Saturday, 6 June 2009

آه

ايوة مصر رفضت وصف اوباما للاقباط بالاقلية
واقباط مصر رفضوا وصفهم انهم اقلية
(حلوة دي البني ادم يبقى اقلية في بلده كويس ما قالش جالية)
واسبانيا زعلت من اشارته لقرطبة والاندلس وقالت ما معناه: الله هو جاي يصالحهم على الاسرائيليين ويرمي غضبهم علينا احنا؟ بيفكرهم ليه دلوقت بحاجة حصلت من زمان؟
(هههه والله احنا عاملين زي الراجل اللي مسروق من كل حتة ومش عارف يلم فلوسه منين وللا منين)
وفرنسا قالت انه جرحها باشارته للحجاب
!!!!!!!!!!!!!!!!!!!!!!!!!!!!!!!!
ازاي يقول احنا بنسمح للمحجبات يتحجبوا؟ قصده اننا غلطانين عشان مش بنسمح للمحجبات يتحجبوا؟
(انتوا ازاي تتهجموا على الناس في بيوت الدعارة؟ البلد مليانة قانون)
وفيه امريكان قالوا: هو ليه قال ان الحضارة الاسلامية لها فضل على الحضارة الغربية؟ ده دلع مرئ ده، ح يجرأهم علينا كده، ما يقولش لهم فضل علينا
اما حمزة فلا بواكي له، لا حد زعل على افغانستان، ولا حد قال له: هم طالبان عملوا لك ايه عشان تقول ح نفضل نطارد طالبان، دي ناس بتدافع عن بلدها اللي انت اغتصبتوها ظلما وعدوانا، ولا حد قال له: هم امتى الفلسطينيين قتلوا نساء واطفال؟
اسرائيل مبسوطة
طبعا، ده لحس الارض من تحتها وراح تاني يوم المانيا وقعد يأوأ على الهولوكوست وماجابش سيرة نسيان الماضي
واحد امبارح قال لي: ده بيقرا كرآن وبيعرف ربونا، وراح صلى في مسجد السلطان حسن
:)
كويس انه ما افتكرش انه راح عمل عمرة في السعودية قبل ما ييجي

9 comments:

مهندس مصري said...

لا اصله راح الرياض
إنما لو عدى على جدة كان ممكن يبقى فيها عمرة
:)
هههههههههه

ahmed polaty said...

الاستاذه العزيزه /نواره

بخصوص زياره اوباما الى مصر عايز الفت نظرك لحاجه
امريكا الان فى مرحله انحدار كبيره جدا وعلى كافه المستويات ولو عايزه تتاكدى تابعى اخبار الاقتصاد الامريكى واخبار الشركات فى كل المجالات سواء حكوميه او خاصه سواء كانت تجاريه او صناعيه او زراعيه وزياره اوباما لمصر هى زياره ستكون الاسوأ فى تاريخ العالم الاسلامى او العربى
بناءا على ان اوباما الان ودولته اشبه بالذئاب الجائعه التى جاءت تهادن فريستها وتلتهمها فى هدوء دون اللجوء الى المناورات مره اخرى انما بالخداع
أكاد اقسم لكى ان اوباما سيكون اسوا من بوش والايام ستثبت ذلك
اوباما فى اشد الحاجه لكل جنيه او ريال او درهم من اموال الشعوب العربيه
لو ركزتى قى فى الخطاب هتلاقى فى الجزء السادس او حاجه زى كده اللى هوا الجزء اللى الخاص بالتكنولوجيا والتعاون ممكن تفهمى وجهه نظرى
اوباما دا جاى عايز فلووووس
صدقينى أثار الازمه الماليه فى امريكا غير مسبوقه فى التاريخ
(ولن ترضى عنك اليهود والنصارى حتى تتبع ملتهم)
تماااااااااااام
يعنى اللى ينتظر من امريكا انها تعمل لنا حاجه يبقى غلطان
الناس دى لحد يوم القيامه هيفضلوا اعداءنا
حتو لو احنا مش معادينهم
الناس دى عندها مصلحتها رقم 1 و2و3و4 لحد مليون وعمرهم ما يساعدونا ولا يمدولنا ايدهم ابدا
وعموما كل رؤساء امريكا اللى قبل بوش
اللى قبل 11/9
قالووووووووووووووا كلام اضعاف اضعاف اللى قاله اوباما
ودورى برضو على نصوص خطابات الروساء الامريكان السابقين
هتلاقى كلام لو قارنتيه بكلام اوباما
هتلاقى كلام اوباما نسخه باختلاف الزمن

وبعدين امريكا عمرها ماهترمى نفسها فى
حضننا ولا الغرب هيجرى وراها عشان خاطر سواد عنينا

وبعدين امريكا لما تكون فى حاجه للفلوس للدرجه دى لازم واحد زى اوباما ييجى يسحب ناعم معانا ويفضل يسحب يسحب لحد مايسحبنا لمستنقع بكره تشوفو هيوصلنا لفين
وامريكا لما اتزنقت الزنقه السوده دى عمرها ما هتاكل من دول الغرب ولوكلت مش هتاكل زى ما هتاكل مننا

احنا صيده معلف يعنى يكفى الكل

وبعدين معادش ينفع امريكا الحروب عشان تستنزف ثرواتنا ميزانيه الحروب بتكلفهم جدا جدا جدا جدا
انما الخداع والزيف هوا اللى بينفع معانا دلوقتى

وصدقينى دى كلها خطه
مرسومه بدقه وبدهاء كبير من امريكا
ووالله شكلها دخلت علينا
اسألى اى حد فى رأيى وشوفى هيقولك ايه
ولو عايزه اعمليه فى الاستفتاء اللى انتى بتقولى عليه

عموما دا رأيى ويقبل الخطأوالصواب


اسف جدا للاطاله
وشكرا ليكى

احمد سعيد

انشاء الله هدون قريب جدا

على فكره انا بتابع المدونات من اكتر من سنتين
وبتابعك من حوالى سنه وعمرى ماعلقت على بوستات مع ان فى بوستات كتيييييييييييييييير بتعجبنى

لكن اتمنى منك الرد ولو برساله صغيره

شكرا مره تانيه

Founoon said...

طبعا الخطاب مش هيعجب حد

خالص

مش معنى كدا انه انصفنا لا قدر الله
بس هو قال كلام عشان يسجدنا فجه عليهم و هو مش قصده يا عيني

بالنسبة للبوست اللي فات
انا عايزة اشترك بس مش عارفه ممكن اساعد ازاي

هل لو عملت الاستفتاء دا في وسط الناس اللي اعرفهم ممكن يكون مفيد بالنسبة لك ولا لأ ؟
لأن الاماكن اللي انت مقترحاها كلها صعبة عليا جدا

معارفي افكارهم مش زي بعض بشكل عام اتجاهتهم مختلفة
وممكن اعمله مع الناس عندي في الشغل كمان ودول فيهم ناس من الشرق وناس من الغرب وطبقات مختلفة وافكار مختلفة

لوينفع قوليلي ياريت

الحلم العربي said...

ههههههههههه
ما هي فعلا الخطبة كانت جميلة قوي يا نوراة كان فيها كل حاجة كل حاجة و اللى نفسه في حاجة ياخدها
طبق سلطة مطبوخ من أساتذة في اللعب و قلب الحقائق وتزويق الظلم

ذو النون المصري said...

حلوه صلي في مسجد السلطان حسن و عارف ربونا دي
ههههههه

مواطن مصري said...

هههههههه خدي بقى دي كمان

بعض المتطرفين في غرف الشات بتاعت البالتوك المنتمين لمنظمة اقباط المهجر بيقولو ان اوبما فيما معناة انو ارتد عن المسيحية

عشان اتكلم عن الاسلام و ذكر ايات من القرأن الكريم :DDDD

مواطن مصري said...

09 10:49:00 AM
القاهرة - محرر مصراوى - أعربت منظمة "هيومن رايتس ووتش" عن أسفها لتغاضي الرئيس الأمريكي باراك اوباما في خطابه بالقاهرة عن انتهاكات حقوق الإنسان في مصر والعالم العربي .
وقالت المنظمة التي تتخذ من نيويورك مقرا "فوّت اوباما فرصة مهمة لانتقاد حالة الطوارئ التي تنسف احترام حقوق

الإنسان في مصر والجزائر وسوريا وغيرها"


http://www.masrawy.com/News/Egypt/Politics/2009/june/6/human_rights.aspx

فتاه من الصعيد said...

احنا موش اتفقنا يا استاذه نواره ان الافغان دول يظهر مغضوب عليهم ودمهم حلال
المهم انا برضه عايزه اشترك فى موضوع الاستفتاء ده بس ينفع وسط اصدقاء وكده ولا لأ
اصل شغلى موش فيه كتير ناس

أكون أو لا أكون said...

يا الله...
هو كم دين له... هو يصلي في الكنيسه والمسجد ويوقف على حائط المبكى مثا مايسمونه...!!!
بجد الرجل ده منافق...
دينه للسياسيه... وليس لله...