Friday, 5 June 2009

أحلى تعليق على خطاب اوباما

تعليق وائل خليل على التويتر
wael finally he should've closed his #cairospeech with 'Cleanliness is next to Godliness'... good night

الترجمة: اخيرا، كان مفروض يقفل خطابه بـ: "النظافة من الايمان" وانا يا وائل احب اضيف
ويزود عليها: والوساخة من الشيطان
وتبقى داهية لو واحد ترجم حديث: المؤمن كيس فطن
من كتاب فيه غلطة مطبعية: المؤمن كيس قطن وكنا نلاقيه بيقول لنا:
Muslims' hearts are supposed to be as white and sterile as a cotton bag.. to be precise,
(ويقفل صوابعه على بعض ويجز بعنيه زي ما بيعمل)
A Muslim is a bag.. and his heart is a sterile piece of cotton

19 comments:

احمد الجيزاوى said...

بعد الخطاب الاخير لاباما فى جامعه القاهرة
شيخ الازهر خاف على منصبه وخطبه الجمعه بتعته
وفى اقتراح يتعمل برنامج لاباما فى قناة الناس
ويبقه اسمه اباما يعقوب او باراك حسان وعمر خالد هيعتزل ويسبه لاباما

عرفه لعبه السنيورة بتاعت المولد
اكيد الحج حسين اوباما هو اى اخترعه
عرفه انا بقلى خمس سنين شغل محامى عمرى مشفت نصاب ولا اونتجى كلام زى الراجل دة
وعلى راى المثل
افلح ان صدق

نوبي من شبرا said...

و يقفل الخطاب و هو بيقول اللهم انصرنا علي اليهود و من عاداهم
و حرر الاقصي و اللي قاعدين يقولوا آميييييين

soreal said...

you are just unbelievable :)))))

enjoy the cleanliness while it lasts :P

بدراوى said...

انت مالكوا شادين حيلكوا على الراجل كدة ليه

ما كل شىء متوقع

احنا بس اللى للأسف كنا متوقعين يكون خطابه افضل من كدة
و حطيناه امال عريضة عليه

خفوا على الراجل شوية
العيب مش عليه و هو مش حيعمل حاجة للناس اللى مش عايزة تعمل حاجة لنفسها

بس خلاص

جبهة التهييس الشعبية said...

انا بس عايزة اعرف انا امتى حطيت عليه امل؟

امتى بان يعني من كلامي اني حاطة عليه امل

انا بس كان املي ان الحضور يبقى عندهم كرامة

مش لازم حد يحدفه بالجزمة
بس ما كانش فيه داعي لحالة الهياج اللي صابتهم دي

77Math. said...

مسخرة

بدراوى said...

لأ انا مش بتكلم على حضرتك
انا بتكلم بصفة عامة

اصلكم ماسكين الراجل سالخينه
و مبهدلينه
عمل ايه يعنى

ما ده المتوقع منه

و لا انتى عايزاه يقول للغولة عينك حمرا دوغرى

ذكى و لماح و عارف يسوق نفسه
الدور و الباقى على الأنظمة العربية اللى حطه فيه امل
---
و بعدين طبيعى الناس تصقف
شوفى تعليقى عند جو غانم
و حضرتك تفهمى قصدى كله

مواطن مصري said...

قال السلام عليكم ردو علية ب السلام

Reader said...

Listen to this: Obama's song!

http://www.youtube.com/watch?v=pos2Yfh0QSw&feature=related

Love-Guru said...

طيب اهم جابولك اسم اللي هتف وي لاف يو أوباما , ورينا بقي حتعملي له ايه
:D

Joe75 said...

ليش ما حدا ذكر انه كان في نشطاء أمريكيين متظاهرين خارج جامعة القاهرة رافعين يافطات مكتوب عليها لا للحصار لا للمستوطنات ؟ أنا الان شفتهم في أخبار نيو تي في .

يا ترى كان في أي حد عربي متظاهر ؟

أو كنا ملهيين بالتصفيق .

مواطن مصري said...

اة صح كل نكسة و انتم طيبين

و سلامي لكل الناصرجين

lastcrazyboys said...

نــوارة انا جاي اعتـذر عن الحالة الانفعالية اللي كتبت بيها التعليق امبارح
بــس بجــد الناس - مع اني توقعت وعارف بوجود الســذج في بلادي- إلا ان الصــدمة اللي كانت على وشــوشهم..خليتني خلااااص ..فقدت الأمــل في ان حال البلد دي ينصلح
والله هي ثقافــة المهــدي المنتظــر ..انا من زمــان بقــولها ..طبيعتنا حابة الموضوع ..آآآآخر أنتخــة ..ياعم قوووم اتحرك
قوم يا مصري
شد الحزام
هيقولك : يا عم سيبك..ماهو المهدي جاي ..اقعد بس انت ..اطلبلك شاي..؟
والله حرااااام
======
طفاطيفو علق عالكلام بتاع امبارح ..فعــلا ثقافة النجم السينمائي ..بس ده مش تخلف من عيالنا ..لأنه منتشر في كــل حتة ..وهو كان حابب ان الشباب الصغيرين بيبصوا على شياكته ووقفته
بس عارف برضه انه مش ده اللي هيبصله النخبــة
====
وحكاية الحضور بتاعتك دي غريبة ..غريبة بجد
ايه يعني ..يقوموا يقولوله لن اتزحزح ..ولن اتنحنح..ولا ايه بالضبط
المفروض ان الراجل جاي يعرض البضاعة بتاعته
!!!تحب تاخد فكــرة
لااااازم يعرض اللي عنده بكل اسلوب حضاري..ويستخدم كل مهاراته في المحاماة والخطابة
وااحنا اللي علينا بقى نرفض ..او نقبل
اعلني رفضك..حق مشروووع ومطلوب
انما المناحة اللي انتي عاملاها دي
.....!!!!!!!!!!
اعملي زي الولية جارة خالتي اللي شايفة الواد زي بتوع الأفلام بالصلا عالنبي
وبيقولوا ياختي ده جاي بطيــارة مخصوص ..لوحده..اااه لوحــده
عشان ايه ..عشان يعزي الراجل ياعيني
ابن اصوووول ...تمر فيه العيش والملح
=======
والله النــاس دي الوحيدين اللي يستاهلوا يعيشوا في البلد دي

دودو said...

الى كل السادة المتفائلين
بتوع we love you obama

بسلامتة اول حاجة عملها لما وصل المانيا


انة زار الاماكن الرمزية للمحرقة

بكدة يبقى المطلوب مننا كعرب ان احنا نتحمل اخطاء من قاموا بالمحرقة
دة اذاكانت حصلت بالتهويل اللى يروج لةالغرب

وفى مقابل كلام اوباما الى لاهيودى ولايجيب
المطلوب لن نتنازل عن كل الحقوق والانبقى ارهابيين وقتلة النساء والاطفال

هل فكر حبيب الجماهير اياها انة يزور ضحايا المحرقة اللى مازلت قائمة ولم تنتهى

كما زار اماكن محرقة مزعومة

فعلا احنا شعوب ملهاش اى قيمة

كل المطلوب الضحك عليهم بكلمتين

Sharm said...

بوش لما خطب في الكنيست و كتن ناقص يقوم يبوس ايد اللى قاعدين ايد ايد و ينزلهم مشاريب على حسابه محدش صقفله كل التصفيق ده .. ده هو يا دوبك 6 مرات في كل الخطاب

و احنا اللى اتقالنا كلام بما معناه .. هظبطكم بس اتعدلوا شوية .. بقينا بنصقف على الفاضية و المليانة

بصراحة الراجل ده ذكي جدا جدا ... جمع الاخوان اللى صقفوا على كل اية او خطاب ديني و جمع المعارضة اللي صقفت على كل الحريات و حقوق المرأة و غيره يعني قال الكلام و عكسه و الكلام عجب الكل و الكل صقف

قشطة علينا

m5m said...

يانوارة..بمناسبة غيظك من اللى هتف
I love you Obama
النهارده كاتبين فى الدستور انه الممثل شريف منير

جبهة التهييس الشعبية said...

ايوة كان فيه نشطاء امريكان بيتظاهروا ضد حصار غزة
وشفت الخبر ده من امبارح

وبصراحة ما جبتش سيرة من كتر الغيظ والغيرة والكسفة

اكتب اقول ايه؟
اقول الامريكان محروقين علينا اكتر مننا؟

Me7'o said...

ابن الكُبة طلع القبة و ابن اسم الله خده الله

بقولك إيه يا نوارتنا أنا كتبت تعليق كده على الخطاب وفسرته يعنى بعد إذنك بعد لما لقيت نفسيتك تعبانة ومش قادرة تكتبى

http://mylifeflavor.blogspot.com/
.
.

lastcrazyboys said...

مصر ترفض وصف اوباما للاقباط بالاقلية

June 05 2009 09:05


انتقد الناطق باسم وزارة الخارجية المصرية السفير حسام زكي مساء أمس ما جاء في خطاب الرئيس الأميركي باراك أوباما بشأن أوضاع الأقباط في مصر، رغم أنه أشاد بالخطاب بوجه عام. وقال «نختلف مع أوباما عندما تحدث عن الأقباط بوصفهم أقلية بل هم بنظرنا من أصحاب البلد». معتبراً أنه لا مجال للمقارنة بين المسيحيين في مصر والموارنة في لبنان

وأضاف زكي أن الخطاب بوجه عام «هام ويحتاج لدراسة عميقة باعتباره يعكس أساسيات السياسة الأميركية التي ستشهدها تجاه العالم الإسلامي على مدار سنوات». وأضاف ان خطاب الرئيس الأميركي اتسم بانفتاح هائل نحو الإسلام والعالم الإسلامي وأنه تطرق بالتسلسل والأولوية التي تمثلها المشكلات التي تواجهها الولايات المتحدة مع العالم الإسلامي

وبالنسبة للنزاع الفلسطيني الإسرائيلي قال حسام زكي إن الخطاب لم يتضمن عناصر جديدة وإنما تضمن المنهج الأميركي للتعامل مع هذا النزاع من خلال حل الدولتين ووقف الاستيطان وامتناع إسرائيل عن الإجراءات القمعية التي تعوق الحياة اليومية للفلسطينيين ووقف العنف من الجانب الفلسطيني. وحول المبادرة العربية للسلام قال إن خطاب أوباما أشار إلى ضرورة أن تكون الدول العربية حاضرة في الجهود التي ستبذل لتحقيق التسوية