Sunday, 20 February 2011

فتنة طائفية يا مبارك؟ احنا غلطنا اننا سيبنا الميدان بس حنروح شرم الشيخ

اسامة سرايا ومنى الشاذلي بيعملوا فتنة طائفية؟ 
هي بقت كده؟ 
اسامة سرايا منزل استفتاء على الغاء المادة التانية من الدستور مع ان ماحدش جاب سيرة الغائها والكنيسة قالت مش عايزين نلغيها وادي واحد مسيحي علماني كاتب عن المادة التانية للدستور
وبعدين منى الشاذلي طالعة في العاشرة مساء تقول عودة القرضاوي زي عودة الخوميني؟ 
هي بقت كده؟ 
على فكرة احنا غلطنا اننا سيبنا الميدان
وانا شايفة اننا نعمل مسيرة مليونية لشرم الشيخ، مش باهرج، وجود مبارك في شرم الشيخ غلط، وهو اللي بيدي التعليمات دي في التليفون، وامن الدولة الظاهر صحي تاني وعمر سليمان بياخد التعليمات وعمال يحقن فتنة طائفية وبيطلعوا اشاعات كاذبة عن مسيرات بكرة ضد ومع المادة التانية مع ان ماحدش هوب ناحية المادة التانية
وبعدين القذافي بيقطع باقة الجزيرة وباقة القنوات المسيحية معاها فاتقطعت معاها قامت الناس خافت، بس قناة اقرأ كمان اتقطعت
ماحدش يخاف.. ماحدش يخاف
ده شغل قذر ومفقوس 
وانا واثقة ان الناس مش حتستجيب للقذارة دي بس هم عايزين يولعوها
كده يا مبارك؟ بقى انت صاحي وبتلعب؟
طب خليك مكانك.... احنا جايين لك شرم الشيخ، مش حنقعد في الميدان، حنروح شرم الشيخ 

60 comments:

mohammed said...

يجماعة وربنا حد يناولنى تذكرة لشرم .. وانا اروح ابات له قدام القصصصر لحد ما يغوور من هنا .. دا ميعرفش ان الشباب دى كلها لو طـَـالت رقبته .. هتجيبه نـُـصين

محمد نجم said...

حد خد باله من الي بيعمله التليفزيون المصري؟؟
الحرب النفسية مع المواطنين وبالاخص المسيحيين منهم؟
لميس الحديدي رجعت تلعب اللعبة القديمة تاني و تقول اللي في ميدان التحرير امبارح إخوان و راحت طالبالنا الأخ رفعت السعيد علشان يقول البقين بتوعه!
وشغالين علي مسلسلات الجاسوسية والنضال وافلام عجيبة
وجايبين الشعراوي و ومصطفي محمود
معمالين يستضيفوا في اخوان

محمد صبرى said...

الفرصة الوحيدة قدام نظام مبارك هى الفتنة الطائفية

مفيش قدامهم كارت غيرها ..لابد من التطهير

ممكن اقولك على راي امى؟
ليه انتى و وائل الابراشى و الشيخ صفوت حجازى و الناس المحترمة اللى من اشرف الناس فى مصر بتروحوا تقابلوا اهل الفتن و المتلونين فى التليفزيون

يعنى انتى و وائل الابراشي قعدتوا مع معتز الدمرداش اللى استضاف عماد اديب و على جمعة لتشوية المظاهرات و التحريض عليها

وائل الابراشي قعد مع هناء سمري و سيد علي

الشيخ صفوت حجازى قعد مع الغبي عمرو اديب و الوفدى الفتنة اللى بيجى معاه اللى مش فاكر حتى اسمه ايه

رايها انه دا غلط

معرفش بيتهيالى ربما رايها فيه وجاهة شيئا ما.. هى شايفة انه لازم يبقى فيه مقاطعة... و لا انتى ايه رايك؟

محمد صبرى said...

يا جماعة كل المطالب هى طلب واحد

رئيس وزرا موثوق فيه خطوة غير قابلة للانتظار و الله, و من خلال رئيس وزرا موثوق فيه ممكن يتغير الكثير فى المرحلة المهمة دى

محمد صبرى said...

محمد نجم

نفس النغمة بيلعب عليها عمرو اديب

Mahmoud Bahgat said...

كلامك مظبوط لأنى شوفت ده بيحصل دلوقت فى تونس بيحاولوا يخلوها علمانية بحيث اليهود و المسلمين اللى هناك يضربوا فى بعض لازم نفوق بتوع تونس و احنا كمان نفوق معاهم

aly said...

ياولاد التيييييييييييييييييت
بس شرم بعيدة شوية وهتستنزفنا
هو لو ركزنا على كلابه اللي هنا ونخلعهم من أماكنهم هو من نفسه هيسيب شرم ويعدي البحر لجدة

الأهم نركز مع نفسنا ونهدي الناس اللي الموضوع ده زي الدمل بالنسبة لهم ونفهمهم ان دول شوية كلاب بتهوهو ولو فكروا يعملوا مسيرة مثلا هتلاقي عشرة ماشيين والكاميرا عمالة تجيبهم من كل زاوية عشان يقولوا مسيرة وهم كانوا شطار في الموضوع ده

يعني اللجنة اللي موجودة زي الفل والحكم صندوق الاستفتاء
ونسيبهم يهوهوا مع نفسهم ونركز في فلوسنا اللي عايزين نرجعها وقانون الطوارئ اللي هو سلاح الداخلية ولسة متمسكة بيه في قمعنا

اعقل مجنونه said...

انا قولت ان السنه دى مش هتعدى على خير ، تنحرق الثانويه العامه بقى يعنى 18 يوم فى التحرير ومحصلش حاجه ، الراجل دا عايز ايه يعنى ، والله شكله كده عايزنى اسقط

heba said...

العزيزة نوارة محبطة أنا بعد تفاؤل واضح السرطان استئصالة مش بالبساطة اللي تخيلناها لسةالطريق طويل .. أيوه يا محمد واضح لازم تكون نهايته نهاية تشاوشيسكو زي ما بقالي عشر سنين باتخيل ..بس الواحد مش قادر يتحمل يشوف شهداء تاني قلوبنا اتهدت من أخبار شهداءنا وشهداء ليبيا واليمن .. لا أدري من أين أتى هؤلاء المجرمون ليقودونا للهلاك

utopia said...

صح النوووووووم
خللينا قاعدين نستنى لغاية ما نلاقيه رجع تانى استجابة لرغبات الجماهير العريضة
ولا بعد ما يفجروا لنا كام كنيسة على كام مسجد ويولعوا لنا البلد
التوانسة رجعوا تانى الشارع بعد شهر

FATMA said...

انا ما كنتش في الميدان لاني من خارج القاهرة لكن انا منذالبداية خايفة من ترك الثوار للميدان
لانه ده الي كاموا عايزينه وحاسة ان همه بينفذوا الي عايزينه منذ البداية وليس طلبات الثوار ارجو ان اكون مخطئة

dina said...

هيكل كان لسه مع محمود سعد و اتكلم ان وجود مبارك في شرم ده مقصود و مدروس و انه اخطر حاجة دلوقتي لأن الناس اللي لها مصالح لسه مستعدة تدافع عن بقاء النظام و قال انه التليفونات شغالة بشدة بين القاهرة و شرم بصفة مستمرة و دي حاجة مقلقة مش عارفة انا حاسة بالعجز ايه الحل؟

Nahla said...

مش أنا قولتلك؟ عالفيسبوك فيه كم صفحات عشان المادة التانية دييي.... التكتل القبطي، والدعوة السلفية، لما خلوها خل خالص.... والمثقفين فيه كتير منهم انساقوا ورا الموضوع (ناس قالوا أيوة صح عشان تبقى مدنية علمانية بجد، وناس قالوا عايزين شرع ربنا في الأرض بقى)... والموضوع كبر.... طب وبعديييييييييييييين

σαα∂ said...

بجد لو عملتوا كده تبقوا شباب جااااااااامد جدآآآآآآآآآآآآآوالمفروض افتخر بيكم واحد واحد بجد
بس مبارك مافيهوش حيل يدي تعليمات .. ده جمال ابن التربنتيت هو اللي شغال فيها !!!! بس حسبي الله ونعم الوكيل
بس بجد لو روحتوا شرم الشيخوالله هتكونوا بجد بجد بجد مش عارفه اوصف هاتبقوا عاملين ازاى فى نظر العالم
ربنا يعينكم يااااااارب

admin said...

ميه ميه يا نوارة وشوفى هيكل بيقول ايه تضارب في التقارير حول صحته وثروته ، خرج الكاتب الصحفي المصري الكبير محمد حسنين هيكل على الملأ ليفجر مفاجأة مدوية حول لغز إصرار الرئيس المصري السابق حسني مبارك على البقاء في شرم الشيخ ورفضه دعوات السفر للخارج .

ففي مقابلة مع برنامج "مصر النهارده" مساء السبت الموافق 19 فبراير ، كشف هيكل عن عشرة مشاهد فيما يتعلق بثورة شباب 25 يناير بعضها يبعث على التفاؤل " الشباب والجماهير والجيش " وبعضها الآخر يثير القلق والارتياب "التحول السريع في المواقف ومظاهرة التأييد لمبارك ولغز البقاء في شرم الشيخ ".

ويبدو أن النقطة الأخيرة تحديدا هي كلمة السر في هذا الصدد ، حيث أكد هيكل أن خطة التأمين في الدول البوليسية التي كانت قائمة في عهد مبارك كانت تقوم على اختيار أماكن مفتوحة وبعيدة ولايستطيع أحد أن يمسها بضرر ومن هنا جاء التركيز على شرم الشيخ ، قائلا :" شرم الشيخ بعيدة عن الأنظار وبعيدة عن تمركز الجيش وقريبة من البحر والمطار والأهم أنها قريبة من إسرائيل وبجوارها أيضا قوة أمريكية في سيناء ".

وتابع هيكل " مبارك لايزال يتلقى اتصالات من كل مكان ، التليفونات لا تتوقف بين القاهرة وشرم الشيخ ، نحن أمام بؤرة خطر في شرم الشيخ لابد من إزالتها لضمان نجاح الثورة ، بقاء مبارك في شرم الشيخ ممكن أن يشكل مركزا مناوئا للثورة ويؤدي إلى مشاكل ".

aly said...

http://moheet.com/show_news.aspx?nid=449189&pg=1

ودي نزيلها ازاي يا عم هيكل

بلوجاتي said...

انا شامم ان اللي ورا اضرابات البنوك هو مبارك من شرم الشيخ

و اللي ورا اضرابات عمال المحلة الولية عيشة

و اللعب من تحت لتحت عشان يلخبطوا الجيش و يلخبطونا و منركزش في اللي بيحصل و محاسبة الفساد و القضاء على أعوان النظام

المهندس said...

نوارة الضرب التقيل ابتدي .. ومن تحت الحزام ... وفي ناس بحسن نية - ولا هبل مش عارف بالظبط - بتساهم فيه
انا طول عمري ضد الاخوان كتيار سياسي ... لكن اللي ببتعمله فرقة حصبله ده .. هتخليني ابقي اكثر تشددا من الاخوان ... ايه العته ده ؟؟؟؟؟
اخوان ايه وزفت ايه ؟ وخميني ايه اللي راجع ؟؟؟؟ دول ناس اتهبشوا في دماغهم اخر 19 حاجة .... الخطبة امبارح انا سمعتها وكانت كلها ثناء علي المصريين اللي اتحدوا وازاي قاوموا الفتنة الطائفية .
وقبل الصلاة بعشر دقايق كان في صلاة جنائزية للمسيحيين ... وواحد مسيحي كان بيقرا من مزامير داود ... وجورج اسق كان بيهتف ... البشر الكلاب اللي بيتكلموا عن الفتنة الطائفية دول ولاد ستين ..تييييييييت ... وبعدين لو الاخوان يقدروا يطلعوا 5 مليون متظاهر ... ونظام الرئيس المخلوع يطلع 5 الاف ... يبقي نبايع الاخوان بالرئاسة مدي الحياة
ده كله شغل قذر ... ومني الشاذلي بانت علي حقيقتها من ساعة ما استضافت ... كلاب الشرطة عشان يعيطوا في برنامجها
احنا عاوزين شباب الثورة يضع خطة عاجلة ... ومتقولوش الاخوان ينفوا ... دول من كتر نفيهم مساكين ... فاضل يقولوا احنا هنببطل نصلي ونصوم ... قالوا مش هيرشحوا رئيس ... ومش عاوزين اغلبية برلمانية .... يقولوا ايه تاني ؟
نواااااارة ... رجاء التصرف بسرعة ... الثورة المضادة بدأت في الانقضاض ... وباقذر مما كنا نتخيل ... وشكل الخديو توفيق عاوز يرجع علي اسنة الحراب بتاعة قوة حماية دولية للاقليات

مواطن مصري said...

احنا نشوف سالم لافي في سيناء هو ورجالتة يطلعو ع شارم

دودو said...

انا فهمت اذناب النظام من الاعلاميين لسه موجودين لدلوقتى ليه ؟
الكل النهارده بلا استئناء اتكلم عن ان المظاهرات تم استغلالها من الاخوان وانها كانت اخوانيه صرفه ..شوف ازاى!!!
؟
ومحدش فيهم جاب سيره الترانيم المسيحيه اللى قبلها
اللعب مازال مستمرا وبقوه
لازم شفشق وشله الحراميه يمشوا
ولازم الاعلام ينضف الناس دى مش ساكته ربنا يحرقهم يااااارب

Khaled Selim said...

الناس دي معندهاش خطوط حمرا خالص
أهم حاجة ثرواتهم ونفوذهم

كلاب الأرض والله

حسن على said...

وجود عمر سليمان وزكريا عزمى وشفيق يا راحل وباقى الوجوة المعتادة على التدليس والانكار والكذب الدائم تضع سحابة سوداء فوق مصر كلها نرجوا ان نتخلص منها لنتفس هواء الحرية الذى حرمنا منة طوبلا

kiki said...

Wallahy ya Nawara da kan ra2yy... 7atta yezwar lewa7do men akl el Caviar. ra2yy teb2a 7aga benafs fekret 7ossan trwada..ya3ny mosh bass selmeya... yeb2a mosh montzar menha ay 7aga ye2la2 menha 3am abou 3ala2. we a7san kaman law kano sayedat faqat wel reggala 7awalehom Cordon law 7assalet ay 7araket ella.

Feeh maqal khallany asawwat, enn Mubarak qanounan la yazal ra2ees al gomhoureya 7atta shahr september amma "al takhally 3an al maham al re2asseya" lazem net2akked iza kan momken el rogoo3 feeh. e7na 3awzeen el nezam da kollo zay ma olty yetfakk 7etta 7etta, we yet3emel nezam tany be haykal gedeed tamaman mashafetoush balad abl keda, we mayeb2ash feeh magless wa7ed lel shoura... laken magales motakhassesa lel shoura yetla3 menha mandoub bel entekhab koll shahr yen2el el soura lel parliament bekoll amana.
we ba3den feeh 7aga, el ragel ayman fareed abou 7adeed da mosh 3agebny. besalamto 3awez yedakhal lena el qam7 el mo3addal weratheyan we bekoll gahl bey2oul ennaha ma7aseel sadeeqa lel bee2a... moseeba law kan mettefe2 ma3 MONSANTO walla Syngenta yeb2a etkharab betna begadd.. 3awzeen 7add beyefham yemsek el zera3a wel bee2a. Ma3lesh kharagt men el mawdo3 bass kan nefsy a2oul el kelmeten dol

أحمد البستاوي said...

إلى جميع المسلمين و الأقباط
---
المادة (2) من الدستور بتقول إيه
الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسى للتشريع.
---
خلي بالك من المصدر الرئيسي دي موش المصدر الوحيد
خلى بالك كمان إن الرسول قال انتم اعلم بشئون دنياكم
و خلي بالك إن مافيش آية أو حديث بيقول النصاري ينفرموا أو يتسحلوا أو يتحاربوا في دينهم
بالعكس أيام الدولة الإسلامية على إختلاف مراحلها كان المسيحيين عندهم طريقتين للتقاضي . . إما أمام القاضي المسلم و إما أمام الكنيسة
و مفيش حاجة من القوانين الحالية معارضه للمبادئ العامة للشرائع السماوية

مش فاهمه said...

فاكرة اما قولت لك على مظاهرة الهرم اهو الكلب عمرو اديب بيقولها هو كمان بس موضوع شرم ده بعيد قوى يا نوارة ده تشتيت للناس الناس عرفت الميدان و ممكن ينزلوا و يباتوا تانى ايه المشكله لكن حاتروحى شرم دى 7 ساعات و الجزيره مش فاضيه لنا بقى عندها زباين تانيين
المشكله فى الشباب الثائر لازم وسائل ضغط كتير و متتاليه وورا بعض مش حانقعد من الجمعه للجمعه و فين الناس التقيله اللى كانت وراكم فين الرمز اللى يتكلم باسمكم ايه النيله اللى احنا فيها دى مش عارفين ترسو لكم على حد عدل يوصل صوتكم للجيش بدل ماانتم و انتى بالذات يانوارة كل يوم فى قناة شكل تشرحى لنا و تنورينا و سايبين الباقيين يتحكموا فينا فيه ايه بجد

محام حر said...

علي فكرة يانوارة انا بأيدك في كل الي بتقولية بصفة عامة بلا استثناء وانا مستعد للمساندة مسيرة شرم الشيخ وبالمناسبة انا محام حر وقبل ذالك قام احد المحاميين زملائنا بمسيرة احتجاج قبل نقيب المحامين وكانت انطلاقة هذة المسيرة من مدنية بصعيد مصر وحققت اهدافها قبل وصولة للقاهرةولكن ياريت نعرف الميعاد مسبقا

محام حر said...

انا يا نواره بأيدك في كل اللي انت بتقوليه بصفة عامة ومستعد للمساندة في مسيرة شرم الشيخ وعلي فكرة احد زملائي المحامين قام بمسيرة احتجاجية بمدينة بني سويف الي القاهرة احتجاجا علي نقيب المحامين وقبل وصوله الي القاهرة تحققت اهدافه

KB said...

يا جماعه ياللي بتحبوا مصر .. الموضوغ ما غدش يتسكت عليه ..الخطة بتبان كل يوم ..واحنا بنتعرض لثورة مضادة وخيانة ..ثورة مضادة من النظام وذيوله وبواقيه اللي طلعوا كتار قوي واعلامييه اللي مش هاين عليهم الملايين اللي كانوا بيخادوها كل شهر من دم الناس تروح ..
لازم نتحرك ونبطل كلام وكتابة وانترنت .. موضوع شرم الشيخ اللي قالت عليه نوارة صح ومضبوط ويا ريت نعرف نعمله ..لكن مش كلنا حنعرف نروح شرم ..
اللي حيفضل هنا انا هقول رأيي وشوفوا انتم نعايا ولا لأ ..
موضوع الاعلاميين ده لازم نهاجمهم مهاجمة شرسة ونفضحهم للناس ..مني الشاذلي دي لازم تخرس خالص .دي بقي عندها اجندة مباركية من زمان .. وناوية علي فتنة طائفية وشق الصف ..
لازم اللي بيعرفوا نت كويس يهاجموا المواقع بتاعتها .. نشوف المحطة الزفت اللي بتذيع منها البرنامج بتاعها ونعمل اعتصام قدامها لغاية ما يمنعوا البرنامج اصلا .. لميس الحديدي واي حد يلعب علي خط الفتنة ويطلعلنا عفاريت نايمة لازم ما نخليهمش يناموا الليل ..لكن كده لو سيبناهم باقي الكلاب حيتشجعوا لما يلاقونا ساكتين ودول ما اكترهم وحيلوعوا في البلد .. لكن من الاول لازم يدخلوا الجحور ..
موضوغ مبارك الله يخرب بيت امه اللي فاكرنا من ميراث ابوه .. ما اعرفش اذا كنا نعرف نوصل شرم ولا لا .. بس حتي لو هو بيلعب فهو بيلعب بصوابعه اللي هنا ..لازم نقطع صوابعه وايده كلها ..لازم اعتصام تاني في التحرير باي شكل .. والمرة دي مطالبنا هي القدبمة ..شيلوا صوابع مبارك ..شيلوا الحكومة الوسخة دي بتاعت الرشاوي والفساد ..ما نمشيش الا اما يشيلوا الحكومة وشفيق ..لازم لازم وبسرعه بسرعه..والمرة دي اليفط تقولهم ان احنا فاهمين يعني ايه ثورة مضادة.. وتسال مبارك بحكمنا من شرم الشيخ ليه ..وعلي حساب مين ..ومحاكمته امتي ..هما 400 شهيد حيحطوا قدامهم العدلي وخلاص ..ده ولا يساوي جزمة واحد فيهم عاوزين الكبار والصغيرين
ولازم نبقي كلنا مسلمين ومسيحين ..احنا رضينا بالديموقراطية ..والديموقراطية يعني كلنا نقول رأينا ..يبقي احنا كلنا من مبدأ المصلحة الوطنية نوافق علي تعديل الدستور بالوضع الحالي للانتقال الي سلطة مدنية ..واول مطلب للحكومة المدنية البرلمانية والرئيس المتخب تكون اعداد دستور جديد للبلاد .. بعد ما نكون قطعنا ديل مبارك وعيلته ووصلنا لحكم الشعب ..اي حاجة ساعتها قابلة للنقاش والتعديل يستفي الشعب علي المادة التانية لو الشعب حب وحسب ما الناس تقول يتعمل ..هي دي الديموقراطية ..
ارجوكم وارجو نوارة ترد علي النقط دي وارجوكم تبنوا الاعتصام تاني في الميدان ..احنا ادينا الجيش الوقت الي الكافي ..وهو اما بيماطل او محتاج دعم مننا علشان ياخذ قرارت معارضينه فيها الجماعه اياهم .. فان كان محتاج دعم احنا ندعمه وتتزل الشارغ تاني ..بس المرة دي مش رقص واحتفالان وترمس زي يوم الجمعه ..لأ ..هتافات ومظاهرات تهز البلد كلها ..وفي الميدان علشان ما نوقفش باقي البلد والاعلام العالمي ينقل رأينا تاني لان مبارك بيلعب بكلابه بره كمان في الضغط علي اسرائيل والمريكا ..كلنا شفنا عباس الكلب وهو بيروح مجلس الامن وعارف انه فيه فيتو امريكي وبدعم من وتحريض من ابوالغيط ..وتفجير انبوب الغاز هما اللي غملوه علشان اسرائل تعرف هي حتخسر ايه بخسارة مبارك ....

anteka_2005 said...

كلام كويس جدا يا استاذه نواره بس شرم دي صعبه اوي المفروض الناس كلها تبدأ تعبئه تاني علشان تنزل الميدان شكلهم مش هيجو غير بكده
لان لعبه الفتنه دي ممكن تنجلي على فئات كتير وممكن يحصل فعلا اي ايذاء لاي حد ويلبسوها للى حاصل علشان يولعو القتنه تاني

KB said...

تلخيص للكلام الكتير اللي انا قلته
1- مهاجمة الاعلاميين المشبوهين ..نوارة تعمل قائمة وكلنا ناخد يومين تلاتة نتصل بالمحطات بتاعتهم ونطلع عبن ابوهم.. ونضغط علي انهم يتشالوا خالص .
بعدها اعتصامات قدام المحطات دي قبل البرنامج ما يتذاع علي الهوا ..
2- مهاجمة مواقعهم هلي النت ..والكتابة والتوضيح انهم خونة وعملاء.
3- نوارة والنشطاء يحددوا موعد لتحقيق المطالب الواضحة بازالة الحكومة وحل امن الدولة والوقت ده لا يزيد عن اسبوع ولي رأي خاص تغيير وزير الداخلية اللي مبارك حطه لانه اكيد معاه ..وخلوا بالكم ان جهاز امن الدولة سليم زي ما هو .. ولابد في الدرة.
4- عند انتهاء الوقت ده لو ما تحققتش كل المطالب نرجع كلنا التحرير وننصب الخيام تاني ..
5- نحاول موضوع شرم الشيخ ده ولو تهديد لان الناس في العالم فاهمين ان احنا موافقين علي كده وراضيين ..
ارجو الاهتمام .

herawy said...

المشكله تعدت الاعلام
انا عملت مشكله مع واحد زميلى من كام يوم
جايب ورقه وبيجمع توقيعات للناس اللى رافضه تعديل الماده التاينه
واللى يعترض يقعد يحسسه ان المسيحين ليهم اهداااااااااااااااف
يارااااااجل بقى
بعد الملحمه الوطنيه اللى شهدها ميدان الترحي
وعلى الفيس استفتاءات من دى
فعلا همه بيلعبو على وتر التفرقه بين المسلمين والمسيحيين
ر

fg said...

يا نوارة أنا ضد موضوع شرم الشيخ دة خالص .. لأنه:
1- استنزاف للطاقات
2- مش حنقدر نجمع أعداد كبيرة
3- حنبقى صيد سهل لأي حاجة أو أي لعبة قذرة خصوصاً إن الطريق طويل

و بعدين أنا شايف إن كارت مبارك اتحرق خلاص .. المشكلة في أدواته و أذرعه الأخطبوطية المتمثلة في الفاسدين في كل مكان و اللي عايزين يدافعوا عن أرواحهم و مصالحهم و فلوسهم بأي تمن
لو قدرنا نشل الدراعات دي - عن طريق الرجوع إلى التحرير و اعتصامات ماقبل التنحي- يبقى خلاص و دة ممكن و عن طريقه نفرض شروطنا:
1- حل حكومة شفيق بالكامل و تعيين حكومة كفاءات .. و تغيير النائب العام لأنه أيضاً من النظام القديم .. و الإصرار على أن تكون جميع التحقيقات و المحاكمات علنية
2- التحفظ على عمر سليمان و زكريا عزمي و مفيد شهاب و صفوت الشريف و فتحي سرور و رؤساء تحرير صحف الفتن و كل الشخصيات اللي احنا نشك فيها
3- منسيبش البلد كلها في يد الجيش .. لازم يبقى في مجلس رئاسي مكون من مدنيين و عسكريين
4- محاكمة كل المجرمين من الداخلية و إعادة هيكلة عناصرها و إعفاء القيادات و تعيين وزير داخلية مدني من النشطين في مجال حقوق الإنسان ليكون رقيباً فاعلاً على جهاز الداخلية

KB said...

وادي كلام الكنيسة علشان الناس تسكت وتخلينا نشوف المصايب اللي ورانا .. ""
أكد مصدر كنسي مطلع أن البابا شنودة الثالث، بابا الإسكندرية وبطريرك الكرازة المرقسية، "أصدر تعليمات لجميع الأساقفة والمحامين المرتبطين بالكنيسة بالتوقف فورا عن طرح ومناقشة المطالب المتعلقة بحقوق الأقباط كطائفة"، وأكد المصدر -مشترطا عدم ذكر اسمه- أن البابا "شدد خلال اجتماعه بالهيئة المصغرة للمجمع المقدس على ضرورة التوقف فورًا عن طرح مطالب فئويه والانضمام إلى المطالب الوطنية، من منطلق أن حل مشكلات مصر سيحل بالتبعية مشكلات الأقباط".

وأضاف: "لكن بعض الأساقفة والمحامين الأقباط المرتبطين بالأمن مستمرون فى طرح قضايا خلافيه لشق الصف الوطني، وهم يفكرون بعقليه ما قبل الثورة التي أنهت شرعيتهم للأبد".

من جهته قام الأنبا يؤانس، سكرتير البابا، والذي تؤكد مصادر داخل الكاتدرائيه أنه كان خلف "المعلومات المغلوطة التي وصلت للبابا حول الثورة"، بتجديد مطالبته بطرح المطالب القبطية على مائدة المفاوضات. وقدم نجيب جبرائيل المحامي طلبا للمجلس الأعلى للقوات المسلحة لترتيب لقاء له معه كممثل للمطالب القبطية باسم عدد من الرموز الوطنيه المسيحية، إلا أن المجلس العسكرى رفض مقابلته، وأعلن النشطاء الذين وقع جبرائيل باسمهم أنه لا يمثلهم، وأنهم لم يرشحوه للقاء من هذا النوع""
من جريدة الشروق اليوم.

AME said...

نوارة أنا معاكي شايفة إنوا لازم مبارك يتوقف ويتحاكم. وإن كان شرم شيخ، فهو كذلك.
لا تراجع. المادة إثنين مادة خلاف و حق أُريد به باطل. بلاش ترهات.

AME said...

نوارة أنا معاكي شايفة إنوا لازم مبارك يتوقف ويتحاكم. وإن كان شرم شيخ، فهو كذلك.
لا تراجع. المادة إثنين مادة خلاف و حق أُريد به باطل. بلاش ترهات.

elzahraamegahed said...

النهارده خرجت مظاهره فى تونس من المسيحيين تطالب بعلمانية تونس وخرجت مسيره أخرى تطالب بالحفاظ على هوية تونس كدوله عربيه اسلاميه ، والنهارده برضو وبالصدفه طالب المسيححين بأن تلغى المادة الثانية من الدستور والأهرام عمل استفتاء على الماده والمواقع المدونات المسيحيه مولعه ع الاخر وقاموا بالدعوه للتظاهر وفى المقابل النهارده وبالصدفه برضو قام بعض السلفيين!! بالدعوه لتظاهرات تطالب بالابقاء على المادة التانيه ، يا محاسن الصدف ، اه يا عملاء أمريكا فى تونس ومصر يالى بتاخدوا الأوامر لسه فيكم الروح ، ماشى ماشى يا عمر يا سليمان ماشى هتروح مننا فين، يجدر الذكر أن النيسة الأرثوذكسية ومشايخ الفية رفضوا التظاهرات من اول لحظه

AME said...

و تاني و بردوا في السكة نمتلك جزء من إقتصادنا. البورصة حتفتخ كمان ساعات قليلة. إستععلموا في البنوك و كل واحد يشتري اللي يقدر عليه ، إنشاء الله سهم. الأسعار منخفضة و مش لازم نسيب الأجانب يشتروها.
سهم من كل مصري ، و تفضل لنا.


السلام عليكم ورحمة الله وبركاته
ادعوا الله لكم جميعا بالسلامة والامان
يذاع نبأ هام مؤخرا بأن الاجانب بانتظار عودة فتح البورصة المصرية
لماذا؟؟؟؟؟؟؟؟؟؟؟
لشراء اكبر كم من الاسهم للشركات المصرية لان اسعارها ستكون بأدنى مستوي منذ فترة طويلة لان اغلب معظم حاملى الاسهم المصريين والعرب
سيقومون بالبيع لتجنب المزيد من الخسارة بعد سقوط اسعارها
ولعدم استقرار الاحوال في مصر
بالنسبة للاجانب هذه فرصة ممتازة لشراء الملايين من هذة الاسهم وبالتالي المشاركة او الانفراد بتملك كبري الشركات المصرية
مثل شركات البترول والحديد والصلب والاتصالات والتعمير والادوية
لو البورصة بدأت بالعمل يوم الاثنين القادم سيسارعون بشراء اسهم شركاتنا

الفكرة التي اناشدكم بها

هي انه اذا قام مثلا مليون مصري بشراء اسهم
ولو حتى سهم واحد لكل مواطن يوم الاثنين والثلاثاء القادم من اقرب شركة لتداول الاوراق المالية فسوف ننقذ اقتصاد مصر ومواردها من الاحتكار الاجنبى

ارجوكم شاركوني الفكرة بآرائكم
والمبادرة بالتنفيذ ونشر الموضوع
شكرا لسعة صدوركم

AME said...

و تاني و بردوا في السكة نمتلك جزء من إقتصادنا. البورصة حتفتخ كمان ساعات قليلة. إستععلموا في البنوك و كل واحد يشتري اللي يقدر عليه ، إنشاء الله سهم. الأسعار منخفضة و مش لازم نسيب الأجانب يشتروها.
سهم من كل مصري ، و تفضل لنا.


السلام عليكم ورحمة الله وبركاته
ادعوا الله لكم جميعا بالسلامة والامان
يذاع نبأ هام مؤخرا بأن الاجانب بانتظار عودة فتح البورصة المصرية
لماذا؟؟؟؟؟؟؟؟؟؟؟
لشراء اكبر كم من الاسهم للشركات المصرية لان اسعارها ستكون بأدنى مستوي منذ فترة طويلة لان اغلب معظم حاملى الاسهم المصريين والعرب
سيقومون بالبيع لتجنب المزيد من الخسارة بعد سقوط اسعارها
ولعدم استقرار الاحوال في مصر
بالنسبة للاجانب هذه فرصة ممتازة لشراء الملايين من هذة الاسهم وبالتالي المشاركة او الانفراد بتملك كبري الشركات المصرية
مثل شركات البترول والحديد والصلب والاتصالات والتعمير والادوية
لو البورصة بدأت بالعمل يوم الاثنين القادم سيسارعون بشراء اسهم شركاتنا

الفكرة التي اناشدكم بها

هي انه اذا قام مثلا مليون مصري بشراء اسهم
ولو حتى سهم واحد لكل مواطن يوم الاثنين والثلاثاء القادم من اقرب شركة لتداول الاوراق المالية فسوف ننقذ اقتصاد مصر ومواردها من الاحتكار الاجنبى

ارجوكم شاركوني الفكرة بآرائكم
والمبادرة بالتنفيذ ونشر الموضوع
شكرا لسعة صدوركم

elzahraamegahed said...

النهارده خرجت مظاهره فى تونس من المسيحيين تطالب بعلمانية تونس وخرجت مسيره أخرى تطالب بالحفاظ على هوية تونس كدوله عربيه اسلاميه ، والنهارده برضو وبالصدفه طالب المسيححين بأن تلغى المادة الثانية من الدستور والأهرام عمل استفتاء على الماده والمواقع المدونات المسيحيه مولعه ع الاخر وقاموا بالدعوه للتظاهر وفى المقابل النهارده وبالصدفه برضو قام بعض السلفيين!! بالدعوه لتظاهرات تطالب بالابقاء على المادة التانيه ، يا محاسن الصدف ، اه يا عملاء أمريكا فى تونس ومصر يالى بتاخدوا الأوامر لسه فيكم الروح ، ماشى ماشى يا عمر يا سليمان ماشى هتروح مننا فين، يجدر الذكر أن النيسة الأرثوذكسية ومشايخ الفية رفضوا التظاهرات من اول لحظه

heba said...

انا خلاص دماغى هتنفجر من كتير القهر و مش عارفه انام
حسبى الله و نعم الوكيل فيك يا حسنى يا مبارك انت و اعوانك و جنودك و شوية مثيرى الفتنه و الهتيفه و المطبلتيه حسبى الله و نعم الوكيل حسبى الله و نعم الوكيل اللهم انى اشكو اليك ضعف قوتى و قلى حيلتى و هوانى على الناس انت رب المستضعفين و انت ربى الى من تكلنى يا رب العالمين الى غريب يتجهمنى ام الى عدو ملكته امرى ان لم يكن بك غضب على فلا ابالى و لكن عافيتك اوسع لى و ارحم اعوذ بنور وجهك الكريم الذى ملىء اركان عرشك و ووسع نوره السموات و الارض و صلح عليه امر الدنيا و الاخره من ان يحل عليا غضبك او ان يسقط على سخطك لك العتبى حتى ترضى و لا حول و لا قوة الا بالله العلى العظيم

Mohamed said...

أنا عندي كدة كام تعليق على المقترحات :
1- رغم ان الفكرة حلوة و هي مطروحة من زمان من بعد التنحي الا انها مش مفيدة حاليا من وجهة نظري للاسباب التالية
-المسافة البعيدة للوصول الى شرم
- التكلفة العالية للمواصلات
- المشكلة الأكبر هي الدعم الشعبي من أهل شرم و كمان هتظهر مشكلة الأكل و خصوصا ان حسني القرد ممكن يتحكم في التموين اللي في شرم بحكم انها عزبة أبوه و محدوفة بعيد عن القاهرة
- أهم و أخطر حاجة في نظري هي نقل بؤرة التركيز و الأحداث من القاهرة الى شرم و خصوصا ان كل مكاتب القنوات في القاهرة و ليس في شارم و كمان القاهرة هي العاصمة السياسية و الاقتصادية ولا يجب بأي حال من الأحوال ابعاد الاهتمام عنها مع الأخذ في الاعتبار ان مظاهرات المحافظات و الأقاليم الأخرى كانت مرتبطة بشكل واضح بأحداث ميدان التحرير و خصوصا مظاهرات اسكندرية و السويس
-احذرو ا الأندفاع يا نوارة و لعب صفوت الكلب ....ماذا لو اننا فعلا نجحنا و رحنا كلنا عملنا مليونية في شرم .... ميدان التحرير هيبقى في خطر و مش بعيد الذيول و عملاء النظام يستغلوا الفرصة الذهبية بخلو ميدان التحرير و ساعتها يطلعوا مظاهرات ضخمة في ميدان التحرير!!! ساعتها شكلنا هيبقى زبااااااااالة
2- يجب التركيز على القاهرة لان ما يحدث في القاهرة يرتد عل على حسني في شرم وليس العكس
3- يجب التفكير في مظاهرات من نوع جديد مثل وقفات خال سعيد الصامتة لأن فترة الهدوء بين كل اسبوع و اسبوع في رأيي ليست في صالحنا
بس هو ده اللي في دماغي دلوقتى و لو في حاجة تانية هبقى اقولها بعدين

Mohamed said...

أنا عندي كدة كام تعليق على المقترحات :
1- رغم ان الفكرة حلوة و هي مطروحة من زمان من بعد التنحي الا انها مش مفيدة حاليا من وجهة نظري للاسباب التالية
-المسافة البعيدة للوصول الى شرم
- التكلفة العالية للمواصلات
- المشكلة الأكبر هي الدعم الشعبي من أهل شرم و كمان هتظهر مشكلة الأكل و خصوصا ان حسني القرد ممكن يتحكم في التموين اللي في شرم بحكم انها عزبة أبوه و محدوفة بعيد عن القاهرة
- أهم و أخطر حاجة في نظري هي نقل بؤرة التركيز و الأحداث من القاهرة الى شرم و خصوصا ان كل مكاتب القنوات في القاهرة و ليس في شارم و كمان القاهرة هي العاصمة السياسية و الاقتصادية ولا يجب بأي حال من الأحوال ابعاد الاهتمام عنها مع الأخذ في الاعتبار ان مظاهرات المحافظات و الأقاليم الأخرى كانت مرتبطة بشكل واضح بأحداث ميدان التحرير و خصوصا مظاهرات اسكندرية و السويس
-احذرو ا الأندفاع يا نوارة و لعب صفوت الكلب ....ماذا لو اننا فعلا نجحنا و رحنا كلنا عملنا مليونية في شرم .... ميدان التحرير هيبقى في خطر و مش بعيد الذيول و عملاء النظام يستغلوا الفرصة الذهبية بخلو ميدان التحرير و ساعتها يطلعوا مظاهرات ضخمة في ميدان التحرير!!! ساعتها شكلنا هيبقى زبااااااااالة
2- يجب التركيز على القاهرة لان ما يحدث في القاهرة يرتد عل على حسني في شرم وليس العكس
3- يجب التفكير في مظاهرات من نوع جديد مثل وقفات خال سعيد الصامتة لأن فترة الهدوء بين كل اسبوع و اسبوع في رأيي ليست في صالحنا
بس هو ده اللي في دماغي دلوقتى و لو في حاجة تانية هبقى اقولها بعدين

Mohamed said...

أنا عندي كدة كام تعليق على المقترحات :
1- رغم ان الفكرة حلوة و هي مطروحة من زمان من بعد التنحي الا انها مش مفيدة حاليا من وجهة نظري للاسباب التالية
-المسافة البعيدة للوصول الى شرم
- التكلفة العالية للمواصلات
- المشكلة الأكبر هي الدعم الشعبي من أهل شرم و كمان هتظهر مشكلة الأكل و خصوصا ان حسني القرد ممكن يتحكم في التموين اللي في شرم بحكم انها عزبة أبوه و محدوفة بعيد عن القاهرة
- أهم و أخطر حاجة في نظري هي نقل بؤرة التركيز و الأحداث من القاهرة الى شرم و خصوصا ان كل مكاتب القنوات في القاهرة و ليس في شارم و كمان القاهرة هي العاصمة السياسية و الاقتصادية ولا يجب بأي حال من الأحوال ابعاد الاهتمام عنها مع الأخذ في الاعتبار ان مظاهرات المحافظات و الأقاليم الأخرى كانت مرتبطة بشكل واضح بأحداث ميدان التحرير و خصوصا مظاهرات اسكندرية و السويس
-احذرو ا الأندفاع يا نوارة و لعب صفوت الكلب ....ماذا لو اننا فعلا نجحنا و رحنا كلنا عملنا مليونية في شرم .... ميدان التحرير هيبقى في خطر و مش بعيد الذيول و عملاء النظام يستغلوا الفرصة الذهبية بخلو ميدان التحرير و ساعتها يطلعوا مظاهرات ضخمة في ميدان التحرير!!! ساعتها شكلنا هيبقى زبااااااااالة
2- يجب التركيز على القاهرة لان ما يحدث في القاهرة يرتد عل على حسني في شرم وليس العكس
3- يجب التفكير في مظاهرات من نوع جديد مثل وقفات خال سعيد الصامتة لأن فترة الهدوء بين كل اسبوع و اسبوع في رأيي ليست في صالحنا
بس هو ده اللي في دماغي دلوقتى و لو في حاجة تانية هبقى اقولها بعدين

Mohamed said...

أنا عندي كدة كام تعليق على المقترحات :
1- رغم ان الفكرة حلوة و هي مطروحة من زمان من بعد التنحي الا انها مش مفيدة حاليا من وجهة نظري للاسباب التالية
-المسافة البعيدة للوصول الى شرم
- التكلفة العالية للمواصلات
- المشكلة الأكبر هي الدعم الشعبي من أهل شرم و كمان هتظهر مشكلة الأكل و خصوصا ان حسني القرد ممكن يتحكم في التموين اللي في شرم بحكم انها عزبة أبوه و محدوفة بعيد عن القاهرة
- أهم و أخطر حاجة في نظري هي نقل بؤرة التركيز و الأحداث من القاهرة الى شرم و خصوصا ان كل مكاتب القنوات في القاهرة و ليس في شارم و كمان القاهرة هي العاصمة السياسية و الاقتصادية ولا يجب بأي حال من الأحوال ابعاد الاهتمام عنها مع الأخذ في الاعتبار ان مظاهرات المحافظات و الأقاليم الأخرى كانت مرتبطة بشكل واضح بأحداث ميدان التحرير و خصوصا مظاهرات اسكندرية و السويس
-احذرو ا الأندفاع يا نوارة و لعب صفوت الكلب ....ماذا لو اننا فعلا نجحنا و رحنا كلنا عملنا مليونية في شرم .... ميدان التحرير هيبقى في خطر و مش بعيد الذيول و عملاء النظام يستغلوا الفرصة الذهبية بخلو ميدان التحرير و ساعتها يطلعوا مظاهرات ضخمة في ميدان التحرير!!! ساعتها شكلنا هيبقى زبااااااااالة
2- يجب التركيز على القاهرة لان ما يحدث في القاهرة يرتد عل على حسني في شرم وليس العكس
3- يجب التفكير في مظاهرات من نوع جديد مثل وقفات خال سعيد الصامتة لأن فترة الهدوء بين كل اسبوع و اسبوع في رأيي ليست في صالحنا
بس هو ده اللي في دماغي دلوقتى و لو في حاجة تانية هبقى اقولها بعدين

Ahmad Sadek said...

دستور مبارك الذي استدعى فيه هو ووريثه خدمات أحط قوادي القوانين والدساتير ليكون على تلك الحالة المأساوية، هو دستور لا يصلح للحياة على الاطلاق. عبث ومضيعة للوقت أن يتم تعديل بعض المواد. مصر تريد دستورا يمنع ظهور فرعون آخر الى آخر الزمان. هذا الدستور الذي تريده مصر يقوم على أساس آخر هو الجمهورية البرلمانية وأما رئيس الدولة فيصبح منصبا شرفيا بروتوكوليا. خطة مبارك التي كان يناور بها والتي شملت تعديل هذه المواد هي خطة فاسدة، وما كان للجيش المصري أن يعتمدها. المناقشات الجادة الخصبة التي تجري في مصر الثورية الجميلة اليوم تبلور أفكارا قيمة كل ساعة. لايجب أبدا أن نتجادل في سفاسف الأمور، ولا أن نلتزم بمناورات مبارك الغبية والوقحة التي كان يساوم فيها على بقائه وانقاذ مشروع الوريث المشئوم، ومقايضة ثلاثين سنة بستة أشهر. عمر سليمان كان يقول أن الوقت لايسمح بأكثر من هذا، ولابد أن نفبرك كل شيء في مدة الأشهر الستة الباقية من آخر الرئاسات المزورة لزعيمه. ها قد ذهب زعيمه الى المنفى ورحل. اذن فلنؤد المهمة التاريخية من أجل مصر على أكمل وجه. ولنمنح هذه المهمة الزمن اللازم
لتتم على الوجه الاكمل. الجيش لايريد السلطة، ويريد أن ينتهي من الوضع الذي دفعته الأقدار اليه. الجيش يريد أن يذهب الى مهامه الطبيعية بعد ستة أشهر. الجيش في الواقع يمكنه أن يعود الى أوضاعه الطبيعية الآن. خلال بضعة أيام فحسب. وتدور في مصر أروع عمليات التحول الى وطن حر وديمقراطي تحت ادارة مدنية مؤقتة وفي حراسة جيشنا الوطني. اذا تصورنا وتصور الجيش المصري معنا هذا المسار الممكن للتحول وللمرحلة الانتقالية:
1ـ يقرر الجيش تسليم السلطة الى مجلس رئاسة مدني يكون قائد الجيش أحد أعضائه، ويتولى هذا المجلس ادارة المرحلة الانتقالية.
2ـ يقوم مجلس الرئاسة بتعيين حكومة من الفنيين لتصريف أمور البلاد خلال المرحلة الانتقالية. هذه الحكومة هي التي ستتعامل مع كل الاوضاع الراهنة بما فيها المطالب المشروعة لملايين الناس من ضحايا نظام مبارك. هذه ليست مهمة الجيش. الناس يضربون وهذا حقهم المشروع في كل الدنيا. انهم يضربون لأن لهم مطالب ملحة طالبوا بها طول عمرهم، وذهبوا واعتصموا أمام مجلس فتحي سرور لمدة شهور، وخلعوا ملابسهم في الشارع، وقرعوا على الأواني، وربطوا أنفسهم وأبناءهم بالسلاسل في الأسوار والأشجار، وحرقوا أنفسهم، وألقوا بأنفسهم في البحر، وصرخوا وسمعتهم السماء، فقامت الثورة، ووقتها لم يسمعهم مبارك ولا نظيف ولا شفيق ولا عمر سليمان ولا الوريث المشئوم. هل نسى الجيش ذلك؟ الرحمة بشعبنا الذى أذله نظام مبارك وأفقره وأجاعه وجعل منه أكثر المعذبين في الأرض. الرحمة أيها السادة، ولنخاطب الشعب باحترام وصدق، و لنفهم أوجاعه و آلامه. الشعب ليس عبيدا. الشعب سيد. اتركوا لنا أمر شعبنا وحياته، فالتركة مرعبة والمهمة شديدة الوطأة وتحتاج تناولا انسانيا حكيما عاقلا عادلا عالما فعالا ووطنيا.
مجلس رئاسة وحكومة مؤقتة: يتم ذلك على أساس اعلان دستوري وعدد من القوانين والقرارات الضرورية التي يصدرها المجلس الأعلى للقوات المسلحة قبل أن يسلم مهمته ويسحب المدرعات من المدن.
أهم القرارات والقوانين هي انهاء حالة الطوارىء، اطلاق حرية تكوين الأحزاب، وحرية اصدار الصحف، وأن يكون لمجلس الرئاسة والحكومة المؤقتة مهمة ازالة النظام القديم، وادارة شئون البلاد، وترتيب وضع الدستور الجديد واستفتاء الشعب عليه وتنظيم اجراء أول انتخابات حرة ، وتسليم السلطة لأول حكومة شرعية منتخبة.
.ان فعل الجيش ذلك فسوف يكتب لنفسه شرفا ومجدا في العالمين اذ يفتح الطريق امام مصر الحديثة الحرة لتتحدث عن نفسها من جديد

Ahmad Sadek said...

الشعار الأول للثورة مازال كما هو لم يتغير: الشعب يريد اسقاط النظام!
الثورة يجب أن تتقدم الى الأمام وأن تسقط في كل يوم، بل في كل ساعة، جزءا من جسم النظام العفن.
حكومة مبارك المسماة حكومة شفيق يجب أن تسقط بكاملها على الفور. يذهب مليون ثائر الى مقر مجلس الوزراء أثناء اجتماعه، يحاصرونه، يخرجون من المبنى رئبس الوزراء والوزراء بطريقة سلمية لطيفة، وفي الشارع أمام المبنى يبلغونهم بأدب جم: من فضلكم اذهبوا الى بيوتكم، ولا تعودوا هنا مرة أخرى، لقد حدثت في مصر ثورة، والثورة والبلد ليستا في حاجة الى خدمات حكومة مبارك، البلد في حاجة الى حكومة من نوع آخر. ومن كان منكم ذا خطايا، فليذهب أولا الى مكتب عبد المجيد محمود. سقطت الحكومة! سقط هذا الجزء من النظام!
أمن دولة مبارك، يجب أن يمحى من الوجود فورا. مليون ثائر آخر، يذهبون الى مقرات امن الدولة. يحاصرونها. يأمرون المجرمين جميعا بالخروج منها، ونبلغهم أنهم مفصولون من خدمتهم الحقيرة، ونأمرهم بالذهاب الى بيوتهم، وألا يعودوا الى هذا المكان أبدا. فقد تم اغلاق هذه المباني، والغاء هذه المهنة البشعة الى الأبد.
عمر سليمان. مليون ثائر يذهبون الى مقر المخابرات العامة. يحاصرونه. يطلبون من عمر سليمان أن يخرج من المبنى، ونبلغه أنه فصل من منصب مدير المخابرات، وأن عليه الذهاب الى بيته. نثبت رسالة على باب المبنى تقول: الى من يهمه الأمر! الشعب يريد مديرا وطنيا ذا كفاءة حقيقية لجهاز المخابرات. الشعب أخلى هذه الوظيفة ويريد أن يعرف على الفور اسم المدير الجديد الذي سيتعاون مع لجنة التحقيق في أوضاع هذا الجهاز منذ سقط صلاح نصر. نريد بداية جديدة نظيفة لكل شىء على أرض الوطن!
ماسبيرو. مليون مصري ثائر يذهبون الى المبنى. يحاصرونه. يطلبون من كل أفراد الذراع الاعلامي لمباحث أمن ادولة، كل بلطجية وحثالة الاعلام في الاذاعة والتليفزيون أن يخرجوا من المبنى خروجا آمنا، ونبلغهم أنهم قد فصلوا بارادة الشعب، وعليهم الرحيل وألا يعودوا هنا أبدا. المهمة لم تنته بعد: لابد أن نظل هناك لبضع ساعات لنحرس أهل المبنى الحقيقيين وهم يقومون بانتخاب ادارة جديدة. نريد اعلاما حرا وطنيا عالي الكفاءة يليق بقدر مصر وقدر ثورنها.
دور الصحافة ودور النشر ووكالة الأنباء ومصلحة الاستعلامات المملوكة للدولة. حصار شعبي. نطرد عملاء أمن الدولة من العقارب والجرذان وفلول الانتهازية و بلطجية الأقلام. نحرس اجراء انتخابات مباشرة لادارات جديدة يقوم بها أهل البيت من الوطنيين الأحرار.

noha said...

Allah ye5reb betak ya mubarak enta we a3wank lazm yeb2a feh ta7arok lel thawra men tany bas n5ally balna men 3elaktna bel gesh ya gama3a el mar7alla de 7arega gedan bas law 3denaha neb2a nge7na

يقول أنى امرأة said...

و النهاردة الصبح دينا عبد الرحمن فى صباح دريم قالت نفس الكلام عن الشيخ القرضاوى و قالت انهم منعو وائل غنيم من الطلوع ع المنصه ... الناس دى مش عايزة ريحه اى حاجه اسلاميه و اظن انهم مش عايزين الناس اساسا تصلى فى التحرير منظر المصلين بيخوفهم.. هما الاتنين هيضيعو كل الى عملوة وقت الثورة ... الاخوان المسلمين يعملو ايه اكتر ما انهم حلفو انهم مش هيرشحو حد فى انتخابات الرئاسه ولا الوزارة و مش زنبهم ان فيهم ناس محترمين على اعلى قدر فانضمو للجنه تشكيل الدستور دى عنصريه الاخوان المسلمين و اى شكل اسلامى بيتعرض للعنصريه و دلوقتى بيلعبو على المسحين تانى و هيولعو الدنيا الناس دى لالالالازم تقف عند حدها

أبو هاجر said...

كل من يطالب بإزالة المادة الثانية في هذه اللحظة التاريخية يعد من أكبر الظلاميين وثورة مضادة

قد يقول قائل أزاي يكون واحد علماني وفي نفس الوقت ظلامي الجواب ببساطة لأن العلمانية ليس لها موقف أيديولوجي قد يكون العلماني يساري ،كما قد يكون يميني وقد يكون اكبر مبرر للاستبداد والطغيان و الأمثلة على ذلك في التاريخ على قفى من يشيل . أما في وضعنا العربي ونظرا للتأخر التاريخي و التخلف الحضاري و الانتشار الواسع للأمية و سيطرة الفكر السلفي المتخلف و الذهنية التي تهيمن عليها ثقافة محافظة متخلفة يعلوها الصدأ من جميع الجهات ،ذلك يجعل الجماهير غير مهيأة تاريخيا لقبول فكرا جديدا عصريا تاليا فمن يطالب بإزالة المادة الثانية في ظل هذا الوضع الراهن فهو يقدم خدمة مجانية للظلامية الدينية التي هي الآن تتحين الفرصة للبروز عندها ستقول للجماهير أن الثورة هي ضد الدين و التقاليد وسنجند الجماهير حول مطالب أخرى غير ديمقراطية .وهذا يخلق إحراجا كبيرا للثورة . هذه الثورة التي جعلت الشيخ القرضاوي يقدم خطابا عقلانيا متقدما . لكن يجب ألا ننخدع إن ذلك الخطاب لم يكن نابعا من قناعة ذاتية ،إنما نتيجة الثورة وقوة الثورة و إي ضعف منها سنسمع من الشيخ كلاما آخرا . و تأسيسا على ذلك فما يقوم به المدعو أسامة سرايا ليس موقفا ديمقراطيا أو حق الاختلاف ،إنما يدخل في إطار مخطط إثارة الجماهير ضد الثورة .

nohaelebiari said...

الخوف من إن الاختلاف في الرأي يعمل فتنة طائفية زي بالضبط الخوف من إن الديمقراطية تجيب حكومة إسلامية .. مافيش مبرر يمنع الناس من الحرية علشان المبدأ إن مفيش حد وصي على حد في احترام متبادل مع الاختلاف في الرأي كل المصريين عايزين حرية لأن الحرية هي الضامن للعدل والمساواة والمحاسبة ومحاربة الفساد والحرية معناها الاختلاف في الرأي

Mohamed said...

نونو انا اسف وكنت غلطان فعلا لما قلت لك ان بالصبر كله جاى ... كنت فاكر ان المخلوع انتهى دوره الى الابد واعوانه مشغولين بالهروب وان مصر بتنضف خلاص ... لكن الواضح انهم لسه عندهم امل يبوظوا فرحتنا بثورتنا يمكن نترحم على ايامهم .. فكرى فى موضوع المسيرة المليونية لشرم الشيخ دى تتم ازاى فعليا "وانت معانا طبعا مش تخلعى " ووالله حاخد اجازة من شغلى ودراستى واروح معاكم وده بجد مش تريقة

blues said...

ya gma3a begad lazem netsraf w bsr3a gedan gedan el fetna law 2amet zy ma homa 3yzeen el balad 2olo 3leha ya ra7man ya r7eeem....plz plz plz lazem netsraf 7d y2olena n3mel eh w ezay nw3y el nas kolaha :S:S:S:S

marifahmi said...

وان معاكم فين ماتروحوا خلى البلد تنضف ونلحق نقضى على الثورة المضادة

dr_molars said...

يا استاذه نواره تسمحيلي اقوللك انك وجميع الاعلاميين والصحافيين المحترميين بتساعدو تللك الكائنات الغير حيه في تجميل وجوهم القبيحه لو انتم قاطعتم تللك البرامج المسامه بالتوك شو فانهم سوف يسقطون سريعا انتم بتساعدوهم ارجوكي اعملوا مقاطعه لهؤلاء الاقزام مينفعش كده يا نواره انتم كده بتهرجوا قاطعوهم قاطعوهم سلاح المقاطعه

dr_molars said...

وحيات اغلي حاجه عندك يا نوراه قاطهوهم وحيات عم احمد نجم وغلاوته عندك اعملي مقاطعه وكلمي اصحابك زي عيسي وبلال فضل الشناوي ووائل الابراشي والله العظيم لو اعرف نمر تليفوناتكم لكنت اتصلت بيكم ارجوكم اوعو تخزلونا انا مش عاوز احس انكم مشاركين معاهم فيها ايه لما تعملوا حمله مقاطعه حرام عليكي انا هاتشل من الشيخ محمد عسان الراجل ده يعني عريب قال ايه عمل مؤتنر في المنصور علشان الماده التانيه متتلغيش يعني يا شيخ محمد هي ناقصه بتدي لواحد زي مايكل منير العميل الكبريت اللي هايولع بيه البلد ده اسمه كلام حرامممممممممممم ارحميني بقه واعملوا مقاطعه للبرامج دي انا اتخنقت

dr_molars said...

انا عملت صفحه علي الفيس بوك لمقاطعه البرامج دي ياريت كلنا نشاركhttp://www.facebook.com/home.php?sk=group_144342608963024&ap=1#!/home.php?sk=group_144342608963024

muhammed said...

انا مش فاهم الناس دي عاوزة ايه ,,, عاوزين يولعوها اكتر ماهي والعة ,, يخربيت كدا ,, انا بقول اننا نعمل مظاهرات مليونية فعلية تطالب المجلس الاعلى للقوات المسلحة بالقبض على كل من يثير الفتن الطائفية واولهم مبارك التيت ,, وخليها تاكله

السلام عليكم said...

دلوقتى لما الداخليه تطلع المسجونببن الجنائيين افراج على عهده اليوم الساقع زكمان يفرجوا عن المعتقليين بتوع الجماعه الاسلاميه الجهاديهبتوع اسيوط

طيب انتم اتحولتم طلعوا الناس اللى قبضتوا عليهمفى الثوره والمعتقليين السياسيين اللى اتحاكموا قدام محاكمات عسكريه

المصيبه بقى حكايه بتاع الدهب اللى اندبح فى اسيوط

بعنى بيلعبوا بيلعبوا
اللهم رد عنا كيد الكائديين

السلام عليكم said...

اللهم رد عنا كيد الكائديين

tamer_george said...

عاجل وهام جدا عن شباب الاسكندريه
نما الى علمنا قيام جريدة الاهرام بعمل استفتاء على المادة الثانية من الدستور المصرى وحيث ان الوقت الان غير مناسب وهذه المادة لم تطرح للمناقشة بعد من الجهات المعنية بتعديل الدستور وليست على مائدة البحث لذلك نرى ان قيام جريدة الاهرام ورئيس تحريرها أسامة سرايا - المحسوب على النظام السابق – بهذا الاستفتاء قد يؤدى الى اشعال نار الفتنة الطائفية وهذا ما لا نرضاه ولا نوافق عليه. وقيام الاهرام بهذا يأخذنا الى نظرية الثورة المضادة التى يتحدث عنها الجميع والتى تهدف الى زعزعة نتائج الثورة وضربها فى مقتل وذلك دفع البلاد فى طريق الفتنة الطائفية التى كنا نسينها بعد يوم 25 يناير ونرجوا من الله الا تعود ابدا لذلك وجب التنبيه على جميع ابنائنا وشركائنا فى الوطن بالتأنى واحكام العقل وعدم الانجراف وراء ما يفرق ولا يجمع