Friday, 12 June 2009

هي حدودنا دي بيتهرب منها كل حاجة ما عدا دوا العيانين؟

مش مهم ده
المهم ان الروسية اللي بتدخل عشان تشتغل رقاصة وفتاحة للزباين ما شاء الله ما شاء الله بتعدي من حدودنا، عشان بس ما ابقاش ظالمة، بتتهرب من حدودنا، وفيه حوالي عشرين الف روسية اتهربوا من حدودنا ويا عيني باينهم عبط وللا ايه كانوا داخلين يشتغلوا خدامات
طب بيتهربوا من حدودنا ازاي وليه؟ واحدة روسية، زي ما قطعت التذكرة عشان تروح مصر، ما قطعتش تذكرة تروح اسرائيل ليه؟
طب لما جات مصر، مين استقبلها؟ والاهم، مين وردها؟ ومين عداها من عندنا؟ لها وكيل يعني؟ انا باسأل مش باتهم، لها وكيل هنا في مصر؟ بيورد عبيد؟ عبيد؟ ارقصي يا جارية؟ لا لن ارقص... عيناي عيناي؟ 
يعني هو الاكل وحليب الاطفال والادوية حرام وفرقة عجبا لغزال قتال عجبا هي دي اللي حلال؟ 
انا بس مش مخوفني غير يكون مصريين ضالعين في الموضوع، امال يعني بتيجي مصر الاول ليه؟ ماهو لازم لها كفيل
وبعدين انا واحدة خيالي بيسرح، والمواضيع بتكبر في دماغي
يعني اللي يورد جاريات حسناوات لابي جهل، يورد اعضاء بشرية، ويورد اطفال كمان، العيال اللي بيتخطفوا دول ومش عارفين بيروحوا فين، واسرائيل، كما هو وارد في التقرير، بلد سبهللة مافيهاش اي قانون خالص، وما عندهاش دستور ينص على اي حاجة، قانونهم: احنا براحتنا
وبعد كده لما بيقفشوهم جوة بقى، وياخدوا باسبورهم، ما بيحاولوش يهربوا باي طريقة ليه؟ ما بيسلموش نفسهم للسلطات ترحلهم ليه؟ ليه بيستسلموا للا مؤاخذة الاريال؟ ده بيضربهم ومش بيديهم فلوس وبيبيعهم بعقد
ماهي دي حاجة غريبة برضه، يعني مهما عملت فيها السلاطات مش ح تعمل فيها اوحش من كده
المهم
احنا ايه اللي حشرنا في الليلة دي؟ اقصد ايه اللي حشر حدودنا، هو مش فيه كاميرات بخمسة وتلاتين مليون دولار عشان تراقب النملة والدبانة؟ وللا الكاميرات متدينة ولما بتشوف مزة بتقول استغفر الله العظيم وتدور وشها؟  

10 comments:

مهندس حر said...

الحدود مع قطاع غزة بس هى اللى متراقبة كويس باقى الحدود مع إسرائيل ولا الهوا..

دخول (سياح) روس لمصر شيئ طبعا سهل .. يعنى كام شاب روسى (أعضاء عصابة تهريب) مع كام بت روسية (بضاعة).. بيدخلوا مصر بشكل طبيعى جدا ..

الإسرائيليين بيدخلوا سينا بالبطاقة و عدد كبير منهم على علم بالطرق الصحراوية فى وسط و جنوب سينا .. يعنى ما فيش حاجة لمساعدة حد من أهالى المنطقة فى الموضوع .. و لو إن ده منطقيا مش مستبعد لكن لو مش محتاجينهم هيستخدموهم ليه؟؟

كلامك عن تهريب أطفال بغرض البيع لأى شكل من أشكال الإنتفاع معقول و منطقى و أغلب الظن إن فيه نشاط كبير لتهريب كل ما يمكن تهريبه إلى إسرائيل على أساس إنها واحدة من الدول اللى من السهل تهريب البضائع و الأشخاص ليها من مصر .. الأمر ينطبق على ليبيا برضه ..

أكيد بتسمعى عن متسللين أفارقة بيتم القبض عليهم عند الحدود مع إسرائيل و مع ليبيا كل كام يوم .. دول بيبقوا رايحين عايزين شغل..

سميربس said...

لا تلوموهم انهم يتبعون ما فى العهد القديم -- هل تتصوروا ذلك .
والله العظيم ده نص من العهد القديم


However, you may purchase male or female slaves from among the foreigners who live among you. You may also purchase the children of such resident foreigners, including those who have been born in your land. You may treat them as your property, passing them on to your children as a permanent inheritance. You may treat your slaves like this, but the people of Israel, your relatives, must never be treated this way. (Leviticus 25:44-46 NLT)

Leviticus 25:44-46 If you want slaves, buy them from other nations (45) or from the foreigners who live in your own country, and make them your property. (46) You can own them, and even leave them to your children when you die, but do not make slaves of your own people or be cruel to them.

فرعون said...

انتو امركم غريب يا مسلمين......؟؟؟؟؟؟؟؟؟؟؟؟؟؟؟؟؟؟

جبهة التهييس الشعبية said...

سميربس
والنبي مافيش داعي للتخبيط في التوراة عشان احنا مؤمنين بيها
وما تقوليش متحرفة عشان انت ما تعرفش انهي اللي من ربنا وانهي اللي متحرف


فرعون

هو من حيث امرنا غريب هو امرنا غريب

واغرب الامور


بس والله احنا بنثير استغراب ناس كتير، كل الناس، بما فيهم احنا والله مستغربينا
بس كل واحد مستغرب بطريقته
انت بقى مستغرب من جيهة؟

جبهة التهييس الشعبية said...

مهندس حر

فيه عدة اسئلة

اولا: اشمعنى اسرائيل؟
هل فيها فرص عمل كتير؟
ابدا
مافيهاش فرص عمل خالص وعندهم معدلات بطالة عالية

ثانيا: هل بيعاملوا الناس احسن من السعودية

اظن التقرير واضح
يعني يوم ما نقول عليهم كويسين ح يعاملوا الناس زي السعودية

اذا كان بيعاملوا اليهود المغاربة والافارقة وحش

ثالثا: هل بيدوا فلوس اكتر؟
مش عارفة، يمكن

رابعا: الحاجة الوحيدة ان يكون الشغل فيها من غير ترخيص ولا ورق سهل
ما يكونش عندهم قوانين متشددة بترحل المتسللين

يكون ده السبب المعقول

بس بخلاف التقرير ده انا ما اعرفش حاجة عن قوانينهم قوي

التقرير بيقول ان مافيش قوانين تحمي العمال ولا ترجع المتسللين
ماشيين بالبركة كده

mido said...

نجاد حيكتسح موسوى

مهندس حر said...

المسألة مسألة ستيريو تايبس .. يعنى فيه فكرة ساذجة عند ناس إن إسرائيل دولة مزدهرة و بتوفر مستوى معيشة مرتفع .. و بغض النظر عن أى قوانين للعمل أو الهجرة و خلافه وجود القوانين دى ما يمنعش التهرب منها .. أمريكا عندها قوانين قاسية و مع ذلك عندها أكبر تجمع للعمالة غير الشرعية ..

البطالة ما بتأثرش على العمالة غير الشرعية لأن النوع ده من العمالة لا يختلف كثيرا عن الرق و بالتالى تكلفتها بالنسبة لصاحب العمل متدنية للغاية..

الكلمة نور said...

هذا تعليق ليس له علاقة بالموضوع انما استغلال لمدونتك وعشان باشوف دكاترة هنا اكتر من اللى فى معهد القلب
انا عايز عنوان دكتور عظام كويس يكون متخصص فى علاج المفاصل وخصوصا حالات اصابات الركبة
وللجميع جزيل الشكر

عزيز عيني said...

معظم اوكرانيات
عمليات الهجره غير الشرعيه عادة بتم من شرم الشيخ الموضوع هناك فيه بيزنس علي كبير وفيه عصابات متخصصه بتستعين بمجموعة من البدو اللي عارفين زورائ المنطقه واسرائيل بتسمح بده ولو بشكل مستتر ... عماله رخيصه اقرب الي السٌخره وبدون اي ضمانات او حقوق عمل ....
واكيد بالنسبه للمهاجرين افضل بكتير اذا كان بيسافرو لموسكو للعمل رغم الاجور المتدنيه ... مش ها يسافروا اسرائيل

Sosso said...

ya Nawwara fe film israeli 3amalou Amos gitai 3an el7addouta di, esmou promised land ayyem mat3arad fe franse kan fee shadd we gazb 3ali we tachwih essoura (3ala fekra soret badw sina fel film da zebala)
law 3ayza te2refi nafsik I am sure that you can find it on the net .