Saturday, 27 June 2009

تشومسكي عن الازمة الايرانية

هو حديث راديو، ح افرغه واترجمه حاضر، بس مش دلوقت، اللي عجبني، كله عجبني يعني، بس اكتر حاجة عجبتني انه بيقول: صحيح الديمقراطية الايرانية منقوصة لانها تحت اشراف المرشد الاعلى، وبالتالي مش اي حد يقدر يترشح، بس الديمقراطية الغربية زيها بالظبط، الفرق في المرجعية، هم مرجعية دينية واحنا عندنا عشان تترشح لازم تبقى مدعوم من جهات رأسمالية كبرى، يعني نفس الانتقادات هنا هي هي هناك
------
انا تعاطفت مع اوباما في حاجة واحدة بس، انه مش عارف يبطل السجاير، وعمالين يطلعوا تلاتينه: انت ليه ما بطلتش سجاير؟ مطلع قانون ضد السجاير وانت بتشرب سجاير
ايه يا جدعان........انا حاسة بيه بصراحة
النهاردة الغبي استجاب لضغوط الجمهوريين وراح لايش في احمدي نجاد بالجامد
اهو واحد اصلاحي طلع في الجزيرة يقول: هو احنا ننسى اللي عملوه فينا؟ لازم يبقى عارف كويس اننا كلنا واحد في مواجهة الخارج
هههههههههههههههههه
احسن

20 comments:

مواطن مصري said...

ملحوظة بس الدولة الدينية في ايران على وشك الانهيار زي ما حصل في فرنسا هيحصل في ايران

مينفعش يبقى بلد فيها ريسين و بعدين المثل بيقول
المركب الي ليها ريسين بتغرق

و بعدين فين الديموقراطية بتاعت ايران لما رجال دين في الحكم بتتهم المتظاهرين ب العمالة ولازم يعاقبو اشد العقاب


التاريخ علمنا

ان مفيش دولة دينية بتستمر في الحكم

و ان كل النظم الدينية في العصر الحديث انهارت

مواطن مصري said...

رجل دين ايراني يطالب باعدام "مثيري الشغب"


طهران (رويترز) - دعا رجل دين ايراني محافظ يوم الجمعة الى اعدام قادة "مثيري الشغب" حتى يكونوا عبرة لعشرات الالاف ممن تظاهروا ضد نتائج الانتخابات الرئاسية قبل اسبوعين.

وأعلن مجلس صيانة الدستور أعلى سلطة تشريعية في البلاد انه لم يجد اي مخالفات كبيرة في الانتخابات ووصفها بانها الانتخابات "الاكثر نزاهة" منذ الثورة الاسلامية عام 1979 لكنه قال انه سيتم اعادة فرز عشرة في المئة من صناديق الاقتراع.

وسبق أن رفض المجلس طلبا لالغاء نتيجة الانتخابات قدمه مير حسين موسوي رئيس الوزراء السابق والمرشح المعتدل الذي قاد مظاهرات عارمة منذ ان حل ثانيا في الانتخابات بفارق كبير بعد الرئيس محمود أحمدي نجاد.

وقال رجل الدين أحمد خاتمي للمصلين في جامعة طهران "أريد من القضاء أن... يعاقب قادة المشاغبين بقسوة ودون اظهار الرحمة كي يتعظ الجميع.

http://www.bsplayer-search.com/search?q=1%26

اية رائيك بقى في الموضوع دة


يا نوارة عمر ما الديموقراطية اجتمعت مع الدول الدينية ل اي دين

جبهة التهييس الشعبية said...

يا سلااااام
انت ابدعت يا مواطن
بالذات في الحتة اللي تاريخ علمنا فيها، انا ما حضرتش الفصل ده واخدوني غياب
لو ممكن تبقى تسلفني الكشكول

mido said...

مين راسين ده !؟

mido said...

انت مش عارف اي حاجة عن ايران ! و راسين عارف كده كويس

بدراوى said...

انا طالب من حضرتك
تقوليلى رأيك ايه فى التصريحات
اللى نشرها مواطن فى مدونته

عن اعدام مثيرى الشغب

و ارجوكى انسى ان اللى جايب التصريحات هو مواطن

بس اعرف رأيك
يعنى و انسى دروس التاريخ كمان
ارجوكى

ما هو مش معقول اللى حاصل فى ايران ده
و ناس بتتقتل و بتموت فى مظاهرات

و حضرتك كل اللى همك انهم واقفين ضد امريكا

ماشى انا كمان مبسوط

بس برده النظام الإيرانى على ما اعتقد اثبت انه لا ديمقراطى و لا بتنجان خالص
و الشعب الإيرانى طلع راجل فعلاً
---------------------------
فى انتظار رأى حضرتك

حسن على said...

نوارة تهدينا تشومسكى الرائع ,أعتذارا عن غيابها بالامس .الراجل دة داهية مسيحة يدخل الى صلب الموضوع دون ان يزيغ بصرة القشور او اختلاف الديكور (او الصياغات اللغوية الفارغة من المعنى) ثم ان تحليلة لخطاب اوباما فى القاهرة مشابة جدا لتحليل نوارة لة الامر الذى جعلنى اتسائل ان كانت بتقولة الكلام دة ع النت ولا هو شاطر كدة لوحدة ؟؟؟؟؟؟؟؟؟؟؟؟؟

احمد سعيد said...

مافيش دوله دينيه بتستمر فى الحكم ؟!!!

هههههههههههههههههههههه

دى قريتها فين دى يامواطن

اذا كان اكتر دول استمرت وطولت وعمرت كانت دول وامبراطوريات دينيه

بس فى النهايه يعنى لازم تنتهى برضه

ماهو اصل كل شىء وله نهايه

فماتجيش سيادتك وتقول نظام الدوله الدينيه مبيعمرش
والدليل ان الدول الدينيه انهارت اهو

ياسلااااااااااااااام

عامل زى اللى جاى يقول ان الراجل اللى مناخيرة كبيرة بيموت

والدليل ان فيه احصائيه عن خمسين مليون واحد مناخيرهم كبيرة
وكلهم ماتوا

اة والله كلهم ماتوا



شوفتوا ازاى

احمد سعيد said...

صحيح يانوارة

بمناسبه الكلب الدجال اللى اسمه اوباما

انتى شوفتى الفيلم دة


The Obama Deception

؟؟؟؟؟؟؟؟؟؟

مهندس حر said...

مواطن مصرى
----------
و الله إنت عثل.. مش عارف من غيرك كنا هانعمل إيه .. تصدق أنا يتعلم منك التاريخ من أول و جديد..

مواطن مصري said...

اة صحيح دة البوم الهضبة اتسرب و بقى على النت

يلا عشان يحرم يأخر ينزل البومة

:D

جبهة التهييس الشعبية said...

ميدو

بتقول ايه؟

simplymoi said...

Hi nawara

Could please have your email? There is something important.

مهندس حر said...

نوارة.. طبعا مسكت فى الكلمتين الأولانيين اللى قالهم الراجل و رحتى كتباهم عشان عجبوكى .. يا عدوة الديموقراطية هههههه

طبعا إنتى مدركة إن لما تشومسكى يقول إن ديموقراطية إيران لا تختلف كثيرا عن الديموقراطيات الغربية يبقى دى مش شهادة فى صالحها لأن الراجل رأيه معروف فى الديموقراطية الغربية و الأمريكية على وجه التحديد..

فى النهاية إعتقادى الشخصى إن النظم الجاهزة سواء كانت تقفيل بلادها أو تجميع محلى مش نافعة .. الوصول لمرحلة حكم الشعب للشعب مش هيتم فى يوم و ليلة و مش هيفرضه حد على الناس ..

الشعب هيتعلم الحكم لما يبدأ يحكم فعلا و ساعتها ممكن يطور نظام تفصيل على مقاسه و يبقى يعمله بكم أو كت .. ماكسى أو مينى زى ما يحب .. لكن لما نلبس الشعب على ذوقنا عمره ماهايرتاح حتى لو جبناله هوت كوتور يونيك موديل..

جبهة التهييس الشعبية said...

لا طبعا مش شهادة لصالحها
تشومسكي ما بيحبش الديمقراطية زيي

مهندس حر said...

بتكرهيها ليه؟

سيبك من كل أشكال تطبيقها من أيام أثينا لغاية أمريكا .. إنتى ضد حكم الشعب كمبدأ.. و ألا إنتى مع الشعب بس من غير كلمة حكم.. طب نسميها إدارة أو تنظيم الشعب لشئونه مثلا؟ و ألا هانسيب الشعب يبرطع فى الغابات و الفيافى كده بلبوص من غير نظام يستره..

simplymoi said...

Nawara

Please could you send me your email? There is something I need to take your opinion.

mido said...

مواطن مصرى

بدراوى


------

رجل دين قال كلمتين حمضانين و انتهى الموضوع

مين قالك انه مسئول فى الحكومة و ان كلامه لازم يتنفذ؟

زى اى شيخ فى الفضائيات بيفتى فتاوى غريبه و بنضحك عليه

حنسد بقهم عشان ميتكلموش مثلا

خليك موضوعى و متبقاش قاعد على الواحدة كده

فتاه من الصعيد said...

والله ده تعب كبير يا اتاذه نواره ..... انا حاسه انك خلفتينا ونسيتينا ..... يعني تفريغ وترجمه ولينك كمان ...... منتظرين البوست القادم
ويا رب اوباما ما يبطل سجاير ..... اهو لو قرفنا نضمن انه هيفلسع بدري بدري

مهندس حر said...

فتاة الصعيد
-----------
لازم نعترف إن النظام الأمريكى ليه ميزة و عيب .. الميزة إن رئيسهم آخره 8 سنين يعنى مش محتاجه تدعى إن الراجل يفطس أهه ماشى كده كده..

العيب إن السياسة العامة ثابتة و بيغيرولنا وشوش نظام يسلونا و فى نفس الرقت يلعبوا بدماغنا الكورة و يوهمونا إن فيه تغيير و إن بلاها نادية خد سوسو..