Monday 14 February 2011

احذروا اذناب مبارك واساليبهم الممجوجة

لسه مبارك ديله بيلعب
فجأتن، ناس من اللي ما شاركوش في الثورة وكانوا بيدافعوا عن مبارك لجأوا لنفس اللي مبارك كان بيعمله، بس هم بيعملوا كده عشان مبارك عايز يثبت لامريكا انها غلطت لما تخلت عنه، ماهو لسه فاكر ان امريكا ترفع اقواما وتخفض اقواما
مجموعة من اللي كانوا بيدافعوا عن مبارك طالبوا بالغاء المادة التانية وقالوا حيعملوا مظاهرة مليونية لالغائها
ومجموعة تانية برضه من اللي كانوا بيقولوا على الثورة حرام ودافعوا عن مبارك عملوا مظاهرة دلوقت وبيقولوا: اسلامية اسلامية
احذروا احذروا احذروا تدخلوا في دوخيني يا لمونة دي تاني
دول اذناب مبارك وبيعملوا كده بتكليف عشان مبارك لسه عنده امل يرجع
سبحان الله كل حاجة حصلت في الثورة التونسية قبل وبعد بتحصل بالظبط بتشابه فظيع
بن علي لما مشي سلط فرق موت على التونسيين عشان فضل عنده امل يرجع
دلوقت وجوه معروفة بموالاتها لمبارك وما شاركتش في الثورة وحرمتها بتحاول تعمل فتنة طائفية في مصر عشان تفشل الثورة لان مبارك برضه عنده امل انه يرجع
احذروا انكم تدخلوا في الجدل ده
الجروبات المعمولة عشان الغاء المادة التانية او عشان الدولة الاسلامية تعملوا لها ريبورت وما تدخلوش معاهم في جدل ونقاش لان ده شغل مخابرات ومقصود والله العظيم تلاتة
والله العظيم تلاتة
والله العظيم تلاتة
هم عايزين يعملوا فتنة طائفية عشان مش عارفين يلموا الناس مش الشارع
وهم عايزين يلموا الناس من الشارع عشان مبارك عايز يرجع
والله العظيم ده شغل عمر سليمان
والله العظيم والله العظيم والله العظيم
حاسبوا حاسبوا حاسبوا
لا المسيحيين اللي كانوا في الثورة جابوا سيرة المادة التانية
ولا السلفيين اللي كانوا في الثورة جابوا سيرة الدولة الاسلامية - ناهيك عن الاخوان طبعا طبعا ما جابوش سيرة الدولة الاسلامية ومعظمهم كان بيهتف مدنية مدنية
حاسبوا حاسبوا حاسبوا
التونسيين اخدوا بالهم وحاسبوا وعرفوا يسيطروا على خطط بن علي.. التونسيين اذكى منا؟
مبارك قبل خطاب التنحي قال لبن اليعازر: الارهابيين حيحكموا مصر
وهو عايز يعمل فتنة طائفية في مصر عشان ده سلاحه الوحيد اللي كان مقعده تلاتين سنة، ولسه مش مصدق انه خرج، ولسه عايز يرجع، وله بلطجية وناس كانت بتدافع عنه وكلهم دلوقت عملوا ثوريين
احنا مخنا فين، ما تشوفوا الاسماء اللي مضت على موضوع الغاء المادة التانية والاسماء اللي قادت مظاهرة اسلامية اسلامية
حسين يعقوب؟ هو كان فين ساعة الثورة؟
طب ده صفوت حجازي اللي ياما ضايقني بتشدده، وانا باقول بامانة انه كان حيموت اكتر من مرة في ميدان التحرير، ما عملش حاجة زي دي
نشغل مخنا شوية

79 comments:

Unknown said...

فعلا معاكى حق

Nahla Anwer said...

عندك حق، ممكن قوي تكون خطة مباركية...بس....

أولاً، مش كل اللي مضوا على إلغاء المادة الثانية أو عدم المساس بها كانوا ضد الثورة... أنا وناس كتير غيري من اللي نزلوا في الثورة مضينا، ناس مضت على الأولاني وناس مضت عالتاني، كل واحد وأيدوليجيته.

وثانياً، موضوع السلفيين وعدم المساس ده شغال عندنا في اسكندرية من بتاع أسبوع كدة، يعني من قبل التنحي... المهم، أنا برضه شايفة إن الموضوع ده مادام اتفتح، لازم نتعامل معاه... لا دول حيقولوا خلاص سيبوه، ولا دول حيقولوا عايزين تشيلوه شيلوه....

أنا عن نفسي تجنباً للوقوع في فخ أذناب النظام، حعمل زي ما قولتي وانشر تحذيرك ده، وأنا عارفة إن الجهتين حيزعلوا.

المهم دلوقتي... غير الريبورت، حنتعامل مع الفكرة نفسها إزاي؟ ما هو الريبورت مش حيغير الفكرة، والبيج اللي تتقفل حيتعمل غيرها

Unknown said...

انا مش فاهمه هو مبارك دا مفكر ان مصر دى عزبه ؟؟؟ وعمالين بيلمو مؤيدين ليه على الفيس بوك ويطلعو اشاعات انه عيان يا حرام وبيموت والا عنده اكتئاب وكلنا عارفين انها حركات عمر زفت سليمان فاكرين الناس لسه هبله وبتصدق كلام المخابرات الفاسدة الى جابت لنا القواد صفوت الشريف وعمر سليمان مطلق الاشاعات على الثورة ودلوقت عاوزين يعملو فتن طائفيه تاااااانى ؟ بعد ما عرفنا ان حبيب العادلى هو الى قتل مسيحيين مصر ؟

علان العلانى said...

http://baynalkitabah.blogspot.com/2006/11/blog-post_26.html

إذا كانت المعرفة : إدراك الشىء على ما هو عليه ؛
وفى النحو ضد النكرة ويقول صاحب لسان العرب
المعرفة تقال لإدراك الجزئى أو البسيط ولهذا عرفت الله دون علمته.
وأذا كان واضحا لنا ان هناك مساحة بين ما هو معروف على العموم والمعرفة فى نسختها الحداثية التى تعتمد على المعلومة والمعلومات التى تعتمد بدورهاعلى المصدر ومصداقيته و< أذا أتفقنا على بعض من هذا> فلنحاول ان ننظر معا فى ظاهر النص فالكلمة المفتاح هى "متروك" فالمعرفه لها مع الزمان شجون لا تتوقف على العارف ودائما ما يمثل الحكيم كعارف فى هيئة عجوز اى صاحب الزمن طويلا وقد تصيد الناس مع الزمن من هذا أطراف يقال"اللى يعيش ياما يشوف" والشوف مصدر من مصادر المعرفة ويقال " لاتذم لا تشكر قبل سنه وست أشهر" بمعنى ان الزمن كفيل بكشف المستور ويقال فى ذلك أيضا" بكره نقعد جنب الحيطه " ويقال :" ياخبر النهارده بفلوس بكره يبقى ببلاش" لقد أصبح ببلاش لاسباب منها أنه اصبح خبر "معلومة" فاقدة الفاعلية بمعنى القدرة على التوليد والتاثير فى نتاج المستقبل بصورة فعالة

كما قال الشاعر وأظنه الكميت
:
لينتتجوها فتنة بعد فتنة
فيفتصلوا أفلائها ثم يركبوا

يثيرون الفتن في المجتمع، ليشغلوا الناس بها وليواصلوا سيطرتهم المقيتة على المجتمع،


-----------------------------------
.....سؤال مشروع هل في
طرح اسم عماد أديب رائحة بترول؟

احمد خليل said...

"هدف الثورة "الشعب يريد اسقاط النظام ما تحقق سفر رأس النظام لشرم الشيخ ومن يدير البلاد الان حكومة من رجال النظام اختارها مبارك بنفسة المتظاهرين فى الميادين تم اجلاءهم ....هناك صراع على السلطة غير خاف بين المؤسسة العسكرية والوزارة ومؤسسة الرياسة التى ما زالت تعمل فى حماية الحرس الجمهورى الموقف فى منتهى الخطورة والثورة المضادة على الابواب
فلينزل الثوار مرة اخرى الى الشوارع لحماية الثورة

Unknown said...

والله بجد معاكي حق انا من الاول وعمال اقول في حاجة عمالة تحصل من ورانا وقايل ان اكيد السيناريو التونسي حيتكرر في مصر تقريبا بالحذافير...ووجود عمر سليمان والشلة الفاسدة المضروبه معاه عايزين يعملوا مصيبة قريب.....

مش فاهمه said...

شكرا يا نوارة على سرعة استجابتك بس لازم الناس دى تفهم غلطها و ترجع تانى فى الفترة اللى فاتت الناس دى تأثير المشايخ دول عليهم فوقهم و شغلوا عقلهم شويه فشكلهم فتحوا قنوات الناس و الرحمه و حايرجعوا يلعبوا فى الدمغه دى تانى ده دور صفوت حجازى بقه متهيالى يطلع و يوضح اهميه اللى حصل ياريت تتواصلوا مع بعض العيال دى حاتضيع حاجات كتير

rahrom said...

يارب يارب ياجماعة هو فيه ايه اسلامية ايه ومسيحية ايه ماهم اللى سببوا كل المصايب والتفجيرات واحنا حالنا كويس المادة التانية موجودة من زمان والشيوخ اللى افتكروا الحكاية فرصة يتقوا الله بقى على فكرةده تشدد مش على اساس اصلااذا سيدنا مجمد صلى الله عليه وسلم بيقول لايشاد الدين احد الا غلبه او كما قال عليه السلام سيبوكوا من العبط ده بقه ومحدش يعبرهم زى ما قلتى وخلينا نفضى للبنا بقى وكمان نسيت اقول حاجة مهمة الفلوس الملايينية اللى كانت بتتصرف على الكوورة والمسلسلات الفاشلة دى مش لازم تتقنن الغلابة اولى بيها وهى السبب ان بتوع الكورة والفنانين اياهن واياهم كانو محروقين على مبارك قوى علشان السبوبة بتاعتهم وكمان فيه حاجة سمعتوا عن التسريبات بخصوص ان مبارك صحته مش ولا بد وغيبوبه وحاجات كده حطى ده فى الصورة واقريها هاتلاقى كلامك صح مش تشاؤم ولا حاجة يارب نطلع متشائمين

Anonymous said...

وبعدين بقي ؟؟ لازم نطور الهجوم علي مبارك ..مجرد ان احنا سيبناه كام يوم حيقلب البلد علينا .. وحتفضل مقلوبة للابد .. يا جماعه لازم نطور الهجوم ..الناس اللي ليها علاقة بالاعلام تتحرك بسرعه ..عاوزين برامج يطلع فيها اهل خالد سعيد واهل الشهداء يتكلموا اللي النظام عمله معلهم ..عاوزين مفكرين ومثقفين يكتبوا فب كل الجرائد ويفكروا الناس بفظائع النظام ..عاوزين ننادي في كل مكان بملاحقة مبارك ومحاكمته وثروته ..خلينا نشغله بنفسه وبقروته هو واتباعه ..فيه مظاهرة بيدعوا ليها انصار مبارك باسم يوم الوفاء او يوم رد الجميل ...المفروض الحقيقة الامن المركزي ينزل يزريهم شوية من الجميل اللي مبارك عمله فينا يوم جمعه الغضب بصراحة ..
لازم لازم اللي ليه اتصال بحقوقيين يتابع معاهم النهارده مسئول في فرنسي قال ان فرنسا تضع نفسها تحت تصرف مصر لتجميد ارصدة مبارك ولكن لم يتقدم احد حتي الان باي طلب منهم .. فين البلاغات للنائب العام من الناس ضد رموز الفساد ؟؟ ما ينفعش نسيبهم ياخدو نفسهم لازم نخليهم يجروا قدامنا طول الوقت

مش فاهمه said...

وبعدين ايه موضوع ان يوم الجمعه حانمسك مقشات و ننزل ننضف الشوارع هو فيه حاجه اتعملت فعليا ايه التهريج ده كنس ايه دلوقتى عايزين مظاهرات مليونيه تفوق الناس

AramSteps Labeba said...

احبك في الله
اختك من الاردن

Unknown said...

اهلاً نواره :)
أتفق معاكي ان التعديلات اللي الشعب مش مجمع عليها مش لازم تتغير..
والناس اللي طالعين يقولو اسلاميه.. ما اساسا الدوله لما تكون مدنيه مش هتحارب الاسلام
لكن انا بأختلف معاكي في نقطة الشيخ محمد حسين يعقوب.. وطبعاً في غيره.. بس بما انك قلتي اسمه يعني
صحيح انا مش بحب تشدده.. لكن مش من حق حد يتهمه بأنه تبع مبارك لمجرد انه مش طلع وقت الثوره! ياستي هو شايف ان الخروج ع الحاكم حرام.. نسيبه في حاله.. في ملايين غيره طلعو ونجحو وشالو الحاكم.. ود. راغب السرجاني قال انه هينزل فتوى كامله ان اللي حصل دا مش فتنه ولا حرام (أعتقد انه المفروض يكون نزّل الفتوى خلاص) فالشيوخ اللي مش كانو معانا في الثوره نسيبنا منّهم في الحتّه دي.. لكن مش نيجي بقا نشكك فيهم او نقول انهم بيحاولو يلتفو ع الثوره او اي حاجه تانيه..
مهمن كان.. هما كانو ساكتين.. مش زي بعض الفنانين اللي قالو احرقو المتظاهرين وكلام قذر من اللي كان بيتقال
بس حبيت اتكلم في النقطه دي.. لأن دول علماء أفاضل بغض النظر عن تشددهم.. ومش كويس نتكلم عليهم بسوء
تحيه ليكي يا نوارة مصر :)

محمد صبرى said...

للمرة المليون موافقك على كل مواقفك السياسية .. و احييك لانك بجد بجد صاحية

حسين يعقوب ايه اللى جاى يتكلم دلوقتى .. كان فيه هو و غيره و الناس بتموت عشان مبادىء الحرية و العدل و الكرامة , محدش قاله ان هو دا جوهر الاسلام ؟؟

ربنا ينتقم منه هو و أمثاله

....

أكيد شفتى الكارثة دى

http://dostor.org/politics/egypt/11/february/14/36275

اللى بتأكد انه المخاوف و القلق مش من فراغ

Unknown said...

الثورة المضادة لثورتكم بدأت منذ ما قبل سقوط مبارك ومن الواضح انها ثورة عنيدة جدا لأنها تدافع عن وجود شخوصها
بمعنى ان كل المشاركين فيها يعلمون ان لا مان لهم في مصر المستقبل وبالتالي هم يدافعون باستماتة عن وجودهم وامتيازاتهم
ما يحدث معكم حدث بكل الثورات العظيمة التي قامت بتغيير مجتمعات ودول
والوضع الآن اخطر بمرات مما كان عليه قبل سقوط مبارك
لأن وحدة الهدف ووضوحه كانا يوحدان الشعب المصري اما الآن فقد اصبح الباب مشرعا امام تعدد الاهداف وتعدد التوجهات
وحتى من كانوا اساسا للثورة ربما يسقطوا وهنا تحضرني قصيدة احمد فؤاد نجم المسماة باسمك وفيها جملة اتذكرها كلما قرأت كتاب تاريخ عن الثورات
ياما ناس في المسيرة مشيت
وناس في نص المسيرة خانوا
ربما اضواء الاعلام الباحث عن ابطال وغيرها من وسائل التأثير تنجح بجعل البعض يغير طريقه حتى لو لم يرد
كما قلت انت الآن في المرحلة الاخطر والاصعب
أعانكم الله عليها وجنبكم مشاقها ومخاطرها

aly said...

المشكلة إن الكلام في الجزئية دي حساس وشائك جدا جدا
وبما أن انا مش عايز اجزم بهوية اللي متبني وجهة نظر الغاء المادة الثانية فأنا هاتكلم عن الجانب اللي مؤيد لبقائها وأنا منهم
النقطة الاولى ان الاسلاميين من السهل جدا استفزازهم لصدامات وممكن تقولي انهم مش راسيين خالص فيما يخص الجزء ده وكمان ممكن يجيشوا مشاعر الناس العادية حتى بمنتهى السهولة فيما يخص موضوع دين الدولة
النقطة التانية أنهم هيرفضوا كلامك بخصوص عدم المشاركة في الثورة لان كتير منهم شارك وانا منهم وكتير منهم مش جه مع مبارك لكن حذر من المظاهرات ليأسهم ومعرفة نتائجها مقدما من وجهة نظره وبالتالي كلامه كان تقليل للخساير.

التحدي دلوقتي يا أستاذة نوارة ازاي تقنعي الجماعة دول ان ده كلام ولا في الاحلام حيث أن أي تعديل هيتم في ضوء ارادة حرة للشعب اللي غالبيته الساحقة مسلمة وبالتالي مش كويس انجرارنا لنعرة طائفية بناء على مجرد شائعات أو دعوات؟

lastcrazyboys said...

انتي عايزة تربي لي فار في عبي ليييه

كلامك فتح أبواب كتيرة قدامي دلوقتي .. ومش عارف ايه وجه المصادفة بينــه ..وبين المحاسب اللي معايا في الشغل "ملك الاختلاسـات" اللي كان قافش تلابيب امي كل يوووم من يوم 25 عشان يقول لي حكاية الخروج عن الحاكم ..والفتنـــة والكلام الاهوج ده

ثم جه بعد الخطاب التاني يقول لي : انتوا عايزين اييه تاني ..اهو مفيش احلى من كده..واتقوا فتنةً

النهاردة بقى ماسكني رغي رغي على موضوع المادة التانية وعمال يقول لي انتم اديتوا للجماعة دول فرصة يطلعلهم صوووت

...!؟؟؟؟؟؟

sal said...

معاك حق
اد الملايين اللى خرجوا فى الثورة المباركة
الامريكان مش حيسيبونا فى حالنا

AhmedEzzat said...

بجد , ﻻزم نعمل حمله توعيه للناس , ان اللي داخلين يعملو فتنه دول تجاهلوهم و محدش يسمعلهم !

Unknown said...

انتى معاكى حق وانا بتكلم كتير مع الناس فى الموضوع دا لكن علينا افتراض حسن النية فى الناس وتوضيح الأمور فى الشيخ يعقوب او غيره ورغم انى معترضة على موقف المشايخ من الثورة الا انى افترضت فيهم حسن النية وثانى حاجه انا مش عارفة آخد مقالك واحطه على صفحتى فى الفيس بوك ازاى بس بعد اذنك هاشيل منه تعليقك على الشيخ يعقوب ومبروك عليكى وعلينا نجاح الثورة يارب تكون فتحة خير على مصر

Unknown said...

ما الذي يفعله عمر سليمان وزكريا عزمي حتى الآن في قصر الرئاسة؟
http://www.dostor.org/politics/egypt/11/february/14/36275

تحذير: الحكومة الموجودة حاليا برئاسة أحمد شفيق صديق الرئيس المخاوع
وعضوية عائشة عبد الهادى التى قبلت يد سوزان مبارك امام الكاميرات
والأهطل أحمد ابو الغيط والمنافق الأكبر مفيد شهاب والحرامى الكبير سامح فهمى
هذه ليست حكومة تسيير اعمال ولكنها حكومة تهريب الأموال
وستنتهى مهمتها مع اكتمال عملية تهريب أموال اللصوص الكبار

المهدى said...

يا نوارة الثورة إحنا مش بس مختلفين فى أولويات المطالب إحنا كمان مرتبكيين جدا فى التوجه إنت نفسك مرتبكة
1- مطلوب من المجلس الأعلى للقوات المسلحة القضاء على كل عصر مبارك وكل أذناب مبارك وأن يكون حاسم وحازم وسريع لهدم الفساد القائم والتجهيز لنظام جديد مع مراعاة الأمن القومى وثوابته
2- أو ترك كل شئ يتفاعل والتحضير للحياة المدنية الجديدة على نفس أنقاض الماضى وترك المستقبل المدنى يحارب الماضى بماله وألاعيبه وأمريكانه ( نعم أكيد السفير الأمريكى أسرع وأكثر حرصا منا على الوصول لدولة مصر التابعة الجديدة )
لو الأولى يبقى نصبر ونهدى على الوزارة والفترة الإنتقالية و نركز فى المحاكمات والمطالب الفئوية والمطالب الشعبية لو الثانية يبقى نهدى على المطالب الفئوية ونركز فى الوزارة والتعديل الدستورى
مش ممكن الإثنين مع بعض إنت بتشجعى الإعتصامات وبتحذرى من تحركات أرامل الرئيس المخلوع تتعمل إزاى دى

محمد نور الدين said...

ست الكل مساء الخير
إذا استمريت في هذه الطريقة في التحليل ستقودك إلى متاهة . المعركةالآن هي تكملة للمعركة القديمة بين بشوى والعوا وكميليا يومها قلت لك أنها مسرحية مخرجها معروف وممثليها معروفين و حتى الكوبارس معروف يومها كانت الحبكة تدور حول التوريث. أما الآن فهي حرب مواقع بين أجنحة النظام وسيستثمرون كل شئ الدين الأيديولوجيا الطائفية .المتغير الوحيد هو شباب ميدان التحرير الذي أدخل تعديلات كبيرة على فصول المسرحية فهو يريد أن يسند له دور رئيسي وليس ثانوي .هنا تكمن حقيقة المعركة هل يلعب الثوار الدور الرئيسي في هذه المسرحيةأم الدور الثاني

المهدى said...

نوارة الثورة
الوزارة الجديدة يعملها إزاى بسرعة مجلس عسكرى بعيد عن الحياة المدنية يريد أن يكتسب ثقة الشعب ويبتعد عن ماضى ملوث وتكون من عناصر شريفة ووطنية وقادرة
طيب أو إنت مسيسة ومدنية ونوارة الثورة كلها شكليها دلوقت وأنا أطلعلك ربعها له إرتباطات مشبوهة وربعها غير قادر وربعها فاسد
بلاش شكليها وأنا أوافقك عليها أليس من حق المجلس العسكرى أن يستمع من آخرين غير نوارة نجم لديهم أفكار وأسماء أخرى
بلاش .. ترضى بوزير عمل مع مبارك ؟ أنا شخصيا لأ طيب ماذا عن الجنزورى والليثى والكفراوى وحتى أحمد شفيق وبطرس غالى فيه ناس ترضى وتعتبرهم كفاءات

Unknown said...

عزيزتى نوارة
لسه الجزيرة ناشرة حوار مع احد ممثلى حركة 25 يناير معرفس المتحدث كان اسمه ايه؟
لكن كان الحديث عن الاسماء التى سيتم اقتراحها من قبل هذه المجموعة على المجلس الاعلى للقوات المسلحة والتى تتناول اسماء للوزراء الجدد واسماء لرئيس وزارة جديد
تخيلى اقتراحوا اسماء مين كرئيس لوزارة تكنوقراط
الاول كان اسم د. احمد جويلى
والثانى كان اسم د. حازم الببلاوى
ارجو الانتباه يا نوارة ارجو الانتباه يا كل من يحب مصر
الاول على الرغم من كل ما يثار عنه من مواقف وطنية ـ غير صحيحة ـ هو صنيعة يوسف والى وكلنا عارفين انه بعد ما طلع من الوزارة اشتغل مدير أعمال للأمير الوليد بن طلال !!!
اما الثانى فحدث ولا حرج ، فالثانى هو صنيعة البنك الدولى وصندوق النقد الدولى وذلك ايضاً على الرغم من كل ما حاول ان يتبرأ منه فى السنوات السابقة من اعتناقه لأيدولويجات معينة والله والله والله العظيم ساعدت على خراب البلد وقتها
ارجو الانتباه ارجو الانتباه
يجب الدراسة جيداً مع هؤلاء حتى لا نكون نستجير بالرمضاء بالنار
وشكراً لكم

Unknown said...

نوارة
نوارة
نوارة
إنتى لازم تعملى صفحة على الفيس بوك وتشتغلى عليها بوست عليها والناس هنا يخشوا عليها ونجيب صحابنا..عشان الصفح المشبوهه كترت وأنا الصراحه شاكك إن وائل غنيم افرج عنه لسبب وعشان كده دايما سلبى
بس انا برضه شايف ان الجيش اكيد مرهق ولازم ياخد فرصه بس لحد الجمعه

lastcrazyboys said...

وريهــم ازااااي الناس دي كانت خايفة على النظــام

وهم دلوقتي اكبر أيتـامه ..وحزانى عليه

حكم المشاركة في ثورة 25 يناير - موقـع أنـــا سلفي

الشيخ ياسر برهامي : ثورة الغضب في ضوء أحاديث الفتن


دي بقى أنقح وادل سبيييلاً..بيقول لك اشمعنى "جورج اسحق " ومجدي يعقوب هو اللي يتكلم باسمنا

ولا كأنه ابن الاوسـاخ كان ضدنا

هام جدا : توضيح موقف الدعوة السلفية من ثورة الغضب

Unknown said...

عزيزتى نوارة
لسه الجزيرة ناشرة حوار مع احد ممثلى حركة 25 يناير معرفس المتحدث كان اسمه ايه؟
لكن كان الحديث عن الاسماء التى سيتم اقتراحها من قبل هذه المجموعة على المجلس الاعلى للقوات المسلحة والتى تتناول اسماء للوزراء الجدد واسماء لرئيس وزارة جديد
تخيلى اقتراحوا اسماء مين كرئيس لوزارة تكنوقراط
الاول كان اسم د. احمد جويلى
والثانى كان اسم د. حازم الببلاوى
ارجو الانتباه يا نوارة ارجو الانتباه يا كل من يحب مصر
الاول على الرغم من كل ما يثار عنه من مواقف وطنية ـ غير صحيحة ـ هو صنيعة يوسف والى وكلنا عارفين انه بعد ما طلع من الوزارة اشتغل مدير أعمال للأمير الوليد بن طلال !!!
اما الثانى فحدث ولا حرج ، فالثانى هو صنيعة البنك الدولى وصندوق النقد الدولى وذلك ايضاً على الرغم من كل ما حاول ان يتبرأ منه فى السنوات السابقة من اعتناقه لأيدولويجات معينة والله والله والله العظيم ساعدت على خراب البلد وقتها
ارجو الانتباه ارجو الانتباه
يجب الدراسة جيداً مع هؤلاء حتى لا نكون نستجير بالرمضاء بالنار
وشكراً لكم

Nicholas Urfe said...

انا من الثورة وفيها انا واخوتي واسرتي من اول يوم

وفي نفس الوقت مع الغاء المادة الثانية يا نوارة ومع احترامي الكامل لوجة نظرك

يمكن ما نقدرش نلغيها دلوقتي وتحتاج سنين من التوعية والعمل السياسي لكن لما بييجي مجال اعبر عن رايي بعبر ، ومن غير قصد الفتنة او اي شئ !

Ehab said...

totally agree, and I smell somthing fishy

Early bird said...

اعتقد ان ابسط رد على الناس دى ان الدستور عند تعديله لابد ان تعرض بنوده للاستفتاءاللى هو برضه نزيه

وبعديين فعلا اليوم السابع كمان شغاله من تحت لتحت

كل يوم خبر يشعل الفتنه وخبرعن اقباط المهجر وخبر عن الناس اللى عايزها مدنيه وان ده معناه نلغى الديانه من البطاقه ومن تحت لتحت اخبار عن مبارك وعن مؤيدنه لدرجه ان اخبار عن ان فرنسا بتقول انها مستعده تجمد امواله تلاقيه التعليقات بنتقول وهم مالهم ده ابونا وهو حر فينا

الا على فكره زكريا عزمى وضعه ايه هو ومفيد شهاب وهو وزير بدون وزاره وعمر سليمان وضعهم ايه وصفوت الشريف وفتحى سرور

الا حكومه الوكسه دى لسه قاعده ليه

يوميات البورصة المصرية said...

ولا هايحصل أي حاجة اللي الجيش عايز يرجح كفته هو اللي هيكون واصلاً الجيش مش بيحب السلفيين وشايل منهم من زمان
المادة التانية هتفضل عشان ده تراث

وجهة نظري said...

المفروض بقى مدام شعب جدع كدة وبنقدر نعمل كل حاجة، يبقى نبتدي نتدور على التجار إلي ماصين دمنا بقالهم سنوات هما يغتنوا وإحنا نجوع وبيعملوا ثروات وأرباح خيالية على حسابنا. الحاجة تتكلف جنيه وتتباع بعشرة. لازم مقاطعة التجار تاجر تاجر، نعمل إنذار إن كل حاجة ترخص ٣٥ - ٦٠٪ حسب السلعة، والي مش حينفذ نقاطعه، إسبوع اتنين تلاتة لحد ماينفذ أو يقفل. والله أول واحد حيتعمل فيه كدة كله حيبقى زي الكلب، يعني حيكونوا أشرس من الكلب إلي راح؟

Unknown said...

الجارديان:مبارك وعائلته فى شرم الشيخ بياكلوا كفيار وشوكولاته سويسرية
وهذا هو الرابط بالجارديان
http://www.guardian.co.uk/world/2011/feb/13/defeated-mubarak-sharm-el-sheikh

والموضوع بالعربى على مصراوى
http://www.masrawy.com/News/World/BBC/2011/February/14/3939427.aspx

anagazi23 said...

احنا عملنا الخطوة الاولي و الخطوة التانية لازم تكون مليونيه يوم الجمعه الجاية عشان الجيش مينمش في الخط و لا شفيق و عمر سليمان يلحقوا يعيدوا تنظين صفوفهم

georgetheroman said...

احنا عاوزين دستور جديد يضع حد للتفرقه بين المصريين علي أساس الدين و ده حلم عند المسيحيين في مصر انه مايبقاش في تفرقه علي أساس الدين و يكون فيه مساواه بين المصريين في الحقوق و الواجبات

Unknown said...

هل يمكن ان يكون هناك لعبه مشترك فيها الجميع مبارك وعمر سليمان والجيش ؟
الى الان لم يتم تكليف اى لجنه لصياغة الدستور او تعديله الى الان لم يتم الاعلان عن انتخابات مجلس الشعب ماذا يفعل عمر سليمان فى القصر الرئاسى لماذا الاصرار على هذه الحكومه
ما هو موقف الحرس الجمهورى
اين جنود الامن المركزى لماذا لم يتم استدعائهم
ماذا يحدث فى مصر؟
اين هو الوزير فاروق حسنى؟هل يعقل ان لا يذكر ابدا وكأنه لم يكن وزير من 500 سنه هل يعقل ان لا يكون لديه اخطاء وجرائم
انا لم اعد افهم اى شيئ لكن انا خائف

Ehab said...

please read this report from Stratfor
Egypt: The Distance Between Enthusiasm and Reality is republished with permission of STRATFOR.

Ehab Calgary,Ab Canada
ehabmb@gmail.com

Unknown said...

i do not think Mubarak can come back now, i know he wishes to come back but he will not. the second thing is that those who are trying to play in the religious line should know by now that it will not work. the Egyptian people understand and comprehend what is going on around them. those are trying to come out revolution without losing everything they got. they are trying to save their skins that is all.

i really hope that all the head of the older regime be capture so they do not start all this nonsense

يمكن بحر said...

يا جماعة سؤال :
حل مجلس الشعب وتعطيل العمل بالدستور والست شهور والكلام ده في بيان رقم كام !
لا موجود في بيان رقم 4 ولا رقم 5
التليفزيون نشر البيان ده على انه بيان رقم 5!!!!!!

حد فاهم حاجة !

Nicholas Urfe said...

المستقبل المشرق:

http://www.youtube.com/watch?v=natdDdiuVsA&feature=player_embedded#at=382

Unknown said...

http://www.facebook.com/l.php?u=http%3A%2F%2Fwww.aawsat.com%2Fdetails.asp%3Fsection%3D4%26issueno%3D11762%26article%3D607634&h=83135
ياريت تشوفي التاريخ و في عز الازمة و والباقي ده كان رد فعل , انا مش من اللي بيؤمنوا بنظرية المؤامرة اصلا لان اي حد يتامر وينجح تبقى غلطة المتامر عليه ( وجهة نظر )
انا يدت الثورة ومن قبل ما تبدأ وممكن تشوفي مدونتي قبل 25يناير وبالرغم من حلمي بدولة اسلامية وقناعتي انها مش ضد مبادىء الدولة المدنية لكن فيه اختلاف اكيد , ومع ذلك ساعدت الثورة بكل شىء املكه واولها لساني وانا عارف انها بتدعو لدولة مدنية مش اسلامية ومكنش حلمي ان الثورة تصبح اسلامية لكن اعتقادي ان مطالبكم عادلة واننا في احتياج لحياة طبيعية مش حياة طوارىء علشان نقدر نتواصل مع الناس ونقلهم ان احنا مش ارهابيين ولا بعبع زي مهما فاكرين , واني اقدر ارجع اعيش في بلدي من غير قوايم ترقب وصول علشان رأي ولا اعتقال , لكن في النهاية انا معملتش ثورة واشتركت فيها علشان الاقي واحد متطرف بيطالب بالغاء هوية وطن و عاش معظم تاريخه بيفخر انه معقل الاسلام وحماه اتمنى تكون فيه حاجة وضحت وانا مستعد للحوار وعلى فكرة اقدر اقنع الاف من اللي بيتكلموا دلوقتي بحاجات لو قعدوا سنين تقنعوهم مش حتقدروا
الحوار هو الوسيلة الوحيدة الان والتي اصبح كثير من الناس يؤمنوا بقدرتهم على توصيل رسالتهم من غير احتياج لفرضها

مصدق الهواري said...

العزيزة الفاضلة نوارة يجب الأنتباه الى ان الجيش لم يعترف حتى الأن بأنها ثورة كل ما يعلن في البيانات يعتبرها تطلعات الشعب فقط و هذا مهم لأن الجيش لو أعتبرها ثورة فسوف يتبنى معظم مبادئها بدون تحاور أو مفاوضات و قد يكون هناك بعض قيادات الجيش متعاطفا مع النظام السبق الفاسد حيث لم يتم حتى الأن التحفظ على الرئيس السابق و رموزه لمنعهم من ممارسة اي نشاط ضد الثورة و لا تم التحفظ على القصور و المباني التابعة للرئاسة و الوثائق التي قد تكون بداخلها

برجاء قراءة هذا الموضوع و محاولة نشرة بطريقتك فأنت الأقدر على ذلك

http://www.facebook.com/note.php?created&&note_id=147430851985213

غير معروف said...

ياشبا احزروا تلك الشمطاء المدعوة نوارة فهي عميلة للصهاينة وتم تدريبها في قطر (جنة الله في الارض) وهي نعمل كل ذلك من اجل الدنانيير ومن اجل الزواج (تبقة تيجي تقابلني) رجاء ان تبتعدوا عنها فقد طلعت ريحتها ولذلك لم تكن من ضمن الا قابلوا المجلس العسكري لان لامؤاخذة ريحتها نتنة ولكم في ابيها عبرة

Unknown said...

بصراحة انا فعلا خايفة على الثورة .. طالما الحكومة الوسخة لسه موجودة

الله يسامحكم لو ثبتو كمان يوم او يومين
قناة العبرية فعلا وسخة اليوم تستضيف احمد عز والمذيعة كانت كمان شوي رح تبكي عليه
الله يخرب بيتها

Nicholas Urfe said...

طارق البشري وصبحي صالح في لجنة الدستور المختارة من قبل المجلس العسكري؟
انا مش عايز فتنة اكيد بس برضو مش عايز دولة دينية
عموما المكتوب عالجبين لازم تشوفه العين

zara shaishaa said...

Omer Suliman is over 75 it is time for him to retire Sharm or Swiss village whatever I think he saved enough with his pension he would live like a king but far away from our lives. Shafik too he is too old to learn how to speak differently. It is time for him to retire get new faces at their forties of not more than fifties. The transitional ministry should be formed by next week the most why you're not demanding that. The bad name emergency law has to be canceled immediately the political detainees must be freed yesterday, do not arrest or kidnap anyone for without a crime. Do not stop protesting do not stop asking for your rights, discuss everything there is no taboo anymore the revolution educated us all we can take care of ourselves.

مواطن مصري said...

فعلاً معاكي حق و دلوقتي مخرج شوية بلطجية يقعدو في بيسوت الناس في المناطق الجديدة الي شارينها و بيدفعو أقساطها و غير كدة حركة الأضرابات الشرطة و الأضرابات في المصانع الي طلعت مرة واحدة مش منطقية عشان يعطل عجلة الأقتصاد عشان يقولنا الثورة فلست البلد

د. هانى احمد said...

ياجماعه سلاح الثورة الوحيد هو التواجد فى الشارع والثوار رموا سلاحهم بسهوله وانقسموا... وبدات حمله اعلاميه قويه ومنها الحلقه بتاعي النهارده فى العشره مساءا عن مدى خسائر مصر.. وكان الشعب كان متغرق ارباح قبل الثورة.. وكله بيتكلم عن خسائر الثوره اليوميه ومحدش بيجيب سيرة الخسائر اليوميه للفساد فى العهد البائد الباقى... يا جماعه كل المسؤولين بتجنبوا كلمت ثورة شعبيه والكلام عن انتفاضة شباب وجارى احتوائها يا سيادة الرئيس... وكلام نواره تمام الثورة المضادة بدأت لان الثوار رموا سلاحهم وهو الشارع وقهر الخوف وايد واحده.. كويسه جدا المطالب المحدده اللى طلبها الثوار ولكن بدون سلاح الشارع ستقابل بالمناورات والمماطله.. الى الشارع ايها الثوار لا تفقدوا الشعب الامل الذى بدا يتلألأ فى الافق... ايد واحدة

Unknown said...

كتب محمود حسين
اليوم السابع

دعا جروب "أنا آسف يا ريس" الذى أطلقه مؤيدو الرئيس السابق محمد حسنى مبارك على موقع "الفيس بوك" إلى الخروج فى مسيرة سلمية يوم الجمعة المقبل 18 فبراير، للإعراب عن وفائهم وحبهم للرئيس الذى تنحى الجمعة الماضية، وأطلق أعضاء الجروب على هذه المسيرة عدة أسماء من بينها "جمعة رد الجميل" و"جمعة الاعتذار" و"جمعة الوفاء".

وقال أعضاء الجروب الذى يضم ما يقرب 42 ألف مشترك فى بيان لهم إن المسيرة ستبدأ من أمام مسجد مصطفى محمود بالمهندسين.. وجاء فى البيان "قررنا نحن شباب مصر الواعى المحترم الذى لا ينتمى إلى أى حزب سياسى أو جهة أمنية، وليس لنا أهداف أو مطالب سياسية سوى تكريم الجندى والقائد والرئيس حسنى مبارك.

Anonymous said...

http://dostor.org/politics/egypt/11/february/14/36318
معاكي حق و الله...حسني الزفت دة زي القط بسبع ترواح مش هيتهد غير لما ياخد على دماغه, و حضرته مش هياخد على دماغه غير لما حكومته تتهد و تفضل متدربكة بالاعتصامات و المطالب الفئوية و الاضرابات...حد سمع الؤتمر الصحفي الأخير بتاعه .ده لسة بيقول سيادة الرئيس

yasser said...

نةارة فى حاجة غلط بتحصل العيال بتوع الحزب الوطنى بيزيدو بشكل هستيرى على فيس بوك بتوع الوفاء لمبارك
لو شوفت الخول بتاع القاهرة الجديدة هنا يبقى مبارك هيرجع

Unknown said...

والله انتى شطرة يانوارة انا كل ماتكلم فى الموضوع ده يقولولى بطل نظرية التئامر الى انتا مؤمن بيها خلاص حسنى مشى ومش خئدر يرجع بس انا عارف ان كلامك صح

hamada galal said...

يا نوارة انا خايف جدا على الثوره كلام احمد شفيق امبارح عن انكم (الثوار )فاكرين انكم حققتم نصر!!!!!!وعدم اعترافه بانها ثوره وكلام الدستور عن ان عمر سليمان لسه بيتحكم فى القصر كل دى حاجت تخوف لازم نرجع الميدان وكل الميادين يوم الجمعه ونوصل رساله احنا لسه صاحين ومش هنسيب اللا مباركيين يسرقوا دم الشهداء

Anonymous said...

دي ممكن تطمنك شوية
http://weghatnazar1.wordpress.com/2011/02/14/%D8%AE%D9%88%D8%A7%D8%B7%D8%B1-%D8%B9%D9%86-%D9%85%D8%B5%D8%B1/

Anonymous said...

يمكن تطمنكم شوية
http://weghatnazar1.wordpress.com/

Unknown said...

يا نوارة انا والله لو كنت قرأت الي انتي كتبتيه من غير ما يحصل معايا مكنتش هسادئك واقبل ما اقرا كلامك مكنتش مسدأ نفسي انا حصل معايا الكلام ده بالظبت كالتالي:
ركبت مع سواق تاكس قعد يكلمني كلام غريب انه كان لسه له كام شهر واحنا ما صبرناش عليه وانه تاب عن الي عمله وكان معاه شيوخ من الدعوة وان الجهات الامنية قبضت على 760 عميل لاسرائيل وحرق دم اهلي وقالي انه هيرجع تاني ده بعده هو كل الي معاه دانا كنت انتحر لورجع تاني

سامح said...

الموضوع بدايته جت من مايكل منير شخص واطي انا شفته مع عمرو اديب بيقول ده احنا كمان مات لنا شهداء ولينا مطالب يعني بيتاجر بدم الناس وقام رازع المطالب اولها الغاء المادة التانية من الدستور . انا بقى لو جبت الشهداء والناس اللي نزلت قلتلهم من نتائج الثورة الغاء المادة التانية من الدستور ، تفتكري كان حد هينزل؟
عموما انا مش قلقان لان الدستور هيستفتى عليه وواثق في اختيار الناس .اما محمد يعقوب اوغيره فهو موقفش مع مبارك واختار انه يعتزل الموضوع وده اجتهاده وفي غيره شاف غير كده من السلفيين زي صفوت حجازي وحافظ سلامة ومحمد عبد المقصود ونشات السعيد وحركة حفص و محمد حسان وكلهم شاركوا
السلفيين بيعملوا مؤتمرات وندوات دلوقتي وبيجيبوا رؤساء محاكم يشرحوا للناس اهمية المادة الثانية من الدستور لكن مفيش مظاهرات او كده ومش هيحصل ، المشكلة بقى في التابو اللي من الاول للآخر مع مبارك ونزل ناس في المظاهرات المؤيدة ومحدش بيتكلم عنه وفي نجيب جبرائيل اللي هيعمل وقفة في التحرير لالغاء المادة الثانية ده هيستفز اي مسلم مش السلفي بس
ياريت نفرق بين اللي سكت لانه فعلا مقدرش يقدر الموقف ومش عارف يشارك ولا لأ وبين اللي كان بيطبل لمبارك وينزل مظاهرات مؤيدة وشوفي دي واضحكي
http://www.youtube.com/watch?v=QJMpIe3pGf8&feature=related

Béranger Enselme said...

انا عاوزه اعبر عن رأي في مسأله الماده رقم 2 في الدستور انا كمواطنه مصريه نفسي الماده ديه تختفي وده مش لاني عميله و لا غيره من الكلام ده بس لان في رأي ان طول ما الماده ديه موجوده هيبقي في مواطن درجه اولي و مواطن درجه تانيه و بالمناسبه الماده ديه اجبرت مصريين كتير بيحبوا بلدهم قوي يتغربوا

saraibrahemeid said...

يا انسه نوارة انا بقالي يومين صوتي اتنبح علي الفيسبوك
بقول
زكريا عزمي و عمر سليمان باشا بيعملوا ايه في القصر
ومبارك وابنه
و الوزارة مليانة وزرا من نظام مبارك
خايف يكون في شيئ بيتدبر

عم مينا said...

ينصر دينك يا نوارة.. أنا عمال بقول الكلام ده بقالي يومين.. أنا بحاول افهم مسيحيين صحابي كتير ليه الكلام علي المادة التانية دلوقتي ماينفعش خالص.. عليكي انتي و علي السلفيين لاحسن أما بيشوفوا اسمي بتجلهم الجنونة

Unknown said...

اعذريني اني أقولك ان حضرتك انسانة جاهلة لا تفقهين شيئا..
و اعذريني كمان اني هشتمك بس لأنك انتي محترمتيش غيرك و تكللت بالجهل عشان كدا لا يحق لكي الاحترام..

الشيوخ اللي سيادتك بتتكلمي عنهم لاقوا ويلات العذاب من اغتقال و تعذيب و تضييق و منع من الكلام بل وصل الأمر الى الطرد من البلاد.. و هم اهتلفوا في رؤية الموقف بين مؤيد و معارض.. فمن هؤلاء الذين نادوا بالحفاظ على المادة الثانية في الدستور هم من نزلوا الى الميدان و شاركوا مصر في التحرر من طاغيتها. و من لم ينزلوا منهم (لأن منهجهم كان الاصلاح و التغيير بالدعوة و هم أكثر من لاقوا ويلات العذاب من هذا النظام الطاغية فأمن الدولة لم يكن وجوده الا لهم -الاسلاميين- و لم يكن منهجهم الثورة) هم قد باركوا الثورة و باركوا الشباب و شاركوا في حماية البلد من المخربين التابعين للنظام...

فاتق الله يا هذه..
فان كنت تتكلمين عن جهل فأسأل الله يهديكي
و ان كنت على علم و كنتي عميلة فأسأل الله أن ينتقم منك و يجرعك كأسا من الحنظل الذي تكلينه لعلماءنا

moo said...

كنا فى الفترة السابقة متفقين على مالانريده وهو النظام الفاسد ولكننا نسينا ان هناك شبكة علاقات ضخمة تكونت خلال السنين السابقة وهى مايجب الحذر منه الان والعمل على تحييدها او التفرقة ما بينها لاننا مش حانقدر نفككها كلها مرة واحدة,وبعدين مسالة المادة الثانية من الدستور , دى حاجة يعرفها اهل القانون ان التشريع فى القانون الحالى يحكمه الدستور ثم القانون العادى ثم العرف ثم الشريعة الاسلامية ثم القانون الطبيعى وقواعد العدالة واى مخالفة للتشريع من الادنى للاعلى تصبح لاغية وهى تعنى ان المادة الثانية وضعها ضعييف جدا فهى تاتى بعد العرف فى الاخذ بها وان كانت هى المادة الاولى فى الاحوال الشخصية فلا داعى لاثارة الفتنة حول مالا قيمة له اما مسالة القيادات ففيها كلام برضه المجلس العسكرى يلزمه حد يتكلم معاه بس حد يكون بيحس بالشارع مش من على النت والكيبورد -لا اقصد الاسائة- ولكن مين من الذين تكلموا يدركون معاناة الناس فى الفترة الماضية لازم نحسس الناس اننا حاسين بيهم .
اما مسالة ان الى ماشتركش فى الثورة مالوش حق يتكلم ويطالب بما يراه ضرورى للفترة القادمة فلا اعتقد ذلك لان ده وقت الكل يقول واحنا دورنا زى ما دعينا للثورة على النظام الفاسد نوضح ونشرح وسط محيط تاثيرنا (الطلبة زمايلك _العمال عندك_ اخوانك فى الشغل ) ايه المهم فالاهم كى نطالب به . وشكرا

hassn hamdi said...

بصي يا نوارة:
حكاية المادة الثانية دي مش مشكلة.. المشكلة اننا نسيب بلد أكثر من تسعين في المية من أهلها مسلمين يتحكم فيهم ناس بيعادوا كل دين ونسيبهم يمنعوا المسلمين من ممارسة شعائر دينهم.. مضبوط ولا ايه؟
طالما ان أكثر من تسعين في المائة من سكان مصر مسلمين والباقي مسيحيين يبقى لازم نصر على ان الدولة الجاية تكون دولة مدنية مسلمة تحافظ على حقوق أبنائها على اختلاف طوائفهم وأفكارهم والوانهم..
ومن المنطقي ان الدستور ينص على أنه لا يجوز وضع اي قانون يتعارض مع الشريعة الاسلامية التي هي شريعة الاغلبية الغالبة من السكان، وفي نفس الوقت لا يجوز وضع قانون يحجر على أبناء الملل الأخرى ويمنعهم من ممارسة شعائر دينهم بحرية..
أما مسألة الدولة المدنية والدينية دي فالطبيعي ان كل دولة في الاسلام مدنية بمعنى ان كل افراد الحكومة من اول الرئيس أو الخليفة أو أمير المؤمنين أو الملك أو..أو.. (مش مهم الاسم) لحد اصغر غفير كلهم مسئول وموظف عند الشعب..
يعني ببساطة عاوزين دولة مسلمة تحترم سكانها بصرف النظر عن دياناتهم وما يتحكمش واحد فينا باسم الاسلام ولا المسيحية ولا العلمانية ولا الشيوعية والشيعية ولا الديمقراطية ولا المهلبية..
مصر دولة مسلمة مدنية حرة تحافظ على حقوق مواطنيها وتحترمهم
دي المادة الاولىى من الدستور الجديد
يعني دولة مسلمة تقوم على مبدأ المواطنة وتلتزم بالشريعة الاسلامية

أحمد البستاوي said...

لازم تكون مدنية
لو الإخوان أو السلفيين مسكوها ح تبقى مهزلة
واحد صاحبنا سلفي بيقول سالي زهران سافرة
أنا ماعرفشي سالي مسلمة و لا مسيحية
و موش عاوز أعرف
موش مهتم أعرف
اللي أعرفه انها كانت بألف راجل و استشهدت علشان القضية
أنا رأيي لازم نحسم المسألة دي من الأول
السلفيين موش ملايين
و ما ينفعشي يمشوا رأيهم على ملايين
في النظرية الإسلامية الخروج على الحاكم حرام
علشان كده ماشفناش منهم حد في المظاهرات
إحنا ما بنشلشي مبارك علشان نجيب مبارك
و كمان بيحكم بحكم الله
يعني معاه ختم ربنا
لو طلعنا مظاهرة يعدمنا زي السعودية ما بتعمل
مدنية و لا بديل

liel99 said...

aiwa tab3an kalmk mazboot we as3'ar 3ayel yfham da

we kamn mawdoo3 el3almaneya da mosiba nas ketiiir da5la fih we mesh fahmin ay 7aga
we di mosiba mosiba f3laaaaaaaaan

allah ykremk ya nwara matskotish we rabena y3ink elnas m7taga wa3y we ta3lim

rabena ystorha 3lina we nfdal 2id wa7da

مش فاهمه said...

سيدنا موسى حين ترك قومه و ذهب ليكلم ربه تركهم مه سيدنا هارون و حيت عاد وجدهم يعبدون العجل و حين عنف اخاه قال له انه لم يدر ان تكون فتنه فتركهم حتى ياتى سيدنا موسى ليحكم بينهم و احنا فى وقت فتنه و مش وقته خالص الأختلاف ياريت صفوت حجازى او راغب السرجانى يعملوا حاجه مع الناس دى

أحمد البستاوي said...

تعالي على جنب كده يا نوارة
وحسبي اللي لا يطرطش عليكي
--
الأخ إتش كده من غير حيثيات
ممكن أعرف اتش دي معناها إيه
خافي إسمك ليه
اللهو الخفي حضرتك
---
أسلوبك كالعادة اسلوب نمطي . . تجهيل أي إنسان لأنه لا يتحدث بلغة الحارث بن حلزة . . إتهامات بالعمالة أو الخروج من الدين
و الدعاء بالهداية
على أساس إنك عالم علامة و بحر البحار الفهامة و اللي جاب الديب من ديله
---
طبعا حضرتك ما تعرفشي مين هيا نوارة و غالبا ما شمعتش الإسم إلا من يومين علشان كده بتهبل
--
نوارة يا أستاذ إتش اللي اتكلمت وقت احنا ما كنا ساكتين . . و نزلت وقت ما كلنا قعدنا . . مع احترامي للجميع
بس إنتي يا نوارة بألف راجل
---
ممكن تقولي إنتا كنت فين في التلت أسابيع اللي فاتوا . . في بيتكو . . بتعمل ايه . . مستني شيخ يقولك إنزل و لا ما تنزلش . . مغيب . . قرارك موش في ايدك . . و جاي دلوقتي تقول شيوخك البركة كانوا بيوزعوا بركتهم على الشباب
--
موش الجماعة السلفية بتاعت اسكندرية عارضت ان الشباب ينزلوا على اساس إن المظاهرات خروج على الحاكم
و نسوا إن التغيير باليد مذكور في الحديث
--
موش انتو برضو بتوع رضاع الكبير . . قول لشيخك المغفل بنص القرآن مفيش رضاعة بعد سنتين
---
عالم مغفلة
جاتكو القرف

Unknown said...

Certainement, déloger les vestiges de l’ancien régime ruiné va se produire. Mais les forces armées Égyptiennes qui ont soutenues - de façon discrète et disciplinaire exemplaire- la révolution populaire en Égypte depuis les crimes sanglantes commises par la police cinglée contre les masses du peuple le vendredi 28 janvier 2011, et surtout par ses actions rationnelles pour faire chuter Moubarak, le vendredi 11 février 2011, et surtout ses décisions judicieuses prises depuis, ont besoins, je crois, des quelques jours d'avantage pour tout nettoyer. Ce n’est pas facile de tout démolir d’un clin d’œil. L’ancien régime est raciné comme un poulpe araignée partout. De le faire déraciner doit, inévitablement, prendre un certain moment. La dictature qui était y dominante pendant 30 ans avait, comme en Tunisie, privée le pays des forces civiles alternatives aptes et prêtes à prendre le pouvoir tout de suite. Ce qu’est beau est que l’armée a déclarée, et le confirmée plusieurs fois, qu’elle va céder le terrain, après des élections justes, dans 6 mois, pour le transfère de commandement du pays aux civils. Certes, le gouvernement transitoire actuel a beaucoup des defaults et des figures qui ne sont aucunement supportables par le peuple plus que quelques heures encore.

الفقيرة إلى الله أم البنات said...

يارب يا نواره الناس تشغل مخها احسن احنا طيبين بدرجة مريعه

abu mahmood said...

خطواتكم صحيحة لكن الحذر الحذر من الالتفاف على مكتسباتكم
أعداءكم ازدادوا وكذلك حسادكم وكلاهما خطر
لاتسمحوا لتجار السياسة أن يكونوا أولياء لكم مهما كانت شعاراتهم الوطنية المعلنة
المقياس هو سيرتهم الذاتية ونقاء تاريخهم الشخصي والسياسي وحكمتهم في اتخاذ القرار
أوعوا المزايدين والفوضويين وراكبي الموجة والمنافقين
لاتخضعوا للدعوات التي ترد من الخارج لأن الخارج ينظر لتحقيق مصالحه قبل مصالحكم
لاتبقوا في مؤسات النظام من كان يطبق الأوامر بشكل أصم دون تحكيم الضمير حتى لو كان كفوءا
الكفاءة والنزاهة لا تكفيان مالم يصحبها ضمير حي وواعي

Unknown said...

ملحوظة بس عالماشي، مش شرط كل إل بيطالب بإلغاء المادة الثانية ولا كل إل عايزها دولة إسلامية يبقى من أذناب النظام. طالما فيه دستور جديد بيتكتب فمن حق كل واحد يصوت على المواد إل هو عايزها و المواد إل مش عايزها فيه

و طالما خلصنا من نظام مبارك القمعي، فلازم تكون الكلمة دلوقتي للشارع و سلاح كل واحد عشان يفرض رأيه قلمه و لسانه

wello said...

يبدو أن موضوع هذه المؤامرة القذرة حقيقي وأنا أتاكدت تماما منه لما قرأت عمود عبد المنعم سعيد في الأهرام اليوم.تحريض فج ومحاولة للوقيعة بشكل واضح.

Unknown said...

و االله يانوارة عندك حق انا قلقان من موضوع وجود عمر سليمان و زكريا عزمى و حكومة شفيق و كل قيادات مبارك زى ماهى و ممكن تنقلب الامور تانى و ليه مبارك قاعد و مفيش محاكمة له او طلب تجميد امواله
مش بسهولة مبارك يسلم لسه امن الدولة و المخابر ات و الحرس الجمهورى و دائرة المستفيدين و الخائفين من المسائلة و رجال الاعمال الفاسدين نفسهم فى رجوع مبارك و فساده علشان ده غطاء لهم
ربنا يستر و لازم نبقى صاحين و تغير الوزارة يتم فى اسرع وقت : جودت الملط - الجنزورى تانى - الجويلى مصر بها الكثير من الشرفاء اللى لديهم المقدرة و اهم حاجة الرؤية اصل البعيد مكانش عنده اى رؤية

Unknown said...

و االله يانوارة عندك حق انا قلقان من موضوع وجود عمر سليمان و زكريا عزمى و حكومة شفيق و كل قيادات مبارك زى ماهى و ممكن تنقلب الامور تانى و ليه مبارك قاعد و مفيش محاكمة له او طلب تجميد امواله
مش بسهولة مبارك يسلم لسه امن الدولة و المخابر ات و الحرس الجمهورى و دائرة المستفيدين و الخائفين من المسائلة و رجال الاعمال الفاسدين نفسهم فى رجوع مبارك و فساده علشان ده غطاء لهم
ربنا يستر و لازم نبقى صاحين و تغير الوزارة يتم فى اسرع وقت : جودت الملط - الجنزورى تانى - الجويلى مصر بها الكثير من الشرفاء اللى لديهم المقدرة و اهم حاجة الرؤية اصل البعيد مكانش عنده اى رؤية

yoyo mosta7el said...

نوارة كلامك صح جدا
والسلفيين اللى طالعين دلوقتى يقولوا إسلامية إسلامية دول ما تفهميش هماطالعين يعملوا إيه وكويس إنك قلتى كدة علشان نفهم كويس
ربنا يكرمك
كلنا مشغلين عقلنا كويس وربنا يحمى مصر
ما تخافيش شباب الثورة مش غبى وشباب مصر مش غبى
وربنا قبلنا كلنا بيحمى مصر وبيأيدنا بنصر من عنده

yoyo mosta7el said...

فعلا عندك حق والصفحات اللى بتنادى إنها تكون دولة إسلامية
ماهى أصلا دولة إسلامية إيه الجديد يعنى ؟؟؟
وبالنسبة للمادة التانية من الدستور الكلام عنها كتير
بس اللى بيعمله السلفيين اللى بيتكلموا دلوقتى ده اسمه جهل شديييييييييييييد
ومش عارفة ان كان فى حد زقهم ولا لأ
بس أنتى دلوقتى لما قلتى عمر سليمان فكرت شوية فى كلامك ولقيته يتعقل برضه

هو مش ممكن يكون عمر بس هو ممكن يكون باقى أعضاء الحزب اللى لسه عندهم أمل إن الشعب هينكسر
علشان كدة بنقول نقضى على كل رموز الحزب الوطنى فى كل مكان فى مصر
وجهاز الشرطة بأكمله
يتسرح
ونجند شباب مصرى بجد
مش صعبة ولا مستحيلة ولا عويصة
إحنا عشنا أجمل أيام وآمن أيام وأكثر الأيام حضارة من غيرهم
دول سفاحين مغتصبين شواذ خونة ومش هنسمح لهم يمسكوا الداخلية تانى
وعلشان الحق فى قلة قليلة جدا جدا جدا جدا جدا جدا جدا جدا جدا جدا شرفاء
ممكن دول نسيبهم بعد التحقيق عن خلفياتهم

basbosa said...

ربنا يستر يارب ويتمها بخير
يارب كل من اراد بمصر سوءا فرد كيده الي نحره واجعل تدبيره في تدميره

jehad said...

مبارك متكبر وأي حاجة نتوقعها من اذنابة عشان لهم مصالح ومن مصلحتهم ان نظام مبارك يفضل متحكم في البلد به او بغيرة....عشان كده لازم يكون في خطه مواجهه لهم واقترح
1- القنوات الدينيه فيها شيوخ محترمين والناس بتسمع كلامهم لازم يقدموا توعيه للناس
2-يكون فيه موقع موحد على الفيس بوك يعلن عنة وتتحكموا التعليقات لان فيه تعليقات من اذناب مبارك بيعقوا وبيشتتوا الناس
3-لازم يكون في كل حي وفي كل قريه مجموعة اشخاص يوعوا الناس بحقوقهم وتوعيتهم بالحفاظ على نظافة البلد وتقدمها ......... اتمنى كل واحد عنده اقتراح تدرسوة ونتفاعل مع بعض

Unknown said...

أعتقد لازم نركز على الحاجات المشتركه في المرحله دي وبعد مايستقر نظام حر في مصر نظلع الإختلافات دي في أحزاب أو مشاريع قوانين وصناديق الإقتراع هي اللي تحكم ساعتها إنما إثارة القضايا الخلافيه في الوقت الراهن مش هتعمل حاجه أكتر من تفتيت قوة الثوره وبالتالي الإلتفاف عليها