Wednesday, 17 June 2009

احنا عملنا ايه؟

احنا عملنا حاجة، وماحدش بقى يرص لي الكلام الفارغ بتاع خراب الذمم والناس بقت تفتري على بعض والهجص ده، ده حال الدنيا والانسان على مدى تاريخه
بس احنا عملنا حاجة محددة، فيه حاجة معينة عملناها هي اللي خلت مصر تبقى الدولة العربية الاولى في انفلوانزا الخنازير
في نفس الوقت اللي ريسنا ينصاب مصاب كبير، في نفس الوقت اللي الطاعون بيهددنا في نفس الوقت اللي جاب لنا ميكروب غريب في الدم قتل تلاتة في اسكندرية
البوست ده مش موجه لبتوع: قد مس آباءنا....وما يجوش هنا ولو جم ما يعلقوش
انا خايفة فعلا ومش طالبة حرية رأي خالص في الموضوع ده
احنا العادي بتاعنا ان كل حاجة بتحصل غصب عننا، حتى الكلام بتاع الرشاوي والناس بتضرب بعض في الشارع، كل ده غصب عننا
بس فيه حاجة تواطأنا مع مبارك عليها
ايه؟ حد يساعدني، يساعدني عشان ابري ذمتي منكوا واخلع انا بصراحة، انا ماليش دعوة بيكوا ده ربنا احنا ح نهرج؟ ولا اعرفكوا
ايه؟
موضوع غزة؟ بس ده كان غصب عنا، ايوة ما عملناش حاجة بس احنا مستضعفين، ده احنا لما رحنا قافلة فيها عشرين واحد نزلوا لنا تلات مدرعات على بوابة العريش
ايه؟
السيد حسن دعا علينا عشان ظلمناه؟ تصدقوا ممكن، بس ياربي مش كلنا كنا موافقين
صحيح ناس كتير زايدت وقلت ادبها بس فيه ناس دافعت، ما يغنوناش دول؟
عملنا ايه؟
فيه ظلم عملناه شبه اللي عملناه ايام سيدنا موسى، لان فيه تسليط علينا زي اياميها بالظبط
ملحوظة: انا مش عايزة سفسطة والنبي، انا باكلم المؤمنين اللي مصدقين ان ربنا هو اللي بيعمل كل حاجة حتى الاسباب، عشان مش طالبة افتحها مكفرة هنا
كفاية اللي احنا فيه
طب نستغفر كتير يمكن ربنا يلهمنا احنا عملنا ايه ونصلحه

48 comments:

مواطن مصري said...

السيد حسن دعا علينا عشان ظلمناه؟ تصدقوا ممكن، بس ياربي مش كلنا كنا موافقين


تعليق السيد حسن اتفقنا معاة او اختلفنا معاة فهو ليس واصي علينا


و هو بشر مش رسول ولا نبي مرسل

و بعدين ما لبنان فيها بلاوي بردو

و السعودية فيها اصابات

مواطن مصري said...

ميكنش لعنة الفراعنة هلت علينا

؟

جبهة التهييس الشعبية said...

على فكرة الرسول والنبي بشر

والسعودية دي لازم يبقى فيها اصابات

بس ماحدش اجتمع عنده طاعون وفيروس وكل امراض الدنيا غيرنا

مافيش حد عنده ده كله

ايه الميكروب الغريب في الدم ده كمان؟

وعلى فكرة انت لو ظلمت كافر ربنا ينتقم منك

فما بال تظلم مجاهد ضحى بابنه في سبيل الله

لا انا ولا انت نقدر على حاجة زي دي

وللا انت تقدر؟

Fahd said...

ربنا يستر والله يا نوارة

بجد او مرة الواحد يصاب شعور الخوف

فجأة كل شعور بالامان راح

هنروح فين ،هل هنعرف نهرب

هل ده غضب من ربنا

هو اكيد غضب من ربنا

بس اللي مطمني انه غضب تأديب من غضب افناء

لو ربنا شاء انه يفنينا مكنش صبر علينا كل ده

ربنا يستر

اعتقد اننا عملنا كل حاجه

شوفي العالم وصل لحد فين

ظهر الفساد في البر والبحر بما كسبت ايدي الناس

عاشق مصر said...

خبر مثير وبحاجة لتحليل

واشنطن تدعو موقع «تويتر» لعدم وقف خدمته في إيران

دعت وزارة الخارجية الأميركية، أمس، موقع «تويتر» الالكتروني إلى عدم وقف خدمته في إيران، نظراً لكونه إحدى الوسائل المهمة لنشر المواد المتعلقة بالتطورات الجارية هناك.
وقال مسؤول في الخارجية الأميركية إنّ الوزارة اتصلت «في نهاية الأسبوع» بمسؤولي هذا الموقع «لتلفت نظرهم إلى أن الموقع أداة تواصل مهمة جداً، ليس لنا، بل في إيران نفسها». ورفض المسؤول الكشف عمن اتصل بالتحديد بإدارة «تويتر»، لكنه أوضح أنها ليست وزيرة الخارجية هيلاري كلينتون.
ويؤكد مسؤولون أميركيون إنّ مواقع التفاعل الاجتماعي، مثل «تويتر» و«فايسبوك»، تزوّد الولايات المتحدة بمعلومات مهمة حول ما يجري من أحداث في طهران، خاصة بعد منع السلطات الإيرانية الصحافيين الأجانب من تغطية تظاهرات المعارضة، وفي ظل عدم وجود أي شكل من أشكال التمثيل الدبلوماسي والسياسي للولايات المتحدة في طهران.
وكان أنصار المرشح الإصلاحي للانتخابات الإيرانية مير حسين موسوي قد لجأوا إلى هذا الموقع لرص صفوفهم ونشر معلومات عن الصدامات بينهم وبين قوات الشرطة. («السفير»، رويترز، ا ف ب
http://www.assafir.com/Article.aspx?EditionId=1262&ChannelId=29119&ArticleId=1892&Author=

عاشق مصر said...

نحن لم نسيء لسماحة السيد
نحن لم نسيء لغزة
نحن لم نسيء لقيم الانسانية التي تحرم ان يقف الانسان مكتوف اليدين امام حصار يقتل بالمفرق، مجموع ماقتلته اسرائيل في غزوتها البربرية

نحن لم نسيء الى احد من هؤلاء

نحن قتلنا انفسنا
نحن رمينا انفسنا بالتهلكة
نحن بارزنا الله وقاتلناه وقاتلنا اوليائه بالصمت المتواطيء خوفاً على حياة لا قيمة لها بدون قيم ومثل عليا

في اللحظة التي يمتنع انسان من اتخاذ موقف من الاضرار بدون وجه حق بانسان آخر، يكون قد اعد العدة للضرر القادم اليه حتماً

وسنموت الف مرة رعباً مقابل موتة هنية حصل عليها الاحرار بشهامتهم وانسانيتهم

حسن على said...

البوست دة فكرنى بقصيدة الشاعر عبد الوهاب قتايةوالتى تبداء ب : تسألنى مابال حديقتنا كفت هذا العام عن الاثمار؟؟؟ وفى نهايتها يقول : تسألنى وانا اسائل ما بالك تسأل؟؟؟ وكأنك تجهل ان الشوك حصاد الشوك وكأنك تجهل ان الدمعة بنت الاحزان... فليرحمنا الرحمن.

عاشق مصر said...

ملاحظة بخصوص الخبر المثير
لم تنقل وسائل الاعلام الخبر على حقيقته، فموقع تويتر لا ينوي وقف خدماته في ايران بل صيانة الموقع وكانت مقررة في نهاية هذا الشهر.

الصارم الحاسم....يوما هل أكونه said...

فيه 2 مليون على حدودنا وممنوع عنهم الاكل والدوا ومالهمش منفذ الا احنا

ومعظم شعبنا بيمصمص شفايفه ويتصعب لكن وقت الجد الاغلبية - الاغلبية - لا بتتظاهر ولا بتحاول تفك حصار واجب فكه ول بالقوة الجبرية لان اللي بيحصل ده ميرضيض ربنا... وبيقولوا خلينا نعيش ومش عارفين مين هيهاجمونا ...كلام كمخدر لارضاء الضمير

لكن الجبن مش معناه الحياة

وماظنش انها كانت تفرق سواء كانوا مسلمين او غيره- اتكلم عن ال 2 مليون

فاما غضب من ربنا يجعلنا نفيق...والا يتحول لعذاب عام على شعب سلبي

وَاتَّقُواْ فِتْنَةً لاَّ تُصِيبَنَّ الَّذِينَ ظَلَمُواْ مِنكُمْ خَآصَّةً وَاعْلَمُواْ أَنَّ اللّهَ شَدِيدُ الْعِقَابِ

وياريت تقري الكام آية اللي قبلها


وده بالمرة
http://www.archive.org/download/attibyen36/tibyen29-12-08.wmv

مهندس مصري said...

* حديث أنهلك وفينا الصالحون
* الشيخ الدكتور سفر بن عبدالرحمن الحوالي
* من محاضرة: الأسئلة


السؤال: عندما سئل النبي صَلَّى اللهُ عَلَيْهِ وَسَلَّمَ: {أنهلك وفينا الصالحون؟ قال: نعم إذا كثر الخبث } وقال الله تعالى: وَمَا كَانَ رَبُّكَ لِيُهْلِكَ الْقُرَى بِظُلْمٍ وَأَهْلُهَا مُصْلِحُونَ [هود:117] فهل الذي ينجي الأمة هو أن يكونوا من المصلحين الصالحين؟

وما هو الدور الذي يجب أن يقوم به المسلم تجاه نفسه ليكون من الصالحين، وتجاه الأمة ليكون من المصلحين؟

الجواب: هذا سؤال عظيم، وما ذكره الأخ السائل هو حق، فما جاء عن رسول الله صَلَّى اللهُ عَلَيْهِ وَسَلَّمَ أنه قال: {نعم إذا كثر الخبث } وكان ذلك لما سألته أم المؤمنين رضي الله تعالى عنها، {أيهلكنا الله وفينا الصالحون؟ قال: نعم، إذا كثر الخبث }.

فالمانع والحائل من نزول العذاب هو الإصلاح لا مجرد الصلاح، فيجب أن يكون الإنسان صالحاً في نفسه مصلحاً لغيره، واعلموا أنه إن لم يكن مصلحاً، فإنه لا يكون صالحاً؛ لأن حقيقة الصلاح وتمامه إنما تكون بالإصلاح؛ ولذلك فإن النبي صَلَّى اللهُ عَلَيْهِ وَسَلَّمَ هو قدوة المصلحين وإمامهم صلوات الله وسلامه عليه، وهكذا كان أصحابه من بعده يدعون إلى الله ويأمرون بالمعروف وينهون عن المنكر.

ولقد اختل مفهوم الصلاح والفساد، في هذا الزمان عند الناس مفهوم الصلاح والفساد، وهذا وحده يحتاج إلى لقاء خاص؛ لأن كثيراً من الناس لا يمنعه من قبول الصلاح إلا الالتباس في هل هذا صلاح أم فساد؟

ولهذا بعض الناس إذا وعظته أو أعطيته أي شيء ترى أنه خير له، وتقسم له أن هذا من صلاحه إلا أنه لا يدري أهذا صلاح أم فساد؟!

فالأمور تلتبس على الناس، فمن أين نأخذ المعيار والميزان الذي نعرف ونعلم به الصلاح من الفساد، ونعرف المصلح من المفسد؟

من كتاب الله وسنة رسوله صَلَّى اللهُ عَلَيْهِ وَسَلَّمَ الله وأما لو أخذناه من معيار ثانٍ فماذا نجد؟

ماذا قال فرعون عن موسى عليه السلام؟

ذكر سُبْحَانَهُ وَتَعَالَى قوله: إِنِّي أَخَافُ أَنْ يُبَدِّلَ دِينَكُمْ أَوْ أَنْ يُظْهِرَ فِي الْأَرْضِ الْفَسَادَ [غافر:26] فكيف يصبح فرعون هو الناصح الأمين المشفق الخير، وموسى داعية الفساد؟!

عبقرينو said...

السلام عليكم

موافقك جدا انى فيه حاجات غلط بنعملها كلنا او بنعمل بعضها بس المؤكد أنى ربنا بيحبنا أنه بينبهنا علشان مش ينطبق علينا الآية الكريمة ويمدهم فى طغيانهم يعمهون صدق الله العظيم
الحاجات الغلط كتيييييييييييير قوى قوى قوى ياريت كل واحد يقعد مع نفسه ويعرفها ده مش معناه انى باقول للناس تربى دقنها وتلبس قصير او تترهبن او تبطل تتفاعل مع الحياة ولكن باقول للناس خدوا بالاسباب وفكروا فى وضعكم دلوقتى وعلاقاتكم ايه وافعالكم ايه بداية من الله سبحانه وتعالى انتهاءا بالمحيطين حولك
كويس انى الانسان يبقى عارف انى فيه اسباب تؤدى الى نتائج وانى ربنا امرنا بالتوكل والاخذ بالاسباب وعدم التواكل
ربنا بلهمنا ثوابنا اجمعين

مهندس حر said...

"واذا اردنا ان نهلك قرية امرنا مترفيها ففسقوا فيها فحق عليها القول فدمرناها تدميرا"

الإسراء - 16

تنفع الإجابة دى .. أظنها واضحة و كل اللى قلتيه لا يخرج عن ففسقوا فيها..

مهندس حر said...

و مع تسليمى بإننا نستحق غضب الله علينا فإضافة إلى ذلك فيه أسباب يمكن ملاحظتها و سهلة خالص..

الأوبئة العالمية مادام ما إبتدتش عندنا يبقى ما لناش دعوة ببدايتها.. لكن لما بتوصل عندنا بتستفحل ليه؟؟

نظام صحة واقع مستشفيات متهالكة .. لا نظام و لا رابط و خمايونية متأصلة .. يعنى خرابة..

الشعب الجهل بياكل فيه أكتر من المرض و المرض داخله من كل ناحية ميه ملوثه هوا ملوث أكل ملوث و فاسد .. عادات غير صحية نتيجة الفقر و فشل المؤسسة التعليمية فى إنها تخلى الناس يبقى عندها أى وعى..

طبيعى أن المرض ييجى عندنا يتوطن.. بلهارسيا.. إلتهاب كبد وبائى .. أنفلوانزا طيور و خنازير.. سرطانات بأنواعها و يمكن المرض الغريب اللى بتقولى عليه فى الإسكندرية يكون سرطان جديد طلعلنا مخصوص..

ربنا غضبان علينا لأننا قصرنا فى حق نفسنا و أهدرنا حقوقنا و إهدار الحقوق ظلم و الظلم كفر.. و مش كده بس إهدارنا لحقوقنا ضيع حقوق غيرنا اللى كانت أمانة فى رقابينا و خذلانا ليهم زاد و غطى و بقى كفر فوق الكفر.. فربنا سلطنا على نفسنا و أمد لطغاتنا فإستبدوا أكتر و إحنا سلطنا على بعضنا نستضعف الأضعف فالأضعف .. و ما بقاش فينا واحد صاغ سليم.. كلنا فاسد و مفسد و مفسود..

و كفاية كده لحسن هرجع..

مهندس مصري said...

إنفلونزا الخنازير تواصل الانتشار
إجراءات الوقاية لم تضع حدا لانتشار المرض (الفرنسية)

استمرت إنفلونزا الخنازير أو فيروس "أتش.1. أن.1" في الانتشار في العديد من الدول حيث أعلن عن ظهور حالات إصابة جديدة في مصر والسعودية ولبنان واليمن وكندا وكوريا الجنوبية وتايلند والهند، في حين أعلن عن أول ثلاث إصابات في عمان.

ففي مصر أعلن عن ثلاث إصابات جديدة من بينها أول حالة محلية ليرتفع العدد الإجمالي إلى 29 حالة إصابة.

وأوضح المتحدث باسم وزارة الصحة المصرية عبد الرحمن شاهين أن إحدى الحالات الجديدة لفتاة كولومبية (15 عاما) وصلت إلى مطار القاهرة قادمة من بلادها في العاشر من يونيو/حزيران الجاري.

وأشار إلى أن الحالة الثانية لطفلة مصرية (خمس سنوات) تحمل الجنسية الكندية وصلت إلى مطار القاهرة يوم 16 يونيو/حزيران الحالي.

أما الحالة الثالثة فهي لشاب مصري (21 عاما) يعمل في فندق بالقاهرة، وتمثل حالته فيما يبدو أول إصابة محلية.

وكانت مصر قد اكشتفت أولى حالات الإصابة في مطار القاهرة قبل أكثر من أسبوعين لفتاة أميركية من أصل مصري كانت قادمة من الولايات المتحدة، ثم اكتشفت عدة إصابات لاحقا في سكن لطلاب وطالبات الجامعة الأميركية في حي الزمالك بالقاهرة.

وطبقا للمتحدث باسم وزارة الصحة المصرية, فإن عدد الحالات التي شفيت بلغ 12 حالة وما زالت باقي الحالات قيد العلاج.

السعودية
"
منظمة الصحة العالمية أعلنت أن عدد الإصابات المؤكدة ارتفع إلى 35928 حالة في 76 بلدا، أدت إلى وفاة 163 شخصا. وأشارت إلى أن الفيروس تحول إلى وباء، ورفعت حالة التأهب إلى الدرجة السادسة والقصوى
"
كما أعلنت وزارة الصحة السعودية تسجيل خمس إصابات جديدة، ليرتفع عدد حالات الإصابات التي تم تسجيلها في المملكة إلى 22 حالة.

وأوضحت الوزارة في بيان لها أنه تم تسجيل 5 إصابات جديدة بهذا المرض، الأولى والثانية لممرضتين من الجنسية الفلبينية مخالطتين لممرضة فلبينية سبق الإعلان عن إصابتها الاثنين الماضي.

وفي سلطنة عمان تم تسجيل ثلاث إصابات لطلبة عمانيين عادوا من الولايات المتحدة.

وعربيا أيضا، في لبنان ارتفع عدد الإصابات إلى 12 حالة. أما في ليبيا فقد نفى مصدر طبي رسمي اكتشاف أول إصابة بإنفلونزا الخنازير في مدينة بنغازي شرقي العاصمة طرابلس.

وقالت السلطات الليبية إنها اتخذت كافة الإجراءات التي بدأت تتخذها بعض الدول العربية مؤخرا منذ اليوم الأول لظهور هذا الوباء العالمي.

وفي اليمن أعلن عن ارتفاع حالات الإصابة إلى خمس بعد الكشف عن أول إصابة لطالب يمني قدم من الولايات المتحدة السبت الماضي.

وأوضح بيان لوزارة الصحة أن الأربع حالات المكتشفة أخيرا هي لأربعة طلاب عائدين من الولايات المتحدة.

حالات وفاة
على الصعيد العالمي, أعلن في كندا عن ارتفاع حالات الوفاة نتيجة الإصابة بالمرض إلى 11 حالة بعد تسجيل 4 وفيات في كيبك ومانيتوبا أمس الثلاثاء.

كما أعلنت كوريا الجنوبية عن اكتشاف ثلاث إصابات جديدة، بما يرفع عدد الإصابات المؤكدة في البلاد إلى 70.

وفي تايلند, أعلن عن اكتشاف 95 إصابة جديدة, ليرتفع إلى 405 عدد الحالات المؤكدة في البلاد. ونقل عن مسؤولي الصحة أن من بين المصابين ثلاثة أشخاص عادوا مؤخرا من الخارج.

وفي إسبانيا حظرت السلطات دخول سفينة إسبانية على متنها ثلاث حالات مصابة بإنفلونزا الخنازير على الأقل ومنعتها من الرسو على جزيرتي غرينادا وباربادوس. كما تم عزل 11 شخصا آخرين عقب أن ظهرت عليهم أعراض محتملة للإصابة بالمرض.

وفي الهند أعلنت السلطات الصحية اليوم الأربعاء اكتشاف أربع إصابات جديدة بإنفلونزا الخنازير في نيودلهي ما يرفع مجمل الإصابات في البلاد إلى 35.
وكانت منظمة الصحة العالمية قد أعلنت الاثنين الماضي أن عدد الإصابات المؤكدة ارتفع إلى 35928 حالة في 76 بلدا، أدت إلى وفاة 163 شخصا. وأشارت إلى أن الفيروس تحول إلى وباء، ورفعت حالة التأهب للدرجة السادسة والقصوى.
المصدر: وكالات

جبهة التهييس الشعبية said...

باعتذر لكل اللي ما نزلتش تعليقاتهم لاني شفت فيهااستهتار باقدار لازم نتأملها

انا واحدة مؤمنة بان ربنا بيعمل كل حاجة
يا اما بيعملها بشكل مباشر
يا اما بيمكن ناس تعملها
يا اما بيسبب لها اسباب

في كل الاحوال ربنا ما بيعملش حاجة عبثا، وانا مؤمنة ان ربنا بيكلمنا على طول
كل حاجة بتحصل في حياتنا كلام ربنا لينا
وتجاهل كلام ربنا لينا اقل حاجة تتقال عليه انه قلة ادب
يعني ده انا لو باكلمك وتجاهلتني تبقى قليل الادب
وللا ايه؟
ده ايماني
ممكن يكون غلط
وممكن يكون مخي على قدي
بس ده ايماني وتتابع الاحداث في حياتنا كلام ربنا لينا
بيقول لنا حاجة
وانا عايزة اسمع هو بيقول ايه
وما عنديش دماغ في اللحظة دي تحديدا لا اسفسط مع حد ولا استفز حد ولا حد يغلس عليا

اللي عنده استعداد يفكر معايا انا طالبة مساعدة مش طالبة استنطاع

ممكن نستنطع على بعض في حاجات تانية
ووقت تاني
باكرر اعتذاري لكل اللي ما نشرتش لهم التعليقات

أسماء - فلسطين للأبد said...

"إن الله لا يغير ما بقوم حتى يغيروا بأنفسهم"

وحكاية اننا ما عملناش حاجة دى مصيبة لوحدها .. هى فعلا جريمتنا اننا مابنعملش حاجة .. مجرد جمهور بيتفرج على اللى بيحصل .. لا بنرد ظلم ولا بنقر عدل .. لا بنأمر بمعروف ولا بننهى عن منكر .. كل واحد بيقول ياللا نفسى وانا ومن بعدى الطوفان .. وماحدش عايز يعمل أى حاجة ولو مجرد انه مايرميش ورقة فى الشارع .. إحنا فعلا ما بنعملش أى حاجة فى أى حاجة .. متهيألى ده سبب كافى لكل اللى بيجرالنا يمكن نفوق ويمكن نبتدى نعمل حاجة

متفقة بشدة مع الصارم الحاسم ومع مهندس مصرى

مهندس حر said...

نوارة.. إنت عايزة الإجابة الأسهل و ألا الإجابة الحقيقية؟؟

أو بمعنى أصح هل عايزة حل يسهل علينا القيام بيه مع توخى السلامة ..

مثلا نكثر من الإستغفار..

بس الإكثار من الإستغفار هو سنة فى كل و قت و كل حين .. و التوبة لا تكون نصوحا حتى يجبر ما كسره الذنب إذا كان ذلك مستطاعا و يعفو الله على مافرغ أجله و إستحال جبره..

يعنى .. المفروض أصلا إننا بنستغفر الله بشكل مستمر على السهو و النسيان و مابدر منا دون أن ندركه و هو كثير.. و لكن ذلك لا يصلح لما كنا نعرفه من ذنوبنا..

و لكن الناس إصطلحت و تصالحت مع نفسها على حصر الذنوب فى أمور و أعتبار غيرها خارج دائرة الذنب..

و معظم الناس لا ينظر إلى أمور كالتقصير فى حق البلد و ترك مصيرها نهبا على أنها ذنوب تستوجب الإستغفار و التوبة .. و يظنون أنه يكفى فيها الإستبراء بأضعف الإيمان و هو الإنكار بالقلب أو الإنكار باللسان .. و أكثرنا لهج بالإنكار بلسانه حتى عمى قلبه و لم يعد ينكر الباطل بقلبه أصلا فصار إنكار لسانه ثرثره و فض مجالس و طق حنك بل و فخر بالبلاغة و المعرفة ببواطن الأمور..

قد ترين أن ما أقول سفسطة.. و أنا شخصيا لأا أدرى إن كانت كذلك و لك أن تنشرى ما أقول أو لا تنشريه..

سبهللة said...

نوارة
انا مرعوبة
بجد هاموت من الرعب
لدرجة ان جوزى كان جاى الاسبوع اللى فات من البحرين بعد زيارة دامت تلات ايام
ومن ساعة ما جه من السفر وانا كل شوية احط ايدى على اورطته عشان اجسه
لو حرارته ارتفعت احاول الحقه
وخايفة منه ان يلمس الاولاد او يبوسهم خاصة وانى توسلت اليه انه يلبس الكمامة من ساعة ما يخرج من البيت لحد ما يرجع لكنه رفض
وقالى انا لو لبستها الناس هاتفتكر انى عندى انفلونزا وهايحجروا عليا فى المطار ومش هالحق الطيارة
ربنا يلطف بينا
انا مش عارفة احنا عملنا ايه
بس الاكيد اننا مش ماشيين كما ينبغى ولا بنطبق شرع الله ولا سنة رسوله
اللى قال فيما معناه لو فيه وباء اصاب قرية او مدينة ان يمنع تماما الدخول والخروج منها
نفسى اعمل زى هدى سلطان فى مسلسل الوتد لما الكوليرا دخلت البلد حبست اهل بيتها كلهم فى البيت لحد ما الوبا يعدى
ليل ونهار بدعى ربنا
الطف بينا يارب
اللهم ارحمنا بما ترحم به عبادك الصالحين

الكلمة نور said...

دى باينه متباينة
وترفض الشرح
يمكن عشان كارتر
اللى لا عندو ازهر ولا بيحج كل سنه
يبكى على منظر غزة بعد 6 اشهر من من انتهاء الحرب
ولا يمكن عشان بنطرمخ على السودان
او جايز يمكن لان راى الناس وقت الحرب كان مع غلق الحدود
ولا جايز عشان قلعنا ملط لاوباما؟
و بعتنا سفير للعراق
ويجوز ان قعدة حسنى على السد العالى بمنتهى التكبر قلبت علينا الغضب؟
ولا يكونش عشان انتى مصرة ترفعى ضغط الدم عند الناس اللى بيدخلوا عندك
والله لو جرى للناس الغلابة اللى بيجولك حاجه ذنبهم هيبقى فى رقبتك
روحى ياشيخة ومش هتلاقى حد يعلق عندك
وهتلاقيهم ماشيين فى الشارع بالبيجامات بيشاوروا بصابعهم السبابة اشارة تشهد وبقهم معووج
او بينظموا مرور فى السيده
ولا يمكن المقصود بموضوع الانفلونزا ده انهم يلغوا الزمالك والمعادى

mido said...

انتم عايشين فى وهم الوبا ليه ؟



الانفلونزا العادية أشرس من انفلونزا الخنازير


الطاعون مجاش مصر و محدود جدا فى اصاباته فى ليبيا يتعدوا على الايد


متكبروش موضوع الامراض

Sosso said...

ya nawwara ya3ni ebedet 7ayawanet bettari2a elli t2attalet beha el5anazir di hatfou t bessehel??? de rou7 t2atalat bela sabab we heyya rabbina y7aseb 3aliha aktar mal bachar 3achan hiyya 3agza we moch mokallafa esma elgarima di bass yegib kaza 3iqab

77Math. said...

عن أبي هريرة رضي الله عنه أن رسول الله صلى الله عليه وسلم قال: ((لا تقوم الساعة حتى يمر الرجل بقبر الرجل فيقول يا ليتني مكانه)) رواه البخاري.


((يا معشر المهاجرين خمس إذا ابتليتم بهن، أعوذ بالله أن تدركوهن، وذكر منها - ولم تظهر الفاحشة في قوم قط حتى يعلنوا بها إلا فشا فيهم الطاعون والأوجاع التي لم تكن مضت في أسلافهم)).




هنا

بتنفس حريه said...

انا فى راى مش علشان غزه ولبنان أكتر منها ان احنا وحشين..ايوه وحشين فى نفسنا ..احنا الى ممكن يتقال علينا فى القران قوم ظالمين وظلمنا ده بيبقى لنفسنا مش لحد تانى.

الظلم جاى من فوق لتحت ..الكل بيظلم الى اقل منه مافيش تفرقه ..والناس بقى عندها تبلد..لغايه مابقى قى مجتمع كل الى عايشين فيه ظلمه ولو بسيط حواليك حتفهم كده

ومصادفه وجود انفلونزا الخنازير مع الطاعون ده من صنع ايدينا احنا .

ليه ماتقوليش ام احنا اكبر بلد عربيه فيها اصابات علشان احنا الولد الوحيده الى قالت حندبح كل الخنزير البرئيه من الذنب وكمان بالطريق الوحشيه دى ظلمنا حتى الحيوان كلنا بنظلم الى ااقل مننا

احمد سعيد said...

نوارة
قريتى البوست بتاعى بتاع الطوفان ؟
دة مش عمل ادبى على فكرة
دى رؤيه مناميه

وكان فيه اتنين كمان بس مرضيتش احكيهم
واحد بعك الطوفان

والتانى لسه من اسبوع

والاتنين على البلد كلها

ورؤيا على فكرة

مش حلم



اقولك السبب

السبب غزة

تخيلى مثلا يانوارة كام اب وام وشيخ وطفل دعوا علينا

ودعوا علينا بحرقه قد ايه

ماهو متحاوليش تقنعى نفسك انهم مستوعبين الوضع وحاسبينها كويس وعارفين ظروفنا

يعنى مثلا تخيلى نفسك واسف فى التشبيه بولادك كلهم مرميين قدامك اشبه باللحمه المفرومه

وبيتك يتطربق

وجوزك ينقتل
و ...و ....و


هل لما ترفعى ايدك وتقولى يارب
هيبقى فى قلبك لالا دا المصريين غلابه ومالهمش دعوة , دا عوكل هو اللى بعمل كدة غصب عنهم
احمى المصريين يارب وانتقم من عوكل بس


هل تتوقعى انهم يقولوا كدة ؟؟؟

طيب دعوة مظلوم بالشكل دة وطالعه بالحرقه دى وتفويض الامر لله دة ؟؟؟

يعنى دعوة طالعه السما بصارؤخ

والملايكه بيستقبلوها عالباب

هل دى دعوة ممكن ربنا يردها ؟؟؟

بركاتك ياعم نجيب يامحفوظ

سيناريوهاتك بتتكركر

بس السؤال بقى

ياترى مين صاحب النصيب اللى هيبقى عاشور الناجى ؟؟؟؟

الله يمسيك بالخير ياستاذ مجدى احمد حسين ويفك عنك

Founoon said...

واحدة صاحبتي النهاردة بتقول انها مش مقتنعه ان اللي بيحصلنا دا صدفه ولا عادي وشايفة ان كل دا مقصود وفيروسات مخلقة وناس قاصدة ظهورها تاني عشان الفاكسين والدوا لانعاش اقتصاد امريكا مرة تانية بعد الازمة

جبهة التهييس الشعبية said...

ماهو مافيش صدف
حتى بيقولوا ان الطاعون ده اتسرب من اسلحة زفت الطين القذافي البيولوجية
بس احنا بقينا عمالين زي زبالة العالم
كل حاجة بتصب فيها

بس والنبي بلاش حد يقول علينا وحشين

احنا مش وحشين والله احنا كويسين
انا شخصيا شايفة ناس كتير كويسة
بس فيه حاجة
فيه حاجة اتعملت
مش عارفة فيه حاجة مش مظبوطة

الحلم العربي said...

و الله لسة كنت بقول لنفسي لما عرفت موضوع الطاعون ده
هو اشمعنا مصر .. هو احنا عملنا ايه؟
ووصلت لنتيجة مش عارفة صح و لا لأ بس بيتهيألى انها صح
بصى لكل واحد فينا
احنا مليانيين زيف و كذب بجد مش كلام
بصى لأي مصلحة حكومية أو حتىمش حكومية و شوفي كمية النفاق و الرشاوي
بصى لانعدلم المرؤة بين الناس
اللى يشوفوا واحدة بتتعاكي او حد بيتحرش بيها فييجوا يساعدوا المتحرش بدل ما يدافعوا عنها
بقينا بنحلل لنفسنا اي شئ علشان المصالح تمشي
شوفي الزنا مالى فضائياتنا ازاي و شوفي الكبائر بقت حاجت بسيطة ازاي في نظرنا
شوفي قد ايه مننا بيشربوا مخدرات و بانجو و خمور
هتقوليلى ماهو كل ده موجود في دول الخليج مثلا اشمعنا احنا
هقولك
علشان احنا كنا القدوة ليهم دايما
احنا المخ و العقل اللى بيفكر للأسف دلوقتى بقينا احنا القوادين بدل ما نكون احنا القادة
و الفرق كبير قوي
يبقى لازم احنا اللى ربنا يعذبنا
ده احنا ربنا سترنا كتير قوي
و في الآخر هقولك ربنا رحيم
بيبتلى الصالحين مننا علشان يعلي درجاتهم و بيبعت للفاسدين آيات للتخويف في الدنيا قبل الآخرة
لعل كده أرحم لنا
ربنا يرحمنا

Rania said...

اللهم ارفع غضبك و مقتك عنا .. للاسف فعلا بقينا عملين زى زباله العالم كل حاجة بتصب فينا .. ربنا معانا يا رب و يرحمنا

عاشق مصر said...

عندما ينظر الانسان لفلسفة اعطاء المال للمؤلفة قلوبهم، الا يظن ان الامر تشجيع على النفاق ؟ والغني عن العباد عز وجل لماذا يأمر باعطاء المؤلفة قلوبهم مالاً ؟

جوهر هذه الفلسفة حماية المستضعفين من خلال خلق كتلة مرهوبة الجانب تقطع آمال الظالمين وتمنع اعتداءهم على الناس

اعتقد ان مافعلناه هو اننا كشفنا وسمحنا بكشف ظهر المقاومة التي كانت تشكل الاداة الآلهية لحفظ المستضعفين

من هاجم وايد موقف الحكومة في فعلتها الشنعاء، فعل ذلك بشراسة وبدون تحفظ
ومن دافع عنها الا عدد لا يتجاوز عدد اصابع اليدين، فعل ذلك بتحفظ وبشكل بارد الى درجة انه برر مافعلته الحكومة والتمس اسباباً تخفيفية لمن كان يسعي لتغطية موقفنا كبشر امام اهل الارض والسماء

بعض الواجبات كفائية، بمعنى اذا قام بها احد سقط التكليف عن بقية الامة

وبعضها عينية، وتلزم كل واحد منا بتقديم عصارة جهده وفكره ومااستطاعته يديه

ونحن في حالة غزة، فشلنا في القيام بواجباتنا وسمحنا بتهشيم واضعاف من فعل ذلك

الصد عن السبيل ترف في ارتكاب الظلم، لان الفرد لا يمتنع عن القيام بواجباته فقط، بل يسخر امكانياته لتثبيط الآخرين ومنعهم من القيام بذلك

اعتقد اننا ارتكبنا جريمة الصد عن السبيل

simplymoi said...

What the Iraqi people did to deserve a fate like that?
The Somalia people 18 years of civil war, death, hungry?
Palestine people 60 years of homeless, raping of land, people?

And the list goes on Nawara what you got in Egypt isn’t nothing compared to the rest of Muslim world. Nawara it is a message for your people to love your country and land because all these things are small stuff compared to what the future has for you.
I saw Iraqi and Somalia people will die to have half what you got in Egypt.

What got you nawara? You were strong than that. You guys thank Allah for your country.
A. you got a country
B. Hospital when you get sick
C. Police who protect you in most case
D. Schools for your kids free
E. Slice of bread even if you find in garbage
F. Water to drink even if it is polluted


You all will appreciate your Egypt when you live for day in Gaza, Iraq, Somali.

muslimHuman said...

Warum ist das so schwer zu glauben? die Moral und Ethik in die Menschen ist fast verschwunden.

الصارم الحاسم....يوما هل أكونه said...

اذا بتسألي عن الحل...فما في ايدي الناشطين والمهتمين هو الحض على كراهية النظام وابراز اخطاؤه وتفويق الناس بشكل صريح وتكوين رأي عام للتحرك الفعلي لتغيير الامور واصلاحها داخليا ورفع الحصار عن الناس اللي جنبنا خارجيا

الصارم الحاسم....يوما هل أكونه said...

وياريت تكوني شفتي والناس شافت الفيديو اللي في الرابط

esraa said...

فاكره قصة أعوان الظلمه في مشكلة خلق القران
كان تقريبا ابو حنيفه وكان هيتجلد فالجلاد سأله انا كده من اعوان الظلمه لأني بشتغل معاهمومضطر اعمل ده
قاله لأ انت من الظلمه نفسهم

أعوان الظلمه هم اللي بيسبوهم حتي لو كان بالسكات

بجد مش عارفه
ربنا يرحمنا برحمته

دودو said...

دى حكمة ربنا

لان حال البلد مبقاش ينفع فية اى حلول

يمكن بكدة الدنيا تبتدى على نضافة

هنقول اية ذنب الناس الغلابة

ذنبهم انهم ظلموا نفسهم بالصمت والسلبية
وعدم الدفاع عن حقوقهم

ورضوا بالظلم والمهانة

من غير مايكون ليهم اى ردود افعال


ربنا يلطف بينا

محمود المصرى said...

بسم الله الرحمن الرحيم
هو السيد حسن مش مستجاب الدعوة علشان نحط الاحتمال دا فى الاعتبار كفاية انه من اهل البدع ورأيه فى ابو بكر وعمر رضى الله عنهما يكفى ان يغلق فى وجهه ابواب السماء .
لكن فى حاجات كتير تواطأنا عليها كشعب مع النظام زى تغييب الشرع والاحتكام للقوانين الوضعية , وزى ما السخرية والاستهزاء من الدين وطبعا كل المعارضة بكافة اطيافها العالمانية مشتركة فيها بصورة او بأخرى والشعب قاعد يتفرج .
ببساطة الجواب يا استاذة نوارة فى قول الله تعالى " واتقوا فتنة لا تصيبن الذين ظلموا منكم خاصة "
والرسول قال للسيدة عائشة لما سألته انهلك وفينا الصالحون قال نعم اذا كثر الخبث " والبلد مليانة خبث عالمانى على يسارى على الحادى على بلا ازرق حاجة تجيب انفلونزا خنازير وطاعون وكل امراض الاولين والاخرين .

نهضة العرب said...

بعض الناس تعتقد ان الله وضع كل شىء قضاء وقدر وان جميع احداث حياة الانسان مكتوبة ولا تتغير لكن الله لم يخلق الكون وكتب عليه احداث معينة فقط ااى انها ستقع ستقع وطبعا ربنا قادر على كل شىء فان شاءحدوث شىء فسيحدث ولكن حتى ان هذه الاحداث تتحدد حسب تصرفات الفرد وال جماعة اى ان الله يتدخل باسمترار وتتغير مجريات الاحداث حسب تصرفات الفرد والجماعة .استجابة الفرد او الجماعة قد تكون الاقتناع بان الاحداث السيئة التى تقع ليس لها علاقة بافعال البشر وصنف اخر يعتقد ان هذه الاحداث مترتبة على تصرفاتهم الصنف الاول غير مؤمن بالله او ايمانه ناقص او مؤمن بالاسم فقط اى انه ولد على احد الاديان السماوية لكن علاقته بالله روتيتينة الصنف الثانى مؤمن حتى وان كان مذنبا وكلما زاد الاقتناع بان الاحداث المؤسفة هى مترتبة على افعال الانسان وادى ذلمك الى تاملا وبدوره ادى الى الاقلاع عن ذنب معين فان الانسان او الجماعة فى الطريق الصحيح .اى ان الله يتابع كل انسان كانه حالة منفصلة فان اذنب الانسان يجد مؤشرات تدل على ان الله غاضب منه والمشكلة تكون فى الاصرار على ذنب معين للفرد او الجماعة وكمثال لذنب الجماعة الاقوام التى هلكت مثل قوم لوط وشعيب وغيرهم فان السبب الرئيسى لهلاكهم ليس فقط الذنوب ولكن كما ذكر فى القران هو ذنب معين واصروا عليه ..وكما حدث فى تسونامى وكذلك فى الاعصار الذى حدث فى شرق امريكا لان الذنب الذى اصروا عليه جميعا هو الشذدوذ الجنسى فهلكوا جميعا
ونفس الشىء بالنسبة للانسان كحالة منفصلة وليس داخل مجموع
.
وان كان داخل جماعة بها ذنب معين لكن ليس الجميع مصر عليه فلا يهلك الجميع ويهلك البعض فقط وليس معناه انه مكتوب انه سيهلك من اذنب منهم فقط لكن قد يهلك فى ذلك الصالحون وتكون هنا الفتنة فقد يعتقد المذنبون الذين لم يهلكوا انهم فى مامن لكن قد يكون هناك اعداد ومصيبة اكبر من الله لهم
وبالنسبة للصالحون سياجرون على افعالهم الحسنة اثناء وجود هم فى المجتمع المذنب
اذا كان الانسان يعيش بلا ذنوب لكن يعيش فى مجتمه تكثر فيه الذنوب فان الله يعطى له الراحة النفسية ولكن بسبب ذنوب المجموع تحل المشاكل على المجتمع الذى هو به ويتاثر بها مثل الفقر او الفساد الادارى او الاجتماعى ..الى اخره

الجزاء من جنس العمل ليس مبدا ينطبق على الفرد فقط انما ينطبق على الجماعة كمثال بالنسبة للشعب المصرى هل تجدى من يحترم راى غيره حتى داخل الاسرة الواحدة الا ما رحم ربى وكذلك فى العمل .
فان الرئيس فى العمل يطبق راية حتى لو راية مخالف لمن تحته.
هل نحن كافراد داخل جماعة نقبل اراء بعضنا البعض؟
فان النتيجة ان يحكم هذه الجماعة ديكتاتور لانه وبكل بساطة نحن جميعا الا القليل ديكتاتوريون صغار فى ارائنا وافعالنا واحكامنا حتى وان لم يعلم او يدرك الكثيرون انهم كذلك

لماذا وصل نازى عنصرى مثل هتلر للحكم لان معظم الشعب الالمانى وقتها كان نازى وعنصرى وضد اى قومية غير قوميتهم

بالنسبة لمصاب الرئيس او اى مصاب يصيب الانسان فان ذلك يكون اما لتذكير الانسان او تحذيره وهذا لا يمنع ان ميعاد وفاة اى انسان مكتوبة وليست قابلة للتغيير
او تكون اختبار لايمان الانسان وليعلو فى درجة ايمانه
وقد يكون الحدث فيه عبرة لاخرين
فقد يعتبر احدهم
وقد لا يعتبر الكثيرون

الاحداث السيئة للفرد او الجماعة مثل اعراض المرض التى تدل على وجود خلل ما داخل الجسم
لان المرض ان جاء بدون اعراض مؤلمة فقد يهلك الانسان
اما الاعراض تذكره بان عليه ان يخطو خطوات لمحاربة مرض نفسه قبل ان يهلك
وهذا ينطبق علىالفرد والمجتمع على حد سواء

مهندس حر said...

نوارة..

بلاش حكاية كويسين دى ماتحرقيش دمى..

إحنا مش كويسين على جميع المستويات.. حتى الغلابة المطحونين برضه بيظلموا بعض أو بيظلموا نفسهم..

و فى النهاية إحنا بالتأكيد مسئولين عن كل ما يرتكبه النظام بإسمنا و محاولة التنصل من السئولية دى فى حد ذاتها أحد ذنوبنا..

الأسوأ إن بسببنا ناس تانية بتعانى من أيام النكبة و اللى حصل فى 67 و بعدين خلينا بيهم و قولنا كل واحد يدور على أرضه و مصلحته و بعدين آخرة الظلم نخنقهم و نفطسهم بإيدينا؟؟

طيب الناس عملت مظاهرات أيام العدوان.. و بعدين كل واحد طنش و رجع لمساره الطبيعى.. حتى البلوجرية رجعوا يكتبوا فى أى حاجة و كل حاجة و قليل منهم اللى فاكر إن المعبر مازال مغلق و حتى المساعدات الإنسانية تمر بصعوبة و أحيانا لا تمر..

يعنى ببساطة لو أم غزاوية كشفت راسها و دعت على اللى كان السبب فى إن إبنها يبقى بيموت بين إيديها و مش لاقياله أكل أو علاج.. يبقى كل واحد مننا له نصيب فى الدعوة دى .. و ده غيض من فيض..

مهندس حر said...

esraa
-----
المبتلى بالسجن و الضرب بسبب محنة خلق القرآن هو الإمام أحمد بن حنبل و كان ذلك فى عهد الخليفة العباسى المأمون بن هارون الرشيد

مهندس مصري said...

من كان يجلد هو الإمام احمد بن حنبل
و عندما سأله الجلاد : إنني مجبر على جلدك فهل أنا من أعوان الظالمين ؟
قال له : لا بل أنت من الظالمين و لكن اعوان الظالمين هم من يخيطون لك ثوبك و يصلحون لك نعلك

مهندس مصري said...

قريتي الدراسة اللي عندي في آخر بوست و لا لسه ؟

lebneneyeh said...

سلام عليكم
انا معك يا نوارة اكيد ربنا عم يبلينا بامراض و ابتلاءات كتيرة بس عشان يذكرنا انو انتو ولا شي ما انتو الا بشر ضعاف حقراءلا حول لكم ولا قوة و انكم رغم ضعفكم و قلة حيلتكم عم تتكبروا وتتفرعنوا على عبادي المستضعفين المؤمنين المساكين .
فالشاطر يا نوارة يللي بحلل الامور هيك متلك و عن جد عم بحكي لانو كل المصايب يللي نحن فيها من كل الانواع عم بحكي كلها سببها بعدنا عن ربنا و عن دينا و نسينا شو يعني الرحمة والرأفة بالمسكين فربنا من رأفته و رحمته بذكرنا و بيقرصنا بعض الاحيان عاشن نتستعيد ذاكرتنا بس للاسف نحن في سبات .
المهم علينا بالدعاء مع انو ربنا كرمال هالكم فئة الفاسق ربنا ما يستجيبلنا. بس انا ممكن قللك على دعاء هو جملة من دعاء كامل اسمو دعاء كميل عن الامام علي (ع)
و هو:اللهم اغفر لي الذنوب التي تهتك العصم,اللهم اغفر لي الذنوب التي تنزل النقم,اللهم اغفر لي الذنوب التي تغير النعم اللهم اغفر لي الذنوب التي تحبس الدعاء اللهم اغفر لي الذنوب التي تنزل البلاء.

ربنا يتقبل منا و منك يا نوارة و اللهم عافينا اجمعين.

Me7'o said...

معاكى قلباً وقالباً
بس عارفة احنا نستاهل اكتر من كده برضه
ربنا رحيم جداً معانا

لإن احنا رضينا بحكم الظالم
وآدى النتيجة

بصى يا جبهة
أنا لسه كاتب بوست طازة عن تصنيع رغيف العيش
خشى إقرأيه يمكن تلاقى إجابة سؤالك هناك

فتاه من الصعيد said...

الموضوع مش لعنه استاذه نواره .......الموضوع سوء اداره للأزمه
وعلى فكره هديكي مثل

انفلونزا الطيور لما جت البزنس اشتغل وقالوا نحصن ...... طيب لما نحصن المرض هيتوطن قالوا عادي
والمصل جابتوا الوزاره مصل صيني مستضعف من عتره قويه ...... المفروض يكون ميت .... لكن الصيني ارخص ..... المهم المصيبه حصلت والمرض توطن

انا الحمد لله مؤمنه بالله بس موش السبب غزه ولا سماحه السيد دعا علينا
دي لعنه الرجل الغير مناسب في المكان الغير مناسب......في الاوقات الصعبه بتظهر المشكله او الكارثه

انفلونزا الخنازير لسه ما دخلتش ومحدش مات .....وكل الاصابات من وافدين

الطاعون جاي من بلد جنبنا وولسه ما جاش

بالنسبه للميكروب الغريب ..... مفيش حاجه اسمها غريب ....... في حاجه اسمها سوء تشخيص وعدم قدره المعمل على العزل السليم
لو غريب كانت منظمه الصحه نطت عندنا ...... ما تخافيش ربنا بيستر
اسفه للاطاله

Nohaz said...

http://www.youtube.com/watch?v=67N3UtMy75U

check this ana ma2drtesh akmal wa2la kont harag3 3al laptop we abawazoo
aih el teeeeeeet da

مواطن مصري said...

نوارة احنا علمنا على ايطاليا

كسبناهم

مواطن مصري said...

تواصلت الاحتجاجات على نتائج الانتخابات الإيرانية الخميس 18-6-2009 لليوم السادس على التوالي، وكان المتظاهرون يرتدون القمصان السوداء، ويحملون زهوراً بيضاء تحمل عادة في مراسم العزاء وفي تشييع الشهداء بحسب طقوس الجمهورية الاسلامية.

وفيما تستمر الاحتجاجات السلمية، وتصفهم السلطة بغير القانونية، جابت شوارع طهران قوافل من راكبي الدراجات من جماعة أنصار حزب الله، وهم ذوو الملابس المدنية والتعبئة، لمواجهة أي احتجاجات من المعترضين على نتائج الانتخابات.

وقد أصبح مصطلح حزب الله يطلق في الشارع الإيراني على عناصر مدنية تهاجم التجمعات والمظاهرات المعارضة بشكل عام، وتتهمها المعارضة بارتباطها بالأجهزة الأمنية الحكومية

من جهة أخرى منع القضاء الإيراني ابنة الرئيس الاسبق أكبر هاشمي رفسنجاني وأحد أبنائه من مغادرة الأراضي الإيرانية لضلوعهما في تظاهرات المعارضة.

http://www.alarabiya.net/articles/2009/06/18/76287.html

اية رائيك بقى في الي بيعملو حزب الله في ايران فرق كراتية و سلميني على الديموقراطية

سلامات يا ايران

mohammed said...

أنصحك بقراءة كتاب الفتن و الملاحم لأبن كثير أعتقد هتلاقى فيه إجابات شافية