Sunday 27 February 2011

ما حدث في فجر 26 فبراير

تحديث:
اه.. نسيت حاجة مهمة جداااااااااا
ظباط الجيش اللي كانوا على الدبابات اللي عند شارع مجلس الشعب، مختلفين تمامااااااااااااا عن ظباط الجيش اللي كانوا على الدبابات اللي بين شارع القصر العيني والطريق المؤدي للتحرير
اللي كانوا في القصر العيني هم الظباط اللي بيعاملونا المعاملة اللي نعرفها، بيضحكوا معانا، وبيوقفونا على الدبابة، وواحد فيهم مسك الميكروفون ووجه كلامه للي واقفين على الدبابات اللي على شارع مجلس الشعب وقال: ما تدخلوا الناس.. هو فيه ايه؟ فالناس سقفت له وقالت له: انت معاناااااااااااا وقعدوا يضحكوا مع بعض
غير خالص اسلوب اللي واقفين على دبابات الجيش اللي على مجلس الشعب
---------
ما كنتش ناوية احكي لأن مافيش حاجة تفرح في اللي باحكيه ده، وبعدين حاحكي على الجيش؟ اتفها تنزل في عبي يعني؟
بس بلال قال لي احكي بالظبط لأن بيان الجيش بيقول إن القيادات لم تصدر هذه الأوامر، فلازم يتحكي لهم بالظبط ايه اللي حصل، واتشجعت اكتر لما ناس ابتدت تقول على ناس انهم بلطجية لمجرد إنهم غلابة و"دون المستوى" وشكلهم مش عاجبهم
طيب
من اول اليوم، اللي هو يوم الجمعة 25 فبراير والمعاملة سيئة بشكل ما اتعودناهوش من الجيش، الجيش دايما بيبتسم في وشنا، وبيأمنا، ولطيف معانا
اليوم ده أولا الرقابة ما كانتش كبيرة على اللي داخلين، ما كانوش بيشوفوا البطاقات، مكشرين في وشنا، ومتحفزين لنا، وشكلهم زي ما يكون حد شاحنهم علينا
اول ما دخلت الميدان الضهر لقيت مجموعة ظباط جيش ماشيين جنبي، فقعدت اكلمهم عادي زي ما باعمل دايما فواحد منهم قال لي: باقولك ايه؟ ما تروحي، اصل هنا فيه تحرشات واغتصاب! قلت له: اغتصاب؟ صعب قوي.. قال لي: خلاص يا ستي انا غلطان حقك عليا.. فيه ناس مندسة هنا بتغتصب البنات واخدوا بنت في محل وجبناها كما ولدتها امها!
قصرت معاهم في الكلام ومشيت
على المغرب كده رحت اعتصام المجلس، كان فيه دبابتين قافلين شارع المجلس وناس كانت جوه عددهم قليل، وبقية الناس برة وعمالين يقولوا عايزين ندخل، وموقفين بين الدبابتين عساكر لابسين بدلة عسكري وعلى راسهم خوذات سودا، سألت عسكري جيش قلت له هم دول امن؟ قال لي لا دي قوات خاصة
جوة بقى عند مجلس الشعب لقينا واقف مع ظباط الجيش ظابط شرطة واتنين امن دولة، الناس قعدت تشتم بتوع امن الدولة من الحديد وتقول للجيش انتوا ليه واقفين مع دول
قعدوا يقولوا عايزين ندخل عايزين ندخل
كان فيه ظابط جيش هناك، الراجل ده هو اللي كان معانا في اعتصام مجلس الشعب ليلة خطاب المخلوع الاخير وهو ده اللي قال لنا يوميها: لو انتوا قتلتوا مننا العشرات عمرنا ما نمد ايدينا عليكم والناس قعدت تعيط وتقول له احنا نفديكم بارواحنا
يوم 25 فبراير بقى هو كان متحفز لنا كده من غير سبب، قلت له: هو انتوا مش بتدخلونا الشارع ليه؟ هو هنا فارق عن جوة؟ قال لي: قولوا لنفسكم، ما انتوا قاعدين هنا!
وظابط على الدبابة باقوله انتوا مش بتدخلونا ليه؟ قال لي ما ينفعش.. الناس فضلت تقول له ما احنا كنا معتصمين جوة لا كسرنا ولا حرقنا ولا عملنا حاجة، انتوا ليه المرة دي مش عايزين تدخلونا؟ وهم ابدا
عرفنا بعد شوية ان تامر السعيد خرج بعد ما انضرب علقة موت جوة مجلس الشعب وخارج وشه مشلفط، ومع ذلك حتى اصحابه قالوا: يا جماعة مش عايزين نعمل مشكلة مع الجيش، ما هو برضه كتر في الكلام معاهم، كان ممكن يتفادى الموضوع ده.. معلش معلش.. الصبر
فضلنا قاعدين، وكل شوية عربية اسعاف تعدي علينا في الاعتصام رايح جاي، الدبابات اللي في القصر العيني تعديها في الرايح والجاي، كل تلات دقايق عربية اسعاف تعدي، بالظبط كده، رايح جاي
فيه ملحوظة مهمة: احمد فيصل قال كان فيه ناس مندسة بتضايق الجيش واحنا كنا بنهتف ضدهم
واحب اوضح ان مافيش دليل على انهم ناس مندسة ده اولا، ثانيا هم ما عملوش حاجة، هم قعدوا يهتفوا عسكر عسكر عسكر ليه احنا في سجن ولا ايه؟ وعددهم كان قليل اللي كانوا بيرددوا الهتاف ده، واول ما يهتفوا كده الناس كلها تقاطعهم: الجيش والشعب ايد واحدة
كان فيه مجموعة شباب حاولوا يعدوا من وسط القوات الخاصة بنفسهم فالناس كلها قعدت تزعق لهم وتتخانق معاهم، بس ده مش معناه انهم مندسين
واغلب الهتافات كانت الجيش والشعب ايد واحدة، يا مشير يا مشير احنا ولادك في التحرير، يا جيشنا يا رجالة طهرونا من الزبالة
وبعدين فوجئنا ان شخص ما في الدور الرابع في مجلس الوزرا طافي النور في الاودة وعمال يفتح الستارة ويفتح الشباك كأنه بيستفزنا فالناس قعدت تشاور عليه وتقول: الجيش المصري فيييين الحرامية اهم
وظابط الجيش اللي على الدبابة قعد يشاور له عشان يدخل ويبطل اللي بيعمله ده وهو مصمم يفضل يفتح الستارة ويقفلها ويفتح الشباك ويقفله
فالناس قالت لازم ندخل ونعتصم جوة، وقعدت تهتف: واحد اتنين الجيش بيحمي مين؟
ودول برضه كان عددهم قليل راحت الاغلبية مغطية عليهم: الجيش والشعب ايد واحدة
فجأة لقينا عربية اسعاف دخلت شارع مجلس الشعب اللي هو اصلا ممنوع حد يدخل فيه، ودخلت بالسرينة، ووقفت شوية، وبعدين راحت لافة وراجعة، ده غير بقى عربية الاسعاف اللي رايحة جاية
الغريبة بقى ان كمان بعض من عساكر الجيش وبعض من الظباط غير انهم مكشرين في وشنا قعدوا يقولوا لنا: احنا زهقنا بقى، احنا مش بننام... فنضحك في وشهم ونقول لهم: طب كلموا المجلس الاعلى خليه يمشي لنا شفيق واحنا نمشي
على فكرة الجيش عمره ما كلمنا بالطريقة دي ابدا
بعد شوية جات عربية فيها حد من الشرطة العسكرية رتبة كبيرة، مش عارفة باين بيقولوا رئيس الشرطة العسكرية ولا ايه، مش عارفة هو مين بالظبط، بس حد مهم، ونزل وسط الناس وراح شاخط فيهم وهو مكشر وقال لهم: امشوا...
بس كده، ما قالش غير كده
الناس برضه قعدت تبوس فيه وتحايل فيه عشان يسيبهم يقعدوا
بعد شوية جات عدت عربية الاسعاف اياها تاني، رحت انا رايحة وقلت لهم هي ايه حكاية الاسعاف اللي رايحة جاية دي، لقيت واحد بيقول: الحقوا الحقوا فيه بلطجية في ميدان التحرير.. روحوا لهم.. روحوا لهم.. ده فيه اصابات. فقلت لهم ماحدش يمشي، دول بيقولوا لكم كده عشان يمشوكم، وواحد قال: يا جماعة العدد في التحرير اضعافنا احنا حنروح ننقذ اللي في التحرير وهم عددهم قدنا عشر مرات؟
المهم الناس فضلت قاعدة وانا مشيت ناحية التحرير اشوف حكاية البلطجية دي، وكان فيه ناس جاية منه فسألتهم: فيه بلطجية صحيح في الميدان؟ قالوا لي: ولا فيه اي حاجة..
لقيت مالك جاي في وشي فرجعت معاه تاني للمجلس
بعدين مالك قال لي انا رايح اجيب البطانية من التحرير، فقلت له اجي معاك عشان اجيب البالطو بتاعي من العربية، خرجنا من المجلس متوجهين للتحرير وسمعنا واحنا رايحين انهم بيقبضوا على الناس او حيقبضوا عليهم او ضربوهم او بيضربوهم مش فاكرة بالظبط، المهم سمعنا اخبار مقلقة وبعدين قبل ما ندخل التحرير لقينا باص كل اللي فيه شرطة عسكرية فرجعنا بسرعة للمجلس عشان لو حصل للناس حاجة نبقى معاهم
فضلنا قاعدين شوية وفجأة على الساعة اتناشر الا تلت كده الجيش والشرطة العسكرية عملوا علينا كوردون وقالوا لنا اصل ده عشان حظر التجول، قعدنا نقولهم احنا كده مش بنخرق حظر التجول لاننا مش متظاهرين، احنا معتصمين والاعتصام مش خرق لحظر التجول، المهم فضلوا يضيقوا علينا، وواحد انفعل وقعد يقول انتوا بتعملوا معانا زي الشرطة ليه؟ فقعدنا نسكته، وبعد شوية فكوا الكورودون من علينا في نفس الوقت اللي التليفونات ابتدت تجيلنا من ميدان التحرير يقولوا لنا ان الشرطة العسكرية بتضربهم وبتعتقل ناس منهم، كل واحد جاله التليفون وما رضيش يحكي للي جنبه
بعد شوية جه ناس من ناحية القصر العيني وكان منهم شادي الغزالي حرب عايزين يدخلوا لنا والجيش مش عايز يدخلهم والناس بتقول دخلوهم دخلوهم وسمعت شادي بيقولهم: انتوا بتحموا الثورة مش مفروض تعملوا معانا كده.. ما اعرفش بقى اتقبض عليه ساعتها ولا بعد شوية لاني رجعت اقعد في الاعتصام
بعدين دخلت عربيتين تاكسي ابيض، فواحد وقف اول تاكسي وقال له: ايه اللي بيحصل في التحرير، فالجيش زعقوا له عشان يسيب التاكسي يمشي، والظابط اللي واقف قال قدامنا: اللي بيسأل عن التحرير.. بعد شوية حتعرف ايه اللي حصل في التحرير
فواحد سأله: يعني ايه؟ حتعملوا فينا ايه؟ احنا سمعنا كلام... بس مش ممكن نصدقه ابدا
فالظابط شاور عليا وقال له: لو دي المدام خدها وروح احسن.. دي نصيحة
فهو قال له: ما احنا سمعنا انكم ضربتوهم في التحرير.. بس احنا مش ممكن نصدق حاجة زي دي ابدا
فقال له: لا طبعا.. ما ضربناش حد.. بس فيه ناس اتقبض عليها لخرق حظر التجول، واللي بيتقبض عليه بيروح النيابة العسكرية
المهم الناس اتلمت عليه وقعدوا يتكلموا وهو كل كلامه: انا مش باقول لحد يروح، بس فيه ناس اتقبض عليها، واحنا ما ضربناش حد، اللي بيقولوا انهم انضربوا دول اللي كان بيتقبض عليه فبيقاوم!
بعد شوية جه ظابط شعره ابيض، عارفاه انا برضه من ايام الاعتصام الاولاني، قال في الميكروفون: انتوا عارفيني لو سمحتوا اسمعوا كلامي وامشوا دلوقت احنا حنستضيفكم من الساعة ستة الصبح للساعة اتناشر، امشوا دلوقت وتعالوا بكرة!
رحت لمالك وقلت له: الناس دي يا مالك لازم تمشي.. العدد قليل وحيتعجنوا، اللي سمعته من التحرير انهم ما بيعملوش حاجة للستات، بس حيبهدلوا الرجالة، لازم يمشوا، قال لي انا مقتنع بكلامك بس ما اقدرش اقولهم كده، انت شايفة هم متمسكين بالاعتصام ازاي
المهم الناس فضلت تقول للظابط: احنا مش بنخرق حظر التجول ده اعتصام.. اعتصاااااام.. الاعتصام مش خرق لحظر التجول، احنا مش في مظاهرة احنا في اعتصااااااااااااام... المهم الظابط قال لهم انا قلت لكم وبعدين وهو بيدخل تاني شارع مجلس الشعب واحد منا الجيش قبض عليه، فالناس قعدت تقول سيبه سيبه سيبه، راح الظابط ده وقف وقال لهم خلاص، هاته يابني، تعالى.. وراحوا مرجعينه فالناس صقفت وقعدت تقول الجيش والشعب ايد واحدة..
(الناس غلابة قوي.. مش كده؟)
المهم.. بعد ما الظابط ابو شعر ابيض دخل راحوا عملوا علينا كوردون، والناس اول ما اتكردن عليها قعدت تقول: الجيش والشعب ايد واحدة الجيش والشعب ايد واحدة الجيـ.... آآآآه آآآآآآه آآآآآه... اجريييييييييييييي اجرييييييييييييييي
وجرينا، ما تفهمش مالك كان ماشي على مهله ليه، وبعدين الناس ابتدت تتدافع فباشده عشان نجري قال لي اجري انت، وبعدين جه صوت من ورايا قال: البنات تطلع قدام البنات تطلع قدام.. كان معانا الدكتورة ليلى سويف، ما اعرفش دي عرفت تجري، ولا كمان تطلع قدام، ازاي؟ ، واحنا بنجري لقيت الشباب بيجروا ويعيطوا.. اه والله، البنات ما عيطتش، الشباب، اللي كانوا بيشتعلقوا على مدرعات الامن المركزي، هم اللي عيطوا
وبعدين واحنا بنجري لقيت واحد بيلتفت وراه وبعدين فجأة راح فاتح لهم صدره عشان يضربوه وهو بيعيط ويقول: الجيش والشعب مش ايد واحدة.. الجيش والشعب مش ايد واحدة... عاااااا عاااااا
وبعدين الناس تعبت من الجري والظاهر التانيين سابونا شوية، فبدأنا نمشي بالراحة وبعدين فجأة سمعنا: آآآآآآآآآه آآآآآآآآآآآه.. اجرييييي اجرييييي
فجرينا تاني.. وانا كنت على الرصيف، ولقيت الجيش بيجري ورانا وواحد من الجيش بيقول: اجروا.. اجروا... ما حدش يقف
وبعدين سمعنا واحد بيصرخ: دول بيقبضوا على النااااس
فدخلنا شوارع جانبية واحنا بنجري لقينا ظابط بيجري ورا بنت كانت في اخر الصف بتاعنا وبيقول لها: يالا من هنا.. عاملة لي بطلة؟
ظابط جيش يعني، احسن حد فيكم يفتكره شرطة
وبعدين دخلنا بقى الشوارع الجانبية، وقابلنا ناس تانية بيقولوا لنا: الجيش بيقبض على الناس
ما اعرفش حد من اللي كانوا معايا غير واحدة بس قابلتها مرة واحدة في مظاهرة كوبري خمستاشر مايو في يوم 28 يناير اسمها ريم، والباقيين مش عارفاهم، كنا حوالي تسعة كده، وبعدين ريم قالت انا ليا واحدة صاحبتي ساكنة هنا تعالوا نروح لها
كان معانا واحدة قالت وطوا صوتكم لبعدين الجيش يعرف احنا فين وييجي يمسكنا، لان واحد جاله تليفون بيقول له: الجيش بينتشر وبيقبض على اي حد
واحنا ماشيين قابلنا ناس جيش واقفين حراسة في حتة كده في جاردن سيتي ووقفونا وقالوا لنا انتوا رايحين فين، فقلنا لهم اصل الجيش قال لنا نمشي ودلوقت مافيش مواصلات فرايحين نبات عند ناس صحابنا، فسألونا عن العنوان اللي احنا رايحينه وبعدين سابونا نروح، فضلنا مستخبيين في مدخل العمارة لحد ما بقى ريم صحت صاحبتها وجوزها واستقبلونا في بيتهم
وخلاص كده
انا بس ما صعبش عليا ولا خلاني اعيط غير اني لما نزلت الصبح بقيت لما اشوف جيش في الشارع اخاف زي ما كنت باخاف لما اشوف شرطة... اول مرة احس بالاحساس ده يوميها
بعدين انا كنت راكنة عربيتي في شارع الجلاء على الناحية التانية من مستشفى الجلاء، رحت مع البنت اللطيفة دي اللي مش عارفة اسمها لقيت الازاز بتاع الشباك اللي ورا السواق مكسور والعربية مفتوحة وكل اللي في داخلها مسروق، الكاسيت وشاحن العربية وكل اللي فيها، العربية اللي ورا عربيتي سليمة ما جرالهاش حاجة، مع انها راكنة من ساعة ما ركنت انا، بس مافيش حاجة بتميز عربيتي عن العربية السليمة غير اني معلقة ورقة مكتوب عليها: الشعب يريد حل حكومة شفيق، محاكمة المخلوع، وانهاء حالة الطوارئ، وورقة تانية مكتوب عليها: مبارك السفاح مكانه في السجن وليس في شرم الشيخ.
كلمت مية واربعين ادوني ارقام 122 و136 و19197 طوارئ الجيش مش بيردوا كلهم
لقيت عربية شرطة وناس قاعدة في الحتة الورانية دي، هي دي اسمها بوكس ولا ايه؟ عربية الشرطة اللي شكل النص نقل دي وفيها حتة ورانية كده، المهم دي قاعد فيها ناس لابسين مدني وحاطين حوالين راسهم علم مصر، ومش مقبوض عليهم، يعني قاعدين مرتاحين ومش متكلبشين
طبعا ما سألتش فيا العربية دي
المهم فضلنا ماشيين عشان نلاقي اي حد جيش مش لاقيين، الدبابات كلها مقفولة والناس الظاهر نايمة جوة، رحنا لحد المتحف المصري، وقبل ما اوصل للمتحف ردت علينا طوارئ الجيش وقالوا لي: طب مين اللي سرقها؟ قلت له ما اعرفش، قال لي ولو انتي مش عارفة مين اللي حيعرف؟ قدمي بلاغ في الشرطة، قلت له واللي مش عايز يتعامل مع الشرطة؟ قال لي: يبقى مع نفسه.
رحت لظابط الجيش اللي عند المتحف وقلت له عربيتي كانت راكنة في الجلاء واتسرقت، قال لي: وانت راكنة في الجلاء كنتي فين؟ قلت له كنت في التحرير، قال لي: كنتي سيبيها في البيت وتعالي.. عموما احنا ما نقدرش نعمل حاجة، احنا هنا للتحرير، روحي قسم قصر النيل، سيبيها مكانها وروحي بتاكسي
رحت قسم قصر النيل، لقيت ظابط شرطة صغنطوط كده بيقول لي اصل الجلاء مش تبعنا، روحي قسم بولاق، طب بصي استني اشوف قسم بولاق شغال ولا لا، قعد يتصل بالناس وماحدش يرد عليه، ويسأل واحد كده ويقول له يعني نعمل المحضر هنا ونبعته لهم ولا ايه؟ وبعدين قال لي معلش استني شوية لحد ما اعرف حنعمل لك المحضر هنا ولا هناك؟ فضلت قاعدة كتير، لان بولاق مش بيرد، وبعدين قلت له طب فيه حد من المعاينة طيب.. قال لي: هو انت ما تقدريش تجيبيها هنا؟
المهم البنت اللطيفة اللي معايا قالت لي نسيبها ولما جيت احط ايدي على العربية قالت لي حاسبي البصمات ههههههههه البنت دي اول ما سمعته بيقول ما تقدروش تيجبوها هنا جالها ذهول، وماما كلمتني قالت لي: يالا يا بنتي، محضر ايه وبتاع ايه؟ عليه العوض ومنه العوض
وروحت
----------------------
انا عايزة كل رموز النظام تمشي وعلى رأسها حكومة شفيق، ورئاسات التحرير ومجالس الادارة بتاعة الصحف القومية، وقيادات التلفزيون المصري اللي لسه بتشتغل بنفس العقلية وبتغطي على الحقايق
وعايزة صفوت الشريف وجمال مبارك بالتحديد يتقبض عليهم ويتحقق معاهم في الفساد
ومش عايزة التهم اللي توجه للعادلي تبقى تهم مضحكة، العادلي متورط في جرائم قتل، ولازم توجه له جريمة القتل
وعايزة اعرف مدير امن البحيرة اتفصل ولا اتنقل، عشان لو اتنقل يبقى ما عملناش حاجة
وعايزة امن الدولة يتحل.. لازم امن الدولة يتحل.. بشكل فوري
اللي كنت حاساه يوميها من معاملة الجيش ان حصل اختلاط بين الجيش وامن الدولة وان امن الدولة بوظ الجيش علينا والظاهر قعد يقول لهم بقى: ده شعب ابن كلب ما يجيش الا بضرب الجزمة... ادي انتوا بتعملوا لهم كل حاجة لحد ما مرعتوهم ودلعتوهم.. دول ما يجوش غير بالسك على دماغهم.. ولاقينها ظيطة بقى وعايزين مظاهرة كل يوم.. ولو ما سكتوهمش مش حيمشوا عدل.. اماااال... دول كانوا بيترعبوا مننا
لا على فكرة
ما كناش بنترعب منهم، كنا مغلولين منهم ومسكناهم رنيناهم علقة وجريناهم لحد ما استخبوا زي الفيران في جحورهم
واحنا مش بننزل في الظيطة، ولا بنيجي بالسك على فكرة، السك بيخلينا نحوش وننفجر، واحنا ما جريناش من الجيش عشان احنا جبناء، احنا جرينا من الجيش عشان عمرنا ما حنعرف نمد ايدنا على الجيش ونعمل فيه اللي عملناه في الامن المركزي والشرطة... وزي ما قلت، نتفها تنزل في عبنا
مافيش انتصار في اننا نمد ايدنا على جيش مصر، ومافيش كرامة في ان جيش مصر يمد ايده علينا، فمشينا من وشهم.. مشينا من وشهم
لان لو ضربونا اهانة لينا ولو ردينا لهم الضرب اهانة لينا برضه، كفاية اسرائيل تكتب في جرنال من الجرايد ان المواطنين المصريين ضربوا الجيش المصري. عمرنا ما نعمل حاجة زي دي ابدا مهما حصل
فيا ريت بقى رتب الجيش الصغيرة ما تبقاش تقعد تاني مع الشرطة وامن الدولة ولا تسلمهم ودنها، لو الشرطة بتنفع كانت نفعت نفسها، وما كانوش جريوا زي المعيز قدامنا، ولو امن الدولة بيفهم وعارف "الشعب ده" ما كانتش قامت ثورة من اساسه... ولا ايه؟
ونداء لقيادات الجيش اللي نزلت البيان وقالت انها ما ادتش اوامر باللي حصل - وانا متأكدة مليون في المية انهم فعلا ما ادوش اوامر باي حاجة من دي - انهم ما يبقوش يسمحوا للجيش انه يختلط بالشرطة... ده بجد يعني
احنا مطالبنا واضحة واضحة واضحة:
اكررها تااااااني:
اقالة حكومة شفيق وتشكيل حكومة كفاءات وطنية - وفيه مائة اسم مطروحين للمجلس العسكري - وما يبقاش فيها اي من رموز النظام السابق، وتريحونا بقى من رؤساء التحرير ومجالس ادارات الصحف القومية اللي بيقرفونا في حياتنا
تبتدوا برؤوس الفساد في التحقيقات مش ديولها، يعني على رأسهم جمال مبارك وصفوت الشريف، والاتنين دول لو اتحقق معاهم واتعاقبوا حتوفروا على نفسكم تحقيقات كتير لانهم حيكروا كل الفساد اللي في البلد بدل ما النائب العام بيقول احنا محتاجين كل وكلاء النيابة في مصر يشتغلوا معايا... هات جمال مبارك وصفوت الشريف والليلة كلها حتخلص، وعمر سليمان حييجي في السكة معاهم
تحلوا لنا امن الدولة وتشوفوا لهم شغلانة شريفة نافعة للبشرية بدل ماهم مشكلين مافيا كده وبيرازوا في مخاليق ربنا
وبمجرد ما يتم تشكيل حكومة كفاءات كل المعتقلين السياسيين حيخرجوا ومشاكل العمال حتتحل وبكده يبقى مش محتاجين اعتصامات ومش محتاجين نتكلم في تفاصيل
وبمجرد ما تحلوا امن الدولة وتشغلوهم شغلانات شريفة كل البلطجية حيختفوا
وبمجرد ما تقدموا جمال مبارك وصفوت الشريف للتحقيق كل الفاسدين حقعوا
بس يتعمل لنا التلات حاجات دول ولو اتعملوا وحد نزل تاني سيبوهولي انا بقى، انا اللي حانزل بعصايا الغلية ألمهم
عدانا العيب؟
عدانا العيب... والمسامح كريم... وصافي يا لبن.. حليب يا قشطة
--------
بالنسبة بقى لمجموعة بني اسرائيل اللي عمالة تقول لنا: أوذينا من قبل أن تأتينا ومن بعد ما جئتنا... وخلصوا بقى.. وكفاية بقى.. مش حاقول غير حسبي الله ونعم الوكيل
ناس اتعودت على العبودية وعاملة زي بني اسرائيل لما كانوا بيقعدوا يزهقوا في سيدنا موسى: انت حتقعد تأكلنا من البتاع ده؟ انا عايز طبق عدس من اللي امي كانت بتعملهولي هناك في البلد
انتوا مش قعدتوا تشتكوا تشتكوا تشتكوا وتعيطوا؟ طب احنا سمعناكم ونزلنا اتبهدلنا وانضربنا واتقتلنا عشان نغير لكم الحال وبدل ما تعيشوا وتموتوا عبيد وتقعدوا تشتكوا زي الولية نغير الحال.. دي ثورة، فاهمين يعني ايه ثورة؟ ماحدش بيخلص الثورة عشان عنده شغل بكرة الصبح وبيتخصم له لما بيتأخر، ارجعوا عبيد بقى ولا ربنا يكتب علينا كلنا التيه اربعين سنة، بس على الله حد فيكم يشتكي تاني

70 comments:

علان العلانى said...

مصر النهار يطلقنا في الميادين .. مصر البكا .. مصر الغنا و الطين

مصر الشموس الهالة من الزنزانين .. هالة و طارحة بدمنا بسا تين

مصر الجناين طرحة مين يقطفها .. مصر الجناين للي يرفع سيفها

مهما يطول السجن مهما القهر .. مهما يزيد الفجر بالسجانة

مين اللي يقدر ساعة يحبس مصر

My Parenting Journey said...

مهلش يا حبيتي السكة طويله،
هذه الثوره لا تواجه نظاما فاسدا واحدا فقط بل تواجه كل أنظمة الفساد في العالم من الصين حتى واشنطن ومرورا بتل أبيب. وهذه الثورة هي أول ثورة حقيقية تحاول أن تحرر العالم العربي من أذناب الاستعمار الغربي إللي ما حلش عننا من وقت الحرب العالمية الثامية لغاية دلوقتي. نفس طويل يا حبايبي ... نفس طويل... ربنا يديكوا الصبر والقوة

My Parenting Journey said...

معلش يا حبيتي السكة طويله.
هذه الثورة لا تواجه نظاما فاسدا واحدا فقط ولكن تواجه كل أنظمة الفساد من الصين إلى واشنطن مرورا بتل أبيب. نفس طويل يا حبايبي ربنا يديكو الصحة والقوة

علان العلانى said...

كلام لم يشهد الثورة
-------------
سلم المسؤلية

في الجزء الثاني من كتابة شخصية مصر
دراسة في عبقرية المكان
ص594
تحت عنوان سلم المسؤلية يقول

أين الحقيقة العلمية الأن في هذا كله؟
حسنا آفة مصر أبتداء , اثنتان الطغاه في الداخل والغزاه من الخارج,الديكتاتورية في الداخل والاستعمار من الخارج , هتان هما نقطتا الضعف الأساسيتان فى شخصية مصر, ولانقول النقطتين السوداوين في الشخصية المصرية, وهما قد تبدوان للوهلة الأولى شيئين منفصلين, ولكن الحقيقة أنهما جانبان لشيء واحد, والعلاقة بينهما مباشرة هي علاقة السبب والنتيجة, فنحن كشعب نخضع بانتظام لحكامنا الطغاة, وحكامنا يركعون بسهولة للأجانب الغزاة

ومن جانبنا كموطنين, فقد درجنا تقليديا على أن نبرىء ساحتنا كشعب من مسئولية هذا الوقر المزدوج القاصم لظهورنا, بمقولة أننا ببساطة شعب مغلوب على أمره مفترى عليه , وأن الفاعل المباشر هو الطغيان والمجرم الأكبر هو الاستعمار, ومن جانبه, فإن الطغيان الداخلي بدوره يزيح المسؤلية عن كاهله مسارعا, بكل ترحيب, بالقائها على عاتق الاستعمار الأثم...الخ

والاستعمار ولاشك آفة وأفعى , احتلال وطغيان معا فى أن واحد, إلا أنه ليش رأس الافعى ولا الآفه الوحيدة, كما يروج بعض السطحيين ومنظرى عملاء الطغيان, والحقيقة أننا أسرفنا على أنفسنا فى اتخاذ الاستعمار –كمشجب- نعلق عليه كل مآسينا وعيوبنا, ومشاكلنا سياسية وغير سياسية, أولا لأنه هدف وطنى –أو ضد- وطنى—سهل مباشر مشروع لا شبهة فى عدائه وعدوانيته , وثانيا لأننا لا نكاد نجسر على أن نعلق الجريمة والعقاب فى رقبة الطغيان المحلى لأنه الحاكم المالك وظل الله فى أرضه أرض مصر...الخ
وبهذا وبذاك اصطنعنا لأنفسنا سلما مريحا ومرضيا – ولكنه كما سنرى مقلوب رأسا على عقب – من المسئولية , قمتة الاستعمار , وقاعه الشعب نفسه , يأتى بينهما – على استحياء أحيانا – الطغيان المحلى

غير ان الحقيقة التاريخية التى تثبتها مرارا وتكرارا تجربة ألفي سنة ومازالت مستمرة معنا حتى اليوم , الحقيقة التاريخية هى أن كبرى الآفتين ليست الاستعمار الأجنبى ولكن الطغيان المحلى , ذلك أن الذى مكن للأول غالبا , بل استدعاه واستعداه أحيانا امنا هو الحكم الداخلى بعجزه عن حماية الوطن فعلا أو بخيانته له علنا ومساومته وتواطؤه مع المستعمر ليحفظ على نفسه عرشه أو مركزه , إن الذى أتاح للاستعمار الخارجى أن يدخل ويبقى فى كثير من الحالات بصورة غير مباشرة دائما وبصورة مباشرة أحيانا هو الطغيان الداخلى وحده لا سواه , انه فى كثير من الأحيان ( وجه مصر القبيح ) فى الخارج كما فى الداخل تذكر فقد الخديوى توفيق

ليس هذا فحسب , إنما الحقيقة بعد هذا أن مسئولية الطغيان الحاكم تتضاءل بدورها أمام مسئولية الشعب نفسه , الشعب – ولا أوهام فى هذا – هو المسؤل الأول والأخير , الأصلى والأصيل , حتما وبالضرورة , فاذا كان الحكم فى مصر مأساة أو ملهاة , كارثة أو مهزلة ، فان سببها الشعب وحده نظريا وعمليا , وكم كان الكواكبى صحيحا صادقا حين قال ان مبعث الاستبداد هو غفلة الأمة ,ومرفوض مرفوض هو المنطق الانهزامى المعكوسى الذى يعتذر للشعب أو عنه بأنه مغلوب عل أمره لا قدرة له على الثورة ,مكبل أعزل من السلاح...الخ

فالطغيان لا يصنعه الطاغية , وانما الشعب هو الذى يصنع الطاغية والطغيان معا , والشعب مسؤل عن الطغيان مسئولية الطاغية نفسه وزيادة ,المثل الشعبى المصرى نفسه يقول – قال فرعون من الذى فرعنك ؟قال لم أجد من يمنعنى – والمثل الانجليزى المعروف يقول – القوة المطلقة مفسدة , كل سلطة فهى مفسده—
All power corrupts
ليست مفسدة فقط , بل مذهبة للعقل أيضا , ويمكن للحاكم من خلالها أحيانا أن يرى كل حق باطلا وكل باطل حقا , وفى كل شىء عكس ما كان يراه من قبل بغيرها—وهذا وذاك جميعا ما عناه الكواكبى بعبارته النافذة الثاقبة – الاستبداد أمر طبيعى فى السلطان

علان العلانى said...

ومن هذه الزاوية فان الشعب لا يعفى من اللوم , وليس له الا أن يلوم نفسه أساسا , فهو الجانى مثلما هو المجنى عليه,الفاعل والضحية , ظالم لنفسه كما هو مظلوم بحاكمه بل ولعل الاوضاع السيئه التى يتردى وإليها كل يوم أن تكون العقاب الطبيعى المستحق لتفريطه فى حق نفسه وتهاونه فى الدفاع عن حريته وكرامته وعزته وسيادته , فالحاكم الردىء الطاغيه انما هو عقاب تلقائى وذاتى لشعبه الذى سمح له بأن يكون ويبقى حاكما – وقديما كان قادة التتار والمغول من عناة السفاحين والطغاة يتوعدون ضحاياهم بقولهم عن أنفسهم إنهم لعنة الله على الأرض أرسلهم نقمه وعقابا...

أى أن خير عقاب لمصر دئما على ما هى فيه , هو ما هى فبه بالفعل , وكأنها بهذا أيضا تعاقب نفسها بنفسها بانتظام , والحديث يقول –كما تكونزا بول عليكم— بينما يذهب القول الفرنسى المأثور الى أن –لكل شعب الحكومة التى يستحقها
Les peoples ont les governments quils deservent

وأخيرا وليس آخرا –فقل لى من حاكمك, أقل لك من أنت—قل لى من الحاكم , أقل لك من الشعب

علينا اذن أن نعيد ترتيب أولويات المسئولية : الشعب أولا وكسبب أساسى , الحكم ثانيا وكسسب مباشر ثم الاستعمار أخيرا كثالثة الأثافى فقط , أما وقد اصبح هذا الأخير على اية حال من حديث التاريخ , فإن السلم الثلاثى الدرجات يعود فيختزل الى معادلة ذات حدين وطنيين: الشعب كقطب موجب والحكم كقطب سالب – وليس العكس – وبهذا تتحول القضية الى مسألة داخلية, مسالة عائلية بحته , وبهذا أيضا يبدو الخطر الحقيقى على مصر وهو ينبع من داخلها , هو مصر نفسها , أكثر من الآخرين أو الغرباء , هو بطش وعجز الحاكم من جانب ورد فعل الشعب أو سلبيته من الجانب الآخر, هو قضية الدكتاتورية ضد الديمقراطية أو بختصار مشكلة نظام الحكم , وذلك هو التحدى الأعظم الذى كان الشعب المصرى يواجهه دائما ليثبت نفسه ووجوده وسيادته


الديمقراطية هى الحضارة

والديكتاتورية على المستوى الفردى هى تعبير مباشر وضمنى عن النقص , فالحاكم الذى يعانى لأمر ما من مركب نقص شخصى أو فكرى أو عملى ....الخ
يعوض عن هذا النقص بفرض ارادته ومشيئته بالبطش والقهر والتحكم والطغيان ليثبت لنفسه وللآخرين أنه – الرجل القوى لا –الرجل الضعيف— ولا الرجل الصغير—كما يشعر فى قرارة نفسه

أما على المستوى الجماعى فإن أصل الاستبداد والديكتاتورية هو بلا ريب التخلف , التخلف الحضارى بعامة , فالديكتاتورية هى نتيجة للتخلف وعلامة عليه , مثلما هى سبب أو مضاعف له أيضا , وكل مجتمع استبدادى سياسيا هو حتما مجتمع متخلف , والمجتمع المتخلف هو لامفر مجتمع استبدادى سياسيا ذلك أن ىلاستبداد والطغيان من خصائص وطبيعة مرحلة البدائية والطفولة فى كل المجتمعات السياسية , وبينما تتناسب الديمقراطية تناسبا طرديا مع درجة التقدم الحضارى , تتناسب الديكتاتورية تناسبا طرديا مع درجة التخلف الحضارى, إن الديمقراطية هى الحضارة والحضارة هى الديمقراطية , بمثل ما أن الديكتاتورية هى التخلف والتخلف هو الدكتاتورية , وما الديكتاتورية فى وقتنا هذا الا الصيغة العصرية من عبودية العصور القديمة , فالفرد والمجتمع تحتها عبد للحاكم فى صورة مقنعة أو مبرقعة , مخففة أو ملطفة

والطغيان والديكتاتورية فى مصر هى ببساطة بقايا الماضى الطويل المحزن من ناحية والنواتج الطبيعية أو الجانبية لحاضر التخلف من الناحية الاخرى , فالى جانب ارث الماضى التعيس , يأتى التخلف الحضارى ومعه التخلف الثقافى والفكرى فيحكم على الشعب بالتخلف السياسى , حقا قد تكون شعبا عريقا فى التاريخ , ولكنها فى السياسة – كما فى الديموغرافيا- حدث فتى للغاية أو صبى يافع .. فلقد يكون المصرى شيخ التاريخ وحكيم الحضارة , إلا أنه جديد على كل ما هو جديد فى الحضارة العصرية , بما فى ذلك السياسة المعاصرة , ولا نقول كما يريدنا البعض أن نقول أقدم شعب تاريخيا ولكنه ليس يشعب سياسيا

لذا فهو من حيث الوعى والنضج السياسى الحديث قد لا يعدو مرحلة الطفولة الجديدة ولا نقول –الطفولة الثانية أو المرحلة البدائية, ودعك تماما من النظرية المزعومة عن الشعب المريض تاريخيا , وهذا مايفسر كثيرا من مظاهر الشذوذ ولاضطراب التى نلمسها فى العلاقة بين الشعب والحاكم , ومن المسلم به أنه كلما زاد ولاء الشعب وخضوعه واتباعه للحاكم , ظالما كان أو غير ذلك , على خطأ أو صواب , حتى بغير قهر أو بطش , كلما دل ذلك على عدم نضج الشعب وضعفه وسهولة انقياده ولين عريكته , فحجم الحاكم ونفوذه ودوره كلها تتناسب تناسبا عكسيا مع حمية الشعب وصلابته وقوته ومقاومته

Love Life said...

متزعليش يا بنتى ,إنتى عملتى عمل أسطورى أساسا حاولو بكل الطرق يصورولنا إنه مستحيل و يمكن كان شبه مستحيل فعلا, لكن إنتو فعلا أبطال و بتعملو ملحمة أجدع من ملاحم الإغريق, و كل علقة بتاخدوها عظمكوا بيقوا أكتر و عشان كده إنتو مش بتخافوا و ربنا معانا و هو أكبر من أمن الدولة و من كل مكرهم , النصر جاى جاى و دوام الحال من المحال

Unknown said...

أنا للأسف كنت عارف ومتأكد ان هيحصل حاجة يوم الجمعة لو حد اعتصم في التحرير
يوم الجمعة - 25 فبراير - الصبح كان فيه بنات بتعيط في التحرير علشان شافو ضابط وعسكري جيش اعتقلهم من أيام وخافو يعتقلهم تاني لما شافوهم في التحرير
ولأني - زي ما انتي قلتي - مكنتش مصدق ان الجيش ممكن يعمل كده أخدنا البنات ولفينا الميدان علشان يورونا الضابط ده بدل ما يقعدوا يعيطوا ويلمو الناس حواليهم
وفضلنا نلف لغاية ما لقينا فعلا الضابط - نقيب - والعسكري اللي البنات قالو عليهم - وعلى فكره البنات كانو بيقولوا انهم اتعذبوا واتكهربوا كتير وفضلوا معتقلين يومين - ولما اتكلمنا مع الضابط مأنكرش وقال انه اعتقلهم علشان كانو معتصمين !!!
اتخانقنا وشدينا مع بعض شوية والكلام ده كان قدام مجمع التحرير من ناحية شارع قصر النيل
ووقفت اتكلم مع رائد قوات خاصة وقلتله هو انتم عندكم تعليمات تعتقلوا اللي هيعتصم
اتكلم بطريقة سخيفة وقال الاعتصام بيعطل البلد ويوقف الحال والإسطوانة المشروخة دي

أرجع وأقول يا أستاذه نوراة ان ربنا بينصرنا غصب عنا - يعني لو البهدلة اللي حصلت للشباب يوم الجمعة مكنتش الأمور وضحت والجيش اعتذر والناس قدرت تعتصم إمبارح
ربنا بيخليهم يتصرفوا بغباء وفي الآخر بتبقى لصالحنا لأن ربنا هو اللي بيمكر لنا والحمد لله
المطلوب مننا بس الصبر والصمود والنصر من عند ربنا مش من أي مكان تاني
ولا جيش ولا شعب يقدروا يعملوا حاجة إلا إذا أذن الله سبحانه وتعالى

mona said...

نوارة انا مش فاهمة حاجة ومش فاهمة اللى حصل امبارح ده ليه بس انا شايفة خصوصا بعد اللى حصل امبارح انه لازم يتشكل مجلس رئاسى .هيكل لما جه فى العاشرة مساء قال انه مش عايز الجيش ضامن او رقيب على الفترة الانتقالية عايزه يأمنها وانا معاكى فعلا ان احتكاكهم بالناس وامن الدولة هيغير تصرفاتهم(انا سمعت حاجات غريبة مش عارفة صح ولا لأ ان الجيش فعلا على تعاون وتنسيق مع امن الدولة ) وممكن يورو الناس الوش التانى و ساعتها هتبقى مصيبة لانهم الجيش.وبعدين ايه سبب البطأالفظيع فى الخطوات مش فاهمة.و.اما بالنسبة للنقطة الاخيرةان فيه ناس فعلا شايفة انهم لازم يتحكمو بالحديد والنار والا البلد هتبوظ فيه ناس مش شايفة من الموضوع غير انهم شوية عيال مش متربيةوفاضية.مش عارفة حاسة ان احنا لازم نرجع للشعار الاول تانى الشعب يريد اسقاط النظام.المهم خلى روحك المعنوية عالية وبلاش كلام زى عليه العوض عشان لما بيطلع منك انتى بالذات بيبقى مخيف.بجد بالنسبة لى الشمس ما بتطلعش غير لما الاقيكى كاتبة ومتفائلة ويا ستى عشمنا فى الله كبير هو بدأها وهو سوف ينهيها على رأى عمر طاهر .

Mohamed omar Zaian said...

anna 3ereft en 3rabytek etkasaert meen ele kasarha w ma7keteesh da leeh

عندما ينطق القلم said...

أنا مقدر شعورك وحالتك النفسية، وقد أصابني ما أصابك في أوقات كثيرة، ولكن تعلمت أن الفارس لا يترك الميدان إلا وهو منتصر أو مقتول وهذا هو الشرف.

وهذه هدية لك كتبتها ارتجالا حينما قرأت قولك حقفل دروفها وعليه العوض.

أنا هقفل دروفها

وخلاص عليه العوض

وكان نفسي أشوفها

عروسة

يطلبها ميت ولد

لكن تعبت خلاص

كلت صوابعي يا ناس

وكل كلمة قلتها

وحفرتها

قبل ما أقولها

ارتوت بدموعي

وبدمي كتبتها

آآآآآآآآآآآه يا بلدي
آآآآآآآآآآآه يا بلدي

قد إيه بحبك

وإنت بتأسي عليه

بموت م الشوق لحضنك

وإنت مش حاسه بيه

ضميني..

أنا بردانة دفيني

احضنيني..

ريحيني

من أسري حرريني

علميني وعرفيني

يعني إيه وطن

يعني إيه سكن

يعني إيه علم

يعني إيه نيل وهرم

ولو فشلتي تعلميني

يا وطني .. يا أمي

أرجوكي اقتليني

mohamed serag said...

شوفى المقالين دول وقوليلي رايك
http://www.facebook.com/note.php?note_id=192906187398637&id=169570469745291

http://www.facebook.com/note.php?note_id=497065257013&id=561971837

مش فاهمه said...

نوارة سيبك من الكلام فى اللى فات خلاص فين بقه اللى واقفين ورا الشباب فين علاء الأسوانى و بلال فضل و ابراهيم عيسى مش بيتكلموا ليه فين سليم العوا و فين اسامه الغزالى
نوارة الشغل بنتاع الأول مابقاش ينفع لازم حد يتفاوض باسمكم ريحونا بقه و كفايه لوم و تقريع للى معاكم احنا مش عايزين عبوديه زمان و مش عايزين شغل هرجله و كل واحد يعمل اللى فى دماغه لازم ترسو لكم على حد عدل يتفاوض بقه و يحلها بدل موضوع كل جمعه ده و الىل بيعطى الفرصه للخطط و المكائد خلاص زهقنا بقه قلنا البرادعى هو اللى فاهم و تقيل و ماحدش يقدر يطويه قولوا اه بقه و خلصونا

negmat lail said...

أهم نقطةهي المحاكمات والمحاسبة للكل وقبل اي حل لأي جهاز كي لا تضيع المعلومات وذلك لأن من يعمل في امن الدولة مثلا من الممكن ان لا يكون له اثر في الملفات ولا يعرفه الكل اذن سيظل بيننا يعمل ما يشاء هو واتباعه

ramy1313 said...

فى رأيى ظباط الجيش كلمه توديهم وكلمه تجيبهم
باختصار أمن الدوله عارف سكة دماغهم إزاى وإزاى بيفكروا
مشكلتنا اننا نسينا انهم عسكر وعملنهام إن الطبيعى منهم الطبطبه وده مش صح دول ظباط جيش وعساكر
حاجه أخيره السكة اللى دخلوا بيها عليهم كالاتى ده جيش معروف عنه حاجه واحده جد جدا وما بيحبش المرقعه
لو فى حد قاله فى حاله أغتصاب حصلت وتحرش وعيال سيس بتقعد حيقلب زى ما حصل كده
أخر حاجه انا مش بدافع عن الجيش لأنى مش من محبى الجيش يعنى على فكره بس بحاول بقول اللى حاسه بس كده
عشان العواطف ماتسيطرش علينا ونتعامل بجديه شويه ونفهم دماغهم والموضوع مايتحولش زى ما أنا شايف كده خناقه بينا وبين بعض الجيش حلو ولا وحش ونشتم فبعض فحين إن الموضوع أساسا شغل ومفهيوش عواطف

Heba Nabil said...

http://www.facebook.com/#!/notes/heba-nabil/إلى-الفريق-احمد-شفيق/10150421948670363?notif_t=note_comment

Eng. Mhmd Medhat said...

kol el shorafaa ma3aky dy thawrah we el aghbeyah ely beyoolo sebo el gesh yetsaraf yetsaraf fe eh we 7komet shafeek lesah mawgodah dol 3esabah we lazem yet7akmo kolohom we lazem el masreen el salbeen yebatalo klam en bto3 el thawrah hayekhreboha dol ya ema atba3 el nezam yaem nas gbanah rabenah ma3akom we inshalah el nasr le misr

nour1971 said...

احنا بنواجه الشيطان نفسه مش حزب من احزابه بأكيد مش حا يستسلم بسهوله

حا يدافع علي بقائه بعزم ما فيه لازم نستحمل شويتين مش شويه واحده و الي

بيهبط الهمم لازم نشيله من دماغنا خالصصصصص منهتمش هو بيقول ايه

علشان منضايقش نفسنا بناس هايفه عايزه تعيش و تموت و هي عبيد ربنا معاكم

ومع كل واحد عايز الحريه

Heba Nabil said...

لكل الناس اللى بتردد كلمة ان احمد شفيق لا غبار عليه بدون وعى احب اقولهم اقروا النوت دى
http://www.facebook.com/#!/notes/heba-nabil/إلى-الفريق-احمد-شفيق/10150421948670363?notif_t=note_comment
بحييكى يا نوراة على نقل الصورة....وانا واثقة فى ربنا لأنه هو اللى كاتب للثورة دى انها تنحج وكل ما بيجيلى احباط بفتكر يوم التلات الاسود لما فتحت الفيس ولقيت ناس من اصحابى بيشمونى انا واللى رحنا التحرير...واحنا بتوع الفتنة والكلام ده...بس ربنا مكر مكره وحصلت معركة الجمل اللى بينت اننا على حق

Wise said...

انا ماكنتش متخيلة ان الجيش ممكن يعمل كده
بس معلش ماضاع حق وراءه مطالب
واكيد يعنى الطريق مش هيكون مفروش بالورد
انتم ماشاء الله انجزتم حلم اقصد واقع دلوقت كانت كله مصر من شهر واحد فاكرة انه مستحيل
ربنا يوفقكم ( ان تنصروا الله ينصركم ويثبت اقدامكم

مهندس مصري بيحب مصر said...

مش قالوا لك قبل كده إن مباحث أمن الدولة لها تنسيق وثيق حالياً مع المخابرات الحربية
و ما صدقتيش
قالوا لك كل واحد من قادة المجلس الاعلى مختاره مبارك بنفسه و منقيهم على الفرازة و كل واحد فيهم على راسه بطحة
و برضه ما صدقتيش
قالوا ان الجيش اعتقل و عذب ناس اثناء الثورة
و تقارير من العفو الدولية و غيرها أكدت كده
و برضه فضلتي مش مصدقة

بصي يا نوارة
كلمة حكمة قالتها سلمى الدالي على تويتر"
لماذا يصر الشعب أن يحب الجيش أو يكره الجيش، الجيش ولا يتحب ولا يتكره،، أنا في السياسة معرفش أبويا فما بالكم الجيش
"
احنا بنتعامل مع تصرفات مش مع عواطف

والله لو استجابوا لمطالبنا يبقى خير و بركة
إنما لو ساقوا علينا اللوع يبقى فيها كلام تاني

و معلش على العربية ربنا يعوضك خير عنها و عن اللي اتسرق منها

محمد نور الدين said...

ست الكل صباح الخير
أولا أهم شيء سلامتك
و الباقي كله يتعوض
لكن لما تقولين :
مافيش حاجة بتميز عربيتي عن العربية السليمة غير اني معلقة ورقة مكتوب عليها: الشعب يريد حل حكومة شفيق، محاكمة المخلوع، وانهاء حالة الطوارئ، وورقة تانية مكتوب عليها: مبارك السفاح مكانه في السجن وليس في شرم الشيخ
هل تعلمنين أنني ضحكت كثيرا
لأن العربية مش متميزة دي عربية مفخخة

ثنايا: الشكر كل الشكر لبلال فضل اللي خلاك تفضفضي

مهندس مصري بيحب مصر said...

و صحيح مش هو الجيش ده اللي كان بيحكم على الناس في محاكم عسكرية ظلم أيام مبارك
زي محاكمة خيرت الشاطر و مجدي احمد حسين و غيرهم

د. هانى احمد said...

الا هوايه الفرق بين الانتفاضه والثورة؟ اعتقد الثورة تفرض ما تريد.. تعلن حكومه.. تعلن دستور.. مش تطلب حكومه و دستور.. يبقى اعتقد ان اختلافات الثوار حولت الثورة الى انتفاضه بتتفاوض على شويه طلبات.. طب ازاى ترجع الثورة تانى بنفس الاعداد المخيفه والمره دى لازم يكون فى مجلس قيادة للثورة ويتم التصويت بينهم على الطلبات الفوريه والاجله ثم تقدم الى الجيش ان تلك هى اوامر الشعب اللى قاعد فى كل ميدان فى مصر.. وده لازم يكون بسرعه لان النظام البائد بيستعيد عافيته وعايز يستميل زملاء مبارك فى المجلس له و اظهار الثوار انهم شويه عيال ملهمش قائد ولا طلبات محددة.. طبعا الثورة لازم تحاول استمالة المؤيدين لها فى الجيش وتحاول تعزل القيادات الواليه او المتعاطفه او المتورطه مع النظام القديم

محمد على said...

الله ينتقم من كل ظالم جبار

بجد .. أول مرة أبكى من يوم 28 يناير و11 فبراير

لما تخيلت نفسى مكان الشاب اللى لف وفتح صدره وقعد يهتف الجيش والشعب مش إيد واحدة وهو بيبكى م الألم المعنوى قبل المادى

الله يهد الظالم ومن عاونه على ظلمه

kiki said...

احنا لسة ما اتعلمناش أهم درس من الثورة... اللي لا كانت قامت و لا غيرت الا بفضل الله عز و جل. اهم درس اننا نبطل تأليه الرموز اللي جابنا ورا. بصراحة يا نوارة لما افتكر كلامك و جيشنا حبيبنا و كلامك للجزيرة بعد اللي حصل شعرت اننا بجد لسة ماتعلمناش الدرس. مافيش فرق بين الجيش والشعب... هو كله الشعب... و الجيش بشر زينا فيهم الفاسد و الصالح و منهم مبارك و السادات و عبد الناصر و غيرهم... انا فاكر في التربية العسكرية كانوا قد ايه سخفاء معانا.. لا كنا مجندين ولا غيره.. شوية طلبة جامعة عاوزين يتخرجوا.. لكن السخافة و التعالي كانت نوع من فرض السيطرة يورونا ان الجيش افضل مننا عشان بيدافعوا عننا. تخيلي انتي واحد بيقوم بواجبه و يسمح لنفسه يدفعك تمن قيامه بواجبه من كرامتك... لكن برضه ارجع واقول البيانات اللي بيصدرها الجيش تدل علي موقف محمود علي طول الخط... غير ان الكلام اللي انتي نفسك كاتباه يدل علي موقف غامض و مش مريح و يخالف كل الحاجات اللطيفة دي.
انا كل اللي مخوفني اننا نفض'ل متخدرين من الضجة الاعلامية اللي عملناها علي مستوي العالم.. اللي للأسف ماجابتش تغيير حقيقي. مبارك لسة ضاحك علينا... تفتكري لو كنا بجد بمنثل تهديد له و ده منوفي داهية... كان حيقعدلنا في شرم الشيخ. انا مش خايف ان جمال مبارك ييجي... هو مش قد الرئاسة أصلا... انا خوفي من الناس اللي عمالة تأله الكراسي و اللي قاعدين عليها لحد البلد ما اتملت بشوات و بهوات و مواكب مداحين...و مع اني محب للسلام... السجون لازم تتملي بدول... و معني كدة علشان ثورتنا تنجح يبقي فيه هيكل نبنيه...نشاط كل الناس تشترك فيه غير الاعتصام و التظاهر... عارف اني حاسمع تريقة للصبح لكن...ايه المانع التلاتة مليون اللي نزلوا التحرير يبنوا هرم و نقول ده ضريح المخلوع... مش هو عاوز يندفن في مصر؟ هو بالنسبلنا زي الميت بالضبط..لكن الهرم مش له..الهرم لينا احنا و لارادتنا و كرامتنا كشعب. طبعا دي فكرة عبيطة لكن اللي عاوز اقوله ممكن تعبيرنا عن الستياء لعدم تلبية مطالبنا ممكن يكون سلمي لكن ايجابي و فعال و بناء وأهم شئ يكون حاجة النظام البائد كان مانعنا منها . و لازم نواجه الحقيقة نار الثورة خبت و قربت تنطفي لأن الكلام دلوقتي هو نفس اللي بتقوليه.
يا إما بقي نجيب الثور من قرونه و نحاصر مبارك و ابنه (هو برج الثور ماجبتش حاجة من عندي) و نسلمهم للحبس بنفسنا و يبقي خطف سلمي برضه.
غير كده... موظفين الهيئات الحكومية الاشراف يشدوا حيلهم معانا شوية و تكون ثورتهم علي الفساد في المصالح اللي بيخدموا فيها... لازم يكون فيه قيادة تنسق و توزع الادوار.. الثورة اللي اتحرمنا من ان احنا نقوم بيها في 52 بدأناها و مشوارنا طويل و صعب و اهم حاجة نحس اننا مش لوحدنا و اننا لسة مع بعض وان الفعل اكتر من الكلام. لازم نحس انه مش مولد و انفض.

Unknown said...

هل اعتذار الجيش له معنى اخر؟
الاعتذار يعنى انه لم يصدر الامر باستخدام العنف اذن من اصدر الامر؟ هل هناك شريك خفى للجيش فى ادارة البلاد من الذى يحكم الان هل هو الجيش منفردا ؟هل يوجد اجهزه تهدد الجيش باحداث فوضى فى حال مسائلتهم لماذا كل هذا التمسك بهذه الحكومه مع اصرار الناس على الرفض مما نسمعه من تصريحات ونقرأه من بيانات من الجيش نجد الجيش مع الشعب ومع الثوره اما من الافعال ومن السكوت على قبادات الامن التى تسيئ للشعب كل يوم واستمرار شفيق الذى يعاير الناس الان بمرتباتهم ويمنع حرية الرأى وبقطع بث برامج تطالبه بالتنحى لا اعتقد ان الجيش يتصرف بحريه
ولكنى اخشى من ان تتحول هذه المظاهرات السلميه الى دمويه فأّذا حدث لن تبقى ولاتذر واول من سوف يتضررهو شفيق

zoka said...

تسلم ايدك يا نوارة
هوة ده الكلام
وكمان بجد اللجنه الالكترونيه بتاعة الحزب الوثنى لسه شغاله وقرفانه على النت بشكل غريب مش عارف الناس دى شغاله فين وتبع مين ومرتباتهم منين وليه لسه شغالين اصلا
المهم ان الثورة قائمه حتى سقوط حكومة دار المسنين

Rowaa said...

السلام عليكم ورحمة الله وبركاته يا نوارة
يا بنت مصر المخلصة ولا نذكى على الله احدا
أولا نشكرك على انكوضحتى لنا الامور ووضعتينا فى الصورة
واضح ان الطغاة بيتعلموا من بعض، والان طلع لنا اليهودى السفاح القذافى وابنه صديق الاسرائيليين
وواضح ان حكومة شفيق اتعلمت من القذافى ، لكن انتو اتعلموا من صمود وشجاعة واقدام الليبيين . انتم شجعان والحمد لله وقمتوا ولا تزالون تقومون بدور رائع. لكن الدور والباقى على باقى الشعب لازم يتعلموا من اهل ليبيا الشجعان. الحرية غالية وثمنها غالى
ياريت لو تكونى انتى ضمن من يلتقى مع القوات المسلحة ويتناقش معهم
وياريت لو تعرضى ما حدث على المستشار هشام البسطويسى و المستشار طارق البشرى والدكتور البراعى و غيرهم من الشخصيات العاقله والخبيرة وايضا مثل الاستاذ حسنين هيكل. وتحاولوا توصلوا لامور حاسمة لكى نتخلص من شفيق وحكومته وابن مبارك وكل هؤلاء
خللى البلد تنظف وتفوق للتغيير الى الافضل والاصلح باذن الله وبتوفيقه

نوارة انتم ابطالنا ندعو لكم بالثبات والسداد والنصر
رواء

Magdy El-Serafy said...

كل ده مش هيغير الحقيقة النقية الوحيدة: ان متنورى الشعب أخذوا قرار الاصلاح بلا رجعة. و هم لسه مش فاهمين ده و يمكن ما يفهموش أبدا حتى و هم قاعدين بالبيجاما فى البيت أو الترنج الابيض فى السجن فاتحين رجليهم. ما نخليهم يلخمونا فى تفاهات. نوارة: أنا منزعج ان لجنة التعديل العظيمة سمحت بانتخابات برلمانية وشيكة. فى وجود الاعلام المضلل ده الانتخابات البرلمانية السريعه هتجيب الوجوه اياها اللى حتحط كمان الستور الدائم على مزاجها. أرجوك تبنى مطلب رابع: اللجنة تشترط انتخابات رئاسية سريعة و تأخير البرلمانية بنص دستورى ذكى

assour said...

سلمت يداكي و قلبك الطيب، الحبيس في النهاية مؤسسة دكتاتورية ينتصر فيها الشيط و الربط علي العدل و الذوق و لا يصلح اي عسكري أبدا في اي مكان الا تنفيذيا فقط. لا تحزني ان الله معنا

DIY CNC said...

الى بنى اسرائيل

الى المطالبين بتوقف الثورة
متخفوش من العهد الجديد انتو كنتو بتكلو من الزبالة ايام مبارك .......
متخفوش الزبالة مبتخلصش

ارجوكى ينوارة لمى الكبار

ابراهيم رزق said...

نوارة يا بطلة

للاسف انا مكنتش موجود بس بخلاف اللى انتى بتحكيه و كنت شاهدة عيان فبيقولوا اى غير مؤكد
الجيش هو السلطة الشرعية الوحيدة الموجودة فى مصر فمش من مصلحتنا التصعيد معها و انا اؤيد اقتراح الثلاث اسابيع على ان يكون اول تنفيذ رحيل شفيق
الناس زهقت من كثر الناس اللى بتطلع تتكلم باسم الثورة و انا عجبنى حوارك مع بلال فضل لانك لم تقولى انك بتتحدثى باسم الثورة لان اغلبهم لا يجيد التحدث فيفقد تعاطف الناس و بالذات شادى الغزالى اللى بيظهر فى جميع اجهزة الاعلام مع انه محسوب على الحزب الوطنى هو والده لولا انشقاق والده عن الحزب بسبب عدم توليه الاهرام
اقترح اختيار اثنان من كبار الشخصيات للتحدث بسم الثورة و يكون الاختيار عن طريق الفوتينج على النت و ليكن الدكتور علاء الاسوانى لقدرته على الاقناع و احتكاكه بالاعلام الخارجى و المستشار هشام البسطويسى لنزاهته و خبرته بالقانون

قارئة said...

زز

قارئة said...

قلبي معاكي يا نوارة ومع الثوار

امبارح في ناس طلعت من جحورها تقول أهدوا شوية بقى عشان البلد.الثورة المضادة مش كلها منظمة جزء منها سببه قيم اجتماعية وسياسية مهترئة عند الناس من زمان وأزمة حقيقية في الوعي السياسي

على رأي تميم في ناس في مصر عبيد ملوكها عبيد

صبر جميل والله المستعان

mutargim said...

معلش يا ست الكل .. دايما بنزعجك بس ده مقال كمان أحب حضرتك تقريه
http://al-agenda.blogspot.com/

OberonSky said...

ولا يهمك يا نوارة .. إن الله لا يضيع أجر من أحسن عملاً ..

Omadham said...

السلام عليكم و رحمة الله و بركاته
للأسف انا مش معاكم بس بادعيلكو من مكاني. مش حاقول لكم اثبتوا انتم ثوار لكن حاقول لكم رابطوا لأنكم بتغيروا المنكر بايديكم و ده لوجه الله و ده طبعا مش اضعف الإيمان. دا حتى انا لما بأكلمكم بأتمنى من الله ان ده ما يكونش أضعف الإيمان. أنا مش الحرامي اللي ربنا الهمه يثبت الأمام أحمد, الحمد لله, لكني العين اللي شايفاكم من بعيد و عارفه بإذن الله إنكوا بتطهروا البلد لوجه الله.
و لا تهنوا لا تحزنوا و أنتم الأعلون إن كنتم مؤمنين. إن يمسسكم قرح فقد مس القوم قرح مثله و تلك الأيام نداولها بين الناس و ليعلم الله الذين آمنوا و يتخذ منكم شهداء و الله لا يحب الظالمين. و ليمحص الله الذين آمنوا و يمحق الكافرين. أم حسبتم أن تدخلوا الجنة و لما يعلم الله الذين جاهدوا منكم و يعلم الصابرين -آل عمران 139-142-

Unknown said...

يا نوارة
يساريت تركزوا على اقالة شفيق
وماتتكلموش على محاكمة ال مبارك دلوقت
عمرهم ماهيتحاكموا في ظل حكومة شفيق
وعملا ما حكومة شفيق هاتتحل وانتو بتطالبوا بنحاكمة ال مبارك
لان مبارك الجيش مش عايز يحاكمه اساسا
واحنا كده بنخوفه بطلبنا باقالية شفيق
يبقى نركز على السهل عليهم لحد مانتمكن برئيس وزراء نظيف
ومحاكمة مبارك لو اتاخرت شوية مش مشكلة
لكن حكومة شفيق هي الشكلة الاكبر دلوقت وحلها هو مفتاح كل شيء
يبقى خلونا نركز على المفتاح اكتر من اي حاجة تانية

Unknown said...

علشان تصدقنى لمه اقول ان شفت واحد بيتخانق مع بتوع الجيش بعداذان المغرب على طول وخدوه جوه اهووووه طلع فعلا واحد واسمه تامر السعيد واصحابه بيقولوا انه زودها
وبعدين للمره التانيه انتى بتقولى انهم كانوا متعصبين من الصبح ومشحونين وبيقولكم باحنا مش بنام ومش عارفه ايه وانت كنت نوايا تقولى للناس امشوا بس حسيت انهم مش هيوفقوا فسكتى واد اديتو الفرصه انكم تتضرب ويتغدر بيكم كده
انا مش بقول ان ضربكم ده صح بس انت مش بترعوا حد ليه بتخافى تقولى كلمه الصح ليه
انتى حسيت انكم صغيرين وانكم ممكن تتعجنوا وانهم بيقوللكم روحوا وتعالوا بكره على 6 مش مشيت وصممتى وزعقتى فى الناس ليه
انت لسه المقال اللى فات بتقولى اللى عايز يبقا مسئول يشيل المسئوليه
انت مش شيلتها ليه
متفكرى كده ماشى بتوع الامن سخنوهم وقالوولهم دول كلاب ومش عارف ايه ومش بيسمعوا الكلام
طب ما هم بالفعل لاقوا الناس بتتبلطج عليهم وسى تامر السعيد ده انا شفته بعينى وشفت طريقته وبيقوللكم امشوا وتعالوا بكره على 6 مش بتسمعوا كلامهم
الله
هو فى ايه ؟؟؟
مش المفروض الناس ديه وقفه معانا يبقا نسمع كلامهم زى ما هم بيحومنا ولا هى بقت عند وعدم تفكير والكل ممكن مش يقول كلمه الحق علشان اللى حواليه مش يتهموه بالخيانه ويغضبوا عليه
انت قولتى انك كنت عايز تقوللهم امشوا يبقا كنت تقولى متخفيش ده رأيك ومتخفيش حد يقول عليكى خاينه ولا خوفه احنا اصلا بقنا فى زمان التخوين
الصح يتعمل واللى مش عجبه يخبط دماغه فى الحيط

مطلق said...

يا نواره مفيش داعي تحكي علي الي حصل لانه شئ لا يذكر بالمقارنه مع الي احني شوفناه من شهر

ربنا يستر في الايام الي جايه

Rowaa said...

على فكرة يا نوارة انا شايفة ان الثورة دى لسة لم تنتهى
واضح ان المستفيد الان امثال شفيق وفلول النظام دلوقتى يمكنوا لانفسهم ويكملوا مشوار مبارك مع امريكا واسرائيل وينهبوا البلد مرة ثانى
اقترح ان ينزل كل الشعب تانى، اعنى الصحفيين رجال الدين والطلاب وبما فى ذلك اللى كانوا قاعدين فى البيوت
ويتظاهر المحاميين والقضاه والعمال وكل فئات الشعب واساتذ1ن الجامعات والفنانين والمدرسين والفلاحين ويقوموا جميعا بالعصيان المدنى ولازم يكون الشعب
فعلا صاحب القرار
حاليا الشعب رجع ثانى يتعامل كانه درجة ثانية او عيل صغير مش عارف ايه اللى بيحصل بل بيضرب على يديه لانه عمل حاجة مش عاجبة الكبار!!!!!
اعتقد احنا محتاجيين تقوم الثورة اقوى واصلب وتجمع اعداد اكبر فى كل المدن بما فى ذلك الصعيد اللى اتاخر كثيرا فى اسماع صوته

ولنا فى صمود وتصميم وشجاعة اهل ليبيا مثالا يحتزى
اذا الشعب يوما اراد الحياة فلا ريب ان يستجيب القدر

ولا يجب علينا العودة لعيش الحفر والذل ليس بعد 25 يناير
والله الموفق
رواء

Diaa said...

قناة (الحياة) عمالة تعرض صور القتلى من ضباط الشرطة أثناء الثورة
مشغلين أغاني وطنية وبيقولوا عليهم شهداء
حمرا يا سيد يا بدوي

Magdy El-Serafy said...

الاصرار الانتحارى (منع دموى من الاقتراب من مجلس الوزراء و قمع إعلامى لمعارضيه) على شفيق معناه ان شفيق محورى فى الفترة القادمة. يعنى مرشح الرئاسة. سقوط شفيق دلوقت أصبح مطلب استراتيجى مش بس رمزى أو تكملة لسقوط النظام. اسقاط الثورة له معناه ان مرشح النظام السابق
الأول (حصانهم الرابح يعنى) فشل و ده معناه ان أوراقهم بتضعف. ثانيا: ملامح خطتهم إذن هى استرداد السلطة ليس بالبوليس و لا بتزوير الانتخاب و لكن باكتساح الصناديق لصالحهم عن طريق غسل مخ المنتخبين اعلاميا زائد طبعا شراء الأصوات. دى خطة نجاحها مضمون مع انتخابات برلمان مبكرة ولازم نمنع ده. أما الانتخابات الرئاسية فلا بد-غير سقوط شفيق- الثورة بدورها تلتف حول مرشح واحد و واحد فقط من دلوقت و يتم تلميعه

أحمد البستاوي said...

السر وراء سالي زهران . . أو الشهيدة الكاملة
http://www.facebook.com/note.php?note_id=204546449558827&id=100001273951172#!/note.php?note_id=204546449558827

خالد said...

أبراهيم كامل يعترف فى مقابلة مع سكاى نيوز أنه المشئول على بلطجية أربعاء 2 فبراير


http://www.youtube.com/watch?v=CDutZbuHFm8&feature=player_embedded

qqq said...

May Allah award all of you for what you are doing. I have nothing to say. Just few tears in my eyes to see you all fighting for our happiness and freedom and we are letting you alone with no supportive reactions and or even words.

At the end, I'd like to draw your attention that there are two main possibilities:

1- The army is fuly against the revolution and try to pretend that they are supportive just to cheat people and casue them to stay home then start the massive arresting of people and activists to supress the revolution. (This is opinion is of very less probability and also seems not logic for many reasons).

2- The army is with us but they are under pressures and stresses (internal and external) and hence the Army wants change things smoothly and gradually because corruption is spread in the country like cancer and the best thing before any further force actions is to bring the country into a stable condition. I think this opinion is right and gives explanation for all these reactions we see.

So, I'd advise/suggest to give the army the chance to control and change smoothly and brings the country into a stable condition.

Of course I don't mean to let ourselves fully to army to control us without any kind of accountability because if we do so we then will loose our power and everything. What I mean by giving the chance is to stop all actvities during the week except for Fridays. Just let's keep the massive demos to be only on Fridays to achieve the following: a) Continuous Pressure on the remaining tyrants and corrupted persons and also as a message to the Army that we are always here for to monitor and control the actions and let army feel of accountability.

b) A mechanism that refreshes the public and keeps the street movement active and dynamic.

Sorry for typing in English and I hope my ideas are clear.
All the best, Salam

qqq said...

May Allah award all of you for what you are doing. I have nothing to say. Just few tears in my eyes to see you all fighting for our happiness and freedom and we are letting you alone with no supportive reactions and or even words.

At the end, I'd like to draw your attention that there are two main possibilities:

1- The army is fuly against the revolution and try to pretend that they are supportive just to cheat people and casue them to stay home then start the massive arresting of people and activists to supress the revolution. (This is opinion is of very less probability and also seems not logic for many reasons).

2- The army is with us but they are under pressures and stresses (internal and external) and hence the Army wants change things smoothly and gradually because corruption is spread in the country like cancer and the best thing before any further force actions is to bring the country into a stable condition. I think this opinion is right and gives explanation for all these reactions we see.

So, I'd advise/suggest to give the army the chance to control and change smoothly and brings the country into a stable condition.

Of course I don't mean to let ourselves fully to army to control us without any kind of accountability because if we do so we then will loose our power and everything. What I mean by giving the chance is to stop all actvities during the week except for Fridays. Just let's keep the massive demos to be only on Fridays to achieve the following: a) Continuous Pressure on the remaining tyrants and corrupted persons and also as a message to the Army that we are always here for to monitor and control the actions and let army feel of accountability.

b) A mechanism that refreshes the public and keeps the street movement active and dynamic.

Sorry for typing in English and I hope my ideas are clear.

All the best, Salam

Tears said...

لو تلاحظى ح تلاقى الجيش التونسى متمسك بالغنوشى برغم الرفض الشعبى و برضة فارض عليهم وزراء فسده من النظام البائد فى الوزرات السيادية زى اللى حاصل عندنا..وزراء خارجية و داخليه و عدل

و لو تلاحظى لسه البرادعى و نور ممنوعين من الظهور و اهو عيسى و الليثى كمان اتغضب عليهم كل ده ليه و مين اللى بيعمله وازاى؟

Ahmad said...

لن يستطيع الجيش حماية الثورة إن تقاعست الثورة عن حمايه نفسها وحشد صفوفها ,, الضغوط والمحاولات المستميته داخليا من فلول النظام (سياسيين وأمنيين و رجال أعمال) وخارجيا من أمريكا يسعون لإماتة الثورة تدريجيا و بث الفرقة بين أفراد الشباب والشعب والجيش ,,,, حذرت من ذلك من قبل والمؤشرات على ذلك واضحة وجلية ,,,,,, يجب الحذر وحشد الهمم

Ahmad said...

يا ثورة أذهلت من هولها الدولا
وأحيتِ المجدَ والإنسانَ والأملا
وحررت مصرَ من أغلالها فسَمت
وأشرقت شمسُها واستبدلت حُللا
غنى الحمامُ لها من نشوةٍ طرباً
وأصبح النيلُ مزهواً بها فرحا
يا ثورة وقف التاريخُ يرقبها
وأدهش العالم المذهولَ ما حصلا
وزلزلت عرشَ حسني بعد سطوتهِ
ففر طاغوتُ مصرٍ خائفاً وجِلا
لما مضت تونسُ الخضراءُ ثائرةً
تدك ثورتهُا الطغيانَ والعُمَلا
تُفاخر النجمَ في أبناء ثورتها
غارت لها مصرُ فاهتزت مدائُنها
بثورةِ أصبحت في العالم المثلا
فكان ميدانُ تحريرٍ وملحمةٌ
ووحدةٌ أدهشت أخبارُها العُقلا
والزحف يمضي إلى الميدان مبتهجاً
وموكبُ النصرِ يحدو الثائرَ البطلا
وكلما قُمعوا، (نوارةٌ) صرخت
فجاءها مددُ الأبطالِ ممتثلا
لم يستطع جيش حسني وأد صرختها
ولم يلن عزمها أو يعرف الكللا
ثار الملايين من أحرارها فغدت
كل المدائن ميدانا ومرتحلا
(الله أكبر كم في النصر من عجبٍ)
رياحه حين هبت حررت دولا!

من مغربي said...

أصبتني بالإحباظ أمس، لم أصدق أنكي ستيأسي من الثورة لدرجة أن تقولي "عليه العوض ومنه العوض"، لأني أعلم أن الثورة أصبحت لديكي إدمان ..... و لكن الحمد لله إكتشفت أن عبارة "عليه العوض ومنه العوض" كنت تقصدين بها السيارة :))) ... اللهم عوض نوارة الإنتصار بما تمنت من السيارات و عجل برحيل و محاكمة كل أعداء الثورة المصرية من خفي منهم و من طهر

mido said...

الصراحه انا مش عارف اقول ايه
لو قلتلك بطلى تتظاهرى و تعتصمى يبقى بضيع حقى و حقك
و لو قلتلك تظاهرى و اعتصمى يبقى بظلم ناس كتير
انا نزلت يوج جمعه النصر يوم 18-2
و شفت زى ما ضابط الجيش قال
حفلات تحرش جماعيه
و بنات بيحصلهم حاجات مش كويسه
و اشكال غريبه من الغوغاء منتشره بغباء
لى صديقى كان نازل مع اخته و ربنا ستر عليهم
بس هو شاف اكتر من اللى انا شفته

موضوع المحاكمات لجمال مبارك مظنش انه هيتم
لان على ما اظن مبار كعمل صفقه مع الجيش بانه يخرج من السلطه سلميا هو و عيلته فى مقابل تسليم السلطه

amer said...

عن عبد الله خباب ابن الارت قال

شكونا الى رسول الله وهو متوسد بردة له فى ظل الكعبه فقلنا -
الا تستنصر لنا الا تدعو لنا ؟ فقال
قد كان من قبلكم يؤخذ الرجل فيحفر له فى الارض ثم يؤتى بالمنشار فيوضع على راسه
فيجعل نصفين ويمشط بامشاط الحديد مادون لحمه وعظمه مايصده ذالك عن دينه
والله ليتمن الله هذا الامر حتى يسير الراكب من صنعاء الى حضر موت لا يخاف الا الله
والذئب على غنمه ولكنكم تستعجلون)


النصر قريب باذن الله ومهما طال الليل لابد من طلوع الفجر

Unknown said...

اسف ..اعاده للتعليق السابق ..بس انا لسه حاسس بالذنب تجاه الجيش ..بدون تغيير في وجهة نظري ..اعاده
يا جماعه فيه حاجة مهمة.. انا راجع من لقاء مع احد اقادة الميدانيين للجيش - ضابط يعني بس مسئول قائد كتيبة في الشارع دلوقت - بشكل شخصيعن طريق معارف ..
قائد الكتيبة ده لما سمع الموضوع اللي حصل في الميدان نزل النهارده للتحرير واتكلم مع الناس الموجودين هناك ..واحب انقل لكم وجهة نظره ..
القائد بيؤكد انه منذ اليوم الاول لنزول الجيش صدرت له اوامر محددة وصارمة ..عمد التعرض للنس باي شكل - عدم اللجوء للعنف في التعامل تحت اي ظروف -توقع استفزازات والتعامل بهدوء معها في كل الاحوال ..
الذخيرة تحمل ولكن لا تذخر بها الاسلحة الا في الضرورة القصوي ولتأمين المنششأت ..وبعد الرجوع للقيادة العامة .. واكد ان الاوامر ايضا كانت بالتفاعل مع الجماهير والتحادث معهم وابلاغهم ما يفيد طمأنتهم ..
هذا منذ اول يوم لنزول الجيش .. كما يقول هو وعن الاوامر التي صدرت له شخصيا ..
الامر الاخر اوضح لي ان هناك تعديات كقيرة علي الجيش وعلي قادة كبار منهم قائد فرقة اصيب بعده جروح قطعية في يده ورجله من الجماهير الغاضبة اول يوم عند مدخل عبد طلعت حرب .. وهناك شهداء في صفوف القوات المسلحة لم يعلن عنهم لضبط الشارع وعدم استفزاز الجنود في الميدان ..
وحكي لي عن شهادات رواها له اصحابها شخصيا منهم قائد فرقة الصاعقة والذي قال انه كان يستطيع بيده عاريتين ان ياكل فرقة كاملة الا انه تحمل الضرب وتكسير عربته هو الجنود معه لعدم التصادم مع الناس .. ايضا الجيش يعمل في السر لاصطياد البلطجية وسحبهم من الشوارع ..والشرطة العسكرية والمخابرات تعتقلهم وتضعهم في معسكرات خاصة ولم ينفي تعذيبهم لمعرفة اسباب الانتشار ..
موضوع الامس ..اكد مما سمعه من القادة الميدانيين ان الامور خرجت عن السيطرة نتيجة نزول قوات الشرطة العسكرية والمخابرات وقوات المظلات .. وليس القيادات الميدانية المعتادة بالتحرير ..
وقوات الشرطة العسكرية كما يصفها القادة العسكريون ليست من القوات المقاتلة وبالتالي عقيدتها اقرب للشرطة العادية واسلوب تعاملهم كذلك وفيهم نفس النرجسية .. اما قوات المظلات والتي تعاملت مع المحتجين عند مجلس الوزراء فهم حيوانات كما يصفهم هولاء الضباط ولا يفهمون شيئا ..وتطبيق الاوامر بالنسبة لهم كالامن المركزي تماما ..بدون فهم ..
والمخابرات اولاد عمر سليمان ..
الامر الثاني وهو مهم جدا ..الضباط في الشارع تعبوا جدا جدا .. وبدأو يزهقوا ..الوضع انهم مرمين في الشارع ولا توجد نبطشيات ..يعني كل واحد منهم مرابط في موقعه طول الوقت ..والقائد الذي كنت معه رزقه الله بطفل اسمه يوسف من حوالي 10 ايام ولم يستطع رؤيته الا الامس.. ولم توفر لهم حمامات ولا اعاشة مناسبة ..ولا توجد لديهم اماكن للنوم وينامون داخل الدبابات والمدرعات وهو امر صعب جدا جدا .. وبالتالي فيهم من وصل لنهاية صبره ويريد انتهاء الامر او ان يرتاحوا قليلا ..
تعرضوا لسخافات الشعب المصري وقلة الادب من العديدين ونقلا عن ضابط كبير متواجد في شارع القصر العيني ..رفض بالامس ركن سيارات مجموعه من البنات العاملين في جاردن سيتي بجوار موقعه ..انه تعرض لصفاقة غير محتملة من البنات لدرجة ان احداهم قالت له ابقي اقسم البقشيش مع السايس وسيبنا نركن .. غير باقي السفالة ..
وبالتالي هؤلاء في وجهة نظره عير مدربين علي التعامل مع الناس العادية في الشارع ..الضابط معد نفسيا للحرب وفي الحرب هناك عدو وجنود تحت امرتك ..اما واحدة مش محترمة جاية تتمايص ..لا علم لهم بالتعامل مع هؤلاء ..او واحد بلط مصر يعدي من شارع ممنوع باي شكل ..
كل هذا يضع هولاء تحت ضغط عصبي كبير ويخافون من الاعتصامات لانها تجلب مزيد من المشاكل وتطيل فترة وجودهم الشارع ..
الامر الاخير ..اكد علي ان جميع القيادات الكبيرة اتصلت بالقيادات الميدانية بالموقع فور ورود انباء ضرب المحتجين وكان هناك هرج ومرج والجميع يتسألون من اعطي هذه الاوامر .. وان تصرف هؤلاء كان تعميم اوامر التعامل مع البلطجية علي المتظاهرين في الشارع
اسف اذا كنت اطلت عليكم ولكني رأيت توضيح وجهة النظر الاخري وهي وجهة نظر محترمة بالفعل ..ولكني متمسك بوجهة نظري في الموضوع الموجودة في البوست السابق ..

Unknown said...

ربنا يبارك فيكم و يحميكم
و متيأسيش و لا تزعلي ابدا
انتم اعتقتم رقاب 85 مليون انسان
كنا نسينا اننا ننتمي لهذه الفصيلة
ربنا يحميكم

Unknown said...

الاستاذ اللى ذكر من كلام جمال حمدان ؛(ان مشكلة مصر اتحاد الطغاةمن الداخل و الغزاة من الخارج)
و ده تفسير كل اللى بيحصل
اذا كان رئيس الموساد السابق يفتخر بان اسرائيل زرعت فى مراكز اتخاذالقرار ( دولة و مسؤلين صحافة رجال اعمال..الخ) عملاء فى مصر لا يمكن التخلص منهم و لو بعد 50 سنة
البعض ذهب لحد ان مبارك كان مجند من الموساد زى الملك حسن و الملك الحسن و ده كلام موثق و منشور فى كتب
الخلاصة اذا كان اهل الشر اجمعوا كلمتهم على عودة النظام بصورة او باخرى عمر سليمان شفيق ياراجل عمر موسى اى حد
لان فرعون لم يكن يستطيع ان يفسد وحده
فهناك جيوش من الفاسدين اتحدت على هدف واحد
لا يتصور ان يقضى على فساد جذوره من 60 سنة صحيح انه ترعرع و انتشر بشكل فاحش فى اخر 30 سنة لكن مبارك كان القمة ويمكن يمثل 10 % و باقى الفساد لسه كماهو ينتظر ان نقضى عليه
فلماذا لا يتحد اهل الحق على اهداف موحدة لماذا كل واحد له منبر
ده تشيت دى ثورة مصر و فرصتنا نغير مصر و التاريخ و حياة اولادنا لا يحيوا حياتنا
نرجوا توحيد الرؤية و الاهداف و النسيق بين كل الرموز الشريفة و نستعين بكل القوى و الكفاءات الوطنية لا اريد ان اسمى اسماء فقط امثلة( البسطويسى - سليم العوا - عبدالله الاشعل - فهمى هويدى - جورج اسحاق- حسن نافعة اى حد يملك رؤية يتفضل و يكون مجلس واحد بكلام واحد اولويات واحدةو بعد كده نكون مستعدين لمواجهة الدنيا و ليس المجلس العسكرى فقط بطلباتنا المشروعة
و ان كان ولا بد من العودة للتحرير يكون بتنسيق و اعداد بين كل الاطراف حتى لا يتكرر ما حدث
و النصر من عند الله فلازم نستعن بالله و نأخذ بالاسباب

OberonSky said...

الكومنتات هنا فيهم لينكات مهمين جداً .. وحدة بتاعت اسامة جابر "مبارك خدع الجميع وحمى نظامه وضحى برمزيته والجيش التف على الثوره للحفاظ على السلطه" ... و التانية بتاعت إبراهيم كامل و إللي كلامه هو نفس الكلام إللي بنسمعو .. كل المطالب إتحققت ... روحو بيوتكم ... الاقتصاد بيتبهدل ... إلخ .. و قاله يوم الجمل ... و الحرب الإعلامية هما بيكسبوها دلوقتي .. الجزيرة و القنوات التانية مشغولة بليبيا .. و التليفزيون المصري شغال تعتيم .. و النت عليها ناس عماله تهبط في الناس و تخوفهم .. و تقول كفاية و حرام ...



بالنسبه للجيش و موقفه ... ده مش مهم ... يعني لو الجيش معكم هتعملو إيه؟ هتنزلو طبعاً علشان المطالب تتحقق .. و لو الجيش مش معكم هتعملو إيه؟ برضه هتنزلو لتحقيق المطالب .. أنصاف الثورات متنفعش .. يبقى سيبكم من الجيش و هو بيفكر ازاي و هيعمل إيه ... الشعب والشباب بدأو حاجة و لازم يكملوها ...



زي ما ناس نصحت هنا أنتم محتاجين:



واحد ... توحيد صفوف و تنسيق فالإتصالات مابين المجموعات مع بعض و مع الأحزاب و الاخوان و غيره

اتنين ... هاتو اتنين الكل واثقين فيهم ... الاتنين إلي ممكن كانو يبقو من المجلس الرئاسي يعني مثلاً البرادعي و بسطويسي ...أو أي حد يعرف يتعامل مع الناس إعلامياً و كدة .. و خلوهم هما إلي يتكلمو عنكم .. و دول يروحوا البرامج و يعملوا مقابلات و نقاش

ثلاثة .. الشباب في وسط الأسبوع يروح التحرير و كل الميادين و يفضل هناك من غير ما يعطل البلد .. ده حجة بس هما عارفين يستخدموها و يقلبوا عليكم الرأي العام ...الخميس و الجمعة ممكن الأعداد تكبر و عصيان زي جمعة الزحف و الخميس إلي قبلها قضاه و صحفيين و دكاترة و الأحزاب و الإخوان و غيره لازم يرجعو الميدان ...


أنا شايف إن شفيق لو فعلاً إتشال هيضعف موقفهم .. أي رئيس وزارة كويس هيقدر إنه يعمل تغييرات أحسن و أسرع .. يا ريت بس ميكونوش هما ماسكين فيه زي ما حصل مع مبارك .. ماسكين فيه علشان يتعبونا و يمتصو طاقتنا و بعدين يسيبوه يمشي و نفتكر انها مكسب و هو ماكانش فارق عندهم ...

Ahmad said...

لن يستطيع الجيش حماية الثورة إن تقاعست الثورة عن حمايه نفسها وحشد صفوفها ,, الضغوط والمحاولات المستميته داخليا من فلول النظام (سياسيين وأمنيين و رجال أعمال) وخارجيا من أمريكا يسعون لإماتة الثورة تدريجيا و بث الفرقة بين أفراد الشباب والشعب والجيش ,,,, حذرت من ذلك من قبل والمؤشرات على ذلك واضحة وجلية ,,,,,, يجب الحذر وحشد الهمم
الثورات لاتنتظر مفاوضات وإملاءات ,, الثورة تنتزع أهدافها إنتزاعا وتملي أوامرها, الثورات الناجحة يتزايد زخمها إلى أن تحقق هدفها لا تنتظر أحدا ولا تتفاوض مع أحد وإن تقاعست ولو للحظة فستموت ويموت شعبها إلى الأبد ,,
الآن اصبح واضح جدا من هو صاحب الأجندات الخارجية , من بدأ يحاول تثبيط عزيمة الثورة
بدأت مهزلة شراء ذمم الشباب و الضغوط الخارجية هي تأمين التحالف الإستراتيجي لأمريكا وإسرائيل من قيادات مصر ,, يجب الحذر من وأد الثورة تدريجي
الحذر ثم الحذر
إن مؤشرات وأد الثورة أصبحت جليه واضحه
للأسف بعض شباب الثورة باعو ذممهم وبدأو يحاولو تثبيط الثورة ,, الضغوط من فلول النظام السابق (سياسيين و أمنيين و رجال أعمال)والمنتفعين منه وأيضا الضغوط الخارجية تحاول تثبيت أقدام أشخاص معيينين لأنهم موالين ويمكن السيطره عليهم وللأسف قيادات القوات المسلحة العليا لايستطيعو مساندة الثورة ,, هناك إتفاقيات سرية وضغوط كبيرة

الحذر ثم الحذر
الثورة ستموت خلال أيام إن لم تنتفض وتعيد عنفوانها

Unknown said...

http://www.nadyelfikr.com/showthread.php?tid=41876&page=1

ممكن تقري ده كله و لغاية الاخر عشان انا ممكن انتحر الله يخرب بيت كده

FATMA said...

وبعدين يا نوارة
ازاي حنحافظ علي الثورة انها ما تتسرقش
الواحد ما بقيش مطمن للجيش

zara shaishaa said...

That is what they count on, like they did before, people would run out of steam and go back to look for lokmet el eish. Read what Naom Chomesky has to say:إن التكتيك المتبع في هذه الأيام يهدف إلى أن يتعب الشعب والمتظاهرون والمحتجون حتى يرجعوا إلى بيوتهم. إن غالبية المتظاهرين في مصر اليوم هم من الفقراء. وهم بالتالي بحاجة ماسة إلى ما يسدون به رمقهم. هم ينتظرون الآن حتى يسكن غضبهم ويهدؤوا. وهم يراهنون على أن الجوع ومتطلبات الحياة، ستضطرهم عاجلا أم آجلا إلى العودة إلى العادية المفزعة التي كانوا يعيشونها من قبل والاستسلام من جديد. ولكن لغاية الآن ليس من الواضح إن كانت أجهزة السلطة ستتمكن من السيطرة على الشعب. إن الاستراتيجية التي تتبعها أجهزة السلطة الآن تتمثل في محاولة الجيش المصري كسب تأييد الشعب المصري لإعادة فرض النظام.
* ما هي توقعاتك الشخصية؟
* أن يحقق المتظاهرون أهدافهم. فالانتخابات المزيفة ومجلس الشعب المزيف هما السبب الرئيسي في اشعال الاحتجاجات. ينبغي على المصريين ان يدعوا لانتخابات نزيهة ونظيفة. فهذه الانتخابات هي التي ستمكن المجتمع المصري من السير في طريق الرخاء للجميع. ولكن هذا طريق طويل. Was in Saturday 26, @
http://www.alquds.co.uk/index.asp?fname=today\25qpt899.htm&arc=data\2011\02\02-25\25qpt899.htm

TheSane said...

بصي يانوارة
انتي لخصتي المشكلة كلها في الجملة بتاعة ان العساكر والضباط الجيش اللي في الشارع مبيناموش
وهي دي المشكلة فعلا
اثار المماطلة في المطالب هتظهر اول متظهر علي الجيش لانه هو اكتر واحد تعبان دلوقتي وانا بكلم علي الرتب الصغيرة والعساكر
الناس اللي في الميدان يعني
وده بسبب انه الجيش مش متعود علي الظروف دي ولا بالحجم ده ولا بالفترة دي
خلي بالك من حاجة مهمة ان المجلس الاعلي قال ان مداش اوامر بكده
وده معناه ان اللي حصل ياما بسبب الزهق والتعب ياما زي مقلتي انه ادي ودنه للشرطة وامن الدولة وده ليه تأثير برضه

اللي خايف منه يانوارة ان المجلس الاعلي يكون قاصد انه يماطل عشان يستعمل مبدأ فرق تسد
ربنا يستر ان شاء الله

Anonymous said...

الله
الوطن
الثورة

بالامر

اهداء الى العبيد

محمد طنطاوى said...

يعنى هو صعب على إن اصدق إن الجيش قيادات الجيش معطتش أمر للجيش بالتعامل مع المتظاهري ومش عايزك تتهمينى بالنفاق تانى ، دى حقيقة أنا متأكد منها مش ممكن أصدق أبدا إن اللى فى التحرير واللى فى المجلس مكنش واخد أوامر من قيادته ، القياده هنا تبيح الكذب لاسترداد ثقة الشعب بيها مرة أخرى واللعب على هذه الثقة ، وإلا لا يكفينى من الجيش الاعتذار وإنما يكفينى لو رفع الجيش راية المحاسبة لأعمال رالبلطجة التى قام بها بعض أفراد الجيش فى التحرير والمجلس

أقول ما قولشى said...

يا جماعة انا عايزة انزل معاكو بس بصراحة عايزة انسق معاكوا عشان الحاجات اللى بتحصل دى برده الناس تبقى تلاقى بعضها

Unknown said...

الجيش يحتاج للتطهير
سيدتى صدقينى ده ليس جيشنا كم أسة من الشعب المصرى البسيط أستطاعت الحاق أبنها بالكليات العسكرية هناك كاتب أسرائيلى كتب فى أول عهد مبارك المتخلى!أن مصر يحكمها مائة عائلة وحصر الرجل العائلات حصر دقيقا معتمدا على بقايا الجالية المصرية اليهودية التى بقت على قيد الحياة وكان مصدره الرئيسى لايصدق جرية الاهرام صفحة الوافيات
الجيش ضباطا ولاد عم الشرطة ضباطا ولاد عم النيابة وكلاء ومستشارين
وأحنا مين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أحنا الشعب
الثورة التى تبقى على الاوضاع لا تكون ثورة هى تظاهرة مليونية أجابوا بعض طلباتها

Unknown said...

عزيزتي نوارة
استعديت وكتبت عن حلم مصر النهاردة وعن حلم مصر بكرة
كتبت وانا متصورة اني ممكن اضيف حاجة
لكن الحقيقة لما قريت التعليقات
لقيت نفسي قدام جيل اتولد كبير
جيل عارف خطوته واكثر ما عجبني انني امام جيل مؤمن بالله دون تعصب لمذهب او لدين
جيل مسلح بالعلم والصبر والتواضع والعقل
واتساءل هل ان الاوان لامحو من مفكرتي ، ما كتبته في غربتي
غريب انا بين خلاني
غريب انا في اوطاني
حتى مع الحبيب غريب
اطوف الدنيا واعود
بقلبي وعفلي اعود
لاجد الغربة من جديد
فور ان اعبر الحدود
لتطوق افكاري كافة القيود

Unknown said...

بحبك يا نوارة انت مثال للبنت المصرية ربنا يقويك ويثبتك على الحق ومعلش علقة تفوت ولاحد يموت وان اشال الله ربنا مش هيخيب ظننا ويعوض شبابنا المرابطين خيرا ويقر اعين امهات الشهداء يا رب. على فكرة رحت التحرير كتير وكان نفسى اشوفك لكن ان شاء الله ربنا يوفقنى والتقى بك .الى لقاء

فافى said...

(اليوم ده أولا الرقابة ما كانتش كبيرة على اللي داخلين، ما كانوش بيشوفوا البطاقات، مكشرين في وشنا، ومتحفزين لنا، وشكلهم زي ما يكون حد شاحنهم عليناالغريبة بقى ان كمان بعض من عساكر الجيش وبعض من الظباط غير انهم مكشرين في وشنا قعدوا يقولوا لنا: احنا زهقنا بقى، احنا مش بننام
معقوله ؟كل ده ومافهمتيش ان الجيش زهق انا مش فاهمه ليه انتى مش حاطه الاحتمال ده دول بنى ادمين وليهم طاقه على فكره انا اخويا ضابط جيش وبكون عارفه ايه اللى بيحصل وراء الكواليس الجيش صبره نفذ وان كان حبيبك عسل ماتلحسوش كله واظن الضابط رد عليكى واكد لك كلامى ده من قبل ماشوف رده اقسم بالله وانا عارفه الحقيقه دى كل اللى فى دماغ الثوار عن ان الجيش مشحون ضدكم وامن الدوله قال وامن الدوله عمل كل دى اوهام وحكاية ان فى ضباط جيش بيتعاملوا بطريقه وضباط تانيين بيتعاملوا بطريقه تانيه دى سببها ان اكيد فى فروق فرديه بين الاشخاص ولا انتى تقصدى ان اللى بيعاملوكى وحش دول امن دوله متخفى فى لبس الجيش؟وكده تبقى بتشككى فى نزاهة الجيش لان اكيد ده بعلمه كمان عايزه اضيفلك حاجه انا اعرف ضباط جيش كتير غير اخويا وهما واخويا حلفوا واكدوا ان كان فى ناس فى الجيش عايزه تضربكوا قبل خطاب التنحى وان مبارك هو اللى اصدر اوامره بعدم الضرب انا مش معاه انا ضده ومع الثوره لكن لازم اقول اللى سمعته احقاقا للحق وعلى فكره انا متاكده انك هاتقولى دى قابضه من النظام او دى بلطجيه من الحزب الوطنى قولى اللى تقوليه الله على ماقول شهيد الرجل ده بلاويه كتير مش ناقص كمان ظلم ولازم تعرفوا كويس ان الجيش ماتقلبشى عليه دا كان انقلاب متفق عليه بينه وبين الجيش وفى مصادر من الجيش اكدت ان الريس كان حاضر الاجتماع بتاع القوات المسلحه لكن اصدر اوامر ان الكاميرا ماتجيش عليه بس واكيد هاكتب الكلام ده فى مدونتى وبكره التاريخ يثبت صحته من عدمها واللى اثبت ان فرويد مش مؤيد للقضيه الصهيونيه بعد السنين دى قادر يثبت مدى صحة الكلام ده من عدمه

اربح من المنزل said...

انا اول مرة اتعرف عليكى فيها فى برنامج على الاون تى فى مع يسرى المذيع الجميل اوى
واعجبت بيكى ولما قرات لك دعوت الله ان يحميكى وينور لكى دربك