Thursday, 11 June 2009

هي انفلوانزا الخنازير مالها انفجرت في وشنا كده

ايه اللي حصل بقى؟ ايه الانفجار الخنفشاري ده؟ عشر حالات في خمس ايام؟
وباتكلم بقى بجد المرة دي، ايه القدم المهبب علينا ده؟ بجد والله الناس اقدام يعني، هو ايه؟ عينه وحشة وللا شرارة شرارة شرارة
طيب ربنا يستر عشان انا ما عنديش ثقة في وزارة الصحة بتاعتنا الحقيقة واحنا اثبتنا كفاءة عالية جدا في التصدي لانفلوانزا الطيور اللي بتتنقل من الطيور للانسان، فما بال بقى اللي بتتنقل من الانسان للانسان؟ ح يعملوا ايه؟
ح يمسكوا كل الاجانب ويرموهم في الجير الحي؟
احنا مالناش غير ربنا
بمناسبة قدم السعد، خدوا اقروا المقال ده على ما اخلص ترجمته ان شاء الله

14 comments:

mido said...

الفيروس طلع ضعيف أوى

اوى

أحنا طلعنا مغفلين لما اتخضانا فى الاول منه

مواطن مصري said...

بخصوص انفلونزا الطيور لالاسف المشكلة الي حصلت ازمة ثقة و مفيش تعاون الشعب مع الحكومة


يعني متلوميش الحكومة بس او وزارة الصحة لان تجار الطيور في مصر متعاونوش بردو مع الوزارة

بصراحة ربنا مع وزير الصحة حاتم الجبلي

elkomy said...

see obama, muslim's friend

http://www.youtube.com/watch?v=lPwF8ZsIZkc&eurl=http%3A%2F%2Fwww%2Efacebook%2Ecom%2Fhome%2Ephp&feature=player_embedded

دعاء said...

شفت كلام هيكل ده يا نوارة

http://www.masrawy.com/News/Egypt/Politics/2009/june/10/heikal.aspx

مهندس حر said...

@elkomy
-------
شكرا بس ياريت تحط اللينك كمان عند الناس اللى لسه مغمن عليهم من روعة و إثارة الخطاب الواو و السووو سيكسى..

مهندس حر said...

@mido
-----
جميع أوبئة الأنفلوانزا الكبرى التى شهدها العالم كان الفيروس فى بدايتها ضعيفة و نسبة الوفيات الناجمة عن الإصابة ضئيلة و لكن بمرور الوقت و مع عدم النجاح فى إحتواء العدوى إزداد الفيروس ضراوة و إرتفعت نسبة الوفيات إلى معدلات كارثية ..

إنتشار الفيروس فى بلد كمصر هو أمر شديد الخطور لأن مصر لا قدرة لديها على إحتواء العدوى فليس لدينا العدد الكافى من المستشفيات المجهزة لهذا الغرض و لا أماكن الحجر الصحى .. أضف إلى ذلك تدنى درجة الإنضباط لدى الموظفين الحكوميين و غيرهم بشكل عام مما لا يجعلك تطمأن مطلقا لسلامة أى إجراءات إحترازية معلنة..

الخطر حقيقى و لا يقلل من خطورته أن الفيروس ضعيف حاليا .. الخوف مما هو آت .. و ينبغى علينا كأفراد أن نهتم بالأمر و ننشر الوعى إلى من حولنا لنساعد فى إحتواء الخطر قبل أن يتفاقم..

الشعب لابد له من حكومه تشكمه said...

سمعت باه حته عجب من دكتور فى التى فى بيقول ان مفيش خوف من انفلونزا الخنازير والخوف كله من انفلونزا الطيور اللى اصبحت متوطنه عندنا ليييييه باه اصل خايفين ان انفلونزا الطيور تندمج مع انفلونزا الخنازير ويطلعوا فيروس جديد ,,نوفى يعنى واكسيكلوسيف فى مصر ,,شوفتوا الهنا اللى احنا فيه:)

حـنــّا السكران said...

http://www.al-akhbar.com/ar/node/140636

تشومسكي في الاخبار اللبنانية

lastcrazyboys said...

ممكــن الكـــلام ده

!ّ!!!!!!!!!!!!؟؟

====
تليغراف: قوى 14 آذار فازت بمساعدة أوباما

June 10 2009 04:00


ذكرت صحيفة “ديلي تليغراف” أمس، أن الحكومة “المؤيدة للغرب” في لبنان احتفظت بالسلطة، في نصر يرى خبراء أن الأحزاب المعروفة بقوى “14 آذار” حققته عن طريق مساعي الرئيس الأمريكي باراك أوباما لبناء علاقة جديدة مع الشرق الأوسط.وقالت الصحيفة إن أوباما شجّع في الكلمة التي ألقاها في جامعة القاهرة الأسبوع الماضي على دعم الأحزاب المعتدلة ومنع التكتل المعارض الذي يقوده حزب الله من الوصول إلى السلطة، وان الانتخابات اعتُبرت أول امتحان “كبير” لأوباما في الشرق الأوسط منذ دعوته إلى فتح صفحة جديدة في العلاقات بين الولايات المتحدة والدول الإسلامية

وأضافت أن أوباما زاد من مساندته للتحالف المدعوم من الولايات المتحدة في لبنان، من خلال إرسال نائبه جوزيف بايدن إلى بيروت وإيفاد وزير المواصلات راي لحود يوم الانتخابات.ونسبت الصحيفة إلى رامي حوري من الجامعة الأمريكية في بيروت قوله، “هذا هو أول انتصار حقيقي للجماعات التي تحظى بالدعم الأمريكي في المعركة العقائدية التي هيمنت على الشرق الأوسط خلال السنوات ال10 الماضية، لأنه في كل مرة سعت فيها الولايات المتحدة إلى مساعدة جهة ما في
المنطقة، ألحقت الضرر بها وجعلتها تخسر


http://www.telegraph.co.uk/news/worldnews/middleeast/lebanon/5477562/Pro-West-parties-win-in-Lebanon-with-help-from-Barack-Obama.html

جبهة التهييس الشعبية said...

لا يا جو ده مقال تاني

انا برضه قلت معقولة ترجموا الستلاف وخمسميت كلمة؟

ايه المقال ده؟ جابته منين؟ اما اشوفه كده

جبهة التهييس الشعبية said...

اه المقال اللي هي مترجماه اهو

http://www.alternet.org/world/140462/chomsky:_what_obama_didn't_say_in_his_cairo_address_speaks_volumes_about_his_mideast_policy/

العبيد الجدد said...

cnn كتبت الموضوع دة

فمدونة "جبهة التهييس الشعبية" المصرية http://www.tahyyes.org/ لفتت إلى ملاحظة تتعلق بظهور حالات أنفلونزا الخنازير في مصر، بعد زيارة الرئيس الأمريكي، باراك أوباما، إليها الأسبوع الماضي، وتحت عنوان: "وشك فقر يا أوباما"، كتبت ما يلي:

"امبارح بس حالات أنفلوزنزا الخنازير كانت أربعة، النهاردة تمانية.. دول بيولدوا.. يخرب بيت نحسك يا أوباما، هو أنت رابط أنفلونزا الخنازير في كعب جزمتك.. الحالات اللي ظهرت، اتنين في المطار واحدة ليلة الزيارة وواحدة تاني يوم الزيارة، شايفين القدم السعد، وبعد كده في الجامعة الأمريكية والباقي في الزمالك."

وتابعت المدونة: "ماحدش يروح الزمالك بقى، وأي حد جاي من الزمالك يتعمل له حجر صحي.. ربنا يستر.. مافيش داعي للخضة.. مافيش داعي للبوس.. والسلام."

على الرابط دة
http://arabic.cnn.com/2009/entertainment/6/10/arab.blogs/index.html

حـنــّا السكران said...

نعم , أعرف إنما أردت لفت الإنتباه إلى هذا المقال أيضا .

Me7'o said...

يا اخوانا المؤمن لا يلدغ من جحر مرتين
إنما بقى حكومتنا الرشيدة بتتلدغ على قفا أمها كل قفا أنقح من القفا اللى بعده
أنا قلت على مدونتى الكلام ده آهوه
((مصر كانت من آخر الدول اللى دخلت فيها إنفلونزا الطيور


بس دلوقتى الحمد لله ... الحمد لله وبفضل الجهود المبذولة من حكومتنا الرشيدة بقت من أعلى الدول فى نسبة الإصابة بإنفلونزا الطيور




تفتكر إنفلونزا الخنازير هاتمشى على نفس الخط وخصوصاً إنها أخطر ومش بيحوق معاها التاميفلو ده؟؟؟))

هاه إيه رأيكوا بقىىىىىىىىى

تحياتى