بكرة ماتش الفاينال ان شاء الله.... قولوا يارب.. مالناش غيره

تحديث:
اللي عارف يدخل على الفيس بوك او التويتر والنبي ياخد البوست ده عند الناس بتاج 
#jan25
وحيث انه ماتش الفاينال، فانا مش عايزة حركات المنتخب

يعني ايه مش عايزة حركات المنتخب، يعني مش عايزة الثقة بالنفس الزايدة اللي بتخسرنا الماتشات، احد اسباب نجاح ماتش الثلاثاء ان كل واحد كان نازل وهو فاكر ان غيره مش نازل، لدرجة ان اللي اتفقوا مع بعض كانوا مخونين بعض

ودي اشارة كويسة، اشارة ان الشعب المصري مش تبع الرايجة ولا حاجة زي ما بيقولوا علينا، واشارة ان كل اللي نزلوا نازلين وهم عندهم تصور ان اليوم حيفشل بس "انا نازل اعمل اللي عليا".. بالظبط كده

ماحدش يقول: ما كل الناس نازلة... لان كل الناس نازلة دي حتؤدي الى "هي جات عليا"؟ 

اه.. جات عليك.. كل واحد نازل يعمل الواجب اللي عليه ومالوش دعوة غيره نازل ولا مش نازل

بصوا بقى.. هالله هالله عالجد والجد هالله هالله عليه

ما عادش ينفع دلوقت اي تراجع، مش شعارات، لا.. دي مصالح، النظام المصري مزنوق زنقة الكلاب، وعلى رأي العيال اللي كانوا بيهتفوا النهاردة وامبارح: ساكت ساكت ساكت ليه؟ انت مت ولا ايه؟ 

ساكت لانه مش عارف يقول ايه؟ هو طول عمره ماشي معانا بالمبدأ الشهير اللي قاله في التسعينيات على الملأ: "هو كل ما الشعب يعوز حاجة نعملها له؟" كأننا في الجيش

ولو طلع دلوقت قال لنا هو كل ما الشعب يعوز حاجة نعملها له حيسخن الناس اكتر.. كمان دي انتفاضة الجمال فعلا، خلاص

يعني مثلا انت لما تقعد خمس سنين تهمل مراتك، تقولك عايزة اغير الانتريته، تطنشها، عايزة اخرج واتفسح زي الستات، تطنشها، قول لي بحبك، تطنشها، وهي ساكتة ساكتة ساكتة، وتيجي بعد خمس سنين تقولك طلقني خلاص... ما ينفعش بقى ساعتها تقول لها: انت قولتي لي عايزة الانتريه لونه ايه؟ طب ايه رأيك في حديقة الازهر؟ اغنيلك اغنية احب احبك واعيش لحبك؟

خلاص يا عم... خلاص.. الكلام ده كان من خمس سنين، دلوقت الست بتقولك طلقها... طلقها... 

مبارك حيعمل ايه؟

لا الراجل في زنقة ربنا يوريها لكل حاكم عربي ويختمها لهم جميعا بأغنية "أنا فهمتكم.. أي نعم.. فهمتكم"

الحاجة الوحيدة اللي في ايده يعملها دلوقت انه يحاول يقسم صف الشعب.. ودي حتبقى محاولة يائسة، هو لعبها قبل كده كتير ونفعت معاه، بس دلوقت التوقيت كيك اخر حاجة، يعني اخر حاجة حيحاول يعملها انه يدي امتيازات فئوية لبعض فئات الشعب، اغلب الظن حتبقى العمال، وممكن المسيحيين (اللي فضل ينحر فيهم ودمهم ساح اكتر ما ساح في الحروب مع اسرائيل)، او النخب السياسية، الاحزاب بقى ولا الحركات، عشان يقسم الصف ويبقى فيه ناس تانية تطلع لنا فجأتن وتقول: يا جماعة نحاول نستمع لصوت العقل، احنا مهما كان مش عايزين فوضى، ثم ايه البديل؟ السؤال الوسخ ده اللي قعدنا في العبودية عشرات السنين
احنا مش عايزين بديل، هو مش انتي بايوتك، احنا عايزين نظام، نظام ديمقراطي، شريف ونزيه، واستقلال، لو جبت قرد وقعدته على كرسي الرئاسة في بلد قانون ودستور محترم ومؤسسات مستقلة حيعرف يدير البلاد احسن من "بديل الزعامة" مش عايزين زعامة احنا

دي اخر حاجة في ايده يعملها

احنا حنعمل ايه؟

ولما باقول احنا، باقول الشعب المصري، كنت زمان باخاف اقول احنا الشعب المصري على اساس اني مش واخدة توكيل منه وما اعرفش بالظبط هو عايز ايه، بس دلوقت اقدر بالفم المليان اقول احنا الشعب المصري، ايوة، احنا احنا احنا

احنا اللي ماشيين في شارع الهرم دلوقت وهم بيقولوا: الشعب يريد اسقاط النظام

احنا.. احنا اللي كل راجل في الخمسين الف يجري على اي بنت بتنضرب ويحجز عليها من غير ما يلمسها وينزل الضرب على ضهره

احنا.. احنا.. احنا... اللي مسكنا اكياس عشان نلم فيها الزبالة اللي واقعة على الارض

احنا الشعب المصري مش حنتفرق، ومش حينفع نتفرق، والاصوات اللي حتطلع تنصحنا باننا نستمع لصوت العقل حتنضرب بالجزم القديمة

ليه بقى؟ 

1- لأننا فعلا طلعنا شعب محترم وقطع لسان اللي يقول علينا اي حاجة تانية

2- لأن لو حصل وحد دماغه زقزقت.. احنا كده بنتتحر، بنتتحر ليه، لأننا صعدنا الخناقة بينا وبين النظام، وهو صعد وقتل لنا 12 شهيد، اي تراجع حنتشنير.. احنا والنظام وصل بينا الامر ان بقينا يا احنا يا هم

لو مش احنا.. يبقى هم، ولو بقوا هم، النظام ده حينتقم مننا انتقام الجبابرة على اللي عملناه فيه التلات ايام اللي فاتوا.. خلاص، ما عدش فيها كسوف ياما اعملي معروف، لو نجح النظام، لا قدر الله، في انه يشق الصف المصري، ويستقطب بعض الفئات من خلال امتيازات معينة كل الشعب، بما فيه الفئات المعينة، حنتعلق في الحيط ونتثبت بالشنيور

من غير الدخول في خلافات كتيرة سياسية، خلينا نفتكر ان 18 و19 يناير اللي كانت انتفاضة جياع فعلا، وما كانش فيها اي عداء لشخص السادات نفسه، السادات احتواها وبعدين راح هوب كلوب ضارب كل المصريين على دماغهم في ضربة انتقامية

انتوا بتتعاملوا مع ظباط جيش... مش مع شيوخ تصوف، لو رجعنا في كلامنا او نزلنا سقف طلباتنا او اتقسمنا النظام حياخدنا على حجره وبعدين يعجنا عجن عشان يضمن اللي بدر منا في الايام اللي فاتت عمره ما يطلع ابدا 

(انا عايزة افهم مين كل الناس اللي بتتصل بيا دي وانا باكتب البوست؟ انا حاقفل التليفون) 

الى جانب ان فيه عنصر شخصي، مبارك زعلان، فيه ما يزيد عن ميتين الف مواطن مصري في مختلف المحافظات قالوا له: ارحل بقى يا عم، خلي عندك دم... ومبارك اصلا ما بيحبناش، قبل كده قال علينا همنا على بطننا ودماغنا فاضية، وابواقه قالت علينا ما عندناش كرامة، من ضمنهم عبد المنعم سعيد... يعني هو اصلا قرفان منا، وابنه قرفان منا، واحنا بلغناه بشكل واضح ان القرف متبادل

لو رجعنا خطوة حينتقم منا ويدعك مناخيرنا في الرصيف

فاكرين احداث المحلة والعلاوة؟ المحلة وقعوا صورته، راح طالع وادانا علاوة، وتاني يوم العلاوة رفع سعر البنزين، ودي كانت حاجة محدودة، ما بالك اتفاجئ ان الشعب المصري عنده الجرأة انه يبجح فيه ويقول له امشي؟

الخلاصة: عدم تراجعنا مش شجاعة مننا.. عدم تراجعنا خوف على مصلحتنا.. احنا حنتدهك.. رسمي نظمي فهمي، بما فينا الفئات اللي سيتم استقطابها

الامن حيعمل ايه؟

والله الامن راخر خلاص، مافيش في ايده حاجة يعملها، الامن مش نايم بقاله تلات ايام

حاجة من الاتنين، يا اما يتعاطف معانا، ويبقى صاحبي وحبيبي وكفاءة

يا اما يتغابى علينا.. يا ريت.. عشان اعصرك تنزل قوانين طوارئ صغيرة 

لو الامن تعاطف معانا يبقى بينجد نفسه من انه يتحط تحت محاسبة ويا ريت يتعلم من درس الامن التونسي اللي حايح دلوقت وعمال يقول انا كان مضغوط عليا

لو اتغابى على الناس، يبقى بيخلص الليلة لصالحنا بقى، ومش حنضطر نقعد نستنى انا فهمتكم.. حتخلص واحنا واقفين

احتمال انه يسلط بلجية ده حاصل بالفعل، بس البلطجية دول ولا يسووا تلاتة نكلة، يتحلق عليهم وياكلوا ضرب لما يبان لهم صاحب بقى
المسلمين حيعملوا ايه؟
حتاخد تلاتة اربعة صحابك وتروح اقرب جامع لبيتكوا (مش اقل من تلاتة وحاقولك ليه)، احنا المرة دي مش عايزين نحدد مساجد، احنا عايزين نتوزع في مصر كلها وعلى كل الجوامع لان ده حيرهق الامن، بدل ما الامن يحاصر جوامع بعينها، تبقى جوامع مصر كلها فيه على الاقل تلاتة اربعة غاضبين، اول ما الصلاة تخلص حتطلع وتهتف بعزم ما فيك: الشعب يريد اسقاط النظام، زمايلك حيقولوا وراك، التلاتة اللي حيقولوا وراك، حيشجعوا اتنين تانين، اللي حيشعجوا بدورهم خمسة تانيين.. مش اول ما تهتف وما يقولش وراك غير صحابك تسكت، تهتف تاني، وتالت، ورابع، وعاشر، لحد ما تلاقي اكبر عدد بيهتف وراك وتمشوا مع اللي هتفوا معاكوا وتتجمعوا في اقرب ميدان
ولازم لازم لازم، تتفق مع واحد على الاقل، صاحبك مسيحي يستناك برة الجامع قال يعني بيشرب سيجارة جنب الكشك، مش حتروح من غير واحد مسيحي
المسيحيين حيعملوا ايه؟
مش انا يا منسي حاسبت على ازازة الزيت اللي الحاجة كانت شارياها؟ 
مش احنا جينا وحاوطنا الكنايس؟ انتوا كمان حتعملوا نفس الحكاية، حتقف عند الجامع تحمي المسلمين بدل ما يعايروك بقى ويقولوا لك العدوان الثلاثي سنة ستة وخمسين يا زواوي كان بسبب اني تضامنت معاك في عيد الميلاد
صاحبك حيطلع مع التلاتة اربعة صحابه (ياريت لو صحابك كتير تبقى فل ويبقوا اكتر من اربعة) واول ما يهتفوا تندس وسط المصلين وتروح قايل معاه
بالنوسبة للبراشوتات والمزايدين على البراشوتات
اي حد عايز ييجي يبرشت على الانتفاضة الشعبية اهلا وسهلا ومرحبا ييجي يشرفنا ويآنسنا وينورنا ضيف علينا
اسمعوني بقى، احنا مش لازم نلفظ البطانة، ومش لازم كمان نسمح لهم انهم يركبوا علينا، يعني زي ما التوانسة عملوا بالظبط، البراشوتات السياسية هبطت عليهم، ماحدش قالهم اطلعوا برة، بس قالوا لهم قشطة.. تعالوا ورايا
بالظبط كده، البراشوتات السياسية اهلا وسهلا، وييجوا ورا الناس، مش قدامهم، ماحدش فيهم قيادة، وماحدش فيهم زعيم، وما حدش فيهم مطرود كمان، متضامنين ومنضمين واهلا وسهلا ويمشوا ورا الناس والناس هي اللي تسوقهم وتحدد لهم مسارهم، لان اساسا البراشوتات السياسية دي لو اخدت قياد الامور حتسلمنا مع اول مساومة مع النظام، لازم يتزنقوا كده واي رخاوة في نبرتهم تقابل بالتلطيش على وشهم، ويتقال لهم انتوا مالكوا؟ انت جاي تعزي ولا جاي تهرج؟ جاي تتضامن مع الناس وتسمع كلام الناس اهلا وسهلا، جاي تعمل على قفانا زعيم على الست الوالدة بقى
بالنسبة للمزايدين على البراشوتات: مالكوش دعوة.. يوقع محفظته مطرح ماهو عايز، مش عايزة انا واحد يطلع يصوت لي في قناة تبع رجل اعمال ويقول لي "كانوا فين الاخوان؟ كان فين البرادعي؟ دلوقت افتكرتوا الناس؟" مالكش دعوة، على قلبنا عسل.. يوقع محفظته مطرح ماهو عايز، الناس هي اللي حتسوقهم وهي اللي تحدد لهم مسارهم، وهم مش قيادات، هم تابعين للشعب، وخليك في نفسك يا كابتن، احنا عايزينهم، عشان يا امور احنا مش حنسيب خناقتنا مع النظام ومطلبنا العادل ونتخانق مع الاخوان والبرادعي، الناس جاية تضامن معانا، وجاية تسمعنا وتمشي ورانا... كتر خيرهم، خليك بقى انت في نفسك 
عندي امل يا رب يتحقق:
قبل ما ننزل من البيت، الساعة عشرة الصبح، كل الناس تطلع من الشباك وتقول بعزم صوتها: الشعب يريد اسقاط النظام
لو سايق عربية تعملها نغمة كلاكس عايزة كل عربيات مصر تضرب الكلاكس ده
اخيرا:
قولوا يا رب.. قولوا يا رب.. قولوا يا رب

الى العباسية يا شباب

الشباب الآن يتوجه ليشكل مجموعات في كل من العباسية الخليفة المأمون باب الشعرية

المجموعات تلحق ببعضها في اتجاه باب الشعرية

سوف ننطلق من الساعة واحدة عشان يبقى عندنا وقت نجمع ولو اتجمعنا قبل كده بعدد كويس ننطلق واللي ييجي يحصلنا

يالا.. الحاضر يعلم الغايب

للاتصال بالسويس على الهواتف الارضية

من خارج مصر

002

ثم

062

ثم

33 او 35 او 36

ثم

3

ثم

اربعة ارقام

من داخل مصر، زي كل اللي فات بس شيل 002

تحية لشهداء المدينة الباسلة

تحديث:

للتضامن والاطمئنان على اهالي السويس رجاء الاتصال بارقام عشوائية

كود السويس

062

وبعدين تحطوا سبع ارقام

صاحب الفكرة هو محمد محرز من الفيس بوك
كلموهم طمنوهم وشجعوهم وفهموهم ان كلنا معاهم
السويس قدمت شهداء كتير وهي بتحمينا من الصهاينة

واهي بتقدم شهداء لنا شهداء وهي بتحررنا من الصهاينة كلاكيت تاني مرة
اموت يا صاحبي وقوم خد مكاني
دي بلدنا حالفة ما تعيش غير حرة
قفلت بيتي وسكيت ودكاني
يا شطي وبحري وشبكي وسفينتي
يا بيوت السويس
الشهداء وصلوا تسعة

عاجل للشباب: سيبوا وسط البلد وروحوا اماكن تانية تتقرر في اخر لحظة

تحديث هااااااااااااااااااام:
مش حانخلي حد يجهض انتفاضتنا ويقول لنا احنا مستنيين يوم الجمعة، النهاردة كان فيه انتفاضة، وبكرة حنكمل، هو يوم الخميس ده وقع من النتيجة، بس حنغير الاماكن ونبعد عن وسط البلد
-------------
وسط البلد تحول الى ثكنة عسكرية

وابتدوا يضربوا رصاص حي على الناس في السويس

الشباب في وسط البلد فورا انتقلوا لاي مكان اخر ما اتراحش قبل كده، وليكن مصر الجديدة، العباسية، فيصل، الهرم، الزمالك، المعادي، ستة اكتوبر، الخ الخ الخ

اللي يعرف نمرة حد من الشباب يبعت له رسالة فورا بالكلام ده، فورا ينتقلوا من مكانهم لمكان تاني خالص ينفع تطلعوا بسرعة على المنيل، او الزهراء او المعادي، من ناحية، وينفع تطلعوا من الناحية التانية على العباسية ومصر الجديدة

بس اتفقوا وبسرعة

واطلعوا جري على اي من المناطق دي، خليهم بقى يشيلوا هيصتهم ومدرعاتهم ويطلعوا يبرطعوا وراكم

رجاء ايصال الرسائل للشباب فورا

وياريت اللي موجودين في الاماكن دي ينزلوا حالا، الاماكن دي المذكورة اعلاه مافيهاش امن لانهم حاطين كل الامن في وسط البلد 

يا شبااااااااااااااااااااب

فورا سيبوا وسط البلد 

عاجل: مخبر على باب عمارتنا

ومخبر اهبل كمان، لابس ستويتر ابيض وقصير وقلة كده وواقف مستنيني لما نزلت من العربية وراح ماشي جنبي وعامل نفسه بيتكلم في التليفون وبيسمعني باقول ايه في التليفون دخلت ورحت خارجة له عشان اشوفه لقيته اختفى

قلت للبواب لما يبقى يكلمك ناديني

انا باديكم خبر عشان لو اتقبض عليا تبقوا عارفين 

وقلت اسيح لهم برضه واعرفهم ان مخبريهم اغبيا

نصائح هامة فيما يخص المظاهرات

رساله من اخ تونسى

السلام عليكم إخواننا في مصر

...لنجاح ثورتكم عليكم بما يلي

1..المظاهرات تكون ليلا ..وهذه لها عدة فؤائد

............أ:تقللون من فرص القبض عليكم ومن فرص معرفة هوياتكم

...ب:تستطيعون النجاة من عمليات التصوير

ج:ترهقون قوات مكافحة الشغب فانتم تثورن ليلا وتنامون نهارا وهم فحالة

طواري قصوي فليلا شغب والنهار لا يستطيعون النوم فيكونون ضعفاء

د:تمنعون علميات الخطف وزورا الفجر

.2..اياكم وعمليات الانتحار فاذا كان مصيرك الموت فليكن برصاص طاغية

.3..استغلوا الاعلام لتبليغ صوتكم فالضغظ الخارجي رهيب جدا

4...هاااااااااااام بالله عليكم الهمة في النشر , من تونس الشقيق :إلى كل إخواننا الثوار في مصر استخدموا الاسبراي الأسود أو البويا لتغطية زجاج السيارات المصفحة لتشلوا حركتها

5....لمنع الصواعق الكهربائيه البسو اكياس بلاستك في ارجلكم مربوطه بلزق سوليتب مااااااااااااانع للكهرباء وتم التجربه

6...لسان ثوار تونس "ملاحظة هامة: غسل الوجه بالكوكا كولا يزيل فورا مفعول القنابل المسيلة للدموع .. جرّبنا هذا في تونس حتى باتت قنابلهم بلا جدوى .. الله معكم يا مصرين"

7....كيفية شل فاعلية المدرعات و عربات الأمن

...حشر قطعة قماش مبللة فى فتحة الشكمان لمنع العادم من الخروج

......و لو لفيت قطعة خشب بالقماشة المبللة كان أفضل و يمكن استعمال حتى كم قميص

...

سيؤدى ذلك لتوقف المحرك عن العمل فى مدة لا تتجاوز 7 ثوانى

و بالتالى تتوقف العربة عن الحركة و يتوقف مدفع المياه و تصبح المدرعة خردة

مع ملاحظة أنه فى حالة نزعها ستعود العربة للعمل

الفكرة تم استخدامها ضد دبابات اليهود فى حرب73 و حققت نجاحاً باهرأً

أرجو النشر

ملاحظة هامة: غسل الوجه بالكوكا كولا يزيل فورا مفعول القنابل المسيلة للدموع .. جرّبنا

هذا في تونس حتى باتت قنابلهم بلا جدوى .. الله معكم يا مصري

عاجل: التوجه فورا الى نقابة المحامين

تحديث

وائل ممدوح مقبوض عليه مع 300 في معسكر الأمن المركزي بالسلام وهم مضربين عن الطعام الآن

---------

تحديث الساعة 4:22 عصرا:
الصحفيين اتكردنوا في النقابة والمحامين اتكردنوا في وسط شارع رمسيس
رجاء التوجه لهم باعداد كبيرة
--------
تحديث:
المحامون والصحفيون خرجوا لشارع عبد الخالق ثروت رجاء التوجه لهم فورا
-------
مطلوب الآن فورا التوجه لنقابة المحامين للانطلاق منها، لن يتم التمكن من الانطلاق الا اذا كانت الاعداد معقولة

-----------

احنا لازم نكمل والا اللي حصل امبارح مش حيكسبنا، بل حيخسرنا، وحيخسرنا كتير

عارفين حيخسرنا ليه؟ عارف لما واحد يهدد تهديد فظيع مرعب وبعد كده ينزل على مافيش؟ عارف لما يهبط ويتبط بعدها عارف الناس بتبص له ازاي؟ بتستخف بيه، وبتفتكره كان بيهزر، او انه خفيف، او ان اللي بيقوله هو مش قده

احنا مش قده؟ احنا اقل جدعنة من تونس؟ 

هيلاري كلينتون بتقول احنا متأكدين ان النظام المصري مستقر، بس تخف ايدها شوية... 

امبارح كان فيه شهدا، ودم الشهدا غالي

لو النهاردة ما حصلش حاجة بنفس العدد بتاع امبارح ماحدش في العالم حيحترمنا، والنظام المصري حيستخف بينا اكتر واكتر، وماحدش حيعرف يكلمه بعد كده، والكلام اللي قاله مبارك علينا للصحفية الكويتية ليلى الاحمد: ده شعب دماغه فاضي وهمه على بطنه، حيتأكد

-----------

الجزيرة طلبوني اتكلم في ما وراء الخبر الساعة تمانية ونص، قولوا لي عايزين تقولوا للعالم ايه، انا مش رايحة افتي، ولا اعمل قعر مجلس والا ما كنتش رحت

انا رايحة اوصل صوتكم انتم، يا احسن شعب، يا اجدع رجال، يا اشرف ناس، للعالم

غدا يوم حداد على الشهداء

تحديث:

الموقع ده بيشغل التويتر

رجاء النشر

اصبري شوية يا لبنان احنا جايين ان شاء الله، ما تعمليش اي تهور

خلاص..

ابتدينا، ومصر نورت

الله اكبر بسم الله... قول يارب النصرة تكبر

بكرة يوم حداد على الشهداء واحنا مستمرين ان شاء الله

وزي ما قال الناس: الشعب يريد اسقاط النظام

25

ياااااا رب

يا حضرة الظابط... لا داعي للقلق

ايه بيانات الداخلية دي؟ مالكم متوترين ليه؟ 

احنا نازلين نعمل

family reunion

اجتماع عائلي كبير بين المصريين.... على رأي وائل خليل: مش بكرة عيد الشرطة؟ يعني الحق علينا اللي بنحتفل معاكم ونازلين نعمل لكم مهرجانات زي فورث اوف جولاي في امريكا؟

احنا الدنيا شغلتنا، والاعلام اكل دماغنا، وما بقيناش بنتكلم مع بعض زي زمان، نازلين نتكلم مع بعض، ونشجع مصر، ونحس بحنان القرابة.. ايه بقى؟ مالكم قلقانين ليه؟ لا في ايدنا سيف ولا تحت منا فرس

ايه الخوف ده كله؟ ده احنا حتى عندنا سوء تغذية، وفايراس سي، وانيميا، وواكلين اكل مسرطن، وشاربين مية ملوثة ومافيناش زقة، انتوا خايفين اننا نتكلم مع بعض؟ مش حننم عليكم ما تخافوش، ولا ننم، ايه يعني؟ بنرغي مع بعض، بناخد وندي في الكلام، ما انتوا عارفين المصريين عشريين ويحبوا اللمة والقعدة الحلوة

واحنا نازلين للمة والقعدة الحلوة والاغاني، نقول لبعض، نحكي لبعض نغني مع بعض... كده يعني

والله الامر في ايديكم، عايزين تقلبوا القعدة الحلوة نكد، اول ناس حتتنكد انتوا، حد يضرب ناس بتغني وتتكلم مع بعض الا اذا كان قليل العقل؟ قلوا عقلكوا بقى، زي ما تحبوا، لكل فعل رد فعل

كل الناس اللي نازلة، ناوية على خير ومحبة واغاني.. المصريين وحشوا بعض ومحتاجين يقعدوا شوية مع بعضيهم

مافيش داعي بقى تخلوا نيتكوا سودا... عشان ربنا بيدي كل واحد على قد نيته وعن نفسنا احنا نيتنا زي الفل

حد عنده نية تانية يا شباب؟

اعرف حقوقك يوم 25 يناير

activism training from 2maystrike on Vimeo.

اين علاء مبارك الذي ادعى موت العروبة من اجل مباراة كرة قدم؟ خانس يعني

انا عمالة اعيط :'(

خلاص انسوا عمرو اديب والله اتمنع ودخل حزب الوفد وطالق علينا الجرادة اللي متجوزها

ادعوا لنا بقى بكرة.. عندنا امتحان

اليمن تثور... وماحدش معبرها ليه؟

تحديث:
مراسل الجزيرة اتضرب في اليمن


الحمد لله، اليمن احسن شباب

ماحدش مهتم بيهم ليه؟ حتى الجزيرة مش مركزة قوي معاهم

عايزين نركز معاهم، خلينا نخلص بقى، احنا حنستنى فضايح اكتر من كده ايه؟

اليمنيون: حكومتنا الرشيدة خلتنا ع الحديدة..

ايه ده؟ انتوا كمان؟ دول متفقين مع بعض بقى

احسن شباب.. استجدعوا بقى وكملوا وربنا معاكوا.. واحنا جايين وراكوا ان شاء الله
المشكلة في الفلسطينيين يا عيني، حيضطروا يعملوا ثورتين الاول على عباس وبعدين على اسرائيل

بالنسبة لمواعيد واماكن 25 يناير

المواعيد من 12 الضهر لحد 11 بالليل

المفروض ان في اي مكان في مصر

لكن فيه حاجات للنشطاء في دوران شبرا ودوران المطرية وجامعة القاهرة وجامعة الدول العربية

وغير كده تقدر تنزل في شارع بيتكم، بس الشارع الرئيسي يعني :)، وتاخد معاك اي حد وتعمل زي ما اتفقنا

عاجل: الفلوس بتتهرب

البورصة بتقع والفلوس بتتهرب ومجموعة كلنا خالد سعيد نزلت الجواب ده

الحاجة التانية:

سامح سيف اليزل طلع على قناة النيل للاغبار واتهم حماس وحزب الله وايران انهم هم اللي واقفين ورا جيش الاسلام الفلسطيني اللي متهمينه بتفجير الكنيسة

اوكيه

الراجل ده لازم يمشي

وواضح انه مش سايب حاجة للظروف

هو بيهرب الفلوس دلوقت في حال ما عملنا حاجة يوم 25 ولو ما حصلش حاجة يكمل الخطة المرسومة له بضرب حماس وحزب الله لصالح اسرائيل

طيب والنبي ما احنا منزلين له كلمة

عايز ياخد الفلوس ويمشي.. يمشي

ما يقعدش، الفلوس بتروح وتيجي، بس هو ما يقعدش معانا تاني

قولوا يا رب

** **

تحديث:
جيش الاسلام الفلسطيني نفى مسئوليته
واقروا الخبر ده... ضحك السنيييييييييييييييييييييييييييييييييين


ده لفظ ابيح مكون من شقين

تعليقا على دين ام ميتين اهل الخبر الوسخ ده 

حاتكلم حاتكلم.. بس دلوقت قاعدة اشتم، لما تخلص كل الشتايم النابية حاقول اللي في نفسي

بعد بكرة 25 يناير ان شاء الله... قولوا يا رب

للمشتركين يوم 25 يناير:للإبلاغ عن انتهاكات\احتجاز\طلب محامين-الخط الساخن لجبهة الدفاع:

0120624003

0129295510 - 0106701470

صباح الخير على الورد اللي فتح في جناين مصر

صباحكم تونس ومساكم تونس ان شاء الله

بعد بكرة يوم 25.. عارفين في اللحظات دي مين اللي واحشني قوي ومفتقداه؟

محمد السيد سعيد...

وحشني قوي، ومفتقداه، مفتقدة تحليلاته، ومفتقدة روح الامل اللي كان بيبثها فينا، ومفتقدة دوره في يوم بتاع بكرة

مفتقداه فعلا

---------------

طيب

احنا بعد بكرة ان شاء الله نازلين

جزء من اللي نازلين نشطاء.. وجزء مش نشطاء

النشطاء عارفين حينزلوا فين، ويعملوا ايه

وفيه كام حاجة نحب نأكد عليها:

مافيش غير اعلام مصر، ومافيش غير هتافات وطنية

بالاحرى، لا شارة ستة ابريل، ولا صورة عبد الناصر، ولا كاب كفاية، والاخوان مش محتاجين توصية لانهم نازلين بوصفهم افراد، فاكيد مش حيشيلوا شارة الاخوان، ولو مش اكيد، اديني باقول اهو

ماحدش يطلع ندل ويعمل حركة قرعة، واللي يعمل حركة قرعة ينضرب وهو واقف كده

علم مصر، النشيد الوطني او اي اغاني وطنية، هتافات لمصر

المطلب: مبارك يمشي

وباقول للنشطاء اللي نازلين بحماس، كتر خيركم، وده واجبكم مدام الزمتم نفسكوا بحاجة زي دي

بس كل الاحتمالات واردة، وارد جدا ان ماحدش ينزل غيركم، ما تزعلوش، اليوم كده ما فشلش لان الحركة بركة وانتوا عملتوا واجبكم عشان تخلصوا ضميركم قدام ربنا

وارد ان العدد اللي ينزل يبقى قليل.. برضه ما تزعلوش

وارد ان اليوم ينجح، لاني سألت ناس كتير في الشارع ولقيتهم عارفين، لو اليوم نجح والعدد اللي نزل كبير

يبقى مافيش مرواح..

خلينا نتعلم من الاخطاء اللي فاتت، واللي هي اخطاء واحنا ما خدناش بالنا منها لحد ما تونس لفتت نظرنا ليها

احنا كذا مرة كان ممكن يحصل حاجة بس احنا كنا بنروح.. مش بالوم حد، ما انا كنت باروح معاكوا، واحنا مش غلطنا عشان احنا وحشين او مزيفين، احنا بس ما كانش عندنا تصور انه ينفع، ينفع لما ننزل بعدد كبير كده نفضل في الشارع ما نروحش، وما كناش نتخيل انه ينفع اننا نقول مبارك يمشي... طلع ينفع

مدام طلع ينفع، يبقى خلينا ما نقولش اننا غلطنا، خلينا نقول اننا تبينا حاجاتة جديدة واتعلمناها

يبقى احنا خطتنا بكرة حاجة من الاتنين: يا نروح يا ما نروحش

ح نروح في كل الاحوال ما عدا حالتنين

1- ان العدد يكون كتير

2- ان الضرب والاعتقالات تكون كتير

ودي برضه اتعلمناها من تونس.. الضرب والاعتقالات بتنفع مش بتضر... اتضح كده، بس على حسب جدعنة الناس

لو الضرب والاعتقالات كتير.. ماحدش يروح، قاعدين في الشارع وحاجة من الاتنين

يا يلموا كل اللي في الشارع، وفي الحالة دي حيلاقوا نفسهم لموا الفين تلاتلاف على الاقل وتبقى فضيحة دولية واستفزاز للناس

يا يطلعوا اللي لموهم

ومش حنجري من الضرب.. ودي برضه اتعلمناها من تونس، ويبقى حاجة من الاتنين، يا يضربونا كلنا وتبقى فضيحة دولية ويبقوا بينتحروا رسمي، يا يبطلوا ضرب

والله العدد قليل، ومافيش اعتقالات، ومافيش ضرب، يبقى نعمل الشويتين بتوعنا ونروح

ما كانش يبقى احنا قاعدين مش ماشيين

حنركز بقى مع الاندال عشان ان شاء الله لما ننجح ماحدش يرجع يقول كان مضغوط عليا.. احنا قلبنا مش ابيض بقى زي التونسيين كده.. ههههه ولو انهم قلبهم مش ابيض قوي يعني

في كل الاحوال يوم 25 نجح خلاص.. لانه سمع في كل حتة والنشطاء في كل حتة في العالم العربي معانا

----------------

اللي مش نشطاء

والله انت وجدعنتك بقى

انا حاتعامل مع اكتر ناس خايفة دلوقت لان دول اللي يهموني اكتر من الناس المستبيعة - والمستبيعين اللي مش مسيسين كتير - الناس اللي خايفة:

زي ما اتفقنا، حتنزل مع صحابك، اتنين.. تلاتة.. خمسة.. زي ما تحب

وتمشي في الشارع، انشالله شارع بيتكم، تاخد الشارع من اوله لاخره رايح جاي، بص دي اقل حاجة ينفع تعملها، مافيش اقل من كده، مش حاقدر اقولك تدلدل السبت من الشباك

حتمشي في الشارع وتوقف الناس تتكلم معاهم، تتكلم معاهم عن الغلب والفقر والناس اللي حرقت نفسها، لو حد قالك دول كفرة قول له طبعا.. ما الجوع كافر.. والظلم كافر.. والقهر كافر.. وطبيعي الناس تكفر.. والناس دي ما ولعتش في نفسها عشان تكفر، الناس دي ولعت في نفسها عشان عندها امل اننا نبقى زي تونس، يعني مش منتحرين، لان الانتحار يأس، وهم مش يائسين، هم عندهم امل

وبدل ما نستنى لحد ما الناس تحرق نفسها عشان تحركنا، لازم نتحرك من نفسنا ويبقى عندنا دم

وتحاول تعرض على كل حد بتتكلم معاه انه يمشي معاك وقول له انك مش مسيس وانك بتخاف زي ما هو بيخاف، ومش عايز مشاكل زي ماهو مش عايز مشاكل، وما نفسكش تتسجن، ولا تنضرب، انت عايز بلدك تبقى كويسة بس، وتغني اغاني وطنية

انا عارفة اننا بشكل عام مش بنحفظ اغاني وصوتنا وحش ههههههههه، خلاص، نغني النشيد الوطني عشان ده الوحيد اللي حافظينه، ومش محتاج حد مطرب ولا حاجة

لو تقدر تشيل علم مصر على كتفك يبقى كتر خيرك، يا اخي لو ظابط كلمك قول له باشجع المنتخب يا باشا

وعايزة اقولكم حاجة

مافيش ظابط مصري حيضرب نار عليك.. صدقني.. انا متأكدة ان ظباط الامن المركزي اقصى حاجة يعملوها انهم يضربوا بالشوم، مش حيضربوا نار

وانا واثقة ان لو جالهم امر ضرب نار مش حينفذوا

ايه رأيكم بقى؟

ما تتخانقش مع الظابط.. لو جه كلمك كلمه زي ما بيكلمك.. اه.. كلم ظابط الشرطة، قول له:

كل سنة وانت طيب.. نازل يوم اجازتك، بتقبض كام عشان تنزل تتذنب كده وتحمي ناس بتمص دمك ودمي وتوقعنا في بعض

على فكرة انا جربتها ونفعت.. جربتها في التشريفات لما ظباط الشرطة بيوقفونا عشان الوزير يعدي، لما كنت باتخانق معاهم كانوا بيعملوا رد فعل دفاعي وبيتعصبوا، لكن لما كنت باقولهم: اللي معدي ده المفروض يخدمني ويخدمك، مش يذنبك في الحر والبرد عشان هو يعدي كأنه ابن ناس واحنا ولاد كلب، والناس بتفش غلها فيكم مع انكم متضررين زي ما احنا متضررين، انت وانا بندفع له مرتبه من ضرايبنا ونقف له عشان هو يعدي، ليه؟ على فكرة كانوا بيعملوا رد فعل يفاجئك، مش بس العساكر، الظباط كمان، الظباط كمان طلعوا قرفانين

الناس كلها قرفانة

طبعا الظابط حيسمع منك الكلمتين وما يردش، مدام ما ردش يبقى موافق على كلامك، بس حيقولك: طب بس امشي من هنا عشان ده غلط عليا وانا اللي حاتئذي.. امشي من قدامه وروح حتة تانية، ما تروحش، وارجع اعمل اللي كنت بتعمله، تكلم الناس، وتحاول تضمهم عليك، وتغنوا اغاني وطنية

احنا نقدر على فكرة.. نقدر على حاجات كتير.. بقالهم من ساعة ما ثورة تونس نجحت وهم عمالين يكتبوا لنا في الجرايد ويقولوا لنا في التلفزيون: الصراحة راحة يا روحي وانت ما بتعرفش

لا احنا بنعرف.. وحنوريهم

مين الكثير من المصريين دول يا مبارك؟

انه يعزي بيريز صاحبه في سونيا حبيبتكم سونيا جاتلكم من اخر الدنيا.. عادي

انه يبقى العربي الوحيد مع عاهر الاردن اللي يعزوا بيريز في مراته .. طول عمرهم

انما ان مبارك يتكلم نيابة عنا ويقول لبيريز: اعلم ان الكثير من المصريين يفكرون فيك في هذه الاوقات الصعبة

اما انك بني ادم هلف صحيح

هو احنا بنفكر فيك انت عشان نفكر في صاحبك الاسرائيلي؟ وانت تعرف ايه عن المصريين اساسا؟ ومين "الكثير" من المصريين دول اللي انت بتتكلم نيابة عنهم؟ هو احمد عز وصفوت الشريف دول مصريين وكتير كمان؟ 

داهية الراجل يصدق

لا.. لا مش حيصدق لا

بيريز مش حيصدقك يا مبارك.. عارف ليه؟ عشان مالي لنا البلد جواسيس وعارف كويس ان مافيش مصري بيطيقه ولا بيطيق العصابة اللي هو عاملها ومسميها بلد، ومافيش حد بيطيقك عشان انت حبيبهم

امشي يا سيادة الرئيس

امشي

دي نصيحة من واحدة في سن بنتك، وعارفة بقى الكثير من المصريين بجد، حسابك تقل قوي، وحتتبهدل

اخلع على جدة قبل ما الناس تطلع عليك تاكلك بسنانها.. وماحدش حيعرف يحوشهم ساعتها، انا عمري كدبت عليك في حاجة؟ امشي.. امشي انت في سن ما يسمحلكش بالبهدلة 

خد المدام والاولاد وصفوت الشريف وامشوا بكرامتكم

احمد عز لا.. احمد عز يلزمنا، عليه لينا فلوس 

استجدع وانزل يوم 25 يناير

تحديث:

نسيت اقول حاجة مهمة: اجمل حاجة في ثورة تونس ان ما كانش فيها غير علم تونس والنشيد الوطني، ياريت القوى السياسية ترحمنا وما ترفعش شاراتها وصورها، مافيش غير علم مصر والنشيد الوطني، هو مش فرح ابن العمدة وكل واحد نازل ينقط باسمه

انا عارفة ان فيه ناس خايفة

حتى، لا مؤاخذة، رجالة وخايفين

طيب فيه طريقة حلوة قوي تخليك ما تخافش ولا حاجة، انزل انت وتلاتة اربعة صحابك، اي شارع، خلاص؟ امشوا في الشارع واعملوا الاتي:

وقفوا الناس اللي ماشية في الشارع زي ما بتوقفوهم تسألوهم على محل او شارع، وقول له: انت عارف ان فيه 12 مصري ولعوا في نفسهم من الفقر؟ انت عارف ان في تونس واحد ولع في نفسه من الفقر والثورة قامت، عارف الثورة قامت ازاي؟ الناس نزلت الشارع، واتحاموا في بعض، وفضلوا في الشارع لحد ما رئيسهم اللي اتسبب في كل بلاويهم هرب.. وفيه ناس بتقول ان التوانسة ارجل من المصريين.. بس انا مش مصدق، انا عارف ان المصريين كمان رجالة. زي ما التوانسة نزلوا الشارع وغيروا احنا كمان نقدر نعمل كده. وسيبه وامشي

شوف حتنزل انت وصحابك في انهي شارع

وخد الشارع من اوله لاخره، طول ما انت ماشي توقف الناس وتكلمهم، اهم حاجة، ما ترغيش كتير، ما تطولش في الكلام، تركز على نقط محددة، ان حالنا زي حال تونس، ونقدر نبقى زيهم، واللي مش عارف ثورة تونس تعرفه، تحكي له الحكاية باختصار وببساطة، واحد ولع في نفسه من الفقر الناس قامت ونزلت مظاهرات لحد ما طردت رئيسهم، واحنا عندنا 12 واحد ولعوا في نفسهم، من الفقر برضه، ونقدر نبقى زي تونس

افضل انت وصحابك ماشيين في الشارع وتكلموا الناس تكلموا الناس، الناس اللي واقفة على محطة الاتوبيس، الناس اللي واقفة مستنية الميكروباص، الناس اللي ماشية، الناس اللي بتعدي الشارع، الناس اللي ماشيين على الرصيف، ولاد وبنات

وعشان كده يستحسن ان تنزل معاكم انشالله بنت واحدة عشان تكلم البنات وما فيش بنت تفتكرك انك بتعاكسها، انت عارف ما بيصدقوا عندنا هههههههههه

مش لازم تهتف وتشيل يفط، فيه عيال جدعان حيعملوا كده، وفيه ناس خايفة، بس احنا مش لازم نهزأ الخايف، لان الخوف شعور انساني طبيعي، بس انا عايزة اقولك ان التوانسة هزموا بن علي يوم ما هزموا خوفهم، وانت لو خايف، خليك مرسال، بلغ الناس، وقولهم انا نازل في الشارع النهاردة عشان النهاردة يوم 25 يناير، احنا اتفقنا ننزل ونتكلم معاكوا، وقول للي كلمته، امانة عليك تبلغ اللي تعرفه باللي قلتهولك

البنات تلبس بنطلونات وتحتها بنطلون ستريتش او كولون تقيل، تاخدوا معاكم تليفونات رخيصة، ويبقى فيها رصيد، حتنزل انت مع تلاتة اربعة صحابك ولنقل مثلا مثلا، في شارع رابعة العدوية، مثلا، حتخش وتاخد ارقام التليفونات اللي موجودة على صفحة كلنا خالد سعيد ولو لا قدر الله حد اتعرض لك تتصل بالنمر دي او تبعت رسالة، ابعت رسالة افضل لان ممكن الرد على التليفونات ساعتها يبقى صعب

ممكن وانت بتتكلم مع حد تلاقيه متحمس، اعرض عليه انه يمشي معاك، قول له احنا نازلين نكلم الناس تحب تمشي معانا وتكلم الناس انت كمان؟ وشجعه على كده
وامشي.. امشي في الشارع امشي امشي امشي.. واتكلم اتكلم اتكلم.. وغني
غني اغاني وطنية، غني اغنية بلادي بلادي
غني مع اصحابك بصوت عالي اغنية وطنية تكونوا بتحبوها

شايف البنت دي؟ البنت دي نازلة

ان شاء الله يا اسماء مصر كلها رجالة

زي رجالة تونس
------
لو تقدر تصور صور.. لو تقدر تبعت تويتات ابعت.. لو تقدر تدون دون
وانت في الشارع
فيه ناس نازلة عشانا في تونس والاردن، وعرفت دلوقت ان فيه ناس نازلة عشانا في باريس
كل دول حاطين امل علينا

NGOs: A Stake in Keeping Africa Poor

"Are we being used?" Jenny Williams asked, referring to her
work with NGOs in Africa. "Are the concepts of aid and
development simply tools in the arsenal of the West, wielded not
for the sake of charity but for the sake of control?"
I had become acquainted with Jenny during the editing of
Confessions. An intern at Berrett-Koehler, my hardcover
publisher, she offered brilliant insights—and then headed off to
travel across Africa and work for a nonprofit that runs both
emergency relief and development projects in Uganda and Sudan.
"I was fed up with the hypocrisy of the West and tired of
being an armchair critic," she said. "I wanted to actually get on
the ground and do something, see for myself what was happening
with all that aid money."
I found her perspective especially interesting because growing
up in San Diego, graduating from UC Berkeley in 2004, she had
been subjected all her life to the media hype that promotes
habituated consumerism and the idea that foreign aid helps the
poor. She, like my daughter, Jessica, represents the generation
that will lead us into the future.
The e-mail she sent from Uganda in September 2006
continued:
The signs of Westernization in Africa are constant and clear:
"Coca-Cola" plastered across kiosks in drought-ridden Northern
Kenya; the proliferation of American rap and hip-hop
paraphernalia among impoverished African youth; people
drinking imported instant coffee instead of locally grown beans
because "it tastes better" when, in fact, it's because their own
products are more expensive due to corporatocracy-imposed
tariffs and taxes.
I'm sure corporations would have seen Africa as ripe for
consuming regardless, but NGOs are part of the machine that
sustains Westernization. From leadership styles to ex-pat salaries,
NGOs enforce Western cultural, social, and economic standards
that create a gap between aid workers and the people they're
trying to serve—a gap that Africans are constantly striving to
narrow by emulating the foreigners. Western values overturn
cultural beliefs and send local economic systems into upheaval.
Another dilemma: in Northern Uganda, a region ravaged by
twenty years of rebel warfare that has left thousands of people
killed and nearly two million displaced, NGOs have been accused
of prolonging the conflict simply by being there. As long as the
situation is considered an "emergency," donors will continue
funding activities and NGOs will continue flocking to the scene to
care for people living in horrifying conditions in squalid camps.
(One Ugandan radio station joked that "there are more NGOs
than boda-bodas"—motorcycle taxis that crowd the streets of
every city.)
There's no question that the Ugandans living in these camps—
some for ten years or more—would be dying in even greater
numbers without the provision of boreholes for wells, sanitation,
educational facilities, and food relief by NGOs. But because of
the NGO presence, both the Ugandan government and the West
have been able to shirk responsibility for ending the fighting that
has stalled the development of an entire region. The peace talks
happening now, in the summer of 2006, are long overdue.
"We're like a fig leaf that Western governments hide behind
when they don't have—or want—a diplomatic or political
solution," one coworker told me. "In any conflict, any crisis, who
goes in first? Aid organizations of course, so the West can say
'look, we're doing something,' even if they don't really want to
solve the real problems in the end."
Ultimately, it's not just that the West is apathetic or has no
motivation to solve conflicts, it's that the West has a real stake in
keeping Africa poor. People in Western countries have sincere
feelings of charity and they have faith that aid works—but
Western governments and multi-national corporations reap
enormous benefits from the continued instability and destitution
of African countries. The successful manipulation of cheap
labor and agricultural products, smuggled resources, and
arms trading relies on corrupt politicians, prolonged warfare,
and an underdeveloped civil society that lacks the capacity to
stand up for its rights. If there were peace and transparency in the
Congo, it would be much more difficult—if not impossible—-for
foreign corporations to exploit the mineral resources; if there
were no rebel groups or tribal conflicts, there would be no market
for small arms.
Not all causes of poverty or violence are directly linked to
Western motives. Corruption among African leaders and latent
tribal tensions play a big role in poor governance and the disunity
of African people. But I believe if the West truly wanted to see a
stable, developed Africa, the continent would be well on its way.
Instead, the situation is worse after decades of Western
involvement and billions of dollars of aid money.
I fully believe that most aid workers are honest, hard-working
people who want to help vulnerable and marginalized people in
developing countries. They—we—-are up against a system that is
difficult to comprehend and still harder to fight. Yet, that is
exactly the point. We must change this system.
Jenny is not alone in her commitment to understanding the
situation and working to change it. University students and recent
graduates around the United States seem to understand the
problems confronting their generation better than their parents
did. When they travel abroad, they often shun the old
destinations—Paris, Rome, Athens—and head instead for Africa,
Asia, and Latin America. They attend rallies and conferences, like
the World Social Forums, and they mix with the local people.
They play music, dance, drink beer, and fall in love. But, above
all, they discuss world politics, compare ideas, and plan.
Something that even the most environmentally and socially
aware members of that generation might not realize, however, is
that another widely accepted trait of their generation—
dependence on cellular and computer technology—is destroying
the lives of millions of people.

THE SECRET HISTORY OF THE AMERICAN

EMPIRE. By John Perkins

يوم 25 يوم الغضب العربي :)

الاردن وتونس وعمان معانا

والحركة السلفية "حفص" حتنضم، ودي غير حركات سلفية اخرى رفضت الانضمام

وفيه واحد مسيحي ولع في نفسه

وعاشت الولعة الوطنية، وعاشت الولعة العربية

:)

ايوة كده يا ودييييع

كده اليوم نجح قبل ما يبدأ الحمد لله، ويا سلام بقى لو الامن اتغابى على الناس وضربهم وقبض عليهم، حيعمل سياط وصياح لليوم ما حصلش، لو نزل تلاتة في اليوم ده والامن ضربهم او اعتقلهم يبقى الامن كتر خيره - كالعادة - نجح لنا اليوم

يالا... اتغابوا بقى، على رأي زكي رستم: انا سبت لكم الحبل على الغارب لحد ما شنقتمممم بيه نفسكممممم

التوانسة نازلين مظاهرة يوم 25 تضامنا مع مصر

اه وربنا

والبرادعي مسافر

والاخوان خالعين

ومش محتاجين نقول الوفد خلع لانه مالوش لازمة في الحياة اساسا

بس التوانسة نازلين عشانا... ومش بعيد الاردن كمان تنزل عشانا، ويمكن نتفاجئ ان الجزائر كمان نزلت عشانا، وامبارح كان فيه مظاهرات في السودان على الغلاء، على الله بقى السودان تنزل عشانا

النكتة حتبقى لو كل دول نزلوا عشانا واحنا ما نزلناش بحجة ان "القيادات" مش نازلة... هي كانت فين القيادات لما تونس نزلت؟ 

طب يارب كمان الاردن والجزائر ينزلوا عشانا فعلا... يارب.. عشان اللي ما كانش ناوي ينزل يتكسف على دمه، ولو ما كانش عنده دم اهو نبقى عارفين مين اللي عنده دم ومين اللي ما عندوش 

القبض على محمد محيي وهو يوزع بيان 25 يناير

تحديث:
تم الافراج عن محمد محيي
--------
هو كان في سوهاج

ومحجوز دلوقت ومش عارفة باقي التفاصيل، يارب يكون فيه محامين بيتحركوا

طب نوريهم الجنان بقى

مواطن تاني يشعل النار في نفسه/ واسامة محبوس واحتمال يتحاكم

تحديث:
السلطات المصرية قالت على احمد عنده حالة نفسيه
تحديث:
احمد ماااااات.... احمد ماااااات.... احمد من اسكندرية اللي ولع في نفسه مااااااات
تحديث:
الشاب السكندري طلع فوق السطوح وولع في نفسه لانه عاطل، انا حاسة انه مش بيعمل عملية احتجاجية ده فعلا يائس، وحروقه من الدرجة التالتة وحالته خطيرة
بتوع اسكندرية فين؟ حد يروح له
تحديث:
فيه مواطن تالت في اسكندرية عنده 25 سنة ولع في نفسه... اوعى يا جدع، احنا حنتغابى عليكم على فكرة لو ابتدينا في السكة دي، حتلاقي مولع مصري كل تلات ثواني


فيه مواطن تاني اشعل النار في نفسه قدام مجلس الشعب

--------

اسامة مشرف مازال محبوس في السعودية، السفارة المصرية لفقت له تهمة انه شتم الملك وسب له الدين، وهو في سجن الملذ ولا الملز ما اعرفش اسمه ايه، وحيتقدم لمحاكمة لان دي تهمة كبيرة

الى كل مواطن عربي: الآن... راسلوا اهل تونس

التشكيل الحكومي الجديد كف واتلسع على قفاهم

جردل مية ساقعة ونزل عليهم

وعليا انا شخصيا... لا.. مش بعد كل الشقا والغلب والموت ده كله يحصل لهم كده ابدا ابدا ابدا

انتقالية مين؟ دول حيسيبوا الكراسي؟ ابقوا قابلوني

تخيلوا نعمل ثورة ونموت ومبارك يهرب هو والعيلة، واللي يمسك الحكومة احمد نظيف ولا بطرس غالي، ويبقى رئيسنا فتحي سرور، ويفضل العادلي وزير الداخلية، ويفضل ابو الغيط وزير الخارجية، ويجيبوا تلاتة من احزاب المعارضة:

السيد البدوي شحاتة

رفعت السعيد

مصطفى بكري

تخيل يا مواطن.. تخيل.. انت ترضى تموت عشان دول اللي يمسكوا الحكم؟ بذمتك ودينك تشكيل وزاري زي ده لما يقولك انا حكومة انتقالية حتصدقه؟ انا راضية ذمتك

انا بعت رسائل لارقام عشوائية تونسية وكتبت لهم

انا مواطنة مصرية اهنئ الشعب التونسي بثورته واشكره لانه منحنا الامل، وادعو الله ان يكفيكم شر الحكومة الجديدة ويعينكم على استكمال النضال

وانا شايفة اننا كلنا لازم نبعت لهم رسائل عشان نشجعهم، مش ممكن دم الشهدا يروح هدر

اهي الارقام، ارجوكم ابعتوا من كل انحاء الوطني العربي

ارجوكم ابعتوا

الثورة بتتسرق.. الثورة بتتسرق لصالح اشباه بطرس غالي والعادلي والسيد البدوي 

فيديو اشعال المواطن النار في نفسه، وفيديو التقرير الطبي من موقع الدستور

لأ لأ... ماحدش يولع النار في نفسه والنبي

الله يخرب بيوتكم.. ما تمشوا بقى.. امشوا بقى.. لازم الناس تموت وتتبهدل.. امبارح في الجزائر والنهاردة في مصر الناس بتولع في نفسها

بالظبط زي ما ابراهيم عيسى تنبأ في رواية مقتل الرجل الكبير

ما تمشوا.. عايزين ايه اكتر من اللي اخدتوه، ما مرات بن علي وهي ماشية اخدت معاها طن ونص دهب وهي ماشية، واهو قاعد ملك اهو في السعودية، روحوا حصلوه، حصلوه من دلوقت، امشوا امشوا امشوا امشوا حرام عليكم

عايزين منا ايه؟ 

انا مش عايزة حد يولع في نفسه.. ناس عندها اطفال وعندها اهل وبيوت ما يستغنوش عنهم

والنار بتوجع جدا، وبتشوه، ماحدش يولع في نفسه.. احنا حنكلمهم لكم يمشوا

امشوا بقى انتوا ما عندكوش دم؟ امشوا بقى امشووووووووووووووااااااااااااااااااااااااااااااااااااااااااا

يا تونس.. يا توانسة.. يا حماة الحمى.. اسمعووووااااا

يا رب يا رب يا رب كل التوانسة يدخلوا على البوست ده

يا رب يا رب يا رب كل التوانسة يتفرجوا على الفيديو ده

يا رب يا رب يا رب كل التوانسة يعقلوا الكلام ده

نداء هام جدااااااااا من الفنانة محسنة توفيق الى الشعب التونسي والثورة التونسية

المشروع اللي كان اتكلم عليه سماحة السيد حسن نصر الله

حد سابهولي في تعليق واللنك هنا

وده المقال

ألفت جعفر تكتب: انتبهوا أيها المصريون!

ـ في مقال نشرته صحيفة "جلاسكو هيرالد" الاسكتلندية مؤخراً حذر أحد الباحثين المهتمين بشئون الشرق الأوسط مصر والعرب من مؤامرة بعيدة المدي نسجت خيوطها داخل وكالة الاستخبارات الأمريكية (CIA)ووزارة الدفاع (البنتاجون) تهدف إلى حصار مصر ثم التهامها عسكريًا. وقال الباحث إن الولايات المتحدة بدأت تنفيذ المخططً منذ ثلاثة أعوام من خلال سعيها لاحتلال إقليم دارفور (غربي السودان) دوليًا وعسكريًا عبر نشر قوات أمريكية بريطانية مدعومة بقوات من الأمم المتحدة حليفة لواشنطن مشيراً إلى أن هذا المخطط يستهدف تحويل إقليم دارفور إلى قاعدة عسكرية أمريكية تنتشر بها صورايخ بعيدة ومتوسطة المدى موجهة ناحية مصر ودول الشمال الأفريقي ومنطقة الخليج وإيران. وأن الولايات المتحدة تهدف من ضغوطها الحالية على المجتمع الدولي وخاصة الدول الحليفة لها مثل بريطانيا وفرنسا وألمانيا وإيطاليا لتكثيف الضغوط على الحكومة السودانية لنشر قوات دولية بالإقليم، على أن يتم لاحقًا نشر قوات يتخذون من الإقليم قاعدة عسكرية. ويهدف المخطط الأمريكي أيضا عبر إثارة الفوضى في مناطق الحكم الذاتي في فلسطين والضغط على محمود عباس رئيس السلطة الفلسطينية، حتى يعلن أنه بحاجة لنشر قوات دولية بقطاع غزة الموازي للحدود المصرية بهدف حماية السلطة الشرعية من حركة حماس، بقاعدة عسكرية جديدة لتطويق الدولة المصرية التي يعتبرها الأمريكيون الدولة العربية التي يجب الحذر منها تحسبًا لأي طارئ يحدث في العلاقات المصرية الأمريكية أو المصرية الإسرائيلية.

((ـ وأكد الباحث أن الولايات المتحدة قدرت سبعة أعوام لتنفيذ مخططها ينتهى عام 2015 مشيراً إلى أن واشنطن تسعى منذ فترة إلى افتعال أزمات سياسية ودينية وعرقية داخل مصر بما يؤدي إلى انقسام الشعب المصري ويجعل النظام عرضة لانتقاد المجتمع الدولي وفرض عقوبات عليه ومن ثم التمهيد لاحتلالها عسكريا بعد التدخل فى شئونها الداخلية عبر بعض الطوائف أو منظمات المجتمع المدنى أو الشخصيات المثيرة للجدل التى تعمل على تفكيك المجتمع المصرى وفق خطة كونداليزا رايس وزيرة الخارجية الأمريكية (آنذاك) لفرض الديمقراطية على الطريقة الأمريكية عن طريق الفوضى الخلاقة!!..

((ـ ولفت الباحث الانتباه إلي أن أمريكا أعدت بالفعل مخطط التقسيم وتعمل على تنفيذه منذ فترة بإثارة الفتن بين المسلمين والمسيحيين وتشجيع المسيحيين على تصعيد حملتهم وهجومهم على النظام المصرى فى الداخل والخارج بل تشجيعهم على المطالبة بتكوين دولة مسيحية جنوبي وغربي مصر حتى وإن نفى المسيحيون ذلك فلقد نشرت المواقع الأمريكية خرائط تؤكد هذا التقسيم وتكشف دور بعض المسيحيين وأقباط المهجر ومنظمات المجتمع المدنى فى تنفيذ تلك المؤامرة الخطيرة.

((ـ هذا ويؤكد ما ذكره الباحث الاسكتلندي مقال آخر كتبه العميد رالف بيترز في مجلة القوة العسكرية الأمريكية عام 2006 بعنوان "حدود الدم" حددت فيه ملامح خريطة شرق أوسطية جديدة حيث يفترض التقرير أن الحدود بين دول المنطقة غير مكتملة وغير نهائية خصوصا في قارة إفريقيا التي تكبدت ملايين القتلى وبقيت حدودها الدولية بدون تغيير وكذلك الشرق الأوسط الملتهب حيث شكلت الحدود أثناء الاحتلال الفرنسي والبريطاني لهذه الدول فى نهاية القرن التاسع عشر وأوائل القرن العشرين. وقد تم تبرير التقسيم المخطط له بسبب عدم إدراكهم لخطورة تقسيم القوميات على جانبي الحدود (حسب وصف المقال) وإن كان التقسيم كما يعلم الجميع تخطيطا متعمدا لضمان نشوب الصراعات بين الدول مستقبلا وهو ما حدث حيث فشلت الدول الأفريقية الحديثة فى نزع فتيل الحرب بين بعضها البعض واستنزفت فى ذلك مواردها القليلة وفى النهاية عادت إلى الدول الأوربية التى كانت تحتلها من قبل لفرض النظام والأمن وهو ما يعنى مجددا احتلالا بصورة مقنعة..

((ـ ويرى كاتب المقال أن القومية الخالصة يمكن أن تجد مبررا لتغيير الحدود لتشكيل كيان سياسي مستقل لها بما يؤدي لتفتيت كل دولة حالية لعدة دويلات علي أسس عرقية أو طائفية أو إثنية .ولهذا أعدت الأجهزة الأمريكية الخرائط على أساس الواقع الديموغرافي للدين والقومية والمذهبية ويرى الكاتب إنه لكي يتم إعادة ما اسماه بتصحيح الحدود الدولية فإن ذلك يتطلب توافقا لإرادات الشعوب ولأن هذا من الصعب تحقيقه فلابد من سفك الدماء للوصول إلى هذه الغاية.

((ـ ما هي تفاصيل خريطة الدم التي تحدد معالم الشرق الأوسط الجديد ونصيب مصر منها.. ؟؟

((ـ يتم تجميع الفلسطينين فى كيان مستقل واليهود فى كيان آخر حيث ستنشأ دولة جديدة تضم الأردن القديم وأراضي من السعودية وربما من فلسطين المحتلة تضم كل فلسطيني الداخل وفلسطيني الشتات وتسمى الأردن الكبير ويستولى الكيان الصهيونى على باقى أراضى فلسطين أما غزة فسيتم ضم أجزاء كبيرة إليها من سيناء قد تصل إلى نصف سيناء.

((ـ الخريطة بها كثير من التفاصيل ولكني أحاول التركيز على ما يخص مصر بقدر الإمكان فالخطوط متشابكة ومتقاطعة كثيرا.. المهم أن عدداً من الدول العربية ستقع ضمن هذا المخطط الجديد باقتطاع أجزاء منها بالإضافة إلى دول إسلامية منها إيران وتركيا وباكستان وأفغانستان وغيرها على أن تكون هذه الكيانات الجديدة بالطبع موالية للغرب ولأمريكا

((ـ وبالنسبة إلي السودان فقد بدأت الخطة مبكرا حيث تم فصل الجنوب عن الشمال ويتم العمل حاليا على فصل الشرق عن باقى السودان لتنشأ بالتالى ثلاث دويلات تتحكم فيها أمريكا ففى الجنوب دولة مسيحية تدين بالولاء للغرب عقيدة واستراتيجية ويمكنها التأثير على المياه التى تصل إلى شمال السودان ومصر.وأما شرق السودان فالمؤشرات تؤكد أنه بحيرة من البترول ولا يمكن للغرب أن يتركه فى أيدى حكومات تناصب الغرب العداء وتعمل على تنشيط علاقاتها مع الصين وروسيا.

((ـ لقد بدأت الإدارة الأمريكية الترويج لهذا المخطط الجديد منذ حرب أكتوبر عام 1973على أقل تقدير وإن كان البعض يرجع هذا المخطط إلى الأربعينيات حيث كانت أمريكا قد بدأت فى الظهور كقوة عظمى على الساحة الدولية بينما كانت الدول الاستعمارية الأوربية تأفل وتضعف وتنسحب من مستعمراتها فى أفريقيا وأسيا وبدأت تنفيذه فعليا فى العراق بالاتفاق مع ايران وأفغانستان وباكستان وبمساعدة إسرائيل .

((ـ يتضح أن الهدف من الخطة الأمريكية هو حل القضية الفلسطينية على حساب الدول المجاورة ودون المساس بإسرائيل وضمان ولاء الدول الجديدة لأمريكا وضمان ولاء الدول التى سيتم استقطاع أجزاء من الدول المجاورة إليها لأمريكا واسرائيل معا.وبذلك تضمن الإدارة الأمريكية والإسرائيلية شرق أوسط جديد يحقق الأهداف الأمريكية والإسرائيلية في السيطرة علي موارد وثروات المنطقة وتضمن في نفس الوقت وصول الإمدادات البترولية والغاز إليها دون تهديدات أو مخاوف من قطعه كما حدث فى حرب أكتوبر وضمان الأمن و الأمان للكيان الصهيوني بعد عملية الفك وإعادة التركيب للدول المحيطة بها ..

((ـ هكذا رسمت خريطة المنطقة ‏,‏ معتمدة علي حجم انتشار التناقضات الاجتماعية والدينية والمذهبية والثقافية والقبلية علي الأرض‏,‏ وما يمكن أن تمتلكه هذه التناقضات من قوة عسكرية أو قوة ناعمة لتفرض حدودها الجديدة وتعلن استقلالها‏..‏ ومستغلة وجود ميدان قتال جاهز ومؤهل تماما لإشعال الصراعات الأهلية‏..‏ فثقافة ما يسمي بحقوق الإنسان وما تحويه من تعزيز لاستقلال الأقليات وما يترتب عليها من تأجيج لعمليات فرز وتصنيف وتكثيف لذوي المصالح الدينية والثقافية والمذهبية مقابل تفتيت أي قدرة للدولة التقليدية في الشرق الأوسط‏..‏ كفيل بأن يعيد رسم خريطة المنطقة من داخلها ودون أن تتكبد القوي الخارجية رصاصة واحدة‏..‏

((ـ عندنا في مصر يترقب الطامعون في القدس استقلال شبه جزيرة سيناء عن جسد الدولة المصرية بوصفها منطقة حكم ذاتي للبدو وتنشط المخابرات الإسرائيلية في استخدام كل المفردات بما فيها العمل علي ترحيل الفلسطينيين من غزة لاستيطان سيناء بدفعهم للنزوح من أرضهم إليها عبر معبر رفح‏,‏ وإيجاد سبل للاتصال والتواصل والتفاهم بين القبائل علي الجانبين علي هذا المشروع‏ ..‏

((ـ وإذا نظرنا للتقارير التي تصدر عن الحريات الدينية من المنظمات الحقوقية الممولة في مصر والتي يعاد إنتاجها في الخارجية الأمريكية في واشنطن سنويا‏..‏ سنجد ملامح بقية المشروع الذي يطمح في قيام منطقة حكم ذاتي للنوبيين وأخري للمسيحيين وتفتيت الكتلة المسلمة إلي سنة وشيعة وبهائيين وقرآنيين‏..‏ ‏!!‏إنهم يحاولون تمزيق النظام الدولي العربي‏,‏ وفلسفتهم الأساسية هي أنه كلما كانت الدول العربية أصغر حجما كان ذلك أفضل وأكثر أمانا‏..‏ (بالنسبة لهم هم بالطبع) ..

((ـ هذه هي أبعاد المؤامرة ،تمت بعض فصولها بالفعل فهل نتركهم يتمون مخططهم الخبيث ؟؟ أم سينتفض المصريون للحيلولة دون إتمامه كما عودونا دائماً ؟؟.. هل مازال لدينا قدرة على الانتفاض ضد عدونا الحقيقي الواضح تماماً أم أن أصحاب العمائم واللحي وملوك التطرف الأسود قد نجحوا في غسيل عقولنا وتحويل عيوننا عن عدونا الحقيقي فاستدرنا نقاتل بعضنا بعضاً بينما يجلس الذئب الماكر يصفق لنا من بعيد ..