Tuesday, 2 June 2009

حركة كفاية عاملة اعتصام في ميدان التحرير؟

وياترى ياهل ترى كام واحد بقى من القيادات ح يختفي ويقفل تليفونه ويشيع انه اتقبض عليه؟ وكام واحد ح ياخدها من قصيرها ويستخبى في النقابة لحد ما كام عيل يتقبض عليه ويتسحل وهم يطلعوا في الجزيرة يتكلموا عن قهر النظام المصري؟
اقول اللي في قلبي؟ اقول؟
اقول ما اصلا مش سايبة لي حبيب
انا باحمل حركة كفاية كل اللي حصل للشباب اللي نزلوا في التعديلات الدستورية وطلع تلاتين اللي جابوهم وفي الاخر قالوا على امكوا بقى، هو احنا مش بني ادمين يعني؟ امريكا نفسها احسن منكوا
واذا كنت سالخة وش بتوع الفريدم هاوس، فمن العدل اني اقول انهم ضحية كفاية، وان من سنتين بس ما كانش حد فيهم يخطر في باله كل ده
بدون ذكر اسماء، العيال اللي صدقوا وآمنوا وبسذاجة كانوا نازلين يعتصموا في ميدان طلعت حرب، وعلى اخر اليوم عشرين واحد منهم اترمى في بوكس وعشرة بقوا يلفوا وراهم، والباقي كان بيجري في الشوارع الخلفية (لا وايه؟ العيال اللي جريت من الامن بقى فيه ناس بتزعق لهم: انتوا ليه ما اتقبضش عليكوا!)، كتير منهم تف على الليلة كلها، مش كلهم صحيح، وحتى مش اغلبيتهم، بس نسبة معقولة منهم، ونسبة مهمة، وجوهرة التاج كمان زي ما بيقولوا، خصوصا لما المحامين قفلوا تليفوناتهم، والقيادات الشريفة كانت مستخبية وما ظهرتش غير على الجزيرة عشان تقول: النظام المصري ضربنا واعتقلنا
"نا"
دي اللي هي مين؟ ما انت زي القرد اهو، وكنت غطسان طول اليوم وما طلعتش غير لما الليلة خلصت والامن عمال يلف بالعيال كأنه بيسرب قطة، وبقية العيال عمالين يجروا وراهم لمدة واحد وعشرين ساعة، وفي الاخر البوكس رماهم متفرقين في الصحرا وبقوا عاملين زي بني اسرائيل في التيه، او عيال بيجروا من الامن طول النهار وفيه منهم ما باتش في بيته، وهم اصلا ما كانوش محتاجين حد ولا محتاجين حركات ولا قيادات
هم كانوا بيعملوا شغل كويس قوي وبيفيدوا فعلا، واثاروا قضايا ماحدش من "المناضلين" اتكلم فيها، كفاية ان بسببهم دلوقت ظباط البوليس بقوا يخافوا من الناس في الشارع
ليه تركبوا على كتافهم وتفطسوهم وتجروهم لمواجهات مالهاش طائل وتزنقوهم في خانة اليك وتحسسوهم ان لو ما نزلوش ينضربوا يبقوا جبنا؟ ما كانوا كويسين، ومتملكين من ادواتهم، وعرفوا يفاجئوا النظام اللي مقفل كل السكك من سكة ما كانش عامل حسابها، تضحوا بيهم وفعلا بقى تاخدوهم دروع بشرية لحد ما يسبوا الدين للبلد كلها وكل واحد فيهم يقول اشوف نفسي انا بقى، عشان ايه يعني انضرب واتهان واجري زي اللي عامل جريمة وفي الاخر واحد ماشفناش وشه طول النهار وقافل التليفون في وشنا هو اللي يطلع في الجزيرة ويبقى البطل؟ ما اطلع انا كمان واتكلم ويبقى لي حيثية، انا مش ح اعيش طول عمري عيل ينضرب عشان يطلعوا على كتافي
مبسوطين دلوقت؟ مبسوطين؟
ياللا ياللا، اي عيل طلع جديد خدوه اعملوا فيه نفس اللي عملتوه في اللي قبله، عشان تطلعوا في الجزيرة وع العيال والبلد وكرامة البني ادمين
واقول لواحد فيهم: يا فلان العيال ح يتقبض عليهم
يقول لي: احنا مش بنحسبها كده
بس انا بقى باحسبها كده، ومش عايزة حد يتقبض عليه ولا ينضرب ولا يتهان تاني، ومش عايزة ناس نفسها تنكسر تاني، ومش عايزة شباب يروح هدر تاني، ومش عايزة اشوف الوشوش الكابية المجروحة دي تاني، ومش عايزة شباب كانوا واخدينها جد يتحولوا الى عبثيين تاني
كفاية خسرنا عيال زي الالماظ وبقوا هم نفسهم اللي بيتريقوا على اللي كانوا بيعملوه من سنتين وحاسين انهم اتاكلوا على قفاهم
ما تسيبوا الناس في حالها بقى، وخلي بقى اي واحد دلوقت واخداه الحماسة يدخل يسب لي، زي نفس العيال اللي سبوا لي من سنتين عشان قلت ما تنزلوش وهم نفسهم اللي بيسبوا لي دلوقت عشان باقول ايه ايه؟ ايه اللي جرا لكوا؟

105 comments:

مواطن مصري said...
This comment has been removed by the author.
mido said...
This comment has been removed by the author.
mido said...

اللى حيحضروا خطاب اوباما و ضد التطبيع ناويين يحضروا بعد معرفوا بحضور السفير الصهيونى؟!!

مى said...

نوارة

ما هم شافوا السادات يوم قيام الثورة و اللى عمله

و اللى أهله بعد كده يبقى رئيس جمهورية

فليه ميكرروش نفس السيناريو

موت غيرك

علشان تعيش

و تاكل قراقيش

مى said...

جـــو

بمناسبة شبكات التجسس اللى كل يوم بنسمع عن إكتشافها


هل ده لنشاط جهاز الأمن العام الزايد

؟؟


و لا للخوف و الإرتباك الصهيونى بعد ما إتأكد إن المعارضة ممكن تفوز بالإنتخابات

خاصةً بعد الإفراج عن الضباط الأربع


و فشل بايدن فى تقديم الدعم الكافى لفريق الموالاة


و فشل سيناريو ديل شبيغل الخيبان

؟؟
















الأمر التانى

شوفت الريادة المصرية

!!

على رأى أبو الغيط

مصر ...مصر





تلاقينا منورين فى كده كل مكان

تعذيب ..ماشى

خنق و حصار .. ماشى

تجسس .. أوكى

مصر ..مصر

!!



مع الإعتذار لكل الشرفاء المصريين و هم كثر

مهندس مصري said...

أعلنت مصر اليوم اكتشاف أول حالة إصابة بفيروس إنفلونزا الطيور (أتش1 أن1) في أراضيها، كما اكتشفت الإصابة بالفيروس للمرة الأولى في لكسمبورغ وأوكرانيا، وازدادت حالات الإصابة في تركيا.

وأوضح وزير الصحة المصري حاتم الجبلي في مؤتمر صحفي اليوم أن المصابة هي طفلة مصرية تحمل الجنسية الأميركية وتبلغ من العمر 12 عاماً.

وأضاف أن الطفلة كانت قادمة إلى مصر من الولايات المتحدة الأميركية عن طريق أحد المطارات الأوروبية.

وقال ان الطفلة المصابة وصلت إلى الصالة رقم 3 في مطار القاهرة الدولي فجر أمس الاثنين على أحد خطوط الطيران العالمية بصحبة والدتها المصرية التي تحمل أيضا الجنسية الأميركية لقضاء إجازة الصيف في مصر.

الحجر الصحي
وتابع الجبلي أن سلطات الحجر الصحي بمطار القاهرة اشتبهت في الحالة بسبب ارتفاع درجة حرارتها أثناء مرورها على جهاز المسح الحراري وبالفحص الطبي تبين أن الطفلة تعاني من الرشح بالأنف منذ يوم 30 مايو/أيار الماضي.

وأوضح أن سلطات الحجر الصحي قامت بنقل الطفلة على الفور وحجزها في إحدى المستشفيات بالقاهرة كما تم أخذ عينات من والدتها المرافقة لها على سبيل الاحتراز وإرسالها إلى الفحص بالمعامل المركزية لوزارة الصحة، حيث أكدت المعامل إصابة الطفلة.

وقال إن التحاليل أثبتت إصابة الطفلة بالفيروس وسلامة والدتها، مشيرا الى أن الطفلة خضعت للعلاج على الفور وأصبحت حالتها طبيعية تقريبا، وأكد أنه لم يتم رصد أي علامات إصابة على أي من المسافرين القادمين على نفس الرحلة.

وشدد الوزير المصري على أنه لن تتخذ أي إجراءات استثنائية لأنه لا ضرورة لذلك في الوقت الراهن.

http://www.aljazeera.net/NR/EXERES/CAB5E746-4599-4A85-BD0A-76111E400CA4.htm

مهندس مصري said...

تصدقي معاكي حق في كل كلمة قولتيها في الموضوع ده

مهندس مصري said...

فكرتيني بالراجل اللي شفته في إحدى ندوات مصريين ضد التعذيب
كان بيقترح وقفة إحتجاجية أمام مجلس الشعب

إقتراحه نرفزني
و قلت له لما إجتماعات مغلقة في نقابة المحامين عددها بيقل كل مرة عن التانية
و أول إجتماع كان 60 فرد و التاني بقى 40 منهم كتير جداد
يعني أغلب اللي حضر الإجتماع الأولاني ما حضرش التاني
يبقى تتوقع كام يحضروا الوقفة دي
قال لي نبدأ إن شالله بـ 10 أفراد
قلت له و البوليس يقبض عليهم
قام سكت

مش عارف الناس دي بتحسبها إزاي بالضبط

أدهم الصفتى said...

يا نوارة يا أختي ... أنا اعتبرت ان المكسب الوحيد من اليوم ده بالنسبه لي " بتاع التعديلات الدستورية " إني اتعرفت على أحسن صحاب في حياتي ، محمد عبد القادر و الواد احمد سمير علي الأزعه اللي جدعنته أطول منه ، و الواد دروبي اللي ما عندوش أي مشكله انه يموت في أي لحظه و يترفد من شغله و حياته تضيع علشان اللي مؤمن بيه.غير كده أنا ما بقيتش شايف انه كان فيه أي مكسب من اليوم بتاع التعديلات الدستوريه ، يمكن الضحك و الكركعه في عربية الترحيلات و احنا في صحراء القطاميه لما فتحوا علينا شبابيك العربيه عشان نرصرص من السقعه طول الليل . انما بقى تغيير و ما تغييرش ، و أحلام و ما احلامش ، اسمحيلي يا أختي ، هأوأوأوأوأوأوأو
كفايه و أخواتها ضحكوا علينا ، و استخدمونا ، و على فكره ده رأيي في كل و أي تشكيل عصابي قذر بيسمي نفسه ممثل للقوى الوطنيه.عن نفسي انا مش عايز اتسمى مناضل ولا اي خره ، أنا كنت ساعتها عيل صايع مطول شعره و مستني حاجه تحصل عشان اعمل أي دور له قيمه في البلد الوسخه دي ، و دلوقتي عرفت ان دوري اني ابقى نافع للي حواليا و اشتغل بذمه و اعمل حاجات كويسه و اضحك مع صحابي و بسسسسس. ياكشي تولع ياكشي تولع ياكشي تولع .
و طبعا انتي عارفه كويس انه ما كانشي عندنا أدنى مشكله اننا نتحبس انشالله عشر سنين ، بس ما حدش يتكلم باسمنا و يركب على كتاف ميتين أبونا و يمسّخ الحاجات كلها ، حاجه تقرف

حـنــّا السكران said...

مي

كنت سأكتب مقال عن هذا الأمر البارحة .
هناك تحليلات جدّية بناء على معلومات , كشفت أنّ الموساد الإسرائيلي كان يخطط لعملية كبيرة جدا تستهدف لغتيال أمين عام حزب الله السيد حسن نصرالله و أنه استنفر كلّ عملائه لهذا الغرض , و أن العقيد في جهاز المخابرات العسكرية الإسرائبلية ( أمان ) الذي انتحر بإطلاق النار على نفسه في مكتبه أول البارحة , كان المسؤول عن هذه الخطة و عن هؤلاء العملاء , و أنّ المخابرات الإسرائيلية رصدت مليار دولار تحت تصرف العقيد لتنفيذ خطته . النشاط الكبير للعملاء في الفترة الأخيرة كان سببا في انكشاف الكثير منهم , و بعضهم يبلغ عن شبكته حين يقع , أي واحد يجرّ ثلاثة أو أكثر بعد أن يقع . و بعضهم كان تحت المراقبة منذ سنوات , من قبل جهاز مخابرات الجيش في لبنان و جهاز أمن المقاومة , واضح جداً أنّ نشاطاً غير عادي لهؤلاء العملاء في فترة محددة , و وجود أجهزة جديدة لدى مخابرات الجيش و فرع المعلومات , ساعدا على سقوط هذا العدد من الأوغاد . لكن لا زال هناك الكثير .. لا ننسى أن جيش أنطوان لحد كان يضمّ الالاف , معظمهم حوكم بأشهر قليلة أو بسنة و خرج من السجن , هؤلاء وحدهم يمكن إعادة تشغيل المئات منهم .

لكن ما أشكّ به بين و بين نفسي , أن رؤوساً سياسية كبيرة قد يكشف عنها في يوم من الأيام , بتورطها في العمالة .. هذا إن لم تقف الصيغة الطائفية في وجه ذلك . فكلّ سياسي هو نبي مقدس في طائفته , يمكن له أن يخون و يعود إلى بيته اّخر النهار دون حساب , كي لا تزعل الطائفة الكريمة .

جبهة التهييس الشعبية said...

يا ادهم
يا ادهم
ده انت من احسن الناس اللي استفادت من التجربة وتجاوزت جراحك
بس مش كل الناس ردود افعالها زي بعض
فيه ناس لسة متكعبلة في الحكاية والصدمة خلتهم عبثيين

lastcrazyboys said...

اييييوة العبثيين دول انا شفتهم اكتر من اللي استفادوا

وحتى اللي ماتحبسوش ولا اتسحــلوا ..لما اكتشفوا انها مجرد مباراة بين الحكومة والناس دي
اعتزلوا الحياة وسابوا اشغالهم

ده احنا لسة منزلين واحد بالعافية من شهر الشغل تاني
======
وأحب أسأل الأنســة المصونــة والجوهرة المكنــونة : مــي

بقى اللي أهــل الرئيس السادات لتولي مقاليد الأمور حادثة الثــورة

!!!!؟؟؟

اي هيصة في اي بدنجــان ..يلى هو احنا يعني اللي مش هنفتي ..ما كلها بتفتي

جبهة التهييس الشعبية said...

لاست كريزي بوي

لا
استنى بقى
مي كلامها مظبوط

يعني السادات ده نموذج للركوب على مجهود غيره من اول ثورة تلاتة وعشرين يوليو اللي حضرها في السينما
لحد الحزب الطليعي السري اللي رشح السادات للنيابة قبل وفاة عبد الناصر بثانية
وبعد ما بقى رئيس راح شايط اللي رشحوه كلهم وشاط اللي وضبوا له خمستاشر مايو اصلا

وحتى نصر اكتوبر اللي عبد الناصر قعد يحضر فيه تلات سنين وحظ السادات اخد الجيش وهو جاهز

لا
الراجل ده نيموذج لكل وغد عايز يعيش على امجاد غيره وينسبها لنفسه
وحظ عوالم بقى
هي الدنيا دي كده ابخات
هو من اساسه كان ايه لازمته في مجلس قيادة الثورة غير ان ربنا حظه؟

مى said...

اي هيصة في اي بدنجــان ..يلى هو احنا يعني اللي مش هنفتي ..ما كلها بتفتي



أعتقد فيه أسلوب أرقى من كده تعبر بيه عن الإختلاف فى الرأى

ده إذا إعتبرت اللى إنت كتبتبه رأى أصلاً

!!




أعتقد أيضاً إن الكلام اللى أنا كتبته كان يحمل السخرية

و ليس إقرار حقيقة

حضرتك موصلكش المعنى ده
!!


ديه بأه الحقيقة مش غلطتى







مدام مــي

ايوشة said...

طوووول عمرى اقولها كلمة محدش يشارك فى اى احزاب ولا اى حركات والامور اللى اى كلام دى الانسان يغير من نفسه وصلح احواله ويعبر عن رايه بنفسه وبعدين يصلح اللى حواليه ويحاول يغيرهم لكن موضوع المظاهرات والوقفات والاحتيجاجات دى كلها ملهاش اى لازم وبيروح فيها فعلا اللى مش ليهم ذنب فى الرجلين

مى said...

نوارة


واضح إن البوست لم يثر المتسلقين فى حركة كفاية




لكن تعليقى


أثار المهذبين من أنصار





بطل الحرب و السلام

!!!!!!!!!

رامز عباس said...

نوارة كلامك تمام

اوعي بس بنادن في مالطة

للاسف الحركات بتزيد كل يوم وخلاص شفتي خناقة حركة 6 ابريل المنشقة


شرحشحوا لبعض


الا ممكن طلب عاوز اميل حضرتك ابقي ابعتلك عليه رسائل المقالات اللي بكتبها

لانه للاسف الشديد الظاهر ان ضيق وقتك مش بيسمحلك تتابعي مدونات

TAFATEFO said...

مع احترامي للجميع وتعليقاً على رد نوارة هانم .. نسمع أكثر بقى عن السادات المتسلق على مجهود غيره وعن حظه الـ"ـولعه" أوي ده

:D:D

TAFATEFO said...

ألا انتوا عارفين الأغنية اللي ملحنها محمد فوزي لواحده مش عارف اسمها اللي بتقول

ضربني فـ قلبي بالشلوت .. وجع قلبي

اخيه اخيه اخيه

:D:D:D

حد يعرف مين بتغنيها؟

جبهة التهييس الشعبية said...

جمالات كفتة يا عاشق السادات والرأسمالية والمدافع عن المعونة الامريكية
:)
ومع ده كله بتحب حماس
وبتحب مبارك ونفسك يدخل النار
هههههههههههههههههههههههههههه
الا انا شفت كتير وقليل
الا المدونة دي عرفتني على عالم

TAFATEFO said...

عالم زي الفل وعالم وسخه .. مش مشكله

بس برضه أحب أسمع أكتر عن المتسلق أبو حظ ولعه .. وأحب أعرف صاحبة أغنية

اخيه اخيه اخيه

TAFATEFO said...

بس حلو أوي تعبير (عاشق) الكذا وكذا وبـ(تحب) كذا وكذا

والله يا ست الناس أنا برضه عرفت عن نفسي حاجات كتير أوي يمكن أمي مكنتش تعرفها

منها مثلاً تاريخ ميلادي الجديد

:D:D:D:D:D:P

جبهة التهييس الشعبية said...

قلت لك اسمها جملات كفتة

وانا قلت خلاص عن السادات
وتاريخه الاسود وندالته معروفة

ده لما اتفق مع زمايله على قتل النحاس باشا كان فيه الخطة باء ان لما يصعب تنفيذ الاغتيال يتقابلوا في حتة معينة
راحوا لقوه ما راحش اصلا المكان لا المكان بتاع الخطة الف ولا باء

اسم الله عليه
كان يسخن الناس ويخلع
ووالله لو المودا ان الاغتيالات السياسية حلوة يقول على نفسه: احنا قتلنا
ولو وحشة يقول: والله ما اعرف

زي ليلة تلاتة وعشرين يوليو اللي راح فيها السيما كده
لو الانقلاب نفع يبقى منقلب
ولو ما نفعش يبقى منعدل

منوفي بقى انت عارف

جبهة التهييس الشعبية said...

والله يابني انا ما اعرفش عنك غير اللي بتكتبه هنا
وتاريخ ميلادك الجديد ده والله انت للي كنت قايلهولي في ميل

استنى
ح اروح اجيب الميل دلوقت حالا اللي بتقول لي فيه انا برج القوس

TAFATEFO said...

آه طيب بما اننا سمعنا عن المنوفي أبو حظ ولعه

نعرف بقى صاحبة أغنية

اخيه اخيه اخيه.

TAFATEFO said...

بالله ما تتعبي نفسك

القوس القوس هو حد يكره .. والله ما أعرف عنهم أي حاجه أصلاً

mido said...

ايوة ايوة

يا نوارة

سيحى لهذا الارستقراطى المأنتخ

:P

جبهة التهييس الشعبية said...

مصطفى

عملت لك فورورد للميل اللي انت قلتي لي فيه انك برج القوس

طب هم المنايفة غاويين فشر
انا ذنبي ايه بقى؟

مصر 30 said...

صحيح أن ماعرفش تفاصيل اللى بيحصل فى كفاية لكن أكيد مصدقك .. بس فى نفس الوقت و مادام الكلام عن كفاية فلازم نفتر عبد الوهاب المسيرى اللى يرحمه و نذكر إنه مكانش من اللى بتقولى عليهم ... و إن من أكثر الناس صدقا مع نفسهم و مع الناس .. ولا إيه ؟

جبهة التهييس الشعبية said...

حتى بالامارة قلت لي هم كاتبيني واحد يناير بس ده تاريخ متأخر

TAFATEFO said...

ده مش فشر

ده اسمه ترييح ناس

أنا يا ستي برج القوس بس أنا مواليد 1/1/1984.

:D:D:D

عموماً يا ستي عندي دي .. قوس قوس ايه المشكله

هو أنا هعزها على حضرتك يا نواره هانم يعني ؟؟ نحن لها

جبهة التهييس الشعبية said...

هههههههههههههه
انا عارفة ياخويا؟
كل ما افتح بقي يقول لي مش مصدقك فاكرة لما قلتي عليا برج القوس وانا مش برج القوس

وانا بانسى الميلات
اقول ياربي معقول؟ معقول الخبط في برجه

ده بانسى اسامي الناس واعلمهم بابراجهم ومش ممكن ابداااااااااااا الخبط في برج واحد
:))))

وبما ان دي المرة العشرمية اللي يدخل يشككني فيها في نفسي في الموضوع ده بالذات ويستغلها عشان يثبت لي ان مخي مفوت :) قلت اعمل سيرش بقى عشان اقطع الشورت في البسين

والله العظيم يابني قال لي انا برج القوس بس كاتبين تاريخ ميلادي واحد واحد عشان الظاهر كانوا فاكريني مش ح انفع فكتبوني متأخر

اي والله عليك يا حبيبي

جبهة التهييس الشعبية said...

يوه
انت يا راجل لسة بتفشر؟
ما تكمل بقية المقتطف

"أنا يا ستي برج القوس بس أنا مواليد 1/1/1984

أصلهم تقريبا مكانوش فاكريني هنفع فاتأخروا في تسجيلي"


اللي بيكدب بيروح النار على فكرة
:p

TAFATEFO said...

:D:D:D

طب أنا هسكت

حلوه معلمه الناس بأبراجهم دي .. وماشيه جداً مع موضوع مفوت

:D:D:D:D:D

TAFATEFO said...

أنا يا ستي برج القوس بس أنا مواليد 1/1/1984

أصلهم تقريبا مكانوش فاكريني هنفع فاتأخروا في تسجيلي
.

so?

اللي بيكدب بيروح النار على فكره

:D:D:D:D:D

برضه هسكت .. بس برضه عايز أعرف صاحبة الأغنية

اخيه اخيه اخيه

mido said...

اوباما يحمل قائمة طلبات الى السعودية تشمل مكتب مصالح بتل ابيب وتأشيرات للاسرائيليين

جبهة التهييس الشعبية said...

انت بتكدب
كركركركرررررررررررررر
واسكت بقى عشان انت لما بتتفقس بتزعل

هاهاهاااااااييييييي

TAFATEFO said...

لما بتفقس بزعل

ممممممممم

أضف إلى معلوماتك .. معرفش ان الموضوع أوي كده .. وصدقيني أول مره أعرف اني بزعل

يمكن حضرتك تعرفي كويس اني مبزعلش .. بيتهيألي مجربه الموضوع ده أكتر من مره

mido said...
This comment has been removed by the author.
mido said...

أنا حقى فى المعونة الامريكية 7 دولارات

على كلام احمد السيد النجار

:D

جبهة التهييس الشعبية said...

:)
لا بتزعل
واديك زعلت اهو
مع انه موضوع ابراج يعني مش تعديلات دستورية ولا حاجة
هههههههههههههههههههههههه

mido said...

طيفا مبيزعلش


طيفا عايشها أنتخة

TAFATEFO said...

هو ده الزعل

ما شاء الله اللهم لا حسد

طب نقفل على الموضوع يمكن على آخر الليل تقولي انتحرت قبل كده

جبهة التهييس الشعبية said...

انت حقك في المعونة سبعة دورار ده لو قررت تعيش كمواطن عادي
لكن فيه اساليب تاخد بيها معونة اكتر لو عايز
:)
بمناسبة المعونة، سمعتوا حكاية ان الامن نفى عمر خالد للندن؟
ههههههههههههههههه
اوعد ياللي بتوعد

لا والله طيفا جدع قوي وخدوم
بس ساعات المنوفية تنقح عليه في لحظات كده

يشر من غير سبب واضح زي ما فشر عليا في موضوع الابراج ده
انا واحدة بريئة باسأله بمنتهى المعزة: انت حساس قوي، انت برج ايه؟

ما تفهمش المنوفية قبت عليه في اللحظة دي ليه؟
هههههههههههههههههههههههههههه

وانا شرقاوية وصدقت

TAFATEFO said...

أهو شوفتي بتاع سكر وضغط .. وآخره برشام صداع .. واسكندراني وقالك مبيزعلش

اللهم لك الحمد والمنه ولا أي حاجه في الدنيا تفرق معايا .. وعلى أتم استعداد أموت بعد نص ساعه .. لا في حاجه أبكي عليها .. ولا هيبكي علي حد

lastcrazyboys said...

بصي يا نــوارة ..انا مش هرد على كلامك لأنك قلتيها قبل كده وانا فاكر ..انك مشحــونة من السادات لأسباب شخصية

وانا برضه مينفعش ادافع عن واحد ..وانا بحبه ..لمجرد ان العواطف هتتدخل في الحكاية دي

وبعدين أنــا كنت بــرد على كلامهاان السبب في انه مسك رئاسة الجمهورية الحركة دي في حد ذاتها ..يعني اللي يقرا الكلام يقول ان عبدالناصر قاله : إلا انت كنت فين يا انور يوم الثورة ..مشفتكش يعني

فقام رد عليه : لا مانا هبقى اقولك عملت ايه بعدين ..بيني وبينك

فلما حكى له ..قوووم ايه ..عبدالناصر اعجب بالقصة ..وقعد يضحك ضوحك لحد ما وقع على قفاه
وقاله : الله يحظك يا انــور .. صضقني انت عبقري ..وعشان كده انا همسكك البلد دي من بعدي..ايه رأيك

السادات قاله: انا ممنون لك جدا يا ناصر ..وبشرفي ما هنسى لك الجميل ده
==========
وبعدين ..طموح..متسلق ..وصولي..اي حاجة من اللي بتقولوها دي

مش تــراعــوا ..ده انا منكم وعليكم يعني
!!!!!!
ابقوا اعملوا زي صاحبي اللي عشان يراضيني - وعشان يكيد الناصريين - قال ايييييه: انا بحب السادات عشان حاجة واحدة بس

مش حكاية تحرير
ولا حتى رمسيس

الراجل ده يا جماعة الوحييييييد ..اللي اثبت ان المنايفة أوســخ من اليهـــود

================
بقولك ايه ..!!ايه حكاية البت اللي مسكوها في المطار عندها انفلونزا دي
وخصيمك النبي ما تقعدي تقوليلي بشايره هلت ..والحاجات بتاعتك دي

TAFATEFO said...

وصحيح بمناسبة الميل اللي بقاله أكتر من 10 شهور

هو ايه اللي موقف النقل على سيرفر خاص؟؟ أحسن ميت مليون مره

جبهة التهييس الشعبية said...

اه
ما ده سيرفير مش كده؟
متهيالي ده سيرفر
كان واحد ساعدني فيه انت عارف انا حمارة وقال لي ان ده سيرفير

انت عملت ايه في السيرفر بتاعك
حط عليه مدونتك

لاست كريزي بوي

ما اقولش ليه؟ مش دي الحقيقة
قبل معاده بيومين ينحسنا جته نيلة في قدمه

TAFATEFO said...

يا نواره هانم .. ده دومين

tahyyes.org ده دومين

سيرفر علشان ميجيش جوجل يراجع زي ما عمل قبل كده و تقدري تعملي بلوك للآيبيهات اللي حضرتك عايزاها وحاجات كتير؟؟

Tarek said...

http://www.masrawy.com/News/Egypt/Politics/2009/june/3/amrkhaled.aspx?ref=rss
homa 3ayzen meno aeeh wlad el gazma dool

mido said...

طبعا انت عارفة ان شغلة طيفا الاساسية

مكافحة السوسة



لكن تخيلى بقى

ان طيفا



بيقرف من الموضوع ده



بيقرف من العيان يعنى



:))

حسن على said...

عفوا ..سأستعمل مقياس اخر لبيان وطنية ونزاهة الرئيس السادات ..طبعا غير انة استبدل عشرين جنية من معاشة فبنى بها قلعة حصينة فى ميت ابو الكوم ...واجد من ادلة نزاهتة ان جمال السادات انشاء مكتب استشارات هندسية حقق تمانية مليون (لما كان جمال السادت فى سنة تالتة هندسة واتناشر مليون فى العام الذى تلاة...وسمعت هذا من فم جمال السادات نفسة فى عشاء حضرتة صدفة فى احد الفنادق بعدما انضم لمأدتنا التى كانت تضم بعض اصدقاؤة) وعشان ما ازعلش صديقى مصطفى مش هاكمل باقى القائمة الطولية

TAFATEFO said...

هحط مدونتي على nawaranegm.com???

ده حضرتك ترفعي علي قضية تشهير

الدومين ده بيجيب هنا برضه

جبهة التهييس الشعبية said...

هو انت ما ينفعش تغير اسمه؟

TAFATEFO said...

أغير اسمه؟؟ لا مينفعش

مش موضوعنا .. فكري جدياً في النقل على سيرفر خاص .. وألف من هيدلك .. ده مهم

وبعدين tafatefo.com
بينافس جوجل دلوقتي

lol

بس يلا يا بتاع ضغط يا هانم سكر يا بيه .. مبقاش فاضل غير اللي لما ربنا يسهلهاله هيبقى ممارس عام ده كمان

طب أنا أخصائي 3 تخصصات طبية .. انت آخرك بتاع ضغط وبرشام .. وتبقى طبيب ريف والناس تجيلك على ما تروح لدكتور

:D:D:D:D:D:D

قولتلك يابني ميت مره محدش يغلب منوفي في الكلام

جبهة التهييس الشعبية said...

يا سلام يا مصطفى انت وميدو
ناقصكوا صيدلي ودكتور تحاليل عشان الخناقة المهنية الشوفونية تكتمل

TAFATEFO said...

ما هو اللي اتتريق الأول

بتاع حملات التطعيم وأقراص البلهاريسيا ومحلول الجفاف

:D:D:D

جبهة التهييس الشعبية said...

ههههههههههههههههههههههه
مطلوب صيدلي ودكتور تحاليل على وجه السرعة عشان تقولوا له: وانت بقى بتحط دال قبل اسمك ليه؟ هو انت دكتور؟

mido said...

أرد عليك أقولك ايه بس





كفاية الناس تعرف انت كاتب ايه فى بروفايلك و تحكم








Mustafa Ahmed Abdul-Rahman is going to be the president of Egyptlooooooool

هندسة وصفية said...

خلتهم عبثيين
ههههههههه

جبهة التهييس الشعبية said...

ميدو
ما تستبعدش حاجة
ده منوفي ويعملها
هههههههههههههههههه

TAFATEFO said...

أنا هترفع عن الرد عليكوا

وهسيب الزمن يرد عليكم

الخيل والليل والبيداء تعرفني ..والسيف والرمح والقرطاس والقلم .. ترنسيليشن : الأهلي حديد

:D:D

TAFATEFO said...

وبعدين انت بالذات يا بتاع أقراص الديدان ومصل العقرب عارف كويس كام واحد لغاية دلوقتي بس أيدوا ترشيحي وأعلنوا دعمي

lastcrazyboys said...

اييييه ده
!!!!!!!!!!!!

ده السعـــودية كمــان ظهرت فيها حـــالة

نـــواااااارة ..اوعى يكون لك يد في الحكاية ..عشان تشوهي صورة الراجل
==
اصل استحالة تكون مصادفة

مواطن مصري said...

نوارة شوفتي الي بيحصل للعميد ميت

حركة 6 ابريل فيها انشقاقات كبيرة و شكلها ماتت زي بيقت الحركات
دة كلام العميد ميت


وعدت الجميع إن هرد علي تفاهات وأكاذيب المدعو محمود ششتاوي

ولكن علي ماذا أرد ؟ بالتأكيد سأرد علي مايخصني من إتهام إني إخترقت أكونتات أصدقائي وشهادتي لن تكون هكذا فهي شهاده موثقه منهم

بالتأكيد سأرد لأني متأكد من سلامه موقفي ورفعه رأيي ودقه ما قمت به ، وكذب ماينشرون

بدايه أحب أرحب بالسيدة ندي صادق وأقول لها مرحب بك في هذا العك ، وهذا دليل علي كذبك أنتي وششتاوي إنك بعيدة عن العك ومالكيش علاقه بالعك وده من الممكن أن نرد عليه بطرق كثير ولكننا لسنا في إطار الرد علي هذه النقطة

دعوني كالعاده أقتبس مما كتبه المدعو ششتاوي لكي نرد هنا علي كل كلمه قالها وإسمحوا لي أن أخبركم إني سأختار ما أرد عليه اليوم وما سنتركه حتي يأتي وقته ويظهر الزيف وتظهر مره أخري سيقان الكاذبون ويظهر مابها من زيف وجيفه

بداية الأمر عندما بدأت الاحتكاك للمرة الثانية بهذا الحلف عن طريق دخولي في مشادة مع محمد عادل المدون المعروف بالعميد ميت صاحب مدونة ميت وهو مبرمج مواقع، عندما قام بتحريض أحد أعضاء حركة شباب 6 أبريل بالكتابة عن أكذوبة قام بتأليفها وإخراجها وتوزيعها محمد عادل، ملخص الأكذوبة هو ( قيام الأستاذة ندى صادق أمينة حزب الجبهة في الغربية باستغلال الحركة في الترويج لها لأنها تنوي خوض انتخابات مجلس الشعب !! )

من لديه دليل علي تلك البذائه فليواجهني بها ، فأنا متأكد من إنني لم أحرض أحد علي الكتابه ، أما عن مانشره عمرو عنين فهو ليس ماكتبه المدعو ششتاوي إطلاقا ، أما عن نقطه الترشيح لمجلس الشعب فسأتركها للأيام تكشفها ، بئس الكذب والإفتراء ، يتكلمون بدون دليل فليأتوني بدليل علي ماخطوا بأيديهم … شُلت يدهم ، بالإضافه إلي إن عمرو عنين أقسم أكثر من إني ليس لي علاقه بما كتبه.

وهذا كلام عمرو عنين علي الماسنجر بعد مواجهته بكلام ششتاوي


http://43arb.info/meit/



الموضوع لازم تشوفية

TAFATEFO said...

التكنولوجيا دي واعره جوي يا بوي

نشطاء صحيح

جبهة التهييس الشعبية said...

طب شتفوا ده؟

http://www.facebook.com/s.php?q=ahmed+maher&init=q&sid=bee3d4d5ee5ac7fce77b7bbe482c5062#/note.php?note_id=42333649945

بهجت الاباصيري said...
This comment has been removed by the author.
مواطن مصري said...

يعني انا الوحيد الي مش بقول ان فية حزب معين و خصوصا العمل و الاخوان بيحاول السيطرة على الحركة

يا قولت الكلام دة و محدش صدقني اهو جة الوقت و بيثبت كلامي



فعلا الاحزاب و الحركات من اليمين لليسار حركات سمك لبن تمر هندي

جبهة التهييس الشعبية said...

معاك حق يا مواطن

احنا غلطانين اننا ما سمعناش كلامك

mido said...
This comment has been removed by the author.
mido said...

أنا لازم أضيف أحمد عشان اشوف الموضوع ده

TAFATEFO said...

أنا عايز أسأل سؤال غبي

هو ليه عشرين يتخانقوا على قلم جاف فاضي ومكسور؟؟

ولا أنا فاهم غلط

أمن الدولة يا يعيش .. يا يعيش .. يا يعيش

آدي المنايفه اللي مش عاجبينك

TAFATEFO said...

سؤال بايخ كمان .. معلش هما 2

هو فين الإخوان في الحوار ده؟؟

هو أنا لوحدي اللي مشاهد الخناقة مش واضحة أو مكتملة عنده ولا في ناس زيي؟

mido said...

مصطفى


محمد عادل بيدرس الشغل الواعر ده

فى الكلية

مواطن مصري said...

ههههههههه بس الموقف فكرني بموقف فتح و حماس

ههههههههه الانشقاق وصراع على سلطة ليست موجودة ههههههههه

مواطن مصري said...

شوفي النوت دة


http://www.facebook.com/posted.php?id=554935441&share_id=105594606059&ref=nf#/note.php?note_id=100288842128&ref=mfالحقيقة ... وما رميت إذ رميت ولكن الله رمى

هههههه

مى said...

تاااااااااانى


واضح إن تعليقى

أثار المهذبين الأذكياء اللى بيقروا الكلام و يألفوا عليه سيناريوهات عجيبة


من أنصار







بطل الحرب و السلام

!!!!!!

جبهة التهييس الشعبية said...

انا مش فاهمة ايه اللي حصل

خير اللهم اجعله خير

اوباما وشه فقر علينا

فيه عيال جالها دعوة من الفريدم هاوس
وعيال تانيين طلعوا بيان ضده

وبعد كده النور قطع ولما جه لقينا ناس دخلت على ميلات ناس وكلام عن تهديد بنات بفضحهم وكلام عن توقيع بين الناس: الواد ده بيقول عليك احول.. انا قلت عليه احول يا كداب؟ مش انت اللي قلت عليه بيتكرع بصوت عالي؟ اه، مش لما قلت لي انه سرق منك البيبسي كانز بتاعتك وقربعها على بق واحد؟
ايوة بس ده عشان انت كنت بتقول لي ان البت ستيتة هي اللي شربت البيبسي كانز
طب كويس بقى انك جبت سيرة البت ستيتة، انت مش قلت عليها انها لما بتتكلم بتفتف؟
لا يا حبيبي، انت للي قلت انها عندها شنب

ايه الحكاية مش عارفة

جبهة التهييس الشعبية said...

س . تحب تبدا منين؟
ج. مش عارف بصراحه أبدأ منين بس الموضوع قديم و ليه جذور فى كل حاجه
خلينى ابدا من قبل 6 ابريل 2009 بكام اسبوع .. عندك وقت تسمع؟
*بس حاول تختصر
×× طيب
الحكايه بدأت من اول ما دار نقاش حوالين اختيار عنوان الحدث فى يوم 6 ابريل
كانت نفس المجموعه اللى عاملين مشاكل دلوقتى هما نفسهم اللى مؤيدين للفظ الاضراب العام لشعب مصر
فيه منهم اللى كان مقتنع فعلا بإننا ممكن نعمل اضراب عام و فيه منهم اللى كان مؤيد لهذا اللفظ لاهداف اخرى
المهم انا كنت مؤيد لاستخدام لفظ احتجاج بدل اضراب.. اهو حسب امكانياتنا
و كل ما كان بيمر الوقت و الناس يكتشفوا استحالة تنفيذ ذلك الاضرابالعام لكل مصر كانت نفس المجموعه بتمنع محاولات تصليح الموقف باستخدام الصوت العالى
بل بالعكس
فيه منهم اللى استغلوا انهم ليهم صلاحية الحديث للاعلام و نزلوا استطلاع رأى مضروب و مكتوب على القهوه و تم نشره فى الجرائد و بالطبع اساء لصورة الحركه.. أيام ما كان فيه حركه
و تلاحقت الاحداث مرورا باعتقالات كفر الشيخ اللى لم تدار بشكل جيد من اطراف كتير بسبب انها قبل الاضراب على طول و انها كانت كمين و الازمه صاحبها عصبيه مفرطه و سوء تقدير للموقف .. و حتى الان الاراء كتير و محدش مقتنع غير برأيه
فيه اللى بيبنى رأيه بناء على العاطفه و فيه اللى بيبنى رأيه بناء على حسابات سياسيه
و بعد ان مر يوم الاضراب و الناس المحبوسين خرجوا.. بدأ الناس فى التقييم و هناك من تمسك برأيه رغم ان الدنيا كلها كان ليها رأى تانى .. و فيه اللى لسه بيجادل باقتناع و فيه اللى بيكابر فقط لا غير
المهم علشان ماطولش عليك
من ساعتها بدا العداء رغم ان ده كان مجرد خلاف سياسى .. و ضياء وقت ما اختلفت معاه و حملته مسئوليه الفشل اللى حصل يوم 6 ابريل اعلن قدام الناس انه على عداء معايا
و بالفعل بدأت مجموعة لن تمروا بجناحيها فى اعداد الخطط للسيطره
كل جناح بخطه مختلفه
و رغم ان جناحى لن تمروا مش طايقين بعض اساسا.. لكن المصلحه مشتركه و هى تدمير ماهر اللى واقف عقبه ضد سيطرتهم و مش بيسمع كلامهم رغم انهم فى الاخر مايزيدوش عن 8 انفار.

جبهة التهييس الشعبية said...

س. إيه حوار امريكا و ما هى صحة الاتهامات بالعماله و الخيانه و التبعيه لأمريكا
ج . الموضوع ده بيتم تضخيمه لتصفية حسابات شخصيه
كل الناس القديمه عارفين موقفى العدائى من امريكا
و عارفين ان بداية نزولى للشارع كان فى 2003 فى المظاهرات ضد غزو العراق

لكن المسرحيه اللى شغاله دلوقتى بدأت مع اصرار حركة لن تمروا على حرق باسم و ميدزى و عدم الانتظار للتحقيق حتى يتم تقييم الموقف جيدا و نعرف اسباب الزياره و نتائجها. و الاصرار على ذلك الحرق كان بسبب خلافات شخصيه قديمه فقط لا غير
و كان هناك اصرار كبير من حركة لن تمروا على تعطيل اى شغل او هيكله او اقرار رؤيه او اى مشاركه مفيده .. و لما كنا بنتراجاهم قفل الموضوع لحين عودة باسم و ميدزى كانوا رافضين اى كلام و مصممين على الجهاد داخل الحركه.
و ابتدوا يصدقوا فعلا انهم بيخوضوا معركه ضد الامريكان , أو على الاقل المخلصين و الطيبين منهم ابتدوا يصدقوا الهجص ده.
الحكايه كلها عباره عن فكره بتتكتب كل يوم فى اى مكان
فكرة ان فى 2005 كان فيه ضغوط امريكيه صريحه على مبارك
صحيح كانت ضغوط فقط علشان مبارك يقدم مزيد من التنازلات.. و لكن الكل يعرف و يعترف من جميع التيارات من اقصى اليسار لأقصى اليمين أن هذه الضغوط الخارجيه هى التى ساهمت بشكل مباشر فى حالة الحراك السياسى فى 2005
فى 2005 كنا بنقدر ننزل الشارع و نتكلم مع الناس بدون خطر
فى 2005 كان فيه اعداد كبيره من الشباب قدرنا نجمعهم علشان كان لينا حرية النزول للشارع
و اللى اضاع الشباب دوب و دمر حركة شباب من اجل التغيير هما نفس الاشخاص و نفس العقليات اللى بتفتعل المشاكل حاليا.
و لما مبارك مسك الحكم قدم مزيد من التنازلات لامريكا و خصوصا بعد نجاح الاخوان و استخدام مبارك فزاعة الاخوان و بالفعل جروج بوش ادى ضوء اخضر لمبارك لسحق معارضيه و اعلن وقتها انه راضى عن اداء مبارك فى الديمقراطيه
و بعد التصريحات دى بأيام كانت اول اعتقالات لشباب كفايه و الاحزاب ... و بدأت الضربات الموجعه للاخوان
و انا وقتها قعدت شهرين فى السجن فى احداث القضاه فى 2006
يبقى الصوره واضحه .. بوش بيمثل بموضوع الديمقراطيه لتحقيق اكبر مصالح لامريكا
مبارك مع الضغوط يبدا فى زيادة هامش الحريه
الشباب يكون ليهم حرية التحرك لتوعية الناس وللحشد ضد مبارك و ضد امريكا كمان

جبهة التهييس الشعبية said...

يعنى الفكره كلها مالهاش علاقه بالعماله و الكلام الهجص ده
الفكره كلها تتلخص فى كلمة .. اللهم اهلك الظالمين بالظالمين و اخرجنا من بينهم سالمين
ايه المشكله لما يكون فيه توجيه رسائل للاداره الامريكيه بطريقه غير مباشره و بحوار غير مباشر عن طريق المصريين الوطنيين المقيمين فى امريكا ...انها تتخلى عن دعم مبارك و تكون فيه نيه حقيقيه للاهتمام بالديمقراطيه
و ان أمريكا مكروهه بالاساس فى مصر بسبب دعم امريكا لاسرائيل و احتلال العراق و دعمها لنظام مبارك تحقيقا لمصالحها فقط
و ان السبيل الوحيد لتحسين صورة امريكا هو الخروج من العراق و اتخاذ موقف عادل فى القضيه الفلسطينيه و التوقف عن دعم الحكام المستبدين.
احنا مش عايزين حاجه .. ولا احنا بنحلم نحكم مصر.. ولا احنا بديل للنظام
احنا شباب بنسعى لتغيير هذه المنظومه و فقط
الرساله دى بالفعل قدرنا نوصلها لدواير صنع القرار فى الادراه الامريكيه
و كانت المفاجأه ان الادراه الامريكيه رفضت اى تدعيم حقيقى للديمقراطيه
و انها شايفه ان نظام مبارك هو الافضل و الاضمن لها
و ان اللوبى الصهيونى فى امريكا بيدعم مبارك بكل قوته
و ان امريكا خايفه حتى من ايمن نور ألا يعمل تحالف مع الاخوان او ييجى الاخوان بعده .. امريكا خايفه من اى حد ييجى خارج هذا النظام الحالى
لان اى نظام ديمقراطى هايجيب الاخوان فى وقته او بعد حين
و الادراه الامريكيه عندها رعب كبير من الاخوان .. و نظام مبارك هو اللى عمل الرعب ده .. و اللى بيساعد مبارك داخل امريكا هواللوبى الصهيونى و كمان مراكز بحثيه و اعلاميه بيتصرف عليها ملايين الدولارات من اموال دافعى الضرائب المصريين
دا حتى الاخوان بيحاولوا يوصلوا رسايل للادراه الامريكيه ان مفيش خوف لو الاخوان وصلوا للحكم
و فيه اتصالات بعضها معلن و اغلبها سرى
لكن عملية صنع القرار معقده جدا داخل الاداره الامريكيه.. و مؤيدى الديمقراطيه الحقيقيه داخل الادراه الامريكيه عددهم اقل
و اوباما عنده تخوفات من التوقف عن دعم المستبدين
و التخوف ده ناتج عن الزيارات المتلاحقه لجمال مبارك و اعوانه لامريكا
و ناتج عن تحالف اللوبى الصهيونى مع مبارك و ده واضح حتى فى المقالات الاسرائيليه المؤيده لمبارك

جبهة التهييس الشعبية said...

س ما اقوالك فيما نسب اليك عن تلقيك اموال من فريدم هاوس و عن دور المخابرات الامريكيه؟
ج. القصه كلها ان كان فيه احد المصريين
و سمع عن الحركه و عرض يساعد
و كانت اجاباتى عليه اننا مش عايزين اى تبرعات نقديه
و لكن يمكن تبرعات عينيه زى موقع يبعت رسايل او ماكينة تصوير
ووافق و طلب يعرف احنا ممكن نعمل ايه الفتره القادمه
هو اللى طلب مش انا
و انا بعدها وجهتله لوم و قطعت معاه لما عرفت انه طلب فلوس بإسمى و لم يوصلنى بمصريين عندهم مركز تصوير او يساهم فى موقع لارسال رسائل
و العرض اترفض بالفعل
و قولت الحمدلله انه اترفض
و للزملاء اللى مسجلين حوارات عليا عندهم ما يثبت انى رفضت و ندمت على الخطأ ده زى ما ندمت على اخطاء اخرى و قولت الحمدلله ان مفيش فلوس جت
و ده مسجل فى احد حواراتى الشخصيه
لكنهم شغالين بمبدا ولا تقربوا الصلاه
بيظهروا من المعلومات ما يفيدهم فقط. .. و بياخدوا من سياق الكلام ما يؤيد موقفهم فقط و بيسيبوا الباقى

أما موضوع فريدم هاوس و المخابرات هاحكيه بعد اذنك كمان 3 ساعات لإنى المفروض اتحرك حالا من اسيوط و أروح المنيا علشان عندى شغل و القطر معاده قرب

*ماينفعش كده مش فاضيينلك

معلش ناخد فتره للراحه .. الموضوع لسه طوييييييييييل.. و كمان احنا هانروح فين من بعض**

جبهة التهييس الشعبية said...

عدنا
التعامل مع كان فريدم قولته قبل كده فى نوت سابق
اولا فريدم هاوس بتتعامل مع معظم المراكز الحقوقيه و منظمات المجتمع المدنى المصريه و عدد كبير من الاحزاب و ليها دور فى الكثير من المشروعات الراعيه للتدوين و الثوره الالكترونيه
ثانيا الهدف الاساسى من التعاون مع فريدم هاوس كان فى اطار التدريب و معرفة تجارب التغيير فى العالم و تعلم مهارات الاداره و التنظيم الجيد
ثالثا بقالنا خمس سنين فى مصر بنتكلم و بندرس تجربة بولندا و صربيا و جورجيا و صربيا محدش قال دول كخه غير دلوقتى
رابعا لم يثار موضوع ضباط المخابرات السابقين لاعضاء فى فريدم الا مؤخرا و بتهويل غريب و لم يكن المقصود من هذا التهويل و الاثاره اى خير لمصر و انما حرق اشخاص معينين و تدميرهم
خامسا المخابرات الامريكيه هى احد اكثر الجهات المتشدده و تقف تماما ضد التغيير فى مصر و تحارب كل محاولات دعاة الديمقراطيه فى الولايات المتحده رغم دورها فى التغيير فى اوروبا الشرقيه
و لكن المخابرات الامريكيه متحالفه مع النظام المصرى القائم و ترى ان نظام مبارك هو الامثل لتحقيق مصالح امريكا.. و موافقه فقط على ان تدعم فريدم هاوس المشروعات البحثيه و التثقيفيه و الحقوقيه... لكن اى مشروع حقيقى للتغيير فمرفوض بالنسبه لمصر.

س يعنى انت مش غلطان؟
لا انا غلطان انى دخلت فى سكك مالهاش لزمه ولكن كان بنية خير
و غلطان انى ماتوقعتش ان فيه نفوس بالوساخه دى و غلطان فى حاجات تانيه هاقولها فى الاخر
لكن حركة لن تمروا بياخدوا مقاطع معينه من كلامى اللى عملوا سطو عليه و بيحذفوا الباقى اللى قولت فيه انى مش عايز حد يفرض علينا اجنده و ذلك لاستكمال مشروعهم لتدميرى
و مش بقول ان كل اعضاء حركة لن تمروا زباله
و لكن اللى بيحركوهم و يسخنوهم زباله و فيه ناس كتير تم استغلال مشاعرهم الوطنيه

و بعدين انا ماسمحش ان شوية عواطليه و مرتزقة سياسه يزايدوا عليا انا بالذات فى الموضوع ده ... ما هو كل الناس بتقول انهم و حزبهم بيقبضوا من ايران لتحقيق نموذج الثوره الايرانيه فى مصر
كل الناس القديمه عارفين انا بقالى خمس سنين بعمل ايه و انى ضحيت بكتير جدا علشان قضيه التغيير
انا بشتغل مهندس و شغلى صعب مش سهل و بيكون جوا الجبل فى عز الحر و الشمس و ببذل مجهود رهيب للموازنه بين شغلى اللى الغلطه فيه بملايين و بيتى و عيالى و السياسه... مش هاسمح ان شوية مرتزقة سياسه يزايدوا عليا

جبهة التهييس الشعبية said...

س ز ايه موضوع احمد صلاح ده؟
ج ز موضوع احمد صلاح ان الراجل باختصار احد المتابعين لحركة شباب 6 ابريل
و احد المهتمين بالحركه
و كان ليه دور كبير فى انتاج افلام تسجيليه اجنبيه عن حركة شباب 6 ابريل
و الراجل اتكلم عننا كويس جدا فى احد المؤتمرات بصفته متابع للحركه و صديق ليها و قريب منها
و كان بييجى مع الصحفيين الاجانب للترجمه
و لكنه ليس عضو بالمعنى المفهوم
و لم يحضر اى انشطه للحركه
و سنه اساسا مايسمحش انه يبقى عضو فى الحركه
و لكنه من المخلصين لها
و الحوار اللى كان بينى و بين باسم بقوله ماتقولش ان احمد صلاح عضو فى الحركه
لان الامريكان فاكرينه عضو فى الحركه
لكن برضه بيتم اقتطاع الكلام من سياقه
و بيتم حذف اجزاء
و بيتم تجاهل حوارات اخرى تنفى المعنى اللى بيتم ترويجه

س. ايه رأيك فى عمليات الهاك اللى بتحصل و الحرب الالكترونيه الدائره حاليا
ج غلط طبعا ووساخه
لكن حركة لن تمروا بيكذبوا و مفبركين حوار ان محمد عادل هو اللى بدأ
لكن الحقيقه انهم بقالهم فتره بيخططوا لتدميرى و للسطو على الحركه
هما بصراحه مجموعتين
مجموعه عايزه تدمير احمد ماهر فقط
و التانيه عايزين الحركه تبقى لسان حزبهم و احمد ماهر هو العقبه فى طريقهم
و لو راضى يبقى طرطور ماشى .. لكن لو رفض يبقى ندمره
و سيبك من كل الشعارات الوطنيه اللى ظهرت فجظاه
منكرش ان فيهم محترمين لكن تم استغلال مشاعرهم الوطنيه
و هما بيعملوا هاك و خطه من زمان
و كنت رافض اننا نرد عليهم بنفس قذارتهم
و لما لقيت انهم بيحضروا خطه من اكتر من 3 شهور
و تشوف بعينك حوارات زى
اصبر يا حبيبى ماتشتمش ماهر دلوقتى
سيب فلان يدخل على الجروب و يقوله كذا الاول و بعيدن فلان يدخل يحرجه فى مش عارف ايه و بعد كده انت ظبطه... بس ماتبوظش الخطه اللى قربنا خلاص ننتصر فيها
طبعا لما عادل ورانى القذاره دى صدمت و استغربت ليه هما بيعملوا معايا كده و مجهزين خطط من 3 شهور و كل اما يقابلونى يضحكوا فى وشى
و فيه حورارت حذفتها حركة لن تمروا كنت فيها بلوم عادل على الهاك و فى الاخر حذرته من التعرض لكل ما هو شخصى
لكنهم للاسف طلعوا كمان اوسخ مما كنت اتصور و بيستغلوا حورارات شخصيه للتوقيع بين الناس و بيحرفوا الكلم عن مواضعه
و بيحذفوا اجزاء و بيزودوا اجزاء و بيستغلوا الاسرار الشخصيه اوسخ استغلال و ده عادل ماعملهوش و مش هايعمله ووالله لو عمله رغم وساختهم ماهعرفه تانى
علشان هما مش قدوه لينا

جبهة التهييس الشعبية said...

س طيب مش يمكن فيه امل للم الشمل و عودة المياه لمجاريها بدل موضوع الحركتين ده؟

ج . انا و الله بحاول بقالى شهور و عمال اطبب و اسكت و استحمل
لكن فوجئت بإنهم بيوقعوا بينى و بين كل الناس
و بيفرقوا الناس عملا بمبدا فرق تسد
و كان قبل الازمه دى فيه عرض من الاستاذ ض الفاضل الكبير الاسلامى
تبيع صحابك ولا نذيع
قولتله ذيع يا استاذ لكن انا مش هابيع حد من صحابى حتى لو غلط
و لو انت صاحبى زى ما بتقول كنت كلمتنى فى ودنى
كنت استفسرت و استفهمت و نصحت
مش تقعد توقع الناس فى بعضها
و بدل ما تتصل بفلان و تشتم فيا
و بدل ما تتصل بفلانه و تقولها يا تبقى معانا يا اما نفضح اسرارك
و بدل ما تتصل بفلانه و تقولها ماهر باعك خلاص و خليكى معانا
و تقعد تزعزع ثقة الناس فى بعضها
دا انت طلعت فعلا استاذ
و انا اللى كنت بدافع عنك بقالى سنه رغم ان كل الناس جوه و بره الحركه اكدولى انك وسخ و استاذ تدمير حركات لو ماعرفتش تركبها
و اقولهم عيب ... ابدا

دا صاحبى .. دا صديقى
انا مش هاقول اسمائهم لغاية دلوقتى بس كل واحد عارف نفسه
و التانى الفرقع لوز الاسلامى
اللى كان كل دوره انه بيصيب الناس بالاحباط و يقعد يقول مفيش فايده وة يقعد ينتقد
وبقاله سنه يقول انا مش فى الحركه .. و جحاى دلوقتى عمال يدمر فيها
و هو اللى بيعمل هاك من شهور
و هو اللى كان بيساهم فى تججهيز الخطط لتدميرى من 3 شهور مع مجموعتى لن تمروا
و الاوسخ انى اكتشف انه كان بيدخل باكونت مضروب زى ما هو قايل و كان بيشوه سمعتى و سمعة بنات سمعة زميل و يخوض فى الاعراض بالكذب
و هو اللى بيقطع الكلام من سياقه و يبعته للناس
و يقولك اسلامى
يعنى مثلا و انا بفضفض مع حد ممكن اقوله انا مخنوق من فلان
و بعد كده اقول بس فلان ده جدع رغم انه رخم
الاقى فلان مبعوتله عبارة انا مخنوق من فلان بس
و مثلا لو فيه حد من اصدقائى قولت عليه انه عبيط .. سواء كان سياق الحديث تهريج او فضفضه او زعل مؤقت
الاقيهم يروحوا باعتين ليه جملة عبيط
او لو شتمت حد فى وسط نرفزتى
الاقيهم بعتوها ليه مقتطعه من السياق
و يقولك اسلامى
ده فعلا اسلامى جدا
اسلامى خالص
الناس بتوع الحزب الاسلامى بيهددوا البنات بفضح اسرارهم الشخصيه اللى عملوا هاك عليها لو ما هاجموش ماهر

ولا شغل امن الدوله
ولا شغل الامن القومى
والله بتوع امن الدوله أو الامن القومى يتكسفوا يعملوا الوساخه دى و يتكسفوا يبتزوا البنات و يساوموهم
دول غلبوا صلاح نصر و صفوت الشريف

دا لو بتوع امن الدوله هددوا الناس بنشر فضائحهم و طلبوا منهم يبيعوا ماهر هانقول عليهم اوساخ
امال دول نقول عليهم ايه

و تقوللى ترجع الميه لمجاريها

و ترجع ازاى و هما حالفين انهم يدمروا ماهر و يخلوه يبطل سياسه و الكلام ده عليه شهود
ما يخرجوا و يطبقوا افكارهم الفضائحيه الاسلاميه بعيد
حد منهم شاف دقيقه واحده من العذاب اللى شوفته فى امن الدوله علشان الحركه دى ؟
حد منهم شاف الاهانه و المهانه و الذل اللى اتعرضت له لساعات لما قررت تحويل الجروب لحركه سياسيه؟
الحركه اللى شوفت الويل علشانها و خسرت شغلى و بيتى و اتعذبت بسببها فى امن الدوله لا ينفع اسيبهم ينسبوها لحزبهم و لا ينفع اسيب الحمقى يدمروها
بكل حب و اخلاص بقولهم كمفايه لغاية كده و مبروك عليكم الغنيمه اللى اخدتوها من الحركه و اخرجوا وهنيئا لكم حركتكم الوطنيه
و سيبونا تشتغل بطريقتنا و انتوا اشتغلوا
و هانبقى صحاب و حبايب و زى الفل و ننسق مع بعض شغل مشترك
لكن تبقوا وسطينا و تستغلوا اسرارنا للفضايح و التشهير و الاستيلاء على الحركه او تدميرها
لا طبعا
احنا مش فى حزب
و تكوين الحركات اسهل منه مفيش

وولا حزبكم ولا اى حزب هايسيطر على الحركه و يفرض عليها توجهاته
ولا حد جوه مصر او بره مصر هايضرب فكرتنا اللى اتجمعنا عليها فى البدايه

س. تفتكر حزبهم كله كده؟
ج لا طبعا فيه كتير محترمين ... و اتوقع ان لو مجدى حسين بره ماكانش ساب المراهقين دول يتصرفوا بالوساخه دى و باكرر ان فيه بينهم ناس محترمين تم استغلال مشاعرهم الوطنيه بديماجوجيه قذره و تم تضخيم بعض الاجزاء و اخفاء الكثير من الحقائق
و هناك بينهم مع لديه بعض الطموح السياسى
و هناك من لا يحركه سوى الحقد وحده
لكن الخطه بتاعتهم قديمه و ليها قاده و جنود رغم انهم على بعض مايكملوش 10

جبهة التهييس الشعبية said...

س يعنى انت مذنب ولا غير مذنب؟
ج مذنب فى حاجات كتير طبعا
و فيه حاجات طلعت حساباتها مش سليمه
اولها انى وثقت فى واحد و اعتبرته صاحبى و هو بقاله سنه بيرتب لتدميرى
و اولها انى وثقت فى ناس كتير
و زعلت ناس كتير
صحيح كنت مخبى التفاصيل دى منعا لتسريبها و للاستغلال السىء ليها
لان فيه ناس بتستغل الكلام ده لمصالحهم و لتدمير الغير زى ما حركة لن تمروا بيعملوا دلوقتى

لكن انا ماكنتش بعمل حاجه غلط
ولا هانفذ اجنده اجنبيه
و عدائى لامريكا و اسرائيل هايفضل موجود
و كشفت التفاصيل و لسه هاقول تانى بس فى نوت تانى علشان الناس مايزهقوش
و كله بعد كده هايبقى على المكشوف
و كويس اننا اكتشفنا ازاى القلوب بتبقى سوده

و اللى احب اعتذرلهم بأساميهم هما وائل عباس و محمود حرنكش
كنت فى لحظة انفعال قولت كلام بايخ عنهم
لكن مش قصدى
ولا يمكن اشكك فى وطنيتهم او نواياهم
و انا اسف على كل كلمه قولتها فى حقهم و يا ريت يعتبروها ذلة لسان

و بعتذر لاى حد تتبعتله رسايل من مجموعة لن تمورا
اصلهم بيبعتوا كل حاجه قولتها عن حد
بيبعتوا الوحش و يمسحوا الحلو
كلنا ساعات بننتقد بعض
لكنهم بيوصلوها بصوره قذره
و يا ريت اللى زعلان منى يكلمنى
لكن اللى هايشيل فى نفسه و يبدا يتآمر احسنله يروح لن تمروا و يريح دماغه و يرييحنى

** خنقتنا يا اخى .. هل لديك اقوال اخرى
• اه
• احب اوجه تحذير سريع لكل البنات و الشباب الابريليين
• و البنات بالذات
• الحقوا غيروا باسووردات الايميلات و الاكونتات بتاعة الفيسبوك علشان هاكرز حركة لن تمروا بيسجلوا كل الرسايل و كل الاسرار و بيساوموا بيها الناس و يبتزوهم و هايطلبوا منكم الانضمام لحركتة لن تمروا
حصل فعلا ان قائد لن تمروا اتصل بناس و بعتلهم اجزاء مقتطعه و مساعديه بيعملوا كده كمان
و لو الناس رفضوا الانضمام لحركة لن تمروا بيبدأ التهديد بفضح الاسرار
الكلام ده حصل من الاستاذ الكبير و بعض مساعديه فى الايام اللى فاتت و لغاية دقيقتين فاتوا
و بيحصل و كله يستعد لتليفون منه او انه يقولك عايز اقابلك و نتكلم
• و احب اطمئن كل الناس سواء اعضاء حركة لن تمروا او اى حد...
• قادة و مخططى و قادة حركة لن تمروا ليسوا قدوه لنا
• التجسس عموما خطا فظيع .. و حتى لو عادل كان عمل كده كرد على اختراقاتهم فده خطا لن يتكرر .. و الباسوردات كانت مع عادل فى مكان آمن و كان بيمسحها علاج للخطأ
• و جارى تدمير كل الملفات السياسيه و اسرار خطة لن تمروا لتدمير احمد ماهر و اخراجه من السياسه بفضيحه
• و لم يتم اساسا التعرض لاى شىء شخصى و لم يتم النظر اله من الاساس

للاسف اللى بيحصل ده بيضعف الحركه جدا
و لو استمر بالتأكيد هاينهى على البقيه الباقيه
و الامن واقف بيتفرج و مبسوط
و يمكن يكون ليه دور كبير فى التخطيط لتدمير الحركه

لكن الشباب المخلصين للفكره و الغير متعصبين بالتاكيد هايكملوا مهما زاد الابتزاز و التهديد و التشويه

و الى اللقاء فى الجزء الثانى و اتمنى الا اضطر لنشره

جبهة التهييس الشعبية said...

التعليقات اللي فاتت دي كلام احمد ماهر على الفيس بوك

mido said...

شكرا جزيلا

كل ده

مى said...

كلام و مواقف تحير


بس واضح إن الشباب دول كانوا داخلين بطاقة حركة قوية جداً


و لما إتقفل عليهم الميه و النور


بدأوا للأسف يخبطوا فى بعض


مع عدم وجود كبير يوجه

العملية زادت


صحيح منقدرش نشكك فى نيتهم فى بداية الحركة

لكن برضة فيه أبجديات للتعامل الأخلاقى فيما بينهم

واضح من كلام ماهر "صاحب الحديث"إنهم تجاوزوه

جبهة التهييس الشعبية said...

والله يا مي انا مش عارفة هم محتارين في ايه ومحيرين بعض ليه

مال المعونة ده مال اموات
بجد مش هزار
ده مال الغلابة اللي بيندبحوا كل يوم والتلاتة مليار اللي تحت خط الفقر
هو ده مصدره
وهدفه استعماري ومعروف
وهدفه افقار الدول الفقيرة اكتر
واللي ياخده ينزل عليه زي ماهو عايز

التنطع بقى مالوش لازمة
اللي عايز ياخده ياخده بس ما يعملش علينا شريف وعايز يحلل الحرام ويحرم الحلال على كيفه عشان اهوائه
ماتعرفيش ياختي الناس تيجي لحد الفلوس وتبصي تلاقيها اتبلبلت وعملت زي اللي بيقولوا: انما البيع مثل الربا

عشان الموضوع فيه سبوبة وهم عايزين يحللوها لروحهم

انا مش عارفة ايه اللي وصل الموضوع لكده
ناس قابلة على نفسها حاجة
وناس تانية ليها رأي تاني

اللي قابل اهو قابل بس ما يطلعش تلاتين ابونا وكمان يحملنا جميلة ويعمل مناضل ومش سايب حد الا لما مزايد عليه وماسكين في مصطفى بكري اللي ما تعرفيش هو يفرق عنهم ايه
واللي مش قابل يقول رأيه من غير شرشحة ونقل كلام واختراق ميلات وحاجة وسخة فعلا

ايه دخل اعراض البنات والفلان قال عليك وعلان كبب في وشك وفلان بيشتغل مع السي اي ايه
سي اي ايه؟
هي السي اي ايه بتلم عشان تشغل عيال لسة بالغين اول امبارح العصر؟ هم لاقيين فلوسهم في الارض؟
الحكاية كلها مش اكتر من شحاتة
خلصنا

ووالله حتى الشحات ممكن يبقى محترم لو متسق مع نفسه زي سعد الدين ابراهيم وللا زي طارق حجي اللي كتب يقول: وكانت اسعد لحظات حياتي حين كنت ارى قوات الحضارة تضرب جحافل التخلف في افغانستان

فيه اوضح من كده؟
ماكل واحد يخليه واضح كده بدل شغل الهئ والمئ

هو فيه حد بياخد كل حاجة؟ فلوس حرام ونضال؟
ده عند امه لالو الكلام ده

مى said...
This comment has been removed by the author.
Founoon said...

رد ادهم الصفتي وجعلي قلبي
بس للاسف دي جقيقة
مش مجال دلوقتي للرغي فيها بس هي حقيقة
العيال اللي هيعتصموا بكرا في ميدان التحرير لو عرفوا فعلا يوصلوا اساسا ما اظنش ان الحكاية المرة دي هتخلص على سحل واعتقالات والحاجات دي
متهيألي رد الفعل هيكون اسوأ بكتييييييييييييير
وفوري

ربنا يستر

TAFATEFO said...

مقال إبراهيم عيسى عن سعد الدين إبراهيم

لحضرتك تعليق؟

TAFATEFO said...

إبراهيم عيسى

من أول السطر

هل يمكن أن تتوقف الأيادي البيضاء في جهاز أمن الدولة عن دفع البعض إلي إقامة دعاوي قضائية تافهة وبلا معني وبلا سند قانوني وبلا هدف سوي الضغط علي أعصاب دكتور سعد الدين إبراهيم بعد حكم أمس ببراءته، والذي أعرف وتعرفون أن البعض سيزعم أنه أحد الأثمان المطلوبة من النظام المصري للحصول علي ثقة إدارة أوباما ؟

أري وأتابع وأسمع كل يوم تقريبا طنينا مزريا في رذالته، سخافته وافتقاده أبسط قواعد الأخلاق أقول الأخلاق، لا أخلاق المهنة ولا أخلاق الفرسان.. بل الأخلاق عموما.. ضد دكتور سعد الدين إبراهيم.

تعالوا إلي حقائق أساسية قد تجعل هجومكم علي سعد الدين إبراهيم أفضل وأكثر احتراماً واحترافاً:

1- دكتور سعد عالم اجتماع مشهور عالميا ومرموق دوليا ولا يقل في علمه وشهرته ومكانته عن دكتور أحمد زويل مثلا والمثال للتقريب وليس للمقارنة، وهو موضع احترام في كل أرجاء العالم سواء لعلمه أو لجهاده من أجل الديمقراطية في العالم العربي ومصر قطعا، إنكار هذه الحقيقة محض عبث، وتجاهل هذه الحقيقة إنما يعبر عن كراهية للرجل تعمي القلوب قبل العيون وتصبح مشكلة صاحبها وليست مشكلة سعد الدين إبراهيم.

2- دكتور سعد من المنصورة «دقهلية» ويحمل الجنسية الأمريكية، والأمر لا هو بالعار ولا هو بالشنار، وإلا توقفوا عن التهليل الموسمي للدكاترة أحمد زويل، ذهني فراج ومجدي يعقوب وغيرهم علي أنهم علماء مصر في الخارج ومعظمهم من حملة الجنسية الأخري، والغريب كذلك أن عشرات من أبناء الكبار في بلدنا يحملون جنسية أمريكية أو كندية مثلاً إلي جانب الجنسية المصرية (...) . ومع ذلك فالتدليس الرسمي هو الهجوم علي سعد دون غيره، بل من غيره شخصيا من حملة الجنسية الأخري، ثم إن الدكتور سعد الدين إبراهيم حاز الجنسية الأمريكية أثناء فترة دراساته العليا في أمريكا بعد أن سحب منه الرئيس جمال عبد الناصر الجنسية المصرية (...). فكان طبيعيا أن يحصل علي جنسية أمريكية خصوصا وقد تزوج من أمريكية (أسلمت وسمت نفسها «بركة» بدلا من اسمها الأمريكي «بربارا»، وهي كذلك واحدة من النساء العظيمات في حبها زوجها وعشقها لمصر) وقد عادت الجنسية المصرية لسعد إبراهيم في عهد الرئيس السادات.

3- كم من مصري بلا جنسية أمريكية يعمل خداما للسياسة الأمريكية ويعبد أوامر الأمريكان، بل يتحالف مع الصهاينة ضد الفسلطينيين.

4- تنطلق الحناجر في الهجوم علي تخصيص أموال من المنحة الأمريكية لمركز ابن خلدون الذي يديره دكتور سعد الدين إبراهيم، بدعوي أن هذا تدخل في الشئون الداخلية رغم أن المعونة ذات نفسها تشترط صرف مبلغ أضعاف ما حددته لمركز سعد الدين إبراهيم لرجال أعمال مصريين من أمانة السياسات ومن رجال جمال مبارك شخصيا ويحصلون كل سنة علي حصة من المعونة بالسنت والدولار، والسؤال: إشمعني لا تعتبر الحكومة تخصيص المعونة الأمريكية لرجال أعمال تدخلا بينما تنفش ريشها علي دكتور سعد؟! هل لأن الأخير يدوش دماغنا بالكلام عن الديمقراطية بينما الآخرون بتوعنا وزيتنا في دقيقنا؟!.

5- الذي أفهمه أن الاتهام بالعمالة يعني اتهاما بالتجسس وتوجيه هذا الاتهام تحتكره جهة وطنية واحدة في مصر وهي جهاز المخابرات العامة، هي وحدها دون غيرها التي تملك أن تتهم فلانا بالتجسس، وساعتها يذهب للمحاكمة وقد يكون بريئاً وقد يكون مذنباً، أما أن يتحول بعض المتصاغرين من رابطة محبي الأجهزة الأمنية إلي إقامة قضايا وتقديم بلاغات للنيابة وتحولها النيابة في غرابة مذهلة ومثيرة للاستنكار إلي المحكمة وكأنها سبهللة، فأي عابر سبيل يقدر علي اتهام أي مفكر أو معارض بالعمالة ثم يصدر حكم ابتدائي، الله وحده يعلم عمَّن صدر فعلا ولماذا وبناء علي إيه بأن فلانا عميل ؟ ما هذا الخطل، وهل كي يتقرب ضابط لرؤسائه أو محامٍ لضابط أو شخصية متهمة بالفساد تتودد للدولة يترخصون لهذه الدرجة ؟

6- سعد الدين إبراهيم يهاجم سياسة النظام المصري ولا يهاجم مصر، ومصر ليست النظام ولن تكون، مصر أكبر من النظام وأهم من أي واحد فينا كبيراً كان أو صغيراً، ومصر لا يحتكرها أحد وسعد الدين إبراهيم يدعو للديمقراطية في مصر، لا هو كَفَرَ ولا أراد لمصر سوءاً حتي تمنعوه عن دخول بلده وعن الحياة في وطنه، فهو بلدنا جميعاً وليس بلد الحزب الوطني!

7- دكتور سعد الدين إبراهيم مفكر له أخطاؤه وخطاياه ومحاسنه وفضائله، تختلف معه وتتفق، تعارضه وتوافقه، تحبه وتكرهه، تتغاظ منه ويفرسك أو تحييه وتهلل له، ترتاح لتصرفاته وأفكاره أو يلعب الفار في عبك مما يقول، كل هذا ممكن لكن الشيء الوحيد الذي لا يملكه بني آدم فيكِ يا مصر هو التشكيك في مصرية ووطنية الرجل..أو أيّ رجل!

جبهة التهييس الشعبية said...

يعني حاطط اللنك وواخد كوبي بيست للمقال

يا ترى ليه؟

ما كفاية يا اللنك يا تنقل المقال

وتعليقي الوحيد:

شفيتم

TAFATEFO said...

أصل ممكن يكون مش مسموح للي مش أصحاب أحمد صلاح

زي ما حضرتك بالظبط نقلتي نوت أحمد ماهر مع انك حاطه اللنك

تفتكري ممكن أكون بصيع عليكي أو بكذب في حاجه زي كده .. منوفي وأعملها .. عموماً برضه خدي حذرك يمكن يكون اللنك مفخخ .. وخلي بالك من حرف الـ ر وانتي بتقري علشان الحرف ده بالذات مكار

:D:D:D:D:D

مش فاهم شفيتم يعني ايه .. بس الذوق والبروتوكول بيحتم الرد الطبيعي في الحالات دي

شفاكم الله وعافاكم

:D:D:D

TAFATEFO said...

أنا امبارح مفهمتش ان جمالات كفته ده اسم المغنية .. ده طلع اسمها كده بجد

:D:D:D:D:D

ان شالله ميرسي ي نوارة هانم .. منتحرمش منك

جبهة التهييس الشعبية said...

ما انا عمالة اقول لك جملات كفتة من امبارح
تقول لي
ياريت بقى تقولي لي اسم المطربة
اقول لك جملات كفتة يابني
مافيش فايدة

شفيتم دي لابراهيم عيسى

والمفروض بقى ان هو اللي يقول لي عوفيتم

اصله الحقيقة كتب المقال ده في الحمام

TAFATEFO said...

جمالات كفته : يا عيني اخيه .. يا سيدي اخيه

أنام وأشخر .. قالتلي ماما أتبخر بعين عفريت

يا عيني اخيه .. يا روحي اخيه .. يا سيدي اخيه

:D:D:D:D:D

عبقرينو said...

الى أدهم ونوارة وكل من له نية لإصلاح هذا البلد
فعلا ياأدهم دورك دلوقتى انك تجتهد فى شغلك وتتفوق فيه وتحافظ على اللى حواليك ولكن مع عدم تغيير مبادئكء من فضح الظلم والقهر ونشر العدل والمساواة والإيجابية بين الناس او ايه مبادئك اخرى ولكن
دعوة كفاية لوقفة احتجاجية او ماشابه لابد وان يذيل فى آخر الدعوة بمخاطر تلك الوقفة او ذلك الإحتجاج وبالتالى من ينزل فهو يتحمل تبعات اصراره على المبدأ والتضحية والا كيف يكون التغييير بدون تضحية؟؟؟
شاركت فى معظم الفاعليات والتظاهرات من اول بداية الحراك وحتى 25 مارس 2007 يوم الاعتصام الشهير فى التحرير والذى خلص الى مبيت فى نقابة الصحفيين والذى استطاع تهريبى من الامن للحاق بسفرى للخارج هى العزيزة ندى القصاص وتوصيلى الى بيتى والاطمئنان على وفى كل مرة كنت انزل فيها لأى فاعلية كنت اعلم تماما تبعاتها وحتى إضراب 6 ابريل 2008 والإضراب الآخر 2009 شاركت فيهم الخلاصة ان من يشارك فى كل هذا عليه ان يدرك كل تبعات مشاركته
بالنسبة لمناضلى منابر الجزيرة واللقاءات الصحفية فهم لايختلفون الا فى الشكل ايضا عن مهادنى النظام وماسحى جذم الرئيس ومعاونيه الكل سواء يسعى لمصالحه الخاصة
اعرف شعورك وانت تقول ياكشى تولع ولكنها تقولها بحب ولما هاتشوفها بتولع انت اول واحد هاتروح تطفيها غيرك هايركب طيارته ويسافر احنا اللى ليها ياادهم مهما كان ومهما حصل
فى النهاية التغييييييييير قادم لامحالة حتى لو انتظرنا 25 سنة اخرى المهم ان نبدأ بتغيير واقعنا الصغير من عمل واسرة واصدقاء وفى النهاية سيتغير الوضع بالكلية

mido said...

@nawara


ليه مش عجبك المقال ؟


خلاصة مقال عيسى


الشيء الوحيد الذي لا يملكه بني آدم فيكِ يا مصر هو التشكيك في مصرية ووطنية الرجل..أو أيّ رجل


و ده كان نفس رأى مجدى مهنا الله يرحمه

------

@tafatefo

انت جبت المقال و

مقلتش رأيك فيه ؟
!!

الكلمة نور said...

فاجرة جدا جمالات كفته

فهلاو said...

حاجتين

الأولانية إن حكرة ستى إبريل اتولدت مأزومه
أزمتها هى أزمة تمثيل
اعجاب شباب بفكرة الاضراب ودخولهم ع الفيس بوك فى مجموعة لم يكن يعنى بحال اعطاء حق التمثيل والحديث السياسى باسمهم للسيد احمد ماهر او الاخت اسراء، وما حدث هو اختطاف واضح لهذا الحق، انا عضو فى عدة جروبات ع الفيس بوك ولا اجد سببا للسادة موديراتورز الجروب انهم يتكلموا باسمى حتى ولو فى شأن يخص موضوع الجروب

كونى معترض على مبارك ومتفق مع الاضراب كحدث لم يكن يعطيهم الحق فى تفعيل اليات مؤسسية وعمل تنظيم وعقد لقاء لللحديث باسم سبعين الف شاب، ده كان قفز على حقوقنا وسرقة سياسية بالاكراه
وانتهى بهذا الكم من التخبط الفضائحى وجسبنا الله ونعم الوكيل

الموضوع مش محتاج ظابط امن دوله
هما ظبطوها والحمد لله

ثانيا مقال ابراهيم عيسى عن سعد الدين ابراهيم لم يجاوز الحقيقة
نختلف او نتفق مع سعد لكن ما جرى له شئ غبى وتخوينه على خلفية تعامله مع ندوات ومؤتمرات تمولها وزارة الدفاع الامريكية كان يجب ان يطال المشاركين الاخرين ومنهم على الدين هلال وعبدالمنعم سعيد لكن ما حدث وهو بالطبع شئ مش ولابد اتهم به ابراهيم وحده على خلفية خلافه السياسى مع مبارك ومش منطلق وطنيه ولا يحزنون

انا مش من عشاق سعدالدين ابراهيم ولا ايمن نور ولا اراى فيهم اى جداره للحديث عنهم كخلفاء لمبارك، مصر بها من هم افضل منهم بكثير

لكن لهم وجهة نظر يجب احترامها ولم يستطع فرد واحد ان ينسب لهم فعل الخيانة الوطنية ولا العمالة ومن ثم كل ما جرى وكان يجرى لهم هو نوع من الاضطهاد والتشهير السياسى والتنكيل بالمعارضين

تحبى ابراهيم او تكرهيه تحبى سعد او تكرهيه لا يغير من حقيقة ان اللى جرى اضطهاد واضطهاد صرف

تحياتى واعجابى بنشاطك التدوينى النهارده

TAFATEFO said...

amazing http://tinyurl.com/luvnotalk