Tuesday 16 June 2009

وحياة امك الحاج آن يا اوباما؟

انا اصلا شايفة ان نظام الشرطة لازم يتلغي، وان لو مافيش شرطة مش ح يبقى فيه جرايم اصلا، الشرطة هي السبب في ان الناس تبقى مجرمة
بس اوباما بروح امه، السفاح اللي نازل قتل في الناس في اقليم سوات، وفي افغانستان، ومخبي صور التعذيب عشان يحمي المجرمين، قال ايه؟ زعلان قوي على قمع التظاهرات في ايران
وحياة امك؟










 
يعني ده اصلا المتظاهرين ولاد الجبانة مافيش اندل منهم واول ما يشوفوا ح الظابط يجروا، وعددهم قليل جدا، امال لو كان عندك مظاهرات مليونية بيحدفوا البوليس بالطوب كنت عملت ايه؟
قال مصدوم في مشاعره بروح امه، اتغاظت قوي، مش ناقص غير حسني مبارك كمان يعلق على قمع المتظاهرين
اه والله، ده اللي ناقص، ما تدلي بدلوك يا عوكل انت كمان، سمعنا واشجينا

5 comments:

Kalimalhus said...

مبارك: أنا قلبى بيتقطع لما بشوف القسوة دى فى التعامل مع شباب مسالم بيطالب بحقه الطبيعى فى الديموقراطية و الحرية..

Cut
أغنية.. إديها كمان حرية..

Cut
صفوت الشريف .. مصر تعيش أزهى عصور الديموقراطية

Unknown said...

مهندس حر
قال كده بجد؟

اصله منوفي بلط ويعملها

Kalimalhus said...

أنا نفسى نفسى يقولها .. بس هو عمره ما علق على مظاهرات و لا عمره هايعلق عليها و بعدين إحنا هانستقبل نجاد عشان قمة عدم الإنحياظ و إحتمال يكون أسند لينا دور فى الحوار الأمريكى مع إيران..

حسن على said...

نوارة تذيع لأوباما اغنية هدى سلطان " ان كنت ناسى افكرك"

Dr. Ahmed Wagih said...

نوارة، انتي ليه بتقولي ان أوباما بيقتل المسلمين في وادي سوات؟ اولاً طالبان دول ارهابيين مش اسلاميين، ثانياً هما خطر على الدولة في باكستان وبالتالي الباكستانيين هما اللي بيحاربوهم (طبعاً بدعم من العالم الغربي كله) ولكن امريكا بالذات مبتحاربش في وادي سوات