فايسبوك و نخبة تتسلم المقود و توجه، و مصر تتوفر على دلك ....0
----------

الشباب المصري الدي شاهده العالم يمنح الثقة أن المسار الذي خطته الثورة لن يفطي إلا لنتائج بناء مصر الحرة بأبنائها الأحرار

تحيا مصر، مصر التي هي الشعب المصري

مع كل المحبة و الإعجاب لأحرارمصر

Sherif said...

أختى العزيزة نوارة مصر, إعجابى بك وبعقلك ليس له حدود (كنت ـ وما زلت ـ أنقل عن مدونتك وأرسل إلى كل معارفى, لتعم الفائدة) لكن اقبلى منى هذا العتاب: ظرف استثنائى لا تصلح معه القوانين العادية؟ أليست هذه, بالضبط بالضبط
, هى الحجة التى جرعتنا مرارة الطوارىء 30 عاما ونيف؟

gleamsofhope2 said...

الشعور المتزايد بالقلق عند الناس والاعتصامات المتلاحقة فى هذا الوقت الحرج واستعجال الاصلاحات راجع لعدم ثقة زرع بداخلنا منذ سنين طويلة جدا وخوف شديد ان يتم احتواء الثورة بكلام معسول ينزل على مافيش ولذلك رأيى ان من احد اهم اسباب هذا القلق هو هذه الحكومة التى ليس لوجودها اى معنى ايجابى أومطمئن حتى ولو تحت مسمى تصريف أعمال ومجرد طرح اسم رئيس حكومة يثق به الناس كالدكتور الجنزورى والذى جربه الشعب منقبل كفيل بتهدئة الامور لحد بعيد

madman512 said...

استاذه نواره
طبعاً في ناس لازم تتحاكم وتتحاسب على كل اللي حصل سواء قبل 25 يناير وبعدها بس كمان محتاجين نبص لقدام ونبدأ نخطط للمستقبل وكمان عاوزين ندي مساحة للناس اللي موجوده تبدأ تشتغل ونشوف الدنيا هاتمشي إزاي ولو مش عاجبنا حاجة نبقى نعترض عليها بس دلوقتي لازم كلنا نبدأ نور مناخ مناسب للحياة تمشي
وطلب خاص ممكن لو ايميل حضرتك أو وسيلة اتصال علشان في حاجات عاوز اعرضها على حضرتك ويهمني رأيك فيها وشكراً

shaarawim said...

انا مش حابب موضوع سليمان ده و قالقني ولو الراجل ده رجع هزعل اوي. وموضوع مليارات التبرع ده.. هوه احنا مش طلعنا عشان الكرامه و عزة النفس برضه ولا ايه. واللي مضايقني فيه ان الجيش وافق عليه. كأن الجيش مش واخد الشباب ده على محمل الجد.و دي النظره المتفائله لان النظره المتشائمه ان الجيش مواق بجد ودي تبقى مش حلوه خالص. كمان نفسي الدكتور مصطفى حمزه يكون له دور ما. وكمان عايز لجنة حكماء من شرفاء الجيل القديم تكون ناصح ومرشد وموجه للفتره القادمه. الناس دي هي اللي عارفه كل الخبايا والعيوب علشان نقصر المسافات. وكمان عايز التحقيق في كل ملفات الخصخصه بدون بلاغات.

المهدى said...

نوارة الثورة امبارح كتبتلك تعليق وموصلش كنت فيه مؤيد للثورات الصغيرة وكنت أرجوك أن تتواجدى بكثافة على كل الفضائيات المصرية وعلى شاشة تليفزيون بلدناوذلك للإسراع فى هدم قيم عصر مبارك الفاسدة ورفع أنقاضه ومن ثم تقصير الفترة الإنتقالية
والأن أرجوك كمان مرة التواجد الكثيف ولكن موضوع الثورة المضادة ده لأ واضح فعلا إن العاطل حيختلط بالباطل وأذناب النظام المخلوع سيعملوا بجد على الأقل للمحافظة على أمنهم الشخصى ووجهة نظرهم العفنة وما كانوا يقولون أنه الإستقرار
هم يريدون فعلا للمرة الأخيرة المقارنة بين إستقرار الفساد وفوضى الثورة
ضباط شرطة-حزب وطنى -موظفى بنوك -مشايخ سلفيين مع عمال ومظفين ومهنيين تذكرى خميس والبقرى وراجعى بيانات الأحزاب وقتها عن تلك الحادثة ومناقشات الظباط الأحرار عنها
لاحظى أن ظباط الأن أكبر سنا وأبعد عن الحياة المدنية يعنى ليس لديهم الجهد أو الطاقة للإستمرار فى مناقشة كل مظالم عصر مبارك
يعنى نخللى طلباتنا منهم محددة وودودة زى بياناتهم و نسيب أرامل النظام المخلوع وحدهم فى الشارع

Noha said...

Allah ye7fazek, love you a lot

Hala said...

لماذا؟
1. لماذا يستمر وزراء مثل أبو الغيط وعائشة عبد الهادى وعلى الدين هلال وسامح فهمى وممدوح مرعى فى الوزارة الحالية؟ وما "فائدة" مفيد شهاب بعد أن انحل المجلس؟
2.لماذا غاب عن ذهن النائب العام أسماء بعض الوزراء السابقين مثل وزير الزراعة ووزير الثقافة؟
3.لماذا لا يعتذر شيخ الأزهر والبابا علنا وصراحة للشعب المصرى عن مؤازرتهم غير المشروطة للنظام السابق؟
4.لماذا يتسامح الناس مع أشخاص مثل ممتاز القط وأسامة سرايا باستمرار شرائهم وقراءتهم للأخبار والأهرام؟

farida said...

في البداية لازم احييكي .. أحبك و أحترمك مثل كثيرين رغم اختلاف اسلوب كتابتنا
:))
ثانيا لي منك رجاء بصفة شخصية لأنك اكثر المدونين شعبية يا نوارة و مهما كان لنا قراء إلا أنك أنت الأكثر قراءة

لازم يا نوارة نكون كلنا أكثر ايجابية و كما أشرتي انت في نهاية مقالك .. ان شاء الله هنقدر .. نرجع فلوسنا المنهوبة و نبني بلدنا
انا كتبت سلسلة مقالات اثناء الثورة و اليوم سأكتب و نكتب جميعا للحفاظ على كل ما ظهر من ايجابيات في مصر و أظهرته الثورة الشعبية الجميلة

ثالثا
يجب أن نوحد جميعنا مطلب واحد
نكتب عنه في مدوناتنا او نرسل للجيش بأي طريقة
القصاص

دم الشهداء يا نوارة
لازم العادلي يتحاكم و بسرعة
بسرعة جدا
لن تكون محاكمته بسرعة طلقة الرصاص التي اطلقها ببرود على المتظاهرين
لكن يجب ألا تكون ببطء تحلل الجسد بالأرض

لازم يتحاكم هو و كل مسئول

و ربنا مع كل من يريد خير لهذا البلد

SaMi said...

تحنيط الرئيس المقلوع ووضعه في زجاجة داخل المتحف وتسميته عنخ حسون .. وتحنيط الست مراتو ورميها في النيل

clarkreport2002 said...

لابد من الاتي فورا:
1- تسريح وسحب سلاح الشرطة القديمة كلهم، وذلك ﻷن معظمهم إما مجرمين جريمة كبرى هي حماية تزوير إرادة الشعب في الانتخابات والتعذيب والضرب والقتل، و إما خونة بترك مواقعهم في وقت الثورة فأحدثوا اضطراب وزعزعة للأمن، وإما مرتشين ومجرمين من قبل الثورة كانوا يتقاضون إتاوات يومية بالالاف من الغلابة والشركت والمحلات ويأكلون ويركبون مجانا أي سيارة ميكروباص أو تاكسي وكأنهم ملكوا الشعب!!
2- يعطون معاش مؤقت لحين البت في محاكماتهم العسكرية أو حصولهم على عفو من أصحاب الحقوق الذين عانوا من بلطجتهم وسرقاتهم وفرض سيطرتهم العقود الماضية..ولو حصلوا على العفو يمكن تدريبهم على أي مهنة جديدة مع عدم العمل او الاشتراك في اي نشاط سياسي أو أمني او شبه امني
3- تدريب سريع لللجان الشعبية وإعطاء أفراد هذه اللجان رواتب رمزيةلهم لحين تخرج الدفعة الاولى من الشرطة
4- إنشاء فوري لهيئة شرطة جديدة من جمعيات المجتمع المدني والجيش وشركات الأمن والحراسة وخبراء نظيفي السمعة من أكاديمية الشرطة والجيش وخبرات من دول لهاسمعة عالمية لشرطتها كشرطة دبي مثلا بموضوعية بدون الكبر المسيطر على عقلية الهيئة الحالية ﻷنهم بالفعل أفضل فلا فساد ولافشل أمني كما هو الحال قبل وأثناء وبعد يناير، ووضع منهج جديد لتخريج موظفي أمن يحمي ويساعد الشعب والوطن والبلاد ويحمي القانون وليس باشا يخضع الجميع له خوفا من بلطجته.
5- يتم فتح باب التقدم وكشف الهيئة والتدريب كاملا بشفافية كاملة بحضور دائم من ممثلي هيئة الشرطة المستقلةوالمجتمع المدني.
6- يتم تخريج دفعة ألف موظف امن كل شهر حتى يتم تغطية احتياجات مصر خلال سنة

gamal212 said...

I entirly agree with you Nawara in relation to the points you raised and i go further than that by holding Suliman and Shafeek directly responsiblefor the loss of lives during a peaceful and legitimate demonstration.
I am so proud more than ever to be Egyptian and i can not tell you how much everyone in the UK is happy with a revolution which is so unique in the manner that happened.
You keep the revolution alive and we will keep on supporting.

clarkreport2002 said...

"نشطاء الاسكندرية يعرفون ادمن صفحة كلنا خالد سعيد معرفة شخصية و بيقولوا ان وائل غنيم مش هو الادمن و انه كومبارس تبع امن الدولة و بعدين الادمن الحقيقى اسكندرانى و مقبوض عليه و لسة ماخرجش

انا حاسة اننا اتسجدنا و انضحك علينا لأن النظام القديم لا زال يحكم من وراء ستار "


كلامك يدلل عليه فعلا أشياء
منها انه ظهر فجأة، وتم الترحيب به والتعامل معه وإعطاؤه دور فجأه..وكأنما يراد له أن يكون هو ممثل هذه الأجهزة في كيان الثورة

ثانيا اليوم وضعت تعليقا على كلامه على صفحة خالد سعيد يتحدث فيه عن انجازات الثورة العشرين، وكتبت له حوالي اربعة انجازات تتعلق بإن الجيش صار أقوى نفسيا واستطاع عزل مبارك، وإن الجيش صار أكثر قوة بعد أن كان معتادا على التنفيذ فقط لا على اتخاذ قرارات وطنية في صالح مصر
وهكذا..ففوجئت بحذف التعليق بعد ثوان او دقائق من كتابته
وتحديت مدير الصفحة ان شنره مرة أخرى ان كان راجل، ويعتذر، ان كان فعلا يؤمن بحرية التعبير خاصة اني لم اشتم احدا لكن ده تحليلي ورؤيتي، فلم يرد احد، ولم يعاد نشر التعليق
ده معناه: إن هناك جهاز أمني غير امن الدولة يتابع النت، والمدونات وكل الهيصة دي وهذا الجهاز قد يكون له يد في منع النت ومراقبتها واعتقال النشطاء وتتبعهم عليها
وده معناه في النهاية: أننا أمام نظام متعفن جديد، لكن هذه المرة: مختف، وسيظل مختفيا مالم نعريه ونتعامل بصرامة مع أي تخاذل من ناحية الجيش في تحقيق مطالبنا ومطالب الشعب بسرعة وبدون أي تأجيلات عبيطة ﻷننا فعلا سئمنا أسلوب الاستعباط والتعامل معنا على أننا عبط ومتخلفين

MOHAMAD.ALY9 said...

لو سمحتى يا نوارة
شفيق ياراجل دة مش عايزينه خالص دة لسة بيعامل الشعب من منطلق بابا والعيال ويقول للناس المعتصمين ازاى ولادى كلهم فجأة يطالبونى بزيادة المصرزف مرة واحدة وانا ابوهم هجبلهم منين ايه القرف دة دة اهبل ولا ايه مصروف ايه واب ايه وعيال ايه احنا خلصنا من بابا مبارك عشان يجلنا بابا شفيق يا راجل دة لأ انا اخويا من يوم 25 يناير ةاتصاب ونفسيته تعبانة جدا من تلكع الجيش فى الافراج عن المعتقلين وكمان من الحكومة المقرفة دى شوفيلك حل انتى ممكن تطلعى مع محمود سعد او اى قناة وتوصلى مطالبنا كفاية بقى حرام عليهم
صافى

Love Life said...

رجاء التأكد من صحة هذا الخبر..الرائد احمد شومان اللي انضم للمصريين في المطالبة بحقوقهم في ميدان التحرير تم معاقبته بمحاكمة عسكرية ب 25 سنة سجن حربي....

Ahmed shamy said...

اولا السلام عليكم ثانيا انا هعلق على حاجه واحده وهى اخر نقطه انتى اتكلمتى فيها بصى بقى احنا حوالى 10 مليون عايشين بره وبعدين يعنى مش انتوا بقى اللى بتحبوا مصر واحنا لا انتى تشوفى بتوع الاعلام ولا تشوفى اى مسئول وتفتحوا حساب خاص بالازمه الاقتصاديه الحاليه فى مصر عشان نبعت عليه ولا هى بلدكم لوحدكم ان شاء الله لا احنا لينا فيها وتخصنا برده

wael_mah_70 said...

لازم يوجد اليه محدده للتعبير عن الراي لاي مواطن مصري .و يجب احترام كل الاراء ..
2- الانتباه لاعداء الثوره لان دول موجودين بينا و اهدافهم تخريب هذه الثوره
3- شفيق يا راجل لازم يتشال لانه اهم موالي للرئيس المخلوع و هو خطر كبير علي الثوره
4- الثوره يجب ان تكون يقظه و مستعده للنزول الي الشارع في حال الشعور باي خطر
5-عدم الوثوق الزائد في القوات المسلحه لان اعضائها هم من ابناء الرئيس المخلوع و لا تنسو ان من اهداف ثوره يوليو الي قام بيها الجيش اقامه حياه ديموقراطيه سليمه
7-اباطره النظام مئل سليمان و سرور و صفوت تفتكرو الناس دي سلمت خلاص زز مستحيل اكيد بيخططو لاعاده الرئيس المخلوع مره اخري و المخابرات و امن الدوله معاهم
8- بصراحه انا قلقان جدا جدا لان مفيش حاجه اتغيرت غير خروج الرئيس لكن باقي عناصر النظام لسه موجوده و موضوع مجلس الشعب و اشوره كويس وو لكن يجب محاسبه القيادات و احالتهم الي التحقيق لانهم كده هما فايقين لقتل الثوره و معروف اسلوبهم استخدام البلطجيه و لكن ممكن يستخدموهم بكريقه مختلفه المره دي لعمل مظاهرات وهميه و لعمل فتنه لذلك يجب العوده الي الشارع اذا استمر الوضع علي ما هو عليه
8- الشافيه هي فين الشفافيه انا مش شايف شفافيه ززز مين الي بيعدل في الدستور .. و لماذا اختارت القوات المسلحه الاشخاص دول بالذات من شباب الثوره للتفاوض معاهم .. الثوره دي نجحت لان ليس ليها قائد هما دلوقتي بيعملو ليها قائد مثل وائل غنيم و بعض الاشخاص و ده قلقني جدا لان ده خطر علي الثوره مش عايزين قيادات الشعب كله هو الي قام بالثوره يبقي يتحاورو مع الشعب كله من خلال مؤتمرات حاشده

magdy said...

التونسة كانو اذكى مننا لانهم استمرو حتى ابعاد كل الرموز السابقة حتى لا تحدث لهم انتكاسة فنحن لم نسقط النظام بل الرئس فقط اما الجسم فمازال يحاول ايجاد رئس لة فلابد من النزول مرة اخرى لاسقاط النظام بالكامل ومحدش يضحك علينا وكل مخاوفك فى محلها نوارتنا دة حتى الدول الاوربية مستغربة ان احنا حتى الان لم نطلب تجميد الارصدة

magdy said...

التونسة كانو اذكى مننا لانهم استمرو حتى ابعاد كل الرموز السابقة حتى لا تحدث لهم انتكاسة فنحن لم نسقط النظام بل الرئس فقط اما الجسم فمازال يحاول ايجاد رئس لة فلابد من النزول مرة اخرى لاسقاط النظام بالكامل ومحدش يضحك علينا وكل مخاوفك فى محلها نوارتنا دة حتى الدول الاوربية مستغربة ان احنا حتى الان لم نطلب تجميد الارصدة

kooky kak said...

يا نوارة أنا معاكي في كل اللي قلتيه
الفترة الجاية دي لازم الشعب يكون صاحي لان الفساد منتشر في كل المصالح ولو سكتنا عليه يبقى معملناش حاجة فلازم خطوات واضحة وجدول زمني واضح واستبعاد لأي حد فاسد في كل مصلحة حكومية عشان البلد تنظف من اللي كانت فيه
فعلا فيه تصريحات كتيرة واخبار مش عاجباني زي خلاف الاستاذ علاء والاستاذ جمال
وغيبوبة الرئيس كل دي حاجات عشان التعاطف والناس ضميرها يأنبها
والوزيرة المخدماتية اللي اسمها عيشة وبتاع البترول وبتاع الداخلية وشفيق يا راجل بيهببوا ايه لغاية دلوقت
لازم الحذر والناس تبقى صاحية
بس انتي مية مية وأنا معجبة بيكي جدا جدا ارائك كلها بتوزن دماغي أتمنى لكي التوفيق
مرفت

أُكتب بالرصاص said...

يسلم فمك يا نوارة ،
أحلى زعغروطة سمعتها، حسيت انها طالعة من القلب فعلا،
زغروطة مخلصة

ماوراهاش اجندة

انا عندي طلب

المحاكمات اللي ها تتم لازم تكون لايف
يعني على الهواء مباشرة

وكمان الاحكام اللي ها تتوقع على الفاسدين والمتورطين في دم الشعب

لازم تكون يا اما في ميدان عام
او مذاعة على الهواء مباشرة

وتقبلي خالص تحياتي

clarkreport2002 said...

أولا باصحح كلامي..ﻷن ممكن يوكن السبب في ازالة تعليقي المذكور على صفحة خالد سعيد ان واحد عمل ريبورت او فلاج؟ مش عارف ده له تأثير ان - أنا - صاحب المداخلة لا أراها أم هو اتحذف فعلا من مدير الصفحة؟

ثانيا أ. نوارة باشكرك وصلتي كثيرا من أفكارنا في لقاء الجزيرة امس معاك، لكن نسيتي ربما موضوع احمد شومان ونسيتي تؤكدي ان الجيش محترم ﻷنه احترم وظيفته كحارس للأمن وليس سياسيا وهو ما جعل الناس تحبه ..وهو مفهوم لابد من التأكيد عليه حتى لا تدفعه الظروف لممارسة دور ليس له
ربنا يكرمك

هدى said...

روحى: نواره نجم .. يا نوارة شباب بلادي

تورة 25 يناير .. أو ثورة الشباب .. أفرزت وجوه شبابية ربما لم يكن ليعرفها الكثيرون بفضل النظام البائد .. الذي كان يجثم على صدور الشباب .. فخنق ابداعاتهم ..
وقبل أن أخوض في الحديث عن نماذج من هؤلاء الشباب ... دعونا نتقدم بخالص العزاء لأهالينا واهالي شهدائنا شهداء تورة التحرير.. فشباب مصر لن ينسوا اخوانهم الذي ضحوا بأرواحهم في سبيل مصر وفي سبيل حريتنا .. سنيظلون في قلوبنا ... نتذكرهم كلما استنشقنا نسيم الحرية .. سنتذكرهم كلما وطأت أقدامنا ميدان التحرير الذي رووا أرضه بدمائهم الذكية .. لن ننسى
روحى: خالد سعيد ... رحمهم الله جميعا ... ونحسبهم عنده شهداء باذن الله
روحى: لا يفوتني أن أشكر كل من ساهم في هذه الثورة ... من أول المؤسيين وأصحاب الفكرة ... مرورا بكل من شارك وتواجد من الشباب..شكرا لشعب مصر العظيم الذي دعم وساند شباب مصر .. حتى لاح النصر المبين ..
أما عن الوجوه الشابة التي كانت جذوة الثورة ونيرانها التي لا تهدأ ...فسأتحدث عن نموذجين

روحى: نوارة نجم يا نوارة شباب بلادي ...يا من تحملين في ثنايا روحك رقة الأنثى ..وشهامة الرجال ... وعطف الكبار ... كنا نسمعك على الفضائيات ... فكنتي تتحدثين بلساننا .... وتقولين ما نريد أن نقوله .... تشعلين حماس الشباب ...
روحى: وتلهبين ثورتهم . فيتحول الاحساس بالتعب الى رغبة في الصمود والتحدي ... وبعد النصر ... رأيتك تبكي فبكيت معكي ... رأيت دموعك وكأن عينيك أمطرت لؤلؤا فسقت وردا على وجنتيك ... تحية لكي من القلب يا بنت بلادي ... يا نوارة شباب بلادي
forgive98: ياصباح الحرية
forgive98: اية الابداع دة
روحى: وائل غنيم ... حامل شعلة الثورة وملهمها ... شاب من خيرة شباب مصر ... علم وثقافة ووعى ورقى ... مركزه الوظيفي المرموق ... دليل علمه وثقافته .. له أفكار وطموح وأحلام لمعشوقته ومعشوقتنا مصر .. نتمنى جميعا أن نحققها... جاهد وكافح وجمع أقرانه من الشباب حوله ... فاستمعوا له وأنصتوا ... لم يدعي بطولة ...ولم ينسب فضلا الى نفسه ... بل قال أن الفضل في شباب 25 يناير ... قال انه في كان يبحث عن مصر التي قرأ عنها في التاريخ ... لانه لم يرها على أرض الواقع .. لم ير سوى مصر الفساد والغش والنفاق
روحى: فبحث عنها في ثمانية عشر يوما .... فوجد مصر التي يعرفها في وجوه الشباب وفي روحهم الوثابة ... وحماسهم المنقطع النطير .. واراتهم التي لا تلين
روحى: وبايمانهم بعدالة مطالبهم وقضيتهم
روحى: وبأن الله لن يخذلهم
روحى: تحدث فكان بليغا
روحى: وصمت فكان بليغا أيضا
روحى: حفظك الله يا وائل أنت ونوارة .... وكل شباب مصر العظيم ... الذي رفع رؤوسنا
روحى: حتى ناطحت السحاب
روحى: وحفظ لنا مصرنا الحبيبة الغالية ... من الفاسدين والظالمين والمتجبرين
روحى: أمين