امممممم
حبيب الملايين المجلس الاعلى للقوات المسلحة
بعد المحبة والسلام والاشواق
انا سمعت البيان الخامس، وبالاذن كده انا مش مبسوطة
ادارات المؤسسات والنقابات ادارات فاسدة، والناس لها مطالب ومطالبها لازم تتسمع ويتعمل لها اللي هي عايزاه
هم عاملين اعتصام وما يتطلبش منهم يفضوا الاعتصام قبل ما يتعمل لهم اللي هم عايزينه
الادارات دي تتغير وتتقدم للتحقيق والنائب العام يفتح ملفاتهم، ده اللي يخلي الناس تبطل اعتصام في المؤسسات والنقابات
ده اولا
ثانيا: ايه بقى موضوع الامن والامان والاستقرار ده؟
احنا قعدنا تلاتين سنة في الذل والفقر والطوارئ والقرف في عيشتنا بحجة الامن والامان والاستقرار، وعملنا ثورة عشان ما نسمعش التلات كلمات دول تاني ابدا
وثبت بالتجربة والدليل القطعي اننا شعب كويس وشاطر ومحترم ومش محتاج حد يشرف له على الامن والامان والاستقرار، احنا بناخد بالنا من بلدنا وبنحميها والبلد بلدنا وما عدناش عايزين حد يلمنا بيتك بيتك ويحبسنا تاني، ولولا اللجان الشعبية ولولا طلقة المصريين في الشوارع ما كانش الجيش عرف يسيطر على فلول بلطجية النظام البائد والشرطة اللي كانت لابسة مدني وبتضرب الامن والامان والاستقرار
تحقيق الامن والامان والاستقرار مش بان الجيش يقول للناس بيتك بيتك
دول يتحققوا بالقبض على عناصر الفساد ومحاكمتهم.. مش تسكين الشعب وكتمه، احنا كنا بنعمل ده كله عشان تاني يتكتم نفسنا؟
خالص المحبة والاحترام
36 comments:
ANTI RAE3A BI KOLLI ALMA3ANI. AHTARIMOKI WA O9ADIRO ESRARAKI.
Nabil Nachet.
و مننساش الوزارات بتاعة الحزب الوطني إلي لسة بترأس الهيئات و علشان كدة الناس دي لسة بتعتصم و بتضرب!!!
فعلا أنا خائف من أن يكرروا نفس أخطاء حسني وسليمان. البلد كلها مظاهرات الان، وفيه ألف ميدان تحرير جوه القاهرة وحدها، وفيه ألاف زيهم في المحافظات
البلد كلها مولعة شيء غريب
الناس خرجت من قمقم الخوف والتهديد بالاعتقال، وقدر الجيش أن يكون هو المسؤول في هذه اللحظة الخطيرة، لحظة غياب مكممي الأفواه من الشرطة وعملائها
غن لم يتصرف الجيش بسرعة جدا وبحكمة وذكاء ويحمع المخلصين من الجمعية الوطنية للتغيير والإخوان وشباب الغد و6 ابريل والفيس بوك، ويضع معهم جميعا خطة طواريء سريعة، ويظهروا على التلفزيون كل يوم والإذاعة، وتفتح الأحزاب والمساجد ومراكز الشباب للمحاضرات والعمل السياسي والفكري، فستنفجر البلد بسرعة جدا، ﻷنها بالفعل: على وشك الانفجار
الثورة لم تكمل نجاحها الي الان وعدم تلبية المطالب الشرعية للشعب هى اكبر دليل على كده البيان رقم خمسه فكرنى بنفس اسلوب حبيب العادلي وافتكر الجيش تانى اننا عبيد ولازم نسمع الامر وهايغلط غلطة كبيرة انه يفتكر ان الشعب نام او عصايه تفرقنا انا ال...صبح اخدت خرازنه على كتفي علشان بقول لضابط الىل واقف المطالب الثورية فين !! وده بينذر بشئ مخيف ولازم ناخد حذر وموقف قوي لاننا بيتلعب بينا كده لانه مش من المعقول يعنى قورة الجيش ميقدر يمسك مبارك وعمر سليمان ويطيح بالنظام القديم وينسق حكومة وقتية شئ ميدخلش العقل واللى يضايقك ان في شباب يقولك سيبو الجيش بقى يشوف البلد ؟
احنا مبقناش ناخد مسكنات، ناخد كنتاكي نسكت لكن كلام ملناش فيه، وبعدين طالما الجيش هو اللى ماسك الدنيا يبقى لازم حصر الفساد على جميع المستويات، النائب العام ورجالته لازم يجيبوا الكبير والصغير، بس الناس لازم تساعدهم شوية بانهم يجمعوا مطالبهم بحيث انها تلتقى قى نقاط محددة ويبتدوا يقدموا بلاغات ويبطلوا يخافوا شوية، ورجالة الحكومة الكرام -خاصة الفريق أحمد شفيق- كفاية كلام عن المستقبل، ياريت يورونا اللى بيحصل، وتكون التحقيقات مصورة
مش وقت مظاهرات جانبية دلوقتى
الجيش ما بيفهمش بسرعه .. وعنده اعتداد بالقوة اكتر من الشرطة بكتير .. لكن بيفهم كويس في توازن القوي ومعادلة الرعب .. لازم مظاهرة جامدة جدا جدا ..ولازم تدخل للميدان ولو بالقوة .. وتجمع مليوني جوه التحرير حيفكر الجيش القوة لمين .. وحيخلي معادلة التوازن في دماغهم دايما وهما بيطلعوا قرارات ..واحنا كمان لازم ده يكون اسلوبنا وثقافتنا من النهارده ..اللي ما يعجبناش نهد الدنيا لغاية ما يتغير..طبعا بنفس اسلوب قورة 25 يناير ..يعني سلمية سلمية سلمية
"إذن القائلون بأن الإصلاح السياسي و الدسىتوري يحتاج بعض الوقت حتى تنضج شروطه و ظروفه وهم عادة المستفيدون من الوضع الحالي من داخل أجهزة الأمن و النظام و الحكم يقوضون فعليا فرص التنمية الإقتصادية و الإجتماعية".
ده مقتطف من كتاب الدكتور عبدالخالق فاروق عريضة اتهام للسيد الرئيس!
الوضع بالفعل مقلق أختنا نوارة .. والغريب تكرار نفس الألفاظ بين المدعو أحمد شفيق و بين المجلس من ناحية "أولوية حفظ الأمن"الحالية و الصبر للوصول إلى نتائج.. يبدو اننا يجب ان نشهر السلاح الشعبي ثانية و نوجهه هذه المرة للمؤسسة العسكرية وهي المستفيد الأول ماديا من نظام مبارك السابق
http://weghatnazar1.wordpress.com/2011/02/14/%D8%AE%D9%88%D8%A7%D8%B7%D8%B1-%D8%B9%D9%86-%D9%85%D8%B5%D8%B1/
بصى بقى انا طول الوقت بيعجبنى كلامك الا فى دى
طبعا فى ناس تعبانه جدا ولما صدقوا ان وقت الخوف خلص ولازم يتكلموا. بس المشكله ان فعلا الموضوع ابتدى يلم واى حد بيعمل مظاهره بمعنى اى حد ده لو حتى شغال فى شركه كويسه وعايش حياه رهيبه برضه عاوز زياده ولازم برضه ماننساش ان الجيش مش بتاع حكم مدنى يعنى مهما كان دول ناس عسكريين يعنى يمين يمين شمال شمال واكيد مش هيعرفوا يلاقوا الاسلوب اللى يسجدوا بيه الشعب زى التانيينولازم نقدرلهم حاجتين
اولا انهم كده بيدافعوا بره وجوه
ثانيا ودى مهمه ان وكالات الانباء طلعت تقارير انهم كان مطلوب منهم انهم يضربوا المدنيين وعشان هما ناس محترمين ما عملوش كده
يعنى من الاخر لازم نساعدهم مش نقفلهم على الواحد
http://www.youtube.com/watch?v=Z4R0FwRv9Cw
first of all, i have sent a freindship request in facebook ,i wonder if u accept it.
why do u think the military are not so transparent with us, why they are hesitant and mysterious
who is in power now, who is taking the decisions
are truely the americans and the jewish are in control now to give us a deformed freedom and incomplete democracy,i really feel helpless about that
انا معك يا نوارة
الناس لازم تطالب بحقها ومتتنازلش عنه
بس ممكن ينتظروا لمدة شهر واحد فقط
ممكن كل فئة تقدم مطالبها للجيش في ورقة مكتوبة وتنشر في وسائل الاعلام واذا لم يتم تحقيق المطالب في مدة شهر على الأكثر ساعتها نبدأ الاعتصامات وكلنا معاهم
welli 9araso t"ban y5af m dfira
da mathal maghribi
ya3ni li tlasa3 mchorba y8of fi zabadi
w ta7iyya nidaliyya
w 2adiko tetsalou 3ala ra2y sa7ibna
ياأستاذة نوارة
الناس دي لو كانوا بتاع حق صحيح كانوا نزلوا التحرير لكن للأسف هم بيستغلوا اللي حصل في التحرير
من ناحية مافيش لسة سلطة مدنية تفصل في طلباتهم اذا كانت حقيقية ولا تصفية حسابات وركوب للموجة ولا طمع في قرشين زيادة في الهيصة
وطبعا الخيار بما إن مافيش حكم يفصل بينهم ان المؤسسات تخضع وتصرف مبالغ وهمية لاسكاتهم عشان الظروف وكله على حساب صاحب المحل
من ناحية تانية نرتب الاهم فالمهم
احنا -واسف للتشبيه - بنمسح السلم من فوق وكل الزبالة هتنزل لغاية ماتوصل اول دور ومنها البلاعة مالوش لزوم بتوع اول دور يزعقوا واحنا مش فاهمين هم زعلانين من الزبالة ولا بينهبوا في السكة
يعني عشان مانششتش الناس اللي هم فعلا لسة مشتتين نركز في الطلبات الاصلية زي الطوارئ والمعتقلين والحرية والانتخابات
وطبيعي المناخ ده لو اتحقق هيحل مشاكل كتير لان المشاكل دي كانت عرض مش مرض
مع شكري ليكي على كل اللي بتكتبيه لانك بتقدري تقولي اللي احنا مابنعرفش نعبر عنه في نفسنا
أبوخالد
السلام عليكم حبيبتى نوارة انا باقول ان اول حاجة مهمة دلوقتى الحكومة المهزءة دى تتشال ونجيب حكومة كفاءات والشرفاء معروفين وبعد كدة النائب العام والمستشار جودت الملط يبدؤا شغلهم لان المصايب اكتر من النائب العام لوحده وبعد كده نبدا بتغيير رؤساء النقابات او هم لوحدهم هايغوروا ويروحو للنائب العام ثم الحرامية الكبار مايتحطوش تحت الاقامة الجبرية يترموا فى زنازين تليق بقذارتهم على راى الوزير الشريف جدا حسب الله الكفراوى ويتكون مجلس لادارة البلد من عسكريين ومدنيين موثوق بهم مش عاوزين حد ينفرد بادارة البلد خاصة من الجيش وعمر سليمان يتعرف مصيره هو والبعبع الكبير وبعدين فيه مفكرين سياسيين رائعين وشرفاء زى الاستاذ هيكل ليه محدش يستعين به فى عملية التنظيم الاولى للبلد واخيرا طلب شخصى منك يانوارة قولى للشباب ماينسوش ربنا علشان يتمها علينا بخير وكمان فيه امكانية اتواصل معاكى بشكل شخصى عبر الايميل انا فعلا معجبة بافكارك قوى وعاوزة اقدم اى حاجة ممكن اعملها
البيان بتاع امبارح كان اسمه الخامس بردو -الي كان بيتكلم عن الدستور وحل مجلسي الشعب والشورى- والي قاله التلفزيون المصري مش القوات المسلحة
ازاي ده يبقى الخامس بردو؟؟؟
هو في لعبة واحنا متاخدين على قفانا ولا ايه؟؟؟
وايه حكايه ضرب الناس بالخرزانات دى هو احنا كنا بنبدل احمد علشان يجى لنا الحاج احمد
مهم الجمعه القادمه مهمه جدا
نوارة هو ازاي البيان الخامس امبارح قالو في التلفزيون حل مجلسي الشعب والشورى وتعطيل الدستور
كان اسمه البيان الخامس وقالته مذيعة التلفزيون المصري
-
انهردة بقى الخامس بردو من القوات المسلحة وبيقول الكلام الي ملوش لازمة ده
احنا بنتاخد على قفانا ولا ايه يا نوارة؟
http://baynalkitabah.blogspot.com/2006/11/blog-post_26.html
إذا كانت المعرفة : إدراك الشىء على ما هو عليه ؛
وفى النحو ضد النكرة ويقول صاحب لسان العرب
المعرفة تقال لإدراك الجزئى أو البسيط ولهذا عرفت الله دون علمته.
وأذا كان واضحا لنا ان هناك مساحة بين ما هو معروف على العموم والمعرفة فى نسختها الحداثية التى تعتمد على المعلومة والمعلومات التى تعتمد بدورهاعلى المصدر ومصداقيته و< أذا أتفقنا على بعض من هذا> فلنحاول ان ننظر معا فى ظاهر النص فالكلمة المفتاح هى "متروك" فالمعرفه لها مع الزمان شجون لا تتوقف على العارف ودائما ما يمثل الحكيم كعارف فى هيئة عجوز اى صاحب الزمن طويلا وقد تصيد الناس مع الزمن من هذا أطراف يقال"اللى يعيش ياما يشوف" والشوف مصدر من مصادر المعرفة ويقال " لاتذم لا تشكر قبل سنه وست أشهر" بمعنى ان الزمن كفيل بكشف المستور ويقال فى ذلك أيضا" بكره نقعد جنب الحيطه " ويقال :" ياخبر النهارده بفلوس بكره يبقى ببلاش" لقد أصبح ببلاش لاسباب منها أنه اصبح خبر "معلومة" فاقدة الفاعلية بمعنى القدرة على التوليد والتاثير فى نتاج المستقبل بصورة فعالة
كما قال الشاعر وأظنه الكميت
:
لينتتجوها فتنة بعد فتنة
فيفتصلوا أفلائها ثم يركبوا
يثيرون الفتن في المجتمع، ليشغلوا الناس بها وليواصلوا سيطرتهم المقيتة على المجتمع،
-----------------------------------
.....سؤال مشروع هل في
طرح اسم عماد أديب رائحة بترول؟
بيان غريب ونظام محدش يتظاهر ده مش مريح... بس النهارده محمود عبد العزيز رئيس إتحاد البنوك المصرية والعربية كان بيتكلم وقال مش كله مرة واحدة... اللي فوق قوي يتحاكموا ونلحق فلوسنا منهم واللي تحت قوي ياكلوا ويلاقوا يعيشوا وبعدين نمسك مشاكل اللي في النص... أقنعني... يعني اللي عنده مشاكل مش ضايعة خالص، يستنى شوية مش لما المشاكل الأولى تخلص
نقطتان تخلينا ممكن ناخد كلام الجيش على محمل ايجابى: أولا مش كل الاعتصامات الحالية نبيلة والجيش محتاس وسطيها و ثانيا اللجنة اللى اختارها الجيش لتعديل الدستور يرأسها طارق البشرى و ليس سرى صيام يعنى بيؤكد دعمه للثورة
متهيألي المفروض نغير اللغة اللي كنا بنتكلم بيها مع الجيش
يبدو إننا أسرفنا في تدليلهم وإعطاؤهم حجما أكبر من حجمهم الحقيق، فانتفخت عقول صدئة منهم واستشعروا أنهم وحدهم في الساحة، وبدؤوا يتصرفوا بهذا الأسلوب
أتصور يجب أن نوجه مظاهراتنا ضد الجيش هذه المرة، وليفهموا أننا لسنا عبيدا، لا للجيش ولا للشرطة لا لحسني ولا لشفيق ولا لطنطاوي
نحن نريد تحقيق أنفسنا
ووظيفتكم: حراسة فقط وتأمين
ليس شغلكم موضوع السياسة وقيادة الشعوب
شغلكم تحرسونا ضد البلطجية وبدون مقابل سياسي
شغلكم تؤمنوا حدودنا وبدون إرهاب سياسي
اتركونا نتنفس ..ﻷننا سننفجر كلنا،فيكم هذه المرة وليس في الامن المركزي
وسيحدث الانفجار من داخلكم أيضا
اتركوا السياسة لو سمحتم، وتفرغوا لمهمتكم الوحيدة وهي الأمن والحراسة فقط
غير كده يكون انقلاب عسكري على الشرعية الثورية ويجب تفتيته هو الآخر
ولا حول ولا قوة الا بالله في هذه العقول المدمرة..مش عارف يبدو ان التلوث والغش الغذائي أصاب كل شيء في هذا البلد المنكوب
i love the title because it keeps those who really want to talk about the army now been the enemy at arm length and as always i agree with everything you say because it is logical and you are also my role model but mainly because it is logical
How leeh Same7 fahmy is still in power dah mossiba soda , we mortashy , dah lazem yemshy ma3a el3essaba ,
Thank you Nawara for this note
وفى مجال اخر تم اختيار المستشار المفكر طارق البشرى لكتابة وصياغة الدستور الجديد, وهوخطوة ايجابية تحسب لمن اتخذوها
استاء جدا من رؤية اعوان النظام القديم وهم يجلسون بنفس التناحة والبرود القديم فى الوزارة التى ينبغى الاتبقى طويلا , والنصيحة لهم ان ياخدو سلاطاتهم وباباغنوجهم وربما بون بونهم ايضا ويروحوا بعيدعننا
اعلان حل مجلسي الشعب والشورى وايقاف الدستور مكانش بيان مرقم، كان اعلان مستقل
ياريت يا نواره تكتبى عن المذيعين الملونين اللى فى البرامج و اللى ظهروا بوضوح كبير الفتره اللى دى و الغريب انهم فى برامج مشهوره امثال البيت بيتك
و برنامج على قناة مودرن كوره و بالصريح مدحت شلبي
و زمار الحزب و انا مش عارف ازاى قادر يكلم الناس بعد مقعد يشتم احد نواب الاخوان فى البرلمان علشان خاطر عيون الحزب و هو شوبير و ازاى كان احمد عز من افضل الناس اللى بيحبهم
و ازاى كان بيمدح فى جمال مبارك زى مايكون من اهله ياريت تكتبى حاجه للناس دى او للشاعر احمد فؤاد و تكون موجهه للناس اللى زى دول علشان يرفو مقامهم عند الناس
نوارة لاحظي ان احنا المفترض نعد لانتخابات مجلس شعب و شورى و المفروض كمان نعمل انتخابات نقابات احنا دلوقتي في فترة حرجة و فعلا عاوزين نرجع الامن و نغير بنظام الجيش موقفه واضح انه غير طامع في سلطة بس برضه الاحتجاجات مش وحشه و خصوصا احتجاج الجيش
يا نوارة وهو الموضوع كن فيكون ؟ لازم نديهم مهلة شوية وكله جاى فى السكة ان شاء الله بس بأدلة وبشهود علشان ماتبقاش سداح مداح وكل الى مش عاجبه مديره يتظاهر ضده ويرميه بتهمة الفساد
انا خايف اننا نكرر نفس اخطاء الظباط الأحرار ونسجن ونصادر ونتهم كل الى نشك انه ممكن يكون فاسد او معادى للثورة او خد موقف ضدها
البينة يا نوارة .. البينة وكله جاى إن شاء الله بس نديهم فرصة واحنا متابعين ومش حنسكت لو بدأوا الألاعيب
يا نوارة وهو الموضوع كن فيكون ؟ لازم نديهم مهلة شوية وكله جاى فى السكة ان شاء الله بس بأدلة وبشهود علشان ماتبقاش سداح مداح وكل الى مش عاجبه مديره يتظاهر ضده ويرميه بتهمة الفساد
انا خايف اننا نكرر نفس اخطاء الظباط الأحرار ونسجن ونصادر ونتهم كل الى نشك انه ممكن يكون فاسد او معادى للثورة او خد موقف ضدها
البينة يا نوارة .. البينة وكله جاى إن شاء الله بس نديهم فرصة واحنا متابعين ومش حنسكت لو بدأوا الألاعيب
المطالب الفئوية كثيرة و الجيش غير مؤهل لادارة الحوار لذلك يجب ايجاد حل
عزيزتى نوارة
ارجو التعليق على اللغط الدائر حاليا حول شخصية وائل غنيم وانه ليس الأدمن الحقيقى لصفحة كلنا خالد سعيد و الأدمن الحقيقى معتقل او تم تصفيتة. كذلك ارجو ان تبدى رأيك فى بعض الأشخاص اللذين لم يرحبوا بالثورة من البداية ثم أصبحو ابطالا بعد ذلك مثل السيد مصطفى النجار الذى كتب مقالا يتهم كل من يدعو للعصيان المدنى بالجهل و المقال منشور يوم 17 يناير ودة الرابط بتاعة
http://www.masrawy.com/News/Writers/General/2011/January/17/thawra_3syan.aspx
كذلك السيد عصام العريان الذى خرج يوم 22 يناير وانكر اى موافقة او مشاركة فى الثورة ويمكنك الحصول عليها من اكثر من موقع.
طب ما يا نوارة ممكن كل ده يحصل علي مراحل
مش لازم كله علي كله!
انا فاهمة تماما نقطة اننا مصدقنا صحينا
بس انتي مش معايا ان البلد بجد حالها واقف ؟
الناس ليها الحق في التظاهر والتعبير
بس شوية قدام
الوقت تقف علي رجليها :)
Post a Comment