من غير ما تقولوا لنا انتوا بتعملوا ايه، تنسقوا مع بعض وتساعدوا الثوار جوة
ده واجب وطني حفاظا على بلادنا من الاحتلال، لو الوضع استمر حتيجي قوات دولية تحتل ليبيا ومش حتطلع، ولو جات قوات اجنبية لليبيا، تونس حتنهار ومصر حتتعمل ساندوتش، قبل يوم الجمعة القذافي ده لازم يطلع والثورة لازم تنجح
ومصر وتونس واجبهم ينسقوا مع بعض ويساعدوا الثوار من غير ما يعلنوا بيساعدوهم ازاي، بس يساعدوهم بكل الطرق والكباري، اي حاجة محتاجينها الثوار الليبيين، مصر وتونس ملزومين يساعدوهم فيها
واللي انتوا محتاجينه منا برضه تعلمونا واحنا نعمله، من مات دون ارضه فهو شهيد، واللي يدافع عن ثوار ليبيا لازاحة القذافي من المصريين والتونسيين يبقى بيموت دون ارضه
احنا كنا بنقول لو القذافي استمر فيه خطر على الثورتين التونسية والمصرية
بس كده القذافي انتهى
باقي حماية ليبيا من التدخل الاجنبي
ثورة بقى مش ثورة.. اي تدخل اجنبي في ليبيا هو دعك استراتيجي لمصر حتى لو كانت ايام المخلوع ما ينفعش كان يسكت
(هو صحيح كان حيعمل صفقة ويسيبهم يدخلوا بعد ما يطلع منهم بمصلحة، بس دي كانت حتقود مصر لكارثة) واحنا دلوقت مش زمن المخلوع
احنا عايزين نحافظ على مصر بحدودها دي اللي بقالها خمستلاف سنة زي ماهي
وكذلك اكيد تونس مش عايزة تحصل لها كارثة
الا هل بلغت.. اللهم فاشهد... ليبيا تتلحق فورا.. تتلحق فورا من التدخل الاجنبي وتخلص من القذافي وعياله النهاردة قبل بكرة
30 comments:
ايوة الله يرضى عليكى
والنبى تفهمى الناس واللى مش عاوز يفهم وعمال يقول
خلينا ف بلدنا نحل مشاكلنا ونشوف بلاوينا الاول ما احنا كمان عندنا ثورة والفيلم الهندى ده
تقوليش البعيد اهطل
اسرائيل وضعها حرج بعد ما بقى عندها ايران وحزب الله من ناحية ومصر الجديدة من ناحية ، وانهم يلاقوا موقع استراتيجي على حدودنا الغربية ده منى عينهم عشان يعملوا توازن استراتيجي، وعشان كده انا واثق لو احنا فاهمين قيراط واحنا ناس عادية فالجيش فاهم واجبه وفاهم الوضع 24 قيراط ومش هيفرط في مسؤوليته..
يا نواره شوفي الفيديو ده وياريت تقوليلي رايك عشان انا مش عارف اعمل ايه
http://www.youtube.com/watch?v=XmchWo5Fu7U&feature=player_embedded#at=41
انا اشك ان في حد بيقول نشوف بلاوينا الاول ،
ما بقاش فيه كده، من مصلحة الليبين حمايتنا ومن مصلحتنا حماية الليبيين ، مش بس عشان العواطف والانسانية والكرامة لكن المصلحة قربت تبقى وحده على كل الاصعدة، تنمويا وامنيا
ست الكل لا أريد أن أقول كلاما يغضبك
أنت ناشطة سياسية على راسي وعيني
لكن التنظير شيئا آخرا يا ست الكل.
ولهذا إذا تلبي لي طلبا واحدا في حياتك ،و انا ما اعتقدش،
امسحي هذا الكلام من أول جملة لآخر جملة.
ساندويتش إيه يا نوارة
بذمتك ده كلام
من الآخر وعلى بلاطة كما تقولون في المحروسة التغيير في الوطن العربي يا النوارة هذا قرار اتخذه الغرب
وهو كلام يطول شرحه.
لهذا النظام الليبي حتما سيسقط وأنظمة اخرى ستسقط و عندنا حتما سيسقط لكن الأمريكيين في حالة الجزائر يبحثون عن مخرج آخر
وهذاأيضا حديث آخر .ولهذا حاليا الأحزاب المحسوبة على فرنسا تسعى من خلال حركات يائسة أن تفرض وجودها في الساحة.
الموضوع كبير يا ست الكل، لكن لأمريكا استراتيجيتها و للشعوب العربية حساباتها وهذا هو الرهان الحقيقي
الله ينور عليكى يا نوارة
مساعدة ليبيا فعلا واجب لابد منه
ياريت جيشنا يقدر يساعدهم قبل الغرب ما ينتهز الفرصة
وهذه رسالة استلمتها من اخواننا الليبيين وطلب منى ان اوصلها لشباب الثورة. وبما انك منهم رجاء توصيلها مشكورة
رواء
والرسالة إلى أحبتنا في ثورة مصر العزيزة هي أننا كما تعلمون في ليبيا نتعرض إلى إستباحة هذا السفاح للدماء لشعبنا الصامد ويستعين في حملته الاعلامية الى شياطين الانس والجن في قنوات إعلامية مختلفة فهو يشتري بعض الذمم بأموال شعبنا في كل مكان في داخل ليبيا وخارجها والاخوة يتوسلون إليكم بأن تغلقو عنا أبواقه في داخل أم الدنيا مصر وهناك قناة في سوريا مديرها عراقي لقبه الجبوري لا نريد ترديد كلامه هذا الدجال مسليمة الكذاب لهذا العصر أولا في سبيل الله في نصرة الحق وثانيا حتى لا تحدث فتنه بين الشعوب وهذا مراده وحتى نكون امام الغرب يد واحدة في جميع الازمات وجزاكم الله خيرا في وقفتكم معنا ونحن على تمام اليقين بأن أغلبية شعب مصر لا يرضى عن ما يحصل الان في ليبيا
الشعب الليبي يريد الحرية والكرامة والعدالة ووحدة الارض والشعب ولا للتدخل العسكري الاجنبي ولا لإمارة إسلامية كما يدعي الجبان الطاغية ونحن نفتخر بأننا شعب مسلم معتدل , لا للارهاب , نعم لدول القانون والدستور والعدل
نريدهم متابعة القنوات العربية والمصرية والرد عليهم كما يجب وهم أعلم بذلك والتشويش عليهم وجزاهم الله خيرا
فين مواد صلاحيات الرئيس
حرام عليكم مش عايزين فرعون تاني يحكم مصر
ربنا ينور بصيرتك كمان وكمان و اللى مشفاهم نفهمه بس اللى معندوش احساس ده نسقطه من الحسابات 1-
الثورة الليبية لازم تنجح عشان تبقى تامين للمصرية والتونسية بحكم الجوار والحدود 2- التدخل من عندنا ماحدش حيعتبره تدخل اجنبى لاننا بننقذ ابنائنا هناك وهناك نساعد باللى نقدر عليه 3- واضح ان المشكلة فى الانقسامات القبلية داخل المجتمع الليبى والقبائل دى اظن لها امتداد فى قبائل اولاد على وممكن عمل وساطة بينهم لعمل شكل من الوحدة للشعب
4-الفرصة السانحة للتدخل وترتيب الاوضاع للدول الغربية هى الان فشعب تونس انجح ثورته من دون تدخل وليس لاحد منه ولا فضل عليه وكذلك من الله علينا بذلك ولكن التدخل الغربى فى ليبيا حيكون فرصة ليهم ليعملوا حكومات حليفة لهم بعد مساعدة الشعب من التخلص من النظام البائد ويركبوا تانى يا سادة يا كرام
نوارة شوفي الميل بتاعك لو سمحتي
دا اللي انا بقوله من الأول.. لو جيش مصر وجيش تونس مش أنقذ ليبيا.. وسابو جيش أمريكا او اي جيش اوروبي هو اللي يدخل.. هتبقى مصيبه.. أمال احنا بنعمل ثورات ليه؟ مش عشان رؤسائنا متنيلين على عينهم وحاطين قلوبهم على أكف الأمريكان وهو دا سبب أي فساد تاني بيحصل في البلد!!! بجد الجيش المصري والتونسي لازم يتحركوووووو
هو لية يا نوارة ليبيا لغاية دلوقتي مخلتش القذافي يمشي هو مجنون للدرجة دي
لازم ناخد بالنا كويس جدا من الحته دي و من التدخل الاجنبي علشان
ميحصلشي خريطه الشرق الاوسط الجديد الي كنا بنسمع عليها و الي كانوا
بيقولوا عليها من كام سنه ده شئ مهم ان ممنوع تواجد تدخل اجنبي في اي دوله
عربيه كل دوله تحل مشاكلها بنفسها
الجيش و الشعب يد واحدة و لكن عقل و فكر مختلفين. فهل يستقيم الجسد؟
http://mosessaur.wordpress.com/2011/02/27/%D8%A7%D9%84%D8%AC%D9%8A%D8%B4-%D9%88-%D8%A7%D9%84%D8%B4%D8%B9%D8%A8-%D9%8A%D8%AF-%D9%88%D8%A7%D8%AD%D8%AF%D8%A9-%D9%88-%D9%84%D9%83%D9%86-%D8%B9%D9%82%D9%84-%D9%88-%D9%81%D9%83%D8%B1-%D9%85%D8%AE/
سبحان الله الكل فاهم كل حاجة , والتاريخ بيعيد نفسه ومافيش فايده , الله يلطف بينا يا رب !!!
يا جماعة هام جدا جدا
زمان كانت كل القنوات بتقول بكرة فية مظاهرة مليونية الناس كلها كانت بتعرف دلوقتى احداص ليبيا غطت على مصر تمامااااا حتى لما حصل ضرب من الجيش اتعرف بعديها بكام ساعة
لازم يبقى فية الية او مصدر باستمرار نعرف منة الاخبار العدد قليل ننزل دلوقتى او نستنى ليوم الجمعة طب اية المطالب وهكذا لازم متابعة علشان الناس كلها مش متابعة ياجماعة مش معقول الثورة تبوظ علشان مش عارفين نلاقى بعض!!!
ولازم نحدد من دلوقتى هننزل يوم الجمعة ولا لا وبعدين ياجماعة ماينفعش تقولوا فية مسيرة مليونية قبليها بساعة الكلام دا كان ينفع زمان كانت القنوات الفضائية بتذيع والناس كانت بتعرف وكان عندنا اسلوب ان الاحد والثلاثاء والجمعة مظاهرات مليونية كان فية تخطيط وعلى فكرة التلفزيون المصرى لا يذيع اى اخبار طالما الجزيرة او العربية او البى بى سى ما بتذيعش احنا دلوقتى مش عارفين اية اللى بيحصل وهنعمل اية بعد كدا لازم يبقى فية متابعة باستمرررررررررررررراااااااااارررررررررررر علشان الثورة ما تبظش احنا لسا ما خلصناش
المواد التي تنص علي صلاحيات الرئيس
واستقلال القضاء يا نوارررررررررررررررررة
بما اني بلا مصادر مطلعة في ميدان التحرير، ولا أعرف ماذا سيحصل في مصر، إلا اني متأكد ان في نهاية الثورة سيتم انتاج فيلم سينمائي، واسم الفيلم سيكون «حب في ميدان التحرير»، فلا يوجد فيلم مصري من دون حب، وبما ان الثورة في ميدان التحرير فلازم يحبوا هناك... قصة الفيلم عن ريهام التي تدرس تجارة بالجامعة الاميركية وابوها زابط، يعني ضابط، بس هي بتاعة الفيس بوك، وعاملة «غروب» اسمه «مش عاوزينك بتاتا»، وفي يوم الغضب نزلت الشارع لابسة جينز وكوفية ونظارة شمسية، ومعاها آي فون!
في الوقت نفسه، الواد مدحت وهو طالب طب في جامعة عين شمس السنة النهائية، خارج من البيت علشان يجيب عيش بشلن، ومالوش في السياسية، لان ابوه موظف كحيتي، ومامته تعمله سندويش جبن رومي كل صباح، وتلفه بجريدة قومية من بتاعة الحكومة، ياخذها وهو رايح الجامعة، بس ما يكلهاش لانه خايف يتسمم!
كان يقول لمامته انت حضرتك ماتعمليش لنا لحمة ولا فرخة ولا ملوخية ليه؟ فترد عليه: يا بني اللحمة تعمل كرسترول، وفرخنا يجيبوها مسرطنة، وهو يرد معلش يا ماما أنا نفسي اتسرطن! فترد عليه بلاش لكاعة، ده حتى الريس من يوم ما رجع من ألمانيا وهو ما يكلش لا فراخ ولا ملوخية... واحنا زي الريس!
المهم مدحت وهو رايح يجيب العيش، يكتشف وجوده في المظاهرة، وهو ابوه موصيه يا ابني امشي جنب الحيط، وبلاش تتحركش في حد لحسن يطلع مباحس- مباحث-، يا ابني ما تسيبش تعليمك ومالكش بالسياسية، ماهو ابن عمك بقاله سنتين ولا الجن الازرق عارف له مطرح... وطبعا الجن الازرق مش لونه أزرق، هو لونه أحمر ويلبس أزرق!
مدحت يشوف نفسه فجأة في ميدان التحرير، لا هو اللي يقدر يطلع ولا هو اللي عاوز يتظاهر، ولما قرر يمشي ويبتعد عن المظاهرات، شاف قدامه راجل راكب جمل يجري في الميدان، ومدحت يركض والجمل وراه، وهو خايف وشايل الرغيف بايده، وفجأة تسحبه ريهام بتاعت الثورة ويخبط فيها، وبتطيح نظارته، ويقوم هو يعدلها، ويبص كويس في وش ريهام ويحبها خبط لزق، لانه مافيش وقت ولازم يحب على طول!
طبعا هنا يبدأ التعارف، ومحاولة اقناع مدحت انه يوقف مع الشباب، بس هو مش راضي، لانه لازم يخلص تعليمه الاول، ولانه يقول اذا عاوزين نصلح البلد لازم نصلح نفسنا الاول، وهمه يقولون له، أولاً نصلح مصر وناسها تتصلح، والامتحانات مش حتتسرب، والفلوس مش حتتسرق، والقوانين مش حتتسلق، بس هو مش راضي يسمع! وفي هذا الوقت يبدأ البلطجية هجومهم على الميدان، ويضطر مدحت يعالج الناس، اصله حيتخرج طبيب قد الدنيا، فبدأ يكتب روشتات للمصابين!
الزابط أبوريهام، اللي مايعرفش ان البت المفعوصة في المظاهرة، كان رايح الميدان مع الشرطة بتوعه بأوامر من فوق، علشان يوقف المخربين، لانه قالوا له انهم شوية أجندات اجنبية، وشيوعيين، واخوان، وقرامطة، وهيكسوس... ولازم نحمي مصر منهم، ولما وصل شاف بنته معاهم... ووقف متردد، وقال له الولا بسطويسي، اضرب، فصار في حالة صراع بين الواجب والعاطفة، وفي النهاية رفض، وساب سلاحه وقعد مع الثوار في الميدان، وفتح له قسم شرطة على حسابه!
وبينما مدحت يعالج الناس شوية، ويحب ريهام شويتين، شاف الشباب وهو مضروب فبدأ يتحمس للثورة، وقام يضرب بالطوب على البلطجية، وفجأة شاف قدامه أبوه وأمه بالمظاهرات، قالهم جايين ليه؟ أنا مش «حخرج» هو اللي يخرج! فقالوا له: لا احنا جايين نعتصم مع الناس، ونشوف لك بت حلال... ما نطولها في نهاية الفيلم وبعد ان يهرب البلطجية، توقف ريهام ومدحت امام صورة الريس التي تسقط، ويمسكوا ايد بعض، وتنزل منهم سلسلتين فضة فيها صليب وهلال... وزوم على الايد، مع شوية بلالين وألعاب نارية، وطبل وزمر وزفة، ويخلص الفيلم، بالزواج بين قوى الشعب!
طبعا لازم فيه كبارية ورقاصة بترقص، والمشهد ده نحطه في وسط الفيلم، علشان نبين فساد رجال النظام والسلطة!
بس كده، خلص الفيلم!
جعفر رجب
When Greece was on the verge of bankrupcy the rest of EU got up and gave her what would help her to get up again economically. Germany and France said that they would not allow any European country to fall to keep the union strong. Look at us Arabs, our corrupt leaders, present and previous ones, were successful in dividing us each in his own borders and with their own economic and social problems. The world forgot about the Arab-street, which put all the Arabs together in one pot, but al hamdl ALLAH during the revolution in Tunis and Misr every-Arab but I would say every moslem, and I would dare to say every freedom loving human-been on thin earth was cheering and his heart almost stop watching the Kefah, better than struggle, praying for the sacrifice of the blood and souls to payoff. It has been a long presentation to the point I want to refer to. It is not only to save Tunis and Misr from the foreign interference in Libya and put their control over Libyans' wealth, but to save Libyans from be killed and controlled by either this mad crazy lunatic or other foreigners. We have to help in liberating our brothers and sisters anyway we can because their freedom is guarantee to keep us free too.
حاجة تانية سمعتها ان امير قطر خايف من اللى بيحصل وادى اوامر ان ما يتذعش حاجة من ميدان التحرير ومتابعتة بغزارة مثل السابق والله شكلها بجد
أعرف ان اتحاد الاطباء العرب ونقابة الاطباء فى مصر يقومون بمجهود كبير فى الاغاثة وعلاج المصابين على الحدود الليبية وقد فتحوا باب التبرع لمن يشاء يواءا بالادوية أو المال لشراء مستلزمات الاغاثة. كما أن أعداد النازحين على الحدود المصرية والتونسية فى تزايد مستمر وهم أيضا فى حاجة إلى إغاثة عاجلة، وأقل ما يجب نحو إخواننا هو التبرع بما نستطيع مهما كان قليلا
د. خالد
بصي يا نوارة
ممكن نسئل سؤال مهم محدش سئلة مين الي لية مصلحة في أنة يطلع فيديو الجيش في التوقيت دة هة مين و ينشرة مين الي لية مصلحة في دة؟
كلامك مظبوط يا نوارة ودا المفروض اللى يتعمل دلوقتي
لان نجاح ليبيا هيبقى نجاح للوطن العربي كله خاصة ان فيه اخبار عن محاولات من الجزائر لافشال الثورة
وعلى رأيك يساعدوهم من غير ما يقولوا ازاي
بصي يا نوارة أنا بداية احبك في الله . بعد كده بقي احب اقولك انك شبهي خالص . دائما خايفة علي الثورة ومرعوبة من اللي ممكن يحصل لها , بس الحمد لله انا زوجي بيطمني شوية كل ما تيجي لي الحالة دي . عايزة أقولك حاجة أنا عندي ثقة كبيرة في الله ثم رجال الجيش . أنتي عارفة انا كنت في ايام الثورة مبنامشي بالليل وبقعد أعيط بالساعات واقعد ادعي ربنا عشانكم لحد ما أنام من كثر التعب لكن الموضوع ده عرفت منه حاجتين : أولهما أن ربنا أكبر من أي حد في كونه ومن ساعة ما شعرت بكده بقيت شايفة أمريكا ومبارك وأمن الدولة وغيرهم كلهم صغيرين ونمت باطمئنان . وثانيهما أن الجيش كان في هذه الفترة علي قدر المسئولية , فينما كانت تنتشر الشائعات بانهم محوطينكم وحيشنوا هجوم عليكم ومحضرين لكم سيارات اسعاف وما شابه , وكنت لا أنام وقتها بسبب ذلك وأجري علي زوجي واقوله الحق الجيش حيضربهم , أو الحق الجيش حيقبض عليهم , طلع كل ده كذب والحمد لله . بعد كده عايزة اقولك أنا مابقاش هاممني لا شرطة ولا أمن دولة ,الأهم اننا نطلب الغاء حالة الطوارئ ده أهم لأنه حيحجمهم . وبعد كده بقي احنا حيبقي لنا حكومة منتخبة ورئيس منتخب نطلب منهم الغاء أمن الدولة , والأتيان بوزير مدني للشرطة وغير ذلك . أما بقي وزارة شفيق فدي كلها شهرين وتطلع لوحدها و وغير كده هي لوحدها وضعها سيء وهنا وهناك مظاهرات واعتصامات – رغم كرهي البالغ لموضوع الاعتصامات الفئوية دي لأنها بصراحة تعبير عن تفضيل الخاص علي العام - كما أنها تعاني الامرين في اثبات مصداقيتها أمام الشعب ومن مصلحتنا اننا منحرقشي أي حكومة تكنوقراط في وسط الجو الملوث ده , لأن اللي حيحاولوا يخربوا اللي هي بتعمله من اتباع النظام الساقط حيكونوا كثير قوي وساعتها حتبان وكأنها فشلت . مش كده ولا أيه .
عاجل جدا: يوجد فى التحرير الأن حوالى 10الاف معتصم معتصمين من امبارح السبت و حتى الأن .......لا توجد أى متابعة اعلامية..لا قنوات ولا صحف لو مش هتنزل
معاهم؟؟؟ ..
ائتلاف الثورة كان عندهم اجتماع مع المجلس الاعلى...نوارة لو سمحتي طلبنا انك تكوني معاهم علشان تعدلي المايلة ..ارجو انك تكوني نفذتي و رحتي معاهم.....ياريت تقوللنا حصل ايه
عايزين حد يصور اللي في الميدان دلوقتي علشان ندعم وجودهم والباقي ينزل...
وكمان المطالب تتكتب في التحرير علشان هي مطالب الشعب كله ومنعدش نعيد ونزيدوالكل يرتاح وهي مش كيميا...انشررررررررررررررر..فورا
ملحوظة بالنسبة للفيديو.. ارجو مراجعة
http://revoltology.blogspot.com/2011/02/video-egyptian-military-severely.html
لانه يوضح ان دول مجرميين مش مصريين..دول بلطاجية اعتدوا على شعب بورسعيد جامد و خطفوا البنات و ضربوا شباب و احطموا ممتلكات ..ومن مشاهدة الفيديو تحس انهم مش ثوار خاص لكن بتوع يا باشا يا باشا..
ولو كان ده جزائهم بس يبقى الجيش رقيق معاهم لان في ظل الثورة اي حد يبلطج المفروض يتشنق
هو واحد من اثنين إما العيش بكرامة أو الموت بكرامة
هو كذلك تمام
yes good
زي ما قلت لك يانواره لازم يتهرب لهم سلاح وياريت فريق انتحاري متمكن قوات خاصة يعني باقرب واسرع فرصه لانهم مش حيقبلوا اي تدخل اجنبي والافضل ان ثورتهم تكون بايدهم ومساعدتنا علشان منبقاش سندوتش ونفرح الي فات فينا اصل اسمه تقيل على قلبي
Post a Comment