Friday, 19 June 2009

اهانة الفلسطينيين على الحدود



وبهذه المناسبة السعيدة قررت مصر انها تزود حصة الغاز لاسرائيل........عشان اصل احنا حاسين ان صحتنا تشيل اكتر من الطاعون

28 comments:

مواطن مصري said...

اولا الفيديو باين ان مش من مصر ولا من جنود مصر الي على الحدود لان الي بيتكلم مش لهجة مصرية

دة من على الحدود الاسرائيلية و الفيديو ب العبري


دة توضيح

الجنود المصرين عمرهم ما يعملو كدة

مواطن مصري said...

يا ريت بس نتأكد قبل ما نظلم جنود المصرين الي على الحدود يا نوارة و تسمعى اللهجة من تاني

جبهة التهييس الشعبية said...

ثانية واحدة بس عشان حكاية الجنود المصريين اللي عمرهم ما بيعملوا كده دول
والله ضحكتني

مبدئيا اللي في الفيديو دول اسرائيليين وباين من لهجتهم والعربي المكسر بتاعهم ولا الخبر ولا انا قلنا انهم مصريين


لكن الحقيقة "الجنود" المصريين بيعملوا كده واكتر من كده
عشان اصلا اللي على الحدود دول مش جيش دول امن

وقبضوا على فلسطينيين وعذبوهم

وبعدين فلسطينيين ليه؟
هم مش بيعذبوا المصريين وللا ايه؟

جبهة التهييس الشعبية said...

هو مين اللي قال انهم مصريين يا مواطن

شفتها فين دي؟

مواطن مصري said...

انا عارف ان واحد فلسطيني او من بتوع حماس ايهام هيقول شوفتو المصرين بيعملو اية

جبهة التهييس الشعبية said...

وده اسمه ايه ده؟ انت عايش كده مع نفسك؟ يعني افترضت اني متهمة الامن المصري وافترضت ان واحد فلسطيني، ومن بتوع حماس، ح يقول بصوا الامن المصري

بتفكرني بنكتة
واحد على الطريق الصحراوي عجلة العربية بتاعته فرقعت الساعة تلاتة بالليل بص حواليه لقى بيت بعيد راح ماشي لحد البيت وعمال يكلم نفسه: دلوقت يفتح لي واحد بالبيجامة ولسة صاحي من النوم يقول لي عايز ايه ح اقول له العجلة فرقعت ح يقول لي عجلة ايه؟ ح اقول له عجلة العربية ح يقول وانا مالي؟ شايفني معلق عجلة عربية على البيت؟ ينفع كده تخبط على الناس الساعة تلاتة الصبح وتصحيهم وتقلقهم عشان تقول لنا العجلة نامت

وهو بيقول كده رن الجرس راح فاتح له واحد بالبيجامة ولسة صاحي من النوم وقال له: عايز ايه؟

قال له: مش عايز من وش امك حاجة

Hossam said...

Firtly,Miss to u Mrs.Nawara
Secondly,it seems that this video is not on the boarder of Egypt;moreover,the voice is not for Egyption person.Also,I have a neighbour,and he is a police man on the boarder of Egypt with Palistine:he said the sitiuation there is serious and excrable,so such actions are not allowed there.
thnx my friend for ur essays,bye

Hossam said...

عندك حق على فكرة فى موضوع ان الشرطة المصرية نفسهم بيعذبوا المصريين.وواضح من الفيديو ان الشخص اللى مصور اسرائيلى بحت
الموضوع حلو اوى وبيخلى الانسان يفكر فى حجات كتير
اتمنى اقابلك قريب صديقتى
سلام

مهندس حر said...

أفتكر فعلا إنه حان الوقت نهتم أكثر بما يحدث فى غزة.. الحصار مستمر لأكثر من عامين و دور السلطات المصرية المخزى فيه أكثر قسوة من الدور الإسرائيلى..

الممارسات اللى الفيديو بيصورها هى ممارسات معتادة من عناصر الشرطة الإسرائيلية على الحدود و على عشرات نقاط التفتيش التى تقطع الطريق على الفلسطينيين فى غزة و الضفة..

مهندس حر said...

الفلسطينيون يبنون بيوتهم من اللبن (بكسر الباء يعنى الطين).. لأن الحظر الإسرائيلى على المواد الداخلة إلى غزة يشمل مواد البناء و يحرم أهل غزة من إعادة بناء ما دمرته آلة الحرب الإسرائيلية خلال هجمتها الوحشية على القطاع فى بداية العام..

http://www.timesonline.co.uk/tol/news/world/middle_east/article6531560.ece

بدراوى said...

الفيديو مش بيشتغل

حسن على said...

الصبى الفلسطينى فى الفيدو يزيد قليلا عن سن حفيد الرئس مبارك المتوفى الى رحمة اللة وقد رئينا كيف تأثرت الصحة العامة للرئيس بدرجة تهدل واضح فى ملامحة بل اسود وجهة وزادت الهالات تحت عينيةسوادا... والسؤال الان هو ما هو رد فعل الرئيس لو كانت هذة الاهانة موجهة لاحد احفادة شخصيا؟؟؟؟؟؟؟؟؟؟؟ وكيف يواصل سياسة الخوف وتصدير الطرشة لافعال الصهاينة واقوال وزير خارجيهم المهية لة شخصيا ولكل المصريين بالتبعية... اسرائل تهيننا كل ورموز الدولة واهم شخصياتها ينتظرون ابو الغيط ليرد عنهم الاسائة بوضع ادية فى جيوبة ويبقى بكدة موتهم وذلهم ...اعرف انة عديم الكفائة ولكنى لم اكن اعرف انة عبيط ايضا

جبهة التهييس الشعبية said...

هو انا امتى قلت ان ده الحرس المصري؟

هو احنا للدرجة حاسين بالذنب واننا متهمين؟

ما احنا سامعين الحيوان عمال يقول واهد همص واهد فول انا بهبك مش باارف اول
يعني مصري ح يتكلم كده ليه؟ متخلف؟

هي تبقى تهمة كبيرة وفضيحة لو الامن المصري اتصور وهو بيعمل في الناس كده

بس هو بيعمل اكتر من كده من غير ما يصور

هي بس فكرة الاهانة في التصوير
يعني ده جبروت من حارس الحدود الاسرائيلي انه يصورها وينزلها لانه حاسس انه مش ح يتحاسب
زي ما ظباط الشرطة عندنا كانوا بيصوروا عشان متصوروين ان ما حدش ح يحاسبهم

الفيديو شغال يا بدرواي

استاذ حسن علي
مصر مش مصدرة الطرشا
مصر مصدرة غاز
وابو الغيط ده معروف ان اسمه في البطاقة ابو العبيط

جبهة التهييس الشعبية said...

على فكرة
ابو الغيط شكله انه وهو صغير مامته كانت مدلعاه وبتجيب له شيكولاتة وبونبون
والظاهر انه الولد الوحيد على تلات بنات

مهندس حر said...

الحاج جيمى كارتر بيقول إن سكان قطاع غزة يعاملون كالحيوانات و ليس كآدميين و دعا للتحقيق فى جرائم الحرب التى إرتكبتها إسرائيل..

كارتر إن مسئولية هذه الجريمة فى حق الإنسانية تقع على القدس (هو بيعتبرها عاصمة إسرائيل!!) و القاهرة (دى عارفين عاصمة إيه) و واشنطن و جميع عواصم الإتحاد الأوروبى..

http://palestinevideo.blogspot.com/2009/06/dn-carter-gaza-residents-are-treated.html

زغردى يا إنعام إحنا ترتيبنا التانى بعد إسرائيل و قبل أمريكا فى تحمل مسئولية الجرائم المرتكبة فى حق فلسطينيى غزة..

عقبال ما نغلب أمريكا كمان فى كاس القارات..

Love-Guru said...

الفيديو يظهر مكان خلوي في الصحراء. هل يعرف أحد مكان تصوير الفيديو بالضبط ؟ و ما الدليل ان المكان علي الحدود؟ و اي حدود تقصدي هل هي حدود غزة مع مصر ام حدود غزة مع فلسطين ؟

المهاجر said...

ماذا يفعل الفأر بعد أن تقع أنياب القط

أكيد بيلعب على أكتافه

أتمنى أن يصل قصدى


شكرا على البوست

lebneneyeh said...

يا جماعة اوعوا الله يخليكن فييييقوا يعني كون الفديو مش على الحدود المصرية و كون الجنود مش مصريين يعني خلاص منتنصل من الموضوع يعني ما بعود بيهمنا؟

كبروا عقلكن و فكروا و لو لمرة وحدة في هالشعب المقهور المظلوم المحاصر يللي عم يتمارس عليه ابشع انواع التعذيب والحرمان و عم بيموتوا عالبطيىء.

يعني نسينا الفديو و نسينا الشاب اللي مستحقرينوا هالخنازير و تكمشنا بموضوع مصري و مش مصري و حدود و مش حدود؟

يللا معليش اصلا هالشعب المظلوم له الله و ربنا يفرج عنهم و يزيح هذه الغمة عن هذه الامة و ينتقم للمظلوم بالدنيا قبل الاخرة .

بس الله يمهل ولا يهمل سبحانه و تعالى.

jafra said...

يا ريت اللي بحكوا عن اسرائيل بتحترم الانسان و دولة ديموقراطية يشوف هالممارسات اللي ما بعملها غير المرضى
النفسيين
الاقوياء فقط هم المحترمون اما المسخ فياكل الذباب الذي يطير على بقايا طعام سيده
اظن انك عرفتي مين المسخ
مشكلتنا يا نوارة انو احنا لهلا بنكون مبهورين و فاتحين عيونا و افواهنا و بنريل لما بنحكي عن الديموقراطية
و بنشوف كل العالم ديومقراطي الا احنا
احنا بنستحق اكثر من طاعون و انفلونزا ديناصورات كمان

Me7'o said...

يابنتى أصل إنتى مش فاهمة
مش أوباما قال لإسرائيل هنزودلكم المعونة

وآهوه هو ده اللى بيحصل
بحكم إن مصر تعتبر الولاية الأمريكية رقم 53 فكده يعتبر زيتنا فى دقيقنا
وبدل ما يدوهم غاز من أمريكا يدوهم غاز من مصر ما هى هى ده أمريكانى وده امريكانى بس ده ميد إن أمريكا
وده ميد إن إيجيبت أندر ذا ليسنز أوف أمريكا

مش كده ولا إيييييه

مهندس مصري said...

ما هو بيقولك بعد إعادة التفاوض بين مصر و إسرائيل على سعر الغاز المصري المتصدر لهم
إنخفض الدعم المصري لإسرائيل من 6.5 مليون دولار إلى 1.5 مليون دولار بس تقريباً

يعني حتى بعد رفع السعر مازال اقل من السعر العالمي و ما زلنا بندعمهم

فتاه من الصعيد said...

لهم الله .......لكن ما افتكرش انهم مستنيين مننا حاجه
واللي مدايقني اننا موش بس ساكتين لا وبنساعد في زياده الهموم
بس وحشيه اسرائيل شيء متوقع ......وربنا معاهم .......

وعلى فكره احنا فعلا مشتركين في هذه الاهانه ....... لآن غاز مصر هو اللي بيدفي ويشغل مصانع حبايبنا اللي بيهينوا الوحشين بتوع فلسطين
ربنا لا تؤاخذنا بما فعل السفهاء منا

أكون أو لا أكون said...

للأسف الفيديو اتشال...

أكون أو لا أكون said...

شوفي هذا الفيديو لأسيره فلسطينيه...
هوه شوي قديم لكنه مستفز...

http://www.4shared.com/file/47550359/8ed75e7a/__________.html?s=1

Wild at Heart said...

في إطار الاحتفال باليوم العالمي لمناهضة التعذيب 26 يونيو

تدعوكم رابطة الهلالي للحريات بنقابة المحامين لحضور احتفالها بهذا اليوم وذلك بالمشاركة في الندوة التي تنظمها الرابطة بالنقابة العامة للمحامين تحت عنوان

"محامون يلاحقون جلادي التعذيب"

وذلك يوم الخميس الموافق 25 / 6 / 2009 الساعة السابعة مساءا

بالنقابة العامة للمحامين بشارع رمسيس القاهرة

حسن على said...

تقولين ان ابو العبيط ولد وحيد -يا عين امة -على تلات بنات؟؟؟ ويمكن يكونوا ربوا لة شعرة عشان يبان بنت وحطوا لة حلق وربطوا خرزة زرقا فى خصلة شعر تنزل بين عينة عشان يحول ومحدش يحسدة!!!!!!! مكانوش عارفين الخييييييسبة

مواطن مصري said...

نوارة اتفرجي على دكان شحاتة جامد اخر حاجة نسخة dvd


http://www.fonekat.net/vb/showthread.php?t=30595

الفلم يستاهل و مفهوش مناظر و الفلم حتاج تركيز عالي من الدرجة الاولى


اداء عمرو سعد قريب اوي من احمد زكي

faissl said...

متهيألي البوست ده أجاب على سؤالك في البوست اللي فات يا نوارة...
فاكرة تشبيهك العبقري لمنظر أوباما اللي شبه فوادين هارلم في الستينات
هو ده بالضبط
إحنا بقينا أرايل يا نوارة
والأرايل يستاهلوا اكتر من كده
والسكوت مش جريمة صغيرة اذا كان بينتج عنه جرائم كبيرة زي جريمة غزة وجريمة العبارة وجريمة القطار وجريمة الخنازير
والقانون الوضعي ما كانش بيألف لما قال ان اللي مخبي هارب من العدالة في بيته يبقى شريك في جريمته
هي دي بالضبط جريمتنا وذنبنا
اننا مخبيينهم في بيتنا وما سلمناهمش للعدالة...
عرفتي بقه..؟